رفقا بي يا جلادي الجزء السادس

من تأليف Khadija El
2018

محتوى القصة

رواية رفقا بي يا جلادي

توجه لمطبخ بخطوات تابتة فكل ما كان كايقرب كان كايشم ريحت عطرها كاتسمع خطواتو وقلبها كايرفرف كانت عاطياه بظهر ودايرة براسها مامهتماش ليه اول ما جات عينو عليها سخونية طلعات معاه اول مرة يشوفها بهاد لبس المثير قرب منها بخطوات بطيئة ضمها من لو وحط يدو على بطنها ولصقها عليه وخشى راسو فعنقها وكايستنشق عطرها لي ذوبو لحمها شوك وحسات بتبوريشة بعداتو عليها بهدوء وخزرات فيه.....
زمرد.. ماتحاولش تقرب مني 
أمير.. "بإبتسامة جانبية"نفهم بلي ما باغياش نقرب منك هه وشنو لي خلاك تلبسي هاد لبس امممم"غمزها" 
زمرد.. حناكها ولاو كي ماطيشة" لا والله زعمة لابساه ليك "راك غالط هذا لبسي من ديما تعود تشوفني بيه ابتداءا من اليوم 
أمير.. اهااااا "كايقرب منها" شنو باغية تسكتي ليا القلب كيفاش غانصبر ونتي عريانة قدام عيني
"جرها من خصرها وطبع قبلة فمها دفعاتو بالخف وخزرات فيه".....
زمرد.. قلت ليك ماتمسنيش انت عارف سبب وجودي هنا "رفعات حاجبها" مانحتاجش نفكرك اذا لبست القصير ماشي معناه معشوقة فيك هذا لبسي من ديما مانحتاجش نكرر كلامي خليك بعيد عليا حسن لك.... 
أمير.. "تعصب " اوك غانبعد عليك ما غانمسكش وغايجي النهار لي تشواي وتمناي نمسك ونطفي العافية لي شاعلة فيك 
زمرد.. "بسخرية" هاااا هااا هااا هههه لا والله "شافت فمحمد رضا " ولدي العشا جاهز حط طابليت واجي غسل يدك...

غسلت لمحمد رضا يدو ودات لغرفة الاكل امير طلع لبيتو كاعي حيد الحوايج ولبس شورط بقى من الفوق عريان نزل لعندهم بعد ما غسل يدو جلس فالكرسي وبدا كاياكل بدون مايشوف فيها او يعطيها عتبار فكل مرة كاتهز عينيها فيه وكاتبسم تعشاو فجو هادئ خدا غير سلطة التوت والعصير وشوية سطيك تكا على زوج كسان مع الحر بعد دقائق بدا يحس بالحرارة طالعة معاه وعرق عروق يدو برزو وولا حمر عرفات بلي العصير والسلطة عطاو المفعول محمد رضا كمل عشاه بزز جاه نعاس 
محمد رضا.. ماما بغيت نديل دودو "كايحك عينيه..... 
زمرد.. "كاتشوف فامير بنص عين " واخا احبيب ماما اجي عندي.... "هزاتو وطلعت لغرفة وخلات وراها أمير غاينفاجر يالا ما كايزيد يهيج غسلت ليه يدو وحطاتو فالسرير وغطاتو بقات جالسة معاه حتي غفا باست جبينو وطفات عليه ضو خلات غير ضو المصباح لي فوق الكوفوز سدات باب الغرفة ونزلت كان غادي جاي ووجهو ولا حمر شاف فيها وعينيه حمرين كيف الجمر فلحظة الخوف دخل لقلبها لكن سرعان ما تغلبت عليه تبسمات وشافت فيه..... 
زمرد.. صافي تعشيتي؟
أمير.. "كايشوف مرة فطبلة مرة فيها " اهااا عاد فهمت نت مولاتها ايوا اجي تخلصي..... "فكل ما كايقرب منها كاتبعد حتى لصقات مع الحيط وبداات تفتف حاوطها بيدو ولصقها عليه وانفاسو الحارة كاضرب فوجها بدات كاترجف الاحاسيس تخلطو عليها الخوف مع الرغبة حط شفاهو على شفاها ولتهمهم ويدو خشاها تحت دوني ويمررها على جسدها ..

لخشى رجلو بين فخاضها وزير عليها وفمو كايلتهم فمها صدرها ولا كايطلع وينزل نساجمات معاه وبدات تأوه وظفارها كايخربشو ظهرو حس بيها ولات على اخرها بعد عليها كاينهج وخلاها كاتنهج كتر منو..... 
أمير. .دابا معادلين "غمزها " 
توجه لجردة وخلاها كلها كاترعد بحال إلى تخوا عليها سطل دالما تلاح فالبيسين كايعوم لعلى وعسى يطفي العافية لي شاعلة فيه طلعت لغرفتها كاتجري دخلت وسدات الباب وبقات غادية جاية وكاتسب فراسها بعد ساعة خرج من البيسين وتوجه لدوش تخشى تحت رشاشة وطلق عليه الما بارد................
#اليوم #الموااااااالي.... 
فاقت بطلتنا مع ادان الفجر توضات وصلت ورجعت لسرير كاتفكر فشنو وقع والخطأ لي دارت... بعدها بدقائق فاق امير صلى الصبح وخرج كايجري فالكورنيش بعد ساعة رجع لفيلا توجه ديريكت لدوش خدا شور خفيف ولبس ملابس رسمية ونزل الطابق السفلي لقى محمد رضا فالصالة كايتفرج ف فلم كارتون وزمرد المطبخ كاتوجد الفطور...

#امريكااااا•••••••••🛬
كان جالس فالمكتب ديالو داخل الشركة وكايراجع شي ملفات حتى دخلت عليه سكرتيرة وهازة فيدها ظرف.... 
\\الحوار بالإنجليزية\\
السكرتيرة.. ميسيو جلنار هاد ظرف ليك
جلنار.. "بسغراب" شنو فيه ؟؟
السكرتيرة.. ماعرفتش 
جلنار.. "كايفتح فيه "اوك شكرا شوفي شغلك
خرجات سكرتيرة وخلاتو كايفتح فيه شاف اول صورة جات قدامو وسع عينيه وحل فمو على الاخر وجهو ولا حمر وعروق يدو وعنقو برزو بدا كايدوز فالصور وكايزيد يتصدم وقف كاينهج وعيط على سكرتيرة بصوت عالي
جلنار.. مايااااااااا....
مايا.. "دخلت كاتجري".وي ميسيو
جلنار.. "شاد ظرف بيدو".شكون عطاك هاد ظرف؟!
مايا.. شخص مجهول حطو فالاستقبال وطلب منهم يرسلوه ليك... "خلاها كاتهضر وخرج من شركة والصور فيدو طلع فلوطو وكسيرا فتجاه الفيلا........مسافة طريق كان فالفيلا بلاصة سيارة ودخل لداخل بخطوات متسارعة طلع فالدروج كايجري غير شافتو سلطانة بداك الحالة فهمت شنو كاين فتح باب الغرفة ودخل صاعر كانت جالسة على سرير وشادة تيلي فيدها وداخلة الواتساب شافت فيه بوجه خالي من اي تعبير رما الصور فالسرير بقوة 
جلنار.. شنو هاد شي "اشار لصور"
جنان.. شافت فالصور ورجعت شافت فيه " كنت باغية نقول ليك على علاقتنا لكن مزيان من سبقوتي صحاب الحسنات "وقفات"جلنار مؤخرا ولاو مشاعري باردين ناحيتك حاولت نحيد هاد الاحساس لكن ماقدرتش

