للرعد عاصفته الجزء السادس

نسرين: مدام سيلڤوپلي.. (شاف فيها رائد بالززربة كيما شافت فيه باستفساار لنظراتو المليئة بالتعجب ) 

رائد : ماجاش الزواج مع بنوتة فحالك ... 

نسرين (عضات على سنانها بعصبية من ديما مكاتحملش للي يصغرها ولكن هذا فوق ما قلل منها تجاوز حدوودو) بان ليا بحالا بغيت تدخل فعظامي و تبدا تستفسر على شي حوايج ماسوقكش فيهم .. 

رائد( بهدوء قرب ليها و حرك شفايفو على طرف لسانو بغا ينطق اي حاجة كاتخصك كااتهمني حبس فآخر لحظة بلع ريقو و بابتسامة كاتذوب نطق ) : ايم صوري .. 

نسرين (حسات ب تلفونها كايصوني .. هزاتو كاتشوف تصويرتها مع رعد فليكخون معانقيين مكتوبة عليها Lhubb حاذرة راسها فالتلفون عينيها كايلمعو مع ابتسامة خفيفة من كثرة مامشغولة بالابيل نطقات بلا مبلاة كاتشوف فالشاشة .. ) ماشي مشكل (خلاتو و زاادت مع السكرتيرة باش توصلها ل مكتب فهد ... ) 

رائد (من وراها تكلم بصوت عاالي ) ضربتيني و هددتيني فالاسنسور و خليتيني نطلب منك السماحة من الفوق... 

نسرين : ( دارت عندو وهي حاطة التلي على وذنها... ) حتى واحد ما قالك طلب مني السماحة.. 

رائد(لااراديا ضحك لتصرفها مخربقة و معااه حتى هو) : هههه غادي طلبيها من بعد

نسرين : كااتحلم 

رعد (بصوتو الخشن) : شكون للي كايحلم !!

نسرنن : ااووه حبي .. تووحششتك 

رعد : علاش كانصوووني ليك كانلقى تلفوونك طاافييي .. 

نسرين : كنت فالاسنسور اعمري .. 

رعد : 14 دقيقة و نتي فالاسنسور واخة تكوني طالعة للسمااا .. 

نسرين : ماتغوووتش علياااا .. ماقلتيششش هادي وااقعة ليها شي حاجة يمكن ولا خسر بها الاسنسور ... 

رعد : الاسنسور حياتو كاملة وهو خدام ماغايخسر حتى طلعي فيه نتيي

نسرين : ايوا هادشي للي وقع خسر فاش طلعت انا .. و الريزو مكاانش .. 

رعد : يااكماا وقعات ليك شي حاجة

نسرين : نوو انا بخيير .. نتا وصلتي ولا مزال 

رعد : الطريق عامرة .. تلاقيتي مع فهد ..

نسرين : لاأ مزاال هاه هااهو خاارج.. ماعرت ماالو مععصب .. 

رعد: ههه غير بنت اليازيدي هاديك .. 

نسرين : بب بااي نمشي نشوفو 

رعد : صدريني احبي صدريني .. 

نسرين : اي لاڤيو.. 

رعد: اوك .. 

نسرين (سمعات طوط طوط) اويلي على اووك !؟ (شافت فالتلفون ) دباا هذا جوااب .. (رجعاات صوناات لييه ) 

رعد : توحشتيني 

نسرين : عرفنااك ماعندكش مع الكلام الزوين ولكن لدرجة اوك !!! 

رعد : ماارضييتش الباال .. شنو گلتي 

نسرين : قلتلك اي لاڤيو بب 

رعد : مي تو.. فيين فهد 

نسرين : رجع للاجتماع 

رعد : انصوني ليه يطلقك ..بغيتك ترجعي خلاص باش تكوني بحال البارح 

نسرين (دورات عينيها بعدم استيعاب ) : مال البارح !! 

رعد (تنهد ) : اااااااه هزييت القناابل تا عييت ولكن نتي صاروووخ (..خرجااات عينيها باحراج حساات بالسخاتة طلعاات ليها ولات كلهاا حمرا ..حكاااات راسهاا بارتباااك بلاما تجااوبو.. ) 

رعد : هللو .. 

(صوتو خلا قلبها يتفزعع عضااات على شفايفهاا .. و حيدات التلي على وذنها كاتشوف فالشااشة بااش غاتجااوبو .. كاتسمع فصوتو الخشن لممزوج بكمية كبيرة من الحنان و البحة where are you baabyy دغيا رجعات التلي ) 

نسرين (بصوت خافت ) ياس 

رعد : ههههه هاد الحشوم فين مشا البارح !!! (تخيلات ضحكتو فاش كايرفع راسو و يبانو سنيناتو المستفين بيها كايغمض عويناتوو ) 

نسرين : هييه ماتبقاش تضحك دبا تزعط ليا فيك شي وحدة 

رعد : رعد داتو مولاتو.. 

(عضاات على شفاايفهاا بلاماتجاوبو ) 

رعد : باش عجبتيني ملي بدينا ونتي تبوحطي دخلنا فالصح حتى حاجة مابقات ضاراك .. حتى هادييك

نسرين : اهاا نتاا اتحس بيها كثر مني .. 

رعد : واا هبطي باش نححس بيها .. 

نسرين : اووليي اخوووياا نتااا ماعندكش شي كلام من غير هادشي تعلم تكلم بلباقة .. 

رعد : LaBa9A .. 😒 

نسرين : ااه لباقة.. 

رعد : اووك بب... تشهييتك نزلي ..

نسرين : والله ماانززل .. 

رعد : نجي نزللك .. 

نسرين : Nooo 

رعد : اوك تخلصي الحق فالليل .. 

نسرين : نتاا للي اتخلصو 

رعد : ايياه نخلصووه 

نسرين : وبالضووبل 

رعد : عارف الحب عندها السوفل مجههد

نسرين (بلاما تحس ) : ايواا للي اختارت تزوج ب رعد كاامل خاص تكون استثناائية و عندها شي حاجة كثر من السوفل 😌😌

رعد : حبببس عجبتيييني دباا 

نسرين : نتا لكبيدة ندمت حتى جييت ماسخييتش بييك 

رعد : نجي دبا نديك 

نسرين (غمضاات عينيهاا بلهفة وبصوت حنين نطقات ) : مااكرهتش ولكن حتى لعشية كاانوااععدك مااتنساااش هاد الليلة حيااتك كاملة ووجد راسك ... ما إن استوعباات اش خررج من فمها خرجاااات عينيها وقطعاات علييه ولاات كلهااا عرووقااات .. خبات شعرها بوجهها .. اووويييلي وليت انا للي كانتحررش بييه .. اش غايقول غايقول هاد الزمرة مكبووتة .. لا لااا بالعكس اييه الرجال كايعجبهم المرا تكون مكاتحشمش فهادشي .. ااه ومالو صاحبي را حبووبي رااجلي حالااالي حطاات راسها على المكتب و طلعاااتو بالجهههد.. عشششية اششش غاااندير فياا غالهضرة 😳😳😳 رجعاات حطاات راسها و كاتتففركن برجلييهااا... 😱😱 عشية اعباااد الله ايفدي فيا القديم و الجديد.. وااععع (دورات راسها فالكاميرات) ناااري عندااك يسمعني شي حد ... تفو هبلني هااد الزمر بدات كاتضحك و تصايب فشعرهاا ... 

راائد واقف فالمكتب ديال خديجة مقابل نسرين من ورا الريدو قدما غالبو الضحك لحركاتها متعجبب فيها ...لكن ما ان فكر فيها بجدية تحسر ) : ااااه يانسرين اااه شحال ماتستاهليش تكوني مع واحد بحالو 

السكرتيرة (هازة فيدها القهوة ) : تكلمتي معايا...

رائد : داار حاط يدو فجيابو : نوو ... 

السكرتيرة : يمكن اتسنى بزاف المديرة معطلة 

رائد : حتى وكان تخرج ..

******

فهد ( دخخخل بعصبيتو وقف على خديجة ) المشكل ماااشي فتجاااريبك ... المشكل فعمك و ولد عمك للي سُمعتهم موووسخة .. 

خديجة (ناضت بعصبية ) : المشكل فباابا للي اختار يخدم مع واحد بحاالك .. مغروور و متكبر و ماعرت اشيسحابلو رااسو..... اصلا بابا كان مبعد على عمي وولادو و على مشاكلهم ومااكايخدمش معاهم .. شنو للي غايتغير الى شديت بلاصتو انا و كملت فطريقو ..

المحامي : فهد تهدن السيدة ماقالت حتى عيب .. 

فهد : كانقسم بالله و يدخل شي واحد فيهم لهاد الشركة داير السبة بيك حتى انا للي نبييع لييه اسهمي والى مادرتهاااش مانتسماااش فهد و ديييك الساعة عومي بحرك نتي وياااهم... خديجة : (بعصبية) للي فجهدك ديرو ... دفعااتو من قدامها و خبطااات الباب على كماارتو مريييييض مككككككككلخ مغروووور .... غوتااااات على السكرتيرة للي جاية تهضر معاها حتى وااااحد مايدخل المكتب دياالي ... و مادوزي ليا حتى مكااالمة... شنوووو مااالكم فاش كاتشوفو كل واااحد يقااابل شغااالو ... 

فهد : هنااااا ماشي زرييبة ... ماتبقااايش تآمري فالموظفين 

خديجة : مغاتورينيش خدمتي 

فهد : خدمتك مااشي بالغواات كاين المسؤول علييهم ماتقاابليهمش نتي ... 

خديجة : ( عضااات على شفااايفهاا بعصبية ...) ونتاا بقى مقاابلني اناااا 

جاات نسرين كاتجري لحدااه قبطااتو من ذراعو : فهد تهدن ماديروشش الشوهة قدام بنااادم بلييز ااجي معااياا .. 

خنزراات فيه هو ونسرين دخلاات و خبطااات الباااب مع الهزة للي هزات راسها كايباان ليها ولد عمها جالس فالبيرو مرتاااح عالاخر من كثرة الصدمة شهقاااات 

خديجة : نتااا شنووو كادددير هنااااا !!! 

رائد (رخى ضهرو على الكرسي كايتكلم ببروود) جيت نبارك لبنت عمي .. 

خديجة : خرج ا راائد نتاا للي خاصني بلييز خرج .. 

رائد : مالك ! 

خديجة : مابغيتش المشاكل فخدمتي عفاك خرج رائد : حتى انا مابغيتش المشاكل شنو فيها الى جيت نشوف واش محتاجاني فخدمتك الجديدة .. 

خديجة : نتااا اخر واحد ممكن نحتاجو ... خررج ارائد بليز ... 

رائد : ماالك كاتباني ماشي تالهيه .. 

جلساات بثقل فالكرسي قبالتو 

خديجة : رائد نتا مابيني و بينك والو ولكن مانساوش بلي باباك عدو بابا و ماانسااوش شكون كان السبب فموتو 

رائد : ماناسيش الكراهية للي فقلبك على بابا و خويا معتز انا عارف هادشي ..

خديجة (هزاات يدهاا مقاطعاه ) مابغييتش نجبد داك الموضووع ... للي كانعرف هو تخرج من هنا بلا مايشوفك فهد ... 

رائد : علاش ! 

خديجة : نسولك نتاا ... 

رائد مابيني و بينو والو .. 

خديجة : رائد عارفة مزياان نتا لاش باغي توصل .. 

نتا يالاه نقطة فبحر عائلة الامبراطور عمرك ماتحلم توصل ليهم .. 

رائد : لهاد الدرجة حاكراني .. 

خديحة : لحقااش نتا عزيز عليا بغيت نفيقك عمرك ماتحلم تشارك معاهم .. 

رائد : وشكون قالك انا عيني فالشراكة معاهم ماشي من فعايلي نديرك طريق باش نوصل لاهدافي انا ماشي معتز اخديجة .. مابغيت شراكتك لانتي لا فهد وزايدون فهد مابيني وبينو والو .. 

خديجة : نتاا عينيك فالكبير ..ياك عينيك فرعد 

رائد (بسخرية ) بااش كبير .. 

خديجة : كبير بدمااغو ..كبير حوايج ماقدرتيش نتا ديرهم دارهم هو فرمشة عين .. حياتك كاملة ونتا كاتنافس معاه .. فبلاصة ماتبقى حاضيه حاول دير بحالو.. راك ضيعتي حياتك ونتا كارهو و غاتضيع حيااتك خااسر كلشي الى بقيتي تابعو 

رائد : مكااينش للي خاسر قدو .. انا هاد السنين كاملة كانبني هدفي وقربت نوصل ... قريب رعد يولي فخبر كان 

خديجة : حلم فالاخير اسمو للي داير بوم فالسوق ..وهادشي خاصك تفتااخر به نتا ك شخص عربي .. 

رائد : اييه هو ماشي مثالي لديك الدرجة للي كايقولو عليه فالصحافة ... 

خديجة : ماسوقيش فحياتو الشخصية يكفي مثالي فخدمتو .. 

رائد : عارفك مستعدة تبيعي للي فوقك و للي تحتك باش تشااركي معااهم وهانتي وصلتي للهدف ديالك مبرووك .. 

خديجة : اكيد كايشرفني نوقف بين اذكى رجال الاعمال ومسلمين من الفوق ... و الشراكة معاهم واخة تسعى وراها قروون مايمكنش تحققها... 

رائد : رعد فاشل

خديجة : نتاا للي اتبقى فاشل حياتك كاملة الى بقيتي تاابعو لحقاش مغاتربح والو ... 

(اكتفى بابتسامة سخرية رسمها بزاوية فمو ) ... 

خديجة : علاش جيتي ! 

رائد : جيت نشوفك باش نقوليك رضي بالك من الذيب مغيت (الاب ديالو ) و معتز فاش شافو الوصية بسميتك عراو نيابهم و بغاو يطيحوك باي طريقة .. 

خديجة : وعلاش ولد الذيب جا يبيعهم 

رائد : (وقف عليها ) نتي ختي و المرحوم وصاني عليك و مانرتاح حتى ندخل للي قتلو الحبس .. 

خديجة (ناضت بفزع) ششش دبا يسمعك شي حد .. 

رائد : (شد راسها بين ذراعو ) ماتخافيش..

خديجة(بعداتو عليها ) : مخاايفاش غير هادشي خصوصي مخاصوش يتناقش هناا .. 

رائد.: دارك ممنوع ندخل ليها تلفونك مكاتجاوبيش عليه ... قلت انلقاك هنا .. المهم ديري بهضرتي ...

خديجة : اوك رائد شكراا بزاف .. 

رائد : يالاه نخليك دباا.. تهلاي فراسك و راقبي الكاميرات يوميا ديري لبادي كارد ونتي مسلحة ليا بمراا .. ااه ووصي الحراس يقابلو ماماك .. 

خديجة : اناا قد هاد الحرب ماتخممش 

رائد : (ابتاسم ليها ابتسامة خفيفة ) باراكا ماتكابري .. 

خديجة : خنزرات فيه .. خررج و دوز من شي باب بلاما يشوفك فهد ..

نسرين جالسة مقابلة مع فهد كاتشوف فيه مافاهماش علاش معصب كاتحاول تحبس لسانها ولكن ماقدرااتش : شكووونن هاديك 

فهد : واحد المريضة مالقاات مايدار و جاية تعصر علياا هناا ... 

نسرين : وا بالسيف هاد الزين كامل و ماتعصرش عليه.. تااراا ملي ماتشاركاتش معاك هاد البيرو عندك الزهر 

فهد : دااكشي للي بقى (هز لوراق كايقرا فيهم و عاقد غوباشتو عينيه مملوئين بالغضب اول مرة تشوفو كاعي بصح ... مرة مرة كايدوز يدوو على لحيتو بتفكيير عمييق ... ناضت وقفات ورااه كاتقرا فالورقة للي بين يديه ) 

نسرين : خديجة اليازيدي (طلق الورقة وحط ضهرو على الكرسي ) هي المصيبة ديال هاد الصباح و ديال ليام الجاية .. 

نسرين : كاتبان زوينة و ضريفة ومأدبة (تفكراات غواتها) احم احم المهم زوينة و الاخلاق من بعد 

فهد : اه نتعارفو ابعدا و فاش نقربو نديرو العرس عاد نتفاهمو... نسريين واش كاتريكلي عليا هااادي بلاصة الخدمة ديك خديجة شريكة معايا... 

نسرين : المههم البدية ديال الافلام التركية ... من بعد تولي بيناتكم شي حاجة.. 

فهد : ولا في الاحلااام ... انااا ففهد بقدي بقامتي بخدمتي ب زيني نفكر فمعقدة بحال هادي ... 

نسرين : نتاا فهد بصباط و طموبيلتك لاكان ليك فيها الخير را غاتبقى تابعها و تجري بحال الهبيل ... بغيت انفهم فهاد العائلة كلشي كايدفع كبير فالاول .. للي شاف وائل مع وعد كاعما يقول هاد عصافير الحب يتفاهمو..

فهد(سد الموضوع) : كيجااتك الشركة واش بقيتي جالسة غيير هناا ؟؟؟ 

نسرين : طريقة واعرة للهروب.. هرب ...

فهد : نوضي نوضي نتسارا بيك فالشركة ... 

نسرين : بلييز افهد مكانحملش للي يبقى مغووبش ضحك عفااك وايلي واش عاداك رعد 

فهد : مافياا للي يضحك عصبااتني هاد خيتي 

نسرين : ماعش ولا كان للي يقلق ليناا فهوود .. يالاه تسارا بيا الشركة وعاود ليا عليها...

فهد : اش انعااود ليك وحدة فاقت لقات باها مات ضرباتها بورثة ومن بين كاااااع دوك الشركات للي خلى ليها.. جاية لشركتي اناا تخدم معايا.. 

نسرين : ورا دارت معاك المزيان .. 

فهد : مابغيتش المزيان ديالها تعطيني غ التسااع 

نسرين : علاش اش دارت ليك 

فهد : دباا (مع بغا يشرح ليها شاف فيها وسكت ) واالو والو نووضي يالاه .. ... 

نسرين : ااوك .. ناضت هزات صاكها وتبعااتو هو للي حل الباب مسبقها قدامو .. 

نسرين : خالتو فاطمة تعرفها كعاتك تخرج ليها عينيها

فهد : ف امبراطوريتنا خاص جدي يخرج واحد القانون 

نسرين : اما هو .. 

فهد : للي قلق احد ابنااء الامبرااطور يتعدم 

نسرين : ههههه على هاد الحسااب كون تعدمت انا فكازا نهاار كردنت خووك .. 

فهد (تههززز بالضحك ) ههههههه نمووووت و مانساااش دااك النهااار .. عرفتي فاش تفارقنا معاك و ركبنا فالطموبيل.. ههههههه جينا ندورو لقينا عينو زرگة و جبهتو موڤ و مرمد وزايدها داافع علينا كبيير ههههههه 

نسريين كاضحك و كاتشوف داك خونا خارج مع خديجة مستغربة ففهد للي ميت بالضحك و كايعااود لنسرين... مع جات عينو عليهاا جمع ضحكتو ببطئ تعجب ف راائد .. 

رائد : اهلاا فهد .. (مد ليه يدو) 

فهد (رفع حجباانو باستغراب فيها كأنها تحدااتو فاش جابت ولد عمها .. رسم ابتسامة صفرة على وجهو وشاف فرائد ) وعليكم السلام ...

رائد : كيدااير مع الخدمة .. مبروك عليكم الشراكة الجديدة ... 

فهد : مزال مابانش واش اتكون شي شراكه ولكن الله يبارك فيك ... فين غبرتي اش خباارك !! 

رائد(رفع راسو بغرور كايشوف فنسرين ) : راك عارف رجال الاعمال مكايساليوش .. 

نسرين (جاتها الضحكة بقاات فالعيااقة و التبندير ..حطات يدها على نيفهاا باش تحبس ضحكتها.. خاارجة فياا دعوة انا بحالا دخلت لكيك اباش نشرشم الرجال المهمين .. ) 

رائد : كاضحكي علياا !! 

نسرين (جمعات غوباشتها ) علاش انضحك عليك ... بيني وبينك شي حاجة !! 

رائد : لا 

نسرين : كانعررفك !

رائد : ههه لاا

فهد و خديجة شافو فيهم باستغراب كاتعرفو بعضيااتكم !! 

نسرين ورائد دقة وحدة 

رائد : لااا... نسرين : اااه .. 

فهد: فيين كاتعرفييه؟؟ ..

رائد كاايغمز فيها و هي كاتبلابلي عند بالها قاضية لغراض)

نسرين : حصلت عندو السلاح دايرو هنا (حطات يدها على خصرها ) و داخل بيه للشركة.. اصلا مارتاحيتش ليه ملي شفتو ...

فهد : هااهو حتى انا عندي السلااح ههه فين المشكل 

نسرين (باحراااج) ياااك 😳 ؟؟

رائد (بثقة بالنفس ) : يا شفتي 😌.. 

نسرين : كلشي عاادي اناا للي ماانسواااش... سداات فمههااا و ضرباات براسهاا دارت بركاات على البوطوونة بالجهد بااش يتحل الاسنسور 

خديجة ( ابتاسماات لعفويتهاا بقات واقفة كاتشوف فيها كيفاش داخلة كاتنطر )

فهد (لمح خديجة للي عند بالو مكااضحكش ) : المهم رائد مزياان ملي شفتك بغيت نتكلم معااك ضروري .. 

رائد : حتى انا كنت بغيتك ولكن قالو ليا كنتي فالمزرعة .. 

فهد : اييه كنت فيها .. كون ما المشاكل دالخدمة ماكنتش انجي كاع 

رائد : شكووون بحاالك اسيدي 

فهد : علاش ماجيتش

رائد : سي سي جيت .. (تبع نسرين بعينيه ) جيت و رجعت حشومة ندرونجيك و نتا شاد كونجي 

نسرين (نفذ صبرها وهي كاتحل فالباب ديال الاسنسور للي كايتسد) : فففهد واااش نصووني لرعد نمشي فحالي حتى لمرة اخرى راا بزااف هادشي ملي جيت ونتا فالاجتماع و دبا وقت الغدا حتى هو مشغول فيه.. 

فهد : اااوه نسريين سمحييليااا دقيقة وانا معاك (شاف فرائد) نمشيو نتغدااو و منها نيت نهضر معاك ولكن الى كنت مع... شاف ف خديجة .. المهم من بعد ماتسالي دوز عندي ... 

خديجة : لا انا انمشي للدار .. 

رائد : نوصلك للدار 

خديجة(ركبات حتى هي فالمصعد) : لا غير خليك ا رائد .. 

رائد : اوك للي عجبك

فهد(وقف حدا نسرين وشاف فرائد) : صااف تمشي تغدا معايا

نسرين : ااايم هييير 

فهد : ههه تغدا معاناا 

رائد : اوك اسيدي .. 

خديجة ملي ركبات فالاسنسور و هي رافعة راسها ماحركااتو لا هاك ولا هااك ... باالهاا خداام مع اخر تهدييد هددهاا .. "الى شفت شي حد منهم هناا انبيع ليه اسهمي" .. مع هادشي للي دار فيها عمها و ولدو معتز ممكن توقع اي حاجة من ولدهم رائد .. كرهاات فهد وزادتو على القائمة السوداء ... كانت كاتسحاب ان عائلة الامبراطور كاملين ناس ضريفيين و مكايتبعوش مصالحهم قدما كايشوفو الامور من جميع الزوايا .. ولكن فهد بيين ليها العكس صدق بحالو بحال ولا عمهاا ... 

مع تحل المصعد خرجات هي الاولى لقات طموبيلتها كاتسناها ركبات بسرعة .. حطات حقيبتها و رخفات شوية فولارها تنفس من هاد الخنقة للي فيهاا .. 

فهد و رائد مع نسرين تبعوها بعينيهم 

نسرين : مالها !! 

رائد : عذريها كادوز بفترة صعيبة ..

فهد : نمشيو فطموبيلتي حسن خليتها فالباركينغ تسناوني قدام الشركة حتى نجيبها .. 

نسرين : اوك ... 

رائد (ابتااسم بفرح اخييراا تاني هايبقى معاها) كاتقراي !! .. 

نسرين (مجاوباتوش بعداات عليه شوية ووقفاات ) 

رائد : مالك هاربة مني ! 

نسرين (حركاات ليه بالاشارة باش يسكتت ويبعد عليها) 

رائد : علاش نبعد علييك ! 

نسرين : (ربعاات يدها بقلق كاتشوف فالشانطي .. ) 

رائد : القطة تسرط لسانها

نسرين (بصراخ باش يوصلها كلامو ويتفرز على ضجيج السيارات ) لحقاش راجلي قالي ماتوقفيش مع شي حد مكاتعرفيش و الى جا دبا ولقاني واقفة معاك .. 

رائد : غادي يكعاا

نسرين (فقصاتو بعينيها) وناريي الى مشا حتى كعى .. 

رائد : هههه شنو يدير ؟؟ 

نسرين : حسن ليك ماتعرفش يالاه عطيني شبر دتيساع 😐

رائد : لمراوات معضمهم كايبغيو رجالهم يغيرو عليهم ... 

نسرين : اييه لحقاش مامتايقاتش فروسهم .. 

رائد : ونتي .. 

نسرين : سووقك .. 

رائد : ههه شكون بحال مراتو مكاتبغيش تقلقو سعداتو بيك

نسرين : تانكس 

رائد : كاتبغييه ! 

نسرين : كااينة شي وحدة فهاد الوقت كاتزوج بشي حد ماباغاهش 

رائد: اممم ...قرب ليهاا ودون سابق اندار قبط يدهاا (باستفساار ) ولكن فييناهو الخاتم . .. (تنطراااات منو بإحراااج )... ماااشي سووقققك .. مشات كاتجري فاش بانليها فهد جاي بطموبيلتو مع وقف ركباات اللور .. رائد تابعها كايضحك ...بديت كانفهم علاش بغاك الامبراطور... حل الباب الامامي و ركب .. دار عندهاا لقاها رافعة شفايفها بغضب .. 

رائد : ماتقلقيش مني... 

فهد : اش وااقع ؟؟؟ .. 

نسرين : والو ماتشغلش باالك .. 

رائد : شوف شي ريسطو قريبة للشركة .. 

فهد :كاينة وحدة هنا كانمشي ليهاا... 

رائد جبد نظاضرو ديال الشمس عوض مايديرهم فعينيه علقهم كايشوفها منهم كيف رافعة شفايفها بغضب و كاتلعب بضفراانها من ملامحها كايبان غضباانة و ملات .. مافهمش علاش لهاد الدرجة قلقها منو ... ولا هكا دائما كاتكون فغياب رعد ... 

نسرين : Muusiic plllz 

فهد : زعمة را غادين ف غداء عمل .. 

نسرين : ماسوقيش ولفت رعد ديماا كايدير لياا الموسيقى وااخة كايكون غادي فالطريق و كايبريبااري للاجتماع .. 

فهد : اوك الالة شنو بغيتي تسمعي .. 

نسرين : اغاني مغربية .. 

فهد :ولكن هاحنا وصلناا.. 

نسرين : بفف بلااش ....

