دخل جبل وصخر والدون ماركيز للبار ديال جهاد وكان معاهم شخص جديد واحد راجل ملقب "بالشفشاوني" رجل خمسيني متوسط القامة وشعرو الاسود مرشوش ببعض الشيب ...
كان كايتمشى بهيبة وخلفو رجالو وكان خلف جبل دانيال وعصام وباقي الرجال لي تبعو البوس ديالهم كاملين من ابيزا للمغرب ..
إلتفت صخر ودار إشارة لرجال باش يتوزعو فالمكان وداكشي لي كان ونفس الشئ دارو الشفشاوني مع رجالو ... كل واحد شد طاولة وكلس فيها بينما تقدم جبل رفقة الشفشاوني عند الكونطوار فين كايوزعو المشروبات ..
كلس جبل على كرسي عالي بشموخ وواحد الهالة من الهيبة كاتفوح منو .. ربع يديه فوق الكونطوار وهو كايسترجع فعقلو لهضرة لي قالت ليه نورسين هاد صباح .
اFlash back
- سمعني اولا وقبل ماتبدا دير فيها مغيار وكدا .. تفكر ان بسبب لغيرة ديالك نتوما دابا مفارقين
غمض جبل عينيه وقال بقلة صبر:
- طلقيني انورسين
-لموهيم رغباتني روعة باش نعاونها تخلي جهاد يتنازل على الشكاية لي رافعها ضدها وانا وافقت ومشيت قلت على العنوان فين خدام ومشينا قاصدينو ..فالاول راه ماكناش عارفين بلي ديك لبلاصة بااار ولكن لي كان كايهمنا بجوج هو نطلاقاو مع داك لويل دجهاد ونقنعوه يتنازل على الدعوة باش لبنت تقدر تعيش مرتاحة بلا خوف وبلاما تبقا مخبية من البوليس ولكن فاش دخلناااا
سكتت نورسين بسبب التوتر وشافت فجبل فضيق جبل عينيه بريبة وقال :
- اشنو !!! .. كملي
تنحنحت نورسين ثم رجعت شعرها للخلف بتوتر وقالت:
- لقينا سيد فشكل .. طلع هو مول داك البار وسيد يديه طواال وواصلين ، فكرني غير بدوك العرابين دلمافيات .
طار صخر وقال بفضول:
- واش كاتقصدي بلي قلل ادبو عليكم ؟
شافت نورسين فصخر وقالت بسرعة :
- لا لا لا ..
سكتت شويا وكملت :
- احم هو فالحقيقة غير شويا .. ولكن كان إنسان مستفز بلا قياص .. وقالها باش يتنازل على الدعوة تعطيه .. ااام
هاد لمرة مابقاش قادر يصبر جبل على هاد المطاولة لي كادير فيها نورسين وغوت فوجهها :
شدها جبل من دراعها بلاما يحس وجرها لعندو بعنف وزمجر بصوت متوحش:
- نورسين راني ااااصلا معصب وماتزيديش تكملي عليا .. شنو طلب منها تعطيه .. واش لفلووس ؟
كان كايتمناها تقولو اه لكن الجواب كان عكس تمنيه:
- لا .. بغاهااا ..
تنحنحت بتوتر وكملت:
- احم ... بغاها تعطيه وو ...ولدو ..
تسمر جبل بقوة الصدمة وتحجرت يديه على دراعها .. كانت قادرا نورسين تشوف العافة شاعلة غير من البؤبؤ ديال عينيه ولا ملامحو لي مكانتش كاتبشر بالخير .. ندمات كاع لاش هضرات ..فكرات ياكما هو ماعارفش بموضوع الولد لي كانت حاملة بيه روعة فتمتمت فنفسها
لكن ماجاوبهاش وستمر على نفس الملامح الجامدة كانت قادرة تشوف الفك ديالو ينبض بوحشية وغضب العالمين .. فقالت باش ترد فيه شويا دروح :
- شوف تهدن الله يستر عليك .. روعة دابا محتاجاك توقف بجنبها ماشي تزيد تكمل عليها .. كون شفتي حالتها كيف ولات حتى لماكلة مكاتاكلش وديما مهمومة مسكينة وكاتبكي .
