حسام (هز لكاس عاود عمرو وحطو ليها في ايدها) باش نكونو واضحين مجرد تشارك مصالح للعائلتين وزواجنا ممكن يكون مجرد اتفاق
مشى وخلاها واقفة فبلاصتها بقات مدة على وضعيتها شربات داك لكاس وهي كترجف بدات كطلع معاها سخونية حتى سمعات تصفاق ولغوات جات نور عندها
نور : ليالي اجي غادين نقطعو لكاطو
شدات فيها ومشاو قدام الطبلة لي فيها لكاطو طفاو الاضواء طبعا بالنسبة ل ليالي مكينش فرق كتسمعهم كيغنيو
نور (دوات حدا ودنها ) تمناي شي امنية باش ملي يحسبو على تلاتة غنطفيوه قد قد صافي
ليالي حركات راسها بأه جاتها قدية الامنية مجرد تفاهة عمرها اصلا مدارتها ولكن ليوم بغات تجرب وخدات نفس عميق وتمنات امنية لي في نضرها مستحيل تحقق سمعات العد وعند تلاتة تحنات ونفخات على الشمع سمعات التصفاق والصداع والهدرة مخلطة شدات ليها نور في ايدها وعطاتها لموس وقطعو بزوج لحلوى وهي شادة في ايدها هزات نور طريف وكلاتو ليها وعنقاتها
نور : شكرا اختي انا فرحانة حيت كملت 24 عام انا و احسن اخت
ليالي (بتاسمات ) حتى انا
بقات ليالي واقفة في بلاصتها ونور مشات ترقص
نور (كتشوف في حسام لي محيدش عينيه على ليالي وكيشرب ملي جا ) حسام اجي ربص معايا
حسام (دار ليها حركة بيدو بلي مباغيش)
كلشي تخلط وطلقو موسيقى ديال الشطيح كلشي كيشطح ليالي مكيعجبهاش هاد الجو وخصوصا ان الشراب اتر عليها بغات غير تمشي ترتاح .... بدات كتمشى بخطوات تقال وهي كتحسس الارض بعكازها حسات بشي ايد على خصرها
ليالي تنترات منو وهي كترجف خرج من لكافي ركب في سيارتو ومشى ليالي كتحس بلخنقة باغة غير تمشي من لهنى ومقادراش خص حتى شي حد يعاونها علاش ديما كتبقى محتاجة لشي حد باش تقدر دير ابسط حاجة كتبقى مرتابطة بلخرين بزز عليها حسات بالديق والخنقة محسات الى ودموعها على خدها مبقاتش قدرات تحبسهم بغات تشم غير لهوى خدات نفس عميق و خرجات من لكافي بغات تمشي جيهت لبحر بقات غادا وكتبكي بوحدها كتحس بلهوى على جسمها وصوت السيارات في الشارع حتى صوت خطوات الناس علاش متكونش حتى هي عادية وتخرج كيف بغات وتمشي فين بغات كانو دايزين شي دراري كيجريو خرجو فيها طاحت ليها لعصا تلفات وداخت مبقات عرفات مدير تحنات على ركابيها وهي كتقلب عليها والدنيا كدور بيها حتى لقاتها ملي ناضت بدات غادة في اتجاه الشاريع والطونوبيلات غادين جايين مبقاتش ركزات بغات ترجع لكافي لكن معرفاتش وضرات الاتجاهات كتسمع صوت لكلاكسون ديال الطونوبيلات زاد وترها وقفات وسط الشارع ودارت ايديها علي ودنيها ملي سمعات صوت روايد مجهد حبس عند رجليها لي فشلو راسها تقال وحسات انها غادي طيح
نمشيو للحفلة
رانية : نور فين هي ليالي
نور : ياك كانت معاك
رانية : لا كانت معاك فاش طفيتو الشمع
نور علاش من بعد مجيتيش عندها
رانية : كيفاش مجيتش عندها قلت خليكم مع بعضكم ... فين هي دابا ها ساكها كاين
نور : متكونش في لحمام
مشاو بجوجات كيجريو لحمامات ديال الكافي
كان غادي سايق الطاكسي حتى كتخرج ليه شي بنت حبس علي رجلها شوية ويضربها قلبو كان غادي يوقف نزل من الطاكسي كيجري مخلوع قرب منها وهو يتصدم شد فيها
قاسم (باستغراب ) ليالي شنو كديري هنا
ليالي (غير سمعات صوتو ورجعات فيها النفس حسات بالراحة نسبيا شدات فيه وحطات راسها على كتفو رمات تقلها عليه ) عافاك ديني من لهنا هئ هئ
قاسم (بتفاجأ حط ايدو على كتفها) اجي معايا
شدات في ايديه وهي كترجف حيد تجاكيط ديالو حطها علي كتافها وركبها في طاكسي وطلع حتي هو
قاسم (شاف فيها كتمسح عينيها من دموع ولخوف واضح عليها تفكر اول مرة شافها جبد كلينيكس وحطو ليها في ايدها) متبكيش.... احم ياك لاباس علاش نتي هنا... بوحدك في ليل
ليالي : تقدر توقف شوية حدا لبحر
قاسم : واخا ماشي مشكل
نرجعو للحفلة
رانية : مكيناش قلبت حتي حمامات الرجال
نور ( بدات كضحك ) ههه حمامات الرجال
رانية : وباز لقلبك
نور : افف على موصيبة .. غادي نعيط لحسام هو لي كان واقف معاها على الاخر
نور : منضنش معندهاش معاه مي غير يعاوننا اللهم هو ولى بابا
رانية : واخا غير سربي
كانت واقفة قدام لبحر كتفكر في هدشي لي وقع وفي سر هاد الصدفة لي جمعاتهم شحال من مرة
قاسم (قرب منها ) باقة مبغيتيش تقولي شنو لي خلاك في هاد لحالة ... واش نقدر نعاونك فشي حاجة
ليالي : ليوم عيد ميلادي
قاسم : اممم ايوا عيد ميلاد سعيد .. لمفرود تكوني فرحانة
ليالي : لمفرود
قاسم : كنتي مع شي حد .. زعماك بغيت نقول عندك شي صديق او حبيب كنتي محتافلة معاه
ليالي (دارت ضحكة استهزاء ) علاش كاين شي حد يبغي حبيبتو تكون مصالحة لوالو بحالي
قاسم : متقوليش على راسك هاكا نتي بنت زوينة بزاف وكتبان شخصيتك قوية بالرغم من العجز ديالك كتعيشي حياتك بطريقة طبيعية هدشي عادي لي ماشي عادي هو انك تنهازمي قدام العجز ديالك ومتعتارفيش بيه هو انك تسدي على راسك وتحرمي راسك من شحال ديال لحويج زوينين في الدنيا هو انك تحرمي عايلتك وصحابك منك وتكوني انانية مع الناس وترفضي مساعدتهم ليك هدشي مكتاب نتي معندكش دنب فيه لي بغاك غادي يبغيك لروحك وغادي يكون سعيد حيت كطلبي منو يحط ايديه في ايديك باش تتخطاو العقبات ديال الحياة بجوجكم
ليالي : الى عطيتيني خمسات الدقايق غادي نزل نفطر معاك
حسام : صافي شفتك غادي نمشي حتى نتلاقاو في الشركة 😉
خرج وسد لباب رجعات شافت في المراية وكملات ماكياجها وجمعات شعرها جميعة خفيفة كانت لابسة ديباغردور في لبلو مارين وفيه لبريو مع سروال نفس الون طالع على لكرش وعرييض من لتحت خدات كاب والساك ونزلات
الخدامة : مدام لفطور واجد
ليالي : معنديش لوقت
خرجات من الدار ركبات في سيارتها ومشات لشركة
نمشيو لبلاصة خرا في فيلا خرا كان خارج من الدوش لقاها في بيتو
قاسم : شنو كديري هنا
تورية (قفزها صوتو كان خارج بلفوطة وشعرو ساد بقات حالة فمها )
تورية (حدرات راسها ولات حمرا ) ها ا سمح لي غير جبت ليك لكوستيم ديالك لي غادي تلبس
قاسم : انا علاش داير خدامات في الدار
تورية : انا بغيت غير ...
