نمشيو عند قاسم لي مشى بسرعة لعنوان لي عطاتو ليه ايمان وصل لواحد الحي شعبي حط سيارتو ودخل لحومة كيقلب على العنوان حتى وصل لواحد لدار دق جوج مرات حلات عليه بنت عادية صغيرة شوية فلعمر
البنت : سلام شكون انت وشنو بغيتي
قاسم : سلام نتي هي فدوي الممرضة
البنت : اه ولكن مبقيتش خدامة
بغات تسد لباب وهو يحبسها
قاسم : عافاك متسديش ضروري ندوي معاك
فدوى: معندي فاش نفيدك انا طردوني من المصحة لي كنت خدامة فيها
قاسم : ماشي على ود المصحة
فدوى (باستغراب) وعلاش
قاسم : انا ولد سي قاسم العماري لي كنتي مقابلها قبل عام
فدى( بان عليها التوتر وبغات تسد لباب) سمحلي انا معقلتش على هاد الاسم
قاسم (دفع لباب ودخل عليها شدها من دراعها ) سمعيني مزيان انتي مضطرة تعطيني لمعلومات لي كتعرفي والى غادي نديك لبوليس
لبنت شافت لداخل شاف في لجهة لي كتشوف فيها كانت مرأة كبيرة في السن جالسة فركن لبيت قاسم طلق منها
فدوى : عافاك انا معندي علاقة بدكشي لي وقع راني كنخدم على ماما لي مريضة واخا هاكاك مكنبغيش لحرام عمري درت شي حاجة خايبة ولقبلت بشي حاجة
قاسم : اذا قولي لي كاع دكشي لي كتعرفي
فدوى حركات راسها بأه
انا كنت قبلت نقابل سي قاسم فدار بناءا على طلب مدام حياة لمستشفى رسلوني و حيت عطاوني خلصة مزيانة وعرفت بلي لخدمة نقية ومفيهاش مشاكل دوزت سيمانة وانا كنقابلو نهار كنجي انا بنهار وكتكون ممرضة اخرا بليل ونهار كيكون لعكس حيت منقدرش نبقى 24 ساعة مقابلاه
قاسم : كملي
فدوى : واحد نهار كنت خدامة بليل وجات عندي مدام حياة طلبات مني نعطيه واحد الشوكة في السيروم وهي غادي تعطيني شحال ما بغيت ديال لفلوس
قاسم : وعطيتيها ليه
فدوى: لا اكيد لا ميمكنش نقتل شي حد انا منقدرش نديرها
قاسم : ديالاش كانت هاد الشوكة
فدوى : معرفتش لكن لي كنت متأكدة منو انها غادي تقتلو
قاسم : وشنو درتي
فدوى : قلت ليها منقدرش وهدداتني وجرات عليا وفعلا من هداك نهار طردوني من المستشفى لي كنت خدامة فيه ومبقاتش قبلاتني حتى مستشفى اخرا حيت خصرو ليا الدوسي هي شكات بيا وقالت بلي مقابلتش راجلها مزيان ودابا كنخدم غير عند واحد الراجل كبير مقابلاه
قاسم : متأكدة هدشي لي عارفة
فدوى : اه كنقسم ليك هدشي لي عارفة
قاسم (جبد من جيبو لفلوس وعطاهم ليها ) خلي عندك هادو
فدوى : لا ميمكنش ليا
قاسم :شوفي نتي خدمتيني عتابريهم تعويض حيت متستاهليش لي وقع ليك
فدوى (خداتهم وهي حادرة راسها )شكرا
قاسم خرج من عندها ومشى لحدا لبحر لقاها كتسناه
ليالى : تعطلتي عليا....عرفتي شي حاجة
قاسم : والو لبنت كانت غير ضحية ديال حياة ...ونتي كيف بقى باباك
ليالي : لباس عليه مفهمتش شنو وصلو لهاد لحالة
قاسم وصلو مساج غير شافو وتغيرو ملامحو
ليالي : مالك ياك لاباس
قاسم : خصني نمشي دابا
ليالي : بلاتي غنمشي معاك
قاسم : لا ميمكنش....سيري لدار انا غنعيط ليك
ليالي (شدات فيه ) لا ميمكنش نخليك وانت في هاد لحالة شنو وصلك
قاسم : اوف مالك معكسة صافي ردويت معاك
مشى ركب تبعاتو ركبات حداه
قاسم : نزلي
ليالي : لا
قاسم (بقى كيشوف فيها )
ليالي : مغاديش نزل
قاسم : واخا صافي ولكن ملي نوصلو غتبقاي في الطونوبيل تنجي عندك صافي
ليالي : صافي
دازو ساعات وصلو قدام واحد الدار وقف السيارة
قاسم : انا غادي نزل ونتي بقاي هنا
ليالي : ولكن مقلتيش ليا شكون هنا
قاسم : تنخرج ونقول ليك كلشي نتي غير جلسي هنا ومتحركيش,تنرجع
خرج من طونوبيل وتوج لدار وهو كيفكر شكون غادي يكون لداخل دق فلباب وتسنى مجاوبو حد عاود دق بالجهد وهو يتحل لباب شوية بقى مستغرب من لباب لي محلول خدا نفس عميق ودفع لباب بشوي وهو كيقلب بعينيه فداخل الدار دخل بجوج خطوات وهو كيتسنى يشوف شي حد او يسمع شي صوت ولكن مكاين حد زاد قرب وتصدم من لمنضر لي شاف كان صلاح طايح في الارض وغارق وفي دمو الدم خارج من راسو قاسم تصنم في بلاصتو معرف ميدير ريقو نشف نزل على ركابيه وقاس النبض ديالو وهو كيحركو
قاسم (بصوت مبحوح )صلاح صلاح
لقاه بارد وصفر والنفس مقطوعة منو غيكون مات وشبع موت يلاه كيحاول يفكر كيفاش يتصرف سمع صوت لهاتف رقم مجهول جاوب
المجهول : مبروك عليك حبل المشنقة البليد هههه
يلاه بغى يرد عليه قطع في وجهو وهو يسمع ليالي شهقات موراه ناض كيجري
ليالي( كانت واقفة وراه مصدومة ودموعها نازلين ) م...م...مات مااات
قاسم (عنقها وخبا ليها وجها في صدرو ) ششش علاش دخلتي هنا ياك قلت ليك بقاي برا
ليالي :ك...ك كيفاش مات ها...شكون قتلو
قاسم (سمع صوت البوليس جايين شدها من وجها ) سمعي خودي طونيبيلتي وسيري من هنا
ليالي (كترجف) لا لا ميمكنش نخليك
قاسم : سمعي سيرييي من هناا ردويت معااك
ليالي : وانت يلاه حتى انت
قاسم (جرها من ايدها خرجها ) ميمكنش غيتبعونا ونتي ميمكنش تورطي في هدشي سربي نتي سيري من هنا انا خص نبقى
دخلها لطونوبيل وكسيرات وقفو لبوليس لي جاو من لجهة الخرا
البوليس شدوه : جانا بلاغ بلي كاينة جريمة قتل في هاد الدار
قاسم : انا لقيتو ميت
البوليسي : هدشي قولو فلمحضر تفضل معانا
ليالي كانت غادة والمنضر مبغاش يحيد من بين عينيها غادة وكتبكي في الطونوبيل وهي كتفكر في قاسم شنو غيكون وقع معاه
دازو ساعات وكان في الدائرة كيحققو معاه طلب حضور لمحامي ديالو وماهي الى دقائق وكان معاه
الضابط : ماشي من مصلحتو ينكر لحد الان هو المشتبه الوحيد كونو كان متواجد في مكان الجريمة
المحامي : تقدر تقول ليا واش لقيتو شي سلاح او بصماتو عليه
