وصلات هبة و عائلتها للمستشفى لقاو عندها العضم تالنيف تحرك من بلاصتو بقات ساعتين و نص فالبلوك عاد طلعوها و دايرين ليها فاصمة ف نيفها و هي كاع ما حاسة بيه
جاد كان واقف كيشوف غير من بعيد حيت عارف بلي مكحل الضواسا مع وهيبة و مفراسوش بلي تا باها مقفرها من عندو شافها خرجات و فرح و فنفس الوقت حس بارتياح كبير ف قلبو رجع لدارو خدا دوش و دخل لليوتوب كيتفرج ف ماتشات التوأم كاملين عارف بلي هونا قويين و لكن متأكد بلي القوة كاملة عند هبة كثر من وهيبة حيت غالبا هيا لي كتشد الحزام اضافة الى لقبها الديفا
و الجمهور الكبير لي كيحماق عليها و والاو كيلبسو بحالها ....
اما هبة ف كيف سبق قلت ما حاسا بوالو غير كالسة و كتهضر معا باها و كريس لي شافت كلشي فالبيسي ديالها و لحقات عليهوم و ختها .
****نخليي هبة تهضر ليكوم ***
اليوم خديت ضربة قاسحة بزاف ف نيفي و ماشي غير ضربة وحدة زوجات خرجت من البلوك و انا ما حاسا بوالو من غير جرحة صغيرة شويا ف شفايفي وهيبة بقات غادا جايا عليا فالبيت و كتحلف على تامينا .
بابا غير ساكت و مرة مرة كيسولني باش حاسة اما كريس كالسة و شادا ف يدي و ساكتة .
دوزت الليلة كاملا مجبدة فالكلينيك باغا غير نعس و حلف لا جاني كلشي مشا للدار و بقيت بوحدي كنشوف فالسقف تا حل الباب
جاد:تا نتي مجاكش النعاس
انا:قنطت بزاف
جاد:مممم اشبان ليك نخرجو نجيبو دورة ...تحيدي الملل
انا:ولكن راه مغيخليونيش
جاد:واش تقدري اه لا
انا:اه نقدر
جاد:هانا جاي
دازت دقائق معدودة تا بان ليا داخل هو و فرملية حيدات ليا الصيروم و لبساتني سيرفيت و خرجات و دخل موراها جاد
جاد:واجدة
انا:اه يالاه
جاد:سندي عليا ولا نهزك
انا:جاااد نيفي فاش مقصحة ماشي رجليا
جاد:نسييت
خرجنا من البيت لي كنت فيها و مرة مرة كنقيس نيفي كنلقاه منفوخ
جاد:وليتي كتباني كيف شي كلون كون دارو ليك فاصمة حمرا كون دابا تابعينا الدراري الصغار
انا:هاهاها ضحكتيني حاامض
جاد:بغيتي نكلسو فالجردة لي فالتحت ولا تخرجي باينا فيك مواكلة والو مفيكش الجوع
انا:تشهيت بيتزا و السوشي و الحليب بالشكلاط... هو اه فيا الجوع ولكن ماشي بزاف
جاد:اه باينا ماشي بزااف زيدي زيدي
*****خرجنا للباركينك تالكلينيك و ركبنا ف فيراري كحلة صوتها كيتسمع منين و منين ..... مشينا كلينا بيتزا و خدا ليا جاد كلاص بالشكلاط فصراحة كنحماق على الشكلاط بقيت كنخشي فوجهي تا ساليت كلشي خلص جاد و خرجنا من الريسطو
جاد:بقا لينا دابا السوشي ياك
انا:لا صااافي شبعت الحمد لله ولكن بغيت حليب بالشكلاط يكون سخون حيت داك الكلاص بردني
جاد:واخا الالة نتي غير آمري و تفششي عليا كيف بغيتي
*****خدا جاد الحليب بالشكلاط لينا بزوج و رجعنا للكلينيك و كلسنا فالجردة فوق الربيع و متكيين على شجرة
جاد:مقصحة بزاف ف نيفك
انا:نن ما حاسا ب والو نهائيا
جاد:صدمتيني
انا:فاش
جاد:مكنتش متوقعك قويا لديك الدرجة .... فاللول قلت غتخسرو منين شفت ختك تغلبات و عياات ولكن كي دخلتي تأكدة انكوم رابحين و تصدمت كلشي تقلب على غفلة
هبة:هادي هيا المصارعة كلشي فيها ممكن يتبدل ف رمشت عين تقدر تكون لاعب مزيان فاللول و فلحظة كتخسر
جاد:شنو لي خلاك دخلي للمصارعة و علاش ما باغاش تخرجي منها
انا:الفقر هو لي خلاني ندخل ليها .... منين بابا خسر فلوسو كاملين على العلاج ت ماما كان خاصني نخدم لقيت فرصة و ستاغليتها ولكن المصارعة ادماان من بعد ولاو عندي الفلوس ولكن مقدرتش نتخلا عليها مؤخرا قررت انا و وهيبة نرجعو للمغرب و لكن تراجعت على الفكرة من بعد بغيت تا نلقا ماما
جاد:راه قضيتها باقا ف بالي ماناسيهاش
انا:اه عارفا بغيت نسولك
جاد:على الراس و العين
انا:شنو قصة ياسمين
جاد:😡😡😡 هضرات معااك يااك
انا:لا سمعت هضرتكوم البارح
جاد:برهوشة مها خدامة عندنا و صاف و آخر مرة تجسسي عليا و على حياتي الشخصية واااخااا
انا:و منين عارفها برهوشة علاش قربتي ليها اصلا و نتا كون تزوجتي كون ولدتي قدها
جاد:كتغيري
انا:هه من ديك الحمقة لا
جاد:منعرف المهم خاصك تبراي دغيا و تقلبي ليا على وثائق ماماك تالسبيطار لي كانت فيه باش نبداو نقلبو عليها و بدايتنا غتكون من تما
انا:فنظرك غنلقاوها
جاد:ايلى كانت باقا عايشة 100% غنلقاوها كنواعدك
انا:كنتمنى
جاد:ياكما جاك البرد
انا:نن بلعكس حاسة براسي مزيانة و بزاف عاد
جاد:علاش مبقيتيش باغا ترجعي للمغرب
انا:حياتي هنا كبرت هنااا ..... و بابا مستحيل يمشي .... منقدرش نتخلا عليه تا هوا
جاد:ولكن غيجي واحد النهار لي تبغي ترجعي لأصلك
انا:يمكن .... معرفتش
جاد:اوكي نوضي لبيتك ترتاحي
انا:لا غير خليني هنا مرتاحة ... ايلى كنتي غتمشي او تعطلتي تقدر تمشي انا قادة براسي
جاد:عارف و انا ماشي هنا باش نبين ليك العكس ...انا هنا باش تعرفي بلي غنكون معاك ف جميع الحالات مريضة او بصحتك ...باكية او فرحانة .... زوينة او خايبة فحال دابا ههههه
انا:(ضربتو لكتفو )ياااك انا خايبة داابااا
جاد:(جبد تيليفونو)شوفي راسك
انا:اويلي نيفي قداااش
جاد:هههههههه عاادي راه خدا جوج ضربات ماشي تا وحدة
انا:عندك الحق غفلاتني بنت الحرام...ولكن غنردها ليها و فأقرب وقت
جاد:السيدة كبيرة و باقي باغا دابز مفهمتش
انا:سميتها تامينا و حياتها فارغة راجلها سرق كاع املاكها و خلاها الله كريم و فالحلبة كتفرغ غضبها
جاد:فكرتي ف هضرتي
انا:اينا هضرة
جاد:ديال اننا نبداو صفحة جديدة و علاقة جديدة
انا:طلبتي مني نسامحك و كون مسامحتكش مغتلقانيش كندوي معاك دابا شي حاجة خرا منقدرش عليها
جاد:اوكي (و سها بقا كيفكر)
انا:فيا النعاس
جاد:اوكي زيدي نطلعو لبيتك
*****عاون جاد هبة تا طلعات لبيتها و ركبات ليها الفرملية الصيروم و بدلات ليها و دخلاتها للحمام و خرجات تكات فوق الناموسية و جاد كالس جنبها و كيتسناها تنعس عاد يخرج و عينيه ساهيين ف ملامح وجهها كيطلع فيها و يهبط تا عاقت بيه
هبة:جاد باراكا من التحنزيز و خليني نعس
جاد:و مالي حابسك نعسي 😑
هبة:(تقلبات للجهة الثانية)واخا
بقا جاد مقابلها تا نعسات عاد مشا لدارو يرتاح و كي وصل للدار تاصل ب صاحبو باش يعاونو ف واحد البلان
جاد:جون سالام
جون:اهلا جاد فين غابر مدة ما دويتي معايا
جاد:مشاغل الحياة راك عارف
جون:و شنو لي فكرك فيا هيا شي سهرة زاهية
جاد:نن ماشي داكشي محتاجك ف شي حاجة
جون:مرحبا
جاد:بيبييييييبيييييييييييييييييييييييييييييييييب(شنو بغيتو تسمعو نتوما كل حاجة فوقتها زوينة خليونا نرجعو لعند هبة
*******فقت الصباح معطلة جابت ليا الممرضة الدوا مع الفطور بان ليا صاك وهيبة حدايا اكيد جات و لقاتني ناعسة ..... يالاه بديت فطوري تا دخلات عليا كي الرعدة شوي و تهرس الباب
انا:بسم الله الرحمن الرحيم مالكي اختي على حالتك مكتعرفيش دخلي بشويا
وهيبة:(معصبة)شنو بينك و بين داك الحمار
انا:بسم الله عليك اينا حمار
وهيبة:هاداك لي غتاصبك (كتغوت)شنو علاقتك معاااه
انا:😱 لا زيدي غوتي سمعيها للكلينيك كامل ...... ها علاش كنكره نعاود ليك
وهيبة:واش سامحتيه
انا:لاش هاد السؤال
وهيبة:حيت لقيتو التحت جايب الورد و الشكلاط تقول باغي يخطب و زايدها كيحمر فيا عينيه الكلب لاخر
انا:اه سامحتو ... و شنو فيها
وهيبة:نسيتي ولا نفكرك ...راه اغتاصبك تعدى علييييييك من ايمتا ولا قلبك هشيش هاكا
انا:نتي ما عارفا والو داك السيد دار بزاف تالحوايج على قبلي لي خلاتني نسامحو
وهيبة:مثلا رجع ليك البكرة ديالك كيف كانت......ولا نساك ف دوك الايام لي خطفك فيها شنو دااار شنووو
وهيبة:هانتي غتشوفي انا داك الويل الكحل مكنحملوش و مستحيل نخليه يقرب منك
شدي ها تيليفونك جبتو ليك
انا:شكرا
غير حليتو بان ليا ميساج طويل فالواتساب دخلت ليه و لقيت
《سلام هبة أكيد كتسائلي شكون شوفي الصورة الفوق معرفتش شنو نقول ليك والا منين غنبدا ... لي بغيت نقول ليك هو وليت كنبغيك و كل ليلة كنبات نفكر فيك ... متصوريش منين تضربتي باش حسيت الليل كامل و انا مشطون و مهول عليك ولكن آديتك بزاف و بدون قصد ....نتي سامحتيني و انا مطامعش ف سماحك بوحدو بغيت حتى قلبك ..... تسنيتك تقبليني ولكن لبارح منين أكدتي ليا انه ميمكنش تكون شي حاجة بيناتنا قررت منزيدش نضغط عليك كثر من هكا انا غنسافر و عمرك مازال تشوفيني كنتمنى ليك السعادة واخا تكون معا غيري تهلاي فراسك♡الوداع♡》
بعد ما قرات هبة الرسالة مشات تشوف الصورة واخا هيا عارفا مزيان شكون مول الرسالة لقات شكوكها ف محلهوم ولكن كيفاااش هاادشي علاش غيمشي .
