همسة ناعمة وإباء مترفع..قوة هادمة وصرح متمنع..خلافات صداقات وعلاقات تحت مجهر الحياة...عداءات ومحرمات ...كذب والاعيب واحتيالات...مؤامرات تحاك وقدر يلعب دور قضاة ..حكم اعدام وهرب من تحت مخالب جلاد مصاحب لآلام. . جرح عميق و اوجاع وعذاب اليم ..كيف ومتى ..هل حقا هذا واقع ام كابوس جحيم..رفقا بي فلا تزال روح ونفس حميم..احساس دفين وخذلان من ذاك العقيم...هل حقا هذا ..صدقا اريد جوابا صريح...مللت الخداع ..مللت الكذب وارتداء القناع..اريد صدق ....اريد الحياة ...
إلتقينا غرباء ثم بعد مدة صار ما بيننا اقرب من الاقرباء ...صداقة..ثم حب ..ثم ماذا بعد ؛بُعْدٌ لم يكن في الحسبان ..ووداعٌ اتى في غير زمانٍ ولا مكان ..ظهر في اوج لحظات كانت اجمل ما عاشاَ وفاقت ما كان يتصوران ..دخول غرباء او لمحة من اصدقاء...تحول الحقل الى جرداء محاطة بغيلان اقوياء ..رعب،صدمة،خوفُ الفراق من فاجعةِ تحول الأحباء الى اعداء..قط لم يكن هذا في الحسبان ولا حتى طيف ما يريدان ...جرح أليم ونزيف دمع يتيم...هذا حال ذاك القلب الحزين ..عذاب وقهر ..وهم غم صار ملاذاً لتلك العقيم...غذر عظيم واستهتار صار قلب ذاك العديم..خيانة عظمى وصدمة كبرى ..كذبٌ ..وخداع دمر ما بُنِيَّ وما كان مقدر لشخصان..لحب طاهر دُنِسَ من طرف ذئبان ..احذهما اذى والاخر خان ...ثقة كانت تحولت لغذر في آن ..بعد ان كان كلٌ في سعادة يعيشان ..حامت غيمة الحزن واكتسح القلب الخذلان ...لطفا منك..عفوا ...انا اسف ..لا تقترب فقد تأقلمت مع البعد وشَدَدْتُ اوتار الإتزان ...عفوا منك..فقد انهار ما بَنَيْتَهُ إثر سنين حرمان..فحبك في ارشيف تطبيق زمانِ كان ..وخيانتك درس حفظته ليس عن ظهر قلب ..بل صدقني وظفت له قلبان..جرحك اعمق من جراح كل بشر على مر الأزمان..إِلْتأمت جراحهم ولكن جُرحك لا يزال ينزف ليس مجدر قطرات بل سيل نهران ...فلا تأمل رجوعنا في يوم من الأيام..عد لمن فضلتها في وقت كان لك علي بدل الحق حقان...انت من خلَّف وراءه حباً طفولي و سحقت احلام طفلان..فهمسك يا إبائي لم يعد لها في الوجود مكان ...وإباءُ همس توفي يوم خان ...#بسمة الحياة 😍
💔💔 البعض شارد في عالمه الجديد... و البعض هزه الحنين و في قلبه كلام يتمنى أن يحلق في السماء و يلقيه على مسامع الجميع.. و يصرخ لنعود كما كننا .. فالحنين إلى أيامنا الخوالي قتلني..
🌹🌹 وردتي.. ليتك تعلمين.. كم عانيت بعد فراقك.. كم تجرعت لوعة الحنين الى همساتك... كم عانقت الشوق في غيابك.. و زرعت امل لقائك بعد رحيلك..لم اشعر بما حولي..جعلت الصمت مجدافي.. ذكريات الماضي تعصرني و تجعلني اتعثر في مسفاتي.. ترتمي افراحي حزينة في احضان الشوق.. تنطفي آمالي في ظلام اليأس.. و تغرق عباراتي في دموع الآهات.. فتنمو جذور الألم و تنبت في طرقاتي...
🌹🌹 وردتي.. يا من اودعت قلبي في احضانها.. دعيني احفر اسمك في عروقي واجعلك جزءا من انفاسي و ارسم فوق دموعي حبك...
🌹🌹 اريد أن اخبرك بهذا الوقت اني افكر بك.... انتظرك.. اشتاق لك.. و الأهم من ذلك انني احبك ❤❤
... كمل كتابته... و سد المذكرة اللي كانت مصاوبة من جلد فاخر.. سد القلم الذهبي اللامع.. و تنهد ب تعب... رشف من الطاس د القهوة اللي كانت محطوطة قدامو.. و ركز نظرته ف البحر اللي كان فاصل بيناتهم غي زاج ديال الكافي فين جالس..
لابس فيست سخونة على حساب البرد حينت الشتا دخلات...
شعرو مرجعو الللور بطريقة راقية و سامبل و بعض الخصلات الرمادية اللامعة و الرقيقة تخللات شعره الاسود.. زادته هبة و وقار.. شكله اللي غي مازاد تضخم و لحيته المهملة.. كايخليو اي واحد شافو يهابو و يحتارمو.. عندو كاريزما ف شكل كايتمتع بيها بوحدو حتى حد ما كايشبه ليه. عينيه اللي كايعكسو زرقة البحر اللي قدامه كاتخللهم هالات حمرا مبينة جزء حزين.. طفل مكسور ضايع تايه وسط هاد الحياة.. جزء من عمره كايحاول يخبيه.. عاش فيه اسوء ايامه.. الأمواج الهايجة كاتعكس مشاعره المتضاربة.. بين اشتياق و نسيان.. حنين و عقاب.. كره و حب.. بغا ينسا و ماقادرش.. بغا يبعد ولكن أي حاجة كاتخليه يتفكر.. رغم فلوسه.. مكانته.. شخصيته.. معارفه.. حتى حاجة ماعوضات الفراغ اللي حاس بيه.. حب حياته اللي ضاع و فرحته اللي ماكملاتش..
قاطع سهوته صوت تيليفون.. هزو بانزعاج.. شكون الشخص اللي قطع عليه خلوته الصباحية بينه و بين راسو...
شاف شكون المتصل و جاوب...
اباء: اش واقع صباح هدا؟؟
اياد: نسيتي واقيلة الاجتماع الي كاين من دابا نص ساعة
اباء: ياك نتا كاين.. فيك الكفاية.. ماكاين باش نجي تانا..
اياد: باراك من الهضرة الزايدة و جي خلاص..
زفر بغضب و دوز يديه فوق خصلات شعرو الرطبة: دابا علاش كاتقلب..
اياد: على اباء القديم.. اللي كانت خدمته اهم حاجة عندو
اباء: و حتى دابا راه باقي خدمتي مهمة.
ماخلاش ليه الفرصة فين يسمع الرد ديالو و قطع عليه..
ناض ساخط.. و حط فلوس فوق الطبلة.. هز مذكرته ف يد و تيليفون فاليد الاخرى..
تمشا بخطى واثقة و عينيه شوفتهم حادة.. يالاه حل الباب ديال الخارج.. حتى جا المساعد دياليو و يدو اليمين.. كريم..
دغيا حل البارابلوي.. و دارو ليه حينت شتا بدات كاتنقط..
و هما ف طريقهم للسيارة اللي كانت اخر ما خرج و فيها ااشيفور كايتسنا.. لمح وليد صغير تكون عندو قريب 7 و لا 8 سنين..
مخزون تحت واحد الشجرة و لابس حوايج موسخين و فازك بالشتا و حالتو حالة..
مشا عندو ب خطوات سريعة و كريم تابعه بالمظل.. مافاهم والو..
وصل عندو اباء و تحنا يشوفو.. كان كايرجف بفعل البرد و الشتا و حوايجه رهاف فازكين و فمه ازرق..
اباء: دوز يديه فوق وجهه البارد: كاتسمعني..
هز فيه الوليد راسو خايف و عاود نزل راسو خشاه بين رجليه..
اباء: هز ليه راسو: فينها ماماك
شاف فيه الوليد ب عينين حمرين: ما.. ماعنديش
اباء: و باباك ؟؟
حرك راسو بنفي و باقي كايرجف
اباء: و فين عايش؟؟
الوليد: غي فالزنقة..
تنهد اباء و دار اشارة ب يديه ل كريم: اجي هزو.. و نتا تكلف بيه ديوه لدار يغسلو ليه و يلبسوه حوايج دافيين و يشوفو طبيب...
كريم: واخا ا موسيو..
خلاه مكلف بيه و رجع هو للسيارة.. ركب و كسيرا بيه ااشيفور ف اتجاه مدينة وجدة.. فين كاين الشركة.. اما هز من نهار دخل المغرب قرر يستاقر ف السعيدية بحكم البحر اللي كايعشقه و الهدوء...
و هو غادي ف طريق و كايشوف نقيطات الشتا اللي كاتغطي الزاج.. رجع ليه منظر الوليد الصغير.. تنهد و هو كايتفكر. اش وقع اربع سنين هادي دازت.. داكشي الي كايحاول ينسا.. حب حياته و ولدو و لا بنتو اللي ماقدرش يفرح بيه.. ضيعهم ب يديه و بغباؤه و ب طيشه.. و كيفما كايقولو اللي بغاها كلها كايخليها كلها و هو هادشي اللي وقع ليه ...
داك الوليد الصغير حرك فيه إحساس الابوة اللي واخا يحاول حتى يعيا يتناساه.. كايرجع يتفكره.. علاش لا و هز طرف من قلبه.. كبدته كاينة ف بلاصة خرا من هاد الكرة الارضية.. واش عايش واش ميت.. واش بنت ولا ولد. اللي عارف انه غايكون عندو قريب 4 سنين..
و حينت مع ماماه ماعندو مناش يخاف عليه....
كي كل مرة أبسط حاجة كاتخليه يرجع ب ذكرياته اللوور.. ل سنين دازو.. ل أحسن ايام عاشهم. ل ناس كانو و دابا مشاو...
مسح وجهه بانزعاج و تلفت جهة الشيفور و خاطبو ب صوت كله برود.. هادي عادته من هادي اربع سنين.. مشاعره طمرهم ف قلبه و مستحيل يبينهم و لا يخرجهم.. ولا بارد.. عكس كي كان.
اباء: خدم راديو..
الشيفور مسكين ماعرف باش تبلاا.. ياك هو عزيز عليه سكات و ماكايحملش صداع.. اش خلاه دابا يبغي يسمع راديو..
خدمو وواول حاجة جات ف مسامعهم كانت اغنية.. ل ملحم زين ..
غاااب الغاالي...😔 و بعدو بالي.. عذب قلبي لياالي💔
بعد الحب اللي حبيتو ❤... جرح قلبي الغاالي..
ساافر حبيبي و رااح.. ما ترك إلا جرااح..
جرح الهوى.. مالو دوى😔 يا دنيا كيف ارتاح..
شو بتمنى حبك انسى.. و انسا كل المااضي 😣
بعد الجرح الشفتو منك.. قلبي بعدك راضي..
ساااافر حبيبي و راح.. ما ترك إلا جرااح.. جرح الهوى مالو دوى يا دنيا كيف ارتاح....
وداكشي اللي خاف منه طاح فيه.. كثرة الهم كاضحك.. بدا كايبتاسم شويا قلبها ضحك.. ضحك باستهزاء. على حالتو..اللي ولات اغنية كاتأثر فيه.. ولكن راه وصفات حالتو و باش حاس...
حاس براسو مخنوق و ذكريات الماضي كاتطوف و كادور عليه من كل جهة.. بدا كايحل الكرافاط الي كان داير.. و كايحاول يتنفس.. و غصة ف قلبه كاتنغزه..
وقف الشيفور.. و نزل من اللوطو كايجري.. و كانو حدا جرف كايطل على البحر.. البحر الهايج و الشتا كاتصب...
توجه للحافة و حل يديه معنق الهوا و كايحاول ياخد اكبر نسبة ممكنة من الأكسجين حينت حاس براسو مخنووق..
غوت غوتة صداها كان قوي.. يمكن هاكا يقدر يتهنى ولو شويا من الألم اللي كان حاس بيه...
بقا واقف كاينهج و عينيه حمرين.. حتى ارتاح.. عاد رجع ركب و آمروا يتوجهو ل مقبرة.. اما حتى الاجتماع مابقات عندو ليه كانة و لا خاطر...
⏳⏳⏳ قبل 4 سنوات⏳⏳⏳
فاقت كي كل صباح .. من نهار جات ل هاد الدار هي و علي...
الشمس شرقات و علنات على بداية نهار جديد..
اليوم كملات 25 يوم باش جات لهاد الدار... علي كايظل فالجامعة و ماكايجي حتى الليل و كايجيب ليها معاه دروس اللي فاتوها.. قدرات تسترجع صحتها... ناضت من بلاصتها و لبسات بينوار دافي. حينت الخريف و الجو كايتبدل.. وبدا كايبرد..
