فخرية رجعات هضرات مع نعمة :اتشري شي حاجة واقلة..صراحة انا ماعنديش مع الدهب
نعمة تنهدات:لا .ضطريت نبيع شي دهب ورتتو من عند ماما الله يرحمها.ودابة غنعطيه شي حاجة دلفلوس باش مايبيعوش حيت عندي عزيز بزاف
كتهضر وباين فصوتها الحزن ..علا عنيه وشاف فيها من لمراية وهي مامنتابهاش لشوفاتو
فخرية :الله يرحمها
نعمة:امين
وسكتات وهي كتفكر حتى كتسمع طليفونها كيصوني شافت شكون وتنهدات..ماجاوباتش..بقة كيصوني تا قطع ورجع تاني كيصوني جاوبات وبالغلط بركات على لهوط باغلور:نعمة من قبيلة وانا نصوني عليك..تووحشتك
نعمة تزكاات صوت كان مرتافع دغية حيدات الهوط باغلور:كمال من بعد ونهضرو انا مشغولة دابة
كمال:واخة بلاتي ونعيط ليك
وقطعات وهي ماشايفاش لعنين لي كيشوفو فيها من لمرااية شوية ويخرجو من بلاصتهم
فخرية بتاسمات:فهمت كلمة توحشتك كنعرف شوية للدارجة المغربية
زياد هضر بطريقة شوية فيها بنبرة حادة:فين هاد المحال
نعمة ماعجباتهاش طريقتو فالهضرة:صافي غير حطني هنا
زياد تنهد:دابة هضري فين هاد المحال
نعمة:قلت ليك صافي غير نزلني..اصلا هو قريب من لهنا غنكمل على رجلي
زياد ماداهاش فيها ووقف طوموبيلة حل الشرج سول واحد.كان واقف ووراه فين كاين المحال..وديمرا طوموبيل نيشان تاوقف حداه:نزلي دابة لابغيتي
خنزرات فيه:على العموم شكرا
ونزلات وزدحات لباب موراها ودخلات للمحال
فخرية شافت فيه:مالك معاها
زياد كسيرا بالجهد:والو
سكتات وشافت فطريق..دازت مدة حتى كيوقفو قدام واحد المستشفى دولي نزلو ودخلو نيشان لمكتب ديال واحد طبيب كان كيتسناهم ستقبلهم وهو غيطير بالفرحة جلسو وجلس اونفاص معاهم:مرحبا بسي زياد نهار كبير هدا
زياد:شكرا
الطبيب:شنو تشربو
زياد:مابغيت والو
فخرية فهماتو اش قاب:تا انا مابغيت والو شكرا
زياد:ندخلو فلموضوع .عطيني ملفات المرضى لي غتكلف بيهم المستشفى ديالي باش تعالجهم
الطبيب ناض جبد شي ملفات حطهم ليه:هوما هادو اسيدي
زياد بدا كيقرا دوك الملفات ..غيتكلف ببعض المرضى لي ماعندهمش باش يخلصو مصاريف دلعلاج دمرض السرطان..اغلبهم دراري صغار مساكن ..زياد من النوع لي كيدير لخير بزاف ..
زياد:مزيان
الطبيب:تفضلو معايا نوريكم المرضى
زياد:واخة
ناض ومشاو للشمبر لكبير لخاص بمرضى السرطان دخلو وبداو كيضورو عليهم واحد بواحد ويهضرو معاهم..فخرية بقاو فيها بزاف .كاين مسكين لي مابقالوش شعرو قطعو ليها فقلبها..تنهدات و هي كتشفهم كيبتاسمو واخة مراض بتاسمات بلا ماتحس
خرجو ورجعو للمكتب
زياد:غدا ايوصلوكم الادوية لي غيحتاجو وداكشي لي ناقصهم علامن نأمن ليهم بلاصة فالمستشفى ويجيو يتعالجو عندي
الطبيب بتاسم:الله يكتر من متاالك اسيدي.ربي غيجازيك من عندو ..كتعاون عباد الله شكرا بزاف
خرجات من المحل حمدات الله حيت تفهم موقفها وقبل انه يحتافض بالدهب حتى تخلصو..تنهدات براحة ..حلات لمضل وبقات كتمشة تحت شتى الجو واخة هكاك زوين ..وصلات قدام لبحر ووقفات كتشوف فيه شحال هاايج بحال هيجان قلبها..مزال مانسات داكشي دمراد ولكن قدرات تتأقلم مع الوضع..تنهدات بالجهد باغة ترتااح ..دورات وجها وهي تشوف محل كيبيع الورد من الجيهة لوخرا..بتاسمات قطعات شانطي ودخلات المحل كلو ريحة دلورد..كتحمقها..بدات كتسارا على الوريدات تا وقفات عليها مولات المحال:اش حب لخاطر الالة
فخرية:انا اصلي تركي .قريت انا وزياد فنفس الكلية فامريكا ولينا اصدقاء.وفاش دار مستشفى خاص بيه عرض عليا نخدم معاه..هادي هي العلاقة لي بيني بينو الصداقة والعمل
نعمة بتاسمات ليها:الله يوفقكم
فخرية :ولكن عندي واحد السر ماكايعرفو تاشي حد محتافضة بيه راسي وانقولولك نتي
نعمة:اهاه وشنو هو
فخرية بتاسمات:يقدر داكشي لي بيني وبين زياد صداقة وصافي ولكن داكشي لي كنحس بيه انا اتجاهو شي حاجة فق الصداقة.
نعمة:زعمة كتبغيه
فخرية:بحال داكشي باقي ماعرفت واش حب ولا اعجاب ولا غير ولف ولكن كنحس براحة وانا معاه.هو قليل فين كيبتاسم اوفاش كيبتاسم كنفرح بزاف كتعجبني شخصيتو كراكتيرو وطيبوبة ديالو لي ماكايبينها لتاشي حد من غير المرضى ديالو والناس لقراب ليه واخة يبان ليك مغرور وحاس براسو هو راه ماشي هكا غير حدودي حتى من شكلو كيعجبي.كلشي فيه كيعجبيني
نعمة بقات كتفكر فكلمة حدودي فاش قالهالها نفضات هاد الافكار من راسها:اها ماعرفتش اختي نتي لي عارفة احساسك وهو
فخرية:هو كيعتابرني صديقة لا اكتر وهدشي لي مخليني نخلي واحد لحدود بيني وبينو حيت لاعرفني كنحس بشي حاجة من جيهتو ايبعد مني
نعمة:ايوا الله يدير لي فيه لخير
فخرية:ونتي ما اتعاوديلي والو عليك من صباح وانا كنهضر غير بوحدي ونتي غير ساكتة..
نعمة تنهدات:شغا نقولك حياتي مقلوبة
فخرية:عاوديلي باش ترتاحي
نعمة كانت محتاجة تعاود لشي حد وتخوي قلبها ..كتحس براسها مخنوقة علاقل غير تخرج داكشي لي فقلبها..عاودات ليها .من نهار ماتو واليديها حتى لدابة
فخرية تجمعو الدموع فعنيها:كيفاش قدرتي تستحملي هادشي كامل
بقاو كيهضرو وكل وحدة كتعاود لوخرا على شي حاجة نساجمو مع بعضهم ..حتى كيدخل نيشان شاف فيها ..لقاها مبتاسمة وكتدوي مع فخرية بقة واقف شحال قدام لباب كيتأملها حتى كتشوفو ختافات بتسامتها :احم غنطلع لبيت
ونساحبات من صالة وطلعات لبيتها وهو مراقبها.دخل وحط سوارت وجلس حدا فخرية وهو كيحرك عنقو يمين وشمال باينة فيه عيان
فخرية:نوجد ليك شي حاجة
زياد :لا
بقات جالسة وهو غير ساكت مانطق تا كلمة وايلا سولاتو غيدور فيها:احم تصبح على خير
هز راسو باه
ناضت وطلعات للبيت تخشات فبلاصتها ونعسات. ..زياد بقة جالس وكيفكر نهار كامل وهي فبالو مافهمش اش هادشي ماجاش لدار غير باش مايشوفهاش ويزيد يفكر فيها تنهد بالجهد ودور وجهو شاف لوريدات فلفاز ناض وقرب لعندهم لاحض انها من النوع لي مبلي بالورد ديما كتحط لورد فلفاز بقة كيشوف فيه شحال ..هاد طلع لفوق باش يرتاح داز من قدام بيتها لباب شوية محلول شاف ضو مشعول عرفها فايقة..قرب شوية باغي يشوفها..بانت ليه جالسة وكتقرا فلقرآن بقة شحال كيشوف فيها وجر لباب وشدها ودخل لبيتو
نعمة قفزات فاش سمعات لباب تشدات قالت يقدر يكون ريح شدات المصحف وناضت عيطات لمول طاكسي وبدلات عليها باش تمشي لكباري ..نزلات لقاتو كيتسنة ركبات وصلها للكباري خلصاتو ودخلات نيشان لاشمبر لقات سعاد كتسنة
سعاد شافت فيها:على سلامة
نعمة وهي كتحيد شال:الله يسلمك
سعاد:كي بقيتي شوية دابة
نعمة:الحمد الله
سعاد غمزاتها:كي جاك لفانيد لي عطيتك😉
نعمة:صراحة خفف عليا..نعست ماحسيتش براسي..نهار نحتاجو عطيه لي صافي
سعاد:من عيوني واجي نقاد ليك
جلسات وسعاد كتقاد ليها من بعد ناضت لبسات لكسوة وخرجات دير خدمتها ..بدات كتسربي وكلشي كيسولها فين كانت كتكره هاد الاجواء ..وقفات حدا لبارمان دورات عنيها على الكباري مابانش ليها:فين هو داك الحمق
سعيد بتاسم:لسانك طويل عليه..بحالي بحالك ااختي ماجاش هاد نهار
نعمة:كاع لايجي
ومشات كتسربي شي كليان ورجعات لبلاصتها..بقات واقفة حتى كتحس بيه وقف حداها تنهدات:يحسابلي غنتهنة منك
كمال بتاسم:مايمكنش مانجيش وانا عارفك اتكوني هنا ضاروري نشوفك ازين
نعمة:بدينا فلبهلان
كمال:توحشتك
نعمة :توحشك الموت باش نتهنة منك
كمال:هههههه لي بحالي ماكايموتوش .كيبقاو عايشين باش يحمقو لي بحالك 😉
نعمة:ايوا الله يستر.
