نبض القلب الجزء 12 والأخير

الدراري حارو معرفو ميديرو خصوصا انهم مظارسينش المكان و معارفين تا شنو ممكن يتلاقاهم فالطريق ملقاو تا حل غير يكلعو فالشجر و ينقزو السور للجهة التانية و دكشي لي كان بعد محاولات طويلة دامت شي ساعتين و فشل اكتر من محاولة نجحو فيه واخييرا نقزو بعد ما لقاو الدنيا مسلكة مدخلوش للقصر بل بقاو متبعين الطريق لي فالجردة علله تخرجهم فشي مخرج تلاقاو مع البوديجارد الل مخلاوهمش يسلكو و عندهم الزهر كانو هازين اسلحتهم معاهم باش دافعو علي راسهم و هربو دخلو فوحد التفق تحت السور بقاو متبعينو تا وصلو لجراج كبير عااامر بالقيشة و التخربيق قلبوه مزيان ماقلقاو والو غير لابتوب محطوط فوق طبيلة و كرسي فيه حبل فتحو اللاب توب لقاو فيه فيدو مسجل مي هاد المرة كان عيسي لي كيدوي 

عيسي..هعهههه برافو عليكم قدرتو تفلتو و دخلتو للقصر هاء بغيت نقول سلتو حيت جنا لي فتحنا ليكم الطريق

انيس..ااه حيت انت لي نقزتي ديك التنقيزة كاملة (دارو كل من جهاد و داوود شافو فيه و داو)

عيسي..ولكن للاسف فلتنا هاد المرة و مشينا البلاصة خرا هاد المرة غنقولك حنا فين و شد تيلي فونك فيدك غيوسلك وحد الفيديو غيعجبك بزاااف الا مسيفطتيش لي نسرين فغضون ساعة و اه العائلة السعيدة ديالك عندنا (دور الاب توب جيهتهم) 

داوود..ز*** دا با و مي حتي من جدة و جدي و البنات و تا اركان عمي و خالتي و اسماء و ولدي ..فين ولدي

عيسي...اه هههه كتقلب علي ولدك عرفت اكيد ههه ولدك للاسف فلت لينا ملقيناعش هو و الانسة الكريمة بغيت نقوول مدام نسرين غتلقانا فالحافة اللي ورا الفيلا لي كطل علي شلال مي متجيش بوحد جيب معاك مدامتك جود باي

تطفا البيسي و شافو فبعض

جهاد..داوود..خاصنا نسرين ..

داوود..دب انت حمق ولا كتستحمر نضحي بنت مدارت والو باش نعتق حتك

جهاد..ههه ختك..ولات ختي دب ياك..مبقاتش هي اللي كنتي داير عليها حالةةو شحال و انت بافيها تسامحك 😒 دب ختك..شوف نقولك خرج من الموضوع اصلا لين مكتجيك مكتحيها عكينا تسياع و غنخرجو ختنا بوحدنا

غنخرجوها بوحدنا 

داوود..غنخرجها بيدي ولكن ماذي بنسرين 

جهاد..ديري لي بغيتي ولكن ختنا غناخدوها بوحدنا مشاو و خلاوه واقف معرف ميدير بغا يجرب واش تبغي تتنازل ولا لا تاصل بيها بقا شحال كيصوني يصوني عاد جاوبت 

داوود..نسرين فينك

نسرين..ههه كتتاصل بيا باش تسلمني ل عيسي ياك..

داوود.اش كتقولي

نسرين..غير سولت و صاف شو انا مغاداش عندو و اصلا انا مكيناش فالدار باقي دقائق و نقلع لماليزيا و خليتها ليكم مخضرة بغيتي تتغدا بيا قبل منتعشا بيك ساع سبقتك شوفلك غيري هههباااي 

داوود.نسرين ..نسرييين ..زاخ تاصل برجالاو لي كيكونو فالمطار ديال الطائرات الخاصة 

داوود..مدام نسرين كتعرفوها متطلعش لختي تكيارة كيفما بغات تكون وقف المطار و قف الطيار وقف لي بغيتي لي نعرفو نص ساععة تحيبوها لهاد العنوان**** 

البودي حارد...واخ اسيدي 

و دكشي لي كان فالمطار الدنيا مقربلة علي نسرين حسها تقطع بقا ليهم الحمامات النسائية معرفو ميديرو غير انهم يلبسو سدلو و يدخلو كيقلبو بينات العيالاات و والو كلشي خرجوو باب فالحمام باقي متفتحش هرسوه و كان ضنهم فمحلو مقردة فوق الحمام و جالسة حاضية الرجلين من تحت الباب 

نسرين..طلقوووني ...طلقوووونيييي طلقووووني واش معارفينش معامن نتوووما كنقوليكم طلقووووونييي

سدو ليها فمها و ركبوها فالاوطو داينها عند داوود فعاد الوقت طان تبع انيس و جهاد و وقف فالنص التاني كيشوف فيهم مربوطين و جالسين فالارض كيتسناو الانقاد و السي ماركوس جالس فكرسي وراه علي ليمن عيسي و علي الشمال عمر اما كار فراه مربوط و مجلسو قدامو 

ماركوس..اهليييين باحفااادي اهليييييين 

داوود.😒😒😒

مارك..مربيتيش احفادك ا كارل مكيجاوبوش اللي كبر منهم اش هادشي همم ..ولااا عليك انا نربيهم مي حتي يجسبو لي الوريت ديالي و توقعو لي علي هاد الوراق 

بقا طلشي ساكت ز كيستفزو بعض بالهضرة حتي جات الاوطو جايبة نسرين و حطوها كان عيسي جاي اول مشافها مي وقفو داوود بالسلاح مني هزو 

عيسي..ههه ..كتستخدم حيلنا 

داوود..رجع اللور عائلتي ترجع ورايا نعطك اش بغيتي 

نسرين..هممم همممم

داوود.انتي غير سكني اللي غدرني قيراط نغدرو 24 غير تهناي يالله طلقوهم و يجيو ورايا

كاربوس..طلقهم طلقهم ايه اصلا معندنا منديرو بيهم خليو الرئيسية 

دكشي اللي كان العائلة كاملة مشات ورا داوود بقات لين شادها عيسي و داوود شاد نسرين بداو كيقربو جيهت بعضياتهم و هو قراب للحافة تقابلو و يالله غيدفعو البنات كل وحدة فجهة داوود بغا يغفلو و يخلي نسرين و يتسري فيه عيسي فهمها طايرة و بدل ميدفع لين عندو لاحها من الحافة و جر نسرين و وجه السلاح عندو 

عيسي..هههههه دكائك خدمو فبلاصة خرا ماشي علي عائلة دينز اسييي

ماركوس..الوراق الوراق مضب عليهم 

داوود..عينيه حمارو كيشوف لتحت مكيبان ليه والو الشلال نصو ما و النص تاني جامد بفعل البرد القارص و المعروف علي هاد الفترة كيطيح التلج

داوود..لا..لااااااا

جهاد و انيس حتي من اركان و يوسف هجمو علي ماركوس و حفادو مي هربو اما داوود فنزل كيجري للتحت كيقلب علي لين مع انه شبه مستحيل يلقاها فهاد الوضع الحرج

