تصدم و ماعرف اش واقع.. داخ و هو كايوشفها قدامه دموعها شلال و صوتها بح.. خرجو منها و زاد الدم كاينزل كثر.. طاحت هي على وقفتها جالسة فالارض و ماقادراش تجمع رجليها عندها.. شعرها مغطي وجهها و عرقانة.. كاتنين و تبكي بصوت خافت.. ماقادراش حتى تحرك يديها بحال عطاوها العصا..
تحددر عندها اباء يسولها اش هادشي و كيفاش باقي فييرج.. ولكن دفعاتو بغاع الجهد اللي بقا فيها.. و بدات كاترعد و تبكي و تغوتو تشهق حالتها تشفي العدو: بععععععععد مني.. كلللللب. هئ هئ حمااااار... هئ هئ كااانكرهك.. (صوتها كاينقص حينت جهدها تسالا) كانكرهك الشماتة الحمااار. خرجتي عليا بغيت ربي يخرج عليك.هئهئ...
قرب ليها بغا يشد ليها يديها باش تنوض حينت خايبة عليها الارض..
همس: كاتشوف فيه ب عينيها حمرين كي نقطة ت الدم: ماااااتقيسنيش ا عباد الله.. ماتمسنيش و ماتحااادينيش ب يديك الموسخين..
مشا هو مسح و لبس شورط و رجع عندها لقاها كاتحاول تنوض توقف ولكن خواو بيها رجليها و جهدها حتة هو.. و جات طايحة ماعاقلاش على شنو داير بيها.. خطفها دغيا قبل ما تزدح مع الارض و لواها دغيا ف ايزار و هزها بين يديه.. خرج من البيت كايجري و يسب.. حل باب الدار١و خرج طاير.. و هادشي كامل داز قدام الخدامة اللي كانت حاطة يديها على فمها.. غي خرجو و هي تمشي كاتجري البيت تشوف اش وقع فيه.. بأن ليها الدم فالارض و ملابس داخلية ديال همس فالارض و بوكسر اباء. تصدمات كثر.. و خرجات من تما راجعة لبيتها..
فالمشفى... دخل مخنزر و خاسو في معا من.. مابقا فاهم والو.. كي طرا و جرا ووكيفاش حتى استسلم ل نزواته و هوواللي كايقول كايكرها.. و كيفاش هي باقا بنت باك عامين هادي و هي مزوجة.. مطارق بزاف فراسو و ماباقي عرف اشمت اتجاه يشد.. شافوه ممرضات هاز همس غايبةو جاو كايجريو عندو خداوها و حطوها ف ناقلة..و هو تابعهم.. دخلوها ل واحد الغرفة و بان ليه طبيب داخل.. غوت حتى قفز كلشي تما. وبدا كايهللل: بغغيييت طبيبة.. الى ماكانتش حتى قواد مايحط يديه فيها..
الطبيب: كايحاول يهدنو: سيدي تهدن.. راه بحال بحال.. شوف حالتها راه كاتزاد تكفس.. خلينا نديرو خدمتنا..
و حينت اباء قسح من راسو ماكاينش ماقدرو يديو منه لا حق لا بطل...
و خلاهم يحضرو ليه طبيبة اللي خنزرات فيه و خرجاتو و بدات هي فحصها.. بعد مدة تحل الباب و خرجات كاتحيد الكمامة على فمها.. و بان ليها كايمشي و يجي معصب.. في لمحها و جا قاصدها مخنزر..
حتى هي ماكانتش من العاكزين و بادلاتو نفس التخنزيرة: شكووون هاد الوحش اللي دار فيها هاد الحالة
اباء: علاش اش وقع ليها؟؟
الطبيبة: البنت باقي اول مرة.. و الطريقة باش فض ليعا البكرة غاااالطة.. كانت تقدر تسبب ليها ف نزيف حاد .. لولا لطف الله و جبتيها بكري..
اباء: اححم و دابا كي بقات نقدر ندخل نشوفها..
الطبيبة: مااااخسهاش تدير شي علاقة حتى يبرا الجرح مزيان.. و راه كتبت ليها شي كريمات و ما باش توضا و مسكن.. و راه عطيناها إبرة مهدئة.. ماغاتفيق تاب الصباح.
ماداهاش باقي ف هضرتها و دخل مدرم للبيت فين كانت ناعسة.. وجهها دغيا ولا شاحب و شعرها الاسود مغطي المخدة. حاطة يديها اللي فيها سيروم فوق كرشها و كاتنفس ببطئ..
قرب حداها و تحنا ضم يديها عندو و باسها بوسة طويلة تنهد و قال: اش باقي مخبية عليا ا همس.. علاش نتي باقي بنت و كنتي مزوجة.. اش واقع.. اش قصتك..
بقا معاها حتى قربات تشرق الشمس..
و رجع لدارو.. دخل و مشا لبيتو و دغيا رجعو ليه عله الأحداث.. و كيفاش كانت خايفة و مخلوعة و مللي وقع اللي وقع و كيفاش تحولات من البنت الهادئة الحشومية.. ل وحدة شرسة.. و متمردة..
تنهد و دوش.. بدل حوايجو و هز ليها هي حوايح.. و خرج تاني.. ف طريقه جاه اتصال علموه باللي عندو مشاكل ف شركة بالمغرب..
دخل عندها للبيت و لقاها فايقةو كاتشوف فالفراغ نظرتها باردة عكس كي كانت قبل.. هو قتل فيها اي حاجة زوينة..
اباء: ماااعندك فين تمشي رجلي ب رجلك حتى نفهم هاد الخرا كامل اللي دايرة مورا ظهري.. و نوضي تكعدي تلبسي .. الصباحة لله..
همس : ماعندك ماتعرف.. ياك انا عاهرة و موسخة و رخيصة. اول هانتا خديتي اش بغيتي و حليتي ليا الطريق باش حتى هما يديرو بحالك..
جهلاتو و كان غاينزل عليها بدقة تفقدها الذاكرة و لكن ضربها فالحيط فاخر لحظة..
و غوت: غاااتنوضي تلبسي ماغانعاودش هضرتي جوج خطرات.. نوضي باقي تابعانا الطيارة للمغرب..
خرجات فيه عينيها و حاولات تجلس و لكن ماقدراتش.. تصدمات كيفاش المغرب و كيفاش الطيارة و السفر.و هي باقي حتى ماتقبلات هادشي اللي وقع ليعا البارح..
.......... ف بلاصة خرا و بالضبط ف المانيا عند اسماء اللي جات هي و خوها اياد.. يالاه وصلو و طلعات لبيتها باش تنعس و تستاراح حتى صدمتها الخدامة باش وقع ف غيابها.. اش وقع بين همس و اباء.. نزلو دموعها و بدات كاترعد بالاعصاب.. هزات حوايجها اللي باقيين مجموعين.. و نزلات كاتجري و ماكرهاتش اللي يهزها و يحطها عندهم ف بلجيكا...
نزلات ودموعها شلال على عينيها وقلبها مزير عليها وهي كتشوف لي تعبات وتحملات شلا صوالح كيضيع بين يديها ..وصلت لباب وهي يتم داخل إياد بابتسامتو كيهدر فتيليفون ..شاف ختو فديك الحالة وهو يقطع اتصالو بعد معتاذر من حبيبتو
إياد:بيرو شوية ونرجع نهدر معاك..(شاف فأسماء شد ليها وجها بين يديه بحنان )مالكي علاش كتبكي؟؟؟(شاف شنطة فيدها) فين غادية بهادي
إياد عنقها وكيمس على ظهرها :دخلي دبا ...وفهميني شنو واقع معاك ..(دخلها وهي مستسلمة بين يديه جلسو فوق كراسة مداورين على طبلة زجاجية) كنت شاك من تصرفاتك واقعة شي حاجة ..شنو عندك
اسماء كتحرك راسها بنفي وهي كاشوف فرجليها ..إياد طلع ليها راسها وتقابل مع عينيها
إياد:كيفاش همس ..وشكون قالك هو معاها ..واش من نيتك تيقتي إباء يرجع يشوف فهمس ..على اساس نتي مشفتيش لي داز عليه
اسماء:لخدامة ديالو شافتها عندو فدار
إياد بانفعال دفع الكرسي وناض كيمشي ويجي حداها :هاد شك ديالك هو لي غادي يخرج عليك .. غير قالتها ليك الخدامة تيقتيها ...وعلاش نتي دايرة عليه المراقبة من الاساس...(تنهد ومسح على راسو ) اسماء نتي وانا عارفين مزيان وعشنا معاه لي عاشو من بعد متفرق عليها ..وهو دبا خاطبك وفضلك نتي على بزاف ...فخوي بالك من تفكير الخاوي ديالك ...متخنقيهش باش ميطفش منك ..
اسماء:خويا هو ...
إياد قاطعها بحزم:هو الا كره وتخنق منك ..كوني اكيدة انا غادي نأيدو فقرار الانفصال عليك ...خدمي عقلك وكسبيه لصفك ..كوني ثايقة فيه ماشي اي خبر تيقيه عليه ..طلعي دبا وارتاحي..
مطار بروكسل دولي ...كانت جالسة فقاعة الانتظار كتنتظر فرصة تهرب بيها ولكن معامن هي عينيه مفارقتهاش ويدو مشابكها مع يدها بامتلاك خاص ..فظرف نصف ساعة كان كلشي مقاد وجالسين فطيارة اختار جيهة رجال الاعمال باش يكونو مرتاحين ومنها عندو فاش يهدر معاها ..غير طلعة دارت ليزيات طلقات الاغاني منخلاتو بحالي مكاينش واصلا رجعات كتقزز منو ومن راسها كلما جات فبالها ديك لحظة لي ستسلمات فيها لحظة ...لي كانت نقطة باش داك صرح المنيع تهرس ..هو لي كانت مرتاكزة عليه وعوالة نهار ترجع لواليديها بيه يكون دليل برائتها ثابت ..دبا اي حاجة تقولها ولا تعاودها دبا مستحيل يثيقوها ..غير ما غادي يزيدو يكرهوها كتر وكتر ...بقات ساهية كتفكر وتسمع الاغاني حتى بدات الاغنية لي مسات فقلبها ..واااه من ديك الاغنية لي كتقلب المواجع على الأحبة ..احساس شيرين كان بحال نقش على الوتر الحساس..عاشت مع كل كلمة ..وكأنو الاغنية كانت رسالة ليها ..باش تعلمها بلي مهما دارت وحاربت قلبها ملكو هو وحدو
♬♬♬
: كده يا قلبي يا حتة مني يا كل حاجة حلوة فيا
: كده هتمشي و تسبني وحدي
: في الحياة و الدنيا ديا
: يعني خلاص انا مش هشوفك ثاني
: مش هلمسك
مش هحكي ليك عن حاجة تعباني
: كنت روحي لما كان جوايا روح
: عمري ما تخيلتي انك يوم تروح
: مش فضلي منك غير حبة جروح
: مع السلامة يا حبيبي و بأمان
: عمري ما هقول يوم عليك
: ماضي و كان
: عمري مانسااا مهما طااال بياااا الزمااان
♬♬
نزلو دموعها بلا هواها كتشهق وتندب فخاطرها احساس ضعف من جيهتو هو على جنبها عزت عليه يشوفها هكذاك ظور يدو على كتفها وجبدها عندو طلعات عينيها فيه حومر بدموع مخنزرة فيه وبصوت بحال رعدة صدماتو فيها خلات لي جالسين حداهم ينتابهو ليهم
همس بدارجة:متقيييسنييش (دفعت يدو) بعد مني
إباء جمع قبضت يظو وكرز على سنانو بصوت خافت عند وذنها :صوتك ميعلاش..مراحناش فدار
همس بصوت خافت ومخنوق:فدار ولا فلقبر ان شاء الله لي بغيت نكون فيه اليوم قبل غذا نرتاح منك ومنهم ..
