نتاليااا بقات حتى لصباااح عاد فاقت فين حلات عينهااا لقاااات نائل قدامهااااا
نائل : صباح النور حبيبتي (باسلها يدهااا)
نتاليا : نائل انا...... (بغات توقف)
نائل : لا لا خليك راكي مزال عيانة
نتاليا : (حطات يدها على كرشهااا) ولدي....؟؟
نائل : متبقايش تڭولي ولدي ڭولي ولدنا راه مزيان
نتاليا : (تنهدت) الحمدلله ......
دخل الدكتور عند نتالياااا راقب الحال ديالهااااا.... بقااات سيمانة وهي تحت المراقبة فالكلينيك.....جا الوقت لي تخرج فيه من الكلينيك نائل كانووو وجدولوو الدار ديالووو داهااا لتماااا.........
#بعد_ مرور _شهرين 🌿
نتاليا ✅
هاد الشهرين لي دازو غيرو فيااا بزاااف بقيت شهرين كلهااا ف فرانساااا واخااا نائل داني لدار كان ديما يجيبني لكلينيك نراقب صحتي و صحت ولدي وحتى من شعري بدااا يكتار ويطوال عطاوني بزاااف ديال برودوي ديال علاج الشعر والحمدلله رجعت مزيانة بزاااف و الحب زاد كتر بيناتناااا انا ونائل و قررنا حتى نولد عاد نديرو العرس و السبوع ف نفس النهااار ... ودباااا راني فالمغرب الطيارة ديالنااا عاد وصلات بقى فيا لحال عائلتي ڭاع مجاو عندي لمطار خرجنا من المطار لقينا الطموبيل كاتسناناااا ركبناااا و نيشااان لدار ديال ماما....
انا : نائل اش غادي نقول لماما و خالتي فوزية واياس وحتى من التوآم على كرشي
نائل : تنفخااات اش غادي تڭولي (😂😂😂)
انا : اووووووف حشومة عليك
نائل : ياك نتي دبا مزوجة صافي ماشي شغلهم
انا : اااه عندك الحق انا دبا مراة مزوجة و حاملة من راجلي لي هو انت
نائل : الله يرضي عليك
انا : هههههه عرفت متشوقة غير امتااا نشوفهم
نائل : حتى هومااا راه كولشي مجموع وكايستناك حتى من الواليدين ديالي غادي يجيو
انا : واش بصح؟؟؟ انا اول مرة غادي نشوفهم
نائل : حتى هومااا .... دبا تشاوفوووو
انا : اااه ان شاء الله
نائل : (صونا التيلي ديالو وجاوب) الووو...!!
رياض : وفين مزال معطل؟؟
نائل : نووو قريب قولي واش وصل؟؟
رياض : واااه راه وصل
نائل : مزيان (قطع) ...........
معرفتش علاش جاتني الطريق بعيدة... اووووه واخيراً وصلنااااا غير نزلت من الطموبيل اول وحدة شفتهااا هي ماما مشيت عنقتهااااا
دخلت انا لدار كيف قالي وبقى معاه رياض و اياس ڭلست فوست عائلتي احساس زوين ماما و بابا و خوتي و حتى من ختى نعمة وشيماء حتى هي جات كولشي كان مجموع و خداية بغيت نطير بالفرحة وعاد فيا الخلعة ملي غادي نشوف الاب و الام ديال نائل عارفة من طبقة راقية نتمنااا غير يكونووو ضرااف هههه ......
ايما ✅
سمعووو الدقان فالباب مشااا عمير فتح كان أحمد ونصيرة وأغيد ونائل طبعاً و حتى من رياض و اياس و فورات دخلوووو لدار وجايووو لكادوات لمرت ولدهم ڭلسووو حداهااا وتعرفوو عليها عن قرب نتاليا رتاحت ملي عرفاتهم ضريفين اما نعمة مبغاتش تحيد عينهااا من أغيد و حتى هو اياس فحالي عاق بصح بقى يضحك ومڭال والوووو اما شيماء معرفات فين تشوف واش ف اياس و لا ف رياض هههه .... تعشاو مجموعين فجو كلووو ضحك سالاو العشة ونائل جمعهم كاملين وهدر معاهم وحدد نهار العرس كيف تافق هو ونتالياااا سيمانة مورة لولادة ديال الولد يديرو عرس و سبوع وشرط عليهم بلي نتاليا تمشي من دبا تعيش معاه فدارو "فالبيت الاسواد" كاملين وافقووو و باركووو ليهم دازت ليلة زوينة بزاااف بنسبة لنتاليا و نائل..............