نزل كيجري مع الحتارف و خوتها و خوتو وراه كيبكيو حيت درجة البرةدة مرتافعة و هي فالما متلج كلشي قلبو غيسكت كيجريو كيف وصلو 

داوود..(كيفوت ) تا حد ميطلع فالتلج غير الدراري لي طلعو و بشوية باش ميتهرسش التاج لكن كان مجمد كتر من اللي خافو منو مشاو كيتزلجو ناحيت الما و هما كيحيدو التاج لمرتت و كيشوفو لتحت و داوود جاهل كيقلب من هناةو من هنا بدرجة كانت غيتلاح فالما لولا مشدوهش حتي كتبان ليهم الحتة ديالها حايمة من تحت التلج بعد داوود بمسافة و بدا كيهرس فالتلج باش توصل جيهتو و يهزها كيهرسو بقبضت سدو حتي الدم خرج و تخلط مع الما فهاد اللحضة مكانش هامو الالم كانت هاماه حياتو لي ممكن تموت فاي لحضة الا معتقوهاش بقا كيدرب و الدم كيزيد يخرج 

انيس..راك كورتي يدك خا نهرسوه برجلينا 

داوود..حيد حيد مشغلكش حييد 

خلاوه علي خاطرو و كيعاونوه حتي هرس الجليد وبات ليهم طايفة مقربة ليهم جبدوها و حطوها لفوق كلشي حسد جاكيطاتو عطاوهم ليها و كيسخنو ليها يدها و رجلها ها لي كيدرب ليها فسدرها باش يخرج الماء بقاو علي نفس الحال حتي خرجت الما و فتحت عينيها لي ولاو حمرين و الدموع كيخرجو لا ارادسا كتقفقق من شدة البرد مهتمش اللي وراه ولا عطاهم قيمة اللي عرف فديك اللحضة غير انه عنقها و زير عليها فحضنو كيبكيو بزوجهم فصمت عايشين فعالم خر غير الواقع لي هما فيه

هزها بين يدو و البقية سيقو كيجريو لطموبيل لحق عليهم ركب و هي فوق من رجلو كتقفقف و كتبكي معنقها بين يدو و مزير عليها هي نفس الشي كأنها خايفة تتعاود القصة كاشي بالهين تتلاحي من فوق تلة بعيد علي الارض بأمتار و علي غفلة حتي تلقاي راسك فعمق الما طايفة و حتي باش تعتقي راسك مكينش غير التلج يعني ميتة ميتة لولا لطف الله و انه مكتب ليها حيات خرا كيف كيقولو بعد كل غيم مطر يعني غتتفرج بإدن الله كانو كيهدرو معاه و هو غايب عن الواقع فحالي بقا محصور فالحضة اللي طاحت من الفوق 

بقاو هكداك حتي وصلتهم الطوموبيل للدار اللي ساكنين فيها مشا كيجري اول بيت بان ليه دخلها للحمام و خوا عليها الما دافي باش تسخن يالله غيبدا سدوش ليها وقفاتو ا مو 

نبية..ولدي..حدك هنا..مبقا فين تزيد متنساش راها ماشي مرتك..

داوود رجع خطوة لور شاف فيها كتقفقف فالما باس راس مو و خرج دخلت فاطمة و دموعها علي خدها تعاونت عليها هي و اسماء دوشو ليها بالما سخون دفاوها عاد خرجوها للبيت اللي كان ديال انيس..غطاوها بالغاطا و خرجو للصالة فين كانو مجموعين 

ميرال(الجدة)ياك لاباس شوية دب 

فاطمة..حمد لله راه نعست 😢😢

مهدي..الحمد لله اللي جات علي قد هكا..ماشي ساعل اللي وقع ليها مكانت حالمة ولا ضانة تتلاح علي غفلة من جرف راااه صعيبة و بزاف 

كمال..تلحمد لله اللي جات علي قد هكا 

كارل..(الصمت).

انيس.و جهاد و اركان و يوسف نفس الشي ملتازمين الصمت كيسمعو شنو كيتقال اما اسماء و سكينة و كوتر فبقاو حدا لين و هازين البيبي فيدهم كيراريو بيه

نبية..دب شنو غيوقع مع نسرين شو مصير علاقتها مع داوود 

مع هاد الكلمة دخل داوود..

داوود..مصيرها معايا الطلاق مبقا عندي مندير بيها اصلا كنت مزوحها غير علي..(مكين لاش نفشي سرها) كنت مزوجها فير حيا بقات في نخليها بوحدها فالمغرب لا حنين لا رحيم ولكن ماشي ديال المزية كانت غادة مسافرة

كانت غادة مسافرة و هربانة و حتي فاش جيت نسلمها لعيسي مكنتش انسلمها ليه ولكن غفلني و رما لين هدا اخر كلام غنطلقها ولكن غنعاونها تتفك من عيسي معندي مندير بعلاقات خاينة فحال هكدا لو كانت وافقت انا مكنتش غنخليها تقدم راسها ولكن الحض و القدر هدا كان مجراهم معندنا منديرو 

كارل..هدا طيغني انك كنفكر ترجع مع لين ..غير تهنا لين براجلها

يوسف..لين مطلقة 

داوود..ابتاسم داخليا و نطق كارل

كارل..مكيعنيش انها غترجع ليه هاد النوضوع مسدود من شحال هادي

داوود..كلامك كان يمشي علينا هدا شحال ماشي دب..كل ما عليك ديرو هو تديها فصحتك حد مطلب منك رأيك

مغنزيدوش نضلمو راسنا كتر و نضلمو ناس خرين معانا حياتي انا اللي غنقرر فيها و ولدي غيتربا معايا انا و مو كفايا هادشي اللي دوزتي علينا انت و دوزاتو علينا الدنيا اكتفييينا بما فيه الكفايةمكتفيتيش معييتيش محسيتيش بلي راك دمرتي حيات ناس بزاف بتسلطك ها محسيتيش بالعداب اللي دزنا فيه اقرب الناس ليك و اللي هي مرتك هنتيها و ضربتيها و عيشتيها الويل و راها صابرة معاك علاش حيت كتبغيك حيت عارفاك انت شكون و عارفة قلبك بيض و طينتك نقية و حتا عارفينك انت شكون حنا بغينا كارل القديم بعينا حدنا اللي كان كيهزنا فوق كتافو و يضل يلعب معانا بغينا كار الحنين كارل اللي كيدافع علينا من واليدينا كارل بانا عافاك رجع متزيدش تعدبنا و تدي سعادتنا الحياة كتتعاش مرة وحدة ماشي كتر كارل راسو تدريجيا بدا كينزل للارض و دموعو كينزلو كيتفكر دكراياتو مع ولاد ولادو كيفاش كان كيلاعبهم و يخطفهك من المدراسة و يديهم للحديقة يلعبو كانو دكرايات زوينة ولكن بسباب شيطان مارد كان ايدمر علاقتو جا داوود و استغل الفرصة و عنقو 