كمال:واخة هكاك مزال عيني فيك
نعمة:لعمة ان شاء الله
كمال:اواااه لهاد الدراجة قلبك كحل
نعمة:بيض ولكن كحل من جيهتك نت
كمال:ماشي مشكل نيت ماعنديش مع لحليب كتعجبني غا قهوة كحلة وتكون مرة
نعمة:تا انا هبيلة دايرة راسي فواحد حمق
كمال:هبيلة وحمق شتي شحال متواتين
نعمة عصبها شافت فواحد من لكليان كيدير ليها اشارة باش تجي تمات غادة وهو يجرها من دراعها:فين غادة
نعمة تنترات منو:لكليان باغيني.
كمال:وانا باغيك ادن الاسبقية ليا انا وقفي هنا
وشاف فلكليان ودار ليه اشارة بصبعو زعمة لا وشاف فوحدة من سربيات باش تكلف ورجع شاف فنعمة:خليك واقفة حدايا انا كنفكر نعفيك من هاد الخدمة تبداي تسربيني غا انا اش بان ليك
نعمة:اوووه درتي شي حاجة زوينة نفضل نسربي لكليان ومانسربيكش نت
كمال بابتسامة:ادن سربيني انا
ومد ليها كاسو خاوي:جيبي فوطكا مخلطة وشيشة دنعناع
خنزرات فيه وخدات لكاس ومشات عند لبارمان تجبب ليه هدشي لي باغي..هو مشا جلس فبلاصتو وهو كيشوف فيها عنيه مانزلاتش عليها حتى كيشوفها جاية حطات ليه داكشي قدامة:شنو بغيتي تاني.
كمال وهو كيطلع شيشة:جلسي
نعمة:كنخدم ماشي كنجلس
كمال خنزر فيها وهضر بحدة تاقفزات:جلسيي
نعمة بعناد:لااااا
كمال وقف:غنجلسك بطريقتي
رجعات اللور:غير ماتقيسنيش
كمال جر ليها لكرسي:تفضلي
جلسات وهي كتسوط وجلس تاهو بدا كيشيش وعنيه عليها..ماكانتش مسوقة ليه حانية راسها ماعلى بالهاش حتى كتسمع صوتو:نعمة
كمال خدا لكاس ودار ليها اشارة جلسات بقة كيشوف فيها وهو كيشيش ودخان خارج من فمو :ماكايجيش معاك الماكياج بزاف كيجي معاك الفولار ولباس مستور حسن
نعمة خنزرات فيه:ايوا الله ياخد الحق فلي كان سباب
كمال بتاسم:الحل بين يديك
نعمة:فالحلم
بتاسم :نتي خطيييرة
نعمة ماجاوباتوش بقة كيضحك ..شوية وهي توقف عليهم وحدة من سرباية :سي كمال هداك لكليان دايرنا فضيحة قالك ميرا لي تسربيه
كمال:سيري قوليلو ميرا مابقاتش سربايا لا مابغاش قولو يمشي يقود
السرباية:ولكن راه كليان مهم كيحط فليلة لميتة كاع 10 دلمليون وفليام لعادية كتوصل تا ل20 مليون
كمال بقة كيشوف فيها شحال عاد نطق:عرفتي شغا ديري ديه وخرجي تقودي نتي وياه
السرباية:لا اسيدي ..سمحلي عفاك
كمال:يلاه سيري ديري هدشي لي قلت لك
مشات عند لكليان وقالت ليه هدشي حتى كيسمع صوتو كيغوت:جييييت لهنا على ودها هي تسربيني .جيبولي ميراااا.ولا نحرق لدلمكم عاد لكباري غنهرسو فوق راسكم
كمال شرب داك لكاس وشاف فنعمة:باينة غندوز هاد ليلة فلكوميسارية
نعمة ببرودة:سيير على الله نتهنة منك
كمال مشا عند داك لكليان وهي ضارت كتفرج تشوف شغا يوقع
كمال جلس حدا لكليان:ياك لاباس
لكليان:مالاباس ماوالو جيبولي ميرا
كمال:ميرا ما بقاتش سرباية.وباش نختاصر عليك تهز نوض سير بحالك
لكليان:كتجري عليا
كمال شاف فسربايا:شنو قلت ليك تقوليلو
بقات غير ساكتة
كمال:ياك قلت ليك قوليلو نوض تقود
وشاف فيه:بهاد المصطلح اتهز وتمشي بحالك
لكليان ناض وهو كيغوت:والله حتى نشد ليك هاد لكباري لي متعني بيه غدا فصباح تلقاهم واقفين عليك ..الحمق ..ولاو لمسطيين يجريو على سيادهم سير داوي راسك وشرب دواك تكمش فشي سبيطار دلحماق
كلشي بقى غير حال فمو عارفينو كبتها مع كمال
كمال كيشوف فيه ببرودة عكس لغليان لي فلداخل ديالو هز قرعة دلويسكي شرب منها تا قربات تخوة وشاف فيه وبتاسم وهزها تا لسما وكيعطيه لراس تاتهرسات فوق راسو .وجمع معاه بكروشي تاطاح فالارض ونزل كيضرب فيه بكل وحشية لي كيجي يفك يجمع يعاه تاهو بكروشي ولا هايج ماقدروش يزيدو يفكو...نعمة كانت جالسة فبلاصتها وكتفرج كيبان بحال شي ثور هايج كيضرب فيه بلا رحمة
كمال حتى برد جنونو و..تمجنن عليه مزيان عاد رخة منو خلاه طايح سخفان وكلو دمايات ..وقف وهو كيغلي ويتنهد بصوت مرتافع ..لقة كلشي كيتفرج غوت بالجهد:فااش كتفرجو كملوو خدمتكم..خدم نت الموسيقى لاش حبستييي
وشاف فرجالو:رميو عليا هاد الكلب برة ..وشوف كي قلتي انا حمق راك ما اتدي مني لاحق لاباطل
طلع بدل عليه ونزل خرج مشا عند صحابو..وهي جمعات داكشي وطلعات لبيتها بدلات عليها لبسات كسوة فلباج قصيرة ونازلة على كتاف مع صباط طالون ففحمر قدات شعرها بوكلي ورجعاتو لجنب مع عكار حمر جات زوينة لباست مونطو دافي نازل تا لتحت وهزات ساكها ومشات عند نعمة لبيت لقاتها لابسة وكتهضر مع شيفور قطعات وشافت ففخرية:حسابلي غير كنتي كضحكي ماغاتمشيش
سعاد:تي قوليلها تجي تجلس قبل تهرس لينا شي حاجة شفتها غا كتبقش
نعمة:ماعندها مادير
سلات ليها وناضت لبسات لكسوة
فخرية كطلعها وتهبطها:تبدلتي بزااف جيتي كتحمقي ..
