للرعد عاصفته الجزء الثاني

نسرين : وااااش غادي تبقى تغوت عليااا هكاا.. صااف اخا بالنااقص.. مابقيت بغيت نمشي لتا قنت.. بانت ليها بالطوفة لبساتهاا كانت لابسة تريكو نصكم و سروااال عريييض وكايتجرجر فالارض لحقاش وعد طووييلة عليها.. جمعات شعرهاا كاتلوي فيه حتى دارت شفنجة و فيكساتو بمقيبط صغير... و هنا بان كثر اثر التعذيب على عنقهاا .. فيناهما خوتي صاااف انا قادة بشغلي بغييت نخرج فحالي من هنااا...اللهم ديك العصابة ولا هاد الذل هذااا.. هي كاتهضر و هو مخرج عينيه فعنقهاا.... شدهاا الخوف من شوفاتو.. حطات يدها على عنقها.. ماالك كاتشوف فياا هكاا.. 😳 .. شافتو كايرمي لخطوة ليها...غوبشات و خرجات عينيها فيه بصدمة .. ماالك !! كايقرب منها وهي ماعرفات فين تبعد كاان مفيكسي عينيه فعنقها... 

نسرين (فنفسها) برب و تفكر تخلق معايا السعادة تاتجيبها فعضاامك.. بلعاات ريقها ووجداات ركبتهاا تحسبا لاي فعل مفاجئ ... شد ليها عنقهاا... 

رعد : علااش ماوريتينيش هادشي !! .. 

نسرين : ضهري فالكفاية.. 

رعد : علااش فيك طباايع زرقين !!! وااش داارو ليك شي حاجة.. 

نسرين(بعدات عنقها على يديه ) : داارو كلشي (كاتشوف عنقهاا فالمرايا شوية استوعبات اش قال )... ها بحالاش

رعد : شوفي نتي.. اجي واش بقيتي فايقة .. ياك ماا !! 

نسرين(باستغراب) : اااه بقييت فااايقة و عاقلة على كلشي... حطات يدها على عنقها..( بالم). لصقو ليا ملصقات هناا فيهم شي خيووط و شدني الضوو... (غمض عينيه بارتيااح وفنفس الوقت استغرب ليهاا حتى باقة واقفة على رجليها) 

رعد(تذكر دوك الملصقات ) : ااه اه صاااف عرفت.. عطيني لعنوان ديال باباك.. 

هزات اجوندا و ستيلو .. كتبات ليه العنوان.. بغات تمد ليه الورقة.. واش نتا للي اتمشي عندو.. !

رعد : لاا غادي نسيفط للي مكلف بالوراق يهضر معاه باش يسني..

سمعو الدقان 

رعد : دخل ... 

فهد (شاف فيها باستغراب) فقتي !!. 

نسرين : ااه .. 

فهد : اوك جيت نشووفك... شاف فرعد نتا هناا.. 

نسرين(بابتسامة) : شكراا... 

رعد : بغيتي شي حاجة؟

فهد (وهو كايشوف فنسرين ) طلبت نشوفك مرة اخرى .. هه و هاحنا غادي نديوك معانا.. 

نسرين : كيفاش تشوفني مرة اخرى !؟ 

فهد : احم احم انا فهد خو رعد و نتي .. 

نسرين : مزال ماعرفتينيش.. 

فهد : امم نوو .. نعاودو من الاول

نسرين : ااوك انا نسرين... 

شافتو جمع يدو على شكل لكمة عرفاتو غادي يصافحها بطريقة اخرى حتى هي دارت بحالو ...

رعد : فهد اجي معايا... 

فهد :.. سير نتاا.. شويا و نجي

رعد : فهد قدااامي... 

نسرين مافاهمة والو واقفة كاتشوف فيهم باستغرااب... للي فهماات ان مابغااتش فهد يمشي حساات براسها ارتااحت معاه بااينة فيه ايكون ضريف ..وهو للي غايجاوب على اسئلتها.. عالاقل تستفسر منو غير فين غادين و اش دارو كيفاش تا جابو خوتهاا... و صحاابها واش فراسهم هادشي للي وقع و كيبقى بابات ليلى بزااااف دالاسئلة ماعارفااش ليهم حل ... ماحسو بيها حتى طاارت على فهد للي كان تايقول لرعد سييير انا سابقك.. شداااتو من يدو و جراتو .. بحالا كاتقووليه بقى ماتمشيييش.... ما ان استوعباات اش دارت رخفات عليه باحراج كاتشوف فيه و فرعد للي كايشوف اش بغات تصنع

نسرين : احم .. مم (ابتاسماات واخة ولات حمرا)... ممكن تبقى شوية بغيتك .. 

فهد(تايشوف فيدو للي شادة ) : امم فااش بغيتيني ..

رعد : الى بغيتي شي حاجة سولي عليها وعد.. هي تعااونك كثر منوو... زيد نتا قدامي..

فهد (همس ليها ) شوية ورااجع.. (طمنها بعينيه) 

ما خرج رعد حتى سبقو قدامو.. مع سد البااب ..خنزر فيه... 

ماااتحااولش تقرب منهااا .. خليك بعيد عليها... و فاش نرجعو لتماا نشووفك لاصق فيها غادي انضطر ناخدها معايا و نسكنهاا فداري...

فهد : و بصفتك شكوون اسيدي... 

رعد : بصفتي مسؤوول عليها.. هاديك هي و خوتها امانة عندي... 

فهد : و مالي انا غادي ناكلهاا.. غير عجباتني

رعد (بدون سابق انذار شنق عليه و دفعو على الحيط ) مابغييتيش تفهم... فهد البنت باااقاا صغييرة و مراهقة.. و هادشي للي عاشت غرييب عليها .. و ممكن فظروف بحال هادي تكوون محتاجاااك و تبني على اي كلمة خرجات من فمك وعوود .. خلييك بعيد عليهاا هي عندناا امانة مانشوفكش كاتحووم حداها... و هادشي بلاما نوصيك عليه الى مشيناا لحقاش جدي غادي يقوم بالواجب...

فهد(نطر منو) : للي سمعك يقول زهواااني و داري مكاتخوااش من البنااات... و مكانسحاش ماتحتاجش توصيني الامانة عارفها كثر منك السي ..

رعد : للي نطولوه نقصروه هادي للي لداخل اشار لبيتها... خط حمر.. والى بغيتي دير ركن تعارف انا نوريك البنات .. 

فهد : الحرام ماتربيتش عليه هداك طريقك نتاا...

رعد (رفع عينيه بوجه خالي من التعبير (طلق منو) .. رسم ابتسامة جانبية ساخرة.. زاد وخلاه... بالرغم من انه مادواااش المسج و صل للفهد ... للي ضرب الحيط بيدو.. غضباااان ... رجع حك راسو بندم... عمرو ماوصل معاه لهادشي ولا قلل الاحترام على خوه... رعد وهو نازل فالدروج شعل كارو.. وصل للصالون لقا السيد للي مكلف بالوراق جالس.. غير شافو نااض... عطاه العنواان.. 

رعد : هاهو العنوان.. عطيه يسني وعطيه لفلوس.. الى رفض زيدو.. باان ليك رافض ديال بصح.. حط يدو على خصرو رفع التشرت و بان مسدس .. خرج الدخاان من فمو لي غطى المكان ولا مضبب.. 

السيد : حاااضر اسييدي... 

حرك ليه بيدو باش يخرج... مع بغا يدور.. لقا فهد وراه.. شاف فيه و كمل طريقو.. 

فهد : رعد.. ماقصدتش ديك الهضرة... 

رعد : واش كلشي واجد.. فين سعد... 

فهد : ماتخممش كلشي هو هذاك.. (شاف فيه بحسرة بحالا كايقولو سمحليا )

رعد (ضربو لكثفو) : ماكذبتي فوااالو.. وااش كذبتي فشي حااجة ... كلشي عندك فيه الحق... بانت ليهم وعد داخلة... 

وعد : نعسوو خوتها مساكن.. وهي كيبقات... 

رعد: سيري سوليها 

***** 

نسرين بقات غادة جاية فبيت النعاس شوية وقفاات حدا المرايا كاتشوف فعنقهاا و كاتذكر كلامو.. يخخخ تفتف عقلووو شحال خااامج... يغتاصبووني قااالك 

وعد (دقات و فتحات الباب) ممكن ندخل ! .. 

نسرين : و كاتسوليني هذاا بيتك.. 

وعد : كيف بقيتي شوية... 

نسرين (جلسات بتعب فوق الفتوي) : كيف بغيتي نكوون.. حياتي بين ليلة و نهار تبدلات .. ماعارفاش راسي فين غادة... و ماعارفاش شنو غادي يوقع ليا من بعد.. تفو ندمت حتى صاارحتوو كووون نسحاب نساايس معاه تايمشي و نرجع فحاالي ... اش داني لشي قرع نمشط ليه راسو

وعد (بقات كاتشوف فيها و متعجبة لصراحتهاا ) : ماتخافيش ماغادي توقع ليك حتى حاجة خايبة .. قربات جلسات حداها... تقدري تحسبيني ختك الكبيرة .. و اي حاجة خصاتك قوليهالي..

نسرين : بصح غادي تسافروو غدا و حتى انا وخوتي غادي نمشيو معاكم.. 

وعد : اه.. 

نسرين : وامتى نرجع .. 

وعد: ماعرفتش .. بخصوص هادشي سولي رعد... 

نسرين (بإحراج) واش غانولي ساكنة معاكم وسط عائلتكم !! واش يقبلوونا ولكن حناا را كثاار ... لاا مابغيتش نثقل عليكم..

وعد : فاش نوصلو نعرفك عليهم واحد بواحد بالعكس .. ماتفكرييش بهاكا نتي دبا وليتي وحدة مناا... 

نسرين : ممكن نطلبك طلب .. 

وعد : شنو هو !.. 

نسرين : توصلي رسالة ل ليلى صاحبتي... 

وعد : اوك نقولها لرعد و نرد عليك

نسرين (تنهدااات بتعب اكثر ) واخة .. 

وعد : ولا عطيها ليه هو يوصلها لهم.. اوك حبيبة.. و على حسب الحوايج فتحات ماريوها..

نسرين : لاا شكراا را عندي لحوايج فلباليزة للي جبت من عندهم ... 

وعد : ااوك .. المهم بقات لينا يمكن ساعتين و نسافرو وجدي رااسك... غادي نقولهم يجيبولك لافاليز .. 

نسرين : شكرا اختي.. 

وعد خرجاات و نسرين هزات الستيلو و الاجوندا ..غمضاات عينيهاا بألم تفكراات عمر .. فؤاد .. ليلى .. رضوان.. للحظة ماعرفااتش شنو تكتب ليهم... كيفاش غادي تشرح ليهم موقفها و غيابها المفاجئ عليهم... حطات الستيلو بتردد... نزلات دمعة حارة على خدها .. باحساس مجرووح كتبات ليهم رسالتهاا ... 

أيام مضت سريعة كأنها لحظات ، أيام مضت بذكرياتهاا وحلاوة معناها و كنز دقائقها..، ذكريات الأمس ، ليتها بقيت كما كنت أراها، لكنه قدرا غريبا ابعدني عنكم.. صدفة لم تكن في الحسبان... لاتسألوني ارجوكم لانه ليس لدي جواب... لا اعلم مالذي أجبرني على فعل هذا.. كل ما اعلم ان طيشي وضعني في متاهة.. ليست لها نهاية ..، لن أقول وداعاً بل سأبقى على امل اللقاء.. يوما ما سأراكم جميعا اعدكم بهذاا .... دمتم للصداقة اوفيااء يا اغلى ما املك.. 

فالوقت للي ليلى و فؤاد و عمر جلسو فالدرجة ديال باب نسرين قابطين الرسالة فيدهم كايقرااو فيهاا ... كانت هي طالعة فالطائرة الخاصة ب عائلة الامبراطور .. كادور فعينيهاا يمين و شماال حاااالة فمهاا فالطياارة للي مافيها حتى ديكور كايدل على انها طائرة من غير النوافذ الدائرية... كانت بحال شي قاعة انتظار او صالون فيه فتوياات كوير... واحد مقابل مع لاخر.. و قدامهم طبالي صغار... الموضيفات واقفين كايرحبو بيهم.. بعد ما جلسات وعد و حطات حقيبتها... جلس فهد.. و سعد حيد الجاكيط ديالو ...مهدي داخل مبهوووض كايحك فعينيه و يشوف فداكشي .. نغز رنيا للي كاتقيص فالجلد ديال الفتوي... 

مهدي : واش حنا فحلم ولا فعلم... 

رنياا : وااااو على طيااارة كيدايرة عمري شفت بحالها حتى فالافلام...

نسرين(جلسات حداهم حتى هي كثر منهم كاتبقلل فعينيهااا و كاتشوف فالفتويات و الديكورات .. همسات ليهم) هضرو بشوية شوهتووناا... 

كانت لابسة تريكو كحل خيط بالكمايم مزير الكول ديالو طالع و صدرو على شكل مثلت.. مع سروال دجين و ليبوط فالكحل جامعة شعرها كوت شوفال و مخلية وجهها على راااحتوو ... ماقدراات دير والو من داكشي للي عطاتها وعد... خلات الكدمات للي ولاو موف باينين.... 

الدراري من بعد ماقراااو رساالتهااا بقااو مصدووومين... ناضت ليلى كاتبكي و كاطل على الدار من الشرجم... لااا انسرين ... كولي غير كاضحكي معانا لاااا اختي ماتخليناااش هاكا وتمشي اهئ هئ هئ..

فؤااد : لااا لاا نسرين ماايمكنش تمشي هاكا وتدي معاها خووتهاا .. خاااصنا نعلمو بااهااا.. عمر شاد الرسالة و حال فيها فمو مقادرش يتحرك ولا يستوعب شنووو قرااا... كاانو كلهم ضاايعين.. بنت بحال نسرين مستحيل تنسى و من هنا للقدام ماعارفينش الدرب كيف غايكون بلا بيهااا 

*******

فنفس الوقت نسرين جالسة فالفتوي... صبرات و حاولات تخبي و تجلس وتشوف غير من التساع الديكور ولكن فضولهاا مااارحمهاااش... خاصها تستكشف المكاان شبر ب شبر... قبل مايوصلو و ينزلووهاا وتصدق مضيعة الفرصة... وقفاات بالزربة مع شافتهم هزو راسهم فيها... و هي تمشي عند وعد .. همسات ليها بغيت نمشي للطواليط... 

وعد : ااوك... تكلماات بالروسية مع المضيفة... و جات عندهاا... 

المضيفة (بنفس اللغة ) : تفضلي معايا.. 

وعد : سيري معاها .. 

نسرين (ناضت قافزة) شكراا... 

زادت المضيفة قدامهاا وهي تابعاها حتى تخبااو على انظارهم... 

نسرين : بسكشش صافي اختي غير سيري عااارفة الطريق... 

المضيفة (دارت شافت فيها و راسمة ملامح عدم الاستعاب على وجهها ) 

نسرين : تي باغل اراب.. 

المضيفة : Non, mais je parle français, comment puis-je vous aider, mademoiselle?

نسرين : سيري وخليني عارفة الطريق.. 

المضيفة : Quoi ? 

نسرين : ولاايني مشكلة معااااك laisse moi ياااه... شداتها من كثفها .. (وحركاتلها بيدهاا) سيريي .. غير سيري فهمتي دبا.. 

المضيفة : اوك مادموزيل... 

نسرين (تنهداااات) و دبا اراك للسيااحة... حلات البااب بانتليها الطواليط...دخلات ليها و بقات حالة فمها فالديكور و الرخاام... كاتقيس فلافابو و كاتشوف فلاساش.. وانااااااه على طوااليط نقا من حياااتي... رفعات راسها فالمرايا و هي تخلعععع غطااات وجههااا بيدهاا وييييييلي على وجه يطيح الولد من كرش مووو.. ااي عطييهم ضربة ولاد لكلاااب تفووو اش دخلني للطواليط شداتني الكآبة دبا نتااحر وهما سباابي... اححح على وجه وعد كيدااير عينيها شحال كباار وصافيين.. وجهها مرااايااا بشرتها بحال ديال لي بيببي .. كبر مني تا شبعاات تانباان انا بحال جدا

رعد (دوز على لحيتو بعصبيه ) : وعلاش كاتسولي ... 

نسرين : بغيت نستاافد و نمشي على خطاك... مالهاا ساهلة قتلة دالعصى شديتها .. بلادي و هجرتها روسيا غادة ليها ...(ناضت من حداه) تانحس براسي درت كلشي خاصني غير الخدمة 

رعد : الى ساليتي سدي معاك الباب( رجع تكا).. 

نسرين : عفاااك خليني نخدم معااك ختك حربية را واخة عذبوني غير كانو رابطيني... و ماتنساااش شحال عاونتك.. 

رعد : عاونتيني .. 

نسرين : ااه مالك نسيتي.. (غمزااتو...) اصلاا كون ما انا كاعما تعرف عبد الفتاح على حقيقتوو.. كا و لا ماكا... 😌😌

رعد : كحح كحح... بانت ليه قرعة ديال الما هزها كايشرب.. 

نسرين : نتااا مافيوووزي يااك... 

رعد : لا 

نسرين : خليجي على هيئة مغربي... كون ما عينيك زرقين و كاتهضر الدارجة نشك فيك من آل سعود... 

رعد : تزيدي شي كلمة نلوحك من هنااا... 

تايسمع بالروسية صوت كايطلب منهم كل واحد يشد بلاصتو لان الطائرة على وشك الاقلاع... 

رعد : جلسي... 

نسرين : وتخدمني معاااك... ناااري ولكن القتيلة لااا ... 

رعد مع بغا يشرح لها شنو تقال... الطياارة تحركااات مشات بيها و جااات ... تهزااات حتى جاات زداااف فوق الناموسية جااب الله بعد وجهو و كحز رجليه.. 

نسرين(وهي ممدوودة على كرشها هزات راسها فيه هو لي كايحك فراسو و كايشوف فيها بنص عين ... ) 😠😠 علاااش ماعلمتينيش... 

رعد: بقاااي هكاك ماتحركيش.. 

حدارت راسها كايبان ليها صدرها خارج دورات وجهها فخصرها وشافت مؤخرتها ممدوودة رجعاات شافت فيه صغرااات عينيها وجمعاات فمهاا...(فنفسها) ولد لحراااام عجبك الديكوور ولكن ماشي معايا انااا.. وقفات على يدها و ركابيها بحالا بغات تحبو وناااضت واااقفة كاتقاد فتريكوها و كاتخنزر فيه ... شفتي هاد الفعايل ماديرهومش معايا.. ماجات فين تكملها حتى تسمع راسهاا بببببت فوق ركابيه... سداات عينها وحلاتهم فيه كاتحس بالدوخة ... مع بغات تنوض شدها مزير عليهاا... 

رعد : مااتحركييييش حتى تطلع الطياارة.. ونوضي خرجي علياا...

حيد ليها ركبتو من تحت راسهاا و بعد للطرف دالناموسية خلاها متكية تما... ولات الغرفة كادوور بيهااا جاتها الدوخة... سداات عينيهااا بيدها وبقات هكاك .. حتى سمعاتو كايقولها نوضي خرجي فحاالك... ولكن كراامتهاا ماسمحاتش ليها تخرج مدلووولة حادرة رااسها من بيتووو... داارت راسهاا ناعسة... 

قرب ليهاا كايحرك فيهااا ... ولكن تقنااات الدووور...

رعد : دايرة فيهاا ميتة ولكن تاتفيقي... طفا الضو عند بالها غادي ينوووض ... صايب و سادتو جر عليه الغطى و نعس ..... 

نااري انسرين لينعطاسيلتبوك على هاد التفكير هاحناا تشاركنااا الناموسية تف تف... شنو دبا نوض نخرج... و الى شافني شي حد من خوتو غادي يفهمني غلط .. اصلا تعطلت تعطلت غير خليني ناعسة حدا هاد الكنس... اايه غير المخدة باينة معمرة بالريش... الله على نعيسة شحاال واعرة كون ماهاد الغول.. دبا خفت غير نعس نعاسي خااايب غانصدق تانركل فيه ينوض يلوح مي من هنااا.. وهو بحال شي قنبلة موقوتة... جراات لمخدة واستشقاات عطرو للي فيهاا... احح الله هي زوينة كون ماكانت ريحة هذا.. حطاات عليها رااسهاا وبقاات كاتفكر حتى داهاا النعااااس... كيفما حتى هو نعس... مكايفيق الا على صوت كايعلمهم بالوصول.. ناعس على كرشو بغا ينووض ولكن شي حاجة مثقلة عليه حتى تفكر المصيبة وفعلا كانت هي نسرين فساابع نومة حاطة راسها على ضهرو هادشي شافو من المرايا ... حال عين و ساد عين كايفكر كيفاش يفيقهاا تنوض من فوق ضهرو... دور يديه وشد بصبااعو نيفهاا و زييييير عليه مع بغات تنفس شهقاااات حالة عينيها وراسها فوق ضهرو... كااتكحب... دورات عينيها بانت ليها يديه الموشومة... نااضت قااافزة... 

نسرين : فين انااا (كاتحك فنيفها)

رعد : شوفي اااخر مرة تجي تخشاااي فشي بلاصة اناااا فيهاااا 

نسرين : مااالك انا باااش عرفت غاااادي يديني نعااااس عندك... 

رعد: فااااش نكوووون كانهضر ماترضيييش عليااا... 

نسرين : على مااالك شكووون نتاا فملك الله

رعد(ناض وقف عليها وياريتو ماوقف كاتباان قدامو كيف النملة) : قلتليك ماااتراضيش معاياااا .. 

نسرين : اتقتلني مثلاا...نقص نقص شوية من العيااااقة و التكبر را الكبير هو الله .... حلات البااب خبطااتو وخرجاات قبل ماتمشي عندهم... دخلات للطواليط قادات شعرها للي كان مرون و غسلات وجهها للي بااين عليه بلي كانت شبعاانة نعاااس ... خرجات لقاتهم واقفيين بغااو يخرجوو.. 

فهد و سعد شافو فيها باستغرااب وشافو فبعضياتهم... 

وعد (قربات ليها بهمس ) فين كنتي... 

ماجات فين تهرب من سؤالها حتى تحل الباب باش يهبطوو.. ناض سعد كان تايهضر مع مهدي و نزل هو وياه ... و تبعو فهد للي كان تايلعب مع رنياا...

نسرين : وااش وصلناا... 

وعد (باستغراب ) ااه... 

نسرين (شافت فيها) ماكنت فحتى بلاصة كنت فبيت خوووك.. بغيت نسولك واااش مريييض داااك السيد ... ناااري شحااال فيه دالعيااقة و مغررووور تفوو لا علاقة معاااكم و سمحيليا اويلي خنقني عالله مايقتلني

وعد بغاات تقرصهااا و كاتبتااسم لرعد للي وراها.. 

نسرين مع دارت بان ليهااا ضرباات فيهم ونزلااات فالدروج بالنفاااخة.. وعد ماعرفاش اش تقوول حشماات فبلاصتها.. نزلات حتى هي .. و تبعهم هو ... كان الجو بحالا مستقبلين شي ملك ولاا شي رئييس ... بزاااف ديال ليكاردكوور و الطموبيلات واقفين مع شافوهم نازلين بداو كايديرو حركات بيديهم و كايتكلمو فالسماعات هادشي بزاااف على مافيوووزي... بعد مادارو التحية ليهم فتحو بيباان الطموبيلاات... خاص غير البساط الاحمر و يكمل المنظر... دخل رعد للميرسيديس العبارة من الداخل عن جلسة صالونها بحال شكل الطيارة...للي شوية دبا نزلو منها... تبعو سعد ووعد... 

رعد : (حرك لفهد) ... خودهم فطموبيل اخرى هادي ماكفياااش... ايه يجري فيها الخيل قالك مكافيااش ... 

حلو ليهم الطمووبيل التانية وركبات على عينيها... مارضااااتش بالقمعة للي دار ليهاا.. حاولات تسرطهااا ولكن والو... غادة و كاتشوف من الزااج الطريق... 

فهد : مهدي حناا دبا فمدينة موسكوو.. 

مهدي كايشوف من الزاج... العاصمة واااااعرة شووفي ارنياا شوااارعها كيدايرين... 

رنيا : امم ولكن مكايباان ليا انا والو... 

فهد : يسس خاصنا نخرجو و ندورو فيها على رجليناا باش تشوفيهاا كااملة متأكد غادي تعجبكم... 

مهدي : شحااال و نتا فيهاا.. 

فهد : انا تزاديت فيهاا... 

هما كايدردشوو مع بعضيااتهم و نسرين ماقدراااتش تنسى القمعة للي قمعهاا كون صابت الارض تشق و مايديرش ليها هكاااك... لحقاش هي ماكذباات فوالو اااه مغروور وقيه العيااقة... هاكا كاتحاول تقنع راسهاا..ضربو مسااافة طويلة بالسيارة عاد وصلو للبااب الرئيسي للي كايدخل للقصر ... نسرين دارت تشوف من الزاج للي وراها بانو ليها بزاااف ديال الطموبيلاات تابعينهم بالصف... بحال شي موكب ملكي... دخلات الطموبيل للي فيها رعد و تبعوها هما و هنا بدا كايتبين ليهااا انهم داخلين لقصر فخم كاتوسطو خصة كبييييييييييرة فالبيض و كاينبع منها الما.. دارو الطموبيلات على ديك الخصة ووقفو قدام البااب للي واقفين فيه نساااء و رجال مستقبلينهم بااينة عائلتهم ... 

الحراس حلو الطموبيلات... و نزل سعد كايتسالم معاهم كيفما نزلات وعد قابطة فيد رعد... نزل مهدي ورنياا .. و تبعهم فهد للي دار يعاون نسرين باش تنزل... هزات راسها ف رعد و رجعات شافت ففهد ...كانو يدها كايرجفوو شدات فيه بالجهد.. قرب ليهاا ماتخافيش خليك مرتااحة... 

نسرين (بهمس) عمري تحطيت فهاد الموقف قلبي تانحس بيه غايوقف .. 

فهد : لهاد الدرجة

نسرين : عمري جربت نكون ضيفة عند شي حد...حتى عائلتي مكانمشيش عندهم... 

الشيء للي خلاها ماتعرف كيف تصرف بلعات ريقها.. الحمدلله كاين فهد كاتخايل كون جات هي ورعد كاعما يتسوق ليها ولاا يحااول يهدنهاا... للي لاحظاات انهم فرحاااانين بيه كثر من خوتو و دايريين بيه و كل وااحد كايسلم عليه من جهة بحالا عمرهم ماشافوه ... 

نسرين (فنفسها) داكشي باااش ضااسر يخخ شلا فشوووش دايرين ل هاد خيناا واخة يكون تايصنع الصواااارخ...

سعد قرب ليها..... ممكن تفكري فصمت.. 

نسرين : سمعتيني 😱 

سعد : ههه مكاتعرفيش تخبي.. عينيك غادي ياكلووه.. 

نسرين : الصراحة اخويا كانحاول نبلعو..ولكن والو مكايتسرطش لياا.. واخة ندوزو بلما القاطع غايبقى واحل هنا حطات يدها على حنجرتها

سعد : ههه علااش !.. 

نسرين : الى جيت ندوي مغاديش نسكت .. 

سعد : ههه على نتي كاتسكتي.. 

حك لحيتو و خشا يدو فجيابو كايشوف فيهم كايتسالموو.... هزات راسها فيه وبقات حالة فمهاا... دار عندها.. ااه نسرين مرحبااا بيك عندناا... كانت سااهية فملامحو.. 

سعد : نسرين كاتسمعيني... 

نسرين : احم احم... نعام.. 

سعد : مالكي... !!

نسرين : خويا واش هادو عينيكم ولا مسلفينهم نتا وخوتك.. اااو هازرق هالرمادي ها لخزي... بزاااف.. كااع التيتيز ديال الكرة الارضية جمعتوه ف هاد القصر حتى الرجال لكباار عندكم واعرين.. ربي شوف داك التيتيز شافت ف صهيب .. شوف ياخويا الوقفة و الشييب كيجاه 😍😍 بحالنا حنا غير كايوصل ل 44 عام كايطيح ليه الفم بالشقوفة ووجهو كايولي مكمش بحال الشريحة ... 

سعد ( مااقدرش يتحكم فراسو تهز بالضحك ) ههههههههههههههه شفتي نتي علااااااام واش هاربة من شي سبيطار ديال الحمااق .. هههههههههه 

حتى هي بداات كاضحك و ماردوووش البال للجمهوور ديال بنادم للي دااار كايشوف فييهم و كايتسااءل.. 

رعد : ضحكوونا معااكم.. 

سعد : ههههههه اهه علاش لاا

فهد : بلييز بغيت نعرف اش قالت ... 

نسرين (خرجات عينيها ف سعد) : تا سكت ... 

سعد : اجي معااياا( حط يدو على ضهرها و قربها لعندهم .. كانت متوترة و بما ان ماشاداش حقيبتها للي تفرغ فيها داك التوتر.. جراات خوها من كثافو ووقفات قدامهم.. بان ليها راجل كبيير راسو بيض بالشيب ولكن واخة هكا مزال شاد فراسو .. ومضهرو أنيق .. واقف كايشوف فيهاا... 

سعد(باس يدو) : نعرفك... هذاا كبير العائلة جدي عبد العزيز.. و هادي لبنت للي هضرتليكم عليها ههه نسريين الحمقة.. و هذا مهدي خوهاا.. و الصغيورة رنيا ختها ...