كانت لحضة لا متيل لها شحال زوين ترجع علاقت بأشخاص لطالما بغاوك من قلبهم و بزز منهم تلفو علي الطريق جاو الدراري كاملين نزلو علي رجليهم و حطو ريوسهم علي رجل حدهم كيبكيو و وقف عنقهم ميرال من الفرحة طاحت جالسة كتبكي و نبية و فاطمة معنقينها و حداهم مهدي و كمال اللي شافو فبعضياتهم و تعانقو عناق رجالي

و تعانقو عناق رجال

هكدا الحياة زوينة باسهل الطرق شحال زوين تعيش حيات نقية و مفيهاش خربشات سود ولكن معندك مدير تكون كيف ما بغيتي تكون و حتي نكون قلبك بيض صافي ضروري ميدخلو لك فيه شي نقيطات رمادي من حقد و غل و حسد البشر الا كان الحجر الاسود فقديم الزمان كان بيض و بخبت البشر كيدهم رجع كحل ما بالك بقلوب الناس 

نبية ..الصراحة بغيت وحد الحاجة نقولها مبغيتهاش تبقا فقلبي و مبغيتش مازال نزيد نخلي علاقتي باقرب الناس ليا بعيدة بغيت نرجعها لحضني ..بغست نعتادر من ختي و بنتي فاطمة لطالما كان غروري و كبريائي محسسني انني دائما علي صواب لطالما كنقول ان الناس عما اللي غالطين و انا اللي عندي الحق ولكن كنت غالطة مكنتش حاسة بداكشي اللي كنت كندير او اللي كنت طلبت من ختي حتي رزقني ربي ..شحال هدا من زمان مني كنا باقين صغار كان عندي داوود واركان كانت عندو شي 6 سنين تقريبا ختي فاطمة كان ديك الساع عندها انيس و جهاد فحال توأم و كانت ولدت ديك الساع اسماء بنتها كانت عزيزة علياةو انا كنت كنحماق علي البنات ولكن ربي مرزقنيش كانت ديك الساع ختي مشغولة معقلتش بالضبط اش كانت كدير المهم كانت كتخليها عندي كنت تعلقت بيها بزاف و منقدرش نفرقها لدرجة كنت مني كتبغي تديها كنقول ليها راه ناعسة باش تبقا معايا حتي للنهار اللي جاتني خدمة فاليونان كنت مترددة معرفتش واش نمشي ولا لا قلت نجرب الا ختي بغات تخليها تمشي معايا مزيان مبغيتش نفكر فالاحتمال السالب و دكشي اللي كان طلبتها ولكن ردها عصبني ختي مبغاتش بنتها بطبيعة الحال ميمكنش لي نديها معايا من تم قررت نقطع علاقتي مع ختي و كان غلطي سمحي لي ابنتي مكتتش قاصدة (تلاحت عليها عنقتها) 

فهاد اللحضة كانو البنات نازلين و سمعت اسماء هادشي كامل 

اسماء..وحتي دب راني بنتك و غنكون مرت ولدك (تلاحت عليهم عنقاتهم تا هي)

نبية..حببتي 😘 انتي 

اركان كيشوف غير من بعيد و مبتاسم

فاطمة..شفتكم نزلتو فينها لين 

سكينة..ناعسة اخالتي 

فاطمة..والولد..

سكينة..عن سكينة راه منزلاه 

غير بانت ليهم نازلة مشا داوود نجاهها بخطوات مخربقة كيترعد تجاهها هز البيبي من يدها و هو صغيور كي الكميشة 

داوود..واش مريض مالو صغير هكدا ياكما عندو شي مشكل ولا شي حاجة

فاطمة..هههههه اولدي راه باقي صغير يالله عندو شهر تقريبا قداش بغيتيه يكون 

داوود..ااه .هه جاني فشكل شو كيف كيبان ههه

مع دار مع صورو اركان لاحها فإنستا طايرا

داوود..اش درتي داك الحمار ارا وريني 

اركان كيجري والله لشميتيه 😂 دخل و شوف كيجاتك كي الخرا

نصل الصباط مهدي من رجلو ولاحو علي اركان للراس

اركاان..اااةةه الواليد حرام عليك 

مهدي..الملافض سعد اولدي 

اؤكان..احم احم.حاشاكم زعما واه اصاحبي علي انت مكدسرهاش

مهدي..راه باقة فردة فرجلي لبغيتي نلوحها علي والديك ها

اركان...احم..ماشس مشكيل الواليد غا خليها مسخناك مكين لاش

جلس داوود وسط المجمع و ولدو فحجرو كيلعب معاه حتي جابو ليهم الغدا شي جالس فالارض شي فوق الفوتوي شي مزرع فوق الطبلة حطو ليهم فطباسل و جلسو كياكلو حتي نزلت لين فالدروج ملوسا فمانطة جات تخشات وسط مها و باها معنقينها كيشوفو بصمت عطاوها طبسيل كتاكل و عينيها علي داوود اللي هاز ولدو فيدو و حتي هو كيتقاشعو من التحت للتحت حتي دوات نبية 

نبية..اوا اوليداتي اش ناوين تسميو ولي العهد

لين..معرفتش باقي مفكرتش

داوود..و ولدو فحجرو..باقي مفكرناش فيها الجمع ماشي المفرد

شافت فيه 😒 و عينيها مخنزرين

لين..انت لي كنتي كتعصرو 😏 

داوود..كلمة وحدة قلتها و نوضي وقفي بغيت نهضر معاك بعد ادنك اعمي طبعا 

كمال..خود راحتك

انيس..احم..شغل سي سيد..

جهاد..مكينش ادن مأدناش لك

ناض جرها من وسط باها و مها 

داوود..حكم علي اللي عندك خلي اللي عندي 

جهاد..قول والله

داوود..حق الله زيدي انتي 

لين..طلقني ..انت ..قالك زيدي حمارة انا طلق و طلب بإحترام راني باقة مريضة و كتجر في بهيمة انا 

داوود..فهاد الفترة كاملة اللي ملحقناش نقولو فيها كلمة مقادة علي بعضها كتباني لي لسانك طوال كتر مكان طويل هدا شحال 

لين...الطول المعقول هو هدا بغيتي تقول شي حاجة قولها هنا 

داوود.ب لبغيت ندوي علي شي حاحة خاصة برضو نقولها هنا 

لين..انت واحد مستفز و مقرف زيد مشات كتحري قبالتو و هو وراها خرجو للجردة 

لين..اهو اش بغيتي اش عندك 

داوود..رخفي النفس فك و انتي غتتفرجعي ..

لين..همممم

داوود..(جلس ) شوفي..نهضرو بالمعقول ..انا عارف راسي درت معاك اغلاط كتيرة و بزااف و لحد الان بتقي ممسامحش نفسي عليهم

لين..الحمد لله اللي عارفة راسك اش داير

داوود..سكتي

باقي مكملتش كلامي.. هدا مكيعنيش انك مغلطتيش و مدرتيش فوط ما علينا هادشي كلوووووو داز و تعاقبنا عليه حنا و ماس خرين معانامنهم زينب و يوسف اكتر طرف متضرر زيد علسهم اركان و اسماااء جهاد ووسكينة كوتر و انيس اللي كراهم دب مزوجين و مبعسدش كور البنات كانو حاملات دب ما علينا بينا حنا العلاقات غتتصلح طبعا موافقة 

لين..موافقة علاياش بالضبط ..