إباء شاف فيها ودور وجهو غمض عينيه شافتو هكذاك معلابالوش ..ممسوقش المشكل لي هي فيه تقول معندو احساس متجاهل دموعها..حطات راسها على زاجة كتشوف فسحاب ...وقت قصير كانو فمطار وجدة انجاد ...تفكو مع لي تما وخرجو لقاو فالاستقبال صاحب إباء "عمران" كيستناهم تسالم عليه سلام رجولي وعناق حار ...ومد يدو لهمس رحب بيهم وركبو معاه همس لور حشمانة وكتاكل فظفارها وإباء وعمران كيتساولو على بعض وضاحكين وهي زي الاطرش في زفة حتى سمعات إباء نطق
إباء:وخوذنا لشي اوطيل اصاحبي راه مغاديش نطول هنا
عمران:اوكيل و داري كاينة وحق الله متحشم اصاحبي ...والله من غير فداري مراك جالس فقنت ..وسدات الهدرة
إباء:ولايني حتى نتا بروصي اصاحبي ...وبلا منديرونجيوك نتا والمدام
عمران خنزر فيه:وبلا الهدرة الخاوية الصاحيب ..وزيد عليها المدام تتوانس مع خطيبتك..نتا يا الكدار غادي دوزها خدمة والبنت تجلس بحدها ..وجهك ميتقشرش
هما كيهدرو وهمس غير
كتسمع وتتحسر على كلمة خطيبتك ....
وصلو لحي الاندلس كان حي من الاحياء راقية فوجدة ..وقفو حدا فيلا اليعقوبي ..لي كانت كتخص عمران دخلو وهو كيرحب بيهم دخلهم لصالون وخرج متاجه لكوزينة فين يلقى حبيبتو دخل لقى بنتو "شفا" كتلعب بطابليط ديالها شافتو وهي تلوحو ومشات تجري لعندو تشكيلو كيف عادتها من ماماها
عمران:مبغيتيش تتهداي عليها راه غادي نخسر معاك اهاجر
هاجر لي كانت كتغسل فشبكة وكتنفض فيها مع لبوطاجي دارت شافت فيه كتعيبو
هاجر:الحمد لله احبيبي ..يخليلي لي كيسول فاحوالي وهامو اخباري
بعدت عليه هزت بنتها ومشاو لصالون همس كدور فعينيها وحشمانة وباينة ممرتاخاش فالجلسة وإباء حداها متكي على لوسادة كيلعب فتيليفون بيد واليد الاخرى مدورها مور ظهر همس على لوسادة شاف عمران وهاجر داخلين تقاد فجلستو ونزل عينيها احتراما لصاحبو سلمات هاجر على همس وكتفات غير بسلام من بعيد لإباء(هاجر لمربية مكتصافحش كونو مثل هاجر هههه زوجي قرة عيني عمران لي جمعو عينيكم عليه هو لي من حقو يسلم ويملس كاع ههه) استأذنات منهم 10 دقايق وجابت صينية فيدها وناض عمران كيحط معاها شهيوات لي دارت حمرات ليه لوجه حدا صاحبو ...همس حدها هزات داك الكاس كتسلق بيه مصارنها غير حشمات من العائلة لي كترحب بيهم ....غير شوية ورجعو حطو لغذا لي حتى هو مخلاو ما حطو سلطة الروز وفواكه البحر من بعد البسطيلة ..هنا الاخت همس شدوها هوايشها نسات لي دايرين بيها همس وبسطيلة دجاج عشق لا ينتهي جلسات كتاكل وتستبن وتشكر فطياب هاجر ..من بعدها حطو اللحم مبخر بالبرقوق والاناناس المجفف وختموها بديسير مشكل ..جمعات هاجر وحلفات عليها همس حتى تعاونها وهي باغية غير تبعد من حدا إباء ...ناضو لبنات وهمس جلسات مع هاجر فالكوزينة عيات فيها تعاونها فغسيل لماعن ولكن هاجر حلفات عليها بقاو فلحديث تعارفي شامل ..مع هاجر فضولية سولاتها حتى على جد جدها اش سميتو ...تفاهمو لبنات بسرعة ...هاجر لي جلسات حدا همسكتسرح رجليها وتشوف فالبوطاجي لي مسطوكي بلماعن مغسولين جاتها شفا كلها مجلخة بالصباغة المائية
هاجر:اويلي على بنت لمسوفج لاخر ..اش لي سلطني على قبيلت بوك..احي يا لبنت لمفرخ ..اويلي على حالة
..(هزاتها كتقرص فيها واخذاها لدوش ) سمحيلي اختي نمشي نبدل لهاد لبلا لي بلاني الله ونرجع
خرجت كتسب وتعاير فبنتها لي طلقات لاسيران وهاجر كتسد ليها فمها باش تسكت قبل ميوصل غواتها لعمران ويجي ينوضها معاها فموضوع بنتو ميعرف لا ضياف ولا جيران ...همس خرجات من باب لكوزينة لجردة كتتفرج فيها وتضحك على هاجر وشكلها مع بنتها ...توحشات بلادها وبضبط دبا مدينتها ...دغيا تلاشات ضحكتها ملي تفكرات بلي هي وعائلتها دبا كتفصلهم مسافة قصيرة و وقت اقصر .... وهي كدور انتابهات لإباء وعمران جالسين فوق واحد طبلة معمرة وراق كيتناقشو فيهم وفطرف طبلة بلاطو ديال القهوة ..بقات كتشوف فيه وسهات فيه حتى كتحس بشي حاجة عند رجليها كتمحكك عليها هبطت عينيها كتشوف قطة صغيورة فالابيض وعينيها عسليين كيوت هزتها ودخلتها لداخل كتلعب معاها ...
هزاتها ف يديها كاضحك.. و عاودات حطتتها و بقات غادية موراها بحال شي بنت صغيرة.. هز اباء عينيه على غفلة و طاحت عليها.. بابتسامتها الساحرة.. اللي بين ليلة و ضحاها تحولات لملامح باهتة و لكن هاهي دابا ولات شوبا .. بقا متبعها و كايبتاسم معاها بلا ما يحس.. حتى عطاه عمران دقة على راسو..
عمران: وا العام الجاي.. وكض معانا العشير.. شتي المدام و نتا تلق ..
اباء: ديها ف سوق راسك .. شحال عزيز عليك تخشي ك** ف اي حاجة
عمران: اي اي.. رجعتي ل تخسار الهضرة تاني ... كمل الخدمة وكان كمل ..باش نوضو نمشيو للشركة راه الروينة تما .. دايرين السيبة ..
جابت ليهم هاجر قهوة كحلة بالعطور و ريحتها كاتشم منين و لين.. و حطات ليهم شويا ديال الفقاس و غريبة و الكعبة.. استأذنات منهم و مشات كاتقلب ب عينيها على همس . و لمحاتها جالسة مربعة فوق الربيع و حاطة فوق رجليها اامشيشة.. مشات عندها كاضحك و جلسات حداها..
هاجر: عجباااتك؟؟
همس: اااه كاتحمق .. زوينة بزاف .. اشنو سميتها
هاجر: ميمي .. هادي ديال شفا.. جابعا ليها عمران و راه هي عقلها..
همس: مللي كنت صغيرة كنت كانتمنا تطون عندي مشيشة و لكن ختي .. ( للحظة طاحت ختها و عائلتها ف بالها.. تفكرات حياتها.. و اللي زاد كمل عليها هو انها ف نغس لمدينة معاهم .. حاولات بزز تكبح دمعة قربات تطيح.. و كملات كلامها.. و لمن هاجر حسات بيها مخنوقة: .. اححم ختي كانت عندها الحساسية منهم ..
هاجر: امممم .. همس ..
همس: هااا نعام
هاجر:بغيتي تخرجي ؟؟
شافت فيها همس بملامح حزينة و تنهدات: ماكرهتش و الله ولكن اباء ماغايخلينيش.. و اصلا مااكاين لاين نمشي ..
هاجر: انا خارجة غي نجيب شي سخرة.. يالاه معايا.
اباء: ماغايبغيش اباء
هاجر: هاااء.. طاحت و صبناها.. نوضي ل بيت اللي وجد ليك بدلي عليك و اباء ضربيه على حسابي ...
هاجر: نتي غي خرحي هاد السوق.. راه معاك هاجر.. ههههه باقي ماعارفانيش اش كانسوا.. عندي ماضي اسود. راه عاد لقيتيني تبت الارض.. حتى قاداهم ليا عمران.. اودي الكلام كصير بيناتنا.. نوضي وكان نوضي ..
ناضت همس فرحانة شويا واخا خايفة مايقبلش اباء .. ولكن طمناتها هاجر ..
طلعات للبيت اللي صايبات ليها .. عجبها شكلو و كيفاش منظم و مرتب .. و ريحتو زوينة بزاف ..
حبدات حوايجها و لبسات كسيوة بيضا.. فوق الركبة شوبا .. و مفخفخة.. غي سميطات.. زاد فوقها ماب زرق مغلوق.. غب ف طولها نيت و لبسات ف لونه سباط بلا .. طلقات شعرها من بعد ما مشطاتو و دارت غي جلوز.. هزات ساك مربع برادا صغير و نزلات .. كاتهبط درجة و حاطة يديها على نحت كرشها.. كلما نزلات درجة كاتحس بحال نغزات تحتها.. غي ضابرة بزز للحريق.. شافت التحت و لقات هاجر حاضياهاو بحال شاكة ف شيحاجة ماشي هي هديك.. حاولات همس تدارك راسها و تنزل عاديواخا توعتات.. و كان باين على ملامحها..
نزلت عندهم اخيرا .. و كانو كانلين واقفين و اباء كايطلعها و ينزلها يتخنزيرات خطيرين..
هاجر كانت لابسة خيمارها فيه الماغون مغلوق و النواغ.. و ملبسة ل بنتها كسيوة غوز و دايرة ليعا غرينات و شادة ف يديها..
هاجر: يالاه مشينا
اباء: انا غانوصلكم..
عمران: اهاه و داك الطن ديال الخدمة شطون يكملو. حمار الطاحونة يمكن ..
اباء: راه مستحيل نخليهم يمشيو بوحدهم
نقزات هاجر : راه دغيا نرجعو راه غي قريب
اباء مخنزر: يا اما يمشي معاكم شي حد يا اما بلاش ..
اباء باقيغي كايخنزر فيها و حتى هي : اوطي مي الشبفور رجليكم ب رجليه..
عمران: اييه صافي غي برد .
سبقات هاجر هي ة بنتها و نعاهم عمران عاد همس اللي دازت من حدا اباء كاتخنزر و ضرباتو ب كتفها..
اباء: تفركعي نتي غاع .. حمدي الليه اللي خليتك تخرجي.. اما و الله لا عتبتيها..
ماجاوباتوش و خرجتت من الدار ..
ركبو فاللوطو اللور و اباء يدور دورة و يزيد بوصي الشيفور مايغفلش علبهم و عينيه عليهم خصوصا همس .. و عمرتن غي كايضحك علبه ..
تحرطات الطوموبيل و مشاو ل سوبيرمارشي.. و الطريق كاملة همس لاصقة فالشرجم و متبعة اي خاجة برة .. توحشت بلادها و مدينتهاعاد حسات بروحها رجعات .. بحال شي طير طان محبوس ف قفص و طلقو سراحو.. و لا شي تايه رجعوه ل بلاده.. وصلو ل فين بغاو و نزلو ... تقدات هاجر اش خاسها و بنتها محمقاها و كل شوييا كاتبغي ضربها و غي همس كاتحبسها..
كملو و عاود ركبو .. و همس بحال جالسة على العافية .. حسات بيها هاجر ز هي تنطق: اممم هموسة اش عندك.. خاساك شيحاجة؟ غي قولي ت حبيبة ماعندك مناش تحشمي ..
همس: اححم .. ب.. بغيت نمشي لواحد البلاصة ..
هاجر: اييه غي قولي فين و هو الاول نمشيو ..
همس: تنهدتت:بغيت نمشي ل ****
هاجر: اااه كاتعرفي شي حد ف هاد الحي..
همس: احخم ااه شي ناس من العائلة.. و مليي جيت جيت ندير معاهم صلة الرحم واها غي من الباب حشوما ..
هاجر: اييه درتي مزية.. صافي نمشيو ..
