جحيمي في مملكة السفاحة الجزء 14

من تأليف هاجر الصابر
2018

محتوى القصة

رواية جحيمي في مملكة السفاحة

هدى:ممم اووكي لي بان ليك.
هاجر:الزوج دايا ديال الليل ماناوينش تنعسو(يالاه كملتها وهو يجي عندها مروان غمز لهدى باش يبقى شاد فيها و قرب لها لوذنها قال لها)الا احبيبة انت مزال تابعاك الخدمة.
هاجر:(شافت فيه بعينيها مغمضين)وافيا لمووت ديال النعااس.
مروان:نو احبيبة ماسوقيش بغيت حقي.
هدى:(حيدات داك تريكو لي لابسة و مشات غاديا وجاراه في ايديها وكتهضر)راعييوا لنا شوية راه عندنا الحرمان العاطفي.
بقاو كيهضرو و مروان والو مامفاكش مشى للشامبر ديالهم وبقى معاها حتى خذا لي بغا اما هدى مشات يالاه حلات الباب ديال شامبر ديالها باقي هو هو حتى حاجة ماتبدلات فيه...مشات جلسات فوق ناموسية ديالها و هزات عينيها و كتدورهم في البيت و حطات ايديها على الحايط كتقيس فيه و على طابل دو نوي لي حداها حلات الكوافوز وهو يبان لها داكشي ديالها هزاتو بدات كتجبد فيه وتشووف و ناضت مشات للبلاكار لي فيه حوايجها حلاتو و بدات كتهز وكل بياسا كتشدها كتبقى شحال كتشووف فيها وكتفكر فاش مني كانت لابساها و بقات كتهز وتشووف حتى باان لها البيسي ديالها محطوط تما هزااتو يالااه فتحاتو وهي تطلع لها صورتها هي و باها ومها كانت دايرها في l'écran بقات شحال كتشووف فيها تا بدات كتبكي تااني و تشووف في صوورة..دخلات للتصاور و بقات كتشووف فيهم و عاد مكتزييد الرييتم البكا باها مات وهي ماساخيااش بيه مازال باغاه و محتاجاه جنبها..توحشااتو بكلشي فييه حتى من الصداغ و النغير دياالو.ماات وهي بعيدة عليه ماشافتو لا حضرات لجنازتو ...نعسات وهي معنقة مخذتها لي كاع تبللات بالدمووع.

"أصبحنا و أصبح الملك لله"
فااقت هدى و حلات عينيها بزز نااضت مشات دخلات للطواليط باش تغسل وجهها لقات آيلاينر و ماسكارا مع الدموع كاع داعو لها على وجهها مشات بدات كتغسل حتى كملات

وهي تخرج للصالون لقات مروان جاالس كيتسنى فيهم يجيوا باش يفطرو...مشات يالاه غتجلس وهي تطلع عينيها بانت لها هاجر جايا و شادا في ماماها لي كانو علامات الشرف بداو كيبانو فيها و مابقاتش قادرة تمشب بوحدها رغم انها مزال امراة خمسينية..بقات هدى كتووف فيها و كتحلل في أدق التفاصيل ديالها..لاحظت بانها تغيراات بزاااف على كيف ماخلاتها..فيين هي ديك المراة القوية و الحربية لي كانت...ولات غير ساكتة و المرض رشاها...بقاات شحاال كتووف فيها باغا تنووض عندها تعنقها و ماطلقهااش ماباغاش تبعد عليها مرة اخرى يكفي هاد السنين ديال الغيااب...كتحس براسعا عااجزة و رجليعا فااشلين قلبها مزير عليها وعينيها غيتفركعو بالدموع وهي حابساهم و كيخرجوا لها واحد الشهقاات كباار كتحاول تكتمهم ولكن كيتغلبو عليها...الحاجة حساات بشي حد زايد على المألوف هزات عينيها لي كانوا صغار و مسدودين شوية وشاافت في هدى و بقات حاطا عليها عينيها عليها كتحقق فين شاافتها ولا واش كتعرفها...فين تلاقات معاها ولا اش كتجيها حيت خاسة بها شي وحدة كتعرفها مزياان ولكن الذاكرة خانتها...مشات بها هاجر جلساتها حدا هدى و مشات هي جلسات حدا مروان لس كانوا مقابلين معاهم. مروان:صباح الخير الحاجة. الحاجة:صباح الخير اولدي(دورات عينيها لجيهة هدى و رجعات كتشوف فيه زعما شكون هاذي) مروان:ايوا ياك انت لي قلتي ليا لبارح نتلقى لهدى في المطار باش نجيبها. الحاجة:(خرجات فيها عينيها و هي تجرها عندها)الله ياابنتي الله اماالك على هاد الغييبة طولتي عليينا الغيبة..غا تفكرينا وشي زوريينا مرة مرة غير تهناو عليك و يرضى لنا خااطرنا..بااك ماات مسكين وهو موحشك..الموت داخلاه وهو يهلوس غا بسمييتك..(بااقا كتهدر حتى عنقااتها هدى و زيرااات عليها وبدات كتنخصص و تبكي.)لاتبكييش ابنتي لاتبكييش...عذريني ماعقلتش عليك راه الذاكرة خاانتني ولكن راه الله شاااهد و عاالم بعباادو را من الشوفة عرفتك قرييبة وبزاف. هدى:(باست لها راااسها)هئ هئ للا متقوليش هكا انا عاذراك اماما. الحاجة:(عنقااتها وبقاات كتربت لها على ظهرها وكلمة وخدة كتبقى تردد فيها"كنت عاارفة بلي مامتيش ابنيتي كنت عارفة بلي غا فعايل اليهود"). بقاات شحال وهدى والو مابغااتش تسكت من البما غير معنقاها وكتبكي كتفش كااع دوك الايام زالليالي ديالك الحرماان والوحدة والعذاب العاطفي لي عااشت فيه وهي بعييدة على اهلها و دارها وبلادها...مابعدات حتى حسات برااسها فرغاات بعدا واحد الجزء كبيير من داك الكرب لي كانت لاماه و جامعاه في قلبها...بعدات عليها ولكن ماسلماتش من اسئلة ديال الحاجة...قررات انها تعااود لها على انها مزوجة ولكن اش غتقول لها مزوجة بيهودي أوووبس مزوجة بيه غير في الفرااش اما زوااجهم مامعتارفش بيه القانون اما الدين الإسلامي او اليهوودي فزواجهم محررم و الولد لي بيناتهم فهو مكيتعتاابر الا ابن زنا بالنسبة لديانتين بزوج...بغات تعاود وتشكي عليها همها و تخوي عليها ولكن شافت رااسها داكشي لي دايرة عندها را مافييه مايتعااود وغير غادي تعصبها تتغضبها عليها هكاك..قررات تسكت ولكن راه راه دابا ولا منبعد ضرووري خااصها تعرف بلي عندها خفييدعا وبلي هي ولدات

بقاات سااكتة و كملوو فطوورهم في اجوااء لاتخلى من الدراما لي كانت ممزووحة بين البهج والدمووع...نااض مرواان يمشي لخدمتو من بعد ماسلم علييهم و ناضت هاجر كتجمع في طاابل بغات تعاونها هدى مي ماخلاتهااش..و بقاات جاالسة هدى وماماها لي كاانت كتعاود لها شنو طرا في غياابها شي احدات نساات عليهم ولكن شي احدات لصقو لها في دماغعا مابغااوش يتنساو لها كانت كتعااوظ لها وكتدوز ايديها على شعرها بشوية و بواحد العطف والحنان عاارم...بقاوا كيعضرو و هدى حساات برااسها رجعاات اللوور..حساات بالدفئ العائلي من جدييد..تمناات في لحظة كون مامشااتش لامريكا و ماتلاقاتش مع هاديك العائلة كااع...تمنات كون غير بقاات مكملة حيااتها بسييطة مع دارهم..تخدم و تضرب تمارة و كلشي وفي الاهير تجي تلقى الصدر الحنين تتكى عليها. فهادي هي الدنيا و مافيها...هاهي مشاات وشاافت و عااشت وسط قصر و الفلووس غير فايضين عليها من جمييع النواحي ومالقااتش رااحتها لي لقااتها دابا في هاد اللحظة وهي بين احضاان امها...ينكن كون كانت معاها امها تم كانت غتحس بلذة دااكشي لي ؤحداها على الاقل...بقاات مغمضة عينيها وكتسمع للحاجة لي كتحااجي عليها وهي في منغمسة معاها حتى بدا التيلي كيصووني...هزاتو بشوية عليها شاافت النيم ديال سيف هو لي معيط بغاات تجاوبو وفي نفس الوثت لا...طفات تيلي و رجعاتو فيين كان و بقات مع امها...كتسمع لها وفي نفس الوقت كيقااطع تفكيرها سيف وعز لي توحشااتهم و كؤترجع تاني تسهى مع امها حتى حسات برافها بداات كتغفى في عينسها سالاه غتغمض جفونها وهي تسمع الباب ديال الدار غيتفركع بكثرة الدقان...شخص واحد لي جا لها في باالها مشاات كتجري للباب حلااتو وخرجات وسداتو من وراها و فعلا لقااتو غير هو شكون من غييروو.ر هدى:أووووف سييف..غير بشوية..را ماما مرييضة غتوقع لها شي خاجة ول...(قااطعها وهو يشدها من شعرها و طلع لها وجهها بايدو وهو مزير عليها من فكها و كيغزز في سناانو و كيهضر)تموووت كااع!!انا عللاش تطفي عليا تيلي في وجهيي...هااا!!هضرييي... هدى:واكنت ناعسة هادشي علااش. سييف:(مخنزر فيها و كيهضر)ظابا غنغمض عين و غندير راسي شفت غا بعين وخدة...ومرة اخرى غتقكعي ولا غتطفي على دييلمي تيلي نهاارك مغيطلعش فيه نور الشمس.لا يخساب لك رجعتي لبلادك ولا جيتي لداركم را قطعتي لواد و نشفو رجليك..را نقلب لدييلمك هاد المغرب كاامل فوق رااسك..كتفهميي!! هدى(سرطات رييقها يالاه غتهضر وهو يتحل لباب من وراها كانت هاجر خارجة و هازة شبكة ديال حواايج باغا تطلعهم للسطح تنشرهم و دايرة الكيت مكونسونطرا معااهم...غير خرجاات مع هزااات عينيها لقااتو مركز فيها الشوفاات ديااالو وهي تشهق بالجهههد

وسيف كيشووف فيها وهو مضيق عينيه و كيشوف في هدى بنص عين...اه هو كان حاها في احتمالاته انه ممكن يتلاقى بها في هاد الكاغتيي ديال هدى حيت في خبارو مروان كيسكن حداها ولكن ماشي يتلاقى معاها في داار هدى و هدى حتى هي عاارفة وماحاولاتش حتى تفااتحو في الموضوع واخا هو ماباغيش يعرف و بنفسه كيتناسى و يتجنب موضوعها ولكن واخا هكاك خاصها تقولها ليه فعلى كل كيبقى خوها وامرها مهم بالنسبة ليه..رغم انه تصرف معاها بعنصرية و تصرب معاها بللاانسانية وخاصة مني قطع الصفحة ديالها من الحالة المدنية...بقى شحال كيشوف فيها وهي كذلك حتى شككات انه يقدر يحن قلبو عليها يالاه رمات الخطوة عندي باغا تعنقو وهو يجر عندو هدى من خصرها وقال لها في وذنها"عندك زوج دقايق ولبسي ونزلي انا كنتسناك في الطموبيل" ومشى نزل وخلاها بلاكا واقفة و الدموع محجرين لها في عينيها...علااش اقسى عليها حتى لهاد الدرجة رغم انه هاداكشي لي دارتو مايستاهلش حتى لهاد الدرجة...كانت مولفااه حنين و من ديما متعااطف معاها لاقصى حد وعمرو خسر لها خاطرها ولا قالت ليه شي حاجة وقال لها لا...ولكن تقلب عليها مرة وحدة...كانت كتتمنى كون يشدها يضربها يدير لي بغا ولكن مايتجاهلهاش كأنه مكيعرفهاش الا هادي قااصحة شوية...داار عندها هدى كتشووف فيها و كتواسي فيها وهاجر طمناتها بعينيها انه ماواقع والو ومشات طلعات وهي منهارة حالتها ماعالم بها غير الله.
هدى ديك ساعة نزلات كتجري عند سييف باش تهدر معاه هي مستحيل تخلي ماماها و مروان وهاجر وتمشي..نزلات عندو لقاتو في اللوطو لداخل مي ساد الشراجم مكيبان والو دقاات عليه وهو ينزل لها شرجم وبقى كيشوف فيها كيتسناها تهضر وشاد في ايدو شي حاجة مديرها لور ماباغيهاش تشوفها. سيف:طلعي اش كتسنناي.
هدى:منقدرش اسيف انا يالاه شفت ماما من بعد 8سنين منقدرش نمشي دابا.
سيف:(طوول فيها الشووفة)شغلك هداك توحشتيها متوحشتيهاش ماذي سوقي ماشي انا لي كنت حابسك عليها.
هدى:اووووف لاا هي لاا منقدرش نمشي معاك ونخليها.
سيف:ديها معاك غير يالاه.
هدى:(قالبة وجهها)ماتبغيش تخرج من دارها...(شافت فيه لقاتو سااكت و كيتشاور مع رااسو لي كيقوليه يهرج لها ينزل عليها بشي دقها تدخلها في غيبوبة ومكالمي راسو بزز)..عافاك غير سيمانا بينما ولفتها و نقنعها تمشي معايا.
سيف:(طول فيها الشووفة وهو يديماري اللوكو قبل مايدير فيها شي كريم.
مشى سيف وهي مشات طلعات دخلات عند امها طمانتها لي ولات شوية بخير من بعد رجعة هدى بقاوا كملو خدييتهم حتى نزلات هاجر كان طاب الغذااء مشات وجداتو و حطااتو وهي مزال مدعووقة من داكشي لي وقع لها مع سيف...تغذاو في جو غالب عليه الصمت غير الحاجة لي كتهدر و هدى كتسمع لها وفرحانة..كملو غذااهم وهي تنوض هدى كتجمع الطابل مع هاجر ومشات دخلات للكوزينة هي وهاجر وهي تشدها.
هدى:هجوورتي اش بان لك نمشيوا نخرجو توحشت المدينة والاجواء هنا منها نبدلو الجو و نهرجو من الدار ذوية يضربنا البرد.
هاجر:معرفتش ولكن اطط معيط لمروان نقولها ليه.
هدى:اووكي.
تيطات لمروان هدرات معاه و استأذنتو و عطاها الاوكي عاد دارت قاالتها لهدى لي مشاات تقنع امها لي من اياام وشهور وسنين ماخرجات...ومشات تبدل حوايجها مالقات تاحاجة تجي قدها كلشي صغار عليها و سينورماال حيت تزااد و المني ديال سييف والمها عاد ما زادت تفورمات...مشات عند هاجر تاخذ من عندها شي حاجة واخا موخال يجيو قدها..غير دقات عليها الباب قالت لها هاجر دخلي...دخلات لقاتها جاالسة مقابلة مع المرايا و كتقااد في الحجاب دياالها حتى كملات وناضت وقفاات قداام هدى لي سهاات في اطلالتها لي كاانت فنننة وفي نفس الوقت مستوورة كانت عباارة على جيينز بويفراند و دار ليه واحد الطية من التحت و شوميز في الزرق بااااارد وفوق منها تريكو في ارمادي طوييل حتى للركبة و كونفيغس في الرمادي وفولار بلو مارين و دايرة واحد العقد ثقييل و محجر في الرمادي و دارت خاتم ديال الزواج ديالها لي مكيخطاهاش....سهاات فيها هدى كتباان رووعة بوجهها الملائكي و طايتها لي مكتباانش وهي تحت من تريكو لي كان واسع نوعا ما مكيبينش لها مفاتنها ووجهها الملائكي لي كاان صاافي و طاااهر من مساحيق التجميل ورغم ذلك كتباان في قمة الروعة...