هبة:شوفي بغيت ادن الخروج سيري جيبيه ليا دابا
وهيبة:ولكن راك باقي مبريتيش
هبة:عااافاااك راه خاصني نخرج ضروري بزاااف
وهيبة:غتجيبيها ف راسك شي نهار بهاد قلة المسؤولية
**********************
خرجات وهيبة كتنكر و خلاتني غارقة ف التخمام واش فعلا مشااا عمرني مازال نشوفو ماهي الا دقائق حتى دخلات وهيبة و فيديها ورقة تالخروج سنيتها و خرجنا اول حاجة درت هيا مشيت للدار بدلت عليا حوايجي بالزربة
وخرجت اول حاجة طاحت ف بالي هيا نتاصل بالنمرة لي سيفطات ليا داك الميساج تاصلت بيها و لقيتها مطفية ركبت ف طوموبيلتي و شديت الطريق ل دار جاد .... بعد مدة لي هيا مسافة الطريق وصلت .
حل ليا العساس الباب و دخلت
وصلت لحدا الباب و بقيت كندق و مكيجاوبني تا حد .... دقيت تا عييت و والو
يالاه بغيت نمشي فحالي و انا نسمع الباب تحل .
و اللي حلو ماشي جاد انما شاب زويون كيحمق
انا:ممم.سمح ليا كنسول على جاد
الشاب:جاد...؟؟؟شكون هاد جاد
انا:مول هاد الدار
الشاب :سمحي ليا انا الدار شريتها من مكتب العقارات معارفش شكون مولاها
انا:لا نتا لي سمح ليا حيت صدعتك
هو:مكين تا مشكل مرحبا
انا:بسلامة
*&*&*&*&*&*&*&*&*&*
رجعت من عندو و انا الطريق كاملة كنفكر فين ممكن يكون
ولكن اش بغيت من عندو ياك رفضتو لبارح و ديما علاش دابا كنقلب عليه شنو زعما يكون كيعجبني هههه الله يهديك اهبة هو منين شفتيه فالطريق و هو عاجبك افففف دابا شنو الحل ....اه تفكرت
انا:الو
كلارا:عاش من سمع صوتك الالة
انا:سمحي ليا بزاف حيت غبرت عليك و سمحي ليا على اللي طرا ديك المرة
كلارا:نسامحك ولكن بشرط
انا:اما هوا
كلارا:بغيت نكون اول صحفية كدير معاك مقابلة مورا الاصابة ديالك
انا:مرحبا على راسي و عيني من الفوق ولكن عتقيني بعدا ف هادي
كلارا:فاش؟؟؟
انا:جاد بن جلون
كلارا:لا لا لا لا و تقولي واش مازال نتدخل بينك و بين داك الهمجي اويلي اختي ديك المرة شويا و يضربني و نتي كتعاودي تجبديه ليا
انا:حبيبة كلارا راني مطالباش منك شي حاجة صعيبة بغيت غير معلومات عليه
كلارا: و ياك هو من عائلتك شمن معلومات غتكون عندي و ما عندكش
انا:مبغيتش حياتو الشخصية بغيت نعرف اعمالو و فين خدااام ومعا من كيخدم و فينا بلاصة و كلشي كلشي .
كلارا.واخا العشية يكونو عندك
انا:شكرا بزاف غدا ندوز عندك على ود المقابلة
كلارا .واااخا بسلامة
دوزت العشية كاملا غير فالدار جا بابا هو و كريس و بقاو معانا تا تعشينا و وصلات 1 تالليل عاد مشاو فحالهوم دخلت دوشت لبست شورط و تيشورت خفاااف صيفيين جمعت شعري للفوق و هزيت تيليفوني لقيت مساج من كلارا فيه صورة ديال جاد و معلومات على خدمتو عندو سلسلة مطاعم و فناادق فاخرة ف فرنسا و المغرب و عندو شركة تالهندسة ف فرنسا و كان مكتوب حتى العنوان ديال كلشي و حاليا كيوجد يوسع مشاريعو ف امريكا .
لقيت 4 تالنوامر 2 ديالو و 1 تالسكريتيرة و 1 ديال الدار لي عندو ف فرنسا و العنوان ديال ديورو كاملين حتى الدار لي هنا .
انا:الو كلارا سمحي ليا تاصلت بيك ف هاد الوقت ولكن بغيتك تأكدي ليا من واحد الحاجة
جبدت كتاب كتبت فيه جميع افكاري لي موجدة لجاد عاد نعست .
******&&&&**&
نهار جديد فايقة ناشطة دخلت للدوش دوشت و رخيت عضامي مزيااان خرجت و بدلت الفاصمة ل نيفي دخلت لبيت الحوايج جبدت كسيوة صيفية فالبيج قصيرة مع البوشيط ديالها درت مكياج و شعري جمعتو للور شويا و نزلت وجدت فطوري فطرت بالزربة و خليت لوهيبة رسالة فيها بلي غنسافر و معطيتهاش راس الخيط و خرجت لعند كلارا كيف وصلت بدينا المقابلة و جاوبت على كاع أسئلتها سالينا و مشيت للمول خديت حوايج مخالفين تماماا للستيل ديالي مرجلين يعني سيرفيتات تالدراري مفضفضين كنبان فيهوم كي الخنشة و سراول جينز وسع منهووم مع تريكووات تالدراري و مشيت للصالون بدلت اللون ل شعري رضيتو كحل وصيت قطعت تذكرة من البيسي لفرنسا و وصلت للمطار فالوقت المحدد كي طلعت فالطيارة طحت دودة نعست تا فيقاتني المضيفة و علماتني بلي وصلنا لقيت طوموبيلة وصيت عليها قدام باب المطار درت فيها حوايجي و تاجهت للاوطيل لقيت جناح خااص بيا زوين بزاااف دخلت دوشت بدلت حوايجي و تاجهت للعنوان اللي عطاتني كلارا قررت نسبق الدار حيت هاد الوقيتة غيكون جا من الخدمة
وصلت لعندو صونيت فالباب زوج مرات و تحل غير شافني تحلووو عينيه على وسعهم
جاد:هبة شنو كديري هنا ؟
بقيت ساكتة و كنشوف فيه يالاه دار باش يدفع الباب و ندخلو و انا نغبر و تخبيت مور الشجار لي كينين تما مع الدورة مالقانيش تصدم و بقا كيقلب .
البلاصة اللي يكون قلبها ................كنمشي انا نتخبا فيها تا عيا و دخل فحالو .عند بالو غير كيتخايل
أنا:اويلي كنت غنضرب كلشي ف الزيرو غادا عندو ب هاد الحوايج حكلو ميعرفني من الشوفة اللولة فين كااان عقلي اوووووففف
رجعت فحالاتي للاوطيل دوشت و كليت و ضربتها بنعسة .
ما فقت تال الغد ليه فقت بوكلبت شعري و لبست واحد سروال يتخشاو فيه 2 مني معا تيشورت كحل و قبية .فطرت و خرجت تاني لحدا دار جاد بقيت واقفة كنتسناه تا بان ليا لابس لباس رسمي فالكحل و شوميز التحت بيضا كان كيحمق كسيريت بالطوموبيلة للدورة و وقفتها تما و فشيت ليها الروايض و درت رااسي زعما معصبة و كنبكي تا بانت ليا طوموبيلتو جاية جيهتي حبس الفران و نزل
دخلت لديك الشركة لي قدها قد السخط الناس غير كيشوفو فيا متعجببن حكلهوم و انا الشماكرية كون شافوني دابا يحمدو الله
اففففف دابا شنو الحل
بنت:بون جوغ خاصاك شي حاجة
انا:جيت عند جاد بن جلون
بنت:عندك شي موعد معاه
انا:لا ولكن ضروري خاصني نشوفو ضروري عافااااك
بنت:ولكن راه منقدرش ايلى مكانش عندك معاه موعد
انا:دابا غدخليني لعندو ولا نبدا نغوت و ندير ليك الشوهة هنا بلي راك شديتي من عندي الرشوة
(لحت ليها شي فلوس فوق البيرو ديالها بالتخبية*)دابا شنو
البنت:انا غنشوف كيف ندير
***********
بقيت كالسة كنتسنى شحااال و بانو ليا بزاف تالبنات حتاهوما كيتسناو و مجمعين على جااااد كلهم ضاربين مكياج تقيل تقول الليلة ليلتهوم .
الا أنا كي زوفري حداهوم كل مرة طلعني وحدة و تهبطني لخرا حاولت نبين بلي مميوقاش ليهوم واخا مكرهتش كون فرشخت مهوم كاملات
بقاو كيغبرو وحدا مورا لخرا عرفت بلي جاد جااا و بدا كيختار اينا وحدة لي تكون سكرتيرة ديالو .
بقيت انا آخر وحدة تا جات ديك البنت عيطات عليا .
البنت:سي جاد كيتيناك تفضلي
انا:شكرا
دقيت فالباب و دخلت هوا كان عاطيني بظهرو و كيهضر ههههه باغي يصدمني فآخر لحظة ولكن معا من نتا ابا جاد غير صبر الجاي احلى .
جاد:(باقي عاطيني بظهرو )تفضلي قالو ليا بغيتيني ف شي حاجة
انا:اه اسيدي على ود مقابلة العمل
جاد:ولكن موصني تا سيفي ديالك
انا:راه الصباح تعرضو ليا الشفارة و داو ليا صاكي كاملو .و فيه السيفي و وراقي كاملين
جاد:و من بعد هادي ماشي مشكلتي تفضلي برا حيت منقدرش نخدم شي وحدة معندهاش الوراق .
انا:عااافاااك متجريش عليا ماما مريضة بزاااف و با هرب و تخلى علينا و انا باقا فكرشها هيا راها معولا عليا نجيب ليها مكلتها و دواها مسكينة بالفقصة جاها شلل نصفي و كنخليها غير مع الجارة الله يخليك شوف من حالي انا جيت هنا باش نخدم و تيقني والله متندم .
جاد:(دار لعندي )
انا:نتااااااا .......ولكن....كيفااااااش ياك نتا لي .....مفهمتش
جاد:اه انا هوا جاد بن جلون .شوفي ا آنسة نتمنى تفهميني نتي ماعندك تا ورقة كتبث هويتك
انا:(قاطعتو)هانتا غير عطيني فرصة و كنواعدك عمرك تندم .
جاد:اففففف صافي واااخااااا ولكن وراقك هاد الشهر يكونو عندي كااامليين + اول خلصة ليك غتاخدي بيها حوايج يكونو لايقين لخدمتك و تهلاي فراسك شويا.
انا:شكراااا بزاااف أ سيدي شكراااا
جاد:غنتاصل ب مورا هيا غتوريك اليوووم طبيعة الخدمة لي غتخدمي و غدا تقدري تبداااي و من الاحسن توجدي وراقك فهاد الشهر حيت اصلا غيكون غير بمثابة سطاج ليك عجباتني خدمتك نسنيو كونطرا معجباتنيش الله بعرضك للسلامة
انا:غتعجبك و انا متأكدة
عبط جاد على مورا و كانت هيا نفسها البنت لي لحت ليها الفلوس تصدمات منين قال ليها بلي انا السكرتيرة الجديدة ديااالووو متيقاتش كيفااااش حتى قبل بوحدة بحالي شعرها مغوفل من الجناب و الفوق مزيراه بطاقية
داتني للبيرو لي قدام مكتب جاااد وراتني حاجااات ساااهلين و تافهين خدمتي هيا نظم المواعيد و نستقبل النااااس و نوجد الضوسييات و نبقى كيف خيال جاااد .و هادي أهم حاجة
رجعت للاوطيل مهدودة باغا غير نعس و نرتاااح دوشت تعشيت و دويت معا وهيبة و بابا و ضربتها بنعسة مفقت تال 7 ونص
خديت سيرفيت تالمشرملين دوشت و لبستها شعري بوكليتو و درت عدسات كحلين ف عينييا حيت جاد عارف انهوم مااارووو
هزيت صاكادو و خرجت للخدمة .
