ماذا عني أنا.... أنا أنثى... هل ذنبي أني ولدت في هذا المكان... يلخص دور المرأة في الإنجاب فقط... ماذا عن طموحي.. ماذا عن فكري.. ماذاااا عن هويتييي... يفعلون كل جهدهم لاغتصاب أفكاري.. لاغتصاب هويتي... تجريدي من نفسي.. تجريدي من روحي... ماذا عني أنا... أنا أنثى لديها عقل، فكر، روح.. أنا إنسان لست مجرد جسد.. ينظرون إليه المرضى النفسيين ذو كبت... ثم يُنْسَبُ كل شيء لي... لماذاااااااا.... الجريمة الوحيدة الذي ارتكبتها في هذا المجتمع الذكوري.. أني أنثى تفكر في زمن أرادو فيه إلغاء العقل... أنا لا أخافكم.. ولا تستطيعون تدميري لأنكم لم تصنعوني.......... لن أكون مع القطيع.. القطيع الذي أصبح همهم وهدفهم الوحيييد "الزواج"... سأدافع عن نفسي وعن المرأة ككل حتى آخر نفس... في مجتمع يعاقب المرأة بدل الرجل... مجتمع يحتقر المرأة... مجتمع جاهل..... فماذا عني أنا!!...
أنا رنيم أنثى... أنثى خلقت في مجتمع ذكوري بامتياز... مجتمع أعطى للأنثى مهمة الانجاب فقط.. اغتصبو أفكارها وقامو بتبديلها... مستقبل المرأة 'رجل'... هاهاها هذه حمااقة لكن العيب ليس فيهم... بل في الأنثى التي صدقت وأصبحت أحلامها هي الالتقاء ب'فارس الأحلام'... تمحورت حياتها حول إيجاد رجل.. مجتمعنا يرى المتزوجة ناجحة.. المتطلقة معيوبة.. الأرملة منحوسة.. العانسة ميتة والعازبة فريسة... أنا رنيم أنثى ولدت في حي بسيط.. في أسرة متوسطة 'معندناش ومخصناش'.. أسرتي تتكون من أم، أب، أخ وأخت.. أنا رنيم تلك المراهقة ذو 17 سنة أتى عمها لخطبتها لابنه... أنا رنيم الأنثى التي ينعتوها العائلة بالغبية... أنا رنيم أنثى مثلك أنتِ.. همها الأخير 'رجل'.. أنا رنيم الفتاة المطيعة لوالديها.. أنا رنيم أنثى لديها أحلام، أهداف ومخططات... أنا هي أنتِ........ #من_مذكرات_رنيم
على حافة السطح جالسة بنت فوق السور مغمضة عينيها شعرها كيطاير مع الريح وشفتيها كيتحركو.. لا ماشي داكشي لي فبالكم اجيو نقربوليها.... قربنا وحنا نسمعو صوت ملاكي يدنن اخر ماخرج فالاغاني... بقات مدة طويلة وهي هكاك حتى سمعات الام ديالها كتعيطليها وهي تنزل كتجري.. نحبسو الصورة ونتعرفو على هاد البنت..
رنيم مراهقة عندها 17سنة.. هاد العام عندها الجهوي... قصيرة وطايتها عادية ماشي غليضة وماشي رقيقة.. والمميز فيها هو شعرها الطويل وعينيها الكبار.. ام رنيم هناء امرأة ذو 42 سنة.. ضريفة وكتحماق على بناتها وولدها.. ربة بيت.. نرجعو
ماما: (تنهدت) الله يهديك يا هاد البنت.. الناس فاش كتبغي ترتاح من القراية راه كيتكاو ولا يتفرجو ماشي يطلعو للسطح كون مكانوش جيرانا حافظينك يقولو بغات تنتاحر
رنيم: نتي عارفاني كنتبت هدشي لي حفظت فراسي بهاد الطريقة
ماما: صافي سكتي مابقيت بغيت نسمع والو
رنيم: (معوجة فمها) واخة
ماما: بغيتك تسخريلي
رنيم: علاش فين شادي بالسلامة
ماما: هداك غير خليه دبا يجي باباك ويوريه.. راه خرج وغبر.. ياله تحركي جيبيلي الحمص
رنيم: (تحولو عينيها لقلوبة) غاديرينا الحريرة
ماما: كاين شي وحدة كتشري الحمص اليوم ودير الحريرة اليوم.. راه خاصني نخليه فالما شوية
ماما: باباك خسركم والله.. صافي سيري شريه وجيبي طاسة دماطيشة متوسطة حتى هي
رنيم: وخاا... خرجات رنيم للحانوت شرات داكشي ورجعات غير وصلات للباب تلقات عمها ومرتو وولدهم.. وقفات الصورة
العم سعيد عندو 56 عام شخص قاسي ومتشبت بالعادات والتقاليد لي تربا عليها.. زوجتو سعاد عندها 48 سنة خاضعة لأوامر زوجها.. ابن العم حمزة عندو 24 سنة شخص ضريف وضحوكي.. كيساعد الاب ديالو فالتجارة.. وهما ساكنين فواحد الفيلاج
رنيم: (بابتسامة) اهلا عمي
عمي: سلام بنتي لباس عليك
رنيم: حمد الله ونتوما كيدايرين
سعاد: (كطلع وتهبط) بيخير.. اتخلينا فالباب
رنيم: هههه لا حاشة... حلات الباب.. دخلو تفضلو.. دخل العم والزوجة وهو يجي حمزة عنقها
وصل الليل هبطات رنيم تتعشا.. كلاو وناضت رنيم عاونات ماماها جمعو وحطات الام صينية دأتاي جالسين كيشربو.. اما شادي ناض ينعس من بعد ماوبخو باباه وتعشا وهو غضبان... شادي اخ رنيم عندو10 سنوات باسل وغير يخرج مكيبقاش يبان حتى كيجي باباه يقلب عليه ويعطيه العصا عاد يدخل..
سعيد: اوا اخويا حنا جينا هاد النهار على واحد السبب
بابا: ياكما كاين باس
سعيد: لا كل الخير ان شاء الله.. حنا جينا طالبين يد بنتكم رنيم لولدنا حمزة.... رنيم غير سمعات هضرتهم قلبها بدا كيضرب ودموعها حابساهم بزز.. اما باباها زير على يديه وشاف فبنتو لي باين عليها الصدمة
رنيم: كلشي غيدوز مزيان ان شاء الله... رجعات لبيتها ولبسات حوايجها عبارة عن سليم كحل وتيشورت فالكري مع كونفيرس بيضة.. جمعات شعرها كوب شوفال وهزات صاكها وهي تنزل.. لقات ماماها وباباها جالسين فالطبلة دالفطور باستهوم وجلسات
رنيم: صباح الخير
بابا/ماما: صباح الخير... فطرو ومشات رنيم مع باباها ركبو الطموبيل..... وقفو قدام الليسي
بابا: ركزي مزيان وغير بشوية عليك متديها فحد وشوفي غير فورقتك
رنيم: واخة ابابا دعي معايا
بابا: الله يعاونك
داز #عام رنيم شدات الباك ديالها الحمد لله... العام داز كلو روتين وقراية.. اليوم مسافرين حيت معروضين لعرس ديال ولد عمها حمزة... بعد ساعات وصلو كانت الدار عامرة داز البروتوكول ديال التسلام وخرجو الرجال بقاو غير العيالات
سعاد: ايوا مبروك النجاح ارنيم
رنيم: الله يبارك فيك اخالتي
فاطمة: (بنت عمها) ايوا كون قبلتي تزوجي خويا كون راه عرسك هو هدا دبا
رنيم: (بابتسامة صفرة) ايوا المكتاب هو هدا... اوبس نعرفكم
على العائلة الكرييمة... رنيم عندها 2 دعمامها وعمة.. العم الكبير محمد مزوج بمليكة وعندهم ولد عندو25 عام مزوج ومرتو حاملة وعندو 2بنات وحدة عندها 18 سميتها صفاء عاد تزوجات ودعاء عندها 17سنة.. اما العم سعيد راكم تعرفتو عليه عندو حمزة وفاطمة وسيف 16 عام.. عمتهم كريمة مزوجة بمحسن وعندهم 2ولاد و2بنات مزالين صغار....