غسلات وجهها و دارت روتينها الصباحي.. و خرجات للكوزينة..
دارت القهوة فالقطارة.. و بدأت كاتصايب بيض اومليط..
حطات العسل و الفروماج.. زبدة و الكونفيتور.. المقلة اللي فيها البيض.. عصير ليها و قهوة ليه..
كلشي هو هداك.. مسحات يديها و يالاه غادية تفيقو حتى سمعات خطواته..
تلفتات عندو بابتسامة و بادلها بالمثل..
همس: صباح الخير..
علي: صباح النور.. علاش فقتي عاوتاني و عذبتي راسك..
همس: راه قلت ليك انا ماكانحملش نعاس بزاف.. و كانبغي نفطر معاك ماكانحملش ناكل بوحدي. باراك غي كاتغدا و تعشا فالزنقة..
محمد علي: و البطل كي صبح.. الى نتي ماكاتبغيش الراحة هو راه خسو الراحة...
تبسمات همس حشمانة و جلسات فالطبلة: لاباس عليه..
جلس قدامها: وامت غانعرفو واش بطل و لا أميرة..
همس: اويلي باقي الحال.. راه يالاه دابا شهر و شي جوج سيمانات..
بداو كايفطرو و فنفس الوقت مقصرين
محمد علي: و كاتاخدي دواك و كلشي..
همس: ااه قربت نساليه.. قالت ليا طبيبة آخر مرة ماغايجينيش وحم صعيب الحمدلله..
علي: اوا مزيان..
مسح فمه و ناض وقف.. و ناضت حتى هي ..
همس: اححم علي..
شافيها بمعنى نعام
همس: شكرا بزاف.. على أي حاجة درتيها على قبلي.. عمرني نسا خيرك..
علي: اخر مرة تقولي شكرا. و من الواجب عليا ندير معاك كثر من هادشي غاع..
همس: باراك غي شحال ديال الطريق كاتضرب كل نهار باش توصل للجامعة... و المدينة.. عذبتك معايا..
سلم عليها حتى هو و خرج.. شدات الباب من موراه.. و رجعات الكوزينة.. واخا الوحم ماجاهاش صعيب ولكن ماكاتقدرش تاكل.. حدها شربات كاس ديال العصير صافي..
جمعات ديك الطبلة و بدات كاتغسل الماعن . . و هي تفكر نهار عرفات راسها حاملة..
فلاش باك....
سيمانة دازت و هي حاسة براسها ماشي هي هديك.. و حتى من الدورة تعطلات عليها.. ماقدراتش ديك الليلة تنعس.. من جهة الخلعة من ان داطشي يكون بالصح و من جهة الغد ليه عرس أسماء و اباء...
جفونها ما طلاقاوش.. و عينيها ما غمضاتهاش. في شرقات الشمس اول حاجة دارتها قصدات الفارماسي.. خدات من عندهم جهاز كشف الحمل و رجعات.. لقات كلشي باقي ناعس...
دخلات ل بيتها و هي كاترجف. 90% داكشي الي خايفة منه واقع.. حينت عارفة باللي علاقة بدون وقاية راه غاتسبب حمل.. و هما ماشي غي مرة.. جوج مرات نعسو..
تنهدات و حاولات تمالك نفسها و تشبت بشويا ديال الأمل اللي باقي عندها..
دخلات الحمام.. و بعد لحظات خرجات منه و اللون من وجهها مخطوف..
جلسات ف طرف الناموسية و عينها حمارو و دموع شقو طريقهم فوق خدودها اللي ولاو صفرين و باهتين..
حطات يديها فوق فمها كاتمة شهقتها و يديها الأخرى هازة بيها كاشف الحمل اللي عليه جوج علامات.. نتيجة ايجابية..
همس: بدأت كاضرب فووجهها و تشهق: اش درت.. اش درت هئ هئ ... بلا شرف و كملتها بولد من الحرام هئ هئ يا ربي تسمح ليا .. يا ربي تسمح ليا اش غاندير. لمن نعطي الراس. لا عائلة لا واليدين لا تاحد.. حتى هو غايتزوج و غايمشي و يخليني.. هئ هئ.. الى حيدتو غانولي قتالة فوق من موسخة.. يا ربي و اش هادشي كايوقع ليا. ماكانجي نهز الراس حتى كانلقا مصيبة خرا طاحت عليا و حفرة كبر غرقت فيها...
بقات كاتبكي و تنخصص و عقل كايقوليها نتاحري و هني راسك و هاد الروح اللي فكرشك. و عقل كايقوليها هزي راسك و غبري و خرجي من حياتهم.. و ولدك ولا بنتك ماتفرطيش فيه..
عيات بالتفكير و لقات حل واحد اللي عندها هو تخليه.. يمكن ربي حرمها من عائلتها و من حبيبها و عوضها بولدها الي غايكون هو كل عائلتها.
مسحات دموعها و قررات باش تقوي راسها على قبل ولدها.. و تمشي العرس و من تما تغبر.. و تخرج من حياتهم بحال عمرها كانت فيها وهو عمرو يعرف عندو ولد حينت مايستاهلوش..
وداكشي نيت اللي كان قوات راسها وخرجات شرات كسوة باش تحضر.. وجدات راسها مزيان و مشات العرس. وتما وقع مالم يكن في الحسبان.. دفعاتها اسماء و طاحت و لولا لطف و رحمة ربي كانت غاتخسر ولدها اللي غي نهار باش عرفاتو كاين.. وحتى فاش داوها لكلينيك قدرات تفيق و كابرات و قالت ل طبيب يعتق ليعا ولدها و كانت كلمة وحدة ف فمها هي تاحد ما يعرف شيحاجة على الحمل.. تعتق ولدها و مللي فاقت ماكانتش عارفة واش نيت بالصح باقي و لا مات.. داكشي باش كانت ردة فعلها مع اباء قوية.. و لكن مللي خرج كلشي و جا طبيب يشوفها كي بقات طمنها و فرحها باللي ولدها باقي عايش..
مسحات يديها و نشفات الكوزينة مزيان.. طلات فالدار و بان ليها كلشي باقي نقي و ف بلاصتو.. مشات للصالون... هزات مانطا خفيفة دارتها فوق رجليها و تكمشات فوق الكانابي.. شعلات التلفازة و بدات كاتفرج.. و عقلها ف بلاصة خرا..
☆☆☆☆☆ فالفيلا... كي كل صباح الغوات... الصداع.. طول هاد الأيام...
اسماء لابسة شوميز ف الابيض ساتان و فوقه بينوار ديالو... واقفة مربعة يديها و مخنزرة.. كاتسنا فيه يخرج من الحمام...
كي ديما كايبات برة و كايرجع فالفجر يدوش و يبدل حوايجو و يمشي الخدمة..
خرج كايمسح شعره ب فوطة و وحدة خرا لاويها على نصو..
قربات عندو اسماء دغيا بغات تقيسه و هو يدفعها بجهد
اباء: قللللت ليك يديك ماباقيش تحطيهم عليا.
بلعات ريقها و حسات بغصة.. جمعات شتات كرامتها اللي بقا و وقفات كاتمثل القوة: فين كنتي بايت تاني..
اسماء: باقي كاتفكر فيها ياك.. ولكن هي الي عبرات علبك خلاتك و مشات مع لآخر.. ههههه موسخة من راجل ل راجل..
ماجات فين تكمل كلامها حتى كانت مردوخة مع الحيط و يديه مغروسين ف عنقها.. كان كايغلي بالاعصاب.. و عروقه قريب ينفاجرو و وجهو حمر.. خنقها ب كل قوته و هي كاتفركل بين يديه ووجها ولا زرق و نفسها قليلة..
رخا منها و خلاها طايحة على ركابيها كاتكح و ترجع النفس...
شافيها و هز صبعو فيها بتهديد: بربي العالي و باقي تجبدي سيرتها على فمك الخانز حتى نقتلك بلا ما نفكر ولو ثانية وحدة.. (غوت حتى قفزات) واااااش سمعتي...
حركات راسها بالايجاب..
خلاها و مشا كايلبس و هي بقات جالسة كاتبكي..
شافتو كمل و لبس حوايج كلاص كي ديما و كايرش ريحته قدام المرايا... و هي تجي من وراه.. حلات البينوار و خلاتو يطيح... هز راسو فيعا و شافها من المرايا.. كاتبكي و لابسة غي شوميز المعري كثر من المغطي.. و دموعها مغطيين وجهها..
اسماء: اش عندها و ماعنديش.. هاني قدامك.. ياك حتى هي سلماتك راسها. هاني تانا قدامك... مراتك حلالك...
شاف فيها باشمئزاز: هي مارخصاتش راسها بحالك... هي كانت و غاتبقا البنت اللي خلاتني نعرف اشناهو الحب و انك تعيش على قبل شيحد...
اسماء: ولكن هي مشات..
اباء: بسباااابكم.. ولكن باقي كل واحد غايتحاسب على أي حاجة دارها.. ماتشوفونيش ساكت تقولو هدا نسا.. نتي و الوالدة و اي واحد.. باقي حسابه..
يالاه بغات تجاوبه و هو يسكتها ب يديه.. و جبد تيليفونو اللي كان كايصوني.. جاوب بزربة.. و عينيه لمعو... قطع ووخرج كايجري مخليها موراه مكسورة.. واخا تزوجات بيه و ضمنات انه ولا ديالها.. إلا أن عقله و قلبه و كلشي باقي معاها هي .. و هدوك مستحيل تقدر شي نهار تملكهم....
☆☆☆☆ عند همس.. بقات كاتفرج ف فيلم كايضحك.. أخيرا ضحكات و من قلبها.. هاكا هي .. قلبها ابيض دغيا كاتسامح و تنسا.. غي فيلم خلاها تنسا و تضحك حتى دمعو عينيها و تقطعات فيها نفس..
مسحات عينيها و باقي كاضحك و هي تسمع الباب كايتدق... استغربات شكون غايجي عندهم و تاحد ماعارفهوم ساكنين هنا.. قالت يمكن علي رجع ولكن و عندو الساروت.. قاطع تفكريها صوت الدقان مرة اخرة.. و هي تنوض..
قالت شكون و ماجاوبها حد.. حطات يديها على البوانيي ووحلتت الباب و يا ريت ماحلاتوش.. تحل معاه فمها و عينيها و بقات واقفة مصدومة و رجليها فاشلين..
بقات كتشوف فيه وهو كيشوف فيها ممتيقش بلي لقاها هي فطنات وبغات تسد لباب وهو يدير رجلو مانعها تسدو عيات كتتعافر باش تسدو ومقدراتش محست غير بيه دفع لباب وهي شدات فطبلة من مواراها مخصصة للاحذية وكيحطو فوقها سوارت باش مطيحش ..سد لباب وجلس كيكلع ويهبط فيها وبخطا ثقيلة كيقرب ليها وهي كترجع بلوري
إباء جلس جلسة القرفصاء وعينيه على عينيها:مخليتيلي حتى خيار اخر ..متلومينيش
وقف وهووووبااا هزها بحال شكارة ديال لقمح فوق كتافو وراسها مدلي مور ظهرو وهي كتفركل وتتنتر ولكن معامن كان حاكمها خرج حطها فطوموبيل سد عليها وهي كتضرب فزاجة وتغوت وكتحاول تفتح هو وشاف فواحد من رجال لي معاه ..ولي كان مكلفهم باش يقلبو عليها
إباء:طلع اي حاجة ديالها جيبها متخلي حتى حاجة ...
طلع وكسيرا مخلي من موراه غير لعجاج وهي حداه كتضرب وتقمش فيه وكتحاول توصل لفولا وهو مبعدها بيد مبغاش يضربها ولا حتى يغوت عليها منين شافها مبغاتش ترصا شدها من عنقها خشا وجها فصدرو وملوي ذراعو عليها مزير عليها حتى فشلها مقدراتش تتحرك غيبات حط ليها راسها على لكوسان وخلاها ناعسة ...وصل لقرية" دي هان" ساحلية ببلجيكا ...انسب مكان ليهم بزوج ..قرية الاسترخاء وجمال طبيعة..المكان لي ممكن يفيدو ويفيدها ويخلق بيناتهم داك الجو لي محتاجينو .... وقف بسيارتو امام العنوان لي سيفطو ليه واحد من رجال لي كلفهم يلقاوها من بعد موصلو الاتصال لي كان كيستناه من شهرين دازت ليوم لقاها طلب منو يحجز ليه فقرية دي هان وفالحين ..داك شي لي كان حجز فيلا سياحية لي كتمتاز بيهم هاد لمدينا البيضاء ..هذا هو اللون الغالب عليها البياض وهدوء البحر .... خرج فتح لباب ورجع هازها فيديه حطها فوق لكنابي فصالون وجلس هو فوق طبلة نزجاجية كيتأمل فيها حتى سمع دقان فلباب ناض كان داك لي خدام عندو جاب لفاليز ديال ووراقها عطاهم ليه فيدو سد لباب وطلعهم لفوق ورجع لقاها كتخسر فصيفتها وصوت انين منباعث منها جلس فطبلة وعينيه غير عليها وصدرو كيطلع ويهبط ورجلو كيهززها بالاعصاب وتوتر..اما هي حسات بصداع رهيب حطت يدها على جبهتها ومقدراتش تحل عينيها بسباب ضوء ..بقات كتحاول حتى وضاحت ليها صورة دورات وجها جيهتو وهي تقفز جمعات رجليها عندها وحطات راسها بينهم غير عينيها لي مطلعاتهم فيه هو كيشوف مطلع حاجب وكيلهي بصباعو لي مشابكم ورجلو مزال كتهزز وهي عينيها كيرجفو وكدور فيهم وكتبلع فريقها...وفراسها سؤال واحد كيف دار حتى لقاها؟؟ . ....
