شموخ..."خداتو منو " اوك ........"خرج من القصر وقلبو كايخفق فكل ما كاتجي عينو فعينها كايتكركب وماكايبقاش قادر يركز يوم على يوم حبها كايكبر ومزال ماتجرأ يخبرها او يخبر أمير طلع فلوطو ديالو وكسيرا فتجاه الشقة ديالو كايحاول ما أمكن يهرب من المكان لي فيها بعد ما كمل أمير ناض من فوقها وتوجه لحمام ودمو كايغلي وخلاها منهارة من المعاملة القاصية لي رجع ليها تلوات فلزار ومشات لحمام اخر خدات دوش وتوضات ورجعات لغرفتها بعد ما خدا دوش توجه لغرفة عبله وتسطح على سرير ليل كلو ماغفا ما بغاتش تسرط ليه انها كاتاخد حبوب من الحمل
وكاتزيد تأكد ليه بلي بصح عمرها بغاتو....
#بعد #مرور #اسبوعاااااااان••••••••••
فاقت مبكرة بحال كل صباح خدات شور وتوضات وصلت الصبح من بعد فيقات ولدها دوشات ليه ولبساتو حوايجو ونزلت لمطبخ كاتجهز ليه فطورو فهاد الاسبوع ماشافتش أمير رجع سافر لأمريكا انيس مزال كاينبش وراه ولا مشغول بين انيس ومراد لي مصر ينهيه ويجلسو على الحديدة غيابو وجعها فقلبها واخا صدق الاتهمات لي تاهموها وقصى عليها الى انها مزال كاتبغيه حاولات تكرهو وتحقد عليه لكن قلبها متشبت بحبو بين ما هي كاتقلي البيض لمحمد دخلت مسعودة لمطبخ وهازة طبسل فيه الخليع ........
مسعودة...صباح الخير
زمرد..."تبسمات " صباح النور
مسعودة..."شافت عنقها مطبع" مالك فعنقك "عاد فطنات " اااااااه ههههه
حشمات من نظرات مسعودة قدات الشال وغطات عنقها ......
زمرد..."مدات يدها " أمممم كايعجبني " يالا مداتو لفمها ماعجبهاش مذاقو واخا كان كايعجبها من قبل طلعت ريحتو مع نيفها وروعاتها ناضت كاتجري لحمام كاترد ستغربات مسعودة من ردت فعلها لكن سرعان ما فهمت وتبسمات رجعات زمرد لمطبخ وماتمسح وجها بلفوطة يالا غاتهضر مسعودة وهي دخل انتصار ووصال (الخدمات) ومعاهم فوزية...
فوزية....اوووف داك الطباخ ديال الويل حتى ليوم ما غايجيش شكون غايطيب لغدا شكون
مسعودة...انا كاتعرفي طيابي ماشي تالهيه
وصال..."هازة المرايا وكاتعكر " ااااااااااح اليوم جاي تتيز
فوزية..."بعصبية"داك شي فاش فالحة "حطات يدها على راسها" الله ياربي سي اصيل جاي وماشي غير بوحدو جاي ولدو وداك الولد ماكلتو مبعكة اليوم شموخ تشرشمنا
وصال...بالعكس سي جاد الضرفات وخاطيه التبعصيص اااااااح شحال كايسالي معايا.
انتصار...غير كبي على كرشك الما ماغايشوفش فيك امكن نسيتي شكون هو هداك لي طالقة ريوgك عليك ولد سي اصيل تزاد وفمو معلقة من ذهب وعاش حياتو كلها فلندن بين الزين فن غاتباني ليه نتي هههههه
وصال..."كاتميق ف زمرد " من سي امير شاف فالخدامة حتى حاجة ما بقات مستحيل
انتصار ...زيديني عليها ثم الطياب ماشي مهمتي "عوجات فمها
فوزية..."دارت يدها على راسها " الله ياربي سي اصيل كايبغي البسطيلة بالحوت وانا ما كانعرف منين نبداها ولالهم شموخ كاتبغي سلطة الكلسولو وسلطة سيزر وانا ما كانعرفش ليهم..
اما سي منتصر قالك بغى شوربة سمك سلمون ميمتي كحالت عليا سير امنفوخ الحناك(كاتقصد طباخ القصر)الله يلقيها ليك
مسعودة..."شافت ف زمرد " ماكاينش لي غايفكنا من هاد الوحلة قدك انا مزااااوكة فيك الى ما عتقينا على وجهي عارفة الكافرات ماعندهم وجه ....