كريمة: اوى دبا شديتي الباك وخاصنا قريب نفرحو بيك
رنيم: كتهدري معايا انا
كريمة: اه
رنيم: غير فرحو مع ولادكم انا مابغا يفرح بيا حد هاد الساعة
مليكة: ولايني مكتحشميش راه عمتك هادي ومصيرك الزواج
رنيم: الزواج سنة الحياة هادي عارفاها مي مزال الحال عليها... ناضت رنيم كتأفأف طلعات للسطح جلسات فوق السور وهي مخنزرة وكتنكر
رنيم: اففف يا ربي فوقاش دوز هاد اليومين نرجع بحالي
.....: صافي سخيتي بينا
رنيم: (دارت وهي تعاود تشوف قدامها) مبروك
حمزة: الله يبارك فيك.. ومبروك حتى نتي النجاح
رنيم: الله يبارك فيك... ساد الصمت واحد شوية حتى حسات بيديه تلواو على خصرها ووجهو حشاه فشعرها
حمزة: (كيشم شعرها) كنبغيك
رنيم: (كتحيدلو فيديه) بعد عليا.. اش كدير
حمزة: مزال الحال الى بغيتي نتزوجو
رنيم: حيد يديك ولا غادي نغوت ونشوهك... نتراتلو يديه ودارت صرفقاتو وهي تزلق وبقات شادة فالسور بيديها... شدها حمزة كيجبدها وهو مخلوع حتى جبدها وطاحو فالارض بجوج.... دخلات العائلة للسطح ولقاتهم هكاك... هي ناضت كتسوس راسها ومخنزرة فحمزة.. شافت باباها وهي تحدر راسها... ناض حمزة ساس حتى هو راسو وبقا كيشوف فيهم وهما مصدومين.. معاق براسو حتى خدا تصرفيقة كان باباها لي صرفقو
بابا: اخر مرة تقيس بنتي سمعتينيي
كريمة: اش كدير اخويا تلقا هي لي غواتو وهو كيبقا رجل هي لي منها المشكل
بابا: (خنزر فيها) تزيدي كلمة وحدة نسا بلي نتي ختي.. انا شفت كلشي ومنسمحليكش تحط يديك على بنتي سمعتي
حمزة: (حدر راسو) سمحلي اعمي... جر رنيم ونزل وهي تبعو مراتو وتسنيم وشادي... دخلو لواحد البيت
رنيم: بابا سمحلي راه انا مادرت والو والله
بابا: (تنهد) عارف راني شفتك فاش كنتي جالسة فوق السور القردة.. وشفت الحمار فاش جا عندك
ماما: صافي ماوقع والو وبلا ماتعصب راسك
بابا: جبدو شي حاجة قراوها وشدو الارض منشوفكمش
رنيم/تسنيم: واخة ابابا
شادي: انا ابابا غادي نخرج نلعب
بابا: يلعبو عليك ان شاء الله فين باغي تلعب افرطوطو
الكل: هههههههههه
شادي: وبابا العطلة دالصيف هادي مبقات قراية.. المهم هانا غادي... خرج كيجري وتبعو باباه وهو ساخط اما الام خرجات من بعد مانبهات بناتها يجلسو.... كل وحده فيهم شدات كتاب كتقرا
بقاو جالسين مدوزين وقتهم حتى الليل وهما ينزلو يتعشاو.. كلاو فجو مكرهب حيت كان كلشي كيخنزر فرنيم لي بدورها كتخنزر فيهم... تعشاو وكلها مشا لبيتو ينعس... صبح الصباح بقات رنيم ناعسة واخة هي مكتبغيش تنعس بزاف مي اليوم طويل ومبغاتش تشوفهم من دبا... ناض باباها لبس وخرج تبعاتو ماماها وتسنيم وشادي.. ورنيم بقات ناعسة حتى حسات بالحركة هزات راسها من فوسط المخاد وهي تلقا عيالات عمامها
سعاد: ويلي ترونات الدار قبل مايبدا العرس
مليكة: واييه خنازت هاد البيت
رنيم: (مخنزرة) اش جايين ديرو هنا
سعاد: كنجمعو سحابليك داركم هادي تفيقي فوقما بغيتي
رنيم: ههههههههه وراه داري هادي ياكما نسيتي.. وقفات وجات حتى لحداهم... هادي دار جدي الله يرحمو وداكشي لي عندك نتي وولادك عندي بحاالو.. ماشي حيت ساكنة فيها نتي وهادي يسحابليكم داركم وحنا ضياف.... عطاتهم بالظهر.. كلها يعرف شنو عندو وبلا داك الشغل دالعيالات حيت مواكلش معايا ودبا تقدرو تخرجو
مليكة: مابقيتيش تحشمي
رنيم: الحشمة كنتعلموها من الناس الكبار.. وفاش كنلقاو ناس ممربيينش مغاديش نتعاملو معاهم بالحشمة.... خنزرو فيها وخرجو كينكرو.. ناضت رنيم كتكسل بدلات حوايجها عاد خرجات للحمام غسلات وجهها وحكات سنانها.. رجعات شيتها دالسنان لصاكها ونزلات بشوية عليها.. لقاتهم مزالين كيفطرو.. عمها شافها وخنزر هي غير شافتو هكاك فهمات
محمد: رنيم اش هادشي سمعت
رنيم: شنو سمعتي اعمي
محمد: جريتي على خالتك مليكة وسعاد محشمتيش
رنيم: لا اعمي انا ماجريت على حد مي هما دخلو عندي للبيت وانا ناعسة وجلسو كيعايروني وكيقولولي حتى تمشي لدارك عاد نعسي.. مي انا اصلا راني فداري... علاش واش اعمي هادي ماشي داري حتى انا
محمد: (خنزر فمرتو) احم صافي فطري وسكتونا.... فطرو وناض كل واحد لشغلو هي كانت طالعة للسطح حتى تشدات من ودنها
رنيم: اي اماما كضريني
ماما: اشوفي اديك القردة والله وماتجلسي حدايا حتى نوريك.. الدار غتبدا تعمر ونتي باغة تعلقيلي تما.. يجي شي حد يلوحك.. ياله تحركي قدامي
رنيم: (كضرب رجليها فالارض) احح وصافي غير طلقي... طلقاتها ومشات للبيت جلسات حتى دخلو عليها بنات عمامها
دعاء: لا والو غير كضحك معاك..... بقاو جالسين ورنيم غير كتشوف فيهم مكتجاوبهمش..... وصلات وقيتة دالعرس لبسات قفطانها فالكحل مع صباط طالون حمر.. دارت ايلاينر رقيق فوق عينيها المهم مكياج بسيط.. جات غزالة وعاودات شعرها بالبلاك وطلقاتو... نزلات مع ختها وماماها... بدا العرس والعروسة كانت تقريبا قد رنيم... فرحو ونشطو عاد مشاو العرسان لبيتهم وبقا كلشي يتسنا فيهم.. من بعد شي ساعة تقريبا خرجو السروال وبداو كيشطحو بيه ويغنيو... فرحانين حيت ولدهم صدق رجل والبنت كانت شريفة...... كلشي مشا بحالو.. ورنيم طلعات لبيتها بدلات ولبسات بيجامة وهي تجلس.. حلات مذكرتها وشدات ستيلو وبدات تكتب..