هاجر:هدى شوفي هذا (عطاتها واحد اللبيسة)تقدر تجي قدك..جربيها والا جات حتى نخرجو ونشريو حوايج جداد نيت حتى انا خاصني.
هدى:اووكي لي بغيتي.(ومشاات لبسااتها...كانت كسوة طوييلة في البوردو وفيها شي كتبة في الباج كانت فضفااضة من القدام ولكن من اللور جاتها مزيرة من مرخرتها و هادشي علاش عطاتها معاها ترييكو طويل في الباج لبساتو فووقها...لبساتها جاتها فنة مشاات كتشووف في المراية عجباتها اللبسة وخاصة انها مستوورة ولكن واخا هكاك كتباان لها شي حاجة نااقصة مشات دغيا عند هاجر يالاه بغاات تقول لها شنو بغات لقاتها موجداه لها بحال كانت غير كتسناها ترجع ليه.. عطاتتها حجااب و ابتاسمت لها ومشاات لبساتو وقاداتو جاها كيحمممق..ولبسات واحد الصندالة سميطات في البااج...خرجات لقاات هااجر وااقفة على الحاجة كتلبسها في جلابتها وقادات لها الفولار ومشااو خرجو وسدو البااب..وهما يشدو بتي طاكسي للسونطر فييل..هاجر ركبات القداام وهدى ركبات اللور هي والحااجة وهما غادي وهي مسندة لها على كتفها وهدى كتطل من شرجم وكتبتاسم غير رااسها وفي نفس الوقت فيها البكية...علاش غتبكي الله واعلم يمكن من كثر وحشها لمدينتها "كاازا" صرااحة كازا ماكينش بحاالها... ● موروكو مول ، أنفا بلاص ، برج تاشفين ، توين سانتر ، أكبر محطة طرقية للكيران ، مارينا ، أكبر جامع في إفريقيا ، المدينة الوحيدة فالمغرب لي وسطها لوطوروت ، أكبر مجمع للشركات كازانيرشور ، لي سولتيه على الطريق يوصل تال فين بغيتي مع ابتسامة في الوجه ، اكبر قيسارية فالمغرب لي هي قسارية الحفاري و كاراج علال ، اكبر قيسارية الشينوا لي هي درب عمر ، مدينة الثراء و البسطاء و الفقراء ، مدينة 5 دراهم تغديك ، مدينة معندكش طلب درهم تجيك 50 درهم ، مدينة كول و وكل ، مدينة اكبر انتفاضة و المسماة بانتفاضة كوميرا ، مدينة كرة القدم و ديربي الموت و العشق و الفرجة ، مدينة الحضارة ، مدينة اكبر العمالات فالمغرب ، مدينة اكبر مرجان في المغرب ، مدينة اكبر و اكثر مسيرات احتجاجية ، مدينة عشيري تشي درهم ، مدينة عمرك تحنسر ، مدينة مرحبا بولد البلاد و البراني ... الدارالبيضاء دارنا كاملين...صراحة كازا شي حاجة بزااف شي حاجة عجزت نوصفها..عجزت نوصل لكم داك الميساج او الاحساس ديالي لكازا..مازا هي الحب وهي كلشي..هه كازا مني كتكون فيها و ولدها ضروري ماتبغي تخرج تبدل الجو فشي مدينة اهرى ولكن هادشي مكيعنيش انك قنطتي منها ولاد كازا مكيقنطوش منها وحتى مني كتخرج ماتقدرش تبقى بعييد عليها كازا هي هاديك الخااجة لي يخ منها وعيني فيها ها هي هدى مشاات لامريكا اعظم بلد حاااليا في جميع الميادين و اكبر بلد كيضم سيااح و اكزااكت لااس فيغااس فين كاانت عايشة بالضبط و بتدها مشات للوس انجلس ومشات للنمسا و بزاف ديال دول لي كانت مشات لهم وهي مع نايمار ولكن راه بحال كازا ماكاينش لا في المغرب ولا خارج المغرب كازا هي الحب ..كنعشقها كلها وبكل تفاصيلها الصغيرة و الكبيرة و الزويينة والخاايبة
#ناهيك على ناسها الكرماء ديال بصاح و الرجولة.

بقاو غادين في طاتكسي لي كان متوجه للمديينة اكثر بلاصة توحشاتها هدى حيت كانت كتعمر فيها بزااف وتقريبا عاارفة النص ديال الناس لي كيكونو تم...بقااوا غاادين حتى وصلو ..حطهم الطاكسي خلصوه وخرجو...غير نزلات هدى وهي تضرب على "طامو" واحد المرأة كبييرة ولكن باقا شاادا في رااسها نصها مرأة ونصها رااجل..فيها كيتجسد المعنى الحقيقي ديال الرجووولة..مرأة واخا ملامحها وهضرتها خاسرين شوية ولكن داخلها نقي..هاد المراة ماخلات فبن مشات وشنو شاافت كاان عندها مقاامها في ثمانينات فاش كانت في شبابها..كانت زويينة و لي بغاتها تجي لعندها كاع الرجال مشطحاهم على صبااعها...كانو الرجال غير كيتهافتو بها..كانت غير كتعزل وتختار هي لي بغاات تمشي معاه الا ماكان زين و طوولة و مقاام والله لازادت معاه الخطوة ايوا الزماان قلب وتشقلب و ملامحها كبرو و حتى الطرف مابقاش كيف كان وخاانها الزيين لي مشى..وها هي من مقامها تشرداات ولات دابا دايرة واحد الطويبلة كتبيع عليها الكاارو...كات عزييزة عليها و حتى هي غير نزلات مشاات عندها كتجري..جراات واحد الكرسي و جلساات حدااها لقااتها مشعلة واحد الكاارو و كتشووف في بناادم و جاالسة كتسمع ل"أيوب" واحد الدري كيكون جاالس حداها كيعزف على الغيتار ويغني و النااس مجموعين علييه..كانت كتسمع ليه و كتلعب بايديها مع اللحن وكتكمي في نفس الوقت...بقاات شحاال جاالسة حدااها عااد هضراات. هدى:بست بست. طامو(داار عندها مغمضة عين وحالة لأخرى و عوجاات رااسها شوية وغمزاتها)كااين شي ميتقضى ازين. هدى:(ضحكات وقالت لها واحد الجملة موالفة ديما مني تجي تقوولها لها)بغيت واحد مالبورو و وااحد وييسطون وفتحيهم وفتخيهم ليا لاحافظك. طاامو(هزات رااسها و غمضاات عينيها لي كانو ضغاارو و داايرين بهم التجاعييد)يا لحبك زيانيتي ولا غا انا لي تخربقو ليا الفيزيبلات وتلفتي عليا هدى:(شافت فيها و حيدات لها الكارو من ايديها و لااحتو وعفطات عليه)وشحال دويت معاك على هاد الكاارو حيديه و ديري غا لاخر ديال نعناع حسن لك ديك الرية قهرتيها..50عام ديال الكارو ايوا باراكا عليها. طامو:بااكية ب80 درهم تا مااالو اش غيدير ليا كاع. هدى:وا كون سعفتيني كون حيدتيه انت كاع. طامو:شتك وليتي دايرة الحجاب هه عفى الله و لا العبد..كو را ضربتيها بشي تزويجة في هاد 8سنين لي غابرة فيهم. هدى:حاسبااهم بعدا. طامو(بحال غتعنقها و ربتات لها على ظهرها)يا لدييلمك كنتساالك 8 لي كادو. هدى:عيد ميلادك داز سيمانا لي فاتت. طامو:هو هدااك...قولي ليا بعدا ياكما دبرتي ليا على شي حولي شفتك كتباني ملعقة. هدى:متفكرينيش ليحفظك ولااهوما كون خذيتو حولي ولا مغريبي و زايدها يهوودي. طامو(بقااات كتضحك حتى قالت باراك)😂😂مجموعين فيه فعتيل الماغووك واليهوود حب وتبن ابنيتي بااينة مطلع معاك القاالب بالبياان. هدى:اودي خلينا ساكتين وصافي. طامو:(تبدلات في وجهها ولات سيغيووز)سمعي نقولك واحد زوج كلمات خوذيهم من عندي و مني نموت قوولي ها طويمو قاالت "رااه بربي و من نهار اللول الا ماحطيتيهش تحت رجليه وحكيتيه مزيان عولي عليها غتبقاي معاه مذلوولة حياتك كاملة". هدى(الصمت) طامو:اييوا طلبي لنا العفو. هدى:الله سعفو عليك وحيديه راك نهكتي صحتك. طامو:اودي ولينا باغيين غير التبويقة تطلع مابقاتش باغا تطلع كااع ولات كتبان ليا في لالكول. هدى:لا صاافي هادشي لي بقى. طامو(حطات ايديها على ركبة هدى)بربي مامبليين را كنبغيو نترفعو ونسااو الواقع وصافي. طامو(هزات ايديها شيرات لهاجر لي شيرات لها حتى هي لي كانت جالسة مقاابلة معاهم هي ولحااجة في كاافي.)يالاه تلاااحي وماتنساينيش مرة مرة ضربي دويرة نشووفك راك خليتي بلااصتك. هدى(بااستها)لاا كوني هاانيا. مشاات هدى عند هااجر و الحااجة..بقااو جاالين في كاافي برا كيشوفو فلي غاديو جااي و كيسمعو لأيووب لي كان كيغني دييسك ديال "ياالميمة" طئح على هدى الظييم تااني...مشااوا خرجوا من الكافي بقاوا كيتمشااو تما في سااحة الامم المتحدة عاد مشاوا قطعو شاانطي دخلو من باب مرااكش للمدينة القدييمة و هدى غاديا وهما تابعينها..بقااوا غاديين حتى دخلو لدرب الطاليان ومن لايعرفه مشاات طلعات في واحد الداار كانت غير مهجوورة وكتباان بحال محرووقة من برا و الفراخ غير داخلين هارجين منها مشات طاالعة في الدرووج ومن وراها الحاجة وهاجر..وماحدهم هما طالعين وكيسمعو دندنات ديال شي صوت رجولي خشن شوية و فيه واحد اابحة كيغني حتى وصلو طلعو الفوق للسطح كان واحد الراجل عاطيهم بظهرو لاابس موونطو طوييل حد ركبة واااشع عليهم و سروال ثوب واسع عليها شوية و دااير واحد الكاشكول في المارو رقيق و داير بوني فوق شعرو و متسللة منها واحد الشعيرات ديال الشيب كانت لبسة كلااااص ولكن الموديل ديالها قدييييم كان كيرسم في واحد اللوحة قداامو و وااد الدري كان كيبان مسخ واحد الشوية كان عاطيهم حتى بالظهر وكان جاالس فوق واد الكرسي المقلوب و مركز مع سيد لي كيرسم كان تقريبا عندو ي 15عام..غير طلعو وهو يهضر الرااجل بلامايدور يشوفهم