انتصار...ايييييه حدك تما الحاست لكبا
زمرد..."حطات يدها على مسعودة" وجهك عزيز كوني هانية انا غانتكلف بالطياب "خزراات فيهم " وغير على وجهك
مسعودة.."باست خدها " الله يرحم الكرش لي هزاتك
زمرد..."تنهدات " امين
فوزية..."بصوت شبه مسموع "بصح عمر الدم يرجع ما " شافت فيها بمتنان" شكراا
زمرد...العفو " احم انا غانكتب ليك قائمة شنو غانحتاج وعطيها لزكريا يتقدا ليا شنو خاص
فوزية....زكريا...زكريااا اداك راس طارو
شموخ..."دخلت " اش هاد الفوضة هذا مطبخ ولا سويقة "ميقاات فزمرد "
خرج زكرياء من المطبخ وكل ونتصار خرجات طلعت لطابق الثاني كاتجمع الغرف ومسعودة طلعت لغرفة سي منتصر كاتجمعها ليه بحكم هي لي كاتهتم بطلبات سي منتصر وفوزية كاتعطي ليهم فالاومر وامرات وصال تساعد زمرد لي كانت كاتجهز الاطباق لي قالت ليها واخا هي مابقاتش من الخدم لكن قررت تساعدهم وتلهي راسها فنفس الوقت بعد ساعات نزلت الطائرة فمطار محمد الخامس كانت السائق فنتظار جاد اول ما شافو مشى كايجري خدا منو شانطة وحطها فرونج ....
زكريا...على سلامتك اسيدي
جاد...هاز راسو لسما سابعة " الله يسلمك "انا لي غانسوق
زكريا...واخا اسيدي انا غاناخد طاكسي
جاد..."بصوت خشن" علاش طاكسي طلع معايا
زكريا...ولكن
جاد...مانعاودش كلامي...."طلع زكريا فرونج جنب جاد وتوجهو لقصر مسافة طريق كانو داخل لقصر نزل زكريا هو الاول ونزل الشانطة من الكوفر ودخل لداخل ولحق عليه جاد غير شافتو وصال حلت فمها على اخر حتى نغزاتها فوزية عاد جمعاتو ......
منتصر..."ضمو" اهلا بالغالي ولد الغالي
جاد.."ضمو بدورو" اهلا عمي
اصيل.."ضمو"ولدي
جاد.."ماحملش يضمو غير حشم" احم اهلا
اصيل..."حس بالغصة فقلبو" على سلامتك
جاد..."تجاهلو " الصمت
شموخ..."نزلت مع دروج كاتجري " جادو..."تلاحت عليه ضماتو"
جاد..."باس راسها " شوشو توحشتك
شموخ..."باستو فخدو" وانا اكتر ياروحي
عبله.."نازلة كاتمختر " اهلا اهلا اشرقت الانوار
جاد.."ضمها" ختي الحبيبة
فوزية...لالة شموخ الغدا جاهز
شموخ...تفضلو لغرفة الاكل اكيد غاتكون جعتي
جاد..وي بزاف ههه...
توجهو كاملين لغرفة الأكل كايضحكو مابينهم ومتجاهل وجود اصيل مرت عشر سنوات ومزال جاد ماقدر يسامحو بعد ماجلسو توجهات قبل ماتوجه فوزية لمطبخ باش تعلمهم ينزلو الاطباق امرها منتصر تجيب محمد رضا يتغدا معاهم ......
فوزية..."بعصبية " صبرك يارب "شافت فزمرد" اه حقا محمد رضا بغاه جدو باش يتغدا معاهم
زمرد...اوك ...حبيب ماما جدو بغاك يالا سير لعندو
محمد رضا..واخا ماما ....."مشى محمد رضا كايجري لغرفة الاكل وانتصار ووصال هزو الاطباق وفوزية وراهم بقات زمرد ومسعودة
فالمطبخ.......
مسعودة...الطيف هاد البنت خف منها ما كاين
زمرد...الحب صعيب ههه قولي لي شكون هاد جاد لي دايرة عليه وصال هاد لحالة كاملة؟!
