بقات جالسة .. كاتحرك ف رجليها ب عصبية.. و عنقها عواج بكثرة ماكاتشوف فالساعة كل شويا .. آخر مرة لقاتها قريب 11 و نص و هو باقي لا خبر لا مرسول... بلعات غصة واقفة ف حلقها و كاتحاول تخلق اعذار... يمكن الخدمة.. يمكن شيحاجة شداتو...
طاحت عينيها على الكادو... يمكن هو اللي سيفطو. اصلا شكون عارفها هي كاينة هنا...
ناضت و مشات قاصدة حدا شوميني فين كانت جليسة فالارض.. جلسات تما و هزاتو ..
☆☆☆☆☆ عند اباء فالفيلا...
جالسين كلهم ف طبلة كبيييرة... المدعويين و الحاج مترأس السفرة...
اباء اللي كان حدا اسماء .. كل شويا كايطل على ساعة .. باينة ف وجهو جالس بزز تما.. حتى تيليفونو خلاه الفوق ...
شافتو اسماء هاكاك و هي تقرب حدا وذنيه و همسات: ماالك
بنفس النبرة غي هي فيها تهديد: ديها ف سوق راسك
اسماء: و نخليك هاكا تبدا عام جديد و نتا مقلق..
اباء ماجاوبهاش.. اما هي تلفتات عند إسلام كايتغامزو و يضحكو...
☆☆☆☆☆
همس اللي بدات كاتحل و هي متحمسة تشوف اش وسط العلبة...
حلاتها و لقات ملف حمر ... جبداتو مستغربة... حطات العلبة حداها و حلاتو... بان ليها عامر.. بدات كاتجبد بورقة بورقة و تحطهم مقلوبين حداها حتى جبدات كلشي ..
اول حاجة حاجة قلباتها باش تشوفها.. عينيها خرجو ... و هي كاتقرا كل كلمة مكتوبة فيها .. عينيها كايذبلو.. و ريقها كايزيد ينشف.. دقات قلبها المتسارعة كأنها ف سباق.... و آخر حاجة عينيها طاحت عليها هي توقيع اللي كان ف أسفل الورقة.. اللي هي فالأصل ماشي ورقة.. كانت فوطوكوبي ديال العقد.. ديال أسماء و اباء .. باقي عقلها ماقادرش يستوعب و هي كاتشوف تاريخ.. نفس نهار اللي مشات فيه السبيطار و كانت غاتفقد ولدها.. هو نهار دارو العقد.. كيفاش و علاش .. باك هو ماتزوجش.. ياك العرس ماكملش.. كاتحاول تغطي صدمتها ب أوهام.. كاحاول تصدقهم بزز . صدمة قوية على أنها تقدر تستحملها..
قلباتها ضحك ..
همس: ههههه.. لا .. لا .. شي لعبة جديدة هادي تاني .. نتوما ماغاتفرقوناش.. هادشي مزور.. مستحيل يكون بالصح.. هو غايتزوجني انا .. انا مت ولدو..
بدأت كاضحك و كابحة دموع اللي عمرو عينيها ما ينزلوش.. و هزات تشوف داكشي لآخر.. و يا ريت ماهزاتهمش. كأنها تكب عليها سطل د الما سخون.. يديها باش هازة تصاور كايرجفو.. و دموع اللي كانت حابسة خرجو شلال غطاو حناكها..
و هي كاتشوف اباء بين أحضان اسماء... ف وضعيات مختلفة.. و ماشي غي مرة لا .. كل مرة ف شكل .. و تخت كل تصويرة تاريخ ديالها.. و فينما قرأت شي تاريخ.. كاتفكر داك نهار باللي ماكانش بايت معاها.
ف اخر تصويرة كان مكتوب * مللي غاتكوني شفتي هادشي كامل غاتكوني عرفتي باللي كنتي و غاتبقاي ديما شياطة.. عمرو يتزوج بيك.. حينت مراتو د بالصح هي انا .. و باش نكملو هادشي شوفي تيليفون..**
مشات على يديها و رجليها حتى الطبلة فوقاش كان محطوط.. رجلين باش تنوض ماعندهاش... ركابيها خواو و نفسها قلالت و دقات قلبها كايتسمعو من بعيد...
يالاه هزاتو شافت باللي وصلها مساج..
حلاتو و كان سيلفي خداتو اسلام ل أسماء و اباء و هما حدا بعضياتهم فهاد اللحظات..
عينيها ولات كاتحيط بيهم ضبابة.. لسانها تعقد.. و عقلها توقف .. الخيانة و الغدر هما أصعب حاجة تقدر توقع ل شي حد .. و مللي كاتجي الدقة من اقرب شخص اللي كنتي باني عليه آمالك.. كاتولي الدقة مضوبلة.. الراجل اللي ضحات ب كلشي على ودو.. هاهو اليوم غدرها.. مزوج و مخبي عليها و كايجي عندها بوجهو حمر و يكذب و ينافق فيها .. كيفاش كان كايقدر يحط راسو على المخدة فالليل و ينعس و ضميرو مرتاح..وهو كاذب عليها و معيشها فالاوهام.. علاش جابها عندو تاني .. ياك هي ختارت تبعد و تخليه يتزوج ز لا يشرق و لا يغرب.. ولكن هو رجعها عندو .. و عيشها والأوهام و احلام اليقظة.. هزها حتى السما العالية و خبطها مع الأرض.. خبطة خلاتها تعرف قيمتها.. وحدة رخيصة بلا أصل.. حاملة منه من الحرام.. و عايشة معاه فالحرام و طامعة يتزوجها.. الى جينا نشوفو راه هي اللي خايبة.. هي اللي مبعدة راجل على مراتو..اسماء هي اللي خسها تقلق حينت راجلها كايخونها معاها.. يعني هي اللي خايبة.. كادور حتى تعيا و ترجع تقول باللي هي اللي خايبة و ماتسواش..
مابقاتش قادرة.. أصوات كثيرة ف راسها.. حطات يديها على وذنيها.. مابغات تسمع تاحاجة.. حاسة بروحها غاتزهق و تصاور ديالو هو و اسماء قدام عينيها.. كيفاش هادشي كامل اللي كان معيشها فيه كان غي حلم و هاهو فيقها.. و رجعها للواقع.. الواقع اللي هي فيه ماساوية والو .. اللي جا يضحك عليها . علاش حينت تاقت فيه .. علاش حينت وهباتو قلبها .. حبها.. شرفها و حياتها.. و باش جازاها بالغدر و الخيانة و الكذوب و النفاق.. كان كايشوف ف عينيها و يقوليها كانبغيك.. كايقوليها غانتزوجو.. وهو مزوج...
بلا ما تشعر ناضت واقفة.. حاطة يديها على وذنيها و بدأت كاتغوت بصوت مرتافع.. غاع داكشي اللي خبات حياتها كامب و المعاناة مناش دازت.. كلشي خرجاتو فهاد الغوتة.. بغات حتى روحها تخرج مع هاد الغوتة و تهنيها من هاد الحياة ديال الذل اللي ماشافت فيها غي الخايب...
بقات كاتغوت و وتبكي و وتغوت و صوتها بح و حلقها تجرح ولكن جرح قلبها غارق كثر و عمرو يبرا و لا يتداوا.. عمرها تقدر تنسا هادشي حتى ل نهار اللي يلوحو تراب فوق وجهها...
بالحر اللي فيها ناضت ل ديك الطبلة اللي وجدات و جرات لاناب كامل باللي فيه.. حتى طاح كلشي فالأرض و تهرس و باقي حرقتها ما بردات.. فينما بانت ليها شيحاجة كاتهزها حتى السما و تخبطها مع الأرض كيفما وقع ليها...
هي كاتبكي و تغوت و صوت الألعاب النارية مغطي الدنيا.. كايعلنو على انهم دخلو عام جديد.. بداتو هي بالبكا.. فينما جات تفرح كاتبكيهم دم... جهدها تسالا و صوتها مشا... جلسات فالأرض بين الزاج و ف يديها طرف ديال الزاج مزيرة عليه بالفقسة و دم بدأ كايسيل و هي ماحاساش...
همس: هئ هئ هئ ..... الله ياخد فيك الحق هئ هئ حسبي الله و نعم الوكيل فيك .... حسبي الله و نعم الوكيل فيك .. الله ياخد فيك الحق الغدار هئ هئ هئ .... يا ربي ديني عندك و هنيني.. يا ربي راني عييت و مابقاش عندي جهد باش نزيد ... يا ربي شوف من حالي هئ هئ الحمار الكذاب هئ هئ الغدار... انا اللي كنت كانخاف عليك من نسمة الهوا.. منا جرحتيني و دمرتيني.. قتلتي اي حاجة زوينة فيا ... الكذااااب... عمرني شي نهار شكيت ف اخلاصك و لا ف كلامك... اناااااااني ماكاتفكرش إلا فراسك... كذاااب.. كاتقول عايشة على ودي..و نتا عايش على قبل راسك ... انااااني.. كاتشوف ف عيني و تكذب.. منك ل الله.. دعيتك الله.. الله ياخد فيك الحق الظالم هئ هئ ... اااااااخ... قلبي حاسة بيه كايتقطع.. يا ربي خودني ليك و هنيني من هاد العذاب... عمرني فكرت نخاف على راسي منك كثر ما كنت كانخاف على حبي ليك يقل و لا يتبدل.. ااااااااه... خليتيني نرتاح العذاب و الغدر و انا بين يديك غي باش ماتبعدش عليا .. كانشك و نكذب شكوكي و نخبي ف قلبي و نسكت باش ما نخسركش.. باش مانخسرش اكثر واحد اذاني و ظلمني... اكثر واحد ذوقني المرار... اكثر واحد خلاني نكره حياتي .... ماتستاااهلنيش.. اش غانقول ل ولدك اللي جاي.. هئ هئ باك مزوج و انا غي موسخة كايجي يخوي فيها كبتو و يكذب عليها ... خليتيني نرجع وردة ذابلة... بسباب كذوبك و اوهااامك.. اش درت ليك باش تكذب عليا .. علاش رجعتيني ليك مللي نتا مزوج .. هئ هئ سنين و انا عايشة فوسط عذابك.. و نسيت كلشي و رجعت ليك و ترميت ف حضنك و صدقت كلامك... عمرني فكرت تطعنني ف ظهري.. هئ هئ عمرني نقدر نسامح ليك عمرني....
بقات كاتبكي و يديها كاتنزف... حتى حسات بمغص ف كرشها.. بحال كلاكاج خلا كرشها تقساح و تجمع و تعطيها حريق قوي.. ماخلاهاش باقي تقدر تطلع نفس... حتى صوت باش تغوت مابقاتش قادرة تطلعو.. بقوة الوجع و الصدمة و البكا و الطاقة اللي مابقاتش عندها..
طاحت بين الزاج فاقدة الوعي .. يديها كاتنزف وجهها كامل تجخلط و ف فمها كلمة وحدة هي ولدي ...
☆☆☆☆ عند اباء .. اللي قرب يوصل الفجر عاد قدر يسلت من الحفلة و يهرب من صحافة اللي مالية المكان.. حينت الحقلة باقي ماسالاتش. ركب فاللوطو و كسيرا ف اتجاه الابارطومون.. وهو خايف من ردة فعلها .. عارفها غاتكون تقلقات مللي خلاها بوحدها ولكن اللي بغاتها يديرها ليها غي باش ترضا علبه ...
باركا اللوطو التحت و طلع كايجري و الدنيا كاتصفر و البرد قاسح.. يالاه جبد الساروت باش يحل الباب ووهوو يلقاه غي مردود.. بلع ريقه وحلو.. و تحل معاه فمو مللي لقا دار كاملة مرونة و زاج مهرس و همس بين هادشي كامل مرمية فالأرض حداها بقعة ديال دم ...
تصدم من لي كيشوف ..دغيا توكض ومشا يجري جيهتها لونو مخطوف وصوتو مبحوح بصعوبة كيهدر جلس حداها كولو كيترعد لقاها صفرة هزلها راسها من الارض حطو على صدرو كيحاول يفيقها
إباء بصوت كيرجف:ه.هم..همس ..هيييه حبيبة (كيدوز يدو على وجها) ها حبيبك جا...هيييه حلي عينيك شوفي فيا ..همس ..هموس ..(قاس ليها نبض لقاها مزال كتتنفس..بدات كتحل عويناتها غير بشوية وضبابة غالبة على عينيها مجرد خيال كيبان ليها وبصوت خافت نطقت )
همس:ول...دي..
رجعات غيبت هو زاد مات ليه نص هزها بالخف ونزل كيجري خلا دار مفتوحة همو الوحيد هو ينقذها ممستعدش يخسرها لا هي ولا لي فكرشها ..بنسبة ليه هما الحاجة الوحيدة لي كتخصو هو..طول طريق هو عين عليه وعين على طريق لي طوالت عليه مسافت دهر.. بنشبة ليه هما سبب فسعادتو الا خسرها مرة اخرى حياتو ضيع ..معرفش كيف دار حتى وصل لاقرب مستشفى نزل هازها وقلبو كيضرب ف 90 وكيحس بذاتو فاشلة وهي بين يديه جثة ولباسها لبيج رجع حالتو بدم ويديها ووجها حتى هما اما هو لبدلة ديالو مخطاهاش دمها ..شافوه المسعفين تما جابو نقالة وخذاوها من بين يديه نيشان لبلوك حالتها متحتاش معاينة عاد يعرفو اش فيها وزاد ساعدهم هو بالجملة الوحيدة لي في فمو "مبغيتش نخسرها هي وبنتي...مبغيتش نخسرها هي وبنتي"
جلس حدا لبلوك كيستنا اي حاجة طمنو عليها عقلو حابس مكيفكر فحتى حاجة من غير منظرها وهي مليوحة فالارض وكلها كيشوف دمها لي عليه اخيب الاحتمالات واسوءها كيطيحو فبالو ...دازت 4 سوايع بتمام وهو تما مرة جالس مرة كيتمشى مرة تلقايه كيغوت غير بوحدو وباغي يدخل لبلوك ..طال عليه الانتظاار وحتى واحد مبغى يهني قلبو وبالو عليها ..حتى خرج طبيب والمساعد ديالو من لبلوك ..غير شافهم فز قفز وشنق عليه عروقو خارجين
إباء:اش وقع ليها ..بربي لعزيز وتكون ...
قاطعو طبيب كيهدن فيه ومتفهم وضعو:ششش كالم اسيدي المدام الحمد لله بيخير وحتى الجنين فوضع حسن ..(ربت على كتفو)..شوية وغيحولوها لغرفة عادية ..بشفاء ...
اباء تنهد وجلس كيستناهم يخرجوها مكملاش نصف ساعة كيشوفهم مخرجينها من تم مغيبة خذاوها لغرفة وقادو ليها سيروم فيدها من بعد مطلب طبيب خلاه يجلس معاها ..وداك شي لي كان مفارقهاش ومحس غير بدموعو على خذو باس ليها جبهتها ويدها لي بين يديه كيبوس فيها
إباء:الحمد لله ..الحمد لله ..كلشي انا سبابو ..مكانش خاصني نخليك بحدك..صافي احبيبتي مبقاش قد لي فات وترجعي حلالي ومتفرقني عليك غير لموت ...مستحيل نخلي لي وقع ليوم يتكرر مستحيل ..نموت الا وقعات ليكم شي حاجة ...
