حبيبي الأصم الجزء 144

اريج فواحد اللحظة عينيها تفيكساو غير على يديهم لي متشابكين وكتشوف لخواتم فيهم ... وبدات طلع معاه عينيها لقاتو كيشوف فيهم مبتسم ... 

اريج : ( غير فالداخل ديالها كتهضر ) ليوم غانتزوج بيك ؟ دابا نتا هو هذاك لي غانكمل معاه حياتي ؟ .. ولاكن انا طول عمري كنشوف راسي مع يونس ؟؟؟ كنت غالطة ؟ نتا لي مكتاب ليا ؟ ولادي غايشبهو ليك نتا ؟ ... كيفاش غاندوز معاك حياتي ؟ ... زعما نتا لاشفتني مقلقة غاتنوض تديني للملاهي ؟ ... تقدر تاكل معايا لاكلاص فززنقة ومتهتمش لوجهك واش مجخطن بشكلاط ؟ .... تشطح معايا وتحمل صوتي الخايب فالغنا ؟ ... واش نتا غادير هادشي لي كنت كنحلم طول حياتي نعيشو مع يونس ؟ ... تححقو ليا زعما اشهاب ؟ ... 

شهاب بقا غير كشوف فيها وهي ساااااهية فيه بنظرة مامفهوماش ليه وتاهو كينطق غي فالداخل ديالو 

شهاب : غاااتخلصي هاد لعداب كااامل مضووووبل ...لعبي دابا كي بغيتي غوتي و زعفي عليا ....و حداه كتقطعي الحس وترعدي ... دريني قنطرة باش تنساايه ... حسبيني لعبة ... ديري لي بغيتي دابا ... حححلمي مع راساتك .. بغيتك من كل قلبي اريج منهار شفتك ... ولاكن من داك نهار ماشفت معاك غير لويل ... كولشي غاتخلصيه مضوبل غانوريك شهاب شنوو كايسوى ... و الى مراة دكري ليا داك يونس ديالك على فمك ... من دابا شويا غاتعرفي شهاب شكون هو ( تنحنح ونطق ) حبيبة ؟ كيضهرو معاك ... 

اريج : ها ؟؟؟؟ ( شتتات نظر ديالها وشافت عنهم كانت مرفوعة ) 

العادل : واش نقدو نبداو ... 

احمد : اااه تفضلو ... 

شدو المايكروفونات وكولشي قاطع الحس كيتفرج فيهم ولامارر جامعا يديها عندها مزيرة على عينيها كدعي شي حاجة توقع واسبرو مابقاش بان ليه الاثر ماعرفاتو فين مشا ... ورتاج غي كتشوف لارض ماحملاش واخا شهاب عاجبها الى ان حاسا بختها مغاترتاحش معاه ملي رجع يونس ...

العادل : السيد شهاااب معتز .. قدام الحظور الكريم ... واش قابل بسيدة اريج الباني زوجة لك على سنة لله ورسولة وبحضرة شهووود الكرام ... 

شهاب : قاااابل ( عطاوه ستيلو وسنياااا ومدو لاريج لي يديها كيترعدووو ولات عرقاااااانة ) ... 

العادل : سيدة اريج البااااني ( صوت كيتقطع فودنيها بسباب دكريات لي كتختلس مسامعها وصوت يونس فيها ) قااابلة ب ....... واش تسطططيتي نخليها تزووووج برررررررررربي تااااااانحرق هاد دااااااررررر......... السيد شهاب معتز قدام الحظور الكرام ............ وغاااااتزوووووج ابنااادم ططلق مني نقتلووووووو مغاااااانخليهاش ضيع حياااااتها معااااااه ........... وبحضرة الشهود زوجة ليه على سنة الله ورسوله ؟ ............ ديااااااااالي هاااااااااااديك ديااااالي اناااااا ماديااااااال تااااااااحد .... سيدة اريج ؟؟؟؟؟؟ 