قالت العنوان للشيفور و ما هي غي 10 دقايق كانو واقفين قدام حيهم و بالضبط قدام دارهم .. باقي كلشي هو هو تاحاجة ما تبدللت.. تفكرات طفولتها.. مللي كانو بنات الحومة يتجمعو قدام دارهم حينت هي اللي جات فالقاع غاع و يلعبو .. تفكرات ايام كاكان عندها لا هم لا والو.. مللي كاتجي هي و اسماء .. اااخ الصحبة د اهر الزمان صاحبتها اللي باعتهامن اول مشكل وقع.. مللي كان اباء كايجيبها باللوطو.. و يحطها بعيد .. غاع الذكريات نزلو عليعا مرة وحدة كي الشتا .. ماباقي عرفات علاش تبكي و لا علاش تحزن ..
نزلات همش و هي قلبها كايزدح زديح.. تقول غادوز الباك .. و راه كفس كيغادبر تقابل والبديها و باشمن وحه غاتشوف فيهم . حاسة براسعا موسخة و لا قيمة .. ولاكن دابا دبحة و لا ربحة .. اللي ليها ليها.. الموت و الحياة هادي و ماعرفات شنو باقي مخبي ليهم الوقت .. اللهم تشوفهم داابا.
كاترمي هطوة القظام و خطوة الللور. نزية على ساكها ببديها بجوج اللي كايرجفو ..
دقات دقة خفيفة فالباب .. و عاودات الأخرى.. جاها صوت امها كاتقول شكوون.. حسات بقلبها تهز .. و معدتها تعقدات و كرشها تزيرات عليها ..
حلات الباب .. باقا هي هي . دايرة فولار على راسها و بيجاما طويلة و زوينة واخا كبيرة ..
ماماها اللي وجها تخطف منه اللون و ولا صفر .. كاتبلع ريقها .. و همس اللي الشوق و لحنين غلبو عليها بغات غي ترما ف حضن امها و تبكي و تفرغ كلما ضارها.. من ديما حضن الام هو الدوا..
ولكن وقع عكس ما توقعات.. سدات امها الباب دغيا و خرجات عندها مبعداها على الدار كأنها وسخ او عار ..
الام: لاش جايةة.. تكنلي الشوهة هاااا
همس: هئ هئ ماما.. ماما توحشتكم..
الام: راه يشوفك باك يقتلك .. حنا دفناك و درنا العزو. كلشي عارف بنتنا ماتت.. نطيحات بينا و مشحات بوجهنا التراب .. فقساتنا و طعناتنا و شوهات سمعتنا..
الام: سيري ا همس سبري قبل ما نشخط عليك حتى انا كي دار باك.. سيري ماقادين على مشاكل جداد.. بحرا ما نساو الناش فضيحتك..
قلبات وجهها امها و مشات بزربة قبل ماتضعف قدام بنتها حتى هي .. و دخلات و شدات الباب .. اما همس جهدها تقادا.. حاسة بقلبها كاينزف دم .. اصعب حاجة هي هادي .. منين تلقاها.. الدنيا عاطياها بظهرها من جميع الجهات.. مظلومة و ظلماتها الدنيا.. بقات بوحدها دابا لا حنين لا رحيم ..
مشحات دموعها اللي مابغاوش يحبسو .. و رجعات اللوطو.. كاتحاول تخبي فقشتها و قرحتها.. و هي كاتودع٢دارهم لاخر مرة .. ركبات و هاجر شافتها هاكاك و مابغاتش تحكر عليها .. عرفاتها زاقعة ليها شيحاجة ..
رجعو للدار و لقاو عمران و اباء ماكاينينش.. عتاذرات من هاجر و طلعات البيت . لبسات بيجامتهاو جلسات فوق السرير هازة تيليفون كاتشةف تصاورها ماماها و ختها و باها. و كاضحك مللي كاتفكر طرائفهم..
دغيا تقلبو ملامحها و بدات كاتبكي بالجهد و تشهق و تنخصص.. مابقاتش قادرة تصبر ..
حاسة ب قلبها شاعلة فيه عافية صعيب تطفا... اصعب حاجة هي تلقا ردة فعل من امك بحال هاكاك .. و نتي مادايرة لا بيديك لا برجليك .. امك اللي واخا تكوم غالط كاتجي منك و تدافع عليك .. الام اللي كاتهاف عليك من نسمة البرد .. و كاتحزن ضعف حزنط نتا اللي كان عندك شي هم . اللي الة غي ضربك البرد كاتلقاها ماتنعسش و لا تشوفه حتة تشوفك بخيير .. كاتخاف عليك من الشوك اللي ف الورد.. و ف كل ضلاة كاتدعي كثر ما كاتدعي مع راسها .. الام هي كلشي بالنسبة ليها .. هي الامان الحنان.. الى غي بكيتب ف حجرها كاتنسا هموم الدنيا كاملين .. و هي اليوم تبرات منها و عاملاتها كانها عار عليهم .. كانت بغات غي تحضنها و تشم ريحتها و لكن وقع العكس ... هكس تجمع عليها كلشي الحكرة الغربة الظلمة الوحدة حاسة ب كتافها خاويين .. ماكاين اللي يحميها.. واحد كايلوحها لآخر كانها كرة .. حتى اباء اللي كانت كاتشوف فيها منقدها هاهو ماخلاش من حقه ...
ناضت بلا عقل بدات كاتزف و تهرس اللي لقاتها.. كاتغوت بأعلى صوت .. كاتحاول بغواتها تخفف الضيقة و الخنقة باش حاسة ..
تشمع صوت الغوات و التهراس التحت.. طلعو كلهم كايجريو حتى اباء و عمران اللي عاد جاو ..
بدا اباء كايدق فالباب بالجهد و يقوليها تحل و لكت لا حياة لمن ينادي..
اخر حاجة سمعوها هي تهريسة ديال مرايا..
و الحس تقطع.. هاجر حطات يديها على فمها مخلوعة.. اما اباء ضافي ماقدرش باقب يصبر .. دفع الباب بجهدو كامل حتى تحل . و دخل مايجري كايقلب عليها بين الروينة اللي دارت فالبيت .. لقاها جالسة بين الزاج و هازة طرف باتجرح يديها.. طيرو ليها دغيا و بغا يشدها باش تنوض .. ولكن والو كاتدفع فيه و تغوت و تقمشه ف يديه.. خلاها على راحتها كاضرب فيه حتى تهدات و جهدها تسالا.. و تكات على كتفه كاتنهج و تنخصيصها كايخرج بشويا.. نوضها و سندها عليه.. و حطها فوق الناموسية.. غطاها و بقا متكيها على صدره و كايدوز على ظهرها بحنان حتى ترخات و نعسات..و عيتيه ولاو حمرين.. بغا يعرف اش وصلها لهاد الحالة. باينة الخرجة االي خرجو هي السبب.. بقا جالس هلى الشوك مابغاش ينوض و النعاس باقي ماشد فيها و هي كل مرة كاتقفز.. ولكن خسو يعرف من هاجر كلشي..فين مشاو و منين جاو..و معامن تلاقاو...
بقى مدة على داك الحال حتى حس بيها ترخات كتر وتنفسها انتاظم..قادها فنعاسها وخرج غير بلاتي باش ميديرش الحس ...هبط لقا عمران جالس هو وهاجر واحد يشوف فالاخر
هاجر:شوف راه كنقوليك لبنت عندها شي مشكل ..علاش مباغيش تفهم
عمران:شوفي نتي ها ودني منك يزن ليك داك راس ةديري فيها المفنش كولومبو راه نفرتك لمك لعظام
هاجر دورت وجها وبصوت خافت:سير سير كاع لي فلقبور نتا قتلتهم ..
دخلت هاجر على اخر كلمة من عمران حطت لبلاطو وتمات خارجة وقفها صوت إباء
إباء:ختي نسولك
هاجر بلعت ريقها ودارت لعندو كتشوف فعمران :ن..نن...نعام
إباء:واش مشيتو لشي بلاصة من غير المارشي؟
هاجر رجعات بتفكيرها لهدرت همس فطوموبيل
●○فلاش باك●○
همس:ختي نطلبك طليبة عفاك
هاجر:على الراس والعين نتي امري
همس بحزن:الا سولك إباء ..
هاجر فهمتها:كونك هانية ..حنا من غير لمارشي ما مشينا لفين
همس:شكرا بزااف
●○الحاضر●○
هاجر طلعت يدها حطتها على رقبتها كتحك فيها بتوتر وكتتلعثم فالهدرة :لااا ..لاا اخويا .غير..غير تقضينا وجينا..ما مشينا لفين ...اصلا معندنا فين نمشيو .مثلا ..مثلا زعمة نمشيو لشي بلاصة من غير المارشي ..ويلي لااا ..كاع مامشينا لفين
عمران حافظها عرفها كتكذب نقذ الموقف:حبيبة طلعي قادي بيت ضيفتنا
هاجروخا ..وخا ..نخملو ..وااه خاصو تخمال
عمران هزز راسو بلا حول لله:واه ..غير سيري (دار شاف فإباء لي كيحك فلحيتو وكأنو ممتيقهاش) ههه شفت المصيبة لي عندي
إباء:اودي كاع راه عندنا المصائب ..متنوضش نمشيو نديرو ليها شي كاس وتعيط لداك الكلب حتى هو يجي
عمران:حق مولانة لانتا باغي فينا الخدمة مع الحكومة ...بصح لي ليها ليها جمع الوقفة ..نباتو كاملين برا
هز عمران تيليفونو كيتاصل بصاحبو ونيس
عمران:افين الكلب
ونيس مخدم سبيكرفطوموبيل:وي لباطرون ياله لقيتني خارج من مرجان فين نتا ؟
عمران:صافي دارو ليك سيزي هه..شوف واحد ساعة ونتلقاو فتروكاديرو....قطع معاه وجمع لوقفة خارج هو وإباء من عند لباب عيط على هاجر بصوت مرتافع كيعلمها بلي خرجو...
وصلو لمقهى فين دايرين مع ونيس كان عامر مخلط بنات وولاد ودخاخن ديال الكارو مالية لمكان ولهراج ديال لي تما ..إباء تعصب اصلا محاملش راسو
إباء:قلنا لملتك نديرو كاس ماشي تجيبني هما نزيد صداع على صداع
هاجر:عادي موقع والو ..المهم نتي مزيانة دبا (تنهدات) نتعشاو باينة فيك جوع ...وصراحة انا جعت ومكنقدرش نجلس بلا ماكلة
همس:صراحة حتى انا
مشاو تعشاو وجمعو وجلسو على تلفازة
هاجر:ختي راه سولني على فين مشينا
همس بخوف:وقلتي ليه ..عفاك اختي لما قولي لااا
هاجر:لااا..لااا.قلت كيف وصيتيني ..بصح يمكن متيقنيش ...ودبا شوفي انا كنت رجولة معاك ياكي ..وحتى نتي موني رجولة وحكيلي اش وقع ..راه عارفة بلي عندك شي حاجة واحساسي ميكذبش
همس بتلعثم:لاا ما واقع والو ..انا غير مريضة شوية وصافي
هاجر نسات راسها ومبقا لا بريستيج ولا ضيافة:شوفي شفتي انا راه نطلعها وهي طايرة ..شفتي عمران والله ميقدر يكمل لكذبة حدايا راه كنفرشو ..ونتي دبا كتكذبي عليا ..والا مقلتيليش غير يرجعو نقوليه فين مشينا ياله
همس:الله يا ختي علاش كديري هكذا ..راه نتي معارفة والو
هاجرطلعت حاجب ونزلت الاخر:ها لي قلنا ..وقوليلي باش نعرف ..معرفتي نقدر نفيدك
همس شافت حتى عيات وعرفات مسالكاش تحكي ليها ولي ليها ليها ..بدات كتسرسر ليها كلشي حتى لديك لحظة لي جرات عليها مها دارت لقات هاجر دمعها على خذها محساتش حتى تعانقو وحدة تبكي على الاخرى وطلع همهم واحد تقول فولة ونقسمت نصين
هاجر:الله يا حبيبتي الله ..كاع هاد شي واقع ليك ..يعطيهم الساحق ورصاص المتلاحق...يعطيهم وجع لمرارة وانفلات فصريصرة ...بغيت ليهم ضر المر لي ميمشي ما يمر ..ديك خالتك بغيت ليها عذاب القبر و2000 جلدة فظهر ..وداك طليقك بغيت ليه يتفرقعو ليه الخصيتين ويجيه لحب فيه يا ربي بغيتو يبقى غير ناعس ليه ومل نهار ينقص منو حتى ميبقاش عندو ..وشفتي هاد إباء دبا صافي طلعلي فجني وكرهتو ..ولكن قوليلي واش بخفى على زين لقلدة لي عندي
همس:راه اختي عييت بغيت غير نرتاح صافي مبغيت لا عائلة ولا حب ولا زمر ..بغيت غير نبعد ونرتاح ..حتى حد مفكر فيا وحن فيا
هاجر بدات كتبكي:غير كتقولي هكذا فالاول كتحسي براحة ولكن مع الوقت كتتمناي غير تجلسي وسط عائلتك وخواتاتك وخا يشبعو فيك عصا مهم تحسي بيهم معاك ..ها انا حداك مقطوعة من شجرة وخا عائلتي كلهم غير حدايا ..تبراو مني حيتاش تزوجت لي بغيتو ..حمدي الله نتي بعدا بعيدة معندك فين تشوفيهم ..انا راه شحال من مرة كنتلاقا مع خواتاتي فلمارشي كيقلبو وجهم بحالي مكيعرفونيش ودبا فهاد ساعة كلهم مجموعين غير انا لي هنا معاك ...
