يونس : وداكشي لي غايكون طلق عطيني راه كيمشي لحال ... خليني نشوووهوو خليييه يتفكر هاد نهار طووول حياتو
اسد : شكوووون باغي تشششوه شكوووون الكاالااااخ
يونس : دااك الزاااامل انا لي عاااارف اش ساااوي هادا راه غي زااامل ديال الخلاااااا جاي كيدير فيها هنا الرطووووولة هانتا شتي فالفيديو اش كيدير ... عطيني اسد لكلي ماتزيدش عليا
اسد : واش عااارف شكون كاين لتحت ولا معارفش ؟؟؟؟؟ راه العائلة البنت كاملة حاااااضرة .... راه مغاتشوهوش هو .. غاتشوهها هي .. اما هو راه غااايغبر كمارتو هي لي غاااتبقاااا قدامهم ... غايبقا عنها شي وجه لي تفرح برسها مزال ؟؟؟؟ و باها غايدوزليك هاد الفعلة ويعطيك بنتو من الفوق ؟؟؟ واش لي كيبغي شي تحدة كيشووهها ؟ وداااك دراري صغار والناس لكبار لي لتحت باغي طلق ليهم هاد البورننو فالوسط حسااابتك كولشي بحالك عنهم عادي ... قوووود قدااااامي دغيا خلي هاد ليلة دوز على خير
اسد بدااا غيييي كيرد شعروو لور ماباغيش يضربوووو وفنفس الوقت عصبوووو بهادشي لي كايدير ... ومشااا جبدو عليهااا قبل لاتسخف تما وعطاه بررركلة تازواه وشدليه يدو لووررر حاكمووو وهو كيطلع ويييهبط ويييغوووت ويلوي فراااااسوو ويضربووو مع الحيييييط تاحبهاتو ولات تسييييل بدددم غيغووووت وصوتو مبحوح باغي يفك راسو من اسد هو شاد ليه يدو لووور ومزيرو عندو وكييييتعصصصصصرررر واسد مخليييه يغوووت باااش يبررررد وووما لاريج دخل لحمام وتسد عليها ومشات ككتجري كتقففف شدات عليها فللحمااااام وشهااب شاد على وجهوووو و عينيه بغاو يتشدووو داخ ونااااض هرب دغيا خرج كيقلب فلبيوت فين يدخل تالقا بيت احمد محلول ودخل لحمام يفك حالتو
اسد بقا شاد فيونس وهو كيييطر من يدو خلاااه تابقااا غير كييينهج وبدا يتهدن وضورو لعندووو شاد ليه فوجهووو بيد وحدة جمعو ليه و اريج متكية على باب الحمااااام ومكياجها كامل خخخخسررر وكضرب راسها مع لباب خلعاتها حالتو وكتتتتتبكيييي بحححر جهدها على حبها لي غاتسمح فيه وتمشي تزوج بواحد اخور وكيغادير تنسااااااه ..
واسد بقااااا فيه ولاكن لا طلقو غايدير الفتنة هاد نهار مابقا عاقل على والو وتالكمية د الحشيش لي كناها مأثرة عليه ... شافو غايجعر تاني ورجع شد ليه يدووو مووراه ودددفع فيييه يييهبط وهوووو كييتلوااا فيدووو كي شي دييب ماباغيش يزيييد كون مكانش شادو كان ريب داااررر بلي فيها ولا قتل شي حد وتاحد مايقد يحبسوو منغير مجعوور بحالو و من تريكتو ... حيت مساعير ابتهال مكيقد يشدهم حد الى سعروو من غير بعضياتهم .... وهبطو فدروووج مرة يهزو مرة يلتخو مع دروج يهببط تاوصل تقريبا لتحت ولاحووو علا شباك د دروج .. حيت الدروج جايين مفتوحين على صالة .. اما منين لاحو جااا مليووح حدا الكولوار د باب لورانية غير ربي مهرس ليه سلسول ... ونقققززز تاهو موراه قبل مايهرب ومشااا جااارووو تاخرج لبرااا . .. لكااارد شافوه وجاو كيجريو ولاحووو عليهم كييقطررر بالعععععرق و شوميز كاع تقطعات بقوة مكيجبد فيييه .... وشدووه الكااارد كامل دميات فاش كان كيضرب فراااسووو
