نمشيو عند واحد الشخصية غبرات علينا تورية قررات وخدات قرار حاسم ميمكنش تعيش فارضة راسها على شخص مكيبغيهاش وكيبغي وحدة اخرا وحتي لى قبل تكون معاه غيكون مجرد عطف وشفقة منو وغيبقا ديما في وسط فراشو معاها كينطق سمية غيرها قررات تعفط علي قلبها وتدفن هداك.الاحساس لي يمكن كيف كيقول هو مجرد حب مراهقة هي عاشة محرومة الام وكملات محرومة من الاب وعندها غير كرامتها مغترداش تسمح فيها خص لي تعيش معاه حياتها يبغيها ويعزها من بعد مدوزات ليلة لبارح في دارهم لي كانت عايشة فيها مع باها بغات تبقى وحدها وتبعد عليه حتى المدرسة ممشاتش ليها دابا غترجع لدار عند كلتوم باش تهدر معاها
قاسم وصل لمستشفى من بعد موصل ليالي ومقال ليها والو خصو حتي يعرف الوضع كيفاش داير معرفش كيفاش غيقول ليها نزل من سيارتو ودخل لمستشفى لي قالت ليه ضغيا لقاها كانت كتمشي وتجي في واحد الممر
ايمان تلاحت فيه : قاسم الحمد الله لي موقع ليك انت والو
قاسم : مفهمتش اشنو واقع شرحي لي ونور كيف راها
ايمان تنهدات : حالتها صعييبة فقدات الجنين ودابا راه غيخرجوها من غرفة العمليات ولكن مزال مختفيقش تال صباح
قاسم ;9: ولكن كيف وقع هدشي قلتي حسام حاول يقتلها وبلال بلال ياك قلتي كتعرفيه
ايمان : حتى انا مزال ممتيقاش ولكن حسام ساومو بحياتو او حياتها وانا وصلت فلوقت لمناسب ومنعتو ودرنا خطة دابا باش ميرعرفش بلي نور مزال عايشة هاد الطبيب لي عالجها كنعرفو ميقول والو وملي غتفيق غنسفروها على برة حتى تقاد الاومور
قاسم شافهم مخرجينها في لباياص من بعد لعملية سادة عويناتها ووجها مجروح وصفر حس بقلبو تقبد للحضة جاتو بحال ليالي حيت كيشبهو لبعضهم بزاف عرف براسو انو كيتعامل مع واحد خطير بقات فيه بزاف كيفاش غتكون حالة ليالي لشافتها شاف في ايمان لقاها كتبكي مستحملاتش لمنضر عنقها
قاسم : ششش صافي متقوليش هاكا هدشي مكتاب اجي ندويو مع الطبيب باش نمشي لدار شحال خصنا نفكرو مزيان كيفاش غنهيو هدشي
دخل لدار عيان ودماغو مخربق من بعد موصل ايمان لدارها وامنو علي نور مع الدكتور لي كتعرفو جاي باغي غير يرتاح ويفكر كيفاش غيخبر ليالي وكيفاش غادي يقنع مو انو غيمشي من هنا هو وياها
كلتوم كانت باركة في الصالة غير شافتو ونتضت كتجري : ولدي على سلامة في غابر من صباح عيطت ليك ومجاوبتيش
قاسم جا وجلس حداها رما تقلو كلو فوق لفوطوي عاااد تفكر بلي خصو يقول ليها ان ايمان صدقات ختوو : غيير لخدمة وشي مشاكل شافها مجاوباتش ياك.مكاين شي باس
تورية واقفة قدامهم بتاسمت بسخرية وهي كتلعب بخاتم الخطوبة في ايديها : زعمة كنهمك
قاسم : تورية مفياش مندخلو فشي حوار تافه خصوصا فهاد لويت وقدام الواليدة ولاش هازة باليزتك
تورية : لا غير كون هاني انا مباغاش نزيد نصدعك مزال ونكون حمل تقيل عليك كتفكر كيفاش غتفك منو ...انا ...انا فكرة اخالتي ولقيت بلي انا وقاسم من الاحسن نبقاو خوت منصلحوش لزواج شكرا على كلشي درتيه على قبلي اخالتي وشكرا حتى انت اقاسم انا غنمشي لدارنا ونبدا حياة جديدة بوحدي
كلتوم : كيفاااش اش هاد الهدرة كتقولي اتورية ودابا وليت خالتك مبقيتش ماماك فين باغة تمشي وتخليني شافت في قاسم عجبك لحال دابا فين غادي تلقى وحدة حسن منها
قاسم غير مصدوم من كلامها وكيشوف
تورية : خالتي نتي غتبقاي ماما التانية وعمري غنساك وحتى قاسم سكتات وبلعات ريقها ..من ليوم غنعتابرو خويا هو مدار والو ومقال والو بلعكس ديما كان واقف في جمبي وعمرو خصر ليا لكن زواج ماشي لعبة انا كنت صغيرة ومعارفاش تعلقت بيه حيت كان ديما كيعاونني ولكن من بعد مفكرة مزيان انا لي قررت نفسخ هاد الخطوبة صافي غنشوف شي خدمة ونعيش فدارنا مدام مغنتزوجوش ميمكنش نبقا عايشة معاكم هنا
كلتوم عنقتها : لا ابنتي خليك علي الاقل هنا معايا هئ هئ انا مغنبزز عليك والو ولكن راني ولفتك
تورية تاهي عينها دمعو : غنبقا ديما نجي عندك وتنتي جي عندي راه الدار ديالكم حتى نتوما انا غنرجع لاصلي وحومتي وتما نبدا حياتي
كلتوم.شافت في قاسم : مغتقول والو
قاسم وقف وجا جيهتها : في الصراحة معرفتش منقول والله لحاجة لوحيدة لي نقدر نقول هي سمحي ليا نتي كيستاهلك واحد حسن مني لي يقدرك ويقدر حبك
كلتوم : صافي هدشي علاش قدرك الله
تورية بتاسمت ومدات ليه لخاتم ودموعها نازلين : خالتي الزواج مكيكونش بزز ....هاك حتى تعطيه للبنت لي انت باغيها
قاسم مد ايدو ومسح ليها دموعها : غتبقاي مسؤولة مني ومعندك فين تمشي حتى ندير ليك لعرس بلي كيستاهلك
كلتوم : ايوا هدا هو لكلام واخا متزوجيش بولدي نتي بنتي ومغتخرجي من هنا حتى نعرف راك في امان كيف واعدة ماماك الله يرحمها