حاولت نكدب احساسي لكن كان قوى مني من بعد كتشفت بلي زواجنا اكبر غلطة وتسرعنا بزاف الحب لي كان عندي جيهت أوس رجع حيا من جديد حب أوس وزواجنا دخلو فحرب عنيفة وفالآخر ربح الحب صدقني ماشي بيدي. 
كل كلمة كانت كاتقول كأنها خنجر كايتغرس فقلبو تحجرو دموع فعينو عيا يكدب شنو كايسمع لكن لحد امتى غايبقى يكدب هادي لي قدامي ماشي هي جنان لي تحديت عائلتي على قبلها لي قدامي وحدة رخيصة وارخص من الرخص وماتستاهلش نوسخ يدي فيها هكدا قال فالداخل ديالو شاف فيها بحتقار ونطق الكلام لي كانت كاتسنى اول ماسمعاتو قلبها نزف ودموعها وقفو على شفارها لكن مابيناتش وبقات صامدة لنهاية........ 
جلنار.. انت طالق بالثلاث... "لاح عليها يمين طلاق وخرج من الغرفة ورضح الباب وراه اول ما خرج طاحت لارض على ركابيها وكاتبكي بحرقة طلع ف سيارتو وكسيرا فتجاه المجهول طلعت عندها سلطانة كاتجري هزاتها من الارض وجلساتها فالسرير وضماتها لصدرهاا.....
سلطانة..علاش اجنان علاش 
جنان.. هئ....هئ.... اااااااااااه هئ.. هئ... جلناااااار هئ... هئ.... جلنار سمح ليا ماشي بيدي... خشاتها فحضنها وكاتنخسس.........

#بعد #مرور #اسبووووووع....... 
شموخ.. هلا والله طولت الغيبة 
مراد.. "جلس " اهلا شموخ 
شموخ.. دارت رجل فوق رجل" شهر واسبوع ويومين دازو على غيابك ياترى ماتوحشتيش محبوبتك ؟!
مراد.. "عتدل فالجلسة" انا عندي سبب باش نفرقهم كانبغيها وعبلة عندها سبب راجلها ضاع منها ونت شنو لي خلاها تسعاي تخربي زواجهم ؟! 
شموخ.. فاعلت خير "صغرات عينيها " ولاد عمي تحطم قلبهم بسببها هذا ماشي كافي خويا تسلب عقلو بسبباها وسمح فمراتو وفينا ماشي سبب "صغرات عينيها" اممم ماشي سبب؟!
مراد ..ممكن 
شموخ.. لا والله مزال ما قتانعتي ماشي مهم المهم تبعد على طريقنا وابتداءا من اليوم غانبداو "مدات يدها" يد وحدة ما كاتصفقش دير يدك فيدك وكون اكيد غاتكون ليك... 
مراد.. "بعد تفكير ضرب كفو مع كفها" شيئ اكيد....... "فهاد الاسبوع جنان رجعات لمغرب وخلات قلب جلنار محطم حقد عليها وعلى نسا وعاهد نفسو عمرو يدخل لقلبو شي بنت لمرا زمرد نهار على نهار كاتزيد تغرق فغرام أمير عيات تكابر وتخبي نفس شيئ بنسبة الأمير ولا مغروم بيها كتر من الأول عبلة كاتشوف سليم بشكل يومي لكن حتى حد ما قدر يشك فيها شموخ كانت مشغولة عليها كايشوفو بعضهم غير فالعشا...

فاقت بطلتنا مبكرة بحال كل صباح توضات وصلت الصبح ونزلت لمطبخ توجد لفطور أمير فاق قبل منها دار الرياضة غير فالفيلا وخدا دوش ولبس حوايجو ونزل لطابق سفلي لقا محمد رضا كايشوف فلم كارتون وزمرد كاتنزل الفطور جلسو مجموعين فطرو فجو هادئ وكل مرة كاتخطف منو نظرة حس بيها وغمزها خدودها ولاو حمرين نزلت عينها دغية توترات عجبو خجلها كمل فطورو وناض باس محمد رضا وتوجه ليها كانت جالسة فالكرسي وهازة كاس القهوة تحنى شوية وطبع قبلة فجبينها شي لي خلا قلبها يرفرف وتكلم بصوت رجولي.... 
أمير.. ماتسناونيش لغدا مشغول اليوم ......
هز تيلي ديالو وخرج من الدار زير عليها قلبها وماحملتش شي لي قال تعودات تشوفو يوميا فالغدا وتغداو جميع جمعات الماعن وغسلتهم وتوجهات لمحمد رضا جلسات جنبو وكاتفرج معاه بعد دقائق سمعات صونيط لباب دارت حجابها وتوجهات لباب فتحاتو.....

مراد.. اهلا زمرد
زمرد.. "ستغربات"اهلا مراد 
مراد.. توحشت محمد رضا وجيت نشوفو
زمرد.. اه معلوم تفضل "دخل مراد وسدات الباب ما حملتوش يدخل وهي بوحدها واخا معاها ولدها مع دلك مارتاحتش لوجودو توجهو لصالة فين كان محمد رضا لي كان مشغول مع فلم الكارتون وماهتمش ليه خربق ليه شعرو وباسو... 
زمرد.. محمد رضا عمو مراد جا يشوفك 
مراد.. "جبد لعبة من ساشي لي كان هاز وشكولا ومدهم ليه... هادو ديالك 
محمد رضا.. "بفرح "سكلا عمو /شكرا /.
مراد.."خربق ليه شعرو" بصحة
زمرد..احم شنو تشرب قهوة ولا اتاي 
مراد.. كأس الما صافي
توجهات المطبخ خدات عصير لليمون من الثلاجة كباتو فزوج كيسان وحطات طبسيل الحلوة مشكل فالبلاطو مع كأس الما وتوجهات لصالة 
مراد.. علاش عدبتي نفسك
زمراد.. والو وجوب الضيافة 
مراد.. عرفت بلي رجعتي لميدان الطب
زمرد.. "بهتمام"شكون قالها ليك ؟!...

