البارون الأعظم الجزء 98 والأخير

من تأليف ابتسام قراري
2018

محتوى القصة

رواية البارون الأعظم الجزء الأخير بعنوان يوم واحد

في صباح الغد :

وسط حي شعبي .. لوليدات كاينقزو ويلعبو وشي غادي للمدرسة وشي جاي .. بينما لعيالات هالي لابسة جلابتها وغاديا للسوق وهالي هازا سطولة غاديا للحمام وهالي جايبا ولدها من المدرسة وها لي دايا لوصلة دلخبز للفرن .. الهرج والمرج وكولشي عايش ببساطة وبيييخير .

حتى وقفو فداك الدرب الضيق 5 سيارات ضخمة وفخمة وكاتلمع شدوه من الطرف تالطرف ... طلات لبركاكة ديال الحومة من الباب وقالت لجارتها .

- شكون هاد ناس ؟

ردت عليها جارتها بفضول :
- هادو مايكون غير القايد ولا العامل !

شدت فيها باش تسكت فاش شافو الأبواب ديال السيارات تفتحو ونزلو منهم رجال جبل لي كانو لابسين بدل رسمية فالأسود ونظارات سوداء ومع هوما طوالين وصحاح الهيبة كانت كاتفوح منهم ...

تمتمت الجارة الثانية وقالت بصوت خافت:
- لا لا لا .. كون كان لعامل كون جاو معاه لبوليس

ردت عليها لبركاكة دلحومة بزعاف :
- وباش عرفتي بلي هادوك لي معاه ماشي بوليس غير مالابسينش الكسوة .

كان جبل كالس بشموخ فإحدى السيارات فالمقعد الخلفي وهاد المرة جا معاه دور البوس والزعيم .. تعمد يجي بهاد المظهر وتعمد يجيب معاه النص فرجالو .. ماعمرو ينسا فاش قرا فالمذكرات ديال روعة بلي باباها صعيب بزاف وكايموت على لفلوس وفنفس الوقت بخيل .. وهو جاه بالمنظر لي غايعجبو ووقف عند باب النادي الكاراتيه لي كايشتاغل فيه حيت فهاد الزمان لي كايعلي مقامك ويحلي كلامك هوما فلوسك لي فجيبك .. باغي القوة جاء بيها باغي الفلوس بينهوم ليه ودابا مابقات غير رضاتو .

دار جبل إشارة لعصام فدخل عصام للنادي وشويا وهو خارج ومعاه رجل كبير فقرابة الستينات .. غير شافو جبل لقا فيه صورة روعة .. دات منو كثر ماخلات ليه وكيفاش قدر وعطاتو كبدتو يتخلا عليها وهي طرف منو ونسخة عليه ؟

دق عصام على زاج السيارة فنزل جبل الزاج وقال بصوت رزين ولطيف :
- سلام عليكم .. بلا شك نتا هو مولاي إسماعيل

إبتسم السيد إسماعيل بتوتر من هاد الشخص لي واقف حداه وقال :
- مولايا ومولاك الله اسيدي .. الله يعلي مقامك .

نزل جبل من سيارتو ومد يديه باش يسلم على سي سماعيل لكن بدل مايصافحو تحنى لعندو بإحترام وباس ليه يديه بطريقة خلات سماعيل يخطف يديه بإحراج وقال بإرتباك من هول الموقف :
- حاشاه .. حاشاه ولله اسيدي .. حشومة نتا بقامتك ومقامك تبوسلي يدي .

طبطب جبل على كتف سي اسماعيل وقال وهو كايبتاسم :
- ولو اسي سماعيل راني كانعتابرك بحال الواليد وكثر .

تبددت إبتسامة إرتياح على وجه إسماعيل وقال بفضول:
- حشمتيني والله اولدي ... الله يكثر خيرك ولكن سمح ليا راني ماعرفتكش ؟.

- الى عرضتي عليا لشي كويس دأتاي غادي نقولك شكون أنا وعلاش جيت ؟

قال سماعيل بحماس وهو كايبتاسم بإحراج :
- مرحبا مرحبا اسيدي تفضل سمحليا خليتك على برا راه مرا مرا كايهربلي صواب ماتديش عليا .

دخل جبل لداك النادي الصغير .. كانو لوليدات صغار كايتدربو فواحد لقنيت و الشباب لكبار كانو فقنت أخر بعادين عليهم شويا .. كان كايتسمع غير أصوات اللكمات وصراخ المتدربين .. جال جبل بأنظارو فكل قنت وهمس بصوت خافت :
- هنا فين عاشت روعة الصغيرة !

قاطع تأملو سي سماعيل وهو كايقرب ليه كرسي :
- تفضل كلس اسيدي .

كلس جبل بخيلاء وقامتو الضخمة وحدها كانت عاطياه هيبة شبابية كبيرة :
- قالولي عندك جوج ولاد ولكن خدمتهم غير على قد الحال

رد عليه سي سماعيل وهو كايقرب كرسي وكلس قبالتو :
- ايااه اوليدي .. ولكن راهوم والله مايجبدو شي صداع مع شي حد داخلين سوق راسهم ودايرين بحال لفاس فينما حطيتيهم يحفرو .

ورجع قال بصوت عالي مخاطب واحد من الاولاد :
- مروااان .. طلع عند جينان قولها تصوب لينا شي براد دأتاي ودغيا ماتعطلش .

توسعت إبتسامة جبل وشحال ستمتع بهاد الجو البسيط فقال :
- وشحال عندك دلوليدات ؟

شاف فيه سي سماعيل وجاوبو واخا كان الفضول غايقتلو باش يعرف شكون هاد سيد لي جايب معاه بزاف درجال وسيارات لوحدة منهم كاتسوا 30 مليون واهم حاجة شنو باغي منو ؟ :
- انا عندي 5 .. لبنيتة لكبيرة نوال مزوجة وبوليداتها .. وموراها عمر مزوح وكريم حتى هو مزوج وبوليداتو واخر لعنقود جنان مازالة صغيرة وكاتقرا .

تأسف جبل فاش ستثنى وردة حياتو .. ماعجبوش لحال فاش سماعيل قصى روعة ومادكرهاش .. تنهد جبل بقلة حيلة وقال :
- سمعت بلي عندك 6 دلولاد ماشي 5

تسمر سي سماعيل قبالة جبل واستغرب من هاد سيد لي جاء قاصدو وعارف حتى شحال عندو دلولاد :
- كانت عندي بنت كبر من جنان ولكن ...

سكت سماعيل وماقدرش يكمل فقال جبل باش يشجعو يهضر عليها :
- اشنو سميتها ؟.

ضيق سي سماعيل عينيه فجبل علاما استوعب الأمر فناض بسرعة وقال بإنفعال :
- نتا .. نتـا من البوليس ياك ؟.

وكمل بغضب وهتاف :
- ‏جهاد راه برا ومافيه حتى شي عطب كايضور ويجري بحال لبغل ... علاش مازالين تابعين بنتي ؟

جبل عجبو الحال فاش دكر بنتو اخيرا ودافع عليها ، فناض حتى هو وقال بلطف :
- تهدن اسي سماعيل وكلس خلينا نتفاهمو .

لكن اسماعيل دفع يد جبل بغضب وقال :
- جهاد هو لي سيفطك ياك ... شحال بغا دلفلوس باش نترانجا معاه ويبعد على بنتي ؟.

زاد رتاح جبل وتأكد من مكانة روعة فقلب باباها لي كان مستعد يدفع لفلوس باش يخلص بنتو من مشكل جهاد فقرر يقول ليه الحقيقة وهو كايبتاسم :

-ماتخافش انا ماباغيش سوء لا بيك ولا ببنتك لي هي مرتي اعمي سماعيل ... أنا راجل بنتك روعة .

كرر خلفو سماعيل بصدمة:
- راجلها !!!!...

وهو لي كان كايقول بنتي مستحيل يقبل عليها شي حد بعد لي عملاتو فقال بصوت متقطع من شدة الصدمة :
- هي .. هي راها ...

قاطعو جبل وقال :
- أنا كانبغي بنتك اعمي .. بغيتها وتقبلتها كيما هي .. واليوم أنا جيت طالب سماحة نيابة عليها .. اليوم عيد ميلادها وانا بغيت ندخل بخيط بيض بيناتكم ونصالحكم اشنو قلتي ؟

تغرغرو عيون سي سماعيل بالدموع ومابقاش قادر يوقف على رجليه فعاونو جبل باش يكلس وهو كايقول :
- عارف انها جرحاتك بزاف وخانت ثقتك .. ولكن راها كاتبقا بنتك .. لحمك منك واخا يكون خانز ولحم الخانز ماكايهزوه غير ماله اعمي .

بدا سي سماعيل كايبكي وهو كايتمتم بحيرة :
- اش غادي نقول ليك ؟

رد عليه جبل وهو كايبتاسم بلطافة :
- ماغادي تقول غير الصلاة على النبي .. عام ونص وراها غاديا فعاماين ديال القطيعة ولخصام .. بغيتك تسامح بنتك وتتقبلها كيما هي .. ماتنساش شحال دربتيها فهاد المحل ..

على جبل عينيه فديك الصورة لي كانت معلقة فالحيط لطفلة كاتشبه لروعة وهازة ميدالية إنتصار وقال : ‏
- ‏ كانضن بلي هاديك صورتها وهي هازا الميدالية

رجع شاف فيه وكمل :
- كنتي كاتفتاخر بيها ياك ؟.