**** 

ماشي غير هما كلشي خدا فترة استراحة و مشا يتغدا كيف ماحتى خديجة وصلات للقصر للي كايباان ليها فاااااارغ مافيهش الهيبة .. ااه فراق باها كسر ضهرها وتعرا السقف للي أواهم طيلة حياتها... مكانتش كاضن بهاد السرعة يغدرها الزمان و يبن لها محيطها على حقيقتو .. حتى معتز حب حيااتها الراجل للي كان خاطبها و ناوي يتزوج بيها هاد الصيف .. باليد للي ركبلها الخاتم غدرها و قتل باها بدم بارد و بلامايخلي وراه حتى دليل من غير عوينات ماماها للي اصلا كاتشرب الدوا ديال الاكتئاب ولا شرطي يقدر يق اقوالها ... ياااه ماخلاهاش حتى تبلع صدمة انه خطبها على حسب مصلاحتو ... حطمها ب قتل اعز مكاتملك ... خلاها وحيدة حتى الضهر للي عولات تسند عليه لييوم فالصبااح صدمهاا بلاما يحن قلبو ... وراها وجهو الحقيقي و تكلم معاها بقسوة فقداتها الامل .. حيدات فولارهاا و فكات ازرار قميجتهاا.. بملامح خالية من التعبير .. مابغاتش تعلن النهاية ولكن الى فهد دخل رائد شريك معاها هو بيدو علن نهايتهاا... 

فهد : رائد بغيت نهضر معاك بخصوص الخدمة .. 

رائد : اهااه 

فهد : بغييت نبيع اسهمي فالشركة وبها تولي شريك مع خديجة اليازيدي بنت عمك 

رائد (بصدمة ) شنووووو 

فهد : الى مابعتهمش ليك نتاا انبيعهم لخوك و انا عارفو غايوافق ... 

رائد : تسنى تسنى واش وقعات ليك شي حاجة مع خديجة ماتفاهمتوش ..علاش بغيتي تبيع الاسهم 

فهد : انا كنت خدام مع باها ماشي معاها.. 

رائد : ولكن باهاا مات ا فهد 

فهد : ملي باها مات مابقيتش بغيت نخدم .. اش كاتقول غاتشري و لانبيع لشي حد اخر .. 

رائد : فهد نوو نوو فهد خديجة ثقة و ناجحة فحيااتها و ماعندهااش دخل فالاعماال الوسخة ديال خويا ولا بابا... 

فهد : صافي فهمت نبيع لخووك ... يالاهي انسرين .. 

رائد : لاا خليك... فهد انا مانشريش و ماتبيعش اسهمك ل معتز... (شاف فنسرين ) ممكن تخلينا نتكلمو على انفراد .. 

نسرين : اوك فهد باي باي انا انصوني لرعد ياخدني .. 

فهد(نقز عليها) : لاا لاا رعد لااا صبريي .. غير هضر قدامها ...

رائد : اوك ولكن مابغيتش هاد الهضرة تخرج.. 

نسرين : مغانقولها لحد غير تهنى .. 

رائد : معتز كان اول حب فحياة خديجة و كان خطيبها و معولين يتزوجو فهاد الصيف ولكن من بعد اكتشفت بلي بغا يتزوج بيها على مصلاحتو باش يستغل مشاريع باباها و يكون يدو ليمنى .. وفاش باباها عرف و رفض زواجهم قتلو وانا متأكد بلي هو للي قتلو واخة ماخلاش وراه الدليل من غير ماماها للي شهدات.. (نسرييين خرجااات عينيها و هزات لما كاتشرب بييه هاد الاعتراااف )

فهد : ولكن ماماها مريضة 

رائد : هذا هو الجواب للي غايقولوليناا هادشي علاش ساكتين حتى نجمعو الادلة الكافية ..

المهم نتا الى مابغيش توسخ سميتك مع عائلة اليازيدي .. عالاقل بيع اسهمك لشي واحد ثقة للي يقدر يكون مع خديجة لحقاش ماتستااهلش البنت باراكا عليها لي فيهاا.. هي كانت باغا تخدم معاك نتا لحقاش عارفاك قادر تزيد بيها للقدام .. و اعدائكم مشتركين ... 

فهد : ونتا علاش باغي تعاونها على خوك .. 

رائد : ماكانبغيش الظلم انا مع الحق واخة يكون عليا.. 

فهد (رفع حجبانو باستغراب ) رائد هذاا للي قدامي .. 

رائد : رائد باقي كايجري ورا نفس العدو ديال زمان .. باقي هو هو و لكن انا مع الحق واخة نبان ليك ظالم .. 

فهد : ههه بصحة غداك .. 

نسرين : غاتقدروو تغدااو من بعد هادشي كاامل .. الله ياارابي الله بقاااات فيااا خديجة اهئ قتلوووو ليهااا باااهاااا اهئ وشكووون القتاال خطيبهااا.. قبل مايتلاح عليها فهد سسسد ليها رااائد فمهااا 

رائد : سسسسسكتي ششش سكتي شوهتيينا 

فهد : نسريين شووفي هادشي سر بيناااتنا اوك بيناتنا مايسيق حتى حد لخبار 

رائد : ولا غايجي معتز يقتلك 

فهد : اه باقي ماتشد .. (نسرين كاتحرك ليهم براسهاا لاا لاا) و غادي يخطفك تاني كيما وقع داك النهار

رائد شاف ففهد فهمو بعينيه باراكا عليها.. 

فهد : ياا حيد يديك على فمها .. 

رائد نفض يدو منها .. 

ناااضت بالنفااخة بالناااااقص من خدمتكم نمشي غير نتككمشش حداا راااجلي بففف كون نسحااب كون مشيييت معااااه ... 

شاافو فبعضيااتهم و رجعو جلسووها .. 

فهد : تووووصلي هااادشي لرعد 

رائد : نحرررش عليييك معتز 

نسرييين(كاتغبن) : ماشفت ماسمعت مغاااانقووول وااالو صاااااف ..... 

مع شافو فبعضيااتهم غلب عليهم الضحك 

نسرين : ضحكو نتوما للي جاات معااكم .. هزاات تلفونها و صوناات لرعد.. 

رائد : نخليكم دباا .. فهد عفااك فكر مزيااان خديجة ماتستااهلش تعاملها خايب را خدمتها بحال باها.. 

فهد : اووك 

رائد (همس ليها ) باااي باي والى قلتي شي حااجة غايجي الغول و يقتلك 

نسرين : بففف بحالك بحال خباارك ... الو رعد ... 

رعد : فيينك نتي ..

قرات السمية ديال المطعم فالmenu وقالتها لو ... 

رعد : انا جااي ... 

نسرين : اوك .. تبعات رائد بعينيها حتى خرج و هي تجلس مع فهد كاتسنى ففرعد .. مسكينة خديجة 

فهد : نسرين 

نسرين : وااصاافي غابيني وبينك بقات فيا

فهد : اييه 

نسرين : دبا شنو غاتبقى معاها فالخدمة .. 

فهد : ماعرفتش ... 

كايبان ليها رعد دااخل مع البااب كايتساارا بعينيه عليهم حلات فمهاا و جمعاات الوقفة .. مع دار فهد شافو ناض حتى هو ... قرب ليها رعد جؤها من خصرهاا 

رعد : تهليتي ليا فمرتي 

فهد : هي تقولك 

نسرين : هههه زعما تهلاا فيا الله يسهل عليه.. 

رعد : مال وجهك صفر 

نسرين : امع العيى يالاه نمشييو .. 

فهد : نسريييين تهلاي فراااسك (وبلغة عينيه كايقولها سكتي ) 

نسرين : تشاااو ... جرات رعد و خرجوو ... 

رعد: مالكي انسرين ماعجبتينيش .. مالك كاترعدي 

نسرين : واالو.. جلس حداها فالطموبيل .. 

رعد : شوفي فياا.. 

نسرين : هااناا 

رعد : كاتكذبي 

نسرين :وا ديمااري و نقوولك .. 

رعد : هاانااا.. يالاه هضري .. 

نسرين : لييييوم تلاقيت بواحد الدري فلاسنسور و طفا علييناا الضو ... مع بغا يحط يدو على كتافيي و انا نعطي لموو قتلة ديال العصى .. و لقيت عندو الفردي ياك و فاش خارجين نتغداو تلاقينا معاه و صدق ولد عم خديجة ديك المديرة ولا ماعرت... تسمعاااات كغغغغغغغغغط حبس الفراان بالللجججهد ..

رعد : شنو سميتو .. 

نسرين : ماعقلتش ...

رعد : كيداير ... 

نسرين : طويل يكون بحالك فالطول ولا قصر شوية و حروفو كحلين و عينيه قهويين و كايهضر بالدارجة سميتو را را المهم شي حاجة بادية ب الراء اااه رااائد 

رعد ( شااف فيهاا بصدمة ولا وجهو حمر .. حااول يمسك اعصاابو باش مايخلعهاش حيد السمطة و دار على جنبو لعندها منزل وجهو لعينيها.. ) اهاه وشنو وقع تاني 

نسرين : وسلم على فهد ومشينا تغدينا مجموعين .. صافي هادشي للي وقع ... ( بعدات عينيها على شوفاتو ) واصافي هادشي للي وقع ..

رعد : متأكدة ؟؟ 

نسرين : اه 

رعد: عينيك كايgولو العكس كملي انسرين .. 

نسرين (بخوف ) مكانخاافش ارعد فاش كانكون معاك .. كانحس بالامان نتا حاميني من كلشي يااك و غاتبقى حاميني .. 

رعد (بحنان حط يدو على خدها ) شكون خوفك اعمري .. 

نسرين : فراسك معتز خو رائد هو للي قتل بابات خديجة .. و قالو ليا الى خرجتي هاد الهضرة من فمك غا يقتلني .. و لا يخطفني بحال ديك المرة .. اناا عييت من الخطييف مابقيتش بغيت نعيش داكشي للي عشت دوك لياام .. 

رعد (مصدوم من هضرتها .. كيفاش فهاد السوايع القلال تعرفات على رائد و عائلتوو كااملة ... نطق بهدووء بالرغم من ان قلبو كايغلي من لداااخل ) ماحدي عايش مكاينش للي يآذيك .. 

نسرين : حسيت بالخنقة فاش سسد ليا رائد فمي و هددني بهاد الطريقة هو وفهد

رعد (بعصبييية ... من كثرة ماكايفووور من الدااخل باان وجهوو حمممر و العروق خارجين من عنكرتوو) : اهاا .. تلاح عليك و سد ليك فمك وفهد كايشوووف يعنييي قدامو

نسرين : كان كايشوفيه و هددني هو ويااه .. 

رعد : تبارك الله على السي فهد . 

نسرين : نعام 

رعد : والو اد ماتخافيش غير بغاو يخلعووك وصاف .. يالاه نوصلك للاوطيل 

نسرين : اشمن اوطيل .. 

رعد : ديالنا.. 

نسرين : اوك بب.. 

كسيرااا ب الجججهد حطات عينيها على دراعو للي خارجين منهم الكابلياات و هو كاايدور الفلوون كاتقول غايققلبها فشي بلاصة تكلمات معااه يخفف السرعة لكن ماسمعهااش كان شارد و فنفس الوقت راد بالو مع الطريق عيطات ليه مرة و زوج و تلاتة بدون نتيجة .. كايبااان كااعي وفنفس الوقت هاادئ هاد التقلب ديالو دائما كايخلعهاا لكن هي دبا مادارت والو من غير شكات ليه على للي بيهاا ... و حتى هو تكلم معاها بهدووء.. فيقها صوتو الحنين.. 

رعد : حياتي نزلي دباا .. غاتلقايهم جابو لك حوايجك من المزرعة .. الى خصاتك شي حاجة قوليها لهم.. 

نسرين : كيييفاش علااش جبتي حوايجي .. 

رعد : هووب خارج كونجي باش ندي حبيبتي فين بغاات .. 

نسرين (عضات على شفايفها بفرح) غادي نسااافرووو .. 

رعد : ييااه .. يالااه طلعيي و ماتنساايش هاد الليلة نتي عارضة عليا .. 

نسرين : ههه درتيها بصح 

رعد : وريني علاش قادرة.. (قربات لعندو بالزربة باستو و نزلات كاتجري من الاوطو ... تبعها بعينيه حتى دخلات و شيراات ليه باش يمشي .. وكسييرا ... عااااض على سناااااانو الطموبيل للي جات قدامو كاايطيرهاا بالكلاااكصوون كاان مععصصصب لاقصى درجة ... كبت احساسو و حاول مايبينوش لنسرييين لكن هاهو فرغوو فالسرعة كااايتحلف على رااائد و يتهدد على فهد للي عاارف العداااوا للي بينو و بين داك الحيوااان و مع ذلك مجلسو مع مراااتو و زايدها قاااطع عليها الضو فالاسنسووور لاااااااااااش بغيييييت توووووصل الكللللب لاااش... وققققف الطموووبيل بالجهد اونفااص لطموبيلت رائد للي مبلاصية قدام الفيلا ديالو ... للي كانت من على برااا كلهاا زاج و مافيهاش الحرس من غير رجل كبيير عسااس ... )

رعد(نززززل من طموببلتو جاااهل) :رااااااااااااااائد..... 

العساس : (جا كايجري) شكوون نتا للي بغيتيه اسيدي... 

رعد(كايشووف فالفيلا و كاايعييط ليه ): راااااائد نسمييييييك راااجل خرررررررررررج عنننندي الشماااااتة خررررج

رائد (من وراه) ها انا اش حب الخاطر السي رعد ! ( مع بااان لييه وااقف حدا الطموبيل كايضحك عليه باستفزاااز طااااااااار عليه بلكممة على اثررهاا تفرررش فوق سيااارتو... ) 

رائد : ههه نجحت باش نعصب الامبراطور ..

رعد (شنق عليه طلعوو) شنوووو بغيييتي من مراااتي هااا... علاااااش قطعتيي علييها الضوو فالانسنسور.. علاااش تااابعها... 

رائد : باش نتقرب ليهاا 

رعد (عطاااه برووسية جاا مفررش فالارض ) اناااا نووووورييي لدييلممممك تقررب ليهاااا ... 

جا العساااس كااايجرييي دخخخل بيينااااتهم دااير عند رائد باش يشدوو هاد.الاخير للي ناااض عطا لرعد بلكمة لعينيه... 

رعد : كاااااضرررررب ال******* الى ماااقتلت ديييلمك ليوووم ماااانسوااااش...

رائد (شنننق عليه ) : قتللني .. قتلني اش كاتسنى.. ياك مولف بالقتيلة .. مولف تقتل بناادم و هو حي .. قتلني و نرتاااااح مننننننك المرييييض قتلتي ... 

رعد (بصرااخ) : ااااش بغييييتي من مراااااتي 

رائد(ببروود) : بغييت نشووف شحال كاتبغييك بغيت نعرف واش غاتبقى تبغييك الى عرفاات حقيقتك (سكت ونفض منو بتدمر ) ولكن خساارة طلعات كاتبغييك ... كيفاش عطاك خاطرك تلعب بلبناات كاتخليهم يجريو وراك بحالا للي خلق ماخلقش غيرك.. الدكتورا كلارا ماتستاهلش تعذب على ليلة دازت من سنين هادي ونسريين ماتستااهلكش كثر من اي وحدة دازت فحياتك ... وليليا حراام تبقى سجينة حياتها كلها لحقاش خايفة الامبراطور يعرف بلي عندها معاه ولد و يخطفو ليها لا هي قادرة تصارحك ولا قادرة تعيش حياتها بعييد على الموساد ... 

رعد(رخف عليه بعدم استيعاب) : كيف كيفاااااش .. 

رائد : تلاقيت مع مراتك باش نعرف واش غاتسامح للي حارمها من الولاد و كان سبابها فالاجهاض الى عرفات عندو ولد فعمرو 4 سنين .. 

بملامح خااالية من التعبير و بوجه شاااحب طلق منو ببطئ ... ماقادرش يثيق كلامو للي نزل عليه بحال الصاعقة... 

لحظاات وقف كايشوف فيه بملامح مميتة و كأنه خشى فيه سكيين عقلو تبلوكاا ويديه فشلو .. ماقدرش يصدق كيفما ماقادرش يستوعب شنو كايقول رائد 

رعد (بفم متعذر عليه يجمع الكلمات نطق ) : الى كان هادشي ضحك عفيني منو.. والى كنتي باغي تنتاقم اناا قداامك .. بغيتي آخر حاجة اختارعت نكتبها فسميتك ولكن (رررجععععع شننننق عليييه بهيستييرياااا) وللللكنن بعععععد على عائلتي... انااا مااااوااالدش مع تااااوحدة و نسررييين هيياا للي غاتكووون متتت ولاادي فهمتيييي.. 

رائد : ياااريت كون قدرت نتااقم منك ونعطي ولدك للموساد و نتفرج فيك كيفاش كاتعذب ولكن احمد لله بينااتنا الدم 

رعد (بصرااخ) ااااشمن ولللد اشمن ولللد اناا مكاانتفاارق مع شي وحدة حتى كانتأكد محاملاااش ... ليلياا عشت معاها فداار وحدة .. 

رائد ( دفعووو بالجهد بعصبية ) عشتي معاها فدار وحدة فاااش مليتيي منهااا كركبتيييهاا .. حليتيها ليها بااابك و خرجتييهاااا يااااك عاارفهااا ختي علاااااش طمعتييي فيهاااا الحيواااان علاااااااش (ضربو برووسية على اثرها شد رعد نيفو للي خرررج منو الدم )

رعد : فااش عرفتهااا ختتتك تفااارقت معاااها...انا ماااعايشش فرووسياا و ماعمري سمعت كنيتهاا تعرفت عليها ف النايت كلوب و سمعت بلي سميتها ليلي ماجبداتش ليا بنت من و ماسولتهاش.. حتى لنهار للي هزييت بورطابلها فاش سنعتو كايصوني ليها لقيتك نتا.. من بعد عرفتها ختتتك و قريت فلااكاارط كنيتها... 

رائد : ولحتيهاا لوحة ديال الكلااب ... من تما ماسولتي فيهاا ماعرفتيها فين واااصلة ..3 اشهر و هي معاك فدار وحدة فللخر ال****** خرجتي عليهاا (عطاااه بلكمة اخرى) .. 

رعد: ختك ماقدرااتش تنسااني ياااك .. وباش تعاونهاا صايبتي كذبة نتااا وياااها باااش تنتااقمو مني ...شوووف اراائد نسريين عندي بالدنياا كاملة.. للي بغيتيها نعطيها ليك غير فووت حياتي و عائلتي وااي حاجة كاتخصني 

رائد : ياااريييت كون كنت نكذب و مايبقااش واحد شبهك ملاحقني كلا صباااح فالداار ياااريت لو ختي طاح لها البيبي فبلاصة نسرييين و مانشوووفش ولللدك ديماااا قداااااامي ... 

رائد : ولكن اناا ماااولددش سمعتيي مااااوااالدششش ... 

رائد : ههه عارفك شماااااتة وغاضحي بكلشي باش تبقى نتا مرتااح ... 

رعد : ماعمري مااضحييت بكلشي على ود راسي ولكن هاد المرة للي بغا يخسرني نسريين انقتلللوو...

رائد : الدري بدا يكبر و كايفهم و كايسول على باه ولكن مزياان ملي سمعت جواابك .. سير سير عند مراتك .. ماكذبااتش ليليا فاش قالت بلي ولدها بوحدها وماغلطاتش ملي خزناتو عليك ... (مسح وجهو بتعب .. و بدا غادي مخلي رعد واقف مافاهم واالو ... بقد المسافة للي كايبعد عليه كايزيد يتخنق فاش كايستوعب كلامو.. الى كان ولدي بصح الموساد مغايخليوهش و رائد بوحدو ماغايقدرش يحميه.. كون ما عيى من الهم ديالو مكانش غايعتارف ليا بهاد البساطة .. باهتماام نطق ) بغييت نشوفو... (مع هاد زوج كلمات وقف رائد و دار عندو شاف فيه متفاجئ ... )

رائد : نوو.. ماتستاهلش تشوفو.. 

رعد : شنو خفتي مايطلعش ولدي .. 

رائد : ماسخيتش نعطيه لواحد بحالك .. 

رعد : كايبقى ولدي.. واخة مامثيقكش ولكن نتبعك حتى نشوف كذووبك فين ايوصل.. 

رائد : خساارة طلع ولد ختي .. اماا نلوحو الموساد ونتااقم منك كيفمااا بغييت.. كيدرتي حتى عرفتي هنا علاش مامشيتيش للدار للي كانكون فيها 

رعد (مع بغا يجاوبو باان ليه ولد صغير خاارج من الطموبيل هاز فيدو سيارة حمرا من نوع فيرااري صغيرة .. كايجري بيها و من ورااه خارجة ليلياا لابسة كسوة فالكحل و حاطة على شعرها chapeau فنفس اللون كاتعيط لولدها بخووف ) أسد ماتجرييش احبيبي حبس ... 

أسد : مااما شوفي خالو .. 

مع دارت باش تشوفو وقفاات مبهوووووووظة فرعد للي واقف مصدوم كثر منها ... حيدات النضاضر من كثرة الارتجاف لاحتهم فالارض وقفاات حالة فمهاا فرعد قبل مايهرب ولدها لحضن رائد هزااتو لعندها معنقااه كايتركل باش يمشي لعند خالو ...

ليليا : أسد رصى اولدي .. 

أسد : نوو ماام اي وانت تو go ماخلاتوش يكمل حطااتو بالزربة فالطمووبيل و سدات عليه ... غادة كاتجري للباب لقدامي باش تركب ... تلاح عليها رائد شد دراعهاا... 

رائد : فين اتمشي !!... 

ليليا(تنطراات منو ) : باقي كاتسول .. نتاا غدرتينيي اخويا غدرتيني... حلات الباب و ركباات ماعمري نسامحك (مسحاات عينيها للي طاحو منهم الدمووع ) ... دفعو رعد و حل الباب جرها بالجهد 

رعد : غااااتفهميييني شنوو واققع ... شكون هاد الولد للي فالطموبيل ... علاش راائد كايgول راه ولدي ... 

ليليا : (شافت فولدها للي كايضرب فالزاج بيدو خايف .. ) ماشي ولدك .. مااشي ولدك هذا ولدي انااا ... 

رائد(هز الولد من الطموبيل ) : غادي ناخدو و نخليكم تفااهمو.. 

ليليا(كاترتاجف ) : رائد... ولدي الى وقعاات ليه شي حاجة نتاا السبب و عمري ماانساامحك ... 

أسد : ماما بكي.. 

رعد (بلا مايحس قرب ليه ) ماماك مكاتبكيش .. ماتخافش .. جبد ليه طموبيلتو للي كانت محطوطة فالسيارة .. اووه عندك فيراري زوينة بحال ديالي .. 

أسد : فيراري سبايدرمان جابها ماما كادو يالي .. 

رعد : ااوه كاتحول لروبو على شكل سبايدرماان اممم واعرة 

أسد : عندك بحالها 

رعد : ااه حتى انا عندي فيراري بحالها.. 

أسد: Red 

رعد : يااه ... 

أسد (ابتاسم ليه ) يو هاف ا رد فيراري ايند بلو eyes لايك مي .. (عندك فيراري حمرا و عنين زرقين بحالي )

رعد(تعجب فكلامو ) ااه (سهى فملامح وجهو لو رجع لتصاور طفولتو كان ايشوف نفس هاد الطفل الصغير للي دبا قدامو .. بلا تحاليل الشبه للي بيناتهم قوي لدرجة ماقدرش يحيد عينيه عليه.. حتى حروفو كحلين عكس ليليا للي شعرها ماغون كلير و عينيها خضرين .. حتى لونهم ماشي بحال لون ولدها ... 

رائد : قول ليه باي باي .. 

أسد : نو فيراري يالو.. 

رعد : اوك فاش نجيبها نخرجك بيها .. 

ليليا حلات فمها فرعد كيفاش سكتو بكلامو حتى مابقاش خاايف ونسى واش ماماه كانت كاتبكي و انسااجم معاه دغيا ... مسحات دموعهاا فاش دار رعد كايشوف فيهاا.. 

رعد : هذا ولدي 

ليليا : لا .. 

رعد : ليلي هضريييي ... 

ليليا : سمعت تزوجتي يااك مبروك عليك انا مابغيت منك والو..حتى خدمتي سمحت فيها 4سنين هادي ... ملي ولدت مابقيت بغيت والو غير نبقى مع ولدي و نعيش معاه مرتاحة.. 

رعد : كاتقصدي ولدي ؟ 

ليليا : ياك رائد عاود ليك كلشي و جابك تالعندي علاش كاتسول

رعد : كنت كانgول ماشي ولدي ولكن الشبه للي بيني وبينو كثير ... 

ليليا : غادي تاخدو ليا الى قلتلك ولدك ..غادي تحرمني منوو ..ياااك بلاما تحس بدااات كاتبكي بضعف نسمح فكلشي الا ولدي ارعد فكلشي عفااك الا اسد ماتاخدوهش لياا .. 

رعد : بغيت نتأكد واش ولدي .. 

رائد (وقف كايشوف فيهم كايهضرو ماقدرش يدخل و يخلي ختوو... )

ليليا(مسحاات الدموع من عينيها) : ماشي ولدك مااشي وللدك صافي سير عييش حيااتك كيفما كنتي قبل منو... 

رعد : وااااش كاتسطاااااي عليااا ولا مااالك جااي خوووك كايgول عندي ولد و نتيي كاتgولي سييير عييش حياااتك ونسى وااش نتوووما مراااض...(جرررها لطموبيلتو) دبااا غاتزييييدي قدااامي و تجيبي ولدك نديييرو فحص DNA 

ليليا(شدااتو من خصرو حابسااه ) : مابغييتش أسد ولدي انا ماولدكش نتا .. عفااك بععد منوو اهئ هئ والله مابغييت منك شي حاجة .. انا بغيت غير نعيش مرتااحة بعيد على مشاكل خدمتك... اهئ هئ عفااك بعد مني.... 

رعد : ليلياا خاصني نعرف الولد واش ولدي ولا لا !!! ... بلااا هضرررة خاوية ... جيييبيييه.. 

ليليا : اه ولدك .. هادشي للي بغيت تسمع.. اه ارعد اسد ولدنا بزوج وبلاما تحتاج للتحاليل كيف قلتي الشبه للي بيتاتكم واضح دبا سمعتي للي بغيت تعرفو .. صافي سير و خليني ... 

رعد : هادشي مغانتيقو حتى تزيدي معايا نديرو التحاليل ... 

ليليا : لاا ... 

رعد (جر الدري من عند راائد و زااد بييه ) 

راائد : نتااا واااش هبيل طلق الولد ... 

ليلياا : هادشي فكر فييه قبل ماتقولهالو .. تبعاتو كاتجري .. ماحدها حتى حطو اللور و قاليه السمطة بالزربة .. 

رعد : بغيتي تركبي ركبي ... مابغيتيش انمشي ندير ليه الفحص بوحدي.. ركباات بلاما تهضر معااه.. ديمارا الطموبيل غنضاات عينيها و استنشقات عطرو للي رجعهاا لذكريات زماان... ماقدراتش تفكر كثر دوك ليام .. هي محاضرها و مستقبلها مع ولدها ماشي مع رعد للي سمح فيها و جرا عليها فاش عرف رائد خوهاا درات كاتشوف فولدها و فنفس الوقت جات عينيها على رعد للي سايق بعصبية ... بقات ماتشوف فيدهااا و الفلون للي حدا ركابيهاا شوية طلعات عينيها فصدرو ... كانت كاتقول طال الزمان ولا قصار غايعرف .. ولكن عمرها ضنات بهاد السرعة.. قدما بغاتو سمحات فيه على قبل ولدهاا .. 

رعد : نزلي .. 

