المربية الجميلة الجزء الرابع

من تأليف Mariaam AO
2018

محتوى القصة

رواية المربية الجميلة

وصلنا لفيرمة ڭلسنا فيها شوية حتا بدا كيضلام الحال عاد رجعنا لفيلا، دخلنا لقيناهم ڭالسين كيتحتو كلسنا معاهم
ميساء:كيف دازت الخرجة؟ 
انا:(شفت فجابر و بتاسمت) زويينة
جابر:(حط ايدو على كتفي) فين هي الواليدة 
ميساء:راه مع دادا فالكوزينة
جابر:عيطي عليها 
ميساء:واخا
مشات ميساء تعيط عليها و حنا دخلنا ڭلسنا فصالون 
انا:علاش بغيتيها
جابر:بغيت نقول ليها شي حاجة مهمة
انا:اممم واخا
دخلات خالتي سلوى 
سلوى:ياكما كين باس اولدي
جابر:كل خير الواليدة، السمانا الجايا بغيتك تمشي معايا نخطب اروى
انا:(بفرحة) بصح!! 
سلوى:اوا مبروووك اولدي فرحتيني 
جابر:الله ابارك فيك الوليدة
ميساء:اروى شتي راه قلتها ليك 
جابر:اش قلتي ليها
انا:احم احم لاا والو
ميساء:صافي حتا نتي غا خليني نقول ليه
انا:لاا
جابر:(غوت) ميسااء قولي
ميساء:كنت قلت ليها نتي و جابر فتزوجو و قالت ليا لا مستحيل نتزوج بواحد متكبر و قبييح
جابر:(دار شاف فيا) واخا 
انا:لا راه و الله حتا شحاال هادا 
جابر:هي مكنتيش كتحمليني
انا:كنتي كتجيني حااس براسك و غير كتغوت 
جابر:و دابا
انا: دابا لا احم المهم راك عارف
جابر:لا معارفش
ميساء:هيه كون تحشم راه حنا حداك زعمة
جابر:و من بعد كنهضر مع حبيبتي ماشي من حقي
انا:صافي سكت احم 
سلوى:حماق ههههه ، المهم ابنتي عيطي لماماك علميها 
انا:ااه واخا 
نضت عيط لماما
انا:الو ماما
ماما:كيدايرة ابنتي لاباس
انا:لاباس الحمد لله و نتوما
ماما:بييخير
انا:ماما بغيت نقول ليك شي حاجة
ماما:ياكما كين باس
انا:لاا خبار الخير، السيمانا الجايا غيجيو فيا الخطاب
ماما:اوا مبروووك و شكون هو هاد الولد
انا:جابر خو ميساء
ماما:اوا مزيااان ابنتي
انا:المهم انا غدا عندي التقديم ديال البروجي و بعدو غيعطونا الديبلوم و نهار الخميس انا عندكم فالدار باش نوجدو لنهار السبت
ماما:واخا ابنتي يلاه بسلامة و تهلاي فراسك
انا:بسلامة احبيبتي

رجعت لعندهم 
انا:صافي هضرت مع ماما
سلوى:اوا مزياان ابنتي
انا:ميساء ناري انا مخلوعة غدا غنقدمو البروجي
ميساء:حتا انا غيير سكتي 
جابر:انا غنوصلكم غدا و نمشي لخدمة
ميساء:صافي مزيان
انا:فين خالتي و عبير و ياسين
سلوى:مشاو يشوفو شي ناس و غدا غيرجعو هنا
انا:اه كسحابلي مشاو بلاما يسلمو عليا هههه
ميساء:ههههه
بقينا كنتحتو شوية 
انا:انا غنطلع نبدل حوايجي و نجي
سلوى:واخا ابنتي سيري 
طلعت دوشت و لبست بيجاما و مشيت عند مرام لقيتها نااعسة و هبطت لتحت تعشيت و طلعت نعست 
فالصباح فقت غسلت وجهي و حكيت سناني و لبست حوايجي لي عبارة على سروال كحل كلاص و شوميز بيضة خشيتها فيه و لبس فوقها ڤيست كحلة و درت فولار ازرق و صباط عالي ازرق و درت ميكاب ،هبطت لقيتهم كيفطرو
انا:صباح الخير 
الكل:صباح نوور
فطرنا و خرجنا ركبنا مع جابر انا لقدام و ميساء لور وصلنا 
جابر:الله يسر ليكوم الامور
انا و ميساء:اميين
هبطات ميساء يلاه غنهبط انا جرني جابر باسني فخدي و بستو حتا انا عاد هبطت، دخلنا لمعهد لقينا مروان و جنات كيتسناو
جنات:اووف فيا الخلعة بزاااف
انا:حتا انا و الله
بقينا كنتسناو حتا وصل الدور ديال ميساء و جنات مشاو قدمو العرض ديالهم خرجو هما دخلت انا و مروان قدمنا العرض ديالنا و عجبهم بزاف خرجنا هن القاعة و بقينا كنتسناو باش يعيطو على الطلبة لي ختارو، تسنينا شوية و بداو كيعيطو بالأسماء عيطو علينا كاملين 
جنات:(عنقات مروان) و اخيييرا احبيبي 
مروان:هههههه
تعانقنا كاملين و بقينا كنغوتو بحال الحمقين هههه

رجعنا لدار فرحانيين 
ميساء:مامااا مااماا
سلوى:نعاام ابنتي 
ميساء:نجحنااا 
سلوى:اوا مبروووك ابنااتي 
انا و ميساء:الله ابارك فيك
ميساء:اروى شوفي نتغداو و نهبطو نعومو فالبيسين 
انا:واخا و نطلعو دغيا قبل مايجي جابر
ميساء:هههه واخا
مشينا تغدينا و طلعنا بدلنا حوايجنا و لبسنا مايوات و هبطنا انا لبست مايو 1 بياس و لبست فوقو شورط 
خرجنا من الباب كنجرييو و تلاحينا فالبيسين 
ميساء:ااااو 
انا:ههههه 
بقينا كنلعبو و نتراشو بالما حتا كنسمعو شي واحد تلاح درنا لقيناه جابر
انا:اويليي واش تسطيتي طلع فحالك راه حنا عريانين
جابر:اصلا راه قريب نشوف كلشي
ميساء:احم احم
طلعت فحالي حتا هو ذلع بان ليا جاي هربت بقيت كنجري و هو تابعني حتا شدني 
جابر:حصلتيي 
انا:لاا صافي عافاك ههههه
هزني لاحني فالوسط ديال البيسين شربت الما عاد جا هزني
انا:كح كح حرام عليك راه عارفني مكنعرفش نعوم مزيان
جابر:مزيان نيت باش تعلمي، اجي بعداا كيف بقات الضربة راه تجمعات و لكن باقا كضرني شوية
جابر:و نازلة تعومي شتي ضسارة 
انا:نسييتها و الله
جابر:(مخنزر)طلعي طلعي 
طلعت هزيت فوطتي تلويت فيها و طلعت كنجري دخلت دوشت و لبست بيجامتي يلاه غنبدا ندير دوا دخل جابر
جابر:اري نشوف داكشي كيف بقا
انا:لا لا صافي بلاش انا غنصاوب راسي
جابر:ااري بلااما تصعريني
عطيتو ايدي لقاها حمرة ر بحالا غتبدا تلتاهب
جابر:شتي تبرهيش. فين كيوصل
بقيت غير ساكتة مقدرتش نجاوب، دار ليا الدوا و الفاصمة 
جابر:المرة جيا ديري شي تصرف ماشي هو هداك غتشوفي شي حاجة مغتعجبكش
انا:واخا
جابر:يلاه هبطي تاكلي شي حاجة باش تشربي دوا
انا:انا دوا ناري لا مكنحملوش
جابر:الله يا ربي واش انا غنتزوج ببرهوشة، نوضي هبطي ڭالاك مكتحمليهش
هبطت كليت واحد الكيك و شربت عصير و خديت الدوا

