فقت بين أحضانه ... حليت عينيا بتثاقل ... كنحس بخوف من بزاف د الحوايج أولهم هاد السيد لي معنقني ... مرة يضربني ...مرة يدافع عليا ... عندو انفصام فالشخصية ... منكرش انني عجبني تصرفوا ... هادشي كيظل على شهامتو الحصول الله يخليه ليا يا ربي ... بقيت كنحنزز فيه حس بيا وفاق ...
ج : (مغمض عينيه) كتزهاي علي يا العفريتة
ف : (حشمات و غمضات عينيها )
ج : (فرمشة عين كان فوق منها مكالي بيديه ... باسها فراسها عويناتها; فحناكها ... قبلات جد بريئة من طرفوا ... ) كيصبحتي ا العروسة
ف : ويلي اليوم عرسنا
ج : وي حبيبتي و ناري لاش ؟
ف : حيت خاصني نمشي حمام و نتقاد; و نبقا نشير لناس و يبقاو يحنززو فيا اوف
ج : أش بان ليك نهربوا ؟
ف : (وسعات عينيها ) بالصح 😍
ج :اه والله
ف : و المصاريف د العرس ؟؟
ج : حنا مالنا يديرو عرس بيناتهم هما نيت
ف : (متحمسة و خايفة فنفس الوقت .... نطقات بدون تففكير )اوك يالاه ...
نضنا بزوج لدوش انا كندير بيبي هو كيحك سنانو و شي ممسوق لشي ... كملنا خرجت صليت ... و لقيت لا فاليز ديالي أصلا مجموعة حيت غنسكن هنا ... هبط جاد لتحت باش يشوف الأحوال ... اغتنمت الفرصة ... قلبت طيلي لقيت ميساج من عمر ""مبروك عليك ... يا أجمل عروس ... فكرني فخطيئتي ... مسحت الميساج و بدلت سمية لي فنمرة درت سناء ... تحسبا لأي شيئ ... حسبت بذنب كبير على رقبتي ... هزيت مكياجي ... و جلست كنتسنا ...
ج : مشينا ؟؟
ف : (بعينين لامعتين ) مشينا
شد ليا فيدي و هبطنا ... تبعنا الكاردبالفاليزات خشاهم اللور فاللوطو ..و تحركنا ...ديمارا; و أنا كنحس بقلبي كيضرب اش غيقولوا علينا الناس و الضياف ... العروسة لي هربات نهار عرسها ... شوهتي غتبقا على كاع اللسانات ...
ج ؛ اراي طيلي ديالك ؟
هاد 3 كلمات كانوا كافيين أنهم يبردوا ليا الماء فالركابي ...ياكما عاق بيا ... ناري والله حتى غيقتلني و دفني فشي غابة ...قلبي كيضرب بحالا كنت كنجري ... فشي ماراتون ... كنشوف فالموت قريبة ... تخنقت و النفس بدات كتطلع ليا ثقيلة
ج : اري 😏
مديتو ليه بتثاقل... شدو و طفاه و ردوا ليا ...
ج : باش واخا يعيطوا ميشدوكش ...
فاش كتكون داير شي زبلة ... كتبقا ديما مخلوع ... و كتولس غير مقروس جاب الله مشافش فيا اما كن عاق بيا... مكنحملش بحال هكا ... كيعجبني نكون شفافة ... منخبي على حد ... ماوالو ...حسيت بالجوع ... كرشي بدات تدوي
ف: فيا الجوع
ج : (شاف فيا بابتسامة جميلة جدا ... ) احنا انفطروا دابا
درت لي زيكوتور و بقيت كنغني معاهم ... مامسوقاش لفين غادة ... مهم نكون معاه ... حسيت باللوطو وقفات حليت عينيا فإذا بي أصدم ... حنا فالريسطو ... عرفتو إن ريسطو ... ديال عمر ... قلبي وقف ...
ف : علاش وقفنا ؟
ج ؛ هبطي ياك باغة تفطري
ف : غير بلاش حتى نوصلو لفين غاديين ...
ج : منقدرش نسوق و أنا مشاربش قهوتي ... هبطي بلا كترة الهضرة ...
نزل و خلاني مع صراع داخلي ... نهبط منهبطش ... نهبط ولي ليها ايها ...بحالا إلا مهبطش غادي غير يخليني عليه فالتيقار ... ايبطتي بزز مني ... و غيصدق عايق بيا ... نزلت و هو يشوف فيا جاد
ج : جمعي شعرك
ف :معنديش باش
ج : (خنزر فيها ) زيدي قدامي ... (شاف ترمتها )و مالك مكروزة علينا ...غير مشفتكش دار ... اما كن خليت دار عشتك على هاد الحوايج ...