🚫🚫 بغيت نوضح ليكم واحد القضية.. حنا دابا راه رجعنا 4 سنين اللور يعني هادشي وقع مورا العرس و فاش هربات هي.. و باقي الفلاش باك غايكون طويل و يوقعو فيه حوايج كثيرة عاد يسالي و نرجعو ل عند اباء اللي دوز 4 سنين بعيد عليها..
☆☆☆بروكسيل ☆☆☆
اسلام:سكتي ...وفهميتي غير بلعقل ..شنو لي وقع
اسماء مسحات دموعها ...كتنهج:راه حلفلي حتى كلشي غياخذ حسابو..انا خايفة ...راك مشفتيهش كيف رجع
اسلام وسامية عياو باش يشدوها ووالو حتى صمكتها اسلام بتصرفيقة خلاتها غير كتشهق وشادة فحنكها
إسلام:سكتي وسمعيني (شافت فسامية) سيري جيبيلها كاش ماء ترجع بيه روح..
خرجت سامية تجيب لماء واسلام كملات هدرتها
اسلام:سمعيني مزيان البهلة ماشي وقت الانهيار دبا ...دبا الا كنتي باغية ولدي ..بقالك حل واحد لي هو لحاج من غيرو هزك لماء وخذاتو ليك ديك لالاهم ...هي بعدا طلعات مطورة عكسك نتي يالبهلة
اسماء كتنخصص:اش ندير.. على عينك درت كلشي ..حتى من لكذوب غرقت راسي بيه ...اش ندير ظبا عفاك اطاتي قوليلي ..منقدرش نعيش بلا بيه ...اهيء اهيء ...منقدرش نتخيلو معاها اهيء اهيء..إباء هو لهوا لي كنتنفس (دارت يديها على وجها وزادت فوتيرة لبكا)
هنا دخل دخلت سامية واسلام عنقات اسماء كتدوز يديها على راسها وتهدن فيها ...
من بعد مدة ففيلا بن يوسف ...جالسة اسلام والحاج وع واليدين اسماء
اب اسماء:الحاج لو كان كان شي حد اخر دار لينا هاد شوهة كنت غادي ندير معاه تصؤف اخر ..بصح منين جات فولدنا فيدينا تربطو
الحاج لي واصلة بيه لعظم ومرضاش بلي دار اباء:سي محمد هاد الموضوع عندي انا..واسماء بتدنتي قبل متكون بنتك...وزواج غادي يكمل بالخاطر ولا بزز ..اسماء هي كنتي ..
سامية:زواج ماشي بالغصب الحاج ...الا كان ولدي إباء ممرتاحش فهاد العلاقة ..فراه كيف لبارح كيف ليوم ماشي بسباب دراري نتخاسرو
إسلام:سامية ...زواج غادي يكمل ماشي بسباب اشياء تافهة نخسرو مكانتنا وسط المجتمع ..كلشي عارف بلي اسماء و إباء علاقتهم جدية ودامت سنين ماشي بسباب نزوة غادي ضيع .. سو غير تفرجي ومتدخليش
سامية شافت فيهم كلهم وناضت وقفت:اسماء بنتي وحتى اباء ولدي ..(بقات كتحقق فإسلام) تعرفي شنو خليك فالمستوى الاجتماعي ديالك وحافضي عليه..ولكن فالمقابل خسري ولدك ...طلعات وخلاتهم
سي محمد:مدام اسلام متديش عليها غير فهاد المشاكل اعصابها تلفات
الحاج استغرب وهي فديك الحالة والهدرة لي كتقول:اش كتقولي ابنتي ..اش واقع . علاش يقتلوك
اسماء:انا حاملة..اهيء اهيء حاااملة...(حطت يديها على وجها وزادت فوتيرت لبكا حتى رجعات كتغوت )
الحاج جلس مصدوم وهي كتبكي حداه وكتردد نفس الكلمة "انا حاملة"..مقدرش يستوعب اش كيسمع ..توكض وبدا كيترعد شاف وحدة من لخدامات غوت عليها دخلات اسماء وهو بقا جالس
حتى تم إباء داخل وباينة عليه ساخط..عيط عليه بحدة جا بغا يسلم على راسو ويديه وهو يبعد عليه
الحاج بجدية:جلس ..بيناتنا هدرة
اباء تنهد دور وجهو ومسح بيديه على شعرو وجلس:نعام الوليد كنسمعك
الحاج ناض بانفعال تجاهو كيغوت:هاد شي كنت تفكر فيه قبل مضحك على لبنت ...لبنت لي حاسبها بنتي ..لبنت لي تربات بينا ..بلاصت ما نتا لي تحميها ..نتا لي ضحكت عليها ...هذي هي تربية لي ربيتك اسيد رجال ..الحاج محس غير بدنيا كدور بيه وطاح على وقفتو ..اباء معرف باش تبلى ناض جيهتو هزلو راسو من الارض وبقا كيحاول يفيق فيه والخوف باين عليه
اباء:الحاج..الوليد فيق ..فيق ...غير حل عينيك لي بغيتها هي لي تكون غير فيق...(بقا كيغوت) وعيطوووو الاومبيلووونص...إسلااااااااااام....إيااااااااد....ولخ**** وفينكم...(رجع كيحاول يفيق الحاج ويضرب فوجهو ضربات خفاف) الوليد ...فيق ..الله يخليك غير فيق ...ودير لي بغيت والله مناقشك ...غير فيق وندير
لي بغيت ...
خرجت اسلام وسامية على غواتو شافو الحاج فالارض واباء راكع على رجليه وكيغوت وسي محمد عيط الامبيلونص مكاملاش 5 دقايق كانت نقالة المرضى هازين فيها الحاج ومخرجينو واباء تبعهم بطموبيلتو دنيا مقلوبة عندو ..محيلتو فلي هربات ومعارف ليها طريق ودبا زادو الحاج لي بسبابو معرف واش حي ولا ميت ..لي عارف الا وقعات لباه شي حاجة بسبابو يحماااق ..وصلو لكلينيك من بعد لفحوصات وشي احراءات ضرورية بنسبة لحالة الحاج...فصباح اليوم الموالي جالس اباء مع طبيب
طبيب:الحمد لله الاب ديالك دبا فتحسن ولكن خاصو يبعد هلى اي محال لتوتر ..المرحلة لي هو فيها دبا حساسة واي ضغط او انهيار اخر يقدر..لا قدر الله..ردو لبال ليه هو فلعشية يقدر يخرج ولكن كنرجع نأكد وفرو ليه جو مريح وبعيد على ضغط
اباء كتفى غير هز راسو وخرج وقف على لحيط وهز راسو لسما محس غير بدمعة يتيمة نزلت على خذو مسحها وتم قاصد بيت الحاج لي كانت فيه اسلام وإياد ..دخل مكيشوف فحد من غير لحاج ...هاد الاخير لي غير شافو دور وجهو
الحاج:اياد ولدي ..اش خبار اسماء
اياد شاف فالحاح ورجع شاف فإباء لي جالس وعروقو منفوخين وباينة واصل لحدو وصابر :كلشي هو هذاك بلا مدير فبالك الحاج
إباء كيهدر وهو كيشوف فنقطة وحدة :اسلام تقدري غذا تعلمي لعدول يجي باش نكملو هاد زواج ..قال كلامو وناض خرج كاره راسو وكاره اي حاجة كدور بيه لقا سام وصوفي فطريق داز فيهم بلا سلام ولا كلام مشا مكسيري فشوارع بروكسيل حتى وصل لطريق كتخرج لريف بلجيكا...وقف على جنب طريق ودوز الابيل
إباء:شوف زوج كلمات تخرجها ليا من تحت الارض من فوقها مسوقيش بغيتكم تلقاوها ...
دازت يومين واسماء فرحتها لا توصف لابسة غوب بيضاء خفيفة مع ميك اب سامبل واجواء احتفالية بين العائلة والاصدقاء المقربين فقط وقعو اوراق زواج تحت تسفيقات الحضور وكلشي ناض كيبارك ليهم كلشي فرحان الا هو وسامية لي عارفين بلي هاد.زواج صفقة فاشلة من عنوانها ....
○○○↩الوقت الحالي
اسماء:خايفة ياخذني لطبيب ويعرف محاملاش اطاتي
اسلام:مالمي مكلخة واش حتى هادي مقدرتيش عليها...مقدرتيش حتى تغويه وتخليه ياخذ حقو منك
اسماء:درت لي ميدارش غير باش ينعس معايا ..هو نافرني مكيشوفش لجيهتي...وحتى نعاس مكينعسش فدار
اسماء:شنو ندير كتر ...راه رجعت بحال بنات زنقة غير باش يشوف فيا وهو محاملنيش ...رخست راسي لاقصى درجة وهو متحركت فيه حتى حاجة ...ديك لموسخة خذات ليه قلبو وعقلو ...
إباء بقا على نفس الوضعية حدو دار ابتسامة جنب بقا مدة وناض مخليها كتزغرت من وراه مشا لثلاجة جبد مشروب كانيط ورجع جلس حداها شعل تلفازة وجلس يشرب وهي مكشكشة كتغوت وتجنتل فيه وهو مخليها دير لي بغات حتى تهدات وجلست كتنهج حداه
همس:اوووووف باز لبرودة دمك يا اخي..وااا العمالة ...وااااا حمار طاحونة....وا خونا ادومة ..وستك ستك عادا عادا ومي دادا...وشيخا تسونامي ...(كتنغز فيه فذراعو) إي بي..
إباء شدها من ذراعها وعينيه فعينيها ونار لغيرة متاكل فيه:متجبديش سميتو على فمك والا قسما بالله حتى نجيبلك راسو عند رجليك وسقيطو نحطهالك طابي عند لباب ...
همس نفضات يديه منها وهزات صبعها فوجهو:متقيسنيش ...وتهديدات ديالك مكتخوفنيش فهمت..اصلا اش نستنا من واحد بحالك همجي..اش جاني منك غير لعذاب ..تفو الله ياخذني ويهنيني منك ومن طاسيلتك تفووو..واش معندك نفس ..مباغياتكش...محاملاش نشوف خليقتك ..وفرقني عليك سير عند اسماء هي لي من سهمك ..اما انا غير موسخة ومكنسواش وبنت زنقة ..ومن هذا لهذا ..شفت انا هي سل وذوق ...اش مزال باغي عندي اولد لحاج
إباء وصل بيه لحد لاقصاه ناض خرج وسد من موراه لباب مخلاش ليها حتى منفذ منين تقدر تخرج ..خرج قبل ميحط يدو عليها ويندم وهي مكتخرج غير سم من ديك لخربة لي عندها ... خرج وتاجه لشاطئ البلاصة لي كانت ولا تزال لمتنفس ليه ...جلس قريب 2 سوايع كيحاول ينقي افكارو ويشوف الحل لي يناسبو ..كسر هدوءو صوت تيليفون كيصوني هزو وتنهد جاوب بزز منو ميقدرش ميجاوبش عليه
إباء:وي الوليد صافا؟
الحاج:فينك...واش مزال معطل
إباء:الوليد جاتني خدمة مزروبة برا لمدينة مغنرجعش هاد ليلة بلا متتسناو
الحاج:شفت خدماتك كترو بليل ...مغنهدرش دبا بصح منين ترجع عندنا حديث بزوج
قطع عليه وخلاه يحط وجهو بين يديه ويدعي خالقو يشوف من حالو ويفرجها عليه ..رجع لقاها ناعسة وتلفازة كتتفرج فيها ههه هذا اش جاها فلوحم غير لماكلة ونعاس تقدر تنعس فاي وقيتة واي بلاصة رجعات غير شكارة...دخل لكوزينة وجد ليباط بلداند والبيشاميل وزعتر دار عصير تفاح ولبنان حطهم فبلاطو ومع ياغورت هذا لي قد عليه وهو اصلا بينو وبين لكوزينة علاقة ماشي حتى لهيه حدو يعرف يدير ليباط ولا لماكلة دايت ديال صحاب لفيتنيس ... حط لبلاطو فكبلة حداها وبدا يدوز يدو على وجها ويبوس فيها وهي كتتحرك وتبجغط بفمها حتى كرهات وهو مباغيش يبعد منها وعاجبو تصرفاتها حلت عينيها مخنزرة فيه دفعاتو عليها وجلست كتمسح فعينيها وبسوط ساخط
همس:اول حاجة متقربش مني دخلها لدماغك الاخ..ثاني حاجة المكبوت رجعني منين جيبتني...ثالث حاجة وهي الاهم واش معندك ميدار مقابلني غير انا ....