قاسم (قاطعها ) خرجي دابا حتي نزل وندويو
خرجات كطير من لبيت ولات كلها كترجف داز عام ومتغيرش حبها ليه بلعكس تزاد كل نهار كتمني تفيق وهي علي فراشو بتاسمت بلى متحس ونزلات جلسات في طابلة ديال لفطور
كلتوم : مالك ابناي شفتك ماشي هي هاديك
تورية : احم ماما قاسم كيعاملني بحال شي وحدة برانية عليه راني خطيبتو زعماك
كلتوم : مديش عليه ابنتي راه غير باقي مبرزط ماشي ساهل عليه بين ليلة ونهار يقابل شركة كبيرة بحال هاديك وعاد المشاكيل لي باقين تابعينو
تورية : في الصراحة انا مكيهمنيش لمهم انا هنا ومعاك اماما عوضتيني علي ماما نهار ماتت وحتى ملي مات بابا متخليتيش عليا ومرفضتيش تجمعي بيني وبين قاسم
كلتوم : راك بحال بنتي معارفاش معزتك عندي
قاسم : احم متعطينيش حتي انا شوية ديال الحنان
كلتوم : انت ليك كلشي غير مقسح راسك
قاسم ( باس راسها ) ماشي كل صباح نفس الموضوع الواليدة .. هنا مشيت
تورية : مغاديش تجلس تفطر
قاسم : تعطلت بسلامة
خرج من لفيلا لقى الشيفور كيتسناه بالسيارة نزل وحل ليه لباب
قاسم (طلع لسيارة ) صباح لخير
السائق : صباح نور سي قاسم غنمشيو لشركة ياك
قاسم : غنمشيو لشركة سي راشيد
السائق : واخا سي قاسم
تحركو في جهة الشركة مسافة الطريق وكان تم نزل وتوجه للاستقبالات بكل اناقتو وخطواتو التابتة لي عاطياه مضهر رجل اعمال من الدرجة الاولى
المساعدة : مرحبا اسيدي فاش ممكن نعاونك
قاسم : عندي مقابلة مع سي راشيد الناصري
المساعدة : واخا اسيدي شكون سيادتكم
قاسم : قاسم العماري
المساعدة : اا انت هو ولد سي قاسم العماري الله يرحمو
قاسم (بتاسم وحرك راسو بأه )
المساعدة : قالو لينا كنتي في لخارج دكشي علاش كنا كنعرفو غير صلاح العماري ... اه سمح ليا فيا لهدرة بزاف تفضل غتاخد المصعد الطابق الرابع كاين قاعة الاجتماعات غادي يقابلك تم ملي يوصل
قاسم : شكرا
توجه لجهة المصعد طلع وضغط على زر رقم 4 شاف في الساعة هز راسو وهي تبان ليه جايا كتجري فجأة الاتصال ديالو بالعالم الخارجي تقطع وهو كيشوف الانسانة الوحيدة لي خطفات قلبو ومشات جايا في الاتجاه ديالو في غير حلة تبدلات كليا حاول يبعد النضر ديالو عليها
ليالي (حبسات لمصعد قبل ميتقفل ودخلات ) اف سمحلي عافاك
قسم حرك راسو بلي مكاينش مشكل
وقفات حداه قاسم غير كيشوف فيها بطابيعة لحال هي مغاديش تعرفو لانها عمرها شافت وجهو شحال من فكرة ودكرة جات فبالو في هاد اللحضة وهو كيشم ريحتها وكيشوف فيها غير بنص عين مكرهش يعنقها ويقول ليها شحال توحشها شحال عانا في بعدها عليه يقول ليها انو فينما كيجي ليل ويسد عينيه صورتها كتجي قدامو.....ان طيفها مكيفارقوش تاال الصباح
ليالي وصلات لطابق التالت ونزلات حتى خرجات وهي توقف
ليالي (كتشم باستغراب وهي كتحك راسها) هاد الريحة مغريباش عليا
شافت في لاسونسور ودارت علامة استغراب بملامحها ومشات .....هو كمل حتال لطابق الرابع بنفس الوضع حس براسو مخنوق توجه لعند السكرتيرة
قاسم : قاعة الاجتماعات
السكريتيرة : اول وحدة على يدك اليمين ... شنو تشرب اسيدي
قاسم (كيحل في لكرافاط ) غير كاس ديال الماء الى كان ممكن
دخل للقاعة وجلس رجع راسو لور وهو كيتفكر داك النهار لي دارو باش يتلاقاو في لبحر فعلا تلاقاو وكان هو بديات حبهم
#فلاش باك #
كيف لعادة فلبحر كيصيد ولكن هاد المرة تركيزو ماشي مع الصنارة وشنو غتشد وانما تركيزو معاها كيتسناها وقتاش غادي تجي مرة مرة كيشوف في الطريق سمع نباح ديال لكلب عرفها جات شافها من لبعد ومشا لعندها
قاسم (قرب من لكلب وبدا كيلعب معاه ) صاحبي لباس هاد الكلب ولى كيعرفني ورتاح ليا
ليالي : الى رتاحت ليك مولاتو اكيد غادي يرتاح ليك هو
قاسم (شد في ايدها ) شكرا حيت جيتي
ليالي : عطيتك وعد ... شنو كدير كتصيد
قاسم : اه كنصيد ... تبغي تجربي
ليالي : واخا
قربها حدا الصنارة ودارها ليها في ايدها وهو كيشرح ليها شنو كيدير كانت قدامو وهو محاوطها بيديه وشاد ايديها لي شادة بيهم السنارة
قاسم : دابا غادي نتسناو
ليالي : غنتسناو بزاف
قاسم : على حسب ولكن لبغيتي تصيدي خاص تعلمي الصبر
ليالي كتحس بانفاسو حدا عنقها وكتحس بحرارتو وريحتو كتدخل في اعماق احاسيسها توترات شوية كتحاول تبعد شعرها لي كيلعب بيه لبرد قدام وجها
قاسم (حس بيها ) احم الى كنتي ممرتاحاش هاكا اجي تجلسي
ليالي (بتاسمت ) لا ماشي مشكل ... ها الصنارة تحركات
قاسم : اه اه تحركات دابا خصك تعاملي معاها بسلاسة باش تقدري تخرجي لحوتة
بقى كيوريها كيفاش دير حتى خرجوها وبداو كيضحكو
ليالي : وااو انا صيدت حوتة هههه
قاسم : ههه شفتي ماشي حاجة صعيبة