يونس : ( كييشووف فيه حاقد وهضررر بالغوات والسعرة ) ططططلقووووو منيييييي .. اساااااادددد بربي لافكك مني شي حد ...... والله لاددددوزتهاااليك .... لاتزوجاااتووو غااانقققتلك نتاااا هاد المراااااا ...اساااااااااد فكككني ... فككككني ندددددخل نننقتلووووو .... اسسسد رااااااه حببييييبتي غاااااااتزوج وااااااش باغي تقتتتنلني ونااااااا جي ( تننغنغ صوووتووووو ولا معصووورررررر و عينيه خرجوووو و صدرووو كيززفر كاع حوايجو مقطعين عليه وححمرررر ) وااااش بااااااغي تعييييش خوووووك فالعدااااااب رااااااه كنننننتتتتحححححرق ... اساااااااد .... راه غااااانقتلها ونقتل رااااااااسي ططططططلقووووني ندددخل ... .. والله تااااااحراااام هادشي لي كااادييييييررررر علاش كتتتعععدب فياااا علاش راااه غايزوجوووووها بداك الزاااااااااااامل ... راااااه بربي لااااااااقسسسسسسهااااا شي حد من غييييري والله تاااااااااانحروووووووو ...( ا واقف كيشوف فيه مررربع يدوووو وهو شاف مامسلكش معاه هادشي وبدااا يهدن فرااااسو ويتنفس ورجع طلع فيه راسو كيلهت ) صااااااافي غي ططلقني مغانيدر وااالووو مغانضرب تاحد .... ومغانديييهاش غييي فكها من دااااااك للقواااااااد ... ماتخليييهش يتتتزوجججهههااا .... دخلت علييييييك باخوووتناااا اسد .... ماااااتخلييهااااااااااش
اسد وما لكاارد يمشيو .. وزادو بيه خمسة شادينو كل مرة شكووون يررررعف ... تاخشاااوووه فطمووووبيل و طرقوو لبييبان و كلسو حداه محااصيرينو وزادو ...
اسد واقف كيشوف فيهم خاشي نص يديه فجيابو ... غير غبرو زير على عينيه وتننفس خرجات على خير ومطرا والو ... تاجا وواحد الكارد لعندو
اسد : ( بصوت ثقيييل ) جيبليا شوميز بحال هادي ....
مشا داك الكارد وهو تكا على واحد الحيط كيسوووط سخفوو وكيرجع شعرو لووور ... وتفكر موصييتو باقا لفوووق ... ومشا تاني بنفس طريقة من لباب لورااانية ونققز من شباك د دروج .. ناس كولشي ناااشطين وكيضحكو وتاحد مابغا يطلع حيت عند بالهم را اريج كتهضر مع شهاااب زعما خلاوهم على خاطرهم .. طلع لبيت د اريج ... لقاااها كالسة كتتتبكي كانت كتشوف من السرجم ... شاافتووو وهي تزيييد فشهيق
اريج : ماااالوووو دايررر هاد الحالة علاش كيعدب راسو وكااايزيد يعديني معاه ... هو راه كااع مااباغيني هااوااا معارفش اصلا اش باغي غي متسرطاتش ليه نبغي شي حد من غيرو ولف تابعاه غير هو
اسد : انا ماعندبش مع كترة الهضرة و الكلام ... بغياه ولا مابغاياهش ؟
مشااا كيينفض فيديه وهي كلسااات على سرير كتنننفس شادة على قلبها لي كيضرب بجججهد وكتقول اه مابغااهاشوكتقولها وتعاودها ....
اسد يلاه غايفتح على لامارر هو يبانليه شهاب خارج من بيت احمد شافو هو يفققز وبدا يرمش خافو لايكمل عليه وشهااب كان غشل وجهو من دم ... بصح اثاار الضرب تحت شفايفو باااينين ... مشافش عندو اسد وحل لباااب دخل وزدخها مووراه .. لامار كانت كتمشي وتجي شافت كولشي من سرجم غير سمعات زدددخة وهي تقفززز تاحرقتها كرشها وشدات عليها ..
اسد : راك جيتيني حاملة مانتي بربي غاديال تسرفيق ولي ليسقك مع الحيط هبطي قداااااامي
لامار : اااسد شوف انا را ( قااطعها)
اسد : دابا غي هبطي الهضرة من بعد بلا متولدي ليا هنا ....