جبد سي سماعيل منديل من جيبو وبدا كايمسح فدموع القهرة وهو كايتفكر اجمل لحظاتو مع بنتو :

- هي الوحيدة فولادي لي حبت الكاراتيه كيما حبيتو انا .. ربيتها على رياضة ملي كان عضمها مازال هشيش وكانت غير طريفة دلحم .. نهار لي حيدت ليها مها الرضاعة كان عندها غير 6 شهور فاش كنت كانشد ليها فيديها كاتعلي راسها باش تنوض وقدرات تتمشى وهي فعمر 9 شهور .. معضم وقتها كانت كاتقضيه فالنادي وقدرات تحل الفاص وهي فعمرها عام واحد وفالعاماين بدان كاتقلب على راسها ورجليها وفلعام الثالث شريت ليها اول كسوة ديال الكاراتيه ..

مسح سماعيل دموعو بيدين كايرعشو وكمل :
- ‏تربات على يدي عزيتها كثر من خوتها ...فالعام لي وقاعو فيه دوك المشاكل .. كان عندي أمل فيها تشارك فالبطولية الإقليمية وتجيب لكأس ونفتاخر بيها لكن كولشي ضااع .. خدلتني ودمرت كولشي .. احلامي واحلامها... دمرت راسها ودمرتنا معاها .. مشات بلاما تقول حتى كلمة كيفاش بغيتيني نسامحها وهي كانت حاملة فلحرام .. أنا ماربيتهاش على هاد لأساس .. شوهاتني فلحومة ومع صحابي وناسي وعائلتي مادارتليش إعتبار مافكراتش فماماها لمريضة وغضرتنا .

بدا جبل كايطبطب على كتف سي سماعيل باش يصبرو وهو كايقول :
- هادشي كولو فاات ومات اعمي.. انا اليوم بغيتك ترضا عليها وترضا عليا .. انا ماعنديش واليديا لا ام ولا أب ونتا عندك 6 دلوليدات اعمي .. مانكرهش ديرني فمقام ولدك وتعتبر راسك ولدتي 7 بدل الستة .

تمسك بيديه باسهالو وقال:
- رضى علينا اعمي .

جر سي سماعيل رأس جبل باسو وهو كايبكي ويقول :
- الله يرضي عليكم اوليداتي .. الله يرضي عليكم

خداه جبل فحضنو وعنقو وماعرفش علاش جاه بين عينيه بهجت .. البارون الأعضم .. زاد زير عليه وهو كايتفكر كلامو وحنانو وتمنى لو كان بقى عايش رغم كاع داكشي لي وقاع لكن المكتاب كايتصرف ..

بعدو على بعض فقال سي سماعيل بترقب:
- ‏واش واش جات معاك ؟

حرك جبل راسو بالنفي وقال:
- لا .. بغيتي تشوفها ؟.

بقا اسماعيل ساكت واحد شويا وكأنه كايتحارب مع كيانو ثم قال بعد صمت:
- واش مازالة كادرب ؟ .

رد عليه جبل بحماس وهو كايضحك وكايشوف فعصام :
- مازالة وكون شفتي شنو كادير لهاد لحتارف لي جبت معايا .. ضربة بضربة

قلب عصام عينيه وقال :
- معليييييم ... ماشي ديما هي لي كاتغلب .

زعف عليه جبل وقال بغيظ:
- ولاك سكووت يا ازعر .. ياعيب الشوم عليك .. كم مرة ضربتك وكسرت راسك .

دار عصام يديه فجيابو وقال بتعالي وتفاخر :
- مرة أو يمكن مرتين .

حمر فيه جبل وقال :
- عصااام

تأفف عصام وقال بقلة حيلة :
- بففف يمكن خمس مرااات بس المرة الخامسة غشتني اقسم بالله هديك البنت غشاشة .

كان سي سماعيل كايتصنت على هضرتهم ومستغرب من ديك اللهجة الجميلة لي عندها لكنة راقية بوحدها فقاطعهم وقال بفضول :
- منين اصلك اولدي ؟

رد عليه جبل بحماس وهو مفتخر بأصلو الشامي:
- أنا من اب سوري وام مغربية كنت عايش بسوريا لكن من بعد الحرب انتقلت لإسبانيا وتما تلاقيت مع بنتك روعة وحبيتها وتزوجتها

توسعو عيون سي عصام وقال :
- روعة كانت فإسبانيا ؟؟

طبطب جبل على كتف سي سماعيل وقال :
- غادي نعاودليك كولشي اعمي قصتي انا وهي خصها تتألف كتاب ... ولكن حتى ترضى عليها وتقول أنك سامحتيها من كل قلبك

لانت ملامح سي سماعيل وقال بحنية:
- سامحتها .. وشكون نكون أنا قدام الله لي ديما فاتح ابواب التوبة والمغفرة .

فديك اللحظة وصلت صينية ديال أتاي وبيها حلا لكلام فكلس جبل وسي سماعيل كايتنخواو عليه ويتبادلو اطراف الحديث وكل واحد كايعرف راسو على الثاني أكثر

_____________

دار لخوالات

قدام دار لخوالات وقفت سيارة صخر لي كان يالاه رجع من المطار كان جايب معاه مفاجأة لصوفي ولي هي رؤية أختها .. حاول معاها وقنعها وقال ليها ترجع غير على وجه أختها الصغيرة وماقدراتش تخصر ليه خاطرو ونيت كان نفسها تزور المغرب من زمان .

وقفو هي وياه ودق فالباب وهو متشوق يشوف ردة فعل صوفي فاش تشوف ختها .. كان باغي يفرحها بأي طريقة ولكن لي حلات الباب هي تاليا لي غير شافت رؤية شهقت وطارت عليها عنقتها بحماس وهي كاتقول :
- رؤية ... وأخيييرا رجعتي .

كان صخر كايقلب بعينيه خلف ضهرها على صوفي لكن فاش مالقاهاش قال مع بالو هادي اكيد غاتكون مازالة ناعسة فخلاهم كايتعانقو ويتسالمو وطلع مع دروج قاصد غرفتها لكن قبل مايدخل تفحص المكان مزيان بعينيه لايكون شي حد كايشوفو مثلا الدون ماركيز وبسرعة وفتح الباب وسدها موراه غير بالحس وغير ضار شهق بقوة الخلعة فاش لقاها واقفا عليه بحال موت الغفلة

- اعود بالله من الشيطان الرجيم إنصرفي أيتها الأرواح الشريرة .. انصرفي إنصرفي .

غوتت صوفي حتى قفزاتو
- اااااااااحصلتي ياولد اللدينة ... ااااااشنوو كاديير هنااااا ؟

بسرعة شد ليها فمها بديه بجوج وتمتم بغيظ:
- اللقوة انشالله .. ماشافوناش فاش كونا كانشفرو ويشوفونونا وحنا كانفرقو

حيدت ليه يديه بسرعة وقالت بصدمة :
- اويلي اشنو شفرتي ؟

دار فيها صخر نظرة إمتعاض بحالي كايقولها "واش منيتك" فضحكت صوفي وقالت بسخرية :
- اغير كانضحك معاك ابنادم مالك خضر .

رد عليها بغيظ :
- لاواه زرق .. لعار لاما سكتي انا لي حمار جاي عندك ماعندي شغل .

ضار باش يحل الباب يخرج لكن صوفي عنقانو من الخلف وهي كاتقول :
- دادييي ... ماتخلينيش بوحدي ادادي ؟

حاول صخر يسيطر على إبتسامتو فضار لعندها وقال و هو معلي حاجب واحد ومعنق خصرها بيديه بجوج:
- شنو قصة هاد دادي عاوتاني ؟.

توترت صوفي من الوضعية لي هما فيها فحاولت تبعد عليه وهي كاتقول :
- ياك نتا لي قلتيلي نبقا نعيط ليك عمو وشويا بغيتي تتبناني من عند بابا .. فسميتك دادي

بغات تفك نفسها لكن صخر زاد زير عليها وقال وهو كايقرب من شايفها شويا بشويا :
- عجبتني هاد سمية بزاف .

ثم إلتهم شفايفها بقبلة عنيفة حتى كتم أنفاسها لكنها بقوة لي ماصدقاتش لي وقاع دفعاتو عليها بقوة وقالت بغضب :
- اشنو هادشي لي كادير ؟؟

تنهد صخر وبدا كايحك فجبهتو بتوتر لكن نظرتها الصارمة زادت وتراتو فقال :
- صوفي .. انا ... اام أنا .. كانحس براسي ماشي بديت كانبغيك ولكن أنا فعلا كانبغيك ..

بقات صوفي واقفة حداه مشوكية وماقادراش تصدق فهمست بصوت بالكاد مسموع:
- نتا كاتبغيني أنا !

أومأ صخر وتمسك بيديها بجوج قربها لعندو وقال بهمس وهو كايشوف ليها فعينيها :
- فديك الفترة لي بعدت عليك فيها عاد تأكدت من مشاعري تجاهك .. أنا كانبغيك بزاف .. ونتي ؟.

ياريت لو كان شي حد يصرفقها ولا يقرصها باش يأكد ليها بلي مكاتحلمش صخر كولو يبغيها هيا !!.. تمتمت بتوتر وهي كاتحس بقلبها كايضرب بقوة :
- أنا ..

حط إصبعو على شفايفها وهمس بصوت رجولي مبحوح:
- ‏شووو ... ماتجاوبينيش حتى تتأكدي من مشاعرك .