داوود..(كيفاش غنقولها هادي تا هي مكنتش حاسب حساب نطلب منها زواج لساني مغيبغيش يخرجها تا كغندير ليها طلعت صعب من انني نعتادر منها بغفف ) زعما اللي قصدت انك توافقي علي اننا نصلحو العلاقات و نكونو زعما 

لين ..اه موافقة علي تصلاح العلاقات و شنو خر 

داوود..نكونو زعماةفحال باك و مك و با مي فهمتي زعما (كيحرك يدو كيشرح زعما و هي كي الحمار مفاهمة والو) 

لين.

مالهم با و مي و باك و مك..اش عندهم مضاربين زاه حنا اصلا مضاربين متخافش

داوود..لحدك منين كتفهمي معندكش دماغ 

لين..تا يكون عندك الشرح باش يكون عندي دماغ 😏

داوود..والزبل بغيت نقولك زعماااا راه 

من وراااهم ..وبغاااا يقولك زواااااج دارو و هما يلقاو الكليكة ديال 36 كيتصنطو و هربو 

لين ..(كتشير لور) واش دكشي..

داوود..كيحك راسو احم..اه زعما بحال دكشي

لين..ومالك كتعصر من الصباح فحالي فيك الباسر 

داوود. هظ فيها راسو 😒.من نيتك..

لين..😇ممم

داوود..خلينا فالمعقول دب انا كنهضر معاك فعلا عيت والله دخلت فمعماعة كنت بعيد عليها و معنديش فيها دخل الله يرضي عليك خفي شزيا لكنت انا الغلطان متغلطيش تا انتي و تاخدي دنبي و دنبك و اهم شي دنب ولدك 

لين ..(كتمعن فالكلام ) همم

داوود..اش قلتي

لين..احم..غنوافق عير علي قبل ولدي ماشي علي قبلك..

داوود.(فنفسو..اودي علي قبلي علي قبل ولدي حنا واحد الله يرزق غا الصحة و السلامة 😂) 

لين..و اه ما في اللي يدخل فحرب البرجوازيين عيت خلينا ناخدو فترة نقاهة بعيد علي العالم و المدينة مكرهتش شي بلاصة بعيييدة علي بنادم تكون منعازلة فيها غير حنا و الحيوانات و الغنيمات ولا شي حاجة حدا البحر عييت كرهت المال و اللي جا معاه 

داوود..اودي غا زيدي نفكرو فهاد الموضوع دب نشوفو شنو غنديرو اجس داك البعلوك شنو غنسميوه

لين.هممم شي سكسة زوينة و مدتيراااش هممم بكر اه بكر سميت صحابي ابو بكر الصديق من شحال و هي كتعجبني هاد السمية صاف بكر

داوود..مشات يالله ندخلو عندهم مجاو فين يدورو كانو مصافين فالباب د الحردة و كيزغرتو و ينقزو فحالي لقاو شي خاجة موضرة ليهم 😂😂

سكينة..بشااااخ مشااااات الرجووولة..مشاااات الشهامة..مشاااا البرستيج

داوود..دكشي محفوض ابيبي..خليك فراجلك متركزيش معايا بزاف 😉

سكينة.اهي هاني ساكتة نسيتي ايامات اجي اسوما قاديلي اجي اسوكة شوفي وااااااخ 

داوود..😘 ختيتي انتي ختيتي 

خرجو للباب هزو كويراتهم زادوهم عالبيجامات و تزجهو برا ركبو فالاوطو و كسيرا مرة وحدة 

لين..فين غادين

داوود..دب تعرفي..

خدم موسيقا و بقاو مرة وحدة حتي وصلو لوسط المدينة خرجو غمض ليها عينيها و كلشي كيشوف فيهم و يضحك علي شنو لابسين و شي عاجبو الحال علي الكوبل اللي قدامهم كيبانو زوينين خصوصا شكل لين مع حجم داوود ههه سنفورة و سنفور غضبان😂

بقا غادي علي نفس الوتيرة حتي دخلو للمحكمة فين كان المحامي كيتسناه 

موحد ليه كلشي شنو كان طالب منو طبيعة الحال الفلوس غير حطيهم يجيبو لك الببغاء كيغني الرجادة و محزم عليها

ما علينا 😂

داوود.(بوقفتو المعهودة و تخمزيرتو اللي طيح زرزور من فوق الصور)..الوراق و كلشي موجود ياك 

المحامي..وي مسيو كلشي مزيان خاص غير توقيعاتكم 

داوود..عطيني وراق الطلاق هما الولين و من بعد الزواج الله يرضي عليك

المحامي..واخ اسيدي..عطاهم الوراق وقع داوود علي وراق الطلاق و المحامي حاضيهم و كيضحك فسرو تا قشعو داوود

داوود..بغيتي تقول شي حاجة ؟

المحامي..(قفز من بلاصتو و تقاد) هاء ها انا انا لا لا مبغيتر والو سلامتك اسيدس تهلا

داوود..ماشي قبل مندخل للقفص الدهبي هاد المرة وراق زواج اسيدي 

المحامي..هاء نسيت نسيت سمحلي 

داوود..(فودن لين)ناسي اهم حاجة باغيني نسيفطو فزيارة خفيفة عن جدودو يطمن علي بلاصتو حداهم 

لين..ههه فكرة علاش لا

داوود..خلي ندخلو القفص و ديك الساع نسيفطو تال عند سليمان و هيام يعاودو ليه قصتهم 

المحامي..هاك اسيدي الوراق

داوود..شكرا وقع داوود و وقعت هاكي امدام

لين(ضحكة صفرا) هه اش لانلك نعيد نضر فالموضوع صراحة باقية ممقتانعاش 

داوود(بدل ما كان متكي عالبيرو تخربقت ليه الوقفة تا كان ايطيح و قلبها داريجة

داوود..و بربي تا نشد لك الرحلة انتي الاولة ضربي طليلة علي جدودنا من نيتك(ضربها لراسها) 

لين..(كتحك) وصاف اصاحبي صاف را صعيبة نتزوج 

داوود..لا والله علي اساس مكنتيش مزوحة من قبل 😒

لين..هداك ماشي هو هدا 

داوود..علاش هداك راجل و انا ميخي

لين..عرف راسك

داوود..نعام

لين..😍احم..هداك غير اتفاق اما انت حاجة خرا

داوود(تحل😂)انا اش.