كي وصلت لقيت جاد سبقني يالاه بغيت نتسالم معاه تا صدمني بواحد السؤال
جاد:شنو سميتك
انا:سوزاان
جاد:سوزااان شنو قلتي ليا بلي نتي فقيرة و محتاجة للفلوووس و مك و الدوااا
انا:اه ....
جاد:هههههههههههه شنو نوع طوموبيلتك لي جيتي بيها دابا و لي لقيتها عندك فالطريق داك النهار
انا:《ألفا روميو 》
جاد:ممممم .... و عارف بلي باش تكون عندك طوموبيلة من هاد النوع خاص حالتك تكون ميسورة ولا لا
انا:فصراحة هيا ماشي ديالي
جاد:نتي غير البارح قلتي ديالك
انا:اه حيت كنتي براني مقدرتش نشكي عليك
جاد:و منين جاتك
انا:فصراحة ......ممممن...هيا جاتني هدية من عند أم الاب ديالي لي هيا جداااا و مقدرتش نرفضها و اصلا كنت كنفكر ايلى الله ميسرش ليا فهاد الخدمة غنبيعها
جاد:قابلي خدمتك
انا:واخا
خرجت و قلبي كيضرب بجهد و كنصوط و نعاير غير بوحدي
مورا:ههيييه مالكي كتباني معصبة
انا:لا مماليش غير عيانة شويا
مورا:ديك الهدرة تعيااانة مغتنفعش معااك خصوصاا و نتي فأول يوم ليك تالخدمة وكضي شويا الله يرضي عليك
انا:(مازال مجاوبتهاش خلاتني و مشات)افففف اهبة اش كديري نسيتي قضية الطوموبيلة اش هاد الغباااء لي تجمع فيك الحمد لله منين متفضحتش .
بقيت كنخمم تا كنسمع التيلي تالخدمة كيصوني
انا:الو
جاد:جيبي ليا قهوتي و كنشربها بلا سكر
انا:واخا اسيدي
سولت مورا على بلاصت القهوة و نعتاتلي مشيت وجدتها و دخلتها ليه .
داز نهار عااادي كنستقبل مكالمات و نأكد و نلغي فالموااعيد افففف على خدمة شحال مملة
وصلات وقيت الغدا عندنا ساعة و نص
يالاه خرجت طوموبيلتي من البارك تا كيبان ليا جاد واقف قدامي
جاد:فين غادة
انا:نتغدا
جاد:فييين
انا:معرفتش اسيدي
جاد:علاش متغدايش فالمطعم تالشركة
انا:لا كنفضل نخرج يضربني شويا تالهوا
جاد:ممم اوكي
خرجت طوموبيلتي و تحركت للريسطو نعمر كريشتي الهضرة فالتيلي كتجيب ليا الجووع كالسة كناكل تا بان ليا جاد من الزاااج جاي هو و واحد الدري و بغاو يدخلو .
حطيت الفلوس فوق الطبلة دغيا و خرجت كنجري رجعت للشركة دازت العشيا عااادية فالمكتب جاد:معاودش رجع ديك العشية كاملا وصلات 4 خرجت للاوطيل كليت و دوشت لبست كسيوة خفيفة سميطات و رجعت تاني نعست اللي ممولفش يفيق بكري معا 8 كيكون كيتسنا غير فرصة فين ينعس و يرتاااح
من تقريبا 5 تالعشية و أنا خامرة تال ديك 9 تالليل .
سرحت شعري و صاوبت مكياجي و لبست لباس زوين و خرجت و الوجهة هيا دار جاااد .
مشيت جبت طوموبيلة خرا و وصلت لحدا دارو بانو ليا الضواو شاعلين دقيت و جريت بعدت من حدا الباب ب شي 10 تالخطوات و بقيت واقفة فالظلام و ضو خفيف على وجهي من اللي كاين فالجردة .
تسنيت شويا تا تحل الباب بان ليا ماشي جاد شي واحد آخر متسوقش و مبعدش بعينيه غير مبان ليه تا حد حدا الباب و رجع سد الباب .
عاود دقيت مرة ثانية و حل جاد باينة فيه معصب ملقا تا حد هز عينيه يشوف الباب الكبير تالجردة واش محلول و بنت ليه .
جاد:ميمكنش ....
انا:الصمت
بقا كيقرب ل جهتي ب خطوات ثقيلة تقول كيعبرني ....
و انا مركزة ليه ف عينيه كيشوف فيا و كيمسح على شعرو بطريقة مثيرة ....
يالاه وصل لجهتي و قلت صافي غنتفرش تا كنسمعو كينعل الشيطان و رجع فحالو
انا:اويلي هادا مااالوو
شفت حتا عييت و رجعت بحالي تعشيت ف مطعم تالفندق و طلعت للجناح ديالي .
دويت معا وهيبة و بابا و كريس و بقيت كنلعب فالتيلي مليت درت شويا ت التراكسيوون و بعض الحركات خفيفة موراها دوشت و نعست .
نهار#جديد
فقت مع 7 بدلت عليا و لبست دوك الخناشي ماشي حوايج شعري بوكليتو و شعككتو مزيان لبست فوقو قبية واخا الموت تالصهد و خرجت للخدمة البنت اللي فالاستقبال مباااقي فهمات معايا وااالو مرة مصاوبة و مرة كي عزري الدوااار كنحس بيها باغا تسولني و لكن كتراجع
خرجت طوموبيلتي و تحركت للشركة وصلت بكري فطرت بشي حويجات خفاف خديتهوم ف طريقي و هو يدخل جاد و كي دخل تاصل بيا
انا:وي موسيو جاد
جاد:دخلي
انا:شكرا
جاد:شنو المواعيد لي عندي اليوم
انا:ماشي بزاف عندك اجتماع مع مجلس الادارة و اللي مكلف بالمحاسبات مصر انه يشوفك .
و خاصك تمشي تشوف المشروع الجديد فين وصل ويلى بغيتي فيه شي اصلاحات قبل ما يساليو كلشي
جاد:واخا لغي الاجتماع و يالاه غنمشيو ب زوج باش نشوفو المشروع
انا:واخا اسيدي
مااااهي الا دقائق حتا تلغا الاجتماااع و خرجنا من الشركة
انا:(حليت طوموبيلتي)واش كل واحد غيمشي بوحدو ولا نمشيو مجموعين .
جاد:غنمشيو ف طوموبيلتك
انا:مم اه واخا يالاه
غير ركبنا و بقاو عينيه كيتفحصوني من التحت للفوق
ماسوقتش ليه تا بان ليا كيبقشش
انا:كتقلب على شي حاجة
جاد:لا غير بغيت نطلق شي حاجة نتمزكو بيها
انا:(مديت ليه السلك)برونشيه معا تيليفونك و طلق لي بغيتي
دار داكشي لي قلت ليه ليه و بقا كيطلق لينا فالاغاني تا وصلت
انا:هنا ياااك
جاد:وي نزلي
سبقتو نزلت و خليتو هوا مورايا تا كنسمعو عيط
جاد:هبة
انا:نعام
😨😨😨😨😨😨 مجيت فين كملتها تا طلع معايا القالب .
كنشوف فيه و شوفاتو كاع ممفسرين واقف ب ملامح باردة و كيشوف فيا .
جاد:رجعي ل طوموبيلتك انا غندخل و من بعد نخرج عندك
انا:هاااا
جاد:صماكيتي رجعي ل زمرك تا نرجع
مباقيش جاوبتو غير دخلت للطوموبيلة و هي تسد عليا لقيت الكونطاكط فيديه سدها عليا زعما باااش منعربش ولكن كيف دار تا عرفني و انا راسي و شكيت فيه واش أنا ..... من صوتي و بقيت كنعوج فيه باااش ميعرفنيش و فاللخر بهاد السهولة اففففف
بقيت شي نص ساعة و انا غير كنخمم حيدت عليا ديك القبية لي خنقاتني و لكن منين شفت البارابورات ت راسي واقفيين رديتها تااني ......... حيدت لي لونتي رميتهوم و هو يبان ليا جاد جاااي لجيهتي و داير نضاضر .......
حل الباب و كلس ف بلاصتو بكل هدوء .
جاد:حيدي عليك هاد الشراوط
انا:عاجبيني
جاد:بوووطة و صاااف .... شنو قال ليك داك المخيخ لي عندك زعما مغنعيقش بيك شايفاني كنرضع صباااعي ولا باقي كنرضع من بزولت مي
جاد:ماشي تمتيلية فعلا كنت ناوي نبيعهاااا و باقي غنببعها غير نلقا الشاري صاحبي لي مشيتي عندو جاتو شي خدمة ف أمريكا و طلب مني نخلي ليه الدار
انا:كدااااب
جاد:مالكي على هاد الحالة فراااسك اشهادشي ......
انا:مااالي
جاد:غنمشيو للأوطيل لي نتي نازلا فيه غتجمعي حوايجك
انا:لغيييين
جاد:ماشي سوقك
انا:كيفاش ماشي سوقي
جاد:(خنزر فيها )ههههببببة
****&*******&***&&&&******&&&****&********
مباقيش جاوبتو داني ديريكت لااوطيل جمعت حوايجي و هو واقف ليا على راسي .
دخلت للحمام لبست سرحت شعري بالزربة و خرجت لعندو لقيتو شاد لي فاليز دياولي فيديه .
نزلنا خلص هو الاوطيل و رجعنا ل دااارو الطريق كاملة مهدرنيش
انا:دارك زوينة
جاد:عارف
انا:(بشوية)يالاه و تعلمي تعودي تجمعي فمك
جاد:شنو كتكمكمي تما
انا:ماشي سوقك
جاد:تبعيني نوريك البيت فين غتكلسي
انا:شكراا ولكن بغيت نرجع لأمريكا
جاد:نتفاهمو على شحال من حاااجة عااااد سيري ايلى بغيتي
انا:جاااد .....مكين علاش نتفاهموو بغيت نمشي ....
جاد:تبعيني
انا:(بقيت مسمرة بلاصتي تا رجع ليا جرني من يدي عاد تبعتو )
جاد:هنا فين غتباتي هاد الليلة و دابا غنزل نطلب الغدا رتاحي بينما يوصل
انا:واخا شكرااا
جاد:العفو يالاه رتاحي تا نعيط عليك
***********
خرج جاااد و سد الباب من وراه حيدت عليا الفوقي تالسيرفيت و السبادري و التقاشر جمعت شعري للفوق دخلت للحمام غسلت وجهي و يديا و رجليا رشيت شويا تلما على عنقي و خرجت تكيت شي ربع ساعة يالاه بدا كيجيني النعاس و انا نسمعو كيعيط ليا دخلت تاني غسلت وجهي باش نتوكض مزيان نزلت لقيتو جايب بيتزااا مع الموناضة و موجدها فالطباسل .
كلست كليت مزياااان فجو من الهدوء ولكن كيقولو ان هاد الاخير كيسبق العاصفة
سالينا ماكلتنا و جاب الدسير طارطات صغار فوقهوم حب الملوك مع التوووت كانو لداد بزااف .
