رفقا بي يا جلادي الجزء السابع

من تأليف Khadija El
2018

محتوى القصة

رواية رفقا بي يا جلادي

نزلت الطائرة فمطار محمد الخامس لقا رونج ديالو فنتظارو جابها السائق اول ما شافو مد ليه لكونطاك ونساحب حط الشانطة فالكوفر وكسيرا فتجاه الفيلا كان متلهف لشوفتها مسافة طريق كان قدام باب الفيلا بلاصة سيارة وتوجه لباب فتح بالمفتاح ودخل.....
أمير..زمردتي ...زمرد "دخل لداخل وكايقلب عليها بعينيه.....
انتصار.."خرجت من المطبخ" اهلا ميسيو على سلامتك مدام زمرد مزال مادخلت لدار 
أمير.."شاف فالساعة كانت تسعود" غريب عمرها تعطلت حتى لهاد الوقت ما قالتش ليك فين مشات؟!
انتصار..لا ماقالتش لكن اول ماسافرتي هذا هو وقت دخلوها وشي مرات كاتدخل حتى لنص اليل احم 
أمير..اوك شوفي شغلك ..."خدات تيلي وتاصل بيها كذا مرة بدون رد.....
انتصار.."مدات ليه ظرف " ميسيو هاد ظرف وصل صباح والشخص لي عطاه لي قالي نعطيه لك من يدي ليدك
أمير.."خدا منها ظرف" اوك ....."رجع تاصل بيها قبل ما يفتحو بدون رد زفر وفتح ظرف وبالو مع زمرد ..

وسع عينيه على اخرهم وعروق يدو برزو كايدوز وحدة بوحدة وفكل مرة كايزيد يتصدم جلس فالكانابي والدنيا كادور بيه فمكان اخر نفد خطتو وحبكها مزيان اول ماشربات العصير بدات كاتحس بالعيا وبعنيها كاينعسو ...
مراد..زمرد لاباس ؟!
زمرد..،"صوتها ترخا" شوية العيا "وقفات وهزات صاكها" سمحولي امسية سعيدة 
مراد.."وقف" انا نوصلك بنتي ليا عيانة
زمرد.."حسات براسها غاطيح"اه اه ........
خرجات من المطعم كاتجر فرجليها وعينيها كايتسدو قبل ماتوصل لسيارة فقدات وعيها طاحت بين دراع مراد هزها وتوجه لوطو ديالو حطها لور وطلع لقدام وكسيرا فتجاه الشقة ديالو كانت شموخ ف نتظارو دخل ديريكت لغرفة نوم حطها فوق السرير وضميرو مرة مرة كايأنبو لكن انانيتو طغات لحقات عليه شموخ.....
شموخ..هلا والله هه "شافت فيه" كلها ايام وتكون ليك بقات قدامنا خطوة وحدة فقط 
"خلاها كاتهضر وخرج من الغرفة كاعي توجه لثلاجة خدا المشروب وكايشرب كاس ورا كاس فهاد الاثناء كانت شموخ كاتحيد ليها حوايجها طلقات ليها شعرها ولبستها شوميز دونوي فالحمر قصير وصدرو مكشوف خربقات الفراش ولاحت صندالة ديال زمرد كل فردة فجيه والحوايج لاحتهم فالارض وعيطات عليه باش تاخد ليهم صور قبل لاتفيق اول ما شاف شعرها مليوح على الوسادة وجسدها مكشوف تبلوكا .....
شموخ.."كاتمرر يدها قدام وجهو " اوو هووو هنا بقينا طلق راسك قبل لاتفيق
مراد.."حال فمو " هااااه ؟!
شموخ.."بنفاد صبر " اللهم طولك ياروح ...."كان غادي لسرير وهي توقفو " بلاتي شوية "خدات العكر وعكرات فمها وطبعة قبلة فخدو والثانية فالكول دالقميجة والاخيرة فعنقو ...مسحات فمها "دابا مزيان يالا طلق راسك ماغانوريكش شنو دير "غمزاتو..

فتح ازرار القميجة وحيد سروال بقى غير بالبوكسور تسطح جنبها وخشاها فحضنو كأنو كايبوسها من بعد ما خدات ليهم الفوطو دار وضعية اخرى تسطح على جنبو ودار يدو تحت راسو وخدا خصلة من شعرها كايشم ريحتها وعينيه عليها خدات ليهم كذا فوطو ناض من جنبها بسرعة لبس حوايجو وخرج من الغرفة والغصة فقلبو خدا قرعة المشروب وتكا عليها لبساتها حوايجها وخرجات من الغرفة ....
شموخ..هاد الصور غايبقاو عندي انا غانتكلف ستي الحسن والجمال شوية وغاتفيق المخدر ماكايطولش لازم نمشي انا قبل لاتفيق بااي
مراد..الصمت ....."خرجات شموخ من الشقة ومراد بقى غادي جاي والمشروب فيدو بعد لحظات بدات كاتفتح عينيها حسات براسها تقيل وكايحرقها عند بالها واش فغرفتها جلسات فطرف السرير وشدات راسها بين يدها وقفات بتتاقل ستغربات من ديكور الغرفة 
زمرد..اوعدي فين انا "شدات راسها" اووووف راسي ااااخ "توجهات لباب يالا غاتفتحو وهو يدخل مراد"....مراد !! اش كادير هنا فين انا!!!
مراد.."عينيه حمرين" ماتخافيش ما اديتكش
زمرد..اش كاتخرف فين انا "بدات كادكر" الله ياربي 
مراد.."نزلت دمعة من عينو " سمحي ليا كلشي لي درت من حبي ليك
زمرد.."مشا بالها بعيد شنقات عليه" الله ياخد فيك الحق اش درتي ليا هئ....هئ..."كاضرب ليه فصدرو" حمااااااار الله ياخد فيك الحق 
مراد.."شد ليها يديها " ماشي لي فبالك صدقيني مامسيتش شعرة منك انا عارف راسي احقر من الحقار صدقيني كاع لي غاتعرفيه من بعد من حبي ليك وكوني متأكدة مليون فالمية مامسيتش شعرة منك صدقيني...."يالا غاترد وهو يوصلها تصال من أمير صونا حتى عيا وقطع ما كانتش قادرة ترد قلبات لقات كتر من ثلاتين تصال هزات صاكها وخرجات من الشقة كاتجري وقفات طاكسي وتوجهات لفيلا...

مسافة طريق كانت قدام باب الفيلا خدات نفس عيق وطرقت الباب ثواني وتفتح كان أمير واقف قدام عينيه وعينيه حمرين كيف جمر ما عرفات تفرح ولا تخاف رجعات النظرة لي شافتها اول مرة نفس النظرة ونفس تعابير الوجه قلبها كان كايخفق ورجليها كايرجفو خوفانة لكن ماعارفاش منها انا مادرت والو هذا كان الكلام لي كاتخاطب بيه نفسها يالا غاتهضر وهو ينزل عليها لوجه حتى نقز دم من فمها الصور لي شاف رجعوا الوحش من جديد وكلام انتصار وتحريضها وفترائها زادو طين بلة جرها من دراعها بقوة وجدبها لعندو 
أمير.."ضربها بالصور لوجه" باقي الحال امرت راجل كنت تستمتعي بوقت مزال 
زمرد.."دموعها نازلين" خليني نشرح ليك انا انا هئ....هئ انا ..."قاطعها" 
أمير..انت شنو؟! بغيتي تعرفي انت شنو !! نت ق**ة نت وحدة رخيصة وغدارة وخاينة نزيد نعرفك انت شنو؟! "نزل عليها لوجه طراااااخ
"هز الصور وضربهم بيها لوجه" شوفي انت شنو؟!
زمرد.."كاتشوف صور ومصدومة" أ أمي أمير خليني نشرح ليك انا مراد ما بينا والو كانقسم ليك كانت ع ن عندي عملية فالكلنيك عندو ان انا ماعرفتش شكون ورا هاد شي هئ...هئ..."دكرات كلام مراد" هئ أمير هو خدعني مصدقوش بغى يفرقنا..