شافت عنهم وستيلو طاح من يدها وعاود هزاااتو كتصرف ببلاهة وكتحاول طرد داك الصوت من ودنيها وتنفسااات مطولة وشاافت فشهاااب ... وكتشوف فلورقة كايوري ليها لعادل فين تسني ... صافي فهاد الدقيقة لي كتفصل بينها و بين يونس ...خاص يتحط القرار يا اما تزيد القدام ولا تشوف لوور ... لور لي فيهم دكرااايتها معاه طفولتها حبها البريء .... عادتها تنعس كل ليلة على وسادة معنقاها ظانها يونس ... عادتها كل ماتشوف جوج مزوجين تخييل راسها هي وياه تما ... صافي خصها تخلا على هاد الاحلام حيت دابا حداها واحد اخور ويونس خصو يولي من الماضي .... تنهداااات حيت شافا راسها واخا تراجع غير مغاتزيد تعدب ... ويونس مزاال بالو مع سارة وكيفكر فيها ويرجع ليها .. غير غاتزيد ضيع عليه سنين اخرى من عمرها ... بلا متحححس هبطات على دلك الورقة ووسنياات دغيااا بقوة ماكرزا على ستليو قربات ثقبهاااا ..حاسة بحالا باغا دغيا تهرب من قلبها لا يجرررفهااا وتراجع.... وشهاااب عاد طلع راسو لفوق كيسووووط وكييررخف فالكراافاات عاد جاه الفرج... ولامار زيرااااات على عينيهااااا عااضة على شفاااايهاااا وللات حممممرة ....

ويونس باااقي مربووووط تههدن ولا غي كيززفررررر وكيشوف فواحد المنحى تاسمع دييب طلع العوااااء ديالو وشاف عندو وعينيه صغااارررر بقوة ماتنفخوو بالاعصاااااب وضرررب واحد الحديدة برجلييييه .....

ارريج كتحاول تحبس دموعها بززز وضحك لناس لي كيييزغرتوووو ويصفقو ... اما رتاج نااااضت مشاااات كاع ....

العادل : مبارك ومسعود اسي الباني ... ( وقفو كيسلنمو عليهم ) بالرفاه والبنين ا سي شهاب معتز ... 

مشاااوو العدووول واريج قربات عنقات باباها وشهاب تاهو .. والمصوور جا كياخد الصور ...

لامار محملاتش تبقا تما مزال .. وهي كتشووف ناس كاينوضو يياركو ليهم واريج شافت فيها كتقوليها غي بعينيها تزوووجت بأسف فعنيها ... ولامار ومات براسها زعما اه راه شفت .... 

وناااضت هازة قفطانها و هزات بوشيتها وجات خارجة تاشداتها بهيجة 

بهيجة : مدااام ... ماتقوليليش ماشية ؟

لامار: مكرهتش نبقا ... تابعنا السفر غدا ( كتهضر ثقيلة ) وعيانة شوية .. غير سمحو لينا ... فين ماما ؟ 

بهيجة : هاويلي على تمشي .. 

جات رقية

رقية : تي فين غدا ؟ 

لامار : ماما انا غانرجع لدار حسيت براس عيانة وضهري كيحرقني وتالبنت كتحرك بزااف ديرونجاتني ... خليك نتي مزال معاهم الى بغيتي تايجيبكوم الشيفور عندي

رقية : لا ابنيتي انا غانمشي لداااري شلا مايداررر غاتكون كاملة غبابار 

لامار : لي عجبك موهيم غدا اجي باش نساافرو ... يلاه خليتكم على خير ... امسية سعيدة ( شافت لعند اريج ودارت ليها بايباي بيدها وهي تنوض اريج عنها تبعاتها ... لامارر هزات بوشيت ديالها وخرجات لبرا تاسمعات اريج موراها وضارت عندها ) 

اريج : لاماار فين غدا تسطيتي

لامار: غانشي لدار اختي حاسة براسي عيانة 

اريج : ملي جاو لعدول وكنشوف فيك ماشي هي هاديك اش كاين اختي

لامار : نت عارفة ... مهم نت دابا تزوجتي مغانقول تاحاجا من غير ربي يكمليك بالخير ويبرد قلبك عليه ( اريج بدا تشوف فالاض عينيها كيلمعو بدموع لي كانت حابسة لداخل) غااتنتشاوفو غدا حيت مغانسافرش بلا منشوفك

اريج : غااانجي ماتخافيش على انا نقد ..

لامار : يلاهه اختي نخليك وتا اسد راه فطموبيل باينا خصو غي امتى يمشي ..راكي شتي اش طرا غايكون بالو مع خوه .... ومشوشة على يونس نمشي نشوفو كيف بقا ... 