تورية : لا غادي نمشي لدارنا غير سمحو ليا ولكن رمغنساكمش
قاسم : صافي كلمة وحدة قلتها مغداش تمشي وتعارضيني
تورية : سمح ليا ولكن هاد لمرة غنعارضك ميمكنش ليا اقاسم مدام مغنتزوجكش ميمكنش ليا نبقى معاك في نفس الدار صعيب عليا خليني ناخد وقتي ونتحمل مسؤوليتي انا مبقيتش صغيرة
قاسم كيشوف فيها : واخا لكن ماشي ليلة جلسي فحالك تال غدا ونوصلك
تورية حدرات راسها وهي كتمسح دموعها : صافي غير ليلة وغدا غنمشي
كلتوم عنقاتها : ليلة غنديرو احسن عشاء مجموعين
قاسم : احم حتى انا عندي ليكم شي كلام في صراحة معرفتش واش هادشي لي غنقول غيبان ليك خبار خايب او زوين معرفتش حيت حتى انا براسي ثعرفتش نصنفو
كلتوم : ياك لباس اوليدي الله يسمعنا غير خبار لخير
قاسم معرفش كيفاش يوصلها ليكم تنهد وخرجها : ايمان ختي
كلتوم وتورية كيشوفو في بعضهم
كلتوم : كيفاش ختك
قاسم : لمهم قصة طويلة ولكن لواليد ملي تزوج بحياة ولد معاها بنت وهي خباتها عليه وقالت ليه ولدت ولد ورماتها في لخيرية وربات صلاح بلاصتها
تورية : مسكييينة حتي هي كبرات يتيمة
كلتوم : وانت بااش عرفتي هدشي
قاسم : عرفتو وصافي لمهم اني متأكد منو وهي لي قلبات عليا باش تلاقيني مع لواليد وبغاتنا نتجمعو وتقول ليه الصراحة لكن مات قبل متعتارف ليه
تورية : صراحة بقات فيا وانا لي كان كيحساب ليا هي كتقرب منك
قاسم : هي فرحات بزاف ملي تقبلتها ومكرهتش الواليدة تنتي تقبليها وعتابريها بحال تورية و يريت لو تجي تعيش معانا حيت ممرتاحش لعيشتها وحدها
كلتوم : وهاديك حياة
قاسم : لا لا حياة دابا فلحبس وهي عتاربات بجرائمها وغتحساب عليهم وهدشي سعات فيه ايمان بنفسها لمهم كتبقى حرة تسامحها او لا شغلها هاداك ولكن هي مستحيل تخرج من الحبس قبل 15 سنة على الاقل ومن هنا ل هزاك لوقت غيتبدلو بزاف ديال لحويج
كلتوم : ايوا اش غنقول ليك انت تعرف لي تليق وانا في الصراحة ايمان كتجيني بنت ضريفة ومعقولة ومدام هي ختك مغنمنعكش توقف معاها
قاسم ناض باس على راسها : الله يخليك ليا الحاجة
كلتوم : وفينو الحج اوليدي
قاسم : تستاهلي وانا دفعت ليك طلب وانشاء الله غيقبلوه
كلتوم فرحات : بصح اوليدي الله يرضي عليك
قاسم : امييين
شاف في تورية حادرة راسها جرها تاهي وعنقها
قاسم : باش تجي تجوجي بناتك
حسام : كيفاش مكاينش علاش كنعطيكم لفلوس انا كيفاش يختفي بين ليلة وضحاها
الدكتور : جا واحد الشاب هو لي داه وللاسف كانو عندو ادلة هددنا بيهم باش يدخلنا للحبس لمعاملتنا مع المرضة ومقدرناش نمنعوه
حسام : ياااك ايوا اسيدي انا لي غنفضحكم دابا غير صبر عليا
الدكتور : سي حسام سي حسام
خرج وخلا الطبيب تيعرق في حويجو اب ليالي هو السلاح باش كان كيهددها مشا من بين ايديه اذا تاهي قريبة تمشي خصو يلقا منين يشدها كسيرا بالجهد ومشا لواحد الملهى يبرد على راسو علامن يطلع النهار ويعرف شنو يدير
طلع فجر يوم جديد كانت ليالي مشطونة لان مزال مسمعات خبار من نور لي كتعيط ليها وتيليفونها طافي اول مطلع النهار عيطات لقاسم
قاسم كان ناعس لي حتى هو عاد غفى غير فوق لفوطوي سمع تيليفونو كيصوني جاوب : الو حياتي
ليالي : صلاح الخير
قاسم : صباح النور و الورد احسن نهار غيدوز حيت صبحت على صوتك
ليالي بتاسمت : قاسم انا مشطونة على نور
قاسم تفكرها ومعرفش شمو يقول ليها بقا ساكت
ليالي : قاسم الو فين مشيتي
قاسم : انا معاك احبيبة واخا انا شي ساعة وغنعاود نعيط ليك اوك
ليالي : واش عارف شي حاجة
قاسم : ااا صافي رقلت ليك غنعاود نعيط ليك غير تهناي نتي رمكاين والو
قاسم قطع من عندها وعيط لايمان
ايمان : الوو صباح لخير
قاسم : صباح نور صافا
ايمان : صافا انا خارجة دابا غنمشي عند نور هي لولة حيت خص ملي تفيق تلقاني تم
قاسم : واخا انا من هنا لساعة غنكون عندكم خص ليالي تشوفها
تورية : احم قاسم واعدتيني انني صباح غنمشي ودابا خصني نمشي
قاسم : معندي منقول ملي نتي صممتي ولكن غتكملي لعام ديالك وانا غنشوف ليك خدمة مزيانة
تورية بتاسمت : صافي ماشي مشكل
كلتوم : ياك ابنتي صافي سخيتي بيا
تورية : صافي اخالتي رغنبقا نجي عندك وتنتي جي
ناض خدا لباليز ديالها خرجها لحارس حطها في السيارة وهي متفاكت مع كلتوم غير بلبكا اكيد راه بحال مها تربات علي ليدها مورا موت ماماها وزادت تعلقت بيها مورا موت باها ولكن هادي هي لحياة خصها تعتامد على راسها كاع حبابها مداموش ليها ركبات حداه في السيارة طريق كاملة وهوما ساكتين حتى دخلو لحومة
قاسم : انا غنعيط علي رضى باش يبقى داير بالو عليك
تورية : ماشي مشكل انا دابا في وسط حومتي وناسي
قاسم : تورية انا في الصراحة....