جاد:كملتي
انا:وي شكرا
جاد:بصحتك ممم نخرجو على برا ندويو ولا باغا نبقاو غير هنا
انا :لي بغيتي
جاد:اوكي نوضي عالاقل نخرجو غير للجريدة
*******خرجنا للحديقة لي دايرا بالفيلا ديالووو كانت فيها طبلة صغيرة شويا دايرين بيها زوج كراسا لونها خضر مفتوح على لون الربيع لي تحتها و كيتوسطوها نباتات و وريدات زوينين
كلسنا و هيا تخرج واحد خيتي من اللور تالفيلا هازا بلاطو صغير لابسة كسيوة قصيرة و مزيرة معاها و دايرا كيلو تالمكياج
البنت:سيدي تشربو شي حاجة
انا:(قاطعت جاد لي كان عاد باغي يهضر)بغيت قهوة فيا لموت تالنعاس
جاد:اوسي
البنت:واخا اسيدي
مشات البنت و بقينا انا وجاد شوفيا نشوف فيك اطاجين الحوت نتا مطيب و انا مناكل تا جات القهوة و مشات الخدامة بقا جاد ساكت تا كملتها على خاااطر خاااطري عاااد نطططق
جاد:ساليتي قهيوتك..... دابا مصحصحة معايا ولا تزيدي وحدة خرا
انا:لا باراكا الحمد لله
جاد:اش كديري هنا
انا:جيت....على ود ...... الخدمة
جاد:😒 باز ليك سولتك جاوبيني ب صراحة
انا:مامجاوباكش صاااافيي
جاد:اوكي غتبقاي هنااا ...تا تجاوبيني .
انا:غنخرج
جاد:تيقيني مغتفوتيش تا باب الجردة
انا:افففف دابا شنو
جاد:علاش جيتي
انا:حيت
جاد:توحشتيني
انا:خليك كتحلم
جاد:هادا هو الجواب المنطقي الوحيد لي لقيت غير هو واش عندك شي عقل ولا لا سكرتيرة و عندها طوموبيلة واعرة و لباسها غير لي مارك باغا تستحمريني ستحمريني بطريقة زوينة و مقبولة بعدا ماشي بطريقة لي تكدبي بيها على واحد عمرو خرج من دارهوم
و شحال قدك تزيدي تعوجي ف داااك الصوت واش عرفتي معنى تكوني عاجباااني و دايرك ف بالي حافظ حركاتك حافط شوفاتك حافظك مااااا
وااخا ماشي مدة طويلة باش تعرفت عليك ولكن كنعرف عليك كولشي طريقة الجلسة ديالك كيفاش كتحلي الباب مشيتك نظراااتك و أهم من هادشي كامل باغا تسرهطي عليا متجيش دايرا نفس البارفان لي ديما كديريه لي ولا لاصق فيا من نهار عرفتك
(حط صبعو على عقلي )خدمي هادا مزياااااان المرة الجاية واخاااا
انا:(الصمت)
جاد:تكلمي
انا:اش غنقول
جاد:علاش جايا
انا:علاش خرجتي من امريكا
جاد:حياتي هاديك و سوقي هاداااك نتي اش دخلك
انا:واخااا تا انا حياتي هادي و هانا غااادااا ف حالي ف مرة
جاد:كلسي اللرض هبة واش مكتحسي بوالو من جيهتي
انا:نهائيا
جاد:و علاش جاية و لاش هاد الثمتيلية كلها
انا:معرفتش
جاد:غتبقاي هنا تا تعرفي ما زربانين فين و بما أنك ضيفة عندي غنتهلا فيك و بزااااف
طلعت للبيت و خرجت واحد الكسيوة كنت داياها معايا مزيرة شويا و فيها فتحة فالجنب جمعت شعري كوب شوفال و خرجت لعندوو..... لقيتو لابس تيشورت كحل مع جينز و مولاي الباادر باينين تا أنا عندي مي غير شويااا ماااشي بزااااف
جاد:على السلامة
انا:الله يسلمك
جاد:الله يعطيني بروديت قلبك
انا:فين غنمشيو
جاد:مبغيتيش تشوفي برج ايفل
انا:شفتو شحال من مرة ولكن مزوينش فهاد الوقت تال الليل
جاد:عااارففف يالاه ندورو و نسااريييك عاد نمشيو ليه
انا:اوك
*****************&************&********&&********
خدا جاد طوموبيلتو و تحركنا من تما حطينا الطوموبيلة فالباركينك و ركبنا فالباطو و بقا كيدور بينا ف نهر السين تا معدتي بدات كترون عاد نزلنا و داني جاد ل جسر الحب واااو كااان طوب ماشي اول مرة نجي لباريس ولكن عمري تساريتها مزيان
.جاد:عرفتي فين حنا دابا
انا:جسر الحب
جاد:اه هنا كيتلاقاو العشاق ت باريس كاملين
انا:هههههه باينة غير من سميتو
جاد:شفتي القفولة لي لهيه ..... هادوك كيعلقوهوم لي كيبغيو بعضهوم و هنا كيتعاهدو عمرهوم يتفارقو و يبقاو معا بعضهم فالحلوة و المرة
من بعد مشينا لحديقة بوتييه شومون ةحدة من اكبر الحدائق فهاد المدينة و فيها كهوف و شلالات و فيه جسر فوووق النهر تمشينا فوقو و المنظر التحت كان كيحمق .
كلسنا كلينا ف اقرب ريسطو رجلينا ضرونا مخلانيش جاد تا ناكل ف خاااطري دغيا شدني من يدي و كيتمشى بالزربة و انا موراه كنجري صافي تقاداو ليا
انا:سير غير بشويا رااااه عيييت .....اووووةفف جااااد
جاد:زيدي خاصني نهز الطوموبيلة دغيا باقي عندي واحد البلاصة باغي نديك ليها
انا:واخا سير جيبها و غتلقاني غير هنا
جاد:عيااانة معا راااسك
انا:وا سير
*******مشا جاد يجيب الطوموبيلة و بقيت كنتسناه مادازش وقت بزاف تا لقيتو حدايا ركبت و كانت الوجهة هاد المرة هي ملاهي اكوا بولفار المائية ...
كنت كنسمع بيها بزااااف وااااو واااعرة فيها بزااف تالالعاب تالناس الكباار دخلنا لواحد البلاصة بدلنا حوايجنا هو لبس شورط قصير و انا لبسوني بدلة مائية سروال مطاطي مع تريكو ملاصق معاه و مزير طلعنا انا و ياه لأنابيب المااء كانو كيخوفو من برا خصوصا انا عندي فوبيا من الاماكن الضيقة بزااااف كلس جاد فالدخلة و كلست انا موراااه علقت رجليا فكرشو و تزلقنا وسط دوك الانابيب كان الما كيتخواا لعبنا بزااااف تا عيينا دخلونا لواحد البلاصة فيها بيوووتة صغاار ولكن تصميمهوم زوين من الداخل دوشنا فيهوم و لبست تاني ديك الكسوة و خرجت
جاد:اش هادشي
انا :مالي
جاد:هاكي......لبسي هادو
انا:شنو هادو
جاد:لبسي و صاااف
دخلت تاني على سعدي و وعدي لقيت عباية واااسعة يدخلو فيها هبة و وهيبة اويلي انا ممولفاااش بهاد شي بقيت كنتحنسر تا لبستها جمعت شعري و لحت عليا الشال عاد خرجت .
جاد:كون تشوفي كي كتباني كون جيتيني لابسة هكا للشركة منعرفكش مي تيتيزة
انا:باز لداك الوجه عندك فين غنمشيو دابا
جاد: غنديك لمسجد باريس الكبير
انا:واخاااااا . ..... يالاه
تحركنا من اكوا بولفار للمسجد هههه متناقض هاد السيد حطينا اللوطو فالبارك و دخلنا بزوج كنبانو كيف الراجل و مرتو
صراحة المسجد كان كبر من اللي تخيلت و دايرين بيه حدائق عندو طابع مغاربي اندلسي و القبة ديالو عااالية بزاااف دخل جاد لجهة الرجال و انا لجهت النسا توضيت و صليت 4 الىكعات طلبت فيهوم ربي اولا يهديني على صلاتي و ثانيا ايلى كان جاد غيآديني طلبتو يبعدو مني و ايلى كان فيه الخير يقربو ليا
من بعد ما سالينا الصلاة خرجنا أنا و ياه و الوجهة كانت برج ايفل .
وصلنا ليه و بقينا كندورو فالحدائق ديالو خدا ليا جاد كلاص و غزل البناات و واحد كان كيبيع حويجات تالاميرات(الجناحات/التااج/العصا السحرية/جواهر)خدا ليا تاج زوين فالفضي و ايلى ضرب فيه الضو كيشع .
نقدر نأكد بيني و بين نفسي بلي هادااا احسن نهار كندوزو فحياااتي ضحكت بزاف .
حيدنا صبابطنا و بقينا كنتمشاو فالربيع لي فجنب برج ايفل ولكن معا هو كبير كيبان بحالا تحتو
كنتمشاو بشوية خطوات تقال و كنضحكو كان كيعاود ليا شي نكت بايخين و مع ذلك كنضحك من قلبي تال لحظة . وقف و ركع فالارض و شد يدي بيد ديالو
انا:تا واش تسطيتي وقف شنو كدير
جاد:شوفي هبة والله مكنتفلا عليك راه فعلا كنحس بشي حاجة من جيهتك
انا:اعجاب
جاد:كثر
انا:واخا غير وقف باش ندويو
جاد:لا مغنوقفش غنبقا هكا ايلى اقتضى الحال ساعات و شهور و اعواام .(خشا يد فجيبو و جبد منها بواطة حمرااا على شكل قلب و فوقها مكتوبة سميتي حلها بالعرض البطيء قدامي)هبة واش تقبلي تزوجي بيا
انا:(مصدومة و فنفس الوقت فرحانة )و ....كي...ولكن حنا
جاد:حنا شنو اش الحمد لله عندي اللي يعيشك أميرة حياتك كاملة و كنبغيك زيادة على هادشي و كنواعدك عمرك متحسي بالنقص معايا .انا عارف بلي مو داكشي لي دوزت عليك ولا صعيب ثيقي فيا اه انااا يدي سابقاني و دوقتك الويل ولكن سامحتيني ....هبة عطي فرصة ليا و ليك والله متندمي
انا:علاش خاصني نوافق!!!!
جاد: واش كتفلاي راه من الصباح و انا كنخطب عليك مفهمتي والو
انا:منقدرش
جاد:(حمر فيها شوفاتو)واش كتسرهطي عليا
انا:لا...... ماشي تسرهيط ولكن نتا و انا علاقتنا مستحيلة
جاد:شنو لي فيها مستحيل
انا:عائلتك مغيتقبلونيش ا جاد
جاد:خلي داكشي عليا دابا موافقة ولا نوض من الارض راه رجلي ضراتني
انا:صبر شويا نفكر هاااادشي جا بالزربة
جاد:هبة اه ولا لا نطقيها خلاص و باراكا من التبعكيك
انا:عطيني وقت نفكر
جاد:عندك 10 تالثواني فكري مزيان
انا:ولكن
جاد:8 7 6 5 4 3 2 1
جاوبي
انا:موااافقة ولكن ماشي على الزواج ....
جاد:كيفاش
انا:زعما اه موافقة ولكن معرفتش بابا كيفاش غيتقبل هادشي لا هو ولا وهيبة
جاد:هادشي غنحلوه من بعد كنواعدك دابا اري يديك
(عطيتو يديا و لبسني خاتم زوييين)
لبسني الخاتم و ناض من الارض كنشوف فيه فرحان بزاف و انا يمكن كثر منو رغم انني كنقمع احاسيسي بزاف .
باااسني بوووسة خفيفة و شي ناس حدانا بقاو كيصفقو بقينا كندورو الليل كااامل فاش كنقول ليه عييت كيهزني فوق ضهرو مرجعنا للداار تال 4 تالصباح رجعت و تباوسنا تاني كل واحد مشا لبيتو انا كي دخلت طحت على الناموسية ابتاسمت ابتسامة رضى على اللي جرا و نعست
#نخليو الحبايب ينعسو و زيدو تبعوني لواحد البلاصة كنت ديتكوم ليها لي هيا روسيا اي عند سيف
(سيف شاد شي تصاور ف يدو و باينة فيه معصب)
سيف:كنقسم ب ربي لا خليتكوم تفرحو و بالاخص نتا اجاد هادي هيا لي متكونش ليك عمرها تكون ديالك خديتي كلشي الا هادي مستحيل نخليها ليك الا على جثتي .