إباء جلس كيشوف فيها وهو يطلق ضحكة خلاتها غير تشوف فيه جلس كيهدر ويضحك:هههه باغدون...اول حاجة ندير لي بغيت وميسالني حد ...ثاني حاجة مكبوت وغير عليك ونموت فيك وكتحمقيني وشاد راسي عليك غير بزز..وثالث حاجة وهي الاهم ..غنبقا مقابلك حتى ترضاي عليا وتوافقي نرجعو كيف كنا
همس بغرور:حلم ..مستحيل يجي نهار لي نكونو بزوج المكبوت
إباء خطف منها بوسة خلاها تغلي وبدا ياكل وهو حابس ضحكة على دعاوي لي كتدعي عليه
همس مربعة رجليها ومطلعة عينيها لسما :سير اوليدي بغيتلك ضمور فيه ...بغيت دوك شلاقم تجيهم جربة وتحكهم مع لحريكة ويتشلبخو لجد بوك بسخانة وتشوطو بالحبة الكحلا ...سير يا وليدي بغيتلك كسيدة تفتت ليك لحم ولعظم ومتخلي فيك ميتجمع وياكلو منك لكلاب ونسورا ولباقي يحطوه فالباسورا..سير يا وليدي بغيت ليك تابعة كحلا نتا تجري وهي كامشة ليك فرجلك ليمنة فينما تعتب ترجع خايب ذايب ...سير اش بغيت ليك غير ساحق ورصاص لمتلاحق تشرب من نهر لويل ويدوز يقطع ليك لمصارن ..سير اش بغيت ليك غير داء لمرارة والقصور الكلوي...الله يا ربي ..شوف خليني ساكتة مبغيتش ندعي فيك ومتقربليش المرض ....
همس:مالك باب باش ندق عليك ...ونتا اش مشا ليك ...اااه حبيبي وكنموت فيه
إباء ساخط:تعرفي ينعل ديلمي انا لي جالس نسمع ليك ..وقفتيها لبنادم ...تم غادي ساخط ولي جات حداه كيقلبها
همس بلغوات من موراه :راه حتى انا معاشقاش فطلتك لبهية ..ورجعني ومتسمعلي منسمعلك اوجه نحس افصالت لكانغارو لعوج يا وجه نعامة لمعوقة ..(غير غبر عليها جبدات داك طبسيل عندها كتفرك يديها مع بعضهم) احححح اقلبي ليباااط ...نيت كنت مشهياهم (حطت يدها على كرشها) متديش على داك لمسعور نتا كاع مغتخرج تشبه فيه..هو مزوينش نتا غتخرج تشبه فماماك لي كتحماق عليك ...
بدات كتاكل وتبنن على خاطرها حتى جا فبالها علي وحطت يدها على خذها
همس مطت شنافتها وكتهظر غير مع راسها:معرفت ميف تكون حالتو مسكين...غيرجع ويتشوش عليا ...اييه علوشي مسكين ..معرفت شكون غيوحد ليه لفطور فصباح..إباء وجه نحس مقدرش يعلم بلي غادي يخطفني يخليني نوجد ليه الاحتياط فثلاجة...
دازت سيمانة وهمس ممخلياش من جهدها منغصاها على إباء الي رجع مكيجي حتى لعشية كيخرج فصباح بكري ينزل لبروكسيل يقضي شغالو ويدوز لدار غير يبان للحاج ونفس الموال مع اسماء لي كتحاول كل ما فجهدها باش تغريه ولكن هو كارها كره لعمى لظلمة ...لو كان ما لحاج كاع ميرجع لديك دار وفلعشية يمشي عند حبيبتو لي رجع مكتحلاش ليه لجلسة لو كان متسمعوش لملحون والاندلسي ديالها هاد لعشية دخل لقا سكاااات موالف يلقاها مقابلة تلفازة ومروجة دنيا ...دخل ليه شك وطلع كيجري لقاها جالسة فلباب ديال دوش ومرجعة راسها على فلحافة ديال لباب مفيهاش نقطة ديال دم صفرا بحال ليمون وكتنهج حاطة ملينيكس على فمها ..قصدها كيخلف فالخطوة هزها من الارض حطها فناموسية شد وجها بين يديه بخوف
إباء:همس ..همسي مالكي ..اش بيك احبيبة ..كضرك شي حاجة ..مريضة
همس كطلع نفس بزز متفات غير بعلامت نفي بزز باش دارتها براسها ..تكات ونعسات مغمضة عينيها..
همس فتحات عينيها فيه وناضت توسدات صدرو خلاتو مشوكي وبقات كتشمشم فريحتو وحاطة شفافها على عنقو
همس بصوت خافت:ريحتك كتحمقني ...مبقيتش قادرة نصبر كتر ...(بدات كتبكي وتشهق زادت تمخشات فيه) كنبغيك ا إباء .. اهيء اهيء ...كنبغيك و..ومبغيتش نبعد عليك...منقدرش نموووت ...جربتها مرة اهي اهيء اهيء..وكنت جسد بلا روح ...حبي ليك تجاوز كل لحدود..عمري فكرة فشي حد من غيرك ...نتا بوحدك لي ملكتي قلبي وروحي وكولي كوولي ..إباء متخلينيش عافاك ..انا ..انا
إباء بعدها عليه شوية كيستوعب اش كيسمع وهي عينيها مدمعين وحناكها حومر بالبكية مسح ليها دموعها باس ليها عينيها بكل حنية وفرحتو مابحالها فرحة ..حط جبهتو على جبهتها
إباء :نتي هي حياتي ..مستحيل نتفرق عليك ...انا ناشي غير كنبغيك ..انا مهووس مريض بيك..نتي سكتي كل ذرة فيا ..قلبي عقلي نتي لي سالباهم ..نتي حبيبتي وختي ومراتي وكلشي .. همس خلينا نرجعو لبلاد ونتزوحو نبعدو من هنا ومن لمشاكل نمشيو لبلاصة بعيدة نخليو كلشي من مورانا ..نبداو غير همس و إباء وبس
همس ابتاسمات كأنها مخذرة هزات يدو وحطتها على كرشها:همس وإباء..وطرف منهم بزوج(شافت فيه مصدوم وحركات راسها بابتسامة ودموع نازلين من عينيها) انا..انا.حاملة ...
فاقت مفزوعة كتحس بذاتها كلها مدكدكة وعرقانة تقول واكلة لعصا وشي حاجة فحلقها كتحرقها وراسها عطيها صداع..بدات كتكحب وصدرها مدعدع عرفات لبرد دارها بيها.. بغات تنوض شوية ولكن مقدرتش كتحس بذاتها فشلانة حلت عينيها وتنهدات بززات على راسها وحطات يدها فوق لاباجورة وقفات وكابرات حتا وصلات لدوش خذات دوش خفيف صحصحت شوية ولكن لكحبة جاتها بغات تجيفها وزادها ردان مهم حالتها كتشف لعذا محبسات حتى جنابها وجعوها خرجات لبسات ودفدفات راسها من لبرد وتكمشات فبلاصتها
همس فنفسها:كملات ..بفف على زهر وقت لكريب دبا ....الله يا ربي حتى دوا منقدرش نشربو (دورات عينها فلبيت خاوي) يعطيه غبارة لي تغبر جد بوه لثلث الخاوي ..مرجعش لبارح وانا مخليني نموت هنا ...(حطت راسها على لكادر ديال ناموسية كتسترجع احداث حلمتها) خير وسلامة يا ربي..لاا اهمس هو غير هكذا وممخليكش تتحركي ..يزيد عاد يعرف راه يربطك معاه فين ما مشا ..لاا ولكن حرام نحرمو من ولدو ولا بنتو ربي ميبغيش..اييه يا لالة ربي ميبغيش حتى اش دار فيك هو..نسيتي بسبابو اش عشتي واش مزال كتعيشي ..بففف دبا علي يكون كيقلب عليا ..وصوفي وسام حتى هما مساكن يكونو مشوشين عليا ..ومريم..(بدات كتبكي ) توحشتهم كلهم ...
شداتها لكبحة حتى قطعات فيها نفس وهنا تفتح لباب وتم داخل لابس سيرفييت فالاسود ومبتاسم
إباء:صباح الخير نعاسة (حط لبلاطو فوق الاباجورة وحط يدو فوق من جبهتها وعينيه كيلمعو عكسها هي لي صدمتها وخوفها باينين من عينيها) اووه دبا مزيانة...كتضرك شي حاجة ..
همس غمضات عينيها وكتحرك راسها بنفي:لااااا انا غير كنحلم ..لاااا نتا مراكش هنا(بدات كتشالي بيديها) انصرفي ايتها روح شرية ...كححح.كححح.كححح.انصرفي ..يونغ ماي وايواي فانديزاو يونغ ما واواي فانيزاو(ديديكاس لاغلى رسوم على قلبي 😂)...
همس وسط دموعها :لااا راه كنحلم نتا مراكش هنا ..لاااا...اش درت انا اش درت اهيء اهيء .كححح.كححح...سير بعد مني ..سير فرقني عليك ..اهيء اهيء اهيء...علاش نتا هنا ..مبغيتكش هنا سير ...نتا معليك حتى حق سير ..(انفاجرات بلبكا وحطت يديها على وجها وكتشهق وتمتم بكلام ممفهومش خلاتو مصدوم شوية طلعات عينيها)..شنو وقع عفاك غير فهمني الله يخليك اش وقع كنت نحلم ياك ..(شدت ليه فالكول ديال سيرفييت)..انا غير كنت كنحلم ..موقع والو ..قولي موقع والو..علااش ..علااش ساكت يسكت حسي
إباء تصدم معرفها لا علاش كتهدر ولا اش كتقصد عنقها كيسكتها:ششش موقع والو ..راه والله مقربت ليك ..غير تهدني ..
همس طلعات عينيها فيه بترجي:موقع والو ...ياك نتا جيت حتى لصباح يااك ..حتى لصباح ..انا مقلت ليك والو
إباء حط يدو على وجها كيتلمس فيها بحنان باسلها جبهتها ورجع كيشوف فيها:نتي لي اش واقع خلعتيني عليك ..لقيتك مغيبة مفهمت والو وحرارتك كانت قريب 40 ليل كولو وانا معاك حتى هبطات شوية
همس تنهدات بفرحة:اييه غير سخانة هاديك ..ههه غير سخانة ...الحمد لله غير سخانة ...اصلا لمرض زوين ..يا حلاوة على المرض غزاال
إباء شاف فيها مستغرب حط يدو على جبهتها:همس ..حبيبة صافا ..يبالي تفلاشيتي
همس تسيفات عليه:بففف سير فرقني...يععع ريحتك خانزة ..مكدوش المرض ..معندكمش لما ولباندوش فبلادكم
إباء جلس كيشم فجنابو فيه غير ريحت لبارفان خنزر فيها وجبد.لبلاطو:كولي وسكتي ..وشربي دواك
همس على سيرة دوا قفزات وابتاسمات ليه:ااه لفطور نفطر فيا جووع ..ولكن دوا..هيييييه..دوا خايب ..اصلا دوا كيعالج حاجة ويمرض حاجة ...وانا ..شفتي انا..واعوذ بالله من قول انا...ودوا كيصنعوه الكفار ..يهود ولاد لحرام تخاف غير يقتلونا ويسمونا حنا لمسلمين ..اييه ..(شافت عصير ديال ليمون فلبلاطو هزاتو ) هذا دوا ..ليمون..ليمون ..فيتامينات ..هو ..هو دوايا طبيعي وزوين ..بقا كتشربو حتا نتا
☄☄☄ صباح جديد... نفس الكاسيطة و الموال كل صباح.. اسماء من غير هدوم خلاوها خوتنا المصريين.. لابسة شوميز قصير و كامل معري.. وجها كامل مطلس ماكياج و شعرها رجعاتو قصير شويا و لونو اكاجو..هي زوينة ااه ولكن الزين زين الفعل اما العين غدارة.. و إلى كان قلبك زوين حسن بزاف من جمالك الخارجي.. و هادشي اللي كاينطابق عليها هي .. الخبث و الشر اللي فيها خلاو زينها يولي باسل و حتى ملامحها شيطانية و عينيها اللي فيهم نبرة ديال الغدر و الشر و السم كايقطر منهم خلاوها تبان ف عينين اباء مظلمة.. شحال ما حاولات تغويه و تبين مفاتنها و تطلق زينها.. كاتلقاه هو غاعما نايض ليها من النعاس.. و كي كل صباح.. واقفة كاتسناه يخرج من الحمام من بعد ما سمعها خل وذنيها حينت سولاتو فين بات..ولكن واخا هاكاك باقي ماتابتش.. بغات حتى يعطيها شي خلية ديال الكلاب عاد دخل سوق راسها و تهدن..
