مشينا سلمنا عليهم كانت البنت شهبة و شعرها طويل و لابسة سروال الدجين و شميز حمر و دايرة ميكاب
ميساء:اسرااء توحشتك اصاحبتي غبرتي
اسراء:حتا انا و الله
بقاو كيهضرو و يضحكو انا غي جالسا بيناتهم بحال شي زيزونة طلع ليا الدم نضت
ميساء:اروى فين غادة
انا:عيانة غنطلع نعس
ميساء:وااخا
طلعت ضربها بنعسة مني فقت متيت هزيت مرام من البيت و نزلت لقيت صقيل فدار دخلت الكوزينة لقيت غي دادا و خالتي سلوى
انا:خالتي فين هي ميساء
سلوى:راه خرجات هي و اسراء و جابر
انا:اه اوا مزيان
طلع ليا الدم علاش مجاتش عندي ميساء قالت ليا واش تخرجي معانا و لا حيت شافت اسراء و نساتني و لكن صافي قررت حتا انا غنولي ندير لي قالها ليا راسي
صايبت لمرام رضاعة و كليت انا شي حاجة و خرجت لصالون شعلت التلفازة و ڭلست مرام على رجلي و بقيت كنلعب معاها حتا سمعت الهضرة و الضحك عرفتهم غيكونو جاو شوية دخلو لصالون
ميساء:انا و نتي و اسراء و جابر و ادم و لي خدامين فالشركة
انا:مزياان، غدا نخرجو نشريو داكشي لي غنلبسو
ميساء:اه صافي نفطرو و نمشيو لمول نتغداو تما و نشوفو داكشي لي خاصنا
انا:صافي واخا
سالينا الهدرة ديالنا و ديت مرام نعستها و هبطت الكوزينة نشرب بانو ليا داخلين كيضحكو و مشادين خنزرت فيهم و زدت
طلعت لبيتي نعست فقت الصباح لبست حوايجو و درت ميكاب و هبطت لقيت ميساء حتا هيا لابسة حوايجها
انا:نديو معانا مرام ولا بلاش
ميساء:بلاش باش نضورو على خاطرنا
انا:اوكي
خرجنا لقينا شيفور كيتسنا وصلنا و مشا
دخلنا درنا شوية حتا وصل وقت الغدا و ڭلسنا فطاكوس
تغدينا و نضنا نضورو دخلنا لواحد البوتيك ختارينا لي غوب سواغي و فولارات ديالهم و طالون و مشينا شرينا الميكاب و خرجنا لقينا الشيفور كيتسنا رجعنا لدار رتاحينا و مشيت عند مرام هزيتها بدلت ليها و لعبت معاها شوية و نزلت لجردة لقيت جابر و اسراء كيعومو فالبيسين و كيضحكو
انا:(فخاطري) تهجروه
مشيت لزعلولة لي كينا فالجردة لعبت مرام و لعبت حتا انا و دخلت لدار
هكا دازو هاد الأيام حتا وصل نهار الحفلة
انا:معاش غادي يبدا داكشي
ميساء:مع 8 ديال ليل
انا:مزيان ، اوا نوضي يلاه نوجدو راسنا
لبسنا لي غوب ديالنا و درنا ميكاب و هزيتا لي بوشيط و نزلنا لقينا الشيفور كيتسنا ركبنا معاه وصلنا لبلاصة لي فيها الحفلة دخلنا كانت قاعة كبيرة دايرين طوابل عاليين غي كيوقفو حداهم و دايرين بوفي في جميع انواع الاكل
كانت القاعة عامرة بناس مرموقين باينة رجال و نساء اعمال غير من اللباس الراقي ديالهم
وقفنا حدا واحد الطبلة شوية بان لينا جابر داخل شاد فإسراء كان لابس بدلة سوداء و قميجة بوردو و هي كانت لابسة غوب حمرة لاسقة و فيها فتحة فجنب
جاو سلمو علينا و بقاو كيهضرو و انا غي ساكتة