مراد.. ماكايهمش شكون قالها ليا زمرد انا عندي كلنيك هنا فالرباط وفيه واحد الحالة مستعصية والأطباء لي فالكلنيك ماطلعوش كيف تمنيت وكانتمنى تشرفي انت عليها 
زمرد.."بستغراب"علاش انا بضبط انت تقدر تجيب احسن الاطباء لعندك ثم علاش ماتشرفش عليها انت بنفسك؟!
مراد..احم كاين واحد طبيب معروف وقد المسؤولية لكن رفض يجي عندو التزمات وانا فهاد الاسبوع عندي ثلاثة ديال العملية مستحيل يتأجلو ومؤتمر صحفي يعني ماعنديش الوقت تقتي فيك كبير هادي حالة مستعصية سألت عليك نتي دكتورة فالمستوى خضتي بزاف دالعمليات وعمرك فشلتي فشي وحدة فيهم وهذا لي شجعني 
زمرد.."بحيرة" ماقنعتنيش ماعرفتش تم انا خدامة ف كلنيك(***) كي غاندير ؟!
مراد..الكلنيك لي نت فيه حالو ساهل اقناعك لي بان لي صعيب كانترجاك وافقي شوفي من الناحية الإنسانية المريضة شابة فالعشرينات من عمرها عندها طموح وامنيات مها تبكي الحجر كاتشوف بنتها غاضيع من يدها بليز وافقي كانترجاك.....
زمرد.."مامرتحاش تخدم معاه "احم خليني نفكر ونرد عليك...

بعد ما مشى مراد بدات غادية جاية كاتفكر بعد تفكير لي دام وقت طويل توجها لمطبخ وجهزت لمحمد رضا غداه غداتو وجلست كاتخمم نفضات عليها تفكير وخدات البيسي وكاتقلب على شي اكول لولدها فهاد الفترة كانت مرة كاتاخدو معاه لمصحة ومرة كاتخليه مع باباه قررات دخلو لروض هكا ماغايبقاش مجرجر لقات الإكول فهرهورة نيت قريبا من الفيلا توجهات لغرفتها لبسات لبسة حجابية فالأسود وقادات الفولار ديالها وهزات صاكها ونزلت لطابق السفلي شدات محمد رضا من يدو وخرجات من الفيلا تمشاو على رجليهم مسافة قصيرة وقفو قدام ايكول كبيرة دخلت لإدارة وسجلاتو فيها كانت هازة معاها الوثائق بعد ما سجلاتو دارت جولة فيها وشافت المكان المخصص للأطفال اصحاب ثلات سنواات من بعد مشات لماكدو مع ولدها لعب شوية ودارو الكوطي تما عاد رجعو لدار دوشات ليه ولبساتو حوايجو عاد خدات هي دوش حيدات بيه العرق والعيا توضات وصلت لي فاتها وجلست كاتفرج معاه وصلها تصال من عند امير ردات بسرعة وبلهفة......
زمرد..وي الو 
امير..مسا الخير.
زمرد..مسا النور
امير ..من دابا شوية غاتوصل عندك مسعودة غاتجلس مع محمد رضا ونت بداي تجهزي نفسك غانتعشاو انا وياك على برا ...

لسانها تعقد ماعرفات باش تجاوب كركبها...
أمير..الووو...الووو.....
زمرد.."خدات نفس عميق " احم اوك ....."قطعت عليه قبل لايرد حطات تيلي فوق الطبلة ووقفت بقات غادية جاية وكاتهضر مع نفسها ... 
<< الله ياربي اش اشنو غانلبس ...ولد الهم حتى طاح الظلام عاد علمني ..اووووف 
هزت ولدها وطلعت لطابق الثاني كادردك دخلو لغرفة وسدات الباب باش مايخرج مول زبايل توجهات لدرسينغ وهدات مجموعة فساتين وحطاتهم فوق السرير وكاتجرب فيهم عيات تقلب طلع ليها دم ...
زمرد..ايييخ نظل نشري ومن نبغي نخرج نوحل "دارت يدها على نصها وعوجات فمها " اممممممممم نقضي بهادي "هزات الكسوة ولبساتها وجلست قدام المرايا كاتقاد الميكاب
محمد رضا .."وقف جنبها" ماما فين غانمسيو
زمرد.."شافت فيه" حبيب ماما انا وبابا عندنا شي شغل غانخرجو شوية ونرجعو وانت غاتبقى مع طاطا مسعودة 
محمد رضا .."عبس " لاااااااااااااا 
زمرد..واش انت راجل كبير ولا وليد صغيور؟!
مخمد رضا ..لاااازل /راجل / 
زمرد..ايوا الى راجل غاتجلس تحضي الدار ياك ياك انت راجل طاطا مسعودة غاتخاف بوحدها وحيت ولدي راجل وبطل غايجلس معاها

دارت ميكاب خفيف وقادات الفولار ديالها ولبست صباط مناسب الفستان ورشات البرفان ديالها يالا كملت وهي تسمع الباب نزلت فتحات لمسعودة سلمت عليها ودخلو لداخل يالا كايهضرو وهي تسمع صوت سيارتو 
زمرد..وصل وقت عشاه عشيه وطلعو لفوق هو غايوريك بيت نعاس عفاك عاونيه يغسل سنانو ولبسيه بيجامة دنعاس حاطاها فوق السرير والطابليت بلييز ماتخليهش ليه نسيت نخبيه من دابا لنص ساعة خاص ينعس "باستو"يالا باي حبيب ماما 
أمير.."دخل "البطل ديالي توحشتك "هزو" 
محمد رضا .."عنقو "بابااااا 
أمير .."نزلو " يالا سير مع طاطا وماديرش لبسلا اطونسيو ..."شدها من خصرها ولصقها عليه "يالا مشينا 
زمرد.."همسات " طلق طلق المرا كاتشوف 
أمير..يسلملي الخجول 
زمرد..حم يالا ...."يالا غاتخرج وهو يحبسها
أمير..بلاتي ..."كانت خصلة من شعرها خارجة من الفولار دخلها ليها وباس جبينها شبك صباعو مع صباعها وخرجو تحت انظار مسعودة طلعو فالسيارة وتوجه لمطعم مسافة طريق كانو قدام مطعم فخم كايطل على البحو طلعو الطابق الثاني وجلسو فطاولة معزولة على ناس جر ليها الكرسي وجلس عاد جلس قدامها كانت متوترة وماشي على بعضها تخلطو عليها الاحاسيس من جديد شاف فيها وتبسم .....
أمير..عجبك المطعم ؟!
زمرد..احم اه زوين
أمير..خليك اليز غير راجليك لي جالس معاك ما كاينش البراني "غمزها " ....

زمرد..الصمت
أمير..كيف كان نهاركم 
زمرد..مزيان اه حقا سجلت محمد رضا فواحد الإكول قريبا منا وغايبدا من غدا ان شاء الله
أمير..ماشي مزال صغير على هاذ الخطوت خليه حتى لعام الجاي على الاقل
زمرد..وشنو نبقاو نجرجروه بينا 
أمير..انا غانشوف ليه مربية 
زمرد..الإيكول احسن انا ما كانتيقش فالمربيات
أمير..هه على اساس الإكول مافيهاش المربيات وناس غراب عليه
زمرد..ماشي بحال فالإكول كاينين وليدات صغار يتلهى معاهم وانا ماسجلتو فيها حتى بحت مزيان وعرفت بلي اكول مزيان ودخلت بنفسي وشفت 
أمير ..اوك مزيان كانتيق فختيارك "غمزها " مع ذلك خاص مربية لي تكون فستقبالو من يجي من الإكول ولي تهتم بطلباتو 
زمرد..ماكاين لاش انا قادرة نربيه بوحدي
أمير..احم هاد الموضوع نتكلمو فيه من نكونو فالدار حنا خرجنا باش نتكلمو فمواضيع اخرى
زمرد..بحالهاش؟!
أمير..مواضيع كاتخص الازواج
زمرد..وعلى هاد الموضوع ماشي مهم وكايخص الازواج ؟!
أمير ..سي مي خلينا نهضرو فمواضيع رومانسية "شد يدها "
زمرد.."حيدات يدها بالخف ووقفات " احم غانمشي لحمام
أمير.."عرفها كاتهرب " اوك شيغي ...