دورات عينيها فكلينيك غير الكلينيك ديال عائلتو.. فالوقت للي هز الولد و دخل مع ليلياا للمصحة .. نسرين كانت كاتوجد فالليلة باش وعدااتو و لأن طلبااتهاا كثروو على الحراس خرجاات هي بنفسها تقداات كلشي حتى من الورد للي عادة خاصرو يجيبو جابتو .. صايبات مكياجهاا و لبساات فستان صواري شراتو من باريس خصيصاا لعشاء رومانسي بحال هذا للي مصايبة.. مابقاو الا اللمسات الاخيرة.. فرشات الورد فالارض و رشات شوية منو فوق الطبلة .. كيفما قاست الشموع .. 

نسرين : امممم باين هادشي كايشهي .. واخة ماطيبتووش... احح عليا اول مرة نكون مرا ديال الدار و ندير شي عشاء رومانسي للحب فاش كنا فدارنا قتلتو غير بللبس ديال الزوافرية ... دباا مكااين غير الخاطر 😍.. ماعرت مالو تعطل.. حسن خلييه بلاتي شوية .. وقفات قدام المراايا كاتشوف فراسها بإعجاااب ... لا خااصووو يجييي... مانصوونييش لييه .. جرات لكرسي و جلساات فحين رعد وصل مع ليليا لباب الدار هاز الولد بين يديه للي كان نااعس على كتفو.. 

رعد(مدو ليها بهدوء همس ) من بعد 2 سيمانات تبان النتيجة.. 

ليليا : اه.. غادي يتاصلو بينا

رعد : تصبحي على خير... 

عطاه بالضهر راجع لطموبيلتو.. 

ليليا : كاتمنى مايكونش ولدك.. 

دار عندها مستغرب ..

ليليا : ياك ؟؟ 

رعد : كانتمنى كون كان ولدي مع نسرين..(عطاها بالضهر و كمل طريقو لطموبيلتو) ولكن القدر مكتب عليا مانبقاش مع الناس للي كانبغي...

ديمارا الطموبيل معاارفش فين يمشي ... ماقادرش يشوف فعينيها .. وباش يبدا ليها.. شنو يقول .. يقولها نتي حرمتك من الولاد ولكن راني انا والد.. شفتي هذاك للي تلاقيتيه معاه الصبااح را خو مامات ولدي... ااااه يا نسرييين نتي ملاك بريئ لاقااتك ليااام مع شيطااان مع واحد مريييض واناااني و حيااتو عذاااب ... علاااش ياااربي فينمااا كانبغي نسى للب فات كايرجع ليا تشاش ديالو يفكرني فذنوووبي... انااا مانستاااهلش نعيش حيااة عاادية انا ربي مغايغفرش لياا ذنوبي دمممرت لبنت للي شافاتني ... دمرتهاا و كل نهاار كانقتلهااا بيدي... واعدتها باش نصلح كلشي شنووو غانصلح شنوووو غانصلح وانا تانقتل فيها شوية بشوية ... كاايعاااتب فنفسو بصوووت عاالي بصوت مخنووق كايصرخ على رااسووو ماكرهش طيح شي دمعة تريحو من هاد العذاااب ... و تخفف عليه الثقل للي فصدرو... امنيتو دبا مايكونش الولد ولدو مايكوونش... كايدور فشوارع موسكو وجميع الطرق كايديوه لااوطيل ماكرهش يههرب لحضنها يعنننقها وهاد المرة هو للي يقولها خليني نسى العالم بين يديك.. غفري ليا هادشي للي وقع و تقبليبني كيما تقبلتيني من ديمااا... ماكرهش يبكي بين دراعها و يقولها ماتخلينيش .. الدنيا بلابيك ماتسواش ... حياتي بلابيك عذاااب ... نسرين كاتبقى المرا الوحيدة للي بغا من بعد ميمتو.. مابغاهاش ضيع منو ...طول جلستو فالقهوة مع ليليا وولدها كان كايتخايل راسو جالس مع نسرين و هذاك ولدهم للي ماطاحش ليهاا.. دازت ساعة و ساعتين و تلاتة و نسرين باقا فوق ديك الطبلة مرة تنوض مرة تجلس مرة تمشي و تجي و مرة تطل من الشرجم... كاتصوني على تلفونو كاتلقاه طافي... جاا الصبااح مغيم حامل فسماؤو كآبة السحاب المضلمة .. هي ناعسة فوق الفتوي كيف ماهو حاط راسو على الباب الطموبيل للي بقات لليل كامل تحت لوطيل ... ضرباتو الفيقة حل الطموبيل و دخل للاوطيل من بعد ما سقسى الحراس عليها للب علموه بلي كاينة فالسويت طلع فالمصعد ديريكت لعندها مع حل الباب رمشاات عينيهاا... كاتشوف فيه واقف عليها ناضت مفزوووعة و حلاتهم كثر فااش شافت اللكمات زرقين على عينيه و الدم ففموو... 

نسريين (بخوف قفزاات عليه ) حبيببو ماااك !!!!؟ (بعد وجهوو على يدهاا رجع داخل للدوش ) ماماليش

نسرين :كيفاش مامالكش ونتاا كاع وجهك زرق معامن ضاربتي..( خرجاات عينيها) وااش مع رائد..؟؟؟ 

رعد ( دار لعندها بالزربة) شكون قالك كنت عندو ؟؟!.. 

نسرين : بااينة فاش عاودتليك مشيت لعندو.. 

رجع تفكر آخر حواار دار بيناتهم ... من بعد الشيء للي سمع نسى شنو دااه لعند رائد فالاصل .. 

رعد (دخل للدوش وهي من وراه) لا مامشيت عندو 

نسرين : اهاا و مال وجهك 

نسرين : درت كسيدة 

نسرين : هئ ياااااكماا وقعاات لييك شي حاجة انشوووف ... (دوراتو لعندها .. كانت لابسة شوميز دونوي عبارة على كسوة سميطات و بينوار من فوقو محلول من القدام على صدرها .. طلعات على صبيعات رجليها و شدات ليه عينيه وفمو بعفوية.. ) راااااك مقصح بزااف واش مامشيتيش عند الطبيب.. 

رعد : لا ندوش و نولي بخير.. 

نسرين : مالك ارعد كاتباان ماشي عادي لبارح كنتي بخير.. ( شدها من خصرها نزلها و جرها لعندو بشوية.. ) ماماليش غير عياان فاش نرتاح نفيق مزياان.. (من الدوش لمح الطبلة مصايبة بشكل رومانسي مزال الشمع ديال البارح شاعل ولكن ذايب كامل و الورد مفرش فالارض و فوق الطبلة )

نسرين : كنت كانصوني لك لبارح ولكن ماجاوبتيش ... 

رعد(شدها من وجههاا بديه بزوج) : سمحيليا خليتك كاتسناي .. 

نسرين : بقيت مخلووعة عليك.. شحال دعيت الله مايصيبك والو.. خفت علييك ارعد خفت بزااف عنقااتو بالجهد .. آخر مرة طفي بورطاابلك لبارح مابقيت عرفت شنو ندير ... قلبي ضرني عليك.. ليوم خرجاات خير ولكن مرة اخرى ماعرفتش (زاادت زيراات عليه بقووة)... 

رعد : ماgلتييش يمكن مشيت عند شي وحدة.. 

نسرين (هزاات راسها فيه باستغراااب ) : لاا والله ماجات هاد الفكرة فبالي.. انا عارفك كاتبغيني و تايقة فيك

(عنقهاا بالجهد وتنهد لتنهيدتها ..) لهاد الدرجة خفتي علياا.. 

نسرين : علاش جاتك غريبة .. 

رعد : شوية .. نسرين المغيارة .. فكرات فيا البارح بحالا هي خالتي فاطمة ولا جدة ليلى...

نسرين : ههه ايوا راه الحب و الثقة كايخليوك تحس هاد الاحساس .. 

رعد (ابتاسم من فوق جهدو ) سمحيليا خليتك بوحدك .. تسنيتيني ووجدتي العشا ووفيتي بكلمتك ولكن (شاف بعييد و نطق بشفايفو) انا ماوفيتش 

نسرين : المهم تكون نتا بخير حتى العشية و نعوضو للي فاتنا الحبب ههه... (كان بغا يقولها خداام ولكن سكت فاش سمعها قالت) صافي دباا شديتي الكونجي و غانساافرو يااك اعمري (دوزات يدها على عينيه ) هييهو كاتسمعني رعد ماالك سااهي ؟؟؟

رعد : اه .. ااه نسافرو .. خليني دبا ندوش ..(حل الرشاشة ودخل بحوايجو تحتها) 

نسرين : حتى ماتكوونش مززوج بنسريين وعوم بوحدك اناا نعوم الكبد بد ديالي.. جللس.. 

(كان بصح عيااان مابغاهاش تبقى حدااه عقلوو خداام و قلبو كاايضررب بالجهد .. كايحس بالخياانة و بتأنيب الضمييير ... كاتهضر و كيف عادتها كاتبلابلي حدااه ماسامعش شنو كاتقول... ماحس حتى لقا راسو جالس فوق كرسي هز يديه بزوج باش تحيد ليه التشرت ).. 

حطات الرشاشة 

نسرين : بنتي ليا عيان ارعد نمشيو لسبيطار.. من الصبااح كانودي معااك ونتا مغيب 

رعد : نعام .. . 

نسرين : نمشيو للسبيطار 

رعد : لاا .. غير خرجي انا ندوش بوحدي ... 

نسرين : من امتى كاتقول ليا خرجي ااا.. 

رعد (جرهاا جلسها فوق ركابيه بتعب ).. لبارح مادرتش كسيدة.. 

نسرين : شنوو !!؟.. 

رعد : كنت عند رائد .. و دابزناا.. 

نسرين : كيفااااااااش !!!؟!؟؟؟.. (بغات تنووض ورجع شدها بزز جلسهاا )... داااابزتووو بسباابي يااااك قووول... 

رعد : دابزنا بسبب كلشي ... مابقيت فاهم والو و ماعارف واالو.. 

نسرين : مالك ارعد .. عمري ماشفتك هاكا عاود ليا.. 

رعد : الى عاودت ليك نرتااح .. ولا تزيدي على مابيا و تمشي وتخليني.. 

نسرين : كيفاش نخلييك ... شنوو درتي ارعد .. بداات كاتشمشم فييه... شااارب... 

رعد : لاا.. 

نسرين (بداا صبرها كاااينفد ) هضر ارعد فييين كنتي لباارح مايمكنش من وراا الغدااا و نتااا كادااابز مع رراائد.. خنتييييني قووولهااا مشيتي بتيي مع شي سلكووووطة... يااك دفعاااتو ونااضت.. وانااا كاندعيي معاااك ياا رعد 

رعد : ماوقع والو من هادشي للي كاتgولي انسرين.. 

نسرين(وقفاات كاتشوف فييه جامعة فمها بغضب ) : اوك هضر اناا كانسمعك... فين مشيتي لبااارح فاااش خليتي فلوطيل.. 

رعد : لعند رائد ... 

نسرين : كمممل مالك سكتي... 

رعد : انا ورائد عدياان ملي عقلت على راسي.. 

نسرين : شنو نووع هااد العدااوة للي بينااتكم ... 

رعد (فنفسو وهو كايشوف فوجهها للي ولا حمر و رجليها للي كاتحرك بالزربة من كترة الاعصااب ... مززال حتى ماهضرت بداات كاتغوت )

نسرين : رعد وااش انبقى نتسنى.. ناض خرج من الدوش و جلس فوق الفتووي.. هز كاس ديال الماا شربو مع بغا يحطو حيداتو ليه من يديه و شداتو .. 

شنوو كااين ارعد.. 

رعد : نسرين مغانخبيش علييك ولكن واعديني تفكري بعقلك .. وتحيدي الفكرة ديال الهروب و الطلاق و الفراق كامل من بالك لحقاش مامفاكش معااك.. 

طاحت حدااه بصدمة فوق الفتووي كااتشوووف فيه اش بغااا ينطططق...

من بعد دقاائق طويلة وهو كايجمع الكلمات باش يبدا ليهاا نطقات هي ... 

نسرين : هضر ارعد صبري بدا يتقادا .. 

رعد : واعديني ماتخلينيش .. 

نسرين : على حساب كلامك ... (ناضت من حدااه بخوف ) صبرت بزااف و مابغيتش نبقى صابرة حياتي كاملة..( رجعات شافت فيه ) واش شي حاجة كثر من كاع هادشي للي وقع لينا 

رعد (بأسف حرك راسو ).. ماعرفتش منين نبدا لييك ..

نسرين : عاود لياا .. كيفاش عرفتي رائد علاش نتوما معاديين ؟؟ .. 

رعد (بلاما يفكر طلق شفايفو وبدا كايعاود ليها ) قليل فين كاتلقى فهاد المجال ديال خدمتنا واحد قريب ليك فالعمر و بحالك الاصل يعني هو مغربي وانا مغربي .. خدمتنا وحدة و هدفنا واحد..تقدري تقولي كنا صحااب .. وواخة كانت بيناتنا منافسة كبيرة فالسووق كنا بزوج كانعتابروها لعبة ولا مسابقة خاصنا نجحو فيها.. لحقاش هدفنا متشابه ... الهدف ديالناا هو نهربو اكبر قدر ممكن ديال السلاح لفلسطين.. هو و عائلتو كانو عندهم المصانع ديال السلاح ولكن مكانش عندو الاختراع .. لان قرايتو و خدمتو مجرد تجارة ماشي بحالنا عائلتنا حنا فالاصل خدمتنا الاختراع من جدودي.. 

نسرين : كنتو صحااب علااش ولا عدووك ؟؟ .. 

رعد : كنت صنعت قطعة سلاح ناذرة طلبني نبيعها ليه .. لحقاش بيها اسمو غايطلع فالسووق كثر من كيف كان و غايربح فلوس صحيحة للي تقدر تدخلو لموسوعة اغنى اغنياء العالم .. فالاول وافقت ولكن فاش بحتت وراه لقيت بلي باه و خوه من تجار المخدرات و المجوهراات .. فاش عرفت شكيت بلي خدام معاهم و طلع شكي فمحلو ... من بعد مافكرت مزيان رفضت نبيع ليه واخة صاحبي .. فسخت العقد للي كان بيناتنا و تراجعت على البيع ...

نسرين : من هاد الموقف بقى شاد معاك العداوة 

رعد : بهادشي تبدل رائد و علن قدام الصحافة بلي حنا اعداء ... سيفط رجالو يقتلوني شحال من مرة .... هجم على المستودع و سرق الاسلحة ديالي.. باقا تعقلي فاش يالاه تزوجناا كنت مضروب لكرشي....

نسرين :اااه فاش تضربتي بالقرطاس.. 

رعد : ديك الساعة هو للي تيرا فياا.. 

نسرين : ولا عدوك.. 

رعد : اه لحقاش كان بداك السلاح غايخرج من الشراكة ديالو مع باه و يدير اسمو بوحدو.. 

نسرين : هادشي نتا كنتي عاارفو و ماعاونتييهش .. 

رعد : ماعرفتو حتى لمن بعد....

نسرين(تنهدات بارتيااح ) : وعلاش غانتافارقو حناا .. شنو دخل علاقتناا بعلاقتك مع رائد

رعد(بصوت منخافض و مخنوق ) : نسرين انا فدوك ليام يعني قبل من 4 سنين و نص كنت مع واحد البنت سميتها ليليا .. (رفعات حجبانها باستغراب ) .. كانت عارضة ازياء فنيويورك .. تعرفت عليها فلابوات ..عشت معاها 3 شهور .. 

نسرين : يعني كنتو كاتبغيو بعضياتكم.. 

رعد : لاا .. (سكت شحال ) كان كايجمعنا غير الفراش... (بعداات وجههاا علييه و حدرات راسها) حتى لخر عرفتها بلي هي خت رائد (رجعاات حلات فمهاا فيه ) لمتها ملي ماgالتش ليا شكون هي من الاول.. دابزنا و خرجتها من داري من تما مابقيتش شفتها كانقسم ليك.. من تما مابقيت عرفت شي خبار عليها ماشي نسيتها ولا سمحت فيها لحقاش اصلا انا ماعمري بغيتها ولا فكرت فيها و هي براسها كانت عارفة بلي غير وقت و غايدوز ... 

نسرين : ولبارح فاش مشيتي تلاقيتي معاها .. حييتي الماضي للي بيناااتكم يااااك .. هادشي للي بغيت تقووول اوك اررراعد فهمت..

رعد(شد يديهاا للي كايتحركو مع هضرتهاا ) : لبارح فاش مشيت شفت ولدها للي عندو 4 سنين .. كنت مكذب كلام رائد للي gال بلي ولدي ولكن فاش شفتو بلاتحاليل بااين ولدي.. كايشبه لياا بزااف عندو نفس العنيين الشعر .. الوجه..(حلات فمها بصدمة.. قلبها ولا كايضرب بالجججهد تخيلاات و توقعااات و زادت توقعاات ولكن باش توقع يكوون عندو ولد من لحمو و دمو مع مراا اخرى عمرهاا تصوراااتها و مامتوقعاااش تصورهاا ماعرفات واش تبكي ولا تضحك تنطرراااات منو ) 

نسرين : ههه كاتكذب يااك ارعد قول كاتكذب هادي غير لعبة من رائد يااك عفااك قول شي حاجة..(طاحت على ركابيها قدام رجليه هو للي جالس فالفتوي.. منفاجرة بالبكى حاطة يديها على ركابيه كاتحرك فيه ) قول ماعندك حتى ولد و ماغاتولدش من شي وحدة من غيري ارعد ... علاااش ارعد اهئ هئ ياك مكانت عندي حتى امنية من غير نحمل منك و نربيو ولادنا بزوج .. اهئ هئ علاااش ضلمتيني و حرمتيني انا من الولاد.. ااااهئ هئ نتااا قتلتييني ارعد قتلتييني.. باختناااق .. شوف فيا وقول كاتكذب عفااك... (هو ماشي اقل منها دموعو كايطيحو مع دمووعهااا بهيستيريا جرها من كتافها لعندوو.. نطراات منو بالجهد وقفات كاترعد... كاتمسح فعينيها للي ولاو شلاال مخرج بحر من الدموع) نتا دوزتي النهار مع مامات ولدك وانا جالسة بحال الحمارة كانوووجد ليك و نتسنى الليل كاامل(جرااات داك الناب ديال الطبلة للي تشخشششخ بالماااعن فالارض ) نتااا قتلتلييييني طفيتيني بحال هاد الشمع للي ذاايب.. ماعرفتش واااش عندي 18 ولا 80 عااام من نهاار عرفتك وانااا كانضحي عمرك ماضحيتييي على ودي ... جاااي دباا تقول عندك ولد اش كاتسناااني نقولك ااا شنو كاتسنااني نقووولك .... جلساات وسط داك الزاااج نتاا عندك فرصة فين تولد ارعد وانا واش سولتي رااسك واش باقا نولد مرة اخرى اهئ هئ

(حيد داك الزاج بيديه بعدو على البلاصة فين جالسة و جرها عندو معنقهاا ) 

نسرين(مهدودة ماقدرااتش حتى تبعدو عليها) : ضيعت وقاتي الزوينين غير فالحساب و الخووف منك ... حتى فاش حملت مافرحتش بخاطري وانا نفكر باشمن وجه نقولها لك .. و دبا جاي كاتقول عندك ولد.. مبرووك عليك ارعد مبرووك علييك اااهئ هئ... نفضات منو و ناضت .. بغيييت نرجع للمغرب بغييت نرجع منين جيييت مانقدرش نبقى معااك من بعد هادشي كاامل .. سيير عيش حيااتك مع ولدك و مو... اااهئ هئ دمرتيييينيي ارعد دمرتينييي مانسمح ليك لا دنيا لا خرى ... ناضت حيدات عليها البينوار و حطات فاليزتها فوق الناموسية البارح من كثرة الفرحة ستفات كاع حوايجها واليوم هاهي كاتجمع فيهم مكايبان والو قدامها من كثرة الدمووع... بخيبة امل و كأن فكتابها مخطط لفرحتها ماتكملش تزوجو و بغاو بعضياتهم لكن تفارقو كثر من ماتجمعو.. لو كان سكين يتخشى فقلبها ماغاتحسش حتى الربع فهاد الاحساس للي كاتحس بيه دبا .. كاتحس بروحها تمزقاات مابقاش عندهاا علاش تبقى معاه.. والو... 

رعد(نااض بالزربةة حيد ليهاا الفاليييزة.. بغضب ) : مغانخليكش تمشي .. 

نسرين : شنو بقا عندي ماندير فحيااتك شنو ياك حتى النتيجة بانت ليك قبل متأكد للي كانعرف فحص DNA كايبان من بعد 15 يوم ... 

رعد : انا عاودت ليك ومابغيت نخبي عليك والو لحقاش مابغيتكش تسمعي من بلاصة اخرى .. 

نسرين : هه بلاصة اخرى... الله يكثر خيرك ملي ماحطيتينيش فهاد الموقف... 

رعد : عفااك انسرين ماتقتلينيش كثر من هكاا.. نسرين : الى كنت كاتبغيني بصح نسااني... 

رعد : ماشي بيدي نساك و ماشي بيدي نعذبك ... 

نسرين : اه ماشي بيدي ولا بيدك حتى حاجة مابغاتنا نبقاو مع بعضيااتنا.... هادشي علاش قلتلك نسااني وسير عيش مع ولدك 

رعد : مانقدرش طلبي كلشي الا نساك تبغي عيني نحطهم ليك ولكن الفرااق لااا انسرين ماغانخلييكش ... 

نسرين : يهون عليك تعذبني اهئاهئ يهون عليك نشوفك هاز ولدك مع وحدة اخرى.. يهون عليك تشوف لبنت للي بغاتك كاتمووت بالغيرة... (مسحاات دموعها بضعف ) مجررد نتخيل بلي راك والد تااانمووووووووووووت ااااهئهئ 😭😭😭😭😭..

رعد ( شدهاا من كتاافهااا بقوة) نتيي بوحدك للي كانبغيي وونتي للي مراااتي ونتي للي بغيتك تكوني مت ولادي ... ماعمري نخلييك تغيري منها ماغانتلاقاهاش .. 

نسرين (بعدات منو) : اهئهئهئ بغيت ولا كرهت الولد كايبقى ولدك من صلبك وغاتلاقا معاها .. رعد مغانطلب منك والو من غير تخليني نمشي للمغرب ونتلاقا مع ليلى صاحبتي اهئ هئ و اناااا تحرمت من شوفت كاع الناس للي دايرين بيا على ودك .. اهئهئ... بغييت نرتاااح بغيت نرجع لحيااتي القديمة عالاقل كانت مشاكلي على قدي ماكنت متعلقة بتااحد كنت عارفة كيفاش نعيش اهئهئ ... 

رعد (تسارا على تلفونو فالجيب ديال سروالو و جبدو) هاكي هضري مع ليلى .. بغيتي تمشي للمغرب ندييك .. بغيتي تجلسي معااهم وقتما بغيتي ولكن مغانتفرقش عليك غانمشي معاك و غانبقى ورااك ... مانقدرش نضيعك من بين يدي.. جلساات سخفانة فوق الناموسية ... كاتبكي و تمسح فدموعهاا بضعف.. كاتحااااول تنهد باش تنفس من هاد الاختناق.. 

القرعة للي كانت حداها ديال الما هزها خواها فيدو و غسل ليها بيها وجههاا 

رعد : عارف راسي غاالط و مانستاااهلكش و عذبتك معايا بزااف ... غادي ناخدك للمغرب و نبقى معاك تماا وفكري فكري مزياان مزال ماخرجات النتيجة و مزال ماعرفت راسي واش باه ولا لا ولكن الى كنت انا باه القراار للي خديتي انا معااك... ولكن خاصك تعرفي الى تخليتي علياا حيااتي هترجع كفففس من الاول.. 

بقااات ساكتة كاتشووف فيه و دموعها كايطيحو ببطئ..

فنفس الوقت فهد دخل للقصر ديال خديجة غادة معاه الخدامة باش توريه بلاصتها فالجردة.. حتى لمحها جالسة على ركابيها كاتفطر فماماها للي كانت فالكرسي المتحرك امرأة من ملامحها كاتبان مزاال صغيرة على انها تصاب بالشلل النصفي .. كاتشوف فبنتها للي شاردة بعييد .. حطات يدها على ذقنها و دوراتها لعندها و بعينيها كاتقولها كملي ..... 

خديجة : صافي ماما هادشي للي كاين.. فهد هوو الوحيييد للي غايخلصني من هاد الورطة للي انا فيها معتز و عمي غايحيدو من طريقي الى تشااركت معاه را مغايقدروش على عائلة الامبراطور .. ولكن باينة باع اسهموو لرائد لحقاش هو من النوع للي مكايآمنوش بشي بنت تكون نااجحة فحيااتهاا... 

الام حركات ليها بعينيها باش متيأسش و تمشي تكلم معاه مرة اخرى ... 

خديجة : امااما ماغانمشيش و مغانشرح لوو واالو للي بغاها يديرها بلا ماتقوليلي هضري معاه را ماكاايفهمش رااسو قصصح من الحجر و مغرووور الى مشيت حتى تناازلت و هضرت معاه ايطلع السماا عند بالو غير هو للي مدير .. مغروور مغروور واش فهمتي .. 

فهد( من وراها) اه فهمت..... 

مع سمعات صوتو من وراها خرجاااات عينيها فماماها و نااضت هازة تبصيل فيدها.. دارت عندو ببطئ... 

خديجة : هذااا نتااااا 

فهد : اوفف زعما الله يكون فعوانك داك فهد شحال مريض فعقلوو

خديجة : شنو جابك فهاد الصبااح.. (طلعات و نزلات فيه بتغوبيشة متصنعاها باش مايضهروش علامات الاعجاب فعينيها كان لابس شوميز فالخزي عكسات لونها على لون عينيه الزورق )

فهد : هيهو شفتك تعطلتي على خدمتك ا مدموزيل.. 

خديجة : احم هاد الكلام خاصو يقولولي رائد ياك بعتي ليه الاسهم .. 

فهد : وعلاش ماصوناش ليك حتى لدبا؟ 

خديجة : نءولك نتا للي خليتك معاه البارح 

فهد : باقي و مزال انا هو المدير .. يالاه طلعي لبسي حوايجك عندنا اجتمااع و محتاجك فيه ضروري .. 

خديجة : ولكن.. لاا ليوم ماعولتش نمشيي للخدمة .. 

فهد : اوك نصوني للناس يأجلو الاجتماع ويرجعو منين جاو حتى تعول سيادتكم تحضر .. 

خديجة(رجعاات خنزرات فهي) : بشوية مالك كاتغوت.. 

فهد : طلعي خليني نتعرف على هاد المراا الزوينة.. بين ماسالييتي 

خديجة : ااه نسيت ماعرفتكش عليهاا هادي ماما.. 

فهد (نزل على ركابيه لعندا همس ليها ) مكاتشبهيش لهاد الخايبة .. نتي زوينة عليها .. (باس يدهاا برقي )

خديجة (حركاات لماما بالاشارة ) راه حمق.. 

فهد : مادموززيل سربي ماتعطلينااش.. 

خديجة : ككح انا طالعة.. 

مامات خديجة تفتحو عينيها بفرح كاتشوف بإعجااااب ف فهد ماتوقعاتوش يكون زوين و مأدب حتى لهاد الدرجة ... مبتاسم ليها كايدور بخجل فعوينااتو الزرقيين .. 

