ثغرة الماضي الجزء 11 والأخير

علي بعصبية:سبيييل جلسي الارض بلاها هالولدني خلص ..اعتذرت منك شو بدك اكثر ..لك بحبك يا مجنونة شو بدك اكثر ...(وقف وجبدها لعندو معنقها خلا لي نا شرا يتنزه كاين لي غار منها وكاين لي عصباتو قلة هاد لحيا فمكان عام) لك ما بعرف كيف ولا امتى ولا حتى شو بيصير معي وانتي بعيدة عني ..بس هالشهرين وانا بعيد عنك صار في فراغ رهيب عندي ..(بعد مها وشد وحها بين يديه باس جبهتها ) لك والله اشتقت موت لجنانك وحكياتك لي ما بفهمون ..وحتى لعصبيتك وكلامك الي ما بيخلص ..انتي احلى مصيبة الله لقاني فيها 

سلسبيل بصدمة:اوعدي نتا اش كدير ..لا واش من نيتك كتبغيني ..علي نتا كتبغيني ..حلف ..(بدات كتضحك وتمع فضحكة) ربي لما حلف ...الحمد لله مغنبقاش عايشة فالجفاف ...غنبدا حتا انا نحط فلجروبات بوركابي دارليا بوركابي جاب ليا ...ونحط يدينا ورجلينا ونقوليهم العود احمد وبوركابي الله ينصرو ليا ويجمع لينا رجلينا فلحلال ..بغيت نقول يفرقهم بما يرضي الله ..عار الله لما حلف ...(جبداتو من يدو) خلص ..خلص ...خلينا نوضو نبداو راه من زمان وانا موحدة لبروجرامات رومنسية باش نعيشهم 

علي غير كيضحك نصف كلامها مفهموش وهي منين تقلع ودير مارش اش جاب ميدير ليها سطوب ...خلص علي وخرج هو وياها شافت فيه طارت عنقاتو وكتتمشى ودور تشوف فيه وتشوف فناس لي دايزين وتطلعليهم يديهم 

سلسبيل:مبقيتش بايرة ...هااا ( كتوريهم يديهم) شوفو ها هو ..

بتو لبناني ( كتغوت) ولبناني اعباد الله وتشيتشيز اختشي ..اححح اقلبي ..لا للجفاف العاطفي بعد الان وهلا ومرحب بسفالة الحلالية ....

ناس شي كيشوف وشي كيدور وجهو ويقول الله يعفو ....داز نهارهم بين لكافي وخدمتها نساتها وخدمتو حلفات لخلاتو يعتب ليها وهي متيقات ربي جاب ليها سعدها بين يديها ..ونيت الواحد هو لي يحضي رزقو هاد الوقت ..دنيا خيابت هههه وبركابي مطلوب دوليا 😂

ولاخلاتو كيضن داك شي ..من بعد نهار لي عاشتو بلا متفكر اش كدير ..كملو خرجتهم فريسطو وبضبط كانت ساعة 12 ليلا ..كانت كتاكل بلاتي عليها وهو غير حاضيها ومبتاسم حنى سالات وشافت فيه 

سبيل:ما بدك تاكل ..رح ظل تبحلق فيني هيك 

علي هز يدها باسها وبقى شادها:كنت اهبل واكبر مغفل وحدا حقير ..لما تصرفت معك بوقاحة ..اسف ..جد اسف ..(سكت تنهد وابتاسم)بحبك 

سبيل شافت فيه مطولا وجبدات يدها:بس انا مو اسفة 

علي باستغراب:عن شو؟شو قصدك؟

سبيل ببرود:عن الكلام لي رح قولو ..يااستاذ علي 

علي باستفهام:سبيل شو هالكلام..انتي منيحة ؟

سبيل:اكثر من ما تتصورلاتشغل بالك .بحياتي ما كنت احسن من هيك ..(شافت فيه مطلعة حاجب ومنزلة اخر)بتحبني جد والله ..انا كتير ممنونة لعطفك وممتنة لكرم اخلاقك المندتناهي المتوازي مع حقارتك وقلة ذوقك يا جنتلمان زمانك 

علي باستفهام:سبييل !!

سبيل:سلسبيل الله يخليك ..الانسة سلسبيل ..(سكتات شوية)شنو جابلك بالك من بعد ما عاملتني بحال شي شياطة حدا ناس وبيني وبينك غنجي وناخذك بالاحضان عادي ..ههه..لا والله ناصح يا شطور...اصح يا بابا ..كلشي استهون فيه ..صحيح انا مجنونة وهبلة وكل شي بس كلشي الا كرامتي ..خط احمر ..كرامتي مابتنداس يا علي ..وانت اتجاوزت الخط الاحمر باشواط ..

علي:سبيل انا اسف ..اناانسان والانسان خطاء ..اجيت واعتذرت منك ومستعد اعمل اي شيء بس تصفحي عني ..

سبيل ضحكات بالم :هههه ..اعتذرت ..شكرا لإلك هاد من كرم اخلاقك بس اعتذارك مو مقبول ..

علي بعصبية:لكان ليش اجيتي..ليش تركتي حالك معي كول اليوم ..ليش ابتسامتك ما فارقت وجك ..ليش قلبك ونبضك بنوم ما انتظمو ..ليش لساتك بتتوتري بقربي لإلك ...لك انا بحبك يا مجنونة وما راح اتركك فهماني ولا لاء

سبيل ببرود:وانا بحبك ..بعشقك ..بموت عليك ..بس تركتهاليوم اخر ذكرى لإلنا ..هاليوم هو نحنا ..هاليوم هو حبنا باختصار..قصتنا عمرها يوم..عمر قصير بس محتواه كبير ..هاليوم هو حياتي وحياتك ..هاليوم هو بس عمر بيوم ..ليش اجيت؟ بدك تعرف ليش..ماكان بدي اكرهك لما اتذكر اخر يوم بينا ..اخر حوار ..اخر كلمات منك ..ما كان بدي شوفك حقير ..تمنيت شوفك بس عاشق ..لحب انعدم بايدينا احبابو 

علي ناض ركع عند رجليها شاد يديها كيشوف فعينيها لي دمعو:لك ليش بتعملي فينا هيك ..ليش عم تحكمي علينا بالعذاب ..

سبيل:ما فيني غير هيك ..بحبك بس مافيني ..ما فيني ..اسفة ..جد اسفة ..بس ما تكرهني بترجاك ظلك حبني ..ظلني فعينك هديك المجنونة بس هيك 

وقفت ووقف هو كيشوف فيها عنقاتو لاخر مرة مدة وهما هكذاك حندتى نطقات

سبيل:انساني بس نا تكرهني ..تمام 

علي:بحبك ..وما راح اتركك

بعدات عليه ودموع فعينيها: ..بعد اسبوع كتب كتابي 

علي بحالي كبيتي عليه سطل ديال ثلج:شوووو!!كتب كتاب ..مين؟على مين؟؟

سبيل تنهدات وبلعات ريقها:راح اتزوج

بقى كيشوف فيها مقادرش يستوعب جلس فكرسي جنبو كيستوعب هي تنحنات عندو باستو فخذو وهمست بخفوت

سلسبيل:بحبك يا شرق الاوسط..ما تنساها 

خرجت دموعها فعينيها طلعاتفطوموبيلتها كتشهق وهو من موراها ممستوعبش فيقو صوت سيرفور جاب لحساب وناض كيجري باش يلحق عليها ولكن هيهات لقى غير الفراغ بحال الفراغ لي خلفاتو فقلبو ولكن حلف ميستسلمش هي حبيبتو ديالو بوحدو من حقو هو وبس...

كانت جالسة فكافي من بعد نهار حافل بضواسة والمشاريع ..شوف هذا وتحقق من هذا ..حتى تهلكات ..ولكن فالاخير كاس قهوة ورواية يصفيو ذهنك ..وداك شي لي دارت ..اعتاكفات على رواية لي من افضل ما قرات غربة الياسمين ..بقات غارقة بين ثنايا احداثها ..وغصت معاهم حتى كتشوف خيال واقف عليها طلعات راسها لقاتو مبتاسم ليها ..بادلاتو ابتاسمة صفراء 

.جلس بلا متأذن ليه ..

محمد:سمر صافا عليك ؟اشخبار الحاجة ..وا غبورات الالة 

سمر:الحمد لله يسول فيك الخير ا خويا ..غير مع الخدمة ا خويا 

محمد معجباتوش ديك خويا:سمر ..بغيت نهدر معاك فواحد الموضوع 

سمر حطات رواية لي كانت كتقلب فصفحاتها وكتهرب من نظراتو ليها:ااه اخويا كنسمعك ..

محمد:اول شيء حنا ماشي خوت ..نتي عارفة بلي الحاج الله يرحمو والوليد متافقين على زواجنا ..ثاني شيء ..بغيت نعلمك بلي غيجيو هاد سيمانة الوليدة وختي عند الحاجة 

سمر طلعات وهبطات فيه: محمد نتا ولد الناس ومنساش خيرك وقفتي معانا فموت الوليد كأنو باك ..ولكن ااخويا انا ..

محمد:سمر هذاك واجب عليا..ودبا غنكمل الواجب ديالي ..حيتاش صراحة الهدرة كترات عليك 

سمر بعصبية:شناهواا الهدرة ..اشمن هدرة ..لا والله ..قول والله مش مصدقة والله ..من امتى ده ...شوف الاخ ..اول شيء..حنا مستحيل تكون بيناتنا شي حاحة وهاد شي كان فراس الوليد الله يرحمو هو كانعارف بلي انا مموافقاش..ثاني شيء وهو الاهم بلا متشقي الوليدة ديال حيتاش رفض غيكون هو الجواب..وشفتي لي بغا يهدر العام طويل والعالي فخيلو يسرجو ..وانا مكنتسوق لحد ..

محمد مخنزر:اش خاد لهدرة ابنت الحاج؟

سمر:كيف سمعت ..انالي عندي قولتو ..ودبا الا تكرمت علينا فالتتفضل مشكورا 

محمد وقف شاف فيها مزيان :سمحي ليا الاخت ..

زاد فحالو وهي متبعة ليه العين ..محمد ولد.ناس ولكن هي عمرها قدرات تحس من جيهتو نفس احساسو كان ديما شعورها من جسهتو اخوة عزيز عليها ولكن باش تبغيه لاا وهي مغتجربش نفس تجريبة ختها .. وتعيش نفس المعاناة بسباب العادات والتقاليد ...

ناضت رجعات لدار وهكذا دازت الايام مرة مرة كتخرج هي وإياد لي كيحاول يتقرب منها ولكن محتارمها حدو كيشد ليها فيدها ولا يلعب معاها يعنكشها مكيخليهاش نمل معاه بالعكس كيطيح عليها ضيم منين ترجع لدار بصح فور وصولها كتلقى ذكرى تفوج عليها وموجة من رسائل المكتوبة وصوتية وفالليل ميخلاش من مكالمات الفيديو بينها وبين إياد لي مكيضيعش اي فرصة يحشمها فيها ويتغزل بيها..

بعد عدة ايام ..صبحاتمفتونة كتقلب بين حوايجها على اوراق المناقصة لي بايتة ليل كولو عاصرة عليها باش متوحلش فندوة ...واخيرا لقاتهم جمعاتهم فملف وتأكدات من لفلاش يوسبي ديالها وخرجات جارة فاليزتها موراها ..توادعات هي وماماها وذكرى لي مكرهاتش تاخذها معاها ولكن الخدمة مغتساليش ليها ..خرجات لقاتو كيستناها فطوموبيل طلعات معاه ومع زاج اسود سلمات عليه بلابيز ... وشدو طريق الى الوجهة لي غتغير مجرى علاقتهم الى اشوااط اخرى وعوالم جديدة😍😒.......

كايشوف فيها و مبتاسم.. ناعسة على كرشها .. معنقة المخدة و شعرها مغطي ظهرها العاري .. وجهها و ذراعها حمرين بفعل شمس البحر و فمها محلول شويا و شنايفها منفوخين.. عينيه كايلمعو كلما تفكر اش وقع بيناتهم.. اول مرة كايحس بهاد راحة و الفرحة.. ماكذبوش اللي قالو ان الحلال طعمه مختالف.. ماشي بحال قبل كان كلشي ضدهم .. دابا هي مراتو حلالو و ام بنتو.. ماكايناش شي قوة فوق سطح الأرض تقدر تبعدهم مرة خرا.. تكا على مرفقه .. كايتأمل جسدها.. جمالها .. ف غاع حالاتها كاتجذبه.. و كاتخليه متشوق يتخشا ف حضنها و ينعم بالراحة وسط صدرها الدافئ... 

تحنى شويا و طبع بوسة حنينة فوق كتفها العاري .. تحركات ف نعاسها و حلات عينيها.. و اول حاجة شافتها وجهه.. القريب من وجهها.. عقدت حجبانها كاتفكر و الأحداث كاتدوز قدام عينيها .. توردو حناكها و عضات شنايفها ب عفوية .. و بعدات راسها حشمانة...

سمعات صوته كايدوي باستهزاء: تؤ تؤ تؤ.. ماعندك فين تهربي دابا ... 

جرها عندو بزربة و خشاها تحت منه .. شهقات و ها حاسة بصدره عصر صدرها.. 

همس: نوض.. واش بغيتي تخنقني... خليني نعس 

شافيها ب مكر: من نيتك بغيتي تنعسي.. 

همس: ااه علاش 

اباء: تنعسي و تخليني فايق بوحدي همممم ؟؟ 

جاوباتو ب حدة: واش نتا ماكاتعياش.. ماتنعس ماتخلي لي ينعس.. 

باسها ف شفايفها ب خفة: كي بقيتي مزيان 

عاودو حمارو حناكها: ل..لاباس 

اباء: اممم لاباس .. كيفاش زعما هممم شرحي كثر .. 

خنزرات فيه و دفعاتو عليها: مالك هاكا مالك .. اووووف 

بعد عليها حينت كانت غاضربو بالمخدة و هي تنوض هبرانة منه 

اباء: ماعندك فين تهربي .. كاين غي انا و لا البحر.. 

همس: صافي باراك من بسالتك خليني ندوش 

اباء: دابا انا لي وليت باسل . اييه الآلة شكرا.. ماعرت شكون من صباح كاضحك و الفرحة غاتنقز من عينيها.. 

همس:هااااا.. لا غي..غي كايبان ليك 

اباء: ههههه تواضعي و ريحينا.. حتى نتي طالبة عليها كثر مني (غمزها) 

همس: يا ربي ماغانساليوش اليوم.. 

ناض حتى هو : هادي غي البدية.. وجدي راسك تخلصي اربع سنين كاملة عاد ندخلو فالمشحر.. 

كاتحاول تبعد عينيها: ستر راسك ستر.. و خليني نمشي ندوش 

اباء: ياك كنتي بغيتي تنعسي .. 

همس: شحال فيك ديال الهضرة ... 

اباء: امممم واخا واخا .. 

كلما قرب ليها هي كاتبعد حتى لقات راسها هازها بين يديه.. حلات عينيها مصدومة: اش درتي دابا 

اباء: غادي نغسل ليك 

همس: لا لا كانعرف راسي 

اباء: سوا غسلت ليك سوا لا.. غادي نشوف كلشي مع هاد الحمام اللي كله زاج.. و عاد خليني نستغل الفرصة ماحد الفراعة ديال بنتك ماكايناش.. 

همس: هيييي ماتقولش عليها هاكاك 

اباء: و مالي كذبت .. مزاحماني فيك ... 

همس: ههههه راه بنتي هاديك 

اباء: بزعطة.. ماشي حينت بنتك كل ليلة تنعس حداك 

شافت فيه مبتاسمة و حاوطات وجهه ب يديها دافيين: اباء ... 

اباء: عيونو..

همس: ماعمرك باقي تبعد عليا ... 

اباء: واش كاين شي واحد كايبعد على روحه و نفسه. كيفاش غانقدر نعيش بلا بيهم .. بلا بيكم نتوما بجوج ... حتى حاجة ماتقدر تفرقنا... اي حاجة خايبة صافي دازت و سالات.. و دابا غادي نعيشو حياتنا كيفما تمنيناها سنين هادي.. غادي نحققو اي حاجة حلمنا بيها .. نكبرو ولادنا وسط مننا و نبقاو بجوج حتى نشوفو ولاد ولادهم و يولي فيا نكيير و تبقاي صابرة عليا .... اخر مرة ا همس تقولي بحال هاد الهضرة. مستحيل نخليك حتى نهار يرميو تراب على وجهي... 

تمخششات فيه كثر معنقاه و باستو فصدره بالضبط فوق قلبه: برة و الباس عليك ا حبيبي.. الله يطول ف عمرك و يخليك سند لينا و تاج فوق راسنا... 

نزل ل فمها و باسها فيه بوسة طويلة خلاتها تسكت و تستسلم ليه و لمشاعرها مرة خرا...