مسعودة...هذا الالة سي جاد ولد سي اصيل وخو ديك السامة ديال عبله عندو 32 قدو قد سي أمير تزاد ف لندن وقرا تما نهار وصل 17 سنة خدا لباك ودخل لمغرب مع سي اصيل ومو وديك سامة دعبله سي اصيل كان قاصي على لالة ياقوت على ما سمعت تزوجها زواج تقليدي وديما كايخونها والطامة الكبرى المرا لي كان كايخونها معاها ولدات منو وناضت القيامة وماض صداع ولا كايمد يدو عليها قدام ولادها ونهار وقف جاد فوجهو جرا عليه من دار فنص اليل من تما هز راسو رجع لندن بعد ما رجع لندن بشي شهرين ماتت لالة ياقوت تقطع ليها شي عرق فراسها بالفقصة على ما قالو ومن تما حقد على باه ما بقاش كايكلمو رجع لمغرب غير حيت سي اصيل طلب منو يرجع على قبل شي مشكل فالشركة
زمرد...اهااااا ...
جاد...هذا هو ولد امير
منتصر ..."شاف فمحمد رضا بحب " اه هذا هو حفيدي لغزال "نتابه لعبله " احم تفضلو بسم الله
جاد..."داق من البسطيلة" امممممم او هووه هاد شي بنين الله يعطي صحة لي طيبها
فوزية..."نقزات " زمرد لي طيبات
جاد..."بستغراب " شكون زمرد !!
محمد رضا ...ماماااتي انا "اشار لنفسو "
شموخ..."خزرات ف فوزية" فوزييييييية
فوزية ..احم سمحي لي الالة
جاد...اهااااااا ......."نساحبات فوزية وبقات وانتصار ووصال واقفين كايلبيو طلباتهم قول غير انتصار اما وصال الله يرحمها لهلا يطيح حبك على حجرة😂😂...بعد ما كملو غداهم توجهو لصالة ونزلت انتصار القهوة والحلوة ومحمد رضا رجع عند زمرد لي يالا بدات كاتغدا اول ما داقت شوربة ناضت كاتجري تاني تروعات دخلت لحمام وردت هزات راسها فالمرايا ووسعات عينها وحطات يدها على فمها ..." زمرد...لا ياربي لاااا .....حسات بالخنقة والدنيا دارت بيها حيدات الشال وفزكات ورا رقبتها وغسلت وجها يالا خرجات من الحمام وهي تساطح مع جاد طاح الشال لي كانت هازاه بيدها غير شافت جاد تحنات بزربة غطات شعرها وبعدات عليه....
زمرد...س م سمح ليا ما شفتكش
جاد ...مخنزر" انت هي زمرد !! ...
زمرد..."رجعات لور بزوج خطوات" اه هي انا
جاد..."كايقرب منها وعينيه كلهم حقد" قبل عشر سنين غلطت غلط كبير وخليت وحدة بحالك دمر حياة ماما وكانت سبب موتها "زير على الفك ديالها"لكن صدقيني ماغانكررش نفس الغلط "دفعها واشار بصبعو ناحية وجها" مستحيل نخليك دمري ختي غانكون ليك بالمرصاد وغانرجع حياتك جحيم "غمزها وكمل طريقو "
زمرد..."وقفاتو بصوتها ودموع تحجرو فعينها" بلا ما تعدب راسك حياتي جحيم من نهار حطيت رجلي فهاد القصر ......"عطاتو بظهر وتوجهات لغرفتها بخطوات متسااارعة ودموعها على خدها بقى متبعة بعينيه حتى غبرات حس بإحساس غريب ماقدرش يميزو لكن سرعان ما رجع لشر لي زرع فيه اصيل دخل لحمام ورضخ الباب جلسات فطرف السرير ولاحت الشال فالارض وطلقات لعنان لدموعها وشهقاتها...