بلامايدور يشوفهم. الراجل:كنشم ريحة الغاشي و خطاوي كثيرة ماشي بزاف ولكن ديال ثلااثة منها الثقيلة و منها الخفيفة ولكن كلهم مراوات وشميت مابينهم ريحة الغااشي وشي وحدين منهم عزاز غير هما غاابو و طولو الغييبة و خلاونا لصوت خطاويهم نتسنااو..على كل مرحبا والف مرحبا واش خب الخااطر (داار عنهم وهو شااد في ايدو فرشاة لي كان كيرسم بها و داير على عينسه نظاظر كحلين وكيشووف الفووق حيت كان اعمى...ابتاسمات هدى وتقدمات عندو سلمات عليه. هدى:هادي انا بنت محمد بن عبد الله مول البازار. الراجل:(حيد من ايدو داكشي و فتح ذراعه وهي تعنقو)ايوا فيين غييبتك. ماموالفاش لك تدوز سيمانا ولا يدوز نهار الجمعة منااكلو من كسكس ديالك. هدى:سموحااات!الغربة لقماتنا وخلاتنا نغيبو بلا خاطر. الراجل:معذووورة الالا.(داار عند دري)انووض سلم ها فردتك جات قهرتيني بها. نااض دري كيجري عنق هدى زير عليها ماابغا يطلق ختى بدا كيبكي وحتى هي طاح عليها الظيم. الدري:فيين مشيتي اهدى كل نهار كنت كنمشي انا و با عمار عند مروان و داركم و شيماء نسولو عليكتوحشناك وبقات بلاصتك لمديينة خوات بلا بيك. هدى:حتى انا توحشتكم والله(ورجعاات عنقااتو)ايوا واحد با عمار فيين شاادها ولا بااقي في بليصتو ديال دييما. الدري:راه بلااصتو هي بلااصتو.يالاه نمشيو عندو غايف ح مني يشوفك واخا تبدلتي بزاااف. مشيينا خرجنا من تم و وصيت هاجر تمشي هي وماما يشدو طاكسي للمسجد حسن التاني حتى نلحق عليهم. ومشييت متوجهين انا و نصرو لمارشي سوونطراال...بقيا شحاال غاديين جابدين على ديك لطرييق حتى وصلنا على الدخلة اان ليا بااقي في بلااصتو كيبيع الورد و مقاابلة معاه مي زوهرة و ولدها حمودة لي كانوا كيبيعو كلينيكس و داكشي ديال الفانيد وبيموات...مشييت عنهم و بقينا شحااال وانا جاالسة حدااهم..ماحسيتش بالوقت وهو كيدووز وانا معاهم..خرجت شديت بتي طاكسي ومشيت للمسجد حسن التااني دخلت بقيت شحاال وانا نقلب عاد لقيتهم كانوا كيصلييوا...مشييت حتى انا توضييت بااش نجي نصلي معاهم..ماجاتش ندخل للمسجد ومانصليش مشييت توضييت وجييت بدييت كنصلي..بديت كنصلي عااادي حتى وانا نسجد حسييت بوااحد الثقل كبييير فوق كتاافي و مرة مرة كنكوون مخشعة في صلااتي حتى كيوسوس ليا الشيطاان بشي حااجة خااايبة كنبقى نستعييذ منو ولكن مبغااش يفرقني..نضت لقييت السلاام وبقييت شحال وانا جاالسة مقابلة مع القبلةو كنتفكر الهدرة ديال خاالي واحد النهار كان كيهدر هو وببا وكينصحو باش يولي يصلي وهو يقول فيه كلاامو"كل ماابعدنا على الله وعلى الصلااة الإيماان و التدين دياالنا كيضعااف وكل ما ايماننا ضعف الشيطاان كيتمسك بنا و كنوليوا بحال شي مهمة سااهلة ليه يعني سااهل علييه بااش يغوينا و يوقع بنا في الكباائر و ان وقعنا في الكباائر كيبقاو قلووبنا يتنقطو بوااحد النقط سوداااء حتى كيولي قلبن كحل وفي هاد الوضع كتولي ديك المسافة بيننا وبين الله كبيييرة بزااف و مايمكنش تقلصعا إلا بالتوبة الصااادقة و التقوى...و من شرووط التقوى هجرة الذنوب و المعااصي و هجرة المشركين بالله ولقولة تعالى"هجرة العصااة في وقت عصياانهم" في الصرااحة كنحس برااسي واقعة في واحد الإثم كبييير و غادي نبقى فيه لطاالما انا حدا سيف...فعلاقتي و حبي و عز واي حااجة كتربطني فيه فهي حرااام في حراام...مكاينة حتى شي حاجة لي تحلل علااقتنا....خااصني نلقى حل...ضرووري خااصني نلقى خل لرااسي نخرج رااسي من هاد المعصية و هاد الذنب لي كنحس بييه مثقل عليا ولكن معرفتش او باسلوب آخر منقدرش شي حاجة صعيييبة عليا شي حاجة كنبان ليا في لائحة المستحيلات مسطر تحت منها بزوج خطوط حمرااء..منقدرش..منقدرش نبععد ولكن من ناحية أخرى ذنبي كبيير و حتى واحد فينا ماضامن حيااتو...حتى واحد ماعارف واش مزاال غذا غيعيش ولا لا..واش مزاال عندو وقت فين يتوب فيه ولا لا...و آباار ذلك ماعرفنا غذا نفييقو على الشمس وهي متشرق من المغرب دياالها و ها هو باب التوبة تقفل...فأموور الذيين مكتأجلش..الا الديين ميمكنش تقول حتى لغذا وندير هادي ولا ختى لبعد غذا ونولي نصلي ولا تا لغذا ونصوم نرجع ديني...لااا هادوك الامور ديال الديين هي لوى خاصنا نسبقوها الواعر راه ماضامن عمرو حتى من دابا لسااعة..ماتعرف الموت امتى تجييك و ماتعرف رووحك امتى تزهق

ناضت وقفات وعاودات وهي في قمة الخشووع دياالها لامبالية للمحيط لي فيه..بقات كنصلي حتى كملات دعات الله يكون معاها و يبشرهل للسبيل الصحيح..وناضت لقاتهم كملو..ناضو مشااو خرجو رجعو للدار..يالاه دخلات هدى لبيتها باش تبدل بدأ كيصوني تيلي فتحاتو لقاتها حالمة لي معيطة لها آبيل فيديو وهي تفتح الخط كتهدر هي وياها.
حاالمة:فييك الهااربة صافي غير جيتي للمعىب ونسيتينا كااان هنا.
سمرا:(كانت يالاه داخلة من الباب وجايا عند حالمة وهي تقول لها)قوولي لها قالت لك سمرا غير ضربي عليها
غلا(ناعسة جالسين لها حدا رااسها)اه وقولي لها حتى غلا

هدى:ههه علاه.انا ننساكم إخخ عليكم مي فاش كي غي .
غلا:واحد سييف فين هو.
هدى:معىفتش من البارح جاعندي وماشفتوش.
سمرا:حتى باتريك مني خرج هووياه لارح مابقاوش رجعو واقيلا قالك عندهم شي ميتينغ مهم و اليوم غادي يمشيوا يرجعو.
هدى:😵😵اليووم!؟
حاالمة:ههه ااسيدة ماسااخياش بيه يمشي.
هدى:الماء و الطابة حتى لقااع المحيط..كنشوف غير علاش ماقال ليا واالو.
سمرا:هه كتسناي يتشااور معاك را حتى انا غير سمعتهم كيهدرو اما ميقول ليا والو..
غلا:هادوك الزوج غير كيغربو ويشرقو فلي جات لهم فداك المخيخ عنهم.
حالمة(هزات ايديها الفوق)حمدتك يااربي وشكرتك عطيتيني دوون كيوت و رومانسي و جنتلمان كيبغي يسافر كيعلمني بشهر قبل وطبعا هادي الااا مادانيش معاه(كتقلي لهم السم زعما)اححح شحال كنبغييه.
هدى:سمرا!!
سمرا:(معوجة فمها)نعاام.
هدى:صرفقييها صرفقييها بنت الحراام بلعااني كتبغي تخربش ليا لي سوونتيمون دياالي..
غلا:صرااحة أمجوودي مكاينش بحاالو وييينو شحاال فنن كيحممقني.
سمرا:بزعطا😕 😕😕
هدى:(كتبرد على راسها)انا اصلا كنبغي الراجل تكون عندو كاريزما قوية وقااصحة .
سمرا:اه بصح انا متاافقة معاه شفتي الا ماعطاش لمك شي تصرفيقة حتى عوج لك الحنك غا رجعي الزمر لمو.
هدى:اه شفتو شفتو الصراحة ءوقنا انا وسمرا في الرجال زوين
حالمة وغلا شاافو في بعضيااتهم وطلقووها بواحد الضحكة و كذلك هدى وسمرا...بقاوا شحاال كيضحكو.
حاالمة:شششش اجييوا ماانتبهتوش لواحد الملاحظة.
سمرا وغلا وهدى:اشنوو!!؟
حاالمة:الناااس ولااو دايرين الحجااب ياااختي.
غلا:ما شاء الله جاها غزاال حتى انا ناويا ندييرو من شحال هذا و أمجد كيقولها ليا وكنشقوليه حتى نولد ومن هنا لتما نكوون مستعدة.
البنات دارو كلهم كيشوفو فيها مصدوميين.
حالمة:انت اييمتى سلمتي بالسلامة ومتقايلاهاش لنا.
غلا(نزلات رااسها)صرااحة مني تزوجنا انا وامجد وكنشووف داك تصرفات ديالو و تعلقه بالديين لي كان كيحته على النزااهة في الخدمة...شحال من مرة كنبغي نمشي عندو للخدمة حتى كنتصدم مني كنشوفو ...كيباان غيير الشرطة لااخرين...عطاامي نظرة اخرى على رجال القانون من بعدما كنت واخذة عليهم واحد المنظور سيئ..وحتى هو شفتو كان كيبغي يقنعني بطرييقة غير مبااشرة من ورا ماولدت راوان مبااشرة اسلمت.
حالمة:مكتباانش علييك زعما مع فتش كيفاش نقوزلها لك.
غلا:كان طلب امجد انني منجهرش الاسلام ديالي هنا قدام سيف.
سمرا:اهاه وكيفاش غتديري الحجااب.
غلا:مني غنولد ولا قبل غنواجه سيف نقول ليه ااصراحة حتى ﻹييمتا غادي نبقى ساكتة وكااتمة اسلامي.
حالمة(كتشوف فيهم وباغا تقوول شي حاجة وفي نفس الوقت ختيفة لايصدقو قايلينها لشي حد وهي دون مأمنها باش متقولها لحد و فضلات تبقى سااكتة)كملو البنات المكالمة حتى يعاودوها غذا وهدى جلساات فووق الناموسية هازة تيليفونها ماساخياش تحيدو من ايديها...دخلات للأنستغرام واول ماطلع لها واحد الهاشتاغ بإسم بن هوودا...وركات علييه وهما يخرجو لها بزااااف ديال لي فيديو زتصاور دياالهم بقاات دااخلة كتشووف حتى وهي تطيح عينيها على واحد الفيديو آثاارها باش تدخل تشووفو..دخلات وبقات كتسناه يتيليشارجا(منحتاجش نقول لطم الكونيكسيون في الموغريب كيفدايرة را الخبار في راسكم)وهي كتسناه يتيليشارجا وفيها واحد الحماس لاشعوروري...