حل عينيه .. و شاف البيت مضوي بفعل شمس ساطعة.. نسيم البحر كايحرك الريدويات و كايوصل ليه صوت البحر.. ابتاسم مللي تفكر اشوقع البارح و تقاد ف بلاصتو.. شاف حداه و كانت بلاصتها خاوية. .. عقد حجبانه و ناض كايقلب على الفوق د بيجامتو و لكن مالقاهش. . و خرج هاكا صدرو عاري.. 

نزل دروج حفيان و كلما كان كايقرب كايسمع صوتها كثر .. عينيه لمعو و ذاكرتو رجعات بيه ل سنين دازو فاش يالاه عتارفو ل بعضهم ب حبهم.. كانت باقي مراهقة و هو داك شاب طموح اللي هدفه ف هاد الحياة يبني مستقبل مستقل على عائلته و تكون فيه حبيبة قلبو بطبيعة الحال .. كان غي صدفة سمع صوتها و هي كاتدندن مع راديو و عرف قداش صوتها دافي و حنين.. ماشي صوت خيالي ولكن كاياخدك معاه و يخليك تعيش مع الاغنية.. يمكن حينت كاتغني ب قلبها و إحساسها قبل من صوتها و هادشي اللي كايخلي اي واحد يسمعو يعجبو و على قبل هادشي كان جاب ليها كيتار و فينما تلاقاو كايعلمها تعزف عليه و بالمقابل هي كاطربه ب شجيها العذب .. حتى ل نهار اللي باها لقا عندها الغيتار و هرسو ليها و خاصم عليها و قاليها باللي خسها تنسا هاد تخربيق و مستحيل يسمح ل بنته تغني واخا غي بيناتهم.. و من داك نهار همس مابقاتش عطات لأمر شي اهمية واخا جاب ليها واحد جديد رفضاتو.... ولكن هاهي اليوم كاتغني من جديد .. لمس ف صوتها الفرحة اللي فتاقداتها من هادي شحال .. رجعات حبيبتو صغيرة .. اللي ماكان عندها لا هم لا غم.. ماشي همس اللي ذوقاتها الحياة المرار و خلاتها تنضج قبل وقتها ... 

قرب منها كثر و شافها كاضحك و هي كاتغني واحد المقطع... 

" بطمنك يا حبيبي من أولها.. سكتنا لو عندتنا هنكملها.. دنيتنا لو تعبتنا من عمايلها.. بالصبر انااا و انت هنستحملها... 

على قدنا هنعيش مع بعضينا و حبنا في دنيا دي مكفينا.. دانتا و انا .. و لا عمرنا امتنينا.. غير بيت صغير و باب مقفول علينا ..." 

دور يديه على خصرها و خشا وجهه ف عنقها .. و بقا كايدوز نيفه عليه.. 

اباء: علاش ديما كاضحكي و نتي كاتغني هاد الأغنية و خصوصا هاد المقطع منها ؟؟ 

دارت عندو و هزات فيه عينيها. لوات يديها مور عنقه و تعلقات فيه: حينت ديالنا ..

شاف فيها بعدم فهم: كيفاش.. 

همس: أي كلمة تقالت فيه إلا و كاتدوي علينا و على حياتنا.. حينت ماشي بالساهل قدرنا نتجمعو و نكونو مع بعضياتنا .. اااه فاش كنا صغار و كنا عايشين فرحانين قلنا صافي راه وصلنا ل اش بغينا..ولكن هوووب فيقاتنا الحياة و عطاتنا صدمات كثيرة.. ولكن واخا هاكاك هاحنا باقيين بجوج .. باقيين واقفين على رجلينا و شادين يدين بعضياتنا.. و واخا ماعرت شنو مازال تكتب علينا .. غادي نوقفو و وجهها و نبقاو قويين.. و نحاربو على قبل حبنا و على قبل بنتنا.. هادشي علاش كايعجبني هاد المقطع.. 

اباء: اممممم.. (كايدوز يديه بين خصلات شعرها ) .. شحال هادي ماسمعتك كاتغني .. 

همس: اوا ظروف ..ولكن كانواعدك من اليوم غانبقا ديما نصدعك ههههه 

اباء: و انا عارف كيفاش نسكتك.. 

همس: حركات حجبانها ب غرور: تأ. ماتقدرش.. 

بلا مايفكر مرة خرا.. طار على شفايفها كايرشف من عسلهم العذب و ياخد جرعته الصباحية ... 

كملو فطورهم فوجو رومانسي و مازال مامصدقينش ان المياه رجعات ل مجاريها ..واخا غاع هادشي اللي داز عليهم.. قدرو يخرجو منه بأقل الخسائر و هاهما اليوم .. كايتمشاو بين اسواق الجزيرة التقليدية و معنقين بعضياتهم.. دارو و جالو و ماخلاو حتى بلاصة ... كلاو الأكل الشعبي ديال تايلاند و ركبو ف قارب تقليدي خداهم دورة فالبحر.. وصلات العشية و رجعو للدار عيانين... 

دخلات همس هي الأولى تاخد حمام باش تحيد تعب.. و خلات اباء حتى هو يدوش ف الحمام لاخر واخا ما قبل ليها غي بزز .. 

كملات و خرجات ملوية ف فوطة حمراء عكسات بياض بشرتها.. شعرها مجموع ب اهمال و نقيطات ديال الماء مغطيين عنقها... 

قربات للسرير فين كانت حاطة حوايجها و هي تلمح.. علبة كبيرة لونها خمري... مسدودة و عليها رباط ذهبي... و فوقها رسالة ... خدات الورقة بين يديها و قراتها... كان مكتوب فيها .. لبسي و فاش تقرب تغرب شمس اجي ل هاد البلاصة **** 

بتاسمات مللي ستنشقات عطره ف رسالة ... حطاتها و حلات العلبة .. كانت فيها كسوة بيضا .. ماشي ديال العروسات ولكن تقدر تعوضها.. ثوبها حريري رطب و حجيرات بيضين مغطيين صدرها.. قصيرة من القدام و طويلة من اللور.. معاها كان طالون حتى هو ابيض.. و إكليل ديال الياسمين على شكل تاج .. ريحته زوينة بزاف .. 

هزات داكشي بين يديها و توجهات للحمام كاضحك ... 

من بعد ساعة . كانت واقفة قدام مرايا طويلة .. الكسوة كايحركها الريح من اللور و هي كاتوضع آخر اللمسات ... شعرها مجموع مشيطة مهملة و حاطة فوق تاج الياسمين ... و جوج خصلات نازلين على وجهها.. ماكياجها هادئ و خفيف عكس العكر الأحمر القاتم اللي كانت دايرة .. الكسوة جاتها هي هديك و برزات تقاسيم جسمها المثير.. قامتها طويلة و طالون خلاوها تبان كأنها أميرة من حكايا الف ليلة و ليلة .. رشات من عطرها و شافت شحال الساعة ... هزات تيليغونها و خرجات من دار و الشمس بدأت كاتغيب و السما تحول لونها الفيروزي ل آخر بنفسجي .. بقات غادية بخطوات بطيئة عكس دقات قلبها المتسارعة و فضولها أنها تعرف اش وجد ليها .. وصلات ل بحر بعيد عليهم شويا ولكن كايتميز بالصخر من جميع الجهات... 

كان خاوي مافيهش ناس ... قربات للرمل و لمحاته.. توقف الزمن للحظة و هي كاتشوفو قدامها ف ابهى حلة .. طقم رجولي اسود فخم.. و هيبته المعهودة.. طريق كاملة ورد و شموع و هو واقف فاخر الممر موراه طبلة و كراسة... كايشوف فيها و حتى هي كاتشوف فيه ..وكلما قربات ليه كثر كاتحس ب أنفاسها كاتسارع و عينيها عمرو دموع.. 

وصلات و أخيرا كاتنهج واخا جاتها طريق طويلة.. هاهي اخيرا وصلات و وقفات قدامو .. حتى هو كان مبهور ب جمالها.. عارف باللي قصر ف حقها حتى أنها متزوجاتش بحال البنات كاملين ..مادارتش عرس كيفما حلمات.. واخا يدير اللي دار ماغايقدرش يعوضها.. 

يالاه بغات ترما ف حضنو.. سبقها و جلس على ركابيه..

. جبد من جيب علبة مخملية.. و فتحها.. خدا منها الخاتم اللي كان مكون من جوج خواتم واحد عليه الماسة كبيرة و لاخر فيه حجيرات مفرقين... 

اباء: عارف باللي حرمتك من ليلة العمر .. و تزوجت بيك بطريقة غبية .. ولكن مابقيتش قادر نصبر.. كان ضروري خسني نتزوج بيك باش نتجمعو فالحلال تحت سقف واحد و مع بنتنا.. داكشي باش دابا طالب منك السماحة.. حينت ماحققتش ليك أبسط حاجة كاتمناها كل بنت .. و بغيت نعاود نطلب منك زواج .. و أحسن عرس ف العالم غايكون من حظك .. غايكون عرس أسطوري اللي عمرك تنسايه.. خسك غي تقبلي... 

لبسها الخاتم و باس كفها .. و وقف... 

همس: مابغيت والو.. مابغيتش عرس .. باراك غي نتا ف جنبي .. هداك أحسن هدية .. العرس ماشي هو كلشي.. شحال من وحدة تزوجات و ف عرسها مافرحاتش حينت ماكانتش مرتاحة.. اما انا .. راحتي كاينة معاك و بين يديك .. و ماشي العرس اللي غايخليني نفرح .. يكفي تكون بجنبي.. و نعوضو بعضياتنا على الفراق اللي داز.. 

حرك يديه و تطلق ألعاب نارية على شكل قلوب .. خلاو همس تخشا ف حضنه كاضحك فرحانة و هي كاتشوف السما اللي ولا لونها مظلم تلون بيهم ... 

فيقها من سهوتها لحن كاتعرفو.. عمرها قدرات تنساه .. لحن اغنية قديمة كانت ديما كاتسمعها فاش كاتكون معاه .. واخا داز الوقت باقي بالنسبة ليها احسن اغنية حينت كاتفكرها بأحسن أيام عمرها .. اغنية كلماتها ناعمة كاتوصف اش كايحس بيه كل واحد فيهم ف هاد اللحظة.. 

" و مالو لو ليلة تهنا بعيد و سبنا كل الناس.. 

انا يا حبيبي حاسس بحب جديد .. ماليني ده الاحساس.. و انا هنا جنبي أغلى الناس.. انا جنبي احلى الناس " 

ضحكات همس وسط دموعها.. ولكن هاد المرة كانو دموع فرحة .. تقدمات عندو كثر حاسة براسها كاتحلم.. ركزات عينيها الحمرين ف عينيه الزرقين ... واااه من زرقتهم.. كاتخليها تغرق.. تغرق ف حبه من جديد كأنها اول مرة كاتشوفو.. 

حطات يديها فوق دقات قلبو و حاوط خصرها ب يديه.. بداو كايتمايلو مع انغام الموسيقى.. و مخليين نظراتهم كاتعبر على اش بغاو يقولو .. ف بحال هاد اللحظات أي كلمة قلنا ماغاتوفيش ب حق اش عايشين و اش حاسين.. 

" حبيبي ألمس يديا عشان اصدق اللي انا فيه .. 

ياما كان نفسي اقابلك بقالي زمان خلاص و هحلم ليهه؟؟

مانا هنا جنبي اغلى الناس.. انا جنبي احلى ناس .. 

تعالى جوة حضني و ارتاح.. دي ليلة تسوى كل الحياة.."

ذابت بين يديه و ف وسط حضنه .. خلاتو يحركها كيفما بغا .. جسده الضخم محاوطها.. و وجهه قريب من عنقها.. كايتسنشق الريحة اللي كاتخليه يتنفس براحة .. 

تسالات الاغنية و بقاو كايرقصو.. ولكن هاد المرة كان اللحن هو دقات قلوبهم.. 

رفعات عينيها فيه من جديد و شافت لمعان حبه ليها .. و صدق مشاعره ... مررات يديها بنعومة وسط لحيته المهملة.. خلاتو يرتاعش.. بتاسمات و ابتسامها انتاقلات ليه و خلاتو حتى هو يضحك .. 

نزل عينيه ل شفايفها كأنه خدا منها الإذن.. و طبع قبل خفيفة سرعان ماتحولات ل اخرى كلها مشاعر.. حب . شوق عتاب.. و ضعف ... مشاعر نقية .. كاتجسد ف صورة حب صادق.. قدر و أخيرا ينتاصر..

💔💔هذه هي الحياة.. هكذا خطها القدر.. و خبأ بين طياتها مفاجآت لم نتوقعها.. لم نحسب لها حساب في الفرح.. احداث مزقت حلمنا و جعلت الماضي يلوث مستقبلنا.. 

رغم اننا تمنينا أن نعيش كما نريد.. لكن عشنا كما أراد زماننا..

ف أنا لست ك غيري .. في عيني رسمت خيبات كثيرة و احزان .. لكنني بئر عميق جاف لا يسقي أحدا و لا يبوح.. هكذا انا كتومة لا اهدي شعوري لأحد .. ك مدينة مهجورة .. قديمة بها ذكريات عجيبة و غريبة .. هذه هي الحياة تمرجحنا بين حلم و أمنية و لا يحدث إلا ما كتب لنا .. لكننا لازلنا معاندين.. سنعيشها بكل احزانها و خيباتها و سنظل نخلق السعادة لأنفسنا رغم بعثرة الأيام .. ف لا ذكريات تعود و لا احزان تدوم ..💔

💮ان كان بالإمكان ارجع الى الواء ..الى الخلف ..خطوة بعد ..تماما هناك ..بعيدا..لا تقترب ..ابقى هناك ..فذلك هو مكانك ..فانت انسان اجمل في البعد ..احلى وارقى من القرب...يا اسفي عليك...اَبكيك ليس حزنا بل حرقتا على ما انت عليه ..اَبكيك ليس كرها بل تحسرا على خذلاني لك ..آبكيك ليس ندما بل ابكي على زمن ضاع وانا اتخبط مكاني وفشلت في محاولة اصلاحك ..حاولت الصيانة بشتى طرق ولكن ما ان تُمس كرامتي ..فاُبكيك وآبكيك ولكن لن اجازيك بي...لأحرمنك مني ..لأُبعدنك عني ..اُقصيك ...ولا اُنعيك ..احبك لا مجال لي نقاش ..لكن بعدي عنك حتمي ..وتنازلي عنك ليس وهمي ..اتخلى عنك ..صحيح ولكن ما تخليت عن حبي لك ..بل قدسته وطهرته واحتفظت به في فانوس سحري كمارد جني ابدي وازلي ...

شدو طريق لمدينة طنجة في كاينة ندوة ديالهم ..وصلو كان ليل خذاو طريق نيشان لاوطيل لي حاجزين فيه وهو نفسو فين كاينين كاع نائبين عن شركات المنافسة ليهم ..كانت ندوة كتشمل اهم المشاريع للعام وهنا فين غيتنافسو شكون لي ياخذ مشروع السنة ويكرمو شركة ديالو والمهندسين لمكلفين بيه ..وهادي اكيد فرصة ولا بد يذكر فيها اسم شركة بن يوسف ..دخلات سمر مهدودة لشومبر ديالها لي كانت جنب شومبر ديال إياد بضبط (فوقاش يتجمعو فشومبر وحدة😂)غير دخلات خذات دوش دافي ونعسات كتفكر فيومها وهي جنب لي خفق قلبها ليه كتتفكر اش دارت ليه وكضحك حتى غفات مرضات إياد فطريق غير هو يزيد فسرعة وهي توقف ليه كيف شوكة فالخلق يخفف سرعة ..مساخياش بعمرها هادي جملتها لي مسكتتاتش منها طول طريق .. بعد يوم متعب وطريق طويلة دخل مشاف فحتى حاجة من غير سرير لي كان كيبان ليه بحال جنة تجبد طاح كاو نعس فدقيقتو 

فصباح فاقو بكري ناشطين سمر وجدات راسيها وخا توتر كان غيقتلها خرجات من بعد مسمعات دقات فالباب عرفاتو هو حطات اخر لمسات ديروتوش خفاف لوجها لانو من طبعها كيعجبها الميك اب هادئ غير شافتو ابتاسمات كان لابس كومبلي بلونوي وشميز بيضاء بلا كرافاط حال صدايف الفقانيين ..مد يدو دوزها على حنكها وهي حشمانة مهبطة عينيها طلع وجها شاف فيها وابتسامتو دوب لحجر( اححح اللهم ذوبني حتا انا وبغيت نعيش اعيباد الله )قرب منها وهي غير كتبحلق فيه وحابسة نفس تقول غتغطس فاعماق البحار ههه ابتاسم بخبث وباشها فحنكها طول لبوسة وقرب لودنها 

إياد:احلى صباح لارق واحلى مهندسة مساعدة شافت عيني 

سمر بعدات منو كتحك لوور دشعرها وكضحك بحال لبهلة:ههههه حشمتيني العناب 

إياد خسر صيفتو فيها بمزاح:عناب ..ينعل ديلمي انا لي جالس نشري معاك لملاحة ..زيدي اعلال زيدي ممعاكش رمنسية نتي 

سمر كتضحك وتتمشى جنبو وهو محاوط خصرها:وانا ما ينفع معايا غير صباح زبدة والكونفيتير صباح لمسمن ولبغرير..صباح لعسل آلعسيلة ديالي 

إياد:صابحة جيعانة ..كيا الغلاط ترومانسينا معاك بكري ابنتي ..