- انا فهد .. ولكن ماشي المغروور للي عاودات ليك خديجة .. زادت ضحكاااات بلاما تخرج صوتها حطات يدها على راسو كاتدعي معااه فنفسها باش يحفظو الله من كل شر .. دازت دقاايق و هو و ياها منساجمين كايحاول يفهم حركاتهاا و كايتكلم بعفوية و يهضر على بنتها حتى لمحوها جاية شافت فيه الام و حطات يدها على عينيها كيفما شافت فخديجة .. 

فهد : اووك ماتخافيش نديرها فعيني.. 

وقف فاش قربات ليهم ابتاسم بإعجااب .. اول مرة نتصادف مع شي مديرة محجبة .. 

خديجة : هانتا تصادفتي معاها.. شفتك تفاهمتي مع ماما 

فهد : ااه.. و انرجع عندها من بعد .. 

الام عمضات عينيها بابتسامة .. 

خديجة : قالتليك مرحبا بيك .. 

فهد : شكراا.... 

*****فالسويت ****** 

دوزات على وجهها مسحاات دمووعهااا بتعب .. كاتشوفيه واقف قدامهاا كايترجى فيها و فعيونو باين الغضب على نفسو باين بلي كايستحقر راسو الف مرة قبل ماتعاتبو باين محاملش راسو .. و محاملش هاد الموقف للي تحط فيه واضحة تخبطاتو بين مابغاش يكون اناني باش تبقى معاه بزز عليها وبين ماقادرش يسمح فيها ولو ثانية... ربي عطاها ماكفى من الحنان باش تعنقو مرة اخرى و تمضد جراحو و توقف معاه كيف ديماا و كأنها هنا باش تكون بلسم جروحو فكل مرة عانا من مشاكل الحياة .. بقى فيها بقاو فيها عينيه للي تحتهم زرق بالجرح و بالسهر و بالتفكير.. فكرة تنساااه و تبعد عليه و تبدا حيااة جديدة كاتضرب فراسها كثر من اي مرة اخرى لكن باش تطبقهاا ماقادرااش .. ماقادرااش تمشي ووتخليه و تسمح فيه يكفي عاشت شهرين فالوييل وهي مفارقة معاه .. بعدات عينيها عليه قبل ماتعفط على كرامتها وتعنقو هو للي كان واقف قبالتها كيف الطير المكسورة جنااحو.. لا صوت قادر يخرج من جواتو ويطلبها ماتبعدش عليه لا حيلة عندو تخليها تغفر ليه ذنوبو... عارف عارف مزيان بلي بما فيه الكفاية عذبهاا و دبا الى اختاارت الفراق ماشي بيدو يسجنهاا.. نفض افكارو فاش سمع الدقان فالباب كيف ماهي جرات بينوارها لبساتو.. 

رعد : يمكن جابو الفطور .. دخلي دوشي وانا انهضر معاهم يقطعو لينا البيي للمغرب.. (حط يدو بزوج على وجهها مسح عينيها باطراف صباعو و باس جبهتها كيفما غمض عينيه بتنهييدة حااارة ... بعدات منو و دخلات للدوش كاتجري و تششهق بالبكى.. شدااات قلبها كاتحاول تبلع هاد هاد الغصة.. هاد الصدمة هاد النار للي ماء الدنيا كامل مايقدر يطفيها.. باليد الاخرى طلقات الما و طااحت للارض تحت الرشاشة جمعات رجليهاا عندهااا كاتبكي بهيستيريااا.. لمحات الخاتم فيدها للي لقاتو البارح حاطو ليها مع الكادوات للي جاب للسويت زاادت شهقااات بالبكى كاتحركو بصبعها بالرغم من ماضيقها قادرااتش تحيدوو..دازت عليها نص الساعة فالدوش بنفس الوضعية تحت الما مثلج جالسة كاتبكي و تشوف فخاتمهاا.. ماقدراش تستوعب شنو قال لها.. رجعات بمخيلتها لفاش كايشوف شي دري صغير كيفاش كايهزو و يلعب معااه و يبدا يضحك مع ماماه و بعض المرات كايسولها عليه.. فمابالك دبا الى كان هاد الولد ولدو اهئهئ بصوت مرتفع مجاتنيييش الغيرة من ولد صغير لحقاش ماذنبو والو اهئهئ ماذنبو والو 😭

دخل رعد بعد ما تكلم مع مساعدتو الخاصة تحجز ليهم بزوج للمغرب لقاهم كاينظفو فالسويت و كايجمعو فالزاج.. هز حوايجو ودخل للدوش التاني للي حداها دوش فيه.. و بدل حوايجو و خرج وهي مزال للداخل كايسمع فصوت المااا مجهد .. دق عليهاا ماجاوبااتوش دخل بالزربة حتى كاتبان ليه جالسة فالارض كاترتااجف كلهاا و فمها كايقففقف بالبررد... سد الماا و جرهاا لعندو مخلوووع.. كايحرك فوجهها بخوووف 

- نسريين نسريييين مااالكي ... (برك على الما سخون.. و عنقهاا بالجهد كايحااول يضم جسدها الباارد ) فيقي انسريين ماتعذبينيش كثر مارااني مععذب.. مادييريش فراسك هاادشيييي نسرييييين فيييييقييييي...

نطر الرشاشة بالجهد و بدا كايغسل ليها راسها و كتافها مع وجههاا حتى حس كاترجع ليها الحراارة .. و التقفقيفة كاتخفااف عليها شوية بشوية حيد ليها داك الشوميز .. 

نسرين (حاطة راسها على دراعو كاترمش فعينيها ) : اش واقع لياا... 

رعد : سخفتي بالبكى و طالقة عليك الما متلج وااش بغيتي تقتلي راسك.. 

نسرين : انا بخيير غير خرج..

رعد : فين غانخرج.. فيين .. 

هزات راسها على دراعو جررات داك الشوميز غطات بيه صدرها.. خررج و خليني انا لاباس.. 

بهدوء شاف فيهاا كيفاش مغطية راسها عليه.. 

رعد : ملي غطيتي راسك را كي بخير.. هز شامبو خوا نصو على شعرها و بدا كايفرك فيه بصباعوو 

رعد : سدي عينيك دبا تدخل ليهم الرغوة بلاما تجاوب معاه غمضاتهم .. و بدا كايغسل ليها و يمشط فيه حتى غسلوو كامل بالما دافي.. فاش سالا ذهن ليها لحمها بالصابون كاتحس بجيمع حركااتو ولكن ماقادرااش تحرك ولا حتى تكلم.. بغات تبقى غير تبكي و حتى البكا مابقى عندها ليه جهد.. حتى باش تقاومو وتغسل بوحدها ماقدراتش لواها ففوطتها و خرجها هازها بين ذراعو .. غمضات عينيها باش ماتجيش فعينيه جلس بيها فوق الناموسية .. كايمسح ليها فشعرهاا و فوجهها هز راسهاا لعندو قبلها من خدودهاا للموردين و شفايفهاا وعينيها لمنفوخين بالبكى حط يدو عليها كايسمع دقات قلبها.. للي كايضررب بالجهد.. ورجع ضمها ليه بقوة بقا هكااك دقائق طوييلة حتى سمع تنهيدة نابعة من اعماق قلبها كاتدل على انها فساابع نومة .. حطها بشوية فوق الناموسية و جر الغطى عليها بعد ما صايب ليها مخدتها... قرب ليها الفطور و مشا بدل حواايجو للي فزكوو بالماا.. حل ماريوها جبد منهم حوايجها و جلس حدااهاا لبسها كسوة نصكم حد الفخاض قطن و جاية عرييضة باش ترتاح فيهاا... ريكل بورطابلو من بعد ساعتين وبلاما يحط حتى حاجة ففمو من الفطور تكى وجبدها عندوو مخشية فيه و هو معنقهااا... غمض عينيه و حاول مايفكر فواالو من غير يرتااح فهاد التعنيقة للي معنقهااا.. 

******** 

فهد(فتح ليها الباب) : ركبي .. 

خديجة : لاا 

فهد : وعلااش بالسلاامة .. 

خديجة : مانركبش مع شي حد غريب الراس فالرااس .. نزييهة.. نزييهة.. 

جات كاتجري نعاام الالة .. 

خديجة : طموبيلتي واجدة .. 

فهد : اوووففف شحاال فييك اوفف اجي انزيهة ركبي نتي حداهاا وانا نسوق.. 

نزيهة : ولكن .. (شافت فيها باحراج)

فهد : مكاين ما ولكن .. ركبييي .. 

خديجة : ههه السي فهد مع المدة تتعود .. 

فهد : ملي كاضحكي الحمدلله.. 

خديجة (جمعات غوباشتها) : عاود ليا شنو وقع مع رائد .. 

فهد : ولد عمك صدق ضريف و مابغاش يبيعك... واخة ماشي من عادتتو.. 

خديجة : العجب 

فهد : ياك ماشي غير انا للي تعجبت فيه

احسااااس خلا قلبهاا ينعش و يتولد من جديد ضمة رهيبة خلاتها تفييق مرتاااحة من داك البكى كامل و الغواات والنحيب.. حلات عينيها ورجعات غمضاتهم بشوية كانت عاطياه بالضهر و هو معنقهاا.. دارت بشوية تقلبات على جنبها لاخر حتى تزدا وجهها مع صدرو .. طلعات عينيها شوية و بقات كاتأمل فملامحو.. مع بغات تكمل نعاسها حتى سمعات صوت المنبه للي فيقو دغيا..فتح يدو للي كانو معنقين خصرها.. وجمع رجليه طفى التلفون .. 

نسرين : فين غادي 

رعد : عندك الطيارة من بعد ساعة للمغرب.. 

ناااضت قاافزة شنوووو ... 

رعد : ياك نتي بغيتي تمشي تشوفي صحابك .. 

نسرين : وا واش بصصصح ؟؟؟ 

رعد ( بعد خصلات شعرها على عينيها) اه بصح.. 

نسرين : ونتاا غاتمشي ؟؟ 

رعد : بغيتيني نمشي .. 

نسرين : الى كنتي بغيتي تبقى مع ولدك بقى.. (كحزات راسها على يديه و ناضت.. ) 

رعد : حتى انا انمشي... ولكن قبل فطري .. و لبسي حوايجك.. و نزلي انا كانتسنااك براا ... 

بللات شفايفها و جمعات غوباشتها فيه : ااوك.. (بغات تقوليه اجي تفطر ولكن يدبر راسو.. تبعاتو بعينيها حتى خرج و هزات كاس ديال العصير كاذوق فيه.. جاها باسل خلاتو و ناضت جبدات حوايجها للي تلبس و جمعات للي تاخد معاها.. كيفما نشفات شعرها وصايبات ميكاب خفيف.. قادات الوراق فصاكها.. و خرجات جارة فاليزتها.. للي حيد ليها الحارس و حل ليها المصعد الخاص نزلات فيه .. و خرجات من الباب لقات طموبيلتو كايتسنااهاا... مع قربات طلع الباب ديال اللامبرغيني و جلسات حداه .. كان كايكمي مع شافها لاحوو )

رعد : كيبقيتي ؟ 

نسرين : مزيانة.. 

رعد : نسرين 

نسرين : مامستاعداش نهضر فداك الموضوع ارعد.. 

(مع بغا يديماري .. سمع تلفونو كايصوني بلا ماتحس طلات على ليكخون بانت ليها سميتlili.. شاف فيها ورجع شاف فالبورطابل بارتبااك.. ) 

نسرين(رفعات حجبانها باستغراب ) : ليلي جااوبها... ولا نخرج باش تهضر معاها على راحتك .. 

فيكسا التلفون فبلاصتو و ضغط على مكبر الصوت.. 

رعد : يااس .. 

ليليا : صباح الخير رعد 

رعد(ديمارا الطموبيل ) : شنو بغيتي.. 

ليليا : بغيت نسول فيك كيف بقيتي البارح شغلتيني عليك فاش مشيتي .. 

رعد : كاينة شي حاجة مهمة ؟؟ . 

ليليا : أسد كايسول فيك بغاك تخرجو فطموبيلتك كيفما واعدتيه 

نسرين (ابتاسمااات بحرقة ورجعات شافت فالزااج )

رعد (حبس الطموبيل ) فااش نتأكد بلي ولدي غادي نجي نشووفو بلاما تبقاي مبرزطااني كل دقيقة.. 

نسرين (فتحات الباب باش تنزل.. )

رعد : نسرييين بقاااي.. 

ليليا : ااه نتا مع مراتك سمحلياا.. اتكون مافرااسهاش المهم نخليك حتى توضح ليها واخة غايكون صعييب عليها.. 

نسرين (بلاماتحس ولاات حممراااا وكاتغلي ابوحدها ) لا فرااسي الحبيبة دياالي كلشي راجلي ماكايخبي عليا والو نتي للي بان ليا تعطلتي مارجعتي حتى لقيتيه مزوج اتجيك صعيبة شوية ههه يلا كل واحد كايخد نصيبو فهاد الحياة .. (استوعبااش اش قالت دوراات عينيها فرعد للي حاط يدو على لحيتو كايشوف فيها بابتسااامة عريييضة... رجعاات سكتاات ودورات وجهها للزااج بإحراج)

رعد (شاف فيها بإعجااب مخلط بابتساامة مابغاش يبينهاا ولكن هبلاتو فاش طارت على التلفون).. خلى ليليا كاتهضر و قطع المكالمة. 

نسرين : بلااما تتتقرب لييااا ارعد ..سوg .. 

رعد(بابتسامة رفع يديه) : اوك نسووg نسوg .. 

رجع ديمارا الطموبيل و مرة مرة كايشوف فيها بإعجاب مإن كاتجي عينيه عليها كاتدور وجهها وهو كايرجع يشوف فالطرييق.. 

وصلو للمطاار و قلعااات طائرتهم ساعات طويلة فالاخير حطات فمطار محمد الخامس الدولي رجعاااات فيهاا الروووح فاش وقفاات فسلم الطائرة كانستنشق هواء بلادها النقي .. نسمااات كاتطاير شعرها و كاتلعب بملامحهاا فتحاات يديها باشتيااااق لرائحة ترااب وطنهاا... الغرييب كيبقى غرييب واخة يعيش فقصوور من ذهب لابد مايحن لارض بلادو ولاصولو و اجوااءو هاجراات المغرب شهوور و كأنها سنيييييين أخييرا هتشوف اصدقااء طفولتها دربهم جيراانهم ..غادي تزور قبر جداها و تسقي حديقة الحي .. كيفما تسقي الورد للي فالصندووق و تمشي لاصال باش يدربها عمر ياااااااااه على اياام كانو بالنسبة ليها جحيم ماعرفات نعييمهم حتى فاتو.. ولكن مهما كان الاشتيااق الا ان النعييم بكل صفاتو عاشتو مع رعد امبراطور زمانهاا.. ولو يرجعوها لماضيها و يخيروها بين دوك الايام وهاد الايام كانت اتختار حاضرها للي مع الراجل للي بغاات من قلبهاا.. فتح ليهم الشيفور الطموبيل و عوض ماياخدو للفيلا ديالو.. عطاتو نسرين بفمها عنواان دربهم ... قلبهاا كايرقص من الفرحة مشتاااااقة تشوووف ليلى فؤاد و عمر و الجيرااان

***فروسيا***

رائد (جالس فالجردة و فوق ركابيه هاز ولد ختو كايلعب معاه ) اه يا أسدي اااه.. فينما كانبغي ندمر باك كانصدق معاونو.. عوض مانكرهو فعيشتو هديتك ليه على طبق من ذهب .. شكون بحالو نعس و فاق لقى عندو أسد بحالك راجل يكون جنبو... غدا ياخدك مني بالشرع و بالقانون وتخوي عليا داري .. ندمت ملي صارحتو.. كون ماعصبنيش ماكنتش نستفزو بيك .. مكانش يخرج هاد السر للي واعدت ماماك نحافظ عليه.. ولكن حتى لامتى غانبقى خازنك على باك خااصو يعرف بلي عندو ولد زوين بحالك .. حتى نتاا غايعجبك الحال عندهم هما نااس مزياانين و كانضن باك بدلاتو مرااتو مابقاش كيف كاان .. تنهد تنهيدة طوييلة و شد الولد بين يديه للي كان كايدي فيه النعااس.. 

قرباات ليه ليلياا للي سمعات حوارو مع ولدهاا.. 

ليليا : هضرت مع مراتو .. 

رائد : كيفااش ؟؟ 

ليليا : كنت كانهضر معاه و جاوباتني هي.. ماخبى عليها والو صارحهاا بلي عندو ولد .. 

رائد : شنو قالتلك .. 

ليليا : باين من كلامها بلي واقفة معااه و ماعندهاش مشكل فالولد.. 

رائد : كنت عارف .. 

ليليا : شنو كنتي عارف .. 

رائد : دوك الزوج ماعمرهم يتفاارقو .. شحااال داز بيناتهم ديال المشااكل و ماسامحوش فبعضيااتهم.. 

ليليا : ونتا بغيتيهم يتفارقو .. 

رائد : انا ماببني وبين نسرين والو.. بنت ضريفة وعفوية و شخصيتها قوية اي واحد يتعجب بيها.. ولكن رعد ماكرهتش نمحيييه من هاد الدنيا.. 

ليليا : رعد فشكل ماشي اي واحد يقدر يفهمو.. شحال هذا كنت مابغيتش نوريه ولدي لحقاش طبعو خايب و كنت خايفة يحيدو لياا و يبعدني عليه.. ولكن دبا من بعد ما شفت وسمعت على علاقتو مع مراتو .. ولا عندي امل كبيير يبغيني و يتزوج بياا ونعيش انا وياه وولدي مرتاحين.. علاش لا.. ياك انا مامات ولدو و ضروري مايجي نهار ويبغيني ..

رائد : نجيك من اللخر.. رعد و نسرين مغايتفارقوش.. سوليني انا للي راقبت حياتهم ملي تزوجو لدباا.. ما غا يتفا ر قووووش.. ديريها فبالك..

ليليا : حتى انا مابغيتهمش يتفارقو ولكن انا تايقة فراسي وعارفة بلي اندير بلاصتي وسطهم كثر من نسرين... 

نسرين للي نزلات الزااج و خرجاات راسها كاتسنشق رائحة بلادها و تشوف شوارع مدينتهاا بلمعة اشتيااق فعيونها.. ماعرفاتش شحال داز ديال الوقت حتى وصلو للدرب لانها كانت ملهية مع الطرييق استغربااات فاش شافت قهوة با محمد للي كانت مغلوقة تفتحااات و ديكورها تبدل كلياا على كيف كاانت من قبل تحولات من مقهى شعبي لمقهى رااقي ... مع دخول السيارة للحي كاتكتشف كل جزء جديد فيه لمحات محل كبيير ديال الورد مزين منزبرا بورد الجوري و العلب الكبيرة على شكل قلوب عبارة عن هداياا.. لا لا واقيلة غلطاات فالعنواان .. كون ما الدراري الصغاار للي تجمعو على الطمووبيل كايلعبو قداامهاا و يعطوو ليها باسمهاا مكانتش غاتيق ان هاد الزنقة للي كانت مضلمة سنييين هادي بالمحلات للي مسدودين ولاات كلهاا اضوااء ديال القهوة و مزينة بالمحل ديال الورد..نقققية بحالا صابة فيها الشتى.. نزلات بسرعة من الطموبيل شافت فالدري الصغير للي جا كايجري عندهاا .. 

-ختي ختيييي واااش نتي نسرييين .. 

نسرين : هاي هاي على واش انا نسرين.. غبرت عليكم شوية نسيتوني.. اجي لهنا اجي (هزاتو لعندها) كيداايرة ماماك.. ونتاا مالك مهررس من يديك ... مكااترصااوش ياخووياا... حادرة رااسها كاتضحك معاااهم و تبوس فهدا و تشد لاخر ..رعد كايشوف فيها بإعجااب مع هزاات راسها بانت ليها ليلى صاحبتها جاية مع فؤاد هازين بلاستيكاات ديال الخضرة... حطااات يدها على فمهاا و صفرااااااااات بتصفيرتهاا داارت ليلى مخرررررجة عينيها

ليلى مااغريييبش عليها هاد الصووت افؤااد شكون تايدير هاد التبرهييش ما إن جات عينيها على نسرين للي واقفة حدا الطموبيل مع رعد بصدمة لاحت البلاستيكاات من يدهاا حتى تكركبااات منهم مطييشة طلقااااات رجليها للررررريييح كييف مانسريين مشااات كاااتجرررررررري طااارت عليييها بتعنييقة كبيييييييييييييرة ماااامثيقااااش بلي دبااا معنقة ختها و صاحبتها و مهاا و كلشي النسبة ليها من كثثرة الفرحة نزلوو دمووعهم بغزااارة 

نسرين : توووووحشششتك تووووحشششتك اهئهئ( ضااميين بعضيااتهم بقوة)

ليلى ( مزيييرة عليييها بالجهد) حتى انااا 😭😭 خلييتييي لياااا بلااااصتك الكلبةةة توووحششتك بزااااف اهههئئ(رخفاات عليها شوية باش تشوف وجههاااا ) ااااهئ هئ نسرييييييين وااااش اناااا كااااانحلللللم اهههئ 😭😭😭 حبيييييبتييييييي اخييييراااااا كتب الله نتشااااوفوووو.... رجعااااااااات عنقاااااتها بالجهد... 

فؤاااد تاايجر فليلى باش يسلم على نسرين حتى مابغاتش تففك و مشااا كاااايجري لدااار عمر... عمرررررر عمررررررررر.. 

سمع صوت مو .. اصببر افؤااد راا عاد دخل.. 

فؤاد : خااالتي ملييييكة وااعتقي نسريييين جاااات.. 

مليكة : نسرييييين... طلاااات بعكاافتها من الشرجم كاتباان ليها الطموبيل واقفة و رعد هااز راسوو فيها اما نسرين معاانقة مع ليييلى.. طلقات للي فيدهااا و بدات كاتعيط على عمرررر 

عمرررر نسرييين جاااات.. جري اودي نسرين جااات

كان متكي مع سمع مو اش نطقاات نااض مفزووع شنووو شكون نسرييين 

مليكة : اويييليييي و شكووون من غييييرهااا نسريييين خت رنياا و مهدي... 

لااح التلكومنوود من يديييه و نزللل كاينقز بلاما يحسب الدرووووجج.... معع حل الباااب لقاها معانقة مع فؤااد طاااار علييييهااااا نططططرهاا ليييه بالللجهد هززززها بتعنيييييقة حتى طرررطقققق ضلووووعهاااا

رضواان(خرررج من المحل دييااال الورد) : واااااانسرررررييييين جاااااات وااااالععععززززز... سد السقااية و مشششا سلللم على رعد للي واااقف كااايشوف فيهااا كاتعااانق مع الدرااري زاد كمل ليه عمر للي طااار علييها بديييك التعنييقة كووون ماحششم كون جبدها من وسطهم للطموبيل مايحدهاا حتى يرجعها منين جاات 

ليلى(جاات عندو فاش لمحااتو كايشوووف فنسرين) : اهلاااا خوويااا كيدااااير لاباااس عليييك ... (سلمات عليه بلابيز)

رعد : الحمدلله ونتي كيدااايرة اش خبارك ..

ليلى : بخيير (جرهاا من ذرااعهاا معااه بالحس على نسرين) 

رعد : ما سااليتش باش نكوليك جاايين .. 

ليلى (حلات فمها بصدمة) يعني نسرين مافرااسها بلي مها فدار جدااهاا.. 

رعد (حرك ليها راسو ب) لاا.. 

ليلى : ناااري مصييييبة الى عرفااات بلي كاينة هنا ماغاتقبلهاااش.. 

رعد : صافي اناا معوول نجييب لنسرين آخرتها هاد لياام ماافيهااش 

ليلى : كيفااش 

رعد : قهرتها اليلى بالصدمات حياتناا ولات بحال شي فيلم وثائقي مافيهش الفرحة فيه غير المشاكل ... 

ليلى (عضاات على شفايفها ) والله و تعرف مها هناا حتى دير شي فضيحة 

رعد : الى بقا عندها الجهد .. شوفيي ديري اي حاجة باش ماتشوفهااش..

ليلى (قلبها كايخبط كثر من رعد للي ماعارف كيفاش يتصرف).. ولكن راا مانقدرش شوف الزنقة كي خرجو كايسلمو على نسرين اكيد غايقولولها را ماماك فالدار الى ماطلات حتى هي و شافتها.. 

رعد : ونتيي اش كاديري هناا تصرففي 

ليلى : فنظري خاصها تعرف و زايدون مها فين هتمشي الى ما جات لدار جداها.. 

رعد : ولكن مااشي دباا منن بعد ...مع جاو الدراري كايسلمو عليه بدل الموضوع.. وسلم عليهم الا عمر للي بقا ملاااهي مع نسرين كايلعب ليها فشعرهاا ويدور فيهاا 

عمر: تبدلتيييي و زيااانييييتي

نسرين : على اسااس كنت خاايبة 

عمر (بلمعة فعينيه) : لاا كنتي عزززري الدواار..(فنفسو وكنتي عااجباني ) 

نسرين (خبطاتو لصدرو ) ونتاا واخة تكون كاتعلف الشمندر ماتكلضم هاد التكلضيمة كااملة.. 

رعد(من وراها شدها من خصرها و همس فوذنها بالانجليزية ) : ونتي واخة تكوني بلا راجل ماتوقفييش معاه هاد الوقفة.. وداك التعناق خليه تالمنبعد

(بلعات ريقها فاش سمعاتو كايتكلم بجدية و من بحة صوتو بااينة غااار كيف باينة حشم يفرتك الجوقة من اول دقيقة.. ) احم احم نعرفكم رعد هذا هو عمر للي كانعاود ليك عليه الكوتش ديالي و صديقي .. عمر هذاا رعد .. (هزات عينيها ف رعد و رجعات شافت فعمر ) رعد راجلي 

رعد (بابتساامة مصطنعة مد ليه يدو يسلم عليه لكن عمر بقا واقف تاابت فبلاصتو ماقدرش يهضم بلي نسرين صافي مابقاتش ليه .. للي كان فخبارو بلي زواجهم فقط على ورق ولكن الشدة للي شاد فيهاا و كيفاش حتى هي مخشية فيه و الخاتم للي فيدهم خلاه يتأكد بلي بيناتهم شي حاجة ) 

عمر : زوااجكم طبيعي... 

نسرين (خرجات عينيها فيه باستغراب ) 

رعد (رجع كمش يديه وخنزر فيه ) شنو كاتقصد .. 

عمر : على مافراسي زواجكم غير فالورااق و فاش تحل المشاكل اترجع نسرين لدارهم و نعيشو مرتاحين كيف كنا شحال هذاا بلا بيك.. 

ليلى( من تحت سناانها ) : عممرر عيييب (نغزاات فؤاد باش يتكلم )

عمر : شنو قلت عييب.. يااك نسرين مكاتشرااش ولا حتى هي شراها كيفما شراكم 

فؤاد : عمررر بديت كاتخرربق اصاحبي قلب ساعا باخرى سيرر راك بنتيليا ماعاديش 

عمر : لا نتا للي عادي دافع عليه بعدما شراا ليك القهوة نتا وليلى و رجع لحياة لباها و شرا لرضوان المحل ديال الورد البطل نقد الساكنة من البطالة و التهمييش .. و كانت نسرين الضحية يااااك انسريين (جرهاا من ذرااعها) بعتي ليه راااسك باااش يولييو صحاابك و خوتك لاباس.. 

نسرين (تنطراات منو ورجعات لصقات فرعد حطات يدها على يديه للي مجموعة على شكل لكمة ) مامستاعدااش نهضر دباا اعمر و ماقادراش نتنااقش مع واحد مافاهم والو.. 