همس بصدمة:دبا حتى نتي ...و علاش نتي يتبراو منك تبارك الله راجلك معيشك مزيان علاش مبغاووش
هاجر :هادي قصة طويلة ..غادي غير نزدليك الهم على همك
هاجر:وصبري وتفهمي ..لا زربة على صلاح...مهم كيف قتلك حنا خواتات متزوجين لخوت ...فالاول كلشي فرح لينا حيتاش تزوجنا حتى لنهار عرسنا الاول فاش سمح فيا عمران فالقاعة ...(ضحكة استهزاء) نهار عرسنا سافر لامريكا
همس خرجات عينيها:سمح فيك ..وعلاش
هاجر:عمران فالاول كان وقعلي معاه مشكل وتراهن عليا وبسباب داك رهان سمح فيا وخلا كلشي من موراه لمدة 5 سنين ..مات الحاج بلا ميتسامح معاه وانا مرضت عام دوزتو كحل منين نتفكر دوك الايام ..مهم منين رجع انا كنت استاذة فواحد ثانوية خاصة وكنت متبعة عند واحد دكتور نفسي وفنفس الوقت كان صديق شحال من مرة عرض عليا زواج وكنت كنتهرب من الجواب ..وانا زكاير فعمران قبلت نتزوج بيه تخطبنا وعمران قربلها عليا فين ما نمشي نلقاه وصراحة كان عاجبني الحال حيتاش عرفتو باغيني ..واحد نهار فقت فبالي صافي نفس الخطوبة بلا سبب وداك شي لي درت عدنان معرف باش تبلا ولكن خلاني على خاطري ..اما دارنا فسمعوني لمنقي خيارو ...رجعت انا وعمران كنتلاقاو بتخبية ..ومن بعد مدة تزوجنا فسر مقلناها لحتى حد قريب شهر و حنا كنقلبو على طريقة باش نقولوها ليهم حتى لنهار لي جا عمران كيدق فدار دارها ليا قد فمي وحطهم وحطني اما الامر الواقع ...خالي كفر وخيرني بين نطلق ولا نمشي معاه وننساهم ..هو فنظرهم ذلهم وطيح بيهم قدام ناس نهار لي سمح فيا ...واا عييت نشوف ومع الحب صعيب ختاريتو هو وخا كان صعيب عليا نتفرق مع عائلتي ...ومنين دارت همس عام مشيت عند ماما ورجعاتني من لباب قاتلك معندها بنات هي وعمران حلف عليا منرجع نشوفهم ...هو من جيه وعائلتي من جيه وانا لي كنتحرق فالوسط (مسحت دمعة طاحت ليها على خذها) نقولك حاجة ..بني مستقبلك هو لي ينفعك ...ومتسوقي لحد ..ولكن اوياك وتخلي وليديك ساخطين عليك ...اليوم جرات عليك رجعي غذا ولي بعدو ولي بعدو حتى ترضى عليك ....انا ام وكنقوليك ..قلب الام عمرو يقساح من جيهت ولادها...وماماك انا متأكدة قلبها محروق من جيهتك ...نقوليك واحد لحاجة شفتي ماما انا كتحماق على شفا
همس باستغراب:كيفاش ياك قلتي مكتوفيهاش؟
هاجر:انا مكنشوفهاش ..بصح شفا كل جمعة كنسيفطها عند ختي وعائلتي كل جمعة كيجتامعو عند وحدة من خواتاتي وكتاخذها معاها ..منين كترجع كتقولي جدة شراتلي ..جدة لعبات معايا ...كنعرف ماما عمر قلبها ميغضب عليا ولكن عذراها هي كتقول انا فضلت عمران على لي كبراتني ورباتني وتعبت عليا ...وعندها الحق
همس:دبا فنظرك نبقى نرجع لدارنا ..ولكن إباء
هاجر تقندشت:يمشي يخ** كلب لخلا حتى هو تفكري فيه ...وبربي لو كان مكان صاحب قباض روحي حتى نعجبك فيه(بابتسامة جنب) بصح حتى دبا نقدرو نعجبووووك فيه
همس:شكون نتوما
هاجر حكت يديها مع بعضهم:على قولت ونيس وعمران لفعات هههه ...مهم غذا عندنا يوم حااافل وغادي نعرفك على وحدة غادي تعجبك ..نوضي دبا نعسو راه هما مغيرجعوش ..ونيت جاتني على هواية باش نتفشش على زماني شوية
همس:نتي علام
هاجر كتعوج وتلعب بشعرها:لااا ونتي صادقة انا مجرة يا روحي ....
صبح الحال على لعزارة فدار المهمات صعبة ديال عمران ...اخخ على دار سيجيي واش دار فيها زغبي ...ونيس محبد فجيها وإباء فجيها وعمران هاز كاس قهوة يرجع بيه دماغو بدا كيركل فكل واحد فيهم باش يفيقو
عمران:وا العماال وحمير طاحونة ...وسكايرية نوضو
إباء:ينعل ز** بوك سير تق** خلينا نعسو
ونيس:ولخ** تهنيت من رافاي فدار جيتني نتا يا لعجوز نكراشة
عمران:ولخ*** راه 12 هادي ..نت داك رافاي دالك غادي تخرج منك زبدة لبلدية
ونيس تقاد فالجلسة:ناسي لفعة لي عندك
عمران:انا نشوفها كترت الهدرة نعطيها علامن دور
ونيس ناض خطف ليه كاس القهوة واستفزاز:حيتاش عارف ومتأكد مكانش لي يدافع عليها ...انا تنوض تمشي لدارهم يجي باها يفرعلي راسي كتر من بنتو
عمران بعصبية:نتا راك بديت تخطى حدود ممنوعة عليك ..لجم فمك
إباء رمى لغطى عليه:ينعل اصلكم واصل لي ينعس معاكم ..ونيس زيد تق** لدارك
اباء..(شاف فعمران ربت على كتفو): راك عارفو كيف داير باغي يوصلك ميساج ونتا فهم..
عمران زف لفنجان مع لحيط:لا نتا ولا هو مفاهمين والو وسيري تق** سوايع
خرجو نيشان لشركة اليعقوبي الفرع لي مهتم بيه عمران جلس هو وإباء وشي عملاء معاهم كيتناقشو وباغيين يلقاو الحل لمشكلة إباء لي طاح فيها وكيف يديرو يخليو الزبائن تتنازل على دعاويهم ضدو بلي كيغش فالمواد ديال الانشاءات والتجزئة لي متكلف بيها غير مأهلة لي سكن ..وهاد شي كامل داروه ليه كروش لحرام لي موضف عندو استاغلو الفترة لي هو مشغول مع الاب ديال ودارو ما عليهم ...بقاو قريب 4 سوايع فهاد الاجتماع وخا هكذا مكملوش بنتيجة نهائية ... رجعو لدار على امل يرتاحو شوية دخلو ولقا سكات عمران عيا ميغوت بسمت هاجر والو مكانش هنا دخل ليه شك وتفكر نهار قاتلو يختار بينها هي وحياة ليل ..وهو واعدها عمرو يرجع لدوك الايام ..والبارح اول مرة ينكث بالوعد من 5 سنين هادي
عمران بعصبية:دااارتهاااا لفعة.......
أباء مفاهم والو:عمران...فين هادو
عمران جبد تيليفون كيدوز نمرت مراتو طافية المجيب الوحيد العلبة صوتية جلس كيسب :بنت لق*** وبربي لعزيز غير على متجي بين يدي
صونا لخوه على امل يكون عندو خبار عليها مكان والو ..رجع تاصل بسارة نفس شي مهدراتش معاها من لبارح فليل ..
إباء سخط مع ممخليش لهمس تيليفون معندو كيف يدير يوصل ليها بعصبية:وهدر فهمني اش واقع الخ**...وفين مشاو هادو؟؟!!
عمران كيمسح على شعرو بعصبية:معرفتش ...معرفتش اصاحبي ...والا مشات حتى نيت غبرات فغادي تمحني عاد تبان
إباء تنهد:شوف ..متكونش عند شي وحدة من صحاباتها ... لا تكون مشات عند عائلتها
عمران:اشمن عائلة يرحم جدك ...مكان حد ...صوني لز** ديال ونيس شوف اش لخبار عندو
عمران دفع واحد لكرسي حداه جلقو:داير ديلملتو بصح بنت لحرام عندي مطورة طافياتو خاص غير تشعلو ونجبدها ...
خرجو دراري مخلاو حتى قنت كيقلبو عليه مشاو لكافي لي ممكن يدخلو ليهم لمارشيات كلهم وعند كاع صحاباتهم ...ومسكين ونيس حتى هو مخرجش من جماعة اميمة توباتو هزات ولادها عز العرب ومنتصر بالله ومشات غضبانة لدارهم ...
همس وهاجر صبحو صباح جمعو لي يحتاجو وخرجو جارين فاليزاتهم ..
هاجر كتسوط:بففف وجعتيني فراسي ...(وقفت مطلعة حاجب ومنزلة الاخر) بغيتي تجلسي تستناي فحبيب القلب حتى يجيك ويدير فيك لي قاليه راسو بلا ميكون عندك شخصية جلسي ...بصح انا احبيبة ومندم عمران على نهار لي فكر يبات فيه خلا على دارو وينكث بالوعد منرتاح ...متعودة منسكتش على حقي ومغاديش نسكت دبا
همس بقات كدور فعينيها وخايفة:دبا غير فين غادي نمشيو وخلاص ..نتي حتى عائلتك مخاصمة معاهم
هاجر:ارض الله واسعة ..وزيدي وسكتي راه عارفة اش كندير ...بصح اول حاجة غادي نخلي بنتي عند صاحبتي ومن تما عاد لكل حادث حديث
مشاو لدار ميمي خلات هاجر شفا عندها وخذات ليها اي حاجة ممكن تحتاجها حتى من مصروفها خذاتو ليها وخا ميمي سمعاتها لي ميتسمعش ...مشاو لوحدة من ديور عمر كتمشي هاحر على خطى ختها سارة الا بغيتي تهربي هربي لبلاصة قريبة عمر بنادم ميفكر انك تقدري تكوني غير حداه لحقات عليهم اميمة لتما ..من بعد سلام واخذ ورد ...
هاجر:ميمو هادي همس لبنت لي حكيتلك عليها ....هموس هادي اميمة ..ميمو صاحبتي ورفيقتي فالخطط سعيدة
همس:اووه بصااااح ..وعلاش هاد شي. انا ضيفة عند صاحبتي ماشي نتا لي تقولي خرجي ولا دخلي سمعت....
عمران لي دخل لكوزينة لقا هاجر كدندن ودايرة ليزيات فودنيها وتشطح فبلاصتها وريحت لحريرة عاطية فالكوزينة جبدها دورها عندو بدورة نزل عليها بتصرفيقة ثلاثية الابعاد قلب ليها الحنك ...هزت فيه عينيها بكل ثقة وخا لبكية عندها على الحافة بصح حلفت متنزلهم قدامو وهذا لي كيمرضو هو
هاجر بقات كتتنتر باغي تتفك منو والو مفكها غير صوت بنتها من موراها كتغوت لباباها دار شافها وبعد منها
عمران:لهدرة ماشي دبا ..مزال مسالينا...هز بنتو وخرج لقا إباء جالس فجردة حتى هو وجهو مقلوب ...