انا:(فخاطري) تفو على حقير غير ديك المرة تابعني الكافي و دابا شاد ليها فايدها
اسراء:اروى شفتك ساكتة
انا:(ضحكة صفرة) ماكين مايتقال
وفق ادم و واحد الراجل سمر و عندو اللحية مقبول سلمو علينا و داك الراجل بقا كيشوف فيا
شوية طلع جابر لقى الكلمة ديالو و هبط و ديك ساعا بدات الحفلة ديال بصح طلقو الموسيقى جابر مشا يرقص هو و اسراء و ميساء هي و ادم و انا بقيت واقفة بوحدي حتا وقف عليا هدا الراجل
الراجل:تسمحي ليا بهاد الرقصة
انا:(فرصة نيت نتاقم من داك الحقير) واخا
مشينا لحلبة الرقص و جابر بقا كيشوف
الراجل:المهم انا سميتي ماهر عندي 30 عام مدير ديال شركة تصدير
انا:متشرفين انا اروى عندي 20 عام و مزالا كنقرا
ماهر:مزيان الالا
بقينا كنهضرو هضرة عادية حتا سلات الأغنية و كل واحد رجع بلاصتو
وقفنا انا و ماهر كنهضرو و مرة كنشوف فجابر كنلقاه كيخنزر فيا
ماهر:(بتاسم) باينة فيه كيبغيك
انا:هااا اا شكون؟
ماهر:جابر
انا:لي كيبغي كيسامح و كيسمع ليك
ماهر:شحال ما بقا غيسامحك
انا:دابا راه لنا لي خصني نسمح ليه على هادشي لي كيدير
ماهر:ههههه حتا انا مريت من نفس تجربة
انا:و مزال مع بعضياتكم؟
ماهر:(بحزن) لا
انا:ااه سمحليا
ماهر:ماشي مشكل ولفت
بقينا واقفين كنهضرو شوية طلبت منو الإذن و مشيت الحمام وصلت لواحد المرر خاوي يلاه غندخل لحمام جرتني شي ايد ضرت لقيتو جابر
انا:اييه طلق مني
جابر:لاا لاا نتي مبقيتييش كتحشمي
انا:وا ماشي سوقك اعباد الله، حلال عليك و حرام عليا
جابر:(كيضحك) هههه كيفااش راه انا لي خاصني نسمح ليك على داكشي لي درتي بعدا
انا:سمح و لا متسمحش مبقاش كيهمني
حيدت ليه ايدو و دخلت الحمام سديت الباب بالزربة
ضرب ايدو بجهد هع الحيط
جابر:(كيغوت) اوا نشوفك واقفة معاه و ديك الساعة غتولي هضرة اخرى
مجاوبتوش خليتو حتا مشا عاد خرجت عاودت الميكاب و رجعت
انا:سمحليا تعطلت عليك
ماهر:لا ماشي مشكل
درت نشوف جابر لقيتو كارز على ايدو و وجهو و كيشوف فيا
ماهر:لا نتي واقلة باغاني ناكل العصا
انا:ههههه علاش
ماهر:شوفيه كيفاش كيشوف فيا
انا:خليه مزيان نيت اصلا مغيقدر يدير والو
بقينا كنهضرو حتا كيبان ليا ماهر مصدوم و كيشوف فبلاصة وحدة، مني درت لقيتو كيشوف فواحد البنت قصيرة و شعرها اسود و لابسة كسوة تحت الركبة شوية لونا ابيض، البنت حتا هي بقات كتشوف فيه، فهمت بلي هي البنت لي عاود ليا عليها
انا:سير عندها
ماهر:هاا لا مغاديش تسمحليا
انا:انا متأكدة غادي تسمح ليك شوف كيفاش كتشوف فيك غير سير عندها
انا:مكين لاش تشكريني انا درت غا الواجب، الله اخليكوم لبعضياتكم
ابرار و ماهر:اميين
بقينا وافقين كنهضرو حتا سلات الحفلة، تبادلنا الأرقام باش نبقاو على تواصل
انا:يلاه نخليكوم و تهلاو فبعضياتكم
ماهر:ضروري، و رطبي قلبك شوية
انا:هههه واخا ان شاء الله