عمر(بعد عليها و رفع ذراعو) : فااهم فااهم كلشي كووون كنت اناا لااباس و بوكو لعااقة وسميتي رعد ماشي عمر كنتي غاتزوجي بياا و تبغينيي .(بخيبة امل). واش بصح قدامي نسرين للي حلفااات شحال هذا ماتعطي قلبها لشي واحد و خصووصاا الى كان من هاد النوع ... خليتيني نتعلق بيك لحقاش نتي ماشي بحال لوخرين.. فللخر صدقتي كفس منهم 

رعد (نفض يدووو منهااا و شننننق عليييه) اااش بغيييت دبااا

ملييكة (بخوووف ) لاااا اووولدييي لاااا عممررر حناا مااشي قد هاد الناااس .. 

عمر ( بعنين ماشي لامعين وانما مغرغريين شاف فيهاا باستسلام واخة شاانق عليه رعد ) للي بغييتهاا بدلاتها لياام... 

جمعاات فمها باش تحبس البكية لللي عمررااات عينيهااا داارت و خلااتهم بزووج غادة كااتجري واخة سمعات صوت ليلى و رضواان تابعينها و كايعيطو ليهاا 

رعد (دفعوو بالجهد فاش سمع مو قالت ديك الهضرة وفاش لمح نسرين كاتجرري بعد عليه النااس للي مجوقين من قدامو ورفع يدو للشيفور باش يسد عليها الطريق ولا يشدها هاد الاخير للي ماكانش شيفور عادي كايبان بحال دوك ليكاردكور ديال الافلام الامريكية لابس كوستيم و داير السماعة فوذنو طوييل وعامر فتح الباب ديال الطموبيل حتى حبسها و شدها من ذراعها ) 

نسرين : ماااااااالك تااانتاا.. اش مشاااليك

الشيفور : الاوامر ديال سيدي الالة.. 

وقفاات مغووبشة كاتشوف فليلى جاية مطوية على زوج سخفاانة .. ااه ي ماتديهااش فداك المريض.. را ملي سافرتي هتر مابقى عارف شكايخرج من فمو 

رضواان : وااباقااا نتي هياا نتي وااانااري عويييطة مع راسك.. 

نسرين (بعداات عينيها عليهم كاتسارا على رعد ) للي كان طالع فالعكبة مع فؤااد.. كاايباان غضباااان ووجهو حمر و سط داك التشرت البيض لابسو مع سروال سيرفيت و صندالة ناايك مدور الكاسكيطة للور .. لباسو كايباان بسيط وعاادي ولكن ملامحو وعينيه الزرقين داك الوشام للي نازل مع عروق يديه و شعروو و الطولة ديالو واخة يلبس درباالة باااين غرييييب على هاد الحي ... مافااقت حتى سمعات صوتو الخشن كايقولها.. 

فين غادة.. 

نسرين (بلاما ترد الباال لفؤاد و رضوان وليلى و الشيفور قربات ليه ) كاعي ؟.. 

رعد (حن حن بخجل ) احم لاا... 

نسرين : وجهك مززير كعيتي من هضرة عمر.. 

رعد : لا لاا .. عادي 

نسرين (قرباات ليه حطاات يدها على جبهتو) فيك السخانة .. ووجهك حمر .. فاش كايتصورو هاد الكابليات فعنقك كانعرف ماشي هو هذااك

رعد (ابتسم بخجل ) ماعرفتش.. 

نسرين (حطات يدها على لحيتو عض شفاايفوو بإحرااج من الدراري للي كايشوفوووو فيهم ) : ماكليتيش فالاوطيل و فالطياارة فيك الجوع يااك ..

رعد (حط يدو على عينيها كايمسح فدموعها) كاع هادشي للي درت فيك و مزال كاتفكري فياا 

ليلى (حطات راسهاا على فؤااد ذاايبة فيهم بزووج) اااه افؤااد شوف شحال جاو مع بعضيااتهم .. 

فؤاد : حتى انا كانبغيك بحال كيما كايبغيو بعضياتهم.. 

رضوان (شاف فيهم و شاف فليلى و فؤاد حط ضهرو عالطموبيل حدا الشيفور وهز يدو للسما ) ياااااربي شي مشيااا للرووووس و شي بنت بحال نوس نوسسس .. (شاف فالشيفوور ) ولاا غير شي خدمة بحال هاد المنفووووخ.. 

معع سمعااات هضرت رضواان ضربااتها الفيقة وبعدااات من رعد للي شد فيهااا 

نسرين(بإحراج) : طلقق .. ( كاتشوف فليلى كاتضحك عليها مع فؤااد )

نسرين : اش كااين .. 

فؤاد : الحب كايبدل اختي نسرين يااك 

ليلى : ونتي للي كنتي تضحكي عليناا انا و فؤاد.. 

نسرين (لمحات الخاتم فيدها ) هااااي هايي تزوجتو بلا خبااري.. 

ليلى : لااا غير تخطبناا معولين حتى تجي و نديرو العرس.. 

نسرين : وينووو مبرروووك عليييكم.. (عنقاتهم بزووج) هاانتوما اتبكييونيي تانيي

رعد (كايشوف فيهاا كيفاش كاتبدل فكل دقيقة ماعرفش واش كاتحاول تبين راسها ضاحكة ولا فعلا متقلبة المزااج لهاد الدرجة.. ) 

رضوان : هاااه و ها الوليدة جاات.. 

نسرين : مييي عايشة كيييدااايرة لاباااس عليييك.. 

ام رضوان : نهاااار كبيييير هذااا يااابنيييتييي اهلااا اهههلاااا كيدااايراا.. مااال عينيك مدمعييين مااتبكيييش لهلا يحيييه راا عاد جييت وعاوداات ليا مليكة شداار ولدهااا.. الله يتبقي ستر غامشيتي و هبل.. ولاا كايقولهم من نسرييين مااانخلاااق على ماشتييه ياابنيتي شدهاا بكية وحدة بحاال لمراا.. 

ليلى (شافت فرعد للي مافاهم واالو من هضرتهاا ولكن حاول يستوعب بلي لهضرة على عمر ) لااااواااه لااواه امي عايشة كاع بكينا على نسريين ماشي غا عمر... احححم هذاا راجل نسريين.. 

امي عايشة(هزاات رااسها فيه) : تبااااااارك الله مشااااااء الله صلااا والنبي على مولاي السلطاااان هكاااا يكونو 

نسرين : بنااات الرجااال المحضية .. 

ليلى : رورورورووروورورورووررووروروريييييي 

مي عيشة : ماااشي هككاك تزغرييت شوفي قولي بعداا 

الصلااااااااااة والسلاااااام على رسول الله لا جاه إلا جاه سيدنا محمد 

الله مع الجاه العالي" (حطااات يدها على فوق شفاايفها وزغغغرتااااااااااات )... ليلى دخلاات كاتجري فتحاات الباب ديال الدااار وشعلاات الضوواااو .. فؤاااد جييب الحليييب والتمر ... 

كانت ام نسرين ناااعسة لكن فاش سمعاات الصدااع كثيير فالزنقة شعلاات الضو و بدات كاتشوف من وراا الخامية ف رعد ... اااه رعد هذاا راجل نسرين بنتهاا شكوون ديك البنت للي مشبكة يدها فيدو كاتشوف فيه و كاااتضحك .. معقوول تكون بنتها نسرين للي كبرااات حتى تبدلاات علييهاا تفففزززع قلبهاااااا ... شداات فمهاا بيدهااا من كثرة الصدمة تساااقطو دموعها بغزااااارة بملااامح كايبتاااسموو لضحكة نسريين ... يااااه كيف الحوومة خرجااات كااملة كاتبااارك و تسلم و العيالات كايزغرتوو و فرحااانين ببنتهاا ماكرهاااتش تخررج تعنقها وتحيد وحش سنيييين طاحت على السدااري كاتششهق بالبكى... بنتيي هاااديك بنتيييي

رعد اول مرة يشوف بحال هاد الاجواء العيالات كايزغرتو والدرااري الصغار فرحانين و الكباار كايجيو يسلمو عليه و عليهاا .. فعينيهم بااين حبهم لنسرين وفرحتهم بهاا .. وشكوون مايبغييش هاد الانسااانة للي دخلاات الفرحة لحيااتو بشخصيتها القوية الحنينة و بضحكتهاا و كلامهاا للي كايريحو من مشااكل الدنياا و مافيها.. من ديماا كايحس براسو بلي مالك كنز الدنياا ملي ملكهاا و دباا زااد كثثثر ماكرهش غير امتى يبقى معاها الراس فالرااس يشبع محااال يشبع منهاا وهو كل نهاار كايزييد يبغييها كثر من النهار للي قبلو.. كاتشوف فيه منساجم و كايضحك ماعرفاات واش تفرح ولا تحقققد عليييه للي شافها الصباح مايقولش هي البنت ديال دباا بكااات سااعة سااعتين تحطماات و تجرحااات و صرخااات بأعلى صوتها انه غدرهااا ماجا فين يجي لليل حتى هاهي معااه كاتسول واش معصب واش فيه الجوع واش مرتاااح رجعاات الغصة لقلبها ماهمهااش شنو قال عمر و شنو النظرة للي خدا عليهاا.. للي همها كثر و جرحها اغلااط رعد للي ماخلاتهاش تفهم لعمر بلي را كاتموت علييه .. وبلي حتى كون تلاقات معاه بشي طريقة اخرى و مكانش لا باس عليه كانت غاتبغيه بنفس الطريقة لشخصيتو و لحنااانو للي كايحاول يخبيه لناس كاملين ويبينو ليها .. لكن بسبب ماضيه بدا يدخلها الشك ف واش غابتقى صابرة وتبغيه بحال الاول ولا اتبقى تسامحو يوم على يوم حتى ينفذ حبهاا للي غايتقادا بيه صبرهاا.. شربات الحليب و كلات التمر فوسط احتفال الناس ليهاا بلاما تذكر تفاصيل اللحظاات لان بالها تشغل بمشااكلها معااه.. طاحو دموعها للي حسبوهم الناس بالفرحة .. مع دخولها لعتبة دار ليلى لمحات الضو شاعل فدار جداهاا.. للحظة استرجعااات الذكرياااات تمنااات يقولولها را جدااك باقة حية وهي كاتسول فيهم علاش شااعل الضوو.. نقزاات ليلى بخوووف.. 

ليلى : هذااك الضوو شعل شاااعل كايبقى ديما شاعل اناا انسيفط فؤاد يطفييه.. 

فؤاد : اااه اه اندخل نجيب السوارت و نلوح المكانة نسرين دخلي.. 

نسرين : وااش كاتبوهلو عليااا ولا مالكم .. 

دفعها رضواان : دخلي دخلي 

عيشة (نغزاات رضواان ) على مافراسهاش مها سكناات فدار جداها.. 

بعلامات استفهاام مرسومة على ملامحهاا كاتحس بحالا تخوا عليها سطل ديال الما مثلللج ديك الرعدة للي شداتها فاش عرفاات رعد عندو ولد بداات كاتشدهاا تاني فاش سمعات مها للي ساكنة فدار جدااهااا.. كيف العادة فرحتها فدقااي كاتعدي و تخلي وراها جرح ألم صدمة كبييررة ... كاع هاد النااس للي واقفيين حدااهااا حتى ليلى صاحبتها ماعارفااااش حجم المعاااناااة للي عاشتها مع خوتها فاش خلاتها مهاا وسط زوج خوت لا حنين لا رحييم.. شافت فرعد باحتقااار كيما شافت فليلى و فؤاااد عل الاقل هو الى ماعارفش و مأثر بمو للي ماتت و عند بالو الى جاب ليها ماماها غايرجع معاها السعاادة هماا يفهموه بلي افكاارو غالطة بللعكس غايجلب ليها التعاسة و الحزن ويفكرها فلي حاولاات تناسااه .. غايفكرها فالخبز كارم للي كانت كاترشو بشوية الما و تسخنو عند ليلى فوق البوطة بينماا عمرات بوطتهم غايفكرها بزااف دالحواايج عاشتهم غايفكرها فجداها للي ماتت حزيينة على غيااب بنتهاا.. دفعات رضوان من ورااهااا و حيدات من وسط ديك الجووقة ديال النااس داارت بيها الدنيااا ماعرفات فين تعطي الراس واش تهرب ولا تبقى توااجه حاضرها .. لااا الى هرباات غاتكون كاتشبه لماماها.. و الى بقات ماقادرااش تشوف فوجهها.. حرااامم حرااام تحطوني فهاد الموقف .. شمن عيب درت فييكم.. وااش واااش اناا طلبتكم تقلبو عليهاا طلبت منكم تجيبوهاا.. 

رعد وليلى مع فؤاد قربو ليهاا 

ليلى : نسرين حاولي تفهمي

نسرين : ششش سكتووو ماابغيت نسمع تااواحد فيكم.. ماتقربوووش لييااا.. (حطات رجليها على الدرجة و بدات كادق فالباااب .. دقات المرة الاولى و التانية ولا من مجييب ... شافت الضو طفى)

نسرين : حلي البااب عارفااك فاايقة .. (كااتدققق بالزربة ) الى محلييتيش غانبقى هناااا حتى نفرعووو انا مكااانهررربش بحااالك و ماغاادي نمشي لحتى قنت حتى تحلي ليياا.. 

رضوان و فؤاد (دارو عند الناس ) يالااه اسياادنا للي عندو شي داار يمشي ليهااا الحفلة سالاات.. 

تقدمو ليها شي دراري : ختي نسرين على سلااامتك.. شوفي هاه الميمة ديريها فعينيك راا مسكينة دروييشة الله يخليها لك اختي دوك تصلحو مشاكلكم .. 

نسرين (من كثرة ما دقات جلسات فالعتبة قاطعة الامل ) 

فؤاد : يالااه الدراري تحركوو من بعد هضرو معاها من بعد .. 

فؤاد(وجه كلامو لرضوان للي بقا كايسيفط فالنااس حتى ولات الحومة كاتصفر ) : سير سد محالك و قولهم يسدو القهوة .. 

رضوان ؛ واخة.. 

نسرين (دورات وجها الباب و خبطااتو بيدهاا بيأس وبصوت مخنووق ) حللللي حلللي حتى لامتى غاتهربي مني .. ماابغييتيش تسولي على ولااادك ااا مابغيتيش تعرفي مك شنوو وصات قبل ماتموووت.. وااش مكايهمووكش لهاد الدرجة 

الام ورا الباب طايحة فاشلة كاتبكي كثر من نسرييين.. ناضت بثقل مترددة واش تحل الباب و لا تخليها حتى وكاان تمشي... لكن فالاخير هداها الله و حلاااتو ... 

و كأنهم كانو مستبعديين فكرة يتفتح الباب كلهم تحلو عينيهم.. حتى نسرين ناااضت بالزربة.. الباب كايتحل ببطئ و نسرين فمهاا كايتحل مع ملامح امهاا المنهكة .. التعب ضاهر على ملامحها و جسدها النحيل.. شرطة من فمها لخدها مخسرة ملامح داك الوجه للي كانت عاقلة عليه كايضوي بالنور للي عطاها الله .. من امراة جميلة فاتنة مثقفة راقية ذات قوام رشيق لامراة مهدووودة هزيلة متعبة كاتبكي بهيستيرياا 

بلعاات ريقها العتااب و اللوم ماعندو فاش يفيدها باينة الدنيا عاتباااتها بما فيه الكفااية.. ماكرهااتش تفتح حضنها لبنتها ولكن كانت عارفة غاتشفق علبها وتعنقها بزز منها لذلك مابغاتش تحرجها.. رمات خطوات للورااء مخلية ليها المسافة باش تدخل... 

هاد الاخيرة للي دخلات مبهوضة.. جلسات فوق السداري للي كانت كاتركب منو هي و خوتها شافت الطبلة ديال التلفازة الصندوق و الثلاجة البيضة مولات باب واحد .. دورات عينيها فالمرايا المهرسة و النص للي مزال فيها مضبب محطوطة فوق لافابو و الماريو المغطي بخامية كلشي كيف ماخلاااتو كيف باقي.. ماعرفوش الدراري واش يدخلو ولا يبقاو قدام الباب لكن خرجهم من تساؤولاتهم رعد للي سد الباب و راه و جلس فوق الدرجة مخليهم يتكلمو برااحتهم على اشيااء مغاتخصهمش قد ما كاتخص نسرين .... 

نسرين : علاش سمحتي فيناا !.. 

جرات الكرسي و جلسات مقابلة معاهاا .. مشبكة يدها فبعضيااتهم بارتبااك.. 

جميلة (اسم الام) انا ماعمري سمحت فيكم ابنتي .. 

نسرين : عفاااك باراااكاا من الفلسفة .. جاوبيني على قد سؤاالي .. جاوبي شي جوااب منطقي و مقنع يخليني نستوعب بلي مكايناش شي ام فالدنياا تقدر تخلى على ولادها.. 

جميلة : كنت .. (مسحات دموعهاا للي سقطوو بقوة ) كنت مشدودة فالحبس.. 

نسرين(ناضت قافزة) : كيفاااش ... ولللكن داااك النهااار انااا تبعتك فالليل شفتك بعينيي مشيتي مع شي وحديين ف الطموبيل واااش مزااال زاايدة فالكذووب .. 

جميلة : كنت معولة نحرك فديك الليلة ولكن شدونا البوليس فطنجة.. 

نسرين : شنو غايخلي استااذة موظفة تحرك هاا شنووو ؟؟!.. 

جميلة (بخووف اكثر ) : بنتي نسرين نتي كبرتي دباا ووليتي عارفة يااك.. 

نسرين : اناا كبرت من شحااال هذاا ماشي بحراا.. هضري شرحيلييا.. 

جميلة : باباك هز الكريدي من عند صاحبو بسميتي و فاش ماقدرناش نخلصووه جا عندناا للدار تزاايد معاه فالهضرة و كبرات الخصومة بينااتهم .... ماسمعتهمش كنت فالبالكون كانشر فالحواايج حتى دخل عندي صاحبو كايهدد فياا جا باباك و بقاو كايضاربو .. فالوقت للي كانفك فيهم دفعت صاحبو و طااح طااح من البالكون اااه انا للي قتلتووو

السيد مات فالبلاصة و انا كنت باغا نقدم راسي و نعترف بكلشي ولكن باباك قاليا هربيي .. فاش فكرت فيكم ابنتي هربت و تخزنت عند خالتي 3 السيمانات حتى بان اسمي فالجرائد و فالاخبار طلع باباك اعتارف ليهم بلي كاين وللي مكاينش فاش جيت نتسيفط معاكم كنت غادة نحرك ولكن قبطونا البوليس رجعو البقية وانا تشدييت .. جداك الله يرحمها كانت سايقة الخباار لكلشي و مكانت كاتبغي تقوليك والو اللهم تشوفك كاتعذبي و نتي كارهااني والا تعذبي فاش تشوفيني فالحبس.. واش كااينة شي ام كاتخلي ولادها اهئهئ حتى انا ماكرهتش نكون معاكم و نشوفكم كاتكبرو قداام عينيي و معايا .. 

نسرين : والحيواان شدك فالحبس لااحناا عند جدة و تمتع بالكريدي مع مراتو الجديدة.. 

جميلة : دعيتو لله ياخد لي حقي منو و يشتتو كيما شتت ليا شملي مع وليداتي و فرقني على ميمتي (حدراات راسها كاتبكي بهيستيرياا لااحول ليها ولا قوة من سيدة مجتمع استاذة نقية مثقفة لخريجة سجون .. عايشة فخربة بوحدها لازمان تسند عليه ولا ولاد يفرحو بيهاا.. بكااات نسرين بحرقة لدموع مهااا.. بين تعنقهاا و تحسسها بلي را سامحاااتهاا وبين تبقى واقفة تشوف فيهاا.. صعييب بين ليلة ونهار الشيء للي كنت عايشة على انه حقيقة يطلع كذووب .. ماعرفاات واش تفرح ولا تحزن على شكل مها للي كانت كاتقول را عايشة حياتها ربماا لقات للي ينسيها ولادها و يمكن ساكنة فشي بلاصة كالاميرات الحسناوات... بلعات لسانهاا.. مكاترمش مخلية دموعها يتساقطو بلاماتمسحهم لحقاش عياااات تنهدااات باختناااق.. فاش رفعاات االام راسها وكملات فكلامها )

جميلة : راجلك للي لقاني.. فالاول ماعرفتوش و رفضت نتكلم معاه حتى قال بلي هو راجل بنتي نسرين.. عاوني بزااف فاش عاودت ليه قصتي من الاول شد ليا المحامي و خرجني بعدما تحط فالمحضر انني قتلت عن غير قصد و كانت مدة الحكم للي دوزت فالحبس كافية باش نخرج لكن ياريتني ماخرجتش غرييبة حاملة فيدي تصاوركم ونتوما صغاار تخايلت ملامحكم فاش تكبرو قارنت طولكم مع اي بنت و دري بانو لي فالشارع .. عشت حتى موقفكم فاش تشوفوني و تحسو بمافياا تخاايلت كلشي حتى كانتصدم بلي نتوما اصلا مكاينينش و مي للي كنت موحشة ضمتها ضمها القبر قبل مانشوفها .. فاش تقطعاات خبارها عليا قلت يمكن مريضة و لا كبرتو و مابغاتش تبين ليكم فين كاتمشي كل نهار فالسيمانة ماتوقعتش تكون ماتت و خلاتني اهئ هئ .. كنت باقا طامعة نشوفها و نشوفكم حداهاا كنت كانسحاب بلي الدنيا كاتبقى هي هي مكاتبدلش ولكن كلشي تبدل عليااا كلشي .. للي بقا مفرحني هو ربي عوضك براجل كايبغييك و مستعد يدير اي حاجة على قبلك.. وعوضتي خوتك بعائلة حسن من عائلتك الله يرضي عليك هزيتيهم و ماخليتيهمش يتكرفصو كيفما تكرفصتي نتيي.. نسرين نااضت كاتمسح فدمووعها راسهاا غايطرطق بالشقيقة شداتو بالم وجات خارجة من الدااار بلاما تعنق مها ولا تحسسها انها سامحااتهاا .. بغااات تبقى بووحدهاا ماتفكر لا فمها ولا فباها لا خوتها ولاا رعد و لا حتى عمر .. ماكرهااااتش توقف على حاافة السقووط كيفما وقفاات داك النهار فسطح المستشفى و تصرخ هاد المرة بأعلى صووتهاا بااش تخرج هاد الخنقة للي فقلبها و تحيد هاد الضيم للي طااايح علييهااا ... حلاات الباب كايبان ليها رعد ناض من فوق الدرجة كااايشووووف فيهاااا بخوووف بااين على ملامح وجهو مخاايفش منها وانما خااايف عليها ... 

جميلة (بسرعة مشاات كاتجري وقفات قدامها ) : نسريين .. عفاااك ابنتي ماتمشيش و تخليني .. 

نسرين(جاوبتها بصوت مخنوق ) من بعد نرجع عندك .. منبعد

جميلة : لاا عفااك باتي معايا غير ليووم ( سكتاات بالزربة .. فاش تفكرات بلي ماولفااتش تسكن فبحال هاد الدار وممكن يضرها ضهرها من الفراش فالارض ولا عنقها يوجعها من المخدة القاصحة ) .. ااه وااخة ابنتي سيري حتى لغداا .. 

نسرين (قراات كاع هادشي فملامحها حطات يدها على يد مها برفق ) غادي نبات هناا .. شافت فرعد واقف حدا ليلى و فؤاد و فعمر للي واقف حاط يدو على جيابو بعييد عليهم ... تصبحوو على خيرر ... رجعااات دااخلة للدااار و تبعااتهاا ليلى كاتجري 

ليلى : ( قبطاات من ذرااعها ماحداتهاا حتى لطوااليييت .. ) كيييفاش تصبحو على خير و راااجللللك .. مااقلتي لييه دخل ما رحبتي بييه هكاا باش يتجاازااا يااااك ...

نسرين : ليلى بقا فيك بيتيه عندك ولا يمشي لدارو لاش باقي واقف تما.. 

ليلى : والله يااجدك و ماتغسلي عليياا كمااارتك و تخرجي نتعشااو برااا .. حتى نخرجوو انا وفؤاد و اجمل بنت فيك يااا كاازاا اجي نزوجك بسيد الرجاااال... 

نسرين (قلبات فيها وجهها ) : بزععطة 

ليلى : نسريييييييين عارفة طباااسل مي الى تعصبت واااش غاتغسلي كمااارتك ولااا لاااا... 

نسرين : انغسل وجهي غير بااش يبرد ليا راسي ... (حلات الروبيني و بدات كاتغسل فوجهها)

ليلى : خالتي جميلة يلاهي تعشاي معانا ماشفتي الحمار ديال فؤاد مسيفط رضوان يسد القهوة .. ماعرت فين انتعشااو 

نسرين : الى كااان على حساابناا بللاش رعد ايمشيو لداارو و تيعشى ... 

ليلى : بخرية عرفناا عندو دار و حراس و و الخدم و العرش هو كاااعع... السيد مسكين متواضع و جا بغا يجلس و سطنا ونتي بغيتي غير امتى تسيفطيه.. مالك فالنفخة خفتيناا ناكلووه 

نسرين : لينعحسسسك دباا انا فيا العياقة.. 

ليلى (غمزات جميلة ) و ماانعرف اختشي واش نسرين ديال شحال هذا هي ديال دبا للي ولات عايشة فنيويورك و دوز العطلة ف موسكو وتمشي تبحر فالجزيرة .. 

نسرين : الكلبة منين عرفتي هادشي كامل .. 

ليلى : هااح را ديما مول الشي موصل ليا خباارك.. 

نسرين (هزات الفوطة كاتمسح فوجهها ) مزياان .. (لمحات الابتسامة على شفايف امها .. بادلاتهاا بنفس الابتسامة و كملات فكلامها) يلاااه طلقونا للفراجة فين اتعشيوناا.. فقهوة با محمد .. 

ليلى : ولات مقهى العشاق ابب .. يالااه اخالتي جميييلة .. 

جميلة : لا ابنتي غير سيرو

نسرين : يلاهي اماما.. 

جميلة (فرحاااات فاش عيطات لها ماما) : لاا لا تعشيت قبيلة فاش تجيو تلقاوني مفرشة ليكم بلاصتكم.. 

نسرين : والى مامشيتييش تاانا انجلس

ليلى : وااياالاااهي اخالتي عفااك عفااك عفااك 

هزات جلابتها من العلاقة و لبساتها 

ليلى (خرجاات كااتجري لبرااا ) ليووووم انااا عاررضة عليييكم العشا فالقهوة دياالي انا و فؤؤاادي اا ا فييين عمررر 

رضوان : مشاا 

رعد (ابتاااسم ليهاا وبعينيه كايتسااارااا على نسرييين للي باانت ليه خارجة قابطة فيد مهاا.. نزلات معاها فالدرووج و سدو الباب.. ) 

جميلة : اهلاا و لدي سمحليا خليناك كاتسنى قدام البااب.. 

رعد : (تحدر على يدهاا بااسهم ) كيبقيتي اخالتي.. 

نسرين خرجاااات عينيها فيه هاي هاي عالصواب

جميلة : الحمدلله اولدي ونتا اش خبااارك .. 

رعد (وقف كايشوف فنسرين) نحمدالله .. 

ليلى : يالااااهووو.. 