بعدا_مرور_5_شهور🌿
>منقولوش 9 شهور حيت منين كانت بدات فالحمالة بداو يتحسبووو الشهورة< فهاااد النهااار بدااات تولد البيبي عائلة العمراني ربي رزقهم بولد ماشاء الله جمع شوية من الام ديالو وشوية من الاب ديالووو امااا لعنين خلاص مع مزال صغيور كايبانوو فشكل حتى يزيد يكبر شوية ويبااان لينااا كتر.... ولداتوو بالعملية
دازت عليها مسكينة داوهااا لغرفة و عطاوها ولدها ترضعوووو و نائل كان معاهااا عاونها باش ترضعووو عاد جاااو عائلتهااا داخلين و حتى من عائلة ديال نائل ديك الغرفة عمرات جاب الله كبيرة هههههه
نصيرة : (هزات الولد بين يدها) تبارك الله شحال زوين
أحمد : تبارك الله كايشبه لباااه
عمير : (طل عليه) لا كايشبهلي
عمر : كايشبهلي انا
عمير : (شاف ف خوه) ياك حنا توآم ولا؟؟
عمر : اااه حنا توآم
عمير : ايوا صافي كايشبهنا بجوجنااا
نعمة : الله يستر باش يشبه لعينين الجن راه فعااار الله (😂😂😂) ...
رياض : (قرب لودنووو وآدنلووو) سند سميتوو غادي تكون سند
نائل : سند زوينة بزااااف
نتاليااا : اااه زوينة
ابراهيم : نهار السبوع نديرو سميت سند
أحمد : لااله الا الله عليهااا مشاااات
رياض : عرفتي علاش انتاليا ختاريت ليك هاد السمية
نتاليا : لا قولي ؟؟
رياض : (سند شد ف صبع رياض) حيت كان معاك ومساندك فالمرض ديالك كان حتمال كبير اما تعيشو بجوج ولا تموتوو بجوج ولا واحد فيكم يضيع عمرو بصح هو صبر للالام ديالك والمعانات ديالك تقدي تكوني هملتيه بلاما تحسي بصح هو لا وربي كتبووو ليكم يقدر يغير حياتكم كلهااا
نائل : مناسيش راه مزال الحال واصلا انا موجد كولشي نتي غير رتاحي (وقف) خلينا نفطرو ونمشيو لقصر ديال الواليد
انا : ههههه واخااا بلاتي بعدااا نرضع سند
نائل : فطري لول
انا : هههه واخااا واخااا..........
فطرناااا و رضعت سند وجدنااا راسنااا حنا بتلاتة هههه وخرجنااا من الدار وركبنااا فطموبيل نيشان لقصر ديال اسي أحمد...مع الدخلة عرضونا الدقايقية و عيساوة نائل غير نزل من الطموبيل دخل ديريكت لقصر معندوش مع هاد الشي......المهم لقصر كان عامر بناااس انديرو السبوع دبااا وبليل العرس فالقاعة.....طلعاتني الام ديال نائل لبيت نائل نيت كانت تمااا الكوافورة كاتسناااني باش دير ليااا لميكآب وطلبت منهاااا ديرلي ميكآب غير خفيف حتى ليلة ديال العرس عاد نديرو تقيل قادات ليااا شعري هو لول عاد وجهي ودخلووو عندي شي بنااات جابو ليااا قفطان لي غادي نلبس حطوه وخرجووو... وجدت راسي وهبطت شفت عائلتي مشيت سلمت عليهم و عيطلي نائل باش نحدر لدبيحة و ديت معايا ولدي.. شافني نائل وجا داه مني... صافي درنااا سند دبحووو وديت سند ورجعت عند عائلتي....
