حبيبي الأصم الجزء 141

بقااا يشوفيهم اسد وكيفاش الام كتفكر تدعي غي مع ولادها وتنسااا راااسها كاااع .... وملي كيشوف للمار وكرشها الكبيرة ويتفكر بلي مابقاش بزاف يجرب تاهو احسااس الكبدة ولاولاد كيفرررح ... وكلسات لامار حدا ماماها وكاتعاود ليها اش دارت وفين مشات وشافت عند اسد قاتلو يجي يكلس حداها تاهووو وبدات تعاود ليهم فرحاانة وتشوق فيهم ...تاجات رجاء 

رجاء : لالة لامار. .. الفطور واجد الحاجة روقية على سلامتك حج مبرور انشاءالله 

رقية : لهلا يخطيك ابنتي ... ( ضارت شافت لطبلة )تووماا ماشميت ريحة شواااا ماشميت ريحة شيااط لاريحة قتبااان ... توما داز شي عيد هنا ولانساوكم اصكعين

لامار : هههه عيدينا ولاكن لبارح ماشي ليوم 

رقية : هااااولي على ماخلاااات كرررشي ..على ياا طريباكرررر ماعارفاش للعيد الكبير قصارتو تلتيااام ....نوووضي نووووضي جيبلي المجججمرر حطيه ليا على برا ووجدي القطبااان على ميمتك كتفطر بالماسكوتة ( كيكة ) هاد الرااجل مسكين ماياكول قتبااان ماياكل كفتة هاكا كيفطرو تاني عيد يا الفنيانة ...

لامار : وراه الفطور واجد نتي عيانة يلاه جيتي ... انا غانقولوهم يوجدوه نتي عيانة يلاه جيتي 

رقية : على هوما غايعرفو يشرملو بحال مك ... عياانة قالك( كتكفض) ونا جاايا مرررحة ماعرفتها طيارة معرفتها فدريش ... تي جيبلي المجججمررر لهناااا 

اسد : ( قرب عند لامار وهشر بالهمس ورقيه كتعلي على كماامها ) خليها احبي تاخد راحتها ... انا فالمكتب جيبلي كافي ... 

لامار : واخا صافي (مشا)... رجااااء وجدي لماما اش بغات عفاك ... 

مشات رجاء ورقية هزات فاليزها وطلعات لبيت لبسات بيجامتها بيضة تاهي وكفضاااات ولوات ميزارة على نصها ليفين ماتمشي هازها وهبطاااات ...

رقية : شييييماااا واااااا شيمااااا تي قيييينك ( جلت عنها كتجري ) سييييري زندي بيا المجججمر وشوفي فيناهي الشعااالة ... فااااطمزهراااا تي فاااااين غطططستي 

لامار داات بلاطو دوالقهوة وباتيسري لاسد فلبيرو .. لقاتو خدام خلاتو وخرجات لقات ماماها ربعااااات فالارررض وحطو ليها قدااامها اش بغاااات لحم ديجا كان مقطع حيت تكلفو لبارح بكلشي ... ومكفضة وشيماء كتسخر عليها وخوتها كيلعبووو ...

رقية : ( كتحك لبصل وتنكككر ) هااغدايدي هااغديدي ومااااخلات كرشي .. العيد دالكاااااارطون ... ( شافت لامار جايا كتعوج بداك البلغة خايفاها توسخ) تي فااين گديييدك الالة لعيلات ... ماااشتوشاااااي 

لامار: شكون غايااكول ليا الگديد واش كضحكي عليا 

رقية : صاااوبيه هاويجيب الله لي ياااااكلووو ... كلللسي لهنااا شرميلي لياااا دوك الفوييييلات شتكم لايحينهم وعمري معاي القتبان نوجدو الفطور دغيا الشمس حمات .. بنيتي شااايما جيبي ليها داك الكورسي تكلس وهي غي تبوطت بداك البطنة ( الكرش ) هاو عطاتها لتمرااااح والعكز عيفة النسا .... 

اسبرووو داااخل كياكل فزريعة شاف شيماء غمززز ليها وضحك هي مشات كضضحك حشمانة وتحنا عند رقية باسلها راسها 

اسبرو : الحااااجة على سلاااامتك 

رقية : اللله يسلللللمك اوووولدي وينجيك 

اسبرو : جاااايا على تمارة الالة نسيبت سيدي. .. دعيييييتي معانا ياك؟ تفففكرتييني تانا فداك المقام 

رقية : ( كتهضر وتشرمل ) دعييييت معاك اولدي بالهدااااية وشي رجلة جديييدة هادي ديالك ماااااباااليشاي فيها اوليدي ...ما غاتولد ليك ولاد .. مغااادگ ليك وتاد مغاتشبع ليك بنات العباد.... 