تورية قاطعاتو : متقول والو انت مدرتي ليا والو انا لي علقت راسي بحبال دايبة انا غلطة ونستحق لعقاب منكرش اني كنتشوي من لداخل ولكن غنحاول نسى ونلقى شي واحد اخر حسن منك حيت انت مكتستاهلنيش ههه
قاسم ضحك : ههه هادي عندك فيها لحق انا مكنستاهلكش ولكن هادا هو لقدر
تورية : بسلامة كنتمنى ليك السعادة وتقدر تجمع مع لي كتبغيها
قاسم : امين حتى انا كنتمنى تلقاي لي غيستاهلك
نزل نزال ليها حويجها وطلع كسيرا اما هي بقات واقفة قدام الدار لي تزادت فيها وكبرات فيها وحبات فيها وعاشت فيها احزان وافراح وهاهي رجعات ليها معرفاتش شنو مزال باقي غتعيشو فيها
خرجات عندو من بعد معيط ليها ملي وصل ايمان وطلب منها يتلاقاو اكيد بطريقة غير ملفتة باش ميتبعهمش حسام لبسات حويج الرياضة وخرجات على اساس غتمشا وملي وصلات لحدا لبحر ووقف عليها طاكسي كان رضى
قاسم قاطعها : ششش هي بيخير متخلعيش انا غنديك عندها دابا تشوفيها
ليالي : وعلاش قلتي لي ضبطي اعصابك هي شي حاجة خطيرة
قاسم : ماشي فصحتها الجسدية وانما النفسية نور كانت حاملة وفقدات لجانين حيت الحادت مكانش حادت وانما كانو غيقتلوها
ليالي كتزيد تصدم بدات كتبكي : كيفاش شنو كتقول شكون باغي يقتلها وكيفاش حاملة انا اول مرة نعرف هدشي ميمكنش هئ هئ كنت عارفة هاد لخفة ديالها غتخرج عليها
قاسم : صافي ششش متبكيش دابا الحمد الله هي بيخير
ليالي : ولكن فهمني كيفاش وقع هدشي وعلااش وشكون
قاسم خدا نفس عميق خصها تعرف كلشي باش توقف في جمب ختها : مبقا ميتخبا حسام هو لي حاول يقتلها حيت هي كانت حاملة منو
ليالي : كيفاااش حااملة من حسام
قاسم : علاش زعمة راجلك ميديرهاش
ليالي : واش انت عارف اش كتقول راك كتاهم ختي فشرفها يعني بحال كتاهمني انا ....انا كنعرف ان حسام حقير وان ختي طايشة ولكن ماشي تال هاد الدرجة اه نصدق انو حاول يقتلها باش يتبت ليا حقارتو كتر ولكن يكون على علاقة معاها مستحيييييل
قاسم حبس لفران على الجهههد : انا دابا كنكدب علي ختك وعلي راجلك الزوج المتالي سي حسام ياك
قاسم حبس لفران على الجهههد : انا دابا كنكدب علي ختك وعلي راجلك الزوج المتالي سي حسام ياك
ليالي كتغوت : انا مقلتش هاكا انت لي كتفهم كيف بغيتي
قاسم : متغوتيش اليالي انا كنحاول غير نشرح ليك شنو وقع لختك
ايمان يلاه وصلت دويت مع طبيب بعدا قال ليا بلي حالتها مستقرة وغير تفيق نقدرو نديوها لدار حيت ميقدرش يبقا مخليها هنا بلي هوية او معلومات...شافت في ليالي...صافا ليالي
ليالي حركات راسها باه
ايمان كنتمنى ليها الشفاء
ليالي : شكرا فين نلقاها
ايمان : اول غرفة على ايدك ليسرا
قاسم انا غنتسناك هنا خودي راحتك
حركات راسها باه ومشات حلات لباب ديال لغرفة بانت ليها ناعسة فوق ناموسية ومعلقين ليها سيروم وجهها صفر ودايرين ليها لصقة على جرح لي في وجهها وراسها بلى متحس نزلو دموعها قربات منها بخطوات تقال وشدات ايدها
ليالي : ختي كيفاش وقع ليك هدشي
نور بدات كتحل عينيها بشوية وكتحس راسها كيضرها وعينيها كيحرقوها شافت في ليالي لي بتاسمت ومسحات دموعها
ليالي : على سلامتك اختي باش كتحسي
نور حطات ايدها على كرشها : كضرني قولي ليا ولدي باقي ياك
ليالي عارد نزلو دموعها وهي كتحرك راسها بلا : هئ هئ واش بصح من حسام
نور حتى هي بدات كتبكي بحرقة : لغداار قتل ليا ولدييي هئ هئ اااااه ولديييي
ليالي تلاحت في قاسم عنقاتو : قاسم انا باغية نقتل هداك المجرم بيدي
قاسم : حنا مغنكونوش مجرمين بحالو غنخليوه هو يغرق راسو براسو
ليالي شافت فيه : غنمشي لعندو لدار ليوم ونلقا دليل لي يدخلو لحبس ويغرق فيه طول حياتو
قاسم شاد وجهها بين ايديه : تو تو تو دوينا انا ميمكنش نغامر بيك غندويو مع بلال هو غادي يتكلف
ليلي بستغراب : بلاال
قاسم : اه بلال كيعاوننا بفضل ايمان هوما صحاب
ليالي : ولكن واخا هاكاك.مكيتيقش فيه بحال كيف كيتيق فيا ومعندوش لحق يدخل لقلب بيتو ومكتبو بحالي
قاسم :: لااا هي لا صافي دابا نتي بقاي مع ختك حتى تفيق وايمان غديكم لعندها لدار حيت هدا اامن مكان علامن نتناو من حسام
ليالي : واخا
قاسم باس راسها : غنقدي شي شغال في الشركة ونرجع
شاف في ايمان هوما امانة عندك
ايمان : كون هاني
كانت جالسة قدام الدار من بعد مستفات حويجها وجمعاتها تخنقات تبقا جالسة وحدها نزلات لقدام لباب وجلسات وهي كتاكل في الزريعة كيف شحال هدا ومحساتش بيه ملي جلس حدا حط ايدو في ايدها وهز الزريعة