ليالي : ايوا تعلمت نصيدها خصني نتعلم نطيبها هههه
قاسم : لمرة الجايا نعلمك
ليالي (كتحك ايديها علي بعضهم جاها لبرد ) هه بصح
قاسم (قرب منها وشد ايديها وسط ايديه وبدا كينفخ فيهم ) جاك لبرد
ليالي (كتحرك راسها بأه )
قاسم : ايديك صغيورين ههه
ليالي : ههه وانت ايديك كبار احم ودافين
قاسم : واقيلة جاك لبرد بزاف غنعطيك تجاكيط ديالي
حيد التجاكيط وحطو عليه وجرها جلسو فوق الصخر كان الصمت سيد الموقف لدقائق
ليالي : قاسم
قاسم : نعام
ليالي : بغيت نقس وجهك باش نقدر نعرف ملامحك
قاسم بقى كيشوف فيها وهز ايدها حطها على وجهو ليالي بتاسمت بقات كتحسس وجهو بشوية وشعرو بصبيعاتها لي كيرجفو بشوية كتحفض ملامحو لمستها كانت بحال المخدر خلاه ينسى راسو وهو سارح في ملامح وجها وعينيها كانو قراب بزاف لبعضهم وانفاسهم مخالطة بجوج مرفوعين لعالم اخر لدرجة تلامسو شفايفهم بلى ميحسو
ليالي (بعدات بالزربة )
قاسم : احم متفهمينيش غلط غير ..
ليالي (قاطعاتو )شعرك باينة زوين وعندك اللحية ملي كنت صغيرة كنت كيعجبوني الرجال لي عندهم اللحية
قاسم : اممم هاد رانية ماشي غير فيها لهدرة بزاف وانما بركاكة
ليالي : ههه يعني بصح
قاسم : قدرتي تخيليني دابا فدماغك
ليالي : شوية
قاسم : احم وشنو بان ليك فيا وسيم ولى لا
ليالي : ههه ماشي بزاف
قاسم : هه ياك
نرجعو للحاضر.... فيقو من خيالو صوت السكرتيرة
السكرتيرة(حطات ايدها علي كتفو ) سي قاسم
قاسم : وي
السكرتيرة : ياك ما عيان بنتي ليا ماشي هو هداك شحال وانا كندوي معاك
قاسم : لا انا معاك
السكرتيرة : تفضل معايا اسيدي
قاسم وقف قاد لرافاط ديالو شرب من لكاس ديال الماء خدا نفس عميييق وتبعها لقاعة اخرا حلات لباب ودخلات وهو موراها
السكرتيرة (موجهة كلامها لشخص لي واقف عاطيهم بضهرو) سي حسام هاهو سي قاسم وصل
حسام واقف قدام الزاج لي كيطل على برة دار ليها اشارة بيدو باش تخرج ودار تقدم بخطاوت تقال لبيرو ديالو جلس وعينيه على قاسم لي واقف بكل تقة في النفس داير ايدو في جيابو غير شافو وتفكر نهار جا لنفس الشركة باش يدفع للخدمة وقع سوء تفاهم بينو وبين لي مكلفة بلمقابلات ديال العمل كان حسام داخل لشركة وطلب من لحراس باش يرميوه برا وسبو وهانو منساش داك النهار ولكن مكانش عارف انو دغيا غادي يقدر يرجع حقو .... بقاو شحال كيشوفو في بعضهم
قاسم : عندك لحق لكن كنفضل ندويو في لخدمة هي لولة ... لي في علمي انو سي راشيد الناصري كان متافق مع الشركة ديالنا غتوقع معاكم عقد ديال مشروع كيضم تلات شركات ولكن بسباب ضروف تأخرنا
حسام : وي هدشي لي كاين انا حسام الناصري ولد سي راشيد الناصري اكيد غتكون كتعرفني وانا لي غنتكلف بلمشروع ... ولكن انا لي كنت كنعرف انو سي قاسم عندو ولد واحد سميتو صلاح ومكيدخلوش في الاعمال المهمة
قاسم : متشرفين كيف قلت ليك انا بغيت نسبق لخدمة عاد ندوي في الامور لخاصة .... بانلي ناقص الشريك التالت سي شوقي الناجي حسام : انا كنمتلو وعندي صلاحية التوقيع... لكن غادي ينضم لينا شخص اخر كيمتلو كذالك
حسام (هز التيلي) قولي ل ليالي تجي دابة لمكتب عندي
قاسم كيحاول انو يبقى مرتب افكارو هو عارف انو حسام هو راجلها ولكن مكانش عارف انو غادي يلقاها في الشركة وانها غتجلس معاه في بيرو واحد عينها في عينو ويتناقشو بخصوص لخدمة لخدمة فقد بحال الى مجمعهم والو من قبل بحال الى مكانتش ملكو مواعداتوش باش تكون مصدر قوتو
حسام : بان لي عندك عزيمة وكتهتم بلخدمة ديالك
قاسم : اكيد علاش انت مكتهتمش
حسام : كاين اسماء خصها تعب باش توصل وكاين اسماء خصتعب باش تبقى في الصدارة وكاين اسماء مخلوقة باش توصل لصدارة وتربع فيها
قاسم : انت اينا وحدة منهم
حسام يلاه بغى ينطق وهي تحل لباب
ليالي : كاين شي مشكل
حسام : ها للاسف مغنقدرش نجاوبك دابا جات مدام ليالي لي غتشاركنا الاجتماع وتمتل شركة الناجي
ليالي : اه مشى من بالي الاجتماع
حسام (وقف ) ليالي نعرفك على سي قاسم العماري ... قاسم مدام ليالي الناصري كتكون مراتي وبنت سي شوقي
ليالي ( سمعات السمية وتحركت داكرتها رجعاتها لماضي كتحارب باش تنساه مدات ليه ايدها بتتاقل وهي كتشوف في عينيه كتقلب على شخص عمرها شافاو ولكن حساتو) سلام
قاسم (وقف وسلم عليها وتعمد ينطق اسمها بنفس الصوت لحنين ) ليالي.... فرصة سعيدة
حسات بالدنيا دارت بيها فاش سمعات صوتو كينطق سميتها عمرها تنسى هاد البحة لكن ميمكنش شنو غادي يجيبو هنا وشنو علاقتو بعايلة العمراي هو كان اسمو قاسم توفيق ماشي قاسم العماري..... حاولات تنفض هاد الافكار وتقنع راسها انو مجرد خيالها البائس لي كيقلب على امال محطمة يتعلق فيها باش يقنع التعطش ديالو لداك الصوت وديك المسة