كان غادي جاي كايتكلم فالتيلي بصوت عالي ودمو كايغلي زفر بعصبية وضرب تيلي مع الحيط حتى تشتت هز لافيست ديالو وخرج
مراد..."بعصبية" غاندمك اامير غير صبر ليا " طلع فلوطو ديالو وكسيرا فتجاه القصر مسافة طريق كان قدام الباب بلاصة سيارة ونزل
زمرد...مسعودة ...مسعودة
مسعودة..."تلفتت لعندها" نعام الالة
زمرد...الله يهديك امسعود شحال من مرة كانقولك كلمة لالة مانسمعاش "تنهدات " ماعلينا الله يخليك ردي البال لمحمد رضا انا خارجة
مسعودة..."بعدات يدها" الله ابنتي مالك جايبة حرامي راك براجلك
زمرد...مزال ماتأكدت انا نيت خارجة باش نتأكد المهم محمد فأمانتك
مسعودة...الله يسمعك خير ....خرجات زمرد من المطبخ توجهات لباب يالا غاتخرج وهي تساطح مع مراد لي كان داخل كي تور لهايج
مراد...."وسع عينيه" زمرد
زمرد..."بحرقة" الله ياخد فيك الحق
مراد..."دمعو عينيه" زمرد سمعيني الله يخليك
زمرد...دفعاتو" بسع مني ماتمسنيش كانكرهك الله يلعن ساعة لي شفتك فيها "نزلت دمعة على خدها.....
جاد..."نازل مع دروج" اشنو واقع هنا
مراد...فين هو داك شماته ديال امير
زمرد..."بصوت عالي" ما كاينش شماته قدك اقليل الاصل ...
جاد..."بصوت عالي وخزر فيها"ااييييه حدك تم اش هاد قلة الحيا دخلتي لهاد دار وخربتي عائلة على قدها وزايداها بقلة حياك
زمرد..."بحدة" حد هنا وسطووب✋مانسمحش لك تهيني كتر ياريت تخليك بعيد "خنزرات ف مراد" وانت حسابي معاك من بعد "دفعاتو بكل قوتها وخرجات من القصر والغضب متمكن منها لحق عليها مراد كايجري وخلا جاد وراه ما فاهم والو ....
جاد..."شاف ف شموخ" شي حد يشرح ليا شنو واقع هنا
شموخ..."جلسات فالكرسي ودارت رجل فوق رجل " لي واقع ان هاد لخدامة الحقيرة خربات زواج امير وعبلة وماكفاهاش هاد شي دارت علاقة مع مراد ونوضات الحرب بين ولادك عمك اجاد .....
جاد..."بحقد" تربية شوارع "شاف فيها" انا غانهنيكم منها
شموخ...ياريت غانكون ممنونة
جاد..."جر ليها خدودها" وانت شنو جديدك "غمزها
شموخ...واااالو ماكاين بو جديد من لاصال لشوبينغ ومن شوبينغ لدار هذا حالي يوميا
جاد...اهااااا على اساس غانصدقك
شموخ..."بخجل" جااااد
جاد..."شاف فالساعة" بون انا خارج نشوفك من بعد..
مراد..."كايجري وراها" زمرد...زمرد وقفي الله يخليك
زمرد..."دموع ف عينيها" عطيني تساااع بعدددددد
مراد...."شدها فيدها " حبيبة صدقيني كاع شي لي درت على قبلنا "نزلت دمعة على خدو" كانقسم ليك كلشي من حبي ليك يالا معايا غانهنيك من هاد الجحيم لي نتي فيه
زمرد..."دفعاتو" وعطيني بتساع واش ما كاتفهمش عمري بغيتك وعمري غانبغيك شخص الوحيد لي بغاه قلبي وغايبقى يبغيه حتى لاخر نفس هو أمير كاتسمع طال زمان ولا قصار الحقيقة غاتبان شي لي درتي عمري نغفرو ليك.
مراد..."بحزن شديد" زمرد انا ان..."قاطعهم جاد بالكلاكسون " طييييييييييييييط......بعدات على طريق جاد وكملت طريقها جاد كسيرا بسيارتو وخلا العجاج وراه ......وقفها مراد من جديد جا قدامها وشد يدها يالا بغات تبعدو وهو يوقف امير بسيارتو خرج عينيه والعرق لي ف جبينو برز نزل من سيارتو وتوجه ليهم..
بدون مقدمات نزل على مراد لوجه بلكمة حتى وجهو عواج يالا بغى يرد ليه مراد دقة هو يلوي ليه يدو ودخل فيه براس زمرد رجعات لور وكلها كاترجف....