تنهد وعينيه غير عليها قريب ساعة ونصف بدات كتفيق وبصعوبة قدرات تحل عينيها كتحس بشقيقة فراسها كأنو شي حد فلقها ..وقلبها مروع عليها وحسمها كولو ثقيل مقادراش تهز لا يد ولا رجل دورت راسها شوية وهي تشوفو كيشوف فيها قرب منها بفرحت دنيا فعينيه كيبوس ليها راسها ويدوز يدو على شعرها وعينيه مفارقوش عينيها لي باينة عليهم لعيا ولونهم حمر يحال جمر ..ريقها ناشف وفمها يابس شافها كتحاول تبلل شفاها فهمها جاب ليها كاس ماء وعاونها تشربو وهي غير كتشوف فيه وكتسترجع اخر واقعة واخر صدمة واخر نفس ليها بنسبة ليها لي شافت كان سيف وتغرس فقلبها وسلبها حياتها والامل لي كانت عايشة عليه ..هدم ليها حياة شحال وهي تحلم بيها ..حلم شحال وهي كتنسجو ..حب مقدس دنسوه بخبثهم ..برائتها لي غتاصبوها..وقدرها لي كتبوه وخطوه بيديهم ..تنهدت ورجعت نعسات كتشوف فسقف ساهية ومجرد دمعة نازلة من طرف عينيها غمضت عينيها بحرقة حتى حست بيديه مسحو دمعتها وكيدوزهم بحنان على خدها ونفسو لي قريب من جنب فمها وجبهتو على جبهتها كيهدر بصوت خافت ومخنوق خلا غصتها تزيد تزير على قلبها ونفسها تتقطع
إباء:على سلامت نبض حياتي..(باسها فخذها وخلا شفافو عليه كيهدر وهي نار لغذر والعشق كتحرقها)اخر مرة نخليك بحدك ..سمحيلي انا سباب ..لو كان كنت معاكم مكنتوش تكونو هنا ..اهر مرة وعد ..وعد لإباء لهمسو..
همس دورت وجها عليه مغمضة عينيها ممتحملاش تشوفو ولا تسمع هدرتو:بغيت نرتاح ..
إباء تنهد ورجع خطور لور كيشوف فيها وكيفاش نفسها مضطارب عرفها حابسة دموعها وشهقاتها دار بلا هواه خرج جلس فلمراسة جنب غرفتها هي غير سمعت لباب تسد طلقات لعنان لدموعها وشهقاتها مسكتت غير على صوت لباب تفتح لمحت لممرضة وطبيب داخلين بابتسامة طمنوها على صحتها وصحة لجنين ولكن ولابد متجلس فضيافتهم واحد لمدة حتى يستقر الوضع مزيان ..لانو الجنين مهدد بسقوط فاي لحظة بسباب نزيف لي وقع وخاصها راحة نفسية والجسدية ...اما إباء فبقا عند لباب كيشوف فيها من بعيد وطمئن من هدرت طبيب رجع جلس كيخمم من بعد مرتاح من جيهتها وجيهت لي فكرشها..عقلو تفرغ كيحلل ويناقش كيفاش لقا لباب مفتوح ودار مرونة والوضع لي كانت فيه كلشي المأشرات كتشير لتهجم واعتداء ولكن شكون لي يكون دارها وحتى حد معارفها عندو ..اوتماتيكمون عقلو مشا ليها أسماء وشكون من غيرها لي كيكرها ومتمنية غير تتهنا بيها عروقو تنفخو وزير على قبضت يديه ومتحلف يجيب ليها حقها ثاني ومثني ..صونا لوكالة ديال تنظيف بلغهم بلي باغي لي ينظف ليه دار عطاهم العنوان..رجع اتاصل بسام بلغو بلي مسافر واحد الاسبوع وخلا ليه نسؤولية الخدمة ..ودخل عندها مقدرش يفارقها حتى دقيقة هي ناعسة ولا نقولو كتهرب من الواقع لعالم الاحلام لي كتنسجو كيف بغات ومكانش لي ينغصو عليها ..دازت 3 سوايع وصوناولو من وكالة تنظيف ميبلغوه بلي دار تنظفات ومن حسن حظ همس لخدامات اي حاحة لقاوها فوسط ديك روينة لاحوها فزبل ومن ضمنهم ضوسي لي سيفطات اسماء ...دازت 4 ايام خرجات همس لي قررات حتى هي تلعب دورها وتمثل كيف كيمثل كتبتاسم فوجهو بزز ولمن هدرتها قليلة حيتاش هي ماشي لديك درجة ديال الحقارة ..متقدرش تكذب وهي تشوف فعينيه .. رجعو لدار وهو مقابلها وهازها على كفوف راحة ..حتى دازت 3 ايام وكملات سيمانة ...كان جالس هو وياها فلبالكون موجد ليها هوت شكلاط وليه قهوة وكيتمنظرو فالجو لي مخربق مغيم كيعكس احساسها واضطرابات لي داخلها وخا لبرد وعيا معاها يدخلو ولكن هي رفضت وبقات كتحاول تصفي ذهنها ..الهدوء لي رجع فيها رجع كيخلعو لو نا الابتسامة لي كدير فيه كان يقول عندها شي حاجة ولكن نظرت عينيها كتخليه يحس بتأنيب ضمير ومعارفش اش كتحاول توصلو بيها ..فيقهم من شرودهم صوت تيليفونو شاف شكون وناض من حداها ضحكت ضحكت استهزاء وخيبة فنفس الوقت ..تكمشات كتر فلكاشة لي ملوية عليها وحطت راسها على لكرسي لهزاز ساهية كتفكر فقرارها وكتستنا فرصتها ذهبية ..هزت تيليفونها خربقات فيه وحطاتو رجعات لسهوتها ..حتى كتحس بيه باسها فجبهتها وجلس جلسة القرفصاء حداها شاد يدها
إباء:حبيبة غنمشي نقضي واحد الغرض ساعة الا كترت ونرجع
همس:مسيرك ترجع لدارك ومراتك ..انا لي خايبة ومكنسواش ماشي هي ..انا لي خطافت رجال ..انا هي لي بنت زنقة واخذة راجل لمراتو وعايشة معاه فلحرام..(كتضرب فصدرها) ..انا لي ملقطة انا لي بنت لحراام..علاش ا إباء ..علاش خليتني نرجع هكذا ..علااش ...
مسحت دموعها على رنت تيليفونها ابتاسمات لا اراديا منين شافت شكون....
☘♙اااه من زمانِ كاااان...ااه من ثقةِ خذلان..اااه من وهمِ عاشقان..ااه واااه على قلبي الذي مات على يدك..واحساسي الذي اصابه الفتور بسحر عينيك ..هل حقا هذا انت؟ ...هل صدقا ما رأيت؟..اتوسلك بالذي خلقني وخلقك ان تنعش قلبي بحقيقة النكران..ان تنتشل سذاجتي من وَكْرِ الخذلان ..حقا لا اريد التصديق ..شك غيرة كذب وما اصعبها خيانتك ..هل سبق ان رأيت قلبا يبكي وعينا تنزف دما ؟..لااا!!..او ليس بعد ..انتظر فلا يزال هناك سؤال...هل سبق ان رأيت ميتا يتنفس وقلبه ينبض ؟..لااا!!..كيف ذلك !!!وانا امام ناظريك ..انظر الى ما خلفت يديك ..الا بقايا دمار حرب مشاعرك ..الا فتات ما شتت اكاذيبك..الضحية حب ووعود..الى عاشقة لجبان بقيود ..الى مظلومة العادات وتقاليد والعهود..الى شرقية نسيت او تناست مجتمعها على اي صرح يعود ..الى همسك المنصهرة الى بركان ثائر حبيس مقتدر..الى من اواصرها انقطعت ..الى يتيمة بعائلة الى لاجئة بمدينة ..الى ام اللقيطة...الي انا ..همس الإباء الحزينة...♙☘...
من بعد مجاه اتصال من لخدامة لي فالفيلا كتعلمو بلي الحاج مريض بزاف وطلبو يجي على وجه صرعة تنهد وهو عينو عليها كتفصل بيناتهم بوابة لبالكون زجاجية مباغيش يخليها حتى دقيقة ولكن من جيهة اخرا الاب ديالو ..لبس وخرج وصل لفيلا تصدم لقاهم جالسين على طبلة لعشا والحاج صاغ سليم عقد غوباشتو رجعو كيلعبو بيه ..ضرب طبلة بيدو خلا اسماء واسلام كرمو فبلاصتهم وتوجه بهدرتو لباه وهو ساخط
إباء:كنشوووف سعادتكم بخير وعلى خير ..اش هاد لعوب ديال مناكلش
الحاج مبرد وكياكل بلموس ولفرشيطة ومكالمي شي لي كيزيد يشعل إباء:زيد معانا (شاف فالخدامة) جيبي طبسيل لاباء
اباء بلغوات:بلا رهج بلا خ***..اش كتخورو نتوما ..(شاف فاسماء مخنزر وقصدها جبدها من يدها) ميكون هذا غير واحد من بلانات هاد لفعة
لحاج بعصبية:غتحتارم مراتك ..وغتزيد تجلس ...مكفاكش سيمانة ونتا ضايع مع لخانزات ..لا وزوينة جاي كتمد يدك عليها حدانا ..جزاتها لي صابرة على سلقوط بحالك
إباء دفعها جات طايحة على اسلام:شكون قالها تصبر ..هي عارفة ونتوما عارفين بلي محاملهاش وممعتابرهاش مراتي ...ونزيدكم شفتي اش غندير ..حيتاش مليت من هاد دراما كل مرة طلاقها غيوصلها ..(جا قاصد لباب ورجع) اااه نسيت ..(شاف فاسماء واسلام جبد كرسي وجلس مقابل معاهم عينيه كيطلقو نار) بلا منكتر فالهدرة (هز موس كيلعب بيه فطبلة ) وقصرو عليا نقصر عليكم شلا حوايج ..شكون فيكم لي تعدات عليها
اسلامواسماء شافو فبعضهم وصفارو اسماء مستحيل تحل فمها حداه وهو فهاد لحالة اما اسلام فنطقات وهي كتفتف
اسلام:شكون..حنا متعدينا على حد اش كتخربق
إباء طلع عينو فيها باستهزاء:اوووه الوليدة لعزيزة ..مدام اسلام بن يوسف معرفاش شكون ..عيب فحقك ..(نطق كل حرف متقطع) ه..م..س
الحاج سمع سميت همس جلس على طولو مفاهمش اش دخل همس فالموضوع:همس؟؟ اش بيها همس ؟؟واش دخلك نتا فهمس )
اباء شاف فيه ونطق بغصة:همس هي لبنت لي كنبغي من زمان (شير بيدولي فيها لموس لجيهت اسماء) وهاد الاخت المصون لعبتها صح على كلشي حتى خلاتني نتيق بيها وبهدرتها ..بسبابها ديك لبنت عاشت لعذاب ومزال كتعيشو بسبابها ...همس لبنت لي حاملة بحفيدك ..همس حاولو مرة يقتلوها ونجات منها... لاا ومحشموش مقداتهمش المرة الاولى حاولو نهار راس العام وسيفطو(خشا دات لموس بعصبية فطبلة) لي تعدى عليها ..(شاف فيها وناض ساخط) ودبا منين تفرش كلشي رتاحيت ..حيتاش عييت من هاد شي وعييت منكم ومن حياتكم ..وعييت منكذب عليها وهي متستاهل غير لخير (شاف فالحاج) دبا مبقا كيهمني حد من غيرها وولدي لي جاي ..عييت مندير لخاطر لكلشي و فالاخير مكتحي غير فيها هي..سوو هنا وحبس علاقتي بهاد العائلة مبقاتش ...نساو بلي عندكم شي ولد سميتو اباء ..
الحاج بقوة صدمات لي نزلو عليه ..شحال وهو يقلب على همس وغبر ليها الاثر وفالاخير تصدق هي لي مع ولدو ..وزيد حاملة بحفيدو وكيفاش حاولو يقتلوها ..ودبا ولدو الوحيد لي كلشي كيديرو غير على مصلاحتو كيتبرا منهم ..ناض بغا يلحقو شاف فاسلام واسماء نظرة ساخطة
الحاج:حسابي معاكم من بعد ...
ناض كيخلف لخطوات وكيحس بجنو ليسر كتزير عليه ويدو ثقالت موصل لباب حتى تبلوكات رجلو عند لعتبة وطاح مغيبة ..اباء كان فطوموبيلتو عوال يكسيري منين شاف باه طاح خرج كيجري وقف حداه كيشوف فمو عواج ويدو حتى هي وكشكوشة خارجة ليه مع فمو معرف يزيد ولا يرجع شد فراسو مخرج عينيه مقادرش يخطو الخطوة ..قرب منو بخوف ..بحال شي دري صغير تايه طاح فحفرة ومقادرش يطلع منها ومكان لي يسمعو الا غوت ...تحسس نبضو كان زايد وكينقص بدا يضغط على صدرو ويهدر بهستيريا
إباء:لااا...الوليد...الحاااج....فيق...ها انا معندي فين نمشي غير فيق(كيضغط على صدرو ويحسب من واحد حتى ل 10 ويعيد على مضد 5 لمرات وطاح على صدرو كيبكي ..اقرب واحد ليه هو باه ممتحملش يخسرو واخر حاجة بيناتهم خصومة ..لخدامة شافتهم هكذاك صونات الاسعاف اما اسماء واسلام حتى وحدة مقدرت تقرب ليهم عارفينو فهاد لحالة يدفنهم ويقبر عليهم)سمحلي الوليد ..سمحلي ..سمحلي ...صافي غير فيق ولي بغيتها هي لي تكون ..غير حل عينيك
وصلات الاسعاف وجابو المسعيفين نقالة وفكوه من بين يدين اباء بستين كشيفة خذاو لمستشفى نيشان لبلوك ..ولكن بدون جدوى سرطان وزيد عليها جلطة القلبية ناهيك على سكري خليط مولاه على حافة الهاوية ...☘♙ويا اسفاااه على ذلك المكلوم خارجا ..منبوذ الاحساس والطمأنينة ...مهموم البال ومحروم من السكينة ..مؤنب الضمير ومخذول القلب مهدد بسقوط في اي درب ...اثقلته الهموم وفاقت طاقته وتركته مأزوم...طال انتظاره وما اصعبه ان يطول ..وجمر الهوى وجمر الفقدان فيك مسجون ...تارة يفكر بيها وتارة به مصدوم ..وتارة يبكي على اطلال رجولته التي فقدها منذ دهور ..حقير خائن وابن غير بار هذا هو حاله وهذا ما آلت عليه الاقدار ..تمنى ويا ليت تمني يصل الى الافكار..ويتجسد امامهم ويصلح ما صار ..تغيير على وشك الحدوث وانقلاب في الاقدار ..حزن مطل وقساوة قلب بدون اسرار..كشف المستور وابتعادها هي والجسور ..خلفت جثث اكلت منها النسور ☘♙...
خرج طبيب من لبلوك متوجه لناحيتو هو اسماء واسلام لي هاد الاخيرة منهارة وكتدعي غير يخرج منها سالم وتحد من اش كدير وتشد لحيط ولكن للاسف ماشي كلشي لي كنتمناوه كنوصلو ليه ..وشحال قاسحة الواحد يفيق حتى يكون فات لفوت ...شاف فيهم طبيب بيأس معلن عن الخبر لي زاد كمل عليه وخلاه يطيح جالس مصدوم على وقفتو شاد راسو بين يديه مردد كلمة وحدة..اما اسماء واسلام فكل وحدة منين كتبكي وتنوح
إباء:ميمكنش..ميمكنش..ميمكنش..
جلس ممتيقش هدرت طبيب
طبيب:غنحولوه لغرفة عاديا ..درنا لي علينا ولكن مهما طال الا وكلنا غنوصلو لهاد نهار ..منقدروش نغامرو ونفتحوه ...الا توادعو معاه وتسامحو معاه ..غيكون فالغرفة 40...
ما اقساها من لحظات ..لحظات موت الاقارب ...كان لحاج فبيت بلا سيروم ولا والو شفافو زراقو ولونو مخطوف واقف إباء عند راسو كيحاول يكبح دموعو واسلام على جنبو كتبكي واسماء لخوف راكبها من ساسها لراسها وهي كتشوف طوق نجاتها كيهرب من بين يديها مبقاش لي يكون فصفها ويمنعو عليها ..
الحاج:سمحلي اولدي ..سمحلي ..خرجت عليك..كنت باغي نشوفك احسن واحد ..كنت باغيلك غير الخير
إباء ركع على رجليه وشد يدو كيبوسها ودموعو خانوه ونزلو بلا هوا وكتافو كيتهزو ..: سمحلي الوليد ...كلشي بسابي ...سمحلي الله يخليك
الحاج:راضي عليك دنيا واخرة ..راضي عليك ..تهلا فمك ...امنتي ليك هي اسلام ...