لين..😂انت المشماش😂

داوود😡و بربي تا تفدي القديم و الجديد احبيبة غير بالي اخرتك يفكوها التوالة 

لين😂😂مشماش

داوود..دب وقعي بلا كترة الهضرة

وقعت لين و هي ميتة بالضحك علي السيد اللي تحل و تجمع مرة وحدة😂 قالك لين..المغربية يا حبيبي توصلك لقاع البحر و ترجعك عطشااان😉

داوود..مقالوش لك بلي الرجل الشرقي الا دار شي حاجة فبالو ياخدها ياخدها يا نور عيني 

لين..و مقالوش لك بلي انتي الاسد عنيدة بطبعها 

داوود..ومقالوش لك باللي الاسد بنفسو كياخد بلا ميسول 

لين..دب نشوفو اسيدي انا لهضرت علي الاسد فانا برج الاسد و انت مالك

داوود..انا لهضرت علي الاسد حيت اسد علي مسمعتيج جدك نهار خطبتنا فالمغرب قال..كنت علرفكم سبوعة و غتجيبوها 

لين..اودي جدي غا داوي 

داوود..تجربي..

لين..مناويش نخرجو من هنا الراجل راه تفرج فمصارعة جامدة

داوود..كيبان لي غيحضى مباشر للسائلة

لين..تفو عليك اش هاد الهضرة كتقول تفو قليل الحيا الله يقل حياك

خرجت كتجري و تابعها هو كيضحك حتي وصلو للباب د المحكمة تكسل داوود و لين كتجبد يدها 

داوود..دب باش غنبداو حياتنا الزوجية امدام زياني 

لين..احم.كأي ست شرقية مغربية بديناها بنكد 

داوود..😒اش بان لك تسكتي 

لين..انا ساكتة (بدات كتقلب فعينيها حتي قشعت بارك بعيد عليهم بشوية ) مسميتيش سكت انا(زواتو فكرشو و مشات كتجري )

داوود..اوووو..الله ينعل اااه اجي فين غادة اهياتا لييين تبعها كيجري هو كيغوت و هيا عاد مكتجري و شعرها كيطير وراها هما الوحيدين اللي دايرين حيحة وسط كومة د الباشار ساقلين دخلت من الباب د البارك و نيشان طلعت للزعلولةاللي كدور بلا احم بلا دستور و هو خوفا عليها تبعها 

لين..(دارت عندو) ههه واخيييرا 

داوود..بعقلك زعمة ..

لين..حيد علي العقل الواحد هو اللي يعيش اللحضة ههه 

بدات كتتحرك 

داوود..جلسي تابتة راه غتتطلع 

دارت لين بلاصتها و كيف طلعت الزعلولة بدات كتغوت و داوود وراها كيصور فىحان لفرحخا و فرحان لفرحو انه واخييرا حقق اللي كان كيسعي ليه من هدا شحاال 😍

بعد شحال من صورة خداها ليها و هي قبالتو و نزلو دارو علي كل الالعاب كل مرة تخشا ليه فلعبة تا تكتكون صاف غادة و ينقز يجلس اخر حاجة مشات ليه للتران اللي كيطلع تال السما جلست و كان الزحام مجا فين يجلس تا تحرك و من الهبل اللي فدماغو شد فالحديدة ديال اللعبة و بقا مدلي لتحت 

لين..واااع و المسخووط اش كدير غطيح

داوود..😂😂 المغامرة زوينية شدي فراسك لطيحي 

لين..كتبان لي غا انت لي غطيح فهاد اللحضة عرفتي شنو ها انت انا غنضور والا كنتي اطيح علمني باش نشوف فالجهة التانية مبغيتش نشوفك و انت كتطح 

داوود😒 ايااه هادي هي غنعاونك

لين..بكل روح رياضية مالك اصاحبي

داوود😒

و هما كيلعبو كل مرة كيخلعها تا تكنولي مدليا عندو كيغوت عليها و ترجع 

اعبو فجاع الالعاب حماقو كان نهار كتورخ مسلمش من مقالب لين عرفو ريوسهم علي حقيقتهن كل واحد فيهم داخل ديالو طفل مخبي خاص غير اللي يعرف يخرجو😊و اخيرا ختموها باللعبة اللي كيربحو فيها نونوسات حطت عينيها علي بندا كبير بقا داوود مركز و جابو ليها نيت بقات كتنقز بالفرحة نهارهم كلو داز تقريبا تم 

لين..بغيت صوفا

داوود..معيتيش مجاكش الجوع

لين..نن الحو زوين عجبني محسيتش بالجوع بالحق ناكل صوفا و نمشيو ناكلو(باستو فحنكو) 

داوود..كتقلب عليا نتي

لين..راك حدايا😇

داوود..لسانك طول منك زيدي قدامي مشاو شرا ليها الصوفا و جلسو كيتفرج فيها و كيصور فيها كتاكل حتي طاحت فبالو فكرة 😈

داوود..(هادي هي اللي خاصاني غتعجبها انا اكيد )

هز تيليفونو كتب مسج لواحد من رجالو 

باش يقلبو علي نسرين و يجيبوها ليه من سابع ارض تحضر تحضر و مسج خر لاركان و انيس و جهاد 

داوود..صاف مشينا

لين..بففف مسخيييتش

داوود...زيدي قدامي راه عندك ولد واقلة خاصو يرضع

لين..هاء ..تسدق بالله نسيت راه عندي ولد 

داوود..كتقوليها زيدي زيدي

لين..امت غنديرو ليه سبوع

داوود..معرفتش حنا يالله تزوجنا بقا لي غا البعلوك نسبعو زيدي زيدي راك هترتي

لين تا لي شرفتي و خرفتي

داوود💪💪💪

بعد ما كملو الدوران و التسركيل مشاو لاقرب مطعم تعشاو فيه و خرجو كيتمشاو علي رجليهم مشادين و راس لين علي كتفو كأي كوبل كلشي حمقهم شكلهم مع انه عادي مي غريب عند الناس حيت باش تخرجي ب بيجامة و تمشي تتزوجي خاصك تكوني لين و داوود ها لي كيصور ها لي كينغردز اللي حداه تا خرجو من تم و صلو للاوطو متوجهين للدار 

كيف وصلو طلعت لبيتها تبدل و تشوف ولدها تلعوها البنات كيجريو باس يشوفو شنو دارو ساهدع سدت عليهم الباب و خلاتهم كيدقو

لين..سيرو فحااالكممم😂😂😂

اما داوود ف مشا عند الدراري لي كانو كيتسناوه فالجردة

داوود..(^^^^^^^)

جهاد..وايلي اصحبي من نيتك معجبتنيش

انيس..ههههه ظب..😂 دب جهاد غيدير داك 😂😂😂 واااع غيحس معاك😂

داوود..و تب**** ماشي هادشي لي قاصد انا راكم كلكم غتكونو عادي راه هوما لي غادي ي^^^

اركان..هممم انا معنديش اشكال عجبتني 

داوود..ادن وجدو من دب جمعو شطايطكم باش نمشيو و اه راني تزوجت 

اركان..الله الله ربنا يطمن قلبك ضربتي الكحل فالبيض 😂

داوود..اه اخويا الكحل فالبيض خليني نطلععد المرا

يالله غيمشي و هما يشدوه انيس و حهاد من زوج جوايه

انيس..كيفاش زعما المىا كتتسناك ها

جهاد..بلا حشمة بلا حيا كتقولها المرا كتتسناني حنا عواد ديال بولو هنا ياك

داوود..لا انتوما كيغدون

عطاه انيس ضقة للكرس جابو طايح و تحماو عليه كيضارو و اركان فوقهم كيدفش لكلشي العصا😂 