تورية قفزت : ها خلعتيني
رضى : صافا عليك
تورية : نقولو صافا وانت
رضى : انا بيخير حيت رجعتي لحومتك
تورية : ولكن انا مفرحاناش حيت رجعت
بداو دموعها كينزلو علاش ياربي علاش مبغاش يخرج ليا من قلبي واخا خرجتو من راسي اي واحد بغيتو مكيبغينيش وكيخليني ماما خلاتني وانا بنت صغيرة وبابا خلاني وانا محتاجة ليه والشخص لوحيد لي بغيتو من قلبي مبغانيش انا وحيدة ارضى هئ هئ وحيييدة
رضى غير كيشوف فيها باغي يعنقها ومقدرش كيشوف في جنابو حط ايدو على ايدها : متقوليش هاكا اكيد كاين شي واحد كيبغيك ومستعد يدير اي حاجة على ودك ولكن نتي مكتشوفيهش حيت عينيك معميين بواحد اخر تورية كتمسح دموعها : يمكن ولكن كون شي حد كيبغيني لهاد الدرجة كان جا وقالها ليا مدام معندوش الشجاعة يواجهني منضنش كيبغيني
ناضت نفضات حويجها وبغات طلع وقفها
رضى وهو شاد ايدها كيحاول يخرج لهدرة : احم تورية انا ...انا
تورية : مالك انت ياك لاباس
رضى : انا في الصراحة معرفتش كيفاش نقولها ليك ماشي حيت معنديش الشجاعة ولكن انا
رضى : تورية انا كنبغيك ...اووف ...سمعي انا كنبغيك من شحال هدا ملي كنتي مزال صغيرة ولكن ديما كنت كنشوفك متعلقة بقاسم شي لي خلاني منقولهاش ليك وحتى ملي تخطبتي ليه زاد الحلم ديالي تحطم بغيت صافي نساك حيت هو خوية وميمكنش نبقا نبغي بنت غتكون مراتو في المستقبل لكن مقدرتش وخصوصا اني عارفو مكيبغيكش وكل مقربتي منو غير كيعدبك ديما كان هو لحاجز لي بيني وبينك وانا مبغيتش نخسرو ونخسرك حيت عارف قداش كتبغيه ولكن ليوم ...ليوم ملي نتي بغيتي تنسايه انا كنواعدك غنسيك فيه ومعايا معمرك مزال تفكري فيه تورية عطيني فرصة متخيليش شحال كنبغيك وشحال و انا صابر باش يجي هاد النهار
تورية مصدومة من كلامو : انا ...انا في الصراحة صدمتيني ارضى
رضى : متقولي والو دابا لمهم انا قلت لي عندي ونتي فكري فهدشي لي قلت وانا غنبقا عمري كلو كنتسناك
نمشيو عند حسام لي فقد اعصابو ملي فقد اتر لياليوخصوصا ملي شاف الخبار في لانترنيت دخل عليك راشيد لمكتب ديالو وهو معصب
راشيد لاح ليه الطابليت قدامو : هدشي حتى هو كدوب ياك هدشي منين جا شكون عطاهم هدشي ينشروووه عجبك لحال دابا كلشي كيقول بلي حسام ابن اكبر رجال الاعمال متورط مع عصابات لمافيا ومن فوق هدشي الصحافة هاجمين قدام باب الشركة غير الحراس لي مانعينهم يدخلو
حسام كاتم الغضب ديالو بزز : موقع والو غنكدب لخبر ونقول بلي باغين يوسخو صمعتي وهدشي كيوقع بحكم اني شخص مهم
ناض ضرب في كتف باه وخرج خلاه كيغلي وهو كتر منو هز سيارتو ومشا لدار في طريقو عيط ل بلال
حسام : بلال بغيتك دابا تكون عندي في الدار خصني ندوي معاك
بلال قبل ميجاوبو قطع عليه عرف بلي القدية حامضة شاف في ايمان لي كانت حداه : بففف باينة نهايتي غتكون على ايدين هاد الزفت حسام
ايمان : متقولش هاكا هادا اخر حاجة غديرها وهانتا كتشوف هو طلبك لدار يعني سهل عليك القادية
بلال تنهد وهو كيشوف فيها مقادرش يصارحها : انشاء الله
ايمان : اجي معايا نوصلو ليالي ونور لدار عندي ومن بعد سير
بلال : واخا انا غنتسناك في السيارة ونتي سيري شوفيم
ايمان مشات لغرفة لي ناعسة فيها نور يلاه غدخل سمعاتهم كيدويو
نور كتدوي ودموعها على خدها : ختي عافاك سمحي ليا انا خنتك مع راجلك وهدشي علاش ربي كينتاقم مني
ليالي : ششش متقوليش هدشي هداك اصلا مكنعتابروش راجلي ولي مرة سمحت ليه يلمسني
نور : انا بغيتو من قلبي ومكانش عندي مشكل نسلمو راسي المهم يكون معايا هئ هئ واخا على حساب كرامتي وكرامتك ولكن طلع اكبر حقير علي وجه الارض هئ هئ كيفاش عطاه خاطرو يقتل ولدي كون غيرمتت معااااه يااربيي هئ هئ
ليالي : صاف انور عافااك متبقايش تلومي راسك
نور : نتي محاساش بلحرقة لي انا حاسة بيها انا قلبي تكوى وكبدتي تشوااات الشي لواحيد لي كنت غنغير حياتي كاملة على ودو ومستعدة نولي انسانة جديدة هئ هئ ولكن هو خداه مني دابا غير قولي ليا علاش غنعيش علاااش
ليالي : غتعيشي على ودي على ود ماما و بابا وعلى ود راسك قبل من هدشي كامل
ايمان دخلات : احم جا لوقت باش نمشيو نعاونكم فشي حاجة
ليالي : لا انا غادي نعاونها تلبس
ايمان : انا غنعاونكم بلاش متعتابروني برانية
ليالي : شكرا بزاف حيت عاونتي نور وعتقتيها فلوقت لمناسب