سلمات عليه وجات ماشية وهي تعيط ليها ونقزااات عنقاتهاا وكتبكي عنهاا بحر الجهد وتشهق وتا لامار عطاتها للبكا معاها 

لامار : صاافي صاافي شحال غاتعدبي فراسك.... مكتباااك هدا ... شووفي غدا غانهضرو ... غاتجي ونقوليك شي هضرة .... غير ماتسلميلوش راسك واياك ؟؟؟؟؟؟

اريج : اشمن هضرة ؟؟؟؟؟ 

لامار : صافي تاتجي ... دوزي هاد ليلة باش مكان .. وكيف حلل الله زواج حلل لله طلاق هداك ماصالحلكش ... كملي ليلة ودوشي ونعسي وغدا كيتفقي جي عندي واخا ؟ 

اريج : وااخا اختي ... شووفي ( بتردد) الى عرفتي شي خبار على يونس علميني عفاك ...

لامار : واخا ...ماتعطيش ليه رااااسك اريج 

اريج : ويلي مالي تسطيت نعطيهليه دابا قبل العرس 

مشات لامارر وهي تشوف اسد فطموبيل ..عينيها فازكين وحمرة معندهاش الخاطر ... ومشات حلات لباااب طلعات لقات بيسي على لكوسان حيداتو وكلسات ... وشافت عندو 

لامار : عيت بغيت نمشي 

اسد مردش عليها وديمارا ولاح عليها تيليفونها هي مامسوقاش كاع يشوف المساجات ولا يكلس اصلا معصبة منو ومحملاه المسؤولية.. ديمارا وهي دارت سانتير وتكات مغمضة عينيها كتخيل فيوونس كيفاش كان ملي سيفطو مع الكارد كايتقطع قلبها ... هي عارفا شهاب بكامل رجولتو ... ولاكن كايبعيهاااا للمخنثيين على قبل لفلوس... ماتمناهش لصااحبتها وختهااا كيف كتسميها ... .

وصلو قدام دار وهوما تاحد مكيهضر مع لاخور ..ودخلووو لفيلا ديالهم باركا وهي ضورو لامارر 

لامار : فين يونس ؟؟؟؟؟ 

اسد : هبطي ... 

هبط من طموبيل تاهو مقندش كتر منها.. 

وهي تابعاها وضهرها كيقطعها بالحريق صابرا ليه حيت لي واقع كتر من للحريق ... وماشايا تابعاه وهو خطوتو فيها جرية ديالها ... تالقاتوو دخل وسط شي شجر ورا دار ماعرفاش تاواش كاينة هاد البلاصة عنهم ... عاد صلو قدام واحد كاراج كبير بحال ديبو كانو رجال تما وتا اسبرو ... فهمات هنا داير يونس ... وحلو ليه لباااب ودخل .. 

يونس سمع الباب كتحححل وطلع عينيه كيشوف بانليه اسد داخل يديه فجيو ولوخرا كيفسخ بيها البوطون لي حدا عنقو ....ولامار موراه كتشوف مع المنضر مصدووومة والكلاب ودياب مربوووطين كيلهتو ... ومشات تخشااات فيه ولسقات فدراعو خيفانة بقد مكيخلعها بقد ماهو امانها .. تاشافت يونس ... حاااالتوووو حااااالة وراسو كيجري بدم وعريان منفوق والعرق كتصب معاه ومعصوووررر وعروقو خارجين ووجهو ولا باااارررد كيشوف بحقد فاسد 

اسد : (شاف عندو ) درتي عقلك شوية ولا مزااااال ممم ...

يونس : ططططططلقني ... طللقني ويلا شتي ووجهي مرا اخرى اجي خسروووو ... ( صرخ بصوت رجولي مبحوح بالغوات ومدعدع) ططططللقني من هناااا 

لامار : اا اسد ( ضوارتو عنها ) اش هادشي كدير فيه ... ططططلق الولد حرام عليك ... بلا ماااتزيييدو حتا نتا 

اسد : بببعدي لووووور ... 