قرصاتو ورجع لور كيتف زريعة 

اسبرو : ورجلة فالقلب الخالتي الحاجة .... مابغاي نشبع بنات عباد انا مالي فاتح ماكدو .. باركا عندي مايشبع وحدة 

لامار : ( جبداتو عندها ) هذااا الحوووب هذا الرجوولة بعدي لي منو 

رقية : تتتي طلقي من دري غاااانشير عليييك بهاد المممحكة.. تي طلقي ماابقات حيا مايقات حشمة الولد عزززري ونتي براجل كالسة تعنقي فيه هادي هي تربياي ينعل توااااسلك 

اسبرو طلق منها دغياا ومشا هارب لاداك شاقور يجي فيه هو زهرو وعارفو .... ولامار بقات مبرققة عينيها 

لامار : هاويلي وحدي وياماما جايا بعجاجاتك 

رقية : عمري عمري القتبان وباركا من الحتيت ... الفاااااخرررر زند وشغلك ومااااا ثقيل ماااايشبع شوف مايبرد جوووووف ..شغلك مفافي كي شغل العطاار كيسول منين جاتو العطسة وشواريه معمرهم غابزار ...

لامار : بدييييناااا عاوتاني ... رجعي لححجك للهم مقام النبي رسوووولله ولا نقلوبها هنا الحافيض الله 

رقية : شددددي القتيييييب فيدك مزيان مالو غاياكلك ... مال شغلك ملاوط عاااااربي داك راجل مزييييناتو شمن دنب دار فحياتو تاجا عند المنونخة تاعبوك ... ناس طلعليهم مغرفتهم لوووبانة وليدي مسكين طلعاتليه غااا جرااااانة عريانة ( ضرباتها بالقطيب لفخدها ) العگزااااانة الفنيااااااانة ... شي زهرو طفرو ليه شي غاخور ليه ..

لامار : هاااااح اماماااااا راه حرقتييييني 

رقية : اييييييه سممممعي لميميتك ودي لي يفيدك ..... الحيرة مااااشي فتمشي قدااااامو عرياااااانة ودرعك كااااااضي ماتشبهي المراااا .. خااصك تكوني موووووس مااااضي وتحطي على الجرح يبررراااا لامااابغيتيهش يشوووف لبراااا ياااا بنت الهم يا مخلات ككككرشي 

لامار : تي اش كككتخخخربقي اااش اااااش ....واش حسااابتك دايا بوووشعيب د ثمانينات ... الله يهديك اشمن موس ماضي ولا مقدة... قااالك الى عريتي ليه يشووف برااا ويلا وليتي مووس ماضي يقووول هادي المراا .... هاااانتي شوووفي غا راسك مكنتيش غي مووس ماضي كنتي شااااااقورررر بقوة مااامضى حفاااااا ... مع دالك بابا الله يرحمو كان يشوف كوادالووبي ويتللللف نفككرررك ولا نسيتي 

رقية : ( كتشوف مع جنابها لايكون شي حد كيسمع ) غانووووض لمططووووطة تاااع بوووووك 

لامار : هااا زمطططتك فهادي ارررقية ... ونتي مسكييييين كنتي تنوضيه ليه غابالكراافس لقلة المؤؤؤهلات وتجي تقوليلي دابا راجلك غايشووف لبراا منيتك ..

رقية : هاااااويلي وغدااايدي واااااميميتي وختي عبووش وطلعوو من قبوركم يارااگدين وااااجيو طلووو عليا وعلى تربيتي وسعدي 

لامار : هااااا غاتحرافلك معايا بداي تجبدي ليا ميمتك وطواسلك ... ياك مك وختك قتليتهم غا بفقصتك ملي جا بابا يخطب خالتي عبوش ولصقتيه كي لحم الراس عوك عوووك منو نخلاق .. سفطتيهم لروضة وباقا تاابعاهم لا حقا طلعو عليا شوفووني ...وااا راهم ميتين اشريفة ماشي ساكنين فطروازياميطاج

رقية : يططططلوووو يطططلو عليا وعلى مخلات كرشي ..... 

لامار : خلاااااات النقرااا والهبرااااا 

رقية : خلااااااات الخراااااا ... خلات الخراااا كرشي لخراا 

لامار : هاو هاااااووو تي شوووري راك جااياا من الحج زعما ....خلينا نعمرو هاد القطبان بلا صداع 

رقية : تي تخليلي شي حج يككككمل ... الحج عيييت مانسگم فيه جا لعندك وتتببببطل ياااا ياااراااااس الططططبل ياا تريكة لي داازز يددددفل 

لامار : الله الله ... انا غاقوليلي ... واش زرتي مقام النبي .. ولا عبد الرحمان المجدوب شتك بلاصة ماتجيبي ماء زمزم جبتي القوااااافي ااالحااااجة .... 