سمر:معنديش مع كولورادو ...ابب ..

إياد:زيد اعلال ..متخلينيش نخسر معاك 

نزلو فطرو وسمر بدات الخلعة كتدخلها بالمزيان وغير كتترعد ..اول ندوة غتحضرها غتكون ناطق رسمي للمشروع من بعد إياد ..شافها بدات كتتلون وغير هازة قريعة صغرة سيدي علي وكتجغم منها ..عرفها متوترة ونطق بمزاح

إياد:الشريفة طواليطات غيسدو تكايسي على لقرعة 

سمر بتوتر:إياد مغنقدرش 

إياد بمزاح:نقلب ليك على جلاس ولا نخرق ليك حسن 

سمر بغيض:براكة من طنز ..راه قلبي فغيمون غيسكت ..مغنقدرش نوقف ونقدم المشروع ..كلشي تنسا ليا ..غنضيع كلشي ..(بترجي)عفاك عفيني ..قدمو نتا ..(بدات كتمشي وتجي حداه وهو غير كيشوف فيها)نسيت حجم الارادات ..نسيت تخفيضات وكلشي كلشي ..اش غنقول ..غيضحكو عليا ..

وقفها شد وجها بين يديه وباس جبهتها وعنقها:ششششش كالم ..(دوز يدو على ضهرها بحنان وبعدها عليه حاط يديه على كتافها) انا واثق منك غتقدمي المشروع احسن مني ومن اي واحد اوكي ..نصفهم افكارك وتدربنا شحال من مرة وشرحك غيبهرهم اوكي بب..جيست كالم ..يو كان دويت 

سمر بخوف كتحرك راسها بنفي:اي كانت 

إياد ابتاسم ليها:يس يو كان ..وغندخلو غتنساي لي تما شوفي غير فيا ..تخيلي بلي حنا غير بزوج فالبيرو وبلي هادي بروفة من لبروفات ..صافي 

سمر:غنحاول 

اياد:احح وعلى غنحاول ..تحاولي علينا ابنت العبد ..راه غن ...(سكت كيضحك)

سمر توردو حنيكاتها وشافت بلي فتحو صالة المؤتمرات تخطف لونها:اربي سيدي ..غنموت 

شدلها فيدها كيضحك:ودخلي نغسلوك ونكفنوك ههههه 

سمر ضرباتو لكتفو :حرام عليك باغي تتهنا بيا 

إياد شاف فواحد من المنافسين ابتاسم ليه كنوع من المجاملة :دخلي الحب برجليك ليمنا ...زيفو العروسة 

سمر ابتاسمات بزز منها :متأكد نتا مديري هههه

إياد:وشفتيها نتي بديتي تخسري معايا ..راك بزهرك حبيبك ومديرك تيتيز وقشابتو واسعة ...

دخلو من بعد مخذا كل مشترك بلاصتو لي مرتبينهم بسميات ديال شركات ..تم تقديم كل مشروع كانت منافسة قوية وخا محتلوش المرتبة الاولى الا وانو ثانية مكتضرش ..من بعد المشروع الملاحة البحرية لانو كيعود بالنفع لاقتصاد لبلاد ..كانت الرتبة ثانية لمشروعهم لكيعالج مشكلة السكن وهو منازل واسعة بتكلفة بنصف الثمن وهي عبارة عن تجزئات سكنية منفردة بمول كبير وجامع ومجالات ترفيهية متنوعة وفضاءات تعليمية وسلسلة مطاعم ..كانمشروع شاامل وتكلفتو الاجمالية محددة ومقننة باتقان ومنخافضة ..وهذا لي خلاه يتاخذ مشروع اولي من بعد مشروع الملاحة البحرية ...

من بعد ساعات صباحية لي دوزوها فالمؤتمر لي كان بوجود صحافة ..فالمساء كانت حفلة بشرف مؤسسين المؤتمر والمشاريع لي تم اختيارها ومن ضمنهم مشروع بن يوسف "كان سميتو ذكرى الجنة" دوزو حفلة زوينة وخا كانت مملة كلها اعمال ورجال اعمال شي يجري مور شي ولمصلحة تجري مور كلشي ..هذا هو واقع طبقة المخملية ككل .. سمر صكعة الايام كتفكرني غير فصكوعيتي كنمشي نكحلها نعميها ..قالك بغات تشرب عصير مشات لبارمان طلبات منو عصير طبيعي فريش ومع هي لابسة من غير هدوم كانت لابسة غوب قصيرة من القدام وطويلة من لور مع كتف عاري فالابيض بوريدات فزيتي ..مع صندالة طالون طروسبارون سميطات شافها هو مفسحة عكاها عصير كحولي شرباتو وعجبها وخا جاها مذاقو شوية مر قالت هذا غير لفاكهة طبيعية صحي زوين ..واش غير زوين ابب زين زيون ربي يحفظو ..بدات تتمايل غير بحدها ودندن حتى وقف عليها إياد شافها ماشي فحالتها طبيعية وغير كتضحك وتشعبط معاه شاف فجنابو حمد الله لي كلها وغاطس فمشاغيلو ومصالحو جرها بجنتلمانيتو المعهودة مبتاسم وهي دوز صباعها على وجهو ولوشام لي فعنقو وتبوسو حتى وصلها لسانسور كانو بحدهم صعر عليها 

إياد:رتبي الارض لملتك راه غنخبط مك مع حيط 

سمر كتضحك:اوعدي لغزيول ..لعسيلة ديالي نتا ..

إياد كيهدر بوحدو ساخط:كان باقي لمك غير شراب ..متعرفيش لحاجة مدوريش بيها ..

وصلها لبيتها وهي كتشطح فطريق وتشالي وهو شادها من خصرها باش متفلتش ليه 

سمر:شهدو عليه ..واا ها شهدو عليه ...داتو داتو والله مخلاتو ...لولولوولوي ...وها نتا شوفلك سمر لون نعطي عليه مليون ..وها نتا شوفلك وااا لمعفر تعفر بشوية ..ستيلو مذهب وصدرو مزغب وحالاو لاو ...ستيك ستيك ..لولولوي 

حطها فناموسيتها كيتأفف ويسوط ساخط من منظرها خلاها نعست بزز منها وخرج لبيتو ساخط دوش وجلس ساهي بلا هواه رجع بذاكرتو لسنين قبل لاخر مرة شاف فيها عبير ..وداك المنظر لي عمرو يتنسالو ..لحظة فكر سمر تقدر تكون خلف وجها لملائكي شيطانة كتسنا فرصتها وتكشف عليها ..نفض عنو ديك الافكار وغرق فنوم ....

فاقت كتحس بعظامها ثقال وراسها كيف طبل كيزدح بقات كتشوف فسقف وكتحاول تسترجع اش وقع ليها حدها عاقلة على انها جلست تشرب عصير والباقي بلاك اوت ..بغات تنوض وهي تتروع وجاتها دوخة..غمضات عينيها بالم ورجعات حلتهم منين سمعات صوتو 

إياد مد ليها دوليبران وكاس قهوة:شربي ..شربي صحصحي ونهدرو 

سمر طلعات فيه عينيه مستغربة كيفاش هو هنا دورت عينيها بخوف لفراش وشافت كسوتها شاف فيها طلع حاجب ونزل الاخر 

إياد كيطنز:بلا مدوري عينيك كتر مغنغتاصبش سكايرية انا (غمزها) 

سمر بلعات ريقها مزادتش هدرات غتموت بالحشمة وكتسب وتلعن فزهرها بينها وبين راشها شدات من عندو شربات لكنينة والقهوة شوية خف عليها وجع راس استأذنات منو خذات كسوتها ودخلات خذات دوش ولبسات لداخل خرجات كتنشف فشعرها بفوطة صغيرة وكتشوف فيه وتنزل عينيها باحراج عيات متتسناه يهدر وهو غير شاد فنجان ديال القهوة عاصر عليه ويشوف فيها وترها كتر وكتر هدرات بصوت خافت فضولها غيقتلها وهي تتمنى تعرف ديك لورقة البيضاء اش فيها 

سمر:احمم ..ا.اا.إياد..(سكتات كتبلع فريقها)

إياد ابتاسم جنب:فين مشاو زغارت ولعرس لي كنتي طالعة بيه لبارح ااا..(خنزر فيها) منين مكتفهميش فالحاجة اش خشا ديلمك فيها ...ياكقولت ليك متتحركيش من حدايا ..قولتها ولا ماقولتهاش ..(شافها داكة راسها الارض وساكتة غوت) قولتها ولا لا (سمر حركات راسها بالايجاب ودموعها علاين ينزلو..كيطنز)هدري بغيت نسمع صوتك رنان 

سمر بغصة فحلقها:معرفتش.. سمحلي ..

إياد:خاصك تعرفي ادوموازيل ...لو كان مجيتش فالوقت المناسب كنتي غترجعينا ضحكة وسط ناس ..اش داك تشربي ..بغيتي ترهجي شربي على قدك ..علاش غادية لشراب ..موالفة بيه ااه هدري موالفة تسكري وانا غالط فيك 

سمر بدموع:إياد ..قولت ليك معرفتش ...ومنسمحش ليكتقلل من احترامي فهمت ..معرفتش معرفتش ..العيب ماشي فيا العيب فالبار مان لي عطاهني ...سير تحاسب معاه هو بلاصت مجالس كتجلخ فيا وتزبل 

إياد وقف مقابل معاها:بسيف ميغلط نعطيه الف حق وهو شايفك نص عريانة ..لابسة نص ميترو اش غيعطيك غير لي يواتي لبسك ...

سمر:منسمحش ليك ..

إياد بعصبية :سمحي ولا كاع لاتسمحي ..ونزيد.نشوفك بديك الحال غنكرد مك على 16 

سمر هزات كابها الاسود زادتها فوق تريك تريكو الاحمر والكولون الاسود لي كانت لابس واتاجهات لجيهة لباب:منين ترجع لعقلك اجي هدر معايا ديك ساع 

إياد جبدها قبل متوصل للباب بنتير بدون سابق انذار نزل على شفاها وهادي كانت اول قبلة ليهم بصدمتها مقدرت دير حتى ردت فعل وبخبرتو هو غيبرها على الوعي ديال دخلو بزوج لمنطقة اللاوعي المحضورة ولي بسبابها يا كتعيشي فنعيم الحلالي يا كتخلا عشت جد بةك الكلب بالمعقول فلحرام من بعد قبلة حنينة تحولي قبل فرنسية بامتياز عطا كل شفا حقها وبعدها نزول لمنطقة الخطيرة عند اغلب نساء الرقبة مخلاش من حقو فيها وهي غايبة مواعياش اش كدير ومخلياه هو يدير لي بغا محستش كيفاش جردها من كسوتها وهو كذلك مقدرش يتحكم فراسو وهو ديما كيتخيلها بين يديه من بعد مخلاها عايشة فسحاب فاقت على الم فض بكرتها ولكن كان فات لفوت ووقع لي وقع حدها نزلات دمعة يتيمة من خذها وهو ناض من حداها دخل دوش وخرج لاوي على راسو فوطة مشافش جيهتها ولا نطق بحرف لبس كسوتو وهو عاطيها بظهر وهي جمعات رجليها بزز وتكمشات فوضعية الجنين كتنعي وتبكي فصمت وتندب حظها وقلة عقلها لي غابتمن اول بوسة ..خرج وهي طلقات لعنان لشهقاتها قريب زوج سوايع وهي فنفس الوضعية وكتحس تحتها فيه لخناجر كيقطعو ناضت بزز منها دوشات ودموعها محبسوش كتفكر اش دير وهو علاش خرج بلا ميهدر معاها اكيد غينكرها وشافها وحدة بنت زنقة ..تخلا عليها ..جات فبالها ماماها مستحيل تسمح ليها ..وهي هدرت ناس لي مرحمتهاش حتى وهي مدايرة والو ..اش غيقولو دبا منين شرفها ضاع برضاها...

دوزات يومين كحلة زحلة.. نعاس مازارش جفونها... و اللقمة ماطاحتش ف جوفها.. يومين كأنهم عامين.. وجع قلبها غي ماكايزيد.. من نهار حطها قدام باب دارهم بلا كلمة بلا جوج مور فاش سلماتو راسها ف طبق من ذهب ... ماعرفاتش كيفاش و امت حتى لقات راسها ولات امرأة.. و ماكلفش راسو حتى يقول كلمة.. بحال بزز خسها تعطيه داكشي.. حتى هي ماحكراتش.. كانت غالبة عليها الحشمة و الخوف و الدهشة كلشي تجمع.. و باقي ماقادراش تشوف ف عينيه و تواجهو داكشي باش كان أحسن حل هو يرجعها بحالها ل دارهم واخا طريق بعيدة و داكشي اللي وقع .. و من ساعتها ماشافت وجهه ماسمعات صوته... 

ناضت من بلاصتها بزعاف.. واخا باقي تحتها كايعطيها نغيزات خفاف.. طبيعي راه عاد يومين.. و زيد ماعطاتش الراحة ل راسها.. 

و حتى الماكلة و الشهية اللي ماكانتش عندها لعبو دور و خلاوها تحس براسها فاشلة و بغات تسخف..ولكن كابرات و ناضت.. لبسات كاب طويل فوق ديباردور بيض خفيف... دجين طاي هوت و باسكيط.. جمعات شعرها بإهمال ب قراصة الفوق .. هزات الفلوس و تيليفون و خرجات مرفوعة. الشركة و ماغايكونش فيها حينت اليوم الأحد.. خدات طاكسي ديريكت ل دارو.. و طريق كاملة عقلها ماوقفش من تفكير.. اش غادير ف حريرتها.. إلى ساقت ليها أمها الخبار تقتلها تبعها.. مافيهاش الشك.. الشرف عندهم هو كلشي.. عقليتها هاكاك دايرة ..ولكن علاش ماعاودش صونا عليها و سول فيها .. يكون واقيلة حشمان من راسو انه فات معاها الحدود.. الطريق كاملة وهي كاتختالق اعذار و كاتكذب على راسها و تدافع عليه و تطلعو هو اللي صحيح و باللي هي اللي غالطة... 

فيقها من سهوتها صوت مول طاكسي باللي وصلات... 

خلصاتو و نزلت كاتشوف ب عينيها.. شمس مطنطنة فوق راسها حارة شمس العصر.. و الزنقة خاوية كاتصفر حينت نهار الأحد... 

تحركات ب خطوات بطيئة عكس دقات قلبها المتسارعة.. علاش جات عندو اصلا.. حتى كانت غاتحط يديها على صونيت و بدات كاتلوم خفتها و قلة عقلها..اللي هما سبابها ف هاد المواصل و هاهي تاني جاية كاتقلب١عليه بحال هي اللي رمات عليه راسها.. تنهدات و قسحات قلبها... 

حطات يديها على سرسار.. و بدات كاتصوني.. المرة الأولى.. الثانية.. الثالثة.. واخا يكون ميت غايسمع.. يعني ماكاينش.. الدموع تجمعو ف عينيها و الشوفة تضببات... بلعات ريقها و رجعات فيها روح مللي الباب تحل .. و يا فرحة ما كملت.. كان العساس اللي حل.. راجل كبير فالعمر و ملامحه بشوشين.. 

السيد: نعام أ بنتي .. كاتقلبي على شي حد 

سمر: (بصوت مخنوق) .. ع..عافاك ا شريف.. كانسول على السي اياد... 

السيد: ولدي إياد ا بنتي سافر اليوم مع الفجر ل ألمانيا عند واليديه .. و ماعرفتش امت غايجي ..ولكن قبل ما يسافر عيط ل الخدامات د دار عطاهم تعويض و دخل سيارة ل غاراج.. يعني غايطول... 

حسات بوذنيها كايسفرو... كأنه خواو عليها سطل د الما طايب.. رجليها فشلو عليها و شويا ماطيح كون ما الراجل عاونها تشد توازنها.. دفعاتو عليها و رجعات باللور كاتبكي و تشهق بالجهد.. و حاسة بجهدها و طاقتها قربو يخونوها و تسخف...

بيدين كايرجفو هزات تيليفون و صونات عليه ف رقم١دولي ديالو.. هاد المرة كان الحظ ف صفها و جاوب.... 

ردات عليه ب لهفة: أ.. اياد هئ هئ فين مشيتي..علاش مشيتي و خليتيني... اش درت ليك.. اش درت ليك حتى تمشي و تخليني... 