مشينا كلسنا فالصالون و بقينا كنتفرجو حتا دخل ياسين و ماماه و عبير سلمو علينا و ڭلسو حتا وصل وقت العشا نضنا تعشينا و طلعنا نعسنا
فقت صباح لبست كسوة حمرة و درت فولار اسود و طالون اسود و درت ميكاب قوي و هبطت نفطر 
جابر:نقصي شوية من داكشي لي دايرة فوجهك راك غادا لمعهد ماشي لعرس
انا:اصلا ليوم الاخر غي خليني
بقا كيشووف فيا و ناض
جابر:يالاه نوضو نوصلكم
خرجنا ركبنا معاه وصلنا و هبط حتا هو
ميساء:غدخل معانا؟ 
جابر:اه بغيت نشوف داكشي كيف غيكون 
دخلنا كانت الدنيا عامرة و كلشي فرحان ڭلسنا فالقاعة حتا جاو الاساتذة و المدير و بداو كيعيطو بالأسماء و كيعطيو ديبلوم حتا وصل دور ميساء مشات خدات الديبلوم مني هبطات من المنصة لقات ادم كيتسناها
ميساء:(عنقاتو) وااو امتا جيتي؟؟ 
ادم:غير دابا قلت نديرها مفاجئة، مبروك عليك حبيبتي
جابر:احم احم
ادم:جابر صافا
جابر:الحمد لله
انا:اادم
يلاه غنعنقو جرني جابر
جابر:جمعي راسك شوية
بقيت غير كنشوف فيه حتا عيطو عليا، طلعت خديت ديبلوم و هبطت لعندهم 
جابر:(باسني فخدي) مبروك حبيبتي
انا:(حشمت خاصة مع ادم كاين) احم الله ابارك فيك
ادم:اروى مخبية عليا شي حاجة
انا:لاا و الله حتا عاد ول البارح قال ليا غيمشي يخطبني 
ادم:اوا مبرووك الالة، هي غنديرو عرس واحد
انا و ميساء:مكرهتش
جابر:اهااه و علاش لاا
انا:بصح اجابر
جابر:لي. بغاتها حبيبتي هي لي تكون 
انا:(عنقتو) شكراا بزااف
خرجنا من المعهد ودعنا ادم و ركبنا فالطموبيل، صونا تلفوني
انا:الو، ااه ماهر صافا؟ 
ماهر:الحمد لله و نتي؟ 
انا:بيخر
ماهر:بغيت غير نأكد عليك عنداك متجيش العرس غدا
انا:ناري و الله حتا نت ناسياه مزيان لي فكرتيني، لا متخافش نجي
ماهر:نتي و جابر
انا:صافي واخا غنقولها ليه و نجيو
قطعت معاه
جابر:اشنو كاين
انا:غدا عرس ماهر نسييتو، المهم غنمشيو انا و ياك
جابر:مم وخا حتا نشوف
انا:اوكي
ميساء:سيرو فوجو ليكم شوية 
انا:ضروري نمشي 
ميساء:اوا سيرو من دابا شوفي شنو غتلبسي
انا:ااه بصح، جابر عافاك دوز لشي محل ديال التكاشط
جابر:(بقا كيشوف فيا) واخا 

مشينا للمحل لي مولفين كنمشيو ليه و ختاريت تكشيطة سومو و مطروزة بالاسود 
رجعنا لدار لقينا كلشي ڭالس فالصالون
الكل: مبرووك عليكم الديبلوم
انا:الله اباارك فيكم
ميساء:شكراا
انا:انا غنطلع نبدل حوايجي 
طلعت لبست بيجامتي و عيطت لماما
انا:الو ماماتي
ماما:الو بنتي كيدايرة لاباس ؟؟
انا:الحمد لله، قولي ليا مبرووك الديبلوم
ماما:(كتزغرت) يو يو يو مبروووك احبيبتي
انا:الله يبارك فيك احياتي
ماما:فتجي غدا اولى الخميس
انا:غدا عندي عرس صاحبتي حتا الخميس عاد نجي
ماما:اوا الله يجيبك على خير 
انا:امين يلاه بسلامة
قطعت معاها و مشيت لعند مرام
انا:(عنقتها) اااح شحال توحشتك 
مرام:ههغغغ ماما
انا:الزينة الفنة
قلنتها لقيت لاكوش عاد مبدلة، هزيتها و هبطت
لقيت ميساء و جابر کيتسناوني باش نتغداو اما لاخرين تغداو قبل ما نجيو
ميساء:تعطلت من قبيلة و حتا نتسناو راه فيا الجوع
انا:ههههه الله امسخك
تغدينا و مشيت الكوزينة 
انا:دادا فين الماكلة ديال مرام
دادا:يلاه عطيتها تاكل ابنتي
انا:اوا صافي شكراا
داز نهار عادي 
فصباج فقت درت الروتين المعتاد و مشيت عند مرام بدلت ليها و هزيتها و هبطت نفطر 
ياسين:معاش نمشيو
م. ي:نتغداو و نمشيو
انا:اواه على غادين اليوم
عبير:اه
انا:ولفتكم و الله
فطرنا و خرجنا لجردة انا و ميساء و عبير بقينا كنتحتو حتا وصل وقت لغدا دخلنا لصالون تغدينا و سالينا
ياسين:نوضو هبطو حوايجكم 
عبير:واخا
طلعو لبسو حوايجهم و هبطو باليزاتهم و نزلو سلمنا عليهم و جريت ياسين و عبير 
انا:تهلاو فبعضياتكم
عبير حشمات
ياسين:احم ان شاء الله 
انا:ههههه
خرجو ركبو فالطموبيل و مشاو
طلعت انا نجمع حوايج لي غندي معايا غدا باش نتهنا منهم
طلعت جمعتهم و تكيت شوية

قربت الوقت ديال العرس نضت وجد راسي لبست تكشيطة و درت فولار اسو و طالون فنفس اللون و درت ميكاب ايلاينر و ماسكارا و فاغاجو و عكر بوردو هزيت صاكي و تليفوني و خرجت عند جابر دقيت عليه فالبيت لقيتو يلاه غيصاوب الڭرافاط 
انا:انصاوبها ليك انا
جابر:احح جيتي تيتيزة 
انا:ههه ياك
قربت كنصاوب ليه 
جابر:اه بصح جيتي زوينة و لكن مغتخرجيش من هنا هاكا
انا:(رجعت لور) لااا عافااك
جابر:يا غادا تمسحيه نتي و لا نمسحو انا
انا:لااا حشومة عليك
جابر:ادن ختاريتي التاني 
قرب ليا و نزل لشفاه ديالي و بدا كيبوس بلهفة و حتا انا تجاوبت معاه بقينا هاكاك حتا نسينا راسنا
انا:(دفعتو) و الله حتا حرام عليك 
جابر:(كينهج) انا راه مبقيش قادر نصبر شهر كامل عاد نتزوجو
يلاه غيخر جريتو
انا:فين فين غادي بهاد الحالة
جابر:اشمن حالا
حطيت صبعي على شفايفو و بديت نمسح
جابر:صافي صافي حيدي. يدك غنمسح راسي لا نصدقو فشي حاجة اخرى
فهمتو شنو بغا يقول و بعدت مشيت حدا المرايا لقيت العكر ڭاع مخمج
انا:ويلي على حالة
مسحت داكشي و رجعت عندو 
انا:يلاه مشينا 
جابر:واخا
هبطنا لقينا خالتي و ميساء ڭالسين التحت
ميساء:هااي هاي هاي 
سلوى:الله يحفضكم خيتو كتحمقو 
انا:ربي يخليكم
جابر:يلاه راه غنتعطلو 
خرجنا ركبنا فالطموبيل و مشينا القاعة لي دايرين فيها العرس 
كانت فاعة كبييرة كيغلب عليها اللون الاحمر و الذهبي 
وراونا الطبلة لي غنڭلسو فيها ڭلسنا جابو لينا المقبلات و داكشي كانت ابرار لابسة اللبسة الخضرة ديال الحنة و ماهر الجلالة ناضو باش يبدلو 
انا:جابر يلاه نباركو ليهم
جابر:واخا
مشينا عندهم
انا:مبرووك عليكم فرحت ليكم و الله 
جابر:الله يرزقكم الذرية الصالحة
ابرار و ماهر:امييين
ماهر:العقبة ليكم 
انا:ههه ان شاء الله 
خرجنا و خليناهم يبدلو
انا:جابر غي يبقني انا غنمشي لطواليط و نجي
جابر:واخا
دخلت لطواليط عاودت العكر لي مسحو ليا و خرجت يلاه غادا عندو عقد حجبانو 
انا:(جلست) انا جيت
جابر:واقلة بغيتي شي تمرميقة
انا:علاااش
جابر:بلااما تبقاي تبوهلي عليا، يا غتمسحي داك الزبل ولى كنمسحو ليك لديك الطريقة لي كتعجبك
انا:(خرجت عيني) لا لا صافي انا غنمسحو دابا