أمير ..قولتي عملية اهااااا ...من امتى ولا الكلب دمراد معاك فالكلنيك عند بالك انا دمدومة غاتاكلي ليا ك**ي بهاد لهضرة "نزل عليها لوجه وجرها من شعرها" كاتمتلي عليا الحشمة والخجل ونت استادة ف تق**ن هاااا انا ستغفليني "جرها من شعرها وطلعها لطابق الثاني لاحها فالغرفة ديالو وشاف فيها بحتقار" اذا بقيت هنا غانرتكب جريمة الهضرة ماشي دابا ..."رضخ الباب وسورتو عليها وخرج من الفيلا وهو فقمة غضبو كان باغي يفاجأها ساعة هو لي تفاجأ طلع فرونج وكسيرا لبار وهو فقمة غضبو طلب المشروب ديالو المعتاد1 وجلس فمكان معزول على الناس فمكان اخر وبضبط فأمريكا كان جلنار بدورو جالس فمكان معزول وكايشرب ودموعو على خدو مرت ايام مزال بنفس الحالة غارق فالاحزان وعايش على الاطلال عند زمرد طاحت على ركابيها وكاتبكي بحرقة كيفاش صدق الصور وكدبها وهي لي نسات مادار فيها وفتحات ليه قلبها تكمشات فالسرير ودموعها على خدها ليل بطولو حتى واحد فيهم ماغمض ليه جفن شرقات شمس وزمرد مزال ما غمضاات عينيها توجهات لحمام بتتاقل توضات وصلت الصبح ورجعات لسرير امير لما طلع النهار خرج من البار وتوجه لبحر طلع فوق الصخر وجلس كايحاول يلقى ليها مبرر ويكدب صور لكن بدون جدوى الصورة لي فيها يدها فيدو مابغاتش تمسح من بالو

#امريكاااااااااااااا••••••••🛫
اول ما فتحت عينيها توجهات لحمام خدات شور ونشفت شعرها ولبست سروال جينز ازرق فاتح ديلافي مع شوميز صيفية فالبيض وبالغين فالبيض خلات شعرها على راحتو وميكاب خفيف رشات عطرها وهزات صاكها وخرجت من شقة طلعت فلوطو ديالها وتوجهات لأقرب كافي خدات القهوة مع بتي بان فطرات بالخف وخرجات من الكافي توجهات لمحل الورود خدات بوكي فلوغ وتوجهات لمستسفى مسافة طريق كانت فالمشفى توجهات لإستقبال سألتهم على غرفة الفنانة الينا أوزنور (إسم ليس له علاقة بالواقع) نعتو ليها الغرفة طلعت فالمصعد وبركت على الزر طلع بيها المصعد لطابق السادس كان جناح كبير مخصص لأم جلنار وكلو ورود توجهات لغرفة خدات نفس عميق وطرقت الباب.....
#المغرب••••••••🛫
بعد ما رتاح نسبيا طلع فرونج ديالو وكسيرا فتجاه الفيلا مسافة طريق كان قدام باب الفيلا بلاصة سيارة وتوجه لباب كان باغي يتكلم معاها ويحاول يكدب شنو شاف يالا غايفتح الباب وهي تجي عينو على ظرف اخر محطوط فعتبت الباب تحنا وخداه فتحو بسرعة وكانت الصدمة هنا تعماات ليه البصيرة وقطع الشك باليقين دنيا ظلمات فعينو دخل لداخل وطلع لطابق الثاني كايجري ...

#امريكااااااا•••••••🛫
دخلت لغرفة لي كانت مساحتها كبيرة وطاغي عليها الون الابيض وكلها ورود وكايتوسطها سرير مسحطة فوقو الينا ومغطين نصها بليزار ابيض ومعلقين ليها سيروم وغارقة فسبات عميق على يمينها جالس جلنار فوق الكرسي بوجه بئيس وشاحب وتحت عينيه كحل من كترت السهر حاني راسو كأنو متقل بهموم الكون....
مهرة..احم ..."هز عينيه فيها ورجع حنا راسو" بونجوغ ميسيو جلنار ..
جلنار..الصمت
..حطات بوكي الورد وجلست تفرك فصباعها ومن كترت توتر عدم هتمامو لوجودها زعجها ولو اول مرة يشوفها كان لازم يرد تحية ويتكلم معاها هكذا قالت فخاطرها تفحصات الغرفة بعينها وشافت فوجه الينا لي كان صفر وفمها بيض عم الصمت المكان فكل ما كاتبغي تكلم كايتملكها الخوف خوف انو يقمعها او يلتزم صمت كيف قبل دقائق بعد حرب بين عقلها وقلبها قررت تتكلم.....
مهرة..لاباس عليها ان شاء الله ترجع احسن من قبل 
جلنار.."بصوت خشن وشبه مسموع" شكرا
..جلسات فالكانابي وكاتفرك فصباعها عدم هتمامو لوجودها كسر قلبها ما كانتش متوقعا هاد البرود كامل بعد دقائق من الصمت وقفات وهزات صاكها...
مهرة..احم لاباس عليها مرة اخرى "خدات قلم العينين بحكم ما كانش عندها ستيلو وخدات ورقة صغيرة وكتبت ليه رقمها وحطاتو فوق الكوافوز " هذا رقمي اذا حتاجيتي اي مساعدة انا رهن الإشارة نهارك مبروك
جلنار ..الصمت....."خرجات من الغرفة والغصة فحلقها اول ماسدات الباب نزلت دمعة حارة على خدها خرجات من الكلنيك بخطوات متسارعة طلعت فلوطو ديالها وكسرات.........

فتح باب الغرفة ردمو كايغلي اول ما شافتو بديك الحالة الما نزل ليها فالركابي ولات كلها كاترجف تلاح عليها قجها حتى عينيها روحها غاتخرج كاتفركل بين يديه ودموعها نازلين ما طلق منها حتى ولات على اخرها بعد عليها وكاينهج وعروق جبينو ويدو بارزين ضرب المرايا بيدو بقوة ودمو نازل قربات ليه وشدت فيدو اول ما حطت يدها عليه دفعها حتى تنشرات فالارض ....
أمير..ق**ةرخيصة يا خسرات حبي ليك كيفاش قدرتي تخونيني مع داك شماتة "جرها من شعرها " باش هو حسن مني باش "تكلم بحرقة والبحة فصوتو" باش حسن مني قولي باش هااااه "بصوت عالي " تكلمي......
زمرد.."صوتها كايرجف وداتها كتر " والله ما خنتك هئ ....هئ...هءهءهء كلشي كذوب بغاو يفرقونا والله ما خنتك ولو بكلمة صدقني 
أمير.."ضحك بحرقة" نصدقك "نزل عليها لوجه "نصدقك واش عند بالك مزال غاديريها بيا هم مزال غانتقدري ضحكي عليا "دفعها بقوة "غانشربك المرار لي شرب وغير صبري عليا وداك شماتها موتو غاتكون على يدي ...خرج من الغرفة صاعر وما كايشوفش قدامو تبعاتو كاتجري كاطيح وتنوض ....
زمرد..أمير....أمييييييييير رجع هئ...هئ...أمير كدبو عليك ...طلع فسيارة وكسيرة فتجاه دار مراد........
شموخ..اليلة ليلتها اااااخ كن كنت معاهم
عبلة.."شدات يدها" الله لايحرمني منك 
شموخ.."ضمتها"حبيبتي انت هي لي خربت حياتك وجا الوقت لي دفع فيه ثمن...