السي عبد العزيز.. : اهلااا اوليدااتي متشرفيين ... مرحباا بيكم وسطنا... حط يدو على راس مهدي كيداير البطل لاباس عليك...

مهدي : الحمدلله اعمي... مد يديه لنسرين مرحبااا بيك ابنتي.... شدات يدو باستهاا ... ترحب بيك الجنة اعمي.. 

السي عبد العزيز : الله يرضي عليك ابنتي.. 

سعد : نعرفك ب ستي ليلى... 

نسرين شافت فيها كانت مرا كبيرة لابسة البيض و دايرة حجابهاا باين عليها الوقار والحشمة ارتااحت لملامحها الآمنة... 

السيدة ليلى : اهليين بنتي كيفك.. شاخباارك... 

نسرين (تعجباات للغتهاا) :. الحمدلله... (فتحاات ليها يدهاا بزوج و احتضناتهاا... فداك الحضن حسااااات بالامااان تفكراات جداااهااا.. بادلاتها العناق ولكن دغيا بعداات مكاتحملش الحناان اكثر من اللازم... 

سعد (شاف فيها و غالب عليه الضحك) : اممم وهذا عمي صهيب.. الشاااف دياالنااا... (غمزها)

السي صهيب (كان واقف لابس قميجة ماغون مع سروال توب و لافيست فالبيج.. رجل فالخمسيناات بالرغم من الشيب للي مطرطق ليه فشعرو و لحيتو للي فيها عدد قليل ... الى ان حروفو الحرشين و عويناتو العسلية بااقين هما هماا و بالعكس غير مازاد زياان ..... ( ابتاسم ليها) نسريين المشااغبة يااك... 

نسرين (ابتاسمات ليه بخجل ) شكون قالها لك.. 

صهيب : ههه وقالولياا راكي ملاكمة واااعرة.. نديرو شي كومبة... 

نسرين : اهاااه وقت مابغيتي... 

صهيب : ههه حتى ترتااحي.... ولكن واخة شارف ماتغلبينيش.... 

نسرين .. ههه نشوفوو.. 

فاطمة (كانت معنقة رعد) : غير شافتها وهي تنقز عليها الله الله الله على لبنت مسكيينة كيف ردو وجهها يعطيييهم القطييع 

نسرين (فنفسها) هما وللي كان سباب (كاتشوف فرعد)... 

تلاحت عليهاا عنقااتها بالجهد حتى نسرين حسااات بالالم فضهرهااا صبرات ولكن ماقدرااتش.. اححح اخالتي تكايسي حميمتك ضهري باقي تايضرني... 

(ترسمو على ملامحها الشفقة) شافت فرعد وااش خديتوها عند الطبيب.. 

وعد : نوو واخة عاينتها وعطيتها الدوا ولكن خاصها دير السكانير ضرووري.. 

رعد : نفطرو و تمشي ديرو...

نسرين : لاا لاا غير شوية الوقت و نبراا... 

فهد : ماتقوليش ليا كاتخافي من الطبيب... را وعد طبيبة.. 

نسرين : بصح 😲.. عفااك عندي عقدة من السبيطارات.. 

وعد : هههه يكون خير الحميمقة... 

رعد : فين عمي يااسر و عمااد... 

صهيب : خدامين اولدي و حتى رانياا ونهى يقدرو يكونو هنا فالعشاا... 

سعد : اااه نسرين هادي خالتو فاطمة.. مربيتي و مرت عمي صهيب وخالتي .... باس ليها راسهاا.. الله يخليك لينا.. بصراحة باينة فيها مرا حنييينة و ضريفة و حتى هضرتهاا متوااضعة.. 

من بعد التعارف والسلاام دخلو كاملين للداخل و هنا بدات نسرين وخوتها كايشوف فالزخاريف ديال القصر و رفعو روسهم فالسقف كايشوفو باعجاب فالشكل و الثرياات.. نزلو روسسهم فالطبلة الطويييلة بكراساهاا... للي فالراس ديالها جلس السي عبد العزيز و كلهم خوااو الطريق لرعد باش يجلس فالكرسي مقابل مع جدوو ... فنفس البلاصة للي كان شحال هادي من عام كايجلس فيها باه ليث...ولانو شاف راسو مايستاهلهاش.. خواها لسعد و جلس هو فجنب ... 

الخدامة جراات الكرس

ليلى : كلي بنتي لا تخجلي... (شافت فرنيا) شو بتحبي تاكلي 

الخدم دارو عليهم و كل خادمة تكلفات بشخص.. حطات الطبسيل قدامهاا.. و عمرات ليها تبصيلها بلي فخوي..و حطو ليها فراشط و عصير ... 

نسرين (همسات لخوها ) هادو ماعندهمش الخبز واتاي... 

مهدي : شش 

نسرين : اييه المعزي شفتي الكيوي وقلبتي وجهك... 

الحمدلله عرفت نهز الفرشيط جااب الله هادشي مقطع طريفات صغاار مانحتاجش للموس... فاش شافتهم بداو هزات حتى هي كتاااكل ولكن مااشي بشوية بحالاا عمرهاا شافت الماكلة راا ملي جات لعندهم للفيلا ماكالت.. 

رعد : بالصحة... حط السربيتة و ناض.. 

السي عبد العزيز : من هنا لشوية اولدي رعد نتلاقاو فغرفة الاجتماعات.. 

رعد : اووك .. شحال فالساعة.. 

فهد : 8h... 

رعد : صاف مزياان ... 

فاطمة : رعععد علاش كاتسول على الساعة.. 

رعد :مسافر مع 10 

كلهم شافو فيه بتعجب... 

ليلى : لأ ابني انا ماصدقت شفتك حبيبي.. لا تروووح الله يخلييك... 

رعد : فطرو دبا و من بعد نهضرو ... 

فاطمة : اشمن فطووور بقاا لينا ....

صهيب : شهااد الزربة اصاحبي.. 

السيدة ليلى(ناضت عندو) : دخيلك ابني وين بدك ترووح ... 

نسرين(فنفسها) : ناااري خاااصني نعرف الحاجة منيين واااع على لغة 😂

رعد : ارتااحي نسالي شغالي و راجع باس ليها راسهاا..

حل الاسنسوور و طلع بقات نسرين متبعااه بعينيها مصدوومة ماشي فيه فالاسنسور للي فقلب الدار اححح باينة غادي نستمتع فهاد القصر و نعطيييها غير الزهو و النشاااط ... وطلع هبط حل سد فالبيباان مالها تاهادي خدمة.. للي بغا يطلع يخلص ورقة...

بعد مافطرو كل واحد من الرجال ناض لشغلوو.. 

السيدة فاطمة : اجي معايا.. نوريك بيتك ..

نسرين : واخة.. مشات معاها ووقفو حدا الاسنسور كاتشوف فالزواق ديال الاسنسور شوية تحل طلعو فيه... 

نسرين : خالتي واش نتوما مغاربة !.. 

فاطمة : ههه و باش كاندوي معاك.. 

نسرين : علاش ديك السيدة كاتكلم بديك اللهجة.. 

فاطمة : لحقاش فليسطينية ... 

نسرين : واش جدات سعد ياك وعلاش جدو كايدوي ب المغربية ...

فاطمة : لحقاش جدهم مغربي و جداهم فليسطينية.. 

نسرين : وهي مت عمو صهيب راجلك ياك دبا هي عجوزتك..

فاطمة : ااه .. و جدات وعد و رعد و فهد و سعد... 

نسرين : و مالهم فهاد الوزن والقافية.. 

فاطمة : لحقاش تزادو توااام.. مابغيناش نبدلو ليهم السميات 

نسرين : زوج زوج.. 

فاطمة : لا ربعة دقة وحدة... 

خرجاااااات عينيها و حلات فمهااا اووووويلي كيدارو ليهاااا..... 

فاطمة و هي كاتحل فباب دبيت النعاس.. المكاتييب... 

نسرين : وفيناااهماا واليديهم... واش مكاينينش...

فاطمة (دخلات كاتحل فالريدو بأسف ) ماتو ابنتي الله يرحمهم..

نسرين (خرجات عينيها بصدمة شدات فمهاا ) من امتى 

فاطمة : سنين هادي.. 

نسرين : مكانش فراسي الله يرحمهم... (حدرات راسها بالم واليديها مشاو و خلاوها بارادتهم سمحو فيها و مع ذلك كاتحس بالنقص حسبلاااك تكون الموت خداتهم منك حسات بالخنقة... مشات كاطل من الزاج على الجردة بان ليها رعد وااقف كايكمي... و كايشوف بعيييد باينة فيه مهموووم حاط كثفو على الحيط يد شاد بيها الكارو و يد خاشيها فجيبو..... 

نسرين(وهي كاتشوف من الزاج فرعد) : باش ماتوو.. 

فاطمة : شهداء .. 

نسرين : يعني ماشي موتة عادية قتلوووهم... 

فاطمة : بعد ما قالت بسم الله الرحمن الرحيم ... .. وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا ۚ بَلْ أَحْيَاءٌ عِندَ رَبِّهِمْ يُرْزَقُونَ (169) فَرِحِينَ بِمَا آتَاهُمُ اللَّهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلَّا خَوْفٌ عَلَيْهِمْ وَلَا هُمْ يَحْزَنُونَ (170) صدق الله العظيم

نسرين : صدق الله العظيم.. وولادهم كيفاش تقبلو الخبار

فاطمة : يمكن ليك تقولي قدماا حزننا على فراقهم صبرناا لحقاش يموتوا شهدااء كانت امنيتهم.. بعدما وصلو رساالتهم و حاربو ماتو على قبل بلادهم... الا رعد 

نسرين : علااش ماصبرش..

فاطمة : كايحس براسو هو السبب فموت واليديه... بغات تسولهاا علاش شنو دااار... ولكن حسات براسها كثراات الاسئلة... 

نسرين : داكشي علاش بغا يمشي.. 

فاطمة : ااه .. مكايبغيش يجلس فالقصر اي حاجة كاتفكرو فيهم ... الى مشا دبا يقدر مايجي حتى لشي مناسبة اخرى... 

نسرين : الله يرحمهم يااربي.. 

فاطمة : خلي هادشي بيناتنا وايااك تقوليلو شي حاجة... الكلام عليهم ممنوووع قدااامو مكايجبدهمش ..

نسرين : كووني هاانية... دارت كاتشوف فالبيت.. 

فاطمة : عجبك بيتك... 

نسرين : وااااااااو هااادشي كاااامل ديااااالي... 

فاطمة : هههه اه واش عجبك... 

نسرين حيدات ليبوط ديالها و طلعات فوق الناموسية كاتنقز... واااااااعر ...اححح االله شحااال رطبة هاد الناموسية... 

فاطمة : هههههه فكرتيني غير فراسي اول مرة جييت كنت غادي نحماااق... 

نسرين : علااش واش تانتي جيتي ضييفة... 

فاطمة: انا جيت اسيرة... الصراحة مامات رعد الله يرحمها للي جابوها اسيرة انا كنت الخدامة ديالها و صاحبتها و بحكم كنا مع بعضياتنا جمعونا ...

نسرين : لاا ماتقوووليهاش اخالتي.. واااااوووو و كيفااااش تزوجتي بعمو صهيب و صاحبتك الله يرحمها ولدات رعد... 

فاطمة : قصة طويييلة ابنتي ... حتى لشي مرة و نعاودها لك.. 

نسرين : متشوووقة نسمعهاا منك... تلاحت عليها عنقااتها... ماعرفتش علااش ارتااااحيت لييك... 

فاطمة : اعتاابريني بحال ماماك.. واي حاجة خصااتك جي عندي اناا مجربة هادشي للي كادوزي منو...ولكن غير خلي ايمانك قوي بالله راكي طحتي فناااس الله يعمر ليهم الدار... 

نسرين : بااينيين... رجعات كاطل من الزاج مابانش ليهاا.. 

فاطمة : غادي يكوون فغرفة الاجتماعات... 

نسرين : شكوون ؟ 

فاطمة : هذاك للي كاتساراي عليه... و الله يابنتي حتى فعاايلك جربتهم..

نسرين : والله حتى غير بقا فياا فاش عرفتوو يتيم اخالتي والله.. اويلي زعماا انا وياه... را مكانحملووش... ماقلتي فهد ماقلتي سعد جيتي للوحش ديريكت .. 

فاطمة : هههههه ايااه قول حاطة عينيك عليهم كاملين... 

نسرين : لاا اخالتي ولله

صهيب : رعد تهدن.. 

السي عبد العزيز : مزاال ماكملتش كلامي ... ليث تزوج بعائشة باش يحميها ويكون فجنبهاا بالرغم من انه كان مزوج بدينا بنت عمتو... 

رعد(قاطعو رعد) : بغيتي تفهمني بلي مكانوش كايبغيو بعضيااتهم و تزوجهاا غير على حسب الاعرااف ديال القصر ... 

السي عبد العزيز : بالضبط هادشي للي كانقصد... 

رعد : الوليد الى تزوج ب الوليدة ..لحقاش كان بينااتهم حب كبيير لحقاش كانت اسيرة عندو و اضطرو يعيشو بزوج مدة حتى بغاو بعضياتهم ... و الاعراف ماكانو الا صدفة زوينة قرباتهم من بعضياتهم ... ولكن انا علاقتي مع هادي لا علاقة بداكشي للي جمع واليديا... مكانعرفهااش و مابيناتنا حتى شي عامل مشترك للي يقدر يخليني نتزوج بيها.. 

السي عبد العزيز : مااايمكنش نخلي هاد البنت فدااري... لا دينناا ولا معتقداتنااا كايقوولو هادشي.. كيفااش غادي نخلي بنت غريبة فالقصر وسط بززااف دالرجاال... شاف فسعد شحاال فعمرها.. 

فهد : باقا صغيرة ... 

السي عبد العزيز : شحال بقا ليها و تكمل 18 عام 6 شهور.. عام ... 

سعد : مكاملش شهر.... 

السي عبد العزيز : اذا البنت راشدة شمن شرع كايقول تعيش و سطناا اا باشمن صفة اا .. ختك بنت عمك مراتك... تاوحدة من هاادو... و انا لحد الان مزال ماقلتش تزوج بيها نتا ارعد حتى نعرف شكون الوصي عليهاا من بينكم نتوما التلاثة للي جبتوهاا ...واحد فيكم هو للي غادي يتزوج بيهااا و ساليو علياا هاد المهزلة...... سعد و فهد شافو فبعضياتهم ... اما رعد من كثرة الاعصاب هاز الستيلو و كايضرب فيه مع الطبلة حتى طير لخشب للي فيها ... بغضب شااف فجدوو... 

رعد : انا للي جبتهااا ... وانا للي مسؤوول عليهااا... 

السي عبد العزيز : و انا ارعد هذاا هو كلامي اللخر مستحييل نخليهاا هناا بلا موجب شرع... بغيتيها تبقى وسطنا تزوج بيهااا... 

نسرين سالات مع السيدة فاطمة وخرجاات كادور فنفس الجنااح ... كاتسالي من بيت و دخل لاخر حاالة فمها فالبيبااان حتى وصلات لكولوار كاتسمع فرعد تايهضر بصوووت عااالي خارج من الغرفة للي اونفاص معاها... 

نسرين : او هذا مالو ... قرباات شوية قدما كاتقرب قدما الصوت كايزيد يتجهد.. حطات وذنها على الباب و بدات كاتسمع 

رعد : اصلاااااا انا غالط للي جبتها لهنا... خبط الطبلة بعصبية و ناض خارج... 

السي عبد العزيز : شنوو غادي تديها معك لدارك.. 

رعد : ااه غادي تسكن معاياا و هاكا تبقاو مرتااحين ..

صهيب : شنوو هادشي ارعد... 

رعد : رااكم عاارفين مزيااان انا ماباااغيش نتزوج من زمااااان عاااد نتزوج بهااادي ...

السي عبد العزيز : مستحييييل نخلييك ا رعد تديها معك ماااشي حتى لاخر اياامي و تخليني نرتكب اثم كبيير بحال هذااا... 

رعد : و انا مغاااديش نتزوج بيهاا.. خاصكم تفهموووو بلي هي لااا علاقة ليها بخدمتنااا ماماكااانت ضابطة الموسااااد وااش فهمتووووو ... هاادي غير بنت بسيطة طاحت فمشكل كبير ماعندها حتى دخل فيه.. وانا واجب عليا نحميها حتى نشوفو اخرتها

صهيب : المهم طااحت فالمشكل ارعد و الاهم هي دباا وسطكم وتاحاجة ماغادي تغير هادشي ... استهدي بالله حنا مسلميين و حتى حاجة مكاتقول ندخلو غريبة وسطنا على اي اساس... 

رعد : نتووماا هاكا كاتجاوزو الحدوووود .. ولكن للي فراااسكم غادي ديروه بغيتوني نتزوج بوحدة مابغيهاااش

نسرين كااتسمع و مصدوووومة اااه هي البنت للي كايدويو عليها فلدااخل و حتى واحد منهم ماكلف راسو يسولهاا شنو رأيها دايرين ليها بحال شي لعبة ... و فووق من هادشي بغااو يزوجوها لواحد حتى بينها و بين راسها مافكرااتش فيه... العرق للي باقي مهدن فراسها ضرب و جنوونها طلعووو بدوون ساابق انذاار حلااات الباااااب بالجهد... 

نسرين : نتاااا الى ماابغيتينيش مرة انا مابغيييتكش الف... 

ناض فهد مصدوووم كيف ماناض سعد و صهيب.. اما الحاج كان واقف و رعد كان حاط يدو على الباب كون ما بعد وجهوو كانت غاتجي فيه الضربة دلباب للي حلات بالجهد .... 

نسرين : شكوووون قالكم انا كاااانفكر فالزواااج و بيمن غادي نتزوج بهذاااااا.. (كاتشوف فيه بكره.. رجعات شافت فالحاج ) للااا اعمي انا ماجيتش على اساااس باش نتزوج... ااه واااخة تقلبات حيااتي سفاها على علاها صبرت جيت لبلاصة ماعرفاهاش صبرت... بعدت على ناسي صبرت .. ولكن باااش تزوجوووني لااا لاا هاادي للي مانقبلهااش .. فهد عفااك هضر قووول شي حاجة انا ... انا مابغيتش نتزوج بييه... و الى كان الدين كايقول ماخاصش غريبة تبقى وسطكم.. كريو ليا فشي بلاااصة انا وخوتي اصلاا كنت عاايشة بوحدي... و قادرة نتحمل المسؤوولية نخدم نرجع ليكم فلوسكم و ماتعرفووووني مانعرفكم... 

السي عبد العزيز : ياااريت كون جات فهادشي وااش ماعاودتوش لها خطوورة وضع للي تحطات فيه.. 

صهيب : شووف ابنتي نتي امانة عندناا خلينا نكملو نقاشنا و مايكون غير خاطرك.. 

نسرين (بوجه صاارم .. للي شافها مايقولش هي البنت للي كانت كاضحك شوية هذا...) : اشمن نقااش... تغصبوووني فحياتي هذا هو النقااش ... ااا 

رعد (شدها من ذرااعها) زيدي قدامي... 

نسرين (كاتنطر منو ) : بعد مني... طلللق .. ماتسوقش ليها جرهااا من ذراعها و غادي بيهاا فالكولوااار بالجهد و بسرعة منزلها فالدرووج كاتقول غتكربع ... فهد و سعد خرجو كايطلو عليهم... 

السي عبد العزيز (حس بالسكر نزل ليه جلس فوق الكرسي بتعب..) 

رعد مع حل للباب ديال بيتو دفعهاا وسدو بالجهد حتى نااض كاع للي جالس فشي بلاصة كايتساءل شنو واااقع ...

خرجات عينيها فلبيت لي ماعرفاتو واش بييت ولا دار اخرى وسط هاد القصر بما انو فالسفلي كان مفتوح على الجردة و كاتوسطو ناموسية ومكتبة كبييرة لاصقة فالحيط عاد كاينين درووج ديال الخشب فوسط الغرفة كايطلعو للفوق... بقاا غادي جااي عليهاا بعصبية .. بغات تحل لباب باش تخرج سووورتووو و رمااه للفوق...

نسرين : شنووووووو كاادير... 

رعد : نتي للي شنوو درتي هاا..شكوون نتي اصلااا.... 

نسرين : انااا وحدة كاداافع على حقهااا... 

رعد (قرب ليهاا حط يدو على دمااغها ) : شششمن حق ... ااااا شممممن حقققققق 

نسرين : وااش حماقيتو ولا بغيتو تحمقوووني... ااه ولا قلتي هاادي رخيييصة شرييت باها بشوية الفلووس و بين ليلة ونهاار جبتهاا اذاا نتزوج بيهاا عاادي .. قووول ماشي هادشي لاش كاتخطط نتا و عائلتك... (خبطاتو بيدها لصدرو ) انااا ماسااكتاش على حقي...وفين مابغات توصل توصل..

بالجهد للي فيه جمع لها يدها و دورهاا .. حاكمهاا بغضب

نزل راسو على وذنها كايتكلم : حذرتك شحاال من مرة باش تحيدي هاد التنقاااز معايا... و مابغيتيش تفهمي و مغاداش تفهمي بلي الزوااج منك نتي عمرووو ماغاايكوووون ... بالجهد رجعات راسها للور بغات تعطيه بروسية ولكن خوا بيها.. ... 

رعد(حاكمها بيدو ) : ههه يالاه جربي... (هزات رجليها حتى هزاتها و هي تعفط عليه... ماتحرك فيه حتى شوية... )

رعد : زيدي جربي حضك بشي حاجة اخرى تاني .. (كوون داارت و شافت ملامح و جهو و كيفاش العروق غادي يطرطقو من جبهتو ماتزيدش هضرة ولكن هاادشي حساات بيه من ديك الشدة للي شادها شافت يديه كيف خارجين منها عروقو على شكل كابلياات ...)

نسرين(بصرااخ) : طلق يدي ... (دفعها حتى كانت غاتجي على راسها...) 

نسرين : مزياان تبااارك الله كاتهضرو ف اموري و تحللو وتناقشو بلا شواري... وبغيتوووني نسكت... ولكن راك غالط السي الفااهم...الى كان عند بالكم انا صغييرة .. خااصك تعرف بلي التجارب للي كادير العقل لبناادم ماااشي العمر... العمر غير ارقاام.. (وقفاات كاتماسي فيدهاا للي واجعاها) ااييييه واحد بحالك عاايش فهاد العز كلو مامجرب واالو و عقلك خااااوي هادشي علاش عائلتك بغاو يزوجوووك عالله تعمروو بولاادك ... ماجااات فين تكمل هضرتها حتى تهزاااات بواحد التصرفيييقة تسمعاااات طراااااااخ على وجهها جاات مرمية فالارض.. وقفااات شادة خدهاا.. و الدموووع تحجروو فعينيها ولكن ماابينااتش و مابغاااتش تبين كاتحاااول تصنع القوة ولو كان شي حد احتضنهاا فديك الساعة كانت غادي تبكي بكاع جوارحهاا على هاااد الحكرة للي حكرووهاا... بلعااات ريقهاا و ماخلاتش دموعها يتساقطو 

نسرين(بنبرة استهزااء) : ههه مرييييض نفسي..نصحك سير تعاالج... و كأنهاا قاست وترو الحساااس عض على سناانووو وحاول يمسك اعصابو... 

رعد : غبري من قداامي... 

نسرين : هاهي غاابرة مااكرهتش تاانتااا تغبر... بغاات تحل الباب لقاتو مسوورت دارت شافت فيه كيفاش كايطلع و يهبط فالنفس و مزير على يديه... و عرووقو غادي يطرطقو من وجهو و ذرااعو و عنقووو... مزاادتش هضرة طلعااات للفوق كاتجري بعصبية تسارات على الساروت حتى لقاتو و ناااازلة بالزربة مكااتشوفش الخطوة للي غااادي ترمي كاتنعل فرااسها وفيه و فواليديها للي سمحوو فيها كرهااااات كلشي مزاااال كاع ماكملات نهار فقصر الجحييييم.... فبلاصة ماترمي خطوة وحدة رمات تلاتة خواات بيها رجليها زلقات فالدروووج بقات كاتكربع وكاتستنجد بيه خو للي كان خاارج من الباب للي مفتوح على الباركينغ و الجردة... حتى كاايسمع باااااات تبعها الانيين ديالهاا ... دخل كايجري لقاها مرمية على كرشها وشادة بيدها رجليهاا مفيكسية ماقادراااش تحرك... تخخخخلع نزل على ركابيه...

رعد : مااالكي ؟؟؟؟

نسرين : ااااه رجلليييي اااااييي هئهئهئ.. رجلي مكانحسش بيييهااا وضهري تاايعطييني صداااع اااااهئئ ئ..... 

ماااعرف باش تبلى وكيفاااش يتصرف... كايدوز على شعرهااا.. صبري مااااتخافيش... جرهااا لعندووو بشوية 

نسرين : اييياييييي ... ( هزهاا بين ذراااعو... ولااا حمممر و عينيه مفيكسيين فيهااا.... ) ماتبكييييش ... 

نسرين : واااش غادي نتشللل اهئ 

خرج من الباب ديال الجردة كااايجريييييي بانو ليه الحرااااس حرررك لواحد فيهم باااش يحل الطمووبيل... بالزربة حلهااا ... وصل ليها حطها للور خدا من عندو الكونطاك... و كسييييرااا بسرعة خرجاات فاطمة كاطل... اش وااااقع ؟؟ 

فهد : هذاااا مالووو فين نسريين... 

رجعوو كايطلو فبيتو مالقاوهمش... 

نسرين متكية اللور و كاتبكي... ااييي رجلي كاتعطيني الصداااع... ااااايهئهئهئ ضهري قتلنيييي.... غادي نموووووت.... كلامهااا خلاه يسووووق بسرعة جنوووونية من حسن الحظ كاانت طريق الكلينيك خاااوية... مساافة طريق وصل للمستعجلات.. و خرج هااازهاا بين يدييه كاينادي للممرضات للي جاو بسرعة حملوها فوق البياااص .. من كثرة الخوف شدات ليه فيديه بقا غادي معااهم حتى دخلوها للغرفة و هنا وقفوه الطبيبات فرق يدو على يدهاا بشوية.. و هدنها بعينيه... مشا لريسيبسيون كايسولهم على خالتو وردة الطبيبة و رجالها الدكتور مصطفى للي هو مول المصحة ... باش يتكلفو بهاا خصيصا... طمناتو الممرضة ان الدكتورا وعد غادي تعاينهاا... دوز يدو على شعرو بتوتر ورجع وقف قدام الغرفة... مرة جالس مرة غادي جاي مرة واقف فالاخير خرجات وعد... حاول يفهم منهاا بلي تكسرات من رجليهاا و تقصحات فضهرها و يدهاا... رجلها بسبب الطيحة و الباقي بسبب التعذيب للي تعرضات ليه من طرف الجماعة للي اختاطفوهاا.. 

وعد(كاتحرك راسها بحزن) : خاص هاد البنت ترتااح و تبعد على المشااكل .. هضرت معاها باش تبقى هناا ولكن رفضااات بغات ترجع لعند خوتهااا ... 

رعد : واش مكاينش شي خطر عليها... 

وعد : من غير رجليهاا لاا..ممكن تخرج.. الى بغيتي دخل شوفهاا نخلييك عندي حالة صعييبة.. 

جاو الممرضات كايجريو لعندهاا.. دكتوورا الطفل مابغااش يتقبل مووت والديه... شاف فيهم رعد بصدمة )

وعد : ياااك قلتليكم ماتعلموووهش دبااا 

الممرضة : تصادف معاهم فاش خرجناهم من البلوك..

رعد مع دار بان ليه دري صغير كايبكي.. بلامايحس لقا راسو عندو نازل لنفس المستوى ديالو و شادو من كثافو كايصبر فيه من خلال كلام الدري المجروووح عرف بلي فقد واليديه فحادثة سير... 

نسرين مخرجاها الممرضة فالكرسي المتحرك... حتى كاتبان ليها وعد كاتكلم مع الناس وفواحد الكولوار خااوي شافت رعد هااز دري صغير كايتكلم معااه و بحالا كايحاول يواسييه... طلباات منهم يخليوها توقف على رجليها جرات عكاكزهاا و بدات غادة بشوية متجهة لعندو

نسرين متجهة لعندو كانت كاتسحاب واش كايهضر معاه ولكن كان غير شادو و كايشوف فيه كايبكي ... قربات لعندو بغات تسولو شكون هاد الولد ولكن سبقاتها الممرضة شداتو من عندو ...

رعد(بالروسية) : واش عندو عائلتوو.. 

الممرضة : اه را جات خالتو تاخدو معاها.. 

رعد : اي حاجة خصاتو قولوها لوعد... وفنفسو عارف بلي حتى حاجة مغادي تعوضو فراق واليديه وحتى حاجة ماغاتخصو من غير واليديه . شاف فوعد للي كانت واقفة خاشية يدها فالطابلية... هز صباعو حطهم على عينيها واشار للدري صغير و غمزهاا.. حركات ليه راسهاا بالايجاب.. مانتابهش لنسرين للي كانت متبعة اي حركة دارها ... دار شافها مبتااسم ماعرفش واش ضحك على شكلهاا ولا باش مايبينش الجرح للي فقلبو... خاطرو ضروو على الولد للي عاااد بدا المعاناة الحقيقية... 

نسرين : كاضحك عليااا... 

رعد : هه لاا ..اجي علاش واقفة... 

نسرين(ناااري واي واي صدق هاد الماركة كاااايضحك ) : احم هكاا مرتااحة.... 