ايمان : مكاين لاش تشكريني حتى بلال ماشي شخص خايب ولكن
ليالي شدات فيها باش تسكت : احم نتي انسانة ضريفة بزاف وتنتي عانيتي دكشي لاش قلبك كبير انا فرحت ملي عرفت انك وقاسم خوت
ايمان بتاسمت : هه فرحتي حيت كتعزيني او حيت كنتي كضني اني خصم بالنسبة ليك
ليالي : هه بجوج في الصراحة
ايمان : يلاه انا كنتسناكم لتحت
خرجات وخلات ليالي كتعاون ختها باش توجد راسها لقات بلال مزال كيتسناها
ايمان : بلال كنضن غير سير نور حالتها صعيبة ومغتستحملش تشوفك
بلال : كنت باغي نعتادر منها ولكن مرة خرا
ايمان : غير خليها حتى تولي حسن
بلال كان غادي ورجع : ايمان بغيت نقول ليك شي حاجة قبل من نمشي حيت معرفتوش شنو باغي مني وشنو ممكن يوقع ليا
ايمان : متقولش هاكا الله يحفضك
بلال بتاسم : خايفة عليا
ايمان : معلوم نخاف عليك راك خويا
بلال عقد حجبانو مكيحملهاش تقول ليه خويا : ايمان لخوت راه هوما لي مشروكين الدم حنا رماشي خوت واش مكتشوفيش فيا شي حاجة خرا من غير خوك
ايمان ضحكات : صافي صافي متقلقش حنا رمشروكين شي حوايج كتر من الدم ركبرنا بجوج وعانينا بجوج من نفس الحاجة انا ركنشوف فيك كتر من خويا ولكن لمبغيتيش نبقا نقولها صافي اسيدي
بلال : شوفي ايمان انا معرفتش كيفاش غتكون رضت فعلك ولكن ميمكليش نبقا ساكت كتر نتي دابا لقيتي خوك وولات عندك عايلة ورتاحيتي من لعداب لي كنتي عايشاه يعني خصك تفكري فحياتك وفي راسك
ايمان : اه عندك الصح عرفتي شنو قاسم طلب مني نعيش معاهم في الدار لخيرا غنعيش مع خويا في دار وحدة وغنبقا ديما في جنبو شنو بغيت كتر هادي هي حياتي وانا هاكا غنكون فرحانة
بلال : اذا مزيان كنتمنا ليك تبقاي ديما فرحانة وسعيدة دكشي لاش انا غنكمل معاكم هاد لمهمة ولخرجت منها حي مغتبقايش تشوفيني حيت وصلتك لبر الامان ولخرجت منها ميت نبغيك تعرفي اني بغيتك بزاف كتر من اي حاجة وكنت مستعد نضحي بروحي على قبلك وهدشي لي غندير بغيتك ماشي كأخت ولكن بغيتك تكمليني ونبني انا وياك العائلة لي عمرها كانت عندي ولغتكون بغيت نحس هاد الاحساس معاك نتي
ايمان تصدمات من كلامو معرفات متقول بقات غير حالة فمها حط ايديه على كتافها وقرب خطف بوسة من شفيفها بزربة وهي مزال مجمدة في بلاصتها ولحرارة طلعات معاها هدشي ديال الحب كان كيجيها تخربيق وعمرها فكرات فيه ولكن معرفاتش لاش قلبها رجف بحال الى كان متجمد وفجأة رجعات ليه لحرارة ونبض
ايمان هزات ايدها حطاتها على شفيفها وهي كتحسسهم بشوية ممصدقاش انو تجرأ وباسها بلال لي كان ديما كيحترامها ومكيحطش عليها حتى ايدو بنية خايبة ولكن لي زادت ستغربات ليه هو انها متقلقاتش من هاد التصرف لي دار ومكرهاتوش فيقها من سهوتها صوت ليالي
ليالي عونات نور حتى طلعات وطلعات حداها كانت غير حاطة ايدها على كرشها وساهية مبقات قالت حتى شي كلمة طلعات ايمان لقدام ومشاو لدارها
بلال حضاهم حتى تحركو عاد ديمارا الطونوبيل حل الصندوق لي كاين قدام لمقعد لي حداه وجبد منو صلاح قلبو وتأكد منو ورجعو لبلاصتو
بلال : انا لي غادي نهيك اسي حسام ونهني الناس من شرك انت خليتيني مجرم وقتال وانا غادي نختم بيك هاد الميدان ميمكنش نخليك باقي تأدي ايمان او الناس لي عزاز عليها
كسيرا حتى هوا لدار حسام
وصلات ايمان لدارها وهي مزال دايخة من داك لكلام وديك لبوسة نزلات من الطونوبيل حلات ليهم لباب وعاونات نور حتى دخلو طلعو في لاسونسور تال الطبقة لي فيها دارها حلات ليهم ودخلو
ايمان ساندة عليها نور : اجي لبيت النعاس وتكاي رتاحي
نور غير ساكتة
ليالي : انا لنعيط لماما نقول ليها بلي انا غنتعطل مع شي صحاباتي باش متعيطش لحسام تسولو عليا ويشك فشي حاجة
ايمان دخلات نور لبيت حطاتها فوق الناموسية وغطاتها : هنتي نعسي ورتاحي انا غنخرج نمشي نشوف قاسم شنو دار ونجيب شي حاجة ناكلوها
ليالي موراها متكية على لباب ; شكرا بزاف ايمان
ايمان : متقوليش هاكا غتابروني تانا بحال ختكم ويريت ا ليالي تكوني قوية باش تقدري تحمي راسك وحبك ....انا غندخل نغسل ونبدل عليا ونمشي معندكم مناش تخافو راه كاين الامن لتحت والدار فيها جهاز الانضار اه وكاين الضوبل ديال السوارت في لمجر لي حدا ناموسية غير لحتاجيتوه وصافي
ليالي ببتسامة : صافي كوني هانيا
ايمان : رتاحو عتابرو الدار ديالكم