اسلام غير سمعات كلامو طاحت على صدرو كتبكي بحرقة ..لحظات ومول الامانة خذا امانتو وخلا من موراه قلوب محروقة ...دازت 3 ايام ورجعو لمغرب دارو لجنازة ودفنوه وإباء مكيهدر مع حد ..دافن راسو فقوعة بوحدو كيلوم راسو على لي وقع وكيتفكر ليلة موتو منين رحع لدار وملقاهاش وبالو غير معاها فين تكون ومع تشغل مع لموت خلا رجالو يقلبو عليها ووالو مكانش ليها الاثر ..دازت شهرين ورجع لبلحيكا غير باش يلقاها ...حتى كيتصدم فواحد لعشية باتصال ديالها ..
💫واقفة لابسة تريكو صوف بيج وسروال دجين كاب فالبني والبيج وجامعة شعرها سفنجة مهملة .. هازة صاك صغير فيدها وكتتفحص دار لاخر مرة تنهدت وحلفات لرجعات بكات ..علامن غتبكي اصلا على قلة عراضها ولا على شرفها لي ضاع فهاد دار نيت.. ولا على لكذبة لي كانت عايشة فيها ...ولا على دور العشيقة لي خلاها تعيشو بامتياز ..لمحت كادر تصويرتهم بزوج مشات بلا هواها هزاتو كتشوف فيه وللاسف خذلوها دموعها وبكات ..نزلت دمعت قهر وحسرة على حبها وعشقها ليه من سنين لي مراعاش ليه وزطم عليه وخلاها تعيش اخبث حياة معاه ..حياتهم وسعادتهم على حساب حزن ناس اخرين وهي مرباوهاش واليديها باش تشتت شمل عائلة اخرى ..خبات تصويرة فصاك ..حست بوجع خفيف فكرشها وبابتسامة باهتة
همس بغصة حطت يدها على كرشها :حتى انا غنتوحشو ..ولكن هذا هو احسن قرار ..
خرجت لقاتو كيستناها بطوموبيل واقف كيدور عينيه كيقلب انا موبل وسط حزنها فرحت لي شافتو ...حست بطوق نجاة تمد ليها ..مشات حاطة راس حشمانة منو ومن كرشها لي باينة مكورة حداها خذا من عندها ساك بلا ميهدر معاها ولا يتكلم حطو فالكوفر وزاد فتح ليها لباب طلعت وسدو من وراها طلع حداها وكسيرا لابعد بلاصة من تم ...سكات مخيم عليهم حتى سمع شهقات مكتومة منبعهم هي وقف كيشوف قدامو تنهد ودار جبدها عندو عنقها وهي تمخشات فيه كتبكي بحرقة
همس:علااش انا ..اش درت غي انني بغيتو ..اش درت ..واش غلط (هزت راسها فيه ) واش الحب فهاد زمان حرام ..واش رجع لي كيبغي من نيتو مذنب وخاصو يتعاقب بأبشع طرق ..شنو درت غير انني حلمت نعيش معاه ونتزوجو وبغيت نحقق ..
علي:ششش (باسها فجبهتها) تهدني الاعصاب ممزيانينش لا ليك لا لي فكرشك ..(شد وجها بين يديه وابتاسم) قولي الحمد لله ..ورضاي بلي كتب ليك الله ..تجربة ودازت ..وان شاء الله لي جاي احسن ..دبا نساي اي حاجة دازت وفكري فيك وفلي جاي فطريق..مبقيتيش بحدك ..مخاصكش تكوني ضعيفة اوكي..وانا معاك طول لعمر ..متنسايش
علي بعد عليها:لي فات فات ..حنا ولاد اليوم ..سو ..فكري فدبا ولي جاي ...غنمشيو لدار دبا ترتاحي ونتفاهمو من بعد ....
دازت شهرين وهي غير فدار مكتخرجش...وجا اليوم الحاسم دازت ديك ليلة على همس طويلة مغفاتش وهي كتفكر فاش ممكن يوقع ليها وكتحاول تتفاءل بلي لي جاي احسن ومغتندمش حيتاش اي قرار قرراتو وخطات خطواتو بارادتها مغتندمش عليه فاقت من غمرت تفكيرها على اذان الفجر من تطبيق صلاتك فتيليفونها توضات وصلاة على امل مستقبل حسن هي ولي فكرشها ...فصباح فاقت مع ل 11 كان علي وجد ليها لفطور وخرج يكمل اخر اجراءات باش يستالم شهادة ديالو من الجامعة ولي كان مقرر غير ياخذها ويرجع لبلادو يسير اعماال الاب ديالو ..خلا ليها ورقة بلي راه غيتعطل فطرات وناضت لبسات ..خرجت متوجهة لمخبزة فين كانت خدامة ..دخلت فازكة بشتا لي شداتها فنصف طريق ..غير شافتها مريم خرجت عندها كتجري تعنق وتبوس وحتى ماثيو جا سلم عليها وتصدمو من كرشها باركو ليها
مريم :توحشتك يا ختي فين كنتي؟
همس ابتاسمات ليها:حتى انا وبزااف ...كنت مسافرة غير جيت جيت عندكم ..ماثيو اش خبار سالي ..وكيف احوال الخدمة ؟
ماثيو :كلشي مزيان ..كنا نستناوك ترجعي
همس:المكتاب ...فين هي كوادالوبي ههه؟
مريم بحزن:توفات مدام سانتا ؟
همس بصدمة:الله اكبر ..فوقاش؟
مريم:هادي شهرين ..
همس ضحكات باستهزاء:دبا يكونو ياجوج وماجوج بسعدات عليهم ..لمحل رجع ليهم ...مهم الله يرحمها
مريم:الا لولاد بحالهم الله يخليهم بلخلا غير دازت لكنازة وجاو كيتحاسبو شحال كيدخل لمحل وباغيين يقسمو املاكها ..بصح عجباتني فيهم كلشي تبرعات بيه لواحد دار العجزة ...
همس :عبرات عليهم..مهم جيت غير نشوفكم ونمشي
مريم:عاد جلسة ..مزال مشبعت منك
همس دمعو عينيها:مرة اخرى الا كتاب ..(عنقتها) عمري ننساك كنتي ليا اخت فهاد الغربة شكرااا على كلشي
سلمت على ماثيو وخرجت دمعتها على خذها رجعات من الاول ..خذاوها رجليها لعند لي سندوها فغربتها وحماوها ولقات فيهم الخير على لي ليها ..دقات وقلبها كيضرب ...فتحت ليها وشهقت طارت عنقاتها وهمس بدورها بادلتها لعناق
صوفي:اااخ يا همس فين كنتي ..(دخلاتها كتجبد فيها ) يا لكلبة يا لحمارة كنا غنحماقو بتقلاب عليك ..سام غيفرح (جبدت تيليفون ياغية تصوني عليه)
همس:عارفاك توحشتيني(شدتلها يدها) بلاش انا مغنجلسش بزاف جيت غير نشوفكم من بعد ونرجع نشوفو
همس غمضات عينيها كتحاول تكبح غصتها:اااه ..(عنقتها) اخخ صوفي ..تعرفي نتي بنسبة ليا ام واخت وكلشي ..(بعدات عليها وشدت يدها) شكرا بزااف عمري ننسا خيركم ..نتوما فضلتو عليا بزااف وخا ندير لي ندير منقدرش نوفي حقكم ...الحاجة الوحيد لي طلعت بيها من اباء هي نتوما ..
صوفي باستغراب:همس اش كتقصدي
همس بابتسامة:والو ..غير بغيت نعبر منعبرش هههه
صوفي بعدم تصديق:عبري..ولكن يسمعك سام يعبر عليك حتى هو نتي عارفاتو معتابرك ختو
همس:حتى هو خويا لي مولداتوش ليا مي ....مهم صوفي بلغي سلامي ليه ..عندي شي شغل ومن بعد.نرجع
وصلو لباب ورجعات عنقتها بحرارة وتمات غاديا فحالها صونات لعلي كان مزال فالجامعة ..جاتها على كانتها مشات لعندو كان فالادارة ومبقاش ليه بزاف عطاها سوارت طوموبيل وفخرجتها كتلمح الياس مع واحد شهبة مشادين ليدين وخارجين تبسمات ومشات خرجات مع واحد لباب جات مقابلة معاهم عينيها عليه وهو مصدوم من شوفتها شحال قلب عليها وملقاهاش ودبا واقفة قدامو بدون سابق انذار سرفقاتو خلاتو مصدوم ولي معاه كتر بلا كلمة ولا جوج مشات لجيهت طوموبيل خلاتو كيشوف فيها مفيقاتو من صدمتو غير لبنت لي معاه كتحرك فيه وتعاير فهمس
همس:فات لفوت ..لبهلة لي كانت كتيق بيك قتليها بيديك ...نتا لي رجعتيني هكذا بلا قلب وبلا ضمير بحالك ...متلومنيش ..هادي نتيجة افعالك ...
قطعات عليه وجلسات كتنهج...ودموعها خذاو طريقهم على خذها حط يدو على كتفها وجبدها عندو
علي:هنا نقطة نهاية ..مبقاش رجعو
همس:صفحة وطويتها وعمر باقي نفتحها ....
نداء الى المسافرين المتوجهوالى مدينة بيروت ..المرجو توجه الى الممر 7 ..وشكرا
علي وقف:مشينا ...
همس وقفات:باسم الله ...(شافت فالمطار وزادت متوجهة لبداية جديدة ..مخلفة موراها بركان ثائر )
🔙🔚《《نهاية لفلاش باك》》
🌃🌃 رحلوا و لم يتركوا لما سوى بقايا ماضي.. عطر لا ينسى.. صوت نتمناه.. حضن نفتقده.. حب يكبر و يقتل .. صور صامتة .. شوق لا يبرد .. دموع لا تجف... ألم لم و لن ينتهي.. منزل خالي.. مليئ بالذكريات.. و ثياب معلقة تقتلنا بين الحين و الآخر....
💔💔💔💔 همس💔💔💔💔
ككل ليلة... عدت ل حجرتي المظلمة الباردة... اقتربت من سريري و اتكأت على وسادتي.. لعلي استعيد بعضا من عافيتي.. فداهمتني ذكرياتي. ارهقتني.. المتني بشدة.. ابكتني و مزقت قلبي .. ف ذكرياتي معك مؤلمة.. لم تحافظ علي و لم تعتني بي.. لم تهبني ما اتمنى و طريقنا المعهود بات يحمل اسوء ذكرياتي معك ... مميتة . . قاسية.. ذكريات ليس فيها إحساس.. كل ما فيها يؤلم يوجع.. و يقتل ...
💔💔💔💔 اباء💔💔💔💔
كل شيء يذكرني فيها .. أطيافها.. خيالها.. حتى ارجاء المكان تعم بصوتها.. كل ما تبقى منها هو ذكراها.. كل شيء اختفى إلا حبها.. هواها... كل شيء اختفى إلا بقاياها... بقايا الم و جراح فراقها... كم اشتاق للقياها.. لحنانها.. لبياض قلبها.. و عطفها..
ف حتى لو رضيت بالغياب.. ذكراها لم ترضى بالرحيل....
شميسة دافية سدلات خيوطها الذهبية و علنات على بداية نهار جديد .... جو ربيعي زوين .. علاش لا و اليوم اول نهار ف شهر 3 .. و شكون فينا ماكايعجبوش الربيع.. احسن فصل.. الجو زوين .. و ريحة كاتحمق فينما مشيتي .. ريحة الورد و الزهر.. و الدنيا اللي كاتولي خضرا ... عاد الشمس دافية و النسيم الخفيف.. هاد الجز بالضبط كايخليك تخلص من طاقة سلبية اللي فيك ...
كانت ناعسة.. مكرشخة فوق ناموسيتها.. بيتها مرون حوايج مرميين هنا و لهيه.. و البيت فيه بزاف اللون الغوز بحال بيت بنت عندها 6 سنين .. ماتقولش عندها 23 .. شعرها الاسود مغطي وجهها و حوايجها طالعين و الغطا مليوح فالأرض...
حلات الباب و دخلات كاتولول و تنكر كي عادتها.... اول حاجة دارتها حلات شرجم و خلات الهوا نقي يدخل البيت ... عاد توجهات ليها ...
بقات مخشية كاتقلب حتى جبدات كلشي و حطاتو فوق ناموسية.. عاد تنهدات.. طلات على ساعة و تنفسات براحة و خرجات قاصدة الحمام و ف يديها مستلزماتها و بينوار...
دوشات مزيان و رخات عظيماتها.. لبسات بينوارها و وقفات قدام المرايا كاتنشف شعرها ... صايباتو عاد ب البلاك حينت رطب و خفيف و قصير.. دغيا كملاتو و طلقاتو... عاد دازت لوجهها.. دارت فوندوتان و ايلاينير.. ماسكارا و بلاش عاد عكر ماط غوز...
واخا فيها الموت ديال الخلعة و متوترة إلا انها كاتحاول تخبي و ماتبينش...
رجعات ل بيتها و لبسات حوايجها.. سروال دغوا قصير شويا و مزير فالبيج.. مع شوميز خشاتها فيه بالأبيض و سمطة فالنواغ دارتها ل سروال.. زادت فيست من الفوق غي قصيرة و كمامها طروا كار .. و لبسات طالون غي صغير فالنواغ.. حينت هي طويلة... وقفات قدام المرايا كاتشوف كي جات و كل شويا تسوط ف يديها اللي كانو مثلجين و كايرجفو.. يالاه رشات ريحتها و هي طيح عينيها .. على تصويرة محطوطة فوق رف... بلعات ريقها.. و هزاتها... تنهدات و جلسات ف طرف سرير كاتأملها.. تحجرو دموع ف عينيها .. و هي كاتشوف كيفاش كانو و كيف ولاو .. توحشاتها بزاف .. توحشات حضنها مللي كاتبكي و تجي تشكي عليها و تخشيها ف حضنها تحزرها.. تفكرات نصائحها.. ليها اللي ديما كان اهمهم تديها ف قرايتها و ماتخليش شي حد يضحك عليها و تخلي دراستها فالمرتبة الأولى.. تفكرات شغبهم.. ضحكهم و لياليهم. .. مللي كايسهرو فالصيف جالسين فالسطح تحت نجوم و الجو سخون و كاياكلو زريعة هه.. تفكرات خروجاتهم بتخبية فاش باباهم كايمنعهوم.. كانت كثر من أخت بالنسبة ليها .. كانو قراب ل بعضياتهم.. باقي ناموسيتها ف بلاصتها و هي فين كاتنعس دابا .. حوايجها باقيين فالماريو.. و اي حاجة ديالها باقي مخبيايها عندها.. مسحات دمعة يتيمة طاحت من عينيها.. مللي تفكرات نهار عرسها.. نهار مشات و خوات عليهم دار .. علاش ماعاوناتهاش.. علاش كانت غبية و خلاتهم يديرو فيها مابغاو.. علاش سمحات ليهم يسرقو منها ختها وويبعدوها عليها... تفكرات عاود مللي جات آخر مرة و جراو عليها .. شنو ذنبها إلى طلقات. ياك اللحم الى خناز كايهزوه ماليه. علاش وليديهم سخطو عليها و سامحو فيها.. اربع سنين هادي تقطعات اخبارها مازال قبل كانت كاتدوي معاهت شي مرات.. اما دابا والو.. تنفسات بعمق و ناضت دغيا .. باست تصويرة اللي كانت جمعاتهم ف يوم من لاايام.. و حطاتها قدامها...
دوات ب صوت حزين: همس ... ختي.. سمحي ليا حينت خليتهم دارو فيك هاكاك.. ماكنتش فاهمة و عارفة اش كايوقع.. كنت صغيرة .. من ديما كانشوفك ختي الكبيرة القوية اللي حتى حاجة ماكاتأثر فيها .. كنت ديما كانتمنى نكون بحالك ولكن ماكانقدرش. ديما نتي حسن مني .. واخا بيناتنا غي ثلث سنين ولكن كانحس بيك فايتاني بزاف... هاني اليوم .. درت بكلامك و خليت قرايتي اهم حاجة.. وليت مهندسة معمارية كيفما كنت باغية.. تحديتهم.. بابا و ماما و دوك تقاليد ديال والو.. و قريت و كملت قرايتي.. و اليوم عندي مقابلة ديال عمل ف أحسن شركة ف جهة الشرق و فالمغرب كامل ... غادي نجح فهاد الخدمة و غادي نحقق ليك امنيتك .. عمرني نسيتك و عمرني نقدر نساك. و دابا مللي غانخدم غادي نقلب عليك و نلقاك و نرجعك ل حضننا.. و ماغانعاودش نفس الغلط ديالك.. الى نتي دغيا وافقتي ووقبلتي تزوجي.. انا عمرهم يحلمو يزوجوني..