لكن الجواب جاه فالحين دفعت أصبعو من على شفايفها ووقفت على أصابع رجليها وباستو من شفايفو بوسة صغيرة ورجعت للخلف وهي حشمانة .. وديك الحركة طيرات عقل صخر من شدة لطافتها .. جرها لعندو بسرعة وهو كايبتاسم بسعادة ثم قال :
- فأقرب فرصة غادي نهضر مع باباك نخطبك منو.

وكتم أنفاسها بقبلة عميقة بادلاتو صوفيه إحساسها لحظة بلحظة .

في الأسفل كان قايم الهرج والمرج بين البكاء والعويل والعناقات رؤية كانت وسط بهية وجميلة بحال كرة السلة وحدا تطلقها ووحدا تشدها تعنقها وتبوسها ..

كان دون ماركيز واقف ومصدوم ملي شافها وفنفس الوقت كان متوتر من ردة فعلها فاش غادي تشوفو .. عارف راسو بأنه مقصر معاها بزاف والى مابغاتش تسامحو هو غادي يعذرها .. قربت منو تاليا وقالت وهي كاتجرو :

- ماتبقاش واقف تما بحال شي غريب قرب من بنتك وخودها فحضنك .

وكملت بصوت عالي :
- رؤية شوفي شكوووون .

ضارت لعندها رؤية وبسرعة إختفت إبتسامتها فاش شافت دون ماركيز .. ماكانتش عارفا شنو دير واش تلومو ولا تغوت عليه ولكن الذنب الأول والأخير ماشي ديالو هو كان معترف بيها بنتو وكان باغي يربيها وتعيش وسطهم هي وماماها لكن علياء لي رفضت وبالأحرى ماتقدرش تلومها حتى هي حيت كانت مسيرة وليست مخيرة .

قرب منها داوود وهو كايقول بتوتر:
- بنتي .

وفتح ليها دراعو على الله تبغي تقرب منو فنزلو الدموع من عيون رؤية وماقدراتش تصبر مشات كاتجري لعندو ترمات وسط حظنو الدافئ وهي كاتبكي .. لكن قاطعتهم صراخات صوفي لي كانت هابطا وكاتغوت :
- رؤييييييييييااااا

وغير وصلت لعندهم ترمات عليهم وخداوها فحظنهم حتى هي .. ديك اللحظة كانت أول مرة داوود غادي يحس بعاطفة الأب كاتحرك وسط قلبو فضمهم بقوة وزير عليهم وكأنه خايف يهربو عليه وبدا كايبكي وبكا معاه كولشي حتى بهية وجميلة .

كانت تاليا حتى هي كاتبكي حتى جرها صخر لعندو وخداها فحظنو وهو كايقول :
- أنا مك وأنا باك وانا خوك وختك اختي صغيورة ... مانبغيكش تحسي بالنقص ولا اليتم .

ماقدراتش تصدق ودنيها وعقلها ان صخر قالها ديك الكلمة وعنقها فتزايدت وتيرة بكائها وعنقاتو بقوة وهي كاتشهق فاش كاتتفكر صورة ماماها وباباها ... حتى صخر تأثر ونزلو دموعو لكن بسرعة مسحهم وبعد تاليا عليه باش يشوف فيها ... كاتبقا فيه بزاف هاد البنت اوهي كاتبكي كان باغي يسكتها بأي طريقة فقال :

- واش توحشتي رافاييل ؟

سكتت تاليا على البكاء وتسمرت وهي كاتشوف فصخر لي كان كايتسنا جوابها خافت تقول ليه أه فقالت بتوتر وهي كاتمسح دموعها بحال شي طفلة :
- توحشت مايسي.

إبتسم صخر وقال بمكر :
- يعني توحشتي داك شماتة درافاييل .

خنزرت فيه تاليا بنظرة طفولية خلاتو يضحك فقال بقلة حيلة :
- قولي ليه كون راجل وأجي خطبني من عند خوتي ودق فلباب بدل ماتنقز من سرجم .

مع ان تاليا فرحاات وكانت غاطير بالفرحة إلا انها ربعت يديها لصدرها وقالت بخبث:
- بحال اخويا حتى نتا كاتنقز من سرجم

- اشنو !!!! كيفاااش؟؟

دارت ليه تاليا اشارة بعينيها لصوفي بمعنى راني عايقا بيك فضحك صخر بتوتر وقال :

- ههه .. اناا .. حتى انا غادي ندق فالباب ولكن حتى نكتب الوصية ديالي قبل مايقتلني دون ماركيز .

تاليا غلبتها الضحكة على لطافة أخوها فقربت منو وعنقاتو وهي كاتقول :
- غادي ديرلي عرس تخسر فيه كااع ديك لفلوس لي ورتيها من البارون الأعضم .. تافقنا .

ضحك صخر ورد عليها وهو كايمسح على راسها بحنان :
- واخا اانجلينة جولي .. غاتزوجي ليا ببراد بيت

ضرباتو تاليا على صدرو وبداو كايضحكو بجوج بيهم حتى قاطعتهم الخالة بهية وهي كاتعيط ليهم كاملين باش يجيو يفطرو وعمرت ليهم الطبلة بما ألد وطاب من الأكلات الشهية لكن فديك اللحظة خلط عليهم جبل .

دخل جبل وهو كايقول بحماس لأسية و ياسين لي حداه :
- جينا فالوقت المناسب ريحة ديال لمسمن خارجة من الباب .

نقزو لبنات وطارو على أسية عنقوها وبداو كايغوتو بحماس بينما بدا ياسين كايسلم على لخوالات وصخر ودون ماركيز علاما طلقو لبنات اسية أخيرا وجات حتى هي سلمات على لخوالات وكلسات حداهم فقالت تاليا وهي كاتصفق بيديها بحماس .

- بقات ناقصانا غير روعة .. فقتاش غادي تمشي تجيبها لينا اخويا ... وفقتاش غادي تجمع شملك بمرتك .

رد عليها جبل وهو كايحط كاس داتاي من يديه على طبلة وكايبتاسم بسعادة :
- اليوم غادي نبات فداري ومع مرتي .. واليوم غادي تشوفوها كاملين وغادي يتعرفو عليها خوالاتي

قالت بهية وهي كاتحاول ماتبكيش :
- الله ييسر امورك اوليدي ويجمع بيناتكم فالخير .

قرب جبل من بهية وباس ليها راسها وقال : 
- ‏ أمييين اخالتي .... ولكن اليوم عيد ميلادها .. خصكم توجدولها الهداية

نقزت صوفي بحماس وقالت وهي كاتصفق :
- أنا غادي نشريليها واااااااااحد لإسوارة ديال ذهب شفتها فلمدينة كاتحممممممق .

ضيق دون ماركيز عينيه فيها وقال:
- منين غاتجيبي لفلوس العفريتة ؟.

ردت عليه بكل ثقة فالنفس :
- من المصروف لي غاتعطيني .

همهم دون ماركيز وقال وهو كايعض من لمسمن :
- واخا تسناي حتى لشهر جاي ولكن غانقص ليك منهم 500 درهم لي واعدتيني بيهم

توسعو عيون صوفي بقوة الصدمة وحلت فمها باش تعترض لكن صخر غمزها بعينيه بمعنى " أنا لي غادي نعطيك لفلوس غير سكتي "

في مكان أخر و بالضبط فشانطي خاوي .. حس بنادم فيه مكايضورش غير لخلا وزرع مسنبل فهاد الجو الربيعي .. كانت نورسين كاتسوق سيارتها وهي طالقى الأغاني ديال طيور الجنة قالك باغيا تحفض الاغاني ديال دراري صغار باش فاش يتزاد ولدها تبقى تغنيهم ليه .

لكن حصة الحفض ماكملاتش على خير فاش لاحظت الدخان لي خارج من إطار مقدمة سيارتها فبسرعة فرانات وخرجات كاتجري فتحات الإطار ومع لفتحة ضرب فوجهها سحابة دخان كبيرة ماتبتت الإطار باش مايطيحش حتى كانت غادي تخنق وبدات كاتكح وتنش فدخان بيديها باش يتبين ليها مكان العطب .

- تفو على ويل .. واش هذا وقتو .

تمتمت بيها بغيظ ولكن العطب مافهماتوش وماعرفاش كيفاش تصاوبو يعني كان خصها تدخل ميكانيكي سريع .. حركت راسها يمين وشمال كاتفقد بعينيها هاد لخلا لي وحلات فيه وريحت بنادم وتقول واش كاضور حتى وقف عليها موطور من الحجم الكبير راكب عليه راجل ولابس ملابس كلها سوداء وحاط على راسو كاسك أسود بالكامل خافي كل ملامحو .

- هي .. مدام .. شي مساعدة ؟

تسمرت نورسين قبالة داك الصوت المألوف لكنها حاولت تطرد دوك لافكار من راسها اصلا مول داك الصوت اختفى من حياتها ومابقاش غايبان .

حركت راسها بالنفي وقال ببرود:
- لا شكرا تقدر تمشي .

وسمحت فيه كايشوف فيها ومشات لسيارتها جبدات التلفون من صاكها وبغات تدوز رقم عابد يسيفط ليها ديباناح لكن حتى كاتفاجئ بداك السيد خطف ليها التلفون من يديها فضارت بخوف باغيا تغوت عليه لكنها تصدمات فاش لقاتو أخر شخص توقعاتو .