أخيرا رخى جبل يديه على دراعها فاش سمع حالة حبيبتو فتنفست نورسين الصعداء وقالت:
- هااكدااك مزياان تهدن شويا
بعد عليهم بعض الخطوات وتمشى وهو كايمسح على وجهو بيديه لكن داك لبركان لي كان كايفيض داخلو كان خصو يطفيه فالتفت لعند الحيط وبدا كايضرب فيه بقبضة بيديه ضربة مور ضربة مور ضربة حتى خافت نورسين وبغات تمشي تحبسو لكن صخر جرها وقالها :
- خليه ينفس على غضبو راه..
لكن ماكملش كلامو حتى رجع جبل عند نورسين وهو كايغوت بزعاف :
- كملييييي اشنو أخر
شافت نورسين فصخر فطمأنها بعينيه .. خافت غير لاتزيد شي كلمة وغايفش فيها هي غضبو ماشي لحيط لكن لي كان كاااااان وراها زبلاتها ماشي عاد .. ترجعت للخلف بضع خطوات وقالت بتردد :
تنهد جبل بقلة حيلة صافي عيا من هاد المماطلة فقال باش يطمانها واخا هو داخل ديالو كان كايتشوا :
- كانواعدك غير هضري
كحزت نورسين وخبعات نصفها خلف صخر ثم قالت بخوف وتوتر:
- طلب منها ... لموهيم احم .. قالها الى بغيتي حريتك ولديلي ولد أخر
غوت صخر بلاما يحس :
- الله أكبر
لكن نورسين غوتت حتى هي باش تهدء الوضع لي ولا كايتحول لجحيم
- كون شفتي اجبل شنو دارت ليه اجبل .. كانت غادي تقتلو وشبعات فيه سبان ... وقالت ليه انا مزوجة لكن ولد لحرام قالها مكايهمنيش ..
بدا جبل كايتقدم لعندها بخطوات ثقيلة ونورسين كاتراجع للخلف بخوف وجارا معاها صخر باش يحميها من غضبو لكن لي كان كان والكاس فاض فكملت وهي كاتقول بسرعة:
- قالها مكايهمنيش الى بغيتي حريتك غادي تولديلي ولد اخر بدل لي مات .. وفاش كانت كاضربو حيد ليها لخاتم ديال الزواج من يديها باش يبتزها بيه وقالها الى بغيتي نعطيه ليك وافقي على الشرط ديالي .
توقفت خطوات جبل وتسمر فبلاصتو بقوة الدهشة من الشئ لي سمع فقال هاد لمرة صخر بهتاف كفس من خوه :
- يعني خدالها لخاتم ديال زواج وطلب منها تولد ليه .. جبل هاد لحيوان خصو فركة ودن
لكنه تجاهل صراخها وقال وهو كايغلي بلفقصة كثر من خوه:
- جبل واش غادي تسكت ليه ؟.. راه تعدى على الحرمة ديالك .. راه لغى الدور ديالك وخدالها الخاتم لي كايربطها بيك .. الحيوان .. داك الحيوان راه بغاها تولد منو خصك ..
سكت صخر وقرب من جبل تمسك بأكتافو بجوج باش يقنعو وقال:
- جبل .. جبل شوف فيا .. عطيني إشارة منك وكانقسم ليك غادي نجيب ليك راسو فلعشية ... والله حتى نقتل لكلبة دمو .. الى ماقتلتوش راني مانتسمااش راجل .. عطيني هاد المهمة ياك انا خوك .
قربت منهم نورسين ودفعات صخر على جبل بغضب وضارت عندو كاتقول بخوف :
- جبل ماتخليش كلام صخر يأثر عليك .. دابا أفضل حاجة ممكن ديرها هي تفكر برواااق وتتهدن لعصبية ماعندها باش تفيدك .. روعة محتاجاك فجنبها ونتا عايش دوك ناس ماساهلينش اجبل ... كون شفتيها مسكينة كل نهار كاتنعس ودمعتها على خدها .. ماتفقصهاش حتى نتا .. اوو بدل الخاتم شريلها عشرة .. والى كانت غير دعوة غادي نوكل ليها محامي مشهوور كانعرفو والى ضطرينا كاااع نحركو لفلوس وهو ماغايربح منا والو .