بتاسمات ب قوة .. هزات ساكها و وراقها و نزلات كاتقرقب ب طالونها لتحت..
حدا الكوزينة كانو مفرشين جليسة تقليدية.. جالسة فيها خديجة ماماها و قدامها صينية د اتاي.. زيت العود و العسل و حرشة باقي سخونة... ملامحها بان عليهم الكبر واخا ماكبيراش بزاف.. باقي فالاربعينات إلا أن المشاكل و الهموم خلاو صحتها تراجع و ملامحها يكبرو بلا وقت .. عاكدة راسها ب زيف حياتي و لابسة بيجاما طويلة و دايرة طابلية ... حاطية يديها البيضين واللي كايبانو فيهم العروق خضرين على خدها و كاتشوف ف نقطة وحدة.. حتى قفززها صوت سمر ...
محمد: صباح ت الله... دوزي قدامي... ماعندنا رجال اللي تمشي بوحدك.. هاد الخدمة اش غاتزيدك و لا تنقصك.. ياك القراية و خليناك تكمليها.. اش بغيتي ب شي خدمة.. مخصوصين و لا ماعندنا ماناكلو...
سمر: با ناس كايخدمو باش يحققو ذاتهم ماشي على ود الفلوس ...
محمد: زيدي وكان زيدي ...
سمر: و دابا غي علاش معذب راسك و صباح هدا...
محمد: حينت مهدي ماكاينش.. كون كان كون هنناني و وصلك..
سمر خنزرات: و اش بيني و بينو تا يوصلني..
محمد: هو اللي غايعرف ليك نيت و يقادك.. حينت بان ليا انا ماربيت فيك والو .... مهدي هو اللي غايرجعك ل طريق
سمر: الحمدلله مانيش خارجة على طريق باش يجي هو يردني.. و هداك السيد هو اللي عمرك لا نتا لا هو تحلمو انني نتزوجو...
قالت ليه هاد الكلام و نزلات مخليا محمد وراها كايغلي و خديجة كاتسكت فيه..
خديجة: مسحها فيا مسحها فيا ا سي محمد .. راه باقي صغيرة و ماعارفاش مصلحتها...
محمد: الله يخليكم الخلا كلكم.. لا نتي لا بناتك شتي تربيتك العوجة فين وصلاتنا.. الفضيحة اللي بدات خدتها غاتكملها هي ....
خلاها و مشا حتى هو اما هي فكرها ف ااجرح اللي تحاول حتى تعياا تنساه ماكاتقدرش..
هزات كفوفها للسما و عينيها مغرغرين.. دعات مع سمر ربي يوفقها و يسهل عليها فالخدمة و مع همس فينما كانت ربي يعاونها يحفظها و يرجعها ليهم سالمة...
عند محمد كان نازل ف دروج معصب و كاينهج شويا حبس كايكح بجهد حتى كحب دم كيما الحال سيمانة هادي...
ردخ الباب ديال برا و ركب فاللوطو مخنزر و سمر حداه كاتسوط.. وراتو العنوان و اتاجهو ل اكبر شركة ديال المنشآت و المعمار فالمدينة...
وقفات الطوموبيل قدام مبنى كبير كلو زااج... حلات سمر الباب و يالاه بغات تنزل و هو يوقفها: كي تسالي صوني عليا و بربي العالي و تجي راسك .. حتى هاد الزمر كامل عمرك تحلمي تعتبيها فيه مرة خرا ...
ماجاوباتوش و نزلات حابسة البكية بزز ... بغات شي نهار يعنقها يقوليها بنتي الله يرضي عليك .. يدعي معاها ربي يسهل عليها .. يقوليها بنتي اش خاسك.. ولكن لا هو خس غي الفرصة فين يعاير و يغوت.. من نهار حلات عينيها و هي كاتشوفو داك الشخص اللي طاغي. صوته كايخلع اما الى تعصب غي شهدي.. من ديما صعيب لا معاهم لا مع امهم.. و عندو سمعة العائلة و الشرف هو كلشي خصوصا حينت هما غ بنات و كيفما كايقول عار عليه و كيفما كايقول هو اللي ولد البنت مايتهنا..
دخلات هازة راسها باش دمعتها ماتنزلش وكل مرة اصرارها باش تنجح ووتشد هاد الخدمة كايزيد...
قالو ليعا طلع لايطاج قبل الآخر و تسنا دور ديالها و داكشي اللي كان .. ايطاج كبير كلو فالابيض و من زاج فيه غي بيرو واحد فالراس و حداه مكتب الكاتبة... جلسات متوترة و حداها ناس خرين حتى هما جاين ل نفس هدفها.. بقات كاتحرك ف رجليها و كاتحاول تقوي راسها و دير قدام عينيها غي حياتها كيغاتولي الى خدمات ...
سمعات سميتها و ناضت كاتخطي خطوة القدام و عشرة اللور و كاتدعي ربي يسهل عليها ...
دقات دقان خفيف و حتى اذن ليها عاد حلات الباب و دخلات منزلة راسها و باين عليها توتر من حركاتها...
علات عينيها و جات ف عينيه كان جالس ورا مكتب كبييير دايرين بيه ضوسيات و بلانات و بالكون كبير كاتبان منه المدينة كاملة.. ف جنبو كان فوقاش كايرسم و يقاد البلانات... لابس ملابس رسمية بيج عكسو لون شعرو الكستنائي و عينيه العسليين.. مخنزر و حجبانو معقودين و لكن جمالو طاغي و هيبتو كاتبين انه من ناس المهمين..
فيقها من سهوتها صوتو القوي حتى قفزات...
..: واش غانباتو هنا ؟؟؟
سمر: هااا.. اححم ديزولي..
قربات ليه و جلسات.. و هو يعاود قفزها صوتو: واش قلت ليك تجلسي؟؟
خرجات فيه عينيها و ناضت دغيا
.....: سميتك عمرك ديبلومك منين خديتيه.. عندك تجارب و لا اول مرة ؟؟
شافت فيه بعدم فهم: اااحم موسيو كلشي كاين ف السيفي...
عاود رجع سولها على تجارب اللي عندها و فاشمن شركات دارت سطاج.. و كل مرة كاتخرج راسها و عندها ماتقول.. فينما كايبغي يتلفها كاتسكتو... راسها عامر و عرفات كيفاش تخليه يقبلها..
سكت شويا عاد قال: اااحم . .. عندنا دابا مشروع عاد غانبداو الخدمة عليه .. مشروع ديال تجزئات سكنية و فلل و بقع أرضية فاخرة ف كولف سعيدية.. غاتكوني المساعدة ديالي حتى يكمل هاد المشروع باش نقدرو نشوفو المؤهلات ديالك و واش تستاحقي هاد البوسط و ترسمي...
...: يمكن ليك تفضلي دابا و غدا مع 9 خسك تكوني هنا ...
ناضت سمر كاضحك و دغيا ملامح وجهها تغيرو مع كانت خايفة و متوترة... شكراتو و خرجات و هو بقا متبعها ب عينيه و كايعلب بواحد ستيلو بين صباع يديه حتى فيقو صوت الباب اللي تحل و عاود تشد ...
دخل ب مشيته المعهودة و نفس العطر ديالو اللي عمرو بدل .. لابس كويرة كحلة و دجين مغلوق و موكاسان.. دايرة نظاظر د شمس و شعرو متخللينو خصلات لامعة بيضا.. جسمه باقي جداب و حتى شكلو رغم تقدمو فالعمر 36 سنة ماساهلاش .. إلا انه باقي محافظ على جماله و جاذبيته..
جلس مسرح فوق الكرسي و رجليه طاويهم و يهدي طالقهم وراه..
اياد: على السلامة ماشتكش اليوم ف شركة
اباء: كان عندي شي شغل قضيتو و جيت ..
اياد: اممممم
اباء: ماناويش تغدا..
اياد: على شحال هادي
اباء: اوااااه اياد بقدو و قامتو ماعارفش شحال ف ساعة( ضحك ب استهزاء) اش واقع ا الصاحب...
اياد: اش غايكون واقع ف نظرك هااا.. شكون باقي كايتسوق ل شي وقت و لا ل شي غدا و ل شي حاجة .. هاني غاع شفت شحال ف ساعة كاين اللي كايتسناني و خسني مانتعطلش عليه هاا؟؟ كاين اللي كايتسناني ف دار باش نتغداو و لا باش نتعشاو؟؟ كاين معامن نخرج فالويكاند باش نرتاح...
اباء ماجاوبوش حدو ناض ساخط و تاجه ل بالكون الكبير و بقا كايشوف فالخارج مخنزر و يديه ف جيبو..
اياد: كل مرة غاتبقا كاتسكت و تهرب هااا ؟؟ ديك الدار اللي قدها قد الخلا لمن مبنية.. المشاريع و الخدمة اللي كانظلو غاطسين فيها لمن هادشي كامل هاااا لمن... غاديين و كانكبرو... قربنا ندخلو أربعينيات.... و باقيين بحال المراهقين....
اباء جاوبو بصوت غاضب و خالي من شي إحساس: هدا هو زهرنا اش غانديرو.. لا انا لا انت ما عندنا زهر مع العيالات ياك هادشي اللي بغيتي توصليه.. نتا و طلقتي و انا طلقت اش الفرق..غي نتا قادر تبدا حياة جديدة و تبني عائلة جديدة ولكن انا لا.. قدري نبقا حياتي كاملة بوحدي كانتجازا على طيشي و اغلاطي.. نبقا بوحدي حتى نموت..
يالاه اياد بغا يهضر وقفو اباء ب يديه باش يسكت.. زدح الباب و مشا .. مخلي اياد وراه نادم علاش جبد تاني هاد الموضوع.. هو اكثر واحد عارف اباء قداش عانا و باقي كايعاني.. واخا هو طلق عبير ولكن كلشي سالا بأقل الاضرار ولكن اباء قصته بوحدها فينما كايتفكر ختو و اش دارت فيه و كذوبها و مخططاتها.. كايحشم قدام صاحبو.. هو بوحدو اللي عارف اباء اش داز عليه و واخا هاكاك باقي عايش ماشي على قبل راسو ولكن عايش على أمل شي نهار غادي تكتامل أسرته الصغيرة و ترجع المياه ل مجاريها....
🌍🌍🌍 بيروت .. لبنان
تحل الباب و دخل هاز ف يديه بلاطو.. فيه كل ما لذ و طاب ...
حطو جنب السرير اللي كان كله لونو بيج و دائريى.. و مشا شقق الدفة د شرجم باش يدخل ضو ل بيت ... عاد رجع حداها... جلس جنبها و هي مخشية وسط الغطا.. مكمشة و ناعسة على شكل جنين و على وجهها علامات الانزعاج...
مرر يديه بحنان فوق راسها
علي: همس... هموووسة.. باقي عيانة...
جاوبتتو بصوت منخفض و كاتنين: انننن..
علي: واش نمشيو الطبيب ؟؟
همس: اننن لا....
علي: و عاجباك حالتك كل مرة هاكا هااا ؟؟ واش كل شهر غانبقاو حنا كانعاودو ف نفس الهضرة...
لاحت الغطا ووناضت جلسات مخصرة وجهها: ماااالنا.. اش كاين.. داخل بعجاجتك تاني اش واقع
علي: نسولوك نتي اش واقع .. واش عند جدك شي عقل و لا ماتكسابيهش..
همس ساطت: اووووف واش انا اللي بغيت.. راه ماعندي ماندير...
شافت فيه ب حنان: ماعندي والو و الله شويا و غايدوزني الحال. راك عارفني بوحاطية و صافي...
ابتاسم عارفها كاتقول هاكا غي باش ماتشوشوش.. جر ليها نيفها و باسها ف حنكها و حط فوق رجليها البلاطو فيه الغدا..
بقا معاها حتى كلاتو كامل عاد خدات دوا و خلاها ترجع تنعس .. سد الريدويات و سد عليها الباب باش تنعس براحتها و خرج معاه البلاطو...
قصد الكوزينة و شاف السكات فدار تخلع و عرف شي فضيحة غاتكون واقعة .. يالاه حط رجليه فالكوزينة حتى شاف الدنيا كاملة مرونة و الماكلة فالارض و ذكرى حوايجها عامرين مطيشة و زاين حداها مفرق رجليه فالارض كايلعب و حتى هو حوايجو موسخين...
خنزر فيهم مزيان و يالاه بغا يغوت حتى جات عندو كاتجري
ذكرى: (بصوت طفولي) إلى غوتي ماما غاتغيق...
علي: و خليها نيت تفيق.. إلى شافت هاد الحالة عرفتي اش غادير ليكم .. اما انا راه ماكاتخافوش مني ... هي اللي كاتعرف ليكم
ذكرى كادور ف عينيها الزرقين: سوري
علي: سوري هي اللي غاتجمع هاد روينة هاا؟؟
ذكرى: كاتشوف فيه ببراءة: نعاونك مانخليكش تجمع بوحدك..
تنهد و خنزر فيها : ماتعاونيني مانعاونك.. سيري بدلي غي حوايجك و مسحي حالتك..
مشات ذكرى كاتفرنس حينت ماخاسمش عليها اما كون كانت همس كون عاقباتها...
اما علي تحنا و هز زاين اللي كان حتى هو مجلخ حالتو كاملة و كايضحك
علي: كاضحك الباسل هااا.. غاتشبهها ف بسالتها
زاين كايلاغي و يخربق فالهضرة: ددددد.. با..بابا....
داه هازو ف يديه البيت .. حيد ليه حوايجو و دخلو غسل ليه فالحمام.. عاد نشف ليه و لبسو و حطو ف بلاصتو من بعد ماعطاه رضاعة... و مشا طل على ذكرى لقاها مبدلة حوايجها حتى هي ..
غي شافتو و هي تنقز كاتشعبط فيه
ذكرى: بغيت نعش حدا مامي
علي: لا خليها ترتاح مريضة
ذكرى: اش كايضرها؟؟
علي: كريشتها..
ذكرى: واااا ديني عندها...
علي: شششش خليها تنعس و سيري تلعبي حتى تفيق
ذكرى: ولالا ..
علي: وا سمعي الهضرة باش غدا نخرجو كلنا الى برات ماماك .. يالاه سيري ..
باستو ف حنكو و مشات ل بيتها و رجع هو الكوزينة يجمع روينة..
وصلات العشية و بدأت الشمس كاتغرب...
فاقت همس على يدين ذكرى صغار و رطبين.. عنقاتها و خشاتها فيها كاتشم ريحتها و تبوسها...
ذكرى : ماما ماباقيش تمرضي.. كاتخلينا بوحدنا
همس: هههه ياك.
ذكرى: اااه عافاك ... نوضي دابا صافي باراك عافاك
همس: و مابقيتش فيك
ذكرى: وا نوضي..
ناضت همس على وعدها و سعدها.. يالاه تقادات بالجلسة باش تنوض حتى دخل علي هاز زاين.. اللي غي شافهم فوق ناموسية وهو يمد ليهم يديه .. شداتو من عندو همس و بباستو و عنقاتو حتة هو و ذكرى حداها مخنزرة...
علي: كيبقيتي دابا
همس: الحمدلله راه غي كانعس و نشرب دوا كانرتاح..
علي: اوا مزيان .. نوضي تفرجي معانا ذكرى قالت ليك بغاتنا نتفرجو كلنا ف فيلم و راه دومونديت بيتزا للعشا..
همس: بيتزا عاود.. غي البارح كليناها..
علي: شحال فيك تانتي.. خلينا العطلة هادي...
خلاتهم جالسين تما و دخلات الحمام .. غسلات غي لحمها بالخف بلا شعرها و لبسات بيجاما دافية.. عاد خرجات لعندهم كانو جالسية ف صالون قدام تلفازة علي الوسط و كل واحد فيهم ف جنب .. جلسات همس حدا علي و جات ذكرى كاتجري تخشات فيعا و خلات زاين بين يدين علي .. بقاو كاياكلو و يتفرجو ف فروزن هو اللي بغات ذكرى و دايرين ليها خاطرها و هي فرحانة بيناتهم..