جاوبها ب برود: سمعي ا بنت الناس ... غلطة و وقعات..و كيفما انا غلطت حتى نتي بحالي.. ماشي بززت عليك .. كلشي كان برضاك.. ولكن واخا هاكاك نقدر نصحح غلطي.. و نسيفط ليك فلوس اللي يكفيوك بلا ماباقيش تخدمي... و اي حاجة حتاجيتيها نوفرها ليك ... حاجة خرا مانقدرش.. زواج مانقدرش.. هداك هو الحاجة الوحيدة اللي مانقدرش نزعم فيها من جديد .. تجربة اللي دزت منها خلاتني ماباقيش نفكر فيه .... المهم راه حسابك فالبنك غاتلقاي فيه اش خصك.... 

بلا مايسمع ردها قطع ... قطع و قطع عليها معاه حتى نفس ... الأكسجين ولا كايجيها ثقيل تستنشقه.. الأرض كادور بيها و لسانها تربط... تمنات الارض تشق و تبلعها و لا هاد الحالة فاش هي دابا و القيمة اللي عطاها.. سمر اللي كانت كاتوقف ف وجه باها و كانت قوية ... هاهو جا و دمرها و عطاها دقة عمر باقي تفكر تهز منها رأس... و شحال خايبة دقة اللي كاتجي من القريب .. من اللي بغاتو من كل قلبها ..طعنها و شواها و خلاها مكوية ف نارها بوحدها.. نزل من قيمتها و حسبها وحدة من الموسخات اللي كايدوز معاهم الليلة.... 

مابقاتش قدرات تفكر ..عقلها حبس و حواسها كذلك.. مابقاتش عاقلة فين هي و لا اش كادير.. طاحت فزنقة فاقدة الوعي.. و العساس جا من بعيد كايجري يشوف مالها....

↩↩↩ بعد مرور شهر .. 

خرجات يدها من شرجم كاتستنشق هواء بلادها... 

تنفسات مزيان و غمضات عينيها ب راحة.. رخفات السمطة د اللوطو و قربات ليه .. عنقات دراعو و خشات راسها ف عنقو...

اباء: راه غادي نصدق قالب طريق و راجع فين كنا .. 

مازال معنقاه جنب و كاتمخشش فيه: ههههه رجع شكون حبسك.. حتى انا ماسخيتش.. لا ب ديك البلاصة الغزالة .. لا ب فشوشك و كيفاش كنتي كاتعاملني.. 

اباء: اييه الآلة دابا انا طول عمري عاملتك خايب.. حتى سافرنا عاد فششتك..

همس: هههههه.. وراه دابا رجعنا غاتبدا تغبر نهار كامل بالخدمة.. اما تما كنتي كي خيالي.. غانتوحشك.. 

اباء: ندير بناقص انا غان من هاد الخدمة اللي غاتبعدني و تقلق ليا العمر ديالي .. 

خطف بوسة من فمها 

همس:و اش غاناكلو.. 

اباء: انا حلوتك كافياني و مشبعاني و شايط الخير 

توردو حناكها:هييي مالك خسك دخل بسالتك ف كلشي .. 

اباء: اوا نتي اللي كاتجبديني و كانتسما انا خايب .. 

همس: وا صافي صافي هاني ساكتة غاع.. غي قابل طريقك 

اباء: ضروري خس نمشيو لدار عندكم 

همس: واش ماتوحشتيش بنتك. اما بعدا بطا عليا امت نشوفها 

اباء: و راه غاتحرم عليا تاني الحلوى 

همس: بقات كاضحك عليه.. و تسايس معاه حتى وصلو.. 

كانو واقفين قدام الباب د برة.. مشادين اليدين و وجههم منور كأنهم عرسان جداد.. 

همس لابس كسوة صيفية خفيفة طويلة و فوقها كاب حتى هو طويل بطبيعة الحال بأمر من سي سيد ..و اباء لابس شورط دجين و رجليه كايبان فيهم ليمولي قاسحين.. تيشورت اصفر بارد و باسكيط... 

حللت خديجةة الباب .. و جات من وراها ذكرى كاتنقز و ضفيراتها كايلعبو فالهوا... دفعات جداتها و تلاحت عليهم معنقاهم بجوج دقة وحدة.. سدات خديجة الباب و دخلو معانقين كايضحكو... 

جلسو ف صالة و ذكرى باقي ف حجر باها و شادة ف يد همس 

خديجة: خليتو علينا بلاصتكم قداش.. تقول ماعرت شحال مشيتو.. 

همس: و هاحنا رجعنا واخا ماسخيناش.. 

خديجة: وا الواحد شحال ما طاف و جال عقوبتو ل بلاده... و حتى ذكرى مسيكينة دور دورة و تفكركم و تجلس تبكي.. 

همس: اااااح(باستها ف حنكها) هادي راه العمر.. حينت مادارتش البسالات جبنا ليها معانا بزاف د ليكادو.. 

خديجة: الله يحفظكم و يخليكم ديما فرحانين.. 

اباء: آمين الحاجة... سمحي لينا عذبناك معانا شهر ماساهلش تقابليها 

خديجة: الله يا وليدي و اش هاد الكلام راه بنت بنتي.. و نتا ولدي .. و كايقوليك شكون عز من الولد.. ولد الولد.. قول غاتخلي عليا بلاصتها.. راه كانت كاتبات تمخشش ف حجري عاد تنعس.. 

ضحك اباء و شاف ف همس: اوا ماجابتهاش من الخلا.. شبهات أمها.. 

همس حشمات و نزلات راسها 

خديجة: ههههه بحال أمها حتى هي كانت خسها غي ف من تخشا و تكمش.. الوقت دغيا كايطير.. غي بحال البارح كانت قد هاكا .

اباء: عمرنا الحاجة اللي كايمشي.. 

خديجة: نحج ف حياتك ا وليدي 

قاطعاتها همس كادور ف عيينيها: فاين هي سمر . شت حسها مقطوع من دار.. 

نزلات خديجة راسها و قالت بحزن: اوا راه فالفوقي ناعسة.. الله على بنيتي و ماعرت اش بيها و لا اش صرا ليها .. واش عين واش مرض.. شواتني عليها كبيدتي.. 

خرجات فيها همس عينيها مخلوعة: اويلي وحدي مالها ختي اش واقع 

خديجة: شهر هذا ماعتبات باب البيت .. عييت معاها سايست حتى عييت وتقول واش خديت منها رأس الخيط.. 

وقفات همس مخلوعة.: انا غانوض نشوف مالها.. 

خديجة: سير ا بنتي سير الله يفرشكم و يغطيكم بالرضا راه نتوما اللي عندي.. نوض انا نوجد ليكم شيحاجة 

اباء: ماكاينش لاش الحاجة 

خديجة: اوهو لا.. نتا مول الخير.. كلشي كاين هاني دغيا نوجد.. 

ناضت خديجة الكوزينة كاتحسر على حالة بنتها و همس طلعات ل فوق.. 

دقات فالباب و ماسمعات حتى رد و هي تحل الباب و دخلات.. 

عطاتها فالبيت ريحة المرض و الظلام تقول الليل .. 

شعلات الضو و دخلات مدرمة و شافتها فوق الفراش مكلكمة كي الميت حتى وجهها مغطياه.. 

قربات عندها و جلسات جنبها.. 

حطات يديها الحنينة على راسها و حتى سمر غي شمات ريحتها دغيا رمات الغطا و ترمات ف حضنها كاتبكي و تشهق.. 

عنقاتها همس عندها و عينيها دمعو. 

همس: مالك ا ختي .. اش عندك.. قولي ليا اش ضارك.. راني ختك.. سمر .. شوفي فيا .. شوفي فيا و قولي ليا مالك .. 

هزات سمر فيها راسها و هي تشهق.. عينيها دخلو و وجهها صفار و ذبال.. شعرها فقد لمعانو.. و شنايفها رجعو بويض و تشققو.. عظام فكها بانو تقول داخلاها الموت .. هزيتي سمر و حطيتي بنت خرا بلاصتها.. شهقات همس و طاحو من عينيها دموع كي الحجر..

همس: اويلي وحدي.. مالكي ا ختي .. اش١واقع ليك شكون دار فيك هاد الحالة .. اش وصلك ل هاكا.. واش مريضة شفتي طبيب .. مالكي 

سمر غي كاتبكي .. 

شداتها همس من يديها و كاتشنشلها: وا دوي.. واش بغيتي تحمقيني اش واقع... 

سمر: هئ هئ اش غانقول اش .. منين غانبدا ..هئ هئ اش غانقوليك ا ختي .. غانقوليك ختك مشاااااات.. ضيعات راسها ب يديها. خرجات على راسها و علة مستقبلها و عليكم.. اللي دمرت و صبرت عليه سنين و وقفت ف وجه بابا ضيعتو... اش عانقول و منين غانبدا.. هئ هئ (بدات كاتبكي بجهد و تضرب فراسها) سااااهل الهضرة حينت حتى حد معارف اش كاين ف قلب الآخر و باش حااااس.. هئ هئ ضيعت راسي ... خرجت على راسي بدييا... لا نعاس كانشوفو يحال ناس .. لا ماكلة كاناكلها... بغيت نموت ونتهناا.. 

عنقاتها همس كاتبكي معاها و خشاتها فيها مزيرة عليها: شششش ا سمر .. اش هاد الهضرة ... نتي ختي الصغيرة اااه ولكن من ديما نتي القوية.. منك نتي انا كاناخد قوتي.. كيفاش وليتي ضعيفة .. اش وصلك ل هاد الحالة.. دوي و ريحي خاطرك و خوي قلبك ... 

سمر: هئ هئ ختك.. ختك مشااااااات.. توسخاااااات.. خرجت على راسي ب يديا..و تبعت الحب و هانتي شوفي فين وصلت .. مشا و خلاني..و طعنني ف قلبي.. هئ هئ 

همس: شكون هدا .. قولي ليا في سميتو نجبدو واخا يكون تحت الأرض.. ندمو على نهار إلي فكر يدوي معاك فيه .. 

يالاه بغات تجاوبها سمر حتى حسات ب فمها كايدوز بالما... ناضت كاتجري دايرة يدها على فمها خرجات من البيت للحمام .. ااما همس رجليها فشلو عليها .. بغات تنوض تبعها و خانتها قوتها.. رجلين باش توقف مشاو و ركابيها تحشو بالصدمة 

. طلقات شهقة من أعماقها و حطات يدها على فمها كاتمة صرخة غاتخرج.. مللي شافتها غادية كاتجري تقيا و كلامها.. كلشي كايدل على حقيقة وحدة .. و كأنه الزمن كايعاود يلعب لعبته..و كيفما وقع ليها هاهو كايوقع ل ختها.. اااخ يا همس.. فينما جيتي تفرحي كاترجي تنكدي و تلقاي المشاكل كايتسناوك بالأحضان ... 

💔💔 كيف تقسو.. كيف تتركني و تغادر.. كيف تنسى حبنا كيف تكابر.. تبتعد راحلا عن حياتي.. حاملا خيبة مسافر.. لا تلمني يا قلبي ف حنيني يقهرني... 

ف يا ربي انزع من قلبي تلك الاشياء التي تؤلمني... فقد خاب ظني في من اختاره قلبي و خسرت معه كرامتي.. و ظني بك يا ربي لا يخيب... 💔💔

ناضت بزز منها.. لحقات عليها لحمام كاتجري.. 

حللت الباب و دخلات لقاتها محنية على لافابو .. وجهها صفر و كاتتنهج... 

ماعرفات مادير ليها وا تغوت و لا تواسيها و لا تواسي راسها... 

حلات الما و غسلات ليها وجها و سنداتها عليها... خرجو من تما و رجعو البيت .. صايباتها فبلاصتها و سدات الباب ... مسحات دموعها و قوات راسها عاد رجعات جلسات جنبها.. 

همس: شكون هو ؟؟؟؟ 

سمر غي ساكتة و كاتشوف ف الحيط... 

همس: نبرة صوتها علات: واش غانبقاو هاكا ساااكتين.. قولي ليا شكون هاد الكلب الشماتة باش نعرفو اش نديرو... 

سمر: هئ هئ مانقدرش 

همس: اويلي غدايدي على مايمكنش.. واش هبلتي.. واش حتى طاح الفاس ف راس عاد كاتقولي هاد الهضرة هاااااا.. واش عارفة راسك اشمن فضيحة راه غارقة فيها.... خسنا نتصرفو قبل.. قبل ما(بلعات ريقها) قبل ما يعرفوك راك حاملة .. 

تنفضات سمر و ناضت جالسة.. : ك..كيفاش.. انا ماشي حاملة... شكون قالها ليك ... مستحيل.. نكون حاملة .. مايمكنش هئ هئ مايمكنش.. 

قربات عندها همس و شدات ليها يديها: واش ماوقع والو بيناتكم ؟؟ واش ماقاسكش.. 

سمر: هئ هئ 

همس: سمماااار ماتجهلينيش.. غاتعاودي ليا اش واقع من الأول لآخر إلى بغيتي نعاونك 

سمر:مانقدرش.. مانقدرش ندمر ليك زواجك ا ختي مانقدرش نكون سباب ف انك تدخلي راسك ف مشاكل بعيدة عليك 

همس: علاش مالو زواجي ؟؟ اش عندو من علاقة معاك و مع هادشي 

سمر: هاا لا لا .. غي زعما راجلك غايسيق الخبار ل هادشي و صافي 

همس ب شك:نتيا ختي .. و مشاكلك مشاكلي و اللي ضرك غايضرني قبل منك سمعتي.. و دابا غاتعاودي ليا

سمر نزلات راسها: .. انا .. انا رخصت راسي بزاف.. سلمته كلشي .. قلبي وقتي و حتى شرفي. كنت معمية.. كانقول لقيت علامن نحط رأس.. لقيت اللي يفهمني و يكمل معايا طريق .. اللي يخاف عليا و يهز همي.. ولكن كلشي تبخر.. كأنه حلم و فقت منه على هادشي اللي انا فيه ... عطيتو راسي و مشا و خلاني.. سمح فيا من مور ما خدا اش بغا هئ هئ ... 

يالاه بغات همس تهضر سمعات الباب كايتدق.. مسحات عينيها و ناضت تحل.. لقات ذكرى قالت ليها باللي اباء بغاها.. 

همس: (بصرامة ) هاني راجعة باش نعرفو شكون هاد الشماتة عيفة الرجال 

سدات الباب بجهد و نزلات معصبة.. 

كان اباء جالس بوحدو ف صالون و الماكلة محطوطة فوق طبلة .. 

شافها و ابتاسم: جاو حبابنا نسينا صحابنا.. دغيا نسيتي راجلك.. 

همس: (مرفوعة عقلها مع اختها) هاا 

ناض عندها و حاوط خصرها ب يديه 

همس: اويلي شكادير..دابا يجي شي حد 

اباء: راك مراتي واقيلة 

همس: اححم واخا حشومة.. وا صافي طلق ا اباء 

اباء: شتك ماشي هي هديك اش واقع 

همس: و.. والو .. غي عييت 

اباء: اوا هي إلى فهمتي راسك و هزيتي بنتك و زدي قدامي لدارك.. 

نقزات دغيا: لا لا .. انا غانبات ليوم هنا ... 

اباء :(خنزر فيها) كيفاش.. كاتفلاي واقيلة.. بدينا تاني 

همس: ر.. راه غي سمر عيانة شويا و توحشتهم نيت .. بغيت نبقا معاهم .. عافاك ا حبيبي غي اليوم 

اباء: لا ا الآلة انا مانقدرش نمشي و نخليك مورايا.. 

قربات ليه كثر و شدات يديه و كاتشوف فيه ب براءة: عااافاك.. وا غي هاد المرة.. ماباقيش نقولها ليك .. وا دير ليا خاطري .. خليني غي هاد الليلة.. و صباح إنشاء الله كي تحل عينيك تلقاني حداك.. 

اباء: انا غانجي ليك صباح.. سمعتي و اااااخر مرة راه غي حشمت اما نجرك بزز.. 

باستو ف شفايفو: يخلي ليا حبيبي الضريف المتفهم.. 

اباء: راه غاندير بناقص.. 

همس: ههههه على سبة يا ربي السلامة.. 

اباء: خسني نمشي .. إياد رجع ل ألمانيا و خلاني واحل بوحدي الخدمة فوق راسي 

همس: علاش امت سافر.. 

اباء : ولد.. استغفر الله .. انا دزت من هنا و هو شد طيارة من هنا .. غي سافرنا لقا الحرية و مشا تاهو.. 

همس: و راه ختو مريضة خسو يكون ف جنبهم. معذور.. 

اباء: اودي.. هو بقا فيك و انا اللي خلا ليا طون ديال الخدمة مابقيتش فيك 

همس: ههههه و لايني راك واحد المفشش.. سير وكان سير .. 

اباء: كاتجري عليا همممم 

همس: وااااا اباء.. ماعرفنا منين نشدوك.. عندك الخدمة و بغييتي تبقا مقابل الجماعة.. 