رعد : تمشاي نشووف... 

الممرضة للي كانت معاها جات و جارة الكرسي... شافت فيه.. مابغاتش تجلس فالكرسي.. ممكن تقولها تجلس عالاقل حتى توصل للطموبيل... 

رعد : جلسي ... 

نسرين : لااا يااه.. 

رعد (شاف فالممرضة) غير سيري و خلي الكرسي انا نتكلم معاها.. 

الممرضة : اووك.. مع السلامة... 

رعد : جلسي نشوووف... 

نسرين : هكاا مزياان... 

رعد : شنو مزياان ونتي دايرة بحال شي روبو.. مانوصل للطموبيل حتى لغداا فهاااد الوقت جلسي الاللة را عندي بزااااف مايدااار... مغانبقاااش مقابلك نتي... 

نسرين(خنزراات فيه) : صااف صاااف بلاماتبقى تهز عليااا.... اوووففف جلساات محاملاااش راااسهااا تفوو على كنس مايقوول كيبقيتي مايقول واش محنة يخخخخ... قالك روبو بغيتو يشتف علييك 

رعد فاش شافها جلسات بتااسم بمكر و حرك الكرسي بعدما شاف فالممرضة للي بقاات كاضحك ... خرجو من الكلينيك ووصلها للكراج... 

نسرين : حطني فالكوفر... 

رعد : شنوو

نسرين : عجبتك دبااا مخرجني فالشاريو بحالا مقدي من مرجاان ديرني فميكة و خشيني فالكوفر والله ماندير البسالات... 

رعد : ههههه.... 

نسرين (تخلعااات هزاات رااسها فيه بصدمة... كان تايضحك و الشمس مسينيا فوجهو و سنانو كايباانو بيضيين و عينيه زرقيين و لحيتوو كحلة ... لاا والله تا ضحكتوو هادي كاان خاصني ندير هاد التكربيعة شحااال هذااا ) ... 

حليها الباب و بعد الكرسي باش تلقى الفرااغ فين تحط رجليهاا.. عاونهاا حتى دخلات.. جلسات هاد المرة القدام ... جا السيكيريتي خدا الكرسي المتحرك .. رعد ديمارا الطموبيل باش يخرج من الباركينغ دور وجهو لاتجاهها و طلق يدو حطها ورا راسها على الكوسان باش يخرج من لبارك... شافت فيه كاتحفظ فملامحو ... كان لابس تشرت و قبية مفتوحة و داير كاسكيطة فالكحل ولكن مدورها للور ... عاض على قنوفتو لتحتانية الشيء للي خلا لحيتو تشوك.. مركز باش يخرج من بين الطموبيلات... بقااات حااااالة فمها فيييه مستوووهة نزل عينيه شاف فيها بابتساامة مرفوقة بالغمازة... 

رعد : مالكي... 

نسرين : ااا وو ووااالو احمم دارت كاتشوف من الزااج.. 

خرج من الكراج و كسيرااا.. 

نسرين : ااااه بشوية زعماا راااني بحراا خرجت من السبيطار .. بدا كايخفف فالسرعة.. 

نسرين : امم شووف .. 

رعد : همم.. 

نسرين : مابغيتش نرجع للدار.. 

رعد : و فين باغا تمشي .. 

نسرين : مانعرف لشي بلااصة تكون كاالم.. بغيت نطلع لشي جبل .. 

رعد : بهاد الحالة.. 

نسرين : بالطموبيل بيان سيغ.. 

رعد : شاف فالساعة .. اووك... 

نسرين : يااااسس 

رعد : قبل نمشيو لشي ريسطو نتغداو... 

نسرين : شوووف داكشي ديال الناس الهاي ماعنديش معااه شوف شي كاسكروطاات دغيااا ناكلوهم فشي بلااصة مزيااانة... 

( خطف شوفة منها و بقاو غادين مسافة حتى توقف نزل قداام سناك ديال الوجباات السريعة خدا داكشي للي خصهم... و رجع كمل طرييقو بقااو غادين مساافة طويييييلة نزلات الزااج وخرجات وجهها شوية كاتستنشف ف الهواء النقي و كاتشوف فالمناظر للي كلها خضرا ... شعرها كايطاير فالسماا .. بصراحة بهاد الجولة حساات بالراااحة نفسياا ... و ماكرهاتش تبقى غير غادة حتى تشوف طريقها فين غادي توصلهاا... فراانا فوااحد الطلعة كايباان جبل ديال الصخر حط الطموبيل و نزل جبد عكاز واحد و حل ليها الباب .. عاونها حتى وقفاات... كان شعرها مطلوووق و كاتشوف بلهفة فالمنظر ديال الجبااال و الشجر و البحر للي وسطهم.. )

نسرين woooooooow على بلاصة كيداايرة ... حطات ضهرها على الطموبيل غمضااات عينيها وفتحاات يدهااا فرحاااااانة 

دارت شافت فيها جبد كارو شعلو كايكمي و كايشوف فحركاتها الصبيانية... 

نسرين : كنت بغيتك تجي توقف حدايا تستمتع باللحظة و تنعش ريتك ولكن راك ساير .. 

رعد : شنو 

نسرين : والو ماقلت والو.. امم نزلات يدها... وشافت فيه بتساؤل علاش بغاو يزوجوني بيك.. 

رعد (شاف فيها بتخنزيرة بحالا تفكر اش وقع.. حيد الكارو من فمو ) علاش باغا تعرفي... 

نسرين : والله مابغيت ندابز معاك.. الحالة توريك... دورات وجهها بملل كاتشوف فالبحر.. 

رعد : لحقاش انا للي جبتك... وولي مسؤول عليك هو للي يتزوج بيك

نسرين : صاافي غير على هادشي.. قولهم جابني سعد ولا فهد... 

رعد : اهاا.. يعني باغا تزوجي !.. والمشكل بقى ف بيمن

نسرين : لا غاماهو زواج زوااج نتزوج بفهد ولا سعد... ماشي بيك نتاا... 

رعد : مالي انا

نسرين (تنهدات) الصراحة دالله نقولها ليك ماعنديش مع النفاق.. من ناحية الزين... ااه نتاا واااعر تبارك الله حروفك و طولتك و عضمتك و بوكو حبة يعني اي وحدة تمنااك 

سكتاات شوية و نطقات راسمة ضحكة صفرة.. الا اناا... رجعات شافت فالبحر... 

رعد : اياه وعلاش الا نتي ...

نسرين (دارت عندو) : نتا اخا معفر بزااااااف... قنبلة موقوتة ممكن تنفاجر فاي لحظة.. و غير مخنزر وحاس براااسك ... عكس خوتك مالهم اش خاصهم...حتى هما مبوووكصين ولكن متوااضعيييين و الضرااافاات و كايضحكوو وخالقين السعاادة من والو... تانشوف راسي الى تزوجت بواحد فيهم غادي نكوون مرتااحة .. 

رعد : يعني باغا تزوجي... 

نسرين : لاا .. مابغيتش نتزوج ولكن نقدر الى اتافقت معاه يكون زواج على الورق.. 

رعد (بضحكة استهزاء) ههه كاتحلمي... فهد و لا سعد يتافقو معااك هههههههه .... 

نسرين (بتخنزيرة) ماالك قلت شي حاجة كاضحك... 

رعد : خوتي وانا عارفهم مستحيل يقبلها شي واحد فيهم واش نتي لاباس...صايمين 70 عام باش يكملو بيك نتي

نسرين : لنفرض مثلا مثلاا غااا مثلا نتا تقبلهااا... 

رعد (شافها و رفع راسو بغرور) يعني كاتعرضي عليا الزواج بطريقة غير مباشرة... 

نسرين : شناااهو يشويني فك ... نسى صاااف مابقيتش باغا نهضر... اجي علااش ماتسيفطونيش لشي قرينة كحلة نغبر فيها كمارتي غير انا وخوتي... مانتزوج لابيك لابيهم

رعد : حنا مكانلعبوش هنا .. جبتك معايا باش مايبقاوش تابعينك هاادوك... المهم كنتي سوليتيني فاش خدام يااك.. 

بقا كايشوف فيها مااعرفش كيف يتصرف معاها مزااااال صغيرة باش تستوعب هادشي كامل... 

نسرين : قووول فااش خدام... 

رعد(نطق بسرعة) : مخترع الاسلحة النووية... 

خرجااااات عينيها فيه مبهوووووووضة... بلعات ريقها بشك... كي كيفاااش .. 😱😱😱

رعد : ندميني... 

نسرين : قول والله العلي العظيم... 

رعد : نستاهل ... 

نسرين : اجي و جدك فاش خدام.. 

رعد : المخابرات الفليسطينة.. 

نسرين : و هادوك للي خطفوني... 

رعد : اعداءنا... 

نسرين وو وجداااك فلسطيينية (فنفسها) واليديك ماتو شهداء ولات كاتحس برجليها ماهزينهااش.. يعني انا دخلت رااسي وسط معمعة كبببببببببر مني... 

رعد : دبا بديتي كاتفهمي... 

نسرين : يعني مايمكنش ليا نتصرف بحريتي الا داخل القصر ديالكم.. 

رعد : اه...

نسرين : هادشي علاش جدك بغاك تزوج بياا.. 

رعد : اه 

نسرين : ونتا موافق تانا موافقة... (غلب عليه الضحك شد فمو بالكف ديال يدو) 

رعد : لاا... 

نسرين : حتى اناا ماموافقااش.. ومابغييتش ولكن الى كنتي تحميني را غانختار مصلحتي.. 

رعد : تزوجي ب فهد ولا سعد تاهما يقدرو يحميوك... 

نسرين : ااووك صاف بحال بحال... 

قرب ليها و نزل راسو لعندها ولكن هما ماشي فالورااق... 

نسرين : ونتاا...

رعد : ممكن.. 

نسرين : ااااها ومن بعد نطلق منك اييه و نصدق مطلقة وانا ماشفت ماتشوفت 

رعد: الى كنتي غادي تحمي حاجة اخرى مافيها باس تخرجي مطلقة... 

شافت فيه بعدم استيعاب شوية وهي تفهم...كح كحححح كحكح.... مشا جاب ليها الما من الطموبيل ... و حط الكاسكروطات.. حداها.. 

نسرين : ونتا فين كاتسكن.. 

رعد : اميركا... 

نسرين : امممم... و خدام تماا.. 

رعد : بااراكا من كثرة الاسئلة...

نسرين : يعني الى اتافقنا نمشي معااك.. وااااجااوب بالناقص ماباغا بو زواج.... دوزو النهار تما مرة مداابزين مرة ساكتين مرة مناكرين... وفمعظم الاوقات كايسكت كايخليها داويا غير بوحدهاا.. رجعو للقصر فالعشية... كانت العائلة مجمووعة جالسين فالجردة كايتعشاو و كايهضرو على شنو وقع ليووم سعد وفهد وولاد عماامهم و عماتهم.. و جدودهم كلشي جااالس فالطبلة ديال الخشب كاياكلو و كايهضرو.. 

سعد : هههههه لا لاا اصاااحبي شوف على عنواان كيداير 《ولاول مرة في تاريخ الامبراطوريين فتااة كسرت قواعد الامبراطور رعد برفضها الزواااج منه مع السب والشتم والاهااانة... ناااهييك عن الضرب الذي تعرض له في اول لقاء لهما》 وااععع ههههههههههه

كلشي تهزززززز بالضحك... 

ماشافوش رعد للي داخل هو ونسرين سمعووو كلشي خنزر فيهم كاملين اما هي حاابسة الضحكة بزز... مع شافو حالتهاا ناااضو كايتجااراو حتى الدرااري والبنات للي ماكانوش الصباح واول مرة غادي يشوفوهاا...

فاطمة : خلييييتك صحة سلااام مااالك ا شكووون دارفيك هاد الحالة .. 

ليلى : شوو صاير معك بنتي .. 

سعد و فهد و صهيب و الجد وقفو مصدوومين الخرجة للي خرجها من الاجتماع كاتقول را هو للي دار فيها هادشي .. 

شي دراري و بنات ماعرفاتهمش كايهضرو بالروسية مع بعضياتهم و كايشوفو فيها بصدمة.. 

نسرين : طحت من الدرووج ديال (شافت فيه) ديال بيتو .. طلعت نجيب الساروت وفاش هبطت كانجري ماشفتش قدامي وهانتوما كاتشوفو اش وقع 

الجد عبد العزيز : قرب ليها.. كايشوف فرجليهاا ... هز راسو ف رعد ... علاش ماعلمتينااش اولدي... 

نسرين : الحمدلله راني لاباس .. 

الحاجة ليلى : الله يشاافيكي بنتي.. لاازم ترتااحي

فاطمة : طلعي لبيتك تساراحي.. الله الله.. 

نسرين (شافت فالدراري الجداد ) 

فاطمة : هادي بنتي نهال ... و هذا ولدي محمد.. 

نسرين : متشرفين.. 

نهال : متشرفيين.. نسرين يااك.. 

نسرين : ااه... 

نهال (ابتسمات ليها ) مرحبا بيك ... 

محمد : متشرفين اختي... 

محمد يكون قد رعد و خوتو.. و نهال تكون عندها 20 عام.. دايرة الحجااب و لابسة لبس طويل... 

قربو ليها دراري اخرين.. 

نهال : هادو حفايد خالت بابا السيدة وردة خت جدة... مزال ماكملاتش الكلام حتى دخلات السيدة وردة و راجلها مع وعد و ناس اخرين.. 

دخلو كايسلموو على رعد للي بااينة شحااال ماشافوه.. 

اما لاخرين خواو لنسرين بلاصة فالفتويات جلسات ودارو لها مخدة ورا ضهرها بعد ما عطاتهم العكاكز ... مدات رجليها و دارو ليها مخاد تحتهم... كاتشوف فرعد للي كايطلق منو العياان و يشدو لمسارااح... جات نهال جلسات حداها و فاطمة و سعد ووفهد ... عمرات الجلسة ديال الفتويات.. 

قربات لعندها وعد.. نسرين كيبقييتي شوية.. 

نسرين : الحمدلله... 

السيدة وردة مراا كبييرة و راجلها يكون قد السي عبد العزييز... : اهلين بنتي كيفيك ... 

نسرين : متشرفين خالتي.. 

رنيا : سلاامم حبيبتي كيبقيتي .. عاد عاودات لينا وعد عليك..... 

نسرين (ماعرفاتهاش ) لااباس الحمدلله 

رنيا : انا عمة وعد ... هه بنت عم باباهم ولكن انا وياه خوت فالرضاعة الله يرحمو.. 

نسرين : الله يرحمو.. متشرفيين اخالتي.. 

نهى : وانا عمتهم نيشاان و هذا راجلي ياسر وولد عمي.. و هذا عماد راجل رنياا.. 

نسرين : تشرفت بييكم واااو كاتزوجو غير من العائلة.... 

رنيا : خيرناا مايديه غيرناا 

نسرين كااينة.. ههه سميتك رنيا بحاال ختي.. 

يااسر : كيف بقيتي ابنتي.. 

نسرين : لاباس اعموو..( احح عليك اعمو.. ونيت را كايقولو منين داك العود من ديك الشجرة .. بالسيف ما ولادكم يطلعوو وااااعرين... ) 

من بعد ماسلمو عليها تجمعو كايهضرو مع بعضيااتهم فالمشاغل الدنيوية و العمل ... كايهضروو بصوووت عالي... و فرحااانين برعد للي شرفهم فالقصر اما هي تحل فمها فهذا و تشوف لاخر و تسهى تاني ..

سعد : سدي فمك الموت كادور.. 

نسرين : نااه كل ساعة صدمة اقوى من لقبلهاا ... (قالتها باللحن) هاادشي مزال ماكملت نهار صدق من عمو صهيب عدد اميمتي.. 

سعد : هههههه مجنووونة رسمي....

رعد : نتي مكااتعياايش.. 

نسرين : (استغلات انشغالهم ) عندك شي مانع.. 

رعد : قربتي تشدي لقب المرأة الحديدية... ملي وصلتي ما نعستي ... 

نسرين : لاا ارتااحييت فاش نعست حدااك فالطيارة...

سعد و صهيب شافو فبعضيااتهم... ووعد ولاات حمرا.... اما رعد خرج فيها عينيه كون صاب الارض تشق و مايسمعوهش خوتو و عموو اش جاا مايحيد سيرتو من لسانهم.... استوعبات شقالت دورات عينيها شافت فسعد كايشوف بمكر فرعد... ووعد قدما هي بيضة قدما ولات بحال مطيشة... شداااتها السخفة ... بغات تبرر موقفها ملقات ماتقول...كون كان غير سعد كانت توضح ولكن حتى السي صهيب حاضر...رعد بلع ريقو ودوز على لحيتوو باحرااج

صهيب : السلام المشااغبة كيبقيتي... مساليتش نهضر معاك قبيلة كان كلشي كايطمن عليك.. 

نسرين(بخجل) : الحم د ل لله.. 

رعد : تصبحوو على خير 

رنيا : صافي اولدي غادي... 

نهى : اوك الحبيب ديالي تصبح على خير.. 

فاطمة : ولدي حبيبي صبر حتى تعشى نتا ونسرين.. 

رعد : لاا ماكانتعشاش دبا.. 

عطاهم بالضهر و بدا غادي.. 

نسرين : حتى انا نخليكم نمشي نتسااراح شوية.. 

فاطمة : رعد.. 

دار عندها صبر اولدي حتى تاخد معاك نسرين لبيتهاا.. 

صهيب(بمكر) : بيتها الفووق ارعد صافي..

رعد (حرك رااسو لعمو بحالا كايتحلف عليه) .. غير سعد و ووعد للي فهمو... دورو وجههم واحد ماشاف فلاخر ناضو عاونوها حتى وقفات... تعكزات على لعكاكز قرب ليها شدها من مرفقهاا .. غادي بيهاا و كايشوف فصهيب و سعد .. 

رعد : نتوما حسابي معاكم هو للخر.. 

صهيب : هههه غير سير سير..

الكل اتار انتباهو المنظر... كيفاش غادة كاتعرج وهو جارهاا برفق.. كايشوفو فيهم بتعجب بقاو متبعينهم حتى دخلو للدار.. 

ياسر : هي شي عراسية هاد العام.. 

السي عبد العزيز : نتمنااو.. بان ليا هاد البنت هي ورعد غادي يتفاهمو.. 

فهد : واوييلو الى مافهمهااش... 

رعد فتح الاسنسور... ووقف كايتسناها.. طلع... 

نسرين : والله ماقصدت شي لعبة كبيلة .. (مجاوبهاش.. ) واش سمعتييني... ماقصدت والو... 

رعد : هما فهمو وهذا هو المهم..

نسرين : اش فهمو.. 

رعد : فهمو بلي نعستي معايا... 

نسرين : واااحداااك ياااه حدااااك 

رعد : بحال بحال... دخلي.. اجي ياكما كاتسنايني نطلع نصايب ليك بلاصتك و نعاود ليك قصة بين ماطاب نعاسك... 

نسرين : المهم شكراا.. 

رعد : غادي تودعي.. 

نسرين : برا والباااس علياا مااالي.. 

رعد : مانعرف حسيت بيك ماشي تالهيه

دخلات للاسنسور نييت راك ماتستاهلش.... 

رسم ابتسامة جانبية على فمو بقات كاتشوف فيه حتى تسد الباب و طلعات لبيتهاا .. سولات المساعدة على خوتها.. قالتلها نااعسين.. عاوناتها حتى حيدات حوايجهاا و غسلات وجهها و يدها ... ومشات للناموسية مددات رجليها فوق المخاد و حطاات ضهرهاا براحة كاتحس براسها مطحطحة و عينيها ماقادرااش تحلهم... جابت ليها المساعدة الثانية العشى... ولكن النعاس غلب على شهيتها طلبات منهم يرجعوه... طفاو عليها الضو.. ولاول مرة فحياااتها كاتنعس بلاماتفكر فغداا و شنو للي جااي... مكاتفيق الا على صوت الاذان ديال الفجر و الضواو شاعليين .. و كلشي فاايق... كاترمش فعينيها بتعب... حتى استوعباات فين هي بينما دخلات عندها الخدامة للي فرشات ليها السجادة .. وفيقاتها برفق باش تساعدها توضى.. للي لاحظات ان حتى الخدم محجباات ماشي غير نساء القصر.. وللي بان ليها هاد النااس شادين الدين بكل قواعدو.. ناضت بشوية عليها والنعاس قالبهاا .. دخلات معاها للدوش و خرجات كاتسناها حتى توضاات.. عاوناتها باش تلبس العباية و دارت الفولار و جلسات فكرسي اونفاص للسجادة.. صلات الفجر و الصبح مع الخادمة.. فاش سالات بقات كاتشوف من الزاج بفضول بانو ليها خارجين من واحد البلاصة للي فهمات من الخادمة انه مسجد كايصليو فيه.. خرج سعد و فهد و العم صهيب و ياسر و عماد و معاهم الجد عبد العزيز.. اهااا وفين داك بناادم فيه لي غييكل مثلااا... ياااااربي تسمح لياا بديت تاااااني... قبطات فالمساعدة حتى وقفات حيدات العباية بقات غير ب تشرت و شورط قصير... تخشات فبلاصتهاا و كملات نعاااسهاا... من كثرة التعب دالسفر و المرض و المشااكل للي دازو عليها فالاونة الاخيرة نعسااات ما فاقت حتى لليل.... لقات عشاها.. شربات الماا و كلات شوية الخبز... لحقاش بان ليها الدوا محطووط... من بعد ماقرات بلونكلي قشبلات بلي ورا الماكلة .. شرباتو وجرات عكاكزهاا توضاات وجمعاات كاع الصلا ديال اليوم ورجعات تنعس... فالاياام الاولى هاكا بقاات كايجيو عندها يطمنو عليها و كايبقاو معاها خوتهاا للي كانو فرحااانين بالعيشة الجديدة و بتعامل اصحاب القصر.. و اللي فهماات ان رعد سااافر جاية دباا لشهر اااه شهر بااش ماجاش شهر وقعو فييه بزاااااف دالحوااايج من بينهم انها غادي تحيد داكشي للي مثقل لها رجليها ليووم

دقات عليها وعد هازة حقيبة فيدهاا.. 

وعد : صبااح النوور..

نسرين : صبااح التيتيز و العوينات الزرقين... 😍

وعد : هه حمييمقة كيف صبحتي.. 

نسرين : بخيييير .. 

وعد (كاتشوف ليها فساقها ) : امم ليوم نحيدو هادشي للي مصدعك.. 

نسرين : احح بغيييت ناكلها بالحكاان... حركات ليها رجليها و جبدات الادوات بدات كاتحيد ليها فالجبيرة.. شوية بشوية حتى سالات

نسرين : اووه اخيرا حيدتو الله على راااااحة الله .. 

دهنات ليها رجليها ببومادا و بدات كاتماسي فيها.. 

وعد : كاتقصحي... 

نسرين : عاادي... 

دورات ليها البانضة على قدمهاا 

وعد : شهر ونتي كاديري فالترويض و مرة تحيدي هادشي مرة تخليه و دبا حيدنااه بمرة دبا نوضي تمشاي نشووف ... 

نسرين : حاضر دكتوراا.. 

ناضت بشوية عليها.. حتى قادات الوقفة و بدات كاتمشي و تجي .. 

وعد : براااااافو ... 

نسرين : واش غادي نبقى ندير العكاكز ... 

وعد(وهي كاتجمع الادوات فالحقيبة ) : وقتما حسيتي براسك محتاجاهم.. ولكن كانفضل تحيديهم لحقاش الترويض كافي...

نسرين : اوووه مزياان... 

وعد : ويالاهي دبا نزلو نفطرو... 

نسرين (طاارت عليها بتعنيقة ) شكرااا يا احلى دكتووورة قلت عمر رجلي ماااترجع كيف كااانت دبااا نقدر نرجع لكيك بوكسينغ .. 

وعد : نوو ماشي تالهاد الدرجة.. حتى تبرااي مزياااان ...

نسرين : بففف.. مي الحمدلله خرجات خير..

جراتها و نزلو للتحت لقاوهم كايفطرو مجموعين.. 

نسرين : صبااااح الخيييير... 

الكل : صباااح النووور... 

فاطمة : هااي هاي يااا مبرووك خفافيتي دبا... 

نسرين : يااخالتي ولفتووو را ولا واحد مني خاصني نزيدو مع خوتي فالحالة المدنية ..

كلشي بدا كايضحك... 

جلسات فكرسيها و بدات كاتهضر و ضحك معاهم كيف مامعوداااهم السي عبد العزيز ولف يفطر معاها كل صباح باش يسمع مواقفها و مغاماراتها المضحكة..فظرف قصير دارت بلاصتها وسطهم بتصرفاتها العفوية و كلامها للي مكايتقاداش.. شحال من مرة كاطلب فهد يخليها تكلم مع صحابها و كان رااافض بحكم الاوامر جاية من الفوق نهار تلاقا برعد تطلبو يخليهاا تكلم معاهم.. جا البروف ديال الانجليزية.. كيف ديما ناضت بكل حيوية... دخلات عندو للبيرو من بعد ماسلمات عليه وراتو التمارين و بدات كاتكلم معاه بالانجليزية..

من بعد السيمانة الاولى ديال الراحة خوتها.. دخلو للمدرسة ديال العرب باش يكملو قرايتهم بينما شدو اللغة الروسية... و هي جابو ليها استاذ اللغة الانجليزية لانهاا من بعد تفكيير طوييل وافقات تزوج برعد و تمشي معاه لاميركاا.. بعد ماتكلم معاها الجد و الاعمام شخصياا و فهموها خطورة وضعها.. و طمنوها ان الى كانت مع رعد مستحيل يقيصوهاا وبهاكا تطمن حتى على خوتها.. وللي فهمات ان من بعد ماتشافى غادي يرجع ياخدها معاه.. حاولات تشغل وقتها باللغة و الافلام و التمارين حتى لقات راسها شادة شوية... وممكن تكلم بيها مع الغير .. واخة لسانها باقي مثقل عليهاا و كايعواااج فاش كاتبغي تنطق شي كلمة... سالات حصتها و خرجات للجردة لقات نهال جالسة و جلسات حداها

نهال : كيبقيتي... 

نسرين : الحمدلله .. نتي شنو كاديري هنا ساليتو حصصكم.. 

نهال : يياس.. 

نسرين : ااه مزياان.. اجي فين ماماك و السيدة ليلى

نهال : .. فالكوزينة كايوجدو الشهيوات لرعد لحقاش جاي يتغدا معانا.. اممم بغيت نقول جاي حبيب القلب.. 

نسرين : اوااااه... دغياا وصلو ليه تشاااافيت..

نهال : لاا را سيمانة هادي وهو فروسيا كان فلوطيل... 

نسرين : بلاتي بلاتي شقلتي حبيب القلب .. من نيتك ابب..

نهال :مالكم مغاديش تزوجوو... 

نسرين : ومالو مشا لوطيل ثقلنا عليه.. 

نهال : ههه لا... انقولك قبل من هاد المرة للخرة للي كان جا معاكم ... ماجاش عامين.. و واحد المرة ماجاش 5 سنين.. يعني هو و كانتو... كايغيب بالسنين على القصر ولكن تايجي الاوطيل و كانمشيو نشوفوه.. 

نسرين : علااش ماالو كاع هادي خدمة.. 

نهال : مكايحملش هنااا اكفس بلاصة عند رعد هي هاد القصر السعيد... واول مرة يطول فيه كثر من ساعتين هي فاش تهرستي... هو بات كاع 

نسرين : همم.. بات ماصبح ... 

نهال : ومالك اش عندك فيه... ههه زعما زعما غير بيني وبينك مكاتحسي من جيهتو بوالو... 

نسرين : اه كانحس 😍 ... بالغتياان مرفوق بالدوخة😒... باش انحس مثلاا...

نهال : دبا حيدي عليا من هاد الهضرة... بيناتنا باغ اكزومبل انا كايعجبني سعد.. ونتي ما كايعجبش رعد... 

نسرين : ههههواااع ... هانتي هضرتي سعد سعد سعد السعوووود و الزين المسرار حتى سميتو كاتحسك بالسعااادة... ماشي بحال رعد مع نطقتيها تخلعت تخيل ليا ضرب البرق و الصوت ديال الرعدا تسمع و تقطع الضوو..

نهال : اوفف ياختي بغيت غير نجر ليك لسانك والو ماكاتحسييش.. 

نسرين : فاقد الشيء لا يعطيه ابنتي ... تانكون عارفة شناهو لحب عاد نحب ههه حيدي عليا من الهضرة دالافلام الحب الحقيقي هو فاش حيدت هاد الحيط من رجلي اححح على راحة ...

نهال : هههههه ناري ياختي ضحكتينييي نهار كانفكر غادي تمشي معاه وتخليناا كانهز الهم لهنا كيفاش يولي بلا بيك... 

نسرين : العاار سكتي ماتفكرينيش اوووفف... 

نهال(عنقاتهاا ) : ماسخييتش بييك 😯... شافت التلفون كاتصوني لها وعد.. المهم نخليك احبيبتي دبا بغيت نمشي مع وعد نتقداو ... 

نسرين : اووك... 

نهال : تمشي معانا.. 