قاتلي نعمة بلي غادي نقش وانا عجبني لحال ڭلست وبقيت نستنااا ف نقاشة تجي هههه.....جات النقاشة نقشااات لياااا ....حطووو الغدا تغديناااا...مع انا كانو يدي محنين نعمة كانت توكل فياااا....سالينااا الغدااا ومشينااا ديريكت لقاعة طلعت لواحد البيت تمااا انا ونعمة وشيماء و طبعاً حتى سند معاياااا....
انا : ناااري شكون نسيت
نعمة : مالكي شكون نسيتي؟؟
شيماء : ياك لاباس؟؟
انا : عايدة غادي تكون فالمطار دبااا
نعمة : اهاااه ومن بعد؟؟
انا : نعمة كيفاش ومن بعد؟؟
شيماء : شكون عايدة؟
نعمة : وحدة بغات تديلي ختي
انا : هههه لا لا مغادي يديني منك غير سند اما هي لا متخافيش
نعمة : مبقيتش خالتووو سالينا (😂😂😂)
انا و شيماء : هههههههههههههه
انا : صوني على شي واحد من الدراري يمشيو يجيبوها عافاك
نعمة : واخااا انا غادي نقولها لرياض (صونات على رياض و غالتهالووو)
شوية دخلات عندهم عايدة سلمااات على البنااات وعنقااات نتالياااا وشحال وهي وياااهااا يهدرووو ....خرجوووو لبنات من البيت وبقات نتالياااا فاقلهااا سند رضعاتووو ورجع نعس وڭلسات فالكرسي وضارو بيهااا النڭافااات .......
سالاولهااا ولبسوهاااا لبسة لولى" قفطان فالبيض" ..... دخل عندهااا نائل و وقف قبالتهااا وبجوجهم بقاو ساهين ف بعضياتهم اول مرة تشوفو بالكوستيم وهو اول مرة يشوفها بلباس تقليدي طلب من دوك النڭافات يخرجووو وبقى غير هو وياااهاااا ولدهم.......
نائل : (صفر) عندي الزين سعداتي
نتاليا : ههههه حتى انا سعداتي بيك
نائل : (قرب لعندها وباسلها يدها) والله انا معنديش مع هاد الشي كلووو بصح هدي ليلتنااا انا وحبيبتي ومن حقنااا نفرحووو ياك؟؟
عطااا سند لرياض ورجع عند نتاليا شدلهاا فيدهااا و هبطووو... دخلووو فوسطت القاعة على انغاام "ماهر زين" باراكة الله "وڭاع لمعروضين بقاو يشوفووو فيهم
دازو من حداا رياض كان شاد سند شافووو فيه وضحكوو....... جابو المغانين منهم طهور و الداودية ونعمان بالعياشي و زهير بهاوي والفرقة ديال الرڭادة.... المهم العرس اسطوري بكل معنى....
نعمة : متفرحيش بزااف غادي نمشي نقاد مكياجي ونجي شدولي بلاصتي والله يعميها لشي وحدة .....(😂😂😂) (مشااات) ...
خلات البنااات شادين فكرشهم ويضحكووو .......
نتاليااا بقااات تبدل فلبااسي... وكولشي نااضو بداو يشطحوووو نعمة ملي شداتها ماڭلسااات هههه عايدة حتى هي و فورات محيدش عينووو منهااا وحتى هي ماشي ساهلة مرة مرة كاتسرق الشوفة فيه ........ وأخيراً لكسوة لبيضة لكل وحدة تمنااا تلبسهاا لشخص ليستاااهل ...... دار DJ موسيقى هادئة "الرقصة الاولى"
ناض نائل ونتاليااا كايرقصووو وكولشي ناض معاهم لمزوج رقص مع مرتووو ولمصاحب رقص مع صاحبتوو امااا توآم عمر مع الام ديالووو و عمير مبانتلوو غير براءة قال اللهم هي ولا بلاش هههههه
اياس كان مشا عند شيماء لطبلة لي كانت ڭالسة فيها بقا يهدر هو وياهااا و وقف عليهم رياض
رياض : اياس جات نوبتك تشد سند
اياس : الله الله مانقولش لا عطيني السبع ديالي (شد من عندووو سند)
شحال وانا ندور بيه و نسكت فيه عاد سكت حطيتو ومشيت بدلت بزربة ورجعت رضعتوووو عاد نعس
نائل : نعس؟؟
انا : ااااه انحطوو فبلاصتوووو
نائل : ااه حطيه و دخلي دوشي تحيدي منك لعية
انا : بصح نيت محتاجة لشي دوش يكون هو هدااك..