لكن جبل كان بحال شي ربوط مكايتحرك مكايرمش فهزاتو نورسين بيديها وكملت:
- جبل واش كاتسمعني ؟
تحرك جبل أخرا وشاف فنورسين بنظرات فجأة تحولت من الغضب للبرود الجليدي وقال بصوت جامد:
- سمعتك .. وستوعبت كل حرف قلتيه .. سيري طلعي للدار كاتباني عيانة .
حركت نورسين راسها بالنفي والرفض وقالت:
- حلف بالله أنك ماغاديش دير شي حاجة تأديك ولا تأدي روعة .
رمش جبل بهدوء وقال :
- ماتخافيش .
وردت عليه نورسين بخوف :
- ماباغياش نعيش مع تأنيب الضمير اجبل
أومأ جبل بتفهم ثم قال:
- خلي ضميرك مرتاح وسيري طلعي
ثم تراجع للخلف وكمل بصوت عالي:
- يالاه اصخر
تبعو صخر كايجري حتى وصلو لسيارة جبل وغير ركبو قال صخر بفضول قاتل :
- غانمشيو عندو يااااك ؟؟
ديمارا جبل السيارة وهو كايقول بجمود وملامح متحجرة :
- تهدن .. داك الحيوان عندي دواه
- كيفاش يعني ؟
كسيرا جبل بسرعة وهو كايقول بحنق وكايشوف فطريق :
- الغبي بغا يستغل روعة بلاما يعرف شكون موراها وبلاما يعرف بلي داك لعز ولفلوس لي عايش فيهم ديالي .
توسعو عيون صخر من قوة الصدمة فبدا جبل كايعاود ليه
..السنة لي فاتت فاش جاء جبل مع رافاييل للمغرب وحضرو لعرس نورسين وأسد .. جبل جاه لفضول يعرف شكون هاد بنادم لي ستغل ديك البنت لي سميتها روعة وضحك عليها .
قدر يطلعو من أعماق الأحياء الشعبية بفضل الرجال لي كلفهم بمراقبتو وشافو واحد المرة وهو خارج من دارو ومجبر رجليه وكايمشي غير بلعكاكز لكن ماقربش منو وماهضرش معاه ..
كان قبل بمدة كلف دون ماركيز باش يقنع روعة تمضي على عقد الزواج بلاما تحس وكانت فديك اللحظة محسوبة عليه يعني مرتو فالقانون واخا هي ماعارفاش فمكانش باغي يخليلها شي حاجة كاتربطها بالماضي .
كلف واحد من رجال المافية ديال الحشيش كان كايتعامل معاه راجل مو قبل مايموت وكان سميتو " منصور الشفشاوني"
طلب من شفشاوني باش يقنع جهاد يتنازل على الدعوة لي رافعها ضد روعة لكن السافل جهاد مكانش مستعد يضيع الصفقة بسهولة بعدما عرف الخلفية ديال الشفشاوني وبلي هو بزناس كبير فطلب منو مبلغ خيالي مقابل يتنازل على الدعوة ولي هو 100 مليون ..
اندهش جبل فالأول من الطلب بينما شفشاوني إعترض وطلب من جبل يخليه يقتلو ويصفيها ليه ويخلي الموت ديالو عبارة عن حادث لكن فكر جبل بلي الى مشا حتى مات جهاد وهو مازال مابراش من الإصابات لي تسببت فيهم روعة اكيد داكساع القضية غادي تكبر وغاتولي روعة متهمة فقضية قتل بالخصوص أنها اختفت من المغرب فضروف غامضة فأي حاجة غاتوقاع لجهاد غاتحمل هي مسؤوليتها .
ضغط جبل على نفسو ووافق يعطيه داك المبلغ واستلم جبل من بعد وثيقة الحكم بالبراءة ديال روعة قبل مايرجع لجنوب افريقيا يكمل خدمتو ...
واليوم قالتلو نورسين بلي كايبتز مرتو بالدعوة لي اسقطها من زمااان .. وروعة مسكينة ماعارفة والو وحتى نورسين طلعات غبية ومابحتاتش فالقضية أما كون راها عرفات بلي مابقات لادعوة فلمحكمة ضد روعة ولا هم يحزنون.
وداك السافل لي بغى يستغل مرتو للمرة الثانية هاهو جبد على راسو نحل وهاد لبار لي دارو بفلوسو غادي يريبو ليه على راسو .