نسرين : ماكرهتش مي عندي حصة ديال الترويض.... تسالمو مع بعضياتهم و خرجات نهال ... وحتى نسرين 

وقفات و بقات غادة بشوية عليها كاتحاول 

ماتعفطش بالجهد واخة وعد طمناتها و قالتليها بللي الكسر كان غير على مستوى قدمها والساق مع الفخاض مقصحين ... جلسات فقاعة الرياضة حتى جاو للي غايعملو لها الترويض وفعلا كانت الحصة الاخيرة... سالاتها و عيطو ليهم للغدا.. نزلات فالاسنسور للتحت لقاتهم كلهم مجمووعين على الغداا و تاواحد ماناقص من غير السيهم رعد... 

نسرين : خالتو فاطمة خووتي مزال ماجاو.. 

فاطمة : لا مزال ابنتي باقي الحال عليهم و راه غادي يتغداو فالمدرسة...

نسرين : اووك.. 

فهد : هااهووو جااااااا... 

دارت كاتسحااب خوتها هزات راسها كايبان ليها رعد داخل رااسم واحد الغوباشة تقول كايخلص على الابتسامة ياربي السلاامة... رجع للشخص للي تلاقات بيه اول مرة..

رعد : السلام ... حرك لهم بيدهم باش يجلسو بلاما ينوضو يسلمو عليه... قرب للمقعد الفارغ جر الكرسي وجلس ...تستفو الخدم كايحطو ليهم الغدا فالتباصل... 

الجد : كيداير اولدي لاباس عليك.. 

رعد : الحمدلله.. 

كلشي كايهضر معاه و يسول فيه و هو كايجاوب غير ب الحمدلله ..مزيان كلشي هو هذاك يا اخي شحاال ثقييييييل علقلب كاتجبيييب االغمة 😣😣... 

الجد عبد العزيز : ولدي رعد ليوم غادي يتزوج و يكتب كتابو على بنتنا نسرين.. 

خرجاااات عينيها حتى تحطو فالطبسيل و رجعاتهم هزات الفرشيطة كاتحاول ماتبينش واش مسوقة.. 

فهد : هي كلشي وااجد 

سعد : مابان ليا حتى توجاد.. واش دايرينو فالقاعة..

رعد (من تحت سنانو ) .. مابغيت لا عرس لا والو.. را الوراق سيفطهم ليها خاصها تسني عليهم شاف فالساعة من هنا ل نص ساعة عندنا موعد كتب الكتاب و فالعشية نسافرو... كايدوي بحالا هي مكايناااش..

نسرين : و معااامن تشااورتي اخويا... شكون قاللك انا باغا نتزوج ونمشي ليوم يالااه..

كلهم دارو شافو فيهاا ايه ماخاصها تقول والو لحقاش عيقات عليهم ب ليوم غدا ليوم غدا لا حتى تحيد الجبيرة ولكن را طريقتو استفزااتهاا.. 

رعد : هادشي للي كايناسبني 

نسرين : وانا مكايناسبنيش .. 

رعد : شغلك هذا مابغبتيش جلسي.. 

فاطمة : لاواه اولدي مرااتك تمشي معااك... 

رعد :جيبي لاكارط ديالك و نوضي يالاه... 

نسرين : فين ... 

سعد (نقد الموقف قبل مايتفركع فوجهها ) للبلدية اختي نسرين باش تزوجو.. تسناو حتى حنا غانمشيو معاكم 

رعد : نمشي غير انا وياها.. 

فهد : اهاا والشهود اسيدي .. 

رعد : باش عرفت مافايتش ليا مزوج... 

نسرين(فنفسها) : بزعطة.. اصلا غير الصكعة بحالي للي تزوج بيك... وقفات تاهي و بدات كاتعرج بشوية على رجليها .. ناضت فاطمة قبطاتها من يديها.. نعاونك ابنتي.. 

نسرين : لا لاا راني بخير..

رعد خرج مع خوتو للطموبيل و هي طلعات تجيب لاكارت ديالها وهزات الوراق للي كانو فبيتهاا.. بغات تسني ماعرفات منين تجيهم بديك الكتابة ..هزاتهم و خرجاات عندو للطموبيل.. كان راكب بوحدو اما خوتو كل واحد ف طموبيلتو.. دقات عليه حتى نزل الزاج.. 

رعد : شنو.. 

نسرين : سااسنوو.. تعلم تكون لبق شوية .. كيندير نسني هاد التخرببق 

رعد : طلعي نشوف .. 

نسرين : دباا ماعيبش نطلع معاك الراس فالراااس ... خااص شي حد يجي معانا.. 

رعد : مالي انااكلك .. 

نسرين : و ماغادي دير ليا والو غاماهو باشمن حق نركب معاك كاتب عليا بزنطييط المغرف..باا.. خويا.. راجلي .. تالخطبة مخاطبها كيالنااس.... بانت ليها فاطمة جاية.. لعندهم.. عاد ركبات للور و خبطات الباب .. 

رعد : اري دوك الوراق لهنا.. 

عطاتهم ليه 

رعد : شوفي مزيان خاصكي تسني هناا.. دور الورقة و هنا و هنا المهم فنفس البلاصة حتى تسالي..

نسرين : اووك.. و لكن قراهم ليا و ماتكذبش هاااه والله تانعيق بيك.... جاني راسي بحالا انسني على عمري فهاد الوراق.. 

رعد : سنيناا على عمرنا بزوج غاطلقيناا.. 

ديمارا الطموبيل فاش ركبات السيدة فاطمة ... اما هي مع كانت راكبة للور تكات على ضهرها و مددات رجليها حاطة راسها كاتشوف دوك الورااق كاتسني فيهم و كاتقلب واش مزال مادرت شي سنية حتى وصلو للبلدية.. نزلات كاتشوف فالعرايس خارجين فرحاانين و هازين الورد فيدهم .. و الرجال ب لي كوستيم.. عكسها هي للي بحالا جاية تحارب لابسة دجين و قبية مع سبرديلة و طالقة شعرها.. و هو ضارب نفس الستيل ديالها داير طاقية فالكحل .. 

دارت شافت فيهم جاب ليا الله بحالا داخلين نسرقو البلدية ههههههههه... 

فهد و سعد مع فاطمة تزلعو بالضحك.. 

نزلات راسهاا فرجلين فاطمة.. 

نسرين : عطيني اخالتي دوك ليبا موس انا وحدة وهو وحدة نخشيوهم فراسنا ندخلو نسرقو غير لباس للعرسان ابعدا... اه نتاا نزل غير ديك الطاقية و تقبها من جهة العنين ..

فاطمة : ههههه لا ياحبيبتي بنتي مالها فاش جاتك لاغوب رعد ولدي راكم زربتو تسناو شوية تبدلو حوايجكم.. 

نسرين : هاكانضحك اخالتي را تقبل ربي دعواتي ملي كنت صغيرة ماكنت دايرة الزواج فبالي و هاد القضية ديال لاغوب مكانحملهاش يععع... 

رعد : شش نقصي من الهضرة وزيدي قدامي... غادي جارها بحال شي بنية عندها 10 سنين.. 

نسرين(رفعات صبعها حدا وجهو) : بااااااابا بااابا نقولك واحد الحاجة.. 

رعد (مامساليش يعلق على ديك بابا) : شنووو

نسرين(خرجات لسانها تاتقلد فالهضرة ديال الدراري الصغار ) : ذابا غاذي ثقيدني فالحالة المدنية... 

رعد : غادي نصورك فشي حيط لامزال زدتي حرف واااحد 😡😡😡😡...

رعد : غادي نصورك فشي حيط لامزال زدتي حرف واااحد... 

( صغراات عينيها و جمعات يدها حتى شدات ليه لحم ديدو و قرصاااتو من تحت سنانها ) اخر مرة تهددني .. 

ماجا فين يجاوبها حتى عيطو عليهم لنوبتهم من بعد الاسئلة الروتينية.. بقا تايهضر يهضر فاللخر قالت يااس.. 

ونفس الاسئلة سولوه قال ياس... 

عطاوها تسني.. و سنا حتى هو... سنات فاطمة للي كانو عينيها عامرين دمووع فرح... و تبعها سعد سنا كشاهد لخوه.. 

من بعد كاع هاد المراحل علنوهم زوج و زوجة... و عطاوهم لكارني... شداتو و ماعرفات واش تبكي ولا ضحك بحالا عطاوها بتصرفيييقة عاااد رجعات الفييلم كااامل اما هو كان وجهو مايتفسرش.. ناضت فاطمة لعندو عنقااتو كاتبكي 

خوتو باركو ليهم و هما غادين فالطريق لطموبيلاتهم 

فاطمة(شافت فيه وشدات وجهو بين يدها) : بحال هاد الطريقة اولدي تزوج باباك من ماماك سبحان الله بحالا التاريخ كايعاود نفسوو.. حتى هما فالاول مكانوش مفاهمين و عاد كانو اعداء ولكن من بعد ولا بيناتهم حب كبير ... كانتمنى تلقى ف نسرين داكشي للي بغيتي راها بنت ضريفة عفاك اولدي ماتحملهاش فوق طاقتها و تهلى فيهاا... يمكن ربي سخرها ليك باش تنسى الماضي..

رعد (بعد و جهو على يدها بغضب وركب فالطموبيل..) فاطمة ( مشات كاتجري للبلاصة فين راكب كاطل عليه من الزاج) : عفااك اولدي ماتصرفش هاكا.. انا عارفة الحاج ضغط عليك... ولكن هادي هي سنة الحياة... 

رعد : هادشي ماغادي يبغيه تاواحد نتوما للي ضلمتوها معايا ماشي اناا.. 

دارت فاطمة لقات نسرين جاية مسحات دموعهاا و طلبات منها تركب معاه وهي غادي تمشي مع فهد... 

نسرين :اوك.. 

حلات الباب و ركبات حداه ...كسيراا بالزربة.. مسافة ماشي طويلة بزااف كانو فالقصر.. حط الاوطو فالباركينغ.. 

قبل ماتنزل دارت عندو.. شافت فيه كيفااش تاييتبخ.. عوجات فمها بملل و دخلات للقصر.. 

بانو ليها خوتهاا عيطااات ليهم جااو كايجريو لعندهااا.. عنقاتها رنيااا بالجهد... 

نسرين : ولفتو قراايتكم.. 

رنيا : ااه زويينة بزااف و معلمتنا ضريفة... 

نسرين : ونتا امهدي .. 

مهدي : ولفتهاا هنا القراياا زوينة حسن من المغرب... 

نسرين : مزياان.. تغديتوو.. 

مهدي و رنيا : اااه 

نسرين (باختناق) واش نتوما فرحاانين.. 

مهدي : بزااااااااف اختي..

رنيا : احسن بللااااصة هي هادي... شكرااا جبتينااا معاك ...

نسرين : ههه.. باقين تعقلو نهار قلتليكم فاش نبراا غادي نتزوج !!... 

رنيا : ااه... 

مهدي : تايشوف فرجليهاا : حيدتي الكبص.. 

نسرين (من فوق خاطرها) : ههه اااه و دبا جيت من البلدية ... تزوجت .. 

رنيا : بصصصح فينااهماا الخوااااتم كاتقلب فيدهاا... 

مهدي : كيفاش امتى هادشي ... 

نسرين : باقي ماشرينا الخواتم.. و حتى العرس مغاديش نديروه دبا نيت بين ماسخن شوية الحال... 

مهدي : واش نتي فرحاانة... 

نسرين(اخخ على سؤاال) : اناا فرحااااااانة بزااااااااف .. ولكن مغادي تكمل فرحتي حتى نشوفكم فرحانين.. 

مهدي و رنيا :حناا فرحاانين...

نسرين(ببحة مذبوحة) : من بعد شوية غادي نسافر لداري... (عضاات على شفايفها باش تحبس دموعهاا).. و لكن نتوما غادي تبقاو هنا مع طاطا فاطمة و وعد و السيدة ليلى... و فاش تشدو العطلة تجيو عندي ياكو.. 

مهدي( بصدمة ) : شنوو

رنياا ( انفاجرااات بالبكى) لاااااا هئ هئ علاااش ببغيتي تمشي وتخليناااا ... 

مهدي : علااش اختي ماكلتي لينااا والو... 

نسرين : وعفااكم ماتعذبوونيش بحال هكا شهر وانا كانعلم فييكم... 

رنيا : مابغييت وااالو الى نتي مكاينااااش هئ هئ... 

نسرين : رنياااا بارااااكا من التبووحيط نتي ماشي باقا صغيييرة ... خااصكي تقراااي و تجتااهدي و انا تفوت 15 يوم ونجي نشووفكم تاني... مامشييت فيين و ماخليتكمش فالغاااابة انا هااادشي كامل درتووو على قبلكم... واااش عجباااتكم ديك العيشة للي كنتو عايشين... بقات كادخل و تخرج فالهضرة و تعاير فيهم بااش ماينزلووش دموعها قداامهم و يحسو بضعفهاا هي كاتهضر وقلبها محرووق كايبكي على فرااقهم... بقات معاهم حتى سكتو..و طلعات لبيتها ما ان سدات الباب تكات عليه و طاحت كاتبكي بكامل قوتهاا... كااع هادشي للي قالت من فووق خاطرهاا.. مابغااتش تفارق معاهم للحظة حسات براسها انانية كون تزوجات بفهد كانت غادي تعيش وسطهم ولكن مابغاتش زواج طبيعي.. عارفة فهد ضريف وممكن شي نهار يوقع فحبها عكس رعد للي حتى هو كااره الزوااج منهاا... و غايجي واحد النهار طلق منو و ترجع لخوتها... بكات حتى بردات وناضت جمعات حوايجها فلافاليز .. خلات سيرفيت مع دوبييس و دباردور.. باش تلبسهم فاش تخرج من الدوش... من بعد ما حيدات حوايجها دخلات تحت الرشااشة طلقات الماا سخوون وتحتو تخالطو دموعها مع الما و رجعاات كاتبكي بحال شي درية صغيرة فجأة تفكراات نهار للي تخلات عليها ماماها باقا كاتعقل فاش تابعاها فالضلام و الشتى كاتصب مجهدة .. كاترغب فيها باش ماتمشيش و تخلييهم مع الوحش ديال باهاا الى ماشي على قبلها يكون على قبل مهدي و رنيا للي مزال صغاار... للاسف سرعة الام كانت اقوى من الركض ديال طفلة سخفاانة بالبكى و الشتى بللات حوايجهاا و جرح الفراق مع السم دالبرد خلاها ترتااجف .... باقا كاتعقل حتى على لون السيارة للي جات خداتها على ولادهاا... ركبات بلا مادور لعندهاا .. ركبات بلا ما ضرب حسااب ليها ولا لخوتهااا.. مشات وخلاتها بلا سبب.. وشنو السبب للي يخلي الام تخلى على ولادها الى كانت القطة كاتهزهم بسنانها.. ماعرفاتش علاش تفكرات هاد اللحظات ولكن للي كاتمنى انها ماتكونش انانية بحال مهاا.. وتخلى على خوتها فاصعب مرحلة من حيااتهم... اااه للحظة ندماات على تهورهاا و لكن ماعند الندم باش يفيدها هي دبا تزوجاات بييه و خاصها تواجه مصيرها و تكمل فطريقهاا

نشفات شعرهاا .. و لبسات سيرفيت.. رجعات البانضة لرجلها و لبسات سبادري.. خلات شعرها مطلوق على راحتو دارت كاسكيطة فالكحل...من بعد ما سدات شراجم بيتها و جرات لافاليز ... لتافتات لفراغ لغرفة... حتى سمعات الدقان ... مسحات دغياا عينيها وبدات كاتنش بيدها باش ينشفو دموعها رجعات النفس و رسمات ابتسامة على وجهها مع حلات الباب كاتصدم بالسي عبد العزيز و السيدة ليلى..

نسرين (تخلعات) : واش كاينة شي حاجة ؟؟.. 

السي عبد العزيز : بنتي.. جينا نشوفوك و نباركو ليك.. واخة تزوجتو بهاد الطريقة ولكن كانواعدك فاش يلقى رعد الوقت ديرو عرس يهضر عليه العالم كاامل... 

نسرين : ههه لا اعمي بالعكس حتى انا مابغيتش العرس.. 

السيدة ليلى : إليوم فرحتي كبيرة... هلأ نص الحمل انزاح ع كثافي 

نسرين : اممم دخلوو.. تفضلات السيدة ليلى وتبعها السي عبد العزيز قبطات يدو حتى جلس فالفتوي ... و جلسات هي فالناموسية مقابلة معاهم..

السي عبد العزيز : بنتي زواج رعد تقريبا كان بحال المعجزة ماخليت حتى بنت ما عرضتهاش عليه.. ولكن مكانش كايوافق..بحالا كان كايستناك نتي سبحان الله ..و حنا مآمنين بلي نتي بوحدك اللي قادرة داوييه و قادرة دخلي لبسمة لدارو كيف دخلتيها لهاد القصر.. كايقولو ماعز من الولد غير ولد الولد..

السيدة ليلى : ورعد ابنو ل الغالي .. 

السي عبد العزيز : رعد.. (صوتو كايرتاجف جبد مشوار من جيب ديال لافيست و مسح دمعة طاحت بغفلة منو.. .. اما السيدة ليلى فكانت كاتشوف فنسرين بعيون مغرغرين و كأنها كاترجى فيها الخير ... 

السي عبد العزيز : بغيتو يرجع للطريق ابنتي نسرين بغيت واليديه ينعسو مرتاحين فقبرهم...مابغيتوش يبقى هاكا و كانضن الى كون عائلة يقدر ينسى الماضي.. و السبب للي ماتو بيه واليديه.. غمض عينيه بألم وطلق العنان لدموعو و ما كان على نسرين الا تعنقو حاولات بهاكا تخفف عليه .. 

نسرين(بصوت مخنوق) : عفااك ماتعذبش رااسك اعمي و كانواعدك يكون خير.. 

بدات كاتمسح الدمووع من عينيه... 

السيدة ليلى : الله يخليك ضلي جنبو .. رعد بيبن قوي و قاسي بس لانو الوجع سيطر عليه دخلك لا تتركيه... مامنونتك انا... 

نسرين (بقات كاتشوف فيهم عزو عليها و ماعرفات باش تجاوبهم تنهدااات باختنااق و عنقااتهم ... ) يكون خير... 

السي عبد العزيز : الله يحفظك ابنتي.. ناض وقف..راه كايستناك لتحت ... ابتاسمات ليه.. و ناضت حتى هي ..خرجو من بيت النعاس و نزلو فالمصعد ..لقاوه جالس مابين وعد و فاطمة حاطين روسهم على صدرو وهو مدور يديه عليهم.... 

نسرين : انا واجدة.. 

فلت يدو منهم و ناض 

عنقاتها نهال ... مبرووك عليكم احبيبتي.. انا ووعد خرجنا خديناا لييك اي حااجة غادي تخصك فالحواايج... سمحيلينا ماسولنااكش شنو تبغي ورعد كان زرباان.. ولكن حاولنا ناخدو ليك كلشي من ذووقك 

نسرين : علاش صدعتو رووسكم.. 

وعد : نتي رااك ختنااا و حبيبتناااا غادي نتوحشووووك بزااااف ... .. عنقااتهم بارتيااح... يااااه على ناس شحال طيبيين للي استغربات ليه انها هاد المدة كاملة ماتخاصماات مع حتى شي واحد فيهم و بالعكس ماحسبوهاش غريبة عليهم اولا شي حد شاف فيها بشي شوفة ناقصة ... و هذا دليل على قربهم وخوفهم من الله والمعاملة الحسنة اللي تلقات منهم خلاتها تعييد النظر فعلاقتها برعد و غادي تحاول تجبدو و تهضر معاه ممكن تكون غالطة فيه و يكون بحاالهم شكون عارف.. سلماات على فهد و سعد و السيدة ليلى و العم صهيب و عماد وياسر .. والعمة نهى ورنيا للي مكانوش كايساليو باش يجلسو معاها بزااف بحكم انشغالاتهم.. ... كان كلشي مجموووع كايتسيفط معااها ...

نسرين (شافت فيهم) : عفااكم خوتي امااانة عندكم بسرعة حطاات يدها على عينيها باش تمسح دموعها للي كايتساقطو بالزربة و كاتنهد باش يتحبسوو... 

عماد : كووني هانية ابنتي راهم بحال ولادنااا...

ابتاسمااات ليه... هادشي مافيهش شك اعمي... جات ختها رنياا كاتجري هازة فيدها مذكرة .. 

رنيا : ختي هاكي هاد المذكرة وقت ماتوحشتيني كتبي فيها و انا غادي نسمعك...

نسرين : ههه لا لا راك تأقلمتي مع العيشة ديال القصور ... خوها مهدي : نسرين تهلاي فرااسك و ماتنساينااش حنا هنا فووق بخيير .. 

نسرين : داكشي للي بغيت... عنقااتهم بالجهد : مانحتاجش نوصيكم تهلااوو فبعضيااتكم و ماتخاصمووش و بيناتنا التلفون هاا ششششت مانبغيش البكى..... مهدي كون رااجل حركات ليه براسها باش يشد رنياا.. شدها بين ذراعو و هي حل ليها الشيفور الباب اللوراني و طلعات كان رعد جالس حتى هو بلاصتو يجلسو فيها زوج تبااارك الله كثاافو عراااض لابس تشرت فالكحل محلول من جيهة صدرو للي كلو شعر و عامر بالوشام حاط الجاكيط على ركابيه و داير طاقية شاد التلفون كايخربق فيه بيديه للي كلهم عرووق.. هزات فيه و حطات و جلسات حداه دارت كاتشوف من الزاج فيهم كايتوادعو معاها... زادت الطموبيل و قلبها بقى معاهم.. 

حطات راسها على الزاج بتعب و نزلات الكاسكيطة على وجهها عالله يديها النعاس .. و كاتعجب لرعد للي ماتحرك ماعلق ماتسيفط مع عائلتو لحق ركب فالاوطو و شاد تلفونو حتى باش يسولها على خوتها ولا يحاول يطمنها والو.. غمضات عينيها باش تنعس والو هاد الصقيل مغاديش يجيبليها النعاس غير تايفكرها فخوتها... صبرات حتى عيات وهي تحيد الكاسكيطة بالجهد و قادات الجلسة شعرها طايح على عينيها ساطت عليه بفمها حتى مال على جبهتهاا.. الشيفور كان غادي بهدوء شوية هز عينيه كايشوف فيها من المرايا تخلع.. 

نسرين : مكاينش شي ديسك اعمووو.. 

الشيفور (شاف فرعد حن حن وقاد الكرافاطة ..) شنو بغيتي تسمعي ابنتي 

نسرين : للي كان هااه بلاما دير ليا لونكلي و لا شي لعبة بالروسية را كانبغي نفهم الكلمات.. 

الشيفور : لا ابنتي كاينة غير الموسيقى الكلاسيكية ... 

نسرين (حركات فمها معوجاه) صااف صاف بلااش دارت شافت فرعد لقاتو داير الكيت فوذنيه.. 

نسرين : لاش كاتسنط.. 

حبس الموسيقى و وشاف فيها بعينيه بلا مايحرك راسوو.. 

نطرات ليه الكيت من و ذنو.. 

نسرين : كاتسنط لعظاامك.. 

بهدوء حيد السماعة من لوذن لخرى و حطها ليها فوذنها ولاو لاصقين بزوج برك على الموسيقى ... من نوع الروك كانت مججججهدة.. هزااات الطموبيل بواااحد الغوتة.. وااااااااااعععععععع قبل ماتحيدها شد ليها وذنيهاا بزووج.. 

نسرين : ااااااااااي طبلتي ليااا وذني تقبتي ليااا الشبكة طللقق وذني... 

الشيفور شاف فيهم وبدا كايضحك.. 

رعد : علاش مكاتعجبكش.. 

نسرين : بلاا بلا بلا .. ماتانسمعاااااااااكش..

تصرفها جاب ليه الضحك كاتهضر بحالا كاينة فشي سهرة و هي را تاحد ماحداها كون طفى الموسيقى تحشم فحوايجهاا... بعد يديه على وذنيها حيدات الكيت و حطات راسها ااااوه ... شهاد الذوووق عندك يععع.. مجاوبهاش..

نسرين : عطيني نتسنط لذوقي.. عطاها التلفون.. 

دخلات دارت اليوتوب و كتبات Moul Chateau

دارت لكييت فوذنيهاا و بدااات كاتغني معاااه ..

تبغي مول شاطُو لعندو باطُووو

يحضر la lune كاضو sans problème

أنا يا chérie معندي واااالوو 

كااتغني معااه و تلعب بشعرهاا الشيفور كايشوف فيها من المرايا... مع خرج فيه رعد عينيه نزل راسو شاف قداامو.. وقف الطموبيل ونزل كايجري باش يفتح ليه الباب

رعد (نطر ليها الكيت من وذنها) : وصلنااا نزلي... 

نسرين : اوك... حلات الباب و نزلات خلاو الحراس يهزوليها ليفاليز ... خلاها هي الاولى طلعات للطائرة و طلع وراهااا... 

رعد : جلسي هنا ..شوفي هاد الشوية للي عندي نتسارااح فيه داخل نعس و ماتجييش تصدعيني... 

نسرين : حتى انا بغيت نعس... 

رعد : نعسي شكون حبسك.. 

نسرين : اجي دبا نتا باغي تنعس خلي ليا بورطابلك.. 

رعد : لااا .. 

نسرين (فنفسها ) : اللواا

خلاها و زاد فطريقو قال المضيفة تقاد ليها السمطة و ماتخليهاش تنوض و الى بغات تمشي للطواليط تبقى معاهاا.. 

نسرين : غير تهنى ماجاياااش لعندك... جلسات بغضب جات المضيفة قادات ليها السمطة... دورات وجهها للزااج و غمضاات عينيهاا شوية بشوية حتى نعساات... مكاتفيق الا على صوتو بحال الرعد.. كايفيق فيهاا... 

نسرين : مالنا فهاد الفياق ديال المخازنية.... 

رعد : نزلي.. 

نسرين : كنتي تعلم المضيفة شهاد التوااضع.. حيد ليا هاد اللجاام ياالاه... بغضب تكلم مع المضيفة حلات ليها السمطة 

بغات تنوض ماقدراتش برجليها حطات راسها بتأفف .. 

نسرين : ماقدرتش نووض برجلي... 

عطاها يدو حتى ناضت و شدات ذراعو غادة معكزة عليه بشوية... نزل الدرجة الاولى وشد ليها يدها باش تنزل .. نزل تاني الدرجة التانية.. و حتى هي نزلات بشوية.. مع بغا ينزل التالتة هزها قلبها فوق كثافو بحا البوطة الصغيرة ةجهها لصق فضهرو و شعرها مقلوب واصل لركبتو... 

نسرين : شهااااد الشووهة نزلني.. كايبان بحال شي وحش هاز الفريسة ديالو... كاتخبط فضهروو... الحرس كلهم كايشوفو فبعضياتهم متعجبين.. والمضيفات كايشوفو من بعيد و يتناغزو... حل الطموبيل و حطهاا.. 

رعد : ملي نتي باقا عرجة علاش ماجبتيش عكاكزك.. 

نسرين : شكووون كالك هزنييي اصلااا ... قالك عرجة 

خبط عليها الباب و طلع .. شعل الطموبيل للي كان فيها الكونطاك و كسيرااا.. دارت السمطة حفااظا على خنشوشهاا... غادة و كاتشهد مارتاحت حتى وقفوو الطموبيل اشمن ارتاحت .. ترعباااات فاش شافت داك الخلااا ماعرفاتو واش طبيعة ولا غابة هزات راسها كاتبان ليها واحد الدار .. 

نسرين : تف تف بسم الله الرحمان الرحيم.. فين حناا.. 

رعد : نزلي... 

نسرين : بااااغي تصفيهااا ليااا يااك ... ناااري عارفااك ماباغيش تزوج بياا ولكن ماتقتلنيييش... 

رعد : شهاد التخربيق نزلي را وصلنا لدار... 

نسرين : نتااا واش لابااااااااس .. دباا فهااد الخلا كاينة شي دار .. مابانت ليا تا داار نزلات كاتلفت فجناابهاا .. م م كح كحححح كح م م بلعات ريقها مااتقووولش ليا ديك الدار الكحلة هي دارك ..

سمعات صوت الطموبيلات دارت كانو ديال الحرس ... زااد دخل و خلاها حالة فمها فالدار للي مصبووغة كاملة فالكحل... بصدمة تبعااتو و دخلات .. و خايفة يتفاوت عليها ... طلعو فالدروج مع حل الباب وشعل الضو اتضحات ليها الصورة ديال الديكورات كلهم فالكحل و الفتوياات وحتى الحيووط.. بالرغم من ان الهندسة اروبية و الفرااااش بااين فيه غااالي...ولكن لاا آخر حاجة توقعات هي هاد اللون...

نسرين : دبا انا هنااا فين غادي نعيش.. 

رعد : اه .. زيدي معاايا نوريك الدار باش ماتبقايش مصدعاني ... 

كانت كلها مفتوحة الكوزينة كاطل على السيجور و بيوت النعاس و دروج وسط الدار مبينين الفوق.. و عاد دروج كاينزلو للتحت... 

رعد : اختاري اي بيت خوديه.. و فوتي هذا (شاف فيها ) بيتي .. و هذا المكتب ديالي مادخليش ليه و مادقي عليا الا اذا كانت الضرورة سمعتي للضروورة... 

شاف فالدروج كايديو لاكاف.. هنا ممنوع تنزلي ليه.. 

ماشي لشي حاجة خودي رااحتك.. ولكن لاكاف ممنووع انسرين ممنوووع... اول مرة تسمع سميتها من فموو يااااه صدق عارفهاا ... ولكن بلاتي بااينة عندو شي حاجة مهمة للي خلاتو يحذرهاا باش ماتنزلش... مايكوون غير خااطرك لاكاف اول حاجة نبدا بيها ان شاء الله... احم احم اووك... 