الضابط : الضحية مضروب في مؤخرة رأسو يعني الضربة ماشي نتيكة سلاح يقدرو يكونو تخاصمو ووقع شجار بينهم سالة بوقوع جريمة هدشي وارد والى عتارف انو مكانش قاصد غتخفاف عليه التهمة
الضابط : اذا شنو السبب لي خلاك تجي تم وشنو علاقتك بالضحية هدشي كلو كيزيد يتبت عليك التهمة انت اندك مع الضحية خلافات عائلية وكذالك لقينا ميساج في الهاتف ديالك فيه نفس لعنوان لي وقعات فيه الجريمة مع نص كيقول ( هنا غادي تلقى لي قتل باك ) اذا انت نتاقمتي لموت الاب ديالك
قاسم : هدشي مكاينش انا وصلت لقيتو مقتول
المحامي : سي الضابط هادي مجرد لعبة الموكل ديالي مدة هادي كتوصلو رسائل واتصالات غريبة من ارقام مجهولة او غريبة هدا مجرد فخ موكلي مستحيل يقتل انا كنطالب بتشريح الجتة باش نعرفو لوقت لي مات بالضبط ونتأكدو انو مات بواسطة الضربة لي عندو فراسو وكنطالب بخلاء سبيل الموكل ديالي كونو رجل اعمال معروف ومعندوش سوابق وكدالك عدم توفر ادلة كافية لي كتبت الادانة ديالو كنطالب استمرار التحقيق وهو حر طليق
الضابط ( بتاسم ) هه كنقدر حرسك على حماية الموكل ديال ولكن الى فعلا ماشي تو لقاتل فهو كان متواجد فلمكان والوقت الخاطئ كنضن ان الرسالة لي لقينا فلهاتف ديالو وبصماتو لي فدار وعلى الضحية وتواجدو فمكان الجريمة لحضة وقوعها اسباب كافية باش يبقى تحت المراقبة ديالنا( شاف في كاتب الضبط ) كتب اولدي كتب ...قررنا نحن الضابط .......حبس المتهم قاسم العماري تحت التحقيق لمدة اسبوع ( شاف في لمحامي ) من باد اسبوع الى مكان حتى كديد فلقدية او دليل كيتبت براءتو غادي يتحاكم قدام وكيل جلالة الملك وداك الساع نشوفو
قاسم ( جا لبوليسي دار ليه لمينوط ووقفو ) ولكن بلاتي ميمكنش راه ماشي انا لي قتلتو شنو هدشي
المحامي : غير صبر انا غادي نلقى حل ومزال خصك تعاود ليا بالتفصيل غادي نطلب جلسة معاك باش نعرف شنو وقع
قاسم : مقتلتوش مقتلتوووش واش كتفهمو
ايمان : متخافش اقاسم حنا معاك غادي نلقاو دليل براءتك
داو قاسم وهو كيغوت وفي فمو كلمة وحدة مقتلتوش وبقى لمحامي وايمان
ايمان : اففف اش عرفت اعمي كمال اش عرفت انا غنمشي دابا نشوف الشركة
خرجات ركبات في سيارتها وخدات تيلي دوزات نمرة حسام
ايمان : الو متافقناش على هدشي انا قلت نبعدوه على ليالي,ماشي ندخلوه لحبس عمرو كامل
خرجات ركبات في سيارتها وخدات تيلي دوزات نمرة حسام
ايمان : الو متافقناش على هدشي انا قلت نبعدوه على ليالي,ماشي ندخلوه لحبس عمرو كامل
حسام : ههه ياكما كيحساب ليك غير نتي لي دكية او طحتي مع كانبو
ايمان : انت اكير حقير على وجه الارض مغنسمحش ليك تهنى منو بهاد السهولة ومغاداش نخليه في لحبس فهمتي
حسام : ههه مزيان وريه الادلة لي غادين يخرجوه ولكن غيكونو ضدك متنسايش نتي لي دايرة فيها راك مبتزة وكتسيفطي ليه ميشاجات من ارقام مجهولة
ايمان : هههه ايوا حتى انت متنساش الادلة لي كاينين في ايدي ولي نقدر نغرقك بيهم اسي حسام
حسام : متشي كتر من لفيديو ديالك ونتي كتقتلي صلاح
ايمان ( عينيها خرجو ) كيفاش ماشي انا لي قتلتو
حسام : تبتي هدشي من بعد منوريهم لفيديو ونتي كدفعيه على لقنت ديال لبلاكار ومن بعد طاح وبقى دمو خارج ...نصيحة مني الزوينة غادي تسكتي والى غادي نوصل هاد لفيديو لبوليس ونتي شرحي ليهم بلي راك مقتلتيهش وعاد شرحي لقاسم بلي راك مخنتيهش وكنتي عارفة كلشي ومخبياه عليه وكتحاولي تفرقيه على ليالي
قطع عليها وخلاها كتغلي من لداخل هي كانت باغة تفرقو على ليالي ماشي تخرج ليه على مستقبالو هنا تحدو ليها معرفات مدير خصها ضروري تلقى شي طريقة باش تخرجو والى كاع خططها غادي يضربو في الصفر دوزات نمرة وعيطات
ايمان : الو ...غدر بيا كنت حاسة مكانش خص نأمن ليه .....صافي انا طلعت حمارة دابا خصني شي حل ....شنو ليالي كانت مع قاسم فاش لقى الجتة متأكد ولكن منضنش انها تبغي تشهد ....واخا انا غادي ندوي معاها وانت قلب ليا على لبنت لممرضة خصها تجي لمحكمة وتقول الحقيقة كاملة
نمشيو عند حسام كان فلمكتب ديالو محتافل بهاد الانجاز لي وصل ليه واخا مزال مكمل لخطة كاملة دخلات عليه نور
حسام : نتي عارفة هدشي مكياكلش معايا فهمتي راه ماشي هاد لكدبة لي غادي تخليني نخلي ليالي ونبغيك
نور : كنقسم ليك حتى حاملة عاد عرفت هئ هئ شنو ندير
حسام : ههه شنو ديري طيحيه احبيبة شنو باغة ديري
نور : حرام عليك هدا ولدنا
ححسام (شدها من شعرها ) هدا ولدك نتي فهمتي وغادي تحيديه ولى بربي تنحيدك من الدنيا نتي وياه انا لكان خصني نجيب شي ولد لهاد الدنيا خصو يكون غير من ختك فهمتي
نور (كتحرك راسها بلا وعينيها مدمعين ) ميمكنش نقتلو لا هداك ولدي الى كنتي انت مباغيهش انا باغاه مستحيل نقتلو فهمتي
حسام : ماشي بخاطرك فهمتي
نور : انت السباب باش وصل لبابا لهاد لحالة علاش عطيتي لبابا هادوك التصاور باش مستحملش وديناه لسبيطار .... الى عرفات ليالي هدشي شنو غادي تكون ردت فعلها اما الى شافت التصاور اااه ولى حسن تعرف اني حاملة من راجلها في نضرك غادي تزيد معاك مزال دقيقة وحدة انا عارباك كتخطط باش تخليها تنازل على دعوة الطلاق وترجع ليك لكن الى اديتيني واديتي ولدي غادي تندم فهمتي
حسام ( قجها وعينيه خارجين ) واش كتهدديني ولى شنو ياك ما تيقتي راسك ها كنقسم ليك حتى نمحيك من فوق وجه الارض بحال الى عمرك مكنتي( بقى كيشوف فيها ) ولكن عرفتي شنو مغاديش نوسخ فيك ايدي باش عرفتو اصلا ولدي ههه كيف ما خليتيني ندير فيك مبغيت لتخلي اي واحد اخر انا غادي نساك نتي وهدشي لي في كرشك بحال الى عمرك كنتي وتنتي غتغبري من حياتي متبقايش تبرزطيني