حطيت سند و دخلت لدوش دوشت و خرجت نشفت شعري ولبست بيجامتي ماتسناوناااش نديرو شي حاجة هههه مزال مريضة هههه نائل كان متكي فوق الناموسية ومشيت تخشيت فيه ........
نائل : انا ممرتاااحش ومعارفش علاش
انا : والله حتى انااا
نائل : واخااا دبا صبح لحال خلينا نعسووو
انا : اااه من الاحسن...
نعسناااااا..... 😴😴
ف لول فقت على لبكااا ديال سند نضت ردعتووو ورجع نعس بعدا الحمدلله كاينعس براااف هههه ورجعت نعست حتى حلات النعسة وهو يصوني التيلي ديال نائل فقت و حتى هو شاف هز التيلي و جاوب ....
نائل : اش كاين اصاحبي ؟؟؟
رياض : ماتڭوليش مزال ناعس؟؟
نائل : وخليتونااا نعسووووو
رياض : هههههه راها 4 ديال لعشية نوض تحرك
نائل : مزال لحال
رياض : عليك انت مزال الحال نوض غادي نمشيو لدار لكاينة فالغابة انا وياك و اياس و أغيد نحيو الايمات ديال شحال هدي
نائل : ما فيا ليمشي
رياض : لا غادي تمشي وبزز منك منهنااا نص ساعة نلقاوك واجد.... (قطع)
انا : نائل شكون؟؟
نائل : هدا رياض قالك انمشيو لدار لي فالغابة انا وهو واياس و أغيد كيف كنااا كانديرو شحااال هدي
انا : ماتمشيش
نائل : علاش؟؟
انا : ماعرفتش خاطري مامهنينيش متمشيش
نائل : حتى انا مامرتاحش ولكن مزيان جات فوقتها بغيت نبدل الجو (ناض) نوضي وجدي راسك نديك عند الام ديالك
انا : واخااا (ناضت) ...............
ايما ✅
عايدة ملي سالة العرس مشات مع نعمة لدارهااا ملي مشاو لدار وهومااا يهدرو وتقول واش عياااو ولا قالووو نعسوووو وجااا لوقت لي ترجع فيه ل بلجيكاا ودعات نعمة والام ديالها وباااهااا وخرجات شدات طاكسي ديريكت لمطااار ڭلسااات تستناا لوقت لتمشي فيه جبدااات التيلي وخشااات كمارتهااا فيه.......
نائل اول حاجة دارها وصل نتاليا ندار مهاا ومشاااا دار مع رياض يتلاقاااو فالقهوة ديال ديمااا مشااا لتمااا دخل عندهم شربووو لقهوة عاد خرجووو شدو الطريق ديريكت لدار ل فالغابة وصلووو ودخلولهاااا....
أغيد : رياض كاتباان منور
رياض : ڭول تبارك الله ههههه
اياس : هههههه عندوو الصح باش ماتعينوووو
نائل : فيااا الجوع انا
رياض : هههه انا نطيب لخوياااا
نائل : لا بلاش منهااا انا نوض...
رياض : صافي انااا
اياس : لا انت ولا هو انااا
رياض : ههههه والله مايقرب شي واحد لديك لكوزينة قلت انا صافي اناااا وراني حلفت ماتحنتونيش
أغيد : هههه يلاه غير توكل على الله راه حتى انا جعت
رياض : هههه دبااا نيت...
مشااا رياض لكوزينة واياس و أغيد شعلوو التلفازة يتفرجووو ونائل طلع لبيت ودار ابيل فيديو مع نتاليا
وصلوووو لكلينيك نائل خرج رياض من طموبيل وهازوو بين يدووو دخلووو لكلينيك وهو كلوو دميااات شافوهااا الفرملين ومشاااو كايجريو داوه منوووو ودخلوووه ديريكت لغرفة ديال العملياااات نائل شاف الدكتور ديال العائلة ومشااا لعندووو...
