حبيبي الأصم الجزء 151

قربات لامار راسها لعندو تكااتو على ركبتو حدا فين هاز بنتو ولقاتها فتتحات العوييينااات .. عندها عوينات مارون فاتح بحال ماماها "الاصليين"و باباها وكباااار ومشفرين .. بحال عنين الغزاال(لي توحمات عليه) نفس داك الغزال لي كانت كتشلقم فيه هاكاك خرجات قسم عنييهااا كبار ونيفها صغيييور مسبوك والدقن نحيف (مزال غايتبدلو ملامحها) وهي تشد فيديها الصغيورة لي باقا مكمشة وحمييييمرة باسسستها ....

عند اريج 

مشات لريسطو وطلبات غداها لي بغات وكلسات تغدا كانت غي هي بوحدها كلا وفين مشا ... تاكيبان ليها يوونس داااخل لابس غي شوورط فوق ركبة د دجين و تيشورت بيضة مشافش جيهتها كاع وخدا كااافي وطلع وهي متبعاه بالعين شادة العيدااان فيدها وسباكتي ففمها باقي مدلية شادها (طلبات اكل اسيوي) تامشا عاد سرطاتها خشاتها ففمهااا كاااملة وبدات تمضغ بجنووون .. علاش مداهاش فيها .. كان غير يشوفها يجي يهضر معاها ولا يتبسل .. كملات غداها ... وناضت كتقلب عليهم تالقاتهم فصال ديجو كيلعبووو البيااار .. ومشات وقفات حدهااام كتفرج وكاتلوح عنيها على يووونس لي عندو طابليت فيدو مراهش تما كاااع ... بدات غي كتشوووف فللخر هربات كاع ويونس متتتبعها وكييضحك ... وهبطات لبيتهاااا وتلاحت على سرير 

اريج : وعلاااااااش بغيتيه يهضر مهاك اش بييينك وبينووو .. يمشي يقود . كاعلا .... نيييت نتهنى من بساااالتووو تفووو ... يااااربي امتى يخرج اسد نمشي نكلس غير مع لامااار اوووف ... علاااااش مايهضرش معايا علااااش علااااااش ...( كضرب فوسادة)

عند لامار ....

لامار : حبييييييبة ديااااااالي حلات العوييييينات .. فنيييييونة دياااالي منين جايبا هاد الجماااال ممممم .. غااانولي نغير منك دابا ( كتبوس فيديها وتشمهم )

اسد غي مبتسم كيشوف فيهم وبعد صمت نطق 

اسد : لامار ... 

لامار : ممم ( طلعات فيه راسها)

اسد : كيف داير صوتها ؟؟؟؟؟ 

لامار بقات غي كتتترمممش فييييه مااعرفات باش تجاوبو قلبها تقسم على جوج بهاد السؤااااال لي مكنتش كتنتظرو ونسات الى اسد ماسمعش صوووت بنتو مزااال وكتخيل راسها بلاصتووو كونوكاع نقادرة تسمعها ولا داك الغوتة لولا ديالها لي كترد روووح .. كتخيلو بلي كيشوف غي فمها كتتتحل عاد كيعرفها واقلة كتبكي ... كونوكانت هي مغااتصبرش ... وهو كيتسنا جواب بجرعة فضول زائدة يعرف صوت بنتو كيداير عيا يتخيل ...

لامار : حبيبي ...م مزااال ماباين صوتها تانا مكنسمعوش بزاااف حيت باقا صغيرة مانقدش نعرف ... مهم بكاها مبحبح بحااااالك تماما ...

اسد : علاش انا عندي شي بحة ؟.؟؟.

لامار : ااااه عندك زوييييينة بزااااف .... صوووتك مننننخفظ .. معمري شفتك هضرتي بالجهد غير لاكنتي كتغوووت عليا ... كتهضر بالحس وصوتك مبحوح مميز ... وهضرتك غليييضة فنفس الوقت حنينة .. ( اسد كيشوف اول مرة يسمع هادشي على صوتو ) تا قسم بحال هاكاك مبحبحة ولاكن صوتها باقي مبااان 

اسد : هي دااابااا بنتي كتشبه ليااااا 

لامار : معععرفتش جاتني مكتشبه لحد صيفتهااا بوووحدها هههه( كتشوف معاها) ... ياكما جيعانة! خصها ترضع واقلة... امتى فاقت ؟

اسد : عاد دابا .. 