بقات كتيليشارجا وهو يطلع ليا فيديو كان بحال شي مؤتمر و وااقف سيف كان كيلقي شي خطاب مفرزتش اللغة مزيان باش كيهضر و من وراه كان باتريك و واحد الراجل بير شوية و بيض و شعرو بيض كذلك وحداهم كان رونال طرامب بقيت كنركز مراين واش هو ولا لا...و حداها كانت مراتو وراجل بنتو و قدامهم كانوا بزاااف ديال ااحضوور والصحاافة بقيت كنتفرج في الفيديو حتى قربت نكملو واخا مافهمت فيه والو حتى للآخر وهما يطلعو صورة ديال القدرس من الفووق و فوق منها السداسية 🔯🔯..وشوية بينو الصورة ديال الأقصى و معلقين فيه الرااية ديال إسرائيل 🇮🇱🇮🇱.
عييت مانخيط و نفصل شنو هاادشي كيعني...بزااف ديال اسئلة في رااسي تمنيت كون نلقى عليهم شي جوااب و واالو..خرجت من الفيديو وبقيت كنتفرج في الفيديوهات لاخرين ماكان فيهم والو من غير لي ميتينغ والمناسبات الفخمة والرااقية لي كيعملوها... هادشي لي لقيت..صافي خرجت وحطيت تيلي في لاشارج كان غيطفى ليا و مشيت خرجت عند ماما لقيتها شادا في ايديها تسبيح وكتفرج في تلفازة وحداها مروان متكي على فخذها و دايرين الجزيرة كيشوفو داكشي لي كيوقع في فلسطين...و دوك دراري الصغاار لي كيموتو مسااكن و امهات ماتو و بقااو ولادهم كيتعذبو و كيموتو بالموت البطييييئة بالخوف و الرعب...هما عايشين و كيحسبو بالعد ااعكسي شنو بقى لهم على الموت...فأي لحظة يدخل عليهم العدو...الصرااحة كيقطعو في القلب والله...بقينا كنتفرجو حتى جات هاجر حطات العشا..انا ماكنتش قادا عليه خليتهم كيتعشاوا وبقيت متبعة الأخبار ..قالك بلي غيكون شي اجتماع ولي غيكون مترأس فيه رونال طرامب و تم غيتقرر القدس لمن!!. الصراحة من وراا ما شفت الاخباار وداك الفيديو...خفت بزاااف..خفت ليكون سيف معاهم..او عندو شي يد مع الكيان الصهيوني في هااذشي لي وااقع لفلسطين...سيف ميمكنش يدير هاذشي واخا قبييح وقلبو قااصح ولكن را كيبقى عندو قلب وكيفما كيعز ولدو ومكيبغيش يتقاس بشي مكروه كذلك بالنسبة للآخرين...الاطفاال واارضييع و البعض بااقين اجنااء في بطون امهاتهم كيمووتو كل نهااار..بسبااب هاد المهزلة وهادشي لي وااقع...لااا مايمكنش لسيف يدييرها لاا ميمكنش...ولكن هو مشير مملكة على قدها على شكل مجزرة..كيتقتل وكيتفصل فيها بنادم بدم بااارد...لاا ميمكنش كيفااش لشخص بحال هكا تكوون في قلبو الرحمة اكييد هو معااهم..لا ميمكنش سيف يدير شي حااجة بحاال هكا...ولكن هو را سبق ليه داار حاجااات اكثر من هكذا...لا لاا انا عارفة سييف ميديرها لاا ميمكنش...
هكا بقاات عقلها كيأنب سييف وكيشكك فييه ولكن قلبها كيحااول يبرر لييه....و نااض نزااع في دااخلها...آراء و فرضيات مختلفة كل الإختلااف..وشي كيشرق وشي كيغرب...وهي برااسها مامتقبلة حتى وااحد فييهم...وهي في صراااع مع نفسها سمعاات لمروان كيعيط لها.
هدى:ا..وي مروان.
مروان(باستغراب)ماالك مغيبة من الصباح وحنا كنعيطو.
هدى:واالو غيير ضاارني راسي شوية مولفة غير الداار ومع اليوم خرجت وبقيت كندور بزاف كنحس براسي كيعطيني الصداع.
مروان(دار عند هاجر)حقا هداك الإسبرين باقي!؟.
هاجر:واقيلا اطط ننووض نشووف.
نااضت ومشاات جاابت لها واحد الفنيد ديال الصظاع ديال الراس..مشاات دارتو في كاس فيه الماء وهزاتو داتو معاها للبيت من بعد ماودعاتهم و تمناو لعا ليلة سعيدة و الشفااء مشاات حطات الكاس حدا راسها بينما كشكشات ديك الفنيدة و تكات كتسمع لعظاامها وكتفكر في وحاايلها

حتى كملات ديك الفنيدة وشربااتها في مرة..ورجعات تكاات مع مروورة الزماان والدنيا مرورة الدواء مابقيناش كنحسو بها...غمضاات عينيها كتقلب على النعاس للدوا وتقوول واش جاها..ولات باغا غير تنعس بااش تتفلاشى لها هاد الافكار السلبية لي كتزورها..بقاات شحال كتدور عينيها شوية نااضت جبدات بيسي دياالها...بقات شحال ساداه كتشووف فيه ماعرفاتش فين تدخل..بقات شحال كتفكر...كيفاش وعلاش الله واعلم...حتى لقات رااسها داخلة كتقلب على Kingdom Of bloodthirsty .
بقاات شحاال كتقلب ماطلع لها زالو فكرات تدخل من Thor هي لي غتدخلها دغيا وفعلا دخلات و مشات كتقلب عليها..مكيطلع لها واالو...شحاال وهي كتعااود تقلب كيطلعو لها غير علااامة حمراا وحداها erreur ..تحبطات وهي تخرج من داكشب وسدات بيسي لاحتو حداها ورجعات تكات وهي مخشية في الكوفر لي على البررد لي كان...حتى بدات كتدييها عينسها وهي مزاال كتفكر في سييف حتى تحول تفكييرها لحلم...كيف ديما احلاامها الورظية لي ظاائما كتكون فيهم هي وسيف الابطال...بحال شي فيلم تحت عنوان"خذ بيدي الى الجنة"..ماكتصبح وتطلع الشمس حتى كتعود قاافلتها لأرض الواقع...اخخ ابوااقع شحال مر..ياريت كون كنا نبقاوا عايشين غير في احلامنا بحيث لي تمنيناها نلقاوها ذحال زويينة..للأسف هذه الحيااة..مرة تعطيك مرة تزوييك...ولكن عطاات بزااف من هاد الاخيرة لهدى حتى ولات طالعة لها في رااسها..كون ماداك شوية دياالايمان لي في قلبها او بصيغة اخرى نقدرو نقولو انها خاايفة من موااجهة الله...وهي مامحاافظة على ختى نقطة من اصول الدين...كانت شخاال هذا دا مول الامانة امانته...ولكن اسبااب كثييرة مخلياها ممسكة بالحياة لو كان عاودااتها لمرة التانية وكيف مكنقولو العيد غير مرة في العام..المرة لي فاتت نقذها نايمار من الموت ومن الوقوع في داك الإثم رغم انها هي نوات و النية ابلغ من العمل ولكن هاد المرة لنفترض ومشات باغا تمتااحر..واش عاود تاني غتلقى شي حد بحال نايمار ولا غيكون نفطة النهاية ^^أصبحنا و اصبح الملك لله"
فااقت هدى على صوت الاذااان ظيال الفجر...بقات شخال وهي في بلااصتها واحد الرااس كيقوول ليها نوضي صلي و طلبي الله يرشدك للطريق الصحيح و واحد الرااس كيقول لها غير تكمل نعسها ماحدها داافية في غطاها في هد البرد وحتى تفيق عاد تصلي...وهي في دوامة تفكييرها..اعوذت الله من الشيطان ونااضت توضاات وصلات الفجر و الصبح...و بقات كادعي لله يكون في جنبها حيت فعلا محتاارة ماعارفاش اش من طريق تشد وباش من نقطة تبدأ...باغا تاهذ واحد القرار ولكن ماباغاش في نفس الوقت خاايفة بزااف من المخلفات او المضاعفات ديالو..نتاضت صلات واحد زوج ركعات آخرين كصلاة استخاارة...ومشات خرجات لقات الحاجة فاايقة هي وهاجر ومروان خرج مشى يصلي مع الجماعة في المسجد...بقات جالسة معاهم شوية كانت الحاجة هازة القرآن كتقرأ فيه و هاجر هازا واحد الكتاب ديال السيرة النبوية لي تقريبا شي 3 المرات وهي تختمو في القراءة ومازال ماملاتو 
مشات جلسات كتقرا شوية ديال القرآن و غلبها النعاس هي وهاجر مشاو نعسو بقات غير الحاجة لي مولفة على الفجر فايقة...
رجعات هدى نعساات واحد السااعة عاد نااضت فااقت خرجت لقات غير مروان جالس شاد تلفزة كيتفرج..وهي تمشي عندو و دارت ليه بعينيها يتبعها للبيت...ناضو دخلو للبيت وهي تجبد ليه بيسي..
مروان:اش كاين.
هدى:نسييت كيفااش ندخل لها..شحال من مرة حااولت ومكيطلع ليا واالو..
مروان:(سد بيسي)وا من نيتك انت!؟؟حن تهنينا من الصداع.
هدى:متخاافش على حساابي ماعندهم مايقوولو.
مرواان:الصبر يااربي..يااه زيدي.
بدا كيزريها وهو غادي داتخل ولن كييف ديما كيغلطو في عوض مايدخلو بحال اي ايتيليزاتوغ كيدخلو منين كيدخل الكيينغ او الوكر بمعنى ديالهم...وكيطلبهم الكود ضرووري ماكاينة حتى طرييقة بااش يجبدوه حتى من ديك ليكتيغ ليكانت كتحل لها الكود عطاتها لعز ماعندها ماتدير بها..فكراات في واحد لاكارط كانت لقااتها مليووخة في سويت على K.O.b وهزاتها..نااضت بدات كتقلب حتى طااحت علييها وجاات عند مرواان..بدات كتملي عليه واحد الكلمة كانت مكتوبة بشي لغة مافهماتهاش وهو كيكتب دار اونتغخي وهي تطلع ليه نفس العلامة الحمرااء وحداها واحد الاشاارة فشي شكل بحال ديال

واحد الاشارة بحال شي علامة تجارية. كليكينا عليها وهي تخرج لنا واحد لا ليست كبييرة فيها بزااف ديال لبنات بلباس فااضح لكاع المفااتن دياالها..و تحت من الصورة كينين شي معلومات عليها برموز وتخت منهم مكتوب السعر بالدولاار...كان عددهن لايعد ولا يقصى..وكلهم كانوا بخال شي ملكات الجمال..الجسم و الوجه وكلشي..كانوا حروف الجمال الاربع كتجسد فييهم..كانوا كااملين شكلا...مفهمتش شنو كيعني زعما هاادشي...كان داك السيت بنثاابة دار الدعارة...كتدخل وتختار لي بغيتي وتخلص وكتوصل حتى لعندك..مافهمت واالو لا انا لا مروان لي كانت علامة استفهام على ملامحه بحاالي..بغيينا نخرجو من دااكشي وهي تطلع لنا واحد لا ليست اخرى كانوا يها شي وجوه كيخلعو من انظرة ااولى غتستنتج انهم مجرميين و كلهم كانو واشمين في عنقهم نفس الوشام..كانت الفوق في لا ليست مكتوبة شي حاجة بالاسباانية مكنعرفش لها قاال لا مروان بلي هادو قاتلين مستأجرين...بقيينا شحال كنقلبو من واحد لآخر ها لي كيبيعو مخدرات ديالهم تما وها لي كيعقد صفقات كبييرة كيبيع أعضاء بشرية...ها آكلي لحوم البشر...كان غرييب دااكشي بزاااف..خرجنا من تم وهي تطلع لنا نفس ديك العلامة لولى و تحت منها شي حرووف بشي لغة معرفناش نفرزوها تتحتهم مكتوبة Colômbia. خرجنا من تم و باان ليا مروان رجع هز ديك الكارط بقى شحاال كيحقق فيها عاد هضر. مروان:K.O.B يااك هي ديال بن هودا.!؟ هدى:(باستغراب)وي!!علاش!؟ مروان:نفس الاسم غير هادي K.O.B.C . هدى:تكون حتى هي ديالهم زعما..ويكونو بدلو الاسم ولا شي حاجة بحال هكا ماتعرف!!. مروان:نو منظنش..غلاش هما غيبدلو الاسم ديالهم. هدى:جو سي با مروان:يقدر تكون المافيا الكولومبية مثلا!!. هدى:(غير جبد لها كولومبيا وهي تتفكر عم سيف)مممم ويي بحاال والو...حيت ديجا سمعت بلي بن هودا عم سيف حتى هو عندو شي مافيا وهو كاي في كولومبيا. مروان:اذن غيكون هو!!. هدى:لكن لآخرة علااش مطلعش!؟ مروان:ممم آي دونت نوو..تكون زعما تحيداات صافي؟؟. يالاه غتهضر هدى دخلات عنهم هاجر كانت لابسة ومقادا. هاجر:مرواان راه غنتغطلوو غل رونديفو ديال الطبيب. هدى:اش من طبيب؟؟ مرواان(نااض عند هاجر عنقها وحاط ايديه على كرشها)علاش مافخبااركش!!؟راه هاجر حااملة! هدى:ههه اوووووه مبروووك. هاجر و مروان قد قد:الله يباارك فييك. هدى:شحاال عندو بعدا. هاجر:يالاه ثلاثة سيمانات. هدى:ههههه شكوون قاال داك الجنس(على مروان)غيولباب واحد النهار هههه. مروان:😂😂وشكوون قاال غيجي واحد النهار وتولي الجنة تحت رجليك. هاجر:هههع يالاه في انتظار شي هدف آخر من عند هدى. هدى:(شيرات عليم بصنداالة)هههه سييروو سييرو يالاه توصلو ههه. مشااو مروان وهااجر هرجو وبقاات هدى في بيتعا عاد مشاات خرجاات عند امها جلساات حداها وبقاات شحاال مجمعة هي ويااها وكيهضرو حتى اذن الظهر..ومشاوا توضاو وصلااو..وهما يدخلو هاجر و مروان فرخانين كيضحكو ومشات هاجر حطات كسكس لي كان موجوود غير سغااتو وحطااتو...تغذااو و نااضت هدى كتجمع...كملات وجاوا كلهم بقااو مجمعيين وهدى كتهضر معااهم وهزات تيل دياالها..وهي تعيط على سمرا وغلا و حالمة وهاجر جاالسة حداها كتهضر مع الخاجة لي كانت حدا هدى من الجهة الاخرى ماشفتش التيلي وهدى كتسمع لهم حتى تفتح الخط فجأة يلي مع كان ماايل كان كيبان فيه وجههااجر ديريكت...وهما كيهضرو حتى سمعو الغوت..هزات هدى تيلي مخلووعة لقااتهم بثلاثة مصدومات غير كيشوفو وكيرمشو. هاجر:(بعدات وجهها غلى الكام ودارت اشارة لهدى زعما شكون تم) يالاه غتهضر وهي تبدا غلا كتهضر:هاجر توحشتك اختي مالك ماباغااش تشوفيينا..على الاقل غير سولي فينا مني تعطات لنا واحد الفرصة نهضرو فيها. هدى:(بغاست تضورالكام عندها وعي تباان لها هاجر نااضت كتجري مشاات دخلات لبييتها وتبعها مروان. هد دارت عند البنات كتشووف فبهم. حالة:ماالها شنو واقع!؟ سمرا:علااش نااضت!واش مااغاش تهضر معانا. غلا:غير متشوف و سااكتة. هدى:البنت حاملة و يالاه في البداية ديال الحمل ديالها يسي نورمال تكون حسااسة بزااف وخاصة انها عانات بزاف وهي بعيدة عليكم وكتشوفكم نتوما تا واحد فيهم مامسوق لها ولا هسر عليها حتى زوج كلمات يسول فيها كيدايرة وكيفاش هي. غلا:والله اختي حتى ممنووع علينا نهزو تيلي ونعيطو لها..رااك عاارفة سييف كيداير الا قال شي خاجة مايلغيش كلمتو تطيح للارض..وراك عارفة هي اش داارت... هدى:را ماشي غير هي لي مشات وتزوجات بواحد مسلم رله حتى انت. غلا:ههه ولاهيلا ضحكتيني اهدى..الله يهديك بحال حنا لي داز علينا قلييل لا انا لا امجد..ماشي على بوونت كون رله ميت دابا....هما بعدا مابغا يدير لها والو قال لها غير تبعد...انت ماعارفة والو اهدى شنو داز علينا مني مشيتي....ومزاال غيدوز علينا ما اكثر... سمرا:حتى حد مالقاها كيف بغا . هدى:سعدااتك احالمة والله على الاقل دون كيبغيك وكيحتاارمك و حتى سييف موقركم مكيقدرش يهدر مع دون ولا يتدخل فيكم. غير سمعاتها حالمة وهي تقطع الخط بقات هدى مستغربة والبنات حاولو يبذلو الموضوع حيت هما لي عارفين شنو واقع