هزات همس تيليفونها و مالقات فيه والو مع حيدات اي حاجة ديال سوشيال ميديا من تيليفونها.. و هي تاخد ديال علي و دخلات ل انسطاجرام... بقات كادور و تشوف حتى طاحت ليها ف بالها .. اش اللي خلاها تفكرها.. يمكن هاد الجو انهم جالسين كايتفرجو قدام تلفازة.. هاكا كانت ديما كاتبقا هي وياها.. دارت سميتها و دغيا طلعات ليها .. دخلات الكونط ديالها ولكن لقاتو بريفي.. سيفطات ليها دوموند و رجعات تيليغون ل بلاصتو و كملات تفراجها معاهم...
طل الليل ب هدوءه و جماله ... احسن وقت بالنسبة للناس للي هادئين و عزيز عليهم يبقاو بوحدهم...
كانت جالسة ف بيتها .. فرحانة حينت أخيرا ربي حقق ليها امنيتها و قدرات تاخد الخدمة .. واخا باقي ف فترة السطاج ولكن غادير كل جهدها باش ماضيعش هاد الفرصة .. اللى كاتعطى مرة وحدة فالعمر...
لابسة بيجاما و جالسة فوق سريرها... هازة تيليفونها كاتقلب و تشوف فيه .. حتى جاتها نوتيفيكاسيون.. دخلات ليها ب فضول نشوف شكون سيفط ليها .. حتى طلع ليها كونط ديال دري ب اسم med ali abou.... مادايرش بريفي ولكن ماعندو حتى تصويرة.. اغلبية تصاورو غي ديال طبيعة و أماكن مصورة باحترافية.. بقات نازلة كاتشوف حتى لقات تصويرة فيها بنية صغيرة شعرها أشقر رطب و طويل و عويناتها زرقين. لابسة غوب ديال الأميرات و دايرة تاج و قدامها حلوى مكتوب فيها ثلث سنين .. كان مكتوب على صورة..
❤happy birthday little princess❤
دارت زوم ل تصويرة و هي كاتشوف كيفاش ديك البنية فرحانة و عينيها كايلمعو.. حمقاتها و بقات كاضحك و هي كاتأمل ملامحها الجدابة واخا صغيرة فالعمر ...
بلا ماتردد قبلات طلب و سيفطات حتى هي ليه دوموند...
عاودات رجعات ل واتساب كاتدوي مع صحاباتها فرحانة بالوظيفة جديدة حتى تحل الباب ..
دخلات خديجة لابسة بيجاما طويلة و فوقها كاب د الخيط و على راسها فولار..
سدات الباب موراها و مشات جلسات حداها.. تكات سمر فوق رجليها و بدات ماماها كاتلعب ليها ف شعرها...
سمر: عرفتي ا ماما .. حمل كبير و انزاح .. إلى ربي سهل عليا و ترسمت معاهم .. كلشي غايتبدل...
خديجة: الله يسهل عليك و ينور ليك طريقك وويجيب ليك اللي فيها الخير.. و نشوفك ف دارك و مع راجلك وووليداتك عاد نقدر نتهنا عليك ..
سمر: (بانزعاج) علاش ا ماما كاتجي حتى اللخر و تخسريها.. انا ماكانفكرش ف زواج دابا .. باقي عليا الحال ..
خديجة: الله يهديك ا بنتي راه الوقت كاطير و زمان كايفوت... هدا هو جهد..
سمر: لا شتي هاد الموضوع بالخصوص انا تعقدت منه
خديجة: اوا و داك الولد مسكين و باك..
سمر: واش انا اللي قلت ليه جي خطبني.. ياك شافني غي ف زنقة و جا
خديجة: ولكن صدق ولد الناس .. كون ماعرفو باك كيداير مايخليهش يزطم عندنا..
سمر: ماباقيش تقولي ليا با.. واش اللي باع بنتو هداك أب.. اللي سخط عليها بلا مايسمعها و لا يوقف ف جنبها هداك أب.. كيفاش كايقدر يغمض عينيه و ينعس مرتاح و هو ماعارف بنتو واش ميتة و لا حية .. بنتو اللي خلاها مرمية ف زنقة ... شكون اهم واش بنتو و لا كلام ناس .. هداك أب اللي من صغرنا معيشنا ف رعب .. و حتى نتي معانا.. كون لقا يقبرنا و لا يغبرنا على ناس . علاش حينت حنا بنات .. الى نتي صبرتي و عندك جهد مازال باش تزيدي تسكتي و تصبري معاه انا لا .. جهدي تسالا و صبري وصل لحد.. ( بداو دموعها كاينزلو) .. واش نسيتي بنتك.. اللي جات كاطلب و ترغب فيك و نتي جريتي عليها ... ماعرفتيها دابا واش واكلة واش شاربة.. واش مغطية واش ناعسة .. ف اينا جايحة كاينة ... وليتي بحالو حتى نتي .. قلبك قساح ا ماما ... ناضت من حضن امها كاتمسح ف دموعها.. و بغات تخرج من البيت حتى سمعات شهقات امها.. رجعات عندها كاتجري و عنقاتها و عطاوها للبكا بجوج .. هادي هي حالتهم كل ليلة مللي كايتفكروها.. قلب الأم عمرو يقسى و لا يقدر ينسى شيحد ف ولادو... و هادي حالة خديجة.. طغيان و بطش راجلها مامخليش ليها فين تحط راسها.. عمرها كلات و لا نعسات بحال ناس .. لا عيد كايحلا ليها و لا فرح كاتنشط فيه .. ديما بين عينيها صورة بنتها همس و هي مخرجينها من دار لابسة الكسوة البيضا.. كانت كاتقول راه دارت مزية و زوجاتها ولد عمها و ولد خالتها ف نفس الوقت . و المقربين أولى.. غايتهلا فيها و يديرها ف عينيه و غايديها الخارج.. بغات تشوف بنتها ب دارها و عايشة مزيان و تهنا من قسوة باها..ولكن هي براسها ماعارفاش شنو وقع .. هي بحالهم كاملين وصلها تصاور بنتها و باللي كاتخون راجلها.. واخا عارفة بنتها اش كاتسوا و مستحيل دير هاكاك ولكن كثر القيل و القال و جاها خبار طلاق همس و باللي هزات راسها و غبرات و خوات دار .... من تما و قلبها مشوي و كبدها محروقة ولكن اش عند الميت مايدير قدام غسالو.. العين بصيرة و اليد قصيرة .. واش اللي حتى الحمام منعو عليها و خلاها حاجبة فدار .. كي غادير معاه باش تقلب على بنتها.. نهار قالت ليه راه بنتنا و اللحم الى خناز كايهزوه غي ماليه. شبعها عصا حتى وصلها ل سبيطار.. و آخرتها رجعات ليه .. باش ولادها يبقاو ف دارهم و ماتشتتش عائلتهم.. و غاع إلى تفارقات معاه .. فين غاتمشي و لمن غاتعطي رأس.. و هي ماكاتفرق بين الألف و الزرواطة... غي بناتها اللي كانو كايقريوها فدار و يعلموها مرة مرة .. اما هي عمرها دخلات و لا شافت المدرسة .. باها كان مزير و طاحت ف راجل كفس منه.. ماكذبوش مللي قالو زهر البنت من زهر أمها.. مابغاتش بناتها يعيشو بحالها ولكن مناش خافت طاحت فيه...
قاطع بكاهم غواتو اللي كايتسمع من الزنقة .. ناضت مخلوعة كاتمسح ف عينيها و تسوط على وجهها.. تشوفو اش بغا ف هاد الليل ...
خديجة: مالنا اش واقع .. الليل هدا جيران سمعوك كاتنوح..
محمد: فييين دوا راس شقيقة هلكاتني..
خديجة: راه حدا دوايات.. واش انا نبقا مقابلاك غي نتا..
خديجة: لا حول و لا قوة إلا بالله.. واش قدك عندهم الحفايد و نتا عاد مازايد فيه ... هلكتيني و شهمتيني و ضيعتي لياحياتي.. الله ياخد فيك الحق...
مشات كاتنكر تقلب ليه على دوا اما هو كان غايجاوبها ولكن مالقا جهد .. حريق رأس داير فيه حالة.. جلس فوق سداري حاط راسو بين يديه حتى حس ب شيحاجة سخونة نزلات ليه من نيفو.. ناض طافج ل مرايا يشوف.. و غي لقاه دم تخطف من وجهو لون و رجع صفر ...
🌍🌍🌍🌍 ف لبنان...
طلات عليهم لقاتهم نعسو.. ابتاسمات ل منظرهم و هزات تيليفونها صورتهم... هزات ذكرى هي الاولى و داتها ل بيتها .. غطاتها و باستها و خلات عليها ضو خفيف شاعل. عاد رجعات هزات زاين و داتو حداها فوق ناموسية و كالاتو بالمخاد.. و ردات عليه الباب .. رجعات الصالون و طفات التلفازة.. حركات علي بشويا حتى فاق باش يتقاد ف بلاصتو و غطاتو..
يالاه بغات تمشي حتى هي تنعس .. سمعات صونيت ديال الباب ...
سمعات الصونيت و مشات تشوف شكون.. طلات من العوينة د الباب و هي تبتاسم و حلاتو دغيا .. تلاحت عليها عنقاتها و حتى الآخرى بادلاتها العناق...
سدات الباب و دخلو مشادين كايضحكو... (الحوار راه باللبنانية .. و إلى جيت نديرو هاكاك غادي نصدق مخلطة شعبان مع رمضان الاهم خليونا ف دريجة ديالنا 😂😂)
دخلو كايضحكو او فرحانين .. جراتها من يديها و داتها الكوزينة.. تما جلسو ف طابل ا مونجي...
جاوباتها من بعد ما حيدات جاكيت اللي كانت لابسة و بقات ب تريكو خفيف ...
كانت بنت جميلة بزاف ... شعرها طوييل و قوي مسبسب و لونو ماغون.. اما عينيها بحال جوج لوزات.. الشوفة فيهم كاتخليك تلف .. ضحيكتها زوينة و سنيناتها كي الجوهر.. جسمها رشيق و طويلة.. غزالة و كاتحمق.. سميتها حنين .. و عندها 28 عام .. هي اخت علي .. مللي جات همس معاه لهنا حاملة .. لقات غي ختو مقابلة خدمتهم.. رحبات بيها عندهم و ماخلات مادارت على قبلها.. سكنو مع بعضياتهم و بقات معاهم همس حتى كملات و شدات ديبلومها ف الماركوتينغ و الماناجمنت.. و ولدات.. عاد خدمات معاهم و من تما و هما كثر من صحابات.. هي الصدر الحنين اللي لقات فالغربة.. و قصة حنين ماكاتختالفش بزاف على همس حتى هي كان ماعندها زهر فالحب.. الرجل اللي بغات و ختارت من بين ألف واحد كان كايتمناها.. ما صدقش كي كانت متوقعة.. طلع مايسواش .. طماع و بو البنات .. و مع الأسف ماعرفات هادشي حتى ولدات معاه ولدهم الوحيد زاين .. تما ختارت الفراق باش تقدر تكمل حياتها مع ولدها حينت مستحيل تقدر تبقا صابرة ليه و تخلي ولدها يكبر ف جو متوتر بحال هاكاك.. و مع هي اللي كانت مكلفة بأغلب مشاريعهم لي ف لبنان.. همس تكلفات ب تربية ولدها زاين مع ذكرى .. و حيت كانو ساكنين ف دار وحدة كبرو بجوج بحال خوت.. و فينما سافرات حنين على قبل شي خدمة همس كاتبقا مكلفة ليها ب ولدها...
حنين: ماشتي انا .. توحشتكم بزاف و توحشت حبيبي زاين..
همس: راه ناااعس..
حنين: عارفة فاش كانخليه معاك راه بحال خليتو معايا راه بحال نفسي.. ختي اللي رزقني بيها الله ..
همس: بلا بيكم نتوما انا ماكانسوا والو .. كون ماوقفتوش ف جنبي و عاوتوني ف أصعب حالاتي عمرني كنت نقدر نوقف على رجليا و لا نكمل قرايتي و نخدم.. حتى بنتي ماكنتش غانقدر نربيها مزيان ... خيركم كبير...
حنين: ماباقيش تقولي هاكا .. حنا خوت.. و اللي فات مات ....
همس: مابقيتيتش غاتسافري ياك
حنين: مابقيتش كانقدر نبعد و الله .. في هاد اليومين حسيت بحال بعدت شهر.. حتى ولدي حسيت براسي هملتو بزاف .. كون مانتي اللي مقابلاه.. عارفاني ماكانقدرش نأمنو و نخليه مع المربية ..
همس: ولدك هو ولدي .. بحالو بحال ذكرى .. و نتي ماشي كاتمشي تفلاي راه كاتمشي تخدمي..
قاطع هضرتهم علي اللي سمع الحس و فاق ... جا كايضحك عنق ختو و باسها ف جبهتها و جلس حدا همس..
علي: على سلامة.. كنتي تزيدي تعطلي..
غوبشات: هادي هي ختي توحشتك..
علي: وا كنت كانحسب دقايق امت ترجعي.. ولدك قلب لينا راسنا ...
همس: (ضرباتو ل كتفو) الله يمسخك يا الكذاب.. لاعنداك.. زاين مهدن.. العافية هي بنتي .. سوليني انا عليهم ...
حنين: هههههه خليه راه ناقصو الحنان.. انا غادي نخطب ليه .. بلا ماتخافي. راه شرف .. حتى لامت غايبقا لاصق فينا ..
همس مابقاتش جاوبات و كاتفادى تشوف جيهتو اما هو بقا غي حاضيها.. هي و هو عارفين باللي كلامو من قلبو و ماشي كيفما كايحساب ل حنين غي ضحك .. حينت اغلبية الوقت ماكاتكونش معاهم.. سوو ماعارفاش باللي خوها قاصد اي كلمة كايقولها ل همس ...
ناضت حنين كاتفوه قاصدة بيت همس باش تشوف ولدها عاد تنعس.. و همس لقات الفرصة حتى هي باش تسلت.. ولكن دغيا تبعها و شدها من دراعها مامخليش ليعا منين دوز..
هزات فيه عينيها مخنزرة: واش ضربك حمار الليل عاوتاني ؟؟
علي بصوت حنين و هادئ: باقي مابغاش قلبك يحن عليا ..
همس: انا و نتا عارفين باللي اللي داز عليا ماساهلش.. يعني صعيب نفكر ندير علاقة من جديد ..
علي: ولكن نتي عارفة قداش كانبغيك.. و مستحيل نضرك و لا نخلي دمعة وحدة تنزل من عينيك ...
همس: علي .. باراك غي هاد السنين اللي ضيعتي.. انا حياتي ولات هي بنتي .. عايشة على ودها.. باش نكبرها و نربيها مزيان و عمرها تحتاج باها..
علي: علاش كل مرة كاتقمعيني و تبعديني عليك ... بنتك هي بنتي .. عطيني فرصة و عطي ل راسك فرصة .. مازال صغيرة 26 عام ا همس.. باقي الحياة قدامك طويلة .. ماتوقفيهاش بسباب علاقة فاشلة و بسباب وحش دمر ليك أحلامك و خلاك عايشة وسط قوقعة الماضي.. كوني همس القوية .. و تحداي الماضي و عطي فرصة المستقبل ...
بعد عليها شويا و شد وجهها بين يديه : الكرة بين يديك ا همس.. انا كنت و غانبقا ديما كانتسناك. عطي فرصة ل قلبك و خليه يدق من جديد و يتذوق الحب مرة خرى.. عطيني الحق باش ندخل ليه و نداوي اي جرح تسبب ليك فيه داك الوحش.. انا بغيت نكسبك ب رضاك ماشي نغصبك على شيحاجة ... فكري مزيان ا همس الكرة بين يديك ... (باس ليها جبهتها و بعد شويا كايتنهد) تصبحي على خير ..
خرج من تما مخليها غارقة وسط افكارها.. و مشاعرها المتضاربة.. مابقات عارفة اش دير .. تنهدات بدورها و توجهات ل بيتها تنعس ...
🌇🌇🌇🌇
صباح جديد... و شمس دافية شرقات من جديد ....