توجهات لحمام بخطوات متسارعة دخلت لداخل لحمام طلقت الما وغسلت وجها وخدات نفس عميق وشافت فالمرايا وكاتكلم
زمرد اش هاد لحالة لي كايتكلم معاك ماشي واحد غريب راجلك وبات ولدك علاش كاتوتري علاش البهلة"ضربت راسها بيدها" ريلاكس شهيق زفير خليك اليز "تبسمات " احم راجلي كايتسناني تعطلت عليه هه "نشفات وجها وقادات الميكاب ورشت عطرها وخرجت ...
زمرد..تعطلت؟!
أمير ..نو "اشار لموني " شوفي شنو بغيتي ؟!
زمرد.."خدات الموني وكاتشوف " امممممم بغيت الحوت مشكل او سلطة الفوكاشيا 
أمير ..اوووه اش هاد صدفة زوينة حتى انا كاتعجبني سلطة الفوكاشيا (سلطة اطالية) 
زمرد..اه زوينة بزاف 
أمير..اوك حتى انا غاناخد بحالك .."اشار لنادل عطاه طلب وبعد دقائق نزلو ليهم العشا بلا ديال الحوت وسلطة الفوكاشيا وضافو بعض سلطات اخرى متنوعة والعواصر تعشاو فجو خالي من المشاحنات زمرد طلقات معاه تكلمو فمواضيع عدة فكل مرة كاتبغي تفاتحو فموضوع مراد وكاتراجع خافت يتعصب وتخسر الأمسية بعد ما تعشاو دفع الحساب وخرجو من المطعم وتوجهو لبحر طلعو فوق الصخر وجلسو تحت ضو القمر عجبها الجو جلس جنبها وكتفو على كتفها .....
أمير ..البحر هو وجهتي المفضلة وهو المكان الوحيد لي كايقدر يريحني 
زمرد..حتى انا افضل مكان عندي هو البحر سواء كنت مقلقة او فرحانة كانحسو كايفرح لفرحي وكايحزني ماعرفتش مجرد احساس ولكن احساس زوين 
أمير..ما لاحظتيش دابا عندنا زوج نقط مشتركة سلطة الفوكاشيا والبحر 
زمرد..ههههه 
أمير.."شاف فعينها"ااااخ من هاذ العيون ومن هاد ضحكة ....قرب منها حتى تخلطو انفاسهم ودخلو فقبلة طويلة مامنعاتوش خلاتو يتفنن فمص شفاها لما حس بنسجامها زاد فالوتير ماطلق منها حتى حسها كاتخنق بعدات عليه ولتقطات انفاسها 
زمرد..احم يالا نمشيو
أمير..مزال الحال الهرابة...

#امريكااااااا•••••
كان جالس فمكان معزول على الناس وحاط فوق طبلة المشروب وكايشرب بوجه حزين كأنو حامل هموم دنيا فنفس المكان كانت مهرة مع صحباتها اول ما شافتو قلبها بدا يضرب بقوة ......
مهرة..نااااوي عتقو عتقو....
نتصار..اويلي مالك
مهرة..جلنار البنات جلنار هنا 
مروى..وااااو واخيرا شفتو مباشرة ياي كايبان كريزمة وحسن بزاف من الصور
مهرة.."ساهية فيه" ااااااخ ياقلبي اااااخ.....
#المغرب••••••••
بعد ما دردشو رجعو الفيلا وشادين فيدين بعضهم قلبها كان كايرفرف ورجليها كايرجفو من الفرحة والخوف فنفس الوقت هاد العشا غير بزاف وختاصر الوقت والمسافة لي كانت مبعداهم دخلو لداخل وطلعو لطابق الثاني ومزال شابكين يد بعضهم وقفو فالممر بين غرفتو وغرفتها كان كايشوف فيها شنو غاتختار ومزال شاد فيدها كانت كاتشوف مرة فغرفتها ومرة فغرفتو وحايرة وخايفة باس ديها وطبع قبلة فمها كانت حنينة وريحاتها نوعا ما فتح باب غرفتو وما خلاش ليها مجال لإختيار حتى هي ما عارضاتش سد الباب وتلفت لعندها رجع باس يدها وشاف فعينها
أمير..غلطت قبل وواعدتك ما غانكررش غلطي زمرد نت مراتي وحبيبت قلبي وأم ولدي وولادي لي غايجيو من بعد واعدتك ما غانلمسكش حتى تكوني موافقة واي حاجة غانديروها غاتكون برضاك ونحسو بيها بزوج

غانكدب عليك اذا قلت ليك مامزروبش وعلى نار لكن غانصبر حتى النهار لي توافقي تكوني ليا برضاك ونكونو جسد وروح ..."طبع قبلة اخرى فمها وكانت طويلة زول ليها الحجاب وطلق ليها شعرها وشد خصلة منو وستنشق ريحة لي كيف المسك طبع قبلة اخرى فعنقها بورشاتها من اليوم هاد الغرفة غاتجمعنا بزوج وفهاد السرير غانعسو بزوج "تبسم " بس ما غانمسكش مزال عند وعدي احم انا غاندخل ناخد دوش رتاحي "باس جبينها وتوجه لحمام وخلاها مرفوعة وطايرة فالسما وقلبها كايدردك ماشي غير كايضرب خرجات من الغرفة وتوجهات لغرفتها فتحات الباب بشوية كان محمد رضا ناعس وجنبو مسعودة معنقاه دخلت بالحس باش ماتفيقهمش توجهات لدرسينغ خدات بيجامة نعاس شورط قصير وضوني ديالو سميطات فالكحل ودخلت لحمام خدات دوش خفيف ونشفات شعرها ولحمها ودهنات كريم بنكهة الفاني ولبست بيجامتها وتوجهت لغرفة أمير كان كمل دوش ديالو ولابس غير البوكسور ومن الفوق عريان تسطحات جنبيو وبعيدة عليه جرها لعندو وخشاها فحضنو وحط راسها فوق صدرو كاتسمع دقات قلبو حتى واحد فيهم ما تكلم امير مع تعب دغية غفا وهي بقات مدة عاد غفااات...