جميلة خلاتهم و تبعاات ليلى .. مع شاف مها مشات جرهاا لعندو و تكى على الطموبيل دور رجليه بزوج على رجليها باش ماتهربش.. شدها من مؤخرهاا جابدها لعندوو و حادر راسو عليهاا ضامها بقوة. حط شفايفو على عينيها قبلهم بحناان.. 

نسرين(كاتنطر منو ) : رعععععد دبااااا يشووووفووونااا بععععد مننننيييي... 

رعد : ششش.. 

نسرين : ااااشمن ششش اش ششش رااا غاتولي فضيحتنا فضيييحة.. 

رعد : شنو كااع غايولوحها فالسوشل ميدياا.. تانا داكشي للي بغييت 

نسرين (رفعاات رااسها لعندووو) اش بغيييت 

رعد (خطف القبلة من شفايفها ) بغييتهم يشوفو الرومانسية على اصولهاا.. 

نسرين : رعععد طلللقني ويييلي سمعتييهم كايعيطو.. 

رعد : بوسيني و نطلق.. 

نسرين : باااركاااا من البسالة .. هاه ممح طلللق.. 

رعد : طوووييييييييلة .. ولا غانركبك فالطموبيل وندييك ماتعشااايش معااهم.. 

نسرين : هاناا... شدااتو من لحيتووو و غمضااات عينيها جامعة بوسة فشفاايفهاا... رجعاات حلاتهم وااااغمض تانتاا عينييك..

رعد : اووك.. هانااا... غمضهم و قربب ليييها كيما قرباات لييه.. بالجهد خبطااتو بروووسية و عفطاات على رجلييه حتى رخف عليهاا.. 

نسرين : سييييير تللعب قاالك بوووسيني على فعاايلك الزينة.. تجي تحزرني بكلامك المعسوول و حركاااتك شكلااطة انا سااهلة نذووب .. ااي خلوضتي ليااا رااسي تفوو 

رعد(تابعهاا سخفااان كايضحك على نكيرهااا و غوااااتهاااا) : وامامفرااقش معااك وفعايلي راني كانخلص فيهم.. ونتي غاتخلصي هاد الروسية ليوم قبل غداا.. 

نسرين(موجهة كلامها لمها و رضوان) : هااحناا وصلناا علاش كاتسنااو فيناا كون دخلتوو 

عمر من بعد المنظر للي شاف طاح للارض محطم شد صدروو بالم كايحس بيه غايخرج شحال بكى على فراقها وهاهو كايبكي على خيانتها لييه.. علاش كذباات عليه و كانت كاتحلف ماتبغي شي حد و نهار تفكر تبغي غاتبغيه هو الاول.. شحال دوز معاااهاا واش دغياا نساات للي فااات و باعتووو بواحد غريييب .. وحتى صحابو للي ماكانت تحلى ليهم الجلسة الا معااه باعوه فاش شافو رجل صاحبتهم.. 

نسرين ( حاطة يد على خدها ويد هزات بها الفريت بثقل غطساتو فالكيتشوب و شافت ففؤاد بلاما تسوق لرعد للي جالس قبالتها) فاش خرجت قبيلة شفت عمر واقف عند الباب .. فين مشى.. 

رضوان : ااه اختي راه جاا فااش عرفك كاتهضري مع ماماك .. 

فؤاد : وحلنا معااه فاش قلناا لو را مكاانش فراسك بلي الوليدة ديالك هناا.. 

رضوان : واايه .. مكانش بغاك تعرفي بهاد الطريقة بقيتي فيه .. 

نسرين( تنهداات بحرقة ) : لحقااش هو للي حااس بيااا 

(بالزربة رعد هز رااسو شاف فيهااا )

نسرين : لحقااش هو للي حااس بيااا 

(بالزربة رعد هز رااسو شاف فيهااا ) 

ليلى(قربات الطبسيل للي فيه الموس و الفورشيت مغلفين ف منديل .. و حطات لو.. كوكتيل .. كيف ما كاتشوف فالطبلة للي كايتوسطها تبصيل كبير فيه 4 دجاجات محمرين و طباسل ديال الفريت ولي سلاد فالنواع كاتشوف شنو ناقص.. ) : ههه احم كوول اخويا مرحبااا بيك ونهاار كبيير هذااااا.. 

(تحلو عينيه على الطبسيل قطع الخبرو و غمس فالدغميرة .. ليلى والدراري بقاو كايشوفو فيه بإعجاااب اما جميلة سااهية فملامح بنتها الحزينة ماعارفاهاش فاش كاتفكر )

رعد : اااامممم وااعر هاد الدجااج شكوون طيبوو.. 

ليلى : انااا قبل مانخرج من المحل صايبتوو.. 

رعد : لله يعطييك الصحة... (فلعص الدجااجة و هز الصدر كيااكل منووو.. ) ليلى بحالا علمك الله على أحسن اكلة عندي... 

ليلى : لا ماتقولهاااش .. 

رعد : اييه الدجاج محمر بالزيتون حمر و الفريت Wooow.. 

رضوااان : واا للي شاافك اخوياا كاعماا يكول ولد الشعب 

ليلى : واياك نتا جداك فلسطينة اش عرفها للدجااج محمر... 

رعد : واماتنسايش خالتي فاطمة مغربية هي للي كاطيب لياا ماكلتي و هي للي علمااتنا للدارجة .. انا و خوتي كانعرفو نهضرو بيها كثر من عمامي .. 

ليلى (حطات يدها على فمها بإعجاب) : وااااو خووتك حتى هماا عينيهم زرقيين بحاالك شفتكم فالتصور مع بعضيااتكم نفس الطولة و العضلات(ماااحسااات برجلييها حتى تبجغاااات بالعفطة ديااال فؤااد للي مع هزاات راسها فيه تصدمات فوجهو ) اوووه حتى ختكم كاااتحمق بالزيين مشااء الله عليها سميتها وعد وينوو عويناتها زوينين..

جميلة : هههه الله يحفظهم من عينيك اليلى.. 

رعد كايضحك على تصرفاتهااا دبا عاد تأكد علاش نسرين مصااحبة معاها نفس الحمااق... 

جميلة : يالاه بصحتكم اولادي .. انا شبعت انمشي نفرش ليكم ونقول للشيفور يدخل معايا لي فاليز دياولكم .. المهم الى جيتو را الباب انخليه مردود (شافت فنسرين للي ساهية) سمعتتتيني انسرين .. 

نسرين : نعام شنو قلتي.. 

ليلى : صافي واخة اخالتي.. 

خرجاات من المطعم و خلاتهم كايهضرو و يتناااقشو وهنا حتى نسرين وقفاات تفكيرهاا فاللاشيء و رجعات بوعيها لعندهم كاتهضر معاهم و تضحك و مرة مرة تجي عينيها على رعد للي طااح فدااك الطبسيل طيحة وحدة هادي تقتل هادي تحيي السيد يااعجبااتو الماكلة كثر من القيااس ياا كايفدي الهضرة للي قالت فدوك الدجاجات.. ناض واقف .. 

رعد : الله يخلف... 

نسرين (بصدمة هازة كاس ديال كوكا كاتشرب فيه ) بصحتك .. 

رعد : فين نغسل يدي.. 

ليلى : ااه نزل لتحت وسول السيرفور يقولك... 

رعد : اووك خلاهم وبدا ناازل فالدروج بديك المشية ديالو الثقييلة و عضلاتو المفتولة وسط داك التشرت المفتوح على صدرو المزغب.. (جمعااات وقفة نسرين و حطات الكاس.. خنزراات فليلى ) 

نسرين : علاااش ماحطييتوش شي غساال هنا.. 

ليلى : قاعت الافراح بنا ليك.. 

نسرين : السربااية درااري ولا بنات..

ليلى : مخلطيين.. 

نسرين (جلساات بطلوع الدم ) : زممر بقاو لياا غير هما .. 

رعد نزل بانو ليه البنات كايسربيو.. شاف فيها بتسااؤل ) ختي فين نغسل يدي .. 

البنت : اووه كاتهضر بالعربية .. 

رعد : ههه لا بالشلحة.. 

البنت ؛ مي فغييمون زينك ماشي عربي ههه .. 

رعد : لا لا عربي .. (بقات كاتشوف فيه و كاضحكك) يااشفتي اتخليني وااقف..(غمزها بعفوية) دبا نحرش عليك الباتخون.. 

البنت : لاا لااا .. دوز من هناا و سير نيشاان اتلقى لي طواليط.. 

شي بنات كانو جالسين تما حاطين لي فاليز دياولهم كايشوفو فيه باستغراااب .. ناضت وحدة منهم بلا هوااتها ماحداتها حتى وقفات عليه كانت لابسة سروال جينز مع تريكو لاسق من الفوق و مفخفخ حتى للخصر فالبلوسييل طالقة شعرها ساامبل .. سمع تقرقيب ديال الطالون و هز راسو فالمراايا.. مع شافها جاية قاصدااه حذر راسو كايغسل يديه من الرغوة .. حتى هنااا ارعد حتى هناا و فهاد الوقيتة .. هادشي للي بقى خااص باش تفكرع ديك القنبلة اللي خليت الفوق .. 

البنت : خااي سماحلي نصقصيك الله يخليك.. 

رعد( دار عندها هاز كلينيكس كايمسح فيدو..) نعام.. 

البنت : جيت انا وصاحبتي فهاد الوقت معطل و مالقيناش ليزوطيل هناا .. واقيلة كاينين غير الديور يااك ؟؟؟ 

نسرين : اااه اختي كاااينين ا الديوور و هو غيرر ضييف هنااا ماعارفش السيكتووور مزيااان غاتخرجي نتي و صحييبتك ياااك و دككوها طوووول حتى تخرجي من هاد الشارع اتلقاي رومبوان دوري على يدك ليمن غاتلقاي شي بولاات كايسنييو مكتوووب عليهم Hôtel ASsaada فندق السعاادة.. ماتخافو مادهشو للي قرب ليكم قولوليهم من طرف نسرين البوكسوررة ضرباات على ذرااعهاا 💪 ختكم خدات بطلة فنون القتال فهاد الدرب وكاع الدروبة كايخافو منك مغايوصلكم حد.. يلاااه اش كاتسناو نوضي نتي ويااها لا يسد لوطيل (شافت فالسربايات) و حتى نتوماا البناات تبعووهم و الدراري يبقاو يسدو المحل... صاااف ساااالينااا سدااات مااادام.. 

السربايا شافو فليلى و فؤاد للي نطقو دقة وحدة : اش كاااتسناااو.. 

نسرين تبعاات البنت و صاحبتها حتى خرجو ووقفات هي حداا رعد للي حااابسااه الضحكة.. 

نسرين : ونتااا عااجبك الحال و ميت عليهم طلقك العيانة وتشدك المساراحة.. 

السيرفورة (همساات لصاحبتها ) واااش صاحبتوو.. 

نسرين (بصوت رقيق عيبااتها ) لااا مراااتووو... يعع شحاال فيهم ديال التبركييك... 

رعد (جرها من يدها خارج بيها كاايضضحك) ههه المهم تصبحوو على خير .. وشكرا على العرااضة.. 

ليلى : كااارثة هاد البنت كاارثة الله يعاونك معاها.. 

رضوان : هههههه ختي نسرين والله حتى توحشنااااك .. 

نسرين : بااقا هناا باقاا.. (سيفطات ليهم بيزواات بالخف بلامايشوفها رعد للي غادي بيها لداارهم.. فعلا وصلو لقااو الباب مفتوح.. سبقها قدامو وشعلات الضواو باش اتضح ليه الرؤيا مزياان رفع راسو بانت ليه تصويرة جداها معلقة بقا كايشوف فيهاا ولكن دغيا دور وجهو فاش شافت فيه نسرين مابغااش يفكرها فيها و تبدا تااني تبكي باراكا هادشي للي عاشت اليوم .. 

نسرين : دارنا قل من عادية ومكملين السقف غير بالقصدير ولكن كانتمنى ترتااح فيهاا كيما تانرتااح فيها اناا.. 

رعد(همس ليها) : ماماك نعساات طفي الضو قبل ماتفيقيها 

نسرين : لا راها فالبيت لاخر .. هاهو الما السخون باش توضى.. ماما وجداتو ليك.. و الى بغيتي تغسل سنانك هاهو الاتروس دياالك.. 

رعد : توضااي نتي الاولى.. 

نسرين (كاتحيد فحوايجهاا.. ) فياا ليغيكل .. 

رعد : كيفاااش درتي ليهاا..

نسرين : قطعت لا بيلول ابب و نزلات هاد الصباح .. 

رعد : شكون قالك شربيه .. 

نسرين : نشربوو وقت مابغيت ماسوقكش سير حكم فديك للي ولداات معاك 4سنين هادي.. 

رعد ( بعصبية ) نسرييين ..

( فهمات بلي تقلاات معاه فالهضرة و كون فشي بلاصة اخرى يتفاهم معاها مزيان حتى على ديك الهضرة للي خرجات من فمها على عمر .. يمكن للي مصبرو عليها انه كاينين عند النااس .. ااه رعد وعارفاه .. جمع غوباشتو حيد تقاشرو بالزربة و دخل للدوش توضااا غسل وجهو و حك سناانو ماعرف امتى داار هادشي كاامل كاايفكر غير فيها هادشي مزال حتى مااشفت الولد مع ليلي الى شافتهم علم الله شنوو هايوقع لييهاا هي غير بناات فالقهوة و شوف شنو دارت لييهم تنهههد باختناااق ماعرفش كيفااش يتصرف معاها ولا شنو يدير .. خرج هاز التشرت فيديه .. و جر الفوطة كايمسح بيها شعرو للي كايتسقطر على لحيتو لقاها واقفة كاتسنى فيه لابسة كولون مزير عليها فالكري طاالع حتى المعدة بسنسلة فالجنب مع سوتيان سبور بيضين جامعة شعرهاا وواقفة كاتشوف فييه قلبهاا كايضرب ماعرفااتش علاش بقات واقفة فبلاصتها ولكن ماقدراتش تمشي تنعس حتى يكمل صلااتو.. بلع ريقو فاش شافها واقفة قرب عندهاا كايزفر مع بغا يشدهاا حببببس و طلع يديه باستسلاام .. بغييت نصللي سيري تنعسي ... سيريي.. 

نسرين : سررري اناا للي بقييت وااقفة ليك هناا .. هااك الصلااية فرشهاا تستاااهل تحط جبهتك عالزليج .... 

لاحتها ليه و حيداات ديك الخامية حتى دخلات للفراش للي مفرش ليها هي وياه .. 

رعد (تايتساااراا بعينيه و يشوف من الشرجم فالضوو .. و يرجع يدوور .. ) تلفففاات جدممي علقبلة هاد المخلووقة .. 

نسرين : صلي اونفااص للطبللة ديال التلفازة.. 

تكات على كرشها و حطات راسها فالمخدة... كاتشوف فيه من الخامية الشفافة.... كايلبس ففوقيتو و فرش السجادة .. عضاات على شفايفها بابتساامة وخشاات راسها فالمخدة كاتضحك عليه بمكر... رجعات متبعة معاه صلاتو ركعة بركعة حتى صلى الشفع و الوتر و سلم .. بسرعة تقادات فبلاصتها باش مايحصلهاش كاترقب فيه.. بعد ما جمع السجادة و طفى الضو ديال المراح دخل من وسط السيتار للي نزل غلافو التاني فالاحمر غامق حتى ولا البيت مضللم لو ما نور القمر للي داخل من النافذة قبالتهم مكانتش تشوف خيالو فالحيط كاينزع الفوقية من فوق عضلاتو .. نزل راسو كايشوفيها متكية على جنبها ليمن جامعة رجليها كوضعية الجنين نزل تكى حدااها مقرب ليها لمس فكتفها الناعم..... حسات بلحيتو و شفايفو كايمشيو ويجيو على عنقها و كتفها.. تنهدااات بثقل ..

رعد : مزال فايقة...

نسرين(حاطة يدها على خدها و مغمضة عينيها عاطياه بالضهر ) : الى ماقدرتيش تنعس فالارض طلع فوق السداري ...

رعد : لا مرتااح هنا.. 

نسرين : اووك تصبح على خير... 

رعد ( حط لحيتو على كثفها كايتكلم فوذنيها بأسف ) سمحيلياا... كل نهار كانصدمك كثر .. ماكنتش بغيت نخبي عليك بلي ماماك هنا... كنت بغيت نفاتحك فالموضوع و لكن نتي ماتقبلتيش نجبدها لك.. 

نسرين : مزيان ... مزياان ملي عرفت ماما هنا ... و ملي عرفت السبب علاش مشات حيدت عليا هم كبيير ارعد (حطاات يدها على يديه بلاما دور ) شكراا ملي لقيتيها و خرجتيها من الحبس و شكرا ملي وقفتي مع ليلى وفؤاد حتى دارو القهوة و شكرا على المحل للي شريتي لرضواان.. شكرا على كلشي ارعد ماعرفتش كيفاش نرد ليك هادشي كامل ولا كيفاش نخلصو.. شكرااا.. (غمضاات عينيها بتعب كاتحس بقلبها كايتحرق .. ولكن اناا كانخلص فهادشي كاامل.. خلصت بالاجهاض و بالاختطافات و دبا بولدك للي جا على غفلة .. مابقيتش قادرة نخلص كثر من جهدي كلشي نصبر ليه ونقول ماعليش الا شي وحدة يولي ليها حق عليك كثر مني... بعداات كتفها على وجهو و لماساتو علييه و عنقاات مخدتهاا) ... تصبح على خيير 

بقى سااهي فهضرتها للي ولات رسمية و الطريقة باش بعداات منوو..... دورهاا عندو بالزربة 

رعد : فهمنااا كاعية 

نسرين : رعد بغيييت نععس ضارني رااسي.. 

رعد(بجدية) : نعسيييي شكوون حاابسك نعععسي بلاما تهربي مني (بغات تبعد عليه تاني شدهاا من يديها و حط راسها على صدرو بعنف ) 

رعد : نعسي.. 

غمضاات عينيهاا بتعب متأملة غدا يكون صباح احسن من هاد الصباحات للي فاتو بقا كايمشي يدو على شعرهاا حتى نعسات كاتنهد بحال شي دري صغير شبع بكى عنقها بشوية و كأنه كايزيل من قلبها الالم.. غفات فأحضانو مرتاحة مكاتفيق الا على صوت التلفون للي زعجها بنغماتو الصاخبة من بعد تبعو صوت مسج ... تسارات بعينيها كايبان ليها جاي الصوت من بورطابلو هو للي ناعس على كرشو سانية اشعة الشمس فضهرو الفولاذي... ناضت غلقات عليه النافذة وغطاتو بيزار ابيض عاد رجعات تكات هازة بورطابلو فيدها مع كتبات لكود طلعات ليها المكالمة ديال ليليااا... وطالع مسج مكتوب فيه بالانجليزية Good morning dad... من تحتو تصويرة ولدهااا.. للي كاان شعرو كحل و عويناتو زرقيين ماكذبش رعد فاش قال كايشبه لو وتأكد منها بلا تحاليل... بلاما تردد مسحاات المكالمة و المسج مع التصويرة.... ماعرفااتش شنو دارت لكن تحرق قلبها بنار الغيرة لمحاتو داير على ضهرو كايرمش فعينيه.. (بصوت غالب عليه النعاس نطق) مال لحب معصب... 

نسرين (دوراات عينيها ببراءة) : لا مامعصباش.. ( لمح التلفون عندها) 

رعد : كاتجسسي عليا...

نسرين : نوو بغيت غير نشوف شحاال الساعة وصااف (حدرات راسها) ااه هادي 12 .. هااك (لاحتو ليه ونااضت من حداه مخربقة خارجة من البيت ... مع سمعات التلفون حبساات المشية و دارت كاتشوف فيه مع بانت ليه سميت ليلياا دار ليه سيلونس ولاحو.. )

نسرين : كوون مابغيتيهاش تصدعك كاعما تعطيها نمرتك ... باش تبقى تصوني ليك صبباح و عشية ... 

رعد : نسريين ...

نسرين : نسريين شنو ... نسرين كاتبقى مامات ولدي هاااديك ونهضر معاها وقتما بغييت .. عنننندك الحق.. عننندك الحق انا هي للي مخسرة ليكم الديكوور... جراات من قدامها ديك الخامية و خرجات طاااتغلللي حتى كاتصدم فماماها وليلى واقفين بزوجهم فالباب دالكوزينة

جميلة : صباح الخير ابنتي كيصبحتي.. 

ليلى (سحباتها من كتافها دخلاتها للكوزينة ) ماال غواااتك كايتسمع علصباااح... 

نسرين : تفرقي علييااا تانتي ... 

جميلة : ليلى الطبلة واجدة ؟؟.. 

ليلى : مالكي معاه؟؟؟

نسرين : ماسوقكش ..

جميلة : ليلى سوولتك ابنتي 

ليلى : واجدة اخالتي واجدة انا انحط العصير (شافت فنسرين ) سيري الله يهنيك تالمنبعد 

نسرين : فوتيني عليك..

مع بغات تمشي للطواليط كايبان ليها رعد خارج بفوقيتو مغوببش هاز فيديه بورطابلو ... 

ليلى : ااحم رعد صباااح الخير.. 

جميلة : اهلاا ولدي صبااح النور كيصبحتي 

رعد : الحمدلله ( جات عينيه على الطبلة للي عاامرة بكاع الشهيواات )

جميلة : اجي اولدي تفطر .. 

رعد : بصحتكم اخالتي اما ماكانفطرش فهاد الوقت .. 

ليلى : را 12 هادي.. ماشي 7 الصباح غير اجي فطر معانا.. 

رعد(فوجهو بااينة كااعي) : بصحتتكم.. انمشي دباا من بعد نتشاوفو.. مد يديه ليها و لجميلة سلم عليهم و خرج بعد ما عيط لنسرين تبعو لقدام الباب.... لقا الشيفور فالطموبيل كايستنى فيه مع شافو خرج من بلاصتو بسرعة باش يحل ليه الباب... 

رعد (دار عند نسرين حبسها قبل ماتخرج) : انا انمشي دباا .. الى بغيتي تجي لدار جي والى بغيتي تبقاي مع ماماك و ليلى و تسافرو لشي بلاصة انسيفط لفؤاد طموبيل ياخدكم فين بغيتو.. ليكارت عندك الى خصاتك شي حاجة صوني لياا 

نسرين : و نتا ؟ 

رعد : مامسااليش نبقى هنا.. 

نسرين : فين اتمشي واش لدار و لا اتسافر .. 

رعد : انا غير فالمغرب ... يالاه بسلامة خلاها و مشا لاتجاه الشيفور للي حرك ليه بعينيه 

رعد : ركب نتاا حدايا انا انسووg .. 

الشيفور : ولكن اسيدي .. 

رعد حل الباب و ركب فالطموبيل رجع باللور حتى خرج من الدرب ضرب الدورة و كسيييييراااا بسرعة خلاها واااقفة مبهووووضة ماافاااهمة واااالوووو

ليلى : عببر علييك ...

شافت فيها بتخنزيرة جامعة فمها بعصبية ..

ليلى : بدااك الغواات ديالك علصباااح ماعرفت كيدار حتى خرج و عطانا صوابناا 

( بعداتها من قدامها و دخلات جلساات فالطبلة .. ) 

ليلى : مابغيتيش تجاوبي.. (نغزاتها جميلة ) : ليلى جلسي تفطري

ليلى : علاش دابزتي معااه.. شنو وقع بيناتكم سمعتك كاتقولي مامات ولد ماا ولد اش كاااين انسرين هضري مافهمت والو.. 

نسرين : رعد عندو ولد فعمرو ربع سنين مع مراا اخرى فهمتي دباا ... 

ليلى حلاات فمهاا بصدمة ... 

جميلة( بتععععجب ) : كيفاااااش .. 

نسرين : وانا ماقادرااش نصبر معااه ماقادراااش نتقبل ولدوو و صاحبتو و حيااتي من هناا لقدام معاهم كيفاش تكون .. رعد ماضيه كامل مع البنات و الشرااب و الفساد حتى من الطبيبة للي خداتني عندها ختو اول مرة باش نشوف واش حاملة صدق مصااحب معاهااا... ولليت تانخااف نخرج فالشاارع لحقاش البنت للي جات عيني عليها كانقول را كااانت صاااحبتو ... عيشني فالويل بماضيه الموسخ حتى من الولاد حرمني منهم و قبلت باش يجي دباا و يقولي اووه نسرين ماتقلقييش مني انا ندمااان على هاد الولد للي ماعرفت منين جاني .... كييبغيتيني نتصرف فاش نفيق فالصبااح نلقى ديك الحماارة مسيفطة ليه تصويرة ولدو باش تقرب منوو.. كل دقيقة تصوني ليه باقي حتى ماخرجو النتاااائج... اااا كيبغيتيني نتصررف ... حتى لامتى نبقى نحزر فيه .. وانا تقتي فنفسي تزعزعااات ولييت تانموووت بالغيرة من ولدو للي باقي حتى مااشفتووو... تخنننننقت تخننننقت .. داكشي باش جيت للمغرب عالله نرتااح شوية غااانموت بالمشاكل مابقيتش قادرة نستحمل كثثر .. عاد خرجت من السبيطااار... ماكاملاش 48 ساعة باش تصالحناا جاااي كايقول عندي ولد اش بغاااني نقوليه.. (طلقاات العنااان لدمووعها للي نهمرو بهيستيرياا) اهئهئ هئ كااانحس برااسي تاحد مافااهمني تااحد 

تلاحت عليها ماماها عنقاااتهاا بالجهد.. لاا ابنتي لا يكلف الله نفسا الا وسعهاا الى ماقدرتيش تصبري معاه اجي عندي نتي و خوتك نعيشو باش ماقسم الله

ليلى(فملامحها كاتبان الشفقة على صاحبتها لكن حاولات تكلم بمنطقية ) : كاتبغييه ماتقدرش تبعد عليه.. 

جميلة : ليلى نتي سكتييي...

نسرين : اهئهئ عندها الحق اماما .. مانقدرش نخليه و نرجع نعيش هنا بلا بيه ولفتو مانقدرش نتفاارق معااه ولا هو الهوا للي كانتفس عشت شهرين بلابيه فالعذاااب كل ليلة نرسم صورتو فبالي... امااما كانبغيييه واخة يدير للي داار اهئهئ كاابرت بزاااف باش مانطيحش بقيمتي وبكراامتي ولكن رااا نمووووت بلاابيه اللهم العذااب معااه و لا بعييد علييه...😭😭😭😭.. وااخة عمرت بزاااف من جيهتو و فرص للي عطيتو بدات كاتقلاال ... غدرنيي غدرنييي 

ليلى (جلسات فالكرسي حداها و قربات ليها.. ) فاش غدرك !!..

نسرين : بولدو .. 

ليلى : امتى عرف هو بيه ؟ 

نسرين : غير هاد الاياام اهئههئ 

ليلى : سمعتيها من شي حد اخر .. 

نسرين : لاا هوو صارحني بييه 😢

ليلى : الغدر انسرين هو مايعلمكش بولدو هو يتعطل عليك فالليل نتي عند بالك فالخدمة وهو مع الولد و ميميتو ... الغدر هو يبعد عليك و نتي ماعاؤفاش علاش.. 

نسرين : ولكن مزااال مزاال ماخرجو النتائج باش تبدا تضيفط ليه تصاور ولدو... اهئهئ كانحس بالخيانة و الغدر و كلشي ... 

ليلى : اشمن خيانة الله يهديك انسرين ياك قلتي غير دبا فعمر ولدو 4 سنين .. 

نسرين : اه .. 