دخلات لبيت هزات حويجها ومشات لدوش غسلات وجهها وعنقها بلماء باارد وهداك لكلام مزال كيتردد في ودنيها حيدات دوك لحوايج ولبسات لبس خفيف عبارة على تريكو خفيف ديال لقطن كحل مع سروال تجين وكونفيرس كحلة وخرجات خدات سيارتها ومشات لشركة
ليالي رجعات عند نور لقاتها جامعة رجليها عندها ومخشية فراسها غير كتشوف
ليالي خرجات من لبيت ومشات لكوزينة كتبقشش هي اصلا مكتعرفش تطيب ولكن بغات دير شي حاجة تفكرات كلام ايمان لي قالت ليها قبل تخرج قالت ليها كوني قوية باش تقدي دافعي على حبك وتفكرت ان الخزنة ديال حسام ولبس ديالو لي فلمكتب ضروري غيكون فيهم شي دليل لي يغرقو ولكود ديالهم هو تاريخ زواجهم رجعات كتسلت لبيت طلات على نور بانت ليها غفات دخلات كتسلت قلبات لمجر لقات فيه سوارت هزاتهم وخرجات تاني كتسلت خدات ساكها وخرجات نزلات لزنقة عيطات على طاكسي وعطاتو عنوان دار حسام باش يوصلها
نرجعو عند نور لي كانت كتمتل انها ناعسة ناضت حيدات عليها لغطا وناضت بشوية كتمشا حلات باب لبيت وطلات بشوية كيحساب ليها ليالي مزال في الدار مبانتش ليها خرجات ضورات عينيها في الدار مسمعاتش لحس مبغاتش تعطل كتر باش متلقاهاش وتحبسها هزات سبرديلتها مشات كتجري حلات لباب وخرجات تال برة عاد وقفات كترض النفس فيها ضغطات على كرشها بيديها مزال كتحس بالالم فيها تحنات لبسات سبرديلتها ونزلات فلاسونسور حتال لتحت وخدات حتى طاكسي لدار حسام
نور حاطة ايديها على كرشها : ليوم غادي تلحق على ولدك ا حسام انا وياكم غنتجمعو في العالم التاني
ايمان : عيط فرقم ديالي تاع لفيكس تلقاها غير دايراه سيلونس او نساتو فشي بلاصة في لمستشفى يمكن او في الطونوبيل
قاسم كيدور لفيكس : عندك لحق ....والو تاهو مكيجاوب فيه حد
ايمان : اويلي انا يلاه خليتهم مكاملاش ساعة
قاسم : زيدي نمشيو نشوفو شنو واقع
خرجو من الشركة ركبو في سيارة قاسم ورجعو لدار
بلال واقف قدام حسام في الحديقة وداير ايديه وراه : سي حسام شنو بغيتيني
حسام : متأكد انك قتلتي نور
بلال : اه متأكد اسيدي
حسام كيشرب : فخبارك كانت حاملة بولدي انت قتلتي ولدي
بلال : انا نفدت اوامرك اسي حسام
حسام : انا تدمت الى كنتي مقتلتيهاش غير قولها
بلال جبد سلاحو من وراء ضهرو وهو مزال داير ايديه وراه : انا نفدت الامر اسي حسام
حسام وقف وغوت : كداااب
بلال كيفكر باش يوجه ليه السلاح
حسام كيقرب منو وهوما يسمعو شي حاجة طاحت في الدار لداخل
حسام دار : شنو هدشي
بلال : م..معرفتش اسي حسام
حسام : ارا سلاح ديالك وتبعني
بلال مد ليه لفردي لي كان هاز بتردد وتبعو دخلو لدار كيقلبو منين جاي الصوت وليالي مخشية تحت لبيرو في لمكتب ديالو وهي داخلة خرجات في واحد لفاز طيحاتو جاب الله ديال النحاس متهرسش رجعاتو لبلاصتو بالزربة وتخبات تحت لبيرو
وصلو لدار ايمان حلات ودخلو مشات نيشان لبيت النعاس مكاين حتى واحد قاسم حتى هو كيقلب كاع لبيوت لكوزينة الدوش ملقاوهمش
قاسم تعصب : علاش ايمان خرجتي وخليتيهم علاااش
ايمان كترجف : انا...قلت نجي نطل عليك وناخد معايا لماكلة ونرجع عندهم ...ولكن راه مكاين الاتر ديال والو هنا يعني غيكونو هوما خرجو ماشي شي حد اداهم
قاسم : بحااال بحااال لمهم مخصهمش يتحركو من هنااا
ايمان : و ... و دابا شنو
قاسم : انا عارف عارف نور غتكون باغة تنتاقم وغتكون دابا مشات لعند حسام ولكن يخوفي هو لي يقتلها
ايمان : وليالي غتكون مشات معاها زعماك
قاسم : معرفتش معرفتش انا غنمشي لدار حسام ونشوف
ايمان : غنمشي معاك
قاسم : لا خليك هنا ميمكنش نغابر بيك حتى نتي
ايمان : لا غنمشي معاك حتى بلال كاين تم ومعرفتش شنو غيكون وقع ليه
قاسم خارج : زيدي قدامي ولي قلتها ليك ديريها
ايمان تبعاتو : صافي كون هاني
نرجعو عند نور لي دخلات لدار حتى هي من لبااب لخلفي لحارس كيعرفها ديما كدخل من تم عطاها سلام وحل ليها خدات نفس عميق ودازت دخلات من واحد الشرفة كتكون ديما محلولة كطلع ليها بدروج وكتخرجك ديريكت فلبيت ديال حسام مشات لمجر لي عند راسو فيه سلاح هزاتو وخرجات من لبيت كتسلت لتحت كان هو وبلال كيقلبو منين جا صوت قلبو فكاع لقنات وصلو لمكتب
حسام هاز سلاح : بلال حل لباب
بلال حل لباب وحسام دخل موجه يلاحو لداخل كيشوف بلال موراه مشا جيهت لبيرو نزل راسو بان ليه ساك ديال ليالي عرفو حيت شافها صباح هازاه
بلال دفع ساك برجلو دخل مبقاش كيبان : مكنضنش شكون غيقدر يدخل تال هنا
حسام شاف فيه : نور متلا لي مقتلتيهاش
بلال : انا قتلت...