نور كتحرك راسها بأه
حسام : الى حاولتي تلعبي بيا غادي نخليك تمناي لموت وهاد ولدك غادي نجبدو من كرشك ونتي كتشوفي
طلق منها وخلاها كترجع نفسها وهي كلها كترجف عاد رجعات لوعيها وعرفات انها بغات الشخص الغلط وغامرات معاه بكل معندها خرجات و الدنيا كدور بيها كيفاش غدير وفين تمشي
في جهة اخرا كانو في بلاصة مقطوعة حدا واحد لغابة وقفات بسيارتها ونزلات لقاتو كيتسناها
ايمان : لبنت مزال فنفس لعنوان
بلال : لا طلب مني نبعدها ولدوات طلب مني نقتلها
ايمان : ميمكنش خصها تدوي
بلال : لبنت عارفة غير حياة هدداتها ولكن شكون قتل صلاح
ايمان : انت لي قتلتيه
بلال : رجالي تكلفو
ايمان : حسام لي عطى الامر
بلال : اه مورا مدابزتو ودفعتيه وخرجتي كان مزال حي وحنا غنقناه باش مات
ايمان : كنت عارفة انا كنت باغة غير نخوفو باش ميفضحنيش قدام قاسم
بلال : وحتال ايمتي غتبقاي مخبيا السر
ايمان : حتى يجي لوقت لمناسب...دابا خصني حل باش يخرج قاسم
قاسم داخل السجن كان جالس في لقنت وجامع رجليه عندو هو واخا تربى وسط حي شعبي ودارب مع الوقت عمرو دخل لحبس او حتى لكوماسرية السيرة ديالو بيضة اول مرة يحط رجليه وسط السجن مخايفش حيت مدار والو علاش يخاف ولكن متوتر ومخنوق وبالو مشغول ببزاف ديال الحويج بليالي لي معرفش كيف غتكون دابا حالتها بصلاح واش بصح هو لي قتل باه او كان مجرد فخ وشكون غيكون نصب ليه هاد الفخ واش حسام نفسو او عندو اعداء اخرين هو معارفهمش كان عيان بزاف ومعصب ولداخل ديالو كيغلي والافكار كيتخابطو في راسو كان بعيد كل البعد على العالم الخارجي كانو معاه تلاتة ديال الولاد اخرين فين حابسينو مجموعين حدا بعضياتهم وكيتوشوشو ويشوفو فيه وهو محاسش عليهم حتى قرب حداه واحد منهم
الولد : عشيري
قاسم شاف فيه ومجاوبوش
الولد : ومالك منفخ راه كلنا في لهوى ساوا
قاسم : انا ممنفخ مالو باغي غير التيقار
الولد جبد ليه كارو : هاكا فوج على راسك وقول اش عندك ( طلعو ونزلو ) باينة فيك ملعق كيفاش دخلتي هنا باباك باقي مساقش لخبار ههه
قاسم : شوف انا ماشي من نوع لي فبالك انا رولد الشعب بحالك وكتر منك غير بلى متصدع معايا راسك وخليني عليك رمكنكميش اصلا
الولد شاف فلكارو ودارو في ودنو : اهاه مكتكميش ... باينة مالك غتكون جاي على طريفة ديال لحشيش لقاوها في جيبك بحالي ...قول ليا نصب ولى تزوير
ايمان : انت كنتي معاه ملي وصل تم ولقاه مقتول خصك غير تشهدي في المحكمة وتقولي لي كاين
ليالي بقات كتشوف ونزلو دموعها : لا انا مكنتش معاه
ايمان باستغراب : كيفاش مكنتيش معاه
ليالي ناضت : مكنتش يعني مكنتش شنو نشهد بشي حاجة مشفتهاش سمحي ليا انا غنمشي دابا راجلي كيتسناني
ايمان شداتها من دراعها : هدا هو الحب لي كتبغيه هادي هي التضحية
ليالي : انا دابا مزوجة وقاسم حب بقى فلماضي يمكن وهمت راسي انو ممكن يرجع لكن مستحيل
طلقات منها خيبة الامل واضحة على وجهها هنا تأكدات انها كان عدها لحق فاش تضامنت مع حسام باش يفرقهم ليالي غتبقى ديما تحت رحمتو ومغتقدرش تكون قوية وتنصر حبها
بعد مرور اسبوع
اليوم المحاكمة دياال قاسم كلشي كان مجموع في المحكمة كيتسناه لبوليس جايبينو باش يدوز في المحاكمة كانو دايرين ليه لمينوط وكيبان عليه الارهاق والتعب
تورية شافتو وقربات منو : قاسم ...قاسم متستسلمش حنا معاك وعارفينك مضلوم ايمان وسي كمال دايرين لي فجهدهم وغيعاونوك
قاسم شاف فيها بستغراب : نتي ممقلقاش مني
تورية بتاسمت : عمري مغنتقلق منك
كلتوم عنقاتو : ولدي الله يا ولدي اشنو كنتي كدير تم اش كدير الله معاك اولدي غيعاونك الله يرضي عليك
قاسم : امين الواليدة غير ريحي بالك متبكيش انا مدرت والو وغادي نخرج
دخلوه لبوليس لقاعة ودخلو حتى هوما باش يتصنطو لحكم كل واحد شد بلاصتو ودخل القاضي ولوكيل وحتى لمحاميين حياة اكيد وكلات محامي باش يدافع على جتة
صلاح مغتفوتش فرصة بحال هادي باش تهنى من قاسم وغدير لي فجهدها كل وشد بلامحك بدات محاكمه محامين دحياة كيديرووو مفجهدهم باش يغرقو قاسم ماكتر بداو كيطرجو عليه أسئله واخيرا طلبو الشاهدة لي كلشي تصدم ملي دخلات كانت ليالي
المحامي : سيدي القادي مدام ليالي كانت مع سي قاسم يوم االجريمة لذالك غنستاعنو بالشهدة ديالها
ايمان وكمال بقاو كيحنزو فبعضهم من غير كلتوم وتورية لي محاملينهاش اما ليالي واقفة وغايبة على الوعي كتفكر في انها غتكون سباب في دفن حبها ولكن ما بليد حيلة يا اما حبها او حياة اعز الناس عندو وعندها
#فلاش_باك
كانت كتلبس حوايجها تكتسمع طيلي ديالها كيصوني قلباتو لقاتو حسام أووف هدا تاني هزات صاكها وكطلب ربي باش يعونها هي وحبيبها يله فتحات الباب تلقات فوجه مع حسام
ليالي:ماشي شغلك كنتي راجلي ولا نسيتي حنا مبقانا والو ونطلقووو متبقاش تحلم بزاف ودب عيحيد من طريقي
حسام:منصحكش تمشي وقت كينغد
ليالي :بدون فهم دارت كتشوف فيه علاش داوي
حسام :فانها ومشا كلس فوق نموسيتها ودار رجل على رجل سمعيني مزيان عديري داكشي لي بغيت غاده تمشي المحاكمه وتكولي شي لي عنكولك ولا عائلة حبيب القلب ديالك عتشوفيهم ميتين بعينيك
ليالي:شهقات لا ميمكنش كتشوووف ممرضه عدرب شوووكه فسيرووم دباباها هئ هئ عفاك حسام كولها تحبقتلخرجانش لا لا غيموت 😭😭
حسام:أم دب هد سم مده خمسه دقايق أنه يبقا عايش ويدير هب لأخره يله عندك خيار يابباك يا تمشي محكمه وتقولي دكشي لي كاين حسنلك...