ليلى : ونتي مزال ماكملتي معاه حتى عامين مقادا... على اش من خيانة كاتدوي

نسرين (مسحات دموعها جات نايضة) : مغاتفهمينيش 

ليلى (قبطاتها من يدها) : فهمتك .. فهمتك اختي وحااسة بيك ولكن مابغيتكش ضيعي زواجك على قبل هادشي نتوما فتو شحال ديال المشاكل وحبكم قوى من هادشي.. الخايبة كون لقيتيه معاها فالوقت للي نتي معاه ..و لا خبى عليك ولدو .. انسرين ياك نتي ذكية ... ايوا تصرفي بعقلك هادي خيتي مغاتفلتش واحد بحال رعد داكشي باش بغاات تبقى لاصقااه وتجرو لصفها ... والى نتي بقيتي على هاد الحال والله مايبقى ليك الرااجل قدما بغاااك غاطلعي ليه فراسو واخة تكوني اية من الجمال فاش يشوفك كاتهينيه و تغوتي علييه غايلوحك.. و رعد ماشي اي وااحد انسرين.. 

نسرين : يمشي الى بغا غير تجي من عندو الدنيا هاانية.. 

ليلى : دبا كلمة ديال الحق قدام خالتي جميلة .. رعد قبل مايعرفك لدابا ملي عرفك تبدل ولا لا... 

(حركات ليها رايها بالايجاب) 

ليلى : شكون بدلوو ؟؟! نتي يااك نتي للي بدلتيه بسببك مابقاش مع البناات و مابقاش كايسهر ولا واحد اخر ياك انسرين ... 

نسرين : ااه..

ليلى : ايوا للي صبراات حتى بدلات رعد كاااامل ماقادرااش تزيد شوية فصبرها حتى تجرو ليها و تحيدو من بين يدين ديك خيتي.. را انسرين الى بقيتي ديما تنكري عليه و تخاصمو على نفس الموضوع السيد غايهرب كيما هرب دباا ... را مشااكلو كثثر من هادشي التافه شوفي غير النويال خدمتو.. واش مسالي يبقى مقابلك نتي و مت ولدو ؟؟ و زايدون شكون مراتو نتي ولا هي .. اا نتي مرااتو و نتي للي ملكتي قلبو و على قبلك هو جاي لهنا كون ماجبتيه نتي عمرو يشوف هاد الحي .. على قبلك عاوناا و قلب على ماماك.. غير باش يفرحك انسرين.. را حتى هو كايبغيك و شحاال كان كايهضر معايا و يسولني على شنو كايعجبك و شنو للي مكاتحمليش.. 

رعد را تبدل بزااف ولكن الى تحاميتي نتي و هاد المشاكل و خدمتو عليه غايرجع كفس من الاول.. را كلشي من المرا.. 

جميلة : اه ابنتي كلام ليلى على حق.. 

نسرين (مسحات دموعها بتعب) عيييييت بزااف و عقلي تبلوكا مابقيت قادرة نفكر فوالو.. 

جميلة : ماتخليش الغيرة تسيطر عليك حتى تولي حياتكم حارة.. صبري و رخفي على راسك و كوني لحلاحة باش تبعدي كيد العيالات عليك.. 

ليلى : و باركا من البكى مايفيدك فوالو من غير يذبل عويناتك.. اجي نفطرو و نمشيو نتقداو و نسلمو علجيران را كاع توحشوك.. 

جميلة : ومن بعد خرجي مع صحاابك تساراو شوية ... 

ليلى : من بعد تمشي لدارهاا 

نسرين : لااا مانمشي لحتى قنت.. جيت ندوز العطلة هنا ... 

فبلاصة اخرى من الكرة الارضية و بالضبط فغرفة الاجتماعات للي كانت وسط شركة الطيران الروسية ... 

جالس فهد بكامل فخامتو قبالت خديجة للي كانت كاتقرا فالوراق بتمعن وسطهم المحامي للي كايشوف فيها و يشوف فيه متعجب لهاد الهدنة للي صارت واضحة بيناتهم .. مرة مرة كايبادلها الابتساامة وهو كايلعب بستيلو فيديه كاستناها تخلص قراءة الاوراق باش تعقد شراكتهم للي الان اصبحت باسمها هي.. ماشي اسم باباها... كاتحس براسها طايرة بالفرحة لحقاش معاه غاترتاح من عمها الشرير و ولدو مغايقدروش يشريو الفهد لصالحهم باش ياخدو املاكهاا... لانه بكل بسااطة واقفة لهم بحال الشوكة فالحلق و مكايحملش يتعامل معاهم 

خديجة(رفعات راسها بكبريااء) : الى كنت كادير هادشي غير شفقة منك و مامآمنش بقدراتتي ... بالناقص من هاد الشراكة مابغيتهاش.. 

فهد : نعستي مزيان البارح.. 

خديجة (دورات عينيها فالمحامي .. كحاات بإحراج ) الحمدلله اسي فهد علاش كاتسول ... 

فهد : مع انا باقي ضارني كتفي بداك الطانطو ديال رااسك بحال الصخر سبحان الله ... 

(عضات على شفايفها فاش تذكرات سفرهم للاجتماع للي كان مع شركة اخرى ... غمضاات عينيها بإحراج ملي جا فبالها فاش كايفيق فيها من فوق كتفو باش تدخل للاوطيل فآخر الليل ... )

فهد : طلقيناا سني خلاص سااعة ونتي كاتقراي كون دبا مشيت درت التروييض لكتفي... 

خديجة : ماتزيدش فييه تااانتااا... (بدات كاتبتااسم و تسني فالاورااق...)

فهد : خدوجاا ابتساامتك زوينة ... 

خديجة : السي فهد سميتي مادموزيل خديجة و حنا دبا فالخدمة و اصلاا عمرناا كنا اصدقاء مقربين باش تكلمني بهاد الطريقة .. 

فهد : مععققدة .. 

خديجة : و عاجبني راسي.. 

فهد (ضحك باستهزاااء) : هههه (لمحاات ضحكتو للي بيناات سنانو البويض حطات لو الاوراق بعجرفة ) هااك سني حتى نتاا.. 

فهد : ماعنديش انا بلاصة الخدمة خدمة

خديجة : على هاد الحساب مانكونوش اصدقاء..

فهد : ماشي لخاطرك ... انا لا أقاوم... 

خديجة (ولاات حمرااا دوراات وجهها للمحامي ..) ممكن تسني نتا قبل منوو 

فهد(جر من عندها الورااق وبرك علستيلو باش يسني فيهم ) : ليوم غادي نتعشاو مجموعيين عارضة عليا ماماك 

خديجة : لا .. 

فهد (سنا الورقة لخرا بالزربة و عطا المحامي.. بابتسامة مكر شاف فيها ) سوليهاا.. (لمح تلفونو كايصوني..) نتلاقاو فالعشا برانسيس ... جااوب و خرج من غرفة الاجتماعات مسرع كايتكلم بجدية عكس كيف كان معاهااا... 

داز العشا بجو مليء من الضحك للي كان وراه كلام فهد ... خلا مامات خديجة تتعلق بيه من خلال هاد الساعات للي قضى معااهم ووهادشي بان فالفرحة للي كانت واضحة على ملامحها .. اما بالنسبة لخديجة فكل مرة كاتجي عينيهم على بعض كايبعدوو و كأنها واضعة مساافة كبيرة بيناتهم مابغاتوش يكون شي حاجة كثر من شريكها فالخدمة... فعينيه ترسخات انها انسانة عكس الصورة للي خدا عليها النهار الاول ربما واضعة مسافة اماان بيناتهم باش ماتآذاش مرة اخرى .. لكن هو مابغى والو من غير يدخل الفرحة ليها و لمها المسكينة... كيفما داز العشا داز اسبوع على وضع نسرين مع رعد من ديك المرة فاش مشاا ماسمعات عليه حتى خبر من غير الطموبيل للي سيفط مع فؤاد .. طول خرجااتها مع صحابها و سفرها معاهم مكاتفكر غير فيه... ماعرفاتش شنو مايدير و فين كاين لكن فينما كاتذكر انه قال لها غادي يبقى فالمغرب ماتزيد طمن عل الاقل مغايتلاقاش بليلياا.. ماعرفاتش شحال ديال المساجات وصلوه ولا شحال من مكالمة كانت بيناتهم طول هاد المدة.. للي عرفات بلي جرباات سيمانة بلابيه وسط عائلتها و ماماها كااانت مخنوقة و كأنه محيد ليها الاوكسجين.. من بعد اصراار كبير من ليلى و ماماها و فؤاد و حتى رضواان هاهي الآن داخلة مع الجردة فالليل مقابلة مع لابيسين كاتشوف فيه جالس فكرسي بحال العرش حاط رجل على رجل و متكي بكل اريحية ساااهي فاللاشيء كايخممم فكشي فيدو هاز سيجارتو... و اليد الاخر مادها على رجلو.. قربات ليه الخدامة للي كانت لابسة بحال لبسها اول مرة فاش جات جاسوسة لهاد الفيلا.. جيp قصيرة مع شوميز بيضة و رافعة شعرها كوتشوفال... حطات ليه البلاطو و انسحبت فهدوووء.. مالمحش وجوودها كيف مالمحش وقوف نسرين قدام الكرسي الفخم ديالو

زرقة المسبح منعاكسة على زرقة عينيه.. للي كايلمعو بتعب .. قرباات ليه فاش ترقباات وجهو أحمر غير عادي بدون سابق انذار حطات يدها على جبهتو قفزاات من حراارتو المرتااافعة .. رجعات حطاتهم بزوج على خدودو لقاتهم سخااان بخووف قربات كفها ل فموو للي كايسوط و كأنو خارجة منو العافية... 

نسرين : هئء رررعد السخااانة غاااتقتلللكك ... 

الخدامة : را جا عندو الطبيب الالة خرج ليه هاد الدوا خاصو غير ياكل.. 

رعد (بعدها عليه بثقل مع بغا ينطق بدا كايكح ) كح كح (بصوت مبحووح ) انا بخيير ... 

(نطرات الكارو من يديه لاحتو ب طلوع الدم... ) و زاايدها بالكمااية ارعد .. (دارت عند الخدامة) من امتى وهو مرييض وااش كاايشرب الدوا .. 

الخدامة : قليل ...بعض المراات فين كايشربو الالة .. هادي 6 ايام وهو على هاد الحال 

نسرين(رجعات شافت فيه بخوف كاتفحص بعينيها اجزااء ملامحو ) : واش بغيتي تقتل راااسك .. (جرات راسو عندها حطاتو على صدرهاا بعتااب لنفسهاا ) سمحلياا انا للي خلييتك ماسولتش فييك... سمحلياا اعمريي... (كاتحس براسو حرقها فصدرهاا... شافت فالخدامة ) جيبي لياا الماا مثللج و شي فوطة ..راا مكايحملش الدواا.. علااش ماصونيتيش ليا همم نتاا مرييض و انا كانتساراا 😔😔 

الخدامة : واخة الالة هي الاولى... 

نسرين : اجي معااايا احبيبي.. اجي معايا كن نسحاب مانخليكش تمشي ... 

رعد (شد راسو بألم و غمض عينيه) : كانحس راسي غايتفركع ... (حطاات ذراعو على كتفها و نوضااااتو بتتتقللل )

نسرين : عاوني باش ندخلو لبيتك و من بعد راسك يولي بخير.. زيد بشوية احياتي زييد.. تمشى بخطواات ثقاال كايحاول مايتسندش عليها واخة حاط ذراعو على كثفها.. وصلاتو لاقرب بيت بان ليها حلات بابو ودخلات بيه ديريكت للدووش ...

جلساتو فالبينوار بحواايجوو و طلقاات عليه الما بااارد... رااخي راسو و مغمض عينيه كأنو ارتااااح من الوجع للي فراسو فاش حس بالما بارد نازل مع كتافو .. 

نسرين : عمري دبااا تشافى و يفوتك الحااال.. خلات الما مطلوق باش يعمر البينوار و جلسات فجنبو جاراه لعندها كاتشوف فعويناتو حمريين و شفرانو ساردين.. حطاات شفايفها على جبهتو كاتحسس فحرارتو للي بااقا كاتحرق.. حبيبي دبا تولي بخير اعمري ... بدات كاتنزع فحوايجو بشوية حتى بقى بالبوكسر.. و هزات الرشاشة مدزواها على صدرو و كثثافو طلعاتها بشوية لشعرو و بيدها كاتحيد فالما للي نازل ليه مع وجهو.. ماعرفاتش شحال ديال الوقت داز حتى بدات السخانة كاتنزل ليه.. تنفسات الصعدااء .. سحبات الفوطة من حداها حطاتها على كتافو ودورات ذراعو باش يتسند عليهاا... مكاانش حاس بشنو جاري ليه.. و لا بشنو كايدير دبااا السخانة خلاتو يترفع مكايشعر بوالو من غير الالم للي استحوذ على جسدو بالكامل ... بعد محاولااات خرجاتو من الدوش مغطية بالفوطة هي ويااه تكاتو فوق الناموسية برفق.. مشات كاتجري جابت فوطة اخرى وبدات تنشف فشعروو.. بين مادخلات الخدامة هازة الثلج فيدها حطاتو حداها.. 

نسرين: جيبي ليه حوايجوو ... (شافت فيها) تشرت وشورط..

الخدامة : وااخة الالة..

نسرين : ولا جيبي كلشي عفاك حتى انا خاصني نبدل ... 

الخدامة : مرحباا الاللة .. 

دارت عندو .. لقاتو مغمض عينيه و ناااعس فوق المخدة للي صايباات ليه كاتشوف فصدرو كايطلع و ينزل بارتيااح .. غطاتو بالفوطة و دوراات وجهها فالغرفة كاتسااارا على الكلييمة للي شاعلة... حتى بانت ليهاا هزات الجهاز و طفاتها... رجعات جلسات حداه وبدات كاتفحص بيدها حرارة وجهو.. بلا ماتحس حطات شفايفها على شفايفو و خداات منهم قبلة غمضاات عينيها للحظة تكات عليه معنقااه برفق ... 

نسرين : نتاا حيااتي.. الله يشافيك لياا ياربي مايصبك حتى مكرووه... مع حسات بالخدامة دقات عليها و دخلات .. نااضت كاتمسح ف دموعهاا.. صافي خليهم لياا هنااا شكراا.. 

الخدامة : واش تعشيتي الالة ؟ .. 

نسرين : ااه ااه.. تعشيت وهو ؟؟.. 

الخدامة : لا مزال .. را حطيت لسيدي عشاه فالجردة عليها دخلتي .. نمشي نعاوض ليه عشا جديد دبا

نسرين : لا لا ناعس مايقدرش يفيق دبا .. تصبحي على خير .. 

الخدامة : واخة الالة ... 

هزات تشرت و شورط قصير.. مشات معاها حتى سدات الباب عاد رجعاات عندو حيدات ليه الفوطة بشوية وبدات كاتلبسو فحوايجو .. لليل كامل مانعسااتش فكل مرة كاضربها الفيقة باش تفقد حرارتو للي كانت كاتطلع ويبدا يهترس بإسمهاا.. و تنزلها بكمادات لما مثلج... بالرغم من عينيها كايتغمضو بلاهواتها من كثرة السهير ماقدرااتش تفارقوو ولا ترمش عينيها عليه هو للي كايهتر من كثرة السخانة بإسمهاا.. 

نسرين(جالسة حدا راسو و مربعة رجليها) : لهاد الدرجة شغلت باالك احبيبي..

رعد : نسرييين .. نسريين... 

نسرين : هانا حداك اعمري مابقيتش نخلييك.. 

حطات على على جبهتو الكمادة فيه طراف ديال الما مثلج ... وبدات كادوزها على وجهو كاامل.. ساعات طوييلة عاد قدراات تنعس فاش نزلات ليه السخانة بمرة.. قلعات فستانها و تبعاتو حمالات الصدر لااحتهم فالارض وتكات فجنبو بتعب جارة عليهاا ليزاار بيد و بليد لوخرا كاتقيس فحرارتو للي عبارتها شوية هذا لقاتها منخافضة .. غفااات فجنبو على كرشها بنفس وضعيتو اشرقت عليهم شمس صباح جديد حامل فطيااتو اقدار كل واحد منهم.. فعز نومهم جنب بعض تسللات اشعة شمس الصيف الذهبية لغرفتهم ذات الجدران البيضاء .. هاد المرة فاق قبل منها كايرمش فعينيه ماعارفش فين كاين كايحس بشي يد محطوطة فوق كثفو .. بلع ريقوو بصدمة.. قبل مايدور يشوف شكون جنبو كايتذكر فين كاان البارح مكايبان ليه والو من غير الضباااب .. دارر بشوية كااتباان ليه ناعسة على كرشها شعرهااا مخبي وجههااا ... نااااااض قااااافزززز حيد يدهااا من فوووق ظهرو... شكووووون نتيييي ؟!؟!؟!!؟!؟!؟... 

رفعااات راسهاا مقلوبة بالنعاس... رععد ماالك ؟؟.. 

رعد (مامثيقش عينيه) نسريين ... (لمس وجههاا و كثاافهااا رجعع كاايحك فعينيه.. حطات يدها على جبهتو ) واااش طلعاات ليك السخاانة اوييلي ماالك... 

رعد : بالرررربب تاااهيي طااار علييها هاازهاا بيين يديييه كايقبل فييهااا باشتياااااق ... 

نسرين : هههه بععد مني الحمممق ...

جرهااا فحضنوووو معنققهااا بالجهههد بعد شعرهاا على وجهها و رمى شفايفو كايااكل فشفاايفها بهمجيية ... حاوطاات عنقو بيدها بزوج و دوراات رجليها ورا ضهرو جالسة عندوو.. بعداات وجههاا عليه بعتااب .. 

نسرين : علااش مشيتي ماخليتي ليا لا مسج لا والوو !!.. 

رعد : كنت مريض.. تبدل علياا الجو بزااف ... 

نسرين : اييه جاك الحال سخون وبقيتي كاتشرب لماا مكلاصي و تعوم فلابيسين و دخل لكلييمااا حتى جبتيهاا فعظااامك... ملي ماكاتبغييش تشرب دوااا علاش كااتمرض هااا... 

رعد : صافي اماما اخر مرة نمرض... (رجعاات عنقااتو و حطات راسو على صدرها العريان) نسرين : خلعيتيني البااارح ... 

رعد : امتى جيتي... 

نسرين : جيت و را العشاا .. لقيتك جالس فالجردة رااسك كان غايطرطق بالسخاانة.. 

رجعات بيه الذاكرة للور تفكر فاش وقفات عليه من بعد بقات كاتقيس فوجهو و نوضااتو... 

رعد : ااه عقلت ... عقلت... (دور عينيه فالغرفة لمح كمادات و الحوايج ساردين محطوطين..) .. بقيتي سهراانة معايا الليل كامل !!! 

نسرين (بغات تنوض) : ملي وليتي بخير هاديك هي الدنياا... 

جرهاا لعننندوووو متكييي هو وياااهاا... توحشتك.. توحشتك بزاااف... هاد السيمانة دازت باسلة بلابيك.. 

نسرين : ذنوبي للي خرجو فيك 

رعد : رجعناا تااني.. 

نسرين : غادي نرجعوو لحقاش مشاكلنا مزاال ماسالات ..

رعد : غادي تسالي كانوااعدك.. 

نسرين : نتا كيبقيتي .. كيكاتحس واش باقي ضارك راسك.. 

رعد : شوية.. 

نسرين (ناضت من فوق الناموسية لاوية راسية فايزار كاتهز فالحوايج الفازكين من بينهكم كسوتهاا.. ) : نوض دوش.. باش نخرجو نفطرو وتشرب دواك.. 

رعد(هز يديه بمكر كايمثل عليها مريض ) : ماقادرش ندووش ... (دارت عندو باستغرااب ) ولكن للي شاافك هازني قبييلة يقووول هااد السببع ماعارت كيدار حتى مرض البارح..... 

رعد : واا مريييض مااقادرش .. 

نسرين: فهمت ندووش لييك (قربات ليه حطات يدها على لحيتو) اعمري ندووش ليك على انا شحال عندي من رعدووش ااا شحاال عندي غير واحد .. كاابييدي انااا العممر دياالي... همم(ترخى فاش سمع دلعهاا لييه و كيف كادير لشفايفهاا قربات كثر خداات قبلة منوو .. ورجعات كاتشوف فعينيه) عندي غير رعد واحد ابو لعيوون الزوورق و للحية المشععكة (قاست حجبانو و جبهتوو) حاابيبييي انااا.. نموت فييك... 

عض على شفااايفو باستسلااام ) صاااف الى بغااات تجي لموت دبا غير تجيي... 

نسرين : براا على حبيبو... 

سمعو الدقان فالبيت .. 

رعد : هاادشي للي بقاا.. 

نسرين : ههه دخل نتا دوش يمكن هادي الخداامة انعطيها الحوايج تصبنهم ونجي.. 

رعد : اووك نااض داايخ من حدااهاا دااخل للدوش.. كايشوف فيها خرجات حلات شوية الباب و خرجات راسها منوو... 

الخدامة : لالة واش تفطرو دباا ؟؟.. 

نسرين : لا حتى لشوية ... شوفي شي حواايج بغيتهم يتصبنو و ينشفوو .. وقتاش يكونو واجدين.. 

الخدامة : 10 دقايق

نسرين : اووك شكراا...

الخدامة : العفو الالة انا اندخل نهزهم... 

نسرين(دارت شافت الدوش زاااج كاايبين كلشي من على براا..) : لا لااا انااا اندخل نجيبهم ليك... مشات كاتجري بداك ليزار حتى هزات الحوايج عطاتهم ليهاا و غلقات الباب.. فكات صدرها من ليزار للي جا طايح للارض و فتحات الباب الزجااجي للس دخلها ديريكت لعندو رافع رااسو كايشوف فيها بنظراات كايذوبوو متكي فالجاكوزي للي عامر و من ورااه المنابع ديال الما مجههد فاتح يديه بزوج ليهاا تخشااااات بين ذرااعو كاتققبل فيييه بححححب ... 

نسرين : توووحششتك.. 

رعد : نتي و gانتك .. مرة تبغيني مرة تكرهييني..

نسرين : تصرفاااتك ارررعد 

رعد : شوووفي من دبا نتفااهمو هادشي كان قببل اعمري قبببل منك و دباا مكاينة حتى وحدة من غيرك و ماغادي تكون تاوحدة .. ولد ليلياا ولا خمسة منو مغاديش يحيدو بلاصتك من gلبي.. 

حطات راسها على صدرو .. 

نسرين : نحااول .. نحاول نصبر و ماتجينيش لغييرة (هزااات راسها بانفعااال)و لللكن بالرررررب و تحاااول تققققرب منك دييييك خيييتيييي حتى نسيفط مهااا للقببببر... و تبدا تصبببح علييك ب good morniing daad ولا baaabyyy نشششتف على مهاا.. 

رعد : امتى كتبااتها.. 

نسرين (سكتاات وشافت فيه) : كناا تانعومو يااك اعمري.. 

رعد : هضري امتى 

نسرين : وااا مسحتووو ... مسححتوو داك النهاار.. 

سكت حتى سسسسكت وهو يتفرررششششخ علييها بالضحك .. مغيااااااارةةةة

جمعات فمهاا ماراضيااش .. علااش بغييت نغير اصلاا

نسرين : هضررتييي معاهاا هاد الاياام غير قوول مانتقلقش 

رعد : كرررهت اصلمو داك البورطابل بلوكيت نمرتهاا كااع.. 

نسرين عجبههااا الحااال ابتاااسمااااات بفرحة مرفووقة بالخجل 

رعد : نتي للي كااينة.. و مابغيت حتى حاجة تقلقك و للي قلقاتك راها فوق الجهد... 

نسرين : كانبغييك.. 

رعد : عاارف .. 

نسرين : بزززعطة.. 

رعد : عاي ليا فين مشيتي.. 

نسرين : مشيناا لطنجة و الشاون و تطوان .. 

رعد : هاي هاي طوالو الرجليين .. 

نسرين : و دباا نتاا اتاخدني لمرااكش و الصويرة و اكااادييير بغيييت ندووور معاااك مرااكش شبر بشبر ... 

رعد : نمشيييو فين مابغاات مادامتيي 

ماشي غير كلامو بل حتى تصرفااتو معاملتو حبو ليها خلاها تعيد النظر فشحااال من حاجة حتى كلام ليلى زاد اثر فيهاا وعليه رسمات طريقها مع رعد ... دوزااات معااه اياام كانت شبيهة لدوك الايام ديال الجزيرة ... تهنااو من ليليا و صداعها ملي طفى نمرتو ... عااشو اسبووع كيفما سماتو هي اسبوع في الاحلام ... ارتاااحت .. ارتااح تفكيرها زادت علاقتها برعد قوااات اكثر فكل ليلة كاتزيد تبغيه كثر من الليالي للي فاتو ... من بعد ماسالات عطلتهم تسيفطات مع ماماه و ليلى و فؤاد ورضوان بالبكى تااني اما عمر فرسم بينو و بينها مسافاات ملي جاات سافر لعل و عسى ينسااها.. وهاهي ذي تعود للاراضي الروسية من جديد واقفة مشبكة يديها فيد رعد للي كاان مزيررر عليها بالجهد كايفررغ ارتبااكو فقبضتو ليدها بديك الطريقة ...كانت عكسو تماما واقفة بثبااات لابسة سروال جينز مع شوميز و فيست فالابيض طالقة شعرها على طولو و دايرة مكياج سموكي بينها اكبر سناا .. من وقفتها و هزة راسهاا كاتباان قوووية عكس اول مرة فاش صارحها بحقيقة ابنوو... واقفة معاه فغرفة الطبيب للي غايخبرهم بنتيجة تحاليل DNA ... لولا تأخر ليلياا على الموعد كانو عرفو الحقيقة... تحل الباب كيما تفزع قلب نسرين فاش شافت ليليا داخلة قابطة فيد رائد كانت حادرة راسها لكن فاش لمحت نسرين قابطة فيد رعد ... رفعاااتتو بكل شمووخ وكأنهاا عاملة انجاااز عظييم ملي ولداات الولد للامبرااطوو... إحساااس الغيرة المرفووق بخيبة الامل .. الخدلان .. الانكساار ... كل هاد الاحاسيس فلحظة وحدة امتلكو جوااارح نسرييين للي حولااات تخبي حزنها وراا وابتساامتهاا القوية المليئة بالاستهزاااء من ليليااا... 

رعد( رخف يدو على يدهاا ورجع شدها من خصرهاا بقوة.. همس فوذنها باللغة الانجليزية باطمئنان ) مهما كانت النتيجة غايبقى حبنا قوي يااكي... 

نسرين : With u forever .. 

باس جبهتهاا و جلسهاا فالكرسي هي الاولى عاد رفع السروال من جيهة ركابيه و جلس حداها مرتاااح بلاما يهضر لا مع رائد ولا ليلياا...

رائد( بابتساامة مرسومة على شفايفوو.. سلم على الطبيب .. وجلس كايشوف ف نسرين للي ماحولاتش تهز راسها لجيهتهم ولا تركز فنظراات ليلياا ليها .. حتى سمعو كلام الطبيب كايرحب بكل واحد منهم هاز فيدو الظرف للي كان محكم الاغلاق.. شاف ف رعد و حط الضرف فوق الطبلة ... 

الطبيب : السي رعد كايشرفني انك وضعتي الثقة فالمستشفى ديالنا.. 