《 عذرية الفتاة موضوع مهم لدرجة تصل للقتل ان الفتاة تخلت عن عذريتها... الشرف لم يتعلق قط بالعذرية.. فكم من عذراء عاهرة بامتياز.. لنتكلم بجدية وصدق هل المغتصبة ليس لها الحق في تكوين عائلة.. أليس لها الحق في نسج الأحلام والأهداف... أليس لها الحق في عيش حياة عادية... الفتاة لا يجب ان تحافظ على عذريتها من أجل فارس الاحلام... يجب عليك الحفاظ على عذريتك من أجل نفسك ثم نفسك ثم نفسك... من أجل الحفاظ على ذلك الجسم النقي والطاهر.. ليس كل ذئب من حقه رؤيته او لمسه غيرك انتِ......... 'الشطيح بالسروال' عادة غبية... أليس نحن في مجتمع إسلامي ينص على أن الإجهار بالعلاقة الجنسية عار وعيب... فكيف يعقل ان هناك كم هااائل من الناس ينتظرون أمام غرفة الزوجين وهم يعلمون أنهم يمارسون... أليس مخجل أيها الزوج العظيم أن يرو الناس دم زوجتك... هذه حماقة... الزوج يريد أن يبين لهم انه رجل والفتاة أن تقول لهم أنني شريفة... تبا لعقولكم الفارغة.. تبا للعادات والتقاليد... ستقول بعضكن أنا محافظة على عذريتي لكن لا أعلم إن كان الرجل هو أيضا لم يسبق له ممارسة الجنس 'بتول'... تذكري يا أختي 'الطيبون للطيبات، والخبيثون للخبيثات'... وتذكري أيضا انك تحافظي على عذريتك من اجل خالقك ونفسك لا لأحد》
بعد ساعات قليلة فاقو لبسو حوايجهم وجمعو باليزتهم.. نزلو فطرو وتوادعو معاهم غير ركبات رنيم وهي تنفس
رنيم: (فخاطرها) وأخيييرااا.... بعد ساعات كانو وصلو لدارهم طلعات رنيم نيشان وجدات الدوش ودخلات دوشات لوات عليها بينوارها ومشات لبيتها لبسات بيجامتها وتكات.. تبعاتها تسنيم للدوش من موراهم شادي وبقاو واحد من مور واحد..... كانت رنيم عندها كونكور ديال المدارس لي تقبلات فيهم... دوزو شي شهر فمدينتهم على مسالتهم.. عاد سافرو لأصيلة يتبحرو..... وصلو بقاو هما فالطموبيل ونزل باباهم مشا كيقلب على شي دار للكرا حتى لقاها عاد رجع عندهم... دخلو وكلها تلاح فقنت.... دوزو داك النهار غير فالدار.... صبح الصباح ناضت الام وجدات الفطور.. بداو كيفطرو وكلها ناض يوجد راسو وكيف العادة الام كتوجد كاسكروطات لي يديو معاهم سلات عاد مشات لبسات حوايجها... هبطو غير على رجليهم حيت البحر كان قريب... رنيم كانت لابسة دوبياس مع شورط ديال التجين ومن فوقهم كسيوة فالبيض وجامعة شعرها بشفنجة ودايرة نضاضر... وصلو وقادو بلاصتهم عاد جلسو
تسنيم: (كتجرها من يديها) ياله زيدي نمشيو
رنيم: وخا صبري نحيد الكسوة... حيدات الكسوة وتشادو باليدين نزلو اما شادي كان سبقهوم... وصلو بداو كيعومو ويضحكو غير بوحدهم... خرجات تسنيم ورنيم تسطحات على ظهرها وغمضات عينيها وهي مبتاسمة... بعد دقائق حلات عينيها دورات عينيها مبانليها حتى واحد بالخلعة ناضت بانليها الشاطئ بعيد عليها... نزلات تحت الما كتحاول تخرج مي والو غلبها الما.... القوة ديالها بدات كتنقص وشدها الكلاكاج فواحد الرجل... والتنفس بدا كيمشليها وبدات كترخا... كانت يديها غادي تنزل مي تشداتليها وتجبدات.. جبدها وجلسها قدامو فالجيتسكي.. هي تقريبا كانت نص مغيبة... وصل وهزها خرجها كانت ماماها وباباها غيحماقو عليها غير شافوه مخرجها وهما يطيرو عندو
ماما: (مخلوعة) رنيم رنييم... حطها فالارض وبدا كيضغط على صدرها ووالو.. حدر لعندها ودارليها التنفس الاصطناعي.. بدات كتكحب وعاد خرج الما
بابا: رنيم بنتي نتي مزيان
رنيم: (كتحل عينيها ضرباتها الشعا ديال الشمس.. دارت يديها على عينيها) شنو وقع
بابا: (وقفها) زيدو نمشيو... ناضت رنيم كترجف فاش تفكرات شنو وقعليها.. هزات عينيها لقات واحد ياله ركب فالجيتسكي.. بقات ساهية فظهرو العريضة.. ركب وهو يتحرك... دورات وجهها من بعد ماجرها باباها وماماها... وصلو وعطاوها فوطة... رغم انها كتعرف تعوم مي بديك الخلعة انها بعدات تلفات وكون ماشي داك الشاب كون غرقات... دوزو سيمانة فأصيلة ورنيم معاوداتش عامت.. تولد عندها خوف ودوزات شي يومين وهي كتحلم راسها كتغراق.... دازت تقريبا شهر فالدار غير الروتين حتى اليوم لي وصلها قبول مدرسة المهندسين طارت بالفرحة مي متكونش قد باباها لي مفتاخر ببنتو وخا مبينليهاش.. من حسن الحظ كانت المدرسة فنفس المدينة "الرباط" مشات تسجلات وقادات امورها.... بدا الفصل الدراسي وغتبدا رنيم حياة جديدة وناس جداد...... دخلات لقسمها وجلسات القدام.. دخل الاستاذ عرفهم على راسو وبداو كيقراو... هكا دوزات رنيم شهر تقريبا غير القراية والدار
رنيم: (طلعات فيهم وهبطات) كنظن حنا ماشي فالابتدائي ولي مشا جلس فشي بلاصة راه عادي.. وغذا الى جيتو قبل مني جلسو متخافوش مغاديش نجي نوضكم
بنت2: حنا ماشي بحالك.. كنوضو وندوشو ونقادو مكياجنا عاد كنجيو
رنيم: ااه مسحابليش جايين لعرس
بنت3: ااسمعي نتيا هدرة وحدة قلناهاليك
رنيم: (قربات منها وهي مخنزرة) عاودي اش قلتي... غادي تسمعي نتي نييت.. اخر مرة ترفعي صوتك عليا والا مغاديش يعجبك الحال.... مشات وخلاتهم كيشوفو فيها بغيظ
....: (من موراها) عجبتيني فدوك المعياقات.... دارت شافت فيه وكملات طريقها
....: ايي وشحال عاجبك راسك حتى نتي
رنيم: (وقفات ودارت شافت فيه) باغي شي حاجة
....: انا سفيان
رنيم: ومن بعد
سفيان: ونتي شنو سميتك
رنيم: ونتا سوقك.... دارت خلاتو مبتاسم وكيشوف فيها... وصلات لدارها حلات الباب ودخلات لقات شي جيران سلمات عليهم وجلسات
جارة1: تبارك الله كبرتي ابنتي فوقاش غادي نفرحو بيك
رنيم: فرحي غير مع بنتك اخالتي... ناضت وخلاتها كتقلا فسمها.. طلعات لبيتها وهي تلاح فوق الناموسية ترتاح....... نهار جديد مشات لقرايتها كيف العادة وجلسات حسات بشي حد جلس حداها معطاتش اهمية للامر كانت كتقرا كتاب... حتى شافت يد ممدودة ليها طلعات راسها ولقاتو كيشوف فيها بابتسامة
سفيان: لاء غادي نجلس هنا..القسم ماشي ديالك.... خنزرات فيه ودارت دخل البروف وبداو الدرس وهو كل دقيقة كينغزها ويبغي يهضر معاها وهي مكتجاوبوش حتى مل... سالات الحصة جمعات كتوباتها وجات خارجة حتى تجرات من صاكها
رنيم: مممم واخة مي جمع يديك هاد المرة الى قستيني غادي..