تحل الباب ديال الحمام و خرج لابس تيشورت رمادي راسم عضلات بطنه السداسية و المنحوتة.. و فوقها كويرة كحلة و دجين مغلوق.. باسكيط بيضا و داير كاسكيط كحلة فيها علامة نايك.. وقف قدام المرايا كايلبس ساعته ف يديه وهي تجي حداه..
اسماء: فين غادي تاني.. واش نتا هاد دار دايراها كي الفندق كاتجي ليها وقتما قالها ليك راسك تدوش و تبدل و تعاود تخرج..
اباء: كايشوف فيها ب حقد: و نتي اش مشا ليك ..دار باك هادي؟؟ . ياك داري ندخل و لا ما ندخلش سوق جدك؟؟ لااااا
اسماء: هادشي بزاف عليا .. غادي نقولها ل عمي و طاتي يشوفو ليا شي حل هما اللي زوجوني ليك هما يلقاو حل ..
ضحك باستهزاء: هههه اييه حتى هدا نظر.. انا نيت باقي ليا عندي معاهم كلام كثير .... و مللي فيك الفارة اليوم و بغيتي غي صداع.. قودي لبسي شطايطك و زيدي قدامي لعند طبيب..
اباء: نشوفو ولي العهد اللي بمسبته حنا وصلنا لهاد الحالة...
اسماء كادور ف عينيها: هاااا.. اصلا لاباس علبه.. و ماشي وقت رونديفو دابا و زيد اليوم الاحد.. و غي ديك المرة مشيت مع طاتي اسلام و كلشي مزيان..
اباء: ولكن انا باقي ما شفتوش ...
اسماء كاتحاول تجاهل نظراته اللي كايوتروها و كلهم شك: اححم.. نتا اللي ديما مشغول.. و اصلا ايام الله طويلة.. و باقي غاتشوفو ماتخافش..
مللي اباء وصل الموضوع البيبي دغيا تهربات و مشات تخشات ف ناموسية مكمشة.. كاتحاول ترجع تنعس و تهرب منه .. حتى هو ما حكرش.. باراك غي تسد عليه فمها و تخليه يكمل اش كايدير و يخرج فحالو.. حينت هاد الدار ولات كادير ليه الخنقة...
توجه الباب باش يحلو و هي تنطق من تحت اللحاف..
اسماء: عيقتي ا اباء.. واش انا مراتك و لا لا .. جلس معايا شويا و عطيني وقتي و حقوقي..
اباء: هههههههه لا واش من نيتك.. حقوووووووقك خديتيهم قبل زواج.. و إلى فيك شي دودة برديها مع الحيط و خوي راسك مني انا و طريق اللي نكون فيها قلبيها و خليني باقي مزيان و داير ب وجه العشرة و خوك ...
ماخلاش ليها فين تجاوبو و هو يردخ الباب بجهد حتى تحرك الحيط و خرج مخليها غارقة ف دموعها....
بقات كاتبكي و تفقس حتى عاودات سمعات الباب تحل .. هاد المرة كانت اسلام حتى هي باقي ب حوايج نعاس . دخلات و شدات الباب من موراها و مشات حداها..
اسماء غي شافتها و هي تزيد ف بكاها: هئ هئ شتي ولدك هئ هئ ش.شتي شنو داير ليا ... عيق و زاد فيه بزاف.. عيييييت... كلشي جربتو و والو.. نقطع يدي باقي كايشوفها.. حتى نظرة عينيه تبدلات... و عاد رجع فيه اللون..
اسلام ب حدة: مسحي عليا دموعك و خناينك.. . و إلى غاع لقاها.. راه نتي هي مرااااتو.. يدور حتى يعيا و يرجع ليك ... و ياك هي الولد اللي كان جامعها بيه مشا بااااح و ولدك نتي باقي.. يعني نتي اللي رابحة....
اسماء: كذبنا كذبة و تيقتيها.. فينو هاد الولد فينو.....
اسلام: واش انا اللي غانوريك كي غاديري
اسماء: واش هو حتى شوفة... كلمة زوينة ماكايخرسها عليا و نتي كاتقولي ليا الولد....
اسلام: ماكنتش عارفاك ضعيفة هاكا..
اسماء: اصلا هو بدا كايشك.. خسنا نلقاو حل لهاد الكذبة...
اسلام جبدات من جيبها واحد دوا: هاهو الحل.. خسك غي تكوني قافزة.. و الولد دابا يجي فطريق مازربانين فين....
اسماء: شنو هادشي ؟؟
اسلام: هدا دوا غايخلي الضغط ديالك ينزل و تفقدي الوعي...
اسماء: كيفاش..
اسلام: اجي نشرح ليك.. المهم الكذبة غانحلوها..
فبلاصة.. و عند همس .. مللي فاقت و هي كاتسناه يجي يطل عليها. يخ منه و عيني فيه ولكن شافت حسه مقطوع فدار .. قالت يمكن ماباتش هنا غاع.. ناضت ماعندها شهية لا الماكلة لا لوالو الدوخة قاتلاها..
نزلات ب بيجامتها... جلسات قدام التلفازة... خدماتها و بقات كاتقلب من شين ل شين و هي كاتنكر و تخاصم.. علاش يبات ف بلاصة خرا.. و علاش خلاها بوحدها و فينو الفطور اللي موالف كايصايبو ليها....
طاحت ف وحدين دايرين فيلم زوين بزاف سميتو * if i stay*
بقات متبعة معاه و معنقة واحد المخدة و كاتفرج... ماجا فين يسالي حتى كانت معمرة حداها ب كلينيكس و عينيها منفوخين حمرين و كاتبكي و تشهق... الفيلم قدر يأثر فيها خصوصا وهي هرموناتها مخربقة.. واخا هو راه كايخلي اللي ماعندو قلب يحس... فكرها ف والديها. عائلتها ختها حياتها القديمة.. ف اباء و فولدها اللي جاي.. هاد الفيلم بالضبط كايخليك تعيد النظر ف كي عايش.. هو قصة لبنت صغيرة بحالنا.. عايشة مع واليديها و عندها احلام و طموحات.. ولكن بحالنا حنا كلنا كانقولو باقي الحياة قدامنا.. ماكانفكروش فالموت و باللي يقدر غدا نصبحو ماكاينينش.... و هادشي اللي وقع لهاد البنت.. حادثة ف سيارة مع عائلتها.. اللي كلهم كايتوفاو و هي كاتدخل ف غيبوبة مامعروفش امت غاتفيف... ولكن كاتبقا روحها كادور و تشوف.. كيفاش حياتها ولات كيفاش تخربقات و تدمرات ف وقت قصير.. ندمات على شحال من حاجة دارتها و فرص اللي ضيعات.. الوقت اللي كان خسها تكون فيه مع عائلتها و كانت كاتخرج فيه و لا كاتبقا بعيدة عليهم.. المهم عرفات أنه كانت غالطة قبل و كاتمنا تفيق من ديك الغيبوبة باش تعاود تصلح حياتها واخا عارفة واليديها عمرهم باقي يرجعو.. ( تفرجو فيه البنات والله فيلم واعر بزاف بعيد على رومانسية والحب و غاع داكشي.. فيلم غايخليكم توليو كاتفكرو ب طريقة خرا) ..
همس هادشي فكرها ف علاقتها ب واليديها اللي مقطوعة... حياتها اللي مابقات عارفاها فين غادية.. ولدها و لا بنتها اللي جاين و ماغايلقاوش حياة مثالية و اسرة فيها اب و ام عايشين تحت سقف واحد...
تحل الباب و دخل اباء كايمسح صباطو اللي عمر غيس حينت كانت شتا...
يالاه سد الباب و يسمع صوتها كاتبكي و تنخصص.. مشا عندها كايجري.. لقاها وجهها و نيفها حمرين و كاتشهق.. عينيه خرجو و ماعارفها مالها...
دخل كايجري يشوفها مالها كاتبكي و هي غي مازايدة فيه . اي حاجة خايبة و اي مصيبة طاحت ليه ف راسو.. ماعرف مالها..
جلس حداها و شد ليها يديها مخلوع و علامات الخوف باينين ف وجهو..
اباء: همس .. همس مالكي .. علاش كاتبكي.. اش وقع .. واش باقي مريضة.. كاضرك شيحاجة..
همس غي كاتبكي و تنخصص
اباء: بلا ما تعصبي ملتي وقولي مالك.. علاااااش كاتبكي..
همس: ماغاديش تجاوبني.... توحشت ماما و ختي و و.. ح..حتى بابا.. واخا غاع داكشي اللي داروه باقي موحشاهم 😔😔
اباء: هاكي دوي معاهم..
هزات فيه عينيها مدمعين... همس: و غايبغيو يهضرو معايا
اباء: و على شكون اللي مايبغيش يهضر مع ملاك بحالك...
و ضرب ليها نيفها ب خفة...
همس: و باش غاندوي معاهم و نتا خديتي ليا تيليفون
اباء: اييه خديتو و ماغانرجعوش ليك.. و هاكي ها ديالي دوي فيه حتى تشبعي..
جبدو من جيب و مدو ليها..
شداتو من عندو بلهفة.. و خايفة.. خايفة من ردة فعلهم.. هادشي إلى جاوبوها بعدا..
يالاه شعلتو و هي طلع ليها تصويرتها اول حاجة..
شافت فيها و هزات راسها شافت فيه مخنزرة و شفارها فازكين و نيفها حمر..
همس: منين جاتك هادي؟؟ و باشمن حق داير تصويرتي عندك...
اباء: عندي كل الحق و ماشي غي على تصاورك.. عليك حتى نتي..
همس: وا منين جبتيها.. غاعما عندي انا ..
اباء: ماعقلتيش؟؟
همس: سكتات شويا و هي تنقز: ااااااااه عرفتها.. (بانت على ملامحها ابتسامة باهتة ) .. ديك الكسوة كانت عزيزة عليا و عمرني لبستها.. ماكايخلينيش بابا.. و لبستها بتخبية ف عيد ميلاد اسماء(نزلات راسها بحزن) و مللي تصورت درت هاد التصويرة ف انسطا و نتا بقيتي كاتخاصم و تغوت حتى مسحتها.. ولكن ياك مسحتها منين جاتك نتا؟؟
اباء: قبل ماتمسحيها..بقات عندي. اي حاجة كاتخصك باقيا عندي..
تنهدات و هزات تيليفون كاتحاول تبان قوية و ماتضعفش..
كومبوزات الرقم.. ديال ختها.. و حطاتو فوق وذنيها و قلبها كايتسمعو دقاتو بجهد بحال كاتجري...
شافها اباء قداش متوترة و هو يقرب حداها و شد ليها يديها.. و حتى هي زيرات عليهم....
تسمع صوت اختها و هما يبداو دموعها كاينزلو..
سمر: الو... الو.. شكون معايا..
همس: الصمت غي كاتبكي ..
سمر: اااالو....
مللي ماجاوباتش همس.. سمر قطعات..
لاحت تيليفون من يديها و بدات كاتبكي بصوت مرتفع . ...
اباء: علاش ماجاوبتيهاش.. علاش بقيتي ساكتة
همس: هئ هئ ... ماقدرتش. إلى عرفاتني انا غادي تقطع عليا.. باراك غي سمعت صوتها.. عرفتي كبرات. مابقاتش سمر البرهوشة... هئ هئ من ديما كانت كاتبغي تقلدني و تكون بحالي .. ماعرفتش دابا كي غاتكون و هي بوحدها..
اباء: ششش و صافي ا حبيبة.. شوفي عينيك كي ولاو.. طيبتيهم.. باراك من البكا..
مسحات دموعها.. و ناضت بلا ماتجاوبو.. طلعات..
اما هو سرح يديه و راسو رجعو اللور .. مغمض عينيه و كايتنهد.. دموعها كايحس بهم كاينقطو نقاط سخان فوق قلبو.. إلى هي بكات و لا تقلقات كايحس براسو غاينفاجر. ماكايبغيش يشوفها ضعيفة لا مقلقة..