رعد(بنفاذ الصبر ) : ممكن تعطيييني النتيجة خلاص.. 

الطبيب : ااه هاهي.. 

بدا كايفتح فيها ببطئ خلا رعد يحس بانقباض فصدرو مااعرفش واش يحبسو مايفتحش دبا ولا يعرف و يتهنى .. كايفكر فنسرين كثر من اي حااجة اخرى .. للحظة راودو امل تكون النتيجة سلبية .. ويكون هذا فخ من رائد و ختوو.. بزااف ديال الافكاار طاحو فراسو دقة وحدة .. مابغاش يخسرهاا و فنفس الوقت مابغاش يخلي ولدو بين يدين رائد الى كان فعلا ولدو... حس ب طبطبة نسرين على يديه كاتحاول تفهمو انها معاه فكلتا الحالتين .. لانها اقتنعت انه اخطاءو كانو فالماضي و ماشي ذنبو فللي وقع ولا غايوقع... الطبيب حل الظرف بهدوووء تحت نظراات الكل... جبد ورقة DNA 

الطبيب : التحاليل طلعات ايجابية مبرووك علييك الولد ولدك...

الولد ولدك .. ولدك ... هاد الكلمة تسمعااات فوذن نسرين و كأنهاا صدى تردد من أعالي الجبال .. ماعرفاتش كيفاش تردد ولا كيف غايكون موقفهاا من هنا القدام ... مع عائلة رعد مع ليليا مع الولد بنفسوو ... بقااات مصدوومة لكنها ماشي اكثر من رعد للي كاان كايغلي من الدااخل فرحة يكون عندو ولد كانت غاتكمل لو كانت الام نسريين ... لكن دباا مضطر يدخل لحيااتو رائد و عائلتو من جديد ... ماجاش فبالو حاجة وحدة من غير صورة باه الله يرحمو لو كان حي مكااانش غايرضى بهاد الولد مهماا كان الثمن.. هاهو تاني دنس شرف العائلة بفعالو ... ماصدق خرج من ماضيه بلاا ضراائب وقفاات ليلياا و قرباات للفتوي للي حدا رعد .. حطاات يدهاا على ذرااع رعد .. 

ليلياا : مااكنتش بغيتك تعرف بهاد الطريقة و مابغيتش للي بيناتنا يوصل لهاد الدرجة .. انا ملي تفارقت معااك عرفت راسي حااملة مننك ماقلتهاش ليك لحقاش خفت منك ترغمني نجهضو.. ناااضت نسريين من حدااهم ماقدرااتش تبقى تسمع لكلام ليلياا وتشوف فحركاتها البريئة و دموعها للي باااينة دمووع الفرح... وشكون للي ماتبغيش تجمع مع بابات ولدها خصوصاا الى كان واحد بحال الامبرااطور... سدات الباب ديال المكتب بيد و اليد الاخرى كاتحاول تمسح ديك الدمعة للي طاحت على خدهاا... تكات على الحيط كاتسنى فيه يسالي هضرتو معاها.. حتى كايوقف عليهاا رائد ... 

- اهلاا نييناااا المقااتلة .. 

رفعات راسها باستغراااب كاتنتاظر شنو بغا ينطق ... عكس رعد للي خرج تابعو جامع فموو بعصبية و بنظراات كلهاا شراارة كايخنننزر فييه.. 

رائد(مد يدو ليها) : كيدايرة الكتكووتة لاباس عليك ؟؟!.. 

ارتابكاات ماعرفااتش واش تسلم عليه ولا تححبس حتى تقراا ملامح رعد للي كانو مكاايبشروش بالخير .. 

رعد ( بهدوء ) : ررجع يديييك .. 

رائد : وشنو فيها الى سلمت على مرت رعد ياك وليناا عائلة وحدة (ابتااسم بإعجاب و هو كايشوف فنسرين ) و نولي نشوفك ديمااا... 

مزاال ماااكملهااااش ترررررففففع بركككككلة من حجرووو جااااطاايح للارض ... على اثرهااا شهقاااات نسرييين كيفمااا غوتاااات ليليااا للي قبطاااات رعد من صدروووو.. 

ليلياا : نوووو نووورعد بلييييز..... مكااانش كااايشوف قدااامو قدما كايتسمممع صووت رائد المستفز فوذنوووو... رجعععع هزووو بشنننننقة حتى وقفوووو مقاااابل معاااه... 

رعععد (بصوووووت مككككهررررب و بوجهو للعااامر بالشر نطططق ) نسرييييييين خخخخط احمممر و اللىىىىى سخييييتييي بروووووحك حاااااول تلللعب معاااايااا بهاااا بررررررب الكعبببة تااا نطيييير رااااسك على جناززززتك ونلووحووو للكلااااب... فااااايت درتهااااااا يااااااك فااااااايت درتهااااااا ننننننطططققققق الحيوااااااااان ننننططططق .. (بصباااع يدييه شااد حنجرتووو محاول يزهق ليه روووحو... رائد ولااا حمممر و كاايقلب على الاكسجيين يستنشقو قبل مااايموووت) 

نسريييين : رععد عفااااااك ااررررعد ماااتقتللووووش رررراعد اتقتلللووو رعععدددد 

ليليا (داارت عند الطبييب للي كاان خااارج حتى هو كاايطلب فرعد مرتاااابك ماعارفش اش يدير ) دير ليييك شيييي حاااجة عيط على السكيريتي يعتقوووهم... 

تجمعووو الممرضات و الاطبااء كلهم خاارج الكولواار كايسمعو فالردييييخ 

ليلياا : تتتتصرررف ادكتووووور 

هاد الاخير للي مكااانش عاارف شنو يدير خصووصا ان رعد مااشي شخص عااادي بااش ينده ليه على الحراس يوقفووه ... كيفااش غايوقف وحش من اكبر تجاار السلاااح فدقيقة ممكن يهد المستشفى فوق رااسووو... ويمحيه بحالا عمرو كان

رعد (مخخخرج عييينيه فرائد و بصباااع يدو شاادو من عنقو ) هضضضضضر ... فااايت درتهااا ولااا لاااا ... 

رائد (كايحرك يديه بالايجاب عينيه مطرطقيين غايخرجووو ) ااه... 

فلللت يديه بالجهد منووو وشد معصم نسرييين غااادي خااارج بيها فداك الكولوااار تحت انظااار الجميييع داارت كاتشوف بخوووف ف رائد للي شد عنقوووو كاايستنشق ب ثقل طايح سخفاان الارض كايكح ... 

نااازل بيها فالدروووج بحاااال الررررعد مكااتجي فين ترمي الخطوة حتى كاايرمي 10 ... ماكرهااتش تفلت يديها من يدو قبل مااتهرس خببببط دغياااا البوووطووونةة ديال المصعددد بلااا مااايصبر حتى يتفتحح نززززل بيها من الدروووج بحال العجااااجة... ماصدقااات امتى سالاو الدروووج حتى خرجهاا من البااب الدوااار... غاااادي بيهااا لعكس اتجاه الطمووبيل لقريييبة لييهم بعد اخد ورد مع ذاتها بالرغم من الخووف مسيطر علييهاااا نطرااااات يدهااا منووو بالجهد ووقفااااات كااتلللهت كون مالعكر غوووز كان غايبااان بياااض شفاايفها كيف ما را باااين فعينييهااا وقلبببهاا للي كايضرب بالللجهد .... داااار عندهاااا بنفففس العصبييية ... 

رعد : مااااالك.. 

نسرين (شدااات يدهاا بألم ) : يديي ااتهرس اارعد .. (كااترععععد كاااملة ) خوووفتينيي ... 

قربب لييهااا شد يدهااا كايفحص فيييهاا بعيينييه للي بااقين كايلمعوووو بشرااارة جااامع غوباااشتو و عروقوو كاايطرططقووووو من جبهتوووو ويدييييه... طلقااات العناااان لدمووعهااا للي كايطيحو على يدهاا ... كون عرفت غاينوض هاد الصدااع كامل ماانجيييش هز راسوو فيهاا بهدوووء وبدووون ساابق انذااار طبع قبلة طويييييييييلة على شفاااايفهاااااا مكااانش كايعتاذر ليها بقدر ماكااان كايستمد طاااقتووو الايجااابية من طعم شفاايفها ... المنظر للي خلى ليليااا تووووقف مبهووووضة فبااااب المستشفى مع راائد للي كاات باقي شاد عنقووو...

ماقاوماااتوش ولو لتانية ولا سمحاات لنفسهاا تبعد عليه حطاات جبهتهاا على جبهتوو بتعب ... قابط معصمها ببصمات صبااعو كايفرك بحناان ... 

نسرين : عفااك تهدن ارعد .. 

رجع بعد علييهاا وشاف فييها بنفس الشررر.. 

نسرين : عرررفت عرفففت استافزززك ولكن حاااول تهدن را هادشي لاش بغا يوصل.. 

رعد : بغاااني نوووصلمووو للقققبر هذاااك... ررركبببي خلييينيي نوصلللك .. (خلاها و بدا غادي متجه لسيارتو)

نسرين : ااوك ... ماجاات فين دور باش تركب فالطموبيل حتى لمحاات رائد و ليلياا واااقفييين كاايشوفووو فيها ومن ورااهم الممرضة كاتشير جاية لعندها كاتجري... هازة حقيبتهااا... بقاات وااقفة حتى جات لعندها 

الممرضة : نسيتيهاا للداخل... 

نسرين (قبطاتها بامتنان ) شكرراا... رجعاات شاافت فليلياا بتخنزييرة وركبااات مع رعد ... من بييين هادشييي كاااامل للي وققققع نسااااات كلللشي فاااش شاافت نظرااات ليليا ليها قداام المستشفى... قبلة رعد قدااامهم و بديك الطريقة فوسط المداابزة ديااالو مع رائد خلاها تشفي غلييلها ولو شوية ... بزااوية فمهااا رسمات ابتسااامة استهزاااء فاش جات عينيهاا من ورا الزااج فعيون ليليااا ... 

ليلياا : غااطيييير بالفرحة شفتييهااا كيف كاااتشوووف فياااا...

رائد : شحال من مرة خاصني نفهممك بلي دوك الزوج مغايتفاارقووش.. 

ليليا : رعد مكايبغييش حتى راااسو بقاا يبغي برهووشة جات البارح.. (حلات الباب ظيال الجموبيل و ركبات اللور مع رائد)

رائد : اجي نتي من امتى وليتي باغا ترجعي لييه يااك مااكنتيش بغيتي حتى يعرف بولدك.. 

ليليا : كاان فبالي رعد القدييم للي مغايخلينيش نشوف ولدي ...

رائد : رعد مزاال قديم تبدل مع نسريين بوحدها.. فهمتي

ليليا : و غايتبدل مع ولدوو .. كانواعدك.. 

شاف فيها حتى عيى و دور وجهو للزااج بلاماينطق بحرف وااحد .. تذكر نظراات نسرين فاش عرفاات ان أسد ولدو و خروجها بتسلل من الغرفة شروودهاا الحزيين عكس البنت للي شاف داك النهار فالشركة ... فكر فتفاصيل صغيرة عنات ليه بزاااف... مكانش بغاا يجبد الصداااع ولا يحط نفسو فموقف يكره نسرين فيه ..لكن فاش شاف الامبرااطور بلا مايشعر استفزووو... اما بالنسبة له بعييدا عن الانتقام ماكانش كايظن انه يجي يووم ويتعجب بإحدى فتياات الرعد العابرااات فمابالك بعاصفته .... 

******

وصلها للقصر كايستنى فيها تنزل باش يضرب الدورة من الخصة لكبييرة للي كاتوسط باب القصر الامامي ويخررج ... شافت فيه بتسااؤل .. 

_ نتاا ماغاديش تنزل.. 

رعد : نتلاقاو فالعشاا.. 

نسرين : في اتمشي ؟؟... 

رعد : لخدمة 

نسرين : زعما.. قادر تخدم من بعد هادشي .. 

رعد : قادر قادر... 

نسرين : نمشي معاك.. 

رعد : غير ارتااحي انسريين .. مانمشي لحتى بلاصة... نطل فالخدمة و نرجع (و كأنو كايفهمها بلي مايشوفش ليليا ولا ولدوو)

نسرين : الى بغيتي تشوف ليليا على ود ولدكم مغانتقلقش ارعد انا كانثيق فييك... 

حط يدو على فخضها باطمئناان.. مانتلاقاش معاها ... 

نسرين : وولدك... مابغيتييش تشوفو

رعد(باستغرااب) : هه ولدي..(تنههد بثثثقل وبعد عليها عينيه للي شافو بعييد )... شحال ثقيلة هاد الكلمة.. مكاانحملش لولاد وماولفتش يكونو عندي ... 

نسرين : كاتكذب على رااسك ارعد نتاا مكاتحملش الدرااري الصغاار .. 

رعد (بثقة) اااه مكانحملهممش ..

نسرين : وشكون للي عينيه كايلمعو فاش كايشوف شي دري صغير و قلبوو كاايفرح وكايجري لعندو و يطرح علييه جمييع الاسئلة ... ( ابتاااسم بعيون لامعة للفرااغ) بحاال هكاا كاتولي... شوف شوف عينيك كيف كايلمعو دباا .. هاكا ايوقع ليك فاش تشوف ولدك و مع المدة تولفو وتقبلو .. ويولي عزيز عليك و غاتفرح فاش يعيط ليك بابا.. مع المدة كلشي يتصلح .. هي كاتكلم و هو غير كايسمع ليها ماجاوبها بواالو كاايشوف فاللاشيء لكن كلاامها رتحوو ...ابتاااسمااات بحررقة... يالاه نخلييك دباا تهلى فرااسك ...

رعد : مانتعطلش اعمري.. 

نزلاات من الطموبيل للي طلع بابها الفوق حتى خرجاات و رجع بوحدوو داخلة مع الباب بلاماتلفت لييه مشبكة يدها فبعضياتهم بارتبااك و حاذرة راسها بحال شي طفلة صغيرة كاتعاقب على ذنب فالاصل ماذنبهااش ... جمعاات فمهاا حابسة راسها من البكاااء للي متأكدة غايتبعو نحيب طوييل ... بلاما ترد البال لمناداة الخادمة ليهاا طلعات فالاسنسور لبيتهااا ... مإن سداات على نفسها الغرفة تكااات على الباب و طااااحت للارض فااشلة كاتبكي بهيييستيييرياااا... يااااربي عااااونيي ياااربي صبرنييي ياااربي حيييد الغيرة من قلبييي ياااربي اناااا ماشي حسدتهااا على الولد اهئهئ كون كان ليا الخير فالاولاد كون راا كتبتييهم ليااا .... ياااربي اناااا راااضية بقدرك يااااربي غفر واسمممح ليياا على قلة صبرييي يااااربي بعد عليياا وسوسة الشيطاااان ااااهيئهئهيئ يااااربي بررررد هاد الللعاااافية للي فقلبيي ياااربي ريحني من العذااااب 😭😭😭😭 ... كاتبكي بجميع جوااارحهاا... كاتحس بالعاافية شاعلة فقلبها و فساائر جسدها.. ألم ..ضياااع.. حرقة ماعرفاتش كااع شنو هادشي لكنه أللللم بكل ماتحمله الكلمة ... بقات بنفس الوضعييية العشية كاااملة حتى سمعاات المغرب كايأذن عااد ناضت بدلات عليهاا .. توضات و صلات و ف ركعاااتها دعات ربي يصبرهااا ... تمشات بخطوات ثابتة لسريرهاا تكاات و شعلات التلفازة تبدل بيهاا الجو بقاات كاتفرج حتى غفااات أنييين امتلك نومهاا وكأنها حاملة ثقل الجبال و كأنها طفلة تعرضاات للضرب المبرح و فاش غفاات ترجماات بكاهاا على شكل تنهيداات طوااال... مكاتفيق الا على صوت الدقاان للي تبعو دخول الخدامة ل عندها طلباتت منها تنزل تعشى مع العائلة .. 

نسرين(كاترمش فعينيها المنفوخين بالبكى) : جا رعد.. 

الخدامة : ااه هو للي سيفطني لعندك .. كلهم كايستناوك فالطبلة.. 

نسرين : (كاتمسح فوجهها باش تصحصح بصوت مبحوح) اوك سبقيني انا جاية.. وقفات كاتشوف راسها ف المراايا لابسة كسوة طويلة بكماايمهاا تليق انها تعشى بيهاا بلاما تبدل... جمعات شعرها على شكل ذيل الحصاان و دخلات للدوش غسلاات وجههاا بلامادير حتى حااجة تخبي الوجع للي بااين فملامحها... دخلات للغرفة الاخرى هزات صندالة و نزلاات فالدرووج بملل... كون مااخافت تلفت الانتبااه ماتنزلش تعشى من اصلو وقفات فالدرجة الاخيرة كاتشوف فيهم مجموووووعييين كااملين السي عبد العزيز جالس فرأس المائدة كعادتو ... ورعد جالس فالكرسي الاخر مقابل معاه... فهد و وعد وسعد فجنبو مقابلين مع وائل و ونهال و يونس... فجنبهم السيدة فاطمة و السي صهيب مع ياسر و نهى و السي عماد ماكااان ناقصهم حتى وااحد .. كيف ماشافت السيدة ليلى جالسة الى جانب السي عبد العزيز.. قرباات للكرسي للي بان ليها فارغ فالزاوية حدا رعد و جنب فهد... جلسااات بعد ما القت التحية على الجميييع ... للي كانو ماراضينش البال لوجودها بكثرة شوشرتهم و ضحححكهم على فهد ... 

سعد : تااا اش وقققققع ليك الاجتماااع مااابقيتي كاتحضر ليه الا اذا كانت مديرة الاعمال خديجة اليازيدي... كون درتيهاا مساااعدتك الخاصة و هنتينيااا.. 

وائل : بقااات ف يخخخ مععععقدة و مريييضة 

صهيب : كاااع للي يبداها بالمنااgرة يستليها بالزوااج... 

فهد : كحح كححح لااا اصهيييب مزااال ما وصلت لداااك السطاااج... 

يوونس : اتوووصل لييه... 

فاطمة : خااصنا نزلو المغرب نصااايبو التكاااشط من دبااا .. 

السيدة ليلى : مشاااااء الله كبروو العزااابية و صاار بدن يتزوجوو... 

السي عبد العزيز : الياازيدي كاان راجل معقووول الله يرحمو ولكن ماشي لدرجة ولدي فهد يتناااسب مع ديك العائلة ... 

فهد : جدي بنتو ضرييفة ولا علاقة بعمهاا وولادو... 

نسرين (شافت فرعد بخوف من كلام جدو هو للي كان شااارد ماسمع واالو من كلامهم )

السي عبد العزيز : يالااه بسم الله .. 

سعد : نااكلوو خلااص باش نشوفو علاش جمعنااا السي رعد...

نسريين فبلااصتو قلبهاا هااايسكتتتت خصوووصاا فاش سمعاات السي عبد العزييز تكلم بجدية على عائلة اليازيدي ... كاتشووف فيهم واحد بوااحد و ترجع تلعب بداك الطبسيل عكس رعد للي كاياكل عااادي ماعلابااالووش ... لهاد الدرجة جرييئ باش يخبر عائلتو فرمشة عين بكلام صادم بحال هذااا ... كيف غايكون رد فعلهم... لمحاتهم سالاو الماكلة ... 

الجد : بصحتكم.. 

فهد (بفااارغ الصبر ) : اشش كاااين ارعد اتيينا ماعندك.. 

رعد(حط ظهرو على الكرسي بارتياح) : تلاقيت براائد اليازيدي قبل من زوج سيمانات هادي.. 

صهيب : يااك شي باس مكاين اش بغا منك ... 

رعد : بغا يgولياا را عندو ولدي مربيه هادي 4سنين.. 

الللللكل هز راااسووو بعدم استيعااااب... 

الجد : كيفااش ؟؟!...

رعد : ليلياا ختو حملت مني (ماحاولش يشرح ليهم شكون ليليا لحقااش حتى جرييدة ما سمحاات لنفسها ماتكتبش علييهم ... خصووصا ان ليليا كانت فكل مرة كاتنزل اخباار علاقتها ز كيفاش كاتعيش حياتها اليومية مع الامبراطور )

وعد : بلاااتي بلااتي ليليااا عارضة الازيااء المشهوورة خت راائد اليازيدي 

رعد : ااه ختووو.... 

الجد (باختنااق حاول يفك صدفة قميجتو .. و يستوعب كلاام رعد للي نزل علييه بحال الصاعقة... ) كيفاااااش نتاااا وااالد و مع من اااش جاااب رااائد لييك... 

رعد : كنت على علااقة مع ختو و فديك الفترة فاش تفارقنا حملت مني...

ياسر : و دبا الولد ولا عندو 4 سنين... 

صهيب : عااد جااييين يقولوهالك نتااا تيقققتي... 

رعد : لحقاش التحااليل للي درنا خرجات ايجاابية .. انا بات الولد... 

الجددد ناااااااض بعصبيبببيية... وبلاااا حيااااا بلاااا حشمة كاتقوووووول فييييهاااا بووووجهككككك حمممممر هاااااا... 

رعد : مااعندي مانخبي عليييك... الولد ولدي مغاديش نكرووو

ناااضووو كااملييين كايحاولو يمسكو الجد للي كاااان مععععصب لاقصى درجة

الجد : مزيااااااان مزيااااااان تباااااارك الله هااااادشي للي بقى خاااااص يولييي عندي حفيييييد من عااااائلة اليااااازيييدي ماااخليتيييي حتى كاااارثة ماااوقتيعاااش فوووق ريوووسناااااا بقى غييير تجيييب ولد الزنقة ... وتعطيييه نسبناااا... 

رعد : هذاااااك ولدي و غااايهز سميييتي... 

الجد : دييمااااا كاانقووول الحمدلله للي بااااك مااااات قبل ماااايشووووفك و لكن دباااا كاانقول كووووون متتتت متتتتت و مانشووووفش هاااد النهاااااار... 

الكل خرج عينيه فكلااام الجد للي كان قاسي كثر من المتووقع... 

رعد : مابززتوووش علييك ... اناا علللمتك قبل ماتسمعهااا من بلااصة اخرى والى كاانو نتااا كايخوفووك عائلة اليازيييدي انا 10 منهم مغايخوفووونيش... 

الجد : لااا لااا مزيااااان هااادشي للي بقااا اجييي ضرررربنييي ضرررببنييي وقووول نتااا للي يكوون وللي مااايكووونش... 

رعد شد رااسو بعصببببية و اننننسسسسحب فااش خبببط داااك الكرسيي

الجد : فيين هااااارب 

رعد : فااااش تبغييي تهضر بحااال النااااس غاتلقاااني كااانسمع ليييك... 

الجد : حتتتى تكوووون نتاااا بحاااال النااااس ... شفتييي شفتي طريييق الحرااام فين وصلاااتك شفتي علاااش كانقووولك تبع وصية بااااك ... اليهوووود ارعد اليهووود و مادااروووش هادشي للي درررت نتتاااا... تبعتي طريييق الكفااااار و الشراااب والوشااام و الكاااارو مااادرتيييش بوجه رربببببك دير بوجه خدمتتتك ووصية المرحووووم... علااااش كاااتكرره ليهوووود ونتااا عااايش كثثثر منهم ... 

رعد : عندك الحق.. 

كللللشييييي داااار عندووووو باستغرااااااب حتى من نسرييين تصدماااات فييه... 

رفع يدييه باستسلاام ... ندمتتت ندمت على اللي فاات ... وندمت على الحرااام للي عشت فيه حياتي كاملة و عارف بلي مانستاااهلش نكوون حفيدك ولا نكمل فبلاصة الوليد لحقاش مكانتشاابه معاه فواالووو عاارف خرجت عكسكم كاااملين كلكم تبعتو طريق الله و بنيتو حياتكم فالحلال ... من كبيركم حتى لصغيركم ... ولكن هاا انا قداامكم كانخلص الضريييبة و كاندفع ثمن هاد الاغلاااط للي درت و كاتخلصهم معايا نسرين للي ماذنبهااا واالوو... جلس السي عبد العززييز فالفتوووي بهدووووء... 

الثمن غااالي ارعد غااالي... شنوو درتي مع البنت !!؟.. 

رعد (بنفس الهدووء جلس مقابل مع جدو فالصالون للي حدا الطبلة ديال العشا) مادرت والو.. يالاه ليوم شفت التحاليل... 

السي صهيب و عماد مع ياسر شافو فيعضياااتهم كااان واااضح بالنسبة ليهم شنوو غايوقع... 

الجد : هي مزوجة والدة مع شي حد اخر..!!؟ 

رعد (بعدم استيعااب ) لااا 

الجد : هذاا من فضل الله... 

نسرين حساات بركاابيهااا فشلووو.... جلسااات فالكرسي دياالهاااا كاتسنى اش بغاا ينطق...

الجد : سمحيلياا ابنتي نسريين ولكن هادشي للي غانقول جا فوق جهديي .. 

من قواانين القصر للي دخل ليه مكايخرج منو غير القبر.. و حتى فاش باك ارعد كان مزوج ب ديناا بنت عمتو وااخة كان مكايبغيهااش مافرقهم غير القبر .. لحقاش فعائلتنا الطلااق ممنوع و الى مشاات المراا حتى تزوجاات بولدنا و ولدات معااه ووقفو على الطلاق مستحييل تزوج بشي حد آخر باش نسبناا و سلالتناا تبقى نقية... هاادشي أكيد كاان عاارفو رائد هذاا علااش ماخبركش بالولد باش ختو تعييش حياااتهاا... ولكن غااالبا فااش تهدد من قبل الموسااد خاف على ختو ولدها و بغا يوضعهم فرقبتك ... 

رعد : كاتعني نتزوج بليلياا ولا نمنعها حيااتها كاملة ماتتزوجش بشي حد من غيري بااش ولدي اناا مايكونش عندو خووه من مو... 

السي صهيب : ااااه ارعد ولدك وللدك غااايجي واحد النهار و يهز خدمتك و اسمك و يتربى على يدك ... ترضى يكوون عندو خووه ولا ختو مااشي شقيقتوو خاارج على منظوومتنااا... 

السي ياسر : ماافكرتييش لهاادشي ... 

الجد : غدا عائلة اليازيدي غايجيو عندناا الغداا باش نلقااو شي حل وسط... 

رعد : ااشمنن حلل و نتاا كاتقووول نتزوووج ببنتتتهم... 

الجد : كانقول تزوج بأم ولدك للي غايولي واحد النهار هااز اسم الامبرااطور... ولدك للي حيااتو من هناا القدام ماساهلااش... ولدك للي خاص مو تكون فجنبو باش يعيش حياة طبيعية... 

نسرييييين مننن كثثثرة الصدمةةةة مااابقاااات عااااارفة شنووووو ديييير بلاااا مااااتحسسسس نفاااااجرااااات فوجم كاااامليييين... 

ااااااااشمن حيااااة طبيييعييية... ااشمن حيياااة اعمي عبد العزيز مزاااال ماااتقبلللت الربييب نزيييد نتققبل الضرررة ... ااشمممن حمااااق هذااا واش فنظرركم غاانققبللل نعيييش معااااهااا على من كاتهضرووو وااش على رعد يعني على رااجلي يتزوووج بمراا اخرى اييواا راا الصبرر للي حاااولت نتصنعووو بااش نتقبل ولد رعد تقادااا و الزوااااج بشي وحدة من غيييرييي عمرررووو مااايحلم بيييه الا اذاا متتت ... شافت فرعد والى عيينيييك تزووجهااا طلققنييي انااا ...

يتبع