مراد..."نزل عليه لوجه" انت ورا افلاسي الحقير غاندمك
أمير..."دخل فيه براسو"مزال ماشفتي والو اشماته هادي غير البداية
زمرد..."كاتجر ف امير" أمير غاتقتلو وقف
أمير..."دفعها حتى تزدحات على سيارة" نت الكلبة حسابك جاي فطريق غير صبري عليا .....رجع كايضرب ف مراد رجعات لقصر كاتجري كاتعيط على زكرياء السائق يفكم توجه ليهم بخطوات متسارعة برفقة الجرديني فرقوهم بزز وقف أمير كاينهج وعينيه حمرين
أمير..."بصوت عالي " نهار نلقاك هنا غانحيك
مراد..." صدرو كايطلع وينزل" شي لي درتي ما غانفوتوش ليك ....."توجه لسيارتو وكسيرا رجع زكريا ومع الجرديني لقصر وخلاو وراهم أمير وزمرد شاف فيها بنظارت كلهم كره وشمئزاز وكايقرب منها بدات كاترجع بلور وكلها كاترجف حتى لصقت على سيارة ...
شدها من دراعها بقوة وزير عليها...
أمير...وصلت بيك الوقاحة تجيبي حبيب القلب لقلب داري "لوا معاها بطرشة" اممم لهاد درجة نتي رخيصة!!
زمرد..." نزلو دموعها" اان انا ماجبتوش هئ....هئ...صدقني والله مابينا شي حاجة
إمير..."بصوت عالي " ولا كلمة✋صوتك ما نسمعوش اشار لناحية لباب" غاترجعي لغرفتك وممنوع تحطي رجلك برا هاد الباب
زمرد...انا عندي شي شغل
أمير..."جرها من شعرها توجه لقصر لاح لكلي لزكريا باش يدخل سيارة لكراج وامير دخل لداخل وجار زمرد من شعرها طلع لطابق الثاني فتح باب الغرفة ودفعها جات على حافة الكوافوز وحست بألم فضيع اسفل بطنها
زمرد...."دم نازل معاها" اااااه هئ...هئ....
أمير..."توجه ليها "دموع تماسيح ما غايخليونيش نضعف ثاني "شاف ذم نازل مع رجليها" الله ياربي ........
انيس...ياإما غاتجيبي ليا الملف لي قلت ليك ولا غانخلي زوجك الحبيب يعرف بلي بينا "غمزها" هزاات يدها بغات تصفعو وهو يلويها
عبله..."بألم'"ااااااي حقير غاندمك
انيس..."شاف فيها بستفزاز"مانكرش انك خلتيني مستمتع طول هاد الفترة لكن سطوب قنعت ومليت وصل وقت الصح...
عبله...ماتحلمش نعطيك الملف كاتسمع ماتحلمش
انيس...خنتي راجلك من قبل وتقدري تخونيه مرة وزوج وثلاثة "تبسم"هادشي ماصعيبش عليك.."بتهديد" مزال ما كاتعرفيش شكون هو انيس وحسن ليك ماتعرفيهش" طبع قبلة عنيفة فمها" من الاحسن تنفدي الامر الغزالة قبل لا نكعا عليك .....
عبله...حقييييييير
انيس...وانت احقر من الحقارة هههه
فرانا قدام باب المستشفى ونزل من سيارة بسرعة هزها بين دراعو وتوجه لداخل المشفى بخطوات متسارعة وقلبو كايضرب بسرعة دارو بيه الممرضات حطوها فالبياص وتوجهو لبلوك والطبيب وراهم كايجري يالا بغى يدخل وهما يوقفوه...
حطت طائرة خاصة فوق الثراب الوطني بضبط ف مطار سلا الدولي نزلو الينا محملينها فالبياص ووراها جلنار بهيبتو المعتادة وعاقد حجبانو كانت سيارة الاسعاف فنتظارهم طلعو الينا ولحق عليها جلنار فلوطو مسافة طريق كانو امام فيلا دجلنار خارج المدينة .........
بعد عدة دقائق خرج الدكتور من البلوك اول ماشافو امير توجه ليه بخطوات متسارعة...
أمير..."بخوف" كيف بقات وشنو وقع لا!!؟
الدكتور...المدام حامل فاسبوعها الثاني والجنين كان غاينزل لولا لطف الله الحمد لله حالتها مستقرة ولاباس عليها وقفنا النزيف لازمها الراحة وان شاء الله غاتكون بخير
أمير..."تخلطو عليه الاحاسيس" حااملة!!