مسحت العكر و صقلت، شوية خدمو الشعبي و شدوني الهوايش 
انا:جااابر
جابر:بلاما تحاولي
انا:عااافاك، غنوضو انا و ياك
جابر:معنديش مع هادشي
انا:عافااك عافاااك 
جابر:صافي صافي واخا 
نضنا شطحنا و جابر حتا كيشطح ضحكني
انا:ههههه ڭالك معندوش مع هادشي اوا الله اعطينا وجهك
جابر:ههههه متندميناش حيت نضنا شطحنا
المهم العرس داز وااعر نشطنا و شطحنا و رجعنا لدار 
جابر:غتمشي لداركم غدا ؟؟
انا:اه باش يلاه نوجد راسي 
جابر:اوا صافي نوصلك انا 
انا:صافي واخا 
جابر:يلاه تصبحي على خير 
انا:و نتا من اهلو
دخلت بدلت حوايجي و تلاحيت نعست
فقت صباح بدلت حوايجي و درت ميكاب خفيف و هبطت باليزتي لقيتهم يالاه كيوجدو لفطور
انا:صباح الخير
سلوى:صباح النور 
انا:جابر باقي ناعس؟
سلوى:اه 
طلعت عندو لقيتو ناعس على كرشو 
انا:نوووض
جابر:اممم خليني نعس راه عيان
انا:واخا انا غنمشي راسي بسلامة
يلاه غنمشي جرني طحت فوقو 
جابر:بغيتي تاكلي العصا 
انا:لااا
جابر:اوا تبتي شوية حتا نلبس حوايجي و نديك
انا:واخا انا التحت
هبطت نفطر حتا لحق عليا جابر ڭلسنا نفطرو 
جابر:نوضي يلاه
انا:واخاا
نضت سلمت على خالتي و ميساء و دادا و بست مرام ،هزيت بالزتي و ركبت محسيتس براسي حتا نعست فالطريق
جابر:نووضي وصلنا
انا:امم واخا 
باسني فخدي و عنقني
جابر:بسلامة
انا:تهلا فراسك 
هبطت من الطموبيل و طلعت لدار

حلات ليا ماما
ماما:مرحبا بلالة العروسة 
انا:هههههه حشمتيني
سلمت عليا و دخلت حطيت الحوايج فبيتي و خرجت كنعاونها فالغدا
ماما:نتغداو و نخرجو نشوفو داكشي لي خاصنا 
انا:واخا ان شاء الله 
وجدنا الغدا و تسنينا بابا و خويا حتا جاو
بابا:دغيا كبرتي ابنتي، غتمشي و تخلينا فمرة
انا:متقولش هاكا ابابا وقت لي بغيتو و حتا انا غنبقا نجي عندكم
بابا:ان شاء الله 
تغدينا و نصت غسلت الماعن و مشيت لبست جلابة زيتية و فولار بيض و لبست صباط
انا:يلاه اماما
خرحنا مشينا عند مولات الحلوة هي لولة كمونضيا الأشكال لي بغينا و مشينا عند محال ديال التكاشط ختاريت قفطان اخضر ملكي و فيه الفضي و خديت فولار فنفس اللون و مشينا عند العطار خدينا المكسرات و رجعنا لدار
انا:عييت
ماما:حتا انا اوف، سليمان نوض نوض اولدي جيب قرعة ديال الما و كاي
سليمان:واخا 
سمعت تليفوني كيصوني مشيت لبيتي
جابر:فين كنتي شحال و انا كنصوني
انا:راه كنت خارجة مع ماما مشينا تقدينا داكشي لي خاصنا
جابر:ااه اوا مزيان، نتي لاباس؟ 
انا:الحمد لله و حتا وصلتي مزيان؟ 
جابر:يلاه كتسولي
انا:و الله حتا نسيت
جابر:اممم ماشي مشكيل الالة، توحشتك
انا:ههههه يلاه كنت حداك الصباح
جابر:كنتوحشك دغياا
انا:هههه هانتا كتشوفني السبت و غتعاود توحشني
جابر:علااش
انا:اوا صافي راه مبقيش نرجع عندكم حتا نتزوجو القراية لي كنت على قبلها راه سليتها
جابر:نااري لاا كيفاش غنقدر نصبر 
انا:هههههه مزيان نيت باش توحشني مزيان
جابر:انا موحشك من دابا، اجي و نتي مغتوحشينيش
انا:غادا نتوحشك بزاااف
المهم بقينا كنهضرو حتا عيطات ليا ماما نتعشا تعشيت و نعست
فالصباح فقت بكري عاونت ماما فالتخمال و مشينا جبنا الحلوى و وجدنا كاع داكشي لي خاص داز النهار غي فالروينة
وصل نهار السبت فقت بكري هضرت مع جابر فال ليا 4 يكونو عندنا دخلت دوشت و لبست بيجاما و خرجت لقيت ماما حتا هي فيقة فطرنا و درنا بالدار و درنا الغدا يطيب و وجدنا لي كيك و العصائر 
ماما:يلاه نتغداو باش توجدي راسك
انا:واخا
تغدينا و نضت نوجد راسي لبست القفطان و درت فولار و مكياج خفيف 
دخلات عندي ماما لابسة قفطان باج
ماما:تباارك الله ابنتي الله احجبك
انا:(بست ليها راسها) اميين احبيبتي، فيا الخلعة
ماما:متخلعيش كلشي غيدوز بيخير ان شاء الله 
انا:ان شاء الله 
بقينا ڭالسين حتا سمعت تلفوني كيصوني 
انا:الو
جابر:الو حنا 5 دقايق نكونو عندكم

انا:واخا 
قطعت معاه و قلتها لماما خرجات تأكد من داكشي واش هو هداك 
سمعت الهضرة بزاف عرفتهم جاو بقيت غادا جايا و قلبي غيخرج من بلاستو ، حتا تحل الباب
سليمان:اروى خرجي راه كيعيطو ليك 
انا:واخا واخا
خرجت و انا كنقفقف دخلت عندهم و انا منزلة راسي سلمت عليهم و جابر سلمت عليه غي بايدي
جابر:(بشوية) جيتي زوينة
انا حشمت مقدرتش نجاوبو مشيت ڭلست حدا ميساء
ميساء:هاي هاي على الناس حشمانيين، ناري جابر كيفاش كيشوف فيك
انا:سكتي شوية 
سلوى:اوا راكم عارفين علاش حنا هنا، حنا جينا طالبين راغبين فايد بنتكم لولدنا
بابا:من عندي انا قابل و لكن الراي و الشوار ديال البنت
سلوى:اش قلتي ابنتي
انا:(الصمت) 
بابا:اوا السكوت علامة الرضا 
زغرتات ماما
سلوى:نقراو الفاتحة 
قرينا الفاتحة و ركبنا الخواتم 
جابر:عمي بما ان العرس ديال ختي من بعد شهر علاش منديروش عرس واحد و متخافوش حنا غنتكلفو بكلشي
بابا:انا معنديش مشكل و لكن بنت وحدة لي عندي حتا انا غنعاون
جابر:ماشي مشكل لي عجبك، و العقد من هنا لسيمانا اشنو بان ليكوم 
ماما:ماشي زربتو شوية 
جابر:انا غي قتارحت يعني شوفو نتوما لي غادي يناسبكم
بابا:خاليها من هنا لجوج سيمانات
سلوى:اوا الله يكمل بيخير 
كلاو الحلوى و شربو العصير و مشاو 
نضت بدلت حوايجي و تلاحيت نعست 
دازت سيمانا غير فالتوجاد و الروينة ديال العرس و جابر كنهضر معاه غير فالتلفون 
اليوم خرجت باش نجيب شي حاجة فاش كنت راجعة عيت ليا جابر
انا:الو حبيبي
جابر:الو كبيدة فينك
انا:انا خارجة مسخرة
فهاد اللحظة جا شي واحد. من اللور و حط شي حاجة على نيف اروى غوت و طلقت التلفون و من تم معقلت على والو
عند جابر
كنت كنهضر مع اروى حتا كنسمع الغوات و من بعد تقطع الاتصال
بعد تقطع الاتصال