العودة الى الواقع :
قرب النادل من جبل ومنصور شفشاوني وقال وهو كايمسح فواحد الكأس بمنديل أبيض:
- شنو تشربو ؟
شاف فيه جبل بنظرات ثقيلة وقال :
- إلى بغيتي عطيني كاس دراحة بال .
إعتبر النادل كلام جبل غير ضحك ورد عليه وهو كايبتاسم:
- كاع لي كايجيو عندنا كايقلبو على راحة البال .
قرب منو وكمل بخبث :
- شوف ديك البنت زوينة راها كاتشوف فيك ملي دخلتي .. هاديك هي لي غادي تعرف تريحك اسيدي
ضار جبل شاف فديك البنت لي كانت فعلا كاتشوف فيه وغير جات عينيه على عينيها غمزاتو وعضت على شفتها السفلية بطريقة مثيرة .. كانت لابسة وعريانة ووجهها فيه نصف كيلو من المكياج والرموش لي مركبة فعينيها تقدر الى رمشت بيهم بسرعة طير وتحلق فسما بقوة لي كبار .
إلتفت جبل لعند النادل وقال وهو كايدير تعابير التقزز بملامحو:
- تؤ تؤ .. أنا بغيت راحة بال من نوع أخر .
دار ليه جبل إشارة باش يقرب منو فإمتثل النادل لطلبو بحماس فهمس جبل فودنيه وهو كايجبد المسدس من خصرو وحطو ليه تحت دقنو :
- بدي أنكح نفسية صاحب المحل اليوم .
إبتلع النادل ريقو بخوف غير حس بالمعدن البارد ديال المسدس تحت دقنو فإبتسم جبل بمكر وكمل :
- سير عيط لهداك لي مخدمك .
أومأ النادل بخوف فهز جبل يديه ودفع بيها وجه النادل بعنف وغوت:
- تحرررررك
ماشي غير تحرك داك النادل بل اختفى من الوجود فلمحة بصر بقوة لخلعة مشا كايجري مخلي موراه شفشاوني كايموت بالضحك وهو كايقول :
- اااخ على هيبة البارون شويا وكان غايبول فسروالو .
لكن مزاح جبل ماكانش ديال الضحك فتنحنح شفشاوني وقال :
-احم انا لعااام لي فات قلت ليك خليني نقتلو غير نتا لي مابغيتيش
رد عليه جبل وهو كاينوض من فوف الكرسي:
- وحتى دابا غادي نخليه يتمنى الموت ومايلقاهش .
شاف جبل فصخر ودار ليه إشارة بعينيه فهمها صخر على الطاير وغوت وهو كايصفق بيديه :
جبدو الرجال أسلحتهم وعلاوها للسقف وبداو كايتيريو بالرصاص فالأعلى باش يخلعو الناس لي كانو كايشطحو وسكرانين وبالفعل غير سمعو صوت الرصاص بداو كايتدافعو بقوة الخوف وشي كايطيح وشي كاينوض .. وصراخات العاهرات الخايفين واستمر الوضع على داك الحال لمدة خمس دقائق ومن بعد اختفاو الناس من البار .. بقاو غير طبالي ولكراسا طايحين فالأرض ..
كان جهاد لداخل كايترعد بالخوف وهو كاييراقب تحركات الرجال فالكاميرات فالاول ماعرفش شكون هوما لكن فاش لمح وجه الشفشاوني حس بلي لقضية حامضة والى مكانش غايطب عليه بهاد الشكل ..
التفت جهاد عند الحراس ديالو لي كانو واقفين كايتسناو أمرو وقال بتوتر :
- غادي تخرجو تقتلوهم واحد بواحد
شاف فيه الكارد ديال الباب داك لغليض لي دخل روعة ونورسين قبل اسبوع وقال بخوف :
ضرب صخر على يد عصام وبداو كايضحكو بجوج فقال عصام بهيئتو المتوحشة وبشعرو الطويل الغريب :
- معلييييييم يمكن صارلنا زمان ماشمرنا على كمامنا .. لهيك لكلاب ولواوية (الثعالب) فكرو حالهم صارو بني أدمين
توسعت إبتسامة جبل الساخرة ورد عليه وهو مركز أنظارو على جهاد:
- نحنا قلنا بلكي يفهمو حالهم بلا ما نشمر على كمامنا بس الهيئة أنو مامشي الحال .