نعمة شافت راسها فلمراية وتنهدات:زيدي نخرجو
خرجات هي وياها ودخلو لصالة لكبيرة
فخرية غير سمعات الموسيقة بدات كتشطح براسها وتحرك فشعرها:واااو وااعر
حيدات المونطو وهي كتحرك فخصرها ومبتاسمة
نعمة:اجي نقاد ليك شي بلاصة جلسي فيها
فخرية:واخة
قدات ليها طبلة:شنو تشربي
فخرية:امم ويسكي
نعمة:كتسكري
فخرية:يس عادي
نعمة تفكرات انها تركية عندهم عادي هدشي مشات جابت ليها لي غتشرب وحطاتو حداها :الله يعفو عليك
فخرية حلات القرعة:وراه ماشي ديما غير بحال هكا وصافي
نعمة جلسات حداها:بغيت نسولك
فخرية عمرات لكاس:مرحبا
نعمة:نتي مسلمة
فخرية:اه من نهار تعرفت على زياد وانا مسلمة
نعمة:واش كتعرفي شنو هو الاسلام ولا غير كتهضري
فخرية وهي كضحك:هههه اه الاسلام هو دين من ديانات بحال بحال دين المسيح.دين اليهود .غير كل واحد والطقوس ديالو
نعمة:نتي ماعارفة والو ماشي وقت هاد الهضرة
بغات تكمل هضرتها وهي تسمع صوتو:مرحبا بلي جا وجاب
شافت فيه لقاتو واقف ومبتاسم..جر الكرسي وجلس حداهم:جبتي لنا ضياف
نعمة:هادي صاحبتي فخرية تركية
كمال:وتركية ملفوق ..كتفهم الدارجة ولا والو
نعمة:لا الانجلش
كمال:مشكلة
نعمة:ماكاتفهمش الانجلش
كمال:حكرتيني
وشاف ففخرية هضر بالانجلش:الزوينة مرحبا بيك
فخرية بتاسمات ليه:شكرا ..نعمة شكون هدا
كمال:انا مول هاد الكباري
فخرية خنزرات فيه:نت هو الشرير مخدمها عندك بالسيف ومافقلبكش الرحمة خرجتي ليها على حياتها وفارقتيها على خطيبها
كمال بتاسم:اوااه حفضتيها شنو تقول جاية مشارجية
نعمة:احم فخرية واخة تسكتي شوية
فخرية:لا خاص نوقفو عند حدو
كمال :ههههه شريرة مع راسك نتي واقلة صيفط ليا كوزان ولا مانعرف
فخرية:شكون كوزان
كمال:اوايلي لي فسامحيني امسوري ههههه ماعرفتيهش
فخرية:ااه بني أفت
كمال:هداك
فخرية:ماتبدلش الموضوع ..علاش درتي فيها هدشي
كمال تنهد:كانت غير وحدة وزدتوني بالتانية شوفي ازين انا كنقطع لسان لي كيهضر بزاف اولا انعلقك لفووق يسوط عليك ريح لما سكتيش
فخرية:ووه خلعتيني جرب وديرها
كمال شاف فنعمة:اش بان ليك نتي
نعمة:فخرية سكتي عفاك
فخرية سكتات مابغاتش تجبد ليها الصداع
كمال:شحال كتوليو زوينين ونتوما ساكتين
نعمة:غنوض نشوف خدمتي
كمال:هدشي هضرنا فيه لبارح قلت اتبداي تجي على قبلي وصافي ماكاين لا كليان لا والو
نعمة وقفات:واخة اش بغيتي تشرب بغيت ندير خدمتي
كمال:عزيزة على مك تمارة سيري جيبي شيشة وفوطكا مخلطة
خنزرات فيه ومشات جابت ليه هدشي لي باغي حطاتهم حداه:اتبقة جالس هنا
كمال:مالك غرتي منها
نعمة:هدشي لي بقة..بغيت صاحبتي تاخد راحتها
كمال:مالها راه مرتاحة كتجغم الوسكية مع راسها عرفتي شنو جيبيلي شي حاجة ناكلها فيا الجوع
نعمة:متلا السم
كمال:لا .جيبي شي بيتزا طون
نعمة قلبات الدورة مشات تجيب ليه بيتزا
كمال شاف ففخرية:زين مرتاحة
فخرية:ونت مالك
كمال:جوابكم على لسانكم..شوفي لاقالت لليك شي حاجة عليا راه غير كتكدب انا ضريف وقلبي بيض غير هي راسها قاصح مابغاتش تزوج بيا
فخرية حطات كاس دلويسكي من يديها:كيفاش زعمة..كتبغيها
كمال:اه كنحبها وباغي نتزوج بيها
فخرية:هي راه مستحيل تبغيك داكشي لي درتي فيها ماشي ساهل
كمال:هي جات فطريقي وهي لي ضحات على قبل بنت عمها لي ماعقلاتش عليها سمعي اختي انا هدي هي خدمتي درت داكشي لي خاص يدار حيت هدي هي دنيا قبل يوقع هدشي عطيتها ختيارات هي لي ختارت هدشي..ادن هي كتعيش داكشي لي ختارتو هي بنفسها.ومع الوقت وليت كنميل ليها طلبت منها تزوج بيا ونعفيها من هدشي ولكن هي رفضات ..وانا مايمكنش نتخلى عليها بهاد السهولة حيت عارف لا خليتها تمشي ما انبقاش نشوفها ويقدر يديها شي حد من غيري اللهم نربطها معايا ونبقة نشوفها حدايا .فهمتي لفيلم كيف داير
فخرية بقات كتشوف خصوصا انه كيهضر بطلاقة بالانجليزية:ماكانضنش نت حمق كي قالت نعمة نت تحمق لي مايتحمق
كمال بتاسم:عاودات ليك الضوصي كامل
فخرية:اه حيت صاحبتها
كمال:منين كتعرفيها
فخرية:ماشي سوقك
كمال:المهم مرحبا
وعمر ليها لكاس :شربي على حسابي
فخرية:كتخلط لفوطكا بالويسكي واش نت حمق
كمال:مالك ماغاتقديش عليها فيك غصلابة وشبوهات انك كتشربي ..لا ماخلطتيش لفوطكا بلويسكي شي ماشربتي..اولا قولي ما اتقديش على القاصح 😉
فخرية:لا ماشي هكا انا جربت جميع انواع دشراب قصح من هدشي
كمال زاد عمر ليها لكاس تا لفوق:ايوا جربي تا هدا 😉
فخرية:واخة
وخدات لكاس وهبطات عليه فدقة حسات بطعمو مجهد ووزوز ليها فحلقها ولكن صبرات:عادي
كمال عمر ليه كاس وزاد عمر ليها تاهي كاس:زيدك هدا..شكا تقولو ليها نخبكي .بصحتك ههه
تضاربو بلكيسان وشربوهم فدقة وهو مبتاسم
كمال شاف فالقرعة:امم بقاو تمان جوج كيسان نقصمو الصبر
خدات كاس دلويسكي وهبطات عليه فدقة وشهقات:ضحكتي عليا هدا شراب
كمال:ااه بصاح نسيت 😉
نعمة جات وحطات حداه لفوطكا
كمال:جلسي
جلسات
كمال:عاجباك هاد تمارة كون راحنا فدار ناعسين بحال اي زوج مزوجين
نعمة:ديما كنقولك كتحلم بزاف
فخرية بتاسمات فاش سمعات واحد الاغنية دزدحة:واااو بغيت نشطح
نعمة يلاه اتهضر وهي تشوفها ناضت وبدات كتشطح وتنقز وتحرك فشعرها غادة مع الموسيقى هي هديك مع جايبة لكاو جاتها على الكانة
كمال كيضحك:ههههههه جابت لكاو
نعمة كتشوف فيها ماعاجبهاش المنضر
فخرية شافت فكمال وضربات لعندو كتجرو من يديه:شطح معايا
كمال مطوب عليها:لا حشومة لمدام ما اتبغيش
فخرية:بليييييييز شطح معايا
نعمة جراتها:اجي تجلسي شمن شطيح عطي راحة راسك
فخرية تنترات منها:الاااا غيشطح معايا
وبدات تاني كتجر فيه وتطلبو يشطح معاها
كمال ناض:زيدي نشطحو علاش لا
نعمة:فخرررية شكا ديريي
فخرية قربات تا لوجها:نتي ماشي سوقك انا غنشطح معاه
ودارت لعندو قربات ليه بزاف تا تخالطو انفاسهم دورات يديها على عنقو وعنيها فعنيه وبتاسمات وبدات كتشطح وتلعب بشعرها وهي كتغني مع الموسيقى وكمال كيميل معاها وهو كيضحك على هبالها..من بعد تطفى الضو وشعلو ضو حمر خافت مع اغنية رومانسية هادئة ..كمال دور يديه على خصرها وهي زادت جراتو لعندها وبقاو كيشطحو بشوية يمين وشمال
كمال كيشوف فيها:كيبانلي ملي غتصحتي غتسبيني واتكون اخر مرة اتجي لهنا😉
فخرية :لا انبقة نجي ديما عجبني لحال
كمال:هي ماغانتفكش منك
فخرية كتهز راسها بلا وهي كضحك:هههه لا
كمال:وحلة معاك نتي
بقات كضحك شوية وهي تسكت بقات كتشوف فيه وفلون عويناتو لعسلي نايمين ولحية لي مطارسة وجهو مع كاسكيط فوق راسو ولوشام لي كيبان من عنقو سهات فيه ماحساتش براسها تاحطات شفايفها على شفايفو وبدات كتبوسو ..كمال بتاسم وبعد عليها:ولا مالاعبينش هكا..