مشيت عند ميساء و ادم هو لي وصلنا لفيلا
طلعت لبيتي حيدت الغوب بقيت بدو بياس تحل الباب درت لقيتو جابر
انا:اويليتوحشتك:(كيقرب) و الى مبغيتش
انا:(كنرجع لور) واش حماقيتي راني عريانة
جابر:(حط ايدو على حنكي) راسك قاصح ااه ًزعمة هضرت و مكتسمعييش والو
انا:ااا اصلا ماشي سوقك
حط ايدو على ظههري و جرني لعندو
جابر:(كيشم شعري) توحشتك
بقيت غير كنشوف فيه
جابر:و نتي متوحشتينيش
انا:ااا لا متوحشتكش اا يالاه سير فحالك
جابر:متأكدة
انا:ااه
جابر:احنا غنشوفو
خشا صباعو وسط شعري و جرني لعندو و هبط لفمي كيقبل فيه بلهفة حتا انا تفاعلت معاها واخا منعت راسي فاللول و لكن مقدرتش نقاوم، بقينا هاكاك و ايدو كتسارا فالجسم ديالي حطيت ايدي ورا عنقو و جريتو لعندي، بقينا هاكاك شي عشرة الدقايق
جابر:شتي حتا نتي توحشتيني
انا:يخ على حقير
جابر:(كيضحك) ااح عليك كتحبيني
انا:(كندفع فيه) خرج خرج فحالك صافي
جابر:(عنقني) واخا تصبحي على خير احبيبة
و خرج فحالو
انا:(كنشير بالمخاد) ييخ ييخ وااع
فقت الصباح على شي واحد كيبوس فيا حليت عيني لقيتو جابر
انا:ولا عباد الله و خليني نعس
جابر:لاا نوضي نوضي الكسولة
انا:(كنتغبن) الله انتاقم منك على هادشي لي كدير فيا
جابر:وا تي نوضي باراكة من الفشوش باش نخرجو
انا:فيين
جابر:نفطرو على برا
انا:واخا واخا يلاه خرج خليني نبدل
جابر:غا بدلي قدامي مالك حشمانة
انا:(كندفع فيه) خرج خرج
جابر:ههه واخا واخا
خرج جابر نضت دوشت و لبست حوايجي و درت ميكاب و مشيت عند مرام بدلت ليها الكوش و لبستها كسيوة غوز و هبطت لقيت غي جابر
انا:فين خالتي و ميساء
جابر:راه باقين ناعسين
انا:اه واخا يلاه
جابر:كيفاش و مرام فين غادا بيها
انا:غنديوها معانا
جابر:لا بغيت نبقا انا و ياك راس فراس
انا:لا هدا هو شرطي الى بغيتي نخرج معاك
بقا غير كيشوف
جابر:صافي زيدي زيدي
خرجنا ركبنا فالطموبيل و بقينا غادين حتا وقفنا فواحد الكافي حدا البحر
هبطنا من الطموبيل جابر هز مرام و شد ليا فايدي
انا:طلق ليا ايدي
جابر:مالك عنيدة ،سكتي شوية
دخلنا ڭلسنا خدينا داكشي لي بغينا و بقينا كنهضرو عادي حتا صونا تليفوني
انا:الو مروان صاڤا؟
مروان:صاڤا الحمد لله
جابر عقد غوباشتو
انا:اش درنا فالبروجي مزال
مروان:نتلاقاو فالعشية
انا:صافي واخا مع 5 فالكافي ديال ديك المرة
قطعت معاه
جابر:لا و الله ما بقيتي تحشمي
انا:علاش مالي اش درت
جابر:كتديري رونديفو مع دري قدام و مديرة واالو
انا:راك سمعتي بودنك على قبل البروجي ماشي حبا فيه
جابر:عاودي عيطي قولي ليه يجي لفيلا باش تبقاو تحت عيني
انا:لا حاتا لهنا و حبس زدتي فيه ااو بصفتك شكون تبدا تعطيني الأوامر ما نتا بابا ما نتا خويا ما نتا راجلي