سفيان: (قاطعها) اخر مرة كنواعدك
رنيم: اوكي زيد قدامي راه غيكون البروف دخل... مشاو بجوج دخلو وعتادرو من البروف وجلسو كيقراو........ هكا دازو الايام ورنيم وسفيان تقربو من بعضياتهم وهي عاد غيرات نظرتها بالنسبة للصداقة مع ولد... كان محتارمها فوق القياس ودوك البنات معاودوش دارو بيهم بالاخص فاش عرفو سفيان ولد العميد... هما دبا ففترة الامتحان كانو جالسين بجوج فالمكتبة كيخدمو
سفيان: فهمتي هادي
رنيم: عطيني نشوف.. شداتها من عندو كانت فاهمها.. جلسات كتشرح ليه وهو متبع معاها حتى فهمها
سفيان: (شد يدها باسها) شكراا
رنيم: (ضرباتو لراسو) متعاودش تقيسني الباسل
سفيان: (شد راسو وهو يضحك) هههه نااري قبيحة بزااف
رنيم: تستاهل ياله حني راسك وقرا..... اب سفيان كان دايز شافهم بدا كيضحك وهو يمشي...... هكا دايرين مي متقدرش تنكر بلي كيحتارمها وعارفاه غير كيبغي يعصبها.... دوزو امتحاناتهم وشدو العطلة.... كانت جالسة فالدار حتى بدا تيليفونها كيصوني.. هزاتو لقات سفيان
رنيم: ااش بغيتي
سفيان: السلامة ياربي.. قولي غير السلام ماالك
رنيم: السلام ياله اش بغيتي
سفيان: معمرك مغادي تبدلي.. المهم توحشتك
رنيم: وهاا البسالة
سفيان: مالك اش فيها راه قلتها بنية صافية
رنيم: الله يجعلني نتيق
سفيان: ههههه نتلقاو هاد العشية
رنيم: وعلاش بالسلامة اش بيني وبينك باش نتلقاك
سفيان: صافي قطعي حتى انا حمق حيت معيطليك
رنيم: فين غادي نتلقاو
سفيان: راني كنتسناك فراس الدرب
رنيم: باااز صبر هانا جاية... دخلات لبسات حوايجها وخرجات من بعد ماخدات الاذن من ماماها كان جالس فطموبيلتو
سفيان: طلعي
رنيم: فين غادي نطلع نزل وزيد قدامي
سفيان: مالك فوقما نقولك طلعي مكتبغيش واش مكتقيش فيا
رنيم: براكة من ديك الدراما ونزل... تنهد ونزل سد طموبيلتو دار يديه فجيابو وبقاو غاديين
سفيان: ايوا متوحشتنيش
رنيم: اش غادي نتوحش فيك بالسلامة
سفيان: (خربقليها شعرها) جوابك على طرف لسانك الالة باااز
رنيم: اوكي... هزات تيليفونها كتخربق فيه شوية دخلات للفايسبوك لقات شي وحدين كاتبين فالبروفيل ديال سفيان عيد ميلاد سعيد.. وهي تشوف فيه
رنيم: عاد فهمت علاش طالعليك الدم
سفيان: (حط يديه على حنكو) علاش
رنيم: انا مكنتش عارفة عيد ميلادك اليوم.. المهم عيد ميلاد سعيييييد
سفيان: (غوبش) معمرك تقوليلي عيد ميلاد سعيد اوكي
رنيم: علاش
سفيان: هكاك وصافي ياله نرجعك لداركم
رنيم: واخة... خرجو من الكافي وبقاو غاديين وهي كتشوف فيه مفهماتش مالو تقلب هكا اول مرة يهضر بهاد الجدية... وصلو وركب فطموبيلتو وكسيرا بلا مايسلم عليها ولا يفقصها بقات غير كتشوف حتى عيات وهي تمشي لدارها.... داز داك النهار وهي كتصيفط ليه ميساجات فواتساب مكيجاوبهاش... دازت يومين كانت جالسة كتقرا كتاب حتى صونا تيليفونها كان سفيان جاوبات بالزربة
رنيم: الو علاش مكتجاوبش ومنخلني اش هادشي
سفيان: ايي ديما داخلة سخونة غير بشوية عليك لاطرطقي
رنيم: كنتسنا جوابك
سفيان: والو غير كنت عيان شوية وصافي.. هادشي لي كاين
رنيم: ممم الله يجعلني نتيق
سفيان: هههه المهم غذا نتلقاو اوكي
رنيم: لا ممسلياش
سفيان: اش عندك بالسلامة
رنيم: غذا غادية للحمام
سفيان: هههههه مسطية.. واااخة الالة حتى لبعدو ونتلقاو
رنيم: اوكي ان شاء الله
سفيان: ياله باي..... قطعات وحطات تيليفون وهي دخل ماماها
بابا: انا غنكمل عليك غير سيري... دخل لبيتو ولبس كيطمتو وهو يجي هز لمراتو السدادر وعاونها فالتخمال.. رجعو داكشي كيف كان عاد كملات التسياق قدام الباب ديال الدار........ صبح الصباح ناضت الام ورنيم وتسنيم جمعو حوايجهم والسطل ديال الحمام وهما يمشيو.. دخلو شدو بلايصهم وبداو يغسلو بداو بالحنة هي اللولة عاد بداو الحكان
امرأة: عفاك ابنتي حكيلي ظهري
رنيم: واخة اخالتي.... ناضت رنيم كتحكليها ظهرها وبدات تسول فيها
امرأة: مالكي معجبكش الحال.. خاصك تزوجي ماحدك صغيرة والا غادي تبقاي بايرة.... حطات الكيس وناضت جلسات بلاصتها وهي مغزفة كون مجاتهاش المراة كبيرة كان ممكن تضربها
《 لا يوجد شيء اسمه العمر المثالي للزواج
فلا هو في العشرينات ولا الثلاثنيات ولا الاربعينات
بل هناك وقت مثالي للزواج
يأتي هذا الوقت عندما يأتي الشخص المناسب ..
فليس مهماً متى نتزوج .. بل من نتزوج.!
في معظم مجتمعاتنا يعتقدون أن القطار يفوت سريعا
فليذهب القطار إن شاء
إذا كان الثمن هو الذهاب إلى وجهة لانريدها...》
وصحيح من قال ان أول عدو للمرأة هو نفسها
بعد مرور 4 سنوات ونصف اليوم كان تخرج رنيم وسفيان.. كانت عائلتها حاضرة وهما مفتاخرين بها... قدمليها العميد شهادتها وهو مبتاسم
العميد: مبروك عليك ابنتي
رنيم: شكرا ا استاذ
العميد: (ضربها لراسها) شنو قلتليك انا عمك اوكي
رنيم: (بخجل) واخة اعمي
سفيان: شفتكم كتهضرو بزاف انا متعطنيش شهادتي
العميد: ههههه مغاديش تبدل.. هاك اسيدي مبروك عليك
سفيان: الله يبارك فيك.... هبطات رنيم عند والديها
بابا: (باس راسها) مبروك عليك ابنتي
رنيم: الله يبارك فيك ابابا
ماما: (عنقاتها) مبروك عليك ابنتي فرحتيني
رنيم: الله يبارك فيك ماماتي... جات تسنيم وشادي عنقوها وباركوليها... وهو يجي سفيان لعندهم
سفيان: سلام عمي
بابا: (باستغراب) سلام
سفيان: بغيت نبارك ليك نجاح بنتك رنيم
بابا: شكرا منين كتعرفها
رنيم: احم راه كيقرا معايا ابابا وهو ولد العميد ديالنا
بابا: اوكي مبروك عليك حتا نتا
سفيان: الله يبارك فيك بغيت ناخذ اذنك
بابا: فاش
سفيان: نخرج انا ورنيم هاد العشية
بابا: (هز حاجب) كيفااش... رنيم طرطقات فيه عينيها
سفيان: لا متفهمنيش غلاط اعمي.. انا قصدت هاد العشية غادي نحتافلو انا وياها وصحابنا لي معانا.... دار باباها شاف فيها وهي واقفة كترمش بعينيها
رنيم: (قدات شعرها) متبقاش تقيسلي شعري.... دوزو الطريق كلها وهما مناكرين حتى وصلو دخلو مع باب كبير كانت جردة كبيرة ومزينة بقات رنيم غير كتشوف ولو انها كتعرفو لمدة 5 سنوات معمرها جات لدارو حدهم يتلقاو فالمكتبة ولا شي كافي.... وقفات الطموبيل وهو يخرج وتبعاتو حتى هي.. تبعوهم الطموبيلات لي كانو فيها صحابهم ونزلو حتى هما.. مشاو نيشان للجردة جلسو
سفيان: اجي معايا
رنيم: فين
سفيان: ندخلو للدار بغيت نعرفك على واحد الشخص
رنيم: (صغرات عينيها) ممم تعرفني على شخص