هدى:سعدااتك احالمة والله على الاقل دون كيبغيك وكيحتاارمك و حتى سييف موقركم مكيقدرش يقرب لدون وانت. غير قاالتها وهي تنهي خالمة المكامة وبقات غير هدى وغلا وسمرا. هدى:ماالها شنو واقع لها!؟ سما وغلا:الصمت هدى:وا قووولو شنوو كااين.!؟ غلا:لباارح كانت كتهدر هي ودون على اليكس و معرت كيفاش حتى سمعهم..نااضت خاالة في القصر..تصدقيني الا قلت لك مابقيتش عاارفة اليكس..تسيف ولا واحد آخر غير كيغووت لي كتبان ليه كيهرسها مابقيناش عارفيينو..حتى كمل وطااح كيبكي. سمرا:قطع ليا قلبي الباارح عرفتي كيبكي واحد الطرييقة..شوية والدري كاان يفقد عقلو بالبكاا....وحتى كمل وخرج ماهدر مع تاحد من الباارح مارجع وماسمعنا عليه والو. هدى:(سهااات هدى في هضرتهم وضرها خااطرها بزااف من نااخية الييكس لي بقى فيها حييت فغييمون صعييبة بزااف تعييش 24 عام وانت يتيم الام كتى غيجي واحد النهار وتعرف بلي امك غير حدااك وانت ماعارف عليها واالو وفي نفس الوقت جا لها في باالها عز وكيفااش غتكوون ردة فعلو مني غيعرف وكيفااش غيتقبلها..البيكس لي ديما كيضحك وكلشي عندو بييس شوف شنو دار آه وع شنو غيدير واخا هو صغيير ولكن عقلو و تفكيره ديال مراهق زائد راسو قااصح وصعييب...

قطعو البنات الآبيل وبقات هدى جاالسة فوق النلموسية ريح تديها وريخ تجيبها ماعارفة فين تصد راسها ولا اشنو تدير..وهي في جوف سهوتها بدا التلفون كيصووني على نفم Rockabey Baby..هزات تيليفون بزز كتخس بىااسها عياانة غير هزااتو و تشوف سيف ومين غييرو دوزات الخط .. سيف:اش جتك ختى عيطتي وتفكرتيني. هدى:مات واحد اليهودي في الملاح سيف:رجعتي لمراكش ولا باقا في داركم. هدى:باقا في دارنا علاش!؟. سيف:اذن وجدي ىااسك ها انا حاي غذا نلقاك واجدة باش نمشيوا والا بغيتي تدي معاك الواليدة تونسك مرحبا. هدى:علاااش يااك عندكم اجتماع من بعد سيمانا. سيف:نوو درناه اليوم. هدى:علااش!! سيف:(باستغراب)اول مرة تسوليتي على ااخدمة!! هدى:(بتلعثم)ا..لا لا غير بغيت تعرف وصافي. سيف:مم اوكي بيزو عيان باغي ننعس..(يالاه غتحالوبو هدى وهي تسمع في تيلي شي وحدة كتعيط لسيف بسميتو وكتلحنها بوااحد الصوت مق*** غير سمعاتها ماعرفت باش تبلات ولات بحال المسعورة). هدى:سييييف!شكووون هاذييك دوييي هدرر مالك سااكت ياالاه جااوبني...دوي شكوون هاذييك وفييينك انت!؟؟ناااري يااسيف وتكوون في البيت ناااري ونااعس معاها كااع..ياااك اسييف هادي هي كنبغييك ايوا سمع اسيدي هذا راه ماخب تازمر وسييير بد مني وعمرك تهدر ولا تفكر تهدر معايا فهمتيي..حيواان مكروووب صهيووني..تفوووو كيفاش قدرت ننسى انك يهوودي ودم اسرائيل كيمشي لك في الدم....كنكرهك وااش كتسمعني كنكرهك وبزااااف اسييف تفوو علييك وعلى كااع دووك الوعوود الهااوية دياالك بخاا وعد بلفور تفوو تفووو...(قطعاات عليه ولااحت تيلي وهي كتنهج كيفااش قدر هاا مييفااش داارها...لا ميمكنش...اه يمكن علاش مينكنش وانا سمعتو بوذني اكييد كيديرو شي خاجة ههه تفوو على كلاهي اكييد غيديرو ماالها مشاات معاه يشطحو القرودة اووف تفوو تفوو يخخ الحمد لله...الحمد لله لي بين ليا صوورتك الحقيقية كييف داايرة حيواان تفووو كنكىهك يخخ...صاافي هدى نسااي ...اوف هاصني ننسى(دارت شهييق وزفيير وخذاات نفس كبيير)اصلا راه كنت عاايشة قبل مانعرفو وكنت عاايشة احسن كااع ماالو يلا مشى غنتخنق را نااشي هو الاكسجين...ولكن را كنبغيييه اهئ لاا لاا سيف ميمكنش يخوني هو كيبغيني انا عارفة زايد منقدرش نعيش بلابيه راه قبل مانتلاقاه شكل ومني تلاقيتو وبغييتو شكل آخر منقدرش نتفرق عليه ولا ننسااه بخال عمرو كان في حيااتي لاا مستحييل

بقاات تلكي و في نغي الوقت باغا تنسى وواخد الرااس كيلوومها من الاول عارفاه غا يهوودي وفعاايل اليهود راه على الوضوح ولكن واحد الراس آخر ميبرر ليه يمكن يكون جالس في اوطيل وتكون غير خادمة ولكن راه عيطات ليه بسمييتو...مب هادشي مكيعنيش انه غينعس معاها...ولكن فاصون بااش قاالتها اكيد بيناتهم شي حاجة انا متاكدة...سيف مكيخليش بنادم يزعم عليه ولا يعيط ليه بسميتو او حتى يهز فيه العين..كيفي انا اياماتي الاولى معاه فقط وجودو معايا في بلاصة وحدة واخا يكون البعد بيناتنا امياال واميال كان كيوثرني وكيدير فيا الرععب ماحداك شي وخدة اول مرة تشووفو..لا لاا اكييد هادي كتعرفوو من زماان..زعما كان معاها في هاد سبع سنين لي داازت...اوووووف لاا هي لااا هي لااا سيف كيبغيني وقاالها ليا..قال ليا كنبغييك..ميمكنش يخونني....اجي علااش زعما..مثلا لنفترض هو كاان في القصر و البنت لي عيطت علييه تكون هي نفسها الخادمة لي كاينة تم....ولكن هو قاال ليا داك المرة بلي مكيعرفهاش ومابينو وبينها والو... اووف صاافي رااسي غيتفركع بقوة التفكيير الله يااهذ فييك الحق اسييف تفو تفو تفو علييك... نااضت هدى خرجات من بيتها كتقلب على شي فنيد ولا شي دوا ديال النعااس باغا غير امتا تغمض لها عينيها مابقااتش باغا تغكر في هاد الموضوع... . .شربااتها ومشاات لبييتها بقاات شحال وهي فوق الناموسية كتصنع النعاااس حتى بداو كيتغمضو لها عينيها غير بووحدهم .........نعسااات هدى وهو يجي لها تااني في احلامها حاالف مايفرقهااش...بقاات شحاال نااعسة وهي كل مرة كتغلب على جييهة. .. مالاقياش رااحتها في النعاااس...حتى دخلات الحااجة عند هدى ومشاات جلساات حدا ىااسها وبداات كتدوز ايديها على شعر هدى بوااحد الحنان وواحد الشوق و الشغف و العطف عااارم.. وبزااغف ديال المشااعر وهادشي لي هلا واحد الطمأنينة تتبعث في قلب هدى. عاد لقاات رااحتها في النعااس... نعسااات هدى جبظات عليها لنعسة دياال بصح..حتى فااقت وكتحل عينيها بشوية عليها لي كاانوا مغمضبين ومسدودين بزز منها...فااقت بقااات شحاال وهي ففووق الناموسية بحاالنا كاع البناات...بقاات كتستوعب رااسها واحد 5 دقاايق و رجعات تااني تغطات و غمضاات عينيها كنكمل في الحلمة لي حلمات من رااسها...بلي سيف غادي يسلم وغيتزوجو وعز غيعرف ااحقيقة اييوا ضربااتها الفيقة خسرات عليها كلشي....ناااضت خااسرة من النعاس مشاات قاادت حوايجها خرجات لقات غير هااجر والحاجة. .هاجر كتغسل في الماعن وكتدندن وحداها الحااجة كتنقي في الجلبانة و تدندن معااها......مشاات هدى جلساات حدا الشرجم وهو يضرب فيها واحد النسييم روعة بقاات سحال وهي كتستنشق في دتتك الهواء حتى رشقاات لها تخرج...كانت ماشي من العاجزيين...نتاضت دغيا طلبات من عند هاجر شي لبييسة وعطااها لها مشاات لبسااتها بالحجاب ديالها وحلقاات على رااسها ةتقادات وهي تمشي لبيتها هزات لاكارط بونكيغ لي كان مخليها لها سيف الا احتاجت شي حاجة عرفات بلي جا وقتو. مشاات خرجاات شداات طاكسي ديىيكت لانفا بلاص وهي غادية في الطريق كتشوف الشيفور ديال الطاكسي مرة مرة كيبقى يشووف في المراية وعلامات لاستفهاام على وجهو هزات رااسها حتى هي متبعة في المرااية وهي تباان ليا واحد اللوطو بحال تابعانا بقيت شحال وانا ظراادة معاه الباال حتى تاكدت فعلا كانو تابعينا..بقى مول الطااكسي كيدور ليددبيينا من دىدرب لدرب

