هاد ليلة خصو يكسب بابات اريج بأي ثمن كان .... تنفففس مزيااان ودخل موراهم ... لقاهم كيسلمو على سفيان ... حتا كيبان ليهم اسد هابط فدروج لجردة .. كان كيشوف لتيلي .. رتاج ريوكها سالووو بقات غي كتشوف فيه البلدي عطاه رونق خاص ناحسات براسها انها غاتفكر عدنان عاود وهي تجمع مخها ....طلع عينو بانوليه جاايين و وقف كايتسناهم بابتسامة ترحيب بسيف باش واضحة على ملامحو .. زرق فشي حاجة سميتها صواب د الضياف غي داير الخاطر للمار .. زاد عندو احمد بشياكتو و بشاشتو لي فنفس الوقت فيها صرامة وهبة ... تسالمووو وسط المعايدااات وسفيان رجع بلور حدا ودن يونس
سفيان : نسيب ؟
يونس : كيخلع ...
سفيان : حسابتك الحب غي لفلاور ... راه فيه تالفاااذر ... آ لبراااذر. ...
اسد : ( شاف موراه بملامح متسائلة ) معرفتش راه غي ه( شوية حبس ليه الحرف وهو كيشوف فيها نازلة من دروج بححذر هازة عبايتها لاتعتر فيه تجيب الربحة و عينيها على رجليها بقاا غي كيطلع فيها ويهبط بحالا ماشي هادي لي كتكون معاه فدار ! تاطلعات عينها شافت عنهم وابتسماااات صغاارووو عينيها وهو غير كيشوووف بلا ميرمش ومتبعها تاوصلات لعنهم وسفيان شاف عندو كيف تكلاشا فيه و شاف عند يونس لي عينه غير على اريج وبقا يضور فراسو ويحك فلحيتووو بضحيكة مستهزأة بالوضع ... رجال زعما ساعا قدام العيالات مكتبقى من الرجلة غي لحيتها ... جات كتسلم عليهم وهي كضحك على داك شوفات لي كيدير فيهل وتحلون بالعاني كتجنن فيه ... وهو جمع راااسووو عاد سرات معاه وخخنززر محملش هاد المنظر وهاد المكياج القوي لي فوجهها ... فننفس الوقت شقلبو على القبلة فهم تسطا معااااه. . .
لامار : تشرفنااا بك اسي احمد مرحبا بك
احمد : الله يكبر بك ابببنتي الشرف ليا .. هضرو ليا بناتي بزاف عليك ..عنهم عزيييزة بزاااف
والرجال هبطووو للكليسة لي حدا البحر واحمد مقاداه فرحة يتعرف عليه خصوصي ان ولد خوه باغيه يتوسطليه معاه يدخل شريك ... جاي منها ضيافة منها صفقات .. و يونس بالو غي مع كيدير يتقرب منو هو كي غي كيشوف فيه كيخنزر ليه عارفو باقي محملوش من الللقطة دزواج لي كدبو فيهااا وكيفاش تاهو كدب على بنتو ...
كالس على شوك خصو يهضر مع اريج .. واستأذن وناااض لعنهم ...
عند لبنات
لامار : وااايه هادي لي حضراااات وشافت كولشي مباااشرة ... كون كنت تما كون ولدت ليهم
اريج : و ابى قتليكم انا وليت متيقنة مية فالميا الى عدنان كيبغيها بصح تيقوني ؟ ...
رتاج : راه غانضرب مك بهاد تيليفون نرجعليك داكرة لجمعة لي فاتت ..
اريج : والله تااااكيبيغيك ... ماعندك ماتقوليلي .. اه فلول بغاك تجيبيليه الخبارات مي غايكون طاح دبصح .. هاهي تالامار واحد نهار دخلات مع اسد غي باش تسرقو فللخر طاحت على زنافرها
لامار : راه يمكن اريج عنها الحق هو واشم سميتك كاع علاش غاوشمها فنظرك ؟ يقولك كنبغيك وصافي علاش يوشم كاع واصلا كنتي طااااايحة ميحتاج عاد يدير شي حاجة يطيحك...
رتاج : طييحو فقادوس انشاءالله نتوما وياه قلبو عليا الموضوووع واش كتشوفيني بغا نساه ونخرجو من حياتي كتزيدو تخشيوه صحة ... زايدون منقدش نعيش مع واحد اناني بحالو ... كرررررهتو غاعلى هادشي لي كيدير فأسد
لامار : ودابا لاش مدخلة اسد فالهضرة .. حنا كنهضروليك على علاقتك به .. هو وياه هاديك قصة اخرى بيناتهم ... وراه اسد قاليك لبارح فطيارة بلي علاقتك معاه معندهاش دخل بيهم
رتاج : وعباد الله قلنا لكم كرهتو واش نبغيه بزز ؟ يبغيني ولا يكلس مابقاش معمرليا العين ومابقيت باغا لا حب لا زبل باغا ندير غامستقبلي هاد ساعة ...
اريج : الى فالهضرة متقد علييييك تاواحدة و فالمعقول غااا قردة ...