سفيان: ههههههه ناري شحال مشكاكة.. زيدي بلا هدرة.... جرها دخلها وهي تابعاه وكتستكشف المكان حتى دخلو لواحد الصالون كانت امرأة فعقدها الاربعين جالسة كتقرا كتاب مع سماع موسيقى كلاسيكية.. تقدم عندها سفيان بابتسامة قبل راسها
....: (بحنان) جبتي صحابك
سفيان: اه اماما وحتى هي جات
ام سفيان: (بحماس) بالصح فيناهيا
سفيان: (شاف فرنيم) قربي... قربات رنيم غير شافتها ماماه وهي توقف
ام سفيان: (كتشوف فيها وعينيها مدمعين) شحال وانا كنتسنا نشوفك.. رنيم بقات غير كتشوف فيها بدون فهم... عنقاتها وهي كتبكي
رنيم: سفيان
سفيان: (حدر راسو) انا فالجردة... مشا خلاها مفاهمة والو... جراتها ماماه جلساتها وجلسات قدامها وهي كدوز يديها على شعر رنيم
ام سفيان: كتشبهليها بزااف
رنيم: (بعدم فهم) شكون هادي
ام سفيان: بنتي الله يرحمها.. توأم سفيان.... هادي 7 سنين باش ماتت بنتي.... سفيان تدمر وهرب مبقاش جا للمغرب من بعد عامين رجع غير حيت كنت مريضة... وواحد النهار كان مشا عند باباه للخدمة وهو يشوفك من تما مبقاش بغا يرجع.. شاف فيك ختو لي تحرم منها وبزز على باباه يدخل يقرا معاك... وافقنا فاش شفناه مصر ومنكدبش عليك فرحت حيت رجع ولدي ولي زاد فرحني انه رجع كيف كان داك الشخص الضحوكي الحمق... هادشي كلو بسبابك نتي.. كان كل ليلة يهضر عليك وكنت متشوقة نشوفك وهانا الحمد لله شفتك وطلعتي كيفما وصفك ليا حتى من باباه فرح.. وبالاخص فاش شافك وشاف تعاملك مع ولدي
رنيم: (دموعها نزلو) الله يرحمها اخالتي.. واش داكشي علاش سفيان مكيبغيش يحتافل بعيد ميلادو
رنيم: هي لي ماتعاودش اخالتي... تعانقو وخرجات رنيم للجردة لقات سفيان واقف كيضحك مع صحابو محسات حتى لقات راسها معنقاه
سفيان: (دفعها) متقيسينيش ياك شحال من مرة كنقوليك بعدي عليا ودبا معنقاني اش هاد الجرأة
رنيم: (جراتو من ودنيه) يا على حامض مكتعرفش تقلد... عاودات عنقاتو.. بادلها العناق وهو كيضحك
سفيان: شنو سر هاد العناق
رنيم: (بعدات عليه) بغيت ونتا سوقك
سفيان: انا غير كنشد يدك كتبغي تاكليني ودبا نتي عنقتيني وتعديتي على الملكية ديالي وبغيتيني نسكت
رنيم: الملكية ديالك كاع ههههههه
سفيان: ههههه.. تعرفتي على ماما
رنيم: اه زويونة وضريفة الله يخليهاليك
سفيان: اميييين.. ياله اجي نجلسو.... جلسو حدا بعضياتهم.. كانت جليسة دايرة بالفوتوي وطبلة فالوسط... جالسين مجمعين مع صحابهم كيهدرو ويضحكو... شوية هز واحد صاحبهم الكيتار وبدا كيعزف... كان كلشي ساكت كيسمعلو حتى بدات رنيم كتغني كلشي شاف فيها بصدمة 'what about us'... كملات وكلشي بدا كيصفق ويشجعوها
سفيان: مقلتليش كتعرفي تغني
رنيم: مجبتهاش الوقت وصافي
سفيان: 5سنين وانا كنعرفك ومجبتهاش الوقت الله يعطينا وجهك
رنيم: هههههه وصاافي..... وصلات 7 دالعشية وتشعلو الضواو ديال الجردة تطلقات الموسيقى العالية وناضو كيشطحو
سفيان: (بانبهار) كتعرفي تشطحي
رنيم: انا من عشاق الرقص وكنتعلم فالدار
سفيان: كون جربتي دخلتي لشي صال
رنيم: ههههه نو منقدرش نقولها لبابا كنحشم
سفيان: اوكي.... دوزو وقت زوين وهما مجموعين وفرحانين حتى وصلات الوقيتة لي خاصها ترجع فيها للدار... توادعو كانت غادة حتى شافت ماماه واقفة كتشوف فيها وهي تمشي لعندها سلمات عليها
رنيم: تصبحي على خير اخالتي
ام سفيان: بونوي حبيبة.... ركبات فالطموبيل مع سفيان وهو يتحرك.. بعد صمت طويل
رنيم: احم علاش مقلتيليش على التوأم ديالك
سفيان: (شاف فيها وهو يشوف قدامو) مجاتش الفرصة وصافي
سفيان: (طلق منو) المهم اعمي انا جبتليك بنتك كيفما واعدتك حتى لباب الدار.. تصبحو على خير
بابا: شكرا اولدي
مشا سفيان ودخل باباها وتبعو حمزة
بابا: اش داك لبنتي باش تهضر معاها شرحلي
حمزة: وراه شفتها خارجة من طموبيل هداك يعلم الله فين كانو.. جا يهضر باباها وهي تقاطعو
رنيم: سمعني مزيااان... غادي تحتارم راسك ولا خرج علينا من دارنا.. ماشي نتا لي غادي تحاسبني حيت ماعندك حتى سلطة عليا.. هاااهيا مراتك شفتيها سير هضر معاها هي وعندك ختك سير تحكم فيها هي اما انا بعييييدة عليك كل البعد.. واخر مرة نلقاك قدامي...... طلعات لبيتها وهي تزدح الباب حتى تسمع
بابا: (هز صبعو قدام وجهو) انا لي باباها ومعمري قستها وانا لي عندي الحق نقوليها فين مشيتي وفين جيتي.. نتا دخل سوق راسك فهمتي...... مشا لبيتو وخلاه واقف هز عينو فمراتو ولقاها كتخنزر فيه
حمزة: ماالك
سهيلة: غير قولي شنو دخلك فيها
حمزة: راه شفتها هابطة من طموبيل ديال ولد
سهيلة: ونتا سوقك راه عندها باباها اش دخلك
حمزة: (بعصبية) صافي سكتي متزيديش تعصبني حتى نتي.... رنيم دخلات لبيتها وهي معصبة
تسنيم: مالك
رنيم: افف فقسني داك ولد عمك.. وشوهني مع الولد
تسنيم: اش دار عوتاني
رنيم: كان بغا يضربني كون ماشي سفيان لي شدو.. زاد فيه كااع
تسنيم: صافي حتى نتي متديهاش فيه راكي عارفاه كيداير
رنيم: صافي المهم غذا انمشي البحر مع سفيان تمشي معايا
رنيم: سفيان عندو اخت توأم ومسكينة ماتت هادي 7 سنين الله يرحمها.. قالتلي ماماه بلي خرج برى المغرب ومن بعد عامين جا يطل عليهم.. كان جا عند باباه للمدرسة وتما شافني.. قالك كنشبه لختو داكشي علاش بقا وبقا كيحاول حتى رجعت صديقتو
تسنيم: مسكيين بقا فيا
رنيم: وي حتى انا بالاخص فاش ماماه عنقاتني وبقات كتبكي.. خرج مسكين بالزربة
تسنيم: الله يصبرهم
رنيم: اميييين..... بقاو مجمعات حتى غمضو عينيهم ونعسو... دخل حمزة بشوية لعندهم جلس حدا رنيم فالناموسية دوز يديه على وجهها وهبطها على جسدها......... صبح الصباح فاقت رنيم مشات للطواليط غسلات وجهها ومشات فيقات تسنيم.. هبطو فطرو لقاو باباها وماماها وسهيلة وشادي وحمزة
بابا: تبعيني... خرج وهي تابعاه من اللور كتلعب بيديها بتوتر.... دخل لبيت النعاس وتبعاتو
بابا: جلسي
رنيم: (جلسات) الصمت
بابا: شنو بينك وبين هداك.. جات تهضر وهو يقاطعها.. وبلا كدوب
رنيم: والله ابابا مكاينة شي حاجة هو صدييق عادي وصافي
بابا: شنو هدفك فالحياة
رنيم: (هزات راسها شافت فيه) كيفاش
بابا: جاوبيني شنو هو هدفك فالحياة
رنيم: احم دبا انا الحمد لله شديت شهادة ديالي عندي 2 خيارات اندفع للدكتوراة نقراها ولا نقلب على شي خدمة... بغيت ابابا نفرحك نتا وماما... واهم حاجة رضاتكم