هبطت راسي و أنا غادة حداه ... كندعي ياربي لاكنت دايرة شي حسنة توقف معايا ياربي ... صفاريت و كنحس بآخرتي قربات ... جلسنا فواحد الكوان زوين و مدرق ... جا سرباي ... حط لينا لي موني ... و رجع ... طلب منو جاد 2 فطور رويال ... انا غير مهبطة راسي ... كنسمع واحد الصوت ... هو والله حتى هو ...صوتو كيتسمع من بعيد ... ضحكتو العالية ... جاب السرباي الفطور كناكل و واحلة لسا ...بزز باس كنهبط ... هزيت عيني كنتفاجأ بيه جالس فطبلة لي مورانا ... يعني عاطي وجهو فظهر جاد ... شافني هو يتصدم ... بدا كيشير بيديه ... درت ابتسامة صغيورة ... باش ميقشعنيش جاد و يصدق مبكيني بكية كبيرة ... ههه كملت فطوري نحت أنظار كلاهما... ناض جاد يخلص باش نمشيو ... و بقيت انا جالسة
ع : متسلميش علينا ولا شنو ؟
ف : شوت شوت اتخرج علي
ع : نكرتيني واخا نردها ليك فساعة الخير ... تخافي متحشمي ...هادا هو عريس الغفلة غا مخنزر شوفي انا حسن منو (بدا كيضحك و يبين سنانو)
جاب ليا الضحكة... جا جاد و دار ليا بإيدو زعما يالاه ... مشيت عندو
ج : شكان كيقوليك هاداك زامل
ف : والو كاليا غير بون جورني
ج : ونتي كضحكي ليه ...شي نهار نهرس لديلمك دوك السنان و متبقاي طلقاي باش ضحكي ...
ف : هههه حشومة عليك
ج : هههه فرنسي ديريها قد راسك وضحكي
ركبنا فاللوطو ... كنحس بهادشي لي كندير خاطئ غنجيب العار لواليديا ... وغيصدقوا ساخطين علي ... منقدرش منقدرش ...
ج : (عرف بلي كلامها صح ...و بلي من أحسن يرجعوا; تفاديا لشوهة وكلام الناس )اوك ... غترجعي معايا ... لفيلا
ف : غير ديني عندنا ... ضروري دايرة مع كوافورة ... و حمام و بزاف د الحوايج
ج ؛ قلت كلامي ... <
هاظشي لي كيكعيني فيه ... مكيتسوقش ليا و معاطينيش قيمة ... كلامي ممسموعش ... مبغيتش نتقابح معاه حيت شبعانة بلانات وصلنا للفيلا ... طلعنا ... لي فاليز بقاو فاللوطو ...
طلعنا كأن شيئا لم يكن ... شعلت طيلي و عيطت لماما ... قاتلي الوضع مكالمي ... و بابا برد ... و بلي البنات غيمشيو حمام و خاصمي نمشي معاهم ... و حوايجي عند نكافة ...مشيت عند جاد لي كان جالس فوق فوطوي و هاز طيلي ديالو ... بقيت كنشوف فيه ... شحال زوين سعداتي ... مشيت عندو ... من اللور و بستو فعنقو ...
ج : اديك الشويطينة راك كتقلبي علي (شد ليها فيديها ; و جلسها قدامو )
جلسني قدامو ... إحساس زوين تكون في حضن الشخص لي كتبغي ... كتحس بواحد الراحة لا متناهية ... كأنك تملك الدنيا بين يديك ..
ف : حبيبي واخا تديني عند البنات الحمام راه كيساينوني ...
ج :( باسها مورا ودنيها ) انا غنديك ولكن مديريش بسالات...
ف :(كتضحك بحال شي بنوتة ) هههه على أنا باقة صغيرة باش ندير بسالة ؟
ج : اه ا لالة باقة صغيرة ... يالاه زيدي قدامي ...
ناضت هو يشحطها لمسعودة ... حتى شدات; فيها ...
ف : احححح حشومة عليك ...
ج : تستاهلي على ديك التزييرة لي مزيراها ... فكرتيني فيها ... طلعي بدلي
ف : (تمخشات ليه فكرشو ) عافاك عافاك راه تعطلت...
ج :بشرط
ف : اما هو ؟؟؟
ج : اري بوسة
وقفات باش تبوسو مبغاش يهبط لموستواها خلاها كتعلق ... و هو حابس الضحكة ... حتى بانت ليه غتبدا دمع ... هو يهبط وجهو ...
ج : بكاية ...
ركبو فاللوطو طريق كاملة هو يوصي
ج :شوفي عنداك تديري شي شوهة فوجهك ... داك الماكياج د الكيلو معنديش معاه ... تسلمي على شي زامل بالوجه ... نطير لديلمك دوك الحناك ... و نقصي البلابلة مع الذكورة ... اوك
ف :باقة شي حاجة ... نقدر نتنفس ولا حتى ناخد الإذن ؟
ج: (خنزر فيها ...وقف الوطو بسرعة .. و تقابل معاها ) شفتك بديتي كضسري ... اه متنفسيش حتى نقولها ليك ... حيت أنا مكنقبلش الخطأ كتفهمي ... و حيت نتي ديالي ملكي لي نقولها ليك ديريها
ف :(هضرة عمر كدور ليها فمخخها ) انا ماشي لعبة باش تشريني ... الإنسان يولد حر ... وكاع الناس كيخرجوا من كروش مهم أحرار ...
ج : هانتي قلتيها الناس ... انا همي بيك نتي ماش بالناس... من احسن تقصري لسانك ... ولا غنبدل معاملتي
ف :(مبغاتش تجبد على راسها النحل ...فضلات انها تنهي الموضوع) واخا ... سمحليا ...