مسافة طريق كان قدام باب مراد نزل من سيارة ورضخ بابها وتوجه لبابو حط يدو على زر ما هزهاش...
مراد.."نازل مع دروج " اش هاد الفوضة "اول ما فتح لباب نزل عليه بلكمة حتى نقز دم من فمو ماهتمش ليدو لي كاتنزف وماهتمش للألم ألم الخيانة كان اصعب حط مراد يدو على ميفو ورد ليه دقة شنق عليه امير ودخلو فعراك كان أمير هو لي مسيطر واخا يدو مضروبة ماطلق منو حتى ولا شروطة قجو حتى روحو غاتخرج كان مصمم يقتلو لولا السكريتي لي فالعمارة دخلو وفكوه كان غايموت لا محال ....
أمير.."بصوت عالي " بربي ما نفوتها لي از** جنيتي على راسك وحفرتي قبرك بيدك
مراد.."وقف بصعوبة" خليك راجل الشماتة وطلقها واش صور ما كفاوكش خخخ كان لازم ندير فيديو باش تزيد تتأكد بلي راك ماشي راجل ......."بغي يتلاح عليه امير وشدوه سكريتي حكموه .....
أمير..بغيتي نطلقها
مراد..هذا طبيعي الى اذا ماكنتيش راجل
أمير.."بصوت عالي " طلقوني بربي ما تبقى فيك الولية مخبي ورا زوا** باغي طلاق هو لي عمرك تحلم بيه عمرك تحلم تشوف خيالها بربي حتى ندمكم ......."حيح وكاع الناس لي فالعمارة سمعو غواتو دفع سكريتي وخرج من الشقة صاعر طلع فسيارتو وكسيرا فتجاه المكان الوحيد لي كايقدر يرتاح ويحاول ينسى ولو انا الخيانة حتى شي حاجة ماتقدر تنسيها بقى مدة جالس وكايشوف ف تجاه واحد نزلت دمعة حارة على خدو مسحها بسرعة والغصة فقلبو خدا تيلي ديالو وتاصل بسائق طلب منو يجيب ليه المشروب لي مولف يشرب عطاه العنوان وقطع بعد دقائق جا زكريا (السائق ) هاز فيدو لي المشروب حطو حداه ونساحب بدون مايتكلم خدا القرعة ونزل عليها .......
#امريكااااااااا••••••••••🛫
مهرة..تصوري ماهزش عينيه فيا واش لهاد درجة مافيا مايتشاف ااااااخ ياربي ااااااخ "ضربات صدرها " اش ندير لهاد لقلب لي بغى واحد قلبو مع وحدة اخرى واش ماشي من حقي حتى انا نحب ونتحب هئ..هئ ..الراجل الوحيد لي تعلق فيه قلبي قلبو مع وحدة اخرى..

مروى.."حطات يدها على كتفها" ماتقوليش هاد لكلام نت الف راجل يتمناك قلبك ختار الشخص الغلط ثم ماتنسايش بلي هو عمرو عرفك او شافك انت قلبك تعلق بيه من بعيد لبعيد كيفاش بغيته يبغيك وهو ما كايعرفكش ماتنسايش بلي ديك المونيكا دمراتو تزوجها عن حب وصورها معمرين كاع المجلات فين ما مشى كاتكون معاه وديما شاد فيدها وكلشي كايتكلم على حبهم لكبير انت داخلة لحرب كبيرة وماشي ساهل تفوزي فيها لازمك صبر وطولت باااال ....
مهرة..طلقو طلقو علاش حزين لهاد درجة نموت ونعرف سبب طلاقهم وعلاش حتى حد ما عارف سبب وعلاش مزال حازن على فراقها واش لهاد درجة هي حسن مني هئ....هئ....
مروى..او هوووه معاك واش ماعندكش تيقة فالنفس باش حسن منك وهي معالم الأنوثة ما كاتكسابهمش عندها كي لور كي لقدام يشويني فيه حتى هو علي ذوق عندو 😂😂
مهرة.."بحيرة" شنو ندير باش نلفت نظرو
مروى...الخطوة الأولى درتيها طلعتي ما ساهلاش كيفاش طاح عليك تخلي ليه رقمك ههههه راك خطيرة وكاديري فيها نية هههه المهم الخطوة الأولى درتيه نتسناو تصالو واذا ما تاصلش غاتسناي حتى تخرج مو من الكلنيك وغاتدي بوكي فلوغ اخر وغاتمشي تزوريها 😂
مهرة.."ضرباتها بالمخدة..كاضحكي عليا لاا؟!
مروى..اويلي على غدايدي اري ليا ودنك وذوقي كلامي 
مهرة.."قربات منها "ها هي...

شموخ.."حلت فمها"مزال ف الفيلا ؟!
انتصار.. اه مزال من البارح وهي كاتبكي وميسيو أمير بعد ما سبها وضربها خرج ومزال مارجع على ما فهمت بلي مشى بعند ميسيو مراد 
شموخ..خليك تما واي حاجة وقعت توصلني حلي عينيك وودنيك مفهوم 
انتصار..امرك لالة ....."قطعت شموخ الخط وشافت ف عبلة..
شموخ..قليلة الاصل مزال فالفيلا نموت ونعرف شنو كايدور فراس أمير 
عبلة.. "كاتبرد ظفارها " أمير مشى عليه العوض ومنو العوض ماكاين لاش نجري وراه داتو الخدامة
شموخ.."بنرفزة"اوووف منك اعبلة اوووف ديري شي حاجة واش غير انا لي نفكر "رفعات حاجبها"مابقتيش عاجباني هاد الايام فين هو الحب الكبير هممم شنو واقع فهميني ؟!
عبلة..لي واقع ابنت عمي راجلي مشى طااار وبعد ومستحيل نلحقو واش كاين شي حاجة صعب من الخيانة اممم !! علاش لحد الان مخليها عندو كان من الفروض يقتلها او يرميها برا الفيلا هذا اضعف الإيمان ...

شموخ..الصبر ابنت عمي صبر خلي عندك شوية الصبر كلها ايام وتولي فخبر كان 
عبلة.."بحقد" بغيت نشوفها مذلولة ومسكورة "فخاطرها" بغيت قلبو يتحرق كيف حرق قلبي 
شموخ.."بستغراب "مالك سكتي فاش كاتفكري "بعدم اهتمام" انا مابغيتش نشوفها كاع لي بغيت هي تهز قلوعها ويرجع امير كيف قلب "وقفات" بون انا عندي شي شغلك باي
عبلة..باي شوشو....."اول ماخرجت شموخ وصلها تصال من انيس طلعت لغرفتها كاتمختر وكادلع عليه فالفون طول الجلسة كانو الماج كايضربو فالصخر والجو والجو غمغم واخا صيف كأن البحر والجو حسو بالوجع لي فقلبو وتألمو لوجعو تكا على المشروب دقة وحدة يدو مزال كاتنزف شاف فيها بتدمر ووقف توجه لسيارتو وكسيرا فتجاه اول مستشفى جا فطريقو نضفو ليه الجرح وغرزو ليه يدو بعد ما دارو ليه ضمامة خرج من المستشفى وطلع فسيارتو وكسيرا فتجاه الفيلا مسافة طريق كان قدام الفيلا وقف السيارة وتكا على الفولو بعد ثواني ناض والشر فعينو فتح الباب جات عينو على انتصار توجه ليها ومصمم على القرار لي خدا فأخر لحظة......
امير...غاتاخدي محمد رضا وغاتمشي لقصر وماترجعيش مزال 
انتصار..امرك سيدي
أمير.."بنبرة قاصية" وياويلك شي لي شفتي تحكيه لشي حد لسانك نقطعو
انتصار..ماشفت والو اسيدي...