شرقت شمس جديدة وتسللت اشعتها لغرفة ابطالنا فتحات عينيها ببطئ وشافت مكان أمير كان فارغ ناضت كاتكسل والإبتسامة مرسومة على شفاها ناضت بتتاقل وتوجهات لحمام قضات حاجتها وتوضات وتوجهت لغرفتها كانت هي كذلك فارغة لبست الاسدال وصلت الصبح من بعد رجعات لغرفة امير جمعاتها نزلت لطابق السفلي كان مسعودة كاتوجد الفطول ومحمد رضا كايتفرج ف فلم كارتون .....
زمرد..صباح الخير
مسعودة..صباح النور
زمرد.."باست ولدها" صباحو حبيب ماما
محمد رضا..صباحو ماماتي 
زمرد..مسعودة امير فطر قبل مايخرج؟!
مسعودة..من فقت ما شفتوش فاق قبل منا
توجهو لغرفة الأكل وفطرو بثلاتة وصلها مساج من مراد فتحات وقراتو.....
💭صباح الخير زمرد كانتسنى جوابك نتمنى تفكري مزيان وتاخدي بعين الإعتبار البنت لي فامس الحاجة ليك نهارك مبروك ....
قرات المساج كذا مرة وبدات كاتفكر واش توافق ولا لا بعد تفكير طويل قررات خدات تيلي ورسلت ليه مساج ....
💭صباح النور مراد عطيني عنوان الكلنيك
اول ما شاف المساج طار بالفرحة ديك ساعة رسل ليها عنوان الكلنيك طلعت لغرفتها لبست لبسة حوايجها

لبست لبسة حوايجها

وقادات فولارها كتفات بإكخو ومرطب الشفاه رشات برفان ديالها ونزلت لطابق السفلي .....
زمرد..مسعودة عندي شي شغلك خليك مع محمد رضا الله يخليك 
مسعودة..فعينية كوني هانية
زمرد..لهلا يخطيك 
خرجات من الفيلا قبل مايشوفها ولدها ويلصق فيها وقفات طاكسي وعطاتو العنوان..

مسافة طريق كانت قدام لكلنيك خدات نفس عميق ودخلت توجهات للإستقبال وسألتهم على مكتب مراد نعتوه ليها طلعت فالمصعد وبركت على رقم 5 بعد ثواني كانت قدام المكتب ديالو طرقت الباب اول ماسمعت الاذن بدخول دخلت غير شافها وقف وكايتبسم
مراد..مرحبا تفضلي 
زمرد..شكرا "جلست" 
مراد..شكرا بزاف حيت وافقتي 
زمرد..اذا سمحتي بغيت نشوف ملف المريضة
مراد..احم معلوم "مدو ليها " تفضلي 
خدات من عندو الملف وكاتقرا فيه 
مراد..المريضة دارت حادت سير خطير شي لي خلا العمود الفقري ديالها يضرر بشكل كبير خضعات لكدا عملية لكن حتى وحدة ما نجحات ماعرفوش سبب فشل العمليات 
زمرد..بغيت نشوفها
مراد.."وقف" معلوم تفضلي......
خرجو من المكتب ونزلو لطابق الثاني وتوجهو لغرفة المريضة كانت ف غرفة خاصة وممدودة على سرير وغارقة فسبات عميق ....
زمرد..اول ما ندير العملية غانساحب من الاحسن نسرعو بغيت ديرو ليا تحاليل اول ما نشوفهم غانبدا العملية وحاجة اخرى مانبغي حتى واحد يعرف بلي انا لي درت العملية حتى واحد خصوصا امير 
مراد.."فرح من الداخل " كوني هانية....
خرجو من الغرفة ستأدنات ورجعت الفيلا وحاسة بتأنيب ضمير وخاطرها ضيق مابغاتش تخبي عليه لكن خافت من ردت فعلو ومتأكدة بلي غايرفض هذا علاش مابغاتش،تقولها لو كانت كاتفكر ترفض لكن الواجب المهني والقسم لي ادات خلاها توافق رجعت الفيلا ودماغها مرفوع خلات مسعودة مع محمد رضا وطلعت لغرفتها..

شموخ..وصلني مساج من مراد بلي وافقات دابا غايبدا العب هه
عبلة.."بحقد" واخيراااا 
شموخ..امير قال بلي محتاج خدامة تgبل ولدو حيت ست الحسن مشغولة وحنا لازم نساعدوها مسكينة محتاجة لي قابل ولدها فغيابها "تبسمات بمكر"
عبلة..اش كايدور ليك فداك الراس؟!
شموخ..نتصار هي انسب وحدة للمهمة هه
عبلة..عجبني تفكيرك هه 
شموخ..ومزال غايزيد يعجبك هههه.......
#المسااااااء••••••
ظلت مسعودة طول النهار فالفيلا زمرد كانت طول نهار شادة ومتخبطة فأفكارها مع جوايه لخمسة جا أمير خدا دوش ولبس شورط وتيشورط ونزل جلس معاهم لاحظ شرودها وسألها لكن ماعطاتوش راس الخيط وصلو تصال من شموخ ورد عليها
امير..وي شموخ صافا؟!
شموخ..الحمد لله وانت والخنفوش ؟!
امير الحمد لله
شموخ..امير اذا ممكن رسل مسعودة لقصر راك عارف بابا مولفة مسعودة لي تلبي طلباتو هذا علاش غانرسل ليك انتصار تاخد بلاصتها وحتى هي تقة وغاتهتم بمحمد 
أمير..واخا كانفضل مسعودة ولكن ماعليش مدام القضية فيها بابا ديري لي يناسبك
شموخ..وهو كذلك من دابا لنص ساعة غاتوصل انتصار مع السائق علم مسعودة تجهز نفسها 
أمير..اوك...اوك ..

امير..مسعودة
مسعودة..نعام اسيدي
أمير..جهزي نفسك من دابا لنص ساعة غايجي زكريا(السائق) يديك القصر 
زمرد..علاش هاهي جالسة معانا 
امير..بابا مولف مسعودة لي تشوف طلباتو غاتجي بلاصتها نتصار 
مسعود..واخا 
طلعت مسعودة لطابق الثاني باش تلبس جلابتها وتوجد راسها وبقات زمرد طيط اطيط مع أمير محمد رضا كان كايلعب وعايش فالعالم ديالو جلس جنبها امير وتكلم...
امير..احم غدا ان شاء الله غانسافر لامريكا غانجلس اسبوع عندي شي شغل تما انتصار غاتكون معاكم وغاتعاونك 
زمرد..فرحت وفنفس الوقت تزيرات فرحات حيت غاتقدر تتحرك براحتها بدون مايشك نيت اسبوع لي خاصك وتزيرات حيت غايغيب عليها اسبوع بحالو 
زمرذ.. الصمت
امير..اذا ماقادراش تبقاي بوحدك يالا معايا نت ومحمد اش بان ليك؟!
زمرد.."برتباك" لاا لاا انا عندي لتزامات كلها اسبوع وترجع 
امير..شد يدها وباسها " غانتوحشك "غمزها "
زمرد.."خطفات يدها منو " احم غانوجد الكوطي ....توجهات لمطبخ وخلاتو كايتبسم وجدات القهوة وسخنات الخبز وشي رغايف وحطات الكيك والكريب والبتبان..الخ جلسو مجموعين فغرفة الاكل ومعاهم مسعودة بعد نص ساعة جات نتصار ومشات مسعودة لقصر

