سعد:كاتعاايريني ولاا كاتمعني علييا !! صافي ا لالة أنا غانقوولك... بالحق يلاه نگلسو فداك المطعم وإن شاءالله يكون خير
مشااو للمطعم طلبو فطورهم وريمان على أحر من الجمر باااش تعرف اش بغا سعد يقوليها... وفوقما تسولو كايقوولها تاا نكملو فطورنا بحجة ماكيبغيش يهضر وهو كايكل خصوووصا أن الموضووع مهم... وهي غيير كتسمع كلمة "مهم" كاتزييد تعصب... تااا ضاق بها ذرعا وقالت بغيض طفولي
ريمان:أصلا باينة فعمرك 30 عاام 2سنين وانت سااكن بوحدك أكييد تكون تزوجتي شي وحدة سميتها ياسمين تركية وكاتب أول حرف من إسمها على قلبك بحال رواية "فلتغفر لي" (سيدة بدات تقرا هاد الرواية ولأول مرة فحياتها تهز شي كتاب هانتوما كاتشووفو اش بغات دير 😑)
سعد:(بدا يشووفييها وحيت ديجا قاري داك الرواية هي وجزءعا الثاني شد كرشو وكيضحك علييهاا)واااع هههههههههه فكرتيني فجمانة هههههه وااكرشي هههههه ولكن جمانة خيابها ماوسعش بحالك ههههه
ريمان:دابا اش غاتكوون جمانة دارت مع عزيز!! تكون سمحات لييه زعما!!! توتوتو ماكنظنش... (سعد مزال كيضحك عليها) وااصاافي بااراكااا غيير أثرت علييا القصة 😒 واقوولي خلاااص اش مخبي راك شوشتيني؟؟ ياااكما مريييض بسي مرض خطييير لا سمح الله 😳 لااا اح... احم احم أنا معاااك والله ماانتخلى عليييك... اجي ياااكمااا تكون مريض بالعجز الجنسي... تاا هادي والله مااكين الموشكييل اصلا غاتجيني من الجنة والناااس حييت(عوجات فمها بتقزز) ياااااااع ماكنحملش ديكشي ءء هاداكشي لاخوور ءءء هداااك المهم
سعد صااافي حلااقمو ضرووه بالضحك... كوولشي داار كاايشووف فييه وهو كيضحك...
ريمان:وااصاافي عيقتي كوولشي كايشووف فينا..(بدات تبحلق فييه وهو كايضحك من نيتو "شحاال كيبان زوييين وهو كايضحك" قالتها بينها وبين نفسها وبدات تبتاسم معاه بلا خاطرها)
سعد:اووف والله تاا سخفتيني بالضحك... زعما خياااالك واااااسع وكبيييير ... (حس بالتوتر نقص ليه شوية خدا نفس عمييق تگاااد فالگلسة وتقابل مع ريمان)سمعيني... احم منين مشيت لتضير جنازة عمير... لقيتو مخليلي وصية... والوصية عبارة عن سيدي..(سكت كايسترج ذكرياتو لداك نهاار وريمان كاتسمع ليه بكل حوااسها وكاتفكر) وداك السيدي لي لقييت.. فييه فديوو.... كاايهضر هو فييه... قاال (مسح على شعرو ) بلي هو مااشي الواليد الحقيقي... (شاف فريمان باش يشووف وقع كليماتو عليهاا لقاها سااهية فييه كاايتسنااه يكمل)شتك ماتصدمتيش؟؟
سعد:مااتيقتوووش... خصووصا وأنه هضر بحاال ايلا الوالدة...جاابتني من زنقة ونعتها بكلمات ناابية... مشييت للمختبر ندير اختبار الحمض النووي... ولكن دااك نهار وقع ليكم داكشي ورجعت... وفااش طلاقيت جدي قالي بلي الوالدة كانت باغا مسلم وهو لي فرقهم... وخالتي مديحة صاحبت الوالدة
ريمان:(بلگات عينيها ودارت راسعا متفاجأة)
سعد:وهي لي قالتلي بلي يقدر الواليد ديالي اسمو أحمد... وأصلا كان خدام معاهم ... المهم داكشي مخربق... غير هو خالتي مديحة ماقلتش لييها بلي نقدر نكوون ولد أحمد... وبغييت نمشي نقلب علييه بووحدي تا لقاااه ماابغييتش ندخل عائلتك فمشاكييلي يكفي اش وقع لييهم من ورااياا...داكشي لاش قررت نخلي تانمشي للمغرب ونقلب عليه ووو....