...... ......... ........ .............
صبح الصباح شافت هبة ف تيلينونها لقات 10 .ناضت كتجرجر ف رجليها و هيا كاع ما شابعة نعاس و عينيها نصهوم مسدودين دخلات للدوش حيدات عليها ديك الكسوة دارت ما سخون شوية فالجاكوزي معا جل تالورد باش يرخيوها جمعات شعرها للفوق و تكات فالجاكوزي تكمل فيه نعاسها شويا بقات مدة و هي جسمها تحت الما و الرغوة و غير راسها لي باين تا رشقات ليها عاد ناضت غسلات شعرها بداكشي لي لقاتو ف داك الدوش حكات ضفيراتها مزيااان تا ولاو نقيين و صافيين عاد خرجات لابسة بينوار فالبيض قصير بزاف .
حلات حوايجها كتقلب على ما تلبس و ما لقات والو من غير داكشي لي مفضفض و السيرفيت لي ديجا لبساتها و الكسوة تالبارح . شافت تا عيات لبسات سروال جينز عريض و التيشورت عرض منو و خرجات كتقلب على جاد
مبانش ليها و مبانتش ليها حتى البنت لي شافت البارح نزلات للكارااج و لقات طوموبيلتها وسط بزاف تالطوموبيلات و راجل كبير فالسن كالس فالباب
الراجل:لالة بغيتي نوجد ليك طوموبيلتك
انا:اه محتاجاها ولكن السوارت واش عندك
هو:اه هاهوما و راح عاد غسلتها
هبة:واخا انا جاية نجيب غير صاكي
هو:واخا الالة
طلعات هبة كتجري لبيت لي عطاها جاد هزات لي كارط دياولها و بزطامها و تيليفونها و رجعات عندو كتجري
دورات معاه و خرجات طوموبيلتها و مشات للمول اول حاجة دارتها هيا دخلات لأول محل تالحوايج لقاتو خدات منو جينز كحل طاي هوت مع مايو × فالغوز سبادري فنفس لون المايو و خرجات كملات الشوبينغ ديالها و خدات هدايا لباها و مرتو و ختها و خدات لجاد ساعة (rolex)حيت عارفاه كيحماق على الساعات عمرها شافتو بلا بيها شداتها الدوخة حيت خارجة بلا فطور كلسات فطرات على خاطرها و هي مدوزا ابيل فيديو مع وهيبة لي بدورها عاد طلعات من لاصال بقاو كيدويو و وهيبة مفاهمة والو فختها غير كتسايرها حيت تا الاخرى بقات خارجة داخلة عليها فالهضرة .
هبة:من بعد و غتعرفي المهم الهضرة تبقا بيناتنا واخا
كريس :متخافيش من بنت لأمها
هبة:(ابتسامة صفرا كتبين ان الجملة لي قالت كريس معجباتهاش)واخا يالاه نخليك عندي شي شغال
رجعات هبة لدار جاد و لقات ديك المونيكة لي كانت جابت ليها القهوة خدامة فالكوزينة كتوجد الماكلة
هبة:سلام
البنت:مساء الخير الغدا شويا و يوجد تبغي تشربي شي حاجة قبل منحطو
هبة:نن فين جاد
البنت:سي جاد خرج بكري بزاف جاه شي اتصال مهم قال ليا نقول ليك بلي غيرجع فالعشية مع 6 تسناية فالدار و راه تاصل بيك شحال من مرة و لقا تيليفونك مشغول و جا تال هنا ملقاكش و عاد قال ليه الراجل اللي لتحت بلي خرجتي .
هبة:مزيان (خرجات تيليفونها كتشوف فيه)اوووف طفاااا
عندي بزاف تالحوايج التحت فالطوموبيلة جبتهوم واش مكينش لي يعاوني باش نطلعهوم
البنت:فصراحة راكي كاتشوفي غير انا لي كاينة ف هاد الدار و و موسيو جاد و انطونيو لي مقابل الطوموبيلات
هبة:(قاطعاتها)صافي صافي (خرا شحال فيها تالهدرة و التبعكيك غير وقولها ماباغاش نعاونك)
خرجت تاني على سعدي و وعدي حلبت الكوف و بديي كنهز ف داكشي اللي شريت تا شافني الراجل تالصباح
انطونيو:بلاتي الالة نعاونك
انا:لا مكين لاش غير خليك هنايا انا قادة عليهوم
انطونيو:ولكن كثار
انا:نن مولفة شكرا
تاهوا محكرش عليا الصراحة داكشي كثير مي جاتني خايبة السيد كبير فالعمر و يهز داك الثقل كاملو
طلعت و نزلت 4 تالمرات حطيت كلشي فالبيت . و جمعت الجوايج لي كنت جبت اول مرة ف بلاستيكة كبيرة و رتبت اللي شريت . تا كنسمع الدقان
انا:وي
جاد:(معا كنت كالسة فالارض كنجمع الروينة جا باسني من حنكي عاد هضر )على السلامة الاميرة فين كنتي
جاد:غير الخدمة يالاه احبيبتي الماكلة وجدات و باينة بلي فيك الجوع
انا:واخا بلاتي تغسل غير يديا
&*****&&*********&*&*&*&*&**&**&**&**&**&*
غسلت يديا و خرجت انا و جاد من البيت مشادين فاليدين لقينا الطبلة اللي وسط الدار محطوطة فيها الماكلة .و البنت اللي وجداتها واقفة فوق راسنا
جاد:تقدري تمشي
هي:واخا بصحتكم
الصراحة كاااان فيا الموت تالجوع لي لقيتها قدامي كنسرطها ساليت و ختمتها ب تفاحة باش تهضم داكشي
جاد:(غير مخرج عينيه فيا)مبايناش فيك وكالة
انا:دابا تبان فيا مدة هادي ما ترينيت عاطياها غير للسريط
جاد:عندي ليك شي خبار
انا:خبار الخير شنو
جاد:قارنا التوقيع اللي فالمستشفى و اللي من المفروض ان ماماك لي وقعات باش تخرج مع توقيعها الاصلي
انا:اهاه
جاد:مختالفين واخا اللي وقع كان باغي يطابقهوم الا انهم ممطابقينش 100%
انا:ادن
جاد:معرفتش ولكن هادي بداية مزيانة باش نلقاوها انشاء الله
انا:انشاء الله كنتمنى نلقاها فنظرك غتكون كتعرفني غتكون شافتني دابا منين كبرت ولا لا
جاد: معرفتش و معندي تا جواب احياتي ولكن كلشي غيبان من بعد نتي غير رتاحي ليا
انا:شكرا بزاف
جاد:مبيناتناش 😉
انا:غنوض نغسل سناني واخا
جاد:غنغسلوهوم بزوج
انا:لا ...ههههههه ... كل واحد يغسل فبيتو
جاد:شنو زعما خايفة مني
انا:و علاش غنخاف منك غير بغيت نكون بوحدي و صافي
جاد:هههه واخا يالاه سيري و لكن رجعي دغيا
انا:واخااا
دخلت لبيتي بالجراااا ...... كنردخ فالبيبان حاسة براسي غنطلقها ف سروالي اويلي الصريرة ملقات تا وقت غير دابا
دخلت للطواليط قضيت حاجتي حاشاكوم و رتاااحيت عاد حليت الباب تالبيت نزلت كي وصلت عند جاد تاني حسيت بيها
رجعت كنجري و نلهت فالدروج و هو ما فاهم والو تبعني و ردخت عليه الباب فوجهو باش ميدخلش ..... و هاد المرة بقيت كالسة غير فالطواليط تا من كرشي بدات كضرني كاع لي كليتو خويتو
انا:لااااا لاااا ماباغا تا طبيب غير خرج الطوموبيلة نمشيو للفرماسيان
جاد:واش مولفا كدير ليك كرشك هاكا و متبعا شي دوا
انا: واااا الله يتبعك البلا دير داكشي لي قلت ليك واااش أنا ما حيلتي لهاد الويل ما حيلتي ليك نتا نفهمك .
جاد:واخا بردي اينا طوموبيل نخرج ديالك ولا ديالي
انا:جااااااااد
جاد:هههه واااخااااا غير خرجي دغيا
مشا جاد يخرج الطوموبيلة و بدلت انا حوايجي بالزربة لتكون فيهوم الريحة لبست فوطة صحية ليخرج داكشي بدون ادن و نزلت كنجري فالدروج
لقيت جاد موقف الطوموبيلة حدا الباب
انا:ديماري ديماري دغيا
جاد:غير طلعي و خلاص
طلعت بالزربة
جاد:مال لونك مخطوف
انا:(رجليا كيترعدو)والو غير سربي
و نباقيش تهضرني
جاد:اففففففق
انا:😨 شنووووو
جاد:مالكي دوشتي بالريحة ولا مالك
انا:الحمد لله واش باقي مطولين اجاد
جاد:نن هاحنا وصلنا شنو سميت الدوا اللي بغيتي
انا:عطيني بزطامك راه نسيت ديالي بالتلفة
جاد:علاش
انا:ماشي نتا اللي غتجيب الدوا انا لي غنزل ناخدو
جاد:هاكي
مد ليا جاد بزطامو دخلت للفرماسيان خديت الدوا و شربتو عندهوم نيت هيا قالت ليا شربي حبة وحدة كل ساعتين انا شربت 3 عاد خرجت لقيت جاد معصب و غير كيخنزر فيا
جاد:خديتي داكشي لي بغيتي
انا:اه
جاد:دابا غتقولي مالك ولا غتبقاي تغوتي تاني
انا:والو راه وليت لاباس
جاد:مكنسولكش على دابا قبيلة مااالكي واش الوجع لي مولف كيجيكو م ولا شي حاجة خرا
انا:ها ..... لا زعما منعرف اجاد صافي سكت
جاد:(نطر الساشية تالدوا من يدي )انا لي غنعرف
(حلها و بدا كيقرا كانو حجبانو معقودين و غير قرا ورقة التعليمات و بدا كيضحك ب هيستيريا)هههههعههههههه ههههههههعععههههه
انا:جاد سكت باااراااكااا قلت ليك سكت
جاد:هاد الحالة كاملة على ود الاسهال ههههههععهههههههههه مبقاوش عندك الفرانات ولا شنو
انا:(تزنكت و كزيت على سناني)راه قلت ليك سكت ا جاد باراكا من الضحك الباسل
جاد:اوووففف و انا كنقول الدار كاملة عاطيا فيها ريحة خانزة قولي غير نتي السباب
انا:والله و متسكت تا نزل فحالاتي
جاد:هههه اوكي هههه هاني والله ايلى غنسكت ةلكن ههههههههههههههههه
انا:(حليت الباب و نزلت ) ضحك دابا تا تشبع
جاد:رجعي وااااا رجعي هاني سكت
انا:(طليت عليه من السرجم)حلف
جاد:والله
انا:اوكي
ركبت تاني حداه و هو غير عاض على شنايفو و حابس الضحكة بقيت كنتغدد غير لراسي افف على شوها غير حيت واقيلا كثرت من الماكلة هادا هو السبب
بقينا غاديين تا وصلنا للدار دخلت و خليت جاد من ورايا
طلعت للبيت و شربت الدوا ثاني عاد جمعت الروينة لي درت فيها
جاد:هبة نتي فالداخل
انا:اه دخل
جاد:خلي داكشي طلع الخدامة و تجمعو كي بقيتي ؟
انا:بيخير
جاد: تبغي تمشي معايا لواحد البلاصة
انا:فين
جاد:من بعد و تعرفي يالاه
انا:واخا نزلنا انا و ياه و لقيت انطونيو حدا الطوموبيلة تسالم معاه جاد و قال ليه شي حاجة فودنيه و عنقو هزينا هاد المرة رونج سبور فالبوردو(الجرونة)كبيرة طرقنا السوق الكبير ف باريس هاز جار شاريو و تا انا عطاني واحد
غير غادي و كيعمر فيهوم ها الدقيق ها الكورنفليكس و القهوة و الديسير المانج و الكيوي و التفاح و البانان و الخوخ كلشي جمعو و حطو لجيهتي و مشيتا لجيهت لي باط كل نوع خدا منو 3 الساشيات كبااارين و خدا عااصيرات و الخضر .