كان جالس ف المقبرة... حداه رجل لابس جلابة كايقرا آيات من ذكر الحكيم.. و هو واقف جامع يديه قدامو و كايتأمل جوج قبور .. مكتوب على واحد فيهم *اسلام المريني * و ف الاخر *الحاج موسى بن يوسف* ...
بقا كايشوف فيهم و رجع ب ذاكرتو ل سنين دازو.. كايتفكر اسوء ذكريات عاشهم..
🔙🔙 فلاش باك..
نهار لجنازة ديال لحاج ..من بعد مدفنوه ورجعو دار عامرة وكلها ومنين كيجري ..وهو حالتو مكتبشرش بالخير كثرة ضغط كتولد الانفجار وبعض الاحيان منين كترد غير لخاطرك مكتجيبها غير فصحتك ..4 ايام كلها دوزها بلا نعاس مع الاجراءات ديال نقل الحاج لمغرب لبلادو فين خاصو يتدفن وبسباب صاحبة دعوتو لي معرفها فين دازت وتيليفونها مطفي ..واخيرا لقا وقت يرتاح ..باغي غير يهرب من الواقع لي كينهش فيه تهد منين ما جا يرقعها كتزيد تعمى ..طلع ناوي يغيب على العالم ومنع اي واحد يدور بساحتو اصلا حتى حد ميقدر يقرب منو وهو فديك الخالة حتى من لي جاو كيعزيو كيقصدو إياد وإسلام هو كلشي عطاه تيقار ...وصل لشومبر ديالو وهو يسمع توشويش زاد يشوف شكون لي طلع وهو ممنوع منعا باتا شي حد يوصل لديك لبلاصة لقا لباب ديال لمكتب مفوج شوية وإسلام عاطية بظهر وكتهدر مع شي حد جالس فكرسي قرب يشوف اش واقع وهو يتصدم من الحوار لي خلا عقلو يحبس ...رجع ادراجو ممتيقش وراسو غير مكيزيد يعطيه صداااع ..جاتو دوخة شد فالحيط كينهج وعروقو غير مكيزيدو يتنفخو ..توكض ورجع بخطوات سريعة لبيت نيشان لماريو حطو كولو فالارض كيجبد بيديه بزوج واعصابو واصلين لحدهم ..بقا كيقلب ولبصيرة معمية ليه وكيتحلف فخاطرو ..لقا ملف من لعنوان ديالو قراه وخرج دفع لباب ديال لمكتب حتى تزدخ لجنب الاخر قفزهم بزوج ولونهم تخطف كلها ومنين كتترعد وهو باينة من وجهو مناويش على خير ... اسلام دارت شوية ديال لكوراج ونطقت
اسلام:مالك ياك لباس..اش هاد الهمجية ..راعي غير لناس لي لتحت (جات قاصدة لباب باغية تخرج) مناقصين شوهة
إباء شدها من ذراعها رجعها حدا اسماء كارز على سنانو:شوهة ...علاش نتي شفتي شي حاجة ..مزاال مدرنا والو امدام المريني ..(شاف فاسماء)ياك امراتي اعزيزة
اسماء بصوت خافت و كطلع نفس بزز بالخوف:إ..إبا..إباء ..علا..علاش..كتس..كتسدو
إباء طلع لملف قصدها ورماه ليها على وجها نطق بصوت كيف رعدة:فهمتي ...ولا نستعمل اسلوب اخر تفهميه مزيااان ..انا ق** بحالك تضحك عليا ..باغية تحقني باش تحملي ..تجيبيلي فرخ من لخلا تدبسيه فيا ..لا وزينة لمدام طلعات عاقر...(ضحك باستهزاء)عاقر ودارت اجهاااض...حملتي من ودنيك ابنت زنا ...يسحاب لجد مك طرطورتلعبي كيف بغيتي و منعيقش بملتك نتي وهاد المصون لي حداك
اسلام:هدر باحترام..عرف معامن راك تهدر
إباء بسخرية:الملكة فيكتوريا ومفخباريش..معامن كنهدر مع وحدة كتلعب العشرة على ولدها ...(كيضرب فصدرو)مهمكش لعذاب لي عايش فيه قد مهمك المجتمع ومكانتك ..اااه ..نتي ام نتي ..بصح حسابي معاك من بعد ..(شاف فاسماء) من بعد منسالي مع مراتي لعزيزة
إباء ربع يدي وشاف فيها باستهزاء وعصبية:فهميني ..كنسمعك ..ولا صبري نختاصر ليك طريق ..غتقولي إباء كنت حاملة ومن بعد كتاشفت بلي مكنولدش من الاصل ..اووه شفتي على صدفة ...و(رجعو عينيه حومر بحال جمر وصوتووكيخلع) كتبان لمك بالودين ...مألفة قصص وروايات ..بسبابك ..بسباب تحراميات ولكذوب ديالكم جنازتو اليوم ..بسابكم ماااااات ...(هز يديه لسما)مابقالي منخسر ....(ابتاسم بمرارة) مغتنزليش عندو يجيبلك حقك مني ..(طول شوفة فيها وهي كترغبو)
اسماء ودموعها نازلين:الله يخليك غيررسمعلي نفهمك ..إسلام قولي شي حاجة ..إبااء شوف راه ..راه..اهييء اهييء ..سمحلي..سمحلي ..اهييينننهيء سمحلي عافاك ..
إباء قرب منها وهبط وجهو لوجها وبرود نطق: جوج كلمات لي ..عندي ..نتي حارمة عليا ما حرمت مكة على ليهود ..نتي طااالق ..طاالق ..طاالق
جلس على طولها وصدى كلمة طالق فودها وبدات كتبكي وتنتف فشعرها بهيستيريا ولي جات على طرف لسانها كتقولها
اسماء:متقدرش طلقني ...مستحيل ..كنحلم ..انا غير كنحلم ...إسلام ...هو مطلقنيش (هو واقف كيشوف فيها ببرود وقفت كتضرب فصدرو)انا درت لي ميدارش على جالك ..رجعت بنت زنقة...اسلام وانا مخلينا مدرنا باش نفرقوك عليها ..رجعت قتالة ااه قتالة ..(كتضحك)دفعتها بيديا بزوج من درج وقتلت ليها ولدها ..قتلت ولدكم ..ااه قتلتو ..قتلتو ...ونقتلها حتى هي ..عمرك تكون ليها ..الا مكنتيش ليا مغتكونش لغيري .. (خلاتو فصدمة باعترافها وبدات كتضحك بصوت مرتافع ..اما اسلام فكرمت فبلاصتها )
إباء هز يدو ونزل عليها بتصرفيقة على جهدو دور ليها الحنك وشدها من عنقها غادي يخنقها حتى بدا اسلام كتغوت طلع اياد وشي رجال مفكوها منو غير بزز وهو كيسب من سمطة لتحت..تشاد هو واياد وقلبوها تما لجنازة ترونات ولعزاية داو ميعاودو ..شادينو زوج رجال وهو كيتنطر باغي يتفك دور عينو فاسلام لي رجعات صفرة بالخلعة ..خرجوه من تما لجردة بقاو معاه حتى برد ..اما اياد خذا اسماء وطلعو لدارهم ..بقاو غير لخدامة واسلام فبيتها سادة عليها وخايفة ليجي ويكمل معاها اش بدا ...فليل دخل جلس فصالون وغوت على وحدة من الخدامات
اباء بهدوء :طلعي ..قولي لمدام تنزل ..(كرز على سنيه)دبا بلا نقاش
طلعت لخدامة وخبرات اسلام ..نزلت عندو كتقفقف ..جلست مقابلة معاه وهو مطلعش فيها العين كيهزز رجلو ويديه جامعهم عند.ركابتو وشاد كارو مرة مرة كيكمي هدر بلا نيشوف جيهتها
اباء هز يدو فوجها بمعنى متزيدش حتى كلمة:غطلعي تجمعي قشك ورجعي منين جيتي ..مبقيتش باغي نشوف وجهك ...مصروفك وحقك يوصلك كل شهر ..هذا لي تساليني ..حاحة اخرى حسبي ولدك مات ..دفنتيه مع باه
اسلام بصوت مخنوق:غتخلا عليا حتى نتا
ناض بلا ميجاوبها خلاها غارقة فدموعها وندمانة على اش دارت ..كان كيغوت ويعرعر ولكن عمرو وصل لهاد لحد وهدوءو اكد ليها بلي خسراتو للابد ...طلعت واتاصلات بمحاميها ..قررات قبل متمشي حتى تصلح على الاقل جزء من الاخطاء لي دارت ...
دازت يومين وإسلام كتحاول متبانش فساحتو ..قدات امورها مع المحامي واليوم دارت اجتماع طارئ لمجلس الادارة لي كترأسو هي وإباء من بعد الحاج...إباء بزز منو مشا وخا محاملش يتقابل معاها ولكن الخدمة والامور الشخصية بعيد كل لبعد عن بعضها وهذا لي كيخليه ناجح فحياتو العملية ..دخل داك راسو الارض مباغيش يشوف وجها ولكن تصدم ملي ملقاهاش كيفاش واش كتتفلا عليهم مزرباهم باجتماع وفالاخير هي مكايناش جلس حاقد كيشوف فالمحامي لي مبتاسم فوجه الجميع ..
المحامي:بلا شك كلشي مستغرب من الاجتماع طارئ..ولكن كلشي غير من الخير الموكلة ديالي مدام اسلام المريني..عطاتني صلاحية كلها باش نهدر باسمها وكتعتاذر على عدم حضورها لضروف خارج عن ارادتها (شاف فإباء وتنهد) ولكن من اليوم ميحتاش حضورها ولا ظهور اسمها فمعاملات الشركة ولا اي مشروع من مشاريع المقاولة لانو من اليوم ..المدير والمالك لكل الاسهم هو سيد إباء ..نجل المرحوم بن يوسف والمدام المريني
إباء تصدم منطق بحتى كلمة مد ليه المحامي لوراق شاف فيهم مطولا وناض خلاهم بلاكة خرج لمكتب ديالو بدخلة زدح لباب حتى تسمع صدى الصوت ديالو فشركة كلها ومن بعد صوت تهراس قلب المكتب ديالو حتى تهدن وجلس فالارض مسرح رجل وثاني الرجل الاخرى حاط يدو عليها كتقطر بدم ..دخل عندو صاخبو عمران وفيدو الاوراق لي خلاهم ليه المحامي شاف ديك الروينة وتنهد ..جلس حداه بنفس الوضعية
عمران:لامتا ناوي تبقا هكذا ..لعلمك لحياة قصيرة ودنيا غذارة متعرف فوقاش تحرمنا من اعز ناس (حط يدو على كتفو)مديرش نفس الغلاط ديالي وتندم من بعد (حط لوراق حداه وجبد ستيلو من جيب لفيست ديالو) وقع ومن بعد ليها رب رحيم..
اباء تنهد وقع لوراق شاف فعمران تعانقو عناق رجالي بلا ميقولو حتى كلمة وخرج ناوي يرجع لبلجيكا ويرجعها معاه وغير تكمل معاملات طلاق يعقد عليها ..ومن بعد ويشوف حريرة اسلام اش يدير فيها ..من بعد كلشي تبقى لي حملات بيه 9 اشهر وجابتو لهاد دنيا وتبقا امانة الحاج لي وصى عليه وهو على فراش الموت ...ميقدرش يفرط فيها وهذا مكيعنيش انها تفلت منها ...
من بعد 3 اشهر راجع من بلجيكا غير داك شخص لي مشا ليها ...رجع جثة باردة انسان خالي من اي مشاعر ..حلف و غيوفي بحلفو مبقا ليه ميخسر دبا بكل ما للكلمة من مفهوم ..3 اشهر ما خلا حتى بلاصة مقلب عليهم فيها والمطار مخلا مادار باش يعرف فين مشات ولكن كلشي تعكس والخارج غير المغرب رشوة مكتنفعش ..بغا يحماق وهو كيتفكر وعدها ليه بلي غتحرمو من ضناه وهو لي كان باني امال عليه وناوي يصحح اي غلط دارو معاها ويدير لي بغات باش تغفر ليه وتسامحو ..حقد عليها وعلى راسو كتر وعلى لي كان سباب ...زاد اصرار انو يبقى بعيد على اسلام اما حتى اسماء طلقها غيابي وكل المحامي هو لي يتكلف ..واسلام مبقاش كيسول حتى فيها من نهار ع فها رحعات لامريكا فين كانت نستقرة قبل على حساب شركتها ومصانعها ديال تصميم والانسجة ....رجع لمغرب ودفن راسو فالخدمة و اي حاجة عندها علاقة بالماضي وذكرياتو بعدها قرر يستاقر بمدينة سعيدية جوها كيساعد فالاسترخاء لبحر والكالم ...خذا بتيت فيلا على شكل شاليه على طريق ساحلي بين سعيدية وكاب دولو فاللون الازرق والابيض كيف اغلبية ديور فديك المنطقة كتكون من طابقين وفناء خلفي وسياج داير عليها كلها مطلة على لبحر منظر غزال وهذا لي محتاج ليه باش يحافظ على هدوءو لي رجع مكيتحكمش فاعصابو نهائيا خدمتو كلها بلغوات ويا ويل لي يقرب منو رجع بحال لوقيدة غير تحاديه يشعل ...دازت عامين حتى كيتفاجئ بساعقة من كلتا اجهتين جوج ديال الاخبار تزفو ليه فاسبوع واحد معرف واش عقاب ليه ولا هذا جزاتهم وذنوب همس خرجو فيهم ...ويا ترى دور امتا عليه ولا هو يكفي يعيش محروم من سعادتو ويشوف اقرب ناس ليه كيضيعو واحد مور واحد ...
.. اول خبر كان نهار جا زارو إياد لي طلب منو سماحة على لي دارت ختو ولي عرفو من بعد مدة على طلاقو بيها ومقدرش يواجهو لانو لي دارت حط بوجهو الارض قدام صاحبو ... وخبرو انهم كانو خذاوها لالمانيا تتعالج من بعد معرفوها مريضة نفسيا وزيد كانت كتتعطا لحبوب مهلوسة زادت ازمات نفسيتها وطلاق كمل تا باقي ... ولكن الخبر ساعقة هو انها توشات فعقلها وطار ليها لفريخ..ااه اسماء رجعات مريضة عقليا ومكان حتى امل انها تتعالج ..وهذا كان جزات اسماء على لي دارتو فصاحبتها ..اسماء غلطات ااااه ولكن الغلط ماشي انها بغات اباء ..لااا ...غلطها الوحيد هو انها مرضاتش بواقعها وتعلقات فواحد مكانش ليها من الاصل ومستحيل كان يكون ليها ..الحب زوين ولكن منين يرجع مذلة ليك ومرض ودموع ويرجعك فهيئة شخص غيرك ..غير لي نتي عليه ..بلاش منو ...الحب شعور سامي هو رزق من عند الله ..ولكن منين داك رزق ميكونش مكتاب ليك وهو رزق غيرك ونتي تطمعي فحاجة غيرك ربي يعاقبك بيه ..ويجازي طرف الاخر احسن منو دليل على صبرو ويقينو بالله وثقتو فان الله مناسيهش...
من بعد مكان وقع الخبر عليه دامي بقات فيه وخا كاع داك شي لي دارت كتبقا اسماء لبنت صغيرة لي تربات وسط منهم ..وهو رجع لومة راسو انو بلا ميحس خلاها تتعلق بيه وخا هو كان حاسبها بحال ختو ولكن اي وحدة فينا منين تلقا اهتمام وخاصة فسن المراهقة من شخص كترجعي متعلقة بيه بلا متحسي ..وهذا لي وقع ...قرريتكلف باي حاجة متعلقة بعلاجها وخا اباء والاب ديالها رفضو ولكن اصر على قرارو وحول ليها لكاف ديال فيلة العائلة بحال مصح صغير وجاب حتى لي يقابلوها ..من بعد مطنو الاب والام عليها خلاوها فرعاية اياد وإباء رجعو لالمانيا فين مستقرين ...واباء خفافت عليه الخدمة برجعو إياد ...من بعد اسبوع كان جالس كيتغذا هو واياد فالفيلا من بعد طمنو على اسماء لي حياتها كلها دبا كتقتاصر على لعبة لعريس والعروس لي مسمياهم إباء وأسماء وقتها كولو كدوزو معاهم حدا لمرايا ...كانو كيتفرجو فالاخبار ويتناقشو على مناقصة جديدة فسوق البورصة ..حتى كيطلع ليهم الخبر الصادم..."وفاة سيدة الاعمال المغربية إسلام المريني بديار المهجر الامريكية عن عمر يناهز 58 سنة في ضروف غامضة "...وحلات ليه عينيه كيرجفو ومبقاش كيسمع غير تردد نفس الجملة وعينيه فتلفازة وصوة الام ظيالو على جنب والمذيعة كتهدر بصح هو مكيسمع والو اما إياد فهز تيليفون كيدوز المكالمات يفهم اش واقع وكيفاش ترا وجرا وهما اخر من يعلم .....