ديمارا و كمل طريق حطها قدام السبا ...و مشا ... دخلت عند البنات لقيتهم كيساينو دخلنا كاملين تحمحمنا ... ماخليناماطلينا ... من بعد درت مساج ... و درت دي سوان ديال لوكور ...و الوجه ... جا شوفور و دانا لصالون ... كرشي كتغرغر بالجوع ... دخلنا عند كوافورة لي كانت من اختيار جاد قاليك مبغا تاراجل يقيسني ... درت سوان لوجهي ... و دارو ليا لاصير ... دابا حا وقت النعقول صبغو ليا ضفاري بالأحمر ... مكياج شبه ثقيل ... و خليت شعري مطلوق لجنب ... طيلي كيصوني كان عمر ... تفاجأت بعض الشيئ ...
ف : الو
ع : زين ديالي لاباس ؟
ف : حمد الله و نت ؟
ع : بيخير ... خرجي عندي أنا كنتسناك برا ...
ف :(مصدومة ) كيفاش ؟؟؟
قطع علي ... صدمني ... قلت لكوافورة تصبر علي وخرجت ... نطل لأجده واقفا امام المحل ... متكي على موطورو الكبير ...
ف :شكادير هنا ؟؟؟
ع : توحشتك و جيت نشوفك ...
ف : واش تسطيتي ولا شافك جاد
ع : (تقلق ) زدتي فيه ... راه جيت غير نبارك ليك ... و نمشي فحالي
ع : مكين حتى عذاب ... يالاع نخليك ... كوني مرا و نص و متخليهش يحكر عليك باي
ف : ههه واخا باي ميرسي ...
مشا وخلاني شادة فقلبي ... هادشي كتير علي منقدرش نعيش فالشك ... و فالخوف ... خاصني نقول لجاد راه عندي صديق .... ام لا لا باش يقتلني ... حليت هاديك البواطة لأجد فيها واحد البراسلي ... ديال ذهب .... منقوشة فيه be free (كن حرا ) براسلي لي عندو معنى بالنسبة لحياتي
بقييت سااهية فيها وفجماالها...برااقة كتلمع مع ضوء الشارع...دوخااتني بقيت نضحك وحدي...ونبتسم...حزمتها فيديي وبقيت ندور فيديي ونشوف فيها كيف واتااتني...زعما انا لييي واتيتيها...دخلت نجري للصالون وعيني على يدي محيدهااش على البرااسلي...بقات الكوافور مدير لي اللمساات الاخييرة على وجهي...ركزاات فالمكيااج على عينيها باش تبين جماالهم كثر وكثر...و كوب الفوق نااسبات وجهي و بارفاان شانيل من بعد لبسااتني قفطان ديالي ديال الحنة جاتني حوتة ... اليوم نحمق شي ناس سطاتني وجات عليا مفركسة...صبااط عاالي كيبري ...زاد من انااقتي كثر...بقيت نشوف راسي فالمراياا و عيني على البراسلي...مبتسمة اييه الحرية...حتى كيقفزني صوت التيلي...كان جاد...
ف:ا...الو!!
ج:هاني برة كنتسناك...
ف:ج...ويلي ولد الجد قطع عليااا كيف ديما...
حزييت جلايلي و البناات ديال الصاالون كيعاونوني...حتى خرجت كان جاد متكي على اللوطو و يديه فجيابو...ساهي فيا ملاميحو معندها تا معنى فيها اعجااب مخلطة مع الغضب...من شكل القفطان لي متبدلش واخا درت الحزام .... ههه دارتها بيك ماما ا وليدي ا جاد...
ج:(باس يدها ساهي فعينيها)جيتيي كتحمقي...
ف:شكرا...
ج:وشنو هاد التزييرة راه غنقتل شي حد اليوم ؟؟
ف:وصاافي راهو العرس غير ليلة فالعمر خلينيي نعيش ليلتي...
مجاوبنيش فتح لي باب اللوطو "لامبورغيني ريفينتون" سودااء نقية كتبريي فحال الثلج سودااء اكثر من سوااد الليل كانت مزوقة كلها ورد...و سينتات حمرااء وبيضاااء منظر يجنن...
...بقييت سااهية فمنظرها الجميل ...شد ليي فيدي وهو مزير عليها فحالا انهرب...وانا خاايفة ينتبه للسرتلة كنخبييها تحت التكشييطة ونبتسم ليه وهو مركز مع القيادة...وصلنا هبط فتح لي الباب و شد فيديي...باسهم من اللور و القدام... مجرد قبلة عادية بالنسبة ليه و لكن بالنسبة ليا كتعني بزاف ...
ج:مكاينيين الدراري لداخل ياك؟؟
ف:لاء كاينين غير العياالات الحنااء مكيحضروش فيها الرجال...
ج:(غمزها)شقيتيها اليوم...
ف:(ضرباتو لصدرو)مكتحشمش...
دخلت وانا كنتلفت ليه مقابلنيي حتى...دخلت لوحت ليه وسيفطت ليه بييزو فالهوااء ... خاصني نحيد الحشمة فخطرة ... دابا راه عرسنا يعني مكين لي يفتح علي فمو بشي كلمة ...و هو يصوني التيليي كان مييساج من جااد...
"شطحي و خلي شوية د جهد اشويطينة 😈"شفت فيه وابتسمت ودخلت غير ضرت وكنسمع الزغاارييت و الغنااء...ماما ومامات جااد جاايين ملقيين ليا بالحلييب و التمر... كنشوف الفخر فعينيهم ...