كملو الاجتماع ديالهم وكل واحد عقلو غايب في جهة اخرا
ليالي : اذا انا موافقة نقدرو نسنيو
حسام : واخا معنديش اعتراد لكن لاحضت ان بزاف ديال لبنود تغيرو في العقد ماشي نفسو لي كانو غيسنيو واليدينا قبل عام
قاسم : كل واحد كيخدم بطريقتو وطريقتنا ماشي هي طريقة واليدينا او لا .... متافق معايا
حسام : اكيد .... حتى انا غنوقع اذا
وقعو كاملين على الاوراق وقفو سلمو على بعضهم
حسام : سي قاسم بما اننا دابا ولينا شركة وانت مكدويش على لحياة لخاصة في لخدمة انا مكرهتش نستقبلك ليوم عندي في الدار
ليالي (شافت فيه بإستغراب)
حسام (كمل كلامو وهو حاط ايدو على خصرها) ليوم كاين حفلة عيد ميلاد مراتي كنتمنى انك تشرفنا
قاسم سلم عليها وعينو على ايد حسام لي فوق خصرها كيحاول يبان طبيعي علاش من بعد عام ومن بعد مدارت حياة اخرة بعيدة عليها باقي قلبو كيتحرق عليها من لغيرة واش من حقو من حقو يغير من راجلها اكيد جامعينهم بزاف دلحويج ماشي مجرد لمسة قاسم : اكيد ... عيد ميلاد سعيد وكنتمنا يكون هاد لعام بالنسبة ليك اكتر سعادة من لي قبلو
ليالي (غير كيحط ايدو في ايدها قلبها كيرجف جاوبت بصوت متوتر) اه.. انشاء الله شكرا ليك
قاسم : اذا فرصة سعيدة لقاءنا في ليل انشاء الله
خرج من لمكتب ودخل لمصعد باش ينزل بحالو ليالي (دفعات حسام) صافي غير بعد براكة من التمتيل كتخنقني ... ياك قلت ليك متبقاش تقرب مني
حسام (شدها من دراعها) بالنسبة ليا كنحاول نكون زوج متالي الى كنتي نتي كتعتابريه تمتيل فأنا كنعتابرك ديالي وملكي (حط صبعو على فمها) النفس ديالك (حط ايدو على عينها) الشوفة ديالك (وزاد زير على ايدها حتى تقسحات) عرفي فين توجهي هاد لعينين الزرقين حيت ملي كيشوفو في شي حد اخر مكيعجبنيش لحال
ليالي (كتحاول تفك ايدو) وعتيني صافي طلق
حسام (طلق منها وحط ايدو على وجها) سيري امراتي لعزيزة ترتاحي في الدار حيت في ليل بغيتك تكوني منورة
ليالي (بعدات وجها) انت واحد مريض...لي شاف تصرفاتك يقول كتبغيني بصح
حسام : حتى انا دكشي لي بغيتهم يقولو يلاه كوني زوجة مطيعة وطبقي الاوامر حسن منخليك في الدار ديما بانت ليا لخدمة مليقاش بيك
ليالي خبطات الملف وخرجات كتلهت غتفقس غير مع راسها
حسام (هز لهاتف ) الو بلال... سمعني مزيان ليوم يكون عندي لملف ديال داك قاسم العماري انا لي كنعرف ان قاسم كان عندو ولد واحد وغبي منين خرج ليا هدا
خبط التيلي ورجع راسو لور وهو كيدور بلكرسي
قاسم (في السيارة متوجه لشركة ديالو جبد لهاتف ودوز نمرتها)
ليالي : الو رانية فينك ..... في النادي.. اوك مزيان نتلاقاو تم متحركييش انا دااابة دايزة عندك
قطعات وشدات طريق لنادي
نمشيو لشركة عند قاسم دخل وتوجه للمكتب ديالو قبل ميدخل ليه طلب من السكريتيرة باش تكلمها ليه حيد لافيست جلس وهو كيدوز على راسو حتى حلات لباب ودخلات بخطواتها الواتقين بنت زعرة وزوينة مزال صغيرة في السن لكن موهبتها ودكاءها في العمل كبار جلسات قدامو
ايمان : طلبتيني سي قاسم
قاسم : قبلو ووقعو على لعقد
ايمان (بتاسمت بمكر) مزيان هدشي غيكون في الصالح ديالنا
قاسم (وقف ودار ايديه في جيابو وهو كيتمشى ) سمعي مزيان انا الاب ديالي والمحامي ديالو كيتيقو فيك ووصاوني باش منتيق في حتى شي حد غير فيك.... لكن انا علماتني الدنيا انو حتى راسي مخصش نتيق فيه لكن مع لمدة تقدري تبتي ليا الاخلاص ديالك
ايمان (وقفات قربات منو وحطات ايدها على كتفو) كون متأكد اني انا الشخص الوحيد لي مستحيل يضرك
قاسم : غنشوفو كيف قلت ليك كلشي غيبان مع لوقت... لكن شنو غادي نستافدو من هدوك الشروط
ايمان : شفتي حسام رجل اعمال ناجح لكن متهور وعدواني لمهم هو انا شركتنا مغاديش تضرر وفي القريب غادي تعرف لاش كيليقو دوك الشروط لي زدت .... دابا عندك اهم حاجة موعد مع المحامي حيت صلاح طعن في الوصية وكيطالب بحقو في الشركة
قاسم : ولكن الوصية صحيحة وموتقة
ايمان : معندك مناش تخاف اخر همك هو صلاح لكن لي لخوف منها هي حياة متستاهنش بيها تقدر دير اي حاجة
قاسم : واخا انا غنمشي ندوي مع لمحامي
ايمان : انت تصرف عادي وانا غنزيد نبحت ورا هدشي
قاسم : ايمان....من ايمتى ونتي كتعرفي الاب ديالي وعلاش كتيق فيك لدرجة انو وكلك تصرفي في غيابو وموكلش مراتو
ايمان : التقة كتكسب وكتبنا وانا قدرت نخلي الاب ديالك يعتابرني محل تقتو وصندوق اسرارو
قاسم : تقدري تمشي
كانو جالسين في لكافي
رانية : مالكي صارعاني من قبيلة جايباني نركع ياك لاباس
ليالي : قاسم
رانية : عاوتاني قاسم مغنساليوش من هاد السيرة ...