⏳⏳⏳⏳
داز شويا ديال الوقت.. و شافها غبرات و حسها تقطع.. مشا الكوزينةو شافها نقية عرفها ماكلات والو اليوم.
هز عصير و صايب ليها سوندويش و طلع الفوق.. شاف واحد الباب ديال تيراس محلول.. و هو يدخل ليه .. كانت جالسة جنب الحيط اللي كايطل على البحر.. شعرها الاسود كايطيرو الريح.. و جامعة يديها عندها.. و مرة مرة كاتنخصص..
حط داكشي فوق واحد طبلة ديال الخشب كانت تما..و مشا عندها.. بلا ما يتردد.. حاوطها بيديه.. و دورهم على كرشها.. وحشا وجهه ف عنقها و شعرها.. حتى هي مارفضاتش.. حطات يديها فوق يديه..
و دام الصمت للحظات.. هي صوت البحر الهايج.. و الأمواج المتمردة.. بحال مشاعرهم.. حتى هما احاسيسهم. كايتخبطو بحال كي كايتخبطو دوك الامواج مع الصخر..
تنهدات و هي تدوي: واش انا عمرني اذيتك؟؟
اباء: الصمت
همس: عمرني.. عمرني ضريتك و لا درت ليك شيحاجة.. و علاش نتاقمتي مني.. نتا و انا عارفين باللي انا غي ضحية.. ضحية ديال تقاليد.. ضحية ديال عائلتها.. حتة حاجة ماكانت ب ختياري.. كلشي هما داروه.. ماشي انا اللي طلبت الزواج.. هما زوجوني بزز و بعدوني و لاحوني فالغربة.. مع راجل.. حاشا واش يتسما راجل.. كليت العصا اللي عمرني ظنيت غاندوقها.. السبان و المعيار.. حبسوني فدار.. من القرايا.. ماكرهوش الهوا يخنقوني منه.. و فاش هربت و ربي عاوني و تحررت منهم و من بطشهم. لقيت عائلتي ناكراني.. علاش حينت طلقت.. و هادشي كامل كووم و داكشي اللي درتي نتا كووم تاني.. عرفتيني باقي كانبغيك.. و لعبتي بيا و بمشاعري.. وهبتك اغلى ماكانملك.. قلبي شرفي.. كلشي ..ولكن باش جازيتيني.. الغدر.. هاد الكلمة اللي كاتخليك تحس بالمرار.. غدرتيني مع صاحبتي. نتاقمتي مني على حاجات انا ماعنديش دخل فيهم..
اباء كل كلمة كاتقولها كايحس بيها كي سم على قلبه.. و عينيه ولاو حمرين مغرغرين ب دموع. كايتفكر اش داز عليها.. حبيبتو الصغيرة اللي كانت بريئة.. قتلو فيها أي حاجة زوينة و حتى هو معاهم.. اللي كان بالنسبة ليها الامان و القوة.. غدرها و طعنها...
اباء بصوت حزين : باارك.. ماقادرش باقي نسمع..
همس: لا .. خسك تعرف.. تعرف مناش دزت و مناش باقي كاندوز.. عييت و جهدي تسالا... ولكن عرفتي اشناهيا لحاجة الوحيدة الي ماندمتش عليها.. هي علاقتنا و اش دوزنا.. واخا يرجع بيا زمان اللور و عارفة هادشي غاع اللي دوزتي عليا.. ماغانترددش و غادي نعاود نسلمك قلبي ..و حياتي و كلشي.. عمرني ندمت على قلبي اللي بغاك.. ولا كلمة كانبغيك اللي قلت ليك.. حينت عارفة هادشي مكتاب..وانا وياك مكتابين لبعضياتنا.. و عارفة باللي عمر شي مخلوقة سمعات منك كلمة كانبغيك من غيري انا .. حينت مللي كنتي كاتقولها ليا كانحس بيك صادق و عينيك مافيهمش ادنى شك.. عارفة باللي انا اللي مكتاب ليك تبغيها و تعيش على ودها.. مخلوقة ليك ..ونتا مخلوق ليا .. مستحيل نتفارقو.. حياتي كملات اللي بنتي فيها.. فارس احلامي اللي كنت راسمة ف خيالي.. جيتي ف صورتها نتا.. لمن انا غانكون إلى ماكنتش ليك .. (تنهدات ) شكون غانبغي إلى مابغيتكش نتا.. حياتي.. كلشي متعلق بيك..
عرفتي.. و انا كانشوف البحر قدامي.. كايخليني نفكر فيك غي نتا.. عينيك اللي نفس لونو.. غامضين.. مللي كاتبقا تشوفيا بيهم كانحس براسي غرقت و ماكاينش اللي يجبدني. و راني غرقانة من هادي شحاال و ماقادراش نطلع.. من ديما كايعجبني البحر .. ماشي بحال ناس اللي كايقولو كايخليهم يتخلصو من طاقة سلبية وهما كايشمو ريحتو و لا و هما كايخويو عليه قلبهم.. لا انا البحر كايفكرني ف روحي.. فيك.. بحالك مللي كاتحن فيا.. و مرات حمق و كاتحمل قلة عقلي و طيشي.. و مرات مهااجر و مسافر.. مللي مشيتي و خليتني . . و مرات مقلق و معصب.. بحالك.. ف جميع حالاتك.. مللي كاتبقا ساكت.. و مهدن.. و بعيد و قريب ف نفس الوقت.. حاسة براسي قطعة منك.. ماقادراش نبعد.. منك كاناخد طاقتي.. إلى بعدتي كانتخنق.. كانولي بحال شي هبيلة..
تسلات من يديه ب سلاسة و دارت عندو.. تقابلات مع عينيه اللي كانو حمرين و مدمعين... و باين فيه متأثر و كل كلمة قالتها تحفرات ف قلبه و خلاتو يضرب يضرب بحال كان ف شي سباق..
حطات يديها الصغار و الباردين فوق وجهه و صباعها تغلغله فوسط لحيته الكثيفة.. ملمسهم الناعم فوق بشرته خلاوه يرجف و يحس ب رعشة غريبة..
تعلات شويا على صباعها و قربات كثر لوجهه حتى ولاو كايتنفسو هوا واحد.. و هي تحط شفايفها الدافيين فوق شفايفه اللي كانو باردين.. حركة خلاتو يتصدم.. يجمد ف بلاصته.. مانتاظرهاش منها.. من بعد غاع اللي دار فيها. باش جازاتو ب اعترافها قداش مازال كاتبغيه.. و بوسة من شفايفها الدافيين.. بدأت كاتبوسهم ب حنية.. كاتاخد منه طاقة باش تقدر تكمل. توحشاتو و توحشات تكون قريبة منه لهاد الدرجة. حتى هو خلاها على راحتها هي اللي واخدة زمام الامور.. كانت قبلة كلها أحاسيس و مشاعر .. كلها حب و شوق و عتاب.. بعييدة كل البعد على الشهوة... قبلة خلاتهم يعرفو بقيمة بعضهم.. بقيمة الوقت اللي ماخسهمش يضيعو.. باراك غي اللي فات..
تباعدو شفايفهم و هما ماساخيينش..
همس اللي هاد الحركة كانت بدون شعور.. تبعات قلبها و خلات عقلها بعيد .. حنيكاتها توردو و شنايفها حمارو. بعدات عليه كاتنهج و تلتاقط انفاسها كأنها كانت ف معركة بين قلبها و عقلها.. ولكن حبها هو اللي ربح..
دخلات الدار مخلياه موراها مصدوم.. هو اللي خسو يدير هادشي ولاات هي دايراه.. زربات عليه.. بقا واقف مقابل البحر... و كايحس بتأنيب الضمير. من جهة همس و من جهة خرا اسماء و عائلته...
بقا تما حتى حس براسو قادر يواجها .. عاد نزل.. كانت ف بلاصتها كاتفرج..
جلس ف جنبها و هي حشمانة كاتجنب تشوف فيه..
اباء: علاش ماكليتيش
همس: هااا.. ما.. مافياش جوع
اباء: ولو خسك تاكلي...
همس: حتى ل شويا...
سكت شويا و هو يقول: ماقنطيش. ؟؟؟
همس: سول راسك.. شحال و انا محبوسة فهاد الدار.. بين اربعة د الحيوط..
اباء: من ريتي... كثر من سيمانة هادي كانخرج و نخلي الباب محلول.. مسدود غي من الداخل.. على هاكا ناس كايحبسو شيحد ؟؟ هااا
همس: كيفاااااش.. دابا كان الباب كايبقا محلول.. و ديك ساع غي علمني و الله مانزيد معاك ضربة هنايا..
شافيها ب نص عين: ايييه.. راه نتي طالبة عليها.. كون زد شويا كون غتاصبتيني..
ضرباتو بمخدة ل وجهو: هيييييي حشم شويا..
ناضت و خلاتو كايضحك عليها... عارفها شحال ما قسحات راسها غادي ترطاب.. راه مربيها على يدو.. كايعرفها من صغرها..
نزلات من بعد لحظات لابسة مونطو غليض فالخزي سخون و ساداه.. طالقة شعرها و دايرة طاقية.. و كولون مع بوط قصير...
همس: هاني واجدة.. ياكما بدلتي رأيك..
اباء: الراجل هو الكلمة..
وقف و مد ليها يديها و هي بلا ماتفكر قبطات فيه و خرجو.. ركبو فاللوطو و خدمو راديو كيفما كايعجبها هي .. ماوقفو تال قدام مطعم راقي... مشهور بالاكلات البحرية...
خداو طابل معزولة و كاطل على البحر و جلسو فيها.. خداو طلباتهم و بقاو غي ساكتين.. من غير تيليفون اباء اللي كل شويا يصوني و كايقطع.. و ملي كاتسولو كايقولها الخدمة..
بركات على يديها بتوتر و بلعات ريقها.. و هي خايفة من الجواب اللي غاتسمع.. كانهم غايعلنو حكم اعدامها.. هزات فيه عينيها اللي باقي حمرين و دوات بصوت خافت كله خوف...
همس: ا. ااباء نقدر نسولك.
اباء: نتي تآمري..
همس: واش.. واش نتا و اسماء تزوجتو ؟؟؟؟
سؤالها طاح عليه بحال صاعقة.. الحقيقة اللي كايحاول يتهرب منها و ينساها.. هاهي فكراتو فيها.. كأنه كان ف حلم زوين.. و فاق و رجع ل واقع الخايب فاش عايش..
مع هاد الكلمة اللي نطق وصلو مساج من عند الحاج كان فيه * فين غابر.. جي دابا مراتك راها فالكلينيك*
بلع ريقه و لون وجهه تخطف.. اما هي وجهها تورد و عاد رجعات فيها الروح مللي عرفاتو باقي ماتزوجش و باقي ديالها بوحدها...
عند اسماء:
حطات حداها دوا لي عطاتها اسلام كتتفرج فيه وكتهدر فنفسها
اسماء:دبا الا شربتو ومت نخلي ساحة لديك سليعفانة خاوية ..لااا منشربوش مالي حماقيت ...لااا اسماء شربيه الا بغيتي حبيبك يرجعلك خاصك تشربيه ...كلشي يهون على وديت إباء ..الا شربتو بعدا نتهنا من هاد لهم لي هازة على قلبي ...
خوات ساشيات وحطات معاهم كنينة من نوع لي كيدوب فالماء حركاتهم مزيان وشرباتهم جغمة وحدة جاوها مرين مكملاش 2 دقايق بدات كتحس بالارض كتمشي وتجي بيها وقلبها كيضرب ف 90 وكتحس بلعرق كيصبب معاها ودوخة وكل ذاتها فاشلة عليها مبقاتش هازاها لحظة ظلامت دنيا عندها وطاحت من طولتها مبقاتش عارفة اش كيوقع حداها حدها كتسمع اصوات بعيدة تقول كيهدرو من شي غار ...وصوت خطوات كتار كتحاول تحل عينيها ولكن مكتقدرش حتى غيبات كليا مبقات فهاد العالم ...فلوقيت لي شربات اسماء داك لعجب كانت اسلام كتستنا حدا لباب مقلقة غير تسمع خبطتها مع الارض وتدخل تكمل على تمثيلية ...وداك شي لي كان دخلات ولقات اسماء فالارض وحماتها لغوات ...تقتل لميت وتمشي فجنازتو ...اسلام من نوع لي مكيهمهاش العلاقات قد مكيهمها لبريستيح الاجتماعي ..مشكلتها ماشي مع همس كشخص ..مشكلتها فطبقة همس الاجتماعية ..كتشوف ناس من شحال عندهم واش كيلبسو ونوع الماركة وتنمق ونفاق بين فلانة وفلتانة وسي علان ولد فلان....