و خدا لعبة و بقا كيشوف فواحد الآلة تالجرى عيط على اللي مكلف خلصو و كتب ليه شي حاجة فواحد العنوان
و مشينا ل جهت الالعاب خدا ليا بانداااا كبير قدي فالطووول و خدا دب فالمارو متسوط الحجم لاحو معا داكشي لاخر عاد خدا لي بيسكوي بشتى الانواع و اللحم .
انا:جاد عييت
جاد:صافي راه سالينا .
انا: و لاش هادشي كامل
جاد:هانتي غتعرفي
انا:اوكي
كان هوا دافع قدامو 3 الشاريوات و انا غير واحد و هلكني
خلص داكشي و خرجناه للبارك حل الكوفر و بانت ليا بلاستيكة كبيرة فيه .
بقينا كنستفو داكشي تا ساليناه و ركبنا فالطوموبيلة و الوجهة مجهولة
انا: فين غنمشيو
جاد:رتاحي شويا راه الطريق باقا بعيدة احبيبتي
هبة الطريق كاملة و هي خااامرة اما جاد مرة مرة يخطف منها شووفة .
نعرفتش شحال تالوقت و أنا ناعسة و واش الطريق كانت طويلة او قصيرة حليت عينيا على يدين جاد فوق خدودي
انا:واش وصلنا
جاد:اه دغيا دااك النعاااس
انا:هههه فين حنا دابا
(كدور عينيها و كيبانو ليها شي ديور صغار بزاااف ملاصقين مع بعضهم )اش هاد البلاصة
جاد:نزلي و غتعرفي فين حنا
نزلنا من الطوموبيلة و دق جاد ف واحد الباب حلات عليه مرا كبيرة فالسن شويا عينيها زورق بحال لون السما غير شافتو و بتاسمات ابتسامة زوينة و من القلب واخا آثار الشيخوخة لي فوجهها الا انها كانت شادة فراسها مزيان شعرها بيض و مقطعاه كاري لابسة سروال بيض مع شوميز بلو سييل بحال لون عويناتها بشرتها بيضا و تحت عنقها حمر و مبرونزي شويا الحاصول امرأة فرنسية بامتياز
جاد:ماري هادي هبة حبيبتي
ماري:اووه و اخيرا درتي عقلك (عنقاتني)مرحبا بيك حبيبتي انا ماري زوجة انطونيو لي خدام عند جاد و كنعرفك مزيان
جاد:ماري متحرقيش ليا مفاجئتي بليز
ماري:هههه فهمت مرحبا بيك هبة تفضلي
انا:شكرا بزاف
دخلنا لدارها لي كانت متواضعة و نقية و كل حاجة فبلاصتها مع الدخلة لقينا صالون فيه 4 تالفوتويات بيج و زربية صغيرة مارو وسطهوم و فوقها طبلة تالزاج و صورة ديال ماري و انطونيو و هوما هازين بنوتة صغيرة فيدهوم كانت كبيرة و محطوطة فالحيط .
ناضت ماري للكوزينة لي كانت صغيرة تا هيا و كطل على الصالون اما انا وجاد كالسين و شادين فيدين بعضنا وجدات لينا القهوة و حطاتها
ماري:تفضلو
جاد:(مد ليا كاس القهوة*)هاكي احياتي
انا:شكرا
ماري:موالمين بزاف معا بعضكم و أخيرا جاد دار عقلو ياك دينا كنقوليك غيلاقيك الله معا اللي تنسيك فدوك اللي كنتي كتعرف كاملين و تعمي ليك عينيك تولي تشوفها غير هيا فصراحة منين قالها ليا راجلي متيقتش ولكن دابا منين شفتكم بعينيا تيقت
جاد:ههههههه راكي زعما كتعرفيني مزيان ايلى كانت شي حاجة نتي اللولة كنعلمك
ماري:عارفة
جاد:فين هيا مايتا
انا:شكون مايتا
جاد:غتعرفيها من بعد
ماري:فين باغيها تكون كيف العادة بيتها
جاد:ممممم انا غنخرج للبرا ندخل شي حوايج
********
انا:غنجي نعاونك
خرجنا انا و جاد و بقينا كندخلو ف داكشي اللي جاب الصالون عمر بالمياكي عطاني الدب و طلب مني نتبعو
تمشينا ف الكولوار لي كان طويل من ضيق شويا و جنبو بيبان تا وقفنا حدا واحد الباب
جاد:خليك هنا كي نعيط عليك دخلي
انا:واخا
دخل جاد و ماهي الا دقائق حتى سمعت سميتي دخلت و انا شادة الدب فيديا تصدمت فصراحة من المنظر لي شفت
جاد:مايتا شفتي شكون جبت باش تشوفك
مايتا:هبة واااااااااااااااااووووو ميمكنش(حطات يديها على عينيها و بدات كدمع)
غير شافتها هبة و قربات لجهتها كتعنق فيها
جاد:هبة هادي مايتا بنت انطونيو و ماري و من المشجعين الكبار ديالك البيت كافية باش تبين ليك هادشي ياك
(هزات هبة عينيها فالبيت و كتشوف الحيط القدامي كلو عامر بتصاورها فالحلبة و مع الحزامات لي كتاخد )
انا:وي شفت هههههه ولكن فين كانت مخبية هاد المعجبة الزوينة علاش عمرها حاولات تتواصل معايا
مايتا:نتي كتشوفي حالتي معندي كيف ندير نجي لعندك زائد بابا مغيقدرش يتحمل مصارف السفر ديالي كاملة فالدهاب و الرجوع لأمريكا
جاد:مايتا علاش ما باغاش تعالجي حبيبتي السمنة عمرها كانت عيب ولكن العيب هو انك تستسلمي ليها و تعطيها غير للنعاس و الماكلة
انا:مايتا شحال عندك من عام
مايتا:عندي 11 سنة
انا:باقا صغيرة بزاف
جاد:اه ولكن للاسف ماباغاش تداوا مخليت ما درت معاها باش تنقص فالزون ديالها و تعيش طفولتها بحال صحابها ولكن مكتقدرش تخرج هاكا
انا:ممممم مايتا تبغي تولي بحالي
مايتا:بحالك نتي (كتشير بصبعها ليا و كتحل عينيها على وسعهوم)
انا:اه
مايتا:نولي نهز تا انا البنات فوق كتافيو نقز بيهوم و نولي نطلع فوق الحبال و نجري و ندير كلشي
انا:مممم تقريبا
مايتا:اه موافقة
انا:اوكي كنواعدك ايلى بغيت نمشي لأمريكا غناخد ادن من عند ماماك و باباك و ناخدك معايا و انا بنفسي لي غنعاونك تا تخسري الوزن لي زايد عندك و نديك معايا لل wwe .
جاد:(باسها فراسها)تهلاي فراسك بيبي و متعدبيش ماماك معاك و إلا مغتمشيش مع هبة حنا غنخليوك دابا و نرجعو عندك من بعد
مايتا:شكرا بزاف حيت جيتو جاد شكرا حيت جبتيها
انا:غتبقاي ديما تشوفيني كنوااعدك
خرجو جاد من عند مايتا و هضرات هبة معا ماماها لي دغيا وافقات حيت معندها تا حل حاولات بزاف هيا و جاد باش يخرجو بنتها من العزلة لي عايشة فيها .و يعاونوها دير الرياضة باش تنقص ورنها لي هو 83 كلغ فسن 11 سنة ولكن ديما كتصدهوم و منهازمة و مستسلمة للواقع ديالها ولكن حضور هبة عندها اللي كانت كتشوفها غير فالتلفازة عطاها نفحة امل جديدة و عطاها عزيمة باش تحيد العكز و تعالج راسها.
خرجنا انا وجاد من دار ماري لي تشكراتنا بزاااف بزاااف على الزيارة و كانت فرحانة بينا وعدتها بلي منين نبغي نمشي غناخد معايا مايتا و وافقاات
جاد:بلاتي (هز البلاستيكات الكبار اللي كانو فالكوفر و مدهوم ل ماري )هاد الحوايج هدية من هبة ل بنتك هيا لي شراتهوم كاملين
(حلات ماري الميكة و تصدمت اواااه الحوايج لي كنت غنرميهوم كي دار ليها)
ماري:شكرا بزاف ا هبة نتي بنت ضربفة و كنتمنى من الله يحقق ليك اي أمنية ف بالك
انا:هادا واجب بلعكس انا فرحانة حيت جيت عندكوم ليوم والله
جاد:ههه باقي غنرجعو ولكن يالاه دابا نمشيو
انا:(تسالمت معا ماري)يالاه بسلامة
........ توادعنا معا ماري و ركبنا فاللوطو هاد المرة انا لي صايكة حيت جاد عيا
جاد:كيف جاتك مايتا
انا:ههه ضريفة بزاف
جاد:خاصها تعالج و نتي الوحيدة لب تقدري هيا تزادت مريضة بالسمنة و حنا خاص نعالجوها حيت بدات كدخل فحالة اكتئاب
انا:متخافش خليها عليا اه نسيت انا خلصني نرجع لامريكا فأقرب وقت حيت وهيبة و بابا بداو كيتشطنو عليا
انا:😐(شنو غتكون باغا هادي دوي غير بالعربية و نتي الفرونسي تاعك كاع مبجوغة)
جاد:تفضلي
سهى:انا بغيت نمشي معاك لأمريكا
انا:كح كح كح
جاد:(مد ليا كاس تالما )غير بشويا عليك
انا:صافي انا بيخير غير وحلات ليا
جاد:اوكي سهى علاش باغا تمشي معايا
سهى:مكندير والو هنا و قنطت بزاف و نتا عارف عندي خالتي ف امريما و باغا نشوفها و نتا مبقيتيش كتجي لهنا بزاف ولا وقتك كامل تما
جاد:اهاه علاش لا غنتاصل ب ماري باش تجي هنايا مور ما نديو معانا سهى و مايتا
انا:اه لي بغيتي
جاد:اوكي سهى جمعي حوايجك غدا غنمشيو
سهى:واخا اسيدي بصحتكوم و بالادن
انا:دوك الحوايج عندها راه يتجمعو غير ف صاك تالبنات الصغار
جاد:سكتي حشومة
انا:هاني ساكتة ولكن هاد البنت ما باغاش تسرط ليا و ديرها فبالك
جاد:كووولي غتبرد الماكلة و نوضي تنعسي
انا:معندها مينين دوز تصبح على خير
طلعت فحالي للبيت ردخت الباب مورايا و طحت على الناموسية تغطيت و كنحاول نعس عييت منسد ف عينيا و نتقلب و والووو تا كنسمع فالباب كيتحل
جاد:مازالا منعستي
انا:باقي
جاد:اوكي جبت ليك ما تاكلي شوربة سخونة بفواكه البحر غتعجبك انا لي صاوبتها
انا:مبقاش فيا الجوع
(مازال مكملتش حرف العين تا تسمعو مصارني كيغنغنو ) ولكن حيت طلبتيني غناكل
جاد:انا لي غنوكلك غير حلي فمك
********************************************حليت فمي و بقا جاد كيوكلني معلقة ورا الخرا تا كملت كلشي مسح ليا فمي و بقا كيشوف فيا
انا:جاد سير تنعس
جاد:نعسي نتي و خليني انا حداك
انا:جاد اففف سير تنعس
جاد:واخا هاهوا غاادي و غنشوفو تال ايمتا غتبقاي تفلتي منها
غطاني و سد البالكون حيت كان البرد داخل عليا و خرج
و انا ستسلمت للنعاس تال 1 تالنهار عاد داخل عليا جاد كيف شي اعصار
انا:(شهقت من نعاسي بالخلعة)ماااالك
جاد:بغيت غير نعرف اش كديري لهاد النعاس من 11 و سهى كتفيق فيك و نتي جثة نسيتي بلي غنسافرو
انا:ومالك كتغوت عليا غير بشوية لي زربو راهم تحت التراب و زايدون مسمعتش انا لالاك سهى فاش جات تفيقني .