جلسوني فالبرزة ...كنشوف فالناس و نبركك كلشي كان نااشط الشطيح و الحيحة ...الطاايح كثر من الناايض.. من غير واحد الفئة لي كانو غيؤ حاضيين و كينمموا ....شربت الحلييب وكليت تمييرة...و خالاتيي كيرشو عليا الرييحة ديال الورد...ياسمين كانت شادة التيلي شافتني وجات طارت عليا كتعنقنيي جات كتحمق فاللباس التقليدي...قفطان تقليدي من الطرااز الرفيع و العاالي فالصوموو...محجر بالالماس...شعرها ذيل حصان واصل لخصرها و صبااط عالي رااقي زاد فجمالها و انوثتها...مكيااج ثقيل ... كتعرج حيت مزال دايرة الكبص
ي:جييتي تهبليي يا السااطة اليوم تحمقي خويا...!
ف:هه وماشفتي نتيي غدا يديرو الخطاب السربيس قدام الفيلا...
ي:هه اهااه وهي شي مغامرة جديدة (غمزاتها)
ف:هه تغيير تا دوز هاد الليلة على خيير وداك السااع اراا برع... اجي نتي شتك ولاو عندك 3 ظ رجلين (كتمشا بالعكاز)
قلبنا الهضرة و لكن دماغي بقا مع كلماتها لي كتردد في الذهن ديالي ... الا عرف عندي صديق ايهرسني نن ايقتلني ... استغفرت الله و
بقيت انا وياها نقشبو ونضحكو تا تبان ليي ضرسة العقل...ونضرب فليي سيلفي وتحط ياسمين فالانسط و عايشين الحياة و الجارات و خالااتي وبنات خالاتي السم خارج من عينيهم غير كيدوروهم كيف موكات و فهم كيتعوج قربو يطرطقو بالسم جاات النكاافة
"الصلااة و السلاااام على راسول الله لايلا جاي العاالي...روييييييي...رووووووويييي...رويييييي...رررررررويييييي... "جات النقاشة وجلساات قدامي كتوريني انواع النقييش...وانا معارفة منستيي تا قالت ليي مامات جااد عجبها واحد فيدي وقلتلها ديرو لياا بدات برجليي...ومن بعد يدي داارت لي السقاية بالحامض و التومة و البريون...و انا كنضحك...دارو اللعب بييناتهم...كانت اجوااء روعة ... مثالية 100%
كملت لحناء ... و لبسوني بزاف د لبشات خرين ... عا سوسية ... ها شمالية ... د الشلوح و الصحراوية ... حتا لحمي ضرني بالتبدال ...و لكن عجبني الحال ...كيفاش كاع الأنظتر موجهة لنحوي ... و كيفاش كلشي كيشوف فيا ... تخلطوا العيالات و الرجال فصال وحدة حيت دابا وقت لاغوب ... عكس جميع الناس انا لبستها حمراء متوهجة ... كدليل على حبي اتجاهو ... معرية من الكتاف ... كنبان بحال شي أميرة ... جمعوا ليا شعري الفوق مع بعض الخصلات لس بقاو مطلوقين ... لبستها و بقيت كندور بيها و نكافات كيضحكوا علي ... خرجت لقيت حميمي كيسايني ... كوستيم أسود ... و شوميز بيضاء و لابيون ... كيحمق... كيبان سو شيك .. علم الله شحال من وحدة اتزها لي على حبيبي ... شافني ... عينيه لمعو
جاد: little princess (أميرتي الصغيرة 😍)
ف : my prince charming (أميري الوسيم😍 )
ج : (حال فيها فمو ) جيتي زوينة بزاف
ف : حتى نت
باس ليا على راسي و خرجنا شادة ليه فيديه ... تحت أنظار الجميع ... دخلنا الشرارات خارجة من الجنب كلشي مذهول و كيصفق ... و قف وسط القاعة ... مفهمتش علاش ...
جاد : اليوم و لأول مرة غنعتارف بهادشي ... كان كيجيني الحب ديال الناس لي ضعاف ... و لكن نتي بدلت ليا رأيي ... شغلتي بالي و وليت كنفكر غير فيك ... كنبغيك ا فايزة و قدام كاع هاد الناس ... (هبط على ركابيه ) تقبلي تزوجي بيا ؟
ف :(حاطة يديها على فمها من هول الصدمة ... كيبغيني بحال لي كنبغيه ... هبطوا ليا دميعات لأول مرة كانوا دميعات فرح ) اه قابلة
خشا ليا خاتم ديال ألماس كبير فيدي ... و عنقني ... كلشي كيصفق ... مكان هامني حتى حد ديك الساع قد ماهمني حبيبي و اعترافو ... ارقصنا تحت أنغام john legend : all of me أغنيتنا كما أحب أن أسمي ... قطعنا الكيك ... وكلني ووكلتو ... عينيه كنشوف فيهم واحد الشرارة شيئ لي زاد خلاني نحقد على راسي و على فعلتي ... حان موعد الوداع ...