كان أسد كايشوف فيها وعلى وجهو إبتسامة رجولية واثقة .. شحال توحشتها نورسين وشحال وشحال لكن باش يوقف عليها فهاد لخلا اذن سيد كايتجسس عليها .

تمتمت نورسين بتوتر :
- اششـ اشنـو ... اشنو كادير نتا هنا ؟

مد أسد يديه ميل شعرها الأسود على خدودها وقال بصوتو لي كايحمقها :
- كونت دايز من هنا .. وهي تبان ليا واحد لبنت زوينة محتاجة للمساعدة ووقفت باش نعاونها .

مد ليها يديه باش يسلم عليها لكن فاش ماهتماتش حك راسو بإحراج وكمل بإبتسامة واثقة:
- نقدم ليك راسي .. أنا أسد مالك .. وحبيبتي السابقة كانت كدلعني وتعيطلي شبلي الصغير .. لكن بيني وبينك هذا أسخف دلع شفتو فحياتي

خرجت عينيها فيه وقالت بزعاف:
- نتا راك أصلا سخيف ...

ثم دفعاتو وكملات:
- بعد عليا شويا .

تنحنح أسد بإحراج من صدها المتكرر وقال بتفاخر وهو كايتحرك بتثاقل :
- وبما انني جنتل مااان فغادي نعاونك تصلحي سيارتك

قلبت نورسين عينيها بملل فتمشى اسد لعند مقدمة السيارة حشا راسو فيها وبدا كايغني ويتمتم :
- أنا مافاهمينيش .. هي ماشي غير بنت عادية بنسبة ليا .. هي كولشي ...

علا راسو شاف فيها ثم غمزها وسيفطلها بوسة فلهوا ورجع حنى راسو خلاها كاتقاوم باش ماتضحكش عليه وهو كايغني بصوتو لمزعج :
- ‏ نعملك فولو فتويتر نطاكيك انا ففيسبوكي نجاوب احسن من كوكل شنو عملتي فياااا ؟ ...فمرايتي انا غير سارح حتى فحلامي غير ساهي هبلتيني اه ياعيني جننتيا فيا

رجع علا راسو شاف فيها وكمل غنا وهو كايدير بعض الحركات الراقصة :
- نتا مهما تكون لقفل انا لي عندي لحل لمشاكل الى صارو انا نشيل الحيرة نتا في قلبي المبايل لي عرفو من ناس غير يتاصل بيا حتى جيراني قالولي وليت إنسان مختال عقلياااااان هاهااااا

باش ماتضحكش نورسين غوتت بغيظ 
- راك نيت مختل عقليا

لكنه تجاهل تعليقها وكمل لغنا بلهندية:
- ميطرا هايري جبرا هويري جابرا فان اهو كيا ...

طفجاتو نورسين وفاش ضربات على إطار السيارة وغوتت:
- طلقني

تنحنح أسد وقال :
- هو لموطور عندك نحيلة ... ولكن تحرق

قلبت نورسين عينيها بملل وقالت:
-معلومة قديمة ..

قرب منها اسد وقال وهو كايبتاسم :
- اش بان ليك نوصلك فوق موطوري ازين .

دفعاتو من صدرو باش يبعد عليها وقالت بغيظ:
- حتي نكون سخيت بحياتي وحياة ولدي عاد نركب معاك.

لكن فاش نتابهت لراسها شنو قالت علات راسها شافت فيه كانت متوقعة بلي غادي تلقاه مصدوم لكنه كان مبتسم فقرب منها ببطئ وهو كايقول بهمس :
- بغيتي تقولي ولدنا .

إبتلعت نورسين ريقها بتوتر وماعرفتش شنو تقول ليه لكنها كانت كاتستاعد نفسيا باش يأنبها حيت خبعات عليه ومع ذلك اسد مابانتش عليه حتى شي ردة فعل منفعلة .. قرب منها أكثر ومد يديه لمس بطنها وتحسسها بطريقة خلاتها تغمض عينيها وتحاول تقاوم الدموع لي بغاو يهربو منها فقال أسد وهو كايحاول يتحكم فدموعو :

- واش ... واش كاتحسي بيه كايتحرك ؟

ماقدراتش نورسين تصبر ونزلو دموعها فاش شافت عيون اسد لمتحجرين بالدموع فقالت بهمس :
- مرا مرا .. حركاتو بحال شي فراشة صغيورة وسط كرشي .

مسح اسد الدموع لي نزلو على خدو وتحنى للأرض حط راسو على بطنها وتمسك بخرصها وهو كايقول بشوق :
- أنا غادي يكون عندي ولد ولا بنت لي غادي يقولولي بابا .

عنق خصرها بقوة وبدا الجسم ديالو كايهتز بشهقات خلاوها حتى هي بسرعة تتأثر وتبكي .. رفعت يديها بتردد لمست راسو ثم همست :

- ارسلان ..

على أسد راسو شاف فيها فاش سمع داك لإسم لكن كان محتاج يتاكد فقال :
- شنو قلتي ؟؟.

حاولت ماتشوفليهش فعينيه لي كايخليوها تضعف فكل مرة وقالت بصوت ضعيف :
- غادي نسميه أرسلان على سميت باباك الله يرحمو

وقف اسد مامصدقش وقال :
- يعني ... يعني نتي حاملة بولد.

اومات نورسين وهمست :
- هادشي لي قالي طبيب

جرها لعندو وعنقها بقوة وهو كايقول :
- أخيراااا ... أخيرا غادي يولي عندي شئ من صلبي ودمي .. أخيرا غادي نولي أب ... نورسين كانترجاك ماتحرمينيش منو

دفعاتو عليها غير بشويا وقالت وهي كاتحاول ماتبكيش:
- اسد نتا .. نتا راك كدبتي عليا

إستقام جبل من الأرض ببطئ وإنهزام وهو كايقول :
- عطيني اخر فرصة

حركت نورسين راسها بالنفي وقالت:
- أسد خديتي بزاف دلفرص

تمسك بيديها بجوج وقال بترجي :
- على وجه أرسلان

دفعت يديه وقالت بغيظ وماباغياش تشوف فيه باش مايأثرش عليها :
- أسد أنا .. انا ماطلعلي منك غير الألم طول هاد السنين لي فاتو

ركع أسد على ركابيه ثم تمسك بيديها بجوج وهو كايقول:
- وحياة أخر درة حب مازالة فقليك ليا .. وحياة النطفة لي مني ولي كاتكبر داخل أحشائك .. ماتحرمينيش منك ومن ولدي ..

شهقت نورسين وبدات كاتبكي فضم أسد خصرها .. عنقها بقوة على أمل أنها تحن فيه .. ماعندوش فهاد الدنيا من غيرها هي وولدو لي غادي يشوف النور عن قريب .

- اسد ..
غوتت بيها نورسين وكملت بحماس 
- اسد اسد .. هاهو كايتحرك

توتر اسد وقال :
- فين وريهلي .

تمسكت بيديه وحطتها على كرشها وقالت بعد صمت :
- حسيتي بيه

رفع أسد عيونو لي تغرغرو بدموع وقال :
- حسيت .. يمكن حيت عرفني باباه

ثم شاف فبطنها وطبع عليها قبلة حنينة وهمس وهو كايلمس ولدو :
- أرسلان .. ولدي حبيب بابا .. حاول تقنع ماماك تسامحني

فديك اللحظة تحرك الجنين مما جعل اسد ينتفض وقال بحماس:
- هاهو تحرك عاود حسيتي بيه

أومات نورسين وحطت يديها على يديه فقال أسد بترجي:
- شفتيه حتى هو كايرغبك .. على وجهو سامحيني .

تنهدت نورسين ثم قالت :
- بشرط .

توسعت إبتسامة اسد وقال وهو كايوقف :
- تشرطي وامري الكبيدة ديالي ..

حاولت تحافض على الجدية فصوتها وملامحها وماتضحكش وهي كاتقول :
- أنا لي غادي نختار ليه ناموسيتو ورسمة لي غاتكون فجدران غرفتو وحتى اللون وحوايجيو وحتى لبوسيت .. ورضاعات وكولشي كايتعلق بيه

شاف فيه أسد بنظرة الجرو وقال :
- وشنو خليتيلي اناااا ؟

حاولت نورسين ماضحكش علات أكتافها بغير إهتمام وقالت:
- ماشي صوقي ...اام تقدر ختار طبيب لي غادي نولد فيه .

إبتسم أسد بحنية وقال وهو كايمسح على شعرها بيديه الرجولية :
- واش هذا كايعني أنك سامحتيني

- أخر فرصة ااسد .. اخر فرصة

بقوة الفرحة طار عليها أسد وهزها وبدا كايضور بيها ويضحك ويغوت بسعادة فاش رجعت ليه عائلتو أخيرا 
- كانبغيييييييك .

- اسااااااااااد غير بشويا على لبيبييي

توقف أسد وحطها للأرض وهو كايقول بأسف 
- اووه سمحيلي ...

ولكن ماقدرش يقاوم لطافتها وقال وهو كايجرها لعندو :
-اجي عندي لهنا ... الله يخليكم ليا يا عائلتي الصغيرة .

وطبع قبلة على شفايفها طويييلة كانت كلها حب ومودة وحنان

مستشفى المدينة / الساعة 20:00 مساءً

وقفت سيارة طاكسي امام باب المستشفى ونزلت منها روعة .. استغربت هاد نهار فاش مارجعاتش نورسين باش توصلها وقالت يمكن الى عندها شي شغال هذا علاش نساتها .. فضطرات تشد سيارة طاكسي للمستشفى حيت ماماها الياقوت عيطت ليها قالت ليها ضاروري تجي عندي راني مريضة بزاف .