ليالي : راه رجع
رانية : فين رجع كيفاش رجع واش جا عندك...
ليالي (قاطعاتها) معرفتش خليني نفكر انا متأكدة هو ولكن هو مقال والو
ليالي : ليوم تلاقيت بواحد اسمو قاسم في الشركة داخل لاسونسور ومن بعد لقيتو في مكتب حسام نفس الصوت وطريقة لهدرة ولملامح لي كنت راسمة في خيالي كتر من ساعة وحنا وجهنا في وجه بعضنا كنت كنحس بقلبي غادي يخرج من بلاصتو خصوصا فاش سلم عليا ولكن هذا ولد رجل اعمال غني بزاف وحتى كنيتو مختالفة على كنية قاسم نتي لوحيدة لي غادي تأكدي ليا واخا انا عارفة ان قلبي مغاديش يكدب عليا
رانية : ميمكنش مكنضنش علاش هو مدواش معاك رغم انكم خديتو وقت كافي مع بعض في لاسونسور
ليالي : الغريب انو محسسني بوالو ومنطق بحتى شي كلمة
رانية : وشنو لمعمول دابا كيفاش غادي نتأكدو
ليالي : غادي يجي في ليل لحفلة عيد ميلادي نتي لوحيدة لي شيفاه وتقدري تأكدي ليا .... لكن قبل منتلاقاو بليل باش نكون قادرة نتحكم في راسي وعارفة شنو ندير
رانية (كتفكر) اممم لقيتها (جبدات تيلي ديالها) قلتي هاد الشخص رجل اعمال ولاباس عليه وكنيتو غير كنيت قاسم
ليالي : وي علاش
رانية : اكيد غتكون شي مجلة او جريدة كاتبين عليه شي حاجة
ليالي : ااه عندك لحق شوفي خبر موت قاسم لعماري يقدر يوصلك لشي حاجة
رانية : دخلات لانتيرنيت وبدات تقلب شوية تبدلو ملامح ديال وجها شافت في ليالي ورجعات شافت في التيلي بحال الى ممصدقاش لي كتشوف
ليالي : وفات رجل الاعمال المعروف قاسم لعماري وضهور ابنه الذي كان لا يعرف عنه شيئا مدة 26 سنة (شافت في رانية) هو ياك
رانية : احم هو
ليالي (حطات تيلي ودوزات ايديها على وجها) كنت عارفة عارفة علاش رجع مورا هاد لمدة علاش وشنو قصتو لحقيقية كان غير كيكدب عليا من لول كان كيضحك عليا علاش من بعد متخلى عليا في نهار لي كنت بأشد الحاجة ليه دابا رجع عاود يدمر لي حياتي
ليالي : واش عرفتي شنو معنى انك تبغي شي حد بلى متشوفيه ومتقدريش تعيشي بلى بيه ونتي كتقاتلي باش تأقلمي مع هداك الالم لي في لداخل ديالك يبان من جديد باش يحي ليك كاع جراحك
رانية : ششش صافي ليالي هداك ماضي نتي ختاريتي حياتك وكيف قلتي هو مدواش معاك إذا يقدر يكون مجرد خدمة لي جمعاتكم صدفة
ليالي (حطات ايدها على قلبها) ولكن هدا مكيعرفش الصدفة كيعرف غير ملي يشوف حبيبو يضرب
رانية : سمعيني نتي خصك تحكمي في راسك ومضعفيش قدامو فهمتي حتى تشوفي اخرو
ليالي (طلعات نفس طويل ومسحات دموعها) غنحاول مخصوش يعرف اني باقة كنبغيه واني دغيا حسيت بيه واخا معمري شفتو
رانية : تماااما
دخل لبيرو وسكرتيرة تابعاه
سكرتيرة : تسنى اسيدي... ماشي طريقة هادي باش تدخل
قاسم (علا راسو وبتاسم) صافي غير خرجي
السكريتيرة : سمح ليا اسيدي انا...
قاسم (قاطعها) ماشي مشكل غير تفضلي
حدرات راسها وخرجات سدات لباب
رضى (كيضور عينيه في لبيرو) وياه اصحبي مبقيناش نشوفوك درتي لاباس .. خاص تنهجمو عليك
قاسم كان كيشوف فيها كيف غطير بلفرحة وهو ساكت كيحس انو كيضلمها معاه هو عمرو بغاها لوحيدة لي سكنات قلبو بعدات وخداتو معاها لكن شي حاجة لداخل ديالو كتخليه يحس انو مسؤول عليها خصوصا قبل ميموت باها امنو عليها وهو مخدا منها غير الحب والاهتمام واخا مكيقدرش يبادلها نفسهم لمهم كيحاول لي مخوفو انو ميقدرش يوفي بوعدو ليها ويكسر قلبها بقى ساهي بتفكيرو حتى حركاتو بيديها
تورية : قاسم دوي مالك ساكت واش معجبكش هدشي
قاسم (حط ايديه على كتافها) جيتي زوينة
تورية (عضات على شفيفها) بصح
قاسم : جيت نشوف واش نتي موجودة باش نمشيو
تورية (كانت لابسة كسوة بيضة بلكمام لاسقة عليها وقصيرة ومطرزة مخليا شعرها سامبل وعلى راحتو) اه واجدة غادي نكمل غير شي حويج ونلبس سباطي ونزل
خرج من بيتها ومشى لبيتو باش يبدل وهي بقات كتنقز بلفرحة مشات لحدا لمراية كملات ماكياجها ورشات شوية ديال العطر لبسات سباطها وهزات بوشيط ونزلات
كلتوم : تبارك الله جيتي كتحمقي
تورية : بصح اماما جيت زوينة ياك
كلتوم : جيتي كتحمقي
قاسم (نزل من بعد مبدل حويجو) توريا يلاه...... الواليدة نخليوك
كلتوم : الله يرضي عليكم جيتو مع بعضكم انشاء الله نشوف ولادكم
تورية حدرات راسها وتزنكات
قاسم : احم يلاه غادي نتعطلو
خرجو بجوج ركبو مع الشيفور وتاجهو لفيلا حسام وليالي
واقفة في الشرفة كتأمل الحديقة كيفاش مزينة والناس لي جاو يحضرو لعيد ميلادها كتحس ان افكارها متشتتين بزز وجدات راسها مكرهاتش كون بلاش من هدشي لبسات كسوة بلى كمام في لبلو سييل ومطرزة بلعقيق كيلمع جمعات شعرها جنب مع مكياج خفيف ركزات على لعينين سهات وهي كتفكر في لعيد ميلاد لي قبل من هذا قبل عام كان قلبها بحال الوردة لمفتحة ودابا دبال في عام تبدلات حياتها 180 درجة الى رجعات بالزمن مكانتش غتعرف راسها