حطها عندها كايلبعو معاها تابدات تبكي عاااد رضعاتها واسد معاونها ... جات دكتورة دارتليها الفحححص تشوف واش كولشي هو هداك العنين الودنين درجة الحرارة ....الخ ... وشافت تالغراز للمار ... عاد مشات كل شوية كتحي دير ليها كنترول رقية جبداات عليهااا بننننعسة مكاين غا الجخييير من بيتها .... 

نعسااات قسم عاوتاني وردوها لكووونة و شافت اسد متأمل فيها بزااااااااف كتقول هاوا دابا يقول كتشبهلي ولا زوينة ... تاضار عنها 

اسد : اجي حقااااا ؟؟؟؟؟؟ امتى غااان*ويو ؟؟؟؟

لامار تنننهدات وشدات على راسهاااا وشافت عندو 

لامار : واااش عقلك غي تما😡 

اسد : وصااافي ولللدتي وساليتي ... تسع شهور ونا داير معاك *واية النص .. ودابااااا بغيت ناخد رااااحتي برهوشتي لي كنت نخاااف نخخخلطها خرجات 

لامار : علاش ماعارفش بلي غاتسنا 40 يوم

اسد : شنااهوااااا ؟؟؟؟؟؟؟ 40 يووم ؟؟؟ منين جبتي هاد دراااااسة ؟.

لامار : وراه ربعين يوووم يلاه يصفا مني الدم 

اسد : لااا ؟؟؟؟؟ ( بقا يشوف فيها ويشوف فقسم ) ردييييهااا ردييييهاا .. مااابغيييتش انا صاافي غا رديهاا لكرشك .. 

لامار بقات غا كضحك ... كيعجبها ملي كيهضر معاها هاكا حيت كتشوف ديما باغيها واخا ولدها وشافها من تحت كيفاش كانت وخا كرشهااا دلات وغلااااااضت بلا قيااااااس وصدرها يرضع افريقيا السوداء باقي بااغيييهااا ومتلهف ليها ... هو حلف لاخرج من البيت مقاللبهم غي هووووماااا ببسالتو .. داااازت تلتياااام عليهم فالبااااطووو عاد وصلووو لجزيرة ... رقية دارت حالة على سيمية باقا لدابا ماتحفظاتش ليها مرة تعيط ليها قاااسم مرة قويييسم .. سفيان ويونس مكيبعدوووش علييييهااا قتلوها غي بتصااااور والبووووساااان ... كل ساعة ضاااربة حطة .... لامار بدات كتمشى شووووية باقي كتتتعكل خصها لي يعاونها ولا تشد فالحيط ... واسد تاني رجع لعادتو يبردوووو بالماااا حيت كل مافاق بليل يلقاها جاابدة صدرهااا و قسم نعساات وهي نعساااات والفائض مدلي ... مني تزااادت مشافت لامار شي حاجة سميتها نعاس كتنعس دييماااا عوووووجة ولا مخلوووعة لاتفيق ومتسمعهاش ... اما يوونس ماولاش يشوف فاريج كااااع وهي كتتتتعصصصصب و تغدد غير كيلقاها ساااهية ولا كضحك مع قسم ميبدا يصورها ويظير لي فيديو يشبع منها ....هي مرة مرة كتبدا تجبدو بالهضرة كيجاوبها غي بالقياس تاحلفات ماتحاشيهاليه مززال .... وصلو لجزيرة استقبلووووهم استقباااااال زويييييين .بزااااف وكاااع لي كتعرف كوااااني اممممنة ودوك الخدامة لي تما كولشي جاو كيعنقووو فييييهااا .. وفرحانين بالبنيييتة لي هازها اسد .. السبووووع كان ملللللللكي كلشي معرووووض وكلشي جاااا .. صحاافة تاهي دارت جلسة تصويييررر كاع الشخصيات الكبااااار حضرووو وجاو للجزيييرة ... وصبحو الجورنالات والمجلات فيهم غاتصااورهم ... منغير صورة قسم لي رفض اسد تنشر ..