كانت روعة مخلوعة على حالتها وكاتقول غير فقتاش نوصل .. ركبات فلاسانسور وهي كادعي غير تكون بيخير حتى وصلات امام باب غرفتها ودخلات بسرعة حتى بلاما تدق وهي كاتقول بخوف :

- ماما .. انا جيـ .

تسمرت روعة وبقات مشوكيا قبالت داك المنظر لي شافت حسات بالقلب ديالها طاح للأرض وتكركب لبعيد .. كان هو معذبها وحبيبها مستلقي على السرير ديال ماماها وداير يديه تحت راسو وكايتسناها وغير شعر بيها دخلات شاف فيها وإبتسم بسعادة فاش طلاقات عينيه بيعينيها .

إستقام من فوق السرير وهمس بصوت مبحوح :
- روعتي

زيرت روعة على عكازها بيديها لي ولاو عرقانين بقوة التوتر ...وهمست بصوت خانها وخرج متحشرج:
- جبل ؟

إبتسم ليها جبل إبتسامة حنينة لكن خلفها كان مخبي وجع وشوق .. قدرات هي تلاحظ دبولها .. لاحظت بأنه ضعاف شويا وعينيه دخلو ماشي كيبحال الأول وابدا ماعجبهاش منظرو وصحتو لمتدهورة كثر منها .. إبتلعت ريقها وقال بصوت ضعيف :
- فين هي ماما ؟

رجع جبل كلس على سرير وقال بحزن متصنع :
-يحسابلي جيتي باش تشوفيني انا ...

شافت فيه روعة بحدة وقالت:
- واش جيتي باش تنفد تهديدك ليا بماما ؟

ضحك جبل بخفوت فاش تفكر تهديدو بماماها لي كانت صادرة عن غضب فقط ولا عمر كانت نيتو يأديها لا هي ولا ماماها ولا كل عائلتها .. شاف فيها وقال بسخرية :
-‏ لا قلبي كايحرقني وجيت نتعالج .

تمتمت روعة تحت أنفاسها بغضب كلشي إلا ماماها ماغاتقبلش منو يلمسها :
- جبل فين هي ماما ؟

إستقام جبل من جلستو وقال وهو كايقرب منها:
- كاين غير باباك دابا

طلقت روعة من العكاز لكن بقات شاداه يدراعها ومد اصبعها السبابة وقالت كتهديد وتوتر وهي كاتشوفو كايقرب منها بخطواتو وهيأته الطويلة :
- واياك تكوون أديتيها

حنا راسو باس ليها صبعها لي كاتهددو بيه وقال بمكر وهو كايطلع عينو معاها
- عيييب عليك .. واش كاين شي واحد لي يقدر يأدي نسيبتو ..

ثم مد رجليه ودفع داك لعكاز لي طلقت منو حتى طاح للأرض فشهقت روعة بصدمة وغوتت بسخط:
- علاش لحتي ليا عكازي ؟.. نزل جيبو يالاه نزززل دابا ؟

دار جبل يديه فجيابو وقال بغير إهتمام وهو كايقلب فشفايفو :
- ملي رجعتي للمغرب ونتي كاتمشاي غير بعكاز واحد .. اشمنعى دابا .. هاااه .. شكون شرا ليك هاد العكاز ؟

توترت روعة وخافت لايكون عرف بموضوع ياسر فقالت :
- نورسين ... هي .. هي لي شراتولي

همهم جبل بغيظ فاش كدبات عليه ولكن مابغاش يبين حيت اليوم جا يتصالح معاها ماشي يدابزو فقال :
- ااه الله يكثر خيرها .

جر من يديها العكاز الثاني تحت إستغرابها ثم تحنى عليها هزها بين دراعو .. كان قلب روعة كايضرب بقوة من قربو ليها .. وياربي شحال توحشت ريحة عطرو كيما توحش عطرها هي .. لكنها حاولت تبعدو عليها وهي كاتقول :

- أشنو كادير نزلني ؟

ضمها لصدرو أكثر وهمس بصوت مبحوح وهو كايشوف ليها فعيونها :
- ما شتقتيلي ؟..

بقات كاتشوف فيه وباغيا تقول ليه اه توحشتك لكن عزت نفسها كانت أقوى فكمل جبل وهو كاينتاقل من عيونها لشفايفها :
- ولا حتى بالسر ...ولا الشوق ممنوع وحرام

حنات روعة راسها ومابغاتش تجاوبو حيت الى حلات فمها وبغات تعبر على شوقها ليه غادي تبكي قدامو وهادشي لي مابغاتوش .. تنهد جبل بقلة حيلة ثم حطها على السرير .. كان كايتمنى لو أنها تعبر ليه ولو مرة وحدا وتحسسو بحبها ولا غير هو لي مضروب على راسو فحبو ليها .. كان خايف أن المسافة تزيد تبعد بين قلوبهم لكن هو مانقص من حبو ولا حتى رمشت عين وهي .. وهي ياعيني على جفاء قلبها

طلع جبل تنهيدة من أعماق قلبو وهو كايشوف فالأرض وقال:
- يمكن هلئ صار فيني أيحكي أنو قلبك مات من ناحيتي

ثم على راسو شاف فيها وكمل بإستهزاء :
- عادي اصلا انا إنسان كذاب .. أنا كمان ماشتقتلك ..

حركت روعة راسها يمين وشمال بأسف علاه واش هو عارف شنو كايضور فراسها ولا شنو كاتحس داخل قلبها ... مد جبل يديه رفع رقنها وقال بقسوة:
- طلعي بعيوني منيح ..

لكنها ماقدراتش تشوف فعينيه باش ماتضعفش فقال جبل بغيظ فاش رفضات تتواصل معاه حتى بعينيها:
- ‏لساتك متذكرتيني ؟... انا الي حبك ، انا لي كان كل حلمو انو يضل جنبك ... انا لي بتوجع و بعرف حالي ماني هامك ..

طلق من دقنها وحنا راسو وكمل :
- كل لما بشوف صورة لإلنا فيها حظنك الدافي وحاطا راسك ع كتافي بتذكر البرد وبتذكر الكلام والجرح.. كل لما بشوف إثنين للأسف بتذكرك ... ولما قرر اني انساكي بنسى اني اكرهك ...

مسح جبل وجهو بيديه مع تنهيدة طلعها من أعماق قلبو وكمل وهو كايشوف فجدران ديك الغرفة الكئيبة : ‏
- ‏عم اشتاق للعذاب لما أنطرك بأحلامي وبحكي لحيطان غرفتنا عن وجع بيعشقك .. والحيطان استغربت كيف كنت عم انطرك باخخ على إيدي عطرك وبالعطر اتنفسك .. مخدتك ومخدتي الي ملت من تفكيري فيكي لما نام بتخيل كيف السعادة فيي بدا تكون معك .. وما خطرلي للأسف كيف اتخيلها بدونك .. وانو يوم راح اصحى من دون حظنك ولا حتى تلفونك ... بدون كلمة حبيبي .. بدون أنا شتقتلك بدون القسوة يلي كانت بتغرز فيا ظنونك ... بس الي فاجأني في نفسي اني بشتاق انك تتهميني اني خاين وعم خونك .

رفع راسو شاف فيها وكمل بصوت مقهور :
- ‏راح اشتاق وضل اشتاق لانو الغربة اهون من غربة عيونك

لقاها حانيا راسها وكاتلعب بأصابعها بتوتر فتنهد ورجع دور وجهو وكمل بقسوة :
- ‏كل يوم بقول انو ماعاد بدي فكر فيكي وبرجع بفكر .

وغوت بغضب فاش ماشافتش فيه حتى خلعها:
- مرض ..

ناض من على السرير وبدا كايضور وسط الغرفة وكايغوت:
- ‏ أنا إنسان مريض بيكي ... انا مريييض .. طلعي من راسي خلاااااص

كانت روعة مازالة حانيا راسها وشعرها الطويل نازل ومخبي ملامحها الحزينة ودموعها لي كانو على خدودها .. وهادشي غير مازاد عصبو أكثر... مشا لعندها وشدها من أكتافها وغوت فوجهها واخا هكاك ماهزتش راسها :

- كل ما عم حاول انساكي بشوفك بين عيني .. وكل ما عم اطلع بلمراية بشوفك وبستناكي تقولي انك موجوعة وعم بدوري ويني .. لكن إنتي شووو .. إنتي كااعندك قلللب

طلق منها وغوت وهو كايهز ليها راسها باش تشوف فيه :
- طلعي فيني .. ورجيني وجههههك

تسمر قدامها فاش مال الشعر على وجهها ولقى خدودها مبلولين وهي كاتبكي .. إبتلع ريقو بندم وهمس بصوت مبحوح وخايف :
- ليش عم تبكي ياعمري ؟.

دفعت يديه بعنف وقالت بضيق وحنق وبصوت مقهور :
- شنو كايحساب ليك راسك ... انتا هو المضلوم المسكين .. باش كاتحس فاش كاتضحك على بنت كانت حاطا كل ثقتها فيك .. نتا شنو كاتستافد فاش كاتخلي لي محللو ليك الله وتمشي للوسخ .. وشنو كاتستفد فاش كاتلعب بمشاعر بنات الناس .. أنا لي كنت ديما كاتتمنالك غير الخير ليك ولعائلتك ... حط راسك مكاني وحس بيا .. ملي تكسر قلبي وتخوني بعد ما سلمتك نفسي بنهار وتبدلني باش غاتحس لو انا درت هادشي ...