من بعد مقادت الامور مع المحامي قطعات فاول طيارة متاجهة لامريكا وبضبط لولاية كاليفورنيا لوس انجلوس ..مدينة المشاهير ..ولبريستيج ونخوة انسب مكان ليها وفين كتلقى امثالها من المهويسين بالطبقات وتباهي بأنا عندي وانا عندي ولي كيتسابقو على تبذير طوموبيل جدسدة خرجات شكون غيشريها تيليفةن جديد ديور ولا نقولو لقصورة لي تما ...انا كنعرف فلان وانا مقرب من علان وشكون عندو ثروة كتر من الاخر وحياتهم فارغة وكتبقايهم لفلوس مشتت وراحة مكايناش ...رجعات لحياتها واشغالها وكتجيب اخبار ولدها غير من محال العمل والمحامي ..اما هو فقطع معاها اي سبيل لتواصل ...كانت باش تنسى همها ووحدتها من بعد ما ونيسها فالحياة لي وخا كانت هاملاتو الا انه هو عمرو فرط فيها ودبا عاد حسات بقيمتو و ولدها لي كان كيزورها وكل مرة يسول فيها بيديها خسراتو ..بقات متشبة باخر حبل لنجاة عندها حفلات وسهرات ديال رفيقتها فالمجتمع ولي كانو كل مرة ديرها وحدة ويجيبو شباب صغار فالعشرينات ولا ثلاثينات يمتعوهم وهما مجرد صائدي ثروات ..كيف كنقولو بلغتنا كيبغيو لميمات ..علاش فنظركم ..لميمة متقولوش تزوجني ولا عيد الحب خاصني كادو ولا عيد ميلادي راك نسيتو ..ولا يوحل معاها فلفراش وهو لي خاصو يعلمها..هنا كتقلب الآية بعض الاحيان هي لي كتعلمو ومنها هي تصرف عليه ومفرحاتو بليكادو وكل مرة عارضة عليه فبللصة ولفلوس فلكونط دايرة وهو غير ناعس ...تعرفات اسلام على واحد شاب من مالي عايش تما ..ارتاحت ليه وعرف كيف يتعامل معاها حتى سلمات ليه بالمفيد ..رجعات مكتتخيلوش يبعد عليها ولي بغاها قبل ميفتح عليها فمو كتحضر مهم يكون راضي عليها ..دازت مدة معاه قريب عام بقات طلباتو كتكبر ورجع باغي يكون شريك معاها فشغلها ومنين رفضات لعب عليها العشرة وكلا ليها عقلها وخافت ليمشي ويخليها كتبات ليه نصف بيع وشراء فكلشي ..ومتهنى حتا دارت ليه وكالة عامة مفتوحة ..خلاها سافرت على الخدمة سيمانة وتحجج ميمشيش معاها ويخليو شغل تما وهو نيتو كانت حاجة اخرى ...بديك الوكالة رجع الاملاك لي كانت باقية فسميتو ومكفاهش هذا...كان طول مدة علاقتهم كيصور اي ليلة ليهم بزوج وكيحطها فواحد سيت كان على شكل مسابقة لشباب لي بحالو كيعيشو على ظهر نساء المجتمع الراقي كيكسبو بيها نقط ودوك النقط كيتحولو لفلوس ولكن بشرط يحطو اي حاجة متعلقة بحياتهم اليومية معاهم على شكل فيديوهات ...وهاد شي كان سري حتى نهار لي قرر جايكوب يحط فيديوهاتو معاها فالمواقع الاباحية ويزيد يدخل لفلوس منهم ..فالاول كان داك شي هادئ ولكن بفضل صحافة ولباباراتزي لي كيستناو يطيحو فيديهم فضائح ويزيدو يشهرو بيهم تشهرو فيديوهات اسلام تحت عنوان"عهر سيدات المجتمع راقي"...رجعات اسلام وتصدمات من ثروتها لي ضاعت وجرا عليها جايكوب من عقر دارها ...استاضفتها غير وحدة من معارفها ولكن نهار تنشرو فيديوهاتها وشوهتها كبرات طلبات منها تمشي فحالها..وهنا تسدو كاع لبيبان فوجها ومليها حتى وجه ترحع عند ولدها ..اصلا يقدر يقتلها على دوك لفيديوهات ..ضيعات راسها وسمعتها وثروتها وربي جزاها على قد نيتها وحرمها من الحاجة لي خسرات على وديتها اقرب ناس ليها ... وبقات كيف جيفة مرمية فزنقة ...لا حنين ولا رحيم ...عماو عينيها ورمات راسها من احد جبال سان غابرييل لي هو لمنبع ديال نهر سانتا كلارا قرب من مدينة اوكتون ..بصدفة لقاوها غير بعض شباب كيمارسو رياضة تجذيف على ضفاف نهر جايفة ..واستدعاو شرطة لي دارو ليها تشريح ولكن ضروف موتها بقات غامضة وتسدات القضية ضد مجهول ..مشا ودار الاجراءات ورجعها دفنها فبلادها وقلب على جايكوب خلاه يطلب سلة بلا عنب...رجع رزقها وخذالها حقها منو ..من بعد مخلا رجالو جلسوه على قراعي مختلفة الجحم فرعو بالمزيااان وهاد شي كولو دايرو لايف فنفس المسابقة لي كان مشارك فيها جايكوب وبالكونط ديالو ...من بعد خذا زيزوار ودوز على لحمو كامل شرطو خذا الاسيد ومعاه محلول كيماوي كيكب عليه وصدى غواتو مالي داك لخلا والقفار لي هما فيه ومع كل غوتة ليه كيحس بلي راضي على اش كيدير..شوهو كان كتلة متعفنة وريحة لخنز عاطية منو ..خلاه مليوح تما طلب من رجالو يمشيو وهو بقا تما حتى طلع صبح وشاف مجموعة من نسورا كتاكل فداك لعفن عاد كسيرا نيشان لمطار رجع فحالو ....
♙♙نهاية لفلاش باك🔙🔚
كانت واقفة فلبوطاجي كتقاد ليهم لغذا فطباسل وذكرا وزين جالسين فطبلة كيضربو فطبلة دليل على جوعهم وهي مرة مرة كتشوف فيهم وتغوت عليهم وهما عاطيينها لضحك حطات ليهم لفريت ولاسوب ديال لخضرة بالفرماج كلاو وناضت جمعات روينة وخرجو جالسين فصالون حدا تلفازة دارتها كونيكط مع يوتوب ودارت ليهم رسوم "حكايات ما احلاها"( من اروع الرسوم ديال الجيل ذهبي 😍😍) كتتفادا انها تخليهم يتفرجو رسوم ديال هاد الوقت غير تكلاخ لا لغة ولا قصة ولا هدف ...تفرجو قصة "ثياب الإمبراطور" تسناتهم ينعسو كسف عادتهم ويبانوليها مزال عاد حالين عينيهم كيشوفو فيها ويشوفو فبعضهم
ذكرى:ماما زوينة ..حبيبة ..لغزلة
همس ضيقات فيها عينيها:اش عندك تما ..هاد صباغة لي فيك مكديريها غير نهار لس تكوني مكحلاها ..راه والله..
همس ناضت لجيهت تلفازة مبتاسمة :غنديرو حاجة حسن ...نشوفكم اش شادين من هاد روسوم😂
ذكرى ناضت كتنقز فوق لفوتاي وزين كيدير بحالها وشاد فالقنت ديال لفوتاي خايف يطيح وكيضحك بصوت عالي فرحان مفاهمش اش واقع ولكن مهم ذكرى كتنقز حتى هو ينقز ...كتلقايهم بحال حمو و مو غنو ديما بزوج ... اما همس فكتبات فيوتوب اغاني الرشوم المتحركة وجلسات كتغني وتنقز معاهم فرحانين
⚌♬
مهما طال الزمان وابعدتنا المسافات..يبقى فينا الحنين خيطا يلف قلووبناا..ها قد آن الاوان لنلون احلى الامنيااات..لنعود للوطن ونزرع فيه الاغنيااات...
⚌♬احلم دوما ان اكون الافضل بين الجميع..لذا اجمع البوكيمون سلاحي المنيع...ساسافر عبر الارض باحثا في كل مكان..عن بوكيمون اداااة سلااام ..قوة لا تهااان...بوكيمو ساجمعها الاااان ...
⚌♬حلمنا نهار ونهارنا عمل ..نملك الخيار وخيارنا امل ..وتهدينا الحياة اضواءا في اخر النفق..تدعونا كي ننسا الما عشنااااه..نستسلم لكن لاا مدمنا احياء نرزق ما دام الامل طريقا فسنحياه..
⚌♬ في فخ غريب وقعنااا.. في عالم الارقام ضعنا ..كيف الخروج ..كيف الخروج من اين الطرييق..عالم غريب المعااالم ..نواجه الاخطار نقاااوم...نلقى عدوا ونقابل الف صديييق...لااا لاا لا ووو ووو وووو .. نحن في وجه المخاطر ...لا لا وو ووو وووو ..نحتفظ بهدوءنا اعصابنا نغامر...نعلم انااا لن يعيدنا الامل من عالم ديجيتال بل العمل معا ...بدا بيد بحثا عن طريقي هياانعلم... انااا لن يعيدنا الامل من عالم ديجيتال بل العمل معا ...ابطاااااال ديجيتااااال ⚌♬♬
كانت كتغني من قلبها وكتفكر ايام طفولة معاهم وشعرها كيطاير وهي هازة ريموت على شكل ميكرو عايشة اللحظة ومعاها زين وذكرى لي مرة يكونو معاها فريتم مرة ميعرفو اش يقولو غير كور وعطي لعور مهم خالقين سعادة..غافلين على عينين كيتفرجو فيهم مبتاسمين وفرحان لفرحتهم ..تنهد حيد لفيست ورخف لكرافاط وحيد لموكاسان ديالو وزاد معاهم حتى هو لي يشوفهم يقول هابي فاميلي شادها من يديها ويدورها ومرة مرة يميلها عليه وذكرى وزين كيسفقو ليهم وهمس من بعد كاع لي دازت منو والحزن والكآبة اخيرا لقات الامان وجزء من سعادتها هنا وسط منهم وخا ديما عندها خصاص من ناحيتو وديما فبالها وعمرها تنساه كيفاش تنساه و هي كلما تشوف فبنتها لي طلعات نسخة عليه عينيها لي نفس عينيه كيرجعولها ايام عمرها تنساهم وخا كانو مجرد كذبة الا وانها عاشتهم معاه ..وخا كان كيضحك عليها الا وبعض لحظات كتتوحشهم وتتمنى لو انه كان معاها بنفس نية صافية لي كانت هي بيها كتتحسر على حبها لي ضيعاتو زوج مرات وعلى حبيبها لي قتلها بيديه ورجعها كيف هي دبا نهارها سعادة وضحك وليلها اشتياق ودموع ....كملو رقصهم وغناهم وبحركة كوميديا من علي تحنى وداير يد من مور ظهرو ويد عند كرشو وجبد همس من يدها دارت بنفس الحركة ...
علي موجه كلامو لذكرى وزين:جمهورنا العزيز تفرجتو وغنيتو دباااا روووول نعااااس ...يااااله ياااله
ذكرى:عفاااك ابابا غير شوية ..نزيدو نغنيو و مزال رقص نتا ومامي زوينين نتوما ...
علي واقف داير يديه فجنابو كيضحك عليها:و صدقتي سلعة شينوة 2 خطوات سخفوك ...وبسيف غير لماكلة ونعاس حتى رجعتي كيف بقرة هولندا
همس ضيقات فيه عينيها:غتسكت غنوض نوريك هاد لبقرة علاش قادة ..وبنادم حاسدني على زوج لحمات رزقني بيهم الله ..تفووو (شافت فذكرى وزين) ياااله نتوما نشطو شويا دبا نعاااس ..خوذي خوك وبلاصتكم
مشات ذكرى منفخة ومعاجبها الحال وشادة زين من موراها هازلعبتو ارنوب من ودنو وجارو مع الارض لابس غير بيجامة نفس شكل هو ذكرى سالوبيط ولكابيشو فيه ودينات غير زين فالاسود وذكرى فالاحمر مشاو لبيتهم وعلي جلس جنب همس كيضحك وشاد فيها كل مرة اش كيقول ليها باغي يعصبها
علي: وعنداك غير طيحي عليا راه صحتي على قدي ...وعظامي المسخوطة..العض لااا..همس غنقلب مك ...متعضيش المصعروة (همس شدات يدو بين يديها ومطلفاتو حتى بردات جنونها بعضة لدرجة سنيها وجعوها خلاتها ليه مطبوعة)
همس كتنهج:هااااا ..ها بقرة هولندا اش كتسوى
علي جلس كيسوط على لعضة وشاف فيها ولبتاسم جنب:جنيتي على روحك ابنتي ...احححح
ناض وهي بغات تهرب كتضحك بجهد هو تداركها شدها من شعرها جبد ها لعندو وهزها من رجليها قلبها فالفوتاي وناضت تقلبات عندو كتشعبط معاه وتحاول ضربو وهو يجمع ليها يديها وحاكمها من ظهرها وجمعها بنص جابها فارشة رجليها فالارض ووخا هكذا كيعجبها تتشاد معاه ويضخك معاها ضحك لبناية ناضت كتضرب فيه وهو يديرلها بحال لكاتش وكتتنتر بين يديه وتعض وفين ما جاتها الفرص كتخلف ضربتها...هزها من رجليها ورماها فالفوتاي وهي شدات ليه شعر عنقها وزير ليها على عنقها وهي تمخشات فيه عضاتو من صدرو حتى غوت وشد ليها فكها زير عليها بقا كيشوف فعينيها وضحكتو كتتلاشى وهي كتتنتر وغمضت عينيها حيتاش ضرها وبدون سابق انذار تلاح على شفاها لاول مرة ..مقدرش يتحكم وهي حداه بداك شكل وقريبة منو لديك درجة ....
❄❄ أفتقد نفسي.. ابحث عنها فلا أجدها.. أمد لنفسي يداي فلا تلمسني.. انادي عليها فلا تسمعني.. اقول لها متى تأتيني و تسعدني.. نعم انت نفسي يا أيها البعيد عني .. فيا موجي ولم يبقا سوانا.. أليس الحزن في عيني تراه.. ربما عجزت روحي ان تلقاك.. و عجزت عيني ان تراك.. ولكن لم يعجز قلبي ان ينساك.. ❄❄
توقف الزمن للحظات.. حتى واحد فيهم ماكان عارف اش واقع و لا حاس بنفسو شنو كايدير.. علي اللي سافر ل عالم العشق و الهوا و الغرام اللي راسم ف بالو من نهار شاف عينيها.. و من نهار عرفها وهو كايتمنا هاد اللحظة.. وهاهي جات و هاهو تذوق طعم شفايفها و هاهي بين يديه.. اما همس كانت مصدومة.. كلشي حواسها توقفو.. كي حط شفايفو فوق دياولها. رجعات صورة اباء بين عينيها.. ريحتو اللي عمرها قدرات تنسا شماتها ف هاد اللحظة .. كانت مبلقة عينيها و مستسلمة.. و فمها بحال شي جماد ماكاتحركش.. بلا ماتفكر مرة اخرى.. غمضات عينيها بغضب و جمعات قوتها كاملة و حطات يديها فوق صدرو دافعاه بعيد عليها و عينيها حمرين عامرين دموع.. و يديها كايرجفو.. بعد عليها علي ماساخيش عينيه ناعسين و ابتسامة رضى على وجهو و كاينهج.. يالاه بغا يدوي عطاتو إشارة بيديها باش يسكت و مايهضرش.. و ناضت ساخطة كاتضرب رجليها مع الأرض و ماحاملاش راسها .. قصدات الحمام و شداتو عليها .. وقفات مسندة يديها على لافابو و تقابلات مع المرايا... كاتشوف فمها حمر و كيفاش باسها باقي كايتردد قدام عينيها.. بداو كاينزلو دموعها بغزارة.. و هي تحل الروبيني و بدأت كاتهز الما ب يديها ووتمسح فمها حتى طيباتو... و دموعها باقي ماباو يحبسو .. البوسة اللي باسها ما ضراتهاش قد ما ضرها صورة اباء اللي جات بين عينيها.. دموعها كاينزلو حينت تفكراتو.. علاش ماقادراش تنساه.. علاش اي خطوة خطاتها كاترجع عشرة اللور بسبابو.. علاشباقي ل دابا مفكراه... بقات كاتبكي حتى حسات براسها تفشاات عاد غسلات وجهها و شافت عينيها كي حمارو.. نشفات وجهها و خرجات من تما..