حتا جاو الكبار كيفكوهم ولاو فحال البراهس ديال الابتدائي

كمال..الله ينعل والديكم الحمير اش كديرو 

مهدي..ياكو الحلالف قدكم قد الحيطزوباقين كتداربو كي الجغولة الله يحرقكم

داوود..انا مدرت والو بالله تزوجت خليتكم علي خير تمشا بالشوية من حداهم غير هو فاهم طلع مكسيري الدراري غير شافوه كيجري و تبعوه ساع فين دخل لبيتو و تلاح لبيت لين من البالكو😂 طرزان مولف بالادغال😂 

داوود..لين..واااهيا لين..واااا هيا نص بلاصة 

لين..و سييير فحالك راه ممسالياش فيا الاسهال

داوود.(صدمة) من نيتم اخنينتي تي واش الناس كيتزوجو و يحتافلو بليلتهم انا مزوح محتافل بالاسهال من نيتك

لين..مسوقيش تا دايني عند مول البول د الخوت و تقولي احتفال لواه النم سير فحالك

داوود..بول د الخوت..كتعرفي البول د الحوت كي داير😒 

لين..شكتسميها هاديك زلافة قد الكوكوت عامرة بالما ملونينو بزعفران زغبة ولايحين لي فيه جوج حوتات كيعومو فيه شنو هداك

داوود..لين حبيبة..سكتي الله يرضي عليك و خليك فالاسهال ديالك و البول د الحوت كي كتقولي خليه للي كيعرفو ليه عندهم معاه خليك فالبيصارة ديالك

لين..يع سكت الله يرحم باك متروعنيش 

داوود..تكونيش حاملة😍

لين..معامن متلا مع الحيط..سير تنعس راه ضرباتك الشمس

داوود😒😒اجي فين الولد

لين..هاوا حدايا

داوود..كتفوسخيه 

لين..كنزعترو 😏

مشا لبيت ختو لي كانت كتلعب معاه هي و اسماء و سكينة هزو و خرج رجع للبيت كيلعب معاه و الولد غير كيشوف فيه 😂 تا خرجت لين شادة فضهرها مطلعة شفنجة فقبت شعرها تلاحت فوق الناموسية قربت ليها الولد كتلعب معاه 

لين عطيني بالضهر ا داوود

داوود..علاش 

لين باش نرضعو

داوود..راه راجلك واقيلة🤨 

لين و نن عافاك غير عطيني بالضهر راني ممولفاكش باقة مخديتش راحتي عافاك 

داوود..واخ (ناض منزل راسو خرج للبالكو) حتي رضعت الولد و دخل عندها كيقرقبو الناب دل مرة وفاش كيعضرو اخرهم نعسو معانقين و وسطهم بكر ناعس 

~~~~~♡♡~~

دازت سيمانة من خلال الهضرة و حاجة تدي حاجة عرفت لين بلي متقدرش مازال تزيد تولد تصدمت ولكن فالاخر رضات بقضاء الله اما يوسف فكان مشا باش خطب زينب من عائلتها و رجع عاود تاني لامريكا خبروه بأخر الاخبار جمعو شطايطهم و رجعو لليونان فين ورا داوود ل لين البيت لي عامر بتصاورها و الكادوات اللي كانو كيساينوها من هادي سنين 

لين..هادشي كامل علي قبلي

داوود..وعلي انتي قليلة عندي

لين😍

و فيها مشاو ل لندن بحجت زيارة للدولة من حد العائلة باقة مجموعة يدورو مع بعضياتهم 

~~~~~♡♡~~

صبح صباح جديد مع 6:00 مصبح السرسار فالدار كلشي نازل مغوبش 

لين..اش كاااين مالكم

كمال..كلشي يطلع يبدل الحوااايج ديالو ليوم معروضين لحفلة طلعو لبسو اللبسات لي عندكم لفوق و نزلو 

سكينة..يالله نزلنا مكان والو 

مهدي..غيكون دب يالله كلشي طيرو 

كوتر..واش كينة شي حفلو مع 6:00 صباح ابابا من نيتكم

مهدي..ديما كنقول بنت وحدة لي عندي دكية بزاف الغابرة كتفكري بنادم فيها اجي ابنتي يرضا علسك حنا غنمشي مع صباح حيت هما دايرين حفلة مع صباح

اسماء.الميمة و الفطور مغناكلوش😢

فاطمة..تاكلي جغديد الاه يمسخ طلعي تلبسي النهار و مطال نتي تخشي فوجهك 

نبية..غا لبسو دب نجمعو ليكم متاكلو 

طلعو البنات لبسو كساوي كانو محطوطين و نزلو عندهم لتحت لقاو كلشي موجود و لابس طلعو ف ليموزين يالله تحركت الطموبيل بشي ساعة و هما كيضحكو و يعضرو كياكلو تا وقفتهم طموبيل كحلة كبيرة و وراها عرمة د الطوموبيلات كحلين 

نزلو مسلحين حلو الاوطو 

داوود..اش كاين ياك لاباس

الرجل..نزلو كلكم ولا بربي تا نقتلكم واحد واحد

داوود..تا اش كتخرف حيد يدك.

بقا معافر معاهم مرة و البقية كل طموبيل طلعو فيها واحد و كسيرات فالاخر ضربو داوود فراسو و طلعوه فالاوطو 

فبلاصة اخرا كلشي موجود الدنيا مزيانة ناقصخا غير صحابنا 

وقفو الطونوبيلات قدام القصر الكبير مخرجين البصاعة كيجريو بيها شي كيتعكل شي كيجري حتي وصلوهم لغرف معينة و كل واحد لاحوه فبيت شكل و خرجو اللي كانو فالبيوت تكلفو بيهم 

كانو البنات كل وحدة فيهم طتغوت من جيه مربوطة من يدها و رجليها و فمها و عينيها حيدو ليهم دكشي و تكلفو بيهم 

كل وحدة كانت معاها مرة كتلبسها و تقاد ليها كانو مغطين وجههم وكيغوتو عليهم و يقولو كلام كيخلع البنات شزيا و يبكيو اخر حاجة كلشي لبس كساوي زوينين كيف الاميرات رجعو بالزمن للور كان دكشي خيااالي لأقصي درجة و الناس اللي معاهم كيدفعوهم و هما مخنزرين هدشي كامل و عينيهم مغمضة مشايفين والو حتي حوايجهم مشافوهمش كانو لابسين ولكن مشايفينش اش لابسين كيتحركو ولكن معارفينش راسهم فين كيمشيو 

زصلو لبلاصة محددة بقاو واقفين كيتسناو شي حد يدفعم 

اسماء.(هاد المرض فين وقفوني يعطيهم الهم ) هيهوووو في حد هنا 

لين..(صوت اسماء)اسماااء فين راك 

سكسنة..(البناات)لييين اسماااء نتوما هنا 

كوتر..(و اخييرا) البنااات فين راكم 

سكسنة..كوتر هاني هنا فينك

كوتر..واقفة معرفت فين نزيد ولا فين نرجع تا عيني مغطين 

اسماء..معرفت فينهن هاد القوم خلا نا و مشاو اجيو يدينا مفكوكين حيدو دكشي لي علي عينيكم