إستغرب جهاد من لهجة هاد الوحوش لي واقفين حداه وقال بصراخ :
- منين نتوماااا ؟... شكون سلطكم عليا هاد نهار ؟؟
لكن قبل مايلحق جبل يرد عليه دخل عليهم منصور الشفشاوني كايتمختر وهو داير يديه فجيابو .
- سي شفشاوني شنو واقع ؟
قرب منو شفشاوني بخطوات بطيئة حتى وصل قبالتو وقال بصوت عميق:
- نتا اصاحبي لعبتي مع ناس ماكانش من المفروض تلعب معاهم .. كان عليك تبوسلهم يديهم ضهر وقفى ولكن نتا نكار الخييير اولد لحرام
ماعطاهش فرصة فين يرد عليه وكمل :
- نهار لاول جيت لعندك وتفاهمنا انك تتنازل على الدعوة لي رفعتيها ضد روعة الخطيب .. اواخا كنتي انتهازي وطمااع عطينااك داكشي لي بغيتي من لفلوس قلتيلي شكون مور ديك البنت وقلت ليك موراها كتاف دلحديد والى رجعتي قربتي منها غادي تشوف لويل وهانتا لحتي كلامي بعرض الحيط ورجعتي حتكيتي بيها .
شعر جهاد بجدية الموقف والقلب ديالو بدا كايضرب بالخلعة حتى ان جبهتو تكونات عليها قطرات من لعرق فبدا كايتمتم بتوتر :
- انا .. انا
لكن قاطعو شفشاوني وهو كايقول بلهجة ثقيلة :
- واش يحسابلك كنت كانتمازح معاك ... واش فنظرك لي مستعد يحط على ود ديك البنت 100 مليون ماغاديش يعرف يوصل ليك وياخدها منك ويرجعك من لبلاصة لي طلعتي منها .
ضرب شفشاوني وجه جهاد بصفعة خفيفة كان الغرض منها يهينو وكمل :
- نتا .. بحال داك بنادم لي كايعفس على نعمة برجليه .
بقوة لي مارضاش جهاد بداك الموقف لي دار ليه شفشاوني حدا رجالو حاول يرجع كرامتو والهمة ديالو وقال بوقاحة متجاهل المشكل لي غارق فيه تالودنيه :
- هي لي جات لعندي برجليها وزايدون شكون هاد بنادم لي داير عليها هاد لحالة كاملة .. ياكما لقات شي دمدومة ضحكات عليه وسرساتو ولا وكلاتو مخ ضبع ؟
إلتفت شفشاوني عند جبل لي كان باغي يخنق جهاد ويطلع روحو وقبل مايتحرك دار ليه إشارة باش مايتدخلش وقال بحدة :
- لاااه لاااه لاااه .. حتارم راسك شويا .. عند مرأة واخت وام حتارم راسك غير على قبلهم الى مابغيتيش طيح فالمشاكل
قرب لعندو جهاد بتحدي وقال
- مي ومرتي وختي محتارمين ولكن هاديك روعة لي جاتك نفس عليها هي وأشكالها مابينهم وبين الإحترام غير الخير والإحسان ..
تنهد شفشاوني وضار شاف فجبل لي كان واقف على اعصابو لكن كايمثل دور البرود قبالتهم ثم رجع شاف فجهاد وكمل
- هادا اخر كلامك ؟.
توسعت ابتسامة جهاد وقال بثقة فوق النفس بشوية :
- لا .. سير عند هداك لي مسيفطك قولو يجي يواجهني بدل مايبقى مخبي وراك بحال لفار.. وقول ليه الى بغاني نبعد على العاهرة ديالو يزيدني 100 مليون وحداخرا .. انا مامستاعدش نتخلى على روعة .. هي باب رزق بنسبالي .. وكيما عطيتوني 100 مليون باش نتنازل على القضية غاتعطيوني دابا 100 مليون وحداخرا باش نبعد عليها حيت فصااارحة ماناويش وغانبقا موراها حتى تشيب ... ودابا سير بلغ هضرتي لديك البانكة لي كاتصرف عليها
قرب من ودن شفشاوني وكمل
- وبغيت لفلوس كاااش .
ابتعد عليه جهاد وهو كايحس بإنتصار عضيم وهمة وشان قدام رجالو لي بقاو مستغربين من كمية الجرأة لي جاتو على غفلة مع العلم أنه حتى سلاح الحي ماشاريهش وماعندوش .. عاطيهم جوج هراوات ودابا خايد كايخرج فعينيه ماعرفوش رجالو واش هاد جراة منو ولا غباء مبين ؟ ..