فخرية بلعات ريقها حاسة بلحرارة طالعة معاها
كمال رجع قرب لعندها وجرها لعندو وبدا يشطح معاها بشوية:كوما كنتيش من جيهة نعمة كون ديتك لاوطيل نوريك لبوسان على اصولو ولكن خسارة
نوضاتها بسيف ودخلاتها لحمام عوناتها حيدات حوايجها وطلقات عليها لما دافي دوشات ليها وخرجاتها لبساتها بيجامة من عندها ونشفات ليها شعرها وعاوناتها تخشة فبلاصتها غطاتها عاد دخلات هي لدوش دوشات وتوضات وخرجات صلات شي ركيعات دلاجر وقرات شوية دلقرآن حتى كتسمع صوت الفجر ناضت صلاتو ونعسات تاهي
دازت ساعة لحال بدا يصبح كانو ناعسين وهو يلاه نازل من طوموبيل دخل لدار بخطوات تقال طلع فدروج داز من حدا بيتها تنهد وحل لباب بشوية ودخل باغي يشوفها باش يرتاح..شاف فخرية ناعسة حداها قرب تا وصل لجيهتها وتحنى كيشوف فيها وهي ناعسة وشعرها سايح على لمخدة وكتنفس بانتضام وصدرها كيطلع ويهبط ..حقق فيها مزيان ومد يديه بعد خصلة من شعرها كانت على وجها ..دوز اطراف صبعانو بشوية على وجها رطيطب .ماعرفش علاش الشوفة فيها كتسلبو كتخليه يرتاح ماعرفش شهادشي كيوقع ليه .نزل اطراف صبعانو على كتافها لعريانين تا وصل ليديداتها باردين تحنة وباس يديها ورجع شاف فيها وناض خرج من لبيت دوش وتخشا فبلاصتو وكي لعادة كيفكر فيها حتى نعس
بعد مرور اسبوع
كانت كتلبس فولارها حتى كتدخل عليها فخرية:ماتقوليليش ما انمشيش حيت غدا انمشي بحاللي بغيت ندوز هاد ليلة معاك انتوحشك
نعمة:واعديني ماغاديريش بحال داك النهار
فخرية:كنواعدك
نعمة:واخة يلاه سيري لبسي عليك دغية طاكسي دابة وهي وصلات
فخرية:واخة
مشات كطير بدلات عليها لبسات كسيوة فلكحل قصيرة ولاسقة عليها بزاف نازلة من لكتف جمعات شعرها اللور بطريقة زوينة مع مكياج خفيف وصندالة طالون هزات ساكها وخرجات لقاتها كتسنة
داز الوقت سلات ليها كانت واقفة قدام لمراية كتشوف راسها لابسة كسوة حمرة طويلة ومن لور وقصيرة من لقدام فوق ركبة كتجي منفوخة ملتحت ومزيرة من جيهت الصدر..غير سميطات وصدرها بارز.شعرها سامبل ومكياج خفيف مع عكار حمر فنفس لون لكسوة جات زوينة بزاف
سعاد:وتاك لحمر
نعمة:ماعرفتش علاش هادشي كامل
سعاد:سي كمال هو لي ختار الكسوة
نعمة تنهدات وخرجات مشات لصالة لقاتها عامرة كلشي لابس ومقاد .صالة مزينة بطريقة زوينة تا سيرفورا لابسين لباس موحد لخضر ولحمر ..دورات عنيها على لمكان كتقلب على فخرية شافتها واقفة كضحك مع لبرمان وكتشرب ومرة مرة كتميل مع الاغنية مشات ووقفات حداها
فخرية:اوووه جيتي كتحمقي جاك لحمر زوين
بتاسمات ليها وصافي
فخرية:امم فين هو كمال
نعمة علاش كتسولي عليه
فخرية:غير سولت وصافي
قفزو بجوج فاش سمعو صوتو:شبيك لبيك كمال بين يديك ههههه كنجي فالوقت المناسب
بتاسم وشاف فنعمة حانية راسها وكتشوف فالارض خدا لكاس وبدا كيجغم وعنيه عليها تأكد انه دابة ولا كيبغيها صونا ليه طليفونو بتاسم وجاوب:اهلا ..مرحبا بيك..هنا جاي
شاف فلبنات:الاميرات سمحولي واحد الضيف خاص نشوفو
نعمة:مشية بلا رجعة
بتاسم:غنرجع كوني هانية
ومشا عند ضيف ديالو لقاه جالس بكامل اناقتو والانضار عليه ماعلى بالو بتاشي حد لابس لكلاس جاي معاه سوميج فلبيض ولفيسط فلزرق مناسبة لون دعنيه الزورق .وكاسو فيديه كيجغم منو
كمال:راك منور ادكتور زياد
زياد شاف فيه وبتاسم وناض سلم عليك..وجلسو
كمال:نهار كبير هدا.ملي خرجت من المصحة ماتشاوفنا
زياد:وياه..الانشغالات والخدمة.نت مزيان
كمال:فهاد الساعة الحمد الله
زياد:ايوا مزيان
بقاو كيهضرو ..هوما ماشي صحاب.كمال نهار ماتت خطيبو تصدم لدرجة ولا ماكايتحمش فتصروفاتو معصب كتر من لقياس .ولا كيهضر بوحدو ويغوت بوحدو..الام ديالو ماعرفاتش شنو دير من غير بحتات على شي مستشفى تكلف بيه حيت هي مابقاتش قادرة تسيطر عليه..هنا لقات المستشفى ديال زياد لي فيها جميع التخصوصات .اجراحية ..والعلاج.والنفسيات وبزاف..داتو لهاد المستشفى باش يتعالج .وزياد تكلف بحالتو لمدة 6شهور حتى دار شوية لباس طبعا بالادوية لي مزال كياخدهم لحد الان..هدي هي علاقتهم..طبيب ومريض ديالو
مشا عند ضيف ديالو لقاه جالس بكامل اناقتو والانضار عليه ماعلى بالو بتاشي حد لابس لكلاس جاي معاه سوميج فلبيض ولفيسط فلزرق مناسبة لون دعنيه الزورق .وكاسو فيديه كيجغم منو
كمال:راك منور ادكتور زياد
زياد شاف فيه وبتاسم وناض سلم عليك..وجلسو
كمال:نهار كبير هدا.ملي خرجت من المصحة ماتشاوفنا
زياد:وياه..الانشغالات والخدمة.نت مزيان
كمال:فهاد الساعة الحمد الله
زياد:ايوا مزيان
بقاو كيهضرو ..هوما ماشي صحاب.كمال نهار ماتت خطيبو تصدم لدرجة ولا ماكايتحمش فتصروفاتو معصب كتر من لقياس .ولا كيهضر بوحدو ويغوت بوحدو..الام ديالو ماعرفاتش شنو دير من غير بحتات على شي مستشفى تكلف بيه حيت هي مابقاتش قادرة تسيطر عليه..هنا لقات المستشفى ديال زياد لي فيها جميع التخصوصات .اجراحية ..والعلاج.والنفسيات وبزاف..داتو لهاد المستشفى باش يتعالج .وزياد تكلف بحالتو لمدة 6شهور حتى دار شوية لباس طبعا بالادوية لي مزال كياخدهم لحد الان..هدي هي علاقتهم..طبيب ومريض ديالو
عند نعمة وفخرية
نعمة:فخررية براكة عليك اتندميني حيت خليتك تجي
فخرية:عارفة شحال خاصني نشرب باش مانسكرش كوني هانية
نعمة تنهدات وهي كتشوف فيها:خاص تعرفي ان شراب حرام
فخرية:من بعد وشرحيلي دابة وقت النشاط.راه نويييل 🎄 زعمة خاص نشطو
ماجاوباتوش عينيها على فخرية كيف كتشطح ..لي لقاتو حداها كتشطح معاه
كمال شاف ففخرية وبتاسم:ضاربة دنيا بركلة
نفس الشي ماجاوباتوش ..
كمال بقة كيشوف فيها وعلى وجهو ابتسامة .كتبان زوينة وهي ساكت وهادئة وغير عويناتها زريرقين لي كيتحركو ماحسش براسو حتى شد ليها فيديها وباسها تنترات منو ..زاد بتاسم :كنبغيك
نعمة:ماتعاودش ديرها سمعتيني
كمال:لا ...لاولات جابتها الفرصة غنعاودها ازين ..
جات عندهم فخرية :كماال اجييي نشطحوو اجي
كمال:لا
جراتو:اجييي راه ليوم راس لعام خاص نشطو
بقة كيضحك وهي شادة ليه فيديه وكتشطح ..كمال غير كيشوف فيها كيضحك
نعمة.بقات واقفة حتى كتجي عندها وحدة من سربايات كانت مزروبة وفيديها صنية:ميرا الله يحفضك طبلة رقم 20 دي ليها هادشي علامن نجيب لباقي.راه ضيف مهم عند سي كمال جري دغية
قاطعها بحدة:قلت ليييكم مييرا مابقاتش سرباية سمعتيني ميراا هنا على قبلي انا ..تحركي مانعاودش نشوف وجهك قدامي تحركي
سرباية جمعات داكشي ومشات كتجري لا يزيد يتعصب
كمال شاف فنعمة :صافي ماوقع والو ماتخافيش .