مارتاحتش لوجود نتصار لكن ما قالت حتى كلمة داز الوقت بسرعة نتصار وجدات العشا تعشاو ونعست محمد رضا بعد ما صلت بعد ما نعس محمد رضا خدات دوش خفيف ودهنت كريم الفاني لحما ولبست شوميز دونوي فالكحل طويل من الحرير ظهرو عريان وغير خويطات وصدرو وعريان شوية برز مفاتنها خلات شعرها علي راحتو وتوجهت لغرفة امير كان مسطح فوق السرير وكايخربق فالتيلي غير شافها حل فمو حسات بالخجل توجهات لسرير بخطوات بطيئة خلات بينو وبينها مسافة عاد تسطحات قرب منها وخشى راسو فعنقها وستنشق ريحتها لي كاتسلب ليه عقلو طبع قبلة خفيفة فعنقها بورشاتها ....
امير..اووووه هووه مامصدقش بلي هاد زين كامل مراتي وملكي
زمرد..احم 
امير..اموت فالأحم ومولات الأحم "طبع قبلة فمها....
زمرد.."بصوت خافت " تابعك الفياق بكري وحتى انا تصبح على خير ...

امير..يسلملي الخجول "طبع قبلة اخرى فعنقها 
زمرد..احم 
امير..احم احم 
زمرد..ههه 
مرر يدو برفق على خدها وشاف ف عينها وقرب وجهو من وجها حتى تخلطو انفاسهم حط شفاهو على شفاها مررهم برفق وبدا فتقبيلهم قبولات خفاف بعد ثواني زاد فالوتيرة وولات قبلة عنيفة لما شاف تجاوبها معاه ولا كايمص بقوة مع العض ترفعات ودقات قلبها تسارعو نبضاتو ماشعرتش بنفسها حتى لقات راسها كاتعض شفاهو ويدها كايجرو شعرو تسطح فوقها ونزل كايبعثر قبولاتو فعنقها مع المص كانت كاتلوى تحتو وكاتصدر الانين لي زاد جهلو ترفعو بزوج خلاو الرغبة الجامجة تقول كلمتها كان مرة مرة كايهز راسو ويشوف تعابير وجها كانت مغمضة عينيها ومستسلمة ليه كليا زعم وحيد ليها شوميز بالخف وخشى راسو فصدرها 🔞🔞
#اصبحنا #واصبح #الملك #لله 
فتحات عينها ببطئ كانت مخشية فحضنو وجسدها عاري وسعات عينها وكادور فيهم خافت يفتح عينيه ويشوفها عريانة جرات ليزار بالخف يالا غاتلويه عليها وهو يفتح عينه وتبسم......." أمير ..فقت قبل منك وشفت بلوس البارح شفت كلشي وديجا شايف كلشي ماعندك علاش تحشمي هه "جرها بالخف وتسطح فوقها ....
زمرد.."خدودها حمارو" أمير
أمير..عيون أمير
زمرد..نوض لايدخل محمد رضا ثم انت تابعك سفر وانا تابعاني الخدمة يالا 
أمير..بغيت فطوري هو للول
زمرد..واه غانوجدو دابا بلاتي نوض
أمير..فطوري هي نت هههه....

شموخ..نبغيك توصلي لي كاع اخبارها وتحركاتها مفهوم؟!
انتصار.."كاتهضر بشوية "كوني هانية الالة اخبارها اول بأول غايكونو عندك
شموخ..خليك على بال تيلي بيناتنا باي
انتصار..بسلامة..."قطعت الاتصال وطولت راسها كاتشوف واش كاين شي حد رجعت لمطبخ وبدات فتحضير لفطور بعد ماكملو لبتيز دخل امير لحمام وهي تلوات فليزار وتوجهات لغرفة فين ناعس،محمد رضا خدات دوش بالخف وتوضات ولبست بينوار وخرجات لغرفة نشفات لحمها ودهنت الكريم ولبست فستان طويل وفوق منو جيلي بالكم طويل صيفي قادات الفولار ديالها ودار ميكاب خفيف فيقات ولدها طرفات ليه حالتو وبدلت ليه حوايجو وجمعت الغرفة ونزلو لغرفة الاكل لتحق بيهم امير وجلسو بثلاثة نزلت انتصار الفطور ونار الغيرة كاتاكل قلبها كيفاش خدامة بحالها خدات مول شي وولدت منو من الفوق بعد مانزلت الفطور رجعت المطبخ فطرو فجو مرح بعد الفطور نزل الشانطة ديالو غير شافت شانطة قلبها زير شاف تعابير وجها تغيرو قرب منها وطبع قبلة فجبينها.....
امير..كلها اسبوع ونكون معاكم 
محمد رضا ..بابا غاتسافل / غاتسافر /
امير..اه اولدي 
محمد رضا ..قلب شنايفو "او انا ؟!
امير ..غير تشد العطلة غانسافر انا ولدي وحبيبتي وام ولدي "غمزها" 
زمرد..احم محمد غايمشي عليك الحال الايكول يالا
محمد رضا..الايكول لا الايكول لااااا هئ..هئ

خرجو بثلاتة من الفيلا طلعو مع امير فالسيارة داو محمد رضا الايكول دخل ليها بستة وستين كشيفة من بعد وصل زمرد المصحة طبع قبلة فمها عاد نزلت غير كسيرا وبعد على المصحة وقفت طاكسي وتوجهات لمصحة مراد وضميرها كايأنبها حيت كاتخدعو وما خبراتوش مسافة طريق كانت قدام باب المصحة دخلت وتوجهت لغرفة المريضة اول ماسمع مراد بوجهودها توجه ليها بخطوات متسارعة ....
مراد..صباح الخير
زمرد..صباح النور احم بغيت اليوم دير تحليل هذا علاش جيت 
مراد..اسبوع ماشي سرعتي بزاف ماتنسايش المريضة دارت ثلاتة عمليات من قبل واخر عملية يالا من شي ايام خليها ترتاح شوية من المشرد والمخدر (البنج)....
زمرد.."انا ماعنديش الوقت ثم كل ما سرعنا كل ماحسن 
مراد..لي يريحك 
خرجو من غرفة المريضة وتوجهو لمكتب ديالو فالمصحة كان شخص مأجور كاياخد ليها صور بدون ماتحس ...