أمير..ديري لي قلت ليك ...."طلع لطابق الثاني بتتاقل وعينيه تقال بشراب فتح باب الغرفة كانت جالسة مع محمد رضا وجه كلامو لمحمد بدون مايشوف فيها ......" بابا نزل عند طاطا انتصار 
محمد رضا..شاف ف ماما لما اشارت ليه يمشي نزل من سرير وتوجه لطابق السفلي..اول ما خرج محمد سد الباب وراه وتوجه لدرسينغ خدا شانطة ولاحها فالسرير كايهز حوايجها وكايلوحهم بزعف....
أمير.."بعصبية" جمعي شراوطك 
زمرد..أمير صدقني والله القسام ما خنتك هئ....هئ.صدقني
أمير.."زير على الفك ديالها" غاتزيدي كلمة غانهرس لزا** بوك وجهك " من تحت سنانو " 
جمعي شراوطك..."دفعها بقوة على سرير وصدرو كايطلع وينزل بعصبية...جمعات حوايجها فشانطة وعند بالها بلي غايطردها من الفيلا ومن حياتو كاتجمع الحوايج ودموعها على خدها لما كملت شافت فيه
زمرد..غانمشي نجمع حوايج محمد رضا
ماكترتش لكلامها جر الشانطة باليد المجروحة ‘اليد الأخرى جرها بيها من دراعها بقوة نزلها لطابق السفلي دورات عينيها وقلبها بدا يضرب شافت فيه ووسعت عينها.....
زمرد..فين هو محمد رضا ؟!...

#امريكا•••••••🛫
فجأة ساءت حالتها نقلوها لإنعاش اول ما عرف جلنار توجه لمستشفى بسرعة فمكان اخر كانت مهرة كاتشوا من الداخل وكاتلعن الساعة لي شافتو عينها جلسات فوق الكانابي وكاتاكل ظفارها من كترت الاعصاب كاع الاقتراحات لي عطاتها مروى ما عجبوهاش ............
#المغرب•••••••••🛫
داها المزرعة بالسيف عليها عيات تطلب فيه وتبكي باش يجيب ليها ولدها بدون رد الغضب عمى عينيها مابقاش كايشوف الصواب من الخطأ ولا كايسمع غير لصوتو وكايشوف غير لي بغى هي فنظرو خاينة ورخيصة جرها من دراعها وتوجه بيها لاحد الغرف فالطابق السفلي لاحها فيها وسد الباب بالساروت عيات تضرب فالباب وتغوت حتى صوتها بح ولا من مجيب.........
#القصر 
شموخ.."كاتجر ليه فخدودو" حبيب عمتو 
محمد رضا..فين ماما
شموخ.."كاتلاهيه" اش بان ليك ناكلو لكلاص بشكولا امممم 
محمد رضا.."بفرح" ياااااااااس😍
..."شداتو من يدو وتوجهو لجردة فطريقها وصات انتصار تبعت ليهم لكلاص عبلة اول ما وصلها الاتصال من انيس لبسات فستان قصير وتزينات وخرجات من القصر بدون ما تنتبه ليها شموخ داز النهار طاير لكن عند زمرد داز طوييل وتقيل عيات تغوت حتى صوتها تجرح بعد ما فقدات الامل تكمشات فالسرير حتى غفات لما طاح الظلام رجع لمزرعة قفزات على صوت الباب لي تردخ هزات عينيها ببطئ كاتشرف غير الضبابة وراسها كايحرقها بعد ثواني بدات توضح ليها صورة كان واقف وعينيه حمرين كيف جمر وكايحيد لحوايج يالا غاتنطق وهو يطير على فمها لتهمو بقبلة عنيفة....

حط المشروب من يدو وجرها من خصرها ولصقها عليه...
انيس.."باس يدها" بليز روحي يالا معايا
عبلة..صعيب نسافر فهاد الفترة عندي شي شغل ثم انا مزوجة واش نسيتي كل الاعين عليا باشمن صيفة غانسافر معاه همم؟!
انيس.."نتر نترة من سيحارة" اووووف شحاا ديال تعقيدات الاعذار الفارغة اشمن زواج كاتلمي عليه امم؟! ثم ف امريكا كل واحد ملهي فشغلو شكون غايهتم بينا ويراقبنا
عبلة.."بحدة" قلت لا هي لا ......
#القصر...
اصيل.."كايشوف فالساعة" فين هي 23:30 هادي ومزال ما دخلت امير مسافر وهي دايعة اش هاد زواج واش هاد العيشة
شموخ..عمي كالما غاتكون مع صحباتها صيف هذا وامير عندو شي شغل هذا علاش سافر
اصيل..شكون داك الولد صغير لي فالقصر؟!
شموخ.."بتوتر" م مح م محمد رضا هه
اصيل..ايه او ولدمن؟! 
شموخ.."كاتفرك صباعها وعينها كايدورو يمين وشمال " احم انتصار انتصااار
انتصار..نعام لالة
شموخ..جيبي عصير الارونج لعمي 
اصيل.."بعصبية" اشمن ارونج ولا افوكا واش عند بالكم ناعس على ودني هذاك ولد امير من الخدامة ومدة هادي وهما منفاصلين كل واحد فيهم فجيه "بعصبية اكتر" الكلام ماشي دابا حتى يجي منتصر من سفر " وقف "
شموخ..ش شكون قالها ليك ومنين عرفتي 
اصيل..لي همك هو كيفاش عرفت ماهمكش شنو واقع امم ااااخ منك ا امير اااااخ ياخسارة تقتي فيك......"خرج من القصر كاعي وخلا عبلة غادية جاية ...

بعد ما كمل توجه لدوش لوات عليها ليزار وجاست تبكي وتتنخصص كل جزء فجسمها كايضرها خلا اتر وحشيتو فكل انحاء جسدها وقفات بصعوبة وشادة ليزار بيدها وكاترجف توجهات لباب الغرفة بغات تفتحو ساعة كان مسدود بالمفتاح رجعات لسرير وتكمشات فيه وطلقت لعنان لدموعها بعد ما خدا دوش خرج من الحمام لاوي الفوطة على نصو نشف لحمو ولبس البوكسور وخرج لاطيراس كايكمي اول ما شافتو عاطيها بظهر ناضت كاتجر فرجليها بتتاقل فتجاه الحمام خدات دوش وتوضات وخرجت لاوية عليها الفوطة فتحات الشانطة خدات منها بيجامة بسروالها لبساتها ونشفت شعرها ولبست العباية دصلا ولاحت شال على راسها وصلت العشا كان عاطيها بالظهر وكايكمي واحد ورا واحد بعد ما صلت وقفت كاتشوف فيه ستجمعات قواها وتوجهات ليه 
زمرد.."دموعها نازلين" فين هو ولدي هئ....هئ...صدقني والله ماخنتك ولو بكلمة مراد كدب عليا هئ....هئ...ا ان انا ..."قاطعها
أمير.."بصوت عالي" ولا كلمة "من تحت سنانو" ولا كلمة "جرها من شعرها" وحدة رخيصة مدام مراد كايعجبك علاش ضحكتي عليا ووهمتيني بحبك المزيف امم"زير عليها" دوي علاش ضحكتي عليا علاش "بحرقة " علاش خلتيني نتعلق بيك علاش هذا انتقام؟ مابانت ليك غير هاد الطريقة باش تنتاقمي "طرشها "
جنيتي على روحك كانقسم ليك غانخليك تمناي الموت وماتلقايهاش وداك شماتة ما غاندوزهاش ليه "وقف وهزها من شعرها'" من اليوم هذا البيت هو سجنك ...