داز اسبوع كل نهار مطايفة بين ثنائيات همس كل نهار كتمشي لدارهم كدق وتخرج ليها مها تجري عليها حتى رجعات كيخليوها دق وميفتح ليها حد ...حتى لنهار لي شافتها ختها سمر كانت جاية هي ومها من لحمام ولقاو همس عند لباب جالسة فالعتبة
خديجة:واش مبغيتيش تفرقي علينا ..
سمربغات تسلم على ختها لي توحشاتها بلا قياس ولكن مها منعاتها:ماما خليها تدخل وسمعي منها ...علاش كتعاقبيها
همس:عفتك اماما راه مظلومة ...والله حتى مظلومة..ماما انا را تربيتك ..
خديجة قاطعتها:الا بقيت مزال شفتك هنا غادي نجيب ليك لبوليس ديك ساعة
سمر:ماما حرام عليك ..كيف سمعتو لداك لي ميتسمى سمعي ليها هي لي بنتك
همس:ماما راه لي قالو كولو كذوب
خديجة:الا عندك شي دليل بلي لي شفناه كذوب جيبيه ووريه لباباك ..ديك ساعة بقاي منك ليه ..وهادي اخر مرة تجي تفرجي فيا جيران فهمتي( دفعت سمر جيهة
لباب) ونتي دخلي وحسابي معاك من بعد (دخلو وسدت لباب فوجه همس)
رجعات همس كدق وتترجا فماماها تفتح ليها ولكن سعيها خاب ..وخديجة مور لباب دمعها على خذها وقلبها محروق على كبذتها ولكن اش دير واحلة بين بنتها وراجلها ..من جيهتهم يحسن عوانهم ..انك كتزوج بنتك وتسيفطها لدار راجلها معززة مكرمة وفالاخير تشوه بيك وطيح بسمعتكم فالارض وتخلي لي مايسوى يجلخ في فمو ..وتغذر براجلها مع واحد اخر وفين فوسط دارها هذا ميتقبلوش لعقل...الياس لعبها صح وحبكها من جميع الجوانب لقاها هي رمانة مغمضة نية مكتعرفش لتاحراميات وهو طلع ولد لحرام مقطر ...دار فيها لي ميدارش ومزال كيدير وفالاخير كلشي كيرجع عليها هي لي خايبة وهي لي مكتسواش...تمات راجعة على طريقها دمعها على خذها وكتافها طايحين تقول هازة جبال فوق من كتافها بغات تقطع شانطي وهي تلمح باباها فجيهة الاخرى متسوقاتش لطوموبيلات لي كيدوزو قطعات طريق كتجري لعندو وكتعيط ليه بصوت مرتافع
همس:باباااا...باابااا(لحقات عليه هو شافها تصدم وتعصب خنزر فيها وشاف فجنابو وزاد كيخطو خطواتو وهي على جنبو كتزرب فتمشيا وتهدر)عفاك الله يخليك غير فرصة نشرح ليك ..والله العظيم ابابا مدرت شي حاجة ..غير سمع ليا الله يستر عليك ...انا..انا
سي محمد:نتي اش ...(كيسوط) استغفر الله ..شوفي يا آمة الله مبغيتش نغلط فيك ..سيري منين جيتي ومتعاوديش دوري بهاد ناحية
همس بترجي:بااباا
سي محمد بحدة وصوت بحال رعد:انا ما بابات حد ..وسيري قبل منتسيف عليك ...سيري كملي اش بديتي بعيد علينا ..انا عندي بنت وحدة والاخرى عزاها درتو عليها
همس بقات كتشوف فيه ممتيقاش بلي فعلا دارو عليها لعزو وهي مزال فالحياة بحسرة:علاش مبغيتوش تسمعولي ..بغيت غير فرصة كيف سمعتو لهذاك سمعولي حتى انا ..علاش كلكم ضدي حرام هاد شي والله حرام....اشمن عدالة هادي ؟
سي محمد شدها من ذراعها ودفعها فقدت توازنها جات طايحة:نتي كتهدري على لحرام..لي بحالك نتي لقتيلة وحلال فيهم ..مزال عندك لوجه لي تجي وتتحاسبي معانا (هز صبعو كتحذير) ها وذني منك مرة اخرى نلقاك فهاد جيهة
زاد وخلاها طايحة تما كتبكي وتعطي لمن يبكي وناس لي داز يشوف فيها وهي مامسوقة لحد ..لهم لي عندها ممخليش ليها لبلاصة فين تفكر فناس..محست غير بيدين هزوها من الارض غير من ريحتو عرفاتو تمخشات فيه وخا كاع داك شي لي وقع ولكن معاه كتحس بالامان وخا كتكره داك شعور لي كيختالجها وهو حداها ...
إباء كيف كل نهار صبح فالخدمة ومشاكلها وكيحاول ما امكن يسل شوكة بلا دم وخا مشكيلتو صعيبة وحلها خاصو وقت طويل و مخسورها كبير ..كان جالس كيناقش عدة حلول مع مجلس إدارة شركة صباح كولو وهما من حل لحل .... جا وقت لغذا وانتهى الاجتماع خرج شاد طريق لدار عمران يشوفها وقرر يخرجها تتغذى برا ومنها يهدر معاها مبقاش قادر مزال يخليها على راحتها حتى تقوليه موضوعهم طول بزاف..بغا يعرف ويدير حل ليها وليه ...فطريقو اتاصل بعمران يشوفو فين هو ..خبرو بلي خذا مرتو لعند ختها وهمس بقات فدار مبغاتش تمشي ..قطع معاه وزاد فسرعة ياله دار مع دورة ديال درب كتبان ليه خارجة وكتزرب فتمشيتها لابسة سروال دجين مقطع مع قبية فرمادي وسبادرين بيضاء طالقة شعرها على راحتو ...تنهد ولحق على تاكسي حاول ما امكن ما ضيعش منو فطريق وداك شي لي كان بقى غادي تابعها حتى شافها وقفات فحومتها لقديمة ...قرر يجلس ويتسنى اش غادي دير ..شافها واقفة كدق ومكان لي فتح عليها شوية جلسات فالعتبة ديال لباب ..غير شوية شاف مها وختها ولكن من تصرف باينة واقع شي مشكل بيناتهم حتى كتبان ليه راجعة كتمسح فدموعها ويدها فمها بغى ينزل عندها ولكن شي حاجة منعاتو بقى مكتافي غير متبعها بالعين حتى كيشوفها قاطعة شانطي بديك طريقة كيحساب ليه جاتها شي نوبة عاود تاني نزل كيجري ولكن غير لمح باباها وقف مبعد شوية ولكن سمع الحوار كولو منين دفعها باباها بغى يدخل وتراجع مبغاش يزيد فالمشاكل ليها..خلاه مشا ومشى هزها وتأنيب ضمير كياكل فيه ...
دخلها لطوموبيل حداه قاد ليها سمطة وركب جيهتها ..كسيرا من تم داز لماكدو خذا ديليفري واتاجه لجرف ..بلاصة خاوية وبعيدة على لمدينة كطل على لمدينة كلها وقف وبقاو فطوموبيل هي حاطة راسها على زاجة ومرة مرة تهو يدها تمسح دموعها وكيتسمع صوت شهقاتها لي كتحاول تكتمهم منخافض..اما إباء فحط يديه على لفولا وتكى عليه مدور وجهو ناحيتها كيتفرج فيها وفراسو اسئلة معندها حد خلاها حتى بدا برظات غذايذها فلكا عاد نطق
إباء:كنستناك تبداي
همس شافت فيه عينيها حور كيف جمر وصوتها مخنوق ومتقطع:شنو مزال باغي نتا عاود..منقصاتكش حتى نتا الله يخليك
إباء حس بموس تغرس فقلبو منين شافها فديك الحالة جبدها لعندو عنقها كيدوز عليها بحنان على شعرها وظهرها شي لي خلاها ترجع تبكي كأنو بديك طريقة رجع حيا ليها جرح
همس غرسات ظفارها فشميزتو وزيرات عليه:عييت..عييت من كلشي ..رحموني غير شوية ..علاش حتى حد مبغا يسمعلي (طلعت عينيها كتشوف فيه وهو مزال معنقها) ماما وبابا سمعو لداك شيطان وانا ..انا علاش مسمعوش ليا ..من حقي ندافع على راسي ..ياك من حقي ياك ...
إباء حط جبهتو على جبهتها:شششش
همس(نزلو جوج دمعات حارين على خذها )ونتا ..حتى نتا مخليتش فخاطر ..نتا قتلتني ا جو
(إباء غمض عينيه وصدى غوتتها ديك ليلة رجع لماسمعو ) بتلعثم معارف باش يجاوبها:كنت..نتي
همس بالم:انا ماشي بنت زنقة (ضحكة ضحكت استهزاء)او نقولو مكنتش...بسبابك رجعت بحالهم(كتضرب فصدرو وتغوت) ...بسباب لي درت خليتيتي نخسر اخر حاجة كانت ممكن ترجعلي حقي...كانت تقدر ترجع صورتي نقية حدا عائلتي ..
إباء مقدرش مزال يسمع لي كتقول شدها من رقبتها ونزل كيبوس فيها بعنف وهي كتحاول تتفك منو وهو حاكها ممخليش ليها فين تتململ حتى حس بيها كتتجاوب معاه ..بعد منها كيتأمل ملامحها ورجع كيبوس كل انش فوجها بحنية حتى رجع غرق معاها فقبلة طويلة وحنينة كيبث بيها كل احساس كيحس بيه ...الندم الغيرة .....الحب ..وشوق ليها
المانيا:
اليوم كلشي واقف على قدم وساق...يوم خطبة إياد وعبير(بيرو)بنت واحد سيناتور مغربي عايشة فالمانيا بنت زوينة كيوت عينيها كوحل وشعرها شتان طويل وعفوية غير من تصرفاتها تدخل ليك الخاطر ...ناضت اسماء خذات دوش وكيف عادتها قوت لبرودويات وروايح واهم شي خاصها تكون هي تحت الانظار باناقتها وبريستيجها ديال طبقة نخوة على لخوة كتتصنع فكلشي حتى رجعات من طبعها ارستقراطية ... جاتها اخصائية زينة قادتها كيف بغات ميك اب سامبل مركزة على عينيها ... لبسات لباس اسود سميطة غير من كتف واحد والكتف الخر على راحتو جاي نازل على طايتها طلقات شعرها الاشقر متموج وكتفت بحلقة فالاذنين فقط ..مظهر بسيط ولكن انيق...نزلات كان كلشي مجموع والحفل ياله بدا ناس مزال غير كيجيو ودار عمرات ..وقفت فمنتصف درج كتشوف ماماها فين حتى كتلمح اسلام (ام إباء) لابسة اونصومبل فالاسود سروال كلاص مع شميز مشبكة فالاسود اطلالتها سادة ولكن فخمة ميك اب سامبل برز لون عينيها لي واخذ منها اباء وطالقة شعرها الاشقر بوكلي ... فرحات لشوفتها ونزلات بابتسامة متاجهة لعندها فاتحة يديها نفس شي دارتو اسلام تعانقو عناق حار
اسماء:اووو طاتي ميس يو ...(بعدات عليها شوية وشدات فذرعانها) كتحمقي كيف عادتك
اسماء قلبات وجها بحزن:شفتي لو كان حتى هو كان هنا كانت فرحتي غادي تكمل ..
إسلام:اتس اوكي بب...عارفة المشؤولية كلها عليه ...انيوي ..فين هو إياد ؟
اسماء:معرفتش ...