#اليوم #المواااااالي .....
فاقت بطلتنا مبكرة بحال كل صباح خدات دوش خفيف وتوضات وصلت الصبح بعد ما صلت توجهات لدرسينغ جبدات كاع حوايجها ونقلتهم لغرفة أمير ورتبتهم فالدرسينغ ديالو والفرحة مالية قلبها بدون شعور لقات راسها شداها تيشورط ديالو وكاتشم ريحتو وقلبها كايضرب ترسمات ابتسامة على شافهة رجعات التيشورط لمكانو وخرجت من الغرفة بعد مالبسات كسوة طويلة فالgري حجابية مع شال فالكحل وصندالة فالكحل دارت ميكاب خفيف
زمرد..فيق انعاس يالا '"كاضغضغ فيه""
محمد رضا..ههههههههههه لاااا باكي الحال 
زمرد.."هزاتو"اجي انعاس هه...."دخلاتو لحمام ودوشت ليه بالخف ولبساتو سروال جينز فالازرق مع تيشوط بيضة وسبادري فالبيض ونشفت ليه شعرو ودارت ليه البرفان ذيالو جمعات البيت ونزلو لتحت محمد رضا مزال فيه نعاس واخا خدا دوش كانت نتصار كاتوجد الفطور غير شافتها عوجات فمها بدون ما تنتبه زمرد ....
زمرد..صباح الخير
انتصار.."من فوق قلبها"صباح الخير 
بدات كاتنزل فالفطور فطرات محمد رضا وهي كتفات بفنجان القهوة خرجات من الفيلا لقات لوطو لي خدا ليها امير قدام الباب كاتشوف فيها بستغراب يالا كاتسأل ديالمن وهي توقف عليها انتصار ومدات ليها لكلي....
انتصار..هاد لوطو جابها صباح زكريا(السائق) هدية من ميسيو امير 
زمرد.."خداتو منها"واخا شكرا ...."دخلت انتصار كاتعوج يالا غاتاصل بيه وهو يتاصل فتحات الخط وتكلمات....
زمرد..علاش عدبتي راسك ما كاين لاش منها
امير..اولا كانقولو صباح الخير ثانيا كانقولو توحشتك وشكرا احبيبي 
زمرد.."ضحكات" هههه صباح الخير 
امير..صباح نور هه
زمرد..شكرا على لوطو مي بصح ماكاين لاش
امير..مانبغي حتى نقاش فهاد الموضوع مرات امير بن يزين تنقل فالطاكسيات حشومة فحقي 
زمرد..احم شكرا مرة اخرى
امير..توحشتك 
زمرد.."تبسمات" الصمت
امير..نفهم بلي ماتوحشتنيش
زمرد.."تغلبات على خجلها".حتى انا توحشتك يالا نخليك تعطلت في امان الله...."قطعات الخطا وفتحات الوطو جلسات محمد رضا لور ودارت ليه حزام السلامة وديمارات لأيكول

بعد ما وصلت محمد رضا الإيكول توجهات لكلنيك باش تشوف التحليل مسافة طريق كانت قدام باب الكلنيك بلاصات السيارة ودخلت لداخل توجهات لمكتب مراد كان مزال ما جا بقات كاتسنى فيه تعطل تكلمت مع سكرتيرة وطلبت منها تحليل بعد دقائق جابتو ليها وجا مراد فنفس الحظة...
مراد..صباح الخير سمحي ليا تأخرت 
زمرد..صباح النور ماعليش تحليل طلعو يالا لقتيني غانفتهم باش نشوف
مراد..مزيان جيت فالوقت المناسب هه
فتحات تحليل ولقات كلشي مزيان شافت فيه
زمرد..تحليل مزيانين كلشي عندها هو هداك اش،بان ليك العملية تكون اليوم؟!
مراد.."توتر" علاش هاد سرعة كاملة ثم لازم موافقة الام ديالها 
زمرد..بالعكس ما كاين لاش نتسناو ومها حالها ساهل كلف السكرتيرة تاصل بيها وتعلمها
مراد..احم اوك ...
خرج عند السكرتير ونبها ماتاصلش بمها واذا جات المستشفى ماتشوفهاش زمرد...

#امريكا••••••••🛫
مهرة.."شادة الجرنال فيدها" اووووه مامات جلنار نقلوها المستشفى فحالة خطيرة
مروى ..هادي هي فرصتك باش تقربي منو 
مهرة..شنو زعمة!!
مروى..ايمكن نسيتي بلي ام جلنار ممتلة ثركية مشهورة ومقدمة برامج يعني بزاف ديال الشخصيات غايزروها فالمشفى ونت ماشي وحدة عادية حتى نت عندك مكانة ووزن تقيل ماشاء الله ماماك من عائلة ملكية فالخليج وباباك رجل اعمال كبير ومعروف فأمريكا هادي فرصتك غاتخادي فيدك بوكي فلوغ وغاتلبسي احسن ماعندك وغاتمشي لمستشفى تزوريها ماتعرفي يتغرم بيك من اول نظرة ؟! ههه
مهرة.."بحيرة" زعمة هاد الخطة غاتنجح
مروى .."جراتها من يدها " عندك شك نوضي تهزي خلاص قبل لايطيرو بيه .....
#لمغرب••••••••🛫
كانت كاتسنى قدوم ام المريضة لكن ماشافتهاش ومن كاتسأل السكرتيرة كاتقوليها تلفونها خارج تغطية...
مراد..وقت الغدا وصل يالا نتغداو ونرجعو ربما تجي 
زمرد.."بعد تفكير"اوك "هزات صاكها وخرجو من الكلنيك كانت باغية تركب فلوطو ديالها وتبعو من لور لكن اصر عليها تطلع معاه فاش كان كايقنع فيها يمشيو فسيارة وحدة كان نفس الشخص كاياخد ليهم صور صدعها فراسها وطلعت معاه فالرونج ديالو خداو ليها صور فاش فتح ليها الباب وفاش طلعات ديمارا والشخص المأجور لحق عليهم مسافة طريق كانو فالريسطو دخلو بزوج وجلسو فالمكان لي ختار مراد باش يقدر الشخص ياخد الصور بسهولة نزلو ليهم الغدا لي طلبو بين ما هما كايتغداو كان الشخص كاياخد الصور تلفت لعنذو مراد وغمزو كانت مشغولة كاتاكل حط يدو على يدها وتكلم
مراد..زمرد واش مرتاحة فحياتك ؟!
قبل ما تنتر يدها منو كان الشخص خدا ليهم صورة نترات يدها منو وخزرات فيه

زمرد..اخر مرة تمس يدي وبخصوص واش مرتاحة حياتي الخاصة ماليكش دخل فيها لي جامعنا مريضة غاتخضع العملية واول مانكمل مهمتي غانساحب "غمضات عينيها وفتحاتهم"مراد انت بنسبة ليا اخ لا اكتر ومدام مهتم تعرف اوك انا مرتاحة مع راجلي وعايشين كأي اسرة وكأي زوج وزوجة .....
مراد.."حس بالغصة فقلبو " احم كانتعذر سألتك من خوفي عليك امير وكانعرفو واحد ما كايسواش و...."قاطعاتو بحدة" 
زمرد.."وقفات "لحد هنا وسطوب مانسمحش ليك تسب راجلي وقبل مايكون راجلي ولد عمك واخا ؟!....."خرجات من المطعم بخطوات متسارعة والغضب متمكن منها لحق عليها لكن رفضات ترجع معاه وقفات طاكسي وتوجهات لكلنيك خدات الوطو ديالها وتوجهات لبحر جلسات تريح اعصابها وتصفي دهنها بعد ساعة ناضت وتوجهات الإيكول خدات ولدها وتوجهو لاسواق السلام خدات ليه كاخطابل (محفظة) والباني فين ياخد غداه والاقلام الملونة والدفاتر.....إلخ وخدات ليه شي لبيسات من بعد تقدات لمطبخ بعد ما كملت توجهو لماكدو كلاو بزوج ولعب شوية عاد رجعو لدار طلعو لغرفة خداو دوش بزوج ولبست فستان قصير ونشفت شعرها لبساتو بيجامة ونزلو لطابق السفلي دارو فلم كارتون وكايتفرجو انتصار ما كانت فالفيلا وماهتماتش لغيابها...