الدكتور..."تبسم"وي مبروك ....كمل طريقو وخلاه ملخبط وماشي على بعضو من المفترض كان يفرح لكن الوضع مختلف هي فنظرو خائنة والحمل ما غايشفعش ليها عندو بعد ثواني خرجوها من البلوك فالبياص وداوها لغرفة خاصة لحق عليها اول ما خرجو الممرضة بدا يسممها بكلامو...
أمير..."بستفزاز" مبروك مدامتي
زمرد...الصمت
أمير..."بحرقة وشمئزاز" اكيد كنتي كاتمناي يكون منو "شدها من الفك وزير عليها"كوني اكيدة ماغاتفلتيش هو خلص الفتورة وبزيادة كمان ونت نوبتك وصلت "زير عليها اكتر" ديري فبالك اول ماتولديه عبله غاتكون هي مو وغاتنساي محمد حتى هو كانقسم ليك غانخلي حياتك جحيم ومستحيل نخلي ولادي تربيهم وحدة رخيصة "دفعها"
زمرد..."تحجرو دموع فعينها" غاتندم بزاف صدقني لكن الندم ما غاينفعش لاخر مرة غانقول ليك مظلومة وعمري خنتك "نزلت دمعة حارة على خدها ومسحتها بسرعة" صدقني ما بقاش هامني شنو غايوقع من بعد واذا على الجحيم فأنا عايشاه ......شاف فيها شوفة مطولة وخرج من الغرفة بدون مايرد سد الباب وراه وكلامها كايتردد صداه داخلو فلحظة حن قلبو لكن سرعان ما نفض افكارو وخرج من المستشفى بخطوات متسارعة ....
#المساااء••••🌇
طول هاد الساعات الاخيرة كان امير فالفيلا الخاصة ديالو جالس فلاطيراس وكايشرب فالمشروب وكلام زمرد كايتردد صداه فالداخل ديالو بعد تفكير طويل خدا تيلي ديالو وتاصل بزكريا (السائق كلفو ياخد زمرد من المشفى ويديها للقصر بعد ما قطع الاتصال جبد السيجارة وكايدخل ودماغو خدام ...
كانت غادية جاية كاتعض فظفارها من الفقصة والتوتر ظاهر عليها لمحاتها شموخ من بعيد وتوجهات ليها مستغربة.....
شموخ...عبله
عبله..."مرفوعة" الصمت
شموخ..."كاتمرر يدها قدام وجه عبله " اييي هووو فين شاردة سبحان الله
شموخ..."شهقات" اوعدي اش دانا لشي قتيل انا حطيت سلاحي خلي جاد هو لي غايقادها مع راسها
عبله..."شافت ناحية الباب" ست الحسن والجمال شرفاات "بستغراب" شوف وجها كيف شاحب ظاهر عليها مريضة
شموخ...تموت كاع لهلا يكعد لبوها راس من جيهتي...
تجاهلات زمرد نظراتهم وكلامهم لي كيف سم وطلعت لطابق الثاني كاتجر فرجليها ودماغها مرفوع فتحت باب الغرفة ودخلت توجهات لسرير وجلست بتعب حيدات شال لاحتو حسات بالخنقة ودموع محجرين ف عينها بعد ما لتاقطات نفسها وقفات كاتحيد فالفستان لي لابسة لاحتو فوق سرير ولبست سروال بيجامة وبقات بسوتيام يالا غاتلبس تيشورط دالبيجامة وهو يتفتح باب غرفتها كانت عاطياه بظهر عند بالها امير مادارتش اول ماجات عينو على الشامة لي فكتفها الايمن حل فمو ووسع عينه على الاخر غير مكترت بلي عريانة تلفتات بالعرض البيطئ غير شافتو شهقات وعطاتو بظهر كاتلقلب شنو تلوح عليها باش تستر نفسها وعا بنفسو وخرج من الغرفة وسد الباب وراه ودماغو مرفوع .....
جاد..."بستنكار " لاا لااا اكيد صدفة احم معلوم "مرر يدو على دقنو وكايكلم نفسو لبسات بيجامتها وكلها كاترجف بالاعصاب وكاتلعن فيه فداخلها نزلت دمعة على خدها وكاطلب من الله يسمح ليها لان رجل غريب شافها عريانة واخا الغلط ماشي ديالها جلست فطرف السرير وكاتلعن نفسهاااا....