اباء: وا عقلي عليها .. و غدا انا غاندوز ليكم.. 

مشا اباء من بعد ما ودعاتو و يالاه كانت غاطلع عند سمر حتى شداتها امها بالهضرة .. ملي طلعات لقاتها نعسات.. تنهدات و طفات عليها ضو.. نزلات باش تعشا و الدغمة وحلات ليها . ماقدراتش تاكل عقلها كايفكر غي ف هادشي .. 

هاكاك الليل كامل .. عينيها ما غمضاتهومش... بقات فايقة و كاتسنا غي الشمس تشرق ... 

و داكشي اللي كان أول ما صبح الحال.. لبسات من حوايجها القدام اللي كانو تما.. و وقفات على سمر كاتفيقها بجهد قبل ما تفيق امهم... 

همس:نوضي تكعدي. نوضي خلاص 

سمر: مالكي.. اش واقع 

همس: سعداااااتك على برودية قلبك و نعاس اللي جايك.. انا الليل كامل ما نعست ما شفتو... تهزي لبسي شي حاجة دغيا و زيدي قدامي 

سمر: فاين غاديين 

همس: للسوق.. فين ف نظرك للطبيبة تشوف حريرتك.. نوضي تهزي قبل ما يجي اباء ... 

هاني نزلت نحسب ليك عشرة دقايق ماتنزليش نطلع نزلك بزز 

ردخات الباب و خرجات مخلياها غارقة ف دموعها ...

ناضت بزز منها دايخة وخايفة وهدرت همس عاد سرات معاها ..خايفة لنيت تطلع حاملة وشوهتها بين جيران وناس اش جاب ميفكها وماماها تموت فيها ما فيهاش نيقاش لبسات جلابة ودارت شال فوق راسها ونزلات هكذاك صفرة مفيهاش نقطة ديال دم معندها كانة لزواق والفاشن ...هبطت كتدعي غير متلقاش ماماها ..ومن زهرها لمكوز لي منفعهاش نهار حتاجاتو دبا عاد توكض معاها شوية ملقاتش ماماها شافت فهمس لي طلعاتها ونزلاتها وتنهدات كتشوف نفس سيناريو كيتعاود ..وفسرها كتدعي ختها متطلعش حاملة ..خذاو طريق لاقرب لابوراطوار وطلبو يديرو تحاليل للحمل وخذات طيسط من لفارماسي جرباتو 3 المرات نفس نتيجة كتعطى كل مرة ومع ذلك ممتيقينش خذاو تحاليل وقصدو طبيبة مختصة 

ومعاهم تحاليل همس من توترها كتترعد اما سمر فغير كدور دور وتستفرغ وكتحس بعظامها ثقال عليها ..غير دخلو لعند طبيبة بدا تيليفون همس كيصوني شافت إباء مبغاتش تخليه يبقى يتاصل استأذنات منهم وخرجات خلات سمر مع طبيبة لي متعطلاتش عليها وفتحات جوا ديال تحاليل معتلياها ابتسامة ..

داز اسبوع كيجري بضبط اليوم اسعد يوم عند اي عروس ولكن عروستنا بنسبة ليها اتعس يوم ..يوم عقابها لنفسها ..يوم انتصار كرامتها وخسارة حبها ..يوم فضلات انها تعيشو بحذافيرو وعمر تتعايش معاه بحلوه ومره ومغتندمش وخا يوقع لي يوقع هي اختارت ووافقت ومستحيل تتراجع ..جالسة ونقاشة كتقاد ليها فيديها ورجليها وناس دايرين بيها وزغارد والموسيقى مالية لمكان وابتسامة صفراء على محياها ..غمضات عينيها على اثر ذكرى قريبة وحوار قصير ولكن غيبقى مترسخ فذاكرتها عمر طويل ..

فمكتبها جالسة كتراجع قضية من قضاياها حتى كيدخل عليها بعجاجتو كيف اعتادت عليه طول شهر لي داز مبغاش يستسلم ويتقبل خبر زواجها شافت فيه اتنهدات ورجعات كتتفحص الاوراق بين يديها جا من وراها جبدها من يدها بنتير 

علي:واش مغتتنازليش ..كيفاش خارجة معاه ومخلياه يشد ليك فيديك وقريب ليك..لك بدك تجنينيني

سلسبيل برود:ممكن اسيدي تطلق من يدي وتهدر باحترام وتجلس بكل رقي ..الا عندك شي قضية ناقشوها معندكش ممكن تتفضل من غير مطرود 

علي كرز على سنانو وقرب ليها:سبيل ليك يا بنت ما عاد في عقل براسي ..تارك شغلي وكل شي و بحياتي ومسعاي بس ارضيكي وتسامحيني ..لا تتمادي لأنو صبري نفد عن جد 

سبيل نفضت يدها بعدات عليه :مقولتش ليك صبر ولا زمر ..سير قلب على لي منسهمك اما انا منصلاحشليك ..انا وحدة مزوجة الله يخليك بقى بعيد عليا اوكي ..جيست كيب اواي فروم مي ..لك ما بدي بسبب واحد اناني ومتخلف مثلك يتقال عني وحدة خاينة ..ما برضاها على حالي ..واذا كنت بتحبني ما راه ترضى انو يتحكى عني بالعاطل 

علي وقف مدة كيشوف فيها مبقاش قادر يزيد يتجادل معاها:اخر كلام عندك ..سبيل راح احكيها لاخر مرة ..اذا طلعت هالمرة من هالباب ما راح ارجع 

سبيل غمضات عينيها بالم وتنهدات:بتمنى لإلك انو تلاقي لي تحبك وتحبا وتحترما ..بتمنى لإلك بس كل خير يا شرقي الأوسط

علي قرب منها باس جبتها بحرارة وهي بدون شعور عنقاتو :بحبك..لا تنساها ..هالمجنونة بتعشقك

علي خشى راسو فعنقها وشم ريحتها بعمق :الله يسعدك يا حبيبة قلبي ..يا روح الشرق الاوسط 

خرج وخلاها غارقة فدموعها ..فاقت من سهوتها على صوت نقاشة كتخبرها تقلب رجليها شوية بقات كتشوف فحنتها مزيان حتى كتلمح عائلة لعريس دخلين ودقايقية محييحين وبنات العائلة كلشي كيشطح وفرحان وكبار العائلة كيرحبو بناس لي جاو ..كملو لعزبات نقش وحتا صغارات دارو ليهم الخاطر دفعو سفة كسكسو ولبن ومن بعد اتاي ولعكع ولكاطو ..وفلعشية دارو طلبة وجمعو رجال العائلة وجيران ..وهي دخلوها لبيتها جمعو ليها يديها ورجليها بليكونان وتقاشر باش حنتها متفرتتش ..وجلسات وسط بنات العائلة كيضحكو ويتعاودو وشادين فسلسبيل على ليلة دخلتها ..دازت ديك ليلة ودمعتها على خذها كتفكر بلي هادي اخر ليلة تقدر تفكر فيه من بعد ديك ليلة غيخصها تدفن ذكراه فعمق عميق من ذاكرتها ..اصبحنا واصبح الملك لله .....

فاقت وكيف اي عروس كلشي داير بيها وكيديرو ليها كيف الماء لقليل وماماها مكتقدرش تجلس حداها دمعتها على خذها ..اكيد ما عمارت دار وحيدتهم غتخوي عليهم دار ..داز نهار كولو بين جميع صوالحها ولكوافيرة لي جاتها حتى لدار تقادها ليومها الموعود اختارت دير حفلتها بنهار تجمعو العائلة وصحاباتها وعرضات حتى على سمر وهمس لي مرجعوهاش فوجها وحضرو يفرحو معاها ..دازت عشيتها غزالة كانت نسوية بامتياز ما فيهاش جنس ادم حيتاش برزت بلافولار جا الوقت لي غيخرجها راجلها لي كان من نفس دومينها محامي وخريج دفعتها من ايام الكلية وهو حاط العين عليها كان شاب ف 34 من عمرو طويل وسمر عندو لحية خفيفة وعويناتو سواد ليل عندو حقو من زين واهم شيء كيحتارمها ومقدرها وهي اميؤتو وحبيبة قلبو لي واخيرا ضحك ليه القدر وقدر يفوز بيها فالحلال ..خرجوها توادعت مع عائلتها وصحاباتها ودمعتها على خذها حتى كتلمح عينين مراقبينها من سيارة اودي سوداء غير شافها وكسيرا خلا غير لعجاج و صرير العجلات من موراه دمعتو على خذو مخلي من موراه قلبو وقلب اخر كيبكي دم على القدر لي لعب معاها لعبة او نقولو هي لي بغات ورضات بهاد الوضع عنقات ماماها كتبكي على فراقها وكتبكي على حبها لي دفناتو بيدها ..خذاها سامر راجلها معنقها جنب كيسكت فيها ويحاول يهدأها ويطمنها بكلامو بلي زواج ماشي فراق هو تجمع عائلتين وبلي فأي وقت تقدر تجي وتشوف عائلتها وحتا هما يجيو يشوفوها ..خذاها الاوطيل فين كان حاجز موجد ليها جو فغاية رمنسية ورود وشموع حاول انو يزيح حاجز الخجل منها ولكن بسبب توترها خلاها على راحتها محاولش يرغمها على شي حاجة ..حتى ترضا وخذاها وحدة وحدة حتى تاخذ عليه وترتاح معاه..من بعد مدة قدرو انهم يتمو زواجهم وسبيل تقبلات وضعها ورضات بواقعها وشافت جانب المرح لي فسامر لي كينافس مرحها ومع المدة رجعات كتاخذ راحتها وخا مرة مرة كتحن لعلي ولكن بمجرد مكتشوف خاتمها رمز ارتباطها كتنفض افكارها وتحاول متخونش لي رجعها ملكة على عرشو ..اما علي فمن عرسها خذا طريق لمطار خلا ميساج لهمس كيودعها فيه لأنو كيف كيشوف مبقى كتربطو بالمغرب حتى علاقة ..ودع الاراضي المغربية فمرة ..وخلا قلبو على رحابها كيتمنى تصونو هاد الارض وتحافظ عليه ..وحلف انو ميزيدش يجرب حظو فالحب لأنو كيف شاف القدر كان ضدو وحرمو من حبو زوج مرات مرة تعلق بهمس ومرة عشق سبيل لي ضيعها بيديه ...خذا طريق لبلادو مخلف من موراه اوجا والام ماض بعيد وقريب ..غرق راسو فالخدمة..الحاجة الوحيدة لي كتنسيه فواقعو المرير والحاجة الوحيدة لي قدر انو يعطي فيها وتعطيه ...

بعد شهرين مطار محمد الخامس ..نزلات طائرة لقادمة من الاراضي الالمانية على مثنها شخصين ..وبزوج افكارهم مضاربة وكل واحد فيهم كيستنا ردت احبابو منين غيشوفوه..هي كتحاول تجمع افكار وكلمات تخليهم يشفعو ليها كل ماضيها شنيع ويتقبلوها بصدر رحب ..من بعد ملقات علاج مكثف فالمصح لي دام 7 اشهر كأنها عاشت فسجن انفرادي ومن بعد متعرفات على طبيب مغربي الاصل عندو جنسية المانية وتقرب منها وكان ليه الفضل كبير انها تعالجات ومخرجات من تم غير وخاتم الخطوبة على اصبعها وكيف لقبو علاقتهم فالمصح قصة الحب المجنونة ..قدرات تسترجع عافيتها وحلفات على خوها ميرجع لمغرب غير وهي معاه واجلات حفلة عرسها حتى يحضرو ليها اقرب شخصين ليها لي فغمرة طيش كانت غتفقدهم فمرة ..كلما كتتفكر اش كانت كدير كتكره راسها ..فاقت من سهوتها على صوت المضيفة كتعلمهم بلي وصلو ..نزلو من طائرة غير ضربهم لهوى ديال لمغرب وشمس ساطعة ..هي ابتاسمات اما خوها فقلبو ضرو اخر مرة طلع فهاد طائرة كان انذل واحد عرفاتو الكرة الارضية ..رجعات بيه ذاكرة لاخر اتصال منها وكيفش قطع عليها وصوت شهقاتها طول هاد شهورة تأنيب ضمير مخلاهش مرتاح ..وصورتها ضاحكة وعفويتها معاه وابتسامتها لي اسراتو واخر حاجة منظرها وهي بين يديه مستسلمة ليه كينهشو فقلبو ويخليوو يندم اش ندم على تهورو وقلة عقلو ...كيفاش قدر يضن بلي هي بحال عبير ..سمر ابدا مكانتش بجال عبير ..كيف كايقول لمثل كاين صالح وكاين طالح ..نتس طوب وحجر ..وسمر بنسبة ليه ألماستو نادرة ..جوهرة حياتو ..حلف ميتخلاش عليها وغير يشوفها ياخذها بين احضانو بالخاطر ولا بالغصب ..ماشي إيادلي يستسلم ..وبالضبط من بعد ما خلا بصمت امتلاكو عليها ..سمر ملكو قلبا وقالبا ..كيعشقها كيف هو متأكد هي كتموت فهواه ..عارف خسرها معاها وطلع ولد طيط مقطر ولكن ندم ..وغيرجع الامور كيف كانت ...طول هاد شهور هو كيحول ليها مبالغ كبيرة وعمرها جبدات منهم سنتيم ..متبع اخبارها فشركة وداير لي يحضيها..ولكن لي طلع ليه دم ..شخص لي خرجليه من جنب ورجع لساحة من جديد ....

💮هاجس الحب اللعين ..مفترق طرق لكل العاشقين ..كذب احتيال وتصديق للغافلين ..ندم واستحقار لذات بدون مُعين ..اي عذاب هذا يا رب العالمين ..رحماك الاهي بهذا الجسد الأليم...عفوك بعبدك الحزين ..اتضرع امامك جاثما متقبلا لعقابك المثين..وارجو صفحك ومغفرتك لي وللمسلمين اجمعين..قد اخطأت بحقك وبحقي وبحق الإسلام كدين ..زنيت واثمت وابتليت ببلاء سقيم ..وبالهجران جزيت من ذاك الوغد الكاذب اللعين ..وبمن رفضت قبلا وصددته قصرا واغتررت امامه يوما كان لي هو المعين ..انتشلني في اوج ضعفي وحماني من القيل والقال الجثيم ..كان لي وصيا من بعد من رباني وكبرني لأن صرت اماتك العقيم ..

خنجر من ندم ينهج قلبي الحزين ..ولكن بمن لم ارضى يوما هو من عاملني معاملة الانسيين ..واخذ لي حقي من من اخذه قصرا في وقت كنت من الغافلين ...ورجع الحبيب الكاذب ذاك امير السافلين ..مكلوم لامره بعد حين ..راكعا جاثما امامي خافظا لنظره وسنه تجاوز الخمسين ..راجيا عفوي ومسامحتي وقبولي به كوليّ لأمري وزوجا لي من بعد ايام وشهور مرت كسنين..كبرت وازداد عمرا في وقت قصير بدون بنين..💮

دخلات همس كتشوف سمر دموعها على خدها وكتفتف وطبيبة حداها كتواسيها 

همس بخوف وقفات رجليها فشلو عليها:س..سم..سمر ؟

سمر وقفات مشات تجري عنقاتها كتشهق وتهدر:ما حاملاش ..ما حاملاش..ما حاملاش اختي ماحاملاش ..)همس عنقاتها وجلسات تبكي معاها مخليين طبيبة غير كتشوف مافاهمة والو) حمدتك وشكرتك يا ربي ..انا ما حملاش ..

همس:ششش..الحبيبة ديالي ...سمحيلي..سمحيلي..(شدت وجها بين يديها كتمسح ليها دموعها توادعو مع طبيبة وخرجو شدو تاكسي عطاوه عنوان دار وفطريق همس غير كدور وتعنق سمر لي فرحتها متوصفش لانو ما حاملاش) نتي مغتعيشيش لي عشتو ..مغتعانيش لي عانيت ..منقدرش نشوفك كتموتي ونتي حية ..منقدرش ..وشفتي هاد ولد لحرام غنشوفو الويل نوريه..غير قوليلي شكون هو 

سمر بغصة: ميستاهلش نذكر سميتو ..غنساه غندفن اي ذكرى عندي معاه ...ميستاهلش ..ميستاهلش حتى نكرهو ..حيتاش غنكون عطيتو قيمة ..

همس:ولكن ..

سمر بترجي:عفاك اختي ..ورحمة بابا مبغيتش نجبد هاد الموضوع ..انا مبغيت والو ..غنقابل خدمتي وصافي ..مبقيت بغيتلا زواج ولا حب ولا حتا حاجة ..خدمتي نعيش بيها اميرة مبغيتش نرجع نتفكر اش داز عليا هاد شهر ..بليييز 

همس شافت حتا عيات مبغاتش تحكر معاها ...خلاتها على راحتها ...بعد اسبوعين سمر خارجة كتجري من دار حيتاش دازها الحال وتاكسيات مكانش حتى كيدوز عليها محمد وقف بطوموبيلتو كيكلاكصوني عليها شافتو وحدرات راسها ..رجعات كتحسس كانو لي شافها غيعرفها فاقدة لشرفها رجعات غير متوترة طول الوقت وخايفة لتفضح مع ماماها ولا مع ناس ..