حان وقت الوداع ... غنكدب عليكم ... لا قتليكم بكيت على ود عائلتي... بكيت ولكن على ود داكشي لي مخبية ... خفت ... خفت يعرف و نولي كنتمنى العيشة مع واليديا ... عنقت ماما لي بقات تبكي ... حركات فيا شوية د المشاعير ... اما بابا عنقني و هو ساخط ...
الأب : نبغيك تكوني مرة حرة ... و متحشميش بيا ... خلي راس باك مرفوع
ف : واخا بابا كون هاني
كنت كنتسناه غيقوليا حنا عائلتك و ديما مساندينك ... للأسف الشيئ الوحيد لي كيهمهم هو سمعتهم فقط ... سلمت على مامات جاد و باباه و ياسمين ... أشخاص كنحس معاهم بطعم العائلة و حلاوتها ... كتر من واليديا ... حتى بغينا نركبو فاللوطو ... لقيت راسي باقة شادة البوكي د الورد ... عيطت لياسمين ... جات عندي كتعرج عطيتها البوكي و عنقتها
ي : اححح الفال خليك ليا حبيبتي ... و راني فالدار كنساينك ... و أرا برع ديك الساع
ف : هههه الله يخرج بلاناتك على خير
ركبت فاللوطو و عمر حدايا كنودعوهم من بعيد إلا أن اختفينا عن الأنظار ... حبيبي سايق بيا و ضوء القمر مضوي لينا ... راحة نفسية تتخللني ... بقينا سايقين حتى وصلنا لحدا واحد الخلا ... عطاني جاد فاليز صغيورة ...
ج : بدلس حوايجيك باش نمشيو مطار ...
ف : هنايا ؟؟
ج : اه علا مال هنا ... مكين حد ... طلقينا .. .
حليت ديك الفاليز لقيت فيها سيرفيط كحلة أديداس واعرة ... و سبرديلة ... بغيت نحل الكسوة ولكن كيغندير ليها
ف: واخا تحل ليا
دارت عندو ... حط عليها إيديها بحالا قاسها الضو خداتها مخيلتها إلى مكان آخر ... هبط لسها ديك السنسلة بسلاسة ... حط فمو على ضهرها قبلات خفيقة من عنقها إلى أسفل ضهرها... حس بيها سخنات و حتى هو مقدرش يحبس نفسو ... دورها عندو ... كيشوف فيها كفريسة و غينقد عليها فأي وقت ... بالفعل داكشي لي دار ... تلاح عليها قبلات نارية تشعل الجسد ... كيتلذذ بيه ... و حتى هي كتبوس فيه بشوق... كتحاول أنها تسايرو حنى تقطع نفسها ... هبط لعنقها ... يقبله بحرس كأنه يقبل تحفة آثرية نادرة ... قبلات خفيفة و لكن وقعها كبير ... همسات فأذنو ""توحشتك"" كلمة لي كانت كافية أنها تخرج جاد الوحش... هبط لصدرها كيعبز فيها بعنف ... كيعض و يمص... و هي غير كتآوه ... نصل ليها الكسوة كاملة و جلسها قدامو حيد الفيست و شوميز ... تشهاتو ... جسدو العاري لا يقل إثارة عن جسدها ... حطات فمها على عنقو كتبوس فيه بكل جوارحها .... مقدرش يصبر حل سروال ... و خرج بوعلام لي كيطلب شرع مسكين ... دخلوا ... و هما فداك الوضع ... كيحرك فيها ... طلوعا نزولا ... و ثديها ففمو ... بزوجهم في قمة إثارتهم ... بقاو على داك الوضع لبرهة ... حتى طاحوا كاو بزوج كينهجوا ...
ج : (في لحظة صمت كيتسمع غير صوت أنفاسهم المتسارعة اخترق جاد هذا الهدوء بكلمة لي ختارقات حتى قلب فايزة معاها ) كنبغيك..
ج : (خنزر فيها ) ضحك الباسل ... لبسي حوايجك لبسي ...
ههههه تقرص عارف راسو حمار ... لبست كلشي جديد من ملابس داخلية ... لسيرفيط ... جمعت شعري الفوق ... و مسحت الماكياج ... و حتى هو لبس سيرفيط فالكري و تريكو بيض كيبان سو هوت ... اححح على آخر يامي وليت نتغزل بيه ... ركب حداياو زدنا ... مكيدويش ... اجي نحزرو شوية
ف :مقلق مني
ج : لا
ف : فين غنمشيو ؟؟
ج : فين بغيتي نتي تمشي ؟؟؟
ف : (متحمسة ) امممم بغيت نمشي لباريس 😍😍
ج : مملة
ف : بلعكس عندها طابع كلاسيكي مميز ... بالنسبة ليا مدينة العشاق هي باريس ... و حلم ديالي نمشي ليها ...
ج : مرة أخرى دابا انا لي غنديك واحد البلاصة أتعجبك
ف : (بإلحاح ) بالصح 😍 فين عافاك قول فين ...
ج :نو مفاجأة
ف :(كتحلون عليه ... بواحد الصويت يفيق الميت من قبرو ) عافااك ا حبيبي عافاك
ج ؛ اديك الشويطينة ... دابا نصدق قالب بيك هاد الطومو ... راه مغنقولش ليك ...
ف : اوف منك اوف ...
ج : بقاي تأففي علي ... ضسرتك ... لحمك بدا كياكلك عاوتاني ...