هما عاد هكذاك وقف عليهم مامات وبابات اسماء ...اب اسماء سلم على اسلام بكل جنتلمانية سول على الحاج لي اسلام معارفة عليه غير الاخبار لي كتوصلها من تيليفون همها كولو هو الخدمة والاعمال ديالها والموضة ..طاح الحك وصاب غطاه هي واسماء...اما سامية فهي مرأة درويشة كانت لابسة عباءة فسكري على شكل فراشة مع حجابها وميك اب سامبل رحبات باسلام وطيف جرات العادة الاخذ ورد ومن ضمن الحديث تجبد موضوع زواج اباء واسماء لي ملي سمعات لهدرة قفزات
اسماء:اااه علاش لا ..اصلا قربات تسالي لقراية ونديرو العرس هاد صيف
اسلام:اكيد ..راه عامين ديال الخطوبة تعطلتو بزاف ..نيت يكون الحاج صح شوية ونرجعو لبلاد تما نديرو العرس
سامية:شوفو مع اباء هو الاول وخوذو رأيو لي يناسبو ديروه
اسماء:اوا اباء اماما العذر الوحيد لي عندو صحة الحاج...وعمي حبيبي الله يعطيه صحة ويعافيه باقيلو غير شي 5 الجلسات ويسالي بإذن الله
إسلام :معرفت داك الولد لمن طالع ..(شافت فاسماء) ونتي تحركي شوية راه لبقيتي هكذا دايرة ليه الخاطر راه غادي يضسر
اسماء فنفسها:متخميش قبل صيف نكون فدارو ..(بصوت مسموع) صافي اصاتي ميكون غير خاطرك ..اصلا غذا راجعة لبيلج ونهدر معاه
جا داخل اياد وعبير مشادين كانو كوبل كيوت هو لابس شميز بيضاء مع سروال كلاص ابيض وفيست رمادي بارد وهي لابسة غوب فالازرق بارد على شكل قلب منبت فصدر بلؤلؤات فنفس لون لغوب وهابط على طايتها سامبل ...دخلو تحت تصفيقات الحضور متاجهين لوسط فين كاين عائلاتهم مجموعين على طبلة مستطيلة طويلة ... من بعد خطاب كل من اب اياد واب عبير ...بحال هاد المناسبات كتكون طاغية عليهم المصلحة العملية واغلب الحضور جايين لتكوين العلاقات وربط الاعمال ولكن ثنائي ديالنا مهامهش كاع داك لبروتوكول لخاوي بزوجهم كيبغيو بعضياتهم وكيعتابرو الاعمال لي تشاركات عائلاتهم خارج علاقتهم ودوك المعازيم حتى حد مهامهم غير دايرين الخاطر لسمعة العائلة ...علنو خطوبتهم وداز الحفل زوين ..من بعد متفركات جقلة وكلها وراح لحال سبيلو جلسو عبير وإباد بحدهم فجردة كيتمعشقو سامية جلسات شوية مع اسىام واسماء ومع لعيا مشات صلاة اوقاتها ونعسات وبقاو الحماة وعروستها دايرين راس عند راس
فصل القبلة وباس جبينها بقى حاط شفافو عليه كيتنفس بجهد تقول كان كيجري اما هي فمقدراش تحل عينيها
..فيه عايفاتو وعايفة راسها لي كتضعف بين يديه
بعدات عليه بلا متشوف فيه:عييت بغيت نرجع لدار
اباء دور وجها لعندو :حكيلي شنو واقع ترتاحي نتي ونرتاح حتى انا
همس بترجي:الله يخليك عيانة وما فيا لي يهدر ..بغيت غير ننعس ..ممكن
اباء تنهد وكسيرا كيسوق بيد ويد حاط مربقو علي زاجة وكيحك لحيتو عينو فطريق وعقلو فطريق اخرى معرفش كيف دار وصل هي نزلت بلا متستناه صونات فالانترفون مجاوبها حد عرفات بلي مزال مجاو جبدات دوبل ديال سوارت كانت خلاتهم ليها هاجر لطوارئ ودخلات كتخالف الخطوة باغية غير تهرب وتبعد منو ..هو خلاها على خاطرها دخل بخطى ثابتة من موراها متبع ليها العين حتى دخلات لداخل وهو جلس فجردة ساهي كيفكر معرفش شحال جلس ظلام عليه الحال وهو تما تحرك البرد شوية ودخل مشا لبيتو دوش ولبس سيرفيت حمراء مع كلاكيط فرجلو وخرج متاجه لبيتها فتحو ملقاهاش نزل يشوفها فين دخل لصالون مكايناش حتى كيسمع الحس جاي من الكوزينة دخل لقاها واقفة مع لبوطاجي عاطياه بظهر لابسة سيرفيت كولون فرمادي والفوقاني على شكل صدرية باليدين فالرمادي وجزء من خصرها كيبان وطالقة شعرها بوكلي ربع يديه وتكى على الحافة ديال لباب كيطلع ويهبط فيها وهي دايرة ليزيات ومجايبة لدنيا خبار محسش كيفاش خداوه رجليه وخاوطها من خصرها غير حسات بيه قفزت دورت وجها كتشوف فيه مخرجة عينيها وقلبها كيضرب فالالف هههه ..بقى كيشوف فيعينسها وفنفس الوققت كيقرب من شفاها غمضت عينيها بلا هواها منين طبع قبلة حنينة عليهم خلاتها تحط لبين يديها وتستسلم ليه ..لداخل ديالها رافضة قربو ليها ولكن معرفاش داك سحر لي كيخليها نرضخ ليه وتبغي تعيش معاه داك الاحساس ...هو الوحيد لي كتكون معاه هكذا وهو الوحيد لي كيملكها قلبا وقالبا كان هو الاول فكلشي ..حب طفولة ومراهقة وحب شباب ..هو اول شاب فحياتها هو اول من فض عذرية قلبها ..وكذا عذرية جسدها ..هو سالب عقلها هو روحها فجسد اخر ...دورها عندو كيعطي لكل شفة حقها وهي كدير نفس الحركة لي كيدير ..فالاول كانت قبلة حنينة شوية تقلبات مص وعض نزل لعنقها حتى هو مخلاش من حقو فيه وهي كتتلوى بين يديه .. رجع لشفاها ويديه خدامين كيحيدو ليها فصدرية و حيد.لفيست ديالو رماها فالارض ورجع كيبوس فيها ونزل لصدرها كيمص ويعض وكلما هي كدير شي صوت كيزيد يصعر عليها ..وهنا كانت نتيجة علاقة حميمية متكاملة فالمطبخ ...موعات همس اش كدير حتى سالاو الماتش عاد فاقت من تأثيرو كان معنقها وكيبوس فعنقها وتحت وذنها بوسات خفاف مع كلمات غزل وهي غير مخرجة عينيها مصدومة
اباء كيهدر بصوت خافت وحنين ومع كل كلمة كيطبع بوسة:كنبغيك..نتي هي روحي..عمري باقي نبعد عليك...نتي ملكي..همس لاباء وبس ..هموس حبيبة..
همس دفعات عليها بكل قوتها هزات كسوتها من الارض كتلبس فيها وتسب وتعاير غير بحدها
همس:بعد مني الشماتة..الاستغلالي..بعد مني كنكرهك...كنكره راسي لي انا معاك ..
طلعت كتجري خلاتو مفاهم والو ياله دبا شوية كانت معاه بكامل ارادتها وعاجبها الحال ودبا تقلبات عليه..طلعات سدات لباب عليها ودخلات لدوش دخلت بكسوتها حلات رشاشة وجلسات تحتها جامعة رجليها وكتبكي وكتفكر اش كانت كدير وكيفاش لمستو كذوبها ولي كرهات انها كتستمتع معاه وبقرارة نفسها باغياه وعاجبها تكون بين يديه ..ولكن حرام وكيتعتابرو بزوج كيزنيو وربي كيلعن فيهم ..ناضت حيدات كسوتها ودوشات توضات وبقات كتقلب فكسوتها مكانش شي حاجة مستورة لبسات بيجامة كولون وتريكو وخرجات لبيت هاجر دقات خوفا ليكون شي حد منين شافت مجاوبوش دخلات جبدات اسدال صلاة وتوجهات لغرفة لي دايرينها مسجد صلاة ومع مل سجدة كطول فيها تستغفر وتدعي الله يفك كربتها ...بقات قريب نصف ساعة وهي كتصلي وتدعي حتى حست بقلبها رتاح شوية ..وندمات على صلاة لي كانت قاطعاها ...شدات مصحف قرات شوية وبان ليها مكتاب اثارها شكل غلافو والعنوان ديالو ..كان كتاب ديني سميتو"صحاببات حول الرسول""
جبداتو وتكات على الحيط مبرعة رجليها وفتحاتو بقات كتقرا فاسماء صحابيات كانت غافلة عليهم وقرات تجاربهم وكل صحابية وقصتها..خذات عبر منهم ..بلعات لكتاب كان داز وقت ..طلعات عينيها كتبان ليها هاجر واقفة ومبتاسمة
هاجر:جيتي غزالة بالحجاب
همس بابتسامة:شكرا ..وسمحيلي دخلت لبيتك وجبدت من صوالحك بلا منتشاور معاك
هاجر بحزن:هذا لي قالولي ملي كنا راجعين ..غادي نتوحشك
همس:حتى انا(شدت ليها يدها بامتنان)شكرا على كلشي ..
هاجر:انا مدرت معاك والو ..كنت نتمنى نعاونك كتر ..ولكن لي نقولو ليك ..اي حاجة حتاجيتيها متتردديش ولو لثانية ..تاصلي بيا وخا..ومتنسايش حقك جيبيه بيديك متعولي على حتى حد يرجع ليك اعتبارك
همس:ان شاء الله ...
ناضو لبنات همس مشات دارت كاسكروط كاشير فنص مع صوليص وفرماج هزت كاس عاصير بالبي وطلعات لبتها كلاتهم غسلات سنانها ونعسات على امل نهار جديد يكون حسن من لي فات
اصبحناواصبح الملك لله ...كنصبحو على توكل على الله واملنا فيه كبير ..ولي خلا ثقتو وأملو فرب العباد عمرو ميخيب ..وربي اي حاجة كيكتبها علينا الا وفيها خير لينا ...فاقت همس كتعكز فبلاصتها شافت ساعة لقاتها 8 ديال صباح بقات فبلاصتها حتى ل10 عاد ناضت غسلات وجها لبسات كولون اسود مقطع مع تريكو اسود فيه كتبة بيضاء معقود جيهة صرة كيبين جزء من خصرها القدام ونازل من لور طلقات شعرها جمعات اي حاجة عندها تما حطتها فالفاليز وقادت ساكادو لي تهزو لبسات سبادرين نايك بيضاء وقفت فلماريا تقاد لميك اب ديالها دارت ليلونتي فرمادي وهي تشوف علامات زورق فعنقها هبطات شعرها عليهم كتخبيهم هزت كويرة سوداءحطتها فوق ناموسية ونزلت لقاتهم مجموعين على طبلة لفطور صبحت عليهم وجلست كتضحك مع شفا وتعنكش فيها..هاحر انتابهات لهمس داير ليلونتي شهقت
هاجر:عينيك زوينين تبارك الله ..ميحتاش ديري هادو..لونهم طبيعي غزال
همس شافت فإباء باشمئزاز:رجع لونهم كيعيفني ..همذا حسن
إباء غير متبع ليها العين وكيسمع...فطرو فجو كيغلب عليه سكات.. حتى كسر إباء داك صمت كيهدر ويشوف فنجانو
إباء:جمعتي كاع صوالحك؟(همس كتفات غير حركات راسها بالايجاب) مزيان..حنا شوية ونخرجو طيارة عندنا مع 12 ...(ناض خرج يكمي لحق عليه عمران شاف فيه بنص عين)عارف اش غادي تقول ..بلا متزيدها عليا حتى نتا
إباء:واش مكتفهمش راه حكيتلك اصاحبي ...مبغاتش هي تهدر وتسهلها علينا ..
عمران:اعذارك خاوية ..الا كنت كتبغيها ديال بصح ...مستحيل تقبل تعيشها حياة ذل..لحد الان مزال راك على البر مع اسماء وكيف قلتلي مكتبغيهاش..وهذا زواج دوام اصاحبي ماشي غذا من الغذ طلق من الاول رمي المرض ..
إباء كيسوط فدخان بضحكت استهزاء:واش كضن فرحان بهاد الخطوبة ولا زمر.. راه داير لخاطر غير الوليد لي مريض ..اما انا زواج ميصلاحش ليا ..وحدة متقدنيش
عمران شاف حتى عيا وسكت..عارف إباء زهواني بصح شوفتو فهمس شوفت واحد واصل بيه حد العشق لابعد حدود
عمران:واش ناوي مع همس؟
إباء دار شاف فيه مدة رمى لكارو زطم عليه برجلو ودخل بلا ميجاوب...شاف همس جالسة ومجلسة شفا قدامها كتظفر ليها شعرها ...