خرجنا من الكافي و ركبنا فالطموبيل الطريق كلها و حنا ساكتين، مزيان نيت اجمع راسو شوية لا يسحابي شايطة
وصلنا لفيلا هزيت مرام و دخلت لقيت ميساء يلاه كتفطر
انا:الكسولة يلاه فايقة
ميساء:اختي راه عييت مع السهرة ديال البارح
انا:هههه اوا بعدا عجبك الحال شفتي حبيب القلب
ميساء:اااح متفكرينيش مكرهتش دير العرس من غدا
انا:هااي هاي على سيدة مبقيتيش تحشمي
ميساء:دارها الحب لما انا غيي حشومية
انا:اممم احياني عليك، اصلا مبقاش بزاف على العرس مكاملاش شهرين
ميساء:انا دابا كنفكر غير فالحريرة ديال البروجي حتا نفكها و ديك ساعة نشوف التوجاد ديال العرس
انا:اوا الله يدير لي فيها الخير
ميساء:امين
بقينا ڭالسين شوية هبطت إسراء هي و خالتي و هازا باليزتها
سلوى:صافي سخيتي بينا
اسراء:اوا اخالتي راك عارفة الخدمة
ميساء:صافي غادا
اسراء:اه احبيبة
سلمات علينا و جرات باليزتها
اسراء:ااه و متنساوش عرسي من هنا شهر عنداكوم متجيوش
سلوى:لا غنجيو ان شاء الله
بقيت غير كنشوف يعني جابر كان غير كيمثل و لكن مزيان يستاهل داكشي لي قلت ليه
مشات اسراء و بقيت ڭالسا انا و ميساء كنتفرجو فالتفازة و شادة مرام فايدي حتا وجد الغدا و عيطت علينا دادا مشينا نتغداو
انا:ميساء تمشي معايا فالعشية
ميساء:فين
انا:غنتلاقا بمروان و جنات
ميساء:صافي واخا
بقينا ساكتين حتا هضر جابر
جابر:الواليدة
سلوى:نعام اولدي
جابر:بغيتك تمشي معايا نخطب واحد البنت
انا:(وحلات ليا) كح كح
ميساء:بسم الله عليك
سلوى:هااي هااي و شكون هاد البنت
جابر:حتا لمن بعد و نقول ليك
سلوى:واخا اولدي
تغدينا و طلعت نعست مرام و مشيت تكيت حتا وصل الوقت و نضت لبست حوليجي و مشيت عند ميساء
انا:يلاه
ميساء:واخا
خرجنا شدينا طاكسي و مشينا الكافي لقيناهم باقين مجاوش بقينا كنتحتو حتا جاو سلمو علينا و ڭلسو هضرنا شوية و قادينا البروجي و تهنيينا منو
انا:امتى غنقدمو البروجي
جنات:السيمانا الجايا
انا:اووف و اخيرا غنشدو الديبلوم
ميساء:واييه
بقينا ڭالسين حتا بدا كيضلم الحال عاد رجعنا لدار
دخلنا لصالون ڭلسنا لقينا خالتي و جابر
جابر:الوليدة اجي تشوفي البنت لي قلت ليك
جبد التلفون و بدا ميوريها شي تصاور
سلوى:تبارك الله زوينة، امتى كتمشي تخطبها
جابر:من هنا لزوج سيمانات
سلوى:اهاه ان شاء الله
ميساء:انشوف التصويرة
جابر:حتا لمن بعد
ميساء:واخا
طلعت لبيتي و خليتهم بدلت حوايجي و تلاحيت نعست
فقت الصباح غسلت وجهي و هبطت التحت نفطر صونا تلفوني
انا:الو
ماهر:الو اروى
انا:ماهر صاڤا؟؟
ماهر:بيخر الحمد لله
انا:كيف حال ابرار
ماهر:بييخر و راه عيط ليك حيت خارج انا و ياها و بغيناك تخرجي معانا
انا:بصااح، اوا صافي جيو عندي لفيلا باش نمشي معاكم
ماهر:صافي واخا
انا:معاش بعدا؟
ماهر:مع ال1
انا:صافي واخا مني توصل صوني ليا