مني تقطع الاتصال خفت تكون وقعات ليها شي حاجو و تاصلت بماماها 
انا:الو خالتي 
خالتي:الو 
انا:معاك جابر، حداك اروى 
خالتي:لاا اولدي راه خارجة مسخرة
انا:صافي واخا شكرا
قطعت معاها و عاد ما زدت ترونت بقيت هاكاك من بعد ساعتين تاصلت بيا ماماها
خالتي:(كتبكي) الو ولدي 
جابر:الو خالتي اش كاين مالك
خالتي:اروى باقا مجاتش معرفت مالها خرجت قلبت عليها و ملقيتهاش 
جابر:صافي صافي اخالتي انا غنشوف شنو ندير 
ڭلست كنفكر اول واحد طاح فبالي هو غزلان هبطت ديك الساعة 
ماما:فين غادي اولدي
انا:حتا نجي الواليدة 
خرجت ركبت فالطموبيل و كسيريت ديريك عندها
وصل عندها لدار. بقيت كندق الباب بجهد 
غزلان:بلااتي اويلي 
حلات الباب شنقت عليها
غزلان:جابر اش كدير هنا
انا:شوف غتجوبيني بلااما تعصبيني، فين درتي اروى؟؟ 
غزلان:اش كتخربق انا مفهمتش اش كتقول
انا:بلااما ديري راسك معارفة والو
غزلان:(كتبكي) طلق راه قصحتيني و الله ما عارفة حاجة 
طلقت منها و بقيت كنشوف
انا:و الله و نحصلك كتكذبي حتا ندمك
غزلان:جابر انا ماشي شريرة حتا لهاد الدرجة
انا:واخا انا غنشوف
خرجت من عندها و رجعت لدار مع دخلت تلقات ليا ميساء و الواليدة 
سلوى:اش كاين اولدي
انا:اروى ختافت 
ميساء:اوييلي اش كتقول
انا:معرفت اشنو غيكون واقع ليها دابا، انا متاكد تخطفات 
سلوى:الله يا ربي الله و باش عرفتيها
انا:كنت كنهضر معاها فالتلفون غوتات و من بعد تقطع الاتصال و قبيلة عيطات ماما كتبكي قالت ليا بلي هيا مرجعتش لدار 
ميساء:(كتبكي) هئ هئ هئ فين غتكون دابا 
انا:معرفتش راسي كيتفرڭع بالتفكير
نرجعو عند اروى
كنحس براسي كيحرقني كنحاول نحل عيني و لكن مدرقينهم ليا و كنحس بايدي مربوطين و كالسة فكرسي بديت كنغوت
انا:(كنبكي) هئ هئ هئ فين انااا حلو عليا، عتقووني 
بقيت كنغوت حتا كنسمع شي باب تحل

انا:شكون كين هنا 
الشخص:حل ليها عينيها
جا شي واحد حل ليا عيني مني حليتهم كنلقا قدامي راجل تكون فعمرو 30 عام مقبول كان لابس حوايج كدل على انه من الطبقة الراقية
انا:شكون نتا و علاش جبتيني هنا
الشخص:كلشي فوقتو زوين 
انا:طلقني خليني نمشي فحالي 
الشخص:ماشي بهاد السهولة مزال عندنا بزاااف منهضرو فيه المهم غيو باش تعرفي نتي هنا بسباب خطيبك عندي معاه شي حساب 
انا:و علاش حابسني هنا انا مالي 
الشخص:من بعد و تعرفي
خرج و خلا معايا واحد الحيوان
انا:بغيت نشرب 
الحيوان:واخا
مشا جاب ليا الما و شربني و خرج
عند جابر 
دازت سيمانا و مكين حتا جديد قلبت عليها حتا عييت و والو اليوم كنت ڭالس كنفكر عيط ليا شي واحد برقم مجهول 
انا:الو
الشخص:حبيبي صافا
انا:شكون نتا
الشخص:انا وحد الشخص كيكرهك كتر متصور
انا:و علاش
الشخص:هادا ماشي موضوعنا، المهم عندي ليك مفاجأة 
اروى:(كتبكي) هئ هئ هئ جابر عتقني عافاك
جابر:حبيبة كوني هانيا غنلقاك غنلقاك 
الشخص:يلاه دابا سالات ساعتك المهم هاد المكالمة غير باش ندير ليك شوية ديال التشويق و صافي
قطع عليا نضت هرست ڭاع داكشي لي قدامي ،دخلت الواليدة
سلوى:مالك اولدي
جابر:(كنغوت) غنحمااق الواليدة غنحمااق 
سلوى:الله يا ربي الله على مصيبة نزلات علينا 
خرجت و خليت الوليدة واقفة و كتحصر مشيت عند واحد صاحبي عندو مع داكشي ديال التكنولوجيا 
انا:بغيتك تشوف ليا هاد الاتصال فاشمن بلاصة دار
صاحبي:واخا
بقا كيخربق حتا عيا و دار عندي
صاحبي:هادا لي معيط عارف راسو اش كيدير مزيان مطلع ليا والو 
انا:صافي شكرا
نرجعو عند اروى
مني قطع هاد الحقير مع جابر بدا كيشوف فيا بوحد النضرة ديال الشهوة كرهت راسي جا فكني نضت وقفت و بدا كيقرب ليا
انا:اشنو بغيتي مني بعد لهيه
هو:لا حشومة هاد الهضرة 
قاصني فوجهي 
انا:(كنغوت) متقيصنييش 
هو:باقي الحال على هاد الهضرة راه باقي مقصتكش
يلاه بغا يبوسني هزيت الكرسي و بقيت كنضرب فيه يلاه غنهرب و شدني
هو:اجي الحمارة لهنا
حط ايدو على فمي عضيتو حتا داز الدم
هو:اااي 
جرني من شعري و لاحني فالارض و بقا كيركل فيا حتا داز ليا الدم من راسي و من تم معقلت على والو

فقت و انا راسي كيحرقني مني حليت عيني لقيت راسي فسبيطار، و ديك الريحة لي كنكره ختارقت ليا نيفي
انا:اااي الله يا ربي
بديت كنحس بالحريق فايدي مني شفتها لقيتها محزومة و فيها الجبص
انا:(كنبكي) هئ هئ الله ياخد فيك الحق الحقير 
سوية تحل الباب ديال الغرفة دخلات طبيبة و فرملية
طبيبة:(مبتاسمة) باش كتحسي؟ 
انا:كيحرقني رااسي و ايدي بزاف
طبيبة:هادشي عادي راه عندك كسر فايدك و شي كدمات فالجسم ديالك
انا:و وجهي فيه شي حاجة
طبيبة:فيه شي ضربات و لكن دغيا غيبراو
انا:بغيت نشوف جيبي ليا مرايا عافاك
طبيبة:مكين باش حتا تبراي و شوفيه
انا:(عيني مغرغرين) عاافاك
طبيبة:وااخا
جابت ليا الفرملية المراية شفت راسي شهقت بالصدمة كانت عيني زرقة و حنكي منفوخ و حدا فمي مجروح
انا:(كنبكي) هئ هئ هئ هئ 
طبيبة:صافي اختي عافااك
هضرات مع الفرملية و قالت ليها تخرج و هي غتكلف بيها
انا:هئ هئ هو لي جابني؟ 
طبيبة:ااه 
انا:فين هو دابا
طبيبة:كيجي فصباح يشوفك و كيمشي، واش هو راجلك؟ 
انا:لااا لاا
طبيبة:و شنو 
انا:منقدرش نقول ليك و الله 
طبيبة:(شدات ليا فإيدي) متخافيش غي قولي نقدر نعونك
انا:(كنبكي) هئ هئ هو خاطفني 
طبيبة:(بصدمة) اشنوو
انا:اه 
طبيبة:كنت حاسة بشي حاجة ماشي هي هاديك، لمهم انا كنشوف كيفاش نعونك و لكن نتي متبيني والو
انا:هههه بصح تقدري تعاونيني
الطبيبة:المهم انا غنخطط و نجي عندك باش نهضرو مزيان 
انا:واخا شكرا بزاف، اشنو سميتك؟ 
الطبيبة:دعاء، المهم اروى غنمشي دابا حيت هو قرب يجي و مخصو يشك فوالو
انا:واخا بسلامة
خرجان دعاء و انا رجعت غمضت عيني و نعست حتا كنحس بشي واحد كيقيس ليا وجهي
انا:جابر جيتي
مني حليت عيني لقيتو داك الحقير عاقد حجبانو 
انا:اشنو جاي دير هنا بعد مني 
هو:ماشي بهاد السهولة اصلا حنا يلاه بدينا
انا:(مخلوعة)ااا اشنو كتقصد
هو:(قاص ليا وجهي) فاللول كنت باغي غير نخلع جابر و نهددو و لكن مني شفتك بدلت رأيي 
انا:اش كتقصد
هو:يعني عجبتيني و اتا اي حاجة كتعجبني خاصها تولي ديالي 
يلاه بغا يقيس ليا وجهي دفعت ليه ايدو
انا:مستحيل نتا كتحلم
هو:ماشي مشكل نتي غتبدلي رأيك من بعد
انا:(كنغوت و كنبكي) خررررج هئ هئ بعد مني بعد مني
جات الممرضة كتجي
الممرضة:سيدي خاصك تخرج 
خرج فحالو و جات الممرضة دڭات ليا برة و نعست