#الحاضر
ليالي وهي مازال مصدومة غاده وكتمشا بكل ضعف وخا مبينه قوتها طلات فقاسم لقاتو كيشوف كيتبسم ليها زادت طلعات منصه شهووود جا محامي بدا كيوترها وكيطرح عليها أسئله محامي:بما أن مدام ليالي كانت شاهده على جريمه قتل ولهدا تقدري تكولي دكشي لي شفتي
محامي دفاع:لا سيدي قاضي هي مكانتش حاضره وهي جات لهنا كأنها شاهد عيان
محامي:مدام ليالي تقدري تكولي اش طرا
ليالي:هزات راسها فقاسم وعينيها غرغروو دارا عند محامي احمد داك نهار أنا كنت مع موسيو قاسم وهو دخل لداك عنوان وبقيت أنا فطنوبيل وملي تعطل مشيت تكنسمع غوات فتحت لباب بانلي شاب ميت وقاسم واقف على راسو
محامي:شكرا مدام ليالي تقدري تفضلي
محامي حياة:سيدي قاضي كي مفهمنا من مدام ليالي أنهو مشا بدافع القتل وهنا طرات بيناتهم صراعات لأدى إلى أنا سيد قاسم قتلو بدافع إنتقام وأدله كلها ضدو سيدي قاضي وزيد عليها شهاده مدام كتبين كل شي ولك واسع نضر
قاسم:صعر وناض كيغوت أنا مقتلتووووش مقتلتوووش وكيشوف فليالي
قاضي :ضرب قاضي بمطرقه تاعووو سكوووووت سيدي سكتو وإلى عنطروووو نخرجوووه على برا نسمعووو شهاده ممرضه
دخلات ممرضه وعطات شهدتها على أنا مدام حياة كانت بغا تقتل مسيو قاسم وأنا ولدو قاسم كان عندها وميمكنش يقتل شي إنسان القاضي من بعد مسمع شهوووود علن على أن شهووود ضدو ومحكمه حكمت عليه لمده عشر سنوات قابلة لاستناف
ليالي:وقفات عندووو بتحدي وهزات يدها فوجهو معمرني عنكون ليك ولا عتجمعنا شي حاجه من غير كره كتفهم وقاسم معمرك غادي تأديه نت أوسخ إنسان شتو كنشمأز منك
حسام:هي كدوي وحسام كيشوف فيه فلوقت لي شاف قاسم خارج من محكمه جبدها من خصرها لعندو. كيدوي فودنها ديري عقلك ورساي ولا نساي باباك حبيبك ( بصوت مجهد ) حياتي نتي درتي لي عليك يلاه نمشيو
ليالي:دارت شفت فقاسم وقفات قدامو بندم مكرهتش تعنقو وتقولو أنا عنكون ديما معاك انا ماشي لخاطري اديتك ولكن دموعها خانوها وهي واقفه قدامو بغا غير تحط يديها على وجهو وتحسسو مكرهاتش تشد من ايدو ويخرجو من هنا بحال مواقع والو اما قاسم كان لداخل ديالو كيغلي خصوصا ملي شاف حسام مكرهش يهز لفردي من لحزام ديال لبوليسي ويتيري فيه
حسام:وقف كيشوف ببتسامه جنب زاد من قدامو وضار شاف فيه نتمنالك موسيو قاسم راحه نفسيه فبيتك جديد أوووه نسيت حبس زاد خلى قاسم كتشوى
قاسم ركبوه فسياره شرطه وإيمان تبعات حسام شداتو من يدووو وهي موركا عليه حبس نت
حسام:أش بغا نت حيدي يدك
إيمان:نت بديتي هد لعبه ونا عنساليها هاحنا عنشووووفو عندك 30دقيقه يتعطيني دليل برائه قاسم ولا عنتصرف وديك ساعه عتولي فضيحه ساعه سي حسام صاحب أكبر شركات في المغرب متورط بجرائم قتل ونصب واحتيال ومتورط ببمخدرات أه صديق ديالي كيساين غير إتصال مني ونشوفو فضيحه صباح
حسام:لي فجهدك ديريه قاسم غيتعفن فلحبس ....وباش عرفت ان عندك دلائل
إيمان:أه عندي دلئل متلا قتل داك لولد هدا دليل كافي يدخلك سجن تعفن فيه وزيد محادتتك مع رئيس اكبر عصابة ديال المخدرات وحياة كيف كتشوف هاهي مشات لحبس ولبنت لي شهدات مغاديش تلقاها غير كون هاني او من الاحسن واقيلة نخلي الاب ديالك يفهمك
حسام : كيفاش
ايمان : انا سيفطت للاب ديالك دليل من هادوك لي عندي لي كنوضح فيه تلاعبك بالبضاعة ديال الشركة وتهريب فيها المخدرات ( شافت فساعة ) اممم غيكون وصلو
حسام شد دراعها:بعصبيه نت منين عرفتي هدشي...شكون نتي
إيمان تنترات منو :مهم هو دير لي كتلك ولا حياتك عنرضها جحيم وكنضن ليالي ديالك لعرفت هدشي غدا تلقا دليل ضدك مغداش تبقا معاك بإختصار عندك حل واحد تجبد دليل برائه من تحت الارض يتمشي لعند قاسم لحبس وداك ساع تفاهمو
إيمان:ههههههههههه متنخافش من بحالك وزايدوون معندكش وقت كافي باش تشرط على كل حال يدير دكشي لي كلت ولا شوف بعينيك أش بوقع ليك ًباي
حسام:دوز لابيل لبلال :أاووو بلال بغيت دب تجيبلي شي شخص لي قتل صلاح يعتارف بلي هو لي قتل ماشي قاسم دب بغيتووو طير جيبو من تحت لارض ....ماشي سوفي دير بلي كانو عندو خلافات معاه
إيمان:سمعاتووو وزادت مشات وقفت حدا محامي خاصنا نديرو إستئناف مهم وحد شخص دب غيجي عنحاولوووو نديروو مفجهدنا باش ميزيد تنهار قاسم فلحبس أنا عنمشي دب نشوف أم دقاسم داوها مستشفى نطمئن عليها من بعد عندي شي شغل نخليك نت تكمل إجرئات كنتيق فيك أعمي
من بعد مخرجات من محكمه وهي منهارا ركبات فطنوبيلاتها ومشات متنفس ديالها وحيد لبحر لبلاصه لي عندها فيها راحه تامه كتحس بهوا كيدخل بارد و شعرها بني كيرجعو ريح لور عنقات راسها طلقت دموعها وهي منهارة كتغوت سمحلي حبيبي مكانش بيدي حيله 😭😭😭 تتفشات تفكرات بابها لي فلمستشفى مسحات دموعها ماهي إلى دقائق وصلات لدخلت لشمبر ملقات حد تخالطوووو عليها أفكار بدات كتغوت بهيستريه لا يابا أطباء سمعوووها كتغوت وكتبكي ولي جا كدفعووو جات مريم كتحاول تهدن فيها والو أما نور فغير واقفه ودايره يد فيد وكتشوف فيها ضربولها مهدئ وحطوها فوق بياص بقات كترخا وجوج كلمات لي كتقول قاسم وبابا سمعتها مريم بقات شدالها فيدها غطاتها وكالت نور تبقا معاها مشات لغرفه تانيه