نائل : دكتور هدااك لي لداخل ماشي اي واحد هئ هئ هئ هئ هئ دير اي حاجة ونقدووو هئ هئ هئ
د. : رياض راه ولدي منبغيهش يضيع غير تهدن نطلبوو غير لخير... (مشا لغرفة ديال العمليااات) ... نائل طاح فالارض و حاط يدووو على راسوووو.... أغيد صونا التيلي ديالوو شاف لقاهااا نعمة جاوبهاااا حاول يخبع عليها بصح غير من صوتوو عاقت بلي كاينة شي حاجة و مالقااا مايدير وقالها شنووو كاين ... بغات تهبل...
ملي مشااا يعطي الدم تفكر ملي عطاه حتى هو و قالهم غير ديو مني شحال مابغيتووو ... داو منو الدم ومشا عند نائل واياس لكل واحد منهم رجع لنفس الوضعية ديالوووو... شوية جااات نتاليا و نعمة وحتى من نصيرة وأحمد
كلهم بقاااو على اعصابهم كايستناااو غير ليخرج و يقولهم اش كاين وكل واحد كايبكي ف قنت بغاااو يحمااقوووووو...... شوية خرج الدكتور وجهووو مكايتفسرش..... ومشاااو لعندوووو
أحمد : واش ولدي نجحتلووو لعملية؟؟
نائل : واش رياض بخير؟؟
د. : (حاااني راسوووو) انا لله وانا اليه راجعون.... الله يصبرنااا على فراقو (بكااا) هئ هئ هئ هئ هئ
نائل و أغيد و اياس : (غوتوو غوتاا وحدة) واااااااااااااااااااااااااااااااااااااا... 😭💔
سخفااات شيماء بين يد اياس ومشااا بيهااا لمستعجالات .... اما نائل مشااا دار ڭاع الاجرأت و بزز باش واااقف صحتووو كاملة طايحة عليه غادي يبات رياض فالكلينيك و فصباااح يدفنوووه..............
~أصبحنا وأصبح الملك لله ~🌷🌷
جااا الصباااح خرجووو رياض من لكلينيك وداوه المقبارة دفنوه مشااا معاه شعب المقبارة مبقاتش كاتبااان بالبشااار نائل بقاااا يشوف غير من بعيد ماقدرش يقرب (صونا التيلي ديالووو وجاوب)
الشخص : سيدي مشيل جااا باش يهرب فحالو لسويسرا و شديناااه هو ورجال ديالوو
نائل : مزياااان... (قطع)
اياس : (جا عندو) شنووو تشد؟؟؟
نائل : عيط لأغيد ويلاه نمشيو
اياس : واخااا...
مشااا اياس عيط لأغيد و ركبووو مع نائل فطموبيلتووو وديريكت لخزين لول هدااك كانو فيه الرجال ديال مشيل 10 بيهم ..... هبط نائل من الطموبيل هز لصانص معاااه وشعل العافية بيدووو حرق لوزين بلي فيه وبلامااا يشوووف كمامرهم واخااا هكداك مزال النااار شاعلة فقلبوووو رجع ركب فطموبيل و مشااا لخزين لفيه مشيل هبط من الطموبيل هو و أغيد واياس دخلوووو شافووو مشيل واقف ورابطينووو بسناسل وضايرين بيه رجال نائل
صافي مقدرش يزيد يصبر كتر تفكر كيفاااش مااات ولد عموووو قدام عينووووو الرصاصة لجاتوو فصدرو ضرب مشيل لصدر و حتى من الضربة لجاتوو فكرشو ضرب مشيل لكرشووو واخااا هكدااك مزال ماهناااا مشيل طاح فالارض بدمياتووو مع راجل كبير فسن غمض عينوو مرجعش حلها ... نائل طلب من الرجال ديالو يحيدولووو السناسل ...واحد من الرجال ديالوو جابلووو لصانص شدوو منووو ومشااا خوااه على مشيل و شعل فيه العافية... جر الكرسي هو واياس و أغيد تقابلووو مع مشيل وهو لحمووو كايتشوط و هومااا قلبهم محروق كتر هبطولهم الدموع بلا صوووت ماخرجووو من تمااا حتى رجع مشيل رماااد............
