رتاج : اريج ( ضوراتها عنها ) ختي تاحد مابزز عليك شي حاجة .. مصير حياتك نتي بوحدك لي غتقرري فيه .. بابا غي ميلي شافك عاجبك لولد لي خلاه يسرع بالخطبة و العقد راك عرفتيه عقليتو كيقولك اللهم زواج ولا داك تخياط شوارع بلا تاحاجا. .. الى مكنتيش باغاه سيري قولهاليه .. ونهيو هادشي قبل مايبدى. ...
اريج : ( طلعات فيها عينيها العيانين لي باينة مشافوش نعاس ) اش غانهيو مم ؟ ناس لي عارضينهم ؟ ولا الولد لي ماقاداه فرحة وكيوجد فراسو ولي كادو ..ولا بابا لي ملي شافو هو غي كيفرنس وفرحان بالخطبة وكيعرض فالبعيد والقريب ....
رتاج : مالكي حمقة مالكي ؟ هادو حوايج ضيعو عليهم حياتك ؟ هادشي دغيا غايتنسا ولاكن زواجك مع شهاب راه لديما ... شوفي انا عارفة شهاب ولد ضريف و مزيان وانا لي نصحتك به .... كيبغيك من قلبو ومتأكدة غاتعيشي معاه حياة زوينة ولاكن هادشي مكعنيش تزوجيه ونتي مامقتنعاش ومتباغياهش حيت منضمنش ليك واش غاتبقا معاملتو ليك زوينة فالوقت لي كتجاوبي معاه بالبرود طول حياتو .... غايتقلب تاهو ملي يشوفك مابغاهاش راه غايمل وتولي حياتك مرة معاه ... حيت متشس ديما غايصبر لبرودك ... الى ماباغاهش بلا متعدبي راسك وتعدبيه معاك ....
اريج تنهدات وضورات راسها فين كانت كتشوف
اريج : الحب غا خرافات.... مكيصدقش ..هانتي كتشوفي حالتك وحالتي ...ماشفنا منو غالعداب ومزال كانقاسيو .. الحب من طرف واحد صعيب .... ليل كامل ونا كنفكر ... مافيها باس نجرب لي يبغيني ماشي لي نبغيه .... شهااب لي غايصلاح ليا غي سدي الموضوع
رتاج : ( من بعد مدة كتشوف فيها ) غاتقدي تنسايه ؟
اريج : غانقد ...الى بقيت كنتفكر فعاليو غانكرهو كاع. .. كون بغاني كون حافظ عليا
رتاج : اودي نتي تعرفي.. لي عندي قلتو ليك ... مانبغي غي نشوف ختي حبيبتي فرحانة ( دمعو عينيها ) واخا غانتفرق عليك .... مهم يكون بالي هاني عليك ...
يلاه بغات ضور عنها اريج وهي تهرب ومشات بززربة كتمسح فدموعها وخرجات واريج غرسات راسها وسط يديها وكتتتبكييي بحرقة ...
عند لامار ....
طلات على اسد فدريسينغ غي براسها كي شي طوبة لقااتو كيلبس .. وهبطات لتحت ....
وصلات طموبيل درقيية لمنطقة وهي قالبا لشيفور راسو بالهضرة و تعاويد على الحج ندمااااتو علاش سولها كي دوزتي المناسك ... من للمطار وهي تعاود.. حج معاها غي فطموبيل.... حل ليعم الكارد البوابات وباركاو...ونزلات لابسة جلابة بيضضة و فولاررر بيييضة وصباااط وشيفور مشا خرج لي فاليز ديااالها وهي تخرج لامااررر وشيماااءء ودراري موراهم فرحااانين .. ومشااو عنهاا كيعنقووو ويسلموووو ويباركوو ليهااا وتاهي توووحشاااتهم وعندها واحد قريعة فيديها كتتتترش علييييهم
رقية : نتوووما فحححرم الله ونبي رسوول لله نتوما فحرم الله ونبي رسووول الله .... ياربي وعلى امين ديااالي وااخلييييتو بوحدو الحبييييب ديالي ( عنقاااتوو عندها )
لامار : الله يااااا مااما خليتي بلاااصتك قداااااش .. زيد زيدي دددخلي
رقية : تي شكتخررررربقي واش حسااابتك ميمتك غا مقراياش صافي ماتعرفش دوي كي بحال لقااارييين ... تي راه كيقوليلنا هزو القحااااائب حطووو القحاااائب وكل واحد يحضي قحييبببتو باش مايتخلطوش ليكم كي شيتي القحائب كيتشااابهو ...
حبيبي الأصم الجزء 140
محتوى القصة
التنقل بين الأجزاء