جاد:نوضي جمعي حوايجك
انا:مجموعين اصلا
جاد:ايوا يالاه نزلي راه مايتا كتسناك التحت
انا:واش غنمشيو دابا
جاد:واش بان ليك
انا:بغيت نعس مازال
جاد:تزيدي دقيقة وحدة من مورايا نخوي عليك الما بارد وا نووضي خلاص و لبسي شي حاجة سخونة راه البرد برا
انا:اوكي
فقت و دخلت للدوش غسلت وجهي بالماء البارد مزيان و حكيت سناني خديت سروال جينز مقطع شويا من الركيبات و معاه جاكيت من الفوق كحلة مع سبادري بيض شعري طلقتو على راحتو هزيت الباسبور ديالي و تبليفوني و صاكي عاد الشانطة و الباندا فاش جمعت داكشي كي حليت الباب لقيت بوديكارد قبالتي
انا:شكون نتا
هو:سي جاد وصاني باش نعاونك
عطيتو الشانطة و هبطها و انا جاىة الباندا و متكيا عليه .
لقيت كلشي مجموع التحت جاد سهى مايتا و ماري و انطونيو تسالمت معا مايتا و باباها و ماماها وصاوني عليها بزاف عاد خرجنا عطلاتنا مايتا بزاف بحكم انها كتعدب ف مشيتها بزاف فعلا وزن بحال هادا قاسح عليها عاوناها تا طلعات فالطوموبيلة انا و هي و جاد فاللور و سهى مع الشيفور القدام.
دخلنا للمطار و تصدمت بوجود سيارة خاصة هيا لي غتوصلنا حتال امريكا كلست انا وجاد ف زوج كراسا ملاقصين و مايتا مع سهة قبالتنا
مايتا شادة تابليت كتلعب فيه و جاد خدام فالبيسي سهى دايرا الكيت و انا متكية باش نكمل نعااسي
بقيت متكية على كتف جاد و حلف النعاس لا جاني هزيت تيليفوني مجمعة مع وهيبة خبرتها بلي قريب نوصلو و أكدات ليا بلي غتجي تديني و متشوقة باش تعرف على مايتا .
وصلنا لأمريكا كي خرجت من المطار لقيت وهيبة متكيا على طوموبيلتها كتسناني غير شافتني طارت عليا بالتعناق و البوسان ولكن بزربة طلقات مني فاش شافت جاد
😡😡😡😡😡😡😡😡😡😡 تفااااعلوووووو
وهيبة:هادا اش كيدير معاك
انا:خاصنا نمشيو للدار و من بعد نعاود ليك كلشي واخا
وهيبة:لي بغيتي
انا:مايتا هادي ختي اكيد كتعرفيها ياك
مايتا:اه عزيزة عليا
وهيبة:مرحبا بيك عندنا احبيبة
مايتا:شكرا
جاد:(جرني من حدا وهيبة و لبنات لخرين)سيري للدار و كي توصلي علميني ردي البال لراسك و متنسايش تدوي مع وهيبة و باباك فأقرب وقت انا غنمشي
انا:اوكي بسلامة
جاد:مايتا تهلاي فراسك و متعدبيش هبة واخا
مايتا:كنواعدك
جاد:يالاه بسلامة سهى تبعيني
**********
مشا جاد و سهى و انا و وهيبة و مايتا
انا:مايتا مرحبا بيك
مايتا:وااااو عرفتي شنو دارك كنت كنشوفها غير فاليوتيوب عمرني حلمت ندخل ليها زوينة بزاف
انا:غير نرتاحو و نساريك فيها كاملة كنواعدك
دابا زيدي نوريك بيتك وجداتو ليك وهيبة
وهيبة:اه انا درتو ليك التحت حيت مبغيتكش تعدبي فالدروج بينما ترجعي صحتك و يولي عندك بيت قريب لبيوتنا
مايتا:اووووكييي
انا:لبنات غناكلو شي حاجة باش منين نرتاحو نخرجك ا مايتا ضوري موافقة
مايتا :ويييي واش غنخرج معاكوم
انا :اش بان ليك
مايتا:هههههه يااااس
انا:وهيبة طلبي لينا الماكلة من شي مطعم
وهيبة:شنو تبغيو تاكلو
مايتا:كلشي
وهيبة:ولكن راه نتي
انا:غير خليها اليوم غتاكل لي بغات ولكن من غدا غتبدا الحمية ديالك واخا
مايتا:اوكي
انا:غنطلع ل بيتي ايلى وصلات الماكلة عيطولي وهيبة دي مايتا تشوف بيتها
وهيبة:مايتا يالاه
********&&&&&&&&&&&
خليت وهيبة مع مايتا و طلعت لبيتي تاصلت ب جاد و دخلت للدوش غسلت يديا و وجهي مزيااان لبست بيجامة مايو من الفوق و شورط فيها هيلو كيتي كاملها .
جمعت شعري كعكة للفوق و نزلت عند وهيبة لبيتها
انا:مايتا ف بيتها
وهيبة:اه خليتها ترتاح دابا فهميني شنو لي واقع
انا:باغا تعرفي
وهيبة:اكيد
انا:ادن تا انا غنجيك من اللخر بلا دخول و خروج فالهدرة انا جاد عاجبني و تا هوا نفس الشي و مقررين ايلى سهل لينا الله غنكملو حياتنا معا بعض
وهيبة:كيفااااااش واااش تسطيتي ولا خرج لمك العقل جاااد هاداك لي ...
انا:اه غتاصبني ولكن هاهوا كيصلح غلطو
وهيبة:كيفاش قدرتي تسامحيه كيفاااش
انا:اه سامحتو حيت دار شحال من حاجة على ودي شوفي فيا اختي ياك باغاني نكون فرحانة
وهيبة:ولكن ماشي معاه هوا
انا:منقدرش نكون فرحانة معا غيرو تيقي بيا يا هوا يا تاحد
وهيبة:مبقيت فاهمة والو
انا:اللي خاصك تفهميه هو أن جاد عتقني من الاختطاف مرة و دار بزاف تالحوايج على ودي عافاك اختي عامليه مزيان و احتارميه و نساي لي سمعتيه داك النهار على ودي
وهيبة:اوكي غندير لي بغيتي ولكن ضبري لراسك عنداكي نلقاه فارعك مرة خرا
كلينا و كلسنا نتفرجو ف فيلم و بقينا مجمعين تا وصلات العشية طلعت لبيتي دوشت و لبست شعري خليتو مطلوق و خرجت
فطريقي تاصلت ب كريس
انا:الو
كريس:هاي حبيبة على سلامتك
انا:الله يسلمك واش نتي فالدار
كريس:اه
انا:و بابا
كريس:ناعس
انا:اوكي غنجي لعندك باش نخرجو لشي بلاصة لي نكونو فيها بوحدنا عندي بزاف تالمواضيع باغاك فيهوم
كريس:اوكي حبيبة
*********
مدازش وقت بزاف حتى وصلت لدار بابا تاصلت ب كريس و خرجات عندي مشينا ل كافي و كل وحدة طلبات لي بغات هي كتهضر معايا و انا كنفكر غير كيفاش نصارحها
كريس:هبة ..... هببة .... راه معاك كندوي فين سرحتي
انا:هاااا... لا والو متديش عليا
كريس:من قبيلة و انا كنهضر غير بوحدي مقلتيش ليا فاش بغيتيني
انا:كريس ... واش ايلى قلت ليك ماما عايشة غتقبليها
كريس:ههههه كيفاااش ميمكنش احبيبة ماماك 5 سنين هادي باش ماتت متقدرش ترجع للحياة
انا:سمعيني(شديت ليها ف يديها)بغيت نطلب منك حاجة وحدة ايلى كانو فعلا شكوكي ف محلهم و هي كانت عايشة و ايلى رجعات انا بغيتك تقبليها انا عارفا بلي كنطلب منك حاجة صعيبة بزاف ولكن مبغيتكش تصدمي من بعد انا متأكدة 90% بلي ماما عايشة و بلي غترجع
كريس:هبة واش كضحكي معايا هادشي مافيهش اللعب
انا:و لنفترض هادشي لي قلت ليك صحيح
كريس:غنبقا متمسكة ب 10% كأمل ليا
انا:منبغيكش ديري مشاكل معا بابا بسباب هادشي واخا
كريس:انا منقدرش نشوف مرا خرا بيني و بينو
انا:انا بغيت نوجدك قبل لهادشي لي غيطرا مبغيتكش تفاجئي و تقولي خبيت عليك اوكي
كريس:ميمكنش
انا:لمهم انا عارضاك نتي و بابا ليوم لعشا نتمنى تجيو و غيكون واحد الضيف مهم
كريس:غتكون هيا
انا: شوفي انا قلت ليك شكوكي مازال ملقيتهاش الضيف غيكون شخص آخر
كريس:شكون
انا:حبيبي
كريس:كيييفاااااش هبة باراكا من الصدمات اينا حبيب هادا و من ايمتا
انا:كلشي غتعرفيه بالليل انا عارفة بلي عندك اسلوب قوي فاقناع بابا و بغيتو ايلى رفضو نتي تجي من جيهتي و تعاونيني باش يتقبلو
ودعت كريس و مشيت لعند واحد الكوتش واعر كنعرفو مزياااان و معروف بأنه كيساعد مرضى السمنة على انهم يخسرو الوزن ديالهوم
تافقنا انا و ياه على الثمن و الحصص و الموعد لي غنجيب فيه مايتا لعندو . واعدني انه يعمل اللي فجهدو باش مايتا ترجع صحتها و تولي كيف بغات بدون عوائق .
خرجت من عندو و انا فطريقي للدار جاني اتصال من حبيب القلب
انا:الو
جاد:حبيبتي مفكراتش فيا و مقلتيش نتاصل باش نسول فيه
انا:كنت مشغولة شويا مع موضوع مايتا و لقيتيني فعلا غنتاصل بيك
جاد:ههه واخا الالة شنو درتي مع وهيبة
انا:مشكل وهيبة حليتو بقا ليا مشكل بابا و غنحلو هاد الليلة خاصك تجي تعشى عندي فالدار و نلاقيكوم
جاد:لي درتيها انا معاك فيها
انا:اوكي 10 تكون عندي .
جاد:اوك فينك دابا
انا:خاصني نمشي ندي مايتا دير شي تحاليل فالمختبر باش نعرفو الحمية لي غتبع و ياك ما عندها شي مرض
جاد:اوكي متنسايش تتاصلي ب باباها و ماماها تأكدي ليهوم بلي راها بيخير و مديري تا خطوة بلا إدنهوم
انا:مشاو ليا من بالي غنتاصل بيهوم انا و مايتا بالليل اوكي
جاد:واخا ردي بالك احبيبة باي
انا:بسلامة احياتي
جاد:عااااوديها
انا:بسلامة
جاد:لي ورا بسلامة
انا:طيط طيط هههههه حمق
..............
انا:ماايتااااا....... مايتاااااا .. . فينك
مايتا:هاني
انا:حبيبتي لبسي حوايجك دغيا باش نمشيو لواحد البلاصة يالاه دغيا
مايتا:اوكي عطيني 15 دقيقة نلبس و نخرج
انا:واخا
*****خليت مايتا تلبس حوايجها و تاصلت ب مكت الخادمات طلبت خدامة ضروري و ماهي حتى 15 دقيقة تا وصلات لعندي وصيتها توجد العشا ل 6 تالنااس و وريتها بلاصت كل حاجة الحمد لله ان وهيبة مقدية كلشي و خرجت انا و مايتا .