قلب رااسو وهي غير مكيزيد يحححقدها عليه... وما لواحد من رجالو يجي يفسخ ليه داكشي ... وجاب سوارت كيفسخ الاصفاد لي معلقين فيهم يديه .. غير طلقو جااا كييطري عند اسد جييفووووو 

لامار : ( بالغوات ) لااااااا يووووونس لااا طلقووو

اسد شد ليه يدووو كااااارز عليهم بصبعانو ولاكن على وجهو باين الهدوووء وبعدوهوم على عنقووو داير ليهم شدة لي تققرطهم .. وشدهوم ليه 

اسد : ششششش كاااالم كااالم طوا ..

يونس غي كارز على سنانو وكيشوف فيه 

اسد : رووولاااكس ... غي بشوية عليك ليل طووييييييل ... ( كيهضر بالهمس والبحة فصوتو المعهووودة ومبراااااد ) 

دفعو عليه وجر واحد الكرسي كلس عليه داير رجل على رجل ويونس مسسسستغرب فهاد البروووود ديالو ودفع ليه واحد الكرسي برجلو يككككلس عليه وجبد كارو ... اما لامار ماعرفاش اشكون هاد المخلوق لي محطوط قدامها واش اسد ولا شكون ...كالس كيكمي بهدوووووووء ... مرى مرة كيلوح عينو عليها واش راها صافا ... ويرجع يشوف فيونس 

اسد : كلس 

يونس : واش باغي تجججهل ديلمي فهاد ليل ... مابقالي معاك كلاس ولا هضرة ... خيبتي ضني فيك .. كنت كنحترمك وطلعتي ماشي قد الاحترام ..ماشي منحقك تحكم ليا فحياااااااتي ... انا ماشي ولد صغيييير 

اسد : مممم ... ( كيسوط دخان ) ولايني فعالك غا ديال دراري صغار ...من زهركم بلاكم الله بأخ بحال هذا غانبقا تابع ملتكم تاترباو وتشدو طريق .. كرهني ولا بغيني ...( كيكمي ويونس كيحك فسنانو مالقا ليه جهد ) اش كنتي باغي دير ممم ؟؟؟؟؟؟؟

يونس : نتا لي شنو كتحااااول ديييير ... كون كااانت لاماررر هي لي كاتزوووج غاتلقاك هاكا مهددددن ... 

اسد ضور راسو شاف فلامار طلعها وهبطها وضار شافو عندو ساط عليه دخان 

اسد : كون كانت لامار ...مكنتش غانعطي فرصة اصلا لشي حد يحلم يتزوجها ولا غي يفكر ..شتي غير ينوي ؟لا ... مكنتش غانغبر ونخليها ليه .. تاترشقليا ونرجع نقولها تفرقي عليا ... لامار نهار بغيتها عطيتها قيمة مادرتهاش لعبة .... ومافكرتش ولا عمرني فكرت ندير فعلة لي طيح بمسعتها ومتهزش راسها فناس منهار بغيتها ونا باغي راسها ديما مرفوع وياويل لي يطيحو ليها الارض الروضة ديريكت ... فكر فاش كنتي غادير عاد قارن راسك بيا .... 

يونس : اشنو دابا ؟؟؟؟ انا باغي نطيح بقيمة اريج

اسد : ( بعد صمت كيشوف فيه ) من امتى وليتي باغايها مممم .. ياك عاد البارح فارع ليا كري بسارة ( رقق صوتو ) ساارة سااارة ساااارة ( رجع شاف فيها بغمزة متسائلة ) شنو وقع ؟ 

يونس بداا يتنفس كيتحكم فراسو بغا يخرج وشدوه رجال اسدو رجعووووه وهو كيتفك منهم تاطيح واحد 

يونس : ططططلقووووو مني ... اسد هادشي لي كدير عمرني غانسامحك عليه

اسد : لهلا يقلب .... ( وقف ) اذن نتا عمرك بغيتي سارة .... كنتي غي شفقان عليها .... ممم ؟ شتك عمرط درتي هاد الحالة على قبلها .... مقطع حوايجك كاع ... شتي كنت كنقوليك راه نهار تبغي بالمعثول بربي تاتقطع حوايجك... 

يونس : اش جبد سارة دابا فالموضوع 

اسد : عادي منهضرووش ؟ خوووت كيتناقشو فين كااين المشكيل اصاححبي ... كااالم كاااااالم طوا ... مرااتي حاملة مورااك غاتولدهااا بشي خلعة .. ماحشوماش عليك تزاد بنتي وسط الدياب ... 