نور:كتمشا بخطووات جيهتها جابت كرسي وحطات يدها على شعرها وكتلعب فيه بدات كدوي
نور : نتي دب ناعسه مغداش تسمعيني.... عارفه راسي أديتكم كلكم ونت لوله ولكن سباب فدمار حياتي كنت ديما نت لوله ونا أخره لمن جيهت بابا لي كيبغيك كتر مني أميره ديالهم ولا حب ليلقيتي وملقيتوش وخا كنت عاميه كنت ديما كنحاول نكون حسن منك أي حاجه كنت كنبغيها كتاخديها لي من يدي من صغر كانت أول مره مبقيتش كنبغيك جابلك بالي مونيكه ورديه كنت أنا لي بغاها ماشي نت محدك كتكبري وإهتمام كيزيد من جيهت بابا ليك الحاجه لي كتشريها كنمشي ناخدها. ونهرسهالك نهار درتي كسيده وعميتي مكنتش بغاها ليك علاش نت هي مولاة عقل وأنا هي طايشه كيفما كيكول بابا علاش نت حققتي بزاف فحياتك ونا غير ديك مسخه لي كنقيل دور مع صحباتها وبيران نتوما لي رديتوني هكا وأكتر حاجه خديتيها مني حبيبي حسام أنا لي كنت كنبغيه وكنحاول نتقرب منو ودرت مستحيل باش يكون ديالي من صغر ونا بغاه ليا علاش مزوجونيش أنا بيه أه حيت أنا هي طايشه ونت هي كل شي أنا سباب باش بابا هكا مكنفعكم فوالووو عنحاول نبعد عليكم حيت كنجيبلكم غير مضره ولكن خديت واحد حاجه لي زوينه عتبدل حياتي ولكن مغداش نخليه يلعب بيا وبيك غادي ناخد حقي بيدي باستها على جبينها وخرجات...
إيمان تنترات منها : طلقي مني ( ايمان توترات ولات كتمشي وتجي ) بغيتي تعرفي انا شكون ههه انا هي لي خططات لهدشي كلو باش تكوني هنا ليوم وتخسري كاع لي عندك من اول نهار وصلاتك فيه صورة الميتم للادلة لي وصلتهم لراجلك قاسم ولحتى قاسم لي انا قلبت عليه وجبتو لباه ..... فصارحة كان خصك نتي تموتي ماشي صلاح نتي خرجتي ليه على حياتو
حياة جلسات وهي مصدومة : لا لا هدشي ماشي معقول
إيمان : علاااش علاش ميكونش معقول حيت مكانش جزء من خطتك ياك ... دابا لي جابني عندك هو اتفاق غادي تنازلي على الاسهم ديالك وديال صلاح لقاسم ومقابل هدشي غنعطيوك الدليل لي كيأكد بلي صلاح لي قتل قاسم وماشي نتي وهاكا غادي تحاكمي غير على التزوير والتحريد وتقدري تمتلي شويا وطيحي شي دميعات وتقولي بلي ندمتي وغادين ينقسو ليك فلعوض متدوزي 30 سنة غدوزي غير 10 او 6 نتي وزهرك واخا كنت حابة نشوفك كتعفني فلحبس لكن قاسم اهم
حياة غير كتشوف فيها وفي دماغها كيدوز فلم حياتها كلو
إيمان: فكري وغدا غنرجع عندك معندكش لوقت خرجات من قاعة زيارة وهي قريبة تنهار كانت كطلع النفس غير بزز وحياة نفس الشئ جاو الحراس يرجعوها لزنزانتها وهي دماغها مزال مسافر لنهار ولدات في السبيطار ولقات راسها والدة بنت ماشي ولد نخليوها مع ماضيها وضميرها لي عاد بدا كيصحى ونرجعو عند ايمان لي وصلات لصيارتها وبطلعات مي مقدراتش تسوق بدات كتبكي بوجع كل انسان كتجيه لحضة ضعف مهما كان قوي وكتجيه لحضة تشتت مهما كان مخطط لحياتو وواتق من خطواتو هزات تيلي وهي كترعد دوزت نمرة بلال
بلال:ألو سنفورتي أش درتي
إيمان عطات دموعها لعنان : بلال عافاك تقدر تجي عندي
بلال : واخا واخا فينك نتي
دخل لشركة بحال شي طيارة غادي لمكتب ديالو وهو معصب كيغلي جات قدامو سكرتيرة غوت بوجهها حتى طارت من قدامو بلى متشعر حل لباب ديال المكتب حتى كان غيطير لبواني وردخو تتزعزع لقاه جالس بوق لبيرو
راشيد : ايه هرسها هرسها كنتي كتبني فيها
حسام واقف دار ايدو فجنابو وهو كيمشي ويجي بنفاد صبر : لواليد سمع كاع دكشي كدوب ودكشي لي قالت ليك ديك ايمان راه غير حيت دخلت قاسم لحبس مرضاوش وبغاو يلتخو الصمعة ديالي
راشيد : اهاه وانت باش عرفتني انا هنا حيت ايمان قالت ليا عليك شي حاجة
راشيد : انا لي مبقيتش غنسكت ودابا غتشرح ليا شنو واقع انا امنتك علي شركة فنيت فيها عمري باش وقفتها مغاديش نخليك تدمرها فلوقت لي انا كنزيد نبني ليك تروات اخرين....انا مفهمتش هاد قاسم شنو عندك معاه باه كان شريك مربح وعلاش انت شاد معاه الضد
حسام بعصبية : حيييت حاط عينو على مراتي وهي لاخرا طلبات طلاق مني باااش تمشي لعندوو
راشيد : منصدقش ليالي ديرها وحتي الى مبقاتش باغة تعيش معاك مغاديش ترغمها عطيها حريتها اصلا انت عندك نصف اسهم شركتهم
حسام : ماشي الاسهم هوما المهمين
راشيد : شوف مكيهمنيش هاد التخربيق ديالكم نتوما لبراهش غتنهي هاد لمهزلة فهمتي ولنفهم شنو كاين من ليوم انا رأيس مجلس الادارة وغنكون هنا مبقاش عندك لحق تكون فبلاصتي
في جهة اخرا كانو واقفين حدا لبحر في بلاصة خالية كانت كتبكي وتنخصص بحال شي بنيتة صغيرة