محمد بصوت عالي وابتسامة:طلعي المهندسة ديالنا راكي معطلة الكسولة ..طلعي نوصلك

سمر بلعات ريقها بتوتر:لاا ميحتاش شكرا اخويا ..انا غنشوف تاكسي بلا منعذبك 

محمد ابتاسم:طلعي طلعي ..باركة من لبروتوكول لخاوي..

سمر شافت فساعتها لقات بلي ماباقي والو لاجتماعها ..طلعات وسلمات امرها لله ..وفطريقها خبرها محمد خبر فرحها وحزنها فنفس الوقت

محمد:اش خبارك شفتك غبرتي مبقيتيش كدوري عند هناء(ختو)

سمر:غير مع لخدمة وصافي ...راك عارف مكانلقاش الوقت نهائيا ..ولكن غنجي نزوركم 

محمد:ضروري ماتجي وتحضري لخطوبة خوك نتي وخالتي خديجة ..

سمر شافت فيه بصدمة:خطوبة ؟!

محمد كيعيب فيها:وااه خطووبة ا سمورة ...(ابتاسم ليها) صراحة درت بكلام واحد لغزالة وكان عندها صح ..ولقيت راحتي فكلامها وتعرفت على بنت ناس ونويت معاها لمعقول ..وها نتي يا ربحة يا ذبحة 

سمر بابتسامة:مبروك عليك ا خويا والله يكمل ليكم بالخير ..فرحة ليك والله ..نتا تستاهل كل خير ..

محمد :لعقبة ليك نشوفك عروسة ومتخميش (كيطنز) غنقلب ختي من لعمارية 😂

سمر ضحكات:ههه حرام عليك ..هذا مبغيت ليا ..ولكن للاسف مغيتحققش انا متزوجة بخدمتي صافي 

محمد :غنشوفو ابنت الحاج( وقف طوموبيل ) نزلي ها نتي وصلتي 

سمر:شكرا وسمحلي عذبتك معايا 

محمد:اشمن شكرا اختي حطي 7 دراهم ديال لكونتور 

سمر:لخليفة على الله ا شيفور 

نزلات كتضحك وخلاتو هو يتحلف فيها ويضحك ...دازت ايام مشات لخطوبة محمد كانت خطيبتو بنت فمقتبل العمر زوينة ومقبولة كانت مخداماش بقات مرة مرة كتخرج مع محمد وخطيبتو لي رجعات صاحبتها وكيفوجو مع بعض ..حتى لنهار لي غيتقلب موازينها من سيء لأسوء ...

خرجات من الخدمة كيف عادتها حتى كتلقى من لم يكن فالحسبان ..واقف بكامل اناقتو مع إباء وبين يديهم ملف كيتناقشو فيه ..شافتو حسات بقلبها غيسكت ورعدة طلعات معاها فشلو عليها رجليها ومقدراتش تزيد الخلفة رجع لها اخر مرة شافتو واخر هدرة بيناتهم حسات بالخنقة بغات ترجع ادراجها حتى وقفها صوت إباء 

إباء كيغوت:سممرر...وا نسييبة ..اجي 

سمر بلعات ريقها وتنهدات جمعات شجاعتها ودارت قصداتهم مبتاسمة فوجه إباء ومدارتش جيهتو كأنو مكاينش 

سمر بابتسامة:اش بغيتي امديري زوج اختي العتيد ..(شافت فساعة) اوقات العمل سالات لن اناقش اي مستجدات 

جبدها إباء بضحك شدها من رقبتها:طوالك لسان اشنيولة ...ولكن فوجه لحمار لي عاد جا غندوزها ليك ..

إياد شاف فيها بنظرات هايمين:سمر صافا؟

سمر ببرود:الحمد لله ا سي إياد ..على سلامتك 

إباء:شوفلك ناس صواب ..معقلتكش اخت لمجعوقة ..مهم يا سليعفانة الملف لي عطيتك لبارح وجدتيه ..

سمر:قيد غنقولها ليها ..(شافت فساعة) إباء انا معطلة عندي غونديفو ..ولكن لملف راه عطيتو لسكريتير ديالك ..

بعدات عليهم كتنهج ودموعها نازلين كيفاش واقف حداها وكيسول فيها عادي ..عندو جه قاصح ..فوقاش رجع وعلاش رجع ..واش دبا غيتفضح كولشي ..واش غتقدر تشوفو قدامها كل نهار ..اكيد ملي رجع غيرجع لخدمتو ..وخدمتها هو مسؤول عليها ..يعني خاصها كل نهار تحارب راسها وهي قدامو ..وخا كان كلب ولد ستين كلب وحاولت تكرهو ولكن لقلب ولد لحرام ما عليه حكام ..كتعيا تعاند ومنين كيطيح ظلام كيطيحو معاه افكار وذكريات وابتسامات لواحد شاب كان حامي مازح مسؤول ومحب ولكن فالأخير طلع ذئب نهش لحمها وزاد بلا لغى ولا كلام ...

🛅🛅

ففيلا كانت همس جالسة كتراجع مع ذكرى حتى كتسمع صوت لباب جمعات لذكرى كتوبتها ووقفات مبتاسمة كتستناه يدخل ..دخل مبتاسم كيف عادتو ولكن خلا لباب مفتوح من موراه عنقاتو وهو باس جبهتها 

حتى كتسمع صوت لي لوهلة ضنات بلي كتتخايل حتى طلعات عينيها وحلات عينيها على وسعهم 

أسماء واقفة عند لباب: نقدر ندخل ..

همس شافت فيها وشافت فإباء كتحاول تتأكد شافتو ابتاسم ودار ليها حركة براسو بمعنى ااه هي 

همس قصداتها كتتمشى وهي مرفوعة وقفات حداها كتبلع ريقفها:ا.اس..اسماء..نتي 

اسماء ابتاسمات ليها بمزاح:الا بغيتي

همس محساتش بدموعها نزلو وعنقاتها:الحمد لله يا ربي تشافيتي وتعافيتي (شدات وجها بين يديها واسماء كتبكي من ندم والشوق لصاحبتها) والله حتا نتي ..اسومة (دارت شافت فإباء) هههه اسمااء ..إباء ...

اسماء:سمحيلي اختي ..سمحيلي ارفيقة عمري ..سمحيلي 

همس:ششش دخلي ..دخلي ..مرحبا ..والف مرحبا (كتغوت) ذكرى..وا ذكرى ..اجي جري اماما 

اسماء شافت فيها باستغراب حتى كتلمح بنوتة صغيرة جات كتجري شافت اباء وتعلقات فيه 

ذكرى:بابا ..غزالي جيت 

إباء باسها:جيت اسليعفانة..(شاف فهمس) جري عند ماماك غتعلقك 

ذكرى نزلات كتضحك مشات جيت همس وشافت اسناء بفرحة) خالتو لمريضة جات ..(تعلقات فيها كتبوس ) فين مشيتي اخالتو توحشتك 

اسماء باستها بحرارة:مشيت تشافيت وجيت باش ناخذك معايا ..لواحد حفلة ناقصاها سندريلا تحييها 

همس:ذكرى سيري كملي دروسك احبيبة خلي خالتو ترتاح ..

مشات ذكرى تكمل حفاظتها واسماء شافت فهمس 

اسماء:فعلا قلبك كبير ونتي مكانش بحالك ..بغيت نشكرك على كلشي )شافت فإباء) كنطلب منكم سماحة بزوج ..كنت بلا عقل 

همس شدات فيدها:ششش ..بين لخوت ممانش سمحلي ولا شكرا ..وحنا خواتات ..الا فلحظة طيش غلط واحد فينا الاخر ميسمحش فيه ..وعلى غلط واحد ينسى عشرة عمر ..

اسماء:الا سمحتو ليا ..اكيد غتكملو فرحتي وتحضرو لعرسي 

همس شهقات بفرحة:غتزوجي !؟

إباء بصدمة:عرسك؟!

اسماء بابتسامة:قصة حب مجنونة ههههه مشيت نتعالج جبت عريس ..وماشي اي عريس ..طبيب مغربي اسي ..وعايش فالمانيا ..متغلطوش..

همس:الله يكمل ليك بالخير (عنقاتها )فرحت ليك احبيبة ...(شافت فإباء) اكيد غنحضرو ليك ...

بين عقارب ساعة كتشوف راسها واقفة فالاسنسور محبوسة وهو معاها موقفو عن قصد 

سمر:واش مكتفهمش مغنهدرش معاك ..

إياد:اوكي غنبقاو هنا ...

سمر :حماقيت نتا لااا...

إياد قرب منها بخطوات ثابتة وعينيه على عينيها :بيك 

سمر بتوتر:الله يخليك بقى بعيد بليز ..ياك نتا ساليتي هاد شي وبقى قد كلمتك وكون على الاقل راجل فهادي ..ماشي شماتة فكلشي

إياد كرز على سنانو:سممممررر...غن..(سكت ) عارف راسي منسواش وضيعتها معاك بصح سمعيني ..عندي اسبابي 

سمر بعصبية:اسبابك ..اسباب شنو لي يخليوك تعاملني بحال بنات زنقة اااه...اسباب شنو لي يخليوك تاخذ شرفي وحتا كلمة هي لاخرى مخسرتها عليا ..بلا اسباب بلا زبل ..يرحم يماك اخويا بقى بعيد عليا 

إياد قرب منها كتر:اش بان ليك نوريك واش خوك ولا ولد عمك 

سمر هزات صبعها فيه بتهديد:اقسم بالله ومتبعدني حتا(بقى كيفصلهم غير انشات قليلة)حتا..ا.اا( بداو دموعها كينزلو مسحهم ليها)

إياد:كنت كنبغيها وتزوجتها عن حب ..كانت ملاك بسبابها استقريت فالمانيا مع عائلتي وخا كنت ضد فكرة الغربة ..شفتها غير بنات داك الوسط وخا عندهم لفلوس وباباها سيناتور ..ولكن كانت كيوت ..تزوجنا ورجعات فشي شكل ..سهير وسكرة..تقاصر وخريج ليل ونهار ..وفواتير بمبالغ كبيرة ..وكلشي من جيبي ..وكنقول معليش ..صغيرة وغنبقى معاها حتى دير عقلها ..كنت كلما كنبغي نقرب منها كتأفف ودير حجج ..حتا لنهار لي جبدت معاها موضوع دراري ..ههه..تعرفي باش جاوبتني( سمر غير كتشوف فيها ودموعها نازلين) واش نتا حناقيت نضيع لاطاي ديالي باش نجيبلك ليك لولاد..بغيت لولاد سير تبناليك شي واحد ...حسيت بخنجر تغرس فقلبي ..كنت متمني ولد ولا بنية يكون ثمرة حبي انا وياها ..ولكن هي انانية كتفكر غير فراسها ..من داك نهار مقربتش ليها ..حتى لنهار لي غنشوف اكفس حاجة كنت متصورها ...لقيتها فحفلة ديال رقص تعري ..زلال معري ليهم وهما كل وحدة اش كدير معاه شفت مراتي بعيني مستسلمة لكلب اخر ..شفت بعيني شرفي ورجولتي كينداسو فالارض ..كرامتي رجعتها جفاف ..لو انو متبتنيش الله كنت غنقتلها ونقتلو (شهقات)ولكن لطف ربي ستر وطلقتها ومن تما كرهت نسا كانت تربطني بهم مجرد علاقة حيوانية منكذبش عليك ..ناخذ حاجتي ونخلص عليها 

سمر بغصة:نفس لي درتي معايا 

إياد حط صبعو على شفايفها:ششش..عمري شفتك وحدة منهم ..من اول نهار شفتك غير بصح معرفتش ..لحظة شيطان سيطر عليا وصورلي صوالح ..استغفر الله ..ندمت ..عارف ندم مغينفعني فوالو ..جيت بغيتك تسمحي ليا ..ونصلحو الغلط ..انابغيتك حلالي ..بغيت حياتي لباقية نكملها معاك ..سمر انا كنبغيك ومباغي من دنيا حتى حاجة من غيرك

سمر بدموع وشهقات:منقدرش..سمحلي منقدرش..نتا قتلتيني 

إياد:سمر انا كنت مقتول ونتي حيتيني ..انا كنت مجرد بقايا انسان ونتي لي جمعتيني ..نتي هي نبض روح ..نتي كل ما ليا ..بلابيك انا مكنسوى والو ...شهور لي بعدت فيهم كنت مجدر جثة ..نتي هي روح ديال هاد الجسد ..نتي اوكسيجيني ..نتي وثيني ..متتخلايش عليا 

سمر :نتا لي تخليتي علينا ..نتا خليتيني نفقد ثقة فراسي قبل غيري

إياد:عمرها باقي تتعاود ..نتخلى على روحي ومنتخلاش عليك ...

سمر غفلاتو وخدمات الاسنسور 

سمر بحدة:متتوقعش مني بزوج كلمات غنسمح ليكرجعات لخدمتها نهار كولو مخشية وسط لوراق ومبانش ليها ..فلعشية رجعات لدار مهلوكة غير دخلات دوشات ونعسات حتى كتحس بشي حد تخبط حداها فتحات عينيها كتلقاها ذكرى جبداتها تحتها كتهر فيها 

سمر:ها لي ميخليش طاتي تنعس ..هاكي اميس بوش...تعاودي تجي ..تعاودي (ذكرى غير كتفركل وميتة بضحك)

حتى كتدخل همس لابسة فراشة مطروزة فالاسود وذهبي ومقادة حالتها 

همس :اويلي وحدي مزال موجدتي ..نوضي ينوض جلدك نقاد ليك ونلبسك

سمر بايستغراب:اويلي علاش 

همس:الله يعميها ليك:اليوم عيد ميلاد بنوتي ..وجيت نديرو عند جداتها ..نوضي يا تريكة زمايمر 

سمر:الله الله ناس كبرو وزادو عام ..هابي سويت بيرثداير مي لوفلي ميس بوش 

ذكرى:لكادو 

سمر:غذا نجيبو ليك 

ذكرى نقلقة:نسيتي ياك اخالتو ..وخت عقلي فيها ..

سمر:والله اخبيبة غير بسباب الخدمة ولكن وعد مني زوج ديال لي كادو نجيبهم ليك 

ذكرى :اممممم اوكي 

نزلو من بعد مقادت حالتها كانت اسماء وإياد معاهم وشي دراري ولا جيران دوزو العيد ميلاد غزال الا سمر لي كتتمنى فوقاش يسالي ولكن يا فرحة ما تمت ..من بعد مسالاو الاحتفال دارو جلسة ديال صينية مجمعين على براد اتاي منعنع ...حط كاسو ونطق

إياد:بما انو اليوم فرحة بلكتكوتة ديالنا ..بغيت نخلي الفرحة فرحتين الحاجة ونطلب يد الانسة سمر على سنة الله ورسولو ...

همس واسماء شافو فبعضهم سمر خرجات عينيها فيه وإباء وحلات ليه جغمة اتاي بدا يكحب حتى مدات ليه همس كاس ماء وبقات تضرب ليه فظهرو حتى عينيه خرجو 

خديجة:اسم الله عليك اوليدي 

إباءبصوت مبحوح:اشنو قولت 

إياد:من زمان والانسة سمر عاجباني وبغيتها حلالي 

خديجة:وا وليدي منلقاوش ما حسن منك ..بصح الاوصول يحيو وليديك

سمر بخفوت:اياااد 

اياد تجاهل نداءها وجاوب الحاجة:صراحة عندك صح وانا اتاصلت بواليدية وهما هاد سيمانة غيجيو ولكن انا قولت ملي جينا نفاتحكم فالموضوع ..بما انو عارف سمر مغتقدرش نقوليكم بلي حنا كنبغيو بعضياتنا من زمان وكنت طول هاد المدة كنستناها تفاتحكم فالموضوع ولكن هي حشمات ..وقولت انا خير البر عاجله 

سمر رجعات كتغلي مقدراتش تهدر وهو حطها بوجها قدام ماماها ومتقدرش تقول حتا كلمة ولا غتفضح ..وزايدها بلكذوب ..