دازت من قدامو فين كان جالس و هز فيها عينيه بقلق ندم على تهورو و كره راسو ... و ماقدرش يدوي معاها وهي ف ديك الحالة.. خلاها على خاطرها.. دخلات لبيتها و تخشات ف بلاصتها كاتحاول تنعس و تطرد هاد الأفكار و صورتو اللي احتلات تفكيرها و خلات مشاعرها و جروحها يحياو من جديد ... ولكن بلا فائدة... شافت حتى عيات و هي تنوض هزات فانيد ديال نعاس كانت كاتشربو فاش يالاه هربات.. خداتو و رجعات ل بلاصتها.. مادازش بزاف حتى لقات راسها دخلات ف نوم عميق هاربة من واقعها....
🌇🌇🌇🌇 دازت عشرين يوم .. ماتبدلش فيها شيحاجة.. همس اللي ولات واخدة مسافة بينها و بين علي و حتى مللي كايبغي يجبد معاها الموضوع كاتسكتو.. ولات مقابلة غي خدمتها و بنتها و مرة مرة كاتطل على انسطجرام ديال ختها و كاتفرح مللي كاتشوف تصورها و باللي كبرات... اما سمر ولفات خدمتها حينت لقات فيها راحتها و هروبها من السجن اللي عايشة فيه ف دارهم.. و باها اللي كايتحاسب معاها ف دخلة و الخرجة و كاتحاول تعطي كل جهدها فالخدمة و واخا اياد كايعطيها داكشي صعيب ماكاتشكاش بالعكس واخداه تحدي مع نفسها و كاتخرج فيه الطاقة السلبية....
بحال ديما .. الجو ربيعي غزال و الشمس دافية و ريحة الورد و الزهر فالجو..
كانت جالسة ف بيروها حاطة قدامها البلانات ديال المشروع اللي كلفها بيه .. خدامة و مركزة.... و طالقة اغنية من اللي كايعجبوها....
فنفس البلاصة غي البيرو اللي مختالف.. كان جالس اباء ف بيروه.. لابس شوميز فالرمادي طاوي كمامها حد المرفق.. و دجين مغلوق و صباط خفيف .. لحيته و شعرو مقادين و ريحتو عاطية. كايلعب ب ستيلو بين صباعو و مركز مع خدمتو و عاقد التغوبيشة كي ديما ..
تحل الباب و دخل اياد حتى هو لا يقل عليه اناقة.. واحد ينسيك فلاخر 😥😥.. ترما فوق الكرسي مفرق رجليه و مسرح يديه...
اياد: العشييير فين غاطس...
اباء بلا مايهز فيه عينيه: واش كملتي غاع شغلك و جيتي تصدعني انا
اياد: وا مالك ا صاحبي .. وليتي معقد هاكا..
اباء: هاكا انا من ديما
اياد: قول هادشي ل شي حد آخر.. اما انا خابزك ا ولدي..
اباء: و مشات ليك شيحاجة .. نتبدل نبقا كي كنت اش مشا ل جدك..
اياد: هااا شتي ... هانتا دغيا طلعتي كاطريام و شعلتي.. وليتي ا صاحبي معصب غي مع راسك .. ماكاتخرج ماوالو.. الخدمة دار .. واش ماعييتيش.. راه بغيت ليك مصلاحتك.. وليتي معصب بزاف ا اباء... ماشي هاكا كنتي .. كنتي ناشط كاتكره روتين.. عزيز عليك تسافر تخرج تدور..
اباء: شرفت ... كنت برهوش ديك الساع
اياد: لا حول و لا قوة إلا بالله واش اما كانشرق و نتا كاتغرب .. المهم ضبر ل مخك.. حفيت معاك هاد ديسك و نتا و لا على بالك..
اباء: نوض قضي ليك شي شغل و فوت عليك ساحتي.. انا عاجبني راسي هاكا ...
ناض اياد فحالو عارفو كايدخل هاد الكلام من وذن و يخرجو من الأخرى... تبدل بزاف.. ولا جدي كثر من القياس و معصب غي مع راسو .. غرام ديال صبر مابقاش فيه .. و ماعندو خاطر ...
رجع لبيروه و بقا خدام .. حتى عيط ل سمر تجي عندو ...
دقات فالباب و دخلات حادرة راسها.. لابسة شوميز فيها وريدات فاتحين و خاشياها ف سروال و طالون.. جامعة شعرها و بان عنقها طويل و ابيض و وجها فيه ماكياج بارد ...
وققفات قدامو و هز فيها راسو مركز الشوفة ف عينيها اللي متوترين...
💔 أبي قد كسرت قوتي و شموخي.. قد جعلتني أخضع للبكاء طول حياتي.. قد جرحتني جرحا لا دواء له .. فقد يهزني اي شيء و اي احد يفارق والده أبكي حزنا عليه .. لأني أدركت ما هو الفراق .. فقد أتعبني الشوق وذبحني الفراق.. فقد فقدت و فارقت ولكن .. ليس ك فراقك. فهو فراق يعجز الفصحاء و الشعراء و الكتاب ان يعبرو عنه .. كل شيء يتعوض إلا فراقك .. فراق لا ينتهي . يضل يقهرني طول حياتي.. ينتقم مني دون ان أفعل شيء .. فأنا ضحية الفراق الذي لا علاج له .. كسرني و اتعبني و عذبني. فنحن نعرف قيمة الملح عندما نفقده.. و قيمة الأب عندما يموت .💔
بقات معاه ... كايوريها و هي مركزة و كاتسولو على أي حاجة مافهماتهاش.. و بلا ماتهز فيه عينيها .. حينت من طبعها كاتحشم و حدودية.. حياتها كاملة دوزاتها بين دارهم و قرايتها.. عمرها احتكات مع ناس .. اما اياد..مرة مرة كايهسى ف ملامحها الناعمة.. حاس بيها بريئة و ماشي بحال لبنات الاخرين اللي دايرين بيه .. كايشوف ف عينيهم و يفهم من حركاتهم و كلامهم انهم بغاو يطيحوه ف شبكة. اما هي همها كامل خدمتها و تنال رضاتو و تتقن اش كادير...
تعطل الوقت و مشا الحال.. طاح الظلام عاد وعاو براسهم. بالي مشا الحال .. وقفات سمر هازة ف يديها ملف
اياد: اممم صافي غدا و نكملو.. ماعرفتش كيفاش تعطلنا و ماحسيناش بالوقت ..
شافت فيه بابتسامة على وجهها و عينيها كايلمعو.. : ماشي مشكل الخدمة اهم ... بغيتي ف شي حاجة قبل ما نمشي ؟؟
اياد: (كايشوف فيها ب بلاهة) هااا.. لا .. لا صافي.. تقدري تمشي ..
سمر: ليلة سعيدة موسيو ..
نزلت راسها من جديد و حلات الباب و خرجات اما هو بقا متبعها حتى غبرات ..
اياد: مع نفسو: اش هادشي 😥😥 .. اش وقع ليا ..
ناض كايسوط.. هز فيستو ف يديه حينت ماكاينش البرد .. و نزل قاصد طوموبيلتو برة .. ركب فيها و خرج من الشركة .. ياللاه بغا يدور لمحها واقفة.. عاود حقق فيها مزيان.. و عرفها باللي هي نيت ..
دور اللوطو ف اتجاهها و وقف قدامها...
كانت هازة تيليفونها و كاتمشي و تجي متوترة و كل شويا طل عليه ...
حسات ب شي حد وقف قبالتها و هي تهز راسها دغيا خايفة..
اياد: دور راسو و شاف الشارع : الزنقة خاوية و ظلام طاح.. و حنا فالحي صناعي.. راك عارفة باللي خايب... يالاه ندوزك معايا ف طريقي..
هزات فيه راسها مصدومة: هااا.. لا لا.. شكرا .. غانتسناه غايجي غايجي .. بلا ما تشغل بالك ..
اياد: انا اللي عطلتك حتى فات الحال .. خليني نصلح غلطي و نوصلك.. امم(غمزها) ولا خفتي مني
سمر: لا لا حاشا ا موسيو..غي.. غي خفت يجي و مايلقانيش..
اياد: صافي و لا كلمة.. زيدي قدامي.. بلا اعتراض..
سمر: ولك...
قاطعها: كلمة وحدة قلتها. يالاه و صوني عليه قوليه راك جاية..
شافت فيه ب قلة حيلة و عاودات شافت ف شارع اللي كان كايصفر.. ماعندها حتى شي حل آخر..
تنهدات و تبعاتو.. جل ليها الباب القدام و ركبات حشمانة.. و ركب حتى هو فرحان و لكن ابتسامة على وجهو عي خفيفة..
دار امارش و كسيرا.. و مرة مرة يشوف فيها .. اما هي متوترة غي بوحدها.. ماقاداش تهز فيه عينيها.. كاتوريه طريق بلا ماتشوفيه و كل شويا كاتصوني على باها و بلا رد .. تعصبات و خشات داك تيليفون ف ساك...
خديجة: ويل الشيطان.. على فينو موبيك يعطيه لوبة ... مللي خرج صباح ماشفتو..
سمر: كيفاش ؟؟ على مارجعش..
خديجة: حاطة يديها على كرشها: شتك ما شتو.. بيت غي نصوني عليه ماعندي باش
سمر: وا حتى انا صونيت عليه ماكايجاوبش..
باقي ماكملوش كلامهم سمعو صوت تيليفون سمر ... هزااتو دغيا ماعارفاش نمرة.. جاوبات و هي تصعق من اللي سمعاتو وذنيها.. حسات برجليها فشلو و تيليغون طلقاتو من يديها ..
خديجة غي شافت بنتها هاكاك اي حاجة خايبة طاحت ليها ف بالها
خديجة: دوي مالكي... اش واقع
سمر: ب.. بابا ...
خديجة: كاضرب فخاضها: ايويلي مالو؟؟ وا دوي يا هاد البنت
سمر: بابا .. بابا ف سبيطار...
خديجة: خرجات عينيها مصدومة: كيييفااااش..
سمر: زيدي زيدي قدامي.. اش كانتسناو..
خديجة: اوعدي مال راجل.. خرج صحة سلام اش وقع ليه ( بدات كاتبكي)
سمر: وا زيدي تال تما و نفهمو..
مشات خديجة كاتجري رمات عليها جلابة و خرجو مشادين.. كايقلبو على طاكسي.. اول واحد لقاو ركبو فيه و قصدو سبيطار المخزن فين كان محمد..
دخلو كايجريو و يبكيو.. كايسولو عليه ... وراتهم الفرملية فين و نزلو ل فين كاين الإنعاش تما فين كان ناعس..
لقاو طبيب خارج من عندو.. و بان ليهم مسرح فوق السرير صدرو عريان و ضايرين بيه سلوكة..
وقفو على طبيب كايبكييو و يسولو
طبيب: نتوما عائلة هاد السيد ... تبعوني للمكتب..
مشاو كايخلفو بزربةواخا رجليهم مابقاو هازينهم.. وخديجة غي مسندة على بنتها و كاتنخصص و تشهق..
جلسو بجوجات و شافيهم الطبيب ب ملامح ممحيةو طاغي عليها الحزن ..
طبيب: كاينة عملية ولكن نسبة نجاح ديالها ف حالتو ضعيفة بزاف ... ماعرفتش واش كنتو كاتشوفو الأعراض كايجيوه و خليتوه بلا مايشوف طبيب ..
سمر: اشمن أعراض..
طبيب: هاد المرض أعراضو كثيرة .. نزيف .. حريق رأس.. و فاش كايوصل ل مراحل متقدمة.. ( حيد نظاراتو و شافيهم ب حزن) بحال حالة الوالد ديالك.. كايولي ينسا بزاف .. يقدر ينسا حتى اسماء ولادو. بلا شلل نصفي اللي غايجيه...
نزل عليهم هاد الخبر كي الصاعقة .. كيفما قالو .. على غفلة و ماقريت حسابو.. مصيبة و طاحت عليهم بلا مايضربو ليها حساب ... فين كان مخبي ليهم هادشي... وحدة مابقات قدرات تشوف ف الآخرى.. كل وحدة شدات ركنة كاتبكي و تألم ف خاطرها.. و كايشوفو فيه قدامهم جثة هامدة.. الللي كان في صباح واقف كايغوت علل الفطور هاهو دابا بين الحياة و الموت .. سمر واخا كان قاسي معاها إلا و كايبقا باها الصدر الحنين و الحيط اللي مغطيها و حاميها.. و هي بوحدها ماعندهاش خوها .. هو اللي راد ليها الإعتبار و كايحسسها بالأمان رغم كلشي .. راه فالاخير كايبقا باها سوا كان مزيان و لا خايب .. كايبقا باها اللي بسبابو جات لهاد الدنيا .. و ف جهة أخرى خديجة واخا مادوزش عليها القليل و بسبابو محرومة من بنتها إلا انه راجلها سندها و شريكها فهاد الحياة.. و الكتف اللي كاتحط عليه رأس.. و هي ماعارفة والو فهاد دنيا .. من صغرها و هي بين اربعة د الحيوط.. هو منو كلشي.. عشرة طويلة ماتقدرش تنساها واخا دوقها المرار ولكن كايبقا راجلها مادوزوش قليل .. تشاركو الحلوة و المرة...
هزات سمر تيليفونها و دخلت ل انسطا حطات تصويرة فيها دعاء و حطات كلام كاتدعي فيه مع باها يحل عينيه و يتشافا و كاطلب من صحابها يدعيو معاه ...
رجعات طفات تيليفونها و حطات يديها على خدها ...
🌍🌍🌍🌍 ف جهة أخرى... و مع فارق توقيت...
نعسات بنتها و أخيرا وقت راحة .. نهار كامل و هي جري عليا نجري عليك ...
تخشات ف بلاصتها و هزات تيليفونها كاتقلب فيه.. و هي تطيح ف بالها ختها . دخلات ل انسطا من عند علي مع مخلي ليها الكونط ديالو هو ماكايدر بيه والو ... و ياريتها مادخلات.. اول حاجة طاحت عليها عينيها هي ديك تصويرة.. ناضت طافجة و حاسة بقلبها كايزدح و يديها كايرجفو.. حلقها نشف و دموعها بداو كايتحجرو ف عينيها.. بغات غي تركب نمرة ختها و تلفات ليها بالخلعة...
و لحسن حظها كانت نفسها نمرتها القديمة مابدلاتهاش..
دغيا سمعات الو .. لسانها تعقد و خايفة من اشنو غاتسمع .. شجعات راسها و دوات بصوت حزين
همس: ... س.. سمر
سمر بلا ماتفكر عرفات صوت اختها و طلقات العنان ل دموعها من جديد ..
سمر: ختي هئ هئ ختي همس با كايموت هئ هئ ...
خديجة اللي كانت حداها خرجات عينيها بصدمة مامصدقاش اش سمعات وذنيها اما همس طلقات تيليفون و جلسات فوق الفراش قبل ما طيح.. يديها على قلبها اللي حسات بيها كاينغزها باالم.. عقلها توقف و دموعها نشفو. ماكرهتش اللي يهزها و يحطها فالمغرب ديك الساع...
ثغرة الماضي الجزء السابع
محتوى القصة
التنقل بين الأجزاء