وصلت للمختبر درت ل مايتا التحاليل لي طلب مني الطبيب و قالولي غدا غيكونو واجدين
مايتا:فين غاديين دابا
انا:غناخدو ليك لبيسة لي تبينك هاد الليلة فحال شي أميرة
مايتا:شنو كاين هاد الليلة
انا:جاي عندنا جاد و بابا و مراتو و بغيتك تعرفي عليهوم غناخدو ليك فستان بحال لي كيلبسو الاميرات و عاد نرجعو للدار .
مايتا:فراسك كنت خايفة من البرا
انا:و انا لي كنقول معا راسي راكي بنت شجاعة و كاع ما خفتي
مايتا:اه خفت منها و لكن غير كنشوفك كتولي عندي واحد القوة فشكل
انا:خاصك تكوني بنوتة قوية بزاف و متعلميش ضعفي حيت هاد الحياة كدمر الانسان الضعيف و معندو فيها حتا بلاصة
مايتا:انا غنكون قوية
انا:اه خاصك تكوني قوية خاص واليديك ايلى شافوك يشوفو مايتا وحدة خرا مختالفة تماما على هادي نتي غتخليهوم فخورين بيك بزاف و كنواعدك بلي غناخد ليك بزاف تالهدايا ايلى نقصتي الزون ديالك و رجعتي لوزنك الطبيعي و اي حلم عندك غنحققو ليك انشاء الله
مايتا:واش اي حلم
انا:اه احبيبتي اي حلم
&*********
وصلنا انا و مايتا للمحل تالفساتين خدات فستان بينك عريض بزاف كيحمق و تا هيا جات فيه غزالة رجعتها للدار دخلتها للدوش غسلت ليها
و خرجتها نشفت ليها داتها و شعرها مشطو ليها و صاوبت ليها مشيطة فيه ضفيراتها صبغتهوم ليها بالحمر و معا هيا بيضا جات سو كيوت درت ليها كلوص بوحدو و خليتها كترسم ف بيتها طلعت تا أنا دوشت بالزربة و خرجت نشفت شعري لبست شورط جينز و معاه تيشورت خفيف بزاف فالكحل و هابط من واحد الكتف و صباط طالون كلو مشبك فنفس اللون درت ايلاينر معا فاغا بوبييغ و فاغاجو و ماسكارا و عكر ماط فالغوز شعري خليتو مطلوق على راحتو
نزلت للتحت نشوف الخدامة واش وجدات كلشي لقيتها سالات بقالها غير تحط فوق الطبلة
دخلت لبيت وهيبة لي كانت باقا خامرة فيقتها دغيا و قلت ليها توجد راسها بزربة
نازلا تاني فالدروج تا كنسمع تيليفوني فالبيت كيصوني
انا:الو
جاد:حبيبتي واش ماشي مشكل ايلى جبت معايا واحد الضيف
انا:شكون
جاد:اه ولا لا
انا:اوكي جيبو مرحبا بيه
جاد:اوكي شوية و نكون عندك
انا:اوكي بسلامة
عاونت الخدامة حتى وجدات الطبلة على حقها و طريقها متولة بطريقة غزالة واخا الماكلة مازالا محمطوطاش .
وهيبة:لاش هاد التوجاد كامل شكون جاي
انا:جاد بابا كريس و نتي و مايتا و ضيف معا جاد
اوووف نسيت ما قلت ليها تزيد طبسيل آخر
وهيبة:انا غنزيدو خليك كون فراسي داك خينا جاي والله منفيق
انا:وهيبة واياك تحاولي تهضري معاه بطريقة خايبة والله تا ندمك
وهيبة:كي شتي غير غنهضر معاه اصلا شدي الطبسيل حطيه
انا:اوكي بيبي شكرا جيتي زوينة
وهيبة :حلفي
انا:والله
ههههه
وهيبة:شي حد كيدق فالباب
انا:غيكون يمكن بابا ولا جاد
وهيبة:انا غنحل
حلات وهيبة الباب و كان بابا و كريس
انا:بابا (عنقتو)توحشتك الحبيب ديالي
هو:تا انا ابنتي توحشتك علاش هادشي كامل شكون جاي
انا:ممم عندي ليك واحد المفاجأة من بعد و تعرفها واخا دابا دخلو كلسو
كريس:لبنات جيتو كتحمقو
حنا:شكرا بزاف تا نتي
انا:وهيبة عيطي على مايتا
وهيبة:اوكي
دخلات وهيبة لبيت مايتا و خرجاتها لعندنا تسالمات مع بابا و كريس و كليها بابا حداه كيهضر معاها هو من ديما كيحماق على الوليدات .
كنا ف جو عائلي زوين كلنا فرحانين لأول مرة كنحس بهاد الشعور راضية على نفسي و على قراراتي كنحس بلي خاطري مرتاح و مهازا الهم لتا حاجة
انا:غنحل الباب
جاد:سلام
انا:مساء الخير علاش عدبتي راسك
جاد:مكين حتى عداب (مد ليها بوكي تالورد حمر و الشكلاط )
انا:تفضلو مرحبا بيك ا
هو:جون صديق جاد
انا:وي عقلت عليك تفضلو للداخل
******** دخلت ضيوفي للصالون لعند لخرين غير دهل جاد شافو بابا و كحل بالعمل
بابا:هبة شنو واقع هنا و شنو كيدير هاد السيد ف هاد البلاصة واش هادي هيا مفاجأتك
رجع بابا كلس ف بلاصتو و مد ليه جاد يديه باش يتسالم معاه و الحمد لله تا هوا مد ليه يديه انا عارفا بابا واخا كلشي قلبو حنين و ميقدرش يخلي شي حد مقلق منو
كريس كتحاول تجبد مواضيع لي ندويو فيهوم و حتى وهيبة بقات عاطاها للهضرة و جاد مرة مرة كيلوح شي كليمات عكس جون لي منين دخل مسكتش من الهضرة قلت ليهوم بلي العشا واجد كلشي تجمع على الطبلة تحطو المقبلات و الطبق الرئيسي و الديسير سالينا الماكلة و دخلت مايتا لبيتها بدلت ليها حوايجها و نعستها
وهيبة:نعسات مايتا
انا:اه نعسات
بابا:مزيان يالله قولي ليا شنو سبب هاد العشا و هادا شنو كيدير هنا
انا:بابا انا و جاد فصراحة انا راه سامحتو و قدرت الضروف اللي خلاتو يدير داكشي لي عاودت ليك
بابا:هبة واش ضارباك السخانةهادي ماشي نتي لي كدوي
انا:لا بلعكس انا بيخير
بابا:اوكي هانتي سامحتيه و من بعد
جاد:من بعد كاع داكشي لي دوزنا انا و بنتك لاحضنا اننا منجادبين لبعضنا بزاف و مؤخرا ربطاتنا علاقة زوينة و كنتمنى نختموها بالزواج
بابا:😨😨😨
كريس:حياتي ايلى الدراري كانو كيبغيو بعضهم لاش حنا غنتدخلو و نكونو عقبة ياك تا انا واليديا مبغاوش فاللول ولكن ها حنا درنا لي فراسنا و تزوجنا .
بابا:نتي معارفاش هادا شنو دوز عليها كيفااااش فنتيق فيه مرة خرا كيفاااش غنأمنو عليها
انا:بابا واش عمري درت شي حاجة لي تقلقك لا يااااك غير تيق فيا و كنواعدك كلشي غيكون بيخير
جاد:بنتك غنديرها فعينيا و عمرها مغتخصها شي حاجة معايا أنا منين آديتها كانو عينييا معميين بالغضب
بابا:ههههه هيا دابا وقت ما غضبتي غدير فيها حالة ياك هادشي لي باغي توصل
وهيبة:بابا واش مكتشوفش انهم بزوج كبار و يقدرو يحلو مشاكلهم لراسهوم
بابا:واخا غنوافق على قبل سعادت بنتي ولكن كنقسم ليك ايلى عاودتي قستي فيها شعرة وحدة و آديتيها عينيك غنخرجهوم من بلاصتهوم
انا:(نضت عنقتو)الله يخليك ليا يا أحلى اب
بابا:من هادشي كامل كتهمني غير سعادتك
انا:الله يخليك ليا
بابا:امين كريس خاصنا نمشيو تعطلنا
انا:باقي الحال
بابا:لا هادي هي الوقت غدا ايلى لقيتي شي فرصة دوزي عندي
انا:انشاء الله
وهيبة:بابا انا نوصلكوم للباب
************
خرجو و تنهدت براحة جاد اكتفى بابتسامة جانبية .
وهيبة:راه مشاو
انا:اوكي تبغيو تشربو شي حاجة
جاد:نن والو
جون:لا شكرا
انا:اوكي
جون:تبغيو نخرجو
انا:ولكن هادي راه 2 تالليل و مايتا منقدرش نخليها بوحدها
جاد:مايتا ايلى نعسات مباقيش تفيق غير يالاه
وهيبة:اصلا مليت من الدار خليونا نبدلو الجو
*********
خرجنا حنا ب ربعة كل زوج ف طوموبيلة وصلنا لجيهت البحر و كان الموت ديال البرد جاب الله ديما حاطة مونطو فالكوفر فرحشنا فالرملة و بقينا كنهضرو شويا قلبناها لعب لعبة الصراحة .
بقينا تما تال 6 تالصباح عاطيينها غير لآجموع و اللعب رجعت مع 6 مهدودة بدلت عليا و نعست مافقت تال 3 تالنهار
انا:أوووف راااسي غينفاجر تعطلت بزاف فالنعاس
******هزيت تيليفوني لقيتو غينفاجر ب لي زابيل من جاد و بابا
انا:الو جاد
جاد:فين كنتي تال دابا كنت مخلوع عليك
انا:ناعسة
جاد:المرة الجاية يكونو كيدفنوك جاوبي على مشقوفك و قطع
انا:هادا مالو معصب
تاصلت ب بابا و اكد عليا باش نمشي لعندو تاني و قلت ليه بلي غير نلقا فرصة غنمشي لعندو
خرجت من بيتي جارا رجليا و وجهي كاااع مرون بالمكياج دخلت عند وهيبة لقيتها مجبدة كل رجل ف قنت غطيتها و نزلت للتحت نطل على مايتا
انا:مايتا شنو كديري
مابتا:والووو غير كليت و بغيت نغسل المواعن
انا:سمحي ليا بزاف احبيبتي والله محسيت بالوقت كنت عيانة غير خلي هادشي من يديك و يالله نوجدك حيت خاصنا نمشيو لعند الطبيب و الكوتش ديالك
مايتا:واش تاني غيدخلوني ل داك الحاجة لي فحال القبر
انا:ههههه نن متخافيش غير يالاه
لبست مايتا حوايجها و عطيتها كاسكيط بحال ديالي من اللي كنلبس و لبست تا انا بحالها
وصلنا للمختبر خديت منهوم التحليللت و تخطيط القلب و ديتهوم الطبيب و عطاني مكونات الغداء ديال مايتا تالاسبوع كامل .
رجعتها لعند الكوتش ديالها لي تافقنا بلي غيولي يجي تال عندها للدار و تما غيترينيو مزيااان
ساليت كلشي بالجرااا و رديت مايتا للدار و دوشت لبست سيرفيت فالغوز سروالها لاصق فالكحل و الفوقي فالغوز جمعت شعري و هزيت صاكي و سوارت طوموبيلا و خرجت غنمشي ل wwe البلاصة فين كيدربو
لقيت البنت اولا المصارعة لي غتدرب معايا بحكم اننا غنلعبو انا و هيا و وهيبة ف فريق واحد تدربنا بزاف تحت نظرات ادوارد
التوأم المختلف الجزء الرابع
محتوى القصة
التنقل بين الأجزاء