سااارة كتخلي تاكولشي لي معاها فشومبر ينعس وتجبد جورنال من تحت مخدتها وتكلس تشوف فيهم فصووورة عائلة كالسة لامار و اسد وبنتهم عنهم وحداهم سفيان و يونس و رقية ... كتبقا تشوف فداك الفوطو ودموع كييينزلوووو وترجع تخبعها وتنعس .....اما تسيل فاش شااافت لخباااار تصعقااات وبدات اضرب فراسها خصوصي ملي عدنان ماعرفاهاش فين هوو وفين زاد كتقول تخلا عليييهااا ....من بعد سبوووع لي دااز ارقى ما يكووون اريج رجعات مع باباها ورتااااج حيت عنها ديفلي خصها تخدم عليه ونيت ماتبقاش مع يونس ... ويونس وصاا احمد ورغبو مايقول ليها والو باش ميصدموها يخليوها تاتبغي هي الزواج ... رتااااج رقاها اسد غي مهموهة وكئيبة كتهضر وتضحك غي بالقياااس لقاها فرصة يقوليها على الجرراح لي بغاها تخدم معاه فامريكا (وينسطون)فاش شافها فاسبانيا فعملية عدنان فرحات حيت كتمنى غي توقف حداه بغات طييير بالفرحة هاد الفرصة كتحي مرة فالعمر وبدات توجد باش تنتقل لتما تكمل مسييرتها مع داك الجراااح حيت تما فين غادير مستقبلها وتبعد على دكرى عدنان ....يونس وسفيان رجعو لكندا حيت سفيان عندو امتحانات ديال التخرج .. ويونس خصو يحضر تايتخرج و يرجعو ...حيت مسخاوش بقسم تفارقو بدموع عليها ويونس خصو يرجع عند مراتو غير عطاها وقت تخدم على ديفلي فخاطرها وتراجع فيه رااااسها

بعد شهر ونصف ... 

وصل اسد هدا لفيلا لي فالجزيرة وباركا نزل كان بلباس رسمي حيت كان فالشركة ... كوستار مارووون هاز الفيست فيدو لابس غي جيلي .. ودخل لدار لقا امنة ورقية مجمعين ابتسم ليهم وطلع ديريكت لبيتو .. لقاها يلاه خارجة من دوش شعرهاااا ساااارد و طواال لييهاا .. شافتو وجات عندو كتجري تعلقات فيه باستو ففمو تاهو تكا على لكوافوز وحازطها بيديه متنغم فشفايفهاا ... والبيت عامرة غي بريحة لكريمات دققسم و روايح ديالها ...

لامار : متعااااودش تخرج بلا متفيقني .. 

اسد : بتي سهرانة لبارح مابغيتش نفيقك ... ( طل على لكونة ) نعسااات 

لامار : ممم نعسات .. قاتلي مامااا لبارح عااادي يمرضو كون بلاما درتي ديك روينة كاملة خلعاناهم على والو .... 

اسد : راه شفتها كتخنق قدااامي تالبكا مابغاش يخرج ليها ونبقا نتفرج ... مزيان دابا لي نعسات .. غاندوش ويلاه معايا لواحد بلاصة باغي نوريك شي حاجة غاتعجبك ...

لامار : ( كتنقز)نووووو شنو هي قووليا ؟؟؟؟؟ 

اسد : حتى توصلي وغاتشوفييها ههه.... يلاه خليني ندخل ندوووش ..... 

لامار : قسم نااااعسة منقدرش نفيقها ....

اسد : قسم مريضة بلا منخرجوها خليها مع ماماك ... مغانتعطلوووش .. 

نصل حوايجو ومشا باسها بشووية باش مافييييقهااا كانت نااااعسة ولاو عنها حنييييكاااات مطبزين بالحليييب و شفييراتها غي مكزيدو يطوالو زعيعرين مميزينهااا .. وعاد بدات تبان شوية فوجهها كتشبه فلامارر بزاااف مي نخنزيييرر و الوعارة و الصوت د اسد ... كانت لابسة غوووب حمرة بسميطاااات .. حيت الجو سخووون فالجزيرة ... 