فقت على شي واحد كيقيس ليا شعري نضت بزربة بلاما نشوف شكون
انا:بعد منيي
دعاء:شششش هادي غير انا
انا:اا سمحليا كيسحاب لي داك الحيوان
دعاء:المهم انا جيت عندك باش تعاودي ليا كلشي
عاودت ليها كلشي 
دعاء:ولد الحرام 
انا:شوفي علاش لي متعطينيش تلفونك نهضر معا خطيبي
دعاء:لا انا كنضن انا هاد سيد عارف راسو اش كيدير يعني غيكون حاط شي واحد مراقب خطيبك و يقدر يآديه الا عرف بهاد الشي
انا:بصح عندك الحق، و لكن عطيني غي نهضر معاه مغانقولش ليه فين انا
دعاء:وااخا
عطاتني تلفون و عيطت
انا:الو
جابر:الو
انا:(كنبكي) جابر نتا لاباس
جابر:اروى فينك نتي وتش داك الحمار دار ليك شي حاجة
انا:انا مغادي نقدر نقول ليك والو من غير انني لقيت شكون غادي يعاوني 
جابر:اش كتخربقي عليا نتي داابا قولي ليا فينك
انا:هئ هئ هئ كنبغيك اجابر
قطعت عليه و تفرڭعت بالبكا
انا:هئ هئ هئ هئ 
دعاء:(عنقاتني) ششش صافي صافي، المهم انا غنخليك دابا رتاحي
خرجات دعاء و بقيلفت كنبكي حتا داني نعاس
عند جابر 
مني عيطات ليا اروى و مقالتش ليا فين هي تعصبت بزااف و اول حاجة طاحت ليا فبالي ان التلفون لي عيذات منو مفيهش حماية، نضت ديك ساعة مشيت عند صاحبي 
انا:هاك جبد ليا البلاصة لي دار فيها هاد الاتصال
قلب عليه 
هو:لقيتو
انا:(بفرحة) بصح فيين
هو:بمدينة اخرى بعيدة
انا:فين ؟؟
هو:فإفران و بالضبط فواحد المستشفى 
انا:(متفاجئ) مستشفى!! 😮 المهم عطيني المعلومات كلهم باش نمشي دغيا
هو:وخا هاكا
انا:شكرا 
خرجت من تما كنجري مشيت درت ليسونس و شديت الطريق لتما ديريكت من بعد 4 ساعات وصلت و بما ان المدينة صغيرة فدغيا لقيت المشفى حطيت الطموبيل بعيدة درت كاسكيط و قب باش ندرق وجهي دخلت لتما يلاه وقفت فالاستقبال حتا بان ليا واحد الشخص و شكيت ديك الساعة بلي عندو دخل فهادشي لي واقع، كان واحد من من المنافسين ديالي و كان وقعو بيناتنا بزاف ديال المشاكل فالخدمة و لكن متوقعتش بلي غتوصل بيه الدرجة انة يدير هاكا
تبعتو بلاما يلاحظ بان ليا طلعت فسانسور و طلع لطابق التالت مشيت لدروج و طلعت كنجري و تخبيت فواحد البلاصة و راقبتو بان ليا دخل لةاحد الغرفة و برا كان واقف واحد من رجالو حاضي تما بقيت كنتسنا يخرج، شوية حاجات من عدها طبيبة عرفت بلي هي الوحيدة لي غتعطيني لجواب

بانت ليا الطبيبة جايا خليتها حتا وصلت حدايا و جريتها يلاه غتغوت
انا:شششش
هي:شكون نتا
انا:واش البنت لي كينا فالغرفة لداخل سميتها اروى؟ 
هي:اه فين عتعرفها
انا:(تعصبت) يييخ يخخ، انا هو خطيبها 
هي:بصح و لكن كيفاش حتا لقيتيها
انا:التلفون لي عيطات ليا منو درت ليه التعقب
هي:(تفاجأت) تلفون ديالي
انا:المهم معلينا نتي خاصك تعونيني باش نهربها
هي:كيفاش غنديرو ليها و هو مخلي داك الڭاردكور ديما تما 
انا:خصنا نفكرو مزيان فشي حاجة
هي:واخا واخا، اجي بعدا نحيدو من هنا، يلاه البيرو ديالي
انا:واخا
مشينا البيرو ڭلسنا فيه يلاه غنبداو نهضرو دق شي واحد
هي:نوض نوض تخبا ورى هاذ الخزانة 
انا:واخا
تخبيت 
هي:دخل
دخل داك الحقير مكرهتش نتلاح عليه نقتلو 
هو:سلام دكتورة امتى نقدر نخرج اروى
انا ديك ساعا حسيت بالسخونية طالعة معايا بكترة العصاب
هي:مزاال حتا تبرى ايدها و الجروح و باقين ليها شي تحاليل و واحد السكانير
هو:يعني هادشي كامل شحال غيدي ديال الوقت
هي:شي اسبوع
هو:متقدروش تزربو حيت باغين نسافرو
هي:انا غنحاول
هو:واخا شكرا
ناض خرج تبعاتو هي سدات الباب بساروت و رجعت
انا:هاد الحقير مكيسوااش دبا خصنا نلقاو خطة فأقرب وقت
هي:واخا واخا انا غنفكر فشي حاجة 
انا:المهم انا بغيت نشوف اروى الى كان ممكن
هي:واخا غادي تسناني هنا انا غنجيبها و نجي
نرجعو عند اروى 
مني خرج من عندي داك الحقير بقيت متكية و كنفكر فعائلتي كيف غيكونو حتا دخلات دعاء
دعاء:شوفي حاولي تنوضي باش نحطك فهاد الكرسي المتحرك 
انا:علاش فين غادا بيا؟ 
دعاء:غنديرو شي تحاليل و نرجعك
انا:واخا
نوضاتني ڭلست فالكرسي المتحرك خرجنا و هو يوقف علينا داك الكاردكور
الكارد:فين غادين
دعاء:عندها شي تحاليل نديرهم ليها و نرجعا
الكارد:واخا
مشينا لواحد الغرفة تحل الباب كان واقف واحد الشخص عاطينا بالظهر