كاطل فالبيوتة مرعووبة... قبر هذاا والله تا قبر السي راا ماشي دار.. 

رعد (جلس فوق الفتوي بهدوء) ماعندي ماندير ليك.. 

نسرين : بدل اللون انا مزاااااوكة.. 

رعد : ااه شوفي را سجلتك فالمدرسة غادي تكملي قرايتك.. 

نسرين : شناااااااهووووووووووو.. 

رعد : كيف ما كاتسمعي.. عندك الباك ياك.. 

نسرين : اه... 

رعد : زيري راسك باش تشديه.. 

نسرين : ومعامن تشااورتي اخااا انا خرجت من القرايا.. 

رعد : ماشي عليا.. القرايا خرجتي منها فاللخر ديال شهر 1 حتى خديتي النتيجة .. و خرجتي غير شهر 2.. 

نسرين : السلااامة ياربي منين جبتي هادشي ... 

رعد : المهم هاد الويكاند ارتاحي باش الاثنين تبداي.. 

نسرين : وباش نهضر معاهم... 

رعد : بداكشي للي قريتي هاد الشهر.. 

نسرين : و ااا ماغاديش نقراا القرايا صعيبة.. 

رعد : النتيجة و الملاحظات ديال الاساتذة كايقولو راك مجتهدة.. 

نسرين : ماعنديش الكانة للقرايا.. 

رعد : الااالة واش تيقتي رااسك مزوجيين.. حناا متافقيين انا جدي بغاني نتزوج و نتي محتاجة نتزوج بيك باش نحميك.. سالينا.. 

نسرين : ماااااامحتاااجاكش.. 

رعد : المهم نهار الاتنين اتبداي قرايتك.. نتي اصلا فيزيك مغايتبدل عليك والو.. 

نسرين : و الاجتماعياات ديالهم اتحفظهااا ليااا نتااا...

رعد (شد راسو بغا يطرطق ) مصيييييبة معاك نتي سكتيينااا شوية... حتى تمشي تقرااااي و يعاونوك الاساتذة.. 

نسرين : اوك.. والى ماعجباتنيش هاد المدرسة بالرب لا ضربت فيها عطرة.. 

رعد : جربي... (شافتو رطب معاها وسكتات )... 

رعد : (بلطف)... شوفي خاصكي تقرااي باش توصلي .. زواجي بيك مغايأثر عليك فوالو خرجي ديري صحابات جداد دوري ماتخليش هادشي للي وقع ليك فهاد الشهور يكون .. سلبي على حيااتك .. بغيتك تنسااي هادشي للي وقع .. وانا حسبيني بحال خوك لكبير اي حاجة خصاتك غادي تلقايني..شاف فيها و مابغيتش يجي شي نهار و تبغيني ولا تبني شي حاجة على زواجناا لحقاش انا مابغيتكش و ماغاديش نبغيك.. و امبوسيبل توقع بيناتنا شي حاجة.. حياتي مختالفة بزااف عليك.. هز قرعة ديال الشراب كانت محطوطة فوق الطبلة.. شرب منها جغمة وكمل فكلامو.. عيشي حياتك كيف مابغيتي ولكن فحدوود... 

نسرين : هادشي للي بغيت حتى انا و هذا علاش اختاريت نتزوج بيك نتاا.. و القرايا ماكنتش معولة عليه ولكن جيست زوين منك.. شكراا... هكاا اتافقناا .. 

رعد : يعني 

نسرين : انا ماندخل فييك و نتا ماتدخل فياا.. 

رعد : مزياان.. 

نسرين ( تنهدااات بارتيااااااح.. يعني السمووووحات اجدي عبد العزيييز اخا ولدك لخص ليا المسافة لهلا يداويه ) دباااا نقدر ناااكل تفتحااات شهيتي ... 

رعد : الخدامة ماكاينااش .. بغيتي الكوزينة راااها... ناض هاز القرعة فيديه كايشرب و كايتمسخر عليها.. 

دخل الحارس جار لي فاليز دياولهاا.. 

نسرين : شناااهو هيهيي والله مانطيب شي لعبة قوليه يجيب لينا شي حاجة حمبااك.. 

رعد : طلبي منو للي بغيتي.. انا داخل للمكتب... 

نسرين : اوك... تبعاتو حتى دخل و دارت عند الحارس تكلمات معاه بالانجليزية ) جييب ليا 4 بيتزا و موناضا والفريت... وسطل ديال الصباغة بيضة.. 

الحارس : شنو؟؟! 

نسرين : بغيت نصبغ بيتي.. جيب ليا صباغة بيضة و غوز و الادوات باش نصبغ.. 

الحارس : ااوك... 

خلاتو مشا و جرات لي فاليز كاتسارا على البيت للي يعجبها .. حلات واحد لقاتو كبيير وفيه شرجم مستطيل زااج و مافيهش ماريو فيه علاقاات و كاتوسطو ناموسية دايرة... 

نسرين : هوووو دااا... 

خرجات للبااب كاتعيط عليهم باش يخرجو منو البكااج كاااامل و يجيبو ليه شي صباغ لحقاش ماتقدرش عليه... ما ان قبلو ينفذو اوامرها جلساات فوق الباليزة فرحااااااانة

رجع عندها الحارس.. سولها شنو بغات بالضبط فالبيت.. 

نسرين : اللون ماعجبنيش و حتى الفرااش مغمووق خنقني بغيت شي حااجة مفتوحة... 

الحارس : حاضر.. ارتاحي بينما تكلمت مع مصممين الديكور يجيو دباا.. 

خرجاات فيه عينيهاا (فنفسها ) وانا بغييت غا صباااغ... جايب ليا مصممين .. (رجعات دوراات عينيها ) و مالي حاسدة راسي بحالا انا للي انخلصهم.. (ابتاسمات ليه) اوك تانكس... 

الحارس هز التلفون كايقلب فالنوامر وخاارج بالزربة... مشات حلات بيت اخر خاوي دخلات ليه لي فاليز دياولهاا شعلاات الضواو وتلااحت على ضهرها فوق الناموسية كاتسمع فيهم كايخرجو فالفرااش ديال لبيت... مادازش بزاف دالوقت حتى سمعات الدقان .. ناضت حلات لقات جاب ليها البيتزا للي طلباات حط الكراطن فوق الطبلة ..طلباتو يخدم لها التلفازة خدمهاا و خرج... جلسات فناموسيتها و جرات الكارطونة فتحات بيتزا وكاتقلب فالتلفازة حتى خرجات ففيلم ديال الرعب جرات عليها الغطى و بدات كاتفرج و تااكل... حتى تفكراات رعد للي نساات ماعطاتو بيتزاا.. هزات زوج كراطن و كانيطة بغات تعطيه حتى الفريت ولكن ماسخاااتش بيه... دارت بالناقص اصلا راني درت مع المزيان ملي غانعطيك زوج كراطن و كانيطة... هزاتهم بين يديهاا.. و خرجات.. عاقلة على المكتب ديالو وقفات كادق برجليها لحقاش يديها عامرين ماسمعات حتى صوت.. اويلي ياكماا مات... حدرات راسها على يد الباب حلاتو بوجههاا ... و دخلات مدرمة هزات راسها فيه كان جالس فالبيرو و رابط واحد الغوباشة منزل راسو فشي و راق كايشوف فيهم... وهاز الستيلو بين صبااعو.. 

نسرين (دارت شافت الباب كان من اللور كلو بونج و مغلف بالجلد.. اييييه داكشي باش ماسمعنيش) : احم احم.. جبت ليك ماكلتك... 

رعد (و هو مكونصونطري فالوراق مكايشوفش فيها ) ياك كلتليك مادخلش.. 

نسرين : الا في حالة الضرورة و مال الماكلة ماشي ضرورة... 

رعد : اوك حطيهم .. 

نسرين ( حطاتهم فوق المكتب ) : من الادب شوف فيا وانا كانهضر معاك... 

رعد : خرجي 

نسرين : اااوك ماكلتي وعيييب ..... هزات داكشي للي كانت جايبة ليه بالنفاخة و غادة خارجة... كاترمي الخطوة ببطئ عالله يتنادم معاه الحال.. دارت شافتو كاان غاااطس... 

نسرين : اناا غااادة.. 

رعد: هي دباا.. 

نسرين : مابغيتيش تاكل 

من تحت سنااانو هز فيها عينيه وناااض بغضضضب ... 

نسرين : اصاااف صاف هاهي غااادة.. خرجاات كاتجري قبل مايشير عليها بشي حاجة.. سري انا للي جايبااالك ماتجغدد لهلا يوكلووو ليك... الله بقاات ليا بيتزا بوووحدي... شافت الحارس داخل مع بنت و راجل.. فهمها بلي هما مصممين الديكور و غادي يبدلو ليها بيت نعاس على ذوقها حطات داكشي لي فيدها وسلمات عليهم... دخلات معاهم للبيت و بداو كاتقولهم شنو الالوان للي باغا و الشكل من بعد رسم و تخطييط طلباات باش يوجدووه فهاد الويكاند لحقاش عندها القراايا... طمنوها بلي الى بداو غدا فالصباح غادي يساليوه فالعشية لحقاش ماشي شي حاجة كثيرة... 

نسرين ايييه الفلووووس يديرو الطريق وسط البحر ديك الخربة ديالنا كنا غير الى بغينا نجيروها انا وجدة كانبقاو نخممو من الشتى تالصيف...ياااه فاش كاتضحك ليك الدنياا ولكن هاد الحيااة كثر من للي تمنييت ياااربي تكون بلا ضريييبة... رجعات للبيت لاخر كملات عشاها و بقات كاتفرج حتى نعساات... 

كان الصقييل و الضلام ديال الحيوط و الريدوات ماقدراتش تميز بيه واش ليل ولا نهار علا هي شحال نعساات فايقة بحال شي سكراانة كاترمش فعينيهاا.. لقات التلفازة باقا شاعلة ... شعلات الفيوز للي حداها و ناضت كاتقلب على الساعة .. كانت باقا بكيطمتهاا خرجات لقات الدار مجموعة و داك الفراش للي خرجو من بيت النعاس لبارح مكاينش دباا... حلات الباب بشوية حتى كاتخرج عينيييييها فالدييييكور الجديييد... 

مختلف تمااااااااما على كيف كاااان فيه مكتب فالبيض و كرسي و خزانة ديال الكتب و ناموسة دايرة فالغوز بيبي .. وفتويات فالغوز و الكريمي و مخيدات صغاار .. و ستائر فالبيض...بقات شادة فمهاا.. او بهااااد السرعة بدلوو كلشي نقزاااات بالفرحة داكشي حسن بزاااف من كيف تخايلااتو شافت فالساعة لقات الخمسة ديال العشية.. مشات كاتجري للبيت لاخر كاتخرج فلي فالييز.. حتى جابتهم كاملين ل بيت النعاس ديالهاا .. نعسااتهم و بدات كاتحل فيهم باش تستفهم... حلاات عينيها فاش شافت شحال ديال سبرديلاات و تشرتاات و سراول كل لبسة كانت لاصقة بسروالها وليزاكسيسوار و شورطات قصار و كولونات .. وعاد لي سيرفيت .. تقريبا كاع كاجوال.. للي جبداتها كاتعلقها... حلات لافاليز التانية لقات فيها البيجامات عبارة على شورطات قصار و ديباردورات و لي شوميز دونوي و كساوي هزااتهم بصدمة معوجة فمها ويييععع شهااادشي ههههه يسحابوني واش جاية نترومااانسا ... هزات للي مستور شوية طواتهم و خشاتهم ولي عريان خلاتو فبلاصتو.. مشات لافاليز الثالتة هي الصغيرة فيهم حلاتها ولقات فيها الميكااب بكااع الانواااع و شي شيتااات كبااااار ماعرفاات منين تجيهم عاد ليبوات ديال الصباايغ و الرواايح كاتقرا فيهم Dolçe gabana و lady million ... و la vie est belle اي حاجة ممكن تخص البنات جابوها لها حتى من الفوط الصحي ... ستفات كلشي فبلاصتو.... وشدات قلبها يااااااااربي مااانكووونش كانحلم ياااااااربي ماتفيقنيييش من هااااد الخييير احححح

علياااا شكون بحالي واخة تكرفست و تبهدلت عوضني ربي نحمدو ونشكرو.. دخلات للدوش باش تغسل وجهها حتى بان ليها مزين بالشموع .. و كاتفوح منو ريحة الورد للي كان مرمي فالارض.. عمراات البينوااار بالما سخوون و تخشاات فيه صدقاات مدوشة مايمكنش تشوووف شي حاجة زوينة و تخليها هكااك... خرجات كاتنشف بالبينوار و كاتقلب فالعلالق بانت ليها كسوة سميطات واصلة حتى للركبة فالبيض هزاتها هي و دوبياس فنفس اللون جبدات بونضو فيه بابيون بالغوز... قبل ماتلبس نشفات شعرها بالسوشوار و ذهناتو شوية و جمعاتو بمقبط باش تلبس حوايجها و بدات كاتصايب فيه بالبريصة.. حتى صايبااتو كامل و طلقاتو دارت البونضوو.. كاتبان بحال شي ملاك وسط الكسوة البيضة خدودها كايباانو غوور.. مادايرة حتى حاجة لوجهها و هادشي زااد ميزها وخلا جماالها يكون طبيعي.. بقات كاتشوف فوجهها فالمرايا و فرحااانة... حتى كاتسمع الدقاان... 

نسرين : دخل... 

تفتح البااب و خرجو عينيه بصدمة فالغرفة للي تقلباات سفاها على علاها من غرفة سودااء كايغلب عليها الرمادي الكئيب ل غرفة كلها حيوية و نشاااط كاتوسطها ناموسية دايرة فالغوز و حيوطها بيضين كأنو داخل لعاالم آخر ماشي وسط هاد الدار... هز راسو فيها كانت مبتااسمة و كاتشوف فيه بلمعة براءة و كانها كاتسولو على رأيو فالغرفة... للحظة سهى فملامحها و شكلها الطفولي و فستانها الابيض... قرب ليها بلع ريقو عطاها الكارطونة للي كانت فيدو.. 

رعد : هاكي... 

نسرين : شنووو فهاد الكارطونة.. 

رعد : حليهاا و شوفي.. 

خداتها منو و حطاتها فوق الناموسية و جلسات ... 

نسرين : جلس .. 

رما خطواتو و كايدور راسو فبيت النعاس .. جلس فالفتوي .. مع حلاتها خرجات عيينيها ف الايفووون و طابليط و اللابتوب... 

نسرين : 😲😲😲😲😲😲😲😲😲😲😲😲😲😲 هادشي ديااااالي... 

رعد : فالغوز غايكون ديالي.. 

نسرين : وااااااااااااااو شكراااااا شفتي نتوما واحد الناس الله يعمر ليكم الداااار.. 

رعد : جبتهم ليك اتحتاجيهم لحقاش غدا عندك القرايا... خاصك تفيقي بكري الالة ماشي تال لليل بحال ليووم... 

نسرين : Aaa !!! ليووم بحرا السبت.. 

رعد: لاا الجمعة .. ليوم لحد فهمتي.. 

نسرين : اويلي دغياااا داز هاد الويكند ... دوزتو غير نعاس.. 

رعد : نتي قالبة لبيت سفاه على علاه ودوزتيه نعاس.. 

نسرين : كيييجاك 😍😍 

رعد : هز راسو بملل مبرهش... 

نسرين : اش كاتعرف 😒 

رعد : كان عليك فبلاصة هاد الناموسية ديري كونة و تستفي ليكوش هناا ... 

نسرين (ناضت بغضب ) زيد هاد الاراء فبيتك يكون حسن.. 

رعد : هههه غير عطيتك رأيي.. 

نسرين : ممكن تفضل مشكوور على الكادو .. 

جلس بارتياااح و حط راسو على الفتوي كايفقص فيهااا.. سمعات الدقان.. 

نسرين : دخخل... قبة مولاااي عاااابد هادي مابقااش بيت... للي جا يدق ...

حل الحارس الباب هاز فيديه بدلة و فاليد الاخرى محفضة... 

فين نحطهم اسيدي ...

رعد : هناا.. 

حطهم دغيا و خرج... دارت عندو شهااادشي !! 

رعد(ناض) : هذا الزي الموحد و هذا كارطابلك ... بداية اسبوع موفقة .. غدا مع 8 دالصبااح ...(غمزها وخرج..)...

حتى مشا عاد تفكراات فيها الجوع خلات الصاكادو ديالها و داك الزي الموحد جاها العكز تشوفهم فاش عرفاات غاتبدا لقرايا غداا.. خرجات ديريكت للكوزينة حلات الثلاجة هزات الحليب و الطوسط مع الفرماج.. ماعرفات اش كادير واش كاتفطر ولا كاتعشى ولا كاتغداا... كون صابت شي سيرو ديال النعاس تشربو لحقاش الى بقات على هاد الحاال موحال تمشي غدا فالوقت و قالها 8 بقات كاتغبن تمااا .. تعض عضة و تحط... حتى كادير بالناقص و ترجع تكمل.. اويلي وحدي و كيغايكونو تلاامذ غانقراا مع النصارى عقليتي فشكل و عقليتهم فشكل.. اشووف فيك يووووووم يا بو شعكااكة منفوخ لبااادر زرق العنيين .. المش لاا السببع اتفوووو .. هزات تفااحة و نااضت مع كان المكيف فالدار خداااات رااحتها بديك الكسيوة .. دخلات هزات بورطابلها و شعلاتو .. تفكراات خووتهااا.. نااااااه نسيييييتهم و خااصني ندوي مع نهال ووعد نشكرهم على لحوااايج ونشوف كيف بقى الحاج... دخلات مدرمة للمكتب مالقاتوش.. سدات دغيا قبل مايحصلها و دقات فبيتو.. سمعاات داك الصووت الوحشي قالها تدخل... مع دخلات خرجااااات عينيها فالحيوووط كحلييين وواحد الناموسية كبييرة فالكحل كلشييي فالكحل تايباان ليها غالدخاان و كاتشم فريحة الكارو.. 

نسرين : حائط اسود.. سريير اسود... دخان رمادي اخبروا Dora كي تساعدني على ايجاده... اينك انا لا اراااك .. 

رعد : اش بغيتي... 

نسرين : بسم الله الرحمان الرحيم اش كاادير فهاد الضلاام... شعل الضو.. قربات حداه كاتنش فداك الدخاان.. بغيت نمرت ختك وعد.. و خالتو فاطمة.. حطات ليه التلفون... شدو من عندها كتب الرقم ديال وعد و سجلها عاد كتب ديال فاطمة.. و عطاه ليهاا..

نسرين : كحح كح شكراا... ناري ممكن ملاحظة صغيورة ... 

شاف فيها .. 

نسرين : هاد الريحة ديال الكارو خاايبة و اي كمية كميتيها كايتقطع سنخ رئوي وفاش كايتقاداو الاسناخ الرئوية هوووب مشيتي عند ربي.. و تيتيز بحالك نعمة بحالها بحال الدار حرااام ضيييع بسباااب الدخااان... 

رعد : غدا هادشي عرضيه على الاستاذ راكي حافظة مزياان... 

نسرين : غ ملااحظة.. تقبلها ماتقبلتيهاش ريتك هاديك ماشي ريتي و تا دبا ارااا هاااد الكارو را تانا كميتو معاك (نطراات من فموو و عفطاات عليه ... جرها من ذراااعهاا ) نتييي سووووقك شكوووون نتي للي تهضري معايا هكاا ااااا... تخطيييتي حدووووودك بزااااااف 

نسرين : واااايديييييييي... جمعااات اللكمة تا جمعااتها و هي تعطييهاا ليه لكرشو تسمعااات باااااات... على اثرهاا شد كرشو بالم حط يدو على الضربة و شاف صبااعو عامرين دم..... 

نسرين : مااالك 😱 رررعد مااالك.. مااادرت ليييك واالو يااك شافت الدم فيديه.. ههئء... 

رعد : والو سيري لبيتك ... 

نسرين : نعيط للحرااااس... كاتحل ليه فالصداف دالقميجة انعااااونك.. 

رعد : مابغيت والو.. خرجي علياا

بعد عليها و دار للمجر جبد العلبة ديال الدوا و جلس فالناموسية ... نزلاات جلسات حداه.. كايكمل الحلان ديال الصدايف.. قلبها ضرب فال90 فااش شافت الجرح ديااالو خبطااااات فخاااضهاااا ناااااااري على جرحة و زدتك ببونية الله يااخد فيااا الحق... 

رعد : عوض ماتبقاي تغوتي هاكا سيري لبيتك... بغا يحيد القميجة عاونااتو حتى حيد الكمايم حذر راسو فكرشو و بدا كايحيد فالفاصمة ولا مززييير و حمر .. هز القطن كاينشف فالدم... داواها و دار الفاصمة .. بغا ينوض 

نسرين : خليييك شنوو بغيتي.... 

رعد : جيبيليا شي تشرت..

مشات كاتجري حلات الماريو جبدات تشرت.. و جلسات مقابلة معاه وسعااات العنق ودخلاتو مع راسو.. رفع يديه دخل اللاولى و التانية ونزلاتو ليه على كرشو... مدد رجليه .. و تكا على المخاد.. هزات كلينيكس كاتمسح فعنقوو.. و جبهتو... 

نسرين : عفاااك سمحليااا ماعرفتش واش مرييض ... شكوووون دارليك هكاا... 

رعد : هاااادي خدمتييي وااااش مكاتفهميييش ... ليووم حي.. غدا ميت 

نسرين : مااتغوتتش غادي طرطق ليك الجرحة.. 

رعد : خرجي.. خلاتو و مشات كاطل من الشرجم... 

مكاتسمعيش يااك... 

نسرين : شفتي نتااااا الى بقيتي هكااا غايجي وااحد النهاار تلقى راااسك بوووحدك و تاحد مامسوق ليك بهااااد الاسلووووب ديالك و غزااااا فيك الله ...

رفعااات قنااانفهاا و خرجات كاتزدف برجليييهاااا.... مع دخلات لبيتها هزااات الباااب بواااحد الخبطة تسمعااات تالعندووو غمض عينيه بعصبية.. بقات غادة جااية و تخبط حتى من باليزتها هزااتها بااش تجمع حوايجهاا ... من كثرة ما تعصباات طاحت دودة فوق ديك الناموسية نعساات حتى للصباح فاقت على الجرس كايسرسر فالداااار كااااملة ... ناااااااضت وااقفة نااااااري كالل ليوم حي غدا ميت شنووو الهجوووووم علييه هييييه هااااياااااااا... هزات الكرسي فوق راسها حلات الباب و خرجاات عينيها كايبان ليها واااقف مربع يديه لابس تشرت من فوقو جاكيط داير كاسكيطة و مدورها للور ... 

نسرين : هجوووم مسلح يااااك بغاااو يقتلوك...

رعد : لبسي حوايجك و هزي كارطابلك كانتسناك فالطموبيل.... 

نسرين : ومااااااالك اخا فهاد العذااااب كامل و الخلعة لاحت لكرسي من فوق راسها و جلسات عليه بارتياااح.. 

منظرها جاب ليه الضحك... عطاها بالضهر و خلاها... 

مشات غسلات وجههاا و جات بدلات حوايجها جبدات البدلة عبارة على شوميز بيضة مع جيب قصييرة طالعة حتى لكرشها.. لبسات التقاشر واصلين لركبتها و لبسات سبادري اديدااس.... قبل ماتلبس جاكيط ديال الدجين دارت فوندوتان لوجهها وخدمات ماكيااج خفيييق لوجهها داكشي للي علماتها ليلى صاحبتها... دارت عكر ماط غوز .. و سنسلة لاصقة فالعنق و طلقات شعرها .. لاحت الجاكيط فوق كثافها و هزات الصاكادو ... بان ليها وااقف بلامبرغيني ااااح علييياااا غانمشي فلابرغيني... تهز البااب و دخلات جلسات حداه

رعد : نسيت واش كنت كانتسنااك.. 

نسرين : جيت فالوقت شفت ف l'emploi حتى ل 8h 30 و يالاه كيف 7 هاااادي... 

رعد : ايوا فهاد الساعة جبدي دوك الكتوبة راجعيهم شوية بين ماوصلناا.. شوووفي فياا... 

هزات راسها فيه... 

رعد : اش دااكشي.. 

نسرين : شنوو 

رعد : اش هاادشي داايرة لكمارتك... 

نسرين (نزلات المرايا ) مالي ؟؟ جبد كلينيكس ..

رعد : مسحيه.. و ماتبقاايش ديري هاد التخربيق خليك على طبيعتك.. 

نسرين : لاا عجبني.. 

رعد : بحالا ماهضرتش يااااك ... 

نسرين : ياك اتفقناا مادخل فيا ماندخل فيك... 

رعد : انا من حقي ندخل فييك لحقاش كيف ماجبتك خااصك تبقااي حتى ترجعي عند واليديك و ديري للي عجبك... 

نسرين : ماشي من حقك دخل فيا و انا كيف مابغيت غادي نكوون و ماعنديش واليدياا.. 

رعد : مانسمع حتى صداع فالقرايا .. 1h30 يجي الشيفور يديك ماتخرجييش و ماتمشي لحتى بلاصة حتى تعلميني.. ليووم انا تكلفت لحقاش خاصني نهضر مع المدير... 

نسرين : و باشمن حق... 

رعد : ولي امرك 

نسرين : اييه نسيت 

حلات الصاكادو و جبدات الكتوووبة حولااات عينيها... الماااط بلونكلي و الفيزيك و السيونس.. هاااادشي بزاااف علياااااا... 

جبدات كاتشوف فالدفاتر و الكتووبة حتى وصلو لليسي بقاات حالة فمها فديك البناااية الضخمة و فالتلميذات اللي لابسين بحالها وحتى الدراري لابسين نفس اللبس مع سراااول اكييد نزلات الزاج و خرجات رااسهاا كاتشوووف فالتيتيز النصرااني.. بلاصة الطموبيل و نزلات هازة الصاكادو كيف مانزل حتى هو.. و اونفاص ليهم كانت فيراري نزلو منها زوج دراري و 3 بنات ...كانت الاستراحة عامرة بحكم صونا الجرس و بغاو يدخلو للاقسام ... البنااات كلهم بقاو كايشوفو فرعد ... طبعا شي حاجة مختلفة على المراهقين بقات سااهية كاتشوف فيهم و تحلل نظرااتهم ليه و نظرات الشبااب ليهاا حتى حسات بيه شبك يدها فيدو 

رعد: مشينااا... 

نسرين (نزلات راسها فيدها و هزات عينيها فيه ) : اوك...

دخلو للادارة.. الغريب باقي كاعما وصلو للدورة دالمكتب المدير خارج فرحاااااان كايرحب برعد .. دخلو البيرو و جلس هو فكرسي و هي جلسات مقابلة معاه... وصا المدير عليها و فهمو بلي تلميذة جديدة وخاصها وقت باش تولف.. جالس فالكرسي مقابل معاها كايتكلم بالانجليزية مع المدير و كايشوف فيهاا.. فالاخير سلم على المدير و خرج بعد ما اشار لها بيديه بحالا قالها بيناتنا التلفون.. المدير رحب بيهاا و وصلها بيديه للقسم للي كان فالطاج الثالت.. دق الباب و حلو... بلعات ريقها بصدمة فاش شافت القسم مختلف تماااااامااااااا على القسم ديالهم و حتى الاستاذ و التلامذ بيئة مختلفة بزاااف... وعاد هادي مدرسة خاصة بولاد ليبورجوااا... رمات خطواتها بثقل و دخلات وقفات حدا السبورة و وقف حداها المدير.. عرفها على الاستاذ و تمنى ليها يوم سعيد كيف ماتمناه للتلاميذ و خرج... الاستاذ طلب منها تعرفهم على نفسها 

(الانجليزية ) 

نسرين : ماي نيمز نسرين ايم مروكن.. (سكتاات مابغات تزيد والو..) 

الاستاذ : Nice to meet you ورجعوهااا وراه التلاميذ مشاات لااااخر طاولة جلسات فيها تحت نظرات البنات و الدراري ...

جلسااات و بدات كادور عينيها فالبناات والدراري للي كايشوفو فيها بحالا ماعرت اش داايرة ...... شافت فاستعمال الزمن غرفات بلي هي فحصة الرياضيات.. جبدات الكتاب و دفاترو و الاتروس.. 

[الحوار بالانجليزية]

الاستاذ : تقريبا جميع التلاميذ حاضرين يمكن لينا نبداو درسناا.. 

هز الماركور كتب تاريخ اليوم... حتى سمع الباب كايتدق... تحل و طلات واحد البنت شعرها زرق محسنة شعرها من جيهة وذنها للربع فجبهتها و الباقي كان طويل مرجعاه جنب تاقبة نيفها و فمها و دايرة حلقات كبار و صغار فوذنها.. و عاد خواتم فيدهاا معكرة فمها فالموف و دايرة ماسكارا زرقة لعينيها.. 

الاستاذ : ميليساا اخر مرة تعطلي كون بديت الدرس مغاديش نخليكم دخلوو... بااينة مجمووعة دخلات و تبعوهاا 3 البنات تقريبا نفس سطايلها جلسو اللور من الصف لاخر جلسات هي حدا صاحبتها و لخرينات جلسو ب2 عاد تبعوهم 3 الدراااري... واحد قصير داير طاقية وتاقب حاجبو و واحد مربوع القد واشم فيدوو جلسو حدا بعضياتهم و التالت كان طوييل و عاامر من كثافو باين ريااضي داخل و كاع بناات القسم كايشوفو فيه باعجاب .. تايتمشي ثااايق فراو مامسوقش ليهم وقف على نسرين... 