رقيو : تييييي عمري القتيييييب الفاااخر ززززند ولاااانگلس بووك عليه 

لامار : صافي بقالك غا بويا تاني تجيبديه من قبرو مارتاح معاك لا حي لا ميت ...بوووويا رااااك كلستيه على صبع فاش كان حي ضربتيه اكبر تخويرة كان باغي يدي خالتي لسقتيه .... وأناا ماعندك مااتخشي فيااا .. لي تخشااا تخشااااا ودررنا بييه الطحشة ( كتوريها كرشها وضحك ) وسمحيلينا الحاااجة على الفرشة ( غميزة ) راه كلنا كتعرفو لققوافي ومنين هاد الحولة من داك العمشة ......ههههههه

رقية : ماواااتك غاضحك... دابا طاعت الله ونبي رسول الله عاقوليلي .... اناااااا على حد علمي والله يتبتا على شهادة زحمت والديك من لقدام ... ولاينني سسسلعتك غا ديال لووووررر اتريكة البواااسسسسر ... ( عطاتها بقرصة تاغواتات حمد الله اسد صمك ) ... وهااااااااح على ماخلات كرشي هاااااااح بالحااااالح زبدة حرشة وسكر ماااالح .. رقية عممممشة وولدااااات العوووورة ...بغيتليك يابنتي ماتعطى لمقلة زوافرية الوجه لتشحار والقاع لنار وليد لتخوااار ... عمرييييييي القتييييييييييب المطووووووطة تاعبوك تقادوو الكتاااااف

لاماى : اااااح تي طلقي صاافي غااااانعمرررر اح 

طلقات منهاااا وهي تنقزز گلساااات حداها وتخشاات فيها 

لامار : لهلا يخطيك علياا ياماما توووحشت نكيييررررررك علياااا ... ( بااستليها يديها ) 

رقية : غااقرصي ومللسي عليهاا نوووووضي عاونيني باركا من البهوت 

لامار : هاهي نايضة حرام واش تكر فيك شي لعبة... نيت نسااليو باش نمشي عند اريج نشوف اش نوجد معاها اماما هاد نهار خطابتها وضريب صداق

رقية : بصاااااح ؟؟؟؟ مبروووووك عليها تاهي فنييييونة غزالة تستاااهل ضريفة ..... 

لامار : والى خلاني اسد نمشي...يقولي تاليل 

رقية : يخلييييك علاش ماايخلييكش ونمشيو عنها ونفرحو معاها ونعاونوها مالها اش فيييهاااا مابقا خير فدنيا ولا شنو .... 

لامار : واااقوليهاليه هو ... حقااا رراه غدااا مسافرين ... 

رقية : فاين ونتي قربتي تووولدي 

لامار : مغانولدش هنايا ... غانمشيو كاملين تانتي ياك دراري عطلة .... غانشيو لداك جزيرة لي كنت نعاودليك عليه غانمشيو فالباطو .... 

رقية : هاويلي ويلا شدددك شي وجع فطريق تقققبلك الكابايلا وسردين

لامار : والله يهديك اماما راه غاتمشي معايا طبيبة و الفرميلات اصل اسد بغاني نولد تما ... 

رقية : تواااا ملي وليدي اسد لي الله يخفظووو ليا لي بغااااا مكاين بااااااس .. وخفي خخخفي يديك الولد بجوع .... 

لامار : الى كلاليك هادشي اجي عكريلي بداك سودانية

رقية : اوااا ظابااا تشوفي واش مغاايكوولووش ... 

بداو يوجدووو كوولشي .... وجاو الخدامة كيحطو على طبلة جردة ريحتها ولات غااادخاخن وشياط ولامار كتنقب من شوااية ماكلة رقية ديما بنيييينة ..... حطو على طبلة و مشات رقية عند اسد لمكتب خرجاااتوو ... وكلسو فطرو كلسات هي حداه ودفعات لامار لهيه .... وبدات تخوي فأتااااي برزتو ومككفضة .... ولامار تعجبااااات كيفاش كياااكل اسد وبشششهية نسا داايت نسا كولشي .... بقات غا شادة كاسها وكتشوف ... لي عطاتو كيدوق منو شافتو حطاتليه لفويلات فطبسيل وكلس يقطع فيهم بالفووورشيييت والموس وبدااات ضحك بشششر تاكلا منهم وشاف عنها لقاها كضحك ووما ليها بعينو اش كاين 

لامار : ( غير بشفايفها ) عارف داكشي شناهوا ولاماعرفووووش 

اسد : نوو ؟؟؟؟ 

لانار : ههههه ياليتني نعجتوووون هههههه 

اسد بقا يرمش فييهااا كيحاول يفهم عاد سرات معاه بقا يشوف فداكشي ويشوف فيها ورقية حطاتلو تاني 

رقية : زيييد اوليدي كووول ماكليتي والو 

اسد : ( يدا يككح وشرب الما ) نوو صاافي باركا شششبعت

رقية شافت عند لامااارر كضحك كون مكان اسد كانت غاتننوض تلزززغهااا ... كملووو لفطور وهو رجع يكمل خدمتو بقات غي لامار و رقية على طبلة كينقبو 

لامار : ماما صافي طلعي لبيت ترتااااحي شوووووية .... 