ريمان بقاات كتشووف فيييه... وااش تصاارحو ولا تخلييه تا المغرب!! بقاات تشووف فييه وهو بااقي كايهضر... وهي كتفكر اش ديير... تنهدااات وغمضات عينيييهاا ثوااني... قررات تقووليييه بلي هي كاتعرف أحمد يلاه حلات فمها تهضر تا لقاتو كاايسلم على شي راجل... كبير فالسن شاد فيديه عكااز فااخر... هزات عينيها بيأس للسقف وولات شافت فداك الراجل لي وقف بينها وبين اعترافها للسعد...
دار شاف فييها دايرة الحجاب... وهي وقفات كي سمعاتو قاليه جدي احتراما ليه... بقا جاكوب كاايطلع ويهبط فييها... هي حشمات ومدلت لييه يديها تسلم علييه... وهو مزاااال كاايحنزز فييهاا شبهات لييه لشي وحدة ماعقلش فيين ولكن فايت شايفها... ريمان شوية وتغرق بحوايها بالعرق لي هابط ليها حشملت وتزمگات ويديها باقي ممدودة تاا قال سعد
سعد:جدي هادي ريمان البنت لي كانت غيبوبة... ريمان جدي جاكوب
جاكوب:(عااد فااق من دوامة أفكارو ومد يديه كيسلم عليها وكايقول)شلام بنتي... كي بقيتي دابا
ريمان:الحمد لله بارك الله وفيك
يعد:گلس اجدي تفطر معانا...
گلسو كايفطرو وجاكوب حااس بلي 'رافائيل' -حييت هو بااقي مافراسووش سلم- تبدل شوية مااشي حفيدو لي كايعرف..
تاا أكد لييه سعد الأمر منين طاحت لييه فورشيط فالأرض... هبط يجيبها وقال
سعد:باسم الله
جاكوب حل عينيه وودنيه على آخرهم... وااش صحيييح اش سمع دابا؟؟ 'رافائيل' قال باسم الله؟؟ يااكما هو لي شرف وخرف مابقااش كاايسمع مزيان!! بقاا مضارب مع رااسو... تا قال
جاكوب:رافائيل... سلمتي 😳
سعد:احم.. ولات سميتي سعد اجدي
جاكوب حس بالدنيا مشات وجات بييه... آه قبل أنه يتزوج مسلمة ومابغااش يعاارض ويوقف بيهم فالطريق... بصح كان غايتقبل الموضووع وأي اختيار اختارو رافائيل ولكن... كاايظن الواقع أصعب من مجرد كلام... بقا سااكت وماعجبووش الحاال
سعد:هههه والله اييلا عبرتي على الحياة... خااصك غا شي مرة لي تونسك
جاكوب:هههه المسخ المسخ... مابقيتييش تحشم وليتي بااغي تزوج جدك
سعد:ومااالك باااقي عاطي لعييين
جاكوب:غااتسكت ولا نعطييك لعيين نيييت
بداو يضحكو ... ويهضرو نسااو الوقت لي كايدووز... أول مرة يحس سعظ بقربو لجاكوب... وصل وقت الغدا ... سعد عرض على جاكوب بااش يتعرف على عائلة ريمان... ولكن جاكوب رفض بحجة عندو شي شغال حيت قرر من بعد ماغادي يمشي سعد للمغرب... قرر يبيع الشركات لي عندو هنا ويوسع هادوك لي فالمغرب ويكتب كولشي باسم سعد... خلاه هاد الأخير على خاطرو وتوادعو على أمل يطلاقاو فالمغرب فأقرب فرصة...
ريمان دخلت للڤيلا لقاتهم كايفطرو سلملت عليهم وگلست معاهم شوية... طوول الوقت وهي سااهية وغيير كتفكر فجاكوب واش غاادي يعتارض طريقهم ويمنعهم من الزواج!!! غيير كتسووط بوحدهاا ... ناض خالد وكريم خرجو يتسارااو شوية... وبقاو غيير البنات مع بعضهم
ليلى:(بهمس بااش مايسمعها حد من غير مديحة)خاالتي مابنتش لييك ريمان ماشي تا لهييه منين جاات؟!!
مديحة:وااه لاااحظت... غيير كتفكر يعلم الله اش وقع ...