وشاف فزياد وبتاسم:كنعتااذر منك
زياد وقف وهو كيغلي ملداخل كيشوف يديه فيديها
كمال:سيري جلسي ورتاحي ماديريش فبالك
وباس ليها يديها
نعمة تنترات منو يلاه اتهضر وهي تجي فخرية مصدومة هي التانية:ززيااد
زياد شاف فيها وخنزر قربات لعندو:زياد شكا دير هنت
دفعها تا كانت اطيح وتم خارج كي شي عجاجة باغي يخرج قبل يرتاكب شي جريمة..كمال مافاهم والو شاف فنعمة:واقلة تقلق..ههههه ويتقلق كااع المهم نتي ماتقلقيش صافي
نعمة نزلو دموعها:شتي كل شوية خارج لي مشكييل حياتي ولات غادة فالهاوية افخرية
فخرية:ماتخافيش غنشرح لليه كلشي
بعدات عليها :تقي فيا
نعمة هزات راسها باه وهي كترجف
مشاو جلسو فواحد ركينة جابت ليها لما شرباتو وبقات جالسة حداها شحال ..حتى جا عندهم كمال وجلس حداهم:مالك .لاكان غير على زياد راه مشى .مابيني وبينو والو من غير اني كنت كنتعالج عندو فاش كنت شوية زان زان ههههههه
نعمة خنزرات فيه كون قدرات كون قتلاتو وتهنات:ماشييي سوووقك بعد منيييي
كمال حط يديه على قخادها وقرب لعندها:سكرتيني رتاحيتي دابة
بتاسمات وزادت قربات لعندو:باش نتعادلو😉
كمال بنفس الهمس:واخة هكاك كنبقة صاحي مولف بشراب..راه كل نهار ازين😉😉
بقاو شي كيشوف فشي..فخرية سهات فيه نزلات عنيها لشفايفو وبدات كتقرب بلا ماتحس.وهو غير كيشوف فيها..حتى كيقفزو بجوج
لبارمان:شي كاس اخور اسيدي
كمال شاف فيه:لا
وشاف ففخرية:فاش بقينا
بتاسمات:بقينا امم فنوض نشطوحو
بتاسم وجراتو من يديه بقاو كيشطحو حيحو مزيان
داز الوقت..نعمة حسات بالخنقة ناضت كتقلب على فخرية ..شافتها كتشطح مع كمال..مدور يديه على خسرها وهي دايرة يديها مور عنقو وكيضحو
تنهدات ومشات للشمبر وقفات حدا لباب فاش سمعات داك سرباية كتهضر مع سعاد:جرا عليا بسبابها..من نهار دخلات لهاد لكباري وهو كيجري علينا واحد مور واحد تقول ساحرة ليه ولا باغيها غير هي
سعاد شافت نعمة واقفة حدا لباب:احم دابة نوضي قبل يلقاك مزالة هنا ويحيح عليك
سرباية دورات وجها وهي تشوف نعمة ناضت حنات راسها وخرجات
نعمة ماهتاماتش همها كبر من هادشي
دخلات وجلسات وهي كتحس براسها غينفاجر بالتفكير بدات كتماصيه بشوية
سعاد بتاسمات بمكر:راسك كيضرك
نعمة:بزاف اختي
سعاد:نعطيك داك لفانيد
نعمة:اه اختي ماكرهتش
سعاد:واخة تسناي
خرجات من شمبر غبرات شحال عاد رجعات وفيديها كلينيكس..حلاتو:هاهوما جوج باش ترتاحي
ماجاوبها تاشي حد..بغات تطلع فدروج وهي توقف فاش سمعات صوت زغاريت دورات وجها وهي تصدم كتشوف مراد فلكوشة ولعروسة قدامو..ومريم كتشطح وتغني كلشي فرحان ماعرفاتش كي وقع هادشي..قربات لعندهم وهي كتبكي:مراااااد ..مرااد شكا ديير .مرااد حرام عليك
بقات كتغوت ربي لي خلقها..حتى كتلقة راسها وسط صالة دلكباري..شهقات كي دارت جات للهناا .. يلاه كانت فدار عمها..تنهدات وهي كتقول غير كنت كنحلم ..بقات كتمشة وسط ناس كيشطحو..شوية حسات بشي فرحة فشكل دورات وجها مالقات تاشي حد صالة خاوية كيتسمع غير صوت الموسيقى بالجهد بتاسمات عجباتها الموسيقى بدات كتشطح وهي فرحانة ..شوية بدات كضحك غير بوحدها وتنقز ..حسات بناشااط...حتى كتحس بشي حد جرها من يديها وجمع معاها بصقلة شهقات بحاليلا فيقها دورات وجها لقات كلشي واقف كيتفرج وهي فلوسط..وكمال كيضرب فشي حد ..فخرية واقفة حداها:نعممة شنو هدشي
نعمة:مااعرفتش شنو وقع
فخرية يلاه اتجاوبها وهو يجي كمال بحال شي عافية جرها من دراعها:شهااد التقحبيييين ياك كتقولي نتي ملتازمة ..وزايداها بشطييح ومخلية زامل كيقيس فيك كيف بغة ويشطح معاك
نعمة غير كتشوف فيه ماعارفة والو..ماحساتش براسها حتى جمعات معاه بصقلة وبدات كتغوت:ببببعد منييي الحقيير كنكررررهك
بقات كضرب فييه وفخرية كتبعدها:صااافي
نعمة:خليييني نقتلوووو خرجلي على حيااتي
كمال غير واقف وكيشوف فيها مادار تاشي ردة فعل..كلشي كان كيتسناه يضربها ولكن هو قرب لعندها:صافي تهدني
نعمة بزقات ليه فوجهو وبدات كتهضر وهي كتورك على الحروف:قلت بعد مني
زياد :مابغيت ندوي مع تاشي حد ..ملي نرجع مانلقاك لانتي لاهي فدار ..حيت للا جيت ولقيتكم فدار كنقسم ليك انحرقك نتي وياها وداك الدار تاهي راكي عارفة وجهي تاني
فخرية:زياد سمعني لاخر مرة كنواعدك عمرك تولي تشوفني انا وياها لما قتانعتيش من الهضرة لي انقولك
بقة ساكت شحال:اجي حدا لبحر..
وعطاها لعنوان ..حفضاتو فدماغها بقات كتعاودو كتر من مرة شافت فنعمة:انمشي نهضر معاه ونرجع
وخرجات من دار فداك ليل ..لقات طاكسي بريق الناشف ..بصعوبة باش قدرات تنطق ليه لعنوان صحيح ..فهمها وداها لبلاصة المطلوبة .دارت ليه حركة باش يتسناها و.نزلات بقات كتمشة شحال حتى كتبان ليها طوموبيلتو
مشات لعندو كان متكي على لوطو وكيشوف لبعيد..تكات حداه
زياد:قولي داكشي لي اتقوليه وسيري بحالك..ختاصري
فخرية:زياد قبل نهضر جاوبني بصارحة..انا كنعرفك مزيان
وسكتات شحال:نت كتحس بشي حاجة من جيهت نيعمة ياك
زياد شاف فيها:لا كانت هادي هي هضرتك غير سيري بحالك
فخرية:لا عندي مانقولك
زياد:قلت ختاصري
فخرية:احم نعمة ماشي لخاطرها كاينة فداك لكباري..فالاصل.كانت بنت عمها خدامة تماك كتغني من بعد تخطبات وبغات تبعد ولكن كمال ماخلاهاش هددها ايلا ماكاملاتش الخدمة ايصيفط تصاورها وهي كتغني لخطيبها ولعائلتها .هوما عائلة ملتازمة ماغايسمحولهاش ويقدر يقتلوها..نعمة باش تعاون بنت عمها باعت دهبها ومشات تعطيه لفلوس يبعد منها ولكن ماقبلش..عرض عليها تخدم فبلاصتها لابغات تعاون بنت عمها..مالقات مادير وافقات باش ماضمرش ليها حياتها..خصوصا انهم رباوها من بعد موت عائلتها..ومن هدشي كامل هي لي خسرات فاش ساقو لخبار جراو عليها من دار..
وسكتات شحال عاد كملات:نعمة كان اتزوج بولد عمها لي هو خو لبنت لي ضحات على ودها. سمح فيها تاهو وتزوج وخلاها.وفوق هدشي كمال ولا مهووس بيها زاد تشبت بيها..ولا كيبغيها بزااف.نعمة مسكينة بنت ضريفة بزاف وملتازمة وقريبة من الله ولكن ضروفها كانت ضدها ..هي كتعذب بزااف ماشي لخاطرها هي تماك
زياد كان غير ساكت وكيسمع ليها ..تعمق فهضرتها وفكر مزيان حس بواحد الراحة فشكل ..شاف ففخرية:ماتصوريش شحال هضرتك كانت مهمة بالنسبة ليا
فخرية :كتبغيها
زياد كانت فيديه قرعة دلويسكي هبط عليها فدقة ورجع شاف ففخرية وبتاسم وعنيه حوومر معسلين زادو تغمضو فاش بتاسم:اه
فخرية بقات غير كتشوف فيه
زياد:فين هي
فخرية:راها فدار
زياد رمة لقرعة وركب فلوطو وكسيرا نيشان لعندها
فخرية بقات واقفة كتفكر ..فأحاسيسها هي..ماحسااتش بالخيبة او بالحزن بتاسمات وهي فرحانة انه كان مجرد اعجاب..شافت فطاكسي وتنهدات براحة ركبات وعيطات لكمال جاوبها دغية:كيبقات
فخرية:راها مزيانة فينك نت
كمال:انا خارج من لكباري
فخرية:خاص نهضر معاك
كمال:واخة انا نجي عندك
فخرية: واخة هضر مع طاكسي قولو فين اتجي عندي
كمال:واخة
مدات طليفون لمول طاكسي قالو فين ايتلاقاه ورجع ليها طليفون. مسافة طريق وهوما يوصلو خلصات طاكسي ونزلات وركبات مع كمال ديمارا بلا تاشي كلمة..بقا غير داير
فخرية :كمال بعد من نعمة شوف فين وصلتيها راك اتحمقها
كمال:هدشي لاش جاية باش تفرعيلي راسي
فخرية:راه عمرها تبغيييك واخة دير لي درتي
كمال:ماعنديش مشكل المهم تبقة معايا
فخرية:كمال فكر مزيان شغا تربح من هادشي غير الكره لي كيزيد فقلبها تيجاهك..تصور شي نهار تقتل راسها بسبابك حيت هدشي بزاف عليها
كمال فرانة بالجهد ووقف وضار لجيهتها وجرها من شعرها لعندو
كمال فرانة بالجهد ووقف وضار لجيهتها وجرها من شعرها لعندو وغوت:لاا هي مايمكنش تمووت سمعتيني نعمة ماتموتش لاوليتي قلتيها كنقسم ليك غنقتلللللك
فخرية :اااااي قصحتيني
رخة منها وهو كيغلي:ما انخليهاش تموت.