قطعت معاه، هادشي كامل داز قدام عيون جابر و ميساء
كملت فطوري و طلعت عند مرام دوشت ليها و لبستها حوايجها و ديتها معايا لبيتي حتا وصلت الوقت نضت لبست حوايجي و ديتها لميساء
انا:ميساء خلي حداك مرام
ميساء:واخا احبيبة
صونا ليا ماهر هبطت عندو كان فالطموبيل هو و ابرار طلعت سلمت عليهم و زدنا بقينا غادين كنتحتو و كنضحكو حتا وصلنا لواحد الكافي خارج المدينة دايرة بحال الفيرمة، دخلنا ڭلسنا فواحد الطبلة وسط الطبيعة
ماهر:(شد فايد ابرار) عرسنا السيمانا الجايا
انا:ياااه اوا مبرووك
ابرار:الله ابارك فيك احبيبة
ماهر:جي نتي و جابر
انا:مخاصمين
ماهر:من ديك المرة؟
انا:لا تصلحنا و تخاصمنا قلتلو حتا تجي تخطبني و ديك ساعا نهضرو
ماهر:هههه شرييرة معا راسك
ابرار:لا عنداك احبيبة عبرتي عليه
انا:ههه يستاهل
دوزنا النهار زوين تغدينا تما و تسار و من بعد وصلوني لدار دخلت كنسمع الهضرة بزااف فالصالون
دخلت لصالون لقيت شي ناس تما معرفتهمش سلمت عليهم و ڭلست و من هضرتهم غرفت بلي كيجيوهم من العائلة كانت مراة و زوج بنات و دري
شوية عيطات دادا و قالت لينا بلي طبلة ديال العشا وجدات نضنا كاملين تعشينا و سالينا
ميساء:يلاه نخرجو لجردة نشدو السهرة
خرجنا لجردة
ميساء:نعرفكم على صاحبتي اروى و فنفس الوقت هي المربية ديال مرام
ميساء:المهم خليونا من هادشي اشنو رأيكم نلعبو صراحة و حكمة
ياسين و عبير:حنا معاك
ميساء:جابر غتلعب؟
جابر:لاا
انا:انا غنلعب
جابر:صافي حتا انا لاعب
ضرت خنزرت فيه
غزلان:(كتعوج) حتا انا لاعبة مني جابر حتا هو لاعب
انا:اووه سي با ڤغي
لاخرين حبسو ضحكة
ميساء:المهم نبداو
دورنا القرعة المرة اللولة جات و ميساء
ميساء:كتبغي شي بنت؟
ياسين:(شاف فعبير بنص عين) اه
ميساء:شكون هاد البنت
ياسين:عندك الحق فسؤال واحد
دورنا القرعة
جات فغزلان و جابر
غزلان:مكتفكرش تعاود التزوج
جابر:قريب ان شاء الله و غتحضرو لعرسي كلكم
غزلان: ممم اوا مزياان
بقينا لاعبين عادي حتا تحرك البرد
انا:يلاه نطلعو تحرك البرد
ميساء:واخا
عبير:اجي شنو رأيكم نمشيو البحر غدا
ياسين:بصح فكرة زويينة
انا:اه صافي نفطرو و نمشيو
ميساء:صافي واخا
طلعنا نعسنا
فقت الصباح غسلت وجهي و لبست كسوة بيضة بالكمام و فولار سومو و كلاكيطة و هزيت صاك ردت فيه لاكخون و برونزاج و هزيت فوطة و مشيت لبيت ديال مرام جمعت ليها شي حوايج و لبستها مايو دوبياس كحل و لبستها كسوة من الفوق و هبطت لتحت لقيتهوم عاد كيفطرو ڭلست كليت او وكلت مرام
ميساء:غتدي معاك مرام؟
انا:اه ضروري و الى مديتش هاد الفنون شكون غندي
عبير:هههه يا ختي شحال فنة هاد البنت
فطرنا و نضنا خرجنا
ميساء ركبات مع جابر و عبير مع ياسين
ميساء:اروى ركبي معانا
انا:لا غنركب مع ياسين
غزلان:انا غنركب معاكم ا ميساء