#بعدا _مرور_5ايام🌿
دازت 5 ايام على موت رياض نائل فهاااد 5ايام عاد قدر يمشي لقبر عند رياض ودااا معاااه سند....
نائل : رياض خويااا ها انا جيت وماجيتش بوحدي جبت معايااا ولدك سند (بكا) هئ هئ هئ هئ (حط يدوو على لقبر) نعطيك عهد الله بلي غادي نخلي سند عمرو ينساك هئ هئ هئ هئ هئ وترجع انت هو السند ديال فهاد الحياة هئ هئ هئ هئ واخااا انت مكاينش فيها فقلبو غادي تكون هئ هئ هئ هئ شخص فحالك جااامي يتنساااا هئ هئ هئ هئ وصعيب يتعوض هئ هئ هئ هئ دبا ملي لعدوو خدا الجزاء ديالوو تقدر ترتاح هئ هئ هئ انت وعمي هئ هئ هئ وحتى اناا مخليتش الدم ديالكم يمشي غير هكداك هئ هئ هئ ريااااض ااااه هئ هئ هئ......
🖊.....اشووف الكون بعيووناااه😢....ظلمت الدنيا من دوناااه😔....مدري بيه برد💨...مدري بيه دفة💥..مدري بيا انا شلوناااه💔....بااقي الوقت من العزااز😢...واخدهم مني بالقوة😭أخد كل غالي يسوا لكون🌏..ماياخد لي مااايسوااا..... باين الزين من فرقاااه... تصبح فرقته مصيبة .....راااح الزين...
#بعدا_مرور_عام_ونص🌿
نتاليا✅
فهاد العام ونص لي دازت قبل حياتنااا كانت مامستاقراش حيت لداز علينااا مكانش ساهل فقدناا شخص عزيز بزاااف من بعدهااا بدينااا نوالفوو بالغياب ديالوو شوية بشوية وكنا كل جمعة و سبت نمشيو نزورو المقبارة ديالوو بنسبة لنائل كان يمشي كل نهار دبا بدا يدير فحالنا جمعة وسبت........مابقاش خدام فالمافيا مع كان هو مول الشي خرج منهااا بسرعة ودبا خدام غير فالفندق مكايخرجش منووو واياس وأغيد هوما لكايمشيو لسويسرا يوقفو على لمشارع لتمااا وبنسبة لنعمة تزوجات هي و أغيد وراهاا حاملة وشهرها هو هدا عندها ولد.....وحتى شيماء واياس تزوجوو... اياس بقى معاها مفرقهاش ملي كانت مأزمة... وكان يصبر لأي حاجة تجي منهااا.. ودبا حتى هي راهااا توحم هههه كل واحد فينا مستقر فدارو ولكن ضروري مكانتجامعووو بزااف....وبابا صافي لكان قالو دارو... ستقر هنا فوجدة مع ماما و توآم ... ااه نسيت و عايدة وفورات حتى هوما تزوجو هاد المرة مهرباتش فورات حكمهااا هههه وعندهم بنيتة سماوها "الين" ... امااا سندوشي حبيبي دبا عندو عام ونص كايتمشاا ولا نقولووو كايطير مع الطيور ولهدرة يجيب الله حتى من بابا و ماما مكاينطقهاش مزيااان كايبقى يخربق غير بديك الهدرة ديالهم هههه بصح دخلتوو لحضانة على الله ينطق شي كلمات فحال عباد الله..... والتربية ديالو صعيبة بزاااف طالع واعر فحال باه وعاد كملهااا كايحل فمووو فتلفازة فبلاصت مايتفرج لطيور الجنة كايتفرج لدوك لكمامر لمشوهين بصح نائل هو السبب هههه وحاجة اخرة ولدي رجع مهوس بشي حاجة سميتها رياض تصويرة ديالو حدا راسوو فبيتو وحتى من الطابليط ديالو كاينة تصويرت رياض وفوقاش مكايشوفو كايبدا يضحك وفوقاش مكايمشي نائل لقبر كايدي معاه سند...... اااه دبا نقلكم عليا انا وحوباااي ههههه حبنااا زاد و عشقنااا لبعضياتنا ماشي ويكبر وليالي الحمراء مكاتساااليش هههه حوبااااي مكايقنعش بصح هاحححححح عليه هههه خلاتها نعمة.. ومزال عايشين فدارنا لكحلة حتى من بيت سند كحل صافي ولفناهااا مستحيل نطلقوهااا مزال .... وراه عندي مفاجأة لراجلي بصح حتى نتأكد منها...