لين..واه 

كيف حيدو الزيوف علي عينيهم كانت صدمة تلاتية الابعاد فعلا حاجة لا تتوقع مكانتش فالحساب الالغدعاب النارية و النفاخات فالسما بالزاااف د الناس حاضرين مدينة فشكل شافو وراهم كان قصر كبيير كتاشفو انه مدينة ديزني الي كلشي كيحلم يدخلها بألعابها بكلشي لي فيها شكلها اللي كيحمق الناس اللي رجعو بزمان لور فحالي رجعو لزمن الاساطير و الحكايات فعلا حاجة خيالية من كترة الصدمة بقاو واقفين بلايصهم بلا خطوة بلا كلمة حتي كيحسو بيدين كيختارقو خصورهم و ريوسهم علي كتفهم و طبعا شكون غير حبايب القلب تقلبت الصدمة لرقصة كيتحركو مع نغمات الموسيقي ولكن باقين متأترين بداكشي اللي شافو مقدروش يتخيلو انهم فبلاصة بحال هك حلم و هما ابطالو 

لين..داوود..واش هادشي بصح

داوود..اش كيبان لم

لين..نن راه هادشي مستحيل ميمكنش نكونو فبلاصة فحال هم

داوود..اي حاجة تفرحك نديرها الا تمنيتي القمر نزلو لك

لين..عشتي الدور احياتي القمر مرة وحدة خليني فصدمتي 😄

داوود..ينعل اصلك خلينا داخلين فالمعقول..ولكن ابلاتي ليوم مكين لابول الحوت لا عصير البيصارة 

لين.😂😂 كين ولدك 

داوود..مكنعرفوش..

لين😂😂 

~~~

سكينة..جهاد😂😂 جات معاك اللبسة 

جهاد..اتسطتي ولا نسيفطك للموزمبيق الشقيقة

سكينة..مالك ناشف خليك رومنسي اصاحبي 😏

جهاد..لدخلت فالرومنسية نخاف ندير شي موصيبة كحلة قدام الملئ اللهم خليك معايا علال القلدة بلا فضيحة راني علي بونت ن..

سكينة..😇 حياااتي..

سكينة..حياتي..متتخيلش شحال كنبغيك انا

جهاد..كتقلب علي اصجعة الايام فهاد النهار

سكينة..مالي اش درت😇

جهاد..لا وااالو مدرتيش انا اللي درت و لعقتها 

سكينة..كي جاتك اللبسة ها جيت تيتيزة ياك

جهاد..اه اه تيتيزة ملقاوش لك شي حسنة فحال ديال لين تلبسيها غير هاد الشوهة راني من صباح مدور راسي نخاف ندير شي فضيحة قدام خلق الله 

سكنة..اودي راني غا علال القلدة متخافش 

جهاد..اودي قداش قلتيها غل خلينا 

سكينة..بالحق جاك علاء الدين تيتيز

جهاد.. دب شكون تيتيز انا ولا علاء

سكنينة..اودي كو مكانش علاء مكنتيش انت توتوز دب باركة باركة طلعت لك لي سونتيمون شو التيتيز كي كيتمعشقو شو(دار عند لين و داوود) اودي هداك بو الافكار الشيطانية 

~~~~~~ 

انيس..دب انتي ملقيتي كتلبسي غير هاد الكسوة طالعة من جيه و نازلة من جيه فرجتي فك خلف الله 

كوتر😒 هادي هي جيتس زوينة احياتي جيتي غزالة ..شو يا اما تقول كلمة زوينة يا سكت😏 قالك خاطفينا و جايبينا للديظني يا حصرة و كينتاقد 😢

انيس..دب انتي غتدي عليا اكنضحك معاك جيتس زوينة😍

كوتر😊

انيس..😘 

كوتر..اهيا جمع درجومك راه حنا قدام الملئ 

انيس..حقي مناخدش حقي

كوتر😍😊

~~~~~~

اركان..تيتيز احسن حاجة درتي انك تسترني😍

اسماء..لهلا يوريك اش كنت غنابس 😏 غا تاقيت وجه الله فالخلق ليصدق الطايح كتر من النايض و النايض فاتيجي و حنا باغينهم صحاح

اركان..اودي التقة بالتفس كناكلي كلوريتس

اسماء.تؤ ترايدنت

اركان..ربنا يقوي قلبك

اسماء..ربنا يقويك

اركان..ههه متخافيش الاينيرجي كينة خاص غا الغفلة😂 

اسماء.😂 تفو عليك