.... : بلاصتي هادي... 

مع كانت تاتبركك فيهم مانتبهااتش لشنو قال.. 

نسرين : شنو.. 

حط كفو بعصبية وخبط الطاولة ... نووضي من بللاااصتي... حكات راسها ... طلعات و نزلات فشكلو .. هزات كتوبتها من فوق الطاولة بحالا كاتسارا على شي حاجة رجعات حطاتهم هزات لاتروس قلبات تحتو و رجعات حطاتو.. و نزلاات كاطل تحت القيماطر .. كادور فراسها... مالقات والو رفعات فيه عينيهاا تحت انظار الاستاذ و القسم كامل... 

نسرين (بنظرات قوية) : فيناهي سميتك !! مالقيتهاش... 

الدرااري بداو كايضحكو و البنات كايشوفو فبعضياتهم ...

.....(بعصبية خنزر فيهم حتى سكتو ورجع شاف فيها) : مكااتفهمييش نووووضي.. 

نسرين : مانااايضاااش رااها بلاصة خاوية سير ليها.. 

الاستاذ تدخل : جوناتاس جلس فشي بلاصة اخرى هكا كانضيعو الوقت... 

قادات جلستهاا و شافت فالاستاذ بحالا ماواقع والو... 

جوناتاس( كمش يديه على كارطابلو هزو وهو رافع صبع السبابة على وجهها ) : دبااا ندمك على هاااادشي للي درتي... 

هزات الستيلو بين صباعها كاتلعب بيه راسمة ابتسامة جانبية على فمها مرفوقة بتخنزيرة فيه.. ورجعات شافت فالاستاذ... جلس بغضب فالطاولة من الصف اللي حداها سمعااتو خبط كارطابلو و جلس معصب... 

ميليسا : ههه دجوو باقا جديدة.. 

نسرين رفعات حاجبها كاتحاااول تبرد قبل ماتنوووض تبرد هوايشهااا فهاد ***** .... سالات الحصة ساااعتين ديال الشرح مافهماااات فيهاا والووو بدوك للي مرة مرة كايدورو يشوفو فيها و يتغاامزو.. اما داك جو و لا جوناتاس جلس فبلاصتو ماتحركش و ماجاوب ميليسااا بوااالو... صونات جمعاات اداواتهاا و خرجااات من القسم لايحة الصاكادو على كثف واحد... غادة مخنزرة و كارهة الوضع حتى سمعات صوت شي بنت كاتعيط لها نسرييين.. دارت لقات وحدة زعرة طالقة شعرها عينيها خضرين مخبيين ورا نظاظر دالشوف و دايرة ليباg لسنانها... وقفات رافعة حاجبها كاتشوف فيها... 

اناا سميتي سيليناا مرحباا بيك و سطناا شووفي ماتقلقيش سووء تفاهم و تحل... 

نسرين : تانكيو... زادت وخلاتها.. 

سيلينا (من وراها) : نمشيو نفطرو ؟ 

نسرين (كرشها كاتغوت بالجوع) فين ؟ 

سيلينا : كاينة كافيطيريا المدرسة.. 

نسرين : ااوك... نزلات هي و يااها فالدروج غادة ساكتة على عكس العاادة... سيلينا هي للي كاتهضر و كاتعااود ليها على الكليكة ديال جوناتاس بلي عايشين فدار وحدة و شي مصاحب مع شي ... تبخاات ليها راسها بيهم لحقااش هماا الكليكة الخطيييرة فهاد المدرسة و سيرتو مع بابات جوناتاس مافيوزيي كلشي كايخاف منوو... دخلو القهوة جرات الكرسي بغات تجلس... 

سيلينا : شكووون داك البوكووص للي جيتي معااه قبيلة شفنااك انا وبنات القسم 

نسرين (بملل) خوياا لكبيييير ... (جلساات) 

سيلينا : وااااااااااااااو عجبنااا بزاااف ممكن تعرفيني علييه بليز بليز بليز... 

نسرين : واااش غاتبقاي تزنزني فوق راسي نوضي دموندي على الفطور... 

سيلينا : اووك... ناضت بفرح كاتجري شوية رجعاات عندها ماقلتيش ليا شنو بغيتي.. 

نسرين : للي جبيتها ناكلها غير سربي... 

سيلينا : امم اوووك مواااح عليك... 

نسرين ( بااينة فهاد البنت حمقة.. بقا ليك غير رعد كوشت عليه تا انا ههه.. ابتسمات بسخرية و حركات راسها بالسلب ) هبيلة... ماجات فين تكملها حتى حسااات بالطبلة تزعزاااات من حدااها بقوة الضربة الكراسة طااحو ماعرفاات باش تبلااات ناااضت واااقفة لقااات داك الزبل للي دابزاات معاه فالقسم..

نسرين : هييييه مااااالك 

جوناتاس : نتيييييي شكووووون نتي حتى تصرفي معاااياا بديك الطريييييقة ... قبيلة جرهاااا من كثفهاا... 

نسرين (نطراات منو بالجهد نزل عليها ربي واحد الفصاحة فاللغة ماعرفااات منين جااتهاا واخة قارياها وكلشي ماكانتش معولة ) هااااد الضسااارة ديرهااا على هااادو للي دااايرين بيييك و كااايخاااافو منك مااااشي عليااا اناااااااا ... بعد مني قبل ماااتندم ...

جوناس : هههه شنوو نندم.. بالسرعة هز يديه بغا يضربها شدااتها ليه بقوة مع اللوية للي لواتها دفعاااتو حتى جا مليوووح فوق الطباالي ... قرب ليها صاحبو.. عطاتو بمرفقها لصدروو بسرعة البرقة هزاات الكرسي و خبطات بيه التاالت... جاات كاتجري ميليسا شداتها من شعرهااا ... تلاحت عليها نسرين باللكمااات... كلشي كااايغوت و كايعيطو للمسؤوولين حتى جا الحارس العام تدخل فك الجووقة و خداهم كلهم للادارة ... غاادة بغضب و هماا كايشوفو فيهاا ديك ميليسا مشععكة و جوناتاس شاد يديه ... و لاخر تايعرج... برررد ليها قلبهااا فيهم...

ميليساا : غااادي تندمي..

نسرين : بااااقاا كاتهضري... 

الحارس : سكتوووووونااا... 

دخل المدير .. اش هاد هاد الكااارثة وقعاات فالكافيتيرياا... 

الحارس : نخليو جوناتاس يفهمناا.. 

ميليسا : خليوها هي تشرح لييكم... 

نسرين : انا كنت جاالسة فالكافيتيريا و هجم علياا هذا هو و صحابو الى ماتيقتوونيش سولو الحاضرين.. 

المدير : بصح هادشي اجوناتاس. 

جوناتاس : ااه.. (شاافو فيه بصدمة ماشي قل من نسرين.. كمل فكلامو ) كانعتاذرو منك (حكات عينيها)

المدير : اعتااذرو حتى نتوما... 

ناضت ميليسا بتأفف هي والدراري.. 

سمحيليناا.. 

نسرين : ماسمعتش... قالوها بالجهد عاد زادت و خلاتهم.. بعداات من الادارة نازلة فالدرووج .. وقفات بملل و هزات تلفونها كاتشوف فلومبلوا اشمن حصة عندها دبا.. حتى كاتحس بشي حد هزها بوااااحد التعنيييييقة حساات بضلوعها تهرسووو ننزلها كايجري بيها فالدروج.. كاتسمع فضحكات الدراري صحابوو هوووهوووو ههههههه... 

كاتفركن برجليهااا وضرب فيديه... كاتبعد فييه بالجهد و تغوت باش يخليها مع وقفها دفعهاا على الحيط... 

جوناتاس (حكمها بيديه بزوج ) : حيااتي كاملة كانقلب على وحدة بحاااالك... نتي هي للي بغييت ... قبل مايتلاح عليها ببوسة عطاتو بجبهتها زدااف بعد عليها شاد فموو..

نسرين : اااااخر مرة تقرب مني... دفعااتو و مشات كاتجري .. نزل راسو بانت ليه سنسلتها طايحة.. 

جوناتاس : هيييه 

دارت شاف فيه... 

جوناتاس (هاز السنسلة فيدو) هادي ديالي وقريب حتى مولاتها تكون ديالي... 

نسرين : كااتحلم... 

جوناتاس : ههه نشوفو... 

فبلاصة ماطلع من دوك الدروج للي كانو عامرين بولاد قسمهم كايشوفو فيها دارت من الجهة لاخرة وطلعات بحالا ماغاتقراش معاهم فالقسم... دخلات هي الاولى للقاعة ديال الفيزيك للي كانت على شكل كراسى مقاربين و بوطاجيات .. مشات لاخر كرسي و جلساات... عاد بداو كايدخلو التلاميذ و كايهضرو علييها... و يشوفو بحالا عمرهم شافو شي بنت ضربات دري... جات حداها سيليناا.. واااااااو نتي مامنكش زوووووووج ... كيفاااش قدرتي ضربيهم كاملين..

نسرين : غاتبقاي واقفة هكا 

كل واحد شد بلاصتو حتى دخل جوناتاس نوض سيلينا من حداها.. و جلس... 

نسرين : ياااك قلتليك ماتبعنييش .. 

جوناتاس : تخرجي معايا ليووم.. 

نسرين : نتا واش حمق .. هزات كتوبتهاا كاتسارا على شي كرسي خاوي.. 

جوناتاس (بصوت عالي آمرهم) : حتى وااحد ماينوض من بلاصتو و قفات على سيلينا .. ممكن نتبادلو.. 

سيلينا : ام صووري شافت ف جوناتاس وحدرات راسها... 

رجعاات بغضب جلساات حدااه... 

كان مكمش يديه حلها و شافت سنسلتهاا.. بغات تحيدها ليه ورجع كمشها وبعدها عليهاا... 

جوناتاس : اختااري.. تخرجي معاياا و تاخديهاا ولا عمرك ماتاخديهاا... طلعات حجباانها .. مابغيتهاش... 

دخل الاستاذ و ياريتو ما دخل كايشرح ليهم و كاتحاول تاخد شي كلمااات و تفهم ولكن عقلها كان مبلوكي ماعرفااتش واش بهادشي للي وقع و لا حياتها للي تبدلاات و لا هذاا للي جالس حداها و مرة كايدير فيها شي شوفات كايذوووبو... و لا ميليساا للي كاتخنزر فيهاا... مارتاحت حتى سالات الحصة... خرجاات هي الاولى بالزربة قبل مايوقفهاا شي حد... نزلات كاتجري فالدروج وقفات قدام باب المؤسسة...جوناتاس خارج مع صحابو .. جمع عينيه على شكل غمزة و فمو على شكل بوسة.. وسيفطهم ليها.. خرجااات فيه عينيهاا بخجل و ارتبااك دارت كاتسارا بعينيها حتى كايبان ليها الشيفور راه فين كايستنااهاا... مع شافها نزل حل ليها الباب ... دخلات جلساات و كاتشوف من بعيد فيه هو و ربااعتو كايشوف فحركاتها مرتاابكة و كايضحك قلبها دق ف 90 ركب ف السكوتر ديالو و ركبات و راه ميليسا كيف ركبو صحابو لخرين فالدرجات النارية مع البناات... زاد الشيفوور عاد زادو هما وراها و سبقوو الطموبيل بسرعة ... افترقو فملتقى الطرق... تنهدااااات بارتياااح للحظة خافت يتبعهاا.... وصلو للدار للي كان فالخرجة ديال المدينة و بعيدة ب نص ساعة ديال الطريق على المدرسة نزلات كاتجري فاش وصلات حلات الباب و دخلات حتى كاتصدم فرعد واقف فالكوزينة لابس سروال سيرفيت و عرياان من الفوق عاطيها بالضهر كايطيب شي حاجة فالمقلة ... 😳😳

نسرين : شنوو كاادير ...لاحت الصاكادو ديالها فالفتوي و مشات كاتجري غسلات يدهاا.. حيد اناا انكمل عليك.. كنوع من الامتنان و الشكر للسيد اللي ماخلا مادار على قبلها واخة تخدم حياتها كلها مغاتخلص ليه هادشي للي قام بيه... شاف فيها دغيا ورجع كمل شغلو.. نو قربت نسالي.. رجع شاف فيها.. مال لونك مخطووف ؟.. 

نسرين ( وقفات على الحركة ) شنوو ؟ ..

رعد : مالكي !.. 

نسرين : وو واالو.. 

شاف فيهاا بعينين يتوبو الشيطاان ... و الكذااب يقول الحق... و الميت يرجع حي (بلعات ريقها) ماالي... (قرب ليها حط يدو على الشوميز ديالها) منين جاك هاد الدم.. خشا يدو فعنقها و هز شعرهاا .. شكون دارليك الندبة.. ؟ دابزتي يااك

نسرين : اااه.. دابزت و ماابقيتش بغيت نمشي لديك المدرسة.. صاااف عيييت

رعد : معامن دابزتي و علااش ؟... 

نسرين : مع شي وحديين.. ولكن فاللخر اعتاذرو مني... 

رعد : اش درتي ليهم ؟.. 

نسرين : علااش ماتقولش اش دارو ليا !!

رعد : عارفك مزياان علاش قادة.. 

نسرين : مزياان.. بعدات وجهها على يدو و زاادت.. جرها من مرفقها... 

رعد : شنو دارو ليك؟؟ ..

نسرين : كيفما قلتي قادة بقدوودي... انا للي ضلمتهم و انا للي مامزياناش و انا للي فين ماااكانت شي مشكلة كانلقى راسي مخشية وسطهاا ... 

رعد : هضري..

نسرين : ماوقع والو .. 

رعد : اوك نهضر مع المدير ... 

نسرين : دابزت مع واحد الكليكة حكروني وريتهم شكاانسوى

رعد (هز حجبانو بتعجب) و مشيتو للادارة.. 

نسرين : ااه و اعتااذرو لياا... 

رعد : اعتذاار من الفوق .. 

نسرين : اه 

رعد : ههه برافو عليك 

خرجات فيه عينيهاا شنوو !! .. 

رعد : سجلي عندك نمرتي اي حااجة وقعات صوني لياا.. 

نسرين : تكمل علياا..

رعد : نكمل علييهم... خااصني نعرف هاادو غدا نوصلك وريهم لياا.. طارت عليه 😱😱 ااا لااا لاالاا اللا خاا رعد الميمة تصالحنا و صلحنااا الاموور و كلشي سمن على عسل نتا غير هدن لياا راااسك و كمل ماكلتك و ارتااااح ليا فدارك...يعطيك الستر.. سمعات الباب تسد دورات وجهها و دارت كاتشوف وهو وراهاا كاتبان ليها وحدة خارجة من بيت رعد .. طويلة و فورمتهاا مثييرة لابسة كسوة لاصقة عليها و مبينة جميع مفاتنهاا مؤخرتها بحال كيم كاردشن ... بارزا صدرهاا كاااامل حتى الريوس ديالهم بانوو يععع شيء مقزز... عوجااات فمهااا وشافت فرعد محولة عينيهاا.. 

نسرين : ذوووقك خاايب اصاااحبي 😞.. 

من وراها حط يدوو على عينيها غمضهم ...

(فنفسها ااييه بردي بردي على قلبك و ماالي تانبرد على قلبي ليلونتي نديروهم .. وباراكا اللهم شوية شوية من الحاجة ولا هادشي كاامل اصلا بحال هاد خونا ماتقد عليه غ هادي .. جاو مع بعضياتهم... جاية كاترمي خطوة متجهة عندهم حتى قربات تسمع صوت اصطدام شفااهمم مع بعض برك ليها على عينيها حتى خرجات ...عاد حلاتهم .. تفووو علبووك كاعما دايزة ليا الوقفة معااك وزايد مغمض ليا عيني يخ يخ تفوووو دخلات لبيتها و خبطاات الباااب اوووووووييييييلي شنووودرت انا عندااك يسحاااب ليه غرت ا

هههه مناااش منهاا ويييعع بقا ليا غاهو... اصلاا انا عاجباني فورمتي صوو كيووووت بدلات حوايجهااا لبسات شورط قصير مع تريكو دياال الخيط عرييض من جهة الكمايم و طايح على الكثف.. دخلات غسلاات وجهها و رجليهاا ..و بقات جالسة فبيتها تخرج لاا ماتخرجش .. تخرج لاا باشمن وجه... بقات شي ساعة قلربع هكاك عاد خرجاات كاتسلت دخلات الكوزينة.. لقاتو ساااط فكلشي ماخلى ليها بااش تنقي سناانها.. تاكل فيه السم اولد اللذينا.. اصلاا انا ماناكلش ماكلت واحد مجووونب..جبدات كاطيب قادات ليها سندويش و جلسات كاتاكل فيه حتى خرج لابس سيرفيت كاملة هاد المرة مع تقاشر بيضين و بالطوفة .... باينة فيه مدوش داير طاقية ديال الخيط جلس فالفتوي و حط رجليه فوق الطبلة .. شعل التلفازة و جلس.. كانت جالسة فوق كرسي عاالي ديال الكوزينة و كتاكل مقابلة معاه... 

نسرين : كيبقيتي.. ؟

رعد( كايشوف فالتلفازة) : مالي.. 

نسرين : ديك الجرحة للي ف كرشك.. 

رعد : مزياان.. 

نسرين : شكون جرحك.. 

رعد : تضربت بالقرطاس.. 

نسرين : هئ امتى.. 

رعد : شي 10 يام دبا.. 

نسرين : كاتقووول فيها عادي 

رعد : حسن نطفي التلفازة و نجلس نتفرج فيك نتي.. 

نسرين : علاش مابغيتيش تزوج.. كاتبغي شي وحدة وخانتك ؟معقد من الحب !! 

رعد : لا

نسرين : وشنو 

رعد : اااه من هنا للقدام عولي طيبي بوحدك و الى خصات شي حاجة قوليهاليهم يجيبوهاليك... الخدامة للي كانت مابقاتش .. 

نسرين : ماالهاا مسكيينة مريضة ... 

رعد : قتلوها.. 

نسرين : شنوووو العار ماتقولش ليا اعداءك.. 

رعد : هما.. و الخدامة للي جات وراها قتلتها (كاتحس بالخلعة شداتها من الصبع الصغير ) 

نسرين :وااش عندك القتيييل عاااادي... 

رعد : قتل باش تعيش... 

حطات الماكلة من فمها و مشات جلسات حداه.. علمني نهز السلاااح عفااااك... 

رعد: لاا. 

نسرين : وااعلاااش ؟ 

رعد : هكاك..

نسرين : دبا نتا ماباغيش تزوج لحقاش ممكن تموت فاي لحظة و تخلي وراك مراتك للي كاتبغييك ووليداتك... وااو صدقتي غوماانسي 

(تبدلو ملامح وجهو و رجع شاف فالتلفازة) 

نسرين : ولكن را سنة الحيااة هادي خااصك تحب و تتحب و تعيييش .. الدنياا ماشي كلهاا كحلة بالعكس خااصك تلقى للي تبغييك و تولد ولاددك ... هادي ماحياة ماوالو... 

رعد : و عاجباني.. 

نسرين : مامليتيش منهاا.. 

رعد : كبرت بوحدي و بغيت نموت بوحدي مابغيت نواعد حد بشي حاجة مابغيت نكرفس تاحد معايا .. مابغيت نعلق و نتعلق بتاوحدة و مكانحملش الدراري صغاار كايصدعووني هادي حيااة مؤقتة وواحد النهار غادي نموت و بين الموت و الحياة انا حر ندير للي بغيت شنو للي بان ليك عجب فهادشي 

نسرين : تعاملك مع الطفل فالكلينيك ماشي هو هادشي للي نطقتي بيه دبا... 

عض على سنااانو بعصبية .. الى سااليتي دخلي لبيتك... 

نسرين : ماداااخلاااش نتااا الى ماتو ليك واليديك انا را ماتو فحيااتهم خلاوني وهما حيين كل واحد مشا كون اسرة وعاش بحالا حناا ماكاينينش.. 

رعد : فرق كبير بين يخليوك و بين تقتلهم بيديك.. 

ناض جمع الوقفة بغا يخرج... وقفااات فوق الفتوي حبساتو قبل مايمشي 

نسرين (تفكراات كلام الحاج و الحاجة و كلام فاطمة عرفاااات راسهاا غلطاات فاش جبدات واليديه) : ماقصدتش نحرك جراحك ... 

رعد : مادرتي والو... 

مع بغا يزيد جراتو تلااحت عليه بالجهد عنقااتو بحناان.. بقا حال يديه وعروقو مزيريين عااض على سناانو مابغاهااش تعنقووو ولكن بحالا بديك التعنييقة تهدن رخاا اعصابو لقا راسو ضامهاا لعندوو بقووة.. دفن لحيتو فعنقهاا و كأنه كان محتاج لعناق يقلب موازينو ويغير حياتوو ... فجأة بعد عليهاا و دفعهاا بكاااع ديك القوة للي كان ضاامها بهاا..... ولااا حمررر و العرووق من جبهتو خاارجييم ... عينيه كلهم شراارة : اخخخررر مررررة تقربي منيييي هكاااا ماتبقااايش تقيسييينييي انااا ماااشكييتش عليييك مادخليش فحياااااتي... كيف ما تااانااا ماكندخلش فحياااااتك... انا عمري غادينبغيييييك واش فهمتي... و مامحتااااااجش لنصاااائحك... ركل برجليه ديك الطبلة خرج كاايبخ الدم... جلساات مصدوومة فتناقضاتو بحالا ماشي هو هذا للي كان معنقهاا ماحساات بدمووعها حتى طاحوو على خدهااا.. علاش قال هاكا على واليديه معقووول يكونو ماتو بسباابو شنو دار ليهم.. بقات كاتدي و تجيب فالكلام و تحاول تفك هاد الكومة من العقد.. ناضت كاطل من الشرجم بان ليها وااقف تاايكمي.. دخلات لبيتهاا و جبدات كتوبتهاا عالاقل تنسي شوية هادشي للي وقع غير مازادو كملو عليهااا... تفكرات خوتها.. هزات التلفون و صونات ليهم.. هضرااات معاهم كامليين و دوزو ليها مهدي و رنيا بقات شادة معاهم شي سااعة ديال الهضرة.. عاد قطعاات... جاها الفضول تعرف اش كايدير حلات الباب بشوية طلات لقاتو متكي على ضهرو فالفتوي كايتفرج... مشات كاتجري هزات كتوبتها و خرجات عندو... كان مغووووبش... 

نسرين : بغيتك ترااجع معااياا.. 

رعد : مامساليش ... 

نسرين : الماط و الفيزيك مافهمت فيهم والو شرح ليااا الى فهمت هو هذااك مافهمتش ماغاديش نمشي غداا 

رعد (شاف فيها باستغراااب اااش من نوووع ديال البنااات هاااد خيتي ) جلسي... 

جراات الطبلة للي دفع برجليه جلسات حداه...فرشات الكتوبة فوقها وعطاتو الكتاب ديال الرياضيات هزو كايشووف فيه..

قاد جلستو و جات جلسات حداه.. 

هز ورقة و ستيلو.. تحولو ملامحو للجدية... مفيكسي عينيه فالدرس.. كتب ليها معادلة.. وبدا كايشرح ليهاا كيفاش تحلهاا كايكتب ليها فالقواعد و كايشرح ليها بالانجليزية ... 

رعد : كلشي عادي الماط ديال المغرب هو ديال الهند هو ديال هنا.. اللغة للي كاتختاالف و هناا فين غاتبان ديك 20 ديال الانجليزية.. 

نسرين : ااه را دباا فهمت.. 

رعد : يالاه خرجي هااد التماارين نشووف و عطيني نصحح .. 

هز الكتاب ديال الفيزيك كايقلب فيه... و هي خشاات راسها فدوك الورااق كاتحل و تحسب و ضرب على هادي و تكمش الورااق... 

رعد : اناا را شرفت هنا ونتي مزاال ماساليتي... 

نسرين : ساليت ساليت هااك شووف.. عطاتو الورقة.. و بدا كايصحح... 

-2 دار ضرب ليهاا على المعادلة .. هادي خاصها تكووون 2... 

نسرين : وا هاااديك غير عريضة شوووف النتيجة خرجات صحيحة... 

لااا انا بانت ليا ناقص... 

نسرين : اويلي على ناقص بالرب تا عارضة.. 

رعد : عندك 18/20 ... 

نسرين : وفييين مشاااات ديك 2 

رعد : ف ناقص 2... 

نسرين : نتاااا سقراااام و داير بحال واحد الاستااذ مسمينو الفار السقراام تايتكدد لينا على النقااط بحالا ايعطيهم لينا من جيبو .. 

رعد : الماط هذاا ماشي اجتماعيات باش تجلسي تزوقي ليااا بالعواارض... 

نسرين : نستااهل انا للي بغيت نضم ليك داكشي... 

رعد : ندوزو للفيزيك... 

قرب ليهاا كايشرح ليهاا و يعاااود و كان الشرح دياالو زوييين كايعطيها امثلة مبسطة و فكااهية كايضحكهاا و كانت لغتو بالانجليزية عندها طعم خاااص و ابتساامتو كاتفتن... ماكايستاحقش يبقى مغووبش حساات برااسها فااهمة و فهمها حتى الدروس للي مزال ماوصلوهمش راجع معاها كاع المواد ... تبااارك الله علييه دماااااغ هاد بناادم.. 

نسرين : عطيني شوية من عقلك.. 

رعد : اش بغيتيه.. 

نسرين : كااتعرف تشرح و فاهم كلشي و خدااام مزيااان.. كنت تانسحابك واش مافيوزي و الصرااحة كايجيوني دوك المافيوزيين مكلخيين عندهم غير لفلووس لا قراايا لا واااالو ولكن نتا ماصدقتييش مافيوزي صدقتي خدااام بقرااايتك وفالحلااال... للمرة التانية ممكن نتبع قراايتك.. 

رعد : قرااي الالة والى جبتي نقطة مزيانة تكملي فالتخصص ديالي حتى عمتي رنيا خدامة بحالي ... 

نسرين : وااااو نتوما ترييكة...

رعد : نوضي تنعسي .... 

نسرين : نوووو نووووو بلييييز غير شوية ... 

رعد : اووك لحقاش فهمتي بلاماتعذبيني... جمعات ادواتها و جرات المانطة .. مع تقادات فبلاصتها سمعات بورطاابلها كايصوني كانت حاطاه فالصاكادو .. هزاتو ماعرفاتش النمرة عندها زوج كايطيرو وينزلو فاطمة ووعد من غيرهم مكاااينش... كانت جالسة حدااه.. كايشوف بنص عين فالنمرة و كايدير راسو كايتفرج... مع قالت hello مع سمعات صوت

جوناتاس.. : نينا.. 

نسرين (خرجاات عينيها فالفراااغ وولا وجهها حمر نااضت بارتباك حطات يدها على السماعة.. و قالت لرعد بهمس ) : تصبح على خيير.. 

بقا كايشوف فيها مافاهمهاااش السيدة يالاه بغات تفرج... 

رعد : شكوون !

هزات الصاكادو و دخلات بلا ماتجاوبو بقا متبعها بعينيه حتى سدات الباب و تسمع طرق ديااال السااروت

نسرين : منيييين جبتي نمرتي !... 

جوناتاس : فاش كانبغي شي حاجة كانوصل ليهاا.. 

نسرين : شنو بغيتي!... 

جوناتاس : بغيتك نتي .. توحشتك

نسرين : ماتهضرش معايا هكااا.. 

رعد بقا كايشوف فالبااب و فالضو للي ماشعلااتش بلا مايحس نااض و كايشوف ورااه ماراضييش... حط وذنو بالشوية على البااب.. وفنفسو كايقوول اش هاد التبرهييش كااندير انااا ... 

نسرين : ماتبقاش تصوني ليااا .. غادي تجبد لياا الصدااع... 

جوناتاس : هههه نتي كاتخاافي... 

نسرين : بعععد مني...

جوناتاس : شششش ماتقطعيييش.. 

نسرين : شنوو !!؟ 

جوناتاس : غدا نعتاااذر ليك قدام الليسي كااامل...

نسرين : مابغيت منك واالو 

جوناتاس : خرجي معايا نعرفك على صحاابي اجي نتي و سيليناا الى خفتي من شي حااجة و كانواعدك غادي دوزي احسن نهاار فحيااتك ... شافت راسها مالهاا اش خااسرة اصلا فهاد الداار كل واحد عايش حياتو على كودو اهم حااجة تقرااا.. كيف قال

نسرين : اووك.. 

جوناتاس : غدا نتلاقاو.. الانسطا ديالي Insta : Jona.tass الى بغيتي تشوفي تصاوري قبل ماتنعسي .. 

نسرين : بااي.. 

قطعاات معاه مع حلات الباات هز رعد رااسوو للي كان خاااشي وذنيه كايتسمع عليها واخة ماسمع والو.. 

نسرين : هئ تف تف خلعتيني اش كادير هناا... اجي ياكما كاتسمع علياا 

رعد (حك راسو بارتبااك) معامن كنتي كاتهضري.. 

نسرين : وعلااش كاتسول.. 

رعد : راااجلك الالة ولا نسيتي .. 

نسرين (خلاتو و غادة للكوزينة تشرب ) : شد راسك راجلي ولا خويا الكبير ... 