خديجة ابتاسمات:وا الا هكذا متسالوني غير صلاة على حبيب الله ...لولولولولولوووووووي ....مبروك اوليدي الله يكمل عليكم بالخير 

سمر دمعو عينيها حست بالحكرة وهي كتشوف فيه وصل لاشنو بغا وبلا هواها غدير اش بغا ولا تجلط ماماها اما همس واسماء فطارو بالفرحة لانهم هما بزوج معارفينش لي واقع بين سمر واياد ..اما إباء فصدمة كانت قوية عليه ..بقا غير كيطلع ويهبط فيهم مزال مستوعب

💮اراك تغازلني علنا..وتخط خطوط قدري جبرا..تكذب وتلفق وتنافق وانا موافقة خضعا ..اجثم على ركبتي طواعيتا ..وانت تضع سيف الحلاد على رقبتي ذبحا ...وغذ حقير ولكن حبي لك لن يغيره اي تغيير ...ارفض ولكن موافقتي ولابد منها بالاخير ...اسامحك ولكن ان انسى مستحيل ..فجرحك عميق ودائي كبير ..ولن يلتأم جرحي الا بعد زمن طويل وقرن وعصر عسير ...💮

بلعات ريقها وسكتات مقدراتش تنطق بحرف وهي كتشوف فرحت ماماها بيها وبلي امنات عليها مع راحل هو فعينيها مخلق ومأذب ومشافو منو غير الخير وزيد صاحب نسيبها ومعرفة قديمة وكتعرف عائلتو حق المعرفة ...بلعات ريقها كتتحلف فيه ..دازت ايام وجات عائلة إياد اتمو الخطوبة وسمر غير على اعصابها وهو طول هاد المدة مبانش ليها من نهار عيد الميلاد مبان حتى جا مع واليديه ركبو لخواتم وهي غير تاكل فجنونها وهو عاجبو الحال مهم ترجع حلالو ويدير ليبغات باش تسمح ليه ولكن اهم حاجة انو يرجعها تحت اسمو وترجع ليه بالشرع والقانون ...

كتب العقد من بعد اسبوع تحت اصرار اياد لي زربان وداير سبة بواليديه وعرس ختو ..بغا يتزوج قبل من عرس اسماء كيتحجج بانه عيب ختو صغيرة تتزوج قبل منو ..وهو لكبير ههههه لايا واد ناصح ...عيات صابرة ووالو مفهمش راسو حتى لواحد ليلة من بعد معقدو القران ..لبسات ومشات قصدات دارو كانت سامية جالسة بحدها وكلشي خارج ..سلمات عليها وجلسات معاها كيتهاودو ..اتحججات انها جات تاخذ ملف كيخص الخدمة من عند اياد ..حتى كيتم داخل هو واسماء محملين ..غير شافها بلع ريقو ..

شافت فيه مبتاسمة جنب هو قرب مبتاسم ابتسامة صفراء باس لسامية يديها وعلى راسها وهي تحنا عندها بلابيز ..شاف فسامية ورجع شاف فيها بتوتر

إياد:بب ياك لباس شفتك جيتي كاع ماعلمتيني 

سمر:كان بيني وبين طاتي هدرة خاصة (شافت فسامية لي مغوبشة) ياك اطاتي

سامي خنزرات فيه:هادي هي تربتي فيك هاا..هكذا ربيتك انا 

.هدر 

إياد بلع ريقو معرف باش يجاوب :راه..الوليدة ...سمر ..

سامية:هدر ولا لقط كلا ليك لسان..ياك البغل باغي تقهر لبنت فليلتها ..كيفاش هذا غير حفلة خفافي ..مالك مزوجها بولادها ..

سمر ابتاسمات بخبث منين شافت وجهو تلون تعصب ومقدرش يبين:معليش اخالتي..حتا انا مباغياش العرس ..عندو صح حفلة خفافي حسن لينا ..ولا اش قلتي( بمياعة وسخرية) احبيبي

إياد طلع فيها وهبط:الوليدة واش تعرفي عليا ..اكيد احلى عرس لاحلى عروسة ..غير ضحكنا مع سماسيم وهي خذاتها بجدية ( باسها فخذها قريب من شفاها حدا سامية غمز سمر لي وجها تحقن وخرجات فيه عينيها)

سامية بجدية:إياد ها ودني منك نسمعك قلقتيها ..انا نخليكم دبا نمشي نشرب دوايا هذا هو وقتو ونشوف اسماء اش جابت 

سمر:حتى انا نمشي تعطلت 

إياد:هي نوصل لبلارة ديالي ..

خلاتهم سامية وطلعات غير غبرت دارت سمر وهبطات عليه بتسرفيقة على حر جهدها خلاتو يشد ففكو مبتاسم بغضب 

سمر بعصبية وخفضت صوتها باش ميسمعهم حد:متقربش مني الوسخ 

إياد طلعها وهبطها زاد خرج سابقها متحكم فاعصابو بزز ..خرجت من موراه شاعلة طول طريق وهي تنكر وتسب وهو كيسمع وشاد راسو بزز حيتاش عارف راسو غلط معاها ولكن الا زادت كتر غيصدق فما لا يحمد عقباه ...وصلها غير نزلت وكسيرا خلا من موراه غير لعجاج ..دازت ايام قرب لعرس وهمس كل مرة تبغي تنفارض بسمر مكتلقاش كيفاش يا كتكون ماماهم يا كتكون سامية واسماء ..بقات يومين لعرس كانو كلهم معروضين فدار إياد منها يتغذاو مجموعين منها يتأكدو بلي كولشي واجد ...تغذاو وسمر ولا بد متمتل حداهم دور لعروس الخجولة لمحبة لعريسها وهي محاملاش ريحتو او بالاحرى مزال شادة فخاطرها منو ..مبغاتش تتزوج بهاد طريقة ..هي كتشوف ماماها فرحانة الا مشات حتى رفضات خاصها تقول سبب وهي متأكدة عند اول حرف غتنطقو مغتك نش حالها حسن من حالة ختها فواحد الوقت ..شافت لي داز على همس وهي ممستعداش تتحرم من عائلتها وتتغرب عليهم فحياتهم...سهات فأفكارها حتى فيقتها اسماء من سهوتها 

اسماء:سمورة فخبارك بيتك طلع يحمق ..(شافت فإياد بشر) قادوليك حبيبك بيديه حلف ميدخل ليه حد من غيرو ..ولكن اكيد مغيمنعش عروستو من انها تشوف المملكة ديالها 

إياد بتحذير:اسماء..

همس:ااه نشوفوها علاش لا منها حتى سمر تشوف الا ناقصاها شي حاجة تجيبها 

سمر:بلاش ميحتاش

همس باصرار:اويلي على بلاش .. ضروري منشوفوها 

ناضو لبنات وإباء شد معاه إياد كيتناقش معاه فمواضيع الخدمة اما سامية والحاجة فحديثهم كولو على العرس...دخلو لبنات لبيت كان كبير بحال سويت فيه دوش وشومبر دنوي وبلاصة فيها جلسة بتلفازة ورف للكتب وبالكون...كولشي مزيج بين اللون الاخضر ولبيج والمارون ..كانت اسماء غير دور وتضحك وشادة فسمر لي كتبادلها ابتسامة صفراء مواصلاش لعينيها لي غير شافت ناموسية تفكرات نهار الاوطيل كيفاش عاملها وخلاها تستحقر حالها ..استرخصها بزاف لدرجة كلمة وحدة منطقهاش اما همس فتوترها زاد وهي كتشوف كلشي واجد والعرس على الابواب ..خافت ختها تتفرش ويعرفها اياد ماشي بنت ميتقبلهاش وتم فضيحتها تكبر ..بدات كتعرق وتبرد غير بحدها وتفرك فصباعها حتى تنفسات صعداء منين سمعت تيليفون اسماء كيصوني وهاد الاخيرة غير شافت رقم الاسر قلبها استأذنات منهم خرجت كتزرب فمشيتها جاوبت على حبيبها ..هنا همس قصدت لباب شافت الاشي حد جاي تاكدت مكان حد وقصدت سمر بخوف

همس:اش كديري ..هاد زواج خاصو يتوقف ..سمر غتخرجي على راسك ..الا مشى حتى 

سمر غمضت عينيها:همس بلييز ..راه غيسمعنا شي حد 

همس:خفتي يسمعونا ..ومخفتيش منين يطيح لفاس فراس ..اش غنديرة تم ...الا إياد متقبلش ...

وقفهم صوت من موراهم:شنو لي ميتقبلش 

همس فتحت عينيها بخوف على وسعهم ودارت ناحية صوت بتلعثم:ااا...وو..اممم..والو واالو ...(بلعات ريقها وكتشوف فيه عينيها كيدورو فبلاصتهم اما سمر فزيرت على يديها وغمضت عينيها تنفسها مضطارب)...

إياد قرب منهم :سمر كنضن همس خايفة لا ..(سكت وشاف فهمس) كنضن بلي سمر محكاتش ليك القصة كلها ..حذفت اهم حلقة فالاحجية 

همس بتوتر:شنو كتقصد؟

إياد:كنقصد انا هو لي ضحك عليها خلاها كيف هي فاهمة 

همس بحال خويتي عليها سطل ديال ثلج بلغوات:شناااهواااااا..عاااود عااااود مسمعتكش ...نتا شنو ؟

سمر بخوف:همس ..بلا غوات الله يعطيك ستر (خنزرت فإياد) اش جابك الويل ..باغي تفضحني عاد.تتهنى...ماكفاكش لي عشتو بسبابك ها (كتدفع فيه من صدرو) الله ياخذ فيك الحق ويهنيني منك ..الله يعيطيني غير لموت ولا هاد لعذاب لي معيشني فيه 

همس جبدتها من موراها كتشوف فإياد نظرة شر بعصبية كارزة على سنانها:نتا شنو ...نتا شنو اسي إياد

اياد كتفى غير نزل عينيه 

همس :نتا هو لي امنك عليها صاحبك ..نتا هو لي درنا فيك ثقة وسيفطناها معاك ..نتت هو شماتة لي عفت رجال لي ضحك عليها ..نتا هو ا سيد الرعاين ...نتا..هه..برااافوووو...برااافوو فغيمون شابووو...مدرتي حساب لا للعشرة ولا لملح وطعام لي بيناتنا ..بغيتو يوحل ليك فركابي ان شاء الله ..لا وزوينة جاي بوجهك حمر باغي تتزوجها..(بقات كدور عليه وطلع وتهبط فيه) غير قولي منين جايب هاد قصوحية لوجه كلها ...قسما بالله حشمت ومركت فبلاصتك ...ضاحك على لبنت ومزال كتشوف فعائلتها وجالس على طبلتهم عيني عينك...قادر تشوف فإباء وفيا نورمال ...صراحة كنهنئك على هاد الجرئة لي فيك (شافت فسمر) حنا مبقى عندنا بنات لزواج سمعت ...معندنا بنات ...نتا متستاهلهاش ...واحد كذاب واناني بحالك ودار لي درت ميستاهلش نجازيك بيها فالاخير ..

سمر:همس عفاك..شوفي انا باغية غير العقد ونطلق ..غير حدا ناس باش نسد ليهم لفام (خنزرت فيه ) اما هذا فمكيهمنيش ..عفى ختي متهوريش وضعيني بيديك ..شوفي خسرت شرافي ..مبغيتش نخسركم حتا نتوما ..

همس:واش عارفة اش كتقولي ..ميهمك حد انا معاك ومغنتخلاش عليك ...ولكن باش تستنايني نوافق نخليك مع هاد نص رويجل متحلميش بيها ابنت ميمتي..فين كان منين كنتي غتموتي ..ياك خلاك من بعد مخذا منك اغلى ما تملك البنت شرفك احنينتي ..مشى وخلاك وكلمة هي الاخر مخسرهاش عليك ..ياك عاملك بحال شي موسخة شراها..لحد الان مزال كيفيسرسيلك لفوس فالكونط ...علاش بسلامتو...حيتاش خذا منك لي بغى ورماك ..هذاك ثمن ديك لوقيتة ..

إياد بعصبية: باااركة هدرتي بزاف ا مرت خويا ..سمر رجعات تحت سميتي وفراق ممفارقش ..وهاد الموضوع بيني وبينها ..نتي خليك فراجلك وبنتك 

جات همس تجاوبو ولكن قفتها اليد لي دورات اياد بجهد ونزلات عليه بتسرفيقة.. خلاتو واقف مبلوكي اما سمر وهمس فشهقو مرة وحدة ..وتبادلو نظرات الخوف بين بعضياتهم

سامية بغضب :اشنو هاد شي سمعت ...ااه ..شنو هاد شي ...قولي هاد شي كذوب ...قولي بلي ولدي ماشي شماتة ...قولي بلي ولدي راجل ..(نزلات عليه كتضرب وتبكي وهو مستسلم ليها) هدر يا ولد لحرام ..هدر لي تتهيدر ..ضاحك على لبنت ومخليها من موراك ..شاريها ..ملقيتي شكون ..عضيتي غير جنابك ..غذرتي خوك لي امنك على شرفو ..اويلي لي بداتو ختك معاهم كملتيه نتا ..(جلست كتنهج)فين ندير وجهي منهم فين ..

كيف كل عائلة مغربية .. تقاليد و العادات ديما حاضرين.. و لالة خديجة واقفة ب يديها على صغيرة و الكبيرة .. فرحتها ماكاتوصفش.. و هي كاتوجد ل عرس بنتها.. يمكن كاتعوض فرحة همس .. حينت داك الوقت ملي زوجاتها ل ولد عمها.. ماكانتش مرتاحة و كانت غاتبعد.. اما دابا ف بنتها غاتبقا ف جنبها.. و حتى همس كاينة حداها و عايشة مزيان.. من ديما كانت كاتمنا تشوفهم مزوجات و مرتاحات ف ديورهم و هادشي اللي وصلات ليهم اليوم ... طلعات البيت فين كانت ناعسة سمر.. و حداها همس حتى هي .. و ذكرى باتت ف بيت جداتها.. اليوم نهار الحنة .. داكشي باش باتو مجموعين.. 

هازة ف يديها مبيخرة.. ريحة العود عاطية منها .. حلات الشراجم و بدأت كاتفيق فيهم ... 

خديجة: هااامس... همس.. سمر ... ويل الشيطان.. نوضو خلاص الظهر قرب يوذن و نتوما مازاال خامرات ليا هنا.... 

همس: حلات عينيها بشويا: امممم... انا راه عييت... كل نهار خش نفيقو بكري .. و نبقاو نهار كامل جري عليا نجري عليك ... 

خديجة: وا سلكي ا بنتي .. مابقا قد مافات.. نوضي و نوضي معاك عروسة آخر الزمان.. العرايسات هذا شحال كانو ماكايجيهمش نعاس.. هازين الهم و خايفين من حياتهم جديدة .. و ختك نتي .. كاتطيح كي الميت.. و تصبح ناعسة.. 

همس: ههههه ا ماما راه عهدكم ماشي هو عهدنا ... غي سيري كملي شغالك و حنا غانزلو.. 

خرجات خديجة و فيقات همس سمر اللي كانت معصبة و طالع ليها دم من اللي وقع فالعشا البارح... طرفو حالتهم و جمعو اش خاصهم الحمام..لبسو جليلبات ب راندا خفاف.. و نزلو مشادين.. لقاو دنيا مقربلة و العائلة بدأت كاتجمع.. و جاز حتى عائلة باهم اللي ماعندهمش معاهم.. عطاوهم خو صوابهم.. فطرو و ناضو قصدو الحمام التركي فين كانو مريزيرفيين.. و مشاو غي بوحدهم مابغاوش قوة البشر و الصداع على والو ... 

دارو حمام العروسة.. من مساج و كوماجات و تهلاو فراسهم مزيان.. خرجو من تما كايضويو و طاح عليهم سر .. واخا سمر كاتعيا تقسح قلبها و تفكر اش دوز عليها.. إلا أن شي حاجة فيها كاتخليها تفرح .. صعيب تكرهي شي حد كنتي كاتبغيه. وهادشي اللي واقع ليها.. اااه غضبانة منه و بزااااف ولكن ماقادراش تكرهه و انه غاتولي على اسمه اليوم بالليل كايخليها تفرح بلا ماتشعر.. 

كانو جالسين ف صالون.. كل وحدة مادة يديها كايصايبو ليها... 

سمر: عرفتي ا همس .. خايفة.. معرفتش مناش.. 

همس: ماعندك مناش تخافي .. ربي معاك و كلشي غايدوز مزيان.. 

سمر: كيفاش غادي نولي مراتو مور غاع هادشي اللي دار ليا

همس: هادي هي دنيا .. كاتلعب بينا كفما بغات.. شحال من حاجة عمرنا فكرنا اننا نديروها.. كايجي نهار كاتلقاي راسك درتيها.. ماحدك عايشة و كل مرة كاتعيشي حاجة جديدة .. و الحمدلله ربي وقف معاك .. و هانتي غاتصلحي غلطك.. و داك الساع فكري مزيان قبل ما تديري حتى شي خطوة..حينت زربة اللي فيك هي اللي وصلاتك ل هاد المواصل 

سمر:عاااارفة ولكن هادشي دار ليا العقل .. و عمر داوود مايعاود.. 

قاطع كلامهم صوت امرأة موراهم.. تلفتو و كانت سامية.. لابسة جلابة حتى هي و لايحة شال على رأسها.. ابتاسمات ليهم بفرحة و هي كاتشوفيهم.. 