جابر بقا كيخنزر(كانت لابسة واحدة الكسوى قصييرة)
شدينا الطريق خدمنا الموسيقا بقينا كنشطحو حتا وصلنا
نزلنا من طموبيل و هبطنا هزيت مرام و صاكي هبطنا لرملة تلوات ليا رجلي
انا:ااي
جا عندي جابر
جابر:اري نهز مرام و صاك لي هازا
انا:لا شكرا
جابر:ااري و باكة من قصوحية الراس
عطيتو مرام و صاك و مشينا ختارينا البلاصة لي عجباتنا و كلسنا حيدت لمرام الكسيوة و خليتها بالمايو و ديك العوجة ديال غزلان حيدات الكسوة لي لابسة و بقات بمايو غوز انا حسمت فبلاصتها تكات فوق الفوطة ديالها حدا جابر
غزلان:جابر عفاك دهن ليا الاومبر فظهري
جابر:قولي لعبير دهنو ليك انا مامساليش
اااح عجبني فيها
بقينا ڭالسين كنتحتو
ميساء:جابر نوض جيب لينا الغدا
جابر:واخا شنو بغيتو
ميساء:جيب غي بيتزا و مونادا
ياسين و عبير:حتا حنا
ميساء:غزلان نتي شنو بغيتي
غزلان:انا غنمشي معاه
جابر:الا كنتي غتمشي هاكا غابقاي
ميساء:اروى نوضي سيري معاه نتي
اروى:واخا
هزيت معايا مرام، جابر كان لابس غي شورط زرق
جابر:اري نهز عليك مرام
انا:واخا
بقينا غادي و ناس كيشوفو فينا حتا جات عندنا واحد البنت
البنت:الله اخليكم لبعضياتكم و يخلي ليكم بنتكم كتحمقو تبارك الله
جابر:(شد ليا فإيدي) اميين
حتا مشات لبنت
انا:طلق مني
جابر:انا مقلت والو البنت لي قالت جينا مع بعضياتنا
مشينا شرينا البيتزات و المونادا و رجعنا مني قربنا نوصلو طلقت من يد جابر و عاود شد فيا
انا:طلق راه غيشوفونا
جابر:و من بعد و إيلا شافونا ياكما مراضياش بيا
انا:ماشي هكاك غير هو حشومة
بقا كيشوف فيا و طلق مني و زاد و خلاني تبعتو حتا وصلنا حطينا داكشي و ڭلسنا
انا:غنوض نعوم مرام شوية
ميساء:واخا سيري، حنا غنلعبو كورة
جابر:انا غادي نعوم
غزلان:تسنا نمشي معااك
جابر:كتعرفي تعومي
غزلان:لا، علمني
جابر:ماشي دابا مرة اخرى انا غنعوم لدااخل
هزيت الفوطة و نضت ديت مرام باش تعوم
جابر:يلاه نعومو لهيه خاوي
انا:انا مغاداش نعوم
جابر:واخا غي يالاه
مشيت معاه تما هو دخل يعوم و انا ڭلست فالرملة و حطيت مرام قدامي كيضربو فيها شي موجات صغار بقيت حاضية جابر حتا واحد الوقت مبقاش كيبان ليا تخلعت بزاف حتا غرغرو ليا عيني بالدموع و هو يوقف حدايا
انا:(كنضرب فيه) تفو تفو فين مشيت كسحاب ليا غرقتي
جابر:خفتي عليا احبيبة
انا:الله اعطيك حبة ڭالاك حبيبة
جابر:ياك واخا
قرب لعندي و عنقني
جابر:كنبغيك كتر متصوري
انا:انا مفهمت فيك واالو مرة تقولي كنبغيك و مرة نشوفك مع شي وحدة
جابر:كنبغي غير نفقصك و لكن نتي واالو مكتفهميش، انا حاس بلي مكتبغينيش كيف كنبغيك
انا:جابر دابا غزلان و عبير و ياسين شنو كيجيو بعضياتهم
جابر:شتي ديك المراة لي جات معاهم راه مامات ياسين و عبير غي مربية معاهم و غزلان بنت خالتي اخرى