رعد : خوك و راجلك و ولي امرك معااامن كنتي كاتهضري.. 

نسرين : يعني غادي نتسمى خنتك الى كنت كانهضر مع شي واحد 

رعد (عض على سناانو وتعصببب... قلبو ولا كايضرب مافهمش الشعووور ديالو لحقااش عمروو ماحس بييه ) ااه كاتسمى خياانة.. 

نسرين : هههه واش نقولو على ديك البكرة ديال قبيلة.. هزات الكااس شرباتو مامسوقااش ... 

رعد : مكانضحكش بغيت نعرف معامن كنتي كاتهضري انا مسؤول عليك و من حقي تجاوبيني... 

نسرين : انا مسؤولة على راسي و كنت من قبل عايشة بلا بيك و مسؤولة على زوج النفوس صو بلاما تلعب عليا دور الاخ.. تصبح على خير وشكراا على الشرح ... دخلات لبيتها للي كان واقف حدااه... 

رعد : و مابقيتيش باغا تفرجيي.. 

نسرين(كاتشوف فالتلفون بلامبالاة) : لاا غير طفيهاا.. 

عض على سنانو كايحاول يبرد و يحلل هاد النبض للي حياا ليه قلبووو معقووول يغييييير ههههه على نسرييييين ...لا لااا لاا.. دخل و خبط الباب غادي جاااي كايدوز على شعرووو ماكرهش يشد ديلمو داك البورطاابل يفرشخها هي ويااه و يعرف اش فييه و شكون صونا ليهااا... شاف حتى عياا بدل حوايجو و خرج... سمعاات صوت طموبيلتو ناضت تاطل شافتو كسييراا بسرعة ... آاااوو هذا مالو فين خرج فهاد اللييل و انا مااالي سوقي باينة غايخرج عند البكراات... خليني منوو جلسات و ربعاات رجليها... ندخل لهاد الانسطااغراام نشوف اش فيييه...

جاها مسج من جوناتاس كاتب فيه الانسطا ديالو شارجات الابلكاسيون ديال الانستغراام تسجلات فيه و دخلات كاتقلب على جوناتاس.. خرج ليها الكونط ديالو.. و تصااورو مع صحابو و مع ميليسا و البنات و لي فيديو ديالهم واااع هاادو لمن نكوول ضاربين الدنياا بطاالووون ... ميمتي على تصااور شحال مفضووحيين... مكااين غ التعنااق و البوساان المسخ المسخ....ايهاايهاهي سير ارعد الله يعطيك الرضى عطيتيني باش نلاهي رااسي.. من الكونط ديالو دازت ل ميليسا ل سيلينا و كاع ديك الطبقة ديال قسمهم غادة فالكوزينة كاطيب و كاتشووف مانعلات الشيطان حتى طفى ... حطاتو يتشارجا و لاحت حوايجها يتصبنو... تعشاات و غسلات سنانها قادات اداوتهاا و نعسااات... مكاتفيق الا على صوت المنبه ناضت قافزة... وبدات فالروتين غسلات وجهها و صيبات ميكااب خفيف .. لبساات اللبسة ديالها للي كانت عبارة عن جيب كارويات و هاد المرة تريكو لاصق عليها كم و كول باطو قصير كايتلبس فوق السرة .. دارت سنسلة لاصقة على عنقها فالكحل.. و خرجات كايبان ليها صباط طالون مرمي فالارض و مونطو مليوح فوق الفتوي.. مشات كاطل بفضوول بالرررب كون ماخفتك تيري فيااا تانعيط لبووك لبوووليس ياالعاااهر مامربيييش صبااح وحدة و دبا وحدة واخة تكووون تاتشرب لفيااكرااا لينعليماايحشم تف تف... تاعت غير للي يفيلميك لجدك.. اجي تشوف حفيدك السي عبد العزيز المتقي و المؤمن بالله فاتح اكبر بيوووتش الدعاااارة... هزات تفاحة بالفقسة عضاات نصهاا و لا فمهااا عااامر حتى باش تمضغ تبلوكاا.. خرج من بيتو مقلوووب بالنعااس تايرمش فعينيه قرب ليهاا.. ساد عين و حال عين هاز يديه كايدوزو على وجهو و تصوراات بوونية فذرااعو... 

رعد : مزال مامشيتيش 

خرجات عينيها فعنقو عاامر بقع موف و العكر فخدودو ..

مع بغاات تهضر فمهاا عااامر بالتفااح... تاتمضغ بالزربة و كاتهضر مخرجة عينيها... ملبميزتشتشاشتشتروونبمشكششكش... ىتىتىتتكخ كحكحححكحححكححككح... 

رعد : شربي الما.. 

تلاحت على الروبيني حلااتو و عرضااات ليه يدها تاشربااات... عاد هزاات رااسها فيه... 

نسرين (رققات صوتها ) : صباااحية مباااااركة يا عرييييس (حطات يدها على فمها ) و مني ليك احلى زغرووزتة يا ضورييييتشي رورووروروروورورويووييويي...

شافت فيه فيين السي المتزوج راااجلي... صافا كلشي بخير... 

رعد : سيري قبل مايمشي عليك الحال... 

نسرين : .. هاهي غاادة ولكن اقسم بالله و باقا نشوووف بحال هاد المنااظر هنااا تاانجيب ليك البوليس بتهمة الخيااانة الزوجية والى مادرتهااش ماااسميتيش نسريين هاااا هاهي عقل عليهاا دارت صبعها ففمها و طراساتو فالحيط... 

مييييت عليهاا بالضحك ) 

نسرين : ضحك نتااا للي سناانك بيضيين...

خرجااات تاتشتف بغضب لقات الشيفور كايستناهاا.. ركبات اللور .. اوييييلي حشوومة والله نبقى كل صبااح نصبح على وحدة و لكن انا للي سكت ليك... عييب عيب خااصو يحشم مني...... 

الشيفور : قلتي شي حاجة.. 

نسرين : لاا والو .. 

وصلات للمدرسة مع نزلات بانت ليها سيلينا وشي بناات.. جاو عندها سلمو عليهاا... وبقاو كايهضرو على لبااارح و كيفاش ضرباات الدرااري يعععع شحال دوزااات من مور داكشي و هماا مزاال منسااو.. حياتهم مملة اووفف.. دخلوهاا وسطهم و كل وحدة كاتمنى تكون صاحبتهاا.. و هي كاتجاوب هادي بالضحكة صفرة ولخرى بكلمة ... جلسات حدا سيلينا باش مايصدعهاش جوناتاس الى جا .. ولكن ماجاش... سالات الحصة ديال السيونس.. و خرجو فطرو فالكافيتيريا جلسات مع البناات 

نسرين : ليوم عارضني جوناتاس. 

سيلينا : اااه تكلم معايا البارح ليووم داير حفلة و غادي نتجمعو عندو كاملات .. 

نسرين : يعني غادي تمشي.. 

سيلينا : اكييد مغاديش نضيع فرصة بحال هادي .. 

باربارا : جوناتاس ضريف بزاف مافهمتش السوء تفاهم للي وقع بيناتكم .. 

رولا : اووه جوو عزييز علياا .. 

سيلينا :. هههه لبناات شفتو ميليساا ..قلب عليهاا فمرة البارح شفت تصاورها فانستغرام "تفارقوو"

رولاا : وااااو نييت ماعندوو مايدير بديك المتكبرة .. شفتو كيف كاتشوف لبارح فنسرين 

سيلينا : جاتهاا الغيرة لحقااش عجباات جوو .. 

نسرين : امم البغو ديال المراهقة هو هذا حيد من هادي سير للوخرى ... بان ليها دااخل مع ربااعتو و لكن مامعاهمش ميليساا.. بقات كاتشووف فيه الصرااحة زوييين و عاطي لعين فاش دخل قلبها حساات بيه كايخبط بحال الباارح.. حدراات رااسها كاتاكل... و كاتقووول ياااربي مايجييش عندي... ماحسات بيه حتى شدها من يدها وقفهاا ودورها عند بنادم .. 

جوناتاس (كايشوف فكلشي هز يديه للي مشابكين مع يدها ) شباااب.. انا كانطلب السماااحة قداامكم من هاد البنت..

البنااات خرجو عينيهم مصدمووومااات 😱😵😵😲😲 

نسرين (من تحت سنانها ) طلق باراكا من الفضايح

جوناتاس : هههه نتي معااارفااااش شحال كانتسارا على بحاالك مليييت من هاادو للي ديما كايتسناو كلمة مني... 

نسرين : اناا مساامحاااه قولو ليه يفووتني قبل ماندير فييه كثر من الباارح... 

بدااو كايضحكوو نطرات منو و جلساات هزاات فرشيط خااشيا رااسها فداك التبصيل... 

جمع صحابو و مشا معاهم و هو غادي دار عندهاا.. 

نيينااا 

شافت فيه عاضة على شفايفها.. 

فاش يساليو الحصص تلقايني قدام لليسي.. 

نسرين : علاش ماغاديش تدخل.. 

جوناتاس : بغيتيني ندخل ؟! 

عوجااات فمهاا ببلادة ورجعاات كاتشوف فالبناات.. بقا كايضحك عليهاا.. خرج مع صحابو وهي مشات للقسم 

كملو الحصص و مشات مع البنات للي كانو بغاو يبدلو حوايجهم و يماكيو باش يمشيو للحفلة .. 

نسرين : نخليكم دباا باااي.. 

البنات : نتلاقاو فالحفلة ... 

مع حلات الباب باش تخرج لقاتو واقف كايستنى فيهاا.. 

نسرين : اش كادير هنا.. 

جوناتاس : جاي ناخدك 

نسرين :صبر حتى نقولها للشيفور .. 

جو : نمشي معك.. 

نسرين : نوووو وااش نتا حمق تسناني فشي بلاصة .. مانشوفكش حدايا... 

نطراات منو و خرجات لقدام الليسي لقات الشيفور كايتسناها و جوناتاس موقف السكوتر وراها ... 

الشيفور حل ليها الباب و ركباات... 

جوناتاس بقاا مصدوووم هاادي اش كادير... ديمارا الشيفور و هي نزلات الزااج ... خرجااات ليه لسااانهاا 😛😛😛 

تاايق فرااااسك بزااااااف ههههههههه... 

طلعاات الزاج و جلساات بمكر فالاوطوو.. 

وصلات للداار .. و هاد المرة مالقاات لا رعد لا هادييك... 

دازت 20 يووم

دازت عشرين يوم على نسرين فقرايتهاا كيف مادازت عليها فدار رعد.. هاد العشرين يوم كفيلة باش توضع بصمتها فالمدرسة بشخصيتها القوية و اجتهادها فدرااستها خلات الاساتذة يتبهرو ب ذكاءها و مشاراكاتها و خلات صحابها يستمتعو معاها داخل الفصل و فالكافتيريا ... هادشي مامنعش ملاحقة جوناتاس ليها للي كل يووم كايزيد يتعلق فيهاا كثر بشخصيتها و عناادها و حركااتها.. ماعرفاتش واش مكاتسوقش ليه على عكس الاخريات اولا كاتبين انها غير مهتمة بيه.. للي عرفات انها كاتفرح فكل مرة كايتقرب منها و كاتصدوو.. ديما كاتهرب منو و كاتحاول تشغل عقلها بدرااستهاا وهادشي بيناتو فالنقط للي جابت بفضل رعد جات هي الاولى فقسمها و فكااع المواد .. اه بفضل الشخص للي مابغا منها والو سوى تقرااا.. وتكون مرتااحة.. غاتكذب الى قالت ماحرك والو فيهاا .. ااه عجبها لقات فيه للي مالقاتش فواليديها بفضلو رجعات لطفولتهاا رجعات لمراهقتهاا بفضلو عاشت سنهاا هادشي ديماا كاتقولو ليه و كاتشكرووو بزااف على اي حااجة دار معاها.. بالرغم من انه عصبي و متناااقض فتصرفااتو مرة كااايرفعها لعالم الخيااال مرة كايردخها مع الوااقع لدرجة ولفااتو و لفات جنوونو و مزاجيتو... اما بالنسبة ليه ف تبدل السيستيم ديال حياتو معاها.. نقص من السهير و الخروج مع البنات و اصبح مجبر لتخصيص ساعتين دالمراجعة معاهاا.. و الفياق فالوقت باش يفطرو قبل ماتمشي للمدرسة و يرجع يلقاها موجدة الغداا يتغداو مجموعين وكل واحد فيهم كايرجع يقضي شغالو باش يتلاقاو مع 8 للمراجعة.. خلقات دفئ اسري ما حس بيه من نهار ماتو واليديه.. حتى من الدار للي ديكورها و جدرانها سوداء دخلات عليهم بهجة بالورود للي غرساات فالمحابق ديال الكوزينة و بيت النعاس ديالها و المكتب وبيتو.. ولات مجبرة دخل كل نهار للمكتب و لبيت تسيقهم ليه واخة يكون خدام ولا نااعس مكاتسوقش لييه المهم الورد يتسقى ... لانه عندها شي حاجة مقدسة فحياااتهاا .. من بعد مانضماات وقتها وشافت الماكلة ديال الزنقة مامساعداهاش .. خرجو هي ويااه و تقدااو اي حااجة تخص الدار حتى من الطاجين و القصعة و البرمة باش تصايب الكسكس... خرجااات عينيها و حلات فمهاا فالثمن الخياالي باش كايسوا الطاجيين.. خدااتو و ماقدرااتش تاكل فيه كاتحطوو بشوية تخافو لايتهرس عفويتهاا كاتخلي رعد بلاامايشعر يبقى يضحك علييهااا.. 

فكل مرة كاايزيد يكبر فنظرهااا.. لانه راجلهاا على سنة الله و رسولو عايشين فدار وحدة قراابين لبعضيااتهم.. و لكن عمرو تقرب منهااا كايبغي يبقى ديمااا بعيييد و بهادشي غير مازاد كبر فعينيها ... ليوم الاحد كيف كااع كل احد.. نااضت جمعاات الدار و نصباات الطاجين ..جمعات الطبياات ديال البيووتة.. و عمرات السطل بالمسحوق و جافيل... وبدات كاتخويي.. مجهدة الموسيقى "مول الشاطو " كرهاااااات رعد فحياااتو بهاد الديسك.. كاتشطب و تلعب بالرغوة و تزللق بالكرااطة حتى صيقاات و سالات.. خرجاات للحراس غدااهم للي حتى هماا ولاو كايفرحو فاش كايشوفوها جايبة ليهم طيابها اللذيذ.. رجعات حطات الغدا فوق الطبلة وجففات الدار جلساات مهلوووووكة فوق الفتووي حتى سمعات الباب كايتحل بالساروت .. داخل رعد ...مع شافت سبرديلتو خرجااات عينيهاا و نااااضت حبببببببسسسسسسسسسسس....

رعد : ماااااالك اشواااقع ؟؟؟ 

نسرين : يالاه مسيقة ... حيدهاا عاد دخل ... 

رعد : على هاادشي... حيدها من رجليه.. و هي تهزها خشااتها فالبلاكار.. 

نسرين : دخل غسل يديك و اجي را لغدا وااجد... جلسات كاتسنى فيه حتى غسل يدو كيف ما آمرااتو و جلس ... كايايكل.. 

نسرين : اااش قلنا.. الطاجين بالخبز مااشي الفرشيط... 

رعد : واخة الالة... 

نسرين : رعد .. بغيت نسولك... 

رعد : سولي.. 

نسرين : امم واش الحب ديال المراهقة كايدوم.. 

رعد : .. سولي شي حد اخر ماعندي باش نفيدك انا... 

نسرين : علااش ماعرفتيش عمرك بغيتي شي بنت.. 

رعد : لمليون مرة انا مامجربش هادشي .. 

نسرين : اووك..

رعد : و نتي كاتبغي شي حد

نسرين : حطات يدها على خدهاا وشافت فالفرااغ.. بعيون لامعة... وااش فاش قلبك كايبقى يضرب و كاتحس براسك مرتاابك ماعارف واش تقدم ولا توخر .. خاايف تزيد خطوة للقدام و يكون الاختياار غلط و فنفس الوقت ماكرهتش تنسى كلشي و تمشي غييير نتا وياه فداك الاتجاااه لحقاش عاارف اتكوون مرتاااح و فرحاااان... تنهدااااات.. واش هذا هو الحب

رعد : شكوون هذاا.. 

عااااد عااااقت براااسهاا تاااااوااااااحد انااا غاسولت.. 

رعد : اوك.. 

سالا ماكلتو و ناض.. ليوم غير الغدا للي جمعهم لحقاش راجع معاها البارح.. دوزاات الليل كاامل كاتفكر ف جوناتاس... صبح عليها الحاال مالقااتش رعد فالدار عوض ماتوجد الفطوور خرجااات طاايرة للمدرسة دخلو للقسم و جلسات فطاولتها مقابلة الباب .. الدري للي دخل كاتقول راه جوناتاس.. بقات رادة معاه البال حتى فقدات الامل عاد دخل مغووبش ماقالش ليها حتى صباح الخير كيف مولف.. جلس فالطاولة اللور دوراات وجهها كاتشوف فيه مكايشوفش لجيهتهاا.. دخل الاستااذ و حاولات تلاهي راسهاا بالقرايا.. ولكن الغريب حتى فالكافيتيرياا ماتسوقش ليهاا .. و فالحصة التانية .. كان كايضحك مع ميليسا و يهضر مع البنات و فاش كاتسولو هي و لا تبغي منو شي حاجة ماكايجاوبهاش الشيء للي خلااها تعصب.. مع خرجو من الدرس.. بقاات تابعااه حتى وقفاات عليه حدا السكوتر ديالو.. 

نسرين : علاااش كاتصرف معايا هكاا... 

جوناتاس : مالي ! 

نسرين : انا للي خاصني نسولك مااالك معايا.. 

جوناتاس : ماماليش و هكا غادي نبقى نتصرف معااك ... نتي مااباغاانيش و عمرك ماغاتحسي بيااا.. شووفي شحاال وانا كانجري على قبلك و نتي مااحااساش.. ههه معامن كانهضر اناا.. ركب فالسكوتر.. بخفة ركباات وراه.. وهمسات فوذنيه.. انا معااك... دااار عندهاا مامثيقش... كاتفلاااي علياااا... 

نسرين : حتى نتاا كااتعجبني .. 

جوناتاس(مامثيقش) : ملييت من بسالتك انسرين... 

نسرين: اوووك باي...

جوناتاس : واااش بصحح مكاااتفلااايش عليااا .. 

نسرين : نووو مكانتفلاش عليييك....شد وجههاا بين يدييه و عنقهاااا... سمعااات التصفااار و الصفيقات دياال الدراااري صحاابهم داارت كاتشوف فالسكوترااات دااايرين بيهم... كسيراااا بالجهد شداااتو من ضهروو ... غااادي و كاايكااابري و يزييد فالسرعة خصووووصا فااش كاايسمعهااا كاتغووووووت كانوو بزوووج فرحااااانين... و حتى صحااابهم فرحااانين معاااهم... الشيفوور بقا كايستنى فيهاا حتى خوااات المدرسة ... عاد مشاا.. 

اما هي مكااانش على بالهااا بتواااحد المهم تعيش اللحظة وتعرف على الوسط ديالو و اصدقاااءو للي كانو محتاافلين بيهم و بعلاقتهم الجدييدة ... كاتشوف فالشراال و فالكااروو ماعجبهااش الجو ولكن يد جوناتاس مافارقاتهااش الحفلة كاملة كان فينما كايبغي يقرب لهاا ياخد قبلة كاتبعدووو عليهاا و كايقلبهاا ضحك... كان فرحاان بحالا تولد من جديييد.. تغدااو و احتافلو و رقصو مجمووعين... جات تشووف الساعة شداااااتها الخلعة فاااش لقااات 8 دالعشية طلات من الزاااج كايباان ليها ضلاام الحال.. ولات كاتولول و طلب ربي يفك حريييييررتهااا على خير عااد رجعااات السينتا للشيفووور و رعد ... 

نسرين : دجوووووو خااااااااصني نمشي دبااااا نااااااري قفرتهاااااااااااااااااااااا قلباات النص عربية و النص انجليزية.. كايحااااول يهدن مالقى مايهدن... خرجاات طايرة و خرج تابعهااا... 

جوو : انا نوصلك مااتخاافيش نهضر مع ماماك راا عادي.. 

نسرين : لااا لااا وضعي ماشي بحااالكم... بليييز وصلني عطاتو العنوااان... عفط عفطة وحدة ساااعة ديال الطريق عاد وصلو ... لحقاش الغابة كان الضلااام كثيييييير كايبان غير الضو ديال القمر.. طلباتو ينزلها مور الدار و مايديرش الصوت كانت 9 ديال الليل بقا كايشوف فيها من بعيد كاتعلق فالكريااج حتى دخلات و تعلقات فشرجمهاا جات ببببت على ركاابيهاا ارتاااحت فاش سمعات الصقيل فالدار مع هزاات راسهاا بان ليها رعد جالس فالكرسي كاايستناها ....

بغات تنوض ولكن الخلعة فشلاتها سنانها كاتحس بيهم كايقفقفوو و يديهاا كايترعدوو.. هزات عينيها فيه كاتحاول تقرا ملامحو ولكن النور ديال الكمرة كايبين ليها غير جسدو الضخم و لحيتو الطويلة.. قلبها فاي لحظة ممكن يوقف.. سكاتو ماطمنهاش بغات ترمي يدها باش توقف على ركابيها ولكن حتى هما رقدو عليها... 

رعد(بثبات و هدوء نطق ) : فين كنتي !؟

استجمعت نفسها بصعوبة وقفات كاتشوف فيه... بللات شفايفها و بلعات ريقها ...

نسرين (بصوت خافت )كنت فعيد ميلاد صاحبتي...

(خبط الطابل دونوي وناض بعصصصبية ) : فييييييين كنتيييي !!!!! ... 

نسرين : ك كك كنت معاا صحاباتي مشيناا لوااحد الحفلة... 

رعد : صحابااتك كاملين دخلو لديورهم مع 2h (جرهااا من ذرااعها عاض على سنانو ) بلاما تكذبي هضري قبل مانفوت فيك شي ضربة...مع قرب ليها استنشق ريحة الكاارو مخلطة مع رائحة رجالية شد شعرها بيديه كايشم بصدمة.. مخررج عينيه و مكمش خصلاات شعرها فيديه.. ماجات فين تهضر تاجمع ليها وجهها كامل بتصرفيقة تسمع راسها رداااخ مع الحيط.. كنتي تاااااااتكيفي مع ********** وانا قااالب الدنيااا كااااملة علييييييييك هااااا ... نااااشطة لييااااا مع رااااااسك مع رباااعة ****... وانااا كانصوووووني و نعااااود بحاااال شي حماااار عطاها بتصرفيييفة اخرى حتى ميل حنكهااا... شنوووو تصحااابيني هااا مككككككلخ ولاااا بنت ليييك ***** ... شكوووووون هاد ولاد ******** للي كنتي معاااااهم و فيييين مشيتتووووووو.. ماجات فين طاكي على راااسها حتى عطاها بتصرفييقة تسمعاااات طراااااخ جمع ليها وذن و عنق ووجه....الى نسيييتييي راااااسك مزوووووووجة نفففكرك... شدااات راااسها بيدهاا بزووج كاتحس بالدوووخة و عينيها مضببين ...الدم خاج من سنانها وقنانفها مبنجيين عليها... كانحس بخدودهاا غايطرطقووو بالسخاانة .... 

رعد : مااااابغيتيش تهضري... وااااخة... 

نسرين (كاتمسح فمهاا من الدم ) : بعععد منييي ... يااااك نتاااا عاااايش حيااااتك علااااش تاتحكم فياااا وااااش انا تسوقت لييك فاااش كنتي تاتدخلهم عليياااا... 

رعد : انااااا راااجل و حيااتي هكا بيك ولا بلا بيييك... 

نسرين : حتى انااا حيااتي تكون كيف مابغاااات ماااسوقكش... 

رعد : من النهااار تزوجت بييك سوووقي فكلشي... حتى فالهوااا للي كاااتنفسي ... و من اليوووووم الخرووووج مكااااينش و القرااية انا للي غادي ندييييك و نجييييبك لييييهااا ويااااويلك نلقاااااك مع شييي حد... كاااااانقسم بفمي بالرب و تحااولي تلعبي معاايااا تااااندفن ديييييلمك... و دووك ال******* للي كنتي معااااهم وماباغاش تكولي شكوون .. قدمااا طال الزمن غانلقى ضوااسااااهم و حسااابي معاهم هو اللخر 

نسرين : بعععععععد علياااااا 

رعد(شدهاااا من شعرهاااا و هزهاا حتى غوتااات لصق وجهها مع وجهو) : نهاااار تشدي طلاااقك غاااانبعد عليك .. دباااا الكبيييرة و الصغيرة بشواااااري.... عند باااالي بعقلك داكشي باش رخييييت لييييك ... ملي ولييناا فالتق****** غاااانوريييه لييك مزياااان و نعلمك تكيفي مع ال******* ... 

هز الجهاز ديال الريدو نزلوو.. 

حتى ولا الضلااام ... 

نسرين (بخوف ) : شنووو باغي دير 

رعد : كيف مادخلتييي منوو غاتهربي منوو...هزووو معااه و خرج تايخبط بلي جا قدامو... كاااان معصب لاقصى درجة اتااصل برجاالو علمهم بلي جات و رااها كاينة كيف ما اتاصل بصهيب و قال ليه كانت تاتحفظ مع صحاباتهاا وماشافتش الساعة.. فاش عرفهاا مكاينااش كايسحاب واش اتخطفت من قبل اعدااءو ... الشيء للي خلاه يولي بحااال المجنووون كايتسارا عليها فكل قنت يصوني عليها و كايدعي مايوقع ليها والو... كون ما مشا عند سيليناا فآخر لحظة مكاانش غايعرف بلي مشاات مع ولد قسمها و ربااعتو... ولكن ماعرف حتى تأخر الوقت وكانت ديك الساعة فطريقها للدار ...

طاحت للارض سخفاانة جمعات رجليها عندهاا و حطات راسها على ركبتها ...طلقات العناان لدمووعها كاااتبكي بديييك شوية القوة للي بقات عندهاا من بعد هاد العصى كاااملة .. كاتحس بالدم سخوون هابط من نيفها و كايقطر على ركبتهاا .... شحال هادي كانت ممكن تداافع على راسها لحقاش كانت حرة طلييقة حتى حد ما كايمن عليها بشي حاااجة هي هازة راسها و خوتها بذرااعهاا ولكن ليوم كاتحس بنفسهاا مثقلة و جنااحهاا مكسوورين... ليوم هي مدينة ليه بحياتها وحيااة خووتهاا وماتربااتش على انهاا تعض ليد للي مدات ليها المساعدة ... بكااات بحرقة و حساات راسها محكوووورة ... حمدات الله فاش بورطابلهاا طفى والا كان غايجيها شي مسج من جوناتاس يكمل ليها الباااقي... بقات حاطة راسها على ركبتها كاتواسي فنفسهاا و مرة تلووم حتى نعسااااات فالارض.. ساعتين وهي فداك الوضع حتى شعل الضو ديال المراح عطى الضو خفيف لبيتهاا.. دخل كايطل عليهاا وجايب العشى معاه ...لقاها ناعسة فالارض .. بنفس الوضع ناعسة على ركبتهاوو ضامة راسها.. نزل للمستوى ديالها و ضمها لحضنو حط راسها على صدرو... وهزها جلس بها فوق الناموسية بحالا هاز شي بيبي... شعل الضو ديال الفيوز بشوية باش مايفيقهااش... و هنا بان ليه الدم خارج من فمها و نيفهاا والدموع طايحين على خدهاا.. هز صباعو بشوية كايمسح ليها فنيفهاا و خدودهاا.. جبد التلفون صوناا للحارس بهمس.. يجيب ليه بواطة ديال الدواا من بيتوو... جاطااير لعندو عطاها ليه .. خرج و سد الباب... دار مخدة فوق لوخرى و قاد ليها ضهرها فوقهم.. جمع ليها شعرها بداك المقبط للي كانت مزينة بيه كصتهاا... و هز القطن رشو بمعقم و بدا كايمسح ليها ففمها و نيفها وخدودها و حتى عنقهاا.. ضمد ليها جبهتهاا للي كانت مجروحة ... و تحت عينيهاا.. جمع البواطة و نزل لرجليهاا حيد ليها سبرديلة و التقاشر من فوق ركبتهاا بشووية... نااض كايتساارا فحواايجهاا لقا كسوة جبدهاا.. وجلس حداها وحاول يحيد ليها التريكو من اليد الاولى و التانية عاد حيدو بشوية على راسهاا... لبسهاا ديك الكسوة عاد باش نزل ليها لاجيب.. تحركااات براااحة و دارت على جنبهاا كاتنيين.. غطاهاا ونزل على خدهاا مااعرفش اش كايدير... وشنو بغاا يدير ولكن طبع قبلة على خدهاا و كأنو كايطلب منهاا السماااحة على هادشي للي دار فيهاا... خرج و خلاهاا .. دااازت ليلة صعييبة على كل واااحد فيهم... فااقت كاترمش فعينيها شافت الساعة مكاودة معاها.. لقات الستة ديال الصبااح.. شداات راسها بتعب.. قاست سبارادر فجبهتها دورات وجهها فالمرايا شافت نصها الفوقاني عرياان لابسة غير سميطات غمضااات عينيها استرجعااات الباااارح كيفاش وامتى نعساااات ناااضت واقفة خرجاات عينيها فجسدهاا ... لابسة شوميز دونووي ساتان... عبارة على كسيوة قصيييرة سميطاات فالبوردو دارت لقاتو عرياان من الضهر.. قربات كاتشوف فوجهها نيفها وتحت عينيها زرق .. و جبهتها فيها سبارادراا... 