التفت شفشاوني عند جبل وهو كايحرك راسو يمين وشمال وقال
- سي جبل راك سمعتي هضرتو بودنيك .. قالك بغا مـ
قاطعو جبل وقال بحدة :
- سمعتو ...
قرب من جهاد بضع خطوات حتى قف قريب ليه وكان جبل كايبان طويل على جهاد وكمل وهو كايشوف ليه فعينيه بتحدي :
-ولبانكة ديالها جات حتى لعندك وماخايفش ومامخبيش
توتر جهاد من الهيبة لي كانت خارجة من عيون جبل لي كانو كايشوفو فيه بنظرات نارية لكنه مابغاش يبان ضعيف حداه .. تراجع بخطواتو للخوف بحدر وقال باستهزاء:
- هه إذن نتا هو المغرووم بيها ... نتا هو راجلهااا.. ماتقوليش جاي هاجم عليا على قبل ديك البنت ..
ميل جبل راسو ومازولش عينيه القاتلة عليه فكمل جهاد على وقاحتو :
- قولي شحال كادخلك فنهار أنا متأكد أنها كاطلع ليك صريف .. هاديك البنت لامؤخذا سكة شماال بحالي كاتقولو نتوما لمصريين .. يعني خاارجة على طريق .. سيدة شابعة (****)
بسرعة مد جبل يديه جر عندو جهاد ودخل فيه براس خلا الدم ديال نيفو يطير حيت الكلمة خايبة لي قالها فحق مرتو هي لي فيضات لكأس ...
فلحظة ترونت القضية ورجال جهاد تدخلو باش يدافعو عليه لكن رجال جبل وشاهين إعترضو طريقهم بالأسلحة الثقيلة وشلو حركتهم حتى قبل مايفكرو يتقاتلو معاهم .
بينما جبل قرب من جهاد بسرعة وجمع معاه بلكمة لوجهو قوية خلات الجسم ديالو يرتد فوق المكتب ورجع طاح للأرض فمشا لعندو جبل وهو كولو رغبة باش يفك ويفش على الغضب لي سيطر عليه هاد نهار .. تحنا لعندو وشنق عليه من ياقتو حتى تهز من الأرض ورجع جمع يديه وضربو لكمة أخرى طيحت ليه السنة الأمامية وجا هاجم عليه عاود لكن الدون ماركيز شدو وهو كايقول :
- جبااال تهدن .
لكن جبل نتر يديه بقوة وقرب من جهاد شنق عليه ودفعو مع الحيط حتى تضرب راسو مع الحيط وغوت :
- فين هو الخاتم لي خديتي اولد لـ ؟؟.
كان جهاد كايحاول يتنفس باش يرد الروح فنفسو لكن عصبية جبل مكانتش قادرة على المماطلة ديالو فرجع هز يديه وجمع معاه بصفعة خلاه يدوي بسيف عليه :
لكن لقعل سبق وطيرو ليه بديك الهضرة لي قال .. فرجع جبل براسو للخلف ودخل فيه حتى طاح جهاد للأرض مغمى عليه وجبل شداتو الدوخة بقوة لي كانت الضربة قوية .. تسند بيديه على المكتب فقرب منو صخر وقال بريبة :
- واش نتا بيخير ؟.
رغم الألم فراس جبل إلى أنه إبتسم على إهتمام صخر بيه وقال وهو حاني راسو :
- انا بخير أخي .
ثم هز راسو شاف فيه وكمل :
- هز هاد لكلب وخرجو لبرا ..
- علاياش ناوي اخويا ؟
شاف جبل فجسد جهاد المرمي فالأرض بتقزز ثم قال وهو يصك على أضراسه بوحشية :
أومأ صخر ودار إشارة لعصام باش يهز جهاد فإمتثل لطلبو وماهزوش غير جرو فالأرض من رجليه وخرجو لبرة فين كانو طبالي ولكراسا مقلوبين وجرو رجالو موراه لبرة وربطوهم بينما بقى جبل فداخل كايقلب بين الأدراج على الخاتم وغير لقاه تمتم بغضب :
- ابن الصرماية
دارو فجيبو و خرج تابعهم ... مشى نيييشان لمكان المشروبات هز قرعة دشراب حلها وخواها فدلو كان عامر بمكعبات الثلج ثم هزو وتوجه لعند جهاد لي كانو مكلسينو على كرسي وكان مازال سخفان .