~~~~~

زينب..يوسف.. يوسف..واااو هادشي وااعر مني دبرتي علي هاد الفكرة

يوسف..اودي يخلي ليكم مول الافكار داوود

زينب..وينوووشحال رومنسي😍

يوسف..تجمعي و نتي تحليتي

زينب😂😂

~~~~~~~~

نبية..مشاء الله عليهم كيحمقو

فاطمة..واه تبركالله الله يخليهم لبعضياتهم يا ربي 

كمال..دب حنا خوت و نساب 😂 

فتلجنب كاينة ميرال و كارل جالسين معانقين كيتفرجو فحفادهم شرفو الضياف اللي كان كيتسناهم يوسف 

شكون غيرهن طبعا جاد و رنا اللي كانو عارفين اش غيوقع جاو موجدين و اللي حتي ختها وراجلها كانو معاها براء و اريج اللي ولادهم سرحو كي القمل فالحفلة 😂 

اريج..هادوك البعالك اجيو لهنا هاداك اه خلي ختك الله ينعل مك لاش نتفتيها 

براء..واتي خلي عليك القمل يسرح 

اريج..اه باش يديرو شي كارتة و نوليو فتخراب الحفلة😒

براء😍 زيدي نمشيو نسلمو و فكي ديك الغوباشة شو ختك طلقات قنافدها يسرحو و ممصوقاش

اريج..هاديك راه معند جدها عقل

رنا..كنسمعك امولات العقل 

واصلو تمشتيهم و نجيرهم للطبلة فين جالسين سلمو عليهم و جلسو حداهم

براء..مبروك اسي كمال مبروك اسي مهدي الله يكمل ليهم علي خير

كمال و مهدي تلله يبارك فيك اولدي 

توجهو للحلبة كيرقصو و كيضحكو حتي هما اول ما سالات الرقصة وقفو كيتسالمو و يباركو لعضياتهم 

اريج..وينوو..هادي هي البنت اللي قلتيلي ا رنا غزاالو كتحمق يختي جاو غزالات كاملين 

لين..شكرا اختي الله يبارك فيك

سكينة..شكرت بزااف ربي يخليك

كوتر و اسماء..الله يبارك فيك 

زينب

عقبال عندك😇

اريج😂😂 راه مزوجين و عندنا فرقة د الكورة😂 

رنا😂 اودي دخلنا للقفص هادي شي 5 سنين تقريبا 

البنات الله يخليكم لبعض يا ربي 

يوسف..علتش مجاش ياسين و سراج 

براء..خدامين ولكن كيباركو ليكم مكرهوش يجيو ولكن الخدمة عندهم كتيرة 

يوسف..الله يعاونهم يا ربي 

بقاو كيهضرو حتي جات مرا لابسة لبسة د الشريرة خطفت البنات كاملين مرة اخرا ولكن هلد المرة و هما كيشوفو

مشاو معاهم البنات بدلو حوايجهم لي غوب الوانهم متقاربين و نزلو كيحتافلو مع الجميع كانت حفلة رائعة و خيالية فعلا كلشي لابس حوايج مختالفين تقول عيد هالوين بطريقة اخرا كان كلشي كيلعب و البسمة علي وجهو طبعا ولي العهد بكر حتي هو لبسوه لبسة السنافر جات معاه😂 كضحك خرجو البنات بحلتهم الجديدة اللي لفتو بيهم الانضار طبعا كنر ما عما واخدين الانضار مشاو عندهم فرسان احلامهم مي هاد المرة راطبين علي العودان هزوهم فيهم و دارو دورة حول مملكة ديزني كيشوفو كل بلاصة الناس معكرين القنات كلشي ملهي فحالي نتاقلو من حقبة زمنية لحقبة خرا نساز الماضي ركزو علي الواقع اللي هما فيه بعد ما عياو مشاو جلسو فكراسي كيف العرش كيتفرجو فالرقصات اللي كيديرو الراقصين كيشوفو فبعضهم نضرات حب و امل فالمستقبل و فعمق الالعاب و الاحتفالات ناضو ابطالنا يلعبو نساو العالم و ما فيه حتي اريج و رنا اللي كانو محيحين 

اريج..رناااا عقلتي علي نهار عرسنا كيف كان هههه😂 

رنا..خيااالي ...معرت منين كيجيبو هاد الافكار الخيالية والله 

اريج..دكشي والله كيف دخلت تفكرت شنو دارو لينا الله يخليهم ىينا و يخليهم لبعضهم حتي هما 

رنا..يا رب

كل لعبة لعبو فيها كيتصورو رقصو مع الراقصين رقاصتهن الغريبة غناو ركبو فعرابت السباق شويا و علموهم بلي المائدة موحودة دخلو لوسط القصر كانت مائدة الملووك من الراس تال الراس عامرة بكل ما لد و طاب من الماكلة كل متشهيتي تلقاه تموجلسو كل كوبل حدا بعضهم كيشوفو جمالية المكان عمرهم كانو يتوقعو يجيو لهاد البلاصة و يعيشو ليلة بعيدة عند الحياة الطبيعية كلاو و هما كيضحكو و يتبادلو اطراف للحديت حتي كملو تناصصص الليل و هما كيدورو كن بلاصة لبلاصة حتي من الهنود جاو للعرس دار امسياتهم مخطازش طبعا من اللبسة الهندية و الرقصة الهندسة حتي الدراري لبسو ليس هندي و شطحو 

سالا العرس كلشي مشا ديزني طفات اضوائها ولكن اضواء القصة خدامة ليلة العمر غتكون فمملكة ديزني اللي عاشو فيها يوم خيالي حتي ليلة العمر غتكون خيالية مع نصفهم التاني 💕

بعد ما مشا كلشي فحالو للفيلا فين كانو بقاو ابطالنا بوحدهم فالمملكو واقفين كل واحد جر حبيبتو خداو بيت فالقصرو عاشو فيه ليلتهم بكل حب طفاو اضوائهم و سكتت شهرزاد عن الكلام المباح🙊

~~~~~~~~~~~

بعد مصبح الصباح فاقو هما الاولين دارو دورة فالقصر كيتمشاو تار انتباههم صوت شي حد كيبكي فشي يين من البيوت لي كانو كيبدلو فيهم فليلة الماضية كيف دخلو لقاو بنيتة صغيرة صميمرة كتبكي ياله فايقة من النعاس تكون عندها ديك عام و نص هزتها لين كتراؤي بيها 

داوود..موضرة علي واليديها 

لين..تا حد مسول فيها 

داوود..مسكينة اجي خليها معا المشرفة تا سجسو واليديها يدسوها

لين.مسكينة بقات في .واخ اجي نديوها للمشرفة 

نزلوها للمشرفة 

لين..شوفي عافاك رضي ليها البال راه مازال صفيرة عافاك صاف 

المشرفة ..واخ الالة كوني هانية خلانها معاها لين و كل مرة ترجع تشوف فيها حتي ختافت من قدامهم 

ختافت علي نضرهم 

لين.

بقان في تخيل مسلقاوهاش عائلتها 

داوود..غتمشي للميتم

لين..اش بان لك ناخدوها والله دخلت لقلبي و بقات في مشتيش عويناتها كيف كانو 

داوود..همممن معرفتش نفكر 

لين..متفكرش .واللهةنكسبو فيها اجر

داوود..واخ 

لين 😘😘 

وهما كيتمشاو و كيتأملو فالجردة لمحو شلال كيكب فبحيرة مشاو كيجريو و كيتسابقو علي شكون يوصل هو الاول طبعا كانو لابسين حوايج كيخولو ليهم انهم يعومو حيدو الفوقاني و تخشاو غاطسين فالبحر 

~~~~~~~~~~~

بعد 3سنين

طلعو راسهم من البيسين كيف ديما كل مرة كيتفكرو ايامهم كيف دازت وخ ماشي فنرة طويلة ولكن دكرايات زوينة دوزوها فمدينة ديزني و اهم دكرا و احلاها هيا ثمارة بنتهم اللي تبناوها بعد دسك الليلة 

لين..(عيطت للمربية ) هيااال اري لي تمارة 

جايا كتجري من لداخا تلاحت علي لين اللي فالبيسين عنقتها و عطاتها حتي بكر الي كمل 3 سنين خطوانو مزاكلين 

داوود...حببتي انتي تمارة ديالي الكبيدة 

لين..بكر.😍القلييب ديااالي 

داوود..مني هو القلب انا شنو😒

لين..انت نبضو 😍 

داوود..يخليك لي العمر ديالي الله يخلينا لعضنا احياتي 

لين..امييين يا رب و يجعل البركة فولاادنا 😊

مكانو متوقعين يعيشو يوم فخال ولا يعيشو حياتهم فحال هك بعد كل ديك المشاكل اللي عاشو هنا كتنطابق مقولة بعد كل غيم كتييف مطر ولكن ماشي كلشي عندو داوود و كلشي عندو جهاد و اركان وانيس هادو غير شخصيات خيالية عشنا معاهم قصة فيها بعض من المقاطع الحقيقية اللي تعاشت فالواقع مع شخصيات حقيقية دمجناهم فقصة باش نعطيو ولو لمحة صغيرة علي شنو كيوقع زيادتا علي الخيال اللي كنهربو ليه مخبين من الواقع اللي عايشينو هادي كانت نهاية قصتنا نتمنا تكون نالت إعجابكم  نتلاقاو فقصة اخرا ان شاء الله

{النهااااية}