ف : لا لا حبيبي لا مكياكلنيش غير صباح حكيتو فالحمام
ج : (كيضحك من كل قلبو ) ههههه رتاحي ليك شوية رتاحي ...
ف : على مزال مغنوصلو
ج :باقي شوية غير نعسي
ف :(باستو فحنكو ) واخا
رديت الكوسان لور ... و تكيت ... مغمضة عينيا و فبالي ... عدة أفكار متلخبطة ... معارفاش اش غندير... ولا اش خاصني ندير ... جاد كيبغيني كيفما أنا كنبغيه هادشي هو المهم دابا ... اما عمر فنقدرو نلقى حل من بعد ... ترخيت و نعاس بدا كيديني مع العيا ... استسلمت ليه و خليتو يديني معاه .... ❤
بطلتنا ناعسة و جاد سايق حداها كيبني فمستقبلوا معاها في مخيلتو... حلموا تحقق و حبيبتو بجنبو مغتفرقهم غير الموت ... كان الهدوء يسود المكان ... الوجهة كانت هي المطار ... جاد عاملها مفاجأة غيدوزو شهر العسل فباريس كيفما كيحلموا ... فيقو من تفكير الطيليفون لي كيفيبري ... هادا ماشي ديالو ... بقا متبع التزنزين ... جاي من عند فايزة ... حل بزطامها و جبدو ... هادي سمية د بنت ...سناء ... غتكون شي صاحبتها ... مي فايزة معندهاش صحابات ... قطع عليها ... و حط طيليفون حتى تفيق و يقولها ليها ...زن زن زن ... عاوتاني ... شيطان لعب ليه بعقلو و قاليه خاصك تجاوب ...جاوب ... وقف فالجنب ديال طريق و خرج على برا اللوطو باش ميفيقهاش ...
ع : زين ديالي
ج :(مصدوم ... مكانش كيتسناها منها ...مبغاش يضلمها يمكن شي واحد غالط في النمرة ... و لكن هادا ماشي اول مرة كيعيط ...كن غلط غيقطع فالمرة الولى)
ع : وافايزة واش كتسمعيني ...
ج : (صعر ...شكوكي فمحلهم ) شكون نت و منين كتعرف فايزة ؟
ع : شكون نت واش راجلها
ج : وي
ع :انا صاحبها الأول كنت كنعرفها قبل منك ...
ج :(مسعور ) اش كتخرا علي نت ... اشمن صاحبها واش عارف راسك علامن كتدوي ...
ع : (مبرد ) وي كتدوي على فايزة ... كيفما قتليك ... انا صاحبها الأول و بيناتنا علاقة حب ولا متيقتيش اجي عندي دابا نتلاقاو و نوريك التصاور...
ج : فين ؟؟
ع :(عطاه عنوان د المطعم )
ج : هاد الريسطو كنعرفها 10 دقائق انا عندك
قطع عليه و ركب فاللوطو ...ساعر ...خنتيني افايزة ... ميمكنش ... كيفاش هاد الملاك الطاهر ... خرج منها هادشي ... كيسوق فجيهة الريسطو ... كيطلب الله ... انا هادشي ميكونش بالصح ... مباغيش يخسرها ... و أخيرا لقا الحب ديالو ... و بنا معاها مستقبل فخيالو ... كيسوق بسرعة خيالية ... موقف حتال قدام الريسطو ... لي خاوية ... وشاعل فيها الضو ... و واقف قدامها موطور د عمر ... وقف و نزل بحال شي ثور ساعر ...
لقاه جالس ... فوق من كرسي ... هادئ ... يعلو محياه ابتسامة تعكس الرضى النفسي لي حاس بيه عمر ديك الساع ...
ج : متأكد من داكشي لي قلتي ؟
ع : وي ...
مد ليه طيلي ... فيه تصاورو هو وفايزة فاش كانوا كيخرجوا هاد الأيام ... وراه لي ميساج و المكالمات لي بيناتهم ... حتى انه وراه تصاور ديال نهار فاش مشات معاه الفيلا ... للأسف جاد فقد بصيص الأمل لي كان عندو ... ولات كتبان ليه فايزة شيئ محرم بالنسبة ليه رغم أنها حلالو ... و أن علاقتهم وصلات لطريق مسدود ...
ع : كنتمنى أنك تخوي لينا طريقنا و تخلينل نعيشو حياتنا ... فايزة قبلات تزوج بيك غير باش تفك من دارهم ... فقط ... و دابا حققات مرادها ...إلا كنتي بالصح كتبغيها ... خليها تعيش معايا حيت غتكون سعيدة ...
ج : انسحب بهدوء
في هاد الأثناء فايزة كانت ناعسة كتكسل ... حسات باللوطو واقفة ... حلات عينيها ... لقات راسها في مكان مألوف ... قلبها تقبط عليها ... الدموع بداو كيسيلو غير راسهم ... عرفات هاد المكان غيجيب ليها غير السوء ... و أن حتى حاجة د الخير مغطرا دابا ... خلات دموعها ينهمروا ...بان ليها جاد جاي على غير عادتو مهرس ... عاينيه حمرين ... وصل حداها نفس تحبسات ليها ... حل عليها الباب ...
ج : خرجي ...
ف : فين ؟؟
ج :قتليك خرجي ...