انا:ااه اوا مزيان، عرفتي ياسين و عبير كيبغيو بعضياتهم
جابر:ههههه غي جاب ليك الله ميمكنش
انا:انا متاكدة و هانتا غتشوف
رجعنا لبلاصة فين ڭلسين لبست لمرام حوايجها و وكلتها عاد تغدينا حنا تكيت شوية و جابر و ياسين ناضو يلعبو كورة مع شي دراري، و حنا البنات بقينا ڭالسين عبير طار ليها شاپو مع البرد ناضت كتجري باش تجيبو وقف عليها واحد
م. ي:شوفي ابنتي غتجمعي حوايجك و غتمشي من هنا قبل مايرجعو
سلوى:اه بصح الا شدك جابر راه غيقتلك
مشات غزلان جمعات حوايجها و خرجات من الفيلا
نرجعو عند اروى
الطبيب:ندير ليك البنج اولا بلاش
انا:(كنبكي) منقدرش دير ليا البنج
جابر:ششش صافي
خيط ليا الجرحة و دار ليا الفاصما
الطبيب:خاصك تبقاي تبدلي ليها الفاصمة و ديري دوا
جابر:انا غندير ليها هادشي
طبيب:صافي مزيان
خرجنا من تما و جابر معنقني
ركبنا فالطموبيل و رجعنا الفيلا دخلنا لقيناهم كيتسناو
سلوى:امدرا اشنو دارو معاكم
جابر:راه خيطوها ليها
م.ي:الله يا ربي الله
جابر:فين هي ديك الكلبة
عبير:راه جرينا عليها
جابر:(كيغوت) علااش كان خاصني نتفاهم معاها هو اللول
سلوى:صافي اولدي الله يسامح
هرس واحد الڤاز كان قدامو
انا:(كنبكي) اهه اه صافي عافاك
جابر:(عنقني) ششش باراكا من البكا
جرني طلعنا للبيت تكاني فوق الناموسية و غطاني و حيد صباطو و تكا حدايا بقا كيدوز ايدو على شعري حتا نعست فقت صباح كنحس بشي واحد معنقني حليت عيني لقيت جابر نااعس عنقتو حتا انا و تخشيت فيه
جابر:فقتي المشة
انا:هههه صباح الخير
جابر:(باسني) صباح النور، نوضي باراكا من النعاس
ناض جرني للحمام غسل ليا وجهي و مشط ليا شعري
جابر:(عنقني) كنبغييك
انا:(درت عندو) حتا انا
باسني فراسي و جرني دار ليا زيفي و هزني
انا:اويلي راني غير مجروحة فايدي ماشي مهرسة من رجلي
جابر:انا بغيت ااو
انا:حشومة
جابر:اصلا راه قلت للواليدة كلشي لبارح و مكيهمني تا واحد اخر
حطني و مشا جاب بلاطو دار فيه الحليب و كرواصة و كيك
جابر:هاكي
انا:لا صافي غناكل بوحدي
جابر:لا انا لي غنوكلك
انا حشمت بقا كيوكلني و هما كيشوفو فيا
انا:صافي شبعت
جابر:كولي غي هادي صافي
انا:(كليتها) صافي باركة
ميساء:وليتي بحال شي بنت صغيرة
انا:هانتي تشوفي
جابر:و مالك نتي راك بنتي و ختي و حبيبتي
انا:(بشوية) اوييلي تا سكت شوية
جابر:علاش غنسكت، الوليدة قلت شي حاجة ماشي هي هاديك
سلوى:لااا اولدي
م.ي:الله اخليكم ديما هاكا
جابر:امييين
الكل:ههههههه
فطرنا و كل واحد مشا يقضي شغلو يلاه بغيت نوض
جابر:فين غادة؟
انا:غادة لطواليط و قول ليا غنمشي معاك
جابر:ههههه لا صافي سيري و جي باش نبدل ليك الفاصما
انا:واخاا
مشيت لطواليط و رجعت لقيتو جاب داكشي
جابر:ڭلسي
انا:ناري غنحرقني؟؟
جابر:شوية
حيد ليا الفاصمة و دار ليا الدوا