مشا لدوش ولامار مشات لبلاكار كدوز فالعلاقات اش غاتلبس و فرحانة ... اصلا ليوووماااا نهار اسد حيت فاتت ربعين يووم لبارح كان ناوي يقضي وهي تمرض قسم حرمات عليهم وليوم حاااالف مايفلتها عرفاتو غايكون موجد ليها شي سيربيريز ... يختمو بها ايامهم فالجزيرة حيت قربو يمشيو للمغرب باش تبدا لامار للخدمة و غايجي يوونس وسفيااان لي غايحتفلو بالتخرج ديالو .... و اسبرو غايدخل يقرااا تاهو خصو يرجع يقاد وراقو ....وكان اقتراح من اسد انو يكمل قرايتو هو وشيمااء ... لبسات سروال دجيين توووووحشاااااتهم مني كانت حاملة مكانتش كتلبسهم ... قصير شوي ومطوي من تحت ولبسات بيل بسماطي بيضة لاكوست ومزيراا ... وعاد كاااب منفوووق دجين تاهووو طويول مفتوح ... و صبادرين لاكوسط بيضة ديال البيل .... وشدات شعرها لفوق .. وبدات تشوف مع طاي ديالها ضااعت وتاكرشها خارجة شويية كتسنا غي امتى يرجعو لمممغرب تجيب الكووتش لي تعاونها تقاد لاطاي ديالها وترجع كيف كانت وضعاف ... هزات تيليفونها و باست بنتها مسخاتش تخليها وهبطات ... لقاتهم كالسين على برراد اتاي 

لامار : صبااااح الخييرر ( باستهم)

رقية : دابا عااد فقتي ؟؟؟

لامار : فقت قبيلة رضعتها ورجعت نعست هاد ليلة راك شتي كيدازت علينا 

امنة : مخصكومش تخلعووو راه عادي يمرضو دراري صغغاار وهاد الصهد يمرض لي مايمرض ... 

رقية : وشكوووون يسمعليك اختي يامينة على لبارح هوما كانو يسمعو لشي حد هضرتنا ولا يخسبوووهااا زايدة ناااقصة بحالا عمرنا ولدنا وعمر خرقناا .. الدار الله يستر ولات كي سبيطار بقوة ابة مجموعين على الدرية قالك مابغاتش تخرج ليها البكية ... 

لامار : راه زرااااقت نتي مشتيش كي ولااات وتخنقااات بسيف نتخلعووو .... مهم اماما غانخرج مع اسد معرفتش فين بغاني .. مابغيتش نخرجها راها لفوق ناعسة مغانتعطلوش 

رقية : غا سيري ابنتي هاحنا هنا .. ومغاتفطريشاي.؟

لامار : تانجي بلا منعطلوو ... معندي شهية ... 

امنة : تاهو مفطرش خدا غي قهوتو شنو شهوتكم نقولهاليهم يوجدوه نجيو تلقاو لفطور واجد ... 

لامار : على دووووقك اهااالتي لحبيبة ( ناضت جبدات ليها حنييكاتها ) شحااال وليت نمووووت انا فهاد المراااة ( باااستها)

رقية : تي طلللقي من المراة راه راجلك هاابط ...

هبط اسد فدروج كيشوف لتيل ...لابس غي شووورط كحل بسيورر وتيشورط كحلة كوول v وتقاشر وسبادرين و كاسكيط كحلة ... وخرجو هو لامار .. ركبات معاه فطموبيل ماعرفاتو فين غادي بيهااا ... تاوصلووو لمحمية ... 

لامار : واااااووووو .. غاااانشششوفو روووووبن توووحشتووو 

اسد : نووو .. واحد اخوررر .. نزلي .. 

نزل من طموبيل وهي نزلات كتشوووف دايرة يدهاا من شمس وجرها من يدهااا معاه تابعاه و المروض كان فلباب ابتسم ليهم ودخل موراهم تاهوو .. ومشاو لواجد الكااج كبييييرررر بالحديد ... ولامار حلات فمهااا وشدات عليه من شنووو كتشووووووف ...

يتبع