زمرد...ااااخ منك ازمرد اااااخ كلو منك كيفاش ماكااتسديش باب غرفتك بالمفتاح ...دخل محمد رضا وكايشوف فيها بستغراب...
محمد رضا...مامااا.
زمرد ..."ضماتو" حبيب مامااا توحشتك
محمد رضا ..."باس خدها" حتى انا وسحتك
زمرد..."ضماتو لصدرها وزيرات عليه" عمري نخليك انت ولدي انا "تنهدات تنهيدة طويلة طلعات من اعماق اعماقها ....باست جبينو ورجعات ضماتو...
جلس فالكرسي والشامة لي شاف فكتف زمرد ما حيداتش من عينو نفس الشامة لي عندو وفالكتف الايمن بضبط ونفس الشامة كاينا عند اصيل وفنفس المكان بعد تفكير طويل توجه لعند شموخ لي كانت جالسة فالجردة وكاتقرا رواية حيد ليها الرواية من يدها وجلس اونفاص معاها ......
جاد....شموخ شكون هي هاد زمرد
شموخ...يادي زمرد لي تلفاتكم "رفعات حاجبها"ماتقولش ليا حتى انت ضحكت عليك وكلات ليك دماغك
جاد..."بنرفزة" سولت جاوبي بلا كترت لكلام
شموخ..."عصبيتو خوفاتها" كانت خدامة عندنا سبق لي قلتها ليك
جاد...شكون جابها لقصر؟!
شموخ..."بستغراب "علاش هاد الاسئلة كاملة!!
جاد..."بعصبية اكتر" شموووووخ
شموخ..."بخوف" خالتها خ خالتها لي جابتها وهي رئيسة الخدم
جاد..."وقف" بغيت نشوفها دابا
شموخ..."بستغراب وحيرة" واخا ثواني وتكون عندك....."توجهات شموخ لمطبخ وفدماغها الف سؤال امراات فوزية تمشي لعند جاد وهي توجهات لغرفتها كاتفصل وتخيط...
فوزية...نعام اسيدي
جاد..."داير رجل فوق رجل ومخنزر" فين هي عائلة زمرد!!
فوزية..."بستغراب" علاش كاتسأل اسيدي
جاد..."بصوت عالي " ردي على قد سؤال
فوزية..."قفزات" س م سمحلي احم زمرد بنت ختي مها ماتت الله يرحمها قبل ثلات سنوات وبقات مدة مع باها هو ماشي باها الحقيقي غير راجل مها من بعد ما حاول يتعدا عليها هربات وجات لعندي وانا خدمتها هنا
جاد..."حل فمو" ش شكون هو باها؟!
فوزية...ماعرفتش ختي الله يرحمها كانت خدامة فواحد الشركة ودارت علاقة مع مولاها وحبلت منو ولما عرف نكرها وجرا عليها لي عارفة انا سمير راجل ختي كان صاحب بات زمرد وهو الوحيد لي عارف شكون باها
جاد..."وقف" عطيني عنوانو
فوزية...امرك سيدي .....
بعد تفكير طويل خدات قرار لارجعت فيه لبست فستانها ودارت حجابها وخدات صاكها فيه تيلي ديالها ومبلغ بسيط لبست لولدها حوايجو وخرجات من الغرفة مابغاتش تهز لحوايج باش ماتلفتش انتباهم خرجات من باب الخدم وتوجهات لراس شارع كاتقلب علئ طاكسي بعد انتظار قررات تمشي على رجليها حتى لمحطة لخرا بغات تبعد على لقصر يالا غاتقطع شارع وهي تفراني عليها سيارة كانت غاتجمعها...
بعد تفكير طويل خرج من الفيلا طلع فسيارتو وكسيرا فتجاه دار مراد مسافة طريق كان قدام بابو بلاصة سيارة وتوجه لباب طرق الباب زوج مراات يالا يطرق للمرة الثالتة وهو يفتح غير جات عينو عليه دفعو ودخل.....
مراد...شنو جاي دير عندي
أمير..."شنق عليه وصغر عينيه" زمرد ما خانتنيش اكيد انت لعبتي عليا
رفقا بي يا جلادي الجزء الثامن
محتوى القصة
التنقل بين الأجزاء