دخلتني و خرجات دعاء و سدات الباب و انا مفاهمة والو غي دار داك الشخص تخلطات عليا الفرحة مع البكية
انا:(عيني مغرغرين) جابر
جابر:حبيبة
هبط عندي و عنقني وخا توعت مع الهرس و الجروح و لكن مكنش كنحس بهاد الالم قد ما كان قلبي كيضرني 
انا:هئ هئ هئ جابر توحشتك
جابر:حتا انا احبيبتي و كتر ما تصوري 
انا:كيفاش حتا جيتي لهنا 
جابر:ماشي وقت هاد الاسئلة، خليني نشوف غي حالتك
وقف و بقا كيشوف حالتي و وجهي لي كاع مضروب حسيت بيه تزير و عينيه ولاو حمريين
جابر:كيفاش حتا وقع ليك هاكا
مجوبتوش بقيت غير كنبكي 
جابر:(،كيغوت) جااوبي واش هو لي ضربك؟؟ 
انا:هئ هئ هئ ااه 
جابر:ياكما دار ليك شي حاجة اخرى 
هزيت فيه عيني المدمعين ، تحدر عندي و شد وجهي بين ايديه
جابر:عافاك جاوبيني
انا:هئ هئ هئ لا لا و لكن هو حااول حاول يغتاصبني و مني قاومتو دار فيا هاد الحالة هئ هئ 
جابر:(هز واحد الكرسي كان حداه و شير بيه فالحيط) حقييير انا غنورييه اش كنسوا
انا:هئ هئ صافي عافاك
شد ايدي و باسهم 
جابر:شوفي انا غنحاول نخرجك فاقرب وقت بلاما يعيق باش ميآديكش مرة اخرى 
تحنا عندي باسني فخدي بوسة طويلة و عنقني
فهاد اللحظة دخلت دعاء
دعاء:اححم خاصني نرجعها قبل ميعيق هاداك خونا 
جابر:واخا واخا
باسني و جراتني دعاء رجعاتني لغرفة تكيت و بقيت كنفكر فحياتي لي تقلبات فرمشت عين كان باقي اسبوع و غندير العرس نزلت دمعة سخوونة على خدي بقيت هكاك حتا داني نعاس
عند جابر
من بعد مخرجات اروى و دعاء درت القب و خرجت من المشفى و مشيت هزيت طموبيلتي و مشيت لواح الاوطيل حجزت فيه دخلت للغرفة لي عطاوني و حيدت القبية و نعست

فقت صباح دوشت و لبس حوايجي و عيطت لدعاء 
انا:الو دعاء
دعاء:الو جابر
انا:خصنا نتشاوفو باش نهضرو مزيان
دعاء:شوف جي لسبيطار و دخل من الباب ديال الطوارئ باش ميشوفك تواحد و بقا واقف غي تما
انا:واخا مني نوصل نصوني ليك فالتلفون
دعاء:واخا بسلامة
خرجت من لوطيل كنجري مشيت لسبيطار دخل من لباب ديال الطوارئ و صونيت عليها جات عندي
انا:صباح الخير
دعاء:صباح النور 
انا:كيف. بقات اروى 
دعاء :حالتها كتحسن
انا:مزيان، المهم دبا شنو غنديرو فكرتي فشي حاجة؟ 
دعاء:اه انا لقيت واحد الفكرة، غنخرجوها فالليل
انا:و داك البغل لي. واقف حدا الباب
دعاء:غنخليوه حتا يمشي لطواليط ولا يمشي يجيب قهوة و ديك ساعة نخرجوها دغيا و مني غيرجع غيبقا فبلاصتو يعني غيظن بلي هي كينا فالغرفة ديالها حتا الغد عاد غيعرفو و ديك غتكون نتا خديتي احتياطاتك
انا:ممم مزياان مزياان
دعاء:اجي و علاش محاولتيش تعيط لبوليس
انا:ههههه واش كيصحاب ليك السيد ساهل راه عندو نفوذ و معارف يعني بحركة وحدة غادي يخرج
دعاء:ااه و مني غادين تهربو راه غيقلب عليكم
انا:اه و لكن ديك ساعا غنكون خدييت احتياطاتي و انا متاكد مغيلقانيش 
دعاء:مزيان و كيفاش غتعاقبو على هادشي لي دار
انا: ههه غندير شي خطط باش نلقا ضدو دلائل و نغرقو و ديك ساعا مغنفعوه لا فلوسو و لا معارفو
دعاء:مزيااان المهم فالليل نتلقاو هنا نيت مع ديك 8
انا:واخا
رجعت لوطيل و اول حاجة فكرت فيها هي مني غنهربو فيين غنمشيو، اكيد مغنمشيوش لشي فيلا من ممتلكاتي حيت دغيا غيلقاني
انا:(غادي جاي) فيين فيين، اااه صافي
قررت نمشي لشي. بلاصة من نواحي ديال افران تما كين غير جبال و مطيحش ليه فبالو غنكون تما
عيطت للمساعد ديالي و قلت ليه يجيب رجال يحضيو لفيلا و حتا دار فين كينا عائلة اروى و تاصلت بالواليدة 
انا:الو الوليدة
سلوى:الو جابر فينك واش لقيتي اروى 
انا:ماشي وقت هاد الهضرة سمعيني متخرجوش من داار واخا يكون لي كان الا بغيتو شي حاجة سيفطو واحد من رجالي
سلوى:واخا واخا اولدي
عيطت لام اروى و طلبت منها نفس الحاجة
المهم دابا اطمنت عليهم و لو غير شوية

خرجت من الاوطيل مشيت شريت ڭاع داكشي لي غادي يخص الماكلة و الحوايج
وصلات 8 ركبت فالطموبيل و مشيت لمشفى دخلت من بلاصة الطوارئ و تاصلت بدعاء
انا:الو انا وصلت كيف داير الوضع عندك
دعاء:راه دخلت بدلت ليها حوايجها و خرجت، انا حاضية داك خونا حتا يمشي و نخرجها
انا:واخا انا غنتسناك حتا تجيبيها
عند اروى
دخلات عندي دعاء بدلات ليا 
دعاء:تسنااي شوية راه مزال غنرجع نخرجك 
انا:واخا شكرااا بزااف
خرجات ت بقيت كنتسنا بحالا ڭالسة على الجمر، من بعد نصف ساعة دخلات كتجري
دعاء:شووفي غتحااولي تنوضي 
انا:واخا واخا
وخا كنت موعتة بززت على و نضت خرجنا بالزربة و مشينا لمخرج الطوارئ لقينا جابر كيتسنا غير شافنا جا كيجري
جابر:(عنقني) اروى نتي لابااس 
انا:(كنبكي) ااه اه لاباس 
دعاء:سربيو سيرو قبل ميجي شي واحد
ضرت عندها و عنقتها
انا:هئ هئ شكرا بزاااف
دعاء:هدا واجب احبيبتي تهلاي فراسك
انا:و حتا نتي، عنداك يعيق بيك داك الحقير و يدير ليك شي حاجة 
دعاء:متخافيش عليا
جابر:اروى يلاه، دعاء شكرا و التلفون بيناتنا
دعاء:بسلاامة 
خرجنا كنجريو ركبنا فالطموبيل و مشينا
انا:اووووف و اخيرا تهنيت منو
جابر:انا معاك دابا معندكش مناش تخافي 
هز ايدي و باسها 
انا:اجي بعدا هادا اشنو عندو معاك 
جابر:هاداك غير مريييض ما بيني و بينو واالو غي مشاكل فالخدمة 
انا:بببف عرفتي شنو قاليا
جابر:اشنو
انا:لا لا صافي والو 
جابر:(كيغوت)كيفاش صافي دوي
انا:هئ هئ هئ مالك كتغوت عليا انا غير خفت لا تعصب و صافي
جابر:صافي صافي سمحليا غي تعصبت و لكن مني نوصلو غتعودي ليا كلشي 
انا:(مسحت دموعي) واخا
بقينا غادي حتا وصلنا لواحد المنطقة منعزلة على العالم فيها غير الجبال و شي ديور قلااال 
وقف جابر الطموبيل و هبطنا حدا واحد جوج ديور دق جابر فوحدة منهم حل ليا واحد الراجل بقا جابر كيهضر معاه و بان ليا بلي كيعرفو خليتهم كيهضرو و مشيت كنستنشق الهواء لي تحرمت منو لمدة اسبوعين 
جابر:اروى اجي
انا:واخاا
مشيت عندو سلمت على الراجل و دخلنا لدار الاخرى 
انا:منين كتعرف هاد البلاصة 
جابر:مني كانو عندي مشاكل مع مراتي اللولة كنتجيت لهنا
انا:ممم مزيان