من اليوم هذا هو سجنك وانا هو جلدك ابتداءا من اليوم زمرد ماتت فعيني وفقلبي كانقسم ليك من اليوم غانوريك الوجه الاخر وغانخليك تكرهيني اكتر من الأول "نزلت دمعة من عينو" وغانخليك تتمناي الموت وماتلقايهاش نتي لي بديتي وانا لي غانكمل "ضرب صدرو بقوة باليد المجروحة حتى نزف الجرح" هاد القلب لي بغاك غانقلع مو مستحيل يرجع يبغيك مستحيل "دفعها حتى طاحت " اكبر غلط درت هو حبي ليك سمحت فالمرا لي بغاتني من كل قلبها وتبعت وحدة غدارة لكن مزال ما فات الفوت غانرجع حب المرا لي رميت وغاندفن ماضيك '"اشار للغرفة" فهاد الغرفة فين غاتجلسي وممنوع تفوتي عتبت هاد الباب انت هنا عاهرة وارخص من العاهرة "كان باغي يتكلم مزال لكن حس بغصة فحلقو "تف فوجها وخرج من الغرفة ونزل لطابق السفلي مسحات خدها من ووقفات بتتاقل توجهات لسرير ودفنت وجها فالمخدة وكاتبكي بحرقة..
#بعد #مرور #اسبوووووع••••••• 
فهاد الاسبوع ظلت زمرد فالمزرعة بل فالغرفة لي سجنها فيها امير كايدخل بساروت ويخرج بساروت وجها ولا شاحب وضعافت من قلت الاكل والارق نهار على نهار كايكبر الوحش لي فالداخل ديالو وكايزيد يحقد عليها فكل ما كايحن قلبو كايدخل عقلو فالخط وكايزيد يكرها اكثر واكثر انيس سافر بوحدو رفضت عبلة تسافر معاه لما دخل منتصر للمغرب جا اصيل لقصر وتاصل بأمير باش يحطو البيضة فالطاس على قولتو كلف امير الخدامة تراقب زمرد ووصى الحارس ممنوع تخرج ويراقبها لا تفلت ليه خدا سيارتو وكسيرا فتجاه القصر....

دخلو لغرفتهم لغرفة لي هجرها كذا شهر وهجر مولاتها واليوم رجع ليها بغرض ينسى او ينناسى الغدر والخيانة جلس فطرف السرير وحاني راسو جلسات فالسرير ورا ظهرو وكاتمصي ليه كتافو ترخا بين يدها بعد دقائق حطاات يدها على صدرو وكاتمررها بطريقة مثيرة وكاتفتح ليه ازرار القميجة (القميص) شد يدها وتلفت لعندها......
أمير.."بصوت مبحوح" خلينا نتكلمو 
عبلة.."حطات صبعها على شفاهو" ششششت تكلمنا بزاف قلبي مسامحك أمير عيت خلينا نرجعو كيف قبل عندي يقين بلي هادي سحابة وغاتفوت "طبعاات قبلة على شفاهو 
أمير.."جرها بالخف وتسطح فوقها ودخلو فقبلة طويلة ......فمكان اخر وبضبط داخل المزرعة كانت مكمشة فوق السرير وكاتبكي ما حيلتها لوجع حق الشهر وماحيلتها لوجع لي فقلبها توحشات ولدها وتوحشاات أمير لقديم أمير لي بغاه قلبها وتعلق بيه تنهذات تنهيدة طويلة طلعت من اعماق اعماقها وتنخصات بكترت الألم لي فرحها تكورات فوق السرير بقاات على داك الحال حتى غفات......
#اليوم #المواااالي••••••••🏜
شرقات شمس جديد وتسللت اشعتها لغرفة زمرد غطات راسها بليزار كاتحاول تهرب من اشعة شمس لي زعجاتها بعد ثواني عتدلت فالجلس وجمعت شعرها عشوائي وناضت بتتاقل كاتجر رجليها فتجاه الحمام قدات حاجتها وطرفات حالتها ودارت الفوطة الصحية ورجعات لسرير خدات تيلي ديالها وتاصلت بأمير كذا مرة بدون رد رجعت تاصلت بالفيكس من حسن حظها ردت عليها مسعودة .....
زمرد.."بلهفة" مسعودة...

شموخ.."هذا صوت سيارة أمير 
منتصر..فوزية..فوزية
فوزية..نعام سيدي
منتصر..طلعي محمد رضا لغرفتو وبقاي معاه حتى ينعس
فوزية..امرك سيدي........."خدات فوزية محمد رضا لغرفتو فنفس الاتناء دخل امير كانو جالسين فصالون اونفاص مع الباب لقا سلام وجلس فالكانابي جنب شموخ....
اصيل.."بنبرة قاصية" نقدر نعرف شنو هاد شي لي درتي لهاد الدرجة ماعندي قيمة عندك مدام وصلت بيك الوقاحة تخون بنتي وتنسى لعشرة فا ما بقى مايتقال غاطلقها وكل واحد يشوف طريق لي تناسبو بنتي ماشي شايطة.
منتصر..الله يهديك اخويا هذا ماشي حل خلينا نتكلمو بالعقل
اصيل..وقعات الفاس فراس مابقى حتى حل من غير طلاق
أمير..هاد الموضوع كايخصني انا وعبلة وحتى حد ماعندو الحق يقرر بنيابة علينا 
منتصر.."بعصبية" أمييييييييييير.....
أمير.."شاف ف عبلة" عبلة لي غادي تقرر واش نكملو ولا نحبسو هنا ...
عم الصمت وكلشي كايشوف فتجاه عبلة وكايتسناوها تكلم ويسمعو قرارها بعد ثواني كسرت الصمت وتكلمت.......
عبلة..احم بابا انا مقدرة خوفك عليا لكن هاد الموضوع كايخصني انا وأمير بليز حتى حد مايدخل بينا بليز 
شموخ..احم طبعا معلوم القرار الاول ولأخير كايرجع ليكم وحنا غانحتارمو اي قرار تخدتو "شافت ف اصيل " ياك اعمي؟!
اصيل.."وبقف" وري وري واذا عمي سير وخلي عندك تجي كابكي وتشكي عومي فبحرك...."لاح ليها هاد لكلام وخرج من القصر كاعي طلعت عبلة ولحق عليها امير وخلاو وراهم شموخ كاتبسم ومنتصر كايضرب اخماس فأسداد...

مسعودة..اهلا لالة زمرد..
زمرد..مسعودة الله يستر عليك بغيت نسمع صوت ولدي وبلا مايشوفوك الله يخلي ليك ماعز عليك
مسعودة.."كاتشوف يمين وشمال" واخا بلاتي نطلع لبيتو ونزلو تسناي شوية
زمرد..شكرا بزاف قولي لي كيف دايرة صحتو واش كاياكل ؟! واش كايبكي ؟! 
مسعودة..لاباس عليه حاطينو ف عينينا وحتى حد ما كايخصر ليه لخاطر كاياكل وكاينعس فوقتو مرة مرة كايبكي حيت توحشك ولكن عمتو شموخ كاتلاهيه ومهتمة بيه
زمرد.."تنهدات "الله يستر عليك تهلاي فيه انا غانتسناك بغيت نسمع صوتو 
مسعودة..ثواني
زمرد..واخا ماتعطليش....."قطعات الخط وجلست تسنى تصال مسعودة بعد خمسة دقايق تاصلت بيها.....
زمرد..الوو
محمد رضا "..بفرح" ماميتاااااااااااا
زمرد.."نزلو دموعها " ولدي حبيب ماماه توحشتك ياروحي انت 
محمد رضا..حتى انا وسحتك ماما هئ...هئ...
زمرد..شششت ولدي راجل حبيب ماما انا مسافرة عندي براف دالخدمة قريب غانجي عند ولدي حبيبي وغانجيب ليك معايا اكبر شكولا هههه
محمد رضا.."بفرح" بصح ماما غاتجيبي ليا شكولا كبيرة
زمرد.."كتمت شهقتها" اه احبيب ماما....."فهاد الاثناء جات شموخ وشافتو كايتكلم معاها قطعت الخط وجراتو من يدو
شموخ.."بتهديد" نت اوجه نحس حسابي معاك من بعد ...
مشات مسعودة كاتجري لكوزينة وهي كاتفتف وشموخ طلعت لطابق الثاني ومحمد رضا كايبكي نزلت دمعة حارة على خدها ماشعراتش براسها حتى ضربات الفون مع الحيط ...