حتى خرج في واحد الخلا وهو يوقف و هو ينزل مالقى ختى شي اووكو وهو يرجع ركب وبقينا مكملين الطريق حتى وصلنا خلصتو ونزلت مشييت دخلت لأنفا بلاص...مشيت لواحد بوتيك عندهم الحوايج ديال المحجبات زوينين..فغيمون كان لبس في قمة الروعة زويين ومستور في نفس الوقت...بقييت شحال وانا كنتعزل ولي بانت ليا كنهزها حتى حسيت براسي ثقلت وانا نمشي لاكيس..وخذييت الحوايج معايا و خرجت شديت طاكسي تاني للطازج..دخلت ودومونديت على كبسة وانا كنتسنى فيهم يجيبوها ليا حتى كنلمحو هو والله حتى هو..معرفتش علااش حسييت بوااحد النغزة في قلبي و واحد الفرحة لاا تووصف مني شفتوو...كيفااش قدرت ننسااه وننسى الخيير لي ميتمش لي داار فيا ..فغيمون كان شخص مثاالي...واي وحدة تبغييه كان زوييين شكلا ومضمونا مافيه مايتعااب اي وحدة تبغييه وخااصة كون كانت بلااصتي ودوك تصرفاات لي كيزيييدو يكبرووه في عيني ولكن للاسف مقدرتش نبغيك نقدرو نقوولو بلي قلبي في داك الوقت كان مخطوووف...بقييت شحاال وانا كنشووف فيه وكندقق في ارق التفااصييل لي فييه...كان بحال كيقلب على شي وااحد موضر علييه شيرت علييه بايدي حتى عييت و واالو ماانتبهش لياا..حتى بدييت كنعيط لييه. انا:نايمااااار!!! دااار عندي كيشووف فيا وشحال وهو مبلووكي في بلااصتو بحال ماعارف مايدير.... نضت عندو حطيت ايدي على كتافو وانا نعنقوو صرااخة توحشتوو بزاااف...بقيت معنقااه وانا كنحس بيه كيجي يعنقني وكيرجع ايديه..بعدت وبقيت كنشووف فيه في عينيه كان بحال واقعة ليه شي حاجة..هزيت ايدي حطيتها ليه على وجهو. هدى:ماالك!؟شنوو كااين وااقعة شي حااجة. نايمار(كيهدر بتلعثم وهو كيحك في لحيتو بشوية بايديه)لا...لا..واالو. هدى:اه وعلى من كنتي كتقلب!؟ نايمار:عليك...لا لا بغيت نقوول تا واحد غا واحد صاحبي. هدى(بعدم تصدييق)امممم (باتسمت)توحشتك بزاااف انت وشيرين فيين هي!؟. نايمار:كاينة مع ماما في سبيطار. هدى:اووه علااش شنو وااقع لها. نايمار:لقااو عندها سرطان الثدي. هدى:الله اكبر في اش من سبيطار هي. نايمار(صغر عينيه)علاش!! هدى:كيفااش علاش قول ليا بااش نمشي نشوفها لا عرفتي شنو اجي ديني دابا معاك نايمار:لا...لا..انا ماغاديش تم دابا عندي واحد رونديفو ضرووري. هدى:واا لاءح ياالاه ديني عندها دابا ضرووري من شحاال هاذي وانا باغا نشووفها. نايمار(بقى كيشوووف فييها وطووول فيها الشووفة وهو باغي يدير شي خاة وحاابس رااسو بزز)اووكي اووكي يالاه زيدي(وقرصها في حنكها). مشااوا خارجين وهو يوقف بااش يااخذ طااكسي وهما واقفين كيتسناو طاكسي حتى وهو يجي الرجل لي كاين في الباركينغ جا عند نايمار. هو:سيدي (عطاه الكونطاك)ها هو اسيدي راه غسلنا لك الاوطو. نايمار:(سرط ريقو و دار كيشوف في هدى لي مافاهمة والو ورجع كيشووف فيه مكرهش يشنق علييه وجبد الفلوس وعطااه ومشى هو وياها يركبو هدى غير شاافت اللوطو وهي تقلعها هي لي كاانت تابعاها وهي تبدأ تضحك ههه عااد فهماات البلاان وهو ماقدرش يشووف فيها..طلعو ركبو وهي تبقى شاادا فيه) هدى:نايماار. نايمار:(كيسوق وماباغيش يشوف فيها)احم ويي هدى:عرفتي شنو مافيا لي يمشي لسبيطار يالاه نرجعو وانت بقى مع صااحبك. نايمار:شكون صاحبي...اه صااحبي صااحبي..لا لاا غيكوون مشى حيت تعطلت عليه. هدى تكرشخااات بالضحك حتى ولاات كتدمع:هعههه وااخا واخا. ناايمار:ههههه تفوو تفوو تهجريييه. هدى:😂😂😂😂تفوو عليك انت نيت خرجتيها مني خلعة؟! نايمار:(جمع الضحك ودار عندها)احم زوجة سي سيف اسرائيل بن هودا مناش غتخااف مثلا!؟؟. عدى:زوجة!؟؟اش كتخربق! نايمار:تلااحت في الصحف شحال هادي. هدى:لا صافي هادشي لي بقى غير نتزوج بواحد يهودي.(كتقوولها وهي قلبها عاامر على جييهة سيف) نايمار:علاش كان مخبيها عليك عاد عرفتيه راه يهوودي؟ هدى:نايمار عافااك نسى عليا الموضوع مابقييتش حااملاه لاهو لا داك المرض. نايمار:(يالاه غيهدر وهو يبدا يصوني لها تيلي سكت خلاها حتى تجااوب عاد يكمل هدرتو..هي غير هزات تيلي لقاتو سيف وهي تقطع) هدى:اه فين كنا كنهدرو. نايمار:؟؟؟ عااود تااني بدا كيصووني تيلي...هزاتو تااني شاافتو سيف يالاه غتقطع وهو يقوول ليها نايمار تجاوب...غير دوزاات الخط وهنا يسمعو سييف كيغوووت بحال غيخرج لهم من تيلي. سييييف:نزليييي....نزليييييي من عندو.....بغيتي اللعب دوييي...باااان لك غا داك الزااامل درايه حداك...هاا دوييي...ولكن انا جاااي لديييلمك لما روييت لق^^^ لي ولدااتك عطشك بادمك راا مااشي بن هودا انا... هدى:(مبردة واخا مخلووعة من الداخل)علاش شكون انت بالسلااامة...سووقك فياا..نمشي معاه وننعس انا ويااه كااع...با ولا خوويا اوووه نسييت ياكما رااجلي بلاخبااري..ههه لاا إذن دييعا في رااسك وحكم على رااسك قبل ماتحكم فيا انا

هدى:وحكم على رااسك قبل مااتحكم فياا انا!سمعتييها يالاه داابا الا كاانت عندك شي عزة نفس عطييني التييقاار حست فغيمون ملييت منك ومن داك الحكام الخاوي دياالك.(بقاات شحاال وهي كتفش داكشي لي كتحس بيه ولي هازاه في قلبها حتى حيدات تيليفون من وذنها لقااو قطع الخط شحاال هذا حيدات تيلي و دارتو في الصاك بالنترة اما نايمار مافهم واالو ولكن عجباااتو فييه واخا في نفس الوقت مستغرب اش هالد الجرأة مع سييف...وكيتخاايل دايا سييف كيف غادي يكون اكييد مغيرضاااش تعاايرو ولا تهز علييه صوتو على اي كان راه سيف اسرائيل هداك....كبريااؤه و غروورة كافيين باش يكونو سحب سودااء تمطر على الارض ختى تغرقها بطغياانو وتسلطه. بقااوا مكمليين غاديين في الطرييق..ونايمار كيحااول يجبد معاها شي مواضييع كيضحكها وكينسيها في لااخر لي ماشافت منو غير صداع الراس...حتى وصلو للسبيطار نزلو ومشااو طلقو في اتجاه جناح مرضى السرطان....حتى وصلو قدام الغرفة ديالها دخلو كااانت امرأة خمسينية نور كيضرب لعا على وجهها واحد الابتساامة فنننة على وجهعا كتزيدو نوور بالرغم من ملامحها وبشرتها لي ذاابلين مع المرض و شعرها لي كان مابين الاصفر والذهبي وداخلين فيه واحد الخصلات برتقاالي بااارد...كان لوونه بااهر..وعينيه كانت كل عين في لوون...وحدة في الاخضر غااامق كتحسها عمييقة ولااخرة في الارجنتيني...سبحاان من ابدع في خلقها...كانت قمة في الجمال وبااين عليها دوزاات الزيين دياال بصح فااش كانت صغيرة.....دخلو عندها..ونشى ناايمار باس لها رااسها وايديعا وهدى ماات سلماات علييها وشخاال وهي معااانقة هي وشيريين لي توحشااتها بزااف مابغدو غير بستة وستين كشيفة...الام طلعات رااسها في ناايمار كتسوله ماعرف اش يقوول وهو يهرب مشى خرج زعما راه جاه شي اتصاال وهي تغمز لشيرين لي نزلات لها حدى وذنها معرفتش شنو وشوشات لها حتى خلات ديك الإبتساامة دياالها تزييد تباان وفتخات ايديها لهدى باش تعنقها لي ماكانتش من العاجزين مشات عنقااتها حتى هي...وبقات شحاال وهي كتسولها على راااسها وهدى كتجااوبها وطبعا بلا متذكر سييف... جا نايمار وهدى شافت الوقت لقاات مشى الحاال وهي تغمز لنايمار باش يمشييوا ومشاات عاودت سلمات عليهم وتباذلت هي وشيرين نمرة باش يبقاو اون كونطاك ..ومشاات خرجات هي وناايمار ناازلين للباركينغ و غاديين بشوية علييهم وكيهدرو حتى وقفها نايماار ووقفوو مقاابليين مع بعضياااتهم...ماحسااتش برااسها حى لقااتو معنقها ومزييير عليها بالجههههد. نايماار:توحشتك....توحشتك بزاااف..ماتتهايليش بلاااصتك شحااال بقاات خاااوية...وهو كيهدر وهي كتحس بوااحد الدمة على خذها عنقااتو حتى هي...مقاااو شحاال معانقيين حتى كيسمعو وااحد الفرااان قويييي داارو كيشووفو وهو بااقين على حالتهم كاانت الاووطو وااقفة لهم على رجليهم...عشرة سنتيم و كنت تختارقهم..ماشافوش شكون فييها حيت مع لظلمة و داك الضوء الخاافت لي في الباركينغ غلب علييه الضوء ديال اللوطو لي ضرب لهم الشعة على عينييهم...

بقات وااقفة هدى و دابرة ايديها على عينيها على داك الشعا لي كبضرب لها في عينيها حتى كتحس بيه هو سييف غبى من رييحتو وكياانو وااقف قداامها بجسمه الضحخم غطى عليها الشعا غير وقف وهو يدور عينيه باان لييه ناايمار و هدى مني حيدو بقاوا مشادين..بقى شخااال وهو مركز فيهم الشووفة وهو يدوور عند ناايماار جمع ايدييه وهو جاامع فييها كاع الاعصااب و هو ينزل بها على ناايمار لي فديك اللحظة كل همو هدى مابغاهاش تتقااس واخا يكون المقابل هو موته....مع ضربو سييف وهي تبدأ تغووت نزلااات عند ناايمار لي طاتح للارض شد في بلااصة الضربة و كيبتاسم لها كيطمانعا رغم انه كلاااها بالبياان...سيف غير شااف داك الاهتمام تزااد معاه الزاايد بعدها وهز نايمار من الكول دياالو ونزل عليه بوحدة اخرى...ونايمار مكيهاجمش غير كيغاردي عليه....تكررت اللقطة اكثر من مرة...وناايمار بدأ كيخس بالدق كيدخل معااه و هدى غير حدا نايمار وتدمع ماباغاتش تكون سبب في داكشي لي غيوقع ي نايمار وفي نفسوالوقت خاايفة عليه من هاذ الوحش لي ق داامها لي ماكانش كيشووف جييهتها..بقى حتى كمل من نايماار وهو يحيد برجله من طرييقه وهز فيها عينيه لي كاانو بخال شي نقطة ديال الدم...طوول فيها الشووفة وطلعها ونزلها وزير على ايديه.
سيف:طلعيي.
هدى:(اومأت ليه براسها بلا)لا منقدرش نخلي نايمار في هاد الحالة.
سييف:(دااار للجهة اااخرى وهو يشهق وخذا نفس طويييل ومشى للجهاز الانذار لي تم شغله ورجع عندها وهو كيهدر بنفااذ صبر.
سيف:يالااه طلعي.
هدى:ولكن...
سيف:(بالجهههد)طلعيييييي!!
مازادتش معاه ااكلمة مشاات ركباات ويالاه ديمارا اللوطو وهي يباانو لها ناازلين مني شافوه مشااوا عندو هزووه مطلعيينو عااد هنات عليه ولكن واخا هكاك كيلوومها خااطرها علييه مابغااتش يوقع فيه هكاك..داارت كتشوووف في سيف وهي ماطيقااهش كتشمأز منو ماحملاأتوش مني شاافتو هكاك...دورات رااسها للشرجم حتى باان لها بععدو على الطرييق دياال دارهم.
هدى:راه...
سيف:(دار عندها وهو عاز صبعو كينبهها)حسسك منبغييش نسمعو ولا مغيعجبك حاال.
دااارت وبقاات سااكتة حيت فغييمون ضعييفة قدامو خاايفة ليدير فيها شي حااجة...دارت بقاات كتشووف حتى خرجو من كازا...شافت واحد البلاكا كانت مكتوبة عليها "مراكش" بقااات سااكتة مابغااتش تهدر حتى بداات كتحس بعينيعا كيغفااو عليها... داها النعااس ماافاقت حتى وصلو...خرجاات وسيف غادي قدامها وهي من ورااه حتى بااان لها عز كان كيلعب مع راوان في الجردة غير انتاابه لها وهو يجي كيجري عندها عنقها من رجليها وهي تنزل لمستوااه عنقاااتو...حتى وهو يبععد عليها بالنترة.
عز:بعععدي مني....فين كنتي دوي!؟مشييتي مع سييف يااك ونا خليتيني ولا كتبغيه غير هو.
هدى:(كاانت واصلة بها العظم ولكن ضحكات وهي تجرو عندها من خذوذو)يسلم لي الغيوور...لا نكنتش مساافرة كنت غير في كازا عند عائلتي.
عز:(ربع ايديه)اهاه وعلاذ ماديتينيش معااك حتى انا باغي نشووفهم.
هدى:(عنقاتو بايد وبقاو غاديين)واخا اسيدي مني نبغي نمشي ندييك معاايا.
عز:(هز فيها عينيه شحاال وهو كيشوفييها وهو يعااد يعنقها وكيبكي)
هدى:(نزلات عندو وبقاات كتحرك ايديها فووق شعرو)وا صافي باراكا من البكى...علاش كتبمي دابا!؟.
عز:كااان يحساابلي سييف داار لييك شي حااجة.
هدى(بقاات كتشووف فيه وابتسمات و بان واحد النوور خاافت وسط العتمة لي في قلبها مني سمعات هدرتو فرحاات لإهتمامو بهااا عنقااتو شحااال حتى جا قااطعهم سييف).
سيف:عز سير تلعب وانت تبعيني!
نااضت هدى مشاات من ورااه من بعد ماتغامزات هي وعز...مشاوا حتى دخلو لواحد السوييت وهو يسدو ومشى كب ليه ويسكي و جلس بحال متكي وهز في ايديه الكاس كيشرب وكيشووف فيها مغمض عينيه.
سيف:كملي سنو كنتي كتقولي!!
هدى:شنو كنت كنقوول...
سيف خرج فيها عينيها وهي تبدا غير تخربق عاد وهو ينووض عندها.
سيف:(وقف ورااها و منزل رااسو حدا عنقها و هز ايديه حيد لها الحجاب بشوية حتى طااح شعرها مسبست فووق وجهو))بااش تفهمي واحد النقطة...راك معايا و غتبقاي بخاطرك ولا بلا بيه مكيهمنيش..وبما انه انت معايا نهار غنشوفك مع شي زامل متلومينيش على شنو غندير.. اليوم غمضت عيني خيت مزال محتاجك (وهو يمشي وغمزها..حتى بغا يخرج وهي تهدر.
هدى:باااش تفهم حتى انت وااحد النقطة رااه انا مااشي عبدة عندك بااش تتحكم فيا...زائد ماشي اوبليجي عليا نبقى معاك..
سيف:(شاف الساعة لي في ايديه)عندي رونديفو دابا مني نرجع نلقاك شاربة الدوا ديالك ابب.
مشى خرج وخلااها تااقفة كتشووف فييه و متبعااه بعينيها...ماعارفة اش تديير معااه...واش من نيته كيهدر