دفعاتو عليها بعنف وغوتات وهي كاتبكي:
- ‏يا اخي فهاااام أنو البنات الناس ماشي لعبة فيديك..

وجات نايضا وهي كاتبكي لكن جبل منعها وخداها فحظنو عنقها واخا كانت كاتعافر معاه باش يطلقها وكاتبكي إلى انه زير عليها ورفض يطلقها فغوتت وهي كاتبكي بقهرة:

- طلق منييي ... طلق منييي 
- ‏
وستسلمت أخيرا وسط حظنو فاش رفض وكملت بكائها المقهور وهي كاتشهق ... حنا راسو باس ليها راسها وقال بأسف وهو كايستنشق ريحتها :

- شووو .. اسسف .. خلاص انا أسف بس ماتقهريني بدموعك .

بعدها عليه شوية ومد يديه كايمسح ليها دموعها وهو كايشوف فيها بحزن وندم علاش هضر وعبر على مشاعر إشتياقو ليها بديك الطريقة .. هو جاء باش يصالحها ماشي باش يقهرها كثر ماهي مقهورة ومريضة ... مرر يديه على خدودها لي ولاو حومر ولكن مع ذلك كانت حادرة عينيها ورافضة تشوف فعينيه مازال .. رموشها كانو مبلولين وشعرها الأحمر زايدها جمال حتى أنه ولا يعشق اللون الأحمر وتخلى على الأسود .. قرب منها شوية بشوية وطبع قبلة شوق على خدها و ماكرهش يبقى على ديك الوضعية حتى ينام ... ثم قال وهو كايشوف فكل ملامحها المشتاق ليهم حد الجنون :

- أنا بعرف انو لو ضليت أحلف للصبح اني ماخنتك وأني صاينتك من اول يوم تزوجنا فيه قبل سنة ونص ماااراح تصدقيني .. حتى لو طلعو إمي وأبي من تحت الأرض وحلفو باليمين أنو إبنهم ماخانك مارااح تصدقي .. لهيك مش أنا يلي راه أحكي .

جبد تلفونو ودخل للفيديوهات وشغل الفيديو لي سجلاتو أسية وعطاتو ليه هاد صباح .. فرح بزاف وماخلا باش شكرها حيت بهاد لفيديو هي ختاصرت عليه نصف الطريق .. حط جبل التلفون على كفوف روعة وقال :

- تفرجي فيه حتى للتالي

ماقدراتش روعة تهزم فضولها ورفعت عينيها فداك لفيديو ومع كل كلمة كانت كاتقولها باتريسيا كانت كاتصدمها حتى تسالا لفيديو فخدا جبل التلفون من يديها وقال :
- تيقتيني دابا.

أخيرا هزات روعة عينيها الحومر بلبكاء وشافت فيه وهي مدهوشة وقالت بإستفهام؟
- مافهمتش علاش دارت هاكدا ؟

تمسك جبل بيدين روعة وقال بصوت حزين وهو كايشوف فعيونها الدبلانة :
- باش تفرقنا ... روعة نتي بعدما مشيتي وقاعو بزاااف ديال المشاكل وبانو بزااف ديال الحقائق .. ومنهم باتريسيا لي كتاشفنا بلي هي جاسوسة ديال شاهين ..

حركت روعة راسها يمين وشمال وقالت:
- ماقادراش نصدق ! .

- لا غير صدقي .. شاهين كان باغيك على ود سي دي ولكنه مستحيل كان يقدر يحصل عليك ونتي وسط الكونتيسا بعدما تاحدت انا وبهجت وحتى الإنتربول .. كان عندو حل واحد باش يخرجك من الكونتيسا ويستفرد بيك هي يبين ليك بانني كانخونك .. وديك الحبس عرفات تستغل الوقت لي تخاصمنا فيه وطلعات لعندي لغرفتنا .. صدقيني انا كنت مصدوم أكثر وماعرفتش باش تبليت فاش قربت مني هي بديك الطريقة وقالت ديك الهضرة ودخلتي نتي فديك اللحظة وشفتي لي شفتيه .. كانقسم ليك بالله أنا ماعمري خنتك لا معاها ولا مع غيرها ..

تنهد جبل وكمل :
- رغبة شاهين تحققت أخيرا ونتي هربتي مني ولكن لحسن الحظ خويتي إيبيزا فخطرا أما كون بقيتي فيها مكانضنش واش كنتي غاتبقاي عايشا حتى لهاد اللحظة .

كانت روعة مصدومة وماقادراش تصدق فين وصل الخبث ببني البشر لكن باتريسيا أثبتت ليها بلي موجودين الناس لي نصفهم شيطان ونصفهم الثاني حيوان .. مد جبل يديه ميل شعرها على عينيها وكمل :

- قلت فنفسي وانا كانشوف المركب كايبعد ونتي فيه .. لعل الله يحدث بعد ذلك خيرا... وبالفعل إكتشفت أن بعادك فديك لوقيتة بالضبط كان من الخير .. سيفطت تاليا للمغرب عند خوالاتي وحتى صوفي ودون ماركيز باش نبعدهم على الخطر وشمرنا على كتافنا وواجهنا الكاريبي وقاع لينا فيلم طويييل غادي نعاودو ليك من بعد .. لاهم من هادشي كامل اننا تفكينا من الكاريبي وشاهين مات ورتحنا منو ولكن مع الأسف بهجت بيك خسرناه فالمواجهة وحتى هو توفى .

شهقت روعة بدهشة وقالت بحزن وهي كاتفكر كلمات داك الرجل المؤثرة:
- ياربي .. لباركة فراسك

إبتسم جبل بوهن ورد عليها :
- مامشى معاك باس اعمري

تفحصت روعة جبل بعينيها بإهتمام وخوف ثم رفعت يديها تحسست حرارة راسو ووجهو وهي كاتقول بوهن :
- كاتبانلي مريض وضعافيتي وعينيك دخلو .. ياكما حتى نتا تأديتي ؟ .. أستحلفك بالله ماتخبيش عليا .. أصلا وجهك فاضحك .

الله وشحال فرح جبل بإهتمامها ولهفتها عليه .. تمسك بيديها بجوج وقربهم من شفايفو وباسهم وهو مغمض عينيه وكايحاول يشبع راسو منها وقال بعدما فتح عينيه:

- الى قلت ليك لا .. غادي نكون كدبت عليك .. حتى انا تقاصيت شويا .

قالت روعة بهتاف وخوف واضح واهتمام:
- فين وريني فين تقاصيتي .. بلاما تقتلني بالخلعة .

رفع جبل التيشرت لي كان لابسو وكشف على الضماضة لي كانت مغضية الجرح لي فخضرو وهو كايشوف فتعابير وجهها وبالضبط فعيونها لي تغرغرو بالدموع وقالت وهي كاتتحسس الضماضة بيديها :
- واش كاتحرقك بزاف ؟

إبتسم جبل على دموعها وواخا مكانتش كاتحرقو كان باغي شويا من إهتمامها فأومأ وقال بوهن:
- اه بزاااااف .

شهقت روعة وتلاحت فحضنو عنقاتو وهي كاتبكي وكاتمسح على راسو فضمها جبل بقوة لي حس بحنان الأمومة فحضنها وخوفها ودموعها .. كانت كاتبكي وكاتمسح على راسو شويا وضهرو شويا حتى تغرغرو عيون جبل بدموع الفرحة وتأكد أنه قدر يسترجع قلب حبيبتو وثقتها فيه ..

بعدت روعة على حضنو وتمسكت بيديها بجوح بخدودو الرجولية وقالت بين دموعها :
- ماحدنا فالمستشفى يالاه نشوفو شي طبيب .

ميل راسو وباس كف يديها وهو كايستنشق ريحتها بإنتشاء وهمس بهيام :
- وعلاش غانشوف فالطبيب ونتي هي دوايا ؟

ردت عليه روعة بصوت جاد وهي كاتمسح دموعها :
- جبل كانهضر من نيتي

إبتسم جبل ومال عليها وبدا كايقرب منها شويا بشويا وهي بقوة لي توترات بدات كاترجع بضهرها للخلف حتى لقات موراها لوسادة فقالت بتوتر وهي كاتشوف فشفايفو :
- جبل أشنو كاتحاول دير راحنا فمستشفى !!

تجاهل كلامها وتحنى عليها مال براسو لعنقها وأخد قبلة خفيفة وهو يستنشق عطرها و محاصرها بيديه بجوج باش ماتهربلوش .. طلع بقبلاتو حتى وصل لخدودها وتوقف ثم همس بصوت في قمة الإثارة والإشتياق :
- جاوبيني بصراحة توحشيني ؟.

تنحنحت بتوتر وقالت وهي كاتحاول ماتشوف فيه:
- لا وعلاش غانتوحشك أصلا ؟

إبتسم جبل وقال بسخرية وهو كايشوف فشفايفها:
- اووف على عزت نفس ... 
وكمل :
- طيب وصلاتك رسالتي ..