عبلة..ديك قليلة الحيا فينها؟!
أمير.."زير على يدو " مابغيتش نتكلم فهاد الموضوع 
عبلة.."حطات يدها على كتفو وتكلمات"احم أمير انا تأقلمت مع الوضع وتخطيت مرحلة البكى والغيرة طبعا انا كانبغيك وكانغير عليك لكن وحدة بحال هاديك ماتخلنيش نغير انا عارفة بلي مزال كاتبغيني ولي كان بينكم نزوة هذا علاش ماضغطتش عليك كنت عارفة ومتأكدة بلي غاترجع ليا الله سبحانه حرمني من نعمة الأمومة وانا راضية بقضاء الله الحمد لله انت كاتولد ولو اني كنت كانتمنى نهز فأحشائي قطعة منك لكن الله ما كتبش أمير بغيت نعيش احساس الأمومة والدفئ الاسري ولادك هما ولادي ولما قلت ولادك قصدت الولاد لي غايجيو من بعد ...

أمير...بمعنى وظحي؟!
عبلة...احم "تبسمات بمكر" يعني ماكاين لاش طلق ديك الخدامة قصدت زمرد انا بغيت نعيش احساس الأمومة احسن عقاب ليها هي تولد شي بيبي وانا وياك نربيوه ماعرفتش شنو دارت ليك وما كايهمنيش نعرف لي كايهمني نعيش احساس الأمومة"نزلت دمعة على خدها وشدات يدو " بليز أمير خليني نعيش هاد الإحساس.......
شاف فيها شوفة طويلة من بعد خرج من الغرفة بدون مايرد نزل مع الدروج بخطوات متسارعة وخرج من القصر بدون مايشوف ولدو لي مدة ماجلسش معاه طلع فرونج وكسيرا فتجاه المزرعة وكلام عبلة كايتردد فودنو مسافة طريق كان داخل المزرعة بلاصة السيارة وتوجه لداخل قصد باب غرفتها حط يدو على البواني يالا غايفتح الباب وهو يحبس رجع بزوج خطوات شاف فالباب شوفة ماكاتفسرش وقلب الاتجاه للبار لي فالجهة الثانية داخل الفيلا خدا المشروب ديالو كايشرب وكاتردد كلمة عبلة ..تولد شي بيبي...تولد شي بيبي...تولد شي بيبي....بدون شعور هز الكاس وضربو مع الحيط حتى تشتت وقف وكايدكد اي حاج جات قدامو كاغ القراعي ديال النبيد شخشخهم ودنيا عمرات زاج وكاع لكراسا شير بيهم ماحبس حتى تقلبت الدنيا سفاها على علاها وقف كاينهز والعرق مطراسي فرقبتو وجبينو كرز على اليد المجروحة حتى نزفت صرخ بصوت عالي والغصة فقلبو........
أمير..علاش ازمرد علاش......."نزلت دمعة على خدو مسحها وتوجه ليها والغضب متمكن منو دفع الباب برجليه ودخل كانت مكمشة فوق السرير بوجه شاحب غير شافتو وسعات عينيها وبلعت ريقها ...

فيكسات عينيها فيدو لي كاتنزف نسات خوفها وتوجهات ليه شدات يدو وتعابير وجها تبدلو غمضات عينيها وزيرت على فمها كاتألم كأنها هي المجروحة شافت فيه ووجهو خالي من اي تعبير توجهات لحمام وخدات علبة الإسعافات ورجعت لعندو يالا غاتفتح ليه ضماضة وهو يدفعها بقوة حتى تنشرات قدامو تحنى لمستواها وهزها من شعرها من كترت الألم حطات يدها فوق يدو باش يخف الألم لاحها فوق السرير وكيد تيشورط لي لابس غير مكترت بيدو لي كاتنزف غير شافتو فداك الحالة عرفاتو باغي يمارس معاه رجعات بلور وتكلمات.........
زمرد..."كاترجف" ف فيا لي غيgل ماتمسنيش 
أمير ..."جافوقها" اهاااا قولتي لي غيgل " حط يدو على بطنها وكايعصرها حسات بألم رهيب خصوصا الوجع كايجيها صعيب نزلت دمعة على خدها وكاتحاول تبعد يدو وصوتها كايرجف.......
زمرد..."بألم" ااااه اي هئ...هئ هءهءهء أمير حرام عليك 
أمير...حرمت عليك عيشتك الغدارة قليلة الأصل ديري فبالك خاصك تجيبي ليا ولد اخر وفأقرب وقت وإلا غانحيك من الوجود كاتسمعي اول ماتحيد منك الدورة الشهرية انا معاك بغيت ولد أخر وفأقرب وقت كاتسمعي "زير على الفك ديالها فأقرب وقت...

قال هاد الكلام وخرج من الغرفة وخلاها كاتألم ومتخبطة فأفكارها وكاتحلل الكلام لي قال قبل ما يكسيري نبه على الخدامة والحراس لي على الباب باش يحلو عينيهم عليها وممنوع تخرج فطريقو جاه تصال من الشركة قلب طريق وتوجه ليها مسافة طريق كان قدام باب شركة بلاصة السيارة وتوجه لمكتب ديالو .....
سليمان...على سلامتك 
أمير..."بعصبية"شنو هاد شي لي سمعت ؟!
سليمان...داك الشماتة ديال انيس خدا منا المناقصة ودار ب ماركوس وردو فصفو 
أمير..."ضرب يدو مع البيرو" شيييت ولد الق***...."خنزر فيه" كيفاش تخليه يدير يدو فيد ماركوس فين كنتي بسلامة ؟!
سليمان...واش انا عالم عليهم انت لي هملتي الخدمة شحال قدي نحضي ثم مهرة ماكاتمشيش كاع لمجموعة لي فأمريكا والاجتماع لخر ما حضراتش ليه لي كان فيه ماركوس بسيف ساحة خوات ل أنيس وتبورد فيها كيف بغى 
أمير...ليلة غانمشي لأمريكا لازم نشوف داك شماتة دماركوس وداك لقو** حسابي معاه من بعد 
سليمان...اوك غانقطع دابا تيكي ليا وليك
أمير...نوو انت غاتبقى هنا خليك مع بابا انا غانتكلف بشي لاخر...

خرج من الشركة وتوجه لقصر جمع حوايجو بالخف وتوجه لمطار بدون مايعلمهم بسفر كانت عبلة خارجة مع انيس وشموخ مشغولة مع محمد رضا لي ولا عاطيها لبكى بسبب غياب مو لي طال بنسبة ليه عند زمرد تاصلت بالفيكس عدة مرات بغات تسمع صوت ولدها بدون رد رجعت تاصلت بأمير كان تيلي ديالو طافي لبست عبايتها ولاحت الشال على راسها وتوجهات لباب بغات تخرج من الفيلا لكن الحراس منعوها بعد مشادات كلامية معاهم لقات ماكاين فايدة غير كاضيع طاقتها رجعات لغرفتها كاتجر فرجليها وقلبها عالم بيه غير ربي بعد ساعات نزلت الطائرة فمطار جون إف كينيدي الدولي بي نيويورك جر الشانطة ديالو وخرج من المطار كانت سيارة من نوع Audi 
فالاسود سلم ليه سائق الشركة المفتاح ونساحب طلع امير فسيارة وكسيرا فتجاه الفيلا دالعائلة فين كاينا مهرة مسافة طريق كان داخل الفيلا...........