يونس : ( شاف عند لاماررر لي كتشوف فيهم كترعد وجا قرب عنها ) ككلسي اخختيي كلسي مواقع والو بلا متخلعي زهررك وطيحك فهاد الراجل غي صبري دابا ... 

اسد : هايدك راه تخخخلع دولة هاديك ... كلسي الارض .... 

ككلسات على واحد كرسي غي كتربرررقق وهو رجعع كيشوف فيونس

اسد : من هادشي فهمت سارة غي كنت شفقان عليها .... بانلي عاد جرببتي شنو هي تبغي من القلب ماش من للكبدة .... كيجاااك الحوووووب ( كيسوط دخان ) 

يونس : ماافهمتش مالك بالله .. واش كتشوف حالتي وكتزيد تسول هاد للاسئلة ... محرشك شي حد عليا ولا شنو ...حالف فيا 

اسد : ( بعد صمت كيمضغ فهضرة يونس وكيشوف عند واحد ديب ونطق وهز عينو فيه ) نرجعوو سارة ممم ... 

لامار : شكيقوووول هدااا ؟ 

يونس : واذ منيتك داوي ؟؟؟

اسد : بانتليك كنضحك... 

يونس : وعلاش غانبغيها ترجع شنو بيني وبينها كاع !؟ اسد شنو كتحاول توصل ليه !!!!

اسد : وعلاش خليتينا ومشيتي على قبلها لكندا ؟؟ وخليتي هادي لي كالس تقطع عليها حوايجك ممم!

يوونس : انا راني عارفك لشنو كتلمح ... بلا متعدب راسك انا نجيك من اللخر .. سارة ماضي ..شفقة .. وربما اش دوزات خلاني نكبر مع فكرة امتى نخرجها من تما .. وفكرت فزواج ... بقوة ماكنت كتبقا فيا ضنيتو حب .. وكنت كادب على راسي عرفتها نهار جربتو دبصح ... باغي اريج انا .. اريييج لي حرمتني منها ( اسد دار فيها نظرة د أهااا ؟ ) ااااه نتااا ... ومغانساالكش هاااد ليلة اولد ميمتي ... ( كيهضر محرق ) داااك البنت رااااه سكنااااتني .... سكناااتني بليل وبنهاااررررر قدام عيني كتووووووقف مكننننعسش انا بيييييهااااا مكنشوفووووش داك نعااااس منهار دخلات لععععقلي .... هادشي لي كنت بااااغي تعرف ..... هانا قلتو ليك بالحرف العريض 

اسد : مممم ... مزيان ... اذن نتا دابا مكتفكرش فيها ؟؟؟ نت غي كتبقا فيك ... بحال ختك زعما ؟ 

يونس : انا باغي نفهم مالنا على هاد لاسئلة .... وااااش بنتلك فحالة لي غاتفكر ليك فسارة دابا ...... ( شاف عند لامار ) واااش قلتي لييييه على فاش دويت معاك لبارح عليها وقتليك تمشي عنها ( لامار كضوور ليه راسها بلا ) 

اسد : ( ووسع فيهم عينيه وشاف عند لامارر ..اااح بنظرة اش عندي مانوصف فيها ) هههضر معاااك لبااااح ...مزياااان مزيااان .. ضوسيك غادي وكيعمر ...( شاف عند يونس ) اوا زيد ... 

يونس : ( بقا غي كيشوف ورجع شعرو لور ) اناااا ماااابقيت فااااهم تاااالعبة معاااااك بالله.... قلت لامارررر تمشي عنها حيت بقات فيااا وقلت عي لي تقدر تعاونها ترجع للحياة من جديد ... بصح لامار رفضات ومن حقها ... قلت هاكاك حيت عارف راسي غادي نرجججع لكندا ومغاديش رجع للمغرب مزال على الاقل نطمن على خخخخختي ... خخختي 

اسد طططلع راسو لفووووق كييسوووط دخاااان ورجليه متكيها على لحيط ولكرسي كيمشي ويجي بيه ورجع تقاااد ولاح داك الكاروو ووما لاسبرو يقرب ... وجا ومد ليه واحد الملف ولاحو على يونس تاشدو 

يونس : اش هذااا ؟؟؟؟؟

اسد : حلو وقرااا ... ياك كتعرف تقرااا مانساتكلش لينا المادموزيييل تا فالحروف الأبجدية .؟...

يتبع