ولكن مديحة وليلى قتلهم الفضول... تبعو ريمان لبييت تا وقفو علييها
ريمان:(خارجة كاتنشف شعرها من دوش تا لقااتهم مديحة گالسة فوق الفرااش وليلى دايرة وقفة خالتي الكسالة يد فخصرها وكاتعيط برجلها"كتحرك رجلها)باسم الله الرحمن الرحيم... مااالك اختشي وااققة علييا كي الموووت... اش واقع اش كااين؟؟
ليلى:خوي المزيييودة
ريمان:لا غانخوي الدنجاالة 😑 مدووحتي ماالكم؟؟
مديحة:نتي لي ماالك!!؟ خرجتي مع سعد رجعي بووحدك نقوولو هانيا شي باس ماكاين... ولكن غيير سااهية وكتفكر لاا ماادووزش علييننا مروور الكراام اجييل قمش ماايحشم مايرمش
ريمان:اش هاد الحجااية الغريبة 😒 من هادشي كااامل اش بغييتو تعرفو سربيييو قرب الظهر يودن
ريمان:زيدي عااايريييني يا أمي زييديني معيوورا زييدييني... بففف المهم هااني غانعاود لييكم كوووولشي من لول تااا لااخر... أصلا مااكاين لااش نخبي مزااال لأنني سالييييت من داك العالم...
عاودات ليهم على المنظمة لي كانت فييها... والمهمة وصووولا لأحمد بابات سعد.. ليلى تصدمااات بزااااااف لأن مديحة كولشي فرااسها من غيير أن أحمد باباات سعد
مديييحة:واااايااااااااااو 😳 ياا رب... سبحااان الله... لاا حول ولا قوة الا بالله ... (وكضرب بيديها مع بعضهم)
ليلى:(كاتمشي وتجي فوصط الغرفة يدسها عند خضرها واليد لووخرا على شفايفها كاتفكر... حسات يراسها صغييير على هادشي لي سمعت) دابا نتي.. عامين ونتي عاملة سرية... لا لا جسووية يمكن... عاملة ولا جسوية؟؟!
ريمان:بزووج ا ليلى
ليلى:وأنااا لااعلم لي؟؟ مشييتي لإسرائيل ا ريمان!! وااناا لا علم لي؟؟ كنتي فقلب أرعب واخطر قصر وبغيتي أناكوندا لي هو رافائيل لي سلم ولا سعد... وخالتي مديحة بوليسية صاحبت ماماه مريام... وأحمد لي هو الشاف ديالك هو بابات سعد... مزيااااات وشكووون أنا فالقصة؟؟؟ بلااااتي نقووولكم أنا هي البلهاااء صاحبة البطلة ... أنا هي الحماارة صااحبة البطلة... لي طووول الوقت وهي بحاال شطيييبة غيير حالة فمها وتابعة الجلالة بالناافخ... (بغات تهضر ريمان وهي تقاطعها ليلى)مااعرفتش وااش يبقا فييا الحاال حيين أخييرا رجعتي ساالمة وماوقع ليك واالو.... ولا نفتاخر بييك حييت درتي هادسي كووولوو ... ولاا نتعصب ونتقلق حيييت صااحبتي ديال الطفووولة عامين وهي مخبية علييا عامين وهي كاتكدب علييا!!!
ريمان:ليلى ماااشي وقت دراما هادا.. را
ليلى:وقت الدرااامااا!! عندك الحق وقت الدراااما... سمحلي ا لالة حيييت أناا كنديير لييك غيير درااما...(تحجرو فعينيها الدموع وفحلقها غصة) سمحييلي حييت أنا ماقوياااش بحااالك وحياتي كوولها بكا وشكا ودرااااااما...
ماخلاتش المجاال لريمان تجاوبها خرجت وزدحات الباب... مشات لبيتها وبداات تبكي غيير بوحدهها... كوولشي تخلط علييهاا... كاتبكي حييت صاحبتها وختها تعدباات وهي كاتخااايل اش يكوون داز على ريمان... وكاتبكي حيت بصح مفخرة لييها ولعائلتها وللمغرب... كاتبكي حيت خباات علييهاا... بداات تلطخ فالمخااد وتخنن وتبكي... تا من عمار ماحوباتووش... طفات طيليفون ومشات شدت الريدويات بااش ظلم البيت وجبداتها عليه بنعسة...