#بعد #مرور #اسبوع 
الدكتور...حالتها حاليا مستقرة لكن للأسف الحادت كان خطير للغاية ونجات بصعوبة للأسف شديد مدام الينا فقدات البصر ....
جلنار..."حل فمو 180درجة" كيفااااااااش.....

عبلة..."بعصبية" اش باغي من أمير علاش كاتبنش على صداع واش باغيه يعرف بشي لي بينا اووووف منك أ انيس أووووف
انيس...كالما بب "طبع قبلة فمها" انا ماكانبش وراه لسوء حظو جا فطريقي ولي كايجي فطريق الوحش ما يمكنش يمر مرور الكرام"تبسم بخبث" هه
عبلة..."بنفاد " بلا شك باغي تسكت ليا القلب لأخر مرة فوت عليك امير انت ماشي قدو...
مر اسبوع على زمرد كأنو سنة دموعها نشفو ووزنها نقص فكل مرة كاتحاول تسمع صوت ولدها كاتلقى شموخ واقفة فطريقها كاتقطع عليها الخط ونبهات على الخدم ممنوع يردو عليها خصوصا مسعودة لي هدداتها بالطرد أمير فهاد الأسبوع كان مشغول مع المشكل لي فالشركة مهرة بالها كلو مع جلنار فكل ما كاتبغي تزور ماماه باش تشوفو كاتراجع فأخر لحظة كرامتها كاتوقف فوجه قلبها بعد ما رصا الشغل وتافق مع ماركوس رجع المغرب اول ما نزلت ماحطت الطائرة فوق الثراب المغربي خدا الرونج لي كانت فنتظارو وتوجه لمزرعة مسافة طريق كان داخلها...

دفع باب الغرفة برجلو ودخل كانت الغرفة فارغة قلبو ضرب ف تسعين خرج من الغرفة وعينيه حمرين كيف جمر دور عينيه كايقلب عليها سمع الحس فالمطبخ توجه ليه بخطوات سراع كانت عاطياه بظهر وكاتوجد فالقهوة كحلة كباتها فطاس يالا غادور وهي تساطح معاه والقهوة تهرقات عليه على كرشو كانت سخونة حرقاتو تعوج من الألم وبعد عليها
أمير..."كايحيد القميجة" اووووه شييييت 
زمرد...سمح لي ماشفتكش 
حيد القميجة ولاحها فوق الطبلة وجرها من دراعها ولصقها عليه حط شفاهو على شفاها وقبلها بعنف ختم القبلة بعضة عنيفة غلى شفاها مطلق منها حتى دار شقف فيهم ونزل دم من قوة الألم دفعاتو بكل قوتها وحطات يدها على شفاها وكاتلتقط انفاسها 
زمرد...بغيت ولدي 15 يوم ماشفتو حرام عليك هئ....هئ....الله يخليك رجع ليا ولدي 
أمير..."جرها من شعرها " هذا موضوع غانهضرو فيه من بعد عاهرتي ....." جرها من شعرها بقوة وداها لغرفة لاحها فوق السرير وسد الباب بالمفتاح بدات ترجع بلور وفمها كلمة وحدة ولدي....تلاح عليها وسكتها بقبلة عنيفة قطع فيها نفسها...

#امريكاا••••••••🛫
الينا..."نزلت دمعة على خدها" بغيت نرجع لداري
جلنار..."بصوت مبحوح"ماما ماعندك فين تمشي اذا فشلت العملية الأولى ماشي معناه الثانية غاتفشل لازم شوية الصبر 
الينا..."بعصبية...قلت ليك غانرجع لداري هي غانرجع لداري هئ....هئ....علاش غاندير عملية اخرى وانا ماعندي حتى امل ولو صغير انا غانبقى حياتي كاملة كفيفة هئ....هئ....
جلنار..."ضمها ونزلت دمعة على خدو" شششت خلي عندك امل ان شاء الله غاترجعي تشوفي
الينا...يااااااه لهاد درجة جنان نسات العشرة مهما كان حجم المشكل لي بينكم كان لازم تجي وتزورني فعلا طلعت قليلة الاصل....
لون وجهو تبدل كرز على يدو وشاف فتجاه اخر بعد ثواني خرج من الغرفة بدون مايتكلم
بعد ما سالا دخل لدوش وخلاها كاترجف وكاتألم فنفس الوقت ممارستو العنيفة الماتها جسديا ونفسيا تلوات فليزار ووقفات ببطئ حسات بألم رهيب فرحمها اول مرة تحس بيه توجهات للباب بتتاقل وخرجات من الغرفة كاتجر فرجليها دخلت للغرفة لي جنب غرفتها وسدات الباب وراها توجهات لحمام لاحت ليزار فالأرض وتخشات تحت رشاشة وطلقت العنان لدموعها...

بعد ما خدا دوش خرج من الغرفة لاوي الفوطة على نصو لقاها خرجات نشف شعرو ولبس شورط فالحكل مع تيشورط كري خدا سيجار ديالو وتوجه لاطيراس كايكمي بعد ماخدات دوش نشفات لحمها ولبست بينوار لحمام وتكمشات فالسرير بعد ما كمل سيجارة ديالو تاصل بشخص ....
أمير...نفد شنو قلت ليك وواياك تخلي شي دليل وراك بغيتو فهاد الأسبوع يولي جالس على الحديدة
الشخص...كن هاني اسيدي......"قطع الاتصال وخرج من الغرفة فتح اول غرفة جات عينو عليها كانت مكمشة وكاتبكي جرها من دراعها بقوة ولصقها عليه....
أمير...تؤ..تؤ..تؤ وفري دموعك مزال غاتحتاجيهم امراتي المخلصة "تبسم بحرقة"
زمرد..."كاتشهق"صدقني والله ما خنتك هئ....هئ....أمير انا ان......"قاطعها بحدة"
أمير...ولا كلمة تزيدي كلمة اخرى نشتت لمك ضروسك "زير عليها اكتر" بغيت بيبي فأقرب وقت ياويلك وماتحمليش فهاد شهر "دفعها بقوة وخرج لحقات عليه وكاتجر فيديه وكاتبوسهم"....
زمرد...الله يخليك دير فيا لي بغيتي قتلني اذا كان موتي غايشفي غليلك لكن ماتحرمنيش من ولدي هئ....هئ.....الله يخليك رجع ليا ولدي....."لكلام لي قالت زاد اكد ليه بلي خانتو بصح دفعها بقوة على الحيط حتى ضلوعها تهزو وزير على الفك ديالها.....عمرك تحلمي تشوفيه وياويلك ماتحمليش غانحيك بدون مايرف ليا جفن "تف فوجها وخرج من الفيلا صاعر طاحت على ركابيها وكاتبكي...