نائل : والله وديريها حتى نجيك.. وراكي عارفة الى وصلت حتى جيت اش نقدر ندير
انا : ههههه صافي صافي غير كانضحك.... (مشات)
بقيت ملهية مع تائل ونسيت ولدي لبغااا يخرجلوو عقلووو بالبكااا دخلت عندوو لبيت هزيتو وبديت ندور بيه فبيتووو...
انا : مال ولدي مالووو؟ (كاتمسحلووو الدموع)
سند : هئ هئ هئ هئ هئ هئ
انا : صافي اولدي براكة عليك من البكاا فين هي "لهاية" ديالك غادي تكون رميتهااا فالارض فحال ديما..
حطيتووو فوق الناموسية ديالو وهو مزال يبكي نقلبلوو على لهاية لقيتها طايحة خرجت لدوش غسلتهاا وعاد رجعت عندوو عطيتهالووو مع دالك مزال يبكي والمشكيل مابيه والوو حتى المرض ومامريضش غير كايبكي وصافي ....
كون غير بقيت عند ولدي وسديت علينا الباب بساروت بصح يهرسووو ههههه المهم بدا شغلوو مايرتااح حتى يساليه هدا هو نائل ههههه ماطلقني حتى شبع الرغبة ديالووو وجاب الربحة هههه ومنكدبش عليكم حتى انا كايعجبني لحال كانكون طالبة عليها ههههه تسخسخنا بالمعقول عاد نعسناااا... 😴
~أصبحنا وأصبح الملك لله~
نضت على صوت الساعة ريڭلتها على حساب سند باش يمشي لحضانة وليوم غادي يجيبولهم معلمة جديدة نتمنااا تكون ضريفة فحال لولى طفيت الساعة بزربة باش مايفيقلي ولدي لكبير ههههه وقفت لبست البنوار هبطت وجدت لفطور ل سند عاد طلعت لعندوو فيقتووو غير بشوية غير حل عينوو فيااا عنقني هزيتو ودخلتوو لدوش ... ورجعتوو لبيتو بدلتلووو عاد هبطتووو يفطر...
كمل الفطور ديالوووو و خرجتووو عند الشيفور ولا نقول لبوديڭارد ديال السي سند هههه (عقلتو على منير ايوا هو رجع مع سند حيت نائل كايتق فيه بزاااف) بقيت واقفة حدا الباب حتى مشاااو عاد دخلت ..طلعت لبيت.... نائل مزال ناعس وحتى انا رجعت تكيت فبلاصتي نائل مفاق غير على صوت التيلي كان يصوني .....
نائل : اش تمااا؟؟
أغيد : ڭولي مبروك
نائل : هههه ولدااات
انا : شكون واش نعمة؟؟
أغيد : رجع عندنااا السبع تااااني
نائل : ااااه مبروك علينااا شوية نكون عندك ..
أغيد : ايوا اجي قبل مايتجمعوو كولشي
نائل : اوك.. (قطع)
انا : واش نعمة ولدااات؟؟
نائل : ايه ولدااات
انا : حرام عليك انائل والله
نائل : علاش مالي اش درت؟؟
انا : ختي منعرف من امتا وهي كتوجع وانا معرفاش حتى ولدااات
نائل : (باسهااا فجبهتهااا) غير على قبلك باش متبقاااي مخلوعة عليها وراها مزيانة هي ولدهااا غير تهناااي من جيهتهاااا... (ناض) يلاه خلينا نمشيو عندهم
وقفناا لحانوت ديال الورد نزل نائل شرا بوكي قدو قدااش فيه جميع انواع الورود وانا بقيت مصيرة على الشكلاط بغيت ناكلو تشهيتووو هههه وقف عاود فحانوت اخور جاب ليا الشكلاط و حتى لنعمة....