شافت فيه هاد لمرة وقالت بإندفاع :
- اه وعلى فكرة أسلوبك ركييييك

ضحك جبل بصوت حتى ظهر صف أسنانو وبرزت غمازة دقنو لي كاتحمقها وقال :
- ركيييك .. اي دخييلو هالساان الحلو يلي بيخلي اسخف الكلام أحلاه

دفعاتو روعة وجات نايضا وهي كاتقول :
- جبل انا مكانضحكش يالاه نشوفو شي طبيب

رجع دفعها بعناد حتى حطت راسها على لوسادة وقال وهو كايقرب من شفايفها :
- طيب بوسة وحدة

حاولت تدفعو وهي كاتقول :
- مستحيل .

ضحك جبل وقال :
- شوبيييك .. بدي بوسة بريئة على خديك..

حركت روعة راسها بالرفض واخا كانت غاتموت وتبوسو وقالت:
- ممنووووع

وكملات وهي كادفع فيه ولكنه بحال الحيط مكايتزحزحش من فوقها :
- اوووف أنا كان مالي ومالك .. اش بلاني بيك

ضحك جبل على لطافتها وقال بصوت مايع :
- القلب المجروح هو لي كايخلي للروح معنى ربي قال المؤمنين سماههم في وجوههم لكن الأحبة سماههم في قلوبهم يعني انا مكتوب على قلبي روعة.

حاولت ماتضحكش واخا حست بقلبها كايرفرف بالسعادة وقالت:
- هاها سخيييييف .

ابتسم جبل وقال:
- لسة زعلانة مني ؟

أومات روعة وقالت بطفولية :
- اه

إبتسم جبل بمكر وناض عليها مشى بسرعة لعند الباب وسدها بساروت ورجع لعندها وهو كايحيد التيشرت ديالو ولاحو فالأرض فتوسعت عيون روعة بقوة الصدمة فاش فهمت قصدو ونيتو وقالت :
- اويلي شنو كادير ؟؟.

ماداهاش فيها جبل وحيد سوفيطما لاحها فالأرض وبقا غير بسروال وصدرو عريان ... قرب منها وقال :
- مش إنتي زعلانة مني وانا بعرف كيف راضيكي .

دفعها فوق السرير وطلع فوقها وقبل ماتقول شي كلمة كتم أنفاسها بقبلة طويلة ماقدراتش تقاوم شغفو ورجولتو وبادلاتو بكل حب ومع كل نفس كاتزيد قوة جبل وأنفاسهم ولهثاتهم حتى دفعاتو روعة وقالت بتأنيب :
- جبل راحنا فمستشفى واش نسيتي راسك ؟.

حرك جبل راسو بالنفي وقال :
- لا مانسيتش .. اليوم وهنا غادي تهزي ولدي فرحمك وهنا غادي تولديه من بعد تسع شهور .

ثم مد يديه كايفك ليها ملابسها وهو كايقول :
- دخيل ربك شو شتقتلك .. راح تدفعي ثمن كل يوم كنتي بعيدة عني فيه

حاولت تمنعو لكنها ماقدراتش ماقدراتش تقاوم رجولتو و +18 واخا وسط مستشفى ووسط الغرفة ديال ماماها .

دازت تقريبا ساعة ولو موقفاتوش روعة مكانش غايطلق منها من فرط شوقو ليها وناض عليها أخيرا و لبسو حوايجهم وكأنه لم يحدث شئ ..

كان جبل غادي يطير بالفرحة أخيرا رجعت ليه مرتو وحبيبتو وحياتو وأخيرا غادي يستقر بحالو بحال أي أحد لكن مازال كان باغي يفرحها حتى هي .. هز لعكاكز عطاهوم ليها ليديها وهزها من الأرض باش يختاصر عليه الوقت وقال وهو كايتمشى بيها فالممر قاصد المصعد :

- عندي ليكي واحد المفاجأة غادي طير ليك لعقل .

إبتسمت روعة وغير دخلو للمصعد وتسد الباب طارت على شفايفو باستو بشغف وقالت :
- اي حاجة غادي تجي من عندك أنا غانموووت فيها ..

كان باغي يجابوها ببوسة وحداخرا لكن المصعد وصل والباب تحلات على سطح المستشفى .. كان السطح كولو عامر بالعائلة والأحباب وكولشي غوت غير شافوهم وصلو وبداو كايفرقعو عليهم القصاصات الملونة والامعة .. كانت صدمة روعة كبيرة وهي كاتشوف داك المنظر ..السطح كان داير بحال شي قاعة متنقلة من طوابل ومأكولات ومشروبات .

- عيد ميلاد سعيد الكبيدة ديالي .

شافت فيه روعة بدموع الفرحة فعيونها وقالت:
- ماقادراش نصدق .. شكرا بزااف .

نزلها جبل على رجليها وعاونها باش توقف على عكاكزها وبسرعة تجمعو عليهم البنات لي توحشاتهم من كل أعماق قلبها رؤية صوفي تاليا وأسية وحتى نورسين لقاتها تما عنقوها وعبرولها على إشتياقهم ليها كيما عبرت هي ..

قالت تاليا بحماس وهي غاطير بالفرحة :
- روعة مازال ماوريتكش ضيفة شرف الحفلة تسنايني هنا

مشات كاتجري ورجعات كاتجري وهي فيديها ديك الطفلة لكتكوتة لي غير شافتها روعة شهقت بصدمة وقالت :
- مايسييييييي !!!.

قربت لعندها وخداتها فحظنها باستها وعنقتها ثم قالت :
- فين هو رافاييل واش حتى هو جاء ؟

حتى رافاييل جاء فالنهار لي رجع فيه جبل وصخر وكل الرجال للمغرب مكانش مستعد يبقى فإيبيزا بوحدو لا حباب لا صحاب ...

قرب رافاييل من جبل لي كان كايشوف فيه بحدة من بعيد وكايتسائل شكون لي عرض عليه وغير وصل لعندو قال :

- فرحت بزاف فاش جمعتي شملك بمرتك .. ماتخليش فرحتك ضيع بسبب وجودي .. أنا جيت غير باش نقول لورعة عيد ميلاد سعيد وغانمشي بحالي .

حنا رافاييل راسو وجا غادي لكن جبل ستوقفو وقال بحدة :
- كن راجل .. وطلب يديها مني بدل ماتبقى تتمسكن .

توقف رافاييل وضار عند جبل مامصدقش داكشي لي سمع فقال :
- واش كاتهضر بنيتك ؟ .

شاف فيه جبل بحدة ثم شنق عليه من ياقتو وجرو لعندو وتمتم فودنيه بلهجت تهديد :
- كانقسم ليك بالله وجات لعندي شي نهار كاتبكي ولا كاتشكيلي منك حتى نتكرفص عليك .

طلق منو وعوط ليه حوايجو وهو كايبتاسم بود وكمل :
- تافقنا انسيبي .

ضحك رافاييل بإحراج وقال :
- تخاف أنا لي نبقا نشكيلك منها .

ابتسم جبل وقال :
- ايوا يانسيبي تحمل مسؤولية قراراتك .


تراجع جبل ومشى لعند جبيبة قلبو جرها من وسط لبنات لي مابغاوش يطلقوها وقال ليها فودنيها :
- عندي ليك مفاجأة وحداخرا غادي طيري بالفرحة إلى شفتيها

ردت عليه روعة وهي كاتبتاسم :
- جبل قلبي غادي يسكت مابقيت قادرا على مفاجأتك .

قرص خدها بلطافة وقال وهو جارها :
- دخييييل قلبك حبيبتي ..ماتخافي وإنتي معي

تمشاو هي وياه بين المعزومين حتى وصلو لطاولة كانت فالقنت تصدمات روعة وكان قلبها غايسكت فاش شافت شكون لي كان كالس فيها .. كل خوتها دراري وزوجاتهم وخواتاتها لبنات وماماها وحتى ... حتى باباها

- بابا .
همست بيها روعة وهي كاتحس بقلبها غايسكت بقوة الخوف من ردة فعلو لكنه بقى غير كايشوف فيها كيما كاتشوف فيه هي وتغرغرو عيونها بالدموع كيما تحجرو عيون سي سماعيل وهو كايشوف بنتو بطلة أحلامو قبالتو بعد فراق طويل ..

إستقام سي سماعيل من جلستو وقال بصوت مشتاق :
- بنتي روعة .. عيد ميلاد سعيد .

طارت عليه روعة ترمات فحضنو كاتبكي كيما ضمها هو لصدرو بحنان وبكاو بجوج وتعالت شهقاتهم :
- بابااااا ... سمحلي اباباااااا ... أنا عارفة راسي غلطت بزاااف معااااااك .

- سامحتك يابنتي .. سامحتك والمسامح كريم ..

بقاو كايتسامحو ويتعانقو حتى ناض خوها كريم وقال :
- واش حنا مانستاهلوش شويا من هاد الأحضان .

طلقت روعة من حظن باباها وخداها كريم فحظنو كيما ناض عمر عنقها حتى هو وختها نوال لكبيرة وجنان لي خدات حصة الأسد من التعناق وفالأخير ماماها لي كانت غاطير بالفرحة ملي تجمعات عائلتها أخيرا ... وشبعااتهم دعيوات دلخير كاملين وفالأخير نساجمو كاملين فالحفلة وتعرفت روعة على خوالات جبل لي حبوها من أول نظرة

قاطع ضحكاتهم دخول الدكتور ياسر وهو كايبتاسم لكن غير جات عينيه على جبل إختفت إبتسامتو من الوجود كان جاي باش يقول جوج كلمات ويمشي بحالو ... قرب من الخالة ياقوت ام روعة وقال :
- لالة الياقوت .. كانتمنى لبنتك كل عام تكبر على الخير وكانتمنى ليك نتي الشفاء وطول العمر حتى تشوفي احفاد اولادك كاملين .