انا:اااح ضرني بزاف
جابر:صبري باش تبراي
كمل ليا دوا و دار ليا الفاصمة
جابر:صافي سليناا
انا:(بتاسمت) فين هي مرام
جابر:راه عند خالتي
انا:جيبها ليا عاافاك
جابر:خلي حتا نجيو و شوفيها
انا:علاش مالنا فين غادين
جابر:غنخرجو انا و ياك بووحدنا
انا:فين غنمشيو
جابر:مفاجأة، نوضي لبسي حوايجك باش نمشيو
انا:واخااا
طلعت لبست حوايجي لي عبارة على شوميز بيضة حد الركبة و سروال كحل و فولار بوردو و هزيت صاكي و خرجت عندو كان لابس بيل بوردو و سروال كحل
جابر:يلاه احبيبة
انا:هههه سير سير
هبطنا ركبنا فالطموبيل و شدينا الطريق بان ليا خرج على كازا بقينا غادين حتا وصلنا لواحد الفيرمة
دخلنا اديك الفيرمة كانت زوييينة بزاف
انا:ديالمن هاد الفيرمة
جابر:(عنقني من اللور) ديالنا كيف جاتك؟
انا:زوييينة بزااف
جابر:(شد ليا فايدي) اجي نوريك شي حاجة غتعجبك
بقينا غادين كانت جردة فيها بيسين و بزاف ديال الألعاب وصلنا لواحد الاسطبل دخلنا ليه كانو فيه شي احصنة بقينا غادين حتا وصلنا حدا واح الفرس اسود
جابر:كيف جاتك المفاجأة
انا:وااو واش هادا ديالي
جابر:ااه، سميها لي بغيتي
انا:غنسميها عشق
جابر:اممم سمية زوينة، شنو رأيك نديرو بيه دورة
انا:بصااح ،واخاا
ركبت و ركب مورايا جابر و بقينا كنتمشاو بيه وسط الشجر حتا وصلنا لواحد البلاصة فيها واد
انا:وااااو
هبطنا من فوق الفرس
جابر:عجبك ياك
انا:(ضرت عندو عنقتو) بزاااف شكراا
ڭلسنا تما و حطيت راسي على كتفو و بقينا كنهضرو
جابر:اروى عمري سولتك
انا:اشنو
جابر:عمرك بغيتي شي واحد قبل مني
انا:لاا و لكن منقولش ليك بلي عمر شي ردي عجبني
جابر:الإعجاب را حاجة عادية
انا:و نتا عمرك عاودتي ليا علا زواجك اللول
جابر:كانت بنت صاحب الوليد و هو لي قال غنخطبها ليك و انا مبغيتش نرفض ليه الطلب ديالو واخا مكنتش كنبغيها من بعد توفى و بقيت عند وعدي ليه وخا معجباتنيش البنت من بعد تزوجنا و حملات و ولدات و مع ذلك عمري بغيتها
انا:و هي كانت كتبغيك
جابر:لا حيت اصلا قلبها كان مع واحد اخر و انا معرفت هادشي حتا تزوجنا و حملات، من مورا مولدات مكانتش كتهتم بمرام واخا بنتها و لكن كانت رافضاها،و واحد النهار كانت خارجة بطموبيل ديالها حتا عيطو لينا قالو لينا بلي. دارة حادث و مني درت التحقيقات ديالي لقيت بلي الفران كان مقطع و انا متأكد بلي هي لي قطعاتو يعني نتاحرت
انا:و باش عرفتيها
جابر:حيت كانت فحالة اكتآب حااد يعني كارهة حياتها
انا:و هدشي فخبار كلشي
جابر:لا هادا حتافظت بيه ك سر و قلت ليهم بلي مجرد حادث سير عادي
انا:مسكيينة الله يرحمها وصلنا جابر:اميين
بقينا ڭالسين شوية و نضنا انا ركبت فالفرس و جابر بقا كيتمشا على رجليه حتا وصنا لفيرمة
المربية الجميلة الجزء الثالث
محتوى القصة
التنقل بين الأجزاء