بابا: (حل الباب وبغا يخرج) كنتيق فيك كثر من راسي.. مي حضي معاك ديك الفرفارة ديال ختك عنداك تغراق ولا شي حاجة
رنيم: متخافش ابابا...... خرج وتبعاتو رنيم.. مزالة كتفطري ياله طلعي وجدي راسك باش نخرجو
تسنيم: (بصدمة) بابا وافق
رنيم: ههههه ويي.. طلعو بجوج لبسو حوايجهم من بعد ماعيطات على سفيان... هبطو بجوج ومشاو باسو ماماهم
رنيم: هاحنا اماما غاديين
ماما: واخة ابنتي غير حضيو راسكم
تسنيم: متخافيش علينا ياله بااي.... ياله جاو يخرجو وهو يوقف عليهم حمزة
تسنيم: بغيتي شي حاجة اخويا
حمزة: (مخنزر) فين غاديين بالسلامة
تسنيم: راك سمعتينا فاش طلبنا الاذن من بابا
رنيم: انا كنتسناك فالباب
حمزة: (شدها من يدها وجرها) مغاداش تخرجي.... هي مع ديك الدورة دفعاتو حتى تزدح مع الحيط
رنيم: ويااااك تقيسني مرة اخرى... ياله اتسنيم...... خرجو وخلاتو مصدوم.. لقاو سفيان كيتسناهم.. خرج بغا يسلم عليهم وهي تلوحلو الصاك
رنيم: شد
سفيان: (خسر وجهو) يا على بنت كيدايرة.. ركبو الطموبيل وهو يتحرك... تسنيم كيدايرة صافا
تسنيم: صافا حمد الله ونتا
سفيان: بيخير الحمد الله وغنكون حسن فاش ختك تبعد مني
تسنيم: ههههههههه
رنيم: (عوجات فمها) معرفت شكون لي لاصق فالاخر...... بقاو كيتعايرو وتسنيم سخفات بالضحك عليهم حتى وصلو... قادو بلاصتهم وجلسو
سفيان: زيدي نعومو
رنيم: لا غير سير مع تسنيم
سفيان: وزيدي حتى نتي
تسنيم: راه عندها فوبيا من البحر.. كتخاف تعوم
سفيان: كيفاش حتى جاتك هاد الفوبيا
رنيم: (تنهدت) هادي 5سنين باش غرقت واحد النهار فالبحر كون ماشي واحد السيد لي نقدني.. ومن تما مبقيتش قادرة نعوم
سفيان: اااه اوكي.. نمشيو لابسين
تسنيم: ههههههه والله حتى مسطي.. راه بحال بحال
سفيان: وانا زعما قلت كتخاف تعوم غير فالبحر
رنيم: نو دبا مبقيتش قادرة نعوم فحتى بلاصة.. غير سيرو نتوما هانا جالسة هنا
سفيان: اوكيي شوية ونرجعو..... هبطو للبحر بجوج وهي بقات جالسة كتشمش ودايرة الكيت كتسمع الموسيقى.... تقريبا دوزو النهار كامل فالبحر مجمعين على الهدرة والضحك.. وصلهم سفيان حتى للدار عاد مشا.. دخلات تسنيم نيشان للدوش دوشات عاد تبعاتها رنيم دوشات حتى هي وجلسو مجمعين
دازت ايام ورنيم كتحط السيفي ديالها فالشركات.. لحد الان مزال مجاها رد من شي شركة.. اما الدكتوراة مشات عليها حيت كانت تعطلات باش خدات ديبلومها... سفيان عرض عليها انها تخدم معاه فشركة ديال باباه لي كانت فنفس الدومين ديالها.. مي هي رفضات وأصرات انها تلقا الخدمة بنفسها.. لكن تجري الرياح بما لا تشتهي السفن.. وفهاد المغرب الى مكانش باك صاحبي مغادير واالو... لدرجة رجعات بعد المناصب حكر على بعض العائلات.. رجعات متوارتة الاب كيسالي كيولي بلاصتو ولدو وهكذا دواليك.. وولاد الشعب راهم واقفين بشهداتهم قدام البرلمان... التكوين كاين مي اماكن الشغل مكاينينش... الواحد كينسج احلام واهداف حتى كيتصدم بالواقع المر من بعد التخرج.. وهادشي لي وقع مع رنيم.. مرت شهور وهي مازال على ديك الحالة كظل تقلب ودفع بدون جدوى... اصبحت فحالة مشابهة للاكتئاب غير جالسة فبيتها وسادة عليها.. مدوزة وقتها فالكتب والكتابة فقط... الاب ديالها ملقاش ليها الجهد حتى هو معندوش المعارف فهو موظف عادي فشركة... اما العائلة حسو نوعا ما بالفرح او بصيغة اخرى انهم شمتو فرنيم.. كيشوفو ديك البنت لي حاضية غير القراية هاهيا فالاخير مدارت والو... هاد الصباح فاقت رنيم على الدقان ناضت كتحك فعينيها حلات الباب لقات باباها
بابا: لبسي حوايجك.. كنتسناك لتحت
رنيم: واخة... مشات بالزربة للحمام غسلات وجهها وحكات سنانها رجعات لبيتها لبسات حوايجها وقدات شعرها وهي تنزل... لقاتو كيفطر جلسات كتفطر حتى هي وناضو خرجو بجوج... ركبات معاه فالطموبيل وتحركو.. بعد دقائق توقفات الطموبيل
رنيم: فين جينا ابابا
بابا: جبتك تعلمي تسوكي ودوزي وقتك.. متعرفي من هنا عام تكوني كتقراي ولا خدامة متساليش.. حتى ربي شاف من حالتك وبغا يعطيك عطلة فيها عام.. واش نتي منين تولدتي ونتي كتقراي خاصك ضروري شي عطلة.. ودبا جبتك دوزي وقتك وصافي..... انهارت رنيم بالبكاء قدامو.. جرها لعندو وعنقها.... راك كبيرة دبا لي قدك مكيبكيوش
رنيم: شكرا ابابا على كلشي.. شكراااا
بابا: (بعدها عليه) ياله مسحي عليا دموعك وزيدي نزلي.... مسحات دموعها وهي كضحك فاش شافت باباها مخنزر عارفاه مكيبغيش يبين الحنان ديالو.... هبطو وسجلها خلص التكاليف ومشا خلاها تما تبدا من بعد ماعطاها الفلوس باش ترجع للدار....... هكا دوزت رنيم شهر بدلات فيه حتى الجو ونفسيتها تحسنات... حتى من سفيان كان كيجي عندها كل عشية يطل عليها ويديها معاه للخلا ويعلمها تسوك وخا كتفقسو مي كيصبر معاها.... دوزاات الامتحان ونجحات فيه.. خرجها سفيان اليوم محتافل بيها
سفيان: بوسيها نتي حسن.. غير ترخاي وبشوية عليك متخافيش
رنيم: سكت خليني مركزة
سفيان: ههههههه... بقا كيشوف فيها وهي مركزة وغادة بحال الفكرون.. مد يديه وهو يغطيلها عينيها.. بالخلعة شدات الفران وغوتات.. سمعو غير طموبيل ضربات فيهم من اللور
سفيان: (شد راسو) طموبيلتي مشات اعباد الله
رنيم: (شدات قلبها) يا ولد الحرام بغيتي تقتلنا.. اشداك تسدلي عيني اويلي ياويلي
رنيم: شنو غنديرو دبا
سفيان: نزلي تفاهمي معاه.. انا ماشي سوقي
رنيم: (دلات شفايفها) عفاااك ياك انا ختك
سفيان: صافي صافي سكتي.... هبط سفيان وبدات كطل عليه شوية وهي تنزل
رنيم: تحرك وسكت قبل مانصدق مبرداهم فيك حتى نتا.... ديمارا سفيان وهو كيضحك مشاو للكافي وجلسو مجمعين على الهضرة والضحك
سفيان: لي يشوفك يحكرك.. ناري شرشمتي الولد مسكين
رنيم: (عوجات فمها) هو لي قلب عليا
سفيان: هو قال هضرة ندمتيه عليها
رنيم: (خنزرات) ياكما متافق معاه على ديك الهضرة
سفيان: لا لا وانا نقدر.. سمحيلي الالة
رنيم: وهكااك.... بقاو مجمعين عاد وصلها للدار ومشا دا طموبيلتو تصلح
مرت الايام ورنيم رجعات لحالتها القديمة.. جالسة غير فالدار مكدير وااالو حتى لهاد النهار سمعات الدقان.. ناضت حلات الباب وهي تصدم بالعائلة لي جاو... سلمات عليهم ودخلو جات الام حتى هي سلمات عليهم وجلسو.... كانو عمامها بجوج وعيالاتهم وعمتها وراجلها.. وحتى من ولادهم وولد عمها حمزة اكيد.....