فخرية:لا بقيتي دير ليها هكا اما اتموت بالفقصة ولا اتنتااحر..لا كنتي بصاح كتبغيها بعد منها
جرها لعندو وهي حطات يديها على صدرو كتشوف فيه وفعويناتو سهات فيهم نطقات بهمس:زوينين بزاف
زياد زاد قربها لعندو همس ليها:ونتي كتحمقيني
دور يديه على خصرها وليد لوخرا حطها مور عنقها وجرها لعندو وهو كيبوسها بحنان خلاها ترخة..نعمة اول مرة شي حد ايقرب منها او يبوسها حسات باحساس فشكل ..حسات انها كتستمتع بحركات شفافو على شفايفها لدرجة مابغاتوش يحبس..زيرات ليه بيديداتها على سوميج وهي مرفوعة هدشي جديد عليها..حاسة براسها انها فعلام اخور جديد عليها..هدشي لي هي فيه فشكل مافهماتش شهادشي كيوقع ليها..لي عارفاه انه هدشي عاجبها وصافي..زياد نزل ليها سنسلة دلكسوة تا طاحت على جسمها بقات بدوبياس
نعمة ولا قلبها كيضرب فلمية فاش بعد عليها شوية حسات بفراغ باغاه يكمل بلعات ريقها وهي كتشوف فيه ..زياد كيحقق فتافاصيل جسمها باعجاب ماقادرش يقاوم راسو او يتحكم فنفسو حس بيديها على يديه جراتو لعندها وبتاسمات وتعلات على ريوس صبعانها وتعلقات فيه وبدات كتبوسو و هي كتحيد ليه لفيسط ورماتها فالارض.ونزلات يديها كتحل ليه صدافات سوميج وحدة بوحدة تا حيداتها ورماتها تاهي فالارض وحطات يديها على صدرو وبدات كتحرك يديها بشوية وشفايفها على شفايفو ..زياد زاد فقد الشعور هزها بالخف بين يديه وحطها فوق النموسية وجا فوقها ..وهو كيوزع قبولاتو على جسمها كامل..وهي مستسلمة ليه كلياا..لاول مرة فحياتها اتكون بين يدين شي شخص واول مرة فحايتها اتعيش هاد التجربة..دازت هاد ليلة عليهم زوينة مارسو فيها بكل شغف وجميع الاحاسيس الزوينة كانت حاضرة..ولكن غير اتشرق الشميسة اتقلب الموازين ..حيت هدشي وقع بدون شعور وفوق ارادتهم ..
صبح الصباح بنهار جديد
حلات عنيها بشوية كانت ناعسة معدبة وشمس ضاربة فوجها ديرونجاتها كانت حاطة راسها على كتافو علات راسها عنقها كيدرها دورات وجها شافتو ناعس كتحاول تفكر اش وقع لبارح .تكسلات ومدات يدييها :فييق
كمال كيتكسل شاف ففيها:مالكي
فخرية:راه بايتين فطوموبيل
كمال:سكرتينااا لبارح تا جبنة لكاو
فخرية كتقاد فشعرها:ماضربتكش على يديك .فيا جوع
كمال حل طوموبيل ونزل كانو موقفين لوطو قدام لبحر لبارح بقوة سكرة ماقدش يسوك وقفها ونعسو فلوطو..وقف كيشوف فلبحر وهو كيتكسل جبد لكارو من جيبو وشعلو ..نزلات ووقفات حداه :صبحات شميسة
كمال:اه الجو زوين..شحال فساعة بعدة
فخرية شافت فطليفونها:8
كمال:قلتي فيك الجوع
فخرية:اه
كمال:وعيطي سولي فنعمة كي صبحات
فخرية:اتكون ناعسة.حيدها من بالك شوية
كمال:هديك راه ولات كتمشيلي فالدم
فخرية:زيد دابة نفطرو
كمال:زيدي
ركبو فلوطو ومشاو يفطرو
عند نعمة وزياد
حل عنيه بشوية شاف فالسقف ماشي دبيتو دور وجهو وهو يشوفها تنهد بصوت مرتافع فاش تفكر اش وقع بيناتهم دار لجيهتها شافها ناعسة على كرشها بهدوء ولحاف مغطي جسمها لعاري وشعرها مطلوق على ضهرها ..لي مافهموش كيفاش ستسلمات ليه بهاد السهولة اكيد كاينة شي حاجة ماشي هي هديك..مد يديه وبدا كيحرك صبعاتو بشوية فوق خدودها ..ماينكرش كانت احسن ليلة فحياتو واخة ماكانش فوعيو مزال عاقل على كلشي لحضة بلحضة ..حتى اللحضة فاش غوتات ملي غرسو فيها.وداك سائل الدافي لي نزل منها .دليل العدرية ديالها.هي دابة ولات ديالو هدشي فرحو فلداخل ديالو ..بقات حاجة وحدة فاش اتفيق شنو ردة فعلها تنهد وقرب باسها بشوية على خدها وناض لبس عليه ومشا لبيتو دوش عليه وبالو معاها خرج لبس عليه ونشف شعرو ..
نرجعو عند نعمة
تقلبات لجيهة لوخرا وهي تحل عنيها بالزربة وعضات على شفايفها فاش حسات بالوجع فلتحت ديالها ملي تحركات..حطات يديها على كرشها بغات تحرك وهو يرجع نفس لوجع نزلات راسها عريانة شهقات وناضت جالسة كتحس بجسمها كلو كيضرها ولات كترجف فاش شافت الدم فوق لحاف بلعات ريقها وهي كتشوف فالناموسية وفحوايجها مرمين فالارض الحرارة طلعات معاها ودموعها بداو كينزلو غمضات عنيها رؤية ماواضحاش باغة تفكر اش وقع حاسة انها غتنفاجر..رجعات حلات عنيها فاش تفكرات لقطات من ليلة دلبارح شهقات بصوت مرتافع وهي كتبكي ويديها على فمها رتافع صوتها بلبكة بدات كتغوت وهي كتشوف فليزار كلو دم:علااااش اربي..
ناضت وهي كتحس بلوجع كيقطعها ملتحت نزلات من فوق النموسية وهي ملوية عليها ليزار وكتبكي وتغوت:زياااااااااد ..زيااد
وسكتات وهي كتبكي لقطات لي كيدوزو فبالها كيبينو انها كانت معاه بخاطرها مافهماتش اش هدشي هي عارفة راسها مستحيل ديرها ..بقات كتبكي وتشهق
زياد كيشوف فيها ماعرفش اش هدشي واقع
نعمة:انا ضعت صافي ..خسرت كلشي الله ياربي علاش هدشي كامل .
زياد قرب لعندها بقات فيه:نعمة
غوتات:بعععد منيييييي
وحلات لباب باش تخرج وهو يشدها من دراعها:تهدني وخلينا نهضرو
نعمة فكات يديها من يديه خرجات من لبيت حاسة براسها اتحماق اولا غير كتحلم :لااا بعد مني انا غنمشي بحالي من لهنا انا غنخوي هاد لمدينة بعدووو مني ..
كانت طالعة فدروج وكتسمع فلغوات وقفات وشافت فيهم وهي مصدومة...كتشوف نعمة كتغوت بحال شي حمقة وغير ليزار لي مغطي جسمها لعاري وكلو مطبع بالدم من لور وشعرها مطلوق ومخبل وكتبكي بحرقة ..وزياد واقف كيشوف فيها
فخرية:اش واقع
نعمة ضارت لجيهتها هي كتبكي:انا ضعت افخرية ..تافقتو عليا ياكي شربتوني شي حاجة نتي مشيتي باش تخليني معاه بوحدي يدير فيا لي بغة ياكي افخرية
فخرية زادت تصدمات كتشوف عنقها وجيهت صدرها فيهم علامات ديال قبلات زياد .فهمات الفيلم انه وقعات شي حاجة بيناتهم:نعمة شكا تخربقي هدشي ماكاينش
نعمة :مزالين كتمتلو علياا.ولكن اناا لي ماكانسوااش كنتيق ديما فنااس ماكايسواوش وكنجيبها فراسي.نستاهل هدشي لي كيجيني حيت باقي ماتعلمت ..عرفتي شغا ندير انمشي بحالي ماغايبقة يهمني تاشي حد
ودخلات لبيت وزدحات لباب طاحت فالارض و هي كتبكي بصوت مرتافع وشادة فكرشها كدرها...بقات كتبكي تاحسات بالسخفة وعنيها ضروها..ناضت بخطوات تقال وهي كتشوف فهاد لبيت وفلفراش زادت تعصبات هزات واحد لفاز وزدحاتو مع الحيط
زياد بغة يدخل وهي تحبسو فخرية:انا اندخل نشوفها
دخلات لقاتها كتشخشخ وتهرس ولفراش روناتو
فخرية:ننعمة براكة ماديريش فراسك هاد الحالة
نعمة شافت فيها وجات عندها طايرة شداتها من دراعها:خرجييييييييي مابغيتش نشوفك مابغيت نشوف تاشي حد بعدو مني
وزدحات لباب موراها..عقلها غيخرج ماقادراش تقبل انها خسرات شرفها وماباغاش تفكر انها كانت معاه بخاطرها..دخلات لحمام ورمات ليزار ووقفات تحت الدوش لما دافي هابط عليها ..قلباتو للبارد باغة طفا لعافية لي شاعلة فيها .ماهتاماتش للبرودة دلما مقارنة مع جسمها سخون والجو البااارد .ماحاسة بوالو من غير الاشمأزاز والشمتة الحرقة ..فركات جسمها مزيان وشعرها شوية ويسيل الدم هدشي كامل ودموع شلال فعنيها..خرجات من دوش و هي كترجف ..لقات فخرية كتجمع روينة .مسحات دموعها حلات لبلاكار لبسات عليها ودارت فولارها وجمعات حوايجها فشانطة..وتمات جراها خارجة من لبيت
فخرية تبعاتها:فين غادة
نعمة:ماشي سوقك
نزلات و فخرية تابعاها كتحاول تفهمها الموضوع
كانت جالس فصالة شافها نازلة تنهد وناض ببرودة وقف قدامها وهضر بهدوء:فين غادة
نعمة:ماشي سوقك حيد من قدامي
زياد علا حاجبو :كيفاش ماشي سوقي
نعمة:كي سمعتي ماشي سوقك انا غنمشي بحالي فمرا من لهناا
بغات تبدل طريق وهو يشدها وزير ليها على يديها تاتوجعات هضر بحدة وهو عاض على سنانو:ماتزيديش تلعبيلي على اعصابي
نعمة واخة موجعة ماباغاش تبين هضرات معاه بنفس النبرة ديال صوتو:طرطق كاع سمعتيني..يلاه حيد من طريقي
زاد زير ليها على يديها شوية ويهرسها :اترجعي لبيت بلا صداع ماتخلينيش ندير شي حاجة ماتعجبكش
فخرية كتشوف فزياد قربات لعندو كان واقف وكيسمع لصوت بكاها وهي كتعيط ليه يحل ليها لباب:شغا دير
زياد شاف فيها:ماعرفتش
فخرية بقات ساكتة عاد نطقات:ما اتخليهاش هاكة ياك..راك نت لي..