سارع جبل وخوا عليه داك الدلو ديال الثلج وفلبلاصة شهق جهاد ورجع لوعيو وهو كاينهش بقوة لي كان شراب والثلج باااردين .. على جهاد راسو شاف فشفشاوني بعدما خدا نفس وقال بترجي :
- وهاهو جا حتى لعندك وانا عادرك حيت كون كنتي عرفتيه فلول كونتي غادي تركع على جليك وتطلب سماحة منو ... حيت ديك البنت لي حكرتي عليها
أشر بيديه لجبل وكمل :
- مرت البارون .
تصدم جهاد فاش استوعب ان البارون شخصيا واقف حداه وتصدم أكثر حيت روعة ديك البنت البسيطة تزوجات براجل عندو صيت وكلمة بحال البارون ... علاش ماقالتهالوش ؟.. علاش ماقالتلوش انا مرت لبارون مكانش غايقرب منها ولا يهددها .
شاف جهاد فجبل وقال بترجي :
- كانقسم ليك والله ماعمرني نقرب ليها ..
ظهرت إبتسامة شيطانية على وجه حبل وقال :
- أصلا نتا عمرك ماغاتقرب ليها ..
ثم على راسو شاف فعصام ودانيال وقال :
- حيدو ليه السروال
ظهرت إبتسامة شيطانية على وجه حبل وقال :
- أصلا نتا عمرك ماغاتقرب ليها ..
ثم على راسو شاف فعصام ودانيال وقال :
- حيدو ليه السروال
شافو فبعضياتهم كاملين بصدمة فزمجر جبل وكرر :
- واش مكاتسمعوووش ؟؟.. حيدو ليه السروال ؟؟
بقوة لي تصدم جهاد غير بداو كايقربو ليه عصام ودانيال بدا كايغوت :
- لااا ... لاااا .. بعدو منييييي
هاد المهزلة ابدا ماعجباتش الدون ماركيز .. فنظرو هو يقتلو ومايديرليهش هاد لحالة لي مايقبلها حتى راجل على نفسو .. قرب من جبل جرو من دراعو بعدو شويا عليهم وقال بسخط وهو كايحاول يتجاهل صراخ جهاد ومقاومتو لعصام ودانيال باش مايحيدولوش سروال :
- جبل .. علاياش ناوي ؟؟
لكن جبل نتر يديه من دون ماركيز وتمشى عند طاولة البلياردو .. بقا كايشوف فيها لثواني ثم هز من فوقها العصا باش كايدفعو الكرات وغير ضار شاف فجهاد وهو يبتاسم بمكر على حالتو .. كان مغطي أعضائو التناسلية بيديه وباغي يبكي ولكن ماقادرش .
- سي لبارون كانقسم لـ
قاطعو جبل بحدة :
- شوووووو ...
قرب منو وهو هاز بعصا وكمل بصوت غلبض وحاد:
- غادي نسولك .. كاتعرف شنو هو الخازووق ؟؟
مابقاش قادر دون ماركيز يصبر وغوت بغضب:
- جبل نتا هبلتييييي
تنهد جبل بحنق من خالو وبلاما يضور عندو قال بصوت حاد:
- حتى شي واحد فيكم مايتدخل بيناتنا .
ثم شاف فجهاد وكمل:
- واش عارف شنو هو الخازووق ؟
أومأ جهاد وبدا كايقول بصوت مهزوز وهو كايحاول مايبكيش :
- عارف .. عارف
همهم جبل وقال:
-هممم .... تماااااااام
رد عليه جهاد وقال بترجي وذل :
- سيدي الله يرحم الواليدين أنا عندي عائلة كانتـ...
قاطعو جبل بحدة وزمجر:
- كنتي تفكر فعائلتك قبل ماتمد يديك على حرمتي .
على عينيه شاف فعصام ودانيال ثم قال بأمر:
- قلبوه على ضهرو .