حسات بشي ايد تحطات عليها قفزات ودارت لقاتو حسام
ليالي : شنو كاين متعرفش دق لباب
حسام : ندق باش ندخل عند مراتي
ليالي : حسام خلينا منطقيين زواجنا غير على لوراق انت مكتبغينيش وانا مكنبغيكش تافقنا باش حتى واحد فينا ميدخل في حياة الاخر علاش مؤخرا تصرفاتك بدات كتبدل معايا
حسام : يمكن هدشي بالنسبة ليك ... (قرب منها وكيدوي بطريقة مستفزة).. ولكن بالنسبة ليا انا نتي مراتي ومعنديش مشكل نخلي زواجنا حقيقي كنضن عام كافي باش نجيبو شي بيبي او لا
ليالي (بعدات منو) لا انت اكيد شارب شي حاجة
حسام : لا احياتي يلاه غادي نشربو بجوج لتحت نخب لعام الجديد لي تزاد فعمرك وتبدلو فيه بزااف ديال لحويج منهم اني وليت جزء من حياتك
دخلو لفيلا مكانش عدد كبير ديال الناس خداو طابلة وقفو حداها تورية كتحس بتوتر عمرها مشات لشي حفلة بحال هاكا وقاسم سارح بعينيه كيقلب عليها وقف حداهم السرباي بالمشروبات هزات تورية كاس شربات منو
تورية (كتكح) كح كح شنو هدشي مداقو مر
قاسم(شاف فيها وخداه ليها) شنو كديري حيدي هدشي راه شراب
تورية (غوتات) ويلي حي شربت الشراب ياربي تسمح ليا والله مكنت عارفة ياربي تسمح ليا ويلي ويلي...
قاسم (شدها من خصرها زير عليها و قربها ليه ) سكتي شوهتينا صافي
تورية طلعات معاها لحرارة فاش حط ايدو عليها قطعات صوتها ولات غير كتخرج في عينيها
قاسم (كيهمس في ودنها) احم دوي غير بشويا وبتاسمي لسلم علينا شي حد فهمتي ومتاخدي والو انا غناخد ليك
تورية (بتاسمت) واخا... ولكن انت كتشربو
قاسم : دكشي ماشي شغلك
بعيد كانت كتشوفو هو وياها كيفاش خاط ايدو على خصرها وكيدوي في ودنها وعي كتبتاسم حسات بالنار شعلات في قلبها ولى ميضرب بالجهد بحال الى كتحري والحرارة طلعات مع جسمها كلو خصوصا ملي هز راسو وجات عينو في عينها في لحضة حسات انها فقدات الاتصال بالعالم الخارجي والصوت ديال الموسيقى والدجيج مبقاتش كتقدر تسمعو كتسمع غير صوت دقات قلبها حسات انها غادي تفقد وعيها وطيح في الارض رجليها فشلو مبقاوش هزوها حتى حسات بيدو على كتافها باردين حرقوها في جسمها بكترت الحرارة لي طلعات معاها
حسام : مالك نتي هاد النهار واش مريضة
ليالي : لا غير كنحس بلعيا
حسام : واخا... اجي نسلمو على الشريك ديالنا
وقفو قدام بعضهم وعينيهم كتقول بزاف ديال الكلمات
حسام : مرحبا بيك سي قاسم
قاسم : شكرا ليك
حسام (سلم على تورية) مرحبا .. مكانش كيحساب لي بلي حتى انت مزوج
في هاذ اللحضة ليالي كانت كتسنى الرد ديالو بفارغ الصبر كتمنى يقول لا ماشي مراتي كتمنى يقول معنديش علاقة بيها لكن يريت مسمعاتش يريت بقات مكتشوفش باش متشوفش هاد المنضر
قاسم : اكيد مغاديش نساو من دابا نتوما معروضين (مد ايدو ل ليالي لي في هاد اللحضة قلبها كينزف) سنة سعيدة مدام ليالي
حطات ايدها في ايدو وهي ولداخل ديالها كتغوت وكتقول علاش علاش تخليتي عليا وبدلتيني بيها شنو السبب واش مبغيتينيش ولكن علاش حسيت معاك بالامان انا احساسي عمرو خيبني عشت عشر سنين عير بالاحساس بلى منشوف وجوه الناس وانت سلمتك روحي وقلبي وكلشي علاش تخليتي عليا جاوبني .....( هدشي قالتو في نفسها اما في لحقيقة جاوبت ببرود)
ليالي : شكرا ليك (مدات يدها لتورية) تشرفت بيك
تورية : الشرف ليا نتمنا ليك سنة سعيدة
حسام : ستمتعو بوقتكم نرحبو بلباقي ونرجعو ليكم
بعدات وهو متبعها بعينيه مكرهش يوقفها ويتأمل وجها ويشم ريحتها ويقول ليها علاش خليتيني وبلتي تزوجي بواحد اخر من غيري فاش غلطت انا بغيتك من كل قلبي واخا نتي تخليتي عليا انا مزال كنبغيك اجي نمشيو من هنا ونعيشو حياتنا اجي نبداو من جديد اجي نبداو من حدا ابحر نهار تلاقينا اول مرة ..... فيقو صوت الهاتف لي كيصوتي
قاسم : الو ايمان.... انا في لعيد ميلاد كيف قلت ليك....
دار ايشارة لتوريا بلي غادي يبعد بباش يدوي في التيلي ويرجع بقى كيتمشى وهو كيدوي مع ايمان على شي وراق كيخصو الدعوى حتى بعد على لحفلة ودار ورا الفيلا كانت مراقباه من لبعيد نساحبات بشوية من حدا حسام ومشات موراه كمل مكالمتو وهو يسمع صوت نباح دار عندو وبتاسم
قاسم (نزل على ركابيه) سيزار صاحبي مزال عاقل عليا.
سيزار كينبح ويتعلق فيه
قاسم : حتى انا توحشتك اصحبي
ليالي (نطقات موراه) اكيد غادي يبقى عاقل عليك وغادي يتوحشك حيت هو مخلوق وفي ماشي بحال الانسان
قاسم (بقى مسمر بلاصتو شحال تأكد دابا انها عرفاتو وقف بشوية ودار عندها) كنضن انتي اخر وحدة تدوي على الوفاء ا مدام ليالي
قاسم (بدا كيقرب منها وهي راجعة لور) اه نتي عندك لحق انا جيت غير باش ندمرك ونوريك شكون هو قاسم لي نتي تخليتي عليه
ليالي (كالاها الحيط وهو قدامها اون فاس) شنو كتخربق انت...