مور مناضو دراري خرجو بقات هاحر وهمس فطابلة بحدهم
همس:صراحة والله مساخية نمشي
هاجر:فاي وقت بغيتي مرحبا بيك دار دارك..نستناك ترجعي ..صراحة عمرتي عليا دار
همس تنهدات:ان شاء الله نرجع
هاجر كتلطف الجو:المرة جاية انا متأكدة غادي تجي كلك فرحة وتكوني حققتي ذاتك واش بغيتي ..غير متنسايش متخلي حد يدوس ليك على طرف ..متبقايش نيا ولي دق بابك سمعيه جوابك
همس:غادي نحاول كنواعدك
هاجر:مبغيتكش تحاولي ..بغبتك تفرضي راسك ووجودك على كلشي ..(قوست عينيها) وبغبتك متبقايش غير محلولة ليه تعلمي تحكمي فراسك ونخلي جد بوه (حابسة ضحكة) وستري عنقك دا انتي تفضحتي
إباء دفعها جات جالسة على ناموسية بعصبية:مغنهدرش دبا...عندك زهر جينا فدار صاحبي اما نحسب لمك سنيك حداك
همس باستفزاز:علاش لبارح منين كنت خذام ..مكانتش دار صاحبك..
إباء بانفعال:هاااااامس...لبسي لخ** و زيدي تق**خليني مزيان معاك ..مباغيش نفدع ديلملتك من شي جنب
همس ناضت كتتعوج لبسات كويرتها وهزات ساكادوها:جيب معاك ديك لفاليز مغاديش تح** باطل ...خرجت كتفرك يدبها مع بعضهم
إباء جمع يدو وضرب لحيط رجع مسح على شعرو بعصبية:استغفر الله ...يا ربي صبر يا ربي ...
وصلو المطار و هما الطريق كاملة غي ساكتين .. و همس مرة مرة كاتشهق و تمسح دموعها .. تجمع عليها كلشي .. ولفات هاجر و زيد عليها تاني غاتفارق مدينتها و بلادها .. و هاد المرة ضافي عرفات باللي مابقات عندها بيناتهم .. ولا بلا عائلة بلا شرف بلا تاحاجة .. مابقات كاتسوا والو .. حسن نيت درق وحهها و تغبر بمرة.. تبقا ف البلاصة اللي تاحد ماعرفها.. ماعارف ماضيها .. و لا واقع ليها ..
تنهدات و هي كاتمسح دموعها بكم تريكوها .. شاف فيها اباء و ماعرف مايقول .. حدو عطاها كلينيكس.. هزات فيه عينيها مدمعين و حمرين و شفارها فازكين .. خداتو من عندو منترة و مسحات عينيها . حلات الباب و نزلات .. خلاتو هو حار غاع ل باكاج.. بقات سابقاها كاتمشا و مرة مرة كاتنخصص.. حينت حبسات فيها البكية .. دارو الإجراءات و بقاو جالسن كايتسناو النداء الأخير باش يطلعو للطيارة .. همس حاسة براسها كانها غاديين بيها يعدموها .. مابغاتش تفارق بلادها و عارفة باللي هاد المرة ماكاين رجوع .. ولكن ما باليد حيلة .. شي مرات الظروف كاتكون قوى مننا كلنا ..
تنهدات و دورات وجهها كاتحاول ماتشوفش فيه .. عكسو هو اللي متبع كل حركة و اي حاجة كاديرها ..
نطق بضوت منخافض: همس .. بغيتي تاكلي شيحاجة
حركات راسها بنفي بلا ماتشوف فيه
اباء: الى بغيتي شيحاجة قوليها قبل مانطلعو ..
شافت فيه مخنزرة: هاد الساعة بغيت حاجة وحدة هي التيييقار.. عطيني بالتساع ا خويا . اوف خنقنيتي ..
تلفتات كاتسوط و تنفخ و تبركم .. اما هو دار ابتسامة استهزاء ..
اباء: ههه خوك .. و خوك كاتخليه حتى هو ي.... ( بقا كايحك لحيته و ماكملش الكلمة)
شافت فيه حتى هي و بادلاتو نفس نظرة الاستهزاء: اممم حنا هاكا دايرين .. اي وحدة موسخة راه ماباقيش كاتفرق بين خوها و صاحبها .. هادشي اللي كاتقلب عليه تسمعو و هانتا سمعتيه ..
اباء زير على يديه مابغاش يدير فيها شي علامة و هما مسافرين و زيد حداهم الناس .. صبر راسو بزز و صوته باين انه واصلة فيه العظم: نوووضي قدامي ... قبل ما نخلط ل طاسيلت والديك ديك الكمارة ...
همس: دوي بالآداب ا بنادم
اباء: راه بربي المعبود و ماتقودي قدامي حتى نخلي وجدة كاملة تفرج فيك و تبقا شوهتك على كل لسان .. وا نوضي تكعدي ماحدي باقي مادويتش ب يديا ..
ماداتهاش فيه ... ناض هو مغزف و جبدها بجهد من بديها حتى وقفات ..
بقا هاكاك جارها و مقسحها ف يديها ولكن مابغاتش تبين راسها ضعبفة قدامو ..
خرجو فين كاينين الطيارات و توحهو ل فين كاينة ديالتهم .. طلعو و مشاو ل بلاصتهم .. و كي ديما جهة رجال الأعمال..
جلسات همس بنفخة ف جنب اللي فيها شرجم و هو حداها كايدوز على جبهته بعصبية و كايحاول يبرد ..
و رجليه كايتحركو بالاعصاب ...
هي ماداياهاش فيه .. كان محطوط كاسك .. و شاشة قدامها بحال تلفازة صغيرة .. دارت فيها اغنية و خلاتها تبقا كاتعاود هي نيت نفسها .. و دارت الكاسك و تكات على جنبها عاطياه بظرها و كاتشوف على برة .. و كاتودع بلادها...
بدات الطيارة كاتحرك و كاتستاعد باش تحلق .. و همس حسات بقلبها كايزدح و خافت .. غمضات عينيها و زيرات على يديها .. حس بيها اباء وهو يشد ليها ف يديها و حتى هي زيرات عليه ...
بقاو هاكاك حتى حلقات الطياارة و اخيرا فوق السحاب ..
نترات منه يديها و خنزرات فيه و دورات وجهها و بقا هو كايشولفيعا و كايحرك راسو ب لاحول و لا قوة ...
داز شحال جهد شي ساعة و حتى واحد ماشاف ف لاخر و لا دواه ...
تلفت بشوفها مالها بقاا ساكتة هاد المدة كاملة .. ماموالفاش ليها .. و هو يشوفها مغمضة عينيها و حالة شوبا فمها .. حركها بشويا و عرف امها غارقة فالنعاس .. بعد شي خصلات شعرها من على عينيها .. و قبط ف يديها الدافية و باسها ... شافها باقي كاتسمع الاغنية و هو يحيد ليها الكاسك بشويا و قاد ليها راسها ..
جاه الفضول ل اش كاتسمع و هو يديرو ... و كانت اغنية اللي كاتوصف حالتها .. بقا كايسمع ليعا و نابع معاها و كل كلمة كايحس بيها كاتختارقه..
💔💔 feeling used . But i'm still missing you .. and i can't
الشعور بالاستغلال ولكن مازلت اشتاق اليك و لا استطيع
💔💔 see the end of this .. just wanna feel your kiss against my lips
رؤية نهاية الأمر.. فقط اريد قبلتك على شفاهي ..
💔💔 and now all this time is passing by .. but i still can't seem to tell you why
و الان كل الوقت يمر بسرعة و لازلت لا استطيع ان اقول لك لماذا ..
💔💔 it hurts me every time i see you .. realize how much i need you ..
انا اتوجع كل مرة اراك فيها و ادرك كم انا بحاجة اليك ..
💔💔 i hate you i love you i hate that i love you.. don't want to .. but i can't put nobody else above you
انا اكرهك ..انا احبك .. انا اكره انني احبك
لا اريد ذلك ولكن لا استطيع اعطاء اي شخص الأولوية عنك ..
تنهد و طفاها قبل ما يزيد يضعف كثر و هو حاس ان كلمة الى و كاتعنيها هي بالضبط .. كانها مكتوبة على ودها . بغا يعرف اش مخبية .. بغا يعرف الحقيقة .. ولكن هي كاتصدو و كاتزيد تبعده كثر .. حار و تلف معاها مرة كايلقاها قريبة ليها كانها طرف منه و مرة كايحسها بعيدة عليه بعد السما عن الارض . تنهد و ساس من باله هاد الافكار اللي كايبقاو ياكلو ف قلبه بحال السوسة.. و تكا حتى كايتسنا امت يوصلو خلاص ..
حطات الطائرة و اخيرا .. نزلو بجوج كل واحد ف جهة و شي ماكايشوف ف شي... هي هازة غي ساكادوها و كاس ديال العصير ب لاباي كاتشرب فيه .. و هو موراها ..
مشاو فيت باياخدو الباكاج ديالهم.. هزات هي الاولى لافاليز ديالها و بقا هو كايتسنا ديالو .. يالاه هز عينيه و هي تبان ليه كاتزرب فالمشية و جارة شانطتها .. و بغات تخرج من تما .. سمح هو ف داكشي و مشا تبعها كايحري معصب و كايدفع ف الناس باش يدوز .. شدها من عنقها و مزير عليها معصب و كايدوي من تحت سنانه
اباء: واش حنا فينما مشينا خسنا نديرو الشوهة .. واش ضروري خس بلجيكا كاملة تسيق لينا الخبار راه وصلنا .. غادي تزميها و تزيدي قدامي و كلمة خرا غادي نجهل على ديلمك حينت عييت صابر .. طلعتي ليا فوق راسي
همس: واش شيحد ضربك على يديك .. هااااا لاش حابسني معاك .. خليني نمشب فحالي و جلس على راحتك ماكاين اللي يعصبك
ماجاوبهاش و سمح ف لافاليز ديالو حتى يجيبها ليه شي واحد .. و جرها بزز من يديها و هي صافي صقلات عرفاتو تعصب غي من شوفاتو و تزيد كلمة خرا يخلكها قدام كلشي .. ماعندوش علاش يخاف و لا يحشم ..
لقا الشيفور كايتسناهم ب ابتسامة . دفعها ركبات اللور و ركب حداها و سد غاع البيبان ..
همس: راه مارخيصاش عليا حياتي باش نلوح راسي من الطوموبيل ..
اباء: صووووتك كايضرني فراسي ... واش غاتسكتي قبل ما ندير فيك شرع يديا ..
عكاتو بظهرها كاتسب فيه و تدعي عليه ...
وضلو و اخيرا للفيلا.. و تحل الباب الكبير و دخلو .. وقفات اللوطو قدام الباب اللي كان محلول و واقفة فيه اسماء و لابسة كسوة لاصقة عليعا و كلاص .. و حداها إسلام حتى هي لابسة كلاص و شعرها .. و وجهها كذلك..
نزل الشيفور حل ليهم الباب و نزل اباء هو الاول .. افتو امه و بدات كاتبتاسم و اسناء حتى هي عينيها لمعو و قربات طير بالفرحة ..ولكن فرحتها ماكملاتش مللي شافت همس نازلة حتى هي..
قربات ل عند اسلام و قالت: شتي ا طاتي .. هاهو جابها تال هنا ..
اسلام محافظة على ابتسامتها: اممم شوفي الفرق الكبير بيناتكم .. واش نتي هي .. غي تهناي ولدي ديالك و نتي ديالو و ماكاينش اللي ينكر هاد الهضرة ...
تنهدات اسناء و رجعات ابتسامتها الصفرة ..
قرب عندهم اباء و حداه همس ماحاملاش راسها و تما و اللي كاينين ..
اباذ عنق امه و باس راسها: الوالدة على سلامتك .. نورتينا
اسلام: نورك هدا ا ولدي .. اااح و كون تعرف قداش توحشتك
اباء: و هاني جيت داابا .