رتاج : انا صافي قررت نعيش حيااااااتي كيف كنتماناها بطول بالعرض .... ماندير حب مانتعدب نولي انا نلعب بيهم بين يدي .. ندير عشرة فخطرة لا مشا واحد يبقاو تسعود ....
لامار : وهادي هي الاحلام والطموح دالبقر الجاموسي ..... مغايبقاش هداك قلب ولا الخطاف دحد السوالم ...
اريج : اجي فيين الجدر ..؟؟؟؟
لامار : مشا يوصل شيماء لدارهم قالك هههههه
رتاج : نااااااري طلع بخبيييزتو مكيضيعش الفرص
اريج : كيحسن العلاقات مع الداخلية هههه
لامار : مع انا عارفا خااالتي كيدايرة نحلف عليها بالله ويمشي يدير هاه ولا هاه تاتكربو على شي جبل مالا خلط عليه راجل خالتي تما ليلة يلبسو الهليضورة يضور بيه الدواور .....( يونس داخل سمع الهضرة ورجع بلور )
رتاج : ناري صكع ولاكن طلع رجوووولة
لامار : أجي حقااا باباكم صدق بوووكوص العفريتات باقي صغير ومهلي فرااااسوووو
اريج : وااايه كيعحبو يسكسف علوضعية... ونزيدك كيمشي كل ليلة لديسكو يشطح كي كي ههههه
اريج : لااا هو من لول مطلعنا بلا قيود ولاكن داكشي فالحدود راك عارفة ...
يونس دار بناقص من الهضرة مع اريج اجي يصلح بعدا من النسيب وهي حالها ساهل ... مشا وكلس معاهم وهوما مناقشين على الخدمة و سفيان كيسمع مهتم حيت تاهو باغي يدير مجال ادارة الاعمال ... سفيا شافو جاي و قرب حداه
سفيان : سيد كان كيهضر قبيلة على لخطابة دبنتو و كيعرض فأسد راه عنهم غدا ...
يونس : شنو ؟؟؟؟
سفيان : واااايه وداكشي شن طن قالك فيه تاضريب صداق
يونس : ضريب الخراااا .. هانتا شوف شوف معايا هاد ليلة وحضي غايخرج منهنا ديييريكت عند بنتو ويقوليها مايصلاحلك غير يونس ...
سفيان : تارا والله وتعواااااج
يونس : هانا غاااااتشوف تتتتتتبع ولايني خلي تاتجي بنتوووو باش تشوف على عينها شكون لي غايتفاهم مع باها حسن ( كيهضر واثق من نفسو )
لامار : دااابااا من قبيلة ونا مع المراية باش تقولي هاكا تاكلمة زوينة مانسمعوها منك
اسد : ايه عمر الشمس ماشرقاااات ...
احمد : ااحمم ... كيف گتليك اسي اسد ولد خويا راه كان فامريكا وباغي يدخل يستمثر هنا ... ولاكن راك عارف مابقاتش ثقة بهاد الازمة لاخيرة ولا خايف فين يحط فلوسو .... ولاكت انا اقترحت عليه مجموعتك وعجابتو ببزاف وخصوصي انه وصلني خبار شي شريك كان عندك انسحاب هادي فرصة دخلو معاك
اسد : منكدبش عليك ماعنديش فكرة ندخل شي شريك اخر ...وحاليا الاوضاع مكتحتاجش ...
احمد : غي فكر غي فكر اسي اسد ورد عليا
اسد : انشاءالله ...
جا الناااذل ببلاطو د العصير و تتبعو واحد بالحلوى ً..... ويونس مشا لطموبيل جبد واحد البواط وجابها كلس حداهم واحمد كيشوف لعندو
يونس : هاد الكلسة هنا قدام البحر ناقصها غي شي جوااان ( فتح لبواط دجوانات والحشيش)
اريج بزقااااااات العصير كااااامل و بدات تككح تعطاها سفيان تشرب ورتاج كالسة كتتتغمز ليه من بعيد وتعض فشفايفها ولامار شدات على راسها هادي اخرتو ... اما احمد مخخخخخنزررررر فيه عينيه حمااااااارو
يونس : ااحم .. و وواخا مي لابغيتيه اسي احمد راه( قاطعو )
احمد: ااعوودبالله من شيييطاااان الرجيييييييم اش هااااد الجيييييل لي ولا ماكيحترم تادكر الله ( اريج شادة على راااسها صافي تكبتات بالمعقول ) اححترم ننفسك اووولدي
يونس : على كااااااااارثة دابا بااااشمن وجه غااااااانشوووف فيه ... انا رااااه من قبيلة ونا نتحبد ونهضر بحال المشرملين باش نعجبو صدددقت ..... ففففففف على شوووووهااااا
لامار : اشوف الوووسي الخياااااار كان مسرررررح مزيناتو بقوة مابغا يشبه لبنااان بقااا يييتجبد ييتججبد ييتججبد تارجع فگوووووسة .... والفگوص لاعواج مايتسرح واخا ديه لديكريساج .... خليك على طبعيييتك غاتعحبو علاش كاصصصصصنع ... نتا اصلا كنتي ثقييييييل و مرزن وهضرتك زوينة وفمحلها مالك دابااااا
حبيبي الأصم الجزء 137
محتوى القصة
التنقل بين الأجزاء