حسام قاطعو وهو هاز سلاح في وجهو : سككت انا سولت شخص كتعرفو في الشرطة لعلمية لي حققو في الحادت وملقاو اتر ديال حتى جتة....انت خبيتيها ملي قتلتيها بصح علاش كان حادت علاش مقتلتيهاش بسلاح
بلال غير كيضور في عينيه
نور نازلة مع الدروج وكتسمع في الحس لتحت حتي وصلات حدا لمكتب بدات كتقرب بشوية وهي هازة سلاح حتى وصلات قدام لباب كان حسام عاطيها بالضهر وبلال قدامو لي شافها اول موقفات وتصدم شئ لي خلي حسام بلاحض ضار بالزربة ولقاها وراه موجهة ليه السلاح
نور : حيد سلاحك
حسام : مغتديريهاش
نور كضحك : وعلاش منديرهاش انت قتلتي ليا ولدي
حسام : كان ولدي حتي انا
نور كتبكي : سكوووت
بلال كيدير ليها اشارة باش مديرهاش وليالي سمعات صوت ختها وزادت تبنجات معرفات تخرج معرفات تبقا مخبية
قاسم وايمان وصلو قدام دار حسام ونزلو كيجريو حبسهم لحارس فلباب
الحارس : شكون انتوما
قاسم : انا شريك سي حسام وبغيت ندوي معاه
الحارس : في هاد اليل
قاسم : شوف ضروري تخلينا ندخلو
الحارس : بلاتي نقولها ليه
ايمان : وزدتي فيه واش باينة فينا شفارة ولي من لمافيا
الحارس : خدمتي هادي ا انسة
نخليوهم معاقرين مع الحارس ونمشيو نرجعو عند نور لي مزال هازة سلاحها علي حسام
حسام : انا عاقبتك حيت نتي وقفتي ضدي مع اعدائي خلينا دابا نبداو صفحة جديدة
نور : ههه نبدا صفحة جديدة مع مجرم لا
بلال ستغل لفرصة وطار علي حسام شد ليه ايدو باش يحيد ليه السلاح بدا كيتجابد معاه
حسام : ياك الحقير كنت عارفك حتي انت كتخوني ولكن كنت ناوي ليوم نقتلك ونتهنا منك
بلال : حتي انا كنت ناوي نفس لحاجة مغنخليكش تزيد تدمر حياة شي حد
حسام : حتي تبقا عايش
نور تلفات ملي بداو كيدابزو كتحاول توجه سلاحها لحسام ولكن هوما كيتحركو بزاف مقدراتش تركز
ليالي صبرات حتي عياة وخرجات من تحت لبيرو : نووور
نور شافتها وطلقات رصاصة من السلاح بلى متشعر
ليالي حطات ايديها علي راسها : لااااااا
نور سمعات طلقة خرا ماشي من سلاحها وانما من سلاح لي شاد حسام كانو طايحين في الارض وكيدابزو حسام فوق بلال مقدراتش تصبر حتي تشوف فيمن جات الطلقة طلقتها الاولى مصابتوش وهادي فرصتها طلقات رصاصة خرا في ضهرو طاح فوق بلال بجوج مكيتحركوش
نور طاحت على ركابيها وليالي جات كتجري عنقاتها وكتغوت : شنو درتيييي شنو درتييي
نور : قتلتو نتاقمت منو
ليالي : لااااا علااااش درتيها علااااش
قاسم وايمان والحارس سمعو صوت الرصاص وكلشي دخل كيجري لداخل يشوف شنو واقع
دخلو كيجريو لداخل وصلو قدام مكتب حسام بانت ليهم ليالي نعنقة نور وكيبكيو قاسم مشا كيجري عندهم
قاسم : ليالي شنو واقع
هز عينو بانو ليه بلال وحسام بجوج طايحين في الارض حسام تضرب في ضهرو وطاح ميت وبلال مضروب في كرشو ملي كان كيتعافر مع حسام ضربو حتي هو طايح مغيب ايمان تابعاه غير شافت بلال وغوتات نقزات من فوقهم ودخلات عندو كتجري هبطات على ركابيها كتحركو وتقلب ليه في الضربة
قاسم شاف ليالي لي تخشات فيه بحال شي مشيشة ونور غير مصدومة وسلاح مزال في ايديها
قاسم : علاش درتو هاكا علاش
ليالي : هئ هئ محسابليش غتجي باش تقتلو انا جيت وخليتها فدار بغيت غير شي دليل ....