وصلنااا لكلينيك نزلنااا من الطموبيل دخلنااا بقيت غير نشوف ف نائل ملي دخلنااا حيت من الموت ديال رياض محط رجلووو فهاد الكلينيك حتى من الفندق بقى بزاف بعيد من بعدها مشا ودبا جا غير على قبل خوووه وحسيت بيه بلي مزير....
انا : (شداتلووو فيدوو) حبي (ضحكات معاه)
نائل : ههه عوينااااتي...
طلعنااا ف سانسور وصلنااا لطبقة لفيها نعمة سند كان هازووو نائل و غير شاف أغيد بقى يتجبد خصووو ينزل باش يمشي لعندووو و نائل حطووو ومشااا كايجري عند أغيد.....
الفرملية : ههههه والله اجي ندخلو عند الدكتورة وتزيد تأكدلك كتر....
دخلنااا عند الدكتورة وشافت التحليل وطلعت بصح حاملة كيف قتلكم انا فالول كنت غير شاكة حيت الوحم جاا مبدل على ملي كنت نتوحم ب سند لماكلة والو زيد عليها ماتعلقتش ب نائل بزاف ولكن سند ماكرهتش ناكلووو مانقدرش نبعدو دقيقة عليااا وعاد انا مكانردش ومكاندوخش ومشيت درت التحليل غير بتخبية على نائل قلت باش الى طلعت حاملة نخليهالو مفاجأة....طلبت من الدكتورة ورقة وستيلوو عطاتهملي كتبت و رجعتلها الستيلو وشكرتها ديت ولدي وخرجت من عندها فرحت بزاف غادي يكون عندي بيبي تاني من حبي لول ولأخير❤...رجعنا عندهم حطيت سند ... طويت الورقة وجبدت من الصاك بواطة فيها صباط ديال البيبي فتحتها درت فيها لورقة ورجعت سديتها...
انا : (وقفات حدا الباب ديال الغرفة) سند دخل عطي هدي لباباااك يلاه جري...
نائل : (مزال شاد التيليفون حتى جا عندو سند ومدلو لبواطة وشدها من عندووو) ولدي اش فيها هدي وفين ماماك؟؟؟ (فتح البواطة ولقا فيها ورقة هزها ورمة عينوو لصباط فتح الورقة مكتوب فيها.. 👈 حبيبي غادي ترجع اب لمرة التانية....شاف فولدو) ولدي فين هي؟؟؟
سند : (فهمووو ههه شدلوو فيدو وخارجوو لعند نتاليا)
نائل : نتاليا.. (ملي خرج من الغرفة لقا نتاليا واقفة قبالتووو) واش بصح حاملة؟؟
🖊...قصتي سالات و حتى انا هاااني ماشية هههه نتمنااا نكون خفيفة على القلب... المهم نبغي تقلكم بلي هاد القصة فيها عبرة لينااا حناااا نديوهااا منهااا فحياتنااا بلي اول حاجة الدنيا جامي توقف على شي ولد مراة و ختى المرض ديالي عندو علاج مغاديش نفقد الامال ونڭول مغاديش نبراا نووو انا غادي نبرا ونرجع حسن من لول ربي معايااا وزيد عليها ضروري من الهبال وضحك باش حياتناااا كاتحلى كتر منعقدوهاش... ولحاجة لكاتأدينا كتر ملي كانفقدوو اطيب و اعز شخص كان فحياتنا مكانعرفوو قيمتو حتى كايمشي ماشي ضروري انهوو يموت مي كايبعد 💔 وصافي هنااا غادي نوقف من لكتابة ماشي لخاطري الظروف قوية♡🌼.....📙
أحببته الجزء الثامن والأخير
محتوى القصة
التنقل بين الأجزاء