قاطعها:ماغانسمحش فيها..
وتم غادي وهي توقفو:واتخليها هكا كتغوت حل عليها لباب
زياد:ماشي سوقك
ونزل وخرج من دار ركب فلوطو وديمارا بالجهد وبالو معاها باغي يفكر فلي جاي
كانت مزال في البيت كتبكي بحرقة كلما تفكرت خسرات شرفها لهوا أهم حاجة عند البنت. ..كيتسمعو شهقاتها كلما تفكرت كانت معاه بخاطرها مقدرتش تنسا ودير بحاليلا كانت غي كتحلم بغات تحماق. ..سمعات صوت فخرية من ورا الباب مهتماتش... وقفات وهيا كتمسح دموعها لكانو شلال على خدودها لحمارو بكترة البكا اما عينها خلاص. ..
حيضات لتام بغات توضا وتصلي تطلب الله اغفر ليها واحسن حياتها لما هوا أفضل ..سمعات نداءات فخرية تنهدات وجوبتها بحرقة: فخرية عفاااك مبقيت بغا نسمع حتى وااحد ..فهمتي حتى وااحد
فخرية مور الباب: غادي اتقاد كلشي. ..زياد ولد الناس انا متأكدة مغاديش إلحق بيك الاذى
بتاسمات باستهزاء : ههه انا كنكرهو كتر من أي شخص. ..عمري نسمح ليه شماتة 😢
فخرية مزال مور الباب تنهدات حيت صعيب توصلي ليها الفكرة دابة باقا مجروحة: نخليك دابة كنتمنى تفكري في كلامي
مهتماتش دخلات الحمام توضات وخرجات قدات اللتام و بدات كتصلي من أعماق قلبها على الله ترتاح نفسيتها و تقدر تحمل الدوامة لفيها دابة. ...صلات حتى حست براسها رتاحت خدات القرآن و بدات كتجود وهيا مخشعة. ..كتحس بطمأنية ...بلاما تحس بداو كينزلو دموعها من جديد لدرجة كتجود و صوت شهقاتها كيتزاد. ..سدات القرآن و حطات ايدياتها على وجها وبدات كتبكي مقدرتش تحبسهم وتكون قوى من هاكة في الاخير كتبقى انثى ضعيفة....
داز الوقت وغربات الشميسة كانت متكيا على المخدة لي ولات ساردة بكترة دموع ...بقات حاضية الجو من زاج دالباب ديال البالكو ...
في هاد الاتناء كان وقف طموبيلتو قدام دار. .نزل وهو كيمسح على راسو كلما تفكر هدرتها صباح حاول اتبت وابقا مهدن حل باب الدار ...تلافت بانت ليه فخرية جالسة في صالون كتقاد شي ملفات على قبل المستشفى...وكتجعم من كأس العصير لصاوبت
جلس حداها وحط السوارت فوق الطابلة: مدارت واالو
فخرية شافت فيه: بقات فيااا من صباح وهيا كتبكي لدرجة شهقاتها كيتسمعو من هنا. .
تنهد و حك لحيتو بايدو: مكنتش باغي نوصلها لهاد الحالة مكتابة
بتاسمات: خصك تطلب منها زواج
بتاسم حتى هوا: ههه حتى تهدن الأوضاع بعدا
دازت العشية ووصلات 10 ديال الليل كان في الكوزينة كيوجد شي حاجة العشا عرفها مكلاتش نهار كامل. ..قاد دكشي في طبسيل حطو فوق البلاطو و حتى كأس العصير لكانت صوباتو فخرية والما ...طلع عندها البيت معول على هدرتها. .مبرد راسو لاقصى درجة حيت إلا تفاعل معاها حتى واحد مغادي اوصل لشي حل..
كان في الكباري جالس في واحد الركينة مرجع راسو لور و كيمسح على شعرو. ..خدا كاس الويسكي مخلطو معا الفوطكا ...كيحاول ابرد معرفش علاش باقي مجات موالفا هادي هيا الوقيتة لكتكون فيها. ..طلب كأس آخر و غي كيخنزر ..هز تليفونو دوز نمرة فخرية كان خداها من عندها. ..بقا شحال وهو كيصوني حتى قطع الأمل عاد جوبت ..
كمال : عام باااش تجوبي
فخرية :امالك الصحبي برد. .بنتيلي شاعل
تنهد و جغم من كأس : فين هيا
فخرية : شكون
كمال :نعمة مجاتش ...علاش
فخرية :معندي حتى فكرة امكن في طريق
قطع عليها و لاح تيلي غوت عليهم اجيبو ليه الشيشة و الويسكي على الله اهدى شوية ..
وقف قدام بيتها حط البلاطو. .وخشا ايدو جبد السوارت حل الباب بشوية شافها جالسة ومخشعة كتقرا القرآن بتاسم ..هز البلاطو دخل وسد موراه. .كانت كملات آخر اية من صورة القرآنية ختمتها بصدق الله العظيم تلافتت وهيا تجي عينها عليه. .كان واقف ومتكي على الحيط خاشي ايديه في جيابو. ..محساتش براسها امتى وقفات مقابلة معاه. ..
نعمة كتخنزر كون كانو نضراتها قرطاس كون قتلاتو :اشنوو مزال بغيتي عندي هااا كلشي بسبابك نتا ضمرتيني ...نعمة ماتت نتوما قتلتوها خليني نمشي من هنا حيت صافي نفسي ضاقت كنحس بروحي كتحرق خصوصا هاد البيت وهاد العفن لي وليت عيشاه بسيف عليا...
تنهد ..تقاد في الوقفة و تقابل معا وجها كيشوف عينيها كيف حمرين بكترة البكا ورموشها الفازكين بدموع ..نطق ببرودة : جبتليك تاكلي ماشي تموتي ليا هنا بجوع
غوتاات وهيا كضرب في صدرو عصبها ببرودة اعصابو: خرررج علييااا مبغيتش نشوفك كنكرهك شماتة ضحكتي علياا...الحاجة الوحيدة لبقات عندي خديتيها ليا هيء هيء الله اياخد فييك الحق عمرني نسمح ليك سمعتي عمري
كانت كتقول كل كلمة و دموع لبداو من جديد كيطيحو على خدها. .كتغوت معا كل حرف كيخرج من فمها بحرقة شالها تخبرق وطاح ليها..تطلق معاه شعرها الحريري ..
كان صابر كيحاول اهدن راسو شدها من دراعها بجوج : ساليتي يله اجي تاكلي ونتي وجهك كااع صفار
دفعاتو على حر من جهدها : مبغيت واالو منك تفرق عليا الحقير. ..خرج عليا ولا ندير شي حاجة فراسي هااني كنعلمك
جلسها وحط البلاطو قدامها جلس حتى هو على طرف الناموسية و خاطبها مغير صوتو لنبرة حادة: كولي بلاما تجعريني فهاد الليل
خنزرات فيه و تقادات في الجلسة متنكرش أن جوع كان قاتلها من صباح مكلات وخا معندهاش شهية. ..خدات اول دغمة وقبل متخشيها في فمها هزات راسها فيه: خرج من هنا مبغيتش نشوفك ...الماكلة غادي ناكلها تقدر تخرج ومتوليش توريني وجهك مزال
جمع الوقفة بغا اخليها على خاطرها خرج وسد الباب بسوارت عاد هبط اتعشا حتى هوا...
كانت مقادا ليهم الماكلة فوق الطابلة هزات عينيها لمحاتو جاي بخطوات ثابتة جلس بلاما انطق من ملامحو بينا عليه معصب وخا مكيبغيش ابين ..خلاتو على خاطرو كملو ماكلتهم في جو من الصمت ...جمعات فخرية الماعن غسلاتهم وطلعات لبيتها ....اما زياد فكان جالس في صالون وضو مطفي عليه مرجع راسو لور..و مغمض عينيه كيحاول ارتب افكارو وبالو معا لجاي ...دازو ثواني و دقائق وساعات و هو مزال على نفس الوضع حس براسو خصو انعس طلع لبيتو بلاما احس وقفاتو خطواتو قدام باب بيتها حس براسو باغي اشوفها. .حل الباب كان ضو مطفي وخا هكاك لمحها حيت كتبان ليه بحال نجمة مضوية وسط ضلام. ..تقدم بخطوات ثابتة حتى تقابل معا وجها البريء طول شوفة فيها بلاما احس طبع قبلة دافية على شفايفها الباردين حيت دابا ولات ديالو من حقو بوحدو...
تنهد وقاد عليها الغطا خرج وسد موراه بسوارت دخل البيتو تخشا في فراشو غمض عينيه وستسلم لنعاس على أمل تقاد الأمور منها لقدام. ..
صبح الصباح بنهار جديد كيحمل بين طياتو احدات مختالفة...