قاسم قاطعها كدوي وكتشهق : ششش صافي سكتي غنمشي نشوف
ناض عند ايمان لي مزال كتحاول تفيق بلال ودموعها كيقطرو فوق وجهو قطعات ليه لقاميجة حتى بان ليها الجرح وحيدات تريكوها بحطاتو عليه وكتضغط باش يتحبس الدم لي خارج
ايمان : قاسم عافاك دير شي حاجة عيط علي الاسعاف عافاك
قاسم كيقلب حسام لي وجهو صفار وفمو بياض وضاية ديال الدم تحت مو ملقاش النبض تأكد انو مات : صافي غنعيط دابا للاسعاف
ناض كيجري هز ليالي : اجي نخرجو اجي معايا
ليالي : وختي نوور
قاسم : غير اجي نتي شمي شوية دلهوى
الحارس : انا عيطت للاسعاف ولبوليس حتي واحد ميخرج منكم
ليالي كتنتر منو : لا مبغيتش ختي تمشي لحبس لااااا
قاسم كيعنق فيها : ششش صافي تهدني غنحلو لموضوووع
يلاه كيحاول يهدنها سمعو طلقة اخرا ديال الرصاص دارت ليالي وغوتات طاحت في الارض وهي كتلوت بهستيريا على حر جهدها وقاسم كيحاول يشدها ويبعدها على لمنضر حتى سخفانة في الارض ملي شافت نور طايحة و الدم خارج من راسها نتاحرات بسلاح لي كان في ايدها
قاسم كيحاول يفيقها : ليالي فيقي احبيبتي فيقي
ايمان شافت لمنضر وتصدمات حتي هي مزجرة قدامهم اخيرا سمعو صوت الاسعاف وسيارة الشرطة
سلات هاد ليلة لي بحال لكابوس من بعد مدات الاسعاف ليالي وبلال بسرعة لمستشفي ولبوليس خداو ايمان وقاسم يحققو معاهم وستدعاو الشرطة لعلمية باش ترفع الدلائل وتشوف كيفاش وقعات الجريمة والجتت داروهم في بلاستيكات وهزوهم حتى يتكلفو عائلاتهم بدفنهم
طلع نهار جديد عليهم وهوما في لمستشفى من بعد مسلاو معاهم الشرطة جات عندو لقاتو واقف في باب غرفتها مهموم
ايمان : كيف بقات دابا
قاسم : كل ما كتفيق كتبدا تبكي وتغوت بهستيريا حتي كيعطيوها مهدئ وتنعس ...قالو ليا بلي غيشوفها طبيب نفسي ملي تفيق حيت الصدمة لي تعرضاات ليها قوية بزاف
ايمان عنقاتو : غتولي بيخير لمنضر كان خايب بزاف انا متحملتوش وباقي فبالي كيفاش غادي تحملو هي لي ختها
قاسم تنهد : ماشي غير ختها راه جزء منها .... قولي ليا بلال كيف بقا شنو قالو عليه
ايمان : مخرجوه من غرفة العمليات تال لفجر لاملية كانت صعيبة حيت الرصاصة دخلات بزاف وقطعات ليه لمعدة دطرو يخيطوها عاد يخيطو اللحم كانت العملية صعيبة ودقيقة دابا خرج من مرحلة لخطر وغيبقا تحت لمراقبة
قاسم شد في ايدها : انشاء الله غادي يرجع بيخير
ايمان : غنمشي عندو باش ملي يفيق يلقاني حداه
قاسم : انا غنمشي نجيب مها وباها اكيد غيكون وصلهم لخبار وخصهم يكونو مع بعضياتهم باش يخففو علي بعضياتهم
ايمان حركات راسها ومشات لغرفة بلال دخلات عندو كان ناعس في الناموسية عريان مغطين غير نصو بليزار ودايرين ليه سيروم و الاكسيجين وكرشو مضورين عليها لفاصمة جلسات حداه وشدات ايدو حسات بيه بدا كيتحرك شافت فيه بفرح
بلال كيحرك ملامح وجهو كيستعد باش يفيق حل عينيه بشوية وهو كيحس بلالم
ايمان : بلال على سلامتك كيفاش كتحس دابا
بلال حيد الماسك ديال الاكسجين : كح كح مزال حي
ايمان : متقولش هاكا انا خفت عليك بزاف لتموت
بلال : وعلاش ...علاش غنبقا حي
ايمان : علاش مبقيتيش باغي تحقق حلمك وتبني عائلة وتعيش حياة سعيدة
بلال : ولكن انا باغي نحقق هاد لحلم مع انسانة وحدة ومعرفتش واش هي قابلة
ايمان بداو دموعها كينزلو ; قااابلة غير انت نوض بالسلامة
بلال : بتاسم اذا مستحيل نموت ونخليها
ايمان حطات راسها على صدرو وكتبكي : هئ هئ مكنتش غنسمح لراسي كون وقعات ليك شي حاجة
بلال كيدوز ايدو على شعر : خصني نشكر هاد الرصاصة لي خلاتك اخيرا تشوفيني
نمشيو عند تورية كانت كطل من سرجم بان ليها رضي وهي تعيط ليه
تورية : رضى تسنا نزل عندك
رضى وقف كيتسناها حتي نزلات عندو : صباح لخير ..ياك ما خاصاك شي حاجة
تورية : متقولش هاكا راه ..غير...غير انت لي بقيتي عندي
رضى كيشوف فيها بستغراب : مفهمتش
تورية : زعمة انا فكرت فهاديك لهدرة لي قلتي
رضى : ايوا
تورية : انا محتاجاك توقف في جمبي مبغيتش نخسرك انا كنحاول ننسا والي عاونتيني اكيد غيكون ساهل عليا
رضى بتاسم وعنقها : انا ديما معاك وغنبقا ديما حداك
تورية مدات ايديها بتردد وبادلاتو لعناق من بعد مفكرات مبغاتش تخسرو وهو كيبغيها خافت من بعد تندم ومتلقاش بحالو فعلا رضى شخص طيب وراجل بمعنى لكلمة
#بعد_مرور_عاااام
كانت واقفة حدا لقبر ديال نور دايرة شال على راسها وحاطة ايدها على كرشها كتسنط لفقيه لي كيقرا فلقرأن على لقبر حتي كمل ودورات معاه خرج وجلسات علي جنب لقبر كتسقي فيه بماء الزهر
ليالي : ختي انا عارفاك دابا كتسمعيني وكتحسي بيا كيف انا كنحس بلي ناقص مني شي طرف بلى بيك انا مسامحاك ومكنلومك على والو وحتي واليدينا سامحوك ولكن توحشتك بزاف شوفي انا دابا كملت ربع شهور وقالت ليا طبيبة راه بنت وغادي نسميها امل كيف قلتي ليا باش تكوني مرتاحة بغيتها تكون بحالك وكتشبه ليك انشاء الله
تنهدات وحطات لقرعة خاوية حدا لقبر مسحات دمعة نزلات من عينها واخا واعدت راسها متبقاش تبكي عليها حيت دموع غادين غير يحرقوها خرجات من لبلاصة لي مدفونة فيها لقاتو كيتسناها بطونوبيل طلعات حداه وبتاسمت
قاسم : صافي رتاحيتي
ليالي حركات راسها بأه
قاسم هز ايدها وباسها : الله يرحمها والله يخليك ليا
ليالي : امين
قاسم : ليوم غنمشيو نتغداو عند لواليدة راه دايرا لينا الزردة حيت جات من الحج
ليالي : مزيان حتي ايملن غتكون
قاسم : وحتى تورية
ليالي : تورية
قاسم بتاسم : تورية راه دابا مخطوبة لرضى وقريب يديرو لعرس علاش مزال كتغيري منها
ليالي : لا مكنغيرش
قاسم : كتغيري
ليالي : قلت ليك لا
قاسم كيضحك وحاط ايدو على كرشها : صافي صافي راك خلعتي ليا بنتي ههه
بين قلبين حب أعمى الجزء السابع والأخير
محتوى القصة
التنقل بين الأجزاء