هبطات من اللوطو ... و بقات كتشوف فيه ... مهزش فيها عينينه ... اش غيدير ... كتسنا الدقة امتى تهبط عليها ... و لكن للأسف هاد المرة العصا مغتشفيش غليلو ... فضل أنه ينسحب و يخليها تعيش حياتها ... حيت فاش كتكون كتبغي شي حد كتهمك سعادتو ولو غتكون على حساب سعادتك ...
مشا لعندها عينيه فعينيها قبلها على جبينها قبلة وداع و
ركب فبلاصتو و ديمارا مخلي العجاج وراه ... و مخلي فايزة مكسورة الجناح ... جالسة على ركابيها و كتبكي بصوت عالي... العافية شاعلة ليها فصدرها ... خرج عندها عمر ... لي هو سباب فكلشي ... عنقها من اللور هي تدفعوا ...
ف : (كتغوت ) بعد مني نت سباب كتسمع نت سباب اش قلتي دوي .... علاش مشا و خلاني علاش
ع : حتال امتى غتبقاي هكا غشيمة ... جاد عمرو مبغاك ... و عمرو مغيبغيك ... هو لي جابك ليا واش كتفهمي كون كان كيبغيك ...كاعما يمشي و يخليك كتفهمي ....
ف :(جاتها هيستيرية ديال بكاء ) اهئ اهئ علاش مشا و خلاني علاش جابني هنا علاش ...
ع : (كيهدأ فيها ) حيت عندو حياتو الخاصة كتفهمي ... ممسوقش ليك تزوج بيك غير باش يرضي واليديه و صافي ... و دابا كن راه غادي عند حبيبتو د بصح ... و نتي حالسة هنا تبكي عليه
ف : ميمكنش اهئ اهئ و لكن هو عتارف ليا قدام الناس ... انه كيبغيني
بقات كتبكي ... و تلوم فراسها ... منظرها مثير لشفقة كيفاش راجلك يخليك نهار عرسكم ... من بعد ما بنيتو عدة أحلام مع بعض ... بقات على ديك الحالة ... متحملاتش الصدمة ... حتى سخفات لعمر فيديه ... هزها و داها لفيلا ديالهم ... لي كانت بعيدة شوية ... طلعها و حطها فواحد البيت ... او جناح إن أصح القول ... عيط على الخدامات يمسحوا ليها حالتها و يبدلوا ليها و مشا لبيتو ... مكيحسش ولو بقليل من الذنب بالنسبة ليه داكشي لي دار راه كيفتاخر بيه ... عند بالو راه عتقها و لكن هو تسبب ليه فصدمة في دمار لا يمكن ترميم مخلفاته ... تكا فبلاصتو و هو كيفكر فيها ... متستاهلش دموع لي بكات على ودك ...
نعطيكم نبدة عن عمر :
كيفما فايت وصفات ليكم فايزة عمر واحد الشاب عندو 28 سنة ... هو من واحد الصنف لي فشكل قليل بحالو ... ليفبالو كيديرها ... هو أفضل مثال عن الحرية ... مكينش لي كيحبسو ... عايش هو و ماماه و ختو ... عندو مطعم و عدة شركات خلاهم باباه قبل ميموت هو لي مسير كلشي ... رغم أنه طايش إلا أنه فائق الذكاء و هادشي لي دار مع فايزة ... قريب تعرفوا علاش ...
نمشيو عند فايزة لي منين جات و هي سخفانة ... من بعد مابدلو ليها الخدامات و نقاوها ... حطوها فبلاصتها ...غاطة في نوم عميق ... جات عندها واحد البنت ... تتسلل ... شافت فيها و تخشات حداها ... عنقاتها و نعسات معاها في فراش واحد ...
أصبحنا و أصبح الملك لله
فقت ضارني راسي ... مقدرتش نحل عينيا ... مبغيتش نحلهم و منلقاهش حدايا ... حياتي تدمرات ... كنبغيه و مستحيل نعيش بلابيه ... هو الأكسجين لي كنتنفس ... هبطو من عينيا دميعات فالأول ... حتى لقيت راسي كنشهق بالبكاء بلاما نحل عينينا .. حسيت بشي إيدين كيلعبو ليا فشعري ... يديدات لي فيهم أنثوية ... ماشي إيدين عمر ... حليت عينيا لأجد فتاة جميلة فتقادة ديالي متكية حدايا ... كتشوف فيا و كتبكي حتى هيا ... بدون تعابير ... باينة بقيت فيها و شكون منبقاش فيه ... حالتي كتشفي ... عنقاتني ... حسيت بواحد الحنان في حضنها ... بكيت و بكيت و بكيت و قلبي مبغاش يبرد ... دخل عمر لقانا فديك الحالة مخشية فيا و محشية فيها و كنبكيو ...
ع : سكينة أش كديري هنا ؟؟
س : صمت
ع : سيري لبيتك ...