إسلام:سيما(اسم دلع ديال اسماء) ...سيما حبيبتي ...الحااااج... إيما(اسم الخدامة) إييييماااا..عتقوني ...شي حد يعيط الاومبيلونص...(كتضرب لاسماء فوجها) سيما فيقي حلي عينيك ..سيما..اش عندك...الله يا ربي سيدي...الله يا ربي متحرمنيش من حفيدي(دخل لحاج لي تصدم من منظر اسماء شافت فيه اسلام) عيطو اللومبيلونص..غوت لراجلها يجي ....الله يا ربي حفظلي حفيدي ..
الحاج نزل جالس حدا اسماء معارف باش تبلى ...وهز تيليفون كيصوني لإباء لي مكيجاوبش...شوية وتمو داخلين صحاب الاسعاف هزوها فشاريو مخرجينها واسلام تاقنة دور مزيان والحاج واصل لذروة ديالو بالعصبية ولاحقين عليهم ..اسماء خذاوها بالاسعاف..والحاج وإسلام لحقو عليها مع شيفور وفطوموبيل وحدة غير مكتزيد تهيج فنار
إسلام:كنت عارفاها غتوقع ليها شي حاجة وهي حاملة ..نفسيتها متأزمة ..اهيء اهيء.وهو غير مزايد يمرض فيها..عيت مكنهدر معاه مكيسمعليش اهيء اهيء ...الحاج اسماء بنتنا كضيع ..اهيء اهيء ..انا منقدرش نستحمل نخسر حفيدي(حطت راسها على صدرو) دير شي حاجة الله يخليك ..شوف لبنت كتموت وهو الله العالم في اراضيه..من نهار تزوجو وهو غير لخدمة لخدمة ولغوات ..ممقدرش مراتو وحملها ...
الحاج:ششش ..صافي براكة ..هاد الموضوع اليوم يتحل ونهائي ..
اسلام:خاصو يتحل ...ولكن الاهم دبا هو اسماء تفيق وحفيدنا يكون بيخير
وصلو لكلينيك وهبطو كيجريو معهم وهما مدخلين اسماء مغيبة ولونها صفر وشنايفها بياضو تقولي داخلة ليها الموت..و لباياص لي هي فيه عمر دم من تحتها ..لحاج واسلام غير شافو داك لمنظر زاد دخلتهم لخلعة والحاج هاز تيليفون كبصوني ويعاود لاباء وساخط دازت 3 سوايع ..وتمت خارجة طبيبة لقات غير اسلام طمناتها بلي اسماء رجعات مزيانة وبلي سباب غيابها على الوعي شي دواء مجهد خلا ضغط في دم ينخافظ وسبب ليها فايموراجي وبلي دبا ضبطو حالتها وعطاوها مهدئ ترتاح ..مشات طبيبة فحالها وتم الحاج راجع مكشكش كيكتب ميساج فتيليفون غافل على اش واقع قبل ميوصل كانت اسلام تافقات مع واحد لفرملية تقول حداه بلي لمريضة دارت اجهاض وكلشي بثمانو يتقضى ..وداك شي لي كان لفرملية قالت اش وقع لاسماء مع زيادة بعض لفيخرات وفجرت الخبر لي هد حيل لحاج وخلاه جالس كيرد روح وكيحاول يشد فراسو وساخط على ولدو لي كان سباب فاجهاض الجنين وتسبب لام فخسارة ولدها ..(.الله لا يركبك يا لحاج اشمن خسارة خسرات هههههع)... دازت ساعتين واسماء بدات تفيق وكتحس براسها فيه لمطارق وطنين فوذنها حلات عينيها بزز كيبان ليها غرفة فالابيض والغوز وحست بشي حاجة فيدها دورات عينيها كيبان ليها سيروم عاد بدات كتجع بذاكرتها لاخر حاجة وقعات
حاولات تتكعد شوية وهي تسمع لباب تحل ..دخل لحاج واسلام ومعاهم صوفي و سام لي غير سمعو لخبر جاو يديرو الواجب ويوقفو مع الحاج بحكم سام عارف إباء رجع كيغيب فهاد لفترة لاسباب مجهولة وكيتقطع بيه الاتصال ..طمنو عليها وبداو كيواسيو فيها وهي غير عمزات ليها اسلام عاد فطنات وبدات كدمع فدموع تماسيح وتغوت كأنو فعلا فقدات الجنين..لواحد هو لي يكذب لكذبة ويعيشها هههه..ضربو ليها حقنة مهدئة وخرجو من عندها واقفين حدا باب غرفتها حتى وقف عليهم صعصع مغوبش
إباء :اش واقع ..شنو عندها
الحاج قرب منو كيطلع ويهبط فيه وبلا سابق انذار نزل عليه بتصرفيقة خلا كلشي مصدوم فيهم ولي فلكولوار دارو شاف فيهم ملي سمعو صوت تصرفيقة ..إباء حدو جمع قبضة يديه كيكالمي راسو ونزل عينيه لي رجعو حومر بحال جمر لو كان كان شي حد اخر كان تما يدفنو ولكن منين باباه سرطها بالماء القاطع وصبر الحاج بعصبية:هذا لي ربيت فيك ...بنت ناس لي نتا مسؤول عليها مرمية فسبيطار ونتا معرفت فين جالس تتسلقط ..بسبابك نتا خسرنا لحفيد لي كنا نستناوه ..نقولك الله يصبرك ولا نقولك مبروك نلقاك تكون فرحان لي تهنيت من لخطية لي كانت رابطاك..اااه قول اسي بن يوسف ..
إباء ضرب دورة مهدر مع حد خرج من تما ركب فطوموبيلتو مكسيري لابعد منطقة غير خرج على لمدينة نزل جلس كيغوت ربي لي خلقو ويضرب فزاج ديال طوموبيل شخشخها ويدو كلها رجعات دم ومجروح شي جرحات غارقين وبالاعصاب محاسش باش كيدور بيه شوية طاح على ركابيه كيبكي ويشهق من اعماقو ...معرفش علامن يبكي واش على راسو لي مبقاش قادر يتحمل ورجع كلشي فوق طاقتو محيلتو لشغل ومشاكيلو ولا لهم اسماء وولدها ولا لماماه لي عمرها كانت فصفو وغير مزايداتو حتى هي بتخلويض ديالها فشركاتها ولا لحاج ومرضو وضغط لي جايه من جيهتو ولا لهمس وعذابها وتأنيب ضمير لي من جيهتها وتفكيرو فلكذوب لي معيشهم فيها وخوفو من نهار لي تعيق بيه ...عيا صابر وفالاخير خرج ضغطو فلغوات ولبكا .....
عند همس:
كانو جالسين وهي مستمتعة بلهوى ديال لبحر ومرة مرة تبتاسم لإباء لي مفعفع غير بوحدو ومرة مرة يشوف فتيليفون ..لاحظات بلي حالو مغير على لي كان شدات فيدو لي كانت محطوطة فوق طبلة
ناض حط لفلوس فوق طبلة وعنقها بجنب جبدها عندو باسها فراسها وحاط ثقل يدو على كتفها:شكون داها فيك ..كلها وخذام على بروجي ولادو ...خرجو من تم طلعو فطوموبيل وطول طريق وهو شاد يدها كيدوز بيها لفيتيس ومرة مرة يهزها يبوسها وهي عاجبها الحال غير كتضحك شافت قرص مدمج وهي تخدمو اول اغنية ...بدات كتغني معاها وكيف لا وهي لي شهدات على دموعها من بين عدة اغاني لي كانت كتونسها بعض الحيان ...
♬☟إنت ومعي☟♬
▶وبعيش أيامي أنا وإنت ومعي..
وبذوب من كثر الهنا انت ومعي...
مابخاف من غذر دني..ولا بقول مدري شوبني ..
عصافير بتصير تحكي وتلعب معي..
بفيق في عند قلب ..
أنت ومعي...
وتصير تمشي بالقِلب ...
انت ومعي...
تكات هالوقت الغبي...
لعم يلعب وبعدو صبي...
يمحي ويلغي اعمارنا بلا وعي..
خليك تنسهر سوى...خليييك...
مافيك تقلي انا ..ماافييييك...
لاحقين نغفى هالعمر ونروح..
ويضل العطر..خليييك.لآخر سطر مكتوب..
خليك تنكبر سوى ..خليييك...
اوفيك حقك هالعمر..اوفيييك...
لبل العمر ما بيستحي معجوق. ياخذ مطرحي..خليييك
بكرا بينمحي المكتوب...⏸♬♪
سلات الاغنية مع لفران لي وقف حدا باب دار ...دورات وجها شافت بلي وصلو دارت عندو
همس:مغتنزلش؟!
إباء بقا كيشوف فيها وعينيه فيهم بريق اول مرة كتشوفو:نمشي ونرجع (قرب باسها من جبهتها)
إباء:غنحاول ..ولكن الا مساليتش بكري ..(سكت شويا ) نرجع غذا صباح
همس عنقاتو:كنبغيك ..وتهلا فراسك ..واهم حاجة توحشني
إباء عنقها وزير عليها كيحس براسو مخنوق وهو بعيد عليها :انا موحشك ونتي حدايا ...مكرهتش منبعدش عليك ..همس(حط جبهتو على جبهتها)..رين الميكاحيل ..(باسها فنيفها).. وخا يوقع لي يوقع متنسايش هاد لقلب كيدق غير ليك وكينادي غير بسميتك ...ياله دبا نزلي ودخلي وسدي عليك مزيان حتى نرجع ...
نزلات همس غير وصلات لباب دارت كدير ليه باي بيدها وسيفطات ليه بوسة فلهو ..دخلات جلسات كتنهج وتسوط على وجها بيديها وضحكتها واصلة لضرس لعقل ومرة مرة تخبي وجها حشمانة ..اما هو فمتقاتل غير مع راسو كاره راسو لي كذب عليها وعارف كذبة تجبد كذبة وفرحان حيتاش واخيرا تقادات الامور معاها ..هو مكذب غير خوفا من انها تبعد عليه ..وفبالو حاحة وحدة هي ديالو ميهمش الوسيلة المهم تبقى معاه..هي المرض لي مريض بيه ومباغيش يتعالج..الادمان المزمن لي حلاوتو هو يتنشى بيه ومستحيل يدير إعادة تأهيل ..هي الخمر الحلال لي كيرفعو من دنيا ...هي اي حاجة كتغيبو وكتخليه مساخيش بداك العالم زوين لي كترسمو ليه...وصل لكلينيك ساخط محاملش يدخل ..حيتاش عارف مغاديش يسلك من لسان الحاج وإسلام ..وزيد غوات اسماء وهو مناقصش لي فيه كافيه ..دخل وياريتو مدخل ترحاب لي دارو ليه الحاج زاد طين بلة وكره اسماء وطاسيلتها ...اما همس فدخلات دوشات وجالسة متغني وتعاود وفلسانها غير الاغنية لي رجعات اغنيتهم بنسبة ليها ..ورجعات كتمثل اجمل ذكرى معاه ...واخيرا دنيا ضحكات ليها وجمعاتها مع لي بغاه قلبها وبابات لي فكرشها لبسات كولون فالاحمر وفيه وريدات بيج وتريكو اسود وفيه لبيج والاحمر لبسات باطوف سوداء وجمعات شعرها سفنجة مهملة بلا متنشفو نزلات لكوزينة كتوجد وتحط وعلى امل انو يجي يتعشا معاها وكول هاد الوقت وهي متوانسة مع جنينها
همس:حبيب الماما ..نديرو لازانيا حتى هي ياك...بابا كيحماق عليها مع لكفتة ..اممم واش قلتي نديرو ديسير ديال اوريو وفلان كراميل ..امممم بنييين.ههههه...صافي صافي غنديرو حتى ..اش فنظرك نزيدو..امم.فكر مع ماما شويا...اممم نديرو لاسوب بلونش..ولا لاسوب ديال لبصلة الفرنسية ...صافي ..غنقاد كلشي ..اليوم انا فرحاااانة ...واخير ماماك وباباك غيتجمعو ..شفتي احبيبي غنرجعو لبلادنا ونعيشو فيها ..ونخليوك اسعد واحد ...(بدات كتبكي) ممتيقاش ..اهيء اهيء واخيرا همس وإباء..اهيء اهيء غنتزوجو وغنتصالح مع جدك وجداتك..(بدات كتبتاسم) وغتشوف خالتو سمر ...وغناخذوك لمدينة الالعاب وجدك يلعب معاك..وجدك بابات باباك حتى هو غيبغيك...الحاج حنين و غيتهلا فيك ..بصح جداتك (تسيفات ومطات شنايفها) ديك لمسمومة كاع مكتحملني ..يا ربي تسمحلي وخا هي ماماتو لرجلي ..هههه يااه شحال زوينة هاد لكلمة راجلي ..راجلي بابات ولادي ههه.... دبا إباء راجلي ههههه يا حلاوة ..مدام بن يوسف ..همس إباء بن يوسف ..ناري غزاال غزااال كيحمق ..غنديرو لعرس ..وغنعرض على بزاف ناس ..كاع لي كانو كيقولو فيا الخايب كنعرض عليهم وغنسا لي فات ...كلشي غيتبدل ....