سامية: أسماء ماقدراتش تجي.. عندها شي خدمة .. 

همس:ماشي مشكل..فالعشية أن شاء الله غانتلاقاو.. 

سامية: و مال عروستنا ساكتة .. هي حشمانة.. 

شافت فيها سمر حشمانة نيت ولكن ماشي من انه هي عروسة ..لا حشمانة من انه عارفة اش وقع بينها و بين اياد .. 

قربات عندها سامية و شدات ليها ف يديها .. 

سامية: واخا بيت ندوي معاك ا بنتي .. غي خمسة دقايق .. 

ناضت سمر .. و مشات هي و سامية ل واحد صال خاوية .. 

دخلو و جلسو.. و كل وحدة حشمانة من الآخرى.. 

تنهدات سامية و جبدات شي أوراق.. 

سامية: عارفة اش داز عليك .. و عارفة باللي اللب مايتسمى ضحك عليك و تفلا عليك و مادار بوجه تاواحد.. و غطس لينا ريوسنا ف الغيس.. اش غانقوليك.. اللي قلتها ماغاتعوضكش.. كون كان بيدي كون غززت ليه عظامو.. ولكن وقع اللي وقع .. و دابا خس الغلط يتصلح.. و الحمدلله غاتزوجو..

قاطعاتها سمر: انا مابغيت منكم والو.. و حتى هاد زواج راه غي شكليات.. و عمرني غانحسبو راجلي.. كيفما غانتجمعو خوت غادي نتفارقو خوت .. و ديك الساع كل واحد غايمشي ف طريقه.. 

سامية: و حتى انا ا بنتي ماغانعارضكش.. نتي عارفة.. و مانقدرش نتدخل ف قراراتك ولكن .. حتى انا عندي شروط.. 

خنزرات فيها سمر: اشمن شروط كيفاش .. 

سامية: نتي بغيتي طلاقك... و مابغيتيش هاد زواج يطول.. ولكن مايمكنش تخرجي من هادشي كامب بلا حمص.. ضايعة من جميع جهات.. و انا و نتي عارفين مجتمعنا ماكايرحمش المرأة المطلقة.. داطشي باش انا جيت باش نضمن ليك حقك .. نتي بغيتي طلاق و باش طلقي خسك تقبلي شروطي.. 

سمر:كيفاش . .انا مابغيت والو منكم 

سامية: أول ما غادي طلقو.. غادي يولي عندك نصيب ف شركة كيفما هو عندو.. و الجنسية ديال ألمانيا... هادو أبسط حاجات نقدرو نديروهم ليك .. 

سمر: بانفعال: انااا مابغيت والو منكم ... انا مابعتش شرفي باش ناخد على ودو المقابل.. 

سامية: و شكون قالبك هاد الكلام .. هادا حقك .. حقك ف شركة و جنسية ألمانية.. هادشي ماعندوش علاقة ب شرف و لا شيحاجة.. هادشي.. حقك نتي.. المهم مانزيدش نعطلك كثر .. (حطات ليها الاوراق ف يديها) .. هاهما فكري مزيان عاد قرري.. ماتضيعيش فرصة بحال هادي.. و كيفما كانتمنا الخير ل بنتي راه كانتمناه ليك حتى نتي.. و كيفما كانطمح باش نضمن ل بنتي مستقبل مزيان حتى نتي بغيت نضمنو ليك ...

خرجات سامية و بقات سمر جالسة.. عقل كايديها و آخر كايجيبها..و لكن فاللخر خدات قرارها.. لقب مطلقة لقب صعيب بزاف.. خصوصا ف مجتمعهم.. باراك غي همس اللي ل دابا كايهزوها و يحطوها بيه فالعائلة واخا تزوجات حسن من داك عيفة الرجال ديال الياس ولكن هادو هما حنا ماكاينش لاش ندرقو الشمس بالغربال.. داكشي باش وقعات فيهم .. خباتهم و ناضت تكمل شعرها.... 

دازت الحنة ف اجواء زوينة .. شطحو لعبو نشطو و دارو العقد .. سامية فرحات مللي سمر وقعات الأوراق و تمنات ليهم الخير و انهم مايزربوش و يعطيو فرصة ل رأسهم و يحاولو ينساو و يبداو صفحة جديدة ولكن سمر كانت متشبتة ب قرارها... 

و كيفما دازت الحنة داو العرس ف احسن اوطيل ف وجدة .. ماخلات مالبسات.. ها الشمالية ها الوجدية ها الفاسية... الماكلة كذلك ..كلشي فاخر.. طرطقات للعائلة عينيهم و خلاتهم لا حالين فمهم مالقاو مايعيبو.. و حتى هي جات زوينة و طاح عليها سر و رمات ورا ظهرها أي حاجة تقلقها و عاشت اللحظة.. اما همس .. ماخلاهاش سي سيد تحرك من حداه.. كايجيب ليه الله كلشي حاضيها و مقابلها غي هي .. و ماكذبش.. ب جمالها خلات غاع العينين مقابلينها.. حركاتها هضرتها.. كلشي فيهاكايخليه يزيد يغرق ف حبه ليها كثر و كثر .. 

كانو واقفين كايمسحو دموعهم من مور فاش سمر و اياد مشاو باش يرتاحو قبل ما توصل وقت الرحلة ل برازيل.. كيفما كانت كاتمنا سمر و حققها ليها اباء و كانت هدية عرسهم.. 

كانت همس هازة جلايل تكشيطتها.. و مخشية ف كتف اباء كاتبكي و تنخصص.. 

اباء: اللي شافك يقول غادي تمشي بمرة.. راه مشاو غي ل شهر العسل و راجعين.. 

همس: هئ هئ و لا سكت نتا ماعندكش القلب ماكاتحسش.. 

اباء: اييه الالة شكرا.. ماعنديش انا القلب .. و سكتينا باراك .. طيبتي عينيك.. 

همس: اهننننن و راه ماشي ل خاطري.. كايخرجو بوحدهم.. 

اباء: يا ربي تصبرني.. همس رجوع الله 

قربات عند وذنيه و نطقات بشويا: راه كاينزلو بوحدهم.. و عرفتي شكون سباب.. 

هزات يديها و حطاتها فوق كرشها.. 

همس: ولدك ا سيدي بدأ من دابا ... داكشي باش وليت بكايية.. 

شافتو ماجاوبهاش و هي تهز فيه عينيها كان مصدوم و ساهي.. 

همس: ويلي اباء .. مالك 

اباء: فاق من سهوتو و عينيه بداو كايلمعو و ابتسامة زينات وجهه: و.. واش واش كادوي بالصح 

همس: هههه و علاش غانكذب عليك 

ماخلاهاش تكمل هضرتها عنقها كايدور بيها فرحان و الناس كايشووفو فيهم و يضحكو.. 

نزلها قبل ما دوخ ليه تما.. فرحان و كايحمد الله و يشكره على النعمة اللي عطاه.. باسها ف جبتها و عاود عنقها مامتيقش.. اما هي استحلات التعنيقة كاتشم ريحتو...

↩↩↩↩↩↩ بعد مرور 20 سنة .... 

ف نفس الفيلا الكبيرة د واليدين اباء ... باقي نفسها غي اصلاحات بسيطة اللي ضافوا ليها ... ريحة الماكلة عاطية منين و لين ..و ريحة العود و البخور كذلك ...طرب الاندلسي و الملحون مطلوقين و البيبان كاملين محلولين... 

ف بيتها... وقفات قدام لمرايا الكبيرة... شافت القفطان الازرق و اللي مخيط بالنقري.. جاها هو هداكمع فصالتها.. شحال هادي ما لبسات البلدي ... شجعات شعرها اللي لونو ولا قريب ل لون العسل ... طويل و كثيف و باقي محافظ على نعومته.. مغطي ظهرها.. ماكياجها خفيف و هادئ كايعكس شخصيتها.. مسالمة و طيبة و متواضعة.. محبوبة و اجتماعية.. كلشي عزيزة عليهم.. ابتسامتها ماكاتفارقش وجهها و كاتهديها لأي واحد شافتو.. ماكاتعرفش اشناهو الحقد و لا الحسد. .. و وقتها كلو عاطياه ل خدمتها.. 

عويناتها الزرقين انعاكسو على القفطان و خلاوها تبان ف أبهى حلة... هزات رأسها و طاحت عينيها على كادر كبير معلق فالحيط... بلعات ريقها و حاولات تقوي راسها ولكن دموعها خانوها.. تعلات على قرون صباعها و خداتو.. جلسات ف طرف سريها و حطاتو قدامها.. دوزات عليه ب حنان ب صبيعاتها.. و نزلو دموعها وحدة مور الآخرى... 

رجعات بيها ذاكرتها ل سنين دازو.. شحال ما حاولات تكون قوية .. هاد الحدث بالضبط اقوى منها بزاف .. مسحات دموعها بزربة ملي تحل الباب... 

بتاسمات واخا عينيها مدمعين و حلات يديها ليها.. 

جات عندها سمر اللي ماغير فيها الزمن والو.. باقي كيفما كانت.. رشيقة و زوينة. شعرها الاسود قصير و مصفف بإتقان.. ملامحها جدابة و ماغير فيها الكبر والو. لابسة قفطان اخضر ملكي و دايرة شال على كتافها... 

عنقات ذكرى اللي طلقات العنان ل دموعها و هي مخشية ف حضن خالتها الدافي.. حضن شبيه ب حضن أمها. علاش لا و خالتها هي امها الثانية .. و هي اللي عوضات هاد الحرمان اللي كاتحس بيه من نهار وقع الحادث.. هادي ست سنين.. كانت يالاه خدات الباك ديالها.. و كان الصيف.. و كي كل عام همس و اباء كايبغيو يسافرو بوحدهم واحد المدة و ينفاردو ب ببعضياتهم عاد يرجعوا و يسافرو مع وليداتهم.. و كلشي كان عارف قداش كايبغيو بعضياتهم و شحال صبرو و ضحاو.. و ديما ف فمهم كلمة وحدة أن حتى الموت ماغاتقدرش تفرقهم..و داك الصيف .. كانو مسافرين ب سيارة و قدر الله و ماشاء فعل ..وقع ليهم حادث سير خطير .. توفاو فيه بجوج بيهم .. خلاو من موراهم قلوب مكلومة.. قلوب أقرب ناس ليهم .. ولادهم بجوج ذكرى اللي كان عندها 18 عام و عمرو.. ولدهم الثاني إلي كانت عندو 14 سنة ... الفاجعة كانت اقوى متهم و شحال عاد قدرو يتأقلمو مع الوضع و يتقبلو قضاء و قدر الله .. و من داك نهار و هما عايشين مع سمر و اياد .. و بنتهم مسك... سمر و اياد اللي مابقاوش تفارقو.. مللي كملو شهر العسل ف البرازيل.. خداها اياد ل عمرة .. و تما واعدها قدام الله ف احسن مكان فالعالم .. ف بيت الله ف مكة المكرمة.. انه كايبغيها و انه ندمان و قابل أي قرار غاتاخدو و باغي غي تسامح ليه .. بطبيعة الحال هي جرجراتو مزيان ولكن فاخر المطاف خلات قلبها اللي يتصرف و كملو حياتهم .. و رزقهم الله ب بنت سماوها مسك ... 

بعدات ذكرى من حضن سمر .. و مسحات دموعها ب يديها ...

سمر : (تنهدات ) شحال كانو كايتمناو يكونو ف جنبك اليوم .. يقدموك ب يديهم ل راجل اللي بغاه قلبك و ختاريتيه.. ولكن انا أريد و انت تريد و الله يفعل ما يريد .. 

ذكرى ب صوت مخنوق: و نعم بالله .. ربي بغاهم.. و انا راضية .. واخا صعيب انه فقدناهم بجوج دقة وحدة ولكن تحققات امنيتهم و الموت حتى هي ماقدراتش تفرقهم.. ماتو بجوج و تدفنو ف نفس البلاصة و ف كل صلاة كاندعي معاهم برحمة و المغفرة و ربي يجعلهم أزواج بالآخرة كيفما كانو ف دنيا .. 

سمر: امين يا ربي امين .. 

ذكرى: خالتو فينها مسك 

سمر: راك عارفة البيرمي قالب ليها رأسها.. من اللي كملات 18 عام و هي كاتحلم تشدو و راك عارفة اليوم عندها الامتحان.. 

ذكرى: اوا الله يسهل عليها .. 

سمر: الله يرضي عليكم كاملين و يسهل عليكم كاملين ..تمنيت كاكون كان معانا عمرو اليوم ... 

ذكرى كاتحاول ماتبينش انها مقلقة من هاد الموضوع: الامتحانات ماخلاوهش يجي .. ندمت حينت طاوعتو و خليتو يمشي يكمل قرايتو ف بريطانيا.. كون بقا هنا حدانا و قرا داكشي اللي قريت .. على الاقل يهز معايا الحمل شويا .. من جهة الشركة و من جهة المنتجع ديال ماما الله يرحمها.. و الفروع ديالو اللي كاينين ف مراكش و أكادير و طنجة ... 

سمر: ربي عوين و ابنتي ربي عوين.. و انا واخا جلست من الخدمة راه كانعاونك من بعيد 

شدات ليها يديها و باستها: لهلا يخطيك علينا.. نتي و عمو إياد ف مقام بابا و ماما . ماخليتوناش نحسو بالفرق و عاملتونا بحال مسك.. 

سمر: اش هاد الهضرة.. راني ماماك ثانية.. و نتي بنتي و عمرو ولدي و ربي عالم بمعزتكم قداش ف قلبي... 

قاطع كلامهم صوت دقات خفيفة بالباب.. تحل و تحل معاه فمهم مللي دخل عمرو .. عام هدا ماشافوه.. تبدل بزاف .. طوال و صحاح كثر .. حتى لحية ولات عندو و ماباقيش غادي تعايرو بيها ذكرى... هاز ساكادو ف يديه.. لاحو و مشا كايجري تلاح ف حضن اخته معنقها.. و حتى هي محاوطاه ب كل قوتها ... 

ذكرى: ياك قلتي ماغاتجيش.. 

عمرو: على انا نقدر نضيع خطوبة اختي الوحيدة... 

ذكرى: توحشتك..توحشتك بزاف ... 

عمرو: حتى انا .. توحشتكم كلكم .. و توحشت البرهوشة ديال مسك ... 

سمر: ههههه باقي ماغاديرش عقلك .. 

عمرو: باسها ف يديها: حتى ديرو البرهوشة ديال بنتك ... 

بعد مدة قليلة.. كانو كلهم فالصالون التحت.. جالسين ذكرى جنب خطيبها..عمران.. اللي كان من أشهر الأطباء ف البلاد.. و اللي دامت علاقتهم عامين.. قدرو اخيرا يتوجوها بزواج... ف جنبها الاخر اياد اللي حتى هو مابدل فيه العمر والو .. و كل شويا كايتشرط عليهم و ماساخيش انه يعطيهم ذكرى ... و فالجنب الآخر جالس عمرو لابس شوميز كحلة و سروال حتى هو كحل .. مرجع شعرو الاسود اللور و عينيه زرقين بحال ختو و بحال اباء .. و حداه جالسة مسك ... شعرها طويل حتى هي اسود .. و ملامحها زوينة كاتشبه ل ماماها . . و كل شويا كاتنفخ و تسوط.. ماحاملاش عمرو اللي رجع و غايرجع يتحكم فيها و يحرم عليها الحياة اللي عايشاها طول و عرض ... 

زغرتات سمر .. و ركبو الخواتم اخيرا .. فرحانين و عندهم امل انه الأيام الجاية غاتكون حسن بزاف مللي داز.. 

النهاية

و هادي كانت نهاية قصتنا.. قصة اثرات فينا بزاف .. حينت كانت موخودة من الواقع ... من قصة حقيقية.. حاولنا نوصلو فيها عبر كثيرة.. انه الحياة كلها مفاجآت. حتى حد ماعارف شنو غايوقع غدا .. ولكن واخا هاكاك خسنا نبقاو متشبتين بيها و مخليين ايماننا بالله كبير .. و كيفما عطاتنا بظهرها غايجي نهار تعطينا بوجهها و تفتح لينا بيبان الخير .. عارفة شحال من وحد فيكم ماغاتعجبهوش نهاية .. ولكن كيفما قلنا القصة واقعية.. و ماشي الموت هي نهاية الرحلة .. لا .. هما خلاو ثمرات حبهم.. ولادهم اللي غايخلفوهم.. و خلاوهم شاهدين علة عمق علاقتهم و قوة حبهم اللي الموت و ماقدراتش تفارقهم.. كانتمناو تكون قصتنا خفيفة على قلبكم.. خلات ف ذاكرتهم ولو غي ذكرى بسيطة.. كانتمناو نكونو قدرنا نتوفقو و نوصلو ليكم مشاعرهم و إحساسهم.. انه ماجاكمش الملل و ماحسيتوش بالأحداث مخربقة و مملة..