شموخ.."كاتشوف الصور " اووووه هوووه هاد شي كايفرح واخيرا طاحت فشباكنا
عبلة.."بحقد" جا الوقت لي تخلصي فيه الرخيصة
شموخ..غاتخلص غاتخلص وبزيادة كمان هههه
عبلة..متشوقة نشوف وجه امير من يشوف هاد الصور 
شموخ..قريب نتخلصو منها وكوني اكيدة غايلوحها لوحة لكلاب.....
خلات محمد رضا كايتفرج وناضت توجد لعشا وجدات سباكيتي بالكفتة وتعشاو بزوج وخلات لانتصار لي جات حتى لنص اليل كانت زمرد مزال فايقة كاتهضر مع امير فالتيلي بقاو شحال وهما كايدردشو حتى وصلت ثلاثة عاد نعست.......
#اليوم #المواااالي••••••🌞
شرقات شمس جديدة وجابت معاها احدات جديدة تسللت اشعتها لغرفة زمرد ناضت بزز بحكم سهرات توجهات لحمام بتتاقل قدات حاجتها وتوضات وصلت الصبح من بعد لبسات حوايجها وفيقات ولدها طرفات ليه حالتو ولبساتو حوايجو ونزلو لطابق السفلي فطراتو وخرجو من الفيلا وصلاتو الإيكول وكملت طريقها لمصحة...

زمرد..صباح الخير
مراد..صباح النور 
زمرد..اليوم ان شاء الله غاندير العملية وماغانزيدش نتسنى والى نشوف غيري
مراد..لا لاا اليوم ان شاء الله مدام مصرة وحتى ام المريضة كاينا فالمصحة 
زمرد..مزيان بزاف انا بنفسي غانفحصها ونوجدها للعملية طلب من الطاقم يجهزو غرفة العمليات
مراد..اوك ......."توجه مراد لعند الممرضة علمها وزمرد توجهات لغرفة المريضة قاصت ضغطها بعد دقائق جهزو غرفة العمليات لبسات زمرد لباس خاص بالعملية ودخلت لبلوك ومعاها طبيب تخدير وزوج ممرضات بدات العملية لي كانت صعيبة بزاف وستغرقات ست ساعات من تسعود الصباح وهي فالبلوك ماخرجات منو حتى ل ....زوج نقلو المريضة لعناية كانت حالتها حرجة نوعا ما وزمرد توجهاات لغرفة خاصة بالاطباء حيدات حوايج العملية ولبست حوايجها وصلت لي فاتها من بعد خرجات من المصحة بدون مايشوفها مراد تغدات فريسطو جنب المصحة خدات ساندويش عتقات بيه راسها ورجعت لمصحة ...

امينة..(ام المريضة) هاديك هي الطبيبة لي دارت العملية لبنتي ؟!
الممرضة..ايه الالة هي هديك 
امينة..شكرا ابنتي "توجهات لزمرد "سلام عليكم
زمرد..وعليكم السلام
امينة..قالت لي الممرضة نت لي درتي العملية لبنتي 
زمرد..كاتقصدي المريضة لي دارت حادت سير وضرر لي العمود الفقري !
امينة.."دمعو عينيها" ايه هي هاديك واش العملية ناجحة ولا كيف لي قبلها
زمرد.."بأسف" الله يشافيها ليك انا قبل العملية طلعت على الملف العمود الفقري ديالها ضرر بشكل كبير العملية ما كانتش ساهلة عليها ستغرقات ستة دالساعات درت لي عليا وكانتمنى من الله خير وان شاء الله ما غايخيبناش وانا اليوم ما غانخرج من المصحة حتى تفيق من البنج ونفحصها غانشوف واش نجحت ولا لا "حطات ديها على كتف امينة" وانا عندي يقين العملية ناجحة بإدن الله
امينة.."عنقاتها" بغيت ربي يسهل عليك عليك ماصعاب وفين ماحطيتي يدك تربحي 
زمرد..امين يارب
مراد..دكتورة كيف دازت العملية قلبت عليك قبيلة مالقيتكش
زمرد..خرجت نتغدا مانقدرش نجاوبك دابا حتى نشوف نتيجة ....توجهات امينة للعناية كاتشوف بنتها من زاج وزمرد توجهات لمكتب مراد جلسات فيه كاتسنى المريضة تفيق باش تتأكد من شي لي فبالها مراد جاه تصال من عند شموخ خرج على برا عاد جاوب
مراد..وي شموخ؟!
شموخ..عرفت من بابا بلي امير فاليل غايكون فالمغرب وماقالها لحتى حد قالك باغي يفاجأ ديك قليلة الحيا...

نبغي الخطة لي قترحت عليك ليلة تنفد شوف شنو دير اليلة خاص نفدوها هادي فرصتنا 
مراد..بليز شوفي خطة اخرى هادي لا
شموخ.."بعصبية "اووووه واش باغي زمرد تكون ليك ولا اذا باغيها قصح قلبك واذا لا نسى بلي غاتكون ليك 
مراد..اوك اوك
شموخ..هاكا نبغيك انا قريت انتصار شنو تقول والصور عندي والامانة من دابا لعشرة دقايق تكون عند الباقي عليك انت 
مراد..اوك "قطع الاتصال وزفر بعصبية فلحظة انبو ضميرو لكن سرعان ما سكت الضمير لي صحا وتوجه لعند سيكريطي ووصاهم بلي غايوصلهم واحد الظرف يجبوه ليه لمكتب من بعد طلع لعندها بعد عشرة دقائق بضبط وصل الظرف وبعتوه ليه مع سكرتيرة زمرد كانت كاتهضر مع امير فالفون وماهتماتش امير ماخبرهاش بلي غايجي اليوم حب يديرها ليها مفاجأة بعد ساعاات قليلة فاقت المريضة وتوجهات ليها زمرد بخطوات متساعرة فحصاتها والحمد لله نجحت العملية لازمها غير الراحة والترويض فرحات زمرد حيت عمليتها نجحات وفرحات ام البنت وشكرات زمرد بزاف مراد قال هادي فرصتي ولازم نستغلها عرض عليها يحتافلو بنجاح العملية مع الطاقم لي ساعدها كانت فرحانة وماعارضاتش نزلو لكافي ديال الكلنيك وطلبو مشروربات (العواصر ) والكاطو وعطا الظرف لسورفور بدون ماينتبه ليه شي حد وقال ليه شنو يدير...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.