كملات ت جاد شهيوات وجلسات كتبتاسم وعاجباها نتيجة .داز ال قت ظلام لحال وهو مبانش ...بدات كتمشي وتجي .. وتنكر
همس:دبا لو كان عندي تيليفون كاع منستناه ..كنت غنصوني ليه ..بفففف ..دبا علاش تعطل...دبا هو خايب مبقيتش غناكل ياله ...لااا غناكل وخليه هو يمشي يلعب
💔 لا تضع كل أحلامك في شخص واحد.. و لا تجعل رحلة عمرك وجهة شخص تحبه مهما كانت صفاته.. و لا تعتقد أن نهاية الأشياء هي نهاية العالم.. فليس الكون هو ما ترى عيناك ... لا تنتظر حبيبا باعك .. و انتظر ضوءا جديدا يمكن أن يتسلل إلى قلبك الحزين..
ف احيانا يغرقنا الحزن حتى نعتاد عليه .. و ننسى ان في الحياة اشياء كثيرة يمكن أن تسعدنا و ان حولنا وجوها كثيرة يمكن أن تضيء في ظلام ايامنا شمعة ..فابحث عن قلب يمنحك الضوء و لا تترك نفسك رهينة لاحزان الليالي المظلمة... 💔
🌞🌞🌞 صباح جديد ... بحال كل صباحات الخريف .. الجو مغيم و الريح قوية .. ماخلات حتى ورقة .. غاع شجر عراتهم.... شمس قليل فين كاتبان... و هاد الجو كايخليك تزيد تحس بالغمة و قلبك و خاطرك يتزيرو عليك..
خرجو من الكلينيك. من بعد ليلة كحلة دازت عليهم . حتى حد فيهم ما شافيها نعاس ..
الحاج و اسلام ركبو ف لوطو مع شيفور.. و اباء مع أسماء.. بوحدهم.. كانت لابسة سورفيت دافية و فوقها كاب سخون.. وجهها صفر. و ماحاملاش هاد الوضع.. اباء اللي كان سايغ و عقلو غايب .. كايفكر ف همس اللي خلاها بات بوحدها...
ملامحه باين فيهم العيا و التعب..
وصلو للفيلا.. و دخلو..
لقاو الحاج و اسلام مشاو يرتاحو.. و بقاو غي هما بجوج..
تنهد و طلع سبقها للبيت.. و لحقات عليه.
حيدات الكاب و صايبات شويا ديال ماكياج ف وجهها باش ماتبقاش صفرة و رشات ريحتها مجهدة.. عاد تخشات ف بلاصتها...
خرج اباء من الحمام مبدل حوايجو... و لابس كيطمة سبور و باين عليه العيا..
هزات فيه عينيها و نطقات بصوت حزين: اباء ... علاش ماكادويش معايا
اباء: شافيها ب نص عين: فاش غاندويو؟؟
اسماء بدأت كاتنزل ف دموع تماسيح: خئ هئ .. واش ماكاتحسش.. ماعندكش قلب.. هااا.. ولدك.. ولدك اللي مات.. قبل حتى مايتزاد.. و نتا ماهزكش الريح عليه.. ولا هدا حينت ولدي انا ياك
اباء: كايحاول يتهدن: شششش.... كيفما هو ولدك هو ولدي.. و حتى انا حزنت عليه.. ولكن يمكن هدا احسن حل حينت ماجاش ب طريقة صحيحة..
اسماء: اشمن راحة ها.. اشمن راحة و انا ولدي مات و راجلي مامعبرنيش.. عييت منك ... عيييييت منك و من مشاكلك... هاد زواج ديال الدل.. مللليت منك و من كلشي .. ولدي الحاجة الوحيدة اللي كنت كانصبر عليها مشات...
اباء كارز على يديه مابغاش يغوت عليها و هي صوتها وصل لماعرت فين: ششش.. سكتييينا.. كلشي ساق لينا الخبار..
اسماء تجننات و بدات كاتلوح اي حاجة حداها و كاتغوت و تبكي و وجهها تجخلط...
اباء شاف حتى عيا و نعل الشيطان.. استغفر الله و مشا حداها.. جلس جنبها ف ناموسية.. و جرها لعندو ضامها...
حتى هي جاتها من الجنة و الناس.. زادت تمخششات فيه.... و تكات على صدرو كاتبكي و تنخصص.. و مزيرة عليه ب صباعها...
بقا كايدوز عليها ب يديه على شهرها.. حتى حس بانفاسها نتاظمات.. طل عليها لقاها نعسات... قادها ف بلاصتها.. و غطاها.. هز سوارتو و تليفون و خرج..
داز الكوزينة و وصا الخدامة عليها باش طلع عليها الفطور و تبقا عليها تا تشرب دوا...
عاد خرج .. ركب ف سيارتو و كسيرا ف اتجاه الدار اللي حدا البحر..
فاقت همس و هي عظامها ضارينها حينت نعسات ف الصالون..
جلسات كاترجع ذاكرتها... و مغوبشة.. شافت الحس باقي مقطوع يعني ماجاش..
جاتها البكية و جمعاتها مخنزرة و ناضت كاتنكر.. دخلات الحمام قضات حاجتها و دارت روتينها...
حيدات ديك البيجاما و لبسات كسوة ديال الخيط فالبوغدو و معاها ليبة موس كحلين و بانطوفة على شكل بوط قصير د ريش فالكحل... طلقات شعرها و خلات وجهها طبيعي.. و ماعندها غانة غي معصبة و خاطرها مروعة..
نزلات التحت و شافت الطبلة كي خلاتها البارح.. جمعات كمامها و بدات كاتجمع و تدي الكوزينة حتى كملات و لبسات الطابلية و بدات كاتغسل و تبرد غدايدها فيهم...
داز شويا ديال الوقت و هي تسمع الباب تحل .. ابتسامة ترسمات على وجهها .. الله يستر حالتها صعيبة هههه يخ منه و عيني فيه...
سمعات خطواته كايقربو ل فين كاينة.. و هي ترجع تغوبيشة و بدات كاتخبط....
دخل اباء و كايحاول يخبي ملامح الحزن و التعب البادية على وجهو..
عنقها من اللور مدور يديه على خصرها و خاشي وججهه ف عنقها.. يالاه بغات تسلت من حضنه و هو يزير عليها..
اباء: تؤ تؤ .. الحداكة مع الصباح... (باسها ف عنقها حتى تبورشات و مع نيفه كان بارد ) .. مال حبيبتي مقلقة
همس باقي مخنزرة و كاتدوي معصبة: شوف نتا شنو درتي...
اباء: (كايحيد الشعر من عنقها ) امممم .. على البارح راه قلت ليك بلا ماتسنايني.. غانتعطل...
همس: ياك ا سيدي اوا صافي شكرا.. انا اللي حمارة.. و خس قلبي نحط عليه حجرة.. هادشي اللي قدرتي عليه تخسر عليا هاد جوج كلمات.. انا اللي تخلعت عليك.. ماعرفتك شدوك قطاطعية.. و لا وقعات ليك شيحاجة الله يحفظ.. ولكن سري نيت.. عمر داوود ما يعاود...
اباء : عاود باسها حتى رجفات و حس بيها: دابا مالكي معصبةعلى والو.. طلقيها تسرح.. و تسخاي ب حبيبك بابات ولدك توقع ليه شيحاجة..
على اثر هاد الكلمة.. همس خرجات عينيها ب صدمة و حلات فمها.. كان ف يديها كاس طلقاتو شوي كان غايتهرس..
دورها عندو اباء و هو كايشوف ملامحها مصدومين: مالكي.. اش واقع ليك
همس: اااا.. اشمن .. اشمن ولد و لا ولاد..
اباء:على ماناوياش تولدي معايا ها.. .
بدا كايدوز يديه بحنية على وجهها و كايقرب ليعا بشويا.. حتى حاصرها مع البوطاجي..
تخالطات انفاسهم و بلا ما يشعرو.. خلاو الحرية ل مشاعرهم.. و تلاقاو شفايفهم من جديد ف قبلة كلها حب و شوق ...
بعدات همس من بعد لحظات كاتلتاقط انفاسها.. اما اباء عينيه ناعسين و معسلين.. العيا لاعب عليه بالمزيان...
ركزات فيه همس عينيها و شافت فيه بحنان مخلية عصبيتها و عتابها على جنب..
حطات يديها على وجهه و كاتحركهم ب حنية. الشيء اللي خلاه يستحلاها و يغمضهم..
همس ب صوت دافي و حنين: عيان بزاف.. واش مانعستيش فالليل...
اباء بصوت مدعدع و باح: تؤ .. و تقول.. عينيا ماشافتش نعاس..
همس: علاش كاترهق راسك هاكا.. الخدمة ماغاتهربش... صحتك إلى ما خفتيش عليها انا راه عندي اهم من راسي..
تنهد اباء و باس ليها كف يديها..
همس: نوجد ليك الحمام ياك.. رخي عظيماتك.. نعس ليك شويا على ما نوجد الغدا..
اباء: امممم و الله حتى مشهي شي شهيوة من يديك..
همس: من عينيا بزوج ا نور عينيا..
باستو ب خفة و جراتو من يديه وراها و هو مستسلم ليها..
طلعو الفوق.. و خلاتو جالس .. دخلات هي دغيا وجدات ليه الحمام.. و كاتشوف ادق تفاصيل باش ماتغفلش عليهم. الماء اللي دافي كيفما كايبغي.. و فوطة و حوايج دافيين حطاتهم ليه باش يلقاهم الى كمل.
خرجات عندو و لقاتو نعس.. فيقاتو ب 66 كشيفة و دفعاتو الحمام و سدات عليه..
و نزلات هي الكوزيينة.. كملات ديك الروينةة و جبدات الخضرة.. و دجاج...
قطعات الخضرة و ستفاتها ف لاطة ديال الفران.. و بدات كاتشرمل دجاج و هي ماحاملاش ريحتو. و غي كاتكابر.. غي كملتتو و حطاتو فوق ديك الخضرة و خشاتو فالفران و هي تمشي كاتجري الحمام.. ردات غي المرار حتى قربو مسارنها يخرجو.. غسلات وجهها اللي ولا صفر مع ماواكلة والو..
في دخلات الكوزينة و شمات ريحة الطياب و عاودات تروعات خاطرها.. صبرات على قبل اباء باش دير ليهم خاطرو. و طلات على داكشي.. هاد طلعات تشوفو..
حلات عليه البيت و كان ناعس...
قربات عندو و جلسات ف جنبه.. بدات كاتأمل ملامح وجهه و كيف باين عليه العيا.. و حناكه حمرين بالدوش..
نزلات صباعها ل فوق شفايفه و هي تحس بيه عضها...
تأوهات و بعدات يديها و هو يحل نص عين كايضحك...
اباء: شددييييتك متلبسة.. اش كنتي بغيتي ديري
همس: هيي.. ماكاندير والو .. عجبتني و نتا ناعس هاكا
. كاتبان ضريف و بريئ و صافي..
اباء:امممم صافي.. غي هادشي..
همس: ااااه.. اصلا ماتحلمش ب شيحاجة خرا كثر.. حتى نهار نتزوجو و ديك الساع اللي بغيتيها ديالك.
اباء: اووووها.. شتك زعمتي..
خطفات بوسة من شفايفه: ياااك كلك ديالي بوحدي علاش مانزعمش..
اباء: راه كاتجبديني.. مصبر راسي بزز .. خليني شاد تيقاري..
همس: ههههه نتا اللي على سبة غي بوحدك... احححم اباء...
باستو ف راسو و غطاتو مزيان و ناضت فرحانة و متحمسة ل نهار الجمعة.. و بدات كاتخطط و تخيل ردة فعله و كاضحك غي مع راسها..
بانو ليها الحوايج اللب كان لابس مليوحين..
تحنات هزاتهم و خرجات من البيت.
يالاه نازلة فالدروج.. حتى قربات تريكو الي كان لابس بلا ما تشعر ل نيفها بغات تشم ريحتو.. و يا ريت ما قرباتوش.. خرجات عينيها ب صدمة و هي كاتشم ريحة بارفان نسائية مجهدة و بالضبط ف جهة صدرو.. بلعات ريقها و اي فكرة خايبة طاحت ف بالها.. جلسات فوق واحد الكرسي و شادة داك التريكو عندها مزيرة عليه و دموع بداوو كايتجمعو ف عينيها..
ثغرة الماضي الجزء الخامس (الفصل الثاني)
محتوى القصة
التنقل بين الأجزاء