ريمان:اووووف..وااهانتي تشووفي امديحة الناس فالناس والثرع فمشيطة الراس
مديحة:حطي راسك فبلاصتها... تانا بقا فيال الحااال منين عرفت ولوكان عرفت هادشي ونتي فايقة كانت غتكون عندي نفس ردة الفعل... وااش عرفتي ا ريمان شناهي يكون شي حد عزيز عليك كايتعدب وكيقاصي وانت حااسبو رااه كايتجمم!! مااشي سااهلة أتا حااسة بيها حييت حسيت بحالها
ريمان:هااكاوا على اوووكي 😑 ماما(شدات ليها فيديها وهي كاتشووف فالأرض) سمحوولي خلعتكم وشطنتكم وعيشتكم فخوف وخلعة
مديحة:(دارت اليد لوخرى على خد ريمان بحنان)عمر الأم ماتقلق من ولادها آعمري... أنا مفتااخرة بيييك لأنكي حققتي ذاتك ودرتي داكشي لي باغا ديريه... أنا مفتاخرة بييك كيما انتي بأخطاءك ومميزاتك مفتاخرة بيك بكولشي لك
دخلات دوشت توضات وصلات لي فاتها... مشات لماريو جبدات شوميز فالبلومارين طويل من لور وقصير من ثدام مع سروال بيض وسندالة...طلقات شعرها على رااحتو... شافت فوجها فالكرايا تخلعااات عينيها حومر منفووخين وتحتهم زرق.. دارت ميك اب تخبي دوك العيووب... وهبطات للتحت لقات ريمان ومديحة فالجردة كايشربو أتاي... خالد وكريم خرجو كيما العادة يدورو... وسعد مشا يقاد اللوازم السفر...
ليلى:هاني خارجة اخالتي مديحة مع عمار
مديحة:ماتعطليش... غدا غانكشيو للمغرب
ليلى:يوووپي واخييرا غانرجع لداارنا عييت بالگلاص فديور الناس
مديحة:هادييك قزييقزة علاامن راكي دااوية ؟!
ليلى:على شي بعضينااات اخالتي... لي مابقييناش عارفييينهم شكوون هوما... بسلاامة
ريمان:شتي أماما مااغادييرش عقلها
مديحة:ههههه شتي ابنتي كوون تعااملات عاادي وماتقلقااتش انا برااسي كنت غانتفااجأ... لانه مااكيعاتب حد شي حد اخر إلااا وكاايعني لييه وكاايبغييه... ليلى كاتبغييك ابنتي هادشي لاش تقلقات منك
ريمان:بففف عاارفة لي كااين... الله يهدييها عليياا مااكمصبرش بلا مانهضر معاها بففف
مشات ليلى لقات عمار واقف على راس الطوموبيل مربع يديه ومرة مرة كايشووف فالساعة وعاقد حواجبو... باستو فحنكو بالخف
عمار:اوووه جييتي بكري مااتعطلتييش گاااع 😐
ليلى:باراااكة من الطنز ويلاااه رااك عطلتيينا
عمار:الله الله أنا لييي معطلك!! س محيلي حييت عطلتك ليلى هاانم
دوزو ليلة زويينة بزاااف ضحكت ليلى ونسااات لي وقع فالنهار... عاامر دار لييها خااطرها ولي بغااتها كيشرييها لييها... وكل نهااار كاايزيد حوبو لييها وتاهي كوول نهاار كاتكتااشف شي حاجة فييه كااتزييد تغرقها حبا...
مديحة:ههههه سبحااان الله تقوول هزييتي بنت وحطييتي بنت اخرى... لي يشوووفك من هاادي 3 شهوور غيير تالعة وخاارجة ماايثوولش علييك غاتولي هااكاا
ريمان:اه اماما... عاارفة راسي تبدلت... وتغييري هذا فنظري عاادي... لأنني كنت على بعد شبر من الموت... وقبل مانمووت عطييت الله وعد ايلا عطااني حياة جدييدة غادي نبدا من جديييد... ... وانا كنوفي بوعدي
تخشااو فالرااش وليلى كل ماافمها عمار... بدااو يتهاودو وصلو تا للعرس واش كاايوقع فليلة الدخلة ماعرف كيفاش تا وصلو للجنون ههه... لمهم هضرة تجبد هضرة تا نعسو وهوما معانقين
أصبحنا وأصبح الملك لله
صبح الصبح فاقت ريمان هي اللولة... ناضت بالحس مشات توضات وصلات... ومشات لبالكون كاتثرا روايتها... حيت كان مزال الحااال يلااه 7 دالصبح... على مافاقوو لوخرين وهبطات تفطر معاهم... سلاو كولها مشا يجمع حوايجو... ويوجد راسو
بعد سوايعات قليييييلة كوولشي تجمع لتحت مع شوانطو... جا محمد مع شي خدم هزوهوم وداروهوم فالطوموبيلات...مشا معاهم تا محمد لأن عائلتو كاينة فالمغرب... ليلى دايرة لي كيط كاتهضر مع عماار
بعد مدة قصيرة وصلو للمطار... بعض الاجراءات وهوما بالطائرة الخاصة... سعد غيير قلعات الطيارة جبد القرآن وبدا يقرا بصوت خافت كايحاول يجود...ولا كايحس بالقرآن هو النور لي كايحسسو بالرااحة والأمان{ألا بذكر الله تطمئن القلوب} .... ريمان گلسلت حداه هازة ريويتها كاتقراها ... مديحة ناعسة وخالد حداها كايشوف من السرجم... ليلى گلسات حدا كريم گاايخدو سيلفيات...