مشاات للباالكو وبقاات وااقفة وكتشووف في عز وراوان كيلعبو سهااات فييهم حتى كتدور عينيها فجأة كيباان لها سيف جاالس فوق واحد الفوتوي في الجردة و شاد في ايديه كاس كيشرف فشي حااجة وكيضحك حتى كيتغمضو ليا عينيه و نااعسة واحد البنت ولاايحة رجليها على فخااذو و هازا تا هي واحد الكاس كتشرف ومعرت شنو كتعااود ليه وهو مييت بالضحك...بقاات كتشووف فيهم معجبهااش الحاال...و خااصة دييك البنت كاانت لاابسة غير تيشرت حد السرة و التحت غير السليب....بقاات كتشووف فييهم و وااحد الرااس كيقوول لها نزلي و وااحد الراس كيقوليها تبتي للارض ماعندك ماتنزلي تديري عندهم زاائد ياك هي واعدات رااسها غتبععد علييه...بقاات شحاال واقفة كتشوف فيهم وفكرات انها تدخل تعيط لشيرين تسولها على حاالة ناايمار...بقاات شحااال كتسنى عاد تفتح الخط هدى:آاالو شيرين..آلوو...آاالوو...شيرين هضري متبقااايش تبكي..وقوولي ليا شنو وقع لنايمار. شيرين:اعئ اهئ معرفتش شكوون تعدى علييه داار فييه هاد الحاالة اهئ اهئ.....علااش اربي علااش....كيجيوا المشاكييل ككيجييوا في دقة ماما من جييه و نايمار من جييه. هدى:(بقى فيها الحاال بزااف وقطعات لها قلبها بهاد الهضرة)يكوون خيير ان شااء الله...هذا غير اختبار لصبرنا من عند الله. شيرين:كنحمدو الله على كل حال هئ هئ. هدى:ماتقولي لماماك واالو باراكا عليها غير مرضها مسكيينة. شيرين:اهئ نوو منقدرش نقوول ليها وهي نايمار هو عينيها غتصدق وااقعة لها شي حااجة.. اهئ عفااك اهدى جي غيير شوية ورجعي غعفاك. هدى(يارييت)واخا انا نشووف ونجي . شيرين:يالاه بسلامة نمشي نشوف الطبيب ديال نايمار يالاه خرج من عندو. هدى:يكوون خيير و متنساايش تعطي عليا تولي ليا شنو كاين. قطعنا الاتصال انا وشيرين و زدت كرهت سييف..وكرهت هاد الانانية لي فييه....حشوومة علييه علااش ديما كيفكر غيير في رااسو علااش...هاهو نايمار مسكيين يعلم الله بحااله وهو جاالس كيضحك نييبالا....انا غنوريييه. مشاات نزلاات عندهم وقفاات ليه حدا رااسو. هدى:لا مزيااان...بغااافوو✌🏻✌🏻ماعندي ميتساالك...الدري دابا كيموووت وانت كتضحك على خااطرك بحاال ماواقع واالو. يالاه غيهصر سيف وهي تهضر لااخرة نفس الصوت ونفس النبرة ونفس الطرييقة والاسلووب بااش قاالتها لباارح. هي:سيييف!!واش هاذي هدى. سيف:هدى سيري ديري شي حاجة تلهااي بها حيت سيغ دابا طرانكيل ماباغيش ن.. هدى:اش مبااغيييش...وااش من نييتك وااش انت بنااادم...فين هي الانسااانية...بغييتك غيير مرة وحدة في حياااتك اسييف...غير مرة وحدة.. تبين ليا بلي راااك انساان طبيعي يمكن يتعايش معاه الواحد. البنت:اوكي انا نوض نخليكم على راحتكم. نااضت البنت و بقاات هدى وااقفة كتسنى شي ردة فعل من سيف لي كان جالس مبرد و مرة مرة كيجغم من الكاس لي في ايديه..و كيدي و يجيب في صبااعو على لحيتو وكيشووف فيها باستغراب. سيف:كملتي؟؟. هدى:(طولات فيه الشووفة وهي تهدر باستسلام)مابقيتش باغا نبقى معاك...صافي باراكا...عييت اسيف عييت...عمرنا مغنتفااهمو حيت ببساطة كل واحد وكيف دااير...انت حاجة وانا حاجة اخرى......مابيناتنا حتى نقطة مشتركة لي غاديتخلينا مزال نبقاو مع بعضياتنا.....حتى عز معارفنيش واش انا ماماه.......دابا حتى واحد فينا مامرتااح و...(قاطعها سيف لي نااض غادي ممسوقش للهدرة دياالها...سأمات من بروووده بلا قيااس...مشااات غاديا داااخلة كتقلب على شي وحدة في البنات........مالقات فيهم تا وحدة...سولات واحدة في الخدم....وصلاتها للغرفة دياال غلا...مشات البنت وهي حلات الباب و دخلات مالقات حتى وحد فييهم حتى بدااات كتسمع الهدرة كان صوت حالمة غلا فقط...مشاات غااديا عندهم حتى تبلوكات في بلااصتها مني سمعات محور هدرتهم..ماعرفااتش تزييد ولا تحبس في بلااصتها ولا شنو تديير كتحس بوذنيها كيصفرو من دااكشي لي سمعات الكلمات كيتعااودو في وذنيها وحدة ورا الاخرى

حتى مشاات كتجري و خبطات الباب وراها وهما يدورو حالمة وغلا مفزوعيين ناضو كيجريو مع حلو لباب شافوها كتجري يالاه غتدور تنزل مع الدروج......بقاوا شحاال وهما كيلومو في نفسهن حيت مردوش لها لباال.....اما هدى مشاات كتجري حتى نزلات سولات على سيف اشارو لها للمكتب ديالو لي كان فيه مشااات كتجري عندو لقاتو جاالس هو ودون و امجد معرت علاياش كيهضرو...هي غير دخلات مشات كتجري عندو وبدات كتضرب ليه في صدرو وكتغوووت و كتعاير فيه و فييها حتى طلعات ليه الدم وهو يشدها من ابديها زيرهم لها ومشى غادي خرجها طلعو للغرفة الفوق.
سييف:ماالناا اش مااين...هاد السيمانا كااملة وانت فاارعة ليا مخي من نهار حطيتي رجلك فهاد الخرا...راه دييا قلت لك ميغركش راسك وتقولي قطعتي الواد ونشفو رجليك .
هدى:تفوووو...دييما غتبقى هكا...ولكن انا لي حمااارة كنت كنتسنى زعما غيجي واحد النهار وغتبدل فييه...ساعة عاد ماغادي وكتزييد فيه...كيفاااش...كيفااش قدرتي تدييرها.....ههههه جيتب عندي وجاالس عليا كنبغيييك وماجازرها وانا...هئ هئ متيقاااك نعست ونا فرحانة زعما....وانت مشيتي نعستي معاها كيفاااش قدرتي كيفاش هئ هئ.....عرفتي شنو كل مرة كتدير شي جيست كيخليني نزييد نكرهك ونشمأز من رااسي حيت كنت في وااحد النهاار شركت معاك فراش واحد....

سيف:(كيشووفييها وهو صدرو كيطلع وينزل و كيحك في لحيته و كيتساءل كيفااش عرفاات هادشي وهو بمشي يخرج مشى نزل جلس لتحت في صالوون وبدا كيكمي...كاارو ورا كاارو و طاالع لدم...وماباغيش يدير شي مصيبة.....وبقى كفكر في كيفاش تا عرفاات...ميمكنش تكون شافت بعينيها وفي نفس ااوقت ميمكنش ماري تقول ها شي حاجة اذا 100% شي حد لي قاالها لها ولكن شكووون!؟؟
تفكر انه السوييت لي كانت فيه مااري كاين حدا السويت لي فيه غلا وامجد...أمجد ممكنش يقوول لها وكون شاف شي حاجة غادي يجي يهضر معاه راجل لرااجل...اذا احتماال كبير تكون غلا....مشى غااادي طاالع عندها للبيت غر وصل حلو بلا ميتشااور حتى تصدم من ل شااف قدامو... كاانت غلا جااالسة فووق السجاادة في اتجاه القبلة ولاابسة عبايا موااسعة عليها سااترة للمفااتن ديالها و دايرة حجاب فوق شعرها وكتصلي وهي مغمضة عينيها كاانت مخشعة في صلااتها ماتسوقااتش لشوون حل لباب...بقات حتى كملات الصلاة دياالها سلماات ونااضت وهي تشوووف في سييف.....تصدمااات شدها الرعععب من صبعها الصغييير ماعرفااات شنو تقدم...ولا شنو تدير ولا تقوول.....بدات غير كتفتف وسييف مقاابل معااها مزير على ايديه بالعصااب و عروقو بااارزيين وديك الوشمة منفووخة لييه وقاابط حجباانو وفي عينيها علامات الاستفهااام...كيتسنى شي شرح مفصل من عند غلا.....لي غير سااااكتة وكتشوووف فييه و شلا مطاارق كيضربو لها في راااسها حتى شاافت امجد و دون جايين كيهضرو غير انتابهو لها هي وسييف و وقفو وجاو عندهم حسااات بوااحد الشويييش ديال الاماان...من بعد ماشافتهش...عكس سييف لي ممسوقش ليهم كيف جااو كيف ماجاوش....عينيه مركزين فقط على غلا واللبس لي لابساااه.....

سيف:(كيشوووف فيها ومنعس عينيه ومبرد على راسو بزز منو باش ميديرش شي حاجة)من إييمتى؟؟!دوييييي...من ايييمتى!؟
امجد:مني....
سيف:كنهضر مع غلا......يالاه هضري.
غلا:م....مني غلا:مم..مني ولدت روان.
سييف:هه...3سنيين...(ضرب واحد الفاز كبيييير طيحو للارض وبقى مكمل كيهرس فلي جااات قداامو اما غلا غتموت بالخلعة غير وااقفة ومخبية من ورا امجد و دون........البناات سمعو الصداااع وهمايطلعو.....شافو الغرفة حالتها حالة و سيف غير لي بانت ليه كيدكدكها ز لاخرين واقفين كيشوفو من بعيد وهو غير فمو وماخرج ماخلى حتى واحد ومشركووش حتى وهو يشدوو دون كيهدن فيه....و وااالو...امجد مشى كيعيط لباتريك هو لي كيعرف ليه....باتريك في كازا يالاه غيشد الطريق عندهم الماكسيم خاصو ساعتين عاد يوصل.......مشى عندو دون شدو ومشاو نظل هو وياه وامجد للتحت باش يحلو سوء تفاهم غير بالخاطر واخا دون كلا الدق ولكن المهم انه وضل لغايتو....البنات بقااو مع غلا شادينها كيهدنو فييها.....