قاسم (قاطعها) ششش
ليالي (كالاها الحيط وهو قدامها اون فاس) شنو كتخربق انت...
قاسم (قاطعها) ششش
كان قريب منها بزاف نفس الريحة لي كانت كتشمها قبل عام الريحة لي كتخليها تحس بالامان وتمشي لعالم اخر قلبها كان كيفرفر ملي حسات بحرارت انفاسو مقدراتش تقاوم بلى متحس سدات عينيها وهزات ايديها خطاتها على وجهو بدات كتحسس وجهو كيف شحال هادي بشوية كتحرك صباعها على ملامحو بتاسمات وهي كترسم الصورة في خيالها هو نفس الشخص ...... قاسم كان كيتأمل وجها وهو مرفوع مكرهش يجرها عندو يعنقها ويدخلها وسط ضلوعو لمستها خلات قلبو يحيا من جديد
ليالي : رجعتي حيت مقدرتيش تنساني ياك .... ندمتي من بعد مخليتيني وموفيتيش بوعدك ليا
قاسم : لا... نتي غالطة... انا نسيتك نهار شفتك بلكسوة لبيضة مع راجل اخر ... غير حليتي عينيك وشفتي الدنيا وعرفتي اني منصلاحش ليك ختاريتي لي مستواه من مستواك ويقدر يعيشك بحال عيشتك
ليالي (بقات كتشوف فيه لمدة ونزلو دموعها بلى متشعر) فعلا عندك لحق ملي حليت عيني شفت بزاف ديال لحويج منهم حقيقتك ومندماناش
دفعاتو وبغات تمشي جرها لعندو
قاسم : كتعتارفي اذا..
يلاه بغات تجاوبو وقفات عليهم رانية
رانية (مصدومة) ليالي .... قاسم
قاسم شاف فيها ومشى
رانية (بقات غير حالة فمها فيه كيف ولى) شنو كديري هنا حسام قالب الدنيا عليك عرفتي لشافك معاه
ليالي (كتلهت) صافي سكتي
رانية : شنو هاد لحالة نتي فيها هادي هي غنجمع راسي ومغنبينش ليه
ليالي : مقدرتش نقدرتش فلحضة نسيت كلشي وبغيت غير نكون انا وهو بغيت لوقت يوقف ونعيش معاه ولو للحضة
رانية : وهو شنو قال
ليالي : هه هو قال بلي نساني وبلي انا لي تخليت عليه على ود لفلوس
قاسم : متزيديش فيه كانت مكالمة مهمة وشحال هدا قلت ليك ايمان راه هي لي مكلفة بالشركة وكتعرف شي حويج حسن مني انا التواصل معاها ضروري في اي وقت
تورية كتغلي هي كتغير من ايمان خايفة قاسم يخونها معاها
حسام : فين كنتي
ليالي : في لحمام
حسام : نص ساعة
ليالي : مشيت خديت غير كينة ديال الراس ضرني راسي
حسام : واخة زيدي نقطعو هاد الحلوة باش تمشي ترتاحي
طفاو الاضواء ودخلو الحلوة تجمعو الناس كلهم كيغنيو يلاه بغات طفي الشمع وهي توقف حداها
نور : مستحيل نخليك تطفي شمعة عيد ميلادنا بوحدك
ليالي (عنقاتها) ايمتى رجعتي
نور : غير ليوم وبغيت نفاجأك... اجي بعداك نطفيو الشمع
طفاو الشمع وقطعو لحلوى
نور قطعات طرف من لحلوى وكلات ليالي وحتى ليالي قطعات ووكلاتها نور شافت في حسام ومدات ايدها باش تعطيه لحلوى
نور : حسام مغتقوليش على سلامتك انسيبي لعزيز
حسام (خلاها بلاكة وهز ايد ليالي وكلى من عندها) على سلامتك انسيبتي لعزيزة
كملو وبداو يسلمو على الناس لي كينساحبو واحد بواحد ومنهم قاسم خدا في ايدو تورية وخرجو في طريق لدارهم
تورية : ندوزو نتعشاو فشي بلاصة
قاسم : مرة خرا
تورية : واخا
بقات كتشوف فيه كيفاش ساهي وكيخمم حطات ايدها على ايدو
تورية : مالك.
قاسم : والو ا تورية
طلعات لبيتها حيدات لكسوى ومسحات لماكياج جلسات فوق الناموسية ومشا بالها بعيييد تفكرات نهار العملية
#فلاش باك #
ليالي جالسة فوق الناموسية ديال المستشفى وهي كتلعب بصباعها ممتأكداش من قرارها لكن عندها رغبة باش تشوف الدنيا وتشوف الناس واهم حاجة تشوف حبيبها لي كان دافع قوي يخليها تدخل لهاد العملية سمعات لباب تحل
ليالي : شكون
قاسم (شد ايدها وباسها) انا احياتي
ليالي (بتاسمت) قلتي تقدر متجيش
قاسم : مقدرتش كنت هنا من صباح تسنيت تخوات الدنيا ودخلت عندك مبغيتش يشوفني شي حد
ليالي (حطات ايدها على وجهو وخدات نفس طويل) اخيرا غادي نقدر تشوفك.... داك الساعة مغاديش نخلي شي حد يتحكم فيا او نحتاج شي حد غادي نوقف قدامهم ونقول ليهم هدا هو الراجل لي كنبغي
قاسم (بالو مشى لجهة خرا) انشاء الله..... خايفة
ليالي : شوية
قاسم (عنقها ) كلشي غيكون مزيان فكري في حاجة وحدة انك انسانة تستاهلي تشوفي وجهك في المراية ههه
ليالي : هه قاسم.... كنحسك ماشي هو هداك.