خرج جابر جاب الحوايج و الماكلة لي شرى انا دخل كنستكشف الدار كيف دايرة حتا جا جابر
جابر:الى كنتي كتحسي براسك عيانة تكااي راه بيت نعاس 
انا:وااخا و لكن اجي حدايا
جابر:واخا منها نبت تعاودي ليا كلشي 
انا:احم وااخا
دخلت لبيت تكيت و تكى حدايا حتا هو بقينا غير كنشوفو فبعضياتنا و كنحيدو داك الشوق
جابر:(عنقني) كون وقعات ليك شي حاجة كنت غنحمااق 
انا:هئ هئ هئ ششش عافاك صافي 
جابر:مرام توحشاتك
انا:حتا انا توحشتها بزااف و توحشت كلشي، اش خبارهم
جابر:كلهم مخلوعين عليك بزاف
انا:توحشت ماما هئ هئ هئ 
جابر:(كيمس ليا دموعي) و صافي راه قريب غتشوفيهم كلهم ان شاء الله 
انا:ان شاء الله 
جابر:يلاه عاودي ليا كلشي من اللول
انا(تقاديت فالجلسة) واخا و لكن غتسمعني حتا اللخر 
جابر:واخا واخا في هضري
بديت كنعاود ليه 
انا:بدا كيقرب ليا قاسني فوجهي يلاه بغا يبوسني هئ هئ دفعتو و ضربتو و عضيتو و هو مرضاش و دار فيا هاد الحال بقا كيضرب فيا حتا غيبت هئ هئ هئ 
جابر:(تعصب) حيواان كيفاش تجرأ 
انا:خليني نكمل اشنو قال ليا
جابر:كملي كملي واخا مبقيتش صابر
انا:مني فقت لقيت راسي فالسبيطار و لقيت حدايا دعاء و هي شكات و قالت ليا نعاود ليها كلشي و عاودت ليها، اا او مني جا داك الحمار قال ليا بلي كان باغي غير يخلعك و يطلقني و لكن مني شافني عجبتو و بدل رأيو هئ هئ و انا متأكدة مغاديش يتراجع و غيقلب علينا، نااري عنداك يلقانا هئ هئ 
جابر:(كيغوت) سكتييي غير بلاتي و الله حتا نشدو نقتلوووو، كيفاش تجرأ يقيسك
جا عندي عنقني 
جابر:صافي دابا نتي عيانا تكااي و هدشي نهضرو فيه من بعد
انا:واخا
تكيت و تكا حدايا بقا كيدوز ايدو على شعري حتا نعست

فقت الصباح لقيت جابر ناعس حدايا و معنقني بستو فحنكو و نضت لحمام غسلت وجهي و قضيت حاجتي و خرجت قلبت فالميكات لي جاب جابر لقيت فيهم شي حوايج هزيت ملابس داخلية و كسوة طويلة و كم دخلت لحمام لبست و خرجت ڭلست حدا جابر بقيت كنشوف فيه ناري شحال توحشتو مقدرتش نصبر عنقتو بجهد و بقيت كنبكي ،فاق هو
جابر:(مخلوع) اروى مااالك اش واقع واش كضرك شي حاجة
انا:لا عفاك خلينا هاكا
جابر:(بادلني العناق) وااخا
بقيت معنقاه حتا حسيت براسي رتاحيت و هزيت راسي 
انا:توحشتك بزااف
بستو فشفايفو قبلة خفيفة 
جابر:هااي هااي ضسرتي اشعيبية
يلاه غنوض و هو يجرني شد وجهي بين ايديه و باسني كانت قبلة رائعة تجاوبت معاه كانت قبلة كتعبر على الشوق و الحب لي كنحسو بيه، بقينا هكاك شي 5 دقائق 
جابر:(كينهج) اااح ا قلبي، المهم انا غنوض نوجد الفطور حيت الى بقيت حداك غنوليو فشي حاجة ماشي هي هاديك
انا:ااحم واخا
عند جابر خرجت من البيت مسيت الكوزينة جبدت ش حاجة من داكشي لي شريت درتو فبلاطو و حطيتو فالصالون و خرجت حدا الباب عيطت للمساعد ديالي 
انا:الو كاين شي جديد
هو:هاد الساعة والو
انا:شوف غدير شي واحد يراقبو باش نعرفو تحركاتو
هو:واخا
انا:ااه و دير شي حاجة لي تخليه يغرق باش نبلغو بيه 
هو:واخا كون هاني اسي جابر
قطعت معاه و دخلت عند اروى 
انا:راه وجدت الفطور 
اروى:واخاا انا غنوض 
انا:لاا غي رتاحي ليا انا غنهزك 
اروى:لا لا بلاش و الله
انا:مسولتكش غير قلت ليك
عند اروى 
هزني جابر و داني لصالون حطني لقيت الفطور محطوط فالطبلة
نمشيو عند دعاء
هاد الصباح فقت لبست حوايجي و مشيت لمشفى دخلت لبيرو ديال كنت كنشوف شي وراق حتا تحل الباب بالجهد 
انا:اييه اييه مالنا اش كاين 
يوسف:فينااا هي 
انا:شنو هي لي فين
يوسف:اروى
انا:راه فالغرفة ديالها اش كتخربق عليا 
يوسف:ماكيناش
انا:انا سول داك الكاردكور لي نهار و ماطال و هو واقف تما مالها منين غتكون خرجات الا ادا كان مدارش خدمتو
يوسف:تفو تفو على زهر غتكون هربات 
انا:علاش غتهرب ياك نتا راجلها
يوسف:لا غير كذبت انا كنت خاطفها
انا:اويييلي
يوسف:شش صافي صافي شكتي راه كنت جاي باش نشرح ليها سوء تفاهم لي وقعت فيه
انا:اشمن سوء تفاهم كتهضر عليه 
يوسف:اجي بعدا شتك نتي كتسولي، ياكما كنتي عارفة
انا:ااا لا لا ما كنت عارفة والو

يوسف:راك مكتعرفييش تكذبي كلشي باين فعينيك
بدا كيقرب ليا و انا كنرجع بلور حتا حبسني على الحيط
انا:اا لا انا ما كنت عارفة والو
يوسف:شوفي بلاما تحاولي تقنعيني حيت عاد زدت تأكدت
انا:و من بعد، ااه كنت عارفة ياكما يسحاب ليك غادي تخلعني 
يوسف:(قرب ليا كثر) متأكدة؟ 
انا:ااا اه و بعد عليا 
يوسف:و الى مبغيتش
دفعتو يلاه غنهرب شدني من ايدي 
يوسف:و خليني ضريف معاك ،المهم دابا غتڭلسي و غتسمعي ليا شنو غنقول
انا:ااحم واخا
كلسنا فالكراسا لي فالبيرو 
يوسف:ديك النهار كنت راجع من الشركة لقيت العساس طايح حدا الباب ديال الفيلا و لباب محلول دخلت كنجري لقيت الواليدة طايحة فالارض و مضروبة (عينيه مغرغرين) هزيتها لسبيطار و الحمد لله عتقوها و لكن كان ضروري خاصني نعرف شكون بحث و عرفتو سيفطت رجالي شدوه مني سولتو قال ليا بلي جابر هو لي مصيفطو ستغربت فاللول و لكن الغضب عما ليا عيني و مشيت بحث و عرفت بلي خطيبتو كينا فالرباط سيفطتهم خطفوها ،المهم داكشي لاخر راك عارفاه
انا:و دابا علاش قلتي بلي كين سوء تفاهم
يوسف:خليني نكمل هضرتي مالك كتنقزي ،اليوم فالصباح تاصل بيا المساعد ديالي و قال ليا بلي داك الحيوان لي شادينو عتارف ليهم و قال ليهم بلي جابر معندو حتا علاقة، و لي من مورا هادشي كامل واحد العاهرة كانت كتبع ناس لي عندهم الفلوس و كتلصق بغات زعمة طيحني ساعة عطيتها علاش ضور حقداات عليا و من بعد مشا عند جابر و حتا هو صدها و هي لي خططات لهادشي كامل 
انا:و باش عرفتك كتقول الحقيقة، انا منقدرش نصدقك
يوسف:(وقف و جا لجيهتي) من صبااااح و انا كنخبر عليك و فاللخر تقولي ليا متيقتكش 
انا:ااااه متيقتكش 
يوسف:هاي هاي و كتخرجي عينيك
جبد تلفوني و عطاني نتفرج فواحد الفيديو فيه تسجيل ديال شي كاميرا مراقبة فالفيلا فيها واحد هاز كابوس و خارج كيجري و من بعد شي دقائق دخل يوسف كيجري و خرج هاز ماماه
انا:(شهقت من الصدمة) اوييلي
يوسف:(خطف ليا التلفون) و قولي ليا مصدقتكش عاوتاني
انا:اا لاا هاد المرة تقت ،المهم شنو المطلوب مني دابا
يوسف:غادة تعونيني
انا:واخا