ردت عليه الياقوت وهي كاطبطب على ضهر يديه :
- الله يرضي عليك ادكتور شكرا بزاااف كان عندك الفضل لكبير وبفضل الله وبفضلك انا دابا بيخير وعلى خير الله يسر ليك امورك ويزرع ليك النجاح فكل طريقك ...

ابتسم ياسر ورد عليها :
- اميين الالة لياقوت

عقدت ياقوت حواحبها بفضول وقالت وهي كاتشوف فالفاصمة لي فنيفو :
- ‏ ولكن بلاتي .. مالك ياك لاباس ... شكون هرس ليك نيفك ؟؟ ..

شاف ياسر فجبل وتنحنح بتوتر فبتسم ليه جبل كرد على نظرتو ولكن روعة بحال دخلها الشك فنظراتهم .. شافت فجبل وقالت :
- ياكما داكشي لي كانفكر فيه صحيح ؟

ضحك جبل وقال وهو كايطبع قبلة على يدها باش يقلي سم لياسر لي كان كايشوف فيه :
- نتي دابا ماتفكري فحتى حاجة تافقنا .

تنحنح ياسر وقال وهو كايقدم الدكتور ياسين للخالة ياقوت :
- لالة الياقوت .. نقدم ليك الدكتور الجديد لي غادي يتكلف بعلاجك بعدما نمشي أنا .

قالت ياقوت بإستفهام:
- فين غادي تمشي ادكتور ؟.

- جاتني فرصة عمل على برا فإسبانيا وغادي نمشي ليها والدكتور ياسين غادي يتكلف بيك وبعلاجك وراه صديق بنتك روعة ونسيبك جبل .

قرر ياسين يستقر فالمغرب هو وأسية لكن مكانش بساهل يسمح فخدمتو فإيبيزا فجبل لقا ليه الحل على الطاير وتدخل بلوجوه باش يبدل ليلايص بين ياسر وياسين فدابا ياسر غادي يمشي لإيبيزا يشد بلاصة ياسين وهو غايشد بلاصتو فهاد المستشفى ويكمل علاج الخالة الياقوت بما انهم عندهم نفس الإختصاص .

وفالوسط تجمعو كاملين كايشطحو على أنغام الموسيقى الشعبية لكن فواحد لقنيتة مضلمة فسطح كان واقف عصام وكايدخن سيجارتو بهدوء ومستمتع وفرحان .. ملي بدات الحفلة وهو حاضي بعويناتو رؤية وفالرايحة والجاية وكان كايتسنى غير شي فرصة باش يهضر معاها لكن مدام علياء لي تبعت بنتها فلعشية للمغرب كانت طول الوقت جاراها لعندها وحاضياها .

- احم احم .. سي عصااام 
إلتفت عصام على صوتها وغير شافها توتر وقال :

- أنسة رؤية .
تنحنح باش يبين الثبات فصوتو وكمل :
- على سلامتك .. المغرب فرح بوجودك .

إبتسمت رؤية وقالت وهي كاتقرب منو :
- واش غير المغرب لي فرح بوجودي ؟

وقبل مايلحق يقول شي كلمة طارت على شفايفو وأخدت منو قبلة خفيفة وهي مغمضة عينيها مقابل عيون عصام لي توسعو على الأخر بقوة الصدمة ..

بعدت عليه رؤية شويا وقالت بتوتر وهي كاتفرك فصبيعاتها:
- احم .. سمحلي أنا بغيت غير نوريك كيفاش .. كيفاش الناس كايبوسو بعضياتهم بهدوء بلاما يتسببو فأي ألم أو نزيف فلـ .. فلـ .. اام سمحلي واقيلة ماما كاتعيطلي .

إستدارت رؤية باش تمشي وهي كاتلعن نفسها على تهورها حتى تفاجأت فاش جرها عصام من يديها ودفعها للمكان لمضلم .. وطار على شفايفها باش يوريها القبلة على حقها وطريقها بدون ألم وبدون نزيف .

لكن فمقابلهم كانت مدام علياء كاضور وتقلب على بنتها وفاش مالقاتهاش جرات صوفي لي كانت كانشطح مع صخر وقالت :
- صوفي فين هي ختك ؟

هزت صوفي أكتافها بغير علم وقالت :
- ماعرفتش

وضارت كاتشطح مخلية موراها علياء كاتكتم بعصبية :
- وينها هاي مقصوفت الرقبة ؟.

وقف عليها دون ماركيز وهو كايتمايل مع الحان الموسيقي ثم مد ليها يديه وقال بصوت شبابي مرح :
- تسمحيلي بهاد الرقصة ؟

قلبت علياء عينيها بغيظ وقالت :
- عطيني تيساع هادشي لي بقالي غير نشطح معاك نتا .

قلبت ضورة وجات غاديا لكن دون ماركيز جرها من دراعها ودخلها وسط ساحة الرقص وهو كايقول :
- غادي تشطحي معايا مالي ماشي راجل ولا مامعمرلكش لعين .

ضربت علياء أكتافو بغيظ ثم رجعت ضحكت وبدات كاتشطح معاه وهي كاتقول :
- الله يمسخك رجعتي لعوايدك لقديمة اشارف .

إبتسم دون ماركيز وقال وهو كايتمايل ويشطح بحال شي مجنون :
- الله يكبرنا على طاعة الله حتى نهزو حفادنا ونفرحو بيهم انا وياك اعلياء

رفعت علياء يديها للسماء وقالت بصوت عالي :
-اميييين يارب ويطلعو كاااملين كايشبهولي أنا وماياخدو منك حتى فرتوتة.

استمرت الرقصات والحبايب كايتغزلو ببعضياتهم وكاينين لي كايتبادلو القبل فالخفاء كتاليا ورافاييل وعصام ورؤية حتى توقفت الموسيقى وقال جبل بهتاف :

- باراكا عليكم من شطيح .. دابا جا الوقت باش حبيبتي روعة تقطع الكيك دعيد ميلادها .

تعالت الهتافات وتجمعو كاملين على ديك الكيكة الضخمة والفخمة لي كانت فاللون الأبيض عليها إسم روعة وسنها ل 25 ... غناو ليها كاملين أغنية عيد ميلاد سعيد وقبل ماتنفخ على الشموع قالت جينان بصراخ :
- بلاتتتتتي ماتطفيش شمع حتى تتمناي شي أمنية .

ضحكت روعة ثم غمضت عينيها تمنات أمنية ومن بعد فتحتهم ونفخت على الشمع وتعالت الهتافات والتصفيقات ..

قرب منها جبل وقال بفضول :
- شنو تمنيتي ؟

إبتسمت روعة بخجل وقالت:
-تمنيت من الله يرزقنا بالطفل لي كاتمناه ونفرحك كيما فرحتيني اليوم .

إبتسم جبل وقال وهو كايجرها لعندو باش يعنقها :
-أمييييين يااارب .

ثم بعدها عليه شويا وسولها السؤال لي تمناها تجاوبو عليه بصراحة :
- قوليلي ياروعة ... بكل صراحة .. كاتبغيني كيما كانبغيك انا .. يعني واش كاتحسي بشي حاجة من جيهتي ولا مازال كاتشوفيني فارض نفسي عليك .

هاد السؤال كان خصو شويا دلخصوصة باش تعبر عليه فخاطرها لكن مع هاد اللمة والأحباب أكيد ماغاتقول غير لي فقلبها ولي كاتحس بيه ... اومات براسها وهي كاتبتاسم وقالت :
- كانبغيك من كل أعماااااق قلبي

دار راسو ماسمعهاش واخا كان غادي يطير بالفرحة وقال :
- هاااه ماسمعتكش ؟؟؟.

ضحكت روعة على لطافتو وواخا عاقت بيه فقالت بصراخ باش يسمعها العالم كاااامل :
- كانبغييييييك ... ولك بحباك يا حيوااااااااان

ضحك جبل بأعلى صوتو وهزها من الأرض وهو غايطير بالفرحة وبدا كايضور بيها وهو كايغوت :

- واناااااااااا بحبك ياحمااااراااااااااا **************

يوم واحد !!!!...... هو فقط يوم واحد , تجمعت فيه العائلة , وتسامحت فيه النفوس , وبيضت فيه القلوب , وظهرت فيه النوايا والظنون ... هو فقط في يوم واحد .

الحياة أقصر من أن نقضيها في تسجيل الأخطاء التي يرتكبها غيرنا في حقنا أو في تغذية روح العداء بين الناس. أشرف الثأر هو العفو.... وايضا القليل من الإدراك السليم، وقليل من التسامح، وقليل من المرح، وسوف تندهش عندما ترى كيف استطعت أن تريح نفسك على سطح هذا الكوكب.

التعاطف الإنساني يربطنا ببعضنا ليس بالشفقة أو بالتسامح، ولكن كبشر تعلموا كيفية تحويل المعاناة المشتركة إلى أمل للمستقبل.

هذه ليست مجرد نهاية ... هذه بداية لحياة جديدة .

" تمت والحمد لله "

السفالة في القصة
كيفاش يمكن نصنفو هاد القصة؟
  • بدون سفالة
  • القليل من السفالة
  • سفالة مفرطة

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.