دووون:علااش هاد الصدااع كااامل....حيت سلمات!؟عااادي تتبع الديااانة ديال راااجلها....زاائد بلا رااجلها....هي وعات وعرفات الاسلام والعائد دياالو ولي زاد خلاها تتشبت هو امجد....بلا منهضرو غلى امجد كلنا عارفينو كيف دااير...بلا منشكرو بلا واالو....
سيف:دابا جايبني باش تخربق عليا هاد زوج كلمات ولا شنو.
دون:كنهدر بصح....ماعندها حتى دين من غير الاسلاام...دين رااجلها...و ولادها مستقبلا.
سيف:كيفااش الاسلام اش قربك انت اصلا لشي اسلااام....
دوون:سيف بلا منهضرو بزااف...را انا وانت عارفين الاسلام كيف داااير...وشنو هو....وهو دين ااحق...وهو لي غنتبعثو ونتخاسبو عليه فمكااين لااش تبقى تقنع وتكذب على رااسك بدوك الاعتقادات لي عندك ولا لي ربااوها فييك....فكر شوية بعقلك.
سيف:؟؟؟علاش كتهضر عليه بحال؟
دون:ك..كيفاش انا كنهضر عاادي...كنقوول الصرااحة.
سيف:فيين عمرك هدرتي فشي خلجة في الدين...من اييمتى وليتي مهتم.
دوون:احم...دابا ولييت كنهتم......من بعد ما صادفت عيني في سوشييل ميديا قصة سيدنا ن
عيسى الحقيقية لي مذكوورة في القرآن وحنا عارفين انه القرآن من الكتب الماوية وهو الوحيد لي متعرضش للتحريف
....ومني شفت قصة اسسيدنا ايوب عليه السلام و الصبر دياالو وكيفاش جزاااه الله خير بديت كنهتم......ومني شفت معجزات سيدنا سليمان عليه السلام بديييت كنهتم..........ومني قريت قصة الرسول محمد صلى الله عليه وسلم اعلنت اسلااامي في الأقصى....

سيف واقف وكيسمع وكل مرة كيتدخل واحد يهدر مرة امجد،غلا،دون،حالمة،سمرا....كلهم...غير كيسالي واحد كيهدر لااخر....وهدى واقفة غير كتسمع مكتشوفش فيه مبقاتش باغا تشوفو....اما سيف واقف كلو آذان ثااغية...ولكن في نفس الوقت كيجيوه كلهم اغبياء وهو الوحيد لي عندو الحق فيهم....كيفاش هما حسن منو وهو مآمن بعبارة وحدة"ياا بني اسرائيل اني فضلتكم على العالمين" هو الافضل فيهم بوان فينال....غتقول ليه شي حاجة اهرى...لا ميكينااش....ها هو الله قالها...ياك نتوما كتعظمو الله و كتوحدوه....اذا علااش كتخالفو هدرتو....اذا نتوما معارفين والو انا لي عارف....هاذو غر كيخربقو....(طول في دون لي كان كيهدر وبدا كيتفكر الهدرة ديال دون....فينما كيكونو جالسين فشي مجمع فيه مزيج من الديانات كيبدا يقولهم...ان الله مكاينش...وكيفاش هما مآمنين بيه...وهما عمرهم شافووه....عمرهم هدرو معاه....كيفاش ها كيآمنو بشي حاجة غير كيسمعو بيها.....حتى الشيطان غير كنسمعو بيه....ولكن كتكرهوه وكتلعنوه....و علاش كتآمنو بالانبياء ودوك الاولياء ونتوما عمركم ماشفتوهم....نتوما اغبياء..نتوما هاذي...وكيبقى يهدر....تصدم فيه بزااف لدرجة شااك زعما يكونو غير كيضحكو معاه ميمكنش يكون هادشي بصح....اكيد غير كيضحكو.....وغلا حتى هي كيفاااش حتى سلمات وهي كانت النهار كامل وهي كتشكر و تحمد في المسيحيين وفي المسيح وفي المبادئ ديالهم...و الاعراف ديالهم....كانت مآمنة بحتجة وحد هي الكاثوليكية..كتقول ليها شي حاجة كتنفي....شنو تبذل دااابا.....راااسو عااامر بالتساؤلات و الشكوك و هما كيهدرو حداه و الهدرة و دوك الافكار لي كانت مسموعة في باالو دارو ليه الصدااع...صبااع ايديه كيجمعهم مزييير عليهم و يعاااود يطلقهم....عينييه بدااو كيحمااارو كيتلفت كيلقى هدى مدورة وجهها ماباغااش تشووف فيه....لحظة ركزز علييها عينييه وهي تجي ليه في وذنو بصوت دون"ها هي هدى حتى هي مسلمة...وباش تعرف واحد المعلومة...صووفيا كانت مسلمة و بسباابها ابرهام(الاب) اسلم و مني ساقت المنظمة ديال اسحاق (الجد)الخبر و دارو الانفجار لي كان في المطار....حيت الاسلام ديال ابراهام غيضرب المنظمة طول عرض الا تعلن وماكانتش غادي توصل لحكم او السيطرة لي وصلات لها و يطغى نظام ديالها على العالم كيف ماكنشوفو دابا....سيف شحال من حاجة رباوها فيك و شحال من فكرة قدرو يقنعوك بها حيت كانو عارفين انك غيجي واحد الوقت غتولي انت الورقة الرابحة ديالهم و خااصة الخطوة لي درتي دابا باحتلالك القدس...
امجد:قبل ماتحتلو القدرس...استغللتو ضعف وهيمنة العرب والعالم الاسلامي....حيت كون كان رااابط اسلاام ديالنا قوي وناض كلشي كيدافع على القدس...كان من السهل نقضيوا عليكم....على كل كيبقى الجيش الإسرائيلي كاامل يالاه كيساوي 25000 جندي.
سيف:(داار كيشوفييه وقرب لعندو و هو كيضحك مستهزء بهدرة امجد)باش نفسر لك واحد النقطة.....عمر تارييخ اسرائيل ذكر انها خااضت فشي حرب علنية....حيت ببسااطة اسرائيل كتخدم بعقلها قبل ماتتجند....و داكشي علاش حاك(قبل مايكمل هدرات هدى)
هدى:عرفتو علاش عمركم خضتو شي حرب....حيت ببساطة كتبقااو جبنااء....كتضربو غير من التحت(هدى بقات شحال كتهدر وكلشي كيحاول يسكتها و وااالو....كاع دوك الافكار المزيانين لي حالو معاه يدخلهم لراسو جاات وضربات كلشي في الزييرو بقاات كتهدر حتى فشاات قلبها و مشااات خرجاات و تبعاتها حالمة وسمرا....غلا واقفة من وراء امجد ودون باقا في بلاصتها ماتحركاتش خوفا من سيف....

دون:(حط ايدو على كتف سيف)عارفك ذكي...و عارف هادشي بلا منعاود نقول لك ونهضر ليك لى الاسلام كيف دااير.......على ما اظن انت عااارف هاادشي....شفت الكتب لي عندك في الخزانة ديال المكتبة في الجناح ديالك.....وانا متأكد بلي قريتيهم كثر من مرة.....غير البصيرة ديالك كتشووف اسرائييل فقط....وانا عاذرك المدة لي مشيتي فيها وبقيتي مع عمي وجدي....في كولومبيا كنتي في مراهقتك وهما استغلو هاد النقطة وكبروك على اصول خااطئة....وقنعووك بان كاع دوك الاعفاال الوسخة لي داروها انه من فعل المسلمين او كيف سماوها هما الارهااب.....لي بغيت نقول لك من هادشي كاامل سير عاود راااجع دوك الكتب و خوي رااسك من كاع الادياان كانك ملحد......و آمن ان الله لا اله الا هو الاول و الآخر.......اكيد مغيخيبكش الله.
قال ليه دووون هاادشي وانصرف على المجمع......سيف هز راسو بانت ليه غلا وهي متحجبة وكتشوووف فيه و كتحرك راسها كتأيد الهدرة ديال دون و معرت فين مشاات حتى رجعات هازة القرآن في ايديها ومداتو ليه.
غلا:اسمح ليا خديييتو لك من المكتبة بلا منقوولها لك.
سيف:خلاها وااقفة ومشى خرج و هدرتهم كتعاود ليه في راااسو و واحد الرااس كيجي و كيحاول يقنعو انه هدرتهم كاع كذوب وخااصة دون فاش قاليه ان جدو لي قتل والدين...هو متأكد انهم الارهاب لي دارو داكشي....كاع هضرتهم ضربها في الزييرو....حيت سيف من واحد زوج نواحي.....
الاوولى انه متمسك بدييينه بزااااف و التااانية انه ميمكنش يقتاانع بشي حاجة دغيا وخاصة الا كان وااخذ عليها فكرة قبل حتى واحد ميقدرش يبدل ليه ديك الصورة لي مصورها في دماااغه.
مشى و غير دخل وهو يطلع باتريك كيجري نيشااان دخل عليه في المكتب لقى لاجوااء مهدنة وهما يجلسو بزوووج.....و عاود ليه سيف داكشي لي كااين و بداوا كيبررو لافكارهم وان هما لي عندهم الصح فقط....شوية قلبوها ضحك بسخرية على هدرتهم و غباائهم حيت الفكرة لي عندهم انهم هما لي عندهم الصح.....مني كملو من هاد الموضوع....مشاوا كيوجدو لواحد البلان.....لي غيقربهم هم و المنظمة من الهدف ديالهم اكثر.....
كملو و تاافقو على داكشي وكيف ديما سيف العقل المدبر هو وسيف كيقادو البلان و كيسيفطووه....كملو و مشى باتريك خرج و سيف طلع للشامبر لقى هدى جااالسة على ركبتها و شادة عز كتسد ليه في واحد الشوميز....سداتها ليه ومشى عز كيكمل في جميع حواايجو.....دخل سيف وهو يوقف متكي على الباب كيشوووف فيهم شنو كيديرو...
سيف:فين غاديين.
هدى:(بصرامة و قاالبة وجهها للجهة الاخرى)غيمشي معايا.
عز:اه بلييز بابا خليني نمشي معاها ونشووف جدةكيفكر)اممم شنو كنقولو لها...آااه نشوف الحاجة.
سييف:عز سير لعب مع راوان ها حنا نازلين.
مشى خرج عز وهو يسد سيف الباب ومشى عند هدى قرب لها وهي كتبعد حتى وصلات للحاايط وهو مقررب لها وهي منزلة راسها ماحاملاش تشوف فيه في وجهو قلبها عاامر من جييهتو...وتفكرات شحاال كانت هبيلة ومكلخة مني جا عندها وقالت ليه بلي هي كثييق فيه وهو نااعس مع وحدة اخرى.....زااد قرب لها سيف شافها منزلة راسها وهو يشدها من فكها طلع وجهها وتقاابل معاها وهما شحال كيشوفو في بعضياااتهم عاد وهو يهضر.)
سيف:شنو كتحاولي تديري....هممم؟!
هدى:مادرت والو هو لي قال ليا بغا يمشي معايا.
سيف:ماعندك فين تمشي كتسمعي...هنا فين غتبقاي.
هدى:بغيتي ولا مبغيتيش...رأيك ماشي مهم ومطلبتوش انا اصلا....دارنا هاديك ماشي غناخذ رايك باش نمشي لها....زائد هداك ولدي كيبان ليا نسيتي وقلت نفكرك زعما.
سيف:احم احم بغيتي تقولي ولدنا ياك(وهو يهز صبعو دوزو على عنقها بشوية حتى وهي تطلع معاها واحد تبوريشة و بغاات تبععد عليه لقاتو حاكمها).
هدى:سيف بععد مني...مبقيتش باغاك فهمها...انا ويااك صافي سالينا...انت ماشي من سهمي وانا ماشي من سهمك...كل واحد وطريقو صافي.
سيف:الصمت.
هدى:عفاك خليني نمشي دابا...حيت ماما محتاجة ليا وعز كيتسناني.
سيف:(حيد من قدامها وهو مهدن وخلاها تدووز....مشات غاديا خارجة يالاه حطات ايديها غتحل لباب باش تخرج وهو يهدر و واحد البحة في صوتو غرييبة و كيهدر وفيه غصة في قلبو)غترجعي!!!
هدى:(سمعاتها وهي تغمض عينيها بلا متحس نزلاات منها واحد الدمعة وهي تسمحها بالزربة)لا.
سيف:دوري عندي وهدري.
)دارت عندو هدى كتشوف في جيهتو مي تحديدا مكتشوفش فيه...هي ماباغاش تشوفو...ماباغاش تنزل منها شي دمعة لي تفرشها قدامو)لا مغاديش نرجع.
سيف:(ابتسم لها بزز)مغنبقاوش نشوفوك!!
هدى:(بسخرية)الكلاب الضالة دياالك غيوصلو لك خباري كيف ديما.
سيف:هاد اامرة غير.
هدى:عييت اسيف...عيت بزااف...بغيت نمشي...نرجع لحياتي لي كنت فيها قبل مانشوفك.....حاولت بزااف...وضغطت على رااسي بزااف باش نبقى....نبقى نشوفك مني كتفيق قبل مني وكتعنقني عاد كتخرج....ونشوفك مني كتعصب عليا....و تضربني..وتعايرني....عمرني كرهتك على هادشي....عمري اسيف ولكن....(تنهدات وسكتات)غادي نتوحشك بزاف ولكن خاصني نمشي....خاصني نبعد...حياتي معاك كانت الملجأ اوحيد اللي حظيت به....منقدرش نودعك...
This isn't goodbye.
This is untill we find a way .
حدها قالت هادشي وابتسمت ومشت كتزرب باغا تخرج قبل ماتخرج لها هاديك الشهقة لي كاتماا وهيغادا وهو يقول ليها سبف بعينو حمرين و شفاارو لي كانوا مبللين:

I love you,Hoda
I Always will
Goodbye...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.