قاسم : احم في الصراحة غير شي مشاكل عائلية
ليالي : ياكما بسبابي
قاسم : لا ناشي الموضوع ديالك... نتي متشغلي راسك بوالو لمهم غير تحلي عينيك عندي ليك مفاجأة
ليالي : بصح شنو هي
قاسم (ناض) لقلتها مغاديش تبقى مفاجأة....يلاه انا غنمشي قبل يجي شي حد ولى داك ختك لمسمومة
ليالي : ههه مديش عليها ومديش على كلامها
قاسم : وي وي انا مشيت
ليالي : متنساااش الوعد ديالك انت اول واحد بغيت نشوفك فاش نحل عيني
قاسم : منسيتش
فيقها من سهوتها صوت لباب لي تحل ورجعات للحاضر
ليالي : شكون
نور : انااا ....جيت نشوفك باش نمشي
ليالي : كانت مفاجأة زوينة
نور : اكيد مغاديش نخليك تباني بوحدك في الصورة مدة طويلة
ليالي : ههه نتي هي نتي مكتبدليش
سمعو الدقان في لباب كان حسام حل لباب ودخل
حسام : كيف وليتي دابا
ليالي : لاباس
نور : احم انا غادي نخليكم تال غدا ونشوفك
سلمات على ليالي وخرجات كتحيلون كيف عادتها لابسة كسوة حمراء مبينة مفاتنها فتحتها طالعة مع فتحة مبينة صدرها كامل ومكياج تقيل
نور : شنوو لهاد الدرجة لوجود ديالي كيبرزطك بغيتي تعرف لاش رجعت (قربات منو ) رجعت حيت توحشتك حيت صعيب نعيش بعيد عليك واخا نشوفك غير من لبعيد ماشي مشكل على مبغيتيش تفهم اني انااا لي كنبغيك وندير اي حاجة على ودك غير نبقى حداك وقريبة منك شنو لفرق بيني وبينها يااك حنا توأم
حسام (كيشوف في جنابو ليسمعهم شي حد جرها من دراعها) اجي معايا
تبعاتو وركبو في طونوبيل دار اشارة لشيفور باش يبقى هو لي غادي يسوق
نور : متدينيش لدار
حسام : ماشي شيفور عند باك غنوصلك لداركم ودبري لمخك
نور (دارت رجل على رجل حداه وعلات لكسوة باش يبانو فخاضها حطات ايدها على ايدو) حسام انا مستعدة نكون معاك في السر لبغيتي غير كون معايا
حسام (نتر ايدو) انتي واقيلة برد عليك لحال في فرنسا وداك الدماغ عندك مبقاش كيخمم متنسايش دابا راني راجل ختك وانا عمري واعدتك بشي حاجة
نور : ولكن هي مكتبغيكش انا متأكدة
حسام : مراتي وانا عارفها وانا باغيها كيف هي سولتيني على لفرق ياك لفرق هو اني معاها عام دابا وكل نهار كنحس اني يلاه كنحاول نتعرف عليها لفرق هو انها عاطيا لراسها قيمة لفرق انها بشخصيتها كتليق بشخص بحالي (فرانة بالجهد حتى تهزات من بلاصتها وجر ليها لكسوة غطاها) ودابا باركة مدلي راسك حيت انا عيييت منك انور فهمتي هدشي كنفهمو انا لحد الان محتارمك وعاطيك قيمة حيت نتي خت مراتي اما لبغيتي نستعملك بحال لعاهرة معنديش مشكل
نور (بقات كتشوف فيه) حتى انا معنديش مشكل نكون عاهرتك
حسام : لا نتي ماشي طبيعية
نور : انت...
حسام (ضرب على لفولون) سمتييي قطعي لحس مدويش تنوصلك لداركم.... اااخر تحدير ليك والى غتشوفي مني وجه اخر انور وانتي عارفاني اش كنسوى
نور بلعات ريقها وقطعات لحس وهو كمل طريقو
نمشيو لبلاصة خرا كان جاي سكران وكيتلاوح دخل لقاها واقفة كتسناه
حياة : شنو هاد لحالة جاي فيها عوتاني لي فيك فيك مغاديش تربا
صلاح غادي طالع مع دروج ممسوقش ليها
حياة (شداتو) فين غادي راني كندوي معاك
صلاح (دفعها حتى كانت غادي طيح) بعدي مني عنداك يحساب ليك باقي غتلعبي عليا دور الام
حياة : اييه غنبقى الام ديالك واخا انا مولدتكش انا ربيتك عطيتك حياة عمرك كنتي تحلم بيها عطيتك كلشي تمنيتيه عطيتك عايلة واب من بعد مكنتي يتيم ومطلبت منك والو من فير انك تحافض عليه
صلاح (تلاح عليها بحال شي تور قجها) نتي دمرتيني خليتيني نعيش حياتي كاملة كذبة في رمشت عين كلشي تسلب مني جا الولد الحقيقي وخدا كلشي وكلشي بسبابك وسباب اعداءك دمروني ودمروك
حياة (عينيها خرجو وكتكح كضرب فيه وتحاول تفك ايدو من عنقها ) كح شنو كدير ... كح باغي تقتلتي كيف قتلتي باك
صلاح (رخا منها حتى طاحت وطاح على ركابيه كيبكي) خرجتي عليا نتي السباااب مكفاكش هدشي كلو ورجعتيني قتااال قتلت بيدي الراجل لي رباني وعتابرتي ولدر سنين وهو مصدق كدبتك وكيحاول يدير مني راجل بسباابك قتلتو بيدي
حياة : وهدا هو الصح كون قتلتي حتى المحامي ديالو مكناش غنوصلو لهدشي دابا (حطات ايدها على كتفو) انت غير سمع ليا وغادين نرجعو كلشي انا رفعت دعوى بسميتك وطعنت في الوصية واتهمت المحامي بالنصب...
صلاح ( دفعها) بعدي منيي نتي شيطانة نتي ماشي بنادم
ناض مسح دموعو وخرج من الدار اما حياة خدات نفس عميق وناضت وقفاات
حياة : غنلقاك غنلقى هذا لي جاب الوريت لحقيقي وخرج ليا على حياتي ونقتلو بيدي
ناضت جلسات فوق لفوطوي شربات كاس ديال الماء ورجعات بتفكيرها لماضي ملي قاسم الاب عرف ان صلاح ماشي ولدو لحقيقي
#فلاش باك #
قاسم (شاد في صدرو وكيدوي بزز) حياة نتي غدرتيني وطعنتيني في ضهري
حياة : شنو هاد لكلام شكون قالك هدشي كدوب
قاسم : انا مكندويش من فراغ انا عرفت ان عندي ولد اخر من لحمي ودمي 26 عام وهو بعيد عليا غادي نلقاه وانتي مبغيتش نشوف وجهك
حياة (شدات فيه) لا قاسم مديرش فيا هاكا انت معرفتيش الحقيقة شوف انت مريض مديرش هدشي فيك وفيا
قاسم (جلس وفك لكرافاط وهو كيدوي بصعوبة) ا انا.... درت... تحليل ...وتأكدة خرجي عليا ....خرجي عليا
حياة : قاسم قاسم عيطو لطبييب سربيو
مشات لخدامة كتجري تعيط لطبيب وهي سمعات التيلي ديالها كيصوني شافت رقم غريب جاوبات
حياة : شكون انت شنو بغياي مني علاش كدمر ليا حياتي
المتصل : هادي غير البداية ناي درتي اخطاء في الماضي جا لوقت باش التعاقبي عليها
بين قلبين حب أعمى الجزء الثاني
محتوى القصة
التنقل بين الأجزاء