ايمان : انا معرفتش كيفاش قدرات هئ هئ كيفاش قدرات تخليني وتبنات ولد بلاصتي باش تاخد لفلوس باش تكون عندها قيمة هئ هئ حياتي كلها وانا كنحس بلكره ليها كبرت في خيرية ومن بعد تبناتني مرأة عاملاتني مزيان ولكن ديما كنت كنحس بنقص ديما بغيت نتاقم درت كاع لي فجهدي باش نرجع وندمرها حيت تخلات عليا تقربت من بابا ودرت كاع لي فجهدي باش ناخد منو التقة والحنان عرفت عندي اخ حتى هو محروم من حقو رجعتو ليه ومن بعد محققت كاع هدشي ووقفت قدامها وهي مدلولة كنت باغة نفرح ونحس بالانتصار ونقول ليها بلي انا كبرت ودرت اسمي وبلاصتي بلى بيك لكن محسيت بوالو لا بفرح لا بكره لا والو كنحس بلبرود هئ هئ
بلال عنقها : نتي مزال عندك عايلة بغاتك او كرهاتك كيبقى عندك هدف انا كنت ديما عايش بدون هدف وباقي ولكن واخا هاكاك منبغيش نشوفك هاكا
ايمان : اه خويا واخا ماشي بصح لكن عاونتيني وساندتيني
بلال : امم واخا ممكن نمشيو حيت خوك قرب يمشي فيها لان حسام شاك فيا
ايمان : مغنسمحش ليه
بلال : اودي موتي حسن من حياتي
قاسم وهو راسو مبين يديه في نفس الحبس كيشوف مو لحاله لي وصلات ليها و ليالي لي مفهمش تصرفها كيحس ان هاد الموضوع وراه شي حاجة تعصب وقف وضرب يدو وعاود ضربها مع حيط بقى كيضرب وهو كغوت ضار كيشوف حارس كيحلو الباب
محامي:دخل عندووو مسيو قاسم مال يدك كتسيل بدم
قاسم شاف في ايدو:معليش قول أش جاي يدير والوليده شويه دب أش وقعات شي حاجه
محامي:لا خبراتني إيمان بلي مكاين لاش نخافو كل شي هو هداك غير نزلها ظغظ شويه هد ا لاش
قاسم:حمدالله لاش جاي
محامي:إيمان قدرات تكلف وجابت شخص لي قدر يقتل صلاح وتكلفات بإسقاط جريمه عليك
قاسم:دب صافي إجرئات سلاو ولكن كيفاش دارت وعلاش فلول بغاو يدخلوني فجريمة قتل
محامي:بتوتر معرفتش ولكن يمكن هي لي لقات القاتل نقدرو نخرجوووك دب من بعد متعطاو أدله وشخص سلم راسو معندكش لاش تبقا هنا خاص غير تسني على شي وراق
قاسم:يله راني تخنقت خرج ويدو لي مازال كتقطر مشا سنا وراق لي خاصهم يتسناو محامي:سي قاسم راه طنوبيل كتسناك
قاسم:صافي غير سير بحالك مشا ركب فطنوبيل كيحاول يقلب على طيلي ديالو
محامي:طل عليه وكيدق فشرجم سي قاسم كتقلب على هدا راه كانو عند بوليس هما وبزطام ومسائل ديالك
قاسم:أه نسيت مبقاش عندي عقل شكرا على كل حال بسلامه زاد بسرعه فائقه جيهت لمستشفى باش يطمأن علي مو هي الاولى
#ليالي
من بعد وقت داز بدات كتفيق وكتحل عينيها وراسها كيوجعها تفكرات باباها بدات كتبكي وهي مخبيه راسها تحت خديه وكتبكي بدون حس تدخلات مريم حيدتلها خديه على وجها مالكي ابنتي رجوع الله
ليالي:هئ هئ بابا ماما مشا. ياكي هئ هئ شنو وقع
مريم:كدوز يديها على شعرها الله يحفظ ابنتي باباك مطرالو والو غير بدلولو شمبر نتي معطيتيناش فرصة نشرحو ليك وفقدتي وعيك
ليالي:بفرحه كيفاش واش مكضحكيش علي بصح اماما وفيناهو ناضت من بلاصتها عفاك ديني عندووو
مريم:ناضت دخلات وشدات يدها تدخلو لشمبر لاخر
ليالي:غير فتحات ليها الباب نقزات عندووو وكتبوس فيه وفي يديه وكتشوف وجهو لي صفر وألات لي ضايرين بيه خيوطه فكل أجزاء جسمو مريم خرجات وخلاتها معاه كدوي وهي حانيه راسها وناضت كتبكي هئ هئ محتجاك ابابا ايمتى غتفيق وعدتيني عتوقف فجنبي ياك كلتي أنا عنبقا معاك وفيق باش توفي بوعدك انا مبقيتش قدرت ابابا هئ هئ ليوم خنت حب حياتي وضيعت ليه حياتو بيدي شنو ندير غير قول ليا مكنتش نقدر نسمح فيك صح دغيا باش نرجعو لدار وتقولي شنو ندير انا تلفت هئ هئ
ليالي:ضارت فجنب ديالها لقاتو كالس وحط رجل على رجل
ليالي : شنو كدير هنا ?
حسام: حشوما منجيش نشوف نسيبي
ليالي:نت أكتر وحد حقير عرفتو فحياتي
حسام:ونت أحسن مره فلعالم وقف وجا جيهتها عنقها متوحتيش راجلك
ليالي:بعدمني يله نخرجو من هنا خلي بابا يرتاح
حسام زاد قرب : علاش متقوليش ليه بلي قربنا نجيبو ليه شي حفيد يقدر يتشافى بالفرحة
حسام قرب عندها وعنقها وهو خاشي وجهو في شعرها كيشم ريحتو : شششش متبكيش مزال غديري كاع لي غنطلب منك فهمتي والى مقبلتيش كاين الف طريقة وطريقة باش نخليك تقبلي
ليالي زادت فلبكى وهي مستسلمة ليه مبقاتش عندها لقوى باش تقاومو
حسام:عتمشي عند قاسم أكيد غادي يتصل بيك
ليالي:واش كتخربق هو خرج من حياتي وبسبيتك هو دخل حبس الله ياخد فيك حق
حسام شدها من لفك ديالها بشوية باش يتبت عينيها في عينيه : سمعي ...عتكوليلو معمرو يولي يدخل حياتك وعتقطعي علاقتك معاه بمرة قوليلو فكرتي ولقيتي بلي مبقيتيش كتبغيه وحياتك معايا او اي حاجة لمهم يتقنع وإلا وقسم لنوريك اليالي وجهي لاخر حسن متجربينيش
ليالي:عندير لي عجبك خرج من قدامي دب مبغيتش نشوف وجهك
حسام؛وهو مغزف مقدرش يأديها جرها من دراعها : اخر مرة ديريها انا مكنقدرش نأديك ولكن نقدر نأدي ناس عزاز عليك ..... خرج وزدح الباب
ليالي:بست بابها من يدو وراسو وخرجات غير سدات لباب هو حل عينيه كان كيسمع كلشي كاع المعانات لي كتعيشها
مريم :أشنو بنتي تصلحتوووو هي عترجعي معاه
ليالي:خنزرات فيها عنداكي بابا هنا غاده لدار زادت يله عتقطع لطنوبيل ديالها فشاريع لخر غدا كتمشا تتسمعات صوت فرامل ديال شي طنووبيل
ليالي مخلووعه حطات يدها على قلبها ودورات وجها شافتو جاي جيهتها صدمه وخلعه فرحه كل شي تخلط عليها.....