تنهد عصام بقلة حيلة ثم تمسك بجهام هو ودانيال باش يقلبوه لكن جهاد كان كايقاومهم ويغوت :
- لاااا لااااااا
استوقفهم جبل بصوت عالي :
- طلقوووه
وغير طلقوه ستر جهاد نفسو بيديه وقال جبل :
- طيب انا ماشي انسان سئ حتى لديك الدرجة باش نعاقبك على تطاولك بالخازووق
تحنى جبل عند جهاد وقال بصوت خافت وخبيث:
- ولكن فنفس الوقت مكانرحمش لي كايحط يديه على مرتي ولا غير يشوف فيها شوفة ناقصة .. غادي نريب الدنيا على راسو .. انا ماشي غير كانبغيها أنا مهوس بيها ونتاااا .
إنتقل للأدن الثانية لجهاد وتمتم بصوت خافت:
- بغيتي تستغل ضعفها عند بالك ماعندهاش لي يدافع عليها .... لاااا وبغيتيها تولد لييييك .
سرت القشعريرة فسجم جهاد بقوة الهيبة الشيطانية لي فصوت جبل فقال وهو كايترعد :
- انا غير غير كنت كانضحك معاها .
إعتدل جبل فوقفتو وقال :
- شحال فعمرك ؟
- 26 عام
إبتسم جبل وقال :
- ااه طمنيتي مازال صغير ... فكرني شحال عطيتك المرة الاولى 100 مليون ياك. ... كانضن من بعد ماشريتي هاد البار غاتكون ضوبلتي المبلغ ..
أومأ جهاد وقال بسرعة:
- بفضك كرمك عليا اسيدي .
ضحك جبل وقال بإستهزاء :
-هه طبعا بفضلي وماتقدرش تنكر حتى لو حاولتي ..
تمشى جبل لعند الكونطوار لي كايوزعو عليه المشروبات وهز دلو وحداخر ديال الثلج ورجع حطو حدا جهاد ثم اعتدل فوقفتو و جبد من جيبو شفرة حادة كاتلمع وقال :
دار جبل اشارة براسو لعصام ودانيال لاش يشدوه من يديه وقال بصراخ :
- لا بغيتي
بسرعة البرق طار عليه جبل وفلمح البصر طير ليه العضوه الذكري بديك الشفرة حتى تطاير دم جهاد فسماء وبدا كايغوت بقوت الألم :
- اااااااااااه ... اااااااااااه ..... ااااااااااه
كولشي لي كان فداك البار تصدم وتبلوكة قدام داك المنظر لكن جبل حس بالغل فقلبو وصراخ جهاد قدر يفش شويا من غضبو .. وكان كايحاول يقنع راسو بلي هو لي دارها لراسو هو لي بغا يستغل مرتو بغاها تولد ليه وهاهو طيرو ليه باش ماتولد ليه لا هي ولا غيرها من البنات حواء ..
هز عينيه شاف فجهاد وقال بصوت كالرعد في حدته:
- ماتخافش .. غادي نعطيك 100 ملون وحداخرا باش تتعالج وتقدر تجيب لوليدات من بعد 100 عام وحداخرا .. غير تفائل راك مازال صغير ودنيا مازالة كاتسناك .
لاح جبل العضو الذكري ديال جهاد فالدلو ودار عليه الثلج من الفوق ثم شاف فيه وكمل بغضب قاتل :
- باش تعرفني انسان حقاني ومكانبغيش الضلم غادي نديك عند واحد الدكتور واااعر غايخيطو ليك ويردو لبلاصتو .. هو واخا ماشي دكتور ديال الاعضاء التناسلية واختصاصو امراض الرأس والسرطان إلا أنه غادي يعرف يعوطولك ويردو لبلاصتو .. تاهو زوين بحالك وسميتو ياسر شفتي غير سميتو بوحدها غاتعالجك ..
شاف فرجالو وقال بصوت عالي باش يسمعوه مع صراخات جهاد العالية:
- هزووه ... عندنا حالة مستعجلة غادي نمشيو للمستشفى
إمتثلو الرجال لطلبو وهزو جهاد وخرجو بسرعة بينما هز الشفشاوني السطل ديال الثلج لي فيه العضو التناسلي وتبعهم كايجري ...لكن دون ماركيز كان القلب ديالو غادي يطرطق بالفقصة قرب من جبل وغوت عليه وهو كايدفعو باش يرجع لوعيو:
البارون الأعظم الجزء 96
محتوى القصة
التنقل بين الأجزاء