نسرين : زعماا يكوون حن و جااب طبيبة .. الله يعطيبه القطيع المرييض لااخر... حيداات عليها داك الزبل و مشاات دوشات خرجاات كاتنشف فشعرهاا وبشوية فوجههاا لقات البواطة محطوطة فوق الكوافوز هزاتها داوات وجهها و دارت سبارادرا فجبهتها. لبساات سروال سيرفيت اديداس فالكحل مع لي سوتييان ديالهم و من فوقهم الفيستة خلاتها محلوولة ... لبسات صبرديلة و خرجات من البيت ماسمعاتش حسو فالدار ...احسن ... خرجاات سلمات على الحرس 

الحرس : فين بغيتي تمشي الالة.. 

نسرين : ندير الريااااااضة.. 

الحرس : ااوك نمشي معاك... 

ماتسوقااتش ليه مشاات كاتجري و كادير الريااضة ديالهاا... و الحارس وراها كايجري تاهوو... 

رعد صونا ليه بورطاابلو لقا 7:00 

ناااض دخل ديريكت للدوش.. و خرج لبس حواايجو... سروال دجين مع تشرت بيض و جاكيط جيلي... خرج لبس سبرديلتوو.. حل الباب ديال بيتهاا كاتباان ليه كسوتها مرمية و هي مكاينااش.. دخل كايدق فالدوش حلو ملقاااهاااش خرررج مععععصب عند الحرس.. حتى كاتباان ليه جااية شادة لافيست فيدها .. ووراها الحارس بقاا كاايشوووف فيهاا خنزراات فيه مع بغات دوز حط يدو على كرشها ورجعها لعندو بخفة لصقها معاه...

حيد ليها لافيست من يدها ولبسها ليهاا بالجهد عقد غوباااشتو فوجهها.. هكااا كاتلبس فهمتي ... ضربااات فيه بالنفاخة و دخلات للدار... 

رعد( من وراها..) كانتسناااك فالطموبيل لبسي حوايجك و يالاه نوصلك... 

نسرين : ديك المدرسة سير قراا فيهاا نتااا...

رعد (من تحت سنانو ) نسريييين... 

نسرين : ماااابغيييتش نمشي هاكاااا... 

رعد: (بغضب جرهااا من يدهاا و دخلهاا لبيتهاا .. رما ليها حوايجهاا... )عندك 5 دقاااايق بزز عليك انا للي كانآمر هنااا ماشي نتي... 

خبطاات الطبلة برجليييها حتى تقلبااات و ناااضت هازاهم فيدهاا دخلات للدوووش كاتشتف برجليهاا طرفات جناابها ولبسات البذلة.... بقا جالس فبيتها كايتسناهاا بين ما خرجاات... شافت وجهها فالمرايا حلات شعرها من ديك البانضة.. و خباات بيه وجهها.. هزات الصاكادو كيف ماحطاتو البارح.. 

رعد : مغاتبدلييش كتوووبتك... 

نسرين (جمعات فمها و شافت فيه بغضب بدلاتهم بالزربة و خرجات من البيت... خرج حتى هو ركب و ركباات حدااه.. حطات و جهها على الزاااج و كاتخمم باشمن وجه تشووف ف جوناتاس و صحابهااا..شنو غاتقوليه سمحلياا را راجلي مابغانيش نتصاااحب معااك لا ماشي راجلي خوياااا بفففف فيقها من افكارها وصولهاا لقداام المدرسة نزلات و خبطات الباب... نزلات شعرها على وجههاا حتى تخبى... حدرااات راسهاا و مشات بالزربة... بقا متبع حركاتها حتى دخلات للمؤسسة عاد مشاا.. مع دخلات جا كايجري عندهاا جوناتاس : علااش مكاتجااوبينيش فتلفوووني... 

نسرين (حذرات راسهاا ) : ماانقدرش نهضر معاااك ... 

دخلات بسرعة القسم تبعهااا...كانو غير هما بزووج جلساات فآخر طاولة ... 

جوناتاس : علااش مابغيتيش تشوفي فيااا... مع هز ليها وجههاا خرججججج عينييييه شكووووووون دار فيييك هااادشي 

نسرين (شافت فيه بارتباك بعدات نظراتها عليه ) 

جوناتاس : قولي وااش خوووك !

. ماجاوباتوش ...وااااش تالهاد الدرجة كايعااقبوووك الى تعطلتي... ماااااعندووووش الحق علاااش هو ماكايتعطلش برااا.. !؟؟؟؟؟

نسرين : نتاا مااعاارفش شحاال من حاجة.. بلييز جوناتاس خليني مافيا للي يهضر... جلس حدااها وجر ليها راسهاا عنقهاااا... 

جوناتاس : ام صووووري... كلشي وقع بسببي.. لباارح ماقدرتش نعس .. خصوصاا فاش قالتليا سيلينا جا عندهاا خوك... بعدات و جهها على حضنو شافت فيه بعينين مغرغرين.. يالاه بغات تقوليه ماشي خويا بين ما دخلو التلاميذ... للي شافها كايخرج عينيه ويجي يجري يسولهاا ولكن جوناتاس تايبعدهم عليهااا و يجاوبهم فبلاصتهااا... اصعب 4 السوااايع دااازت عليهاا ولكن بفضل جوناتاس و سيلينا للي ماخلات كيف اعتاذرااات ليهااا كاتلوم فراسها بلي هي السبب فهااادشي كااامل... كانت كاتسحااب وااش عاادي تقول لخوها خرجات مع صحابها بقات كاتبرر ليها حتى سامحاتها ... 

نسرين : بااي ... من بعد نتلاقاو .. شافت ف جوناتاس بلييز ماتصونيش ليا هاد الاياام.. 

جوناتاس : خااصني نهضر مع خوووك مخااصووش يدير فيك هادشي... 

نسرين : اششش كاااتخربق خليييييك بعييييد... انا غادي نحلهاا... بسلااامة..

نزلات كاتجري فاش شافت راسها تعطلاات... فعلا خرجاات لقاتو واقف كايتسنااها شافتو و جات متاجهة لجيهتو ركباات فالطموبيل بلاما تهضر معاه... و حتى هو هكااك.... ديمارا الطموبيل و مورااهم ديماارا جوناتاس.. للي كان كايشوف غير الضلام فرعد... 

بقات غادة حاطة راسها فالزاج و كاتخمم ..حتى شافت من المرايا جوناتاس ملاحقهم ... خرجااات عينييييها و صاايباااات جلستهااا شافت رعد للي كايسوووق مغوووووبش... قلبهااا بغااا يسكت خاااافت جوناتاس يتهور و يدير شي حاجة .. يديها كااايترعدووو كثر من قلبهااا و فمها... رجعاات تكات باش ماتبين وااالو لرعد للي كااان كايتفرج فالفيييلم كااامل ... وعاارف هاد خيناا ملاحقو... شحال من مرة عطاه الطريق مابغاااش يدوووز... واصلا طرييق الغااابة من غير دار رعد قليييييل فين كايديرها شي حد.... فراااانة بالجهد ... 

نسرين : شنو واااقع... 

رعد : خليييييك نتي هناا.. 

وقف جوناتاس... حيد الكااسك بغضب و نزل عندوو... 

رعد : ماالناااا... 

جوناتاس (شنق عليه) علااااش درتي فنسرييين هاااد الحااالة... صااافي نتاا خوهااا تحكم فحيااتهااا... 

رعد (شاف فنسرين للي نزلات من الطموبيل.. هااز حجبانو بتعجب ) خوهاا.... بدون سابق انذار عطاه بروسية حتى جا مليووح فالارض.... و قفو و شنق عليه.. 

جوناتاس(شاد فمو بيدو) : نسرين كاتبغيني و كانبغييهااا... 

وهو شاانق عليه شاف فنسرين

رعد : بصح هادشي للي كايقول... 

نسرين شافت فيه بخوف مخلط مع شوية الجرأة و الارتبااك... شدات فيد جوناتاس

بالدارجة 

ااااه كااانبغيييه.. 

رعد مع نطق مزياااااااان اختي عطااه ببونية حتى تكب الدم من فموو... 

نسرين : زكااااااا علييييه ... شدو عطااه قتلة دالعصى نسرييين كاتغوووووت و تفك و طلب و تزااااوك فرعد ندماااااااات على دييييك الكلمة للي خرجات من فمها.. ماطلقو حتى ولااا بحال الشرويطة... تلاحت علييه كاتشوف واش كايتنفس جرهاا من شعرهاا ولاحها فالطموبيل... كسييييرااااا بسرعة ... 

نسرين : قتلتييييييييييييه القتااااال .... نتااااا كااااتبغيني ياااااك ايوااا واناااا مكانبغيييييييكش و عمري غادي نبغي وااااااااحد بحاااالك واخة تبقى غير نتااا للي رااااجل فهاد الدنيااااااا.... سكتها بواحد التمرميقة تسمعااات طراااخ على خدها ... وصل للدار جااارهاا من ذراااعهااا بغغغضب لاحها فبيتهااا و سد البااب.. 

كاااااتبكي بهيستيرياااا... شنوووو عند باااااالك ااااااا حااااابسني بهاكاااا غادي نولي تاااااااانحمااااااااق عليييييك هههههههئهئهيهيهيئ كاااتحلم...ههههه والله حتى كاتحلم كاتضحك و تبكي و تمسخر ... نتااا مرييييض دوووك العقد دياااولك ماااااديرهمش علياااااا فين ما بان ليها شي ديكوور كاتخبط بيه الباااب شااافت رااسهاا فالمراايا كيف ولااات هزااات قرعة ديال الزااج و ضربااات بيها المراااياا حتى تشخشاااات... حيوااااااااااان مكللللللللخ مرييييييييض اقسم بالله وااااااااخة تبقى غير نتااا فهااد الدنياااا لا بغيييتك ... اههئهئهئ😭😭😭😭 طاااحت للارض كاتبكي بكاااع قوتهاا وفاش كاتفكر اش وقع لجوناتاس كاتنووووض تبقى تغوووت... انااا مااااشي عبدة عندك اناااااا مكااانتسجنش... الى كنتي طااااغي بفلوووسك و زيييينك سير طغى على اللي بغاااااوك ماااااشي عليااا انا.... تفوووو كانكرهك

رعد : بقااي تغوتي تماا تالصباااح داك الكلب بربي لابقيتي شفتيه... 

جهههههد الموسيقى و خلاااهااا كاااتغوت و تبكي و تخبط فالباااب...

كايحلو عليها الحرس غير فاش كايبغيو يجيبو ليها الماكلة... و كاترضها ليهم هاكاك... ماكرهااتش امتى يوصل الصبااح 

فاقت بكريي لبساات حوايجهاا و جلساات كاتسناااه يوصلهاا.. وصل الوقت و حلو ليها الباب خرجات لقاتو فطموبيلتو ركباات بالنفاخة... لاهو هضر معاهاا ولا هي هضرااات معااه ... وصلهاا و زاااد قبل مادخل..

نسرين : هنيتيني من الحضية ... دوزاات الحصة الاولى كاتساارا على جوناتاس .. قالولها ماجااش... 

نسرين : ممكن تعطيني لعنواان ديالو.. 

سيلينا : ااوه ماعارفاااش داروو.. كتباات ليها العنوان فورقة.. هاهو 

نسرين : شكرااا.. 

سيلينا : سلمي عليه

فالاستراحة خرجاات من الباب اللوراني... بقات واقفة حتى جا الطاكسي عطااتو العنواان.. وقفها قدام واحد الفيلاا.. بقات غادة وكاتشوف وراها و قدامهاا و فجناابها لايخرج ليها رعد من شي قنت... صوناات و خرجات ليها الخدامة... 

نسرين : انا نسرين صديقة جوناتاش بغيت نشوفو كيف بقى... 

الخدامة : مرحباا.. طلعي للفوق جالس فالصالون مع صحابو... 

نسرين : اوك... طالعة و حشماااانة منو على دااكشي للي دار فيه رعد... مع وصلات وقفااااااااات مصدووومة فالمنظر ديالو متكي فوق الفتوي و جالسة فوقو ميليساا لابسة تشرت ديالو مع سليب.. هاز ليها التشرت بيديه و كايلعب فضهرها... 

ميليساا : ديماا كانقولك ديك البنت غريبة بعد راسك علييها.. ونتا مكاتبغييش تسمع... 

جوناتاس : بغييت نشوف الاختلاف ديالها كيداير... 

ميليسا : وهانتا شفتيه.. شنو درتي واش اتبقى سااكت ليه؟ ... 

جوناتاس : لاا باابا تكلف.. 

ميليسا ... عنقاتوو .. دبا تشاافى ونرجعو كيف ماكنا.. حطات شفايفها عليه و دخلو فعالم القبل.. 

نسرين بقاااات حالة فمهاا مدهشرة... مع بغات تدور باش تمشي حركاات شي حااجة حداها و هزو روسهم شافوهاا... 

جوناتاس(بعد ميليسا من فوق منو ) : نووو نووو نوووووو نسريين ماتفهميييش غلللللللط... قبل مايوصل عندها نزلاات كاتجري فالدروج و هو تابعهااا ... مع نزلات الدرجة اللخرة شدها من يديهااا... نطراات منو بعصبية عاااضة على سناانهااا... مااااتقيصنييييش... 

جوناتاس : بليييز ماتفهمييش غلط قبلة بريييئة.. جرها بيدو بزووج بغا يعنقها رفعااتو بوااحد الركلة جا على ضهرو نزلاات راسهاا فيه... بغضب.... ماااتستاااهلش هااادشي للي عشت هاد الاياام بسبببك... كايحاول نووض لحقاش داكشي للي خلا ليه رعد كملاتو هي بهاد الركلة... تستااهل مادار فيك وكثر .. كيفااااش قدرت نتخدع فيييك تفوووو عليكم بزووج... رخاااص.. خرجااات من الفيلاا كاااارهااااه و كاارهة راااسها ... كيفااش قدرااات تأمن لوااحد بحاال هذااا علااش ديماا كاتخدع فبنااادم... المرة الاولى خانتها مها و التانية باها... وفاش لقات شي صدر حنيين تحط علييه الراااس صدق تااهو لاعب عليييهاااا كثثثر منهم.... تحرجاااات من غباااااءهاااا ... ولكن هاد المرة خلصااات عليه قتلة ديال العصى و البكى ... ركباات فطاكسي وصلها لقداام الدار... قبل مادخل سولات الحرس على رعد... حتى عرفاتو فالمكتب عاد دخلات.. دقات عليه و دخلات كان مشغووول... كايرسم فشي وراق.. 

رعد(وهو مفيكسي عينه) : علاش جيتي بكري

نسرين : ممكن نسافر هاد الايام عند خوتي.. 

رعد(شاف فيها) : وقرايتك !؟ 

نسرين : كاينة عطلة.. (من حسن حضها تصادفات مع العطلة ) 

ماجا فين يواقف حتى سمعو صوت القرطاااااس و كأنها حرب قاايمة براا... غوتااااات بالجهد ... طاار عليها خشاها تحت كثافو ششش ماااتخافيش... نزلها للارض جبد السلاح من خصروو... 

رعد : بقااااي هناا ماتحركييش من بلاصتك انا جااااي... 

شداتو فييين غاادي... 

رعد : مااتخاافيش هادشي ديماا كاييوقع... 

هز الفردي الثااني من المجر.. وخرج ...

جلسات مكمشة تحت المكتب كاتسمع فالقرطاااس و تولوللل.... لييوم اخرتهاا الى ماكاانتش على يد هااادو غاتكوون على يد رعد.. 

انا السبب اناالسباااب فهادشي كااامل انا للي جبت الصدااع رااسي.. مالي على حاالتي انااا كنت هاانية مهنية حتى خير ماخاصني... حتى وسوس لياا شيطاني نوضي يانسرين تصاحبي مع ولد المافيووووزي..... و جبدي المشااكل مع رعد شكووون رعد رعد اممي للي قتل قدامي عبد الفتاااح بدم باارد رعد للي قتل الخدامة ديالو ... هادشي غير للي كال ولي شفت علم الله شحال من واحد قتل... امييييمتي على تكردينة دار لداك الزبل... بكثرة الخلعة و الاعصااب حطات ضفرانهاا على وجهها و جراتهم بندبة من حناكها حتى لذقنها..ناااااري ليوووم يصفيهاا لياا ولمن نخلي خوووتي ياسيدي ياااربي راني عيييت من هاد الخلعة.... اهههئهئهئ... هاادشي فكري فييه الكلبة نهاار مشيتي مع الميخي ونتي مزوجة بهاد الكيدااااار كاتعااير فراسهااا و تعير فيه و فجوناتاس ... كان صوت القرطاااس كايتسمع بالجهد...

وقفات سطاافيط كحلة و خرجو منهاا وحووش بشرية لابسين الكحل فالكحل و هازين السلااح ... عاد نزل منهاا راجل غليض و صلع لابس كوستيم وواشم تحت وذنو ملامحو الشرييرة مكايطمنوش .. آمرهم بااش يدخلو يجيبو ليه للي فالداار..

رعد (وقف وراه ) ... مرحباا اش حب الخاطر ..

مع دور وجهوو باش يشوف الصوت منين جاااي خرج عينييييييييييييييه بصدمة... 

......(بصوت متقطع) : الامب راط ور (شاف فيه مخنزر) 

سيتفن (بغاا يتكلم ولكن الصدمة بلوكاتو ) ا ا ش شنو وقع.. 

رعد : نفهم منك نتا للي جاي هااجم ..... 

ستيفن : مستحييل نهجم علييك مستحيييل .. ولدي دجون تعرض لضرب وحشي من طرف شي واحد كايسكن فهااد العنواان .. 

رعد : انا للي كانسكن هنا .. 

ستيفن(بصدمة بلع ريقو) : كيفاااش؟؟ 

رعد : يعني بغيتي تقول لقيتي بلاصتي صدفة... 

ستيفن : كانقسم ليك حتى ولدي للي عطاني هاد العنوان... 

رعد( جابو ليه الحرس كرسي جلس عليه هز الرجل ليسر حطها على ركبتو ليمنا بهيبة... هاز الكلاشينكوف بليسرية حاكم نفسو بهدووء كايتكلم بحكمة و بصوت يهدم الجبال ...) : اذن داك الكلب ولدك... ونتاا عوض ماتربيه جاي هاجم علياا باش ! بسلاحي.. ؟!

ستيفن : نوو نوو عفااك (ولا حمر ) ماتفهمش غلط انا اخر حاجة ممكن نتصورها هي تعرف ولدي جوناتاس ... منيين و كيفاش و شنو علاقتو بيك شنو دار ليك دااك الحيوااان... كانقسم ليك معرووفك مانساهش نتااا نقذتي حيااتي و رجعتيني للسووق بهاد السلااح كون مانتا كانو الموسااد محااوني..... 

رعد : للي نطولوه نقصروه... من حسن الحظ صدق داك الكلب ولدك... بغيتيه يبقى عاايش.. بعدو من هنا .. مانلقاهش كايدور فديك المدرسة ... والا فهااااد المدينة سمعتي... 

ستيفن : ااه اه حاااضر لي بغيتيها ندريها .. حسبو من دبااا مشا... 

رعد : و هاد اللعب ديال الهجوم المسلح ديرو على كراانك... 

ستيفن : كانعتاذر منك ... غادي رااجع باللور كايترععد... 

ماجا فين يدور حتى شااف رجالو مخرجيين نسريين...

الحراس : الشاااف هادي للي لقيناا... 

ستيفن : طلقووووووها... 

نااض بعصبية خبط بدااااك الكرسي.. مع طلقوها مشاات كاتجري تخباات ورااه شادة تريكوه بصبيعاتها كاتقفقف...

رعد : ستييييييييفن جمممممممع علياااااا رجااااااالك قبل ماااااانسيفطكم جتث ...

ستيفن : كااانترجاك تسمح ليناااا ..سمح لينااااا ... و جوناتاااس حساابو معاياا هو اللخر... طلعو الرجال مستفين فالسطافيط كيف ماطلع ستيفن للي بقا كايعتااذر للامبرااطوور ...هاد الاخير بعصبية عااااض على سنااانو و الفك ديالو غايتفرق على بعضيااتو يد جاامع فيها لكمة و يد لوخرى هاز فيها الكلاشينكوف.. وهي مخبية ورا ضهرووو و حاطة رااسهاا بخوووف... رجع يديه ورا ضهرو جبدها لعندوو..

رعد(بصرامة) : ماتخافيش..

حاذرة راسها ماقادراش تشوف فيه.. خصوصا فاش عرفات هذااك بات جوناتاس......

نسرين (وهي حاذرة راسها) : ياكماا وقعات ليك شي حاجة حطات يدها على ليزابدو كاتحسس ف كرشو و بالضبط بلاصة الجرح...

رعد : انا بخير... مزال ماكملش هضرتو شاف وجههاااا مصورة فييه خرييطة... خرررج عينيه ووسااع البؤبؤ للي كايباان اسود و سط اللون الزرق ... 

رعد : واااااااش همااااا للي دارو ليك هكاا... 

نسرين : اشنو اش اش داارو... 

حط صبااعو على وجها للي كل خد مصورين فيه 4 الكابليات حمرين...

نسرين (بعدات وجهها عليه) انا للي ندبتو ..

رعد : علاااش ؟؟؟..

نسرين : على ياامي الكحلة و زهري المكوووز... انااا للي ندب اههئهيهيهييئ... دخللت راااااسي لهاد المشاااكل.. و دخلتك معايا.. واااش هددوك بشي حاااجة ياااك خطييير هذااك بابااه 

رعد : ههه دخلي للداار.. ديري شي حاجة لداك الوجه.. هو زويين و كملتي عليه..

نسرين : الناااس فالناااس و القرع فمشيط الرااس انا مخلووعة علييك ونتاا بحالا ماكااين والو.. 

رعد (جمع غوباشتو و شاف فيها ) : صحيبك ا مداام للي دار هادشي... 

خلاتو و طلعات كاتجري فالدروج دخلات لبيتهاا كاتشوف راسها فالمرايا تخلعااات من وجههاا... 

نسرين : اجي اصاحبتي ولفتك هاد اليوماين بان لياا نابقى نهزك دييما لحقاش راسي الله يسمح ليه ديما حاطني فهاد المواقف.. هزات بومادا ديال الحريق دارتها لوجهها.. بدلات حوايجهاا و خرجات لقاتو لابس سيرفيت و متكي كايكمي و كايتفرج ... وقفات قدامو بوجهها للي كلو مجخلط بالبومادا... 

رعد : مالك.. 

نسرين (كاتحاول تجبد معاه الهضرة ) : بغيت ناكل فياا الجوع.. 

رعد (وهو كايشوف فالتلفازة..) شنو باغاني نوض نطيب ليك.. 

نسرين : لاا .. (كاتبووحط عليه )قوليهم يجيبو ليا ناكل مافطرتش الصباح و ماقادراش نووض نطيب عضامي ضاريني وكرشي كاتغرغر... 

رعد : خرجي قوليهاليهم.. 

نسرين : اوك... هئ نااري نسييييت ماسقييت الورد.. ناااضت كاتجري هزات الرشاشة سقات بيها الورد للي فالكوزينة .. ودخلات كاتجري لبيتها مروراا بالمكتب و بيتوو... عاد جات حداه للدورج دايرة فيهم شي محيبقات سقاتهم ..حطات الرشاشة و جلسااات بتعب 

نسرين : اووووووه عييييت... 

رعد : ونتي كاتفرفري هنا قلت ليهم يجيبو ليك غداك.. 

نسرين : اووك شكرا... 

مارضش عليها.. 

نسرين : ممكن نطلبك.. 

رعد : شنو .. 

نسرين : قبيلة ما .. المهم انا بغيت نساافر فهاد العطلة عند خوتي... واش ممكن.. 

رعد : سيري.. 

نسرين : وااااش بصصصصح... 

رعد : دبا عضاامك مابقاوش ضارينك.. 

نسرين : والله حتى مريضة.. 

رعد : امتى باغا تمشي .. 

نسرين : حتى لغداا فالصباح ليوم نجمع حوايجي.. 

رعد : اوك.. 

سمعو الدقان.. دخل الحرس هاز الغداا فيدو.. 

شداتو من عندو حطاتو فوق الطبلة ... جلسات حداه داير الاخبار كايتفرج و هي كتااكل... 

نسرين : مابغيتيش تاكل... 

رعد : لاا من بعد... 

نسرين : شوف رعد الى مشييت عفااك ماتنسااش معاك لمحابق راا غايبس الورد للي فيهم... و ماتخوييش بزاااف دالماا باش مايموتوش ... و عطي المالكة للفرااخ.. و دخل القفص فالليل و الى تحرك البرد غطيهم... را مانمشي حتى نحط ليهم ماكلتهم ... 

رعد : شغلك هذاك ديهم معااك هما و دوك المحاابق... ماتفرعييش لياا راسي بيهم... ناض دخل لبيتو... 

هاااااااعلاااش انا كان عااجبني داك الحيواان تفوووووووو.... 

جمعات الطبلة ودخلات لبيتهاا.. قادات حوايجها فلافاليز وتلاحت نعسااات اللييل كاامل حتى للصبااح فاقت فرحااانة اول حاجة لحقاش اتسافر و تاني حاجة دخل فصل الربيع...كانت الشميسة دافية مع جو الربييع... دوشات و داوات وجهها لبسات سروال دجيين مزير عليهااا مع تريكو حد الكتاف عقدات خيوطو على عنقها ولاحت شوميز طويلة مع صبرديلة ... هزات حقيبتها و جرات فاليزتهاا.. كيف قالها رعد مع 10 غادي دير الديباار.. خرجات لقات باب بيتو محلول طلات عليه مالقاتوش.. حلات عليه البيرو لقاتو عاطيها بالضهر كايشوف من الزاج و خاشي يديه فجياابو..

نسرين : رعد .. انا انمشي دبااا... (ماجوبهاش ) رعد واش سمعتيني قربات ليه حطات يدها على ضهرو.. 

رعد : سيييري... 

رجعاات كمشات يدها خرجاات جارة فاليزتها بقا متبعهاا من الزاج حتى ركباات فالطموبيل .... فاش هزات عينيها فالشرجم ديال المكتب ديالو نزل الريدو بالجهد...

كيف ما حلقات بيها الطائرة فرحاانة باش تشوف خووتها و عائلة رعد.. حتى جوناتاس حلقات به من بعد مابهدلو بااه و حيد ليه لاكارت كيشي و الموطور و اي حاجة كايملك ... سيفطو لهولاندا عند مو بلاما يتسيفط مع صحابو.. ولا يفهمهم اش وااقع.. وصلات الطائرة و نزلات نسرين فرووسيا.. وهي نازلة دارت نظاظر دالشمس و خبات الكدمات بشعرها عالاقل ماتصدمهمش مع الدخلة لقات فهد و السيدة فاطمة معرضين ليهاا من بعد عناااق حااار مع السيدة فاطمة و سلام عادي على فهد طلعااات للسيارة غاتموت بالفرحة..... وصلو للقصر و دخلات مع الباب لقاتهم مجمووعين كايتسنااو فيهاا جاااو خوتها كايجريو فرحااانين يبووووسوو ويعنقو و هي حلفاات لا حيدااات نظاظرها .. 

مهدي : اختي حيدي نظاظرك خلينا نشوفوك ونتي دايرة بحال شي عمى مع حيداااتهم كلشي خرج فيهاا عينيه.. 

السي عبد العزيز : ماااالك ابنتي شكووون دار فيك هاد الحالة.. 

نسرين : هههههه راكم عارفيني مكااانرصااااش و ماكانمشي حتى نجيبهاا فعضامي... دااابزت مع وحدة فالقسم و جمعااات علياا صحاباتها... على وااالو غير قالتلك نووضي من بلااصتي.. بقات كاتعااود ليهم و دخل و تخرج فالهضرة و تختارع فالمواقف المضحكة حتى نجحات من بعد ماسلماات عليهم جلساات معاهم فالطبلة تعشااو مجموعين...

السيدة ليلى : كيفو ابني رعد ليش ما اجى معك.. 

نسرين : عندو خدمة بزااف ...

السي عبد العزيز : واش مرتااحة فزواجك ابنتي (واخة هضرات و ضحكات ولكن ماتيقهااش خااف يكون رعد للي دار فيها هادشي وسيفطها)

نسرين (شكااين دبا نكوليه اش دار ليا ولد ولدو... احح و يكر ليه هووو يمشي مستقبل خوووتي حتى هما ) والله حتى بيخير. مسكين رعد صدق درويييش و مامخصصني من والو ... 

تعشااو فجو زوين .. هضرو فجمييع المواضيع و ماطلقو منها البنااات حتى اختارعااات ليهم ليلة الدخلة للي اصلا ماعارفاها تا كيدارة... والاهيلا داز كلشي زويين واخة تعذبت ولايني اااه ههه سكتووو راتانحشم... ههههه نااغي ياختي وعد خووك شحال رومانسي مسكين يطيب و يخلي ليا حقي... تفكرات فاش طيب كلا وجمع وطوا .. هههه و كل مرة كادو فشكل هالزعر ها الصدر .. هاء بغيت نكول الصفر ... كل كادو قدوو قدااش ... ولاهيلا زعماا مامخلييش من جهدوو.. الصرااحة...

يتبع