قاسم:جاي جيهتها بعصبية واضحة على ملامحو
ليالي:تخلطو عليها مشاعر معرفت واش تعنقو وتشم ريحه لي كتاخدها لعالم لحب وعارفه متقدرش هو ماشي ديالها
قاسم:واقف وكيشوف فيها دوزي طلعي نمشيو ندويو
ليالي:تفكرات هدرة حسام مقدراتش تزيد ميمكنش تلعب بحياة جوج أشخاص روحهم بين يديها ... ممكن تخليني ندوووز وتحيد من قدامي
قاسم بنفاد صبر : شدها من يدها وغادي بيها
ليالي دفعاتو ترخات يدها من يدو : قلت ليك طلقنييي
قاسم جبدها لعندو وهزها قدامو ومزير على خصرها وهي كتزوي وكتغوت : رخيني طلق مني
قاسم كيشوف فيها بكل عصبيه حطها فكرسي وكيديرلها صمطه : غير رتاحي مغاديش نبعد منك حتى نفهم منك كلشي
ليالي:ورخيني مبغيتش نمشي معاك مكتفهمش
قاسم:سدلها حزام أمان وخبط الباب تتهزات من بلاصتها طلع حداها فطموبيل وزاد عفطه وحده موقف توقف جيهت لبحر هبطي ندويو
ليالي: مبغيتش نهبط بغيت عنمشي بحالي
قاسم:مغدياش تهبطي هبط داز من جيهتها فتح الباب وحلها صمطه وزاد جرها من يدها وهي كتخبط فرجليها بقا غادي جارها توصلو البحر دورها قدامو لاش كلتي هكاك فالمحكمه ها حسام كيهددك ياك ( حط ايدو على وجهها ) شوفي فيا
ليالي بتوتر : أنا كلت غير دكشي لي كاين
قاسم: ليالي انا كنفهمك ....كنفهمك من هاد لعينين لي قريتهم قبل ميشوفو النور متقدريش تخبي عليا
ليالي:غير كتشوف مقادره تكول والو من غير عينيها لي دمعو
قاسم:جبدها لعندوووو وعنقها توحشتك بزاااف كيدوز يدو على وجها حط يديه علة عينيها توحشت هد عوينات خضيضرين لي كيحمقوني وهد نويف لي داغي كيحمار وحنيكات كيتزنكوو وبتسامه لي سحراتني أول مره شفتها
ليالي:عنقاتو وبدات تبكي
قاسم:كيمسحلها دموعها وكيقرب منها تتلقات شفايهم مع بعض دخلو فعالم حب وشوق وحنين
ليالي:وعات على راسها تفكرات تهديدات حسام دفعاتو نت أش كدير متوليش تقيصني أنا مزوجه وكنبغي راجلي بعدمني فهمتي
قاسم:بدون فهم شدها من يدها وزير عليها كيفاش كتبغي راجلك نت كتكدبي على راسك ماشي علي
ليالي:ألا أنا كنت كنبغيك فلماضي أما دب عندي حاضر واحد لي هو حسام معمرني عنطلقو وحنا عنعيشو بجوج ونا رجعات معاك غير رجعتلك دكشي لي درتيلي ملي خليتيني فهمتي أنا .... انا غير نتاقمت منك
قاسم:شدها من شعرها كيفاش واش عارفة راسك أش كتكولي كنت بنسبه ليك غير أدات إنتقام أنا قتلك معمرني خليتك شوفي فعينيا وكوليها كولي مكتبغينيش
ليالي:كتحاول تبين راسها قويه وهي عافيه شعله فيها كتحس بقلبها كي تحرق مقدراش تكولها
قاسم زاد زير على شعرها وكيغوت وهو كيشوف في عينيها :كوليها يلااااه شنو كتسناي ليالي:شافت فيه بكل جرأه أنا أقاسم مكنبغيكش ومبغيتش نولي نشوف خرج من حياتي فهمتي انت مكتعني لي وااالو
قاسم شاف فيها بعينيها لي حمر كي جمر مبقاش عرف شنو يدير كيشوف لكدوب في عينيها وحتى لخوف لي قدامو ماشي هي ليالي ليالي مخبعا لداخل ديالها وكتغوت على حر جهدها وتقول ليه عافاك متخلينيش ومتيقنيش بعد منها جوج خطوات : هنا عنخرج من حياتك متوليش تشوفيني مازال قريب منك
مشى وهي طاحت في الارض
ليالي:غير شافتو زاد بقات كتغوت من كل جهدها وكتبكي سمحلي أقاسم كنبغيك وكنموت فيك من أحسن منكونش فحياتك سمحلي عدبتك معايه بزاف ومازال تنعدبك...
#قاسم
من بعد متفارق مع ليالي ركب على سيارتو نيشان رجع مستشفى عند أم ديالو دخل كيسول عليها عطاتو ممرضه رقم غرفه ديالها مشى دخل عندها لقى طبيب كيعطيها فنصائح باش تنتابه لصحتها قاسم واقف خاشي يد فيد وكيشوف فيها كيفاش كتسمعو
الطبيب :: لباس عليك الحاجة غير هو راك عندك خصك تهلاي في راسك انا غادي نكتب ليك شي فيتامينات وحتى ريجيم لي خصك ديري راك عندك السكر.....
توريه غير شافتو بلفرحه مشات كتجري تلاحت عليه عنقاتو : قاسم هدا انت ولكنحلم ....خرجتي صافي
قاسم بعدها عليه : احم اه خرجت
داز كيجري عند مو عنقها وكيبوسلها راسها ويديها وهي كتشم فريحتو ودوز يديها على وجهو توحشتك وليدي كتبوس وتعنق فيه واش خرجوك صافي
توريه:كيفاش خرجتي ( شافت ايدو وطارت عليها ) قاسم مال ايدك واش لاباس عليك
قاسم:ضار عندها مزيان دب خاصني غير شويه راحه ( رجع شاف في مو ) صحتك اميمتي شحال من مره كنكولك تهلاي فصحتك
أم:وليدي يكما غادي ترجع داك البلا ديال الحبس
قاسم:لا ميمتي متخافيش صافي هنا معاك وعنبقا معاك
أم:الله يرضي عليك ولدي بعد من هادوك الناس انت ماشي من طينتهم
أم:إلى كنت ولدي ولد كرشي غادي تسمعي كلامي ودير بري أما لكنت غير عتسمع هدرتي وتعاندي فراك منت ولدي منا مك أنا وليدي بغيت نشوفك فرحان بغيت نموت ونا مطمنه بلي غادي تبقا سعيد
قاسم عارفها شنو باغة تقول : صاف اميمتي ماشي وقت هاد لهدرة دابا الله يطول في عمرك ....
أم:متقطعنيش اولدي توريه وحيده لي كتبغيك بزاف وغادا تصبر معاك نت أقاسم بغيتي شخص الغلاط لي هي ديك السحارة لعبتلك بلعقل وشهدات فيك بلي نت لي قتلتي أولدي إلى كنت مك لي هزاتك تسعه شهر وتعدبات عليك بغيتك غير نشوف زواجك نت وتوريه بغيتك تبدا معاها حياة جديده وعنرجعو عنديرو خطوبه رسميه وها سخط ها رضا عنبقا غضبانه عليك طول حياة
قاسم:العافية لي شعلتها ليالي فقلبو ومقدرش يحيدها من بالو هو باغيها هي ولكن تمشي رياح بما لا تشتهي السفن كون عطاتو غير طرف لخيط كان ميتخلاش عليها ولكن دابا مشطون من مو : وخا ميمتي ميكون عخاطرك بغيت زواج عيكووون ناض باس على راسها وزاد مشا خرج برا تخنق
توريه:تلقاتو قدامها مالك أش كاين وش خالتي بيها شي حاجه
قاسم:لا والو غير سيري لبسيها باش نرجع نديكم.....