رقية : الله ياربي كليت تانتففففحت ... نطلع نصلي الضهر ... احي بعدا فين دوارتك

لامار : واالعااادااو طلعي ترتاااااحي ولا والله تااانعيط لييييه... انا مغاتسميعيليش ... طلعي حنا فدوارة دابا ... 

جات رجاء كتجمع ورقة طلعات توضات صلات و الولاد تاهوما شدو طابليطات كلسو كيلعبو زشيماء خرجات هي واسبرو قالت لامار لرقية سخرتها ... وهي جات تخشات فماماها كتسبح فوق ناموسية وكتعاود ليها تاداها نعااس عندهااا ... بقات كتشوف معاها رقية عااد لبارح كانت صغيرو فيدييهااا ... ودابا ولات مرا كبيرة وبدارها وقريب تولي ام ... طاحوليها دموعها ومسحاتهم وسگداتها فوق المخدة وتكات حداها ولامار عنقاتها وتخشات فيها علمها اسد لفشوش ...

اسد ماقال تاشد داك البييسي وبددا يطرطق فعنقو من العيااا ... وناض طالع ... جا ماشي لجناح ديالو هو يلقا لباب دشومبر درقية مردودة طل لقااا لامار ناعسة على رجليين درقية ورقية متكية كتسبح شافتو ووماتليه يدخل ... وحل عليها لباب بالهمس بلا مايفيق لامار 

اسد : هادي نعسات هنا ( دخل كيسكد ليها فراسها عوج ورقية كتشوف معاه )... رتاحي تانتي الحاجة غاتكوني عييتي 

رقية : لا اولدي راحتي هي نشوف وليداتي حدايا فرحانين .... هادي هي راحتي ... الواليدين كتنعس وتشبعو قبل مادير الولاد ملي كديرهم ماا كيبقا ليييها نعاس .. مزااال تزاد ليكم البنيتة وتوقف على هضرتي ... اجي اولدي اججججي حدايا راه تانتا وليتي واحد من ولااادي 

اسد ايتسم ليها وقرب كلس حداها تاهو وعقاتو عنها 

رقية : ماابينك وبين بنيتي ووليداتي تاااا فرق ... ششوف انا ميمة مراتك وكنت حتى باباها فاش مات الله يرحمو ... تانتا ديرني مييمتك وبووك ... ويلا ثقل عليك راسك حطو على كتاافي اوليدي ... 

اسد : ( باس ليها راسها ) لهلا يخطيك الحاااجة 

رقية : لهلا خيطيك نتااا لي كون مكنتيش واش غانوولي الحاجة 

اسد : حاشا حاشا ... داتك لتما نيتك .. انا مدااير ليك والو .... رتاااحي ( ناض وكيشوف عند لامار لي مخشية فرجل ماماها وخا سكدها تعوجات ) ههه عمرها تكبر 

رقية : ( باست على راسها ) هي هاكا من صغرهااا ... لي يشوفها يقول ماكاين ماقسح منها .. ولايني منداخل درية بااقااا صغيييرة 

اشد شاف فيهم بابتسامة ومشاا لجناحو ... حيد حوايحو وخرج بالكوون شعل كارو ورجع طاح نعس تاهو جاتو نعسة عوجة بلا لامار كل مرة فين يتققلب مرة يعنق وسادة مرة يلوحها مابغاش يدوز عليه ونااااض .. جبد تيليفونو بدا يصوني ليها ... 

لامار سمعات تيل كيفيفري فوق طابل بدات كتحل عينيهها شافت عنها ماماها بانتلها ناعسة وخوتها تاهوما وشافت اسد كيصوني عرفاتو من البيت وناضت يبشوية مشات عندو ... لقاتو متكي على سرير شعرو مخربق وعريان منفوق ... وداير فيها شوفة طفولية مخسر سيفتو بلفشوش 

اسد : ( كيحك ويخربق فششعرو وضرب واحد وسادة لاحها ونطق بدلع وصوت مجبد طفولي ) ولفتك حدايا .... 

لامار : ههههه ... 

مشاات عندو وتكات حداه ونععس على رجليهااا شاد فكررشها وبدات تمشط فشششعوو بصبعانها تاشافتو نعس ماداه نعاسو ناجات عندو حيت الراجل الى ولف على شي ريحة فنعاسو مايجيييهش نعاس لامشمهاش وهو ولف ريحة مراتو مغاينعسش بلا بيها مرتاح .....

يتبع