س : (حدرات راسها و مشات لبيتها )
ع : (شاف ف فايزة ) كيف صبحتي ؟؟
ف : كيف غنصبح ... كيف بغيتيني نصبح و حبيبي مشا علي ... اهئ اهئ
ع : (جلس حداها فناموسية و عنقها ) بكي بكي ... خرجي بس فقلبك مغنقولش ليك لا متبكيش ولا علاش كتبكي ... بلعكس خودي وقتك و متحبسيش حتى ترتاحي
ع :حيت عندو حياتو الخاصة و نتي بالنسبة ليه مجرد مرحلة منها فيقي معايا ... فيقي
ف : مبغيتش مبغيتش اهئ اهئ هو حياتي و أنا بلا بيه منسوا والو ... هو لي بكلمة منو نقدر نضحك هو لي حاما علي من بابا هو لي كيغير علي من الهواء لي كيقيصني ... كلامك ماشي صحيح ... و ميمكنش يكون صحيح ...
ع : كلامي 100% صحيح ... و عندي ليك الذليل ... جبد واحد الضرف صغير من المجر ... فيه تصاور د جاد مع سارة ... هاكي أ لالة ... هادا هو لي دايرة عليه هاد المنذبة ... هادا هو لي كتبكي عليه و مضيعة حياتك على ودو ...
شدات دوك التصاور كتحقق فيهم ... مصدومة و دموعها كيهبطوا عليهم حتى فزكوهم ... مجاوباتش ... اكتفت أنها تنوض للدوش و تجلس فيه ... تطلق العنان لدموعها ... طلقات الما بارد ... لعل وعسى يبرد الحرقة لي فجوفها ... توضات و خرجات ... تدرعت لله و دعات أنه يخرجها من هاد المحنة على خير ...
كملت صلاتي و حبست دموعي غير بزز... و رجعت نتكا معندش الماكلة منين دوز ليا ... كتبان ليا البنت كطل علي من الشقة و خايفة تجي ... درت ليها بإيدي حركة زعما أجي ... و هي تم جاية ... شادة فواحد النونوس ... و لابسة بيجامة غوز بحال شي بنيتة صغيرة جلسات حدايا...
ف : شنو سميتك ؟؟
البنت : الصمت
ف : اه سميتك سكينة ياك ؟
البنت :(حركات راسها بمعنى اه )
ف : شحال عندك مم عام ؟
البنت : (دارت بيديها 10 و تبعاتها 10)
ف : اممم 20 عام
البنت : (بابتسامة حركات راسهت زعما اه )
دخل عمر هاز الفطور لفايزة ...
ع : سكينة ياك قتليك سيري لبيتك لاش رجعتي ؟؟
ف : خليها مادارت ليك والو
ع : سكينة سيري بيتك خلي فايزة تفطر
مشات طايرة ...
ف : علاش جريتي عليها
ع : مجريتش عليها انا قتليها تمشي علما فطرتي ...
ف : قبيلة فاش سولتها مكانتش كتجاوبني علاش ؟
ع : (تنهد ) كانت بحالك ... بريئة و جميلة ... كانت هي لي كترد الروح فهاد الدار ... عاطياها غير للعب و التفلية ... كبرات و كبرو مشاكيلها ... ولات عاطية العين ... حاولت نكون صديقها قبل منكون خوها ... تعرفات على شي بنات ممزيانينش ... ولاو كيقولو ليها تخبي علي و متعاود ليا والو ... هوما بدورهم عرفوها على واحد ال*امل حيت حشومة فحقو كلمة راجل... وهمها أنه كيبغيها و في ضرف سنة تزوجها و هي بنت 18 عام ... سلبها حريتها ... منع عليها الدخول و الخروج... و منع عليها تجي عندنا ... بقا حابسها غير فالدار ... هدم ليها نفسيتها ... كيضربها و يتعدى عليها و هي صابرة ليه ... حتال نهار دخل عليها واحد خيتي لفراشها تم اضطرات انها تعيط لينا ... جيت و جبت البوليس ... هو تحاكم بخيانة زوجية ... و هي تصدمات ... عام منطقات بشي كلمة بسبابو ... دابا واقيلة عرفتي علاش وريتك هادوك التصاور ... وعرفتي كولشي أنا مبغيتش روح نقية بحالك يطرا ليها بحال سكينة ...
ف : (دموعها هابطين ) و لكن جاد مدايرش بحال هكا ... جاد كيبغيني و الله راه قالها ليا ... اهئ اهئ و حلف ليا بالله ... اهئ
ع : حتال إمتى ناوية تبقاي فبحال هاد الحالة ... امم ردي دماغك ... كنعيشوا غير مرة وحدة ... حاولي تستغليها ديري اشياء لي كتحبي ... و خرجي جميع أحاسيسك فيها ... ياك عزيز عليك تكتبي ... فرغي طاقتك فهاد الكتابة ... و خلي شي حاجة يتفكروك بيها أجيال مقبلة واخا تموتي تبقا بصمتك ... (صونا ليه طيلي ) نخليك دابا ... فطري و فكري فهضرتي واش غادة تكوني قوية و تزيدي القدام ولا غتبقاي فدوامة البكاء و الندم ...
خرج من عندها و خلاها تالفة فكلامو ... واحد الراس كيقوليها عندو الصح واحد الرتس كيقوليها قلبي على حبيبك و شرحي ليه ... و لكن كن كان كيبغيني بالصح كان غيبقا غير حتى يسمع كلامي ... يتسنا تبرير مني ... ولكن هو مشا اهئ اهئ مشا ...
جبروت امرأة الجزء الرابع
محتوى القصة
التنقل بين الأجزاء