خرج من لمستشفى وقف غير كيشم لهوى وكشفكر شنو غادي يدير جبد تيليفون ديالو وعيط ل ايمان ديما هي لي كتعاونو هي ملاكو الخفي واخا باقي معرفش علاش كدير هدشي
قاسم : واخا ...ادا نتلاقاو في الشركة بلى متجي عندي هنا حيت غنخرجو لواليدة دابا غادي نديها لدار ونجي عندك
ايمان : صافي تافقنا غتلقاني كنتسناك
قاسم قطع وهي قلبات الضورة ورجعات شاف في تيليفونو لي كيصوني معرفش الرقم تردد باش يجاوب حتى قطع ولكن عاود كيصوني تاني هاد لمرة جاوب
قاسم : الو شكون معايا
نور : الو قاسم انا نور
قاسم : نور....
نور قاطعاتو : قبل اي كلمة عارفاك متفاجأ حيت عيطت ليك وكتسول راسك شنو بغيت منك ولكن انا ضروري خص نشوفك من هنا لساعة غندوز لعندك لشركة خص ندوي معاك ضروري اقاسم
قاسم : شنو هاد لموضوع لمهم لي غيجمع بيني وبينك
نور : كيخصك انت وليالي هدشي لي نقدر نقول
قاسم : ياكما شي فخ هدا الى مفخباركش راه ليالي باغة تكمل حياتها مع راجلها
نور : قاسم عافاك غنتلاقاو وتفهم كلشي الامور ماشي كيف فاهمها
قاسم : واخا
ندخلو عند تورية كانت كتلبس كلتوم دق رضى فلباب ودخل
رضى : كيف بقيتي امي كلتوم
كلتوم : لباس اوليدي
رضى : تورية لباس عليك
تورية : اه لاباااس
رضى : شفتكم فرحانين فرحونا معاكم
تورية : قاسم خرج من الحبس راه عاد كان هنا
رضى : بصح ايوا على سلامتو
تورية شداتو من ايدو وخرجاتو : اجي معايا غيكون غير هنا ....شفتي داك السحارة ديال ليالي ملي شهدات ضدو وبغات تغرقو بنت لحرام دابا مبقاش غيشوف جيهتها اكيد ....
رضى قاطعها وضورها عندو : تورية قاسم راه مكيبغيكش
تورية كتشوف فيه وجمعات ضحكتها وتنترات منو : اه عارفة ومن بعد
رضى : حرام عليك نتي تستاهلي واحد يبغيك بحال كيف كتبغيه او كتر
تورية : هو غيبغيني غادي يبغيني بحال كيف كنبغيه غير نصبر مبقاش بزاف ( رجعات كضحك ) اصلا واقف باش نديرو خطوبة رسمية ونحددو نهار زواجنا كلشي غيعرفنا
مخطوبين
رضى : مخاديش يتزوجك اتورية علاش مبغاش تفهمي حلي عينيك وشوفي غير حداك غتلقاي لي مستعد يحطك في عينيه
دخل لشركة من بعد موصل مو وتورية لدار وشاف رضى ودوا معاه طمأنو على حالتو لاحض انو ولى بعيد منو هاد الايام يمكن بسباب تورية مبغاش يشغل راسو بهدشي حتى يحل المشاكل المهمة دخل للمكتب ديال ايمان لقاها جالسة خدامة كتسناه
ايمان ناضت وعنقاتو : قاسم على سلامتك فرحت ملي خرجتي
قاسم مستغرب من تصرفها : احم شكرا لفضل ليك ولسي كمال
ايمان : متقولش هاكا جلس خص ندويو
قاسم : اه بصح عندي ليك شي خبار
ايمان : بصح اذا قول انت الول
قاسم : عيطات ليا نور وقالت بلي غتجي عندي من هنا لساعة عندها شي حاجة مهمة متقول ليا
ايمان شافت في الساعة : شنو باغة هادي تاني
قاسم : معرفتش غتجي ونفهمو
سمعو الدقان في لباب
ايمان : دخل
السكرتيرة : انسة ايمان انسة نور كتسول على سي قاسم
ايمان : دخليها هنا
نور دخلات وشافت في ايمان : سلام
قاسم : تفضلي
نور : ممكن ندوي معاك بوحدنا
قاسم : تقدري تدوي ايمان مكنخبي عليها والو
نور : بففف معرفتش منين نبدا لكن انا بغيتك تعاوني باش نتاقم من حسام وفي لمقابل غادي تولي ليالي ليك
قاسم شاف في ايمان : مفهمتش ليالي بنفسها مبقاتش باغاني وزيدون نتي شنو عندك مع حسام
نور حطات ايدها على كرشها : لي عندي معاه قصة طويلة لكن ليالي ماشي لخاطرها هو كيهددها باش يقتل بابا ويقتل ماماك الي فكرات ترجع ليك وهو سبابو حتى وصل لهاد لحالة
ايمان : نتي حاملة....حاملة منو
نور : هدشي مكيهمش دابا لي كيهم هو ان حسام ماشي بشر ماشي انسان ميمكنش نسمح ليه يبقى ساجن ختي عندو وكيدير فيها لي بغا انا ندمت حيت ديما مكنتش اخت مناسبة او بنت يفتاخرو بيها عايلتها لكن مزال مفاتش لحال
قاسم : وشنو نوع هاد لنتقام واش بنت ليك انا سفاح
نور : اكيد مغنطلبش انك تقتلو لكن نقدر نجيب معلومات من شركتو ونقدرو لتعاوننا نحررو بابا من تحت ايدو باش ميبقاش يهدد ليالي
قاسم شاف في ايمان
ايمان تنهدات : لي بغيتي انا معاك
قاسم : واخا انا غنلقى طريقة نخرج سي شوقي من هاديك لمستشفى وحتى لواليدة راه ميقدرش يوصل ليها غادي نبدل كاع لخدم لي فدار وحتى لعساس ونزيد حرس الامن
نور : واخا تافقنا
قاسم وصلو ميساج فيديو حلو باستغراب وهو كيتسناه يطلع
ايمان شنو هدشي
قاسم معرفتش رقم غريب
بشوي بشوي بدات كتوضاح الصورة خدم لفيديو وركز معاه وهو كيشوف ايمان جالسة مع حسام في كافي
حسام : غتعاونيني باش نفرقو على مراتي
ايمان : اه غادي نعاونك
حسام : صلاح غيكون غدا في هاد لعنوان بغيتك تسيفطيه ليه باش يمشي لعندو وقبل غتسيفطيه لعند لممرضة
ايمان : واخا غير هو متحاولش تلعب شي لعبة مسخة
حسام : تو تو تو حشومة حنا شركة دابا
قاسم بقى مصدوم هز فيها راسو وهو معارفش شنو يقول لقاها حاطة ايدها على فمها ودموعها نزلو
بين قلبين حب أعمى الجزء الخامس
محتوى القصة
التنقل بين الأجزاء