#بعد #مرور #اسبوعاااااااان•••••••
فهاد زوج الأسبيع لي دازو كان أمير كايزور زمرد بشكل يومي ويوميا كايمارس معاها باش تحمل عبلة مزال مستمرة فعلاقتها مع انيس وحتى ما كايشك فيها بحكم أمير ما كايعمرش بزاف فالقصر فأغلب الاوقات فالشركة ومركز مع مراد باغي ينهيه بعد ما كايكمل شغلو كايتوجه لمزرعة محمد رضا فهاد الاسابيع دار حالة على غياب مو حتى انو مابقاش كاياكل طاحت فكرة على عبلة بغات تمسح بكرامتها الارض وذلها قتارحات على امير يجيبها لقصر لأن محمد رضا غايمرض بكترت لبكى بعد تفكير وافق بعت السائق وكلفو يجيبها لقصر توجه هو لشركة وسائق توجه لمزرعة.......
#المسااااااااء••••••••••🌇
اول ما شاف ماما مشا كايجري لعندها تعلق فيها وكايبكي....
محمد رضا...ماماااا هئ...هئ مااماااا
زمرد..."كاضم فيه وكاتشم ريحتو ودموعها نازلين" حبيب ماما توحشتك ياروحي انت 
محمد رضا..."شد وجها بيدو صغار" فين مسيتي مامااا هئ...هئ...مابقاس تمسي 
زمرد..."ضماتو " ماغانبقاش نمشي اولدي 
عبلة..."نازلة مع دروج" اووو هوووه لالة زمرد شرفاتنا ونورات القصر بطلتها البهية ههه
زمرد.. الصمت "هزات ولدها 
عبلة...تأترت انا فغيمو تأترت ...

عبله...تأترت انا فغيمو تأثرت "صغرات عينيها" كاتقني ادوار دراما فين تعلمتي هاد شي 
تجاهلات كلامها هزات ولدها وفاتتها بزوج خطوات وشافت فيها ......
زمرد...عندي يقين انك ورا شي لي وقع لي وكوني أكيدة غانكشف مؤامرتك دنيئة 
عبله...ماعرفتش اش كاتخرفي بس كوني اكيدة غانكون حريصة على اذلالك وتدميرك كيف ما دمرتي زواجي ........"كملت زمرد طريقها وخلات وراها عبله متبعاها بالعين حتى غبرات هزات راسها الفوق وتبسمات بمكر .........
عبله...غير صبرو عليا غانخليكم تبكيو دم بدل الدموع......."لاحت شعرها ورا ظهرها وخرجات من القصر طلعت فلوطو ديالها وديمارات فتجاه فيلا دانيس بعد ما كمل شغلو طلع فسيارتو وكسيرا فتجاه القصر مسافة طريق كان داخل القصر بلاصة سيارتو ودخل لداخل بعد ما عشات ولدها ونعساتو تسطحات جنبو وكاتمرر صباعها على خصلات شعرو فتح الباب دخل لداخل الغرفة وسد الباب وراه وتوجه ليها جرها من دراعها بقوة ولصقها عليه..

زمرد..."كاتبعد فيه" بعد عليا بعدددد 
أمير..."شدها من شعرها وزير عليها" ماتقوليش ليا متوحشتنيش أممممم" خشى يدو تحت لبيجامة وحطها على صدرها وكايعصر فيه بيدو وشفاهو كايلتهمو شفاها لاحها فوق السرير وتسطح فوق منها كانت كاتقاوم فيه بدون ما دير الحس خافت يفيق محمد رضا بعد ما عيات تبعد فيه ستسلمات ليه بعد ما كمل زير على الفك ديالها وتكلم
أمير...المدة طولت امراتي المخلصة كانقسم ليك اذا ماحملتيش فهاد الاسبوع غانخليك تشوفي الموت "طبع قبلة عنيفة وناض من فوقها فمكان اخر كانت عبله مسطحة فسرير انيس وهو جنبها طبعات قبلة فمو وناضت من سرير عاريانة توجهات لدوش كاتمختر خدات دوش وخرجات لويا عليها الفوطة لبسات حوايجها وودعات انيس بعد دقائق كانت فالقصر يالا دخلت الغرفة لقات امير جالس فوق السرير شافت فيه بطريقة مثيرة وتوجهات ليه حطات يدها على كتافو ‘طبعت قبلة على شفاهو
أمير...فين كنتي...

عبله...كنت مع صحباتي مليت من الجلاس وسط ربعة الحيوط وانت ديما مشغول " نفخات شنايفها" هذا علاش قلت نتعشا معاهم على برا 
أمير...اهاااه احم اوك ......"توجه لاطيراس كايدخن وهي توجهات لدرسينغ خدات شوميز دو نوي لبساتو ورجعات لسرير تخشات فيه وكاتميساجا مع انيس ومرة مرة كاتشوف فأمير لي كان عاطيها بظهر بعد ما غلب عليها نعاس حطات تيلي وغفات بعدها بساعة نعس امير شرقات شمش جديدة وتسللت اشعتها لغرفة زمرد لي كانت فايقة وكاتخمم فحياتها لي رجعات تقلبات بعد تفكير خرجات من الغرفة وتوجهات لعند مسعودة خرجو من المطبخ وتكلمت معاها بصوت شبه مسموع
زمرد...الله يخليك جيبي ليا حبوب منع الحمل وعندك يشوفك شي حد.
مسعودة..."ضربات حناكها ووشوشاات" واش بغيتي سي أمير يحفر قبري وييتم ولادي 
زمرد..."دمعو عينها" انا مزاوكة فيه انت عارفة ممنوع عليا نخرج املي فالله وفيك الله يخليك
مسعودة..."عزات عليها"دموعك غالين الله يفرجها عليك من دابا لساعة يكونو عندك
زمرد..."ضماتها" الله لايحرمني منك "مدات ليها لفلوس ورجعت لغرفتها بعد ماكملت مسعودة شغلها توجهات لصيدلية خداتهم ليها ورجعات لقصر خباتهم فجيب طابلية وتوجهات لغرفة زمرد......
#المسااااااااااااء•••••🌇
بعد ما تعشات مع ولدها نعساتو وصلت لي فاتها يالا غاتاخد الكينة وهو يتفتح الباب.....

""" دخل فجأة ولقاها كاتشرب الكينة......... 
أمير . .شنو داك شي؟ 
زمرد. ."كاتفتف " و ل والو "كاتخبي فالكينة وراها 
أمير. ."بحدة "شنوو داك شي 
زمرد. ."كاترجف من الخوف "ك ك ك ي ن 
أمير. ."قاطعها بحدة "كي كي كي طلقي راسك 
زمرد. ."ستجمعات قواها "كانخد كينة دراس
أمير. ."كايقرب منها "اهااااااا كينة دراس أري نشوف 
زمرد. ."كاتخبيها وراه " هي كينة رأس وبس 
أمير "لصقها مع صدور وخدا منها الحبوب "كاتاخدي حبوب منع الحمل "لوا معاها بطرشة حتى وجها عواج ....."من تحت سنانو "كاتستغفليني "لوا معاها بطرشة آخرى حتى نقز دم من فمها.....
زمرد. .مابغيتش نولد ما بغيتش هئ........هئ.....ثم علاش غانولد باش تحرمني منو ثاني وتعطيه ليها هئ... هئ............"لوا معاها بطرشة آخرى هاد المرة قوى من لي قبلها لوا شعرها بين يدو وضرب ليها رأسها مع الحيط بقوة حتى دم نقز منو....
أمير. ."زير على الفك ديالها بقوة " نت هنا باش تولدي نت هنا مجرد آلة كاتولد "زير على فكها بقوة اكتر "نت هنا شنو 
زمرد. ."كاتألم "هئ......هئ.......هئ......
أمير. ."بصوت عالي "نت هنا شنووووووووو؟ 
"وجهو حمر وعينيه كتر كيف جمر وعروقو بارزين" 
زمرد. ."كاترجف ودموع ف عينها "ب أ ش باش نولد هئ.......هئ.......
أمير. ."زير على شعرها "ماسمعتش مزيان.....
زمرد. ."كلها كاترجف من الخوف " ب با ش ن و.... هئ......هئ.....باش نولد

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.