شهاب : حسابتو دابا لادار هادشي غانتراجع وونخليك منيتيو ؟؟؟؟ ليوووم انا لي غانتزوجك وماكينش لي غيديك مني وضد فيه
اريج : صااافي يلا مدير ليا هضرة المسلسلات انا ماشي لعبة لاكنتي بااغيني دبصح تزوجني.. بغيتي غير ديرها ليه زكاااارة بعد مني حسن ليك وليا
شهاب : يااااك ؟؟؟؟ بحرا انا نبعد ونتي ترجعي ليه ياك؟؟؟؟ شكووون لي داير هاد زواج زكارة انا ولا نتي ؟؟؟؟ حسابتك انا هبيل مكنعرف والو.... نتي لي من لول بديتي هادشي ضد فيه .... اوا غانكملو هااكاك ( جبد ليها يديها تاكانت غاااطيح ونتراتها منو يغا يدير زعما بحال يونس )
اريج : ططططلق مني مناقصنيش نتا ..... ماشي عليااا لي مراااا تبين رجوولتك وهو فاش شدك هربتي منو وخليتني هادي هي الرجلة ؟؟؟؟؟ مالك معندك يدين دافع على راااسك شوووف حالتك شوف كي ردك
شهاب : اريييييييج
اريج : وماااالي كدبت ؟؟ هااا .. سمع ليا نقوليك نهار لول يموت للمش ... الى غاتبقا دير عليا هاد الحركات نمشي نديه هو نيييت ... عجبتني نهار لول ملي مكالمي لاكنتي مسعور بحالو غييير بعد مني .. لي يهز عليا يدو باقي مخلاقش
شهاب : عمرني قستك انا ؟؟ جيتك دابا انا بحالو
اريج : اوا منعرف هادشي لي بانلي كتحاول دير
شوية سمعو دقان فلباب واريج شافت فيه وشافت فالمراية مءحات دموعها وداك الكحول لي ساح ونطقات
اريج : ددخل ..
طلات عليهم رتاج وهي تجمع ملامحها وفتحات لباب نيشان كتشوف لداك الحالة وداك زاج ودخان طالع من التلفازة
وهو كينهجج وتكا على لحيط ويدديه معلقين للفوق... وكييفكررر فيييهااا وصورتها بين عينيه اول نهار حط رجلو فالشركة وشافها .. كيفاش كانت كل مرة زااااعجاااه ..نهار تهلوساااات وبدات تقوليه شكون هي وشحال كتبغيه ... نهار كانت غادخل فيه بطموبيل ضحكتها الشريرة مابغاتش تحيد من قدااااامو بمرة ... ورجججججع تااااااني كيغووووت ملي كيتفكر راه غاااتزوج وخوه لي عزيز عليه هو لي منعووو ينقدها من هاد زواج وسلبها منو.....
اريج سااالاو ليها مكياجها لي ظاروه بزز مع دموع كل مرة ... حالتها حالة وقلبها عالم بيه غير الله .. هي براااااسها كتكدب على راسهااا ومكتبغيش تستلم ل قلبها ... عاودو قادو ليها شعرها و التاج .. وجا شهاااب مبتسم وشد فيديها ... وهبطوو تاني تحت زغاااريت والجاه العاااالي وتاحد ماعارف للحرب لي طرات لفوق عاطينها لشطيح والحلوة ونميمة ..... لامار غي شافتهم هبطو قلبها تززززيررر ... وشدات يديها كتعصر فصبعانها ... كتشوف فيها ... هي فعلا عمرها جربات احساس تكون عنها اخت ... مي ليوم كتحس بيه... عارفا مزيان الى اريج كتبغي يونس وتا يونس ماخلا مدار فاش رجع .. عارفا شهاب الى كيف بروفيتا وتخلى على روجلتو على قبل الفلوس مغايحافظش عليها .... بدات غي كتنهد وهي كتشوف هادشي قدام عينيها ومقادة دير والو ... خايفة يدابز معاها اسد وفنفس الوقت ماباغاش تسمح ليه على هادشي ...
ومشاو كلسو حدا العدووول لي فاتحين ملفاتهم قدامهم ... وجا احمد تاهو كلس حداهم وبهيجة لي بحال ماهم .. ورتاج تاهي انضمات وشهاب مزير على يد اريج لي مرفوعة مكيناش فهاد العالم ...قلبها فيه ديب من القهرةةكيعوي ... والديب حدا يونس كالس شفقان على حالتو..... ... نطقو العدول وبداااااات المهزلة ....
حبيبي الأصم الجزء 143
محتوى القصة
التنقل بين الأجزاء