كريمة: (باستهزاء) ايوا ارنيم لقيتي شي خدمة
رنيم: لا اعمتي
حمزة: اش عندها مادير بالخدمة هاهيا جالسة مرتاحة حتى تزوج
ماما: (شافت فبنتها بحزن) رنيم اجي تسخريلي ابنتي... ناضت للكوزينة وتبعاتها رنيم غير دخلات وهي تبدا تبكي.. صافي احبيبة متفقصيش راسك خليهم يهدرو حتى يشبعو
رنيم: قالك العائلة الله يعطي لباباهم القطيعة.. اشمن عائلة هادي لي تشمت فيك
ماما: (عنقاتها) صافي احبيبة متبكيش
رنيم: فاش يجي بابا غادي نقولهالو
ماما: واخة ياله مسحي دموعك وسيري خرجي يضربك الهوا شوية... خرجات رنيم كانت جردة فدربهم مشات جلسات فيها وبقات كتفكر..... دازت شي ساعة وهي ترجع للدار مشات نيشان لبيتها.. دخلات وهي تسد الباب عليها بالساروت.. دارت وهي تلقا حمزة
رنيم: (بصدمة) اش كدير هنا
حمزة: توحشتك وجيت نشوفك
رنيم: عفاك خرج من بيتي.. دارت بغات تحل الباب وهو يجبدها لعندو
حمزة: (كيشم فشعرها) انا مزال كنبغيك ومستاعد نضحي على قبلك بكلشي غير كوني ليا
رنيم: والله تنغوت ونشوهك الى مخرجتيش... كلاها مع الحيط وحدر وجهو لجهتها وهي كتركل بين يديه... شافتو قرب لفمها وهي دور وجهها بالزربة.. باسها فحنكها وحدر لعنقها كيبوس وهي كتبكي
حمزة: شششش انا كنبغيك وغادي نتزوج بيك.... فلحظة غفلاتو وضرباتو لحجرو خلاتو معوج وهي تحل الباب بالزربة وخرجات.. دخلات للطواليط وسدات عليها وبدات كتبكي... دقات قلبها تسارعو ويديها كيترعدو.. غسلات وجهها وبقات مدة حتى حسات براسها ارتاحت عاد خرجات طلات على البيت من بعيد وهي تلقا تسنيم عاد دخلات وسدات الباب
تسنيم: مال وجهك مخطوف
رنيم: و والو... جلسات فوق الناموسية حاطة يديها على قلبها وكتفكر الخوف تملكها
تسنيم: (قربات لعندها) ختي ماالك
رنيم: د داك الحمار باسني هئ هئ
تسنيم: كيفااش شكون هدا
رنيم: حمزة
تسنيم: ولد الحرااام.. صافي احبيبة متبكيش عفاك.... عنقاتها ورنيم كتبكي حتى ارتاحت..... جات ماماها عيطاتلهم يتعشاو نزلات وهي محاملاش تشوف فيه... دخلات جلسات وبقات سهيلة مراتو كتخنزر فيها مداتهاش فيها.... تعشاو مجموعين وناضت عاونات ماماها جمعات الطبلة.... حطو اتاي وجلسو
سعيد: خويا هاد النهار جينا مجموعين فنيتنا واحد الحاجة
رنيم: (تنهدات) وااخة.... ناضت كتجر فرجليها دخلو للكوزينة وبدات كتورييها وطبق داكشي... حتى كملو شي جا عوج شي محروق
رنيم: اففف يدي تحرقو
ماما: هههه يدين ميكة عندك... وا ملويي هدا تبارك الله
رنيم: مالو راه زوين
ماما: مممم لا باينة.... جات تسنيم وشادي تجمعو بربعة يديرو كسكروط غير داقو داكشي وهما يلوحوه... عاادي فالمرة اللولة يوقع هكا متقلقييش
رنيم: (معوجة فمها) واخة..... وصل الليل وناضت رنيم وماماها كيطيبو العشا... رنيم عجبها الجو حسن ماتجلس غير كتفكر... كانت ماماها حريصة انها توريها داكشي بأصولو ورنيم متبعا معاها...... دخل باباها مشافش جيهتهم مشا نيشان لبيتو
مرت الايام ورنيم كتعلم الطياب... الاب ديالها مكيهضرش معاها وهي حسات بيه بلي معصب حتى لهاد النهار كانت كطيب الغذاء دايرة الطاجين... وجمعات الكوزينة وهو يدخل عندها باباها وفيديه كتوبا
بابا: رنيم
رنيم: نعام ابابا
بابا: هاكي هاد الكتوبة خدمي فيهم... مسحات يديها وخداتهم من عندو قراتهم وهي تشوف فيه باستغراب
رنيم: هادو ديال TOFFEL (امتحان ديال اللغة الانجليزية)
بابا: اه الشهر الجاي عندك امتحان راني قيدتك وخلصت
رنيم: وعلاش غادي ندوزو
بابا: غير قراي دبا وشديه عاد نهضرو من بعد اوكي
رنيم: (بعدم فهم) اوكي......... دوزات رنيم شهر كتبريباري فدوك الكتوبا وكل ليلة طيب العشا... تعلمات طيب وماكلتها لذيذة... دوزات هاد النهار الامتحان كان باباها وصلها ورجعها..... دازو ايام حتى دخل الاب عيان
بابا: اييه عندك الحق.. طلعو لبيتكم... طلعات رنيم وتسنيم للبيت وهو يدور شاف فيه
بابا: شناهما أركان الاسلام
حمزة: الصمت
بابا: سؤال بسيط معارفش الجواب ديالو زيد عليها معمري شفتك كتصلي ولا حاط جبهتك فوق الصلاية... هادشي لي عارف فالاسلام الشرع عطاك ربعة.. محشمتيش هاهيا مراتك حداك وراك اب دبا.. معندك حتى سبب لي يخليك تفكر تزوج مرة اخرى
حمزة: انا اعمي كنبغي..