كانت كتغطي وجها بإيدياتها رطيطبين حيت اشعة شمس لكتسلل لبيت ديرونجاتها...كمشات عينيها كتستاعد تفيق...فتحاتهم ملي تفكرت أحداث البارح شوية رجعت غمضاتهم على أمل تكون في حلم. .تنهدات و حيضات عليها الغطا دخلات الحمام تقضي روتيناتها الصباحية توضات و خرجات خدات اللتام والعباية لبساتهم ..بدات كتصلي بتخشع كملات ..جمعات صلاية وجلسات على طرف الناموسية كتفكر اشنو دير باش تخرج من هنا فاقت من سهوتها صوت خطواتو خسرات ملامح وجها و حولات تملك اعصابها. ..متلافتتش لجيهتو حست بيه حط ليها بلاطو ديال الماكلة جنبها. .وخدا البلاطو ديال العشا لكان جاب ليها البارح ..قفزات فاش سمعات الباب تسد ...بقات شحال كتشوف في نفس النقطة سمعت مصارنها كيغوتو بجوع و عاد كرشها كدرها معرفتش علاش مملفاش ليها ..كانت عوالة متاكلش ولكن ماشي بايدها عوجات فمها بطريقة طفولية.. تلافتت بالعرض البطيء لجيهت البلاطو محساتش على راسها امتى بدات كتاكل كملات البيض كامل وخا مكيعجبعاش تفاجئت من راسها ...سلات وخصلات ايدياتها عاد رجعت جلست ..لفت نتبها واحد المدكرة خداتها معا قلم جلسات في الأرض مهتماتش لبرودة ...اهتمامها مشتت و افكارها مبعثرين حطات المدكرة قدامها وبدات كتكتب بلاما تحس سطور كتحمل عبئ من الهموم لساكنة قلبها. .ومعا كل حرف كطيح دمعة من عينها وكانها حبة الماس...هاكدة دوزت وقتها
في جيهة خرى كان كيدور من شارع لشارع و من مكان لمكان كانت حالتو كتخلع و عينيه حمرين بكترة مسكر لبارح كيحس على راسو ايحماق معرفش فين هيا. .أسئلة كثيرة كدور في راسو ..كيخبط ديريكسون بعصبية وكيمسح على رااسو ...كان كيسوك بسرعة فائقة بحالا في شي مدمار ديال سباق خصو القاها حيت ولات بحال الأوكسجين لكيستنشقو ...و كيحملو الدم اتناء الجريان ديالو في الشعيرات الدموية....خدا كارو شعلو وهوا كيرجف خرج ايدو من شرطم لوطو و نتر نترة منو كان بحال شي بحر هائج و غاضب رجع كيكمي حتى نطق :غاادي نلقاك معندك فيين تبشي بلاصتك حدايا مستحيل نخسرك يكفي خسرت مرة وحدة ولكن الحب غادي اكون فصفي هاد المرة...
نهار كامل وهو كيدور من بلاصة لبلاصة معياش فكرت تخليه كتركب ليه انهيار عصبي مهتمش لدواه لي مخداهش. .
.. بالنسبة ليه ماشي وقتو دابا ...
وصلات العشية فرانة بالوطو قدام البحر فتح الباب و وقف قدامها خدا حجرة رماها بكل قوتو في البساط زورق لكيبين هدوءو من خلال امواج هادئة وفنس الوقت اقدر اتقلب وابين غضبو حس بالبحر كيشبه شخصيتو لكتغير معا الأحداث لكيعيشها..غوت على حر جهدو على الله العافية لشاعلا فيه تهدى جلس وهوا كيبكي كانت تصرفاتو كلها كدل على حالتو المرضية لبدات تسوء. .حس بصوت شي اوطو تلافت بالعرض البطيء بانت ليه جاية كتجري فتجاهو تمنى فهاد اللحظة تكون نعمة بلاصتها رجع شاف جيهة البحر. ..
جلسات حتى هيا لمستواه: اشنو وااقع مالك على هاد الحالة
خرج عينيه فيها محسش على راسو حتى قجها من عنقها.. كان مزير عليها عاد نضراتو لكطلق شرارة والغضب . ..نطق وهو عاض على سنانو :غادي تبغيني ...سمعتي دخلي هادي لمخك نعمة ديالي و أي واحد اياخدها مني نقتلو. ..سمممعتي نقتلوو ...
فخرية كتحاور تفك ايديه على عنقها عينيها و وجها حمارو حيت مقدرتش تنفس ..بقات كضرب في ايديه حتى حس على راسو عاد طلق منها. ..طاحت على ضهرها كتكحكح و كتحاول تاخد أكبر قدر ديال الأوكسجين باش تنفس عنقها ولا حمر لدرجة صباعو مطراسيين عليه ..
جمع الوقفة و مزير ايديه على شكل قبضة شافها كتكحكح و كتبعد الكول ديال تريكو على عنقها عرف راسو اشنو دار حاول اوقفها وخا تنترات منو نطق بصوت منكسر كأن تصرفو كان عادي وطبيعي: سمحيلي مقصدتش..
تنترات منو بعدما تبتت توازنها كانت مزال حاطة ايدها على عنقها. .سكتات شحال ترجع انفاسها عاد نطقت: كح كح نننتاا مفيهاش حماقيتي كنتي غادي تقتلني هااا
مسح على راسو و بشا تكا على لوطو نطق وهو مرجع راسو لوور: مقدرتش نتحمل فكرة مكتبغنيش...انا باغيها غي ترجع ولي طلبتها انا مواافق عليها. ..اااه انعمة فيينك دابا. .فينك
تكات حتى هيا على لوطو وشدات في ايديه لكيرجفو بالاعصاب: انا اشنو بالنسبة لييك
شاف فيها شحال عااد هز ايدو صافحها حتى هو و نطق بنفس نبرة صوتها : اوكي فراندس
فخرية رجعات تكات على لوطو نطقات وهيا كتشوف في البحر: نقوليك شي حاجة ومتوليش عاود تقجني
كمال : الا كنتي غادي تقولي ليا نساها. ..دونك نساي هاد الصداقة لي يله عندها تواني قليلة
تنهدات و خشات ايدياتها في جيوبة ديال جينز: هااني ساكتة
كمال وقف : غادي نبشي الدار عاد ندوز لكباري على الله تجي اولا معرفتش اشنو ندير باش نرجعها....ولكن متأكد غادي نقلب عليها الدنيا. ..إلا مجاتش
فخرية كتافات بصمت رجعات شعرها ورى ودنيها و بشات في اتجاه لوطو حلات الباب وقبل ما تركب تلافتت عندو: غادي نجي الكباري نحتافلو بصداقتنا
الكمال ركب حتا هو مع ابتسامة كتعجبو شخصيتها لي مختالفة و نضرتها الحياة. ..
غربات شميسة وعم ضلام...كانت في بيتها مزال كتكتب على المدكرة مملاتش امكن لقات فين تبوح باسرارها..وكأن هاد المدكرة بءر عميق حفرات فيه الجرح ديالها...سمعات صوت لوطو عرفاتو هوا تنهدات و دعات فيه فخاطرها على الله تاخد حقها لضيعو ليها. ..ماشي بزااف ديال الوقت حتا حست بالباب كيتفتح ..جمعات المدكرة ورجعت جلسات على طرف الناموسية كانت محيدا اللتام و مخليا شعرها على راحتو شافتو كيتقدم بخطوات في اتجاها وقفات مقوية راسها و نضراتها كلهم حقد وكره
نطقات بنبرة حادة: حتا الامتى غادي تبقى حابسني..هااا اش كيحسابليك مكينش قانون ...واش حنا عيشين فالغابة
كان خاشي ايديه في جيابو و كيرمقها بنضرات باردة بقا ساكت شحال عااد نطق ببرودة :حتا ديري عقلك عااد نقدر نتحاور معاك نتي دابا معرفاش اشنو كديري
بدات كتصفق و كضحك بحال الحمقة: ههههه وااااو مسيو زياد عرفتيي نتاا تجي معاك ممتل في شي دور درامي ههههههه. ..لا بلاتي وااش كيحساب لييك غاادي نبدل راءي ونتحاور معاك..انا ممعتبراكش انسان باش نديع من وقتي و نزل لمستواك الحقير...سمعتي مزياان هاد الهدرة دخلها لراسك ...مستوااك الحقير
قرب ليها لدرجة مبقا كيفصلهم إلا بعد سنتيمترات تحنا شوية للمستوى وجها حيت طويل عليها. ..بقا كيشوف فيها شحال كفاش كتخبي ضعفها ورموشها لكيفضحوها لكونهم كيتحركو بزربة عاد شفايفها لبحال حبات الكرز كيرجفو: سااليتي إلا كنتي نتي رااسك قاصح فأنا اكيد راسي قصح منو و بصارحة اللعب غادي اكون زوين معاك. ...حتى نشوف هاد القصوحية ديالك فين غادي توصلك
محساتش على راسها امتى صفعاتو على حر جهدها نطقات وهيا كتغوت : خرررج علييااا. ...كنكرهك كنكرهك الحقير هيء هيء خرررج منوليش نشوفك خربتي ليا حياتي الله اياخد فييك الحق
طاحت وهيا كتنطق كل كلمة معا شلال لهواد على خدودها المتوردين...سمعات الباب تسد بجهد. ..قفزات و رجعات جمعات رجليها عندها كلما كتشوفو كترجع بيها الذاكرة لليلا لحتاضنتهم بجوج و وحدت اجسامهم....بقات كتبكي حتى نشوفو دموعها و عينيها ضروهاا ...جمعات الوقفة وخدات نفس عميق بغات دوش على الله تهدن شوية..
أتعبني قدري الجزء الثالث
محتوى القصة
التنقل بين الأجزاء