عند اروى 
ڭلسنا كنفطرو و تفكرت دعاء
انا:جابر جابر عيط لدعاء سولها 
جابر:واخا 
عند دعاء 
يلاه ناض يوسف صونا تلفوني و هو يرجع
يوسف:شكون كيصوني
انا:و نتا مالك 
يوسف:كيفاش انا مالي
خطف ليا التلفون لقاه جابر
يوسف:هاكي هضري معاه و قولي ليه بلي راك باغا تشوفيهم 
انا:واخا، الو
جابر:الو دعاء كلشي بيخر؟؟ جا داك الحقير
انا:(شفت فيه) ااه جا حيح و لكن مقلت ليه والو قلت ليه هربات
جابر:ااوك مزياان
انا:كيف بقات اروى؟ 
جابر:شوية شوية
انا:خاصني ضروري نشوف الحالة ديالها 
جابر:اه بصح و لكن كيفاش غنديرو
انا:هاد الويكاند مخداماش نجي عندكم
جابر:صافي مزياان ،غنصيفط ليك البلاصة فين حنا فميساج
انا:وااخا، سلم على اروى
جابر:مبلغ بسلامة
قطعت معاه
يوسف:اشنو قال ليك؟؟ فين كاينين هما؟ 
انا:اييه شفتك زرباان، مغاديش نقول ليك فين خاصني ناخد احتياطاتي
يوسف:اهااه من حقك
انا:المهم هاد الويكاند غنمشيو عندهم فطموبيلتي و انا لي غادا نصوڭ
يوسف:وااخا واخا ميكون غير خاطر
انا:المهم سير فحالك راه عندي شي خدمة
يوسف:كتجري عليااا وااخا، اري بعدا نمرتك 
انا:نمرتي؟! اش بغيتيها
يوسف:ياكما يصحابليك تزعطت فيك راه غير على قبل هادشي باش الى كانت شي حاجة نعيط ليك
انا:هااه كيفاش شتك حڭرتيني راني بوڭوووصة هييه
يوسف:صاافي الالة عرفناك بوڭوصة غير اري نمرة 
انا:ااحم واخا
عطيتو نمرة و مشا فحالو
عند اروى
انا:اشنو قالت ليك دعاء
جابر:غتجي عندنا الويكاند 
انا:مزياان 
وصل الويكاند
عند دعاء
عيط ليا يوسف 
انا:الو مالك معيط ليا فهاد الصباح 
يوسف:تي مالي موحش فيك سيفطي ليا العنوان 
انا:واخا، المهم العشرة تكون هنا 
يوسف:واخا واخا
قطعت معاه و سيفطت ليه العنوان 
و نضت غسلت وجهي و وجدت الفطور يلاه خشيت الدغمة لولة دق شي واحد فالباب قلت غتكون غا سمية جارتي 
انا:بلااتي
حليت الباب لقيت يوسف
انا:تا اش كدير هنا راه يلاه 9
يوسف:(حال فمو و كيشووف) 
عاد هقت براسي لابسة شورط قصيير و ميني بوط و طالقة شعري
انا:اويليي
سديت ليه الباب فوجهو
انا:وييلي على شوهاا
مشيت لبيتي كنجري لبست سروال الدجين و شوميز بالكمام بيضة خشيتها فيه و سبرديلة بيضة، درت شوية الميكاب و عكر غوز و جمعت شعري البني
خرجت حليت ليه الباب
انا:دخل
يوسف:احم احم واخا
انا:فطرتي؟ 
يوسف:لا
انا:انا ڭلس تفطر 
كلس كبيت ليه العصير فطرنا و خرجنا

شديت الطريق على حساب داكشي لي سيفط ليا جابر، كنا غادين شعل يوسف المسجلة
انا:(طفيتها) حيد عليا هادشي 
يوسف:(شعلها) بغيت نتصنق لموسيقى 
انا:(طفيتها) و انا مبغيتش
يوسف:(شعلها) و علاش
تعصبت و وقفت طموبيل يا غادي تزڭا يا غنهبطك هنا
يوسف:تسطيتي
انا:نزل نزل بعدا نشوف شي حاجة 
نزل يوسف و نزلت حتا انا باش نقلبو ليكون هاز شي سلاح يصدق قاتلنا كاملين
انا:هز ايدك
يوسف:اش كتخربقي عليا 
انا:دير داكشي لي كنقول ليك ولا غنتراجع
يوسف:(هز ايدو) يا ربي تصبرني
قلبت ليه قلبتو كلو بغيت نقلب ليه ظهرو و مع انا مكلخة مقلتش ليه ضور بحالا عنقتو و حتا هو عجبوو لحال زير عليا ،المهم ملقيت عندو والو
انا:(دفعتو) تا مالك طلق مني
يوسف:و نتي لي عنقتيني اللولة و انا بادلتك العناق
انا:تفو على حامض 
يوسف:انا حامض؟!! 
انا:ااه و باسل و خيب
يوسف:امم و لكن عينيك كيقولو العكس
انا:كتحلم لا؟! 
يوسف:تبغي نأكد ليك
انا:ااا لا لا ش شكرا
يوسف:ههههه صاافي كلشي بان 
انا:باراكة من البسابة و يلاه راه مزال تابعانا الطريق
يوسف:واخاا
ركبنا فالطموبيل و شدينا الطريق
عند اروى
اليوم غتجي دعاء تشوف الحالة ديالي و منها نيت نهضرو على خاطرنا، فقت صباح غسلت وجهي و بدلت حوايجي لبست كسوة طويلة بالكمام و ليوت عليا واحد الفولار و مشيت الكوزينة وجدت بلاطو حطيتو فالصالون و مشيت فيقت جابر
انا:حبييبي فيييق نووض
جابر:(كيتكسل) وااخااا
يلاه غنوض من حداه جرني
جابر:فين هي قبلة الصباح 
انا:ههههه
بستو فحنكو و نضت
انا:يلاه نوض تفطر 
جابر:وااخا اكبيدة
مشينا فطرنا و مني سالنا هزيت داكشي حطيتو فالكوزينة
انا:جابر يلاه نخرجو نتمشاو شوية
جابر:وااخا
لبست صبيبط و شديت فايد جابر وخرجنا كنضورو و لكن مبعدناش بزااف دنيا زويينة تما و الهوا نقيي
رجعنا لدار يلاه غنحلو الباب بانت لينا طموبيل ديال دعاء جايا 
انا:دعاء جات
جابر:ااه
حتا قربات و هو يبان لينا شي واحد راكب حداها
انا:نااري شكون ڭالس حداها
جابر:ناري داك الحقير 
دخل جابر كيجري جبد واحد الحديدة و خرج
وقفات الطموبيل و خرجات منها دعاء و يوسف 
جابر:جيتي عندي برجليك
يوسف:(هز ايدو) انا جيت غير باش نهضر معاكم 
جابر:(شنق عليه) فاش كتهضر معايا ااه
يوسف:(كيحاول يفك ايد جابر) راه وقع سوء تفاهم
جابر:(ضربو بقبضة يدو بجهد) هااك 
يوسف طاح و مشات عندو دعاء كتجري شداتو 
دعاء:ناااري زرق ليك وجهك
يوسف:هههههه خفتي عليا 
دعاء :اوييلي واكل العصا و كضحك
ناضت دعاء عند جابر 
دعاء:جابر حاول تسمع ليه راه بصح وقع سوء تفاهم 
انا:دعاء ياكما لعب ليك هاد الحمار بدماغك 
دعاء:لا انا مجبتو معايا حتا تأكدت من هادشي
جابر:هضر الحقير نسمع اش كتقول
ناض يوسف وقف حدانا عاود لينا كلشي و ورانا حتا الفيديو
يوسف:سمحو ليا بزاااف و لكن بكترة حبي للواليدة مبقيتش عارف راسي اشنو كندير
جابر:ابلاتي ديك الق... ة غنشدها غنويريها اللعب كيفاش كيكون
يوسف:حتا انا عندي معاها حساب طويييل
انا:جابر شوف هادي لي كتهضرو عليها
جابر:هاديك لي جريت عليها فاش جيتي عندي نتي و ميساء لشركة
انا:اااه بنت الحراام عرفتهاا

يتبع فالجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.