بابا: (قاطعو) سككت ومتكملهاش... حتى الى محشمتيش منا حشم من مراتك لي جالسة حداك وكتسمع فيك.... سمعني اولدي مزيااااان.. بنتي معطيتهالكش ونتا ديال راسك نعطيهاليك دبا ونتا مزوج ووالد... معمرك تحلم تزوج ببنتي واصلا شكون قاليكم انا باغي نزوج بنتي... انا اسيدي باغيها تبقا حدايا
كريمة: ولوااه اخويا البنت مصيرها الزواج
بابا: العقول المتخلفة لي كتقول هكا... البنت خاصها تقرا وتوعا.. البنت خاصها دير مستقبالها... المستقبل لي هو شهداتها وخدمتها... البنت فاش تكون قارية ومثقفة وتزوج غادي تبنيلينا جيل واعي ومثقف.... جيل خالي من هاد المجرمين والمكبوتين لي عمرو لينا الدنيا... المرأة هي نصف المجتمع وهي التي تربي النصف الاخر... اذا كانت المرأة فاسدة فسد المجتمع..... كنظن شرحتليكم شنو كاين وهاد الموضوع غادي يتسد هنا ومعمرو يتجبد...... كلشي سكت ملقاو ميقولو حدهم ناضو وخرجو ديك الليلة شدو الطريق لديورهم
فاش عرف باباها بلي حمزة تهجم عليها خرج ركب طموبيلتو وشد الطريق للفيلاج... بعد ساعات كان وصل دخل نيشان للدار
سعيد: (بنفخة) السلام
بابا: فين حمزة
سعيد: اش بغيتيه ياكما نسيتي شي هضرة مقلتيهاليهش
بابا: اه فينو... بانلو هابط من الدروج وهو يمشي لعندو عطاه بونية لوجهو... الحمااار نتا تهجم على بنتي الكلب... شدو كيضرب فيه ويعاير..... من اليوم منبغيش نشوفك فداري سمعتيني
بابا: بزاف عليه... نتي الأميرة ديالي منقدرش نقلقها... دبا المهمة ديالك منين يوصلك ديبلوم دفعي للجامعات.. ااه قبل مانسا قاليا صاحبي صعيب ديري دكتوراة تما حيت كيخص استاذ لي يقبلك ماشي الجامعة... فكرت تعاودي الماستر ديالك تما بشعبة مختالفة على هادي لي عندك... ومن بعد عاد دفعي للدكتوراة ديك الساعة اتجيك ساهلة حيت اتكوني كتعرفي الاساتذة
رنيم: (بحماس) وي عندك الحق... شكرا ابابا على كلشي
بابا: انا باباك الحمقة... ياله نمشيو للدار دبا.... ناضو شدو طاكسي صغير وصلهم للدار........ يوم جديد خرجات رنيم تلاقا بسفيان لي كانت عاوداتلو شنو كاين فالتليفون
سفيان: هاي هااااي الناس ديال كندا منتقادوش عوتاني
رنيم: شفتيني مشيت بعدا
سفيان: راك غاادية بلا ماتخممي.. ايوا اش بغيتيني
رنيم: معرفتش ندفع للجامعات وبغيتك تعاوني
سفيان: مرحبااا على الراس والعين... جبدات البيسي ديالها حطوه وبداو كيصيفطو.. داز الوقت وهما محاسينش حتى شافت ساعتها لقاتها 8 دالليل وهي تجمع الوقفة
سفيان: دبا سالينا.. خاصك تصيفطي غير الضوسي لكل جامعة
رنيم: ويي صافي غدا انصيفطليهم
سفيان: واخة ان شاء الله......... دازت الايام ورنيم كتصيفط جاها قبول من واحد الجامعة.. ناضت جمعات ملف طلب الفيزا للدراسة ودفعاتو للقنصلية وبقات كتسنا....... بعد مرور شهر وصلها القبول والفيزا خرجاتليها
بابا: كتهضرو على بناتكم ماشي على بناتي... انا جبتكم غير باش نقولهاليكم
سعاد: (تفقصات) ايوا مبروك عليك............. بعد يومين كانت رنيم خارجة غادة تلاقا بسفيان حتى تلقاليها حمزة
حمزة: بغيت نهضر معاك
رنيم: (رجعت بخطوة للوراء) معندك فاش تهضر معايا
حمزة: لا عندنا... جرها من يديها وهي كتغوت وتركل مي حتى واحد مداها فيها ولا حاول يعاونها... دخلها للطموبيل ومشا ركب وهو يكسيري... الخلعة شداتها جبدات تيليفونها بالتخبية دارتليه سيلونس وبدات كتكتب ميساج لسفيان بلا ماتعيق "سفيان راه حمزة تعرضلي وركبني معاه فالطموبيل ماعرفت فين دايني شنو غندير راني خايفة"... مفاتش دقيقة حتى وصلها ميساج "حاولي تقوليلي فين نتي دبا وشعلي ج ب س".... "حنا دبا خارجين على الرباط"... "اوكي"...... عند سفيان لي ناض بالزربة ومشا لدارها دق حلاتلو ماماها
ماما: سلام ولدي فين رنيم
سفيان: خالتي واش كاين عمي
بابا: شنو بغيتي
سفيان: عمي حمزة تعرض لرنيم وداها معاه
بابا: كيفااااش
ماما: اويلي بنتيي
سفيان: راهم دبا فالخرجة ياله نمشيو...... ركبو بجوج وخلاو ماماها كتبكي.. مشا سفيان مكسيري وكيهضر مع صاحبو لي متبع ج ب س ديالها....... عند رنيم لي وصلها للغابة ونزلها
حمزة: (صرفقها) علاش مكتبغينيش.. علاش مبغيتيش تزوجي بيا... ودبا باش زدتيها باغية تسافري وتخليني.. هادي هي لي منقبلش.... دفعها حتى طاحت وطلع من فوقها وهي كتحاول تقاوم وتبكي... حيدليها كبوطها بقات غير بديباردور وهي كتغوت وتبكي... هبط لعندها كيبوس فيها وهي كتحاول تبعد وجهها..
هبط لعندها كيبوس فيها وهي كتحاول تبعد وجهها... وكتبعد وجهو بيديها... ماحس حتى جاتو ركلة لوجهو داخ.. كان سفيان لي ضربو.. وقف رنيم بالزربة وحيد الفيستة ديالو لبسهاليها وهي كترجف مقداش توقف.. غير هو لي شادها... باباها فاش شافها هكاك كحالت الدنيا فعينيه مشا نيشان لعندو كيضرب فيه ويعاير حتى وصلو البوليس... هزوه ركبوه وداوه للكوميسارية... رنيم كانت معنقة سفيان وهي كتبكي حتى سخفات بين يديه... هزها بالزربة حطها فالطموبيل ركب حداها باباها وهو معنقها.. وسفيان كسيرا نيشان للكلينيك.. دخل الطبيب كشف عليها وخرج
بابا: مال بنتي
الطبيب: متخافش راه غير نزليها الضغط.. وراها فايقة دبا.. ترتاح شوية وممكن تخرج
سفيان: شكرا... دخلو لعندها لقاوها متكية وكتبكي
بابا: (شد يديها) صافي احبيبة باباها متبكيش عفاك
رنيم: هئ هئ باباا هو حاول...
بابا: (باس راسها) صافي ابنتي نسااي
《 احضنوا الفتاة جيداً و اخبروها أنها بخير..
اخبروها ان لا شيء من ما تخاف سيكون و انها جميلة و ستظل شريفة عفيفة كما أرادت
اخبروها ان أصدقائها وجيرانها وعائلتها في انتظارها لتكمل دراستها و تحقق أحلامها
وأنه بعد أيام ستنسى ولن تتذكر هذه اللحظة الحقيرة
احضنوا الفتاة جيداً و اخبروها أنها بخير》
داوها للدار دخلوها وماماها مخلوعة عليها فاش شافتها هكاك.. كانت صفرة وعينيها منفوخين بالبكا... دخل معاهم سفيان... جلسو مجموعين فالبيت
ماما: رنيم مالك ابنتي.. شنو دارليها هداك
بابا: داك الحمار حاول يغتاصبها مي غير بلاتي على والديه
ماما: اويلي على ولد الحرام.. جلسات حداها وعنقاتها وهي تبدا رنيم كتبكي.. صافي ابنتي عفاك متبكيش
قصة لأني أنثى
محتوى القصة
التنقل بين الأجزاء