اسماء حتى هي طارت عليه بتعنيقة و باستو ف حنكو و هو ماحاملش الوضع .. اما همس قربات طرطق ف بلاصتها.. بغات تنسي و دارت الصواب و توجها ل عند امه و مدات ليها حنكها تسلم عليعا .. ولكن وقع العكس و بعدات عليها اسلام. و دوات معاها من بعيد: اممم شكون نتي
همس: حسات براسها تشمتات: انا همس
اسلام: امم مزيان ..
ميقات فيعا و دخلات .. اما اسماء شدات ف يد اباء و كاتخنزر ف همس
اباء غي كايسمع و مابقاش قادر يجاوب .. دخلو للدار و شاف الخدامة و قاليها توري ل همس بيتها ..مشات تابعاها و بقا بوحدو مع اسماء اللي يالاه بغات تبوسه ف شفايفه و هو يدفعها و طلع حتى هو ..
دخلات همس للبيت اللي عطاوها و عجبها شكلو .. سامبل و زوين .. غالب عليه اللون الابيض .. اول حاجة دارتها دخلات دوشات و رخات عظيماتها مزيان من العيا ديال السفر .. كملات و خرجات .. نشفات حسمها و دهنات كريم مرطب و لبسات بيجاما دافية فالابيض و الاحمر .. حاها السروال مزير من اللور و لكن واها هاكاك ماقدرتش تبدلها .. فيعا الموت ديال النعاس.. و داكشي اللي دارت تلاحت نعسات ..
داز شحال و الشمس غربات و ظلام الحال .. عاد يدات كاتحل عينيها و راسها دارها حينت نعسات بزاف .. ناضت خاسرة .. و حنيكاتها حمرين بالنعاس و شعرها محموع باهمال ..
سمعات الدقان ة دخلات الخدامة قالت ليعا باش تنزل تعشا .. افت فالساعة و كانت 7 و نص .. خشات البانطوفة ف رجليها و مشات كاتجر فيهم .. شافت كلشي مجموعين فالطبلة .. هزو كلهم عينيهم و شافوها نازلة هاكلك بالبيجاما .. اسلام بتاسمات باستهزاء .. اما اسماء شافت كي حوايجها مزيرين و عاد كاتبان على طبيعتها زوينة .. اما اباء ساهي ف ملامحها .. هز الحاج عينو فيعا بتاسم ليها و هو ماد يديه .. قربات عندو و سلمات عليه كاضحك..
الحاج خنزر فيها و هو يدوي اباء: همس خدامة معانا فالشركة و كانت قبل جالسة عند صوفي و سام و كاتبقا ديما بوحدها داكشي باش جبتها عندنا .. منها كلنا خدامين ف بلاصة وحدة و توانس معانا ..
الحاج: خير مادرتي ا ولدي
همس: ربي يخليك ا عمي..
سكتو شويا و بقاو كاياكلو حتى عاودات نطقات اسلام: اوا ا ولدي ا اباء .. دابا جيت انا يعني خليني صافي نتكلف ليكم بكلشي .. راه مشا الحال ... تعطلتو بزاف فالخطوبة ..
همس كانت يالاه دارت دغمة ف فمها و هي تبلعها بزز و حسات بريقها نشف ..
اباء: اححم الوالدة ماشي وقت هاد الموضوع
دابا
اسلام: و امت وقتو بالسلامة .. راه العمر كايدوز .. و الوقت كايطير.. و انا جيت دابا و غانوقف ب يديا على هادشي ..
سكتات كاتضحك و اسماء حتى هي .. اما همس تسدات ليعا الشهية بقات كاتشرب غي العصير و كاتخاول تصبر راسعا بزز .. اما اباء حاضيها ب نص عين ..
كملو عشاتهم و كل واحد ناض ل شغالو .. اسماء ناضت كاتجري تبعات اباء و جراتو من يده للجردة مافاهم والو .
اباء وقف داير يديه ف جيابه مخنزر و هي قدامه متوترة . منزلة راسها و كاتلعب ب صباع يديها
اسلام: اباااء هضر باحترام شويا .. و عاد اسماء بنتنا و كبرات بيناتنا .. و عارفينها كيدايرة ماشي تال دابا عاد غانشكو فيها .. سمعتي . الى علطتي خشك تصلح غلطك و ماتخليهاش بوحدها .. و انا ب يديا غانوقف على هاد الزواج حتى يكمل دغيا و فاقرب وقت ..
اباء: جنون كايلعبة ليه فوق راسو و كتحكم فراسو بزز غي على قبل امه: فييين عمرني انا قستها باش تحمل فيييين
اسماء: شي شهر قبل دابا هئ هئ .. فاش كنتي عاطيها غي الشراب .. واحد الليلة هئ .. جيتي جيتي و كنتي سكران ولمن ماشي بحال ديما . يمكن كنتي وامل حتى شيحلجة خرا .. هئ هئ و دخلتي عندي ل بيتي و . و ( خبات راسها ف اسلام) طاتي مابيتش نتفكر اش وقع هئ هئ
اباء: كايتنهد : هادشي مستحيل .... مايمكنش ...
بعد عليهم شويا و كاايحاول يتفكر .... شويا طاحت ف باله نهار مشا للبار و خدا من عندهم واحد النوع ديال المخدرات ... ضرب برجيه حجرة كانت تما .. و جلش كاييب و يغوت معصب ...
اسلام: اباء ... واش انا هاكا ربيتك هاا .. اشماء غلطتي معاها خسك تزوجها سمعتي .. مشتحيل نبقا نعاها فالحرام .. حينت الحرام غي ديال الموسخات و قليلات الاصل .. اللي ماعندهم لا والي لا تالي ...اما اسماء بنتنا و ماذنبات والو .. و غاتزوج بيها اليوم قبل غظا و تنسا عليك دوك الموسخات اللي كاتعرف ..
نهضات فيه امه و جرات اسماء كاتسكت فيها..
سمعو جس شيحاجة تهرسات و تلفتو مجموعين .. كانت همس اللي واقفة و دموعها شلال و واقفة بزز بقا ليعا شويا و طيح. ماقدراتش تحمل نظراتهم و مشات كاتجري ... طلعات.. اباء عرفها سمعات كلشي.. و يالاه بايمشي عندها و هي توقفه امه مزيرة ليه علل يديه: ابااااء .. بغيت هاظشي مايوصلش لباك و لا ل بات اسماء.. هادشي يبقا هنا... و غلطك حسو يتصلح فاقرب وقت ...
اما هو كلامها غاعما سمعو .. عقلو غي مع همس اللي شاف حالتها كي كانت..
عند همس اللي دخلات للبيت .. سدات الباب و تلاحت فوق الناموسية خاشية وجهها فالمخظة و كاتعض فيها و تغوت بحر جهدها عالله تطفي النار الي ف قلبها ..حاسة براسها بلا قيمة .. كيفما سماتها امه .. مووووسخة بلا اصل .. وراه نيت .. نعسات معاه كثر من مرة بلا موجب شرع.. و واليديها متبريين منها . اي حاجة خايبة جمعاتها عندها.. حسات انها تغدرات.. عاد حسات بحرقة الخيانة.. كيفاش كان معاها هي و كان حتى مع اسماء.. و حاملة منه من الفوق .. يعني هي ماكاتسوا عندو والو .. غي قحبة كايفرغ فيعا مكبوتاتو..
ناضت بلا عقل .. رونات حوايجها و هزات منهم كسوة كحلة كاتبري ... لبساتها دغيا واخا جاتها قصيرة مزيرة و معرية .. زادت فوقها كويرة فالبوغدو قصيرة و بوط قصير طالون فنفس اللون .. غسلات وجهها من الظموع و كاتحاول تقوي راسها .. وجهها تنفخ بالبكا .. دارت مايكاب خفيف ولكن فمها ركزات عليه و دارت عطر حمر ماط .. طلقات شعرها و هزات بوشيط فيعا فلوس و تبليفون و خرجات كاتقرقب.. كان اباء باقي فالجرظة كابمشي وو يجي باغي يلقا حل ل هاد المصيبة اللي طاحت عليه من السما..
حتى شم ريتحها تلفت و بانت ليه كاتمشى بكامل اناقتها و سيقانها عريانين و صدرها.
مشا عندها معصب كثر و شدها من يديها
شافت فيه ببرود عكس العافية اللي شاعلة فيها: ماالنا اش بغيتي
اباء: فييين غادية بهاد الحالة و فهاد الليل
همس: غادية نتقحبن . سمعتييي مزيان .. غاديا ل فين كانتامي.. ل بلاصتي و بلاصة اللي موسخ بحالي ..
اباء ستافزاتو و يالاه بغا ينزل عليها ب سقلة.. خبات وجهها دغيا خايفة .. و هو ولا نزلها: سيري دخلي قبل ما ندير فيك شي علامة
همس:فرقنييي عليك ا عباد الله .. عطيني التسااااع سير قابل مراتك و ولدك.
اباء: راه الموضوع ماشي كي فهمتي
همس: ماكايهمنيييش .. و مابغيتش نفهم .. الحاجة الوحيدة اللي باغا هي تبعد مني ...
ضربات فيه و زادت كاتمشي بزربة .. ماقدرش يوقفها .. شاف عينيها شحال حمرين و باين ف صوتها انها مقلقة.. حدو شاف واحد من الكارد و قاليه يتبعها..
ركبات التاكسي اللي كانت موصية عليه قبل..
حسات بدموعها غاينزلو .. و هي تصبر راسها .. و بدات كاتتنش على عينيها ...
زصلات ل نايت كلوب معروف .. دخلات و هي مامسوقاش العينين اللي مقابلينها من جميع الجهات .. كاتسحر كل من شافها.. خدات بلاضة بعيدة على الصداع.. و طلبات ويسكي ... جابو ليها الاول و طاحت علبه عمية تقول مولفة بالشراب .. واخا مار ماحساتش بمرورة.. حينت اش عيشها اباء مر كثر ...
بقات كاس مور لاخر و كاتحاول تكبح دموعها .. عينيعا تعسلو و زادو حمارو.. الشراب لعب علبها و قظرات تنسا شويا .. طلقات اغنية mi gente المعروفة و شافت بنات كايشطحو twerk و كايلوزو.. بدات كاضحك على طريقتهم و ناضت بلا عكز .. حيدات الكويرة و بان جسمها الجداب و صدرها المبندر .. و تحشات وسطهم ... طوات رجليها شويا و خرجات ترمتها و كوزات بيها ووبدات كاتحرك مع ريتم ديال الموسيقى .. و كاتشطح ب احترافية .. شويا ب شويا بداو البنات كاينساحبو حتى بقات غي هي و واحد الأفريقية.. بحاال كايتنافسو شكون غاتغلب الاخرى.. و همس دايرة كل جهدها.. تجمعو عليهم الناس و دارو دوارة و هما وسطها و بظاو الفلوس كايتلاحو عليهم و بالخصوص همس اللي غاع العينين متبعين حركات ترمتها بشهوة ...
عند اباء كان جالس كايكمي و معصب كافكر ف همس اللي سمعات كلشي و ف هاد الحريرة و كيفايدير يحلها وهو ماباغيش يتزوج بيها و مستحيل يديرها .. و وحدة اللي ف قلبه هي همس .. حتى وصلو مساج ف تيليفونه ..حلو و لقاه فيديو تيليشارجاه و ظخل يشوفه و ياريتو ماشافو.. عينيهم ولا كي قطرة ديال الدم و صدره كايطلع و ينزل .. كان معصب و دابا صافي وصل للحد.. لوحي عليه وقيدة يتفركع.. خرج كايجري و حاجة وحدة ف باله هي يشدها يفرشخها على اش ظايرة فراسها و الزلالا اللي ريوكهم طاحو و هما كايشوفوها كاتشطح.. غادي طااااير و بغا غي امت تجي بين يديه و يفدي فيعا غاع الاهصاب اللي تعصب اليوم و الصدمات اللي سمع و شاف ...
اش غايوقع ل همس مللي يلقاها اباء ..
واش باقي ماغاتعاود ليه الحقيقة و لا صافي فاش بيعا الكاس و وصلات ل نقطة غاتخليها تنفاجر عليه
ثغرة الماضي الجزء الثالث
محتوى القصة
التنقل بين الأجزاء