ماهي إلا سويعات تا وصلو للمطار .......
كان الليل ... كولهوم عيااو مشا محمد وسعد للڤيلا لي عندهم تماك واخا عيااو معاه عائلة ريمان ولكن رفض ...بحجة غدا خااصو يمشي لشركات ليهنا... وعمدو شلا مايداار خلاوه على خااطرو... ليلى وريمان شدو طاكسي ومديحة وخالد وكريم شدو طاكسي اخر...
وصلو للحومة مشااو لدار ريمان تا ليلى معاهم ألا مابعيداش عليهم بزااف... ومع العيا مشات تبات معاهم... دخلو للدار بداات ريمان كااتشمشم
خالد:😳(كيشوف فمديحة لي حانية راسها ويعاد يشووف فريمان)اينا منظمة ابنتي؟؟
ريمان:منظمة سرية لمكافحة الفساد
خالد:(بلع ريقو غير مصدق ... رمق مديحة بنظرات مبهمة المعنى زلا شاف فريمان)بنتي... طلعات لييك سخانة؟؟ ياكما أعرااض المرض هذا؟؟
ريمان:لا أبابا... أنا بخيير رااني كنهضر معااك بنيتي
خالد:هااد الهضرة ابنتي مااكيقوولها لي بصحتو ومايتيقهاش لي بعقلو... أشمن منظمة ابنتي ماالنا عايشين فهولييود!! والبوليس شناهي خدمتهم يقلييو سفنج!! (قرب لمديحة بصوت خافض)البنت امديحة بدات ضييع من بين يدينااا...
مديحة:خالد... هادشي لي قالت صحييح.. كانت فمهمة بإسرائيل منين دخلات لغيبوبة...
حس خالد بكتافو ترخاول علييه... كيشووق فمديحة بعنين ساهيين غير مستوعب هادشي لي سمع
خالد:منظمة... إسرائيل!!
حس بصدرو داق عليه شوية ودقات ثلبو غير منظمة... هز كاس دالما شربو كاامل...
ريمان:(قالت بخوف)بااباا
خالد:ششششت... كملي نشوووف ... كملي نشوووق هااد القصة ديااال... كملي
كملات ريمان هضرتها وكل كلمة قالتها كانت بمثابتة خنجر كتتيدخل لقلب خالد ويخرج...
ريمان:ودابا أحمد هو بابات سعد الحقيقي وانا بغييت لاقييهم
خالد:(بعدم تصدييق)مديحة... مديييحة واااش سمعتي بنتك!! الله ياااا رب قلبي الله
مديحة:خااالد تهدن عافااك... فكر فصحتك
خالد:(كيغوت)اشمن تهدن تشمن... واااش سمعتي اش قاالن البنت !! كااانت فداااار بريتس.. هداااك الراااجل لي دخل أحمد لي هو الشاااف دياالها فالمنظمة للحبس!! ااش هااااد تخروييضة يا سيدي رب... واااش مستوعبة خطوورة الأمر امدييحة كووون شدهااا... كووون شدها كوون قتلها واااش عاارقة اش يثدر يوقع لييها كوون شدووها فإسرائيل!!! كوون سيفطووها ليينا مقطعة طراااف طراااااف طراااااف قد هاااكا ... كوون حرقووها وسيفطوها ليينا رمااااد امدييحة (صرخ وضرب بيديه فالطبلة تا قفزهم من بلايصهم)كووون حرقووووهاااااا... (تنهد وقف مشا بحاالو كيردد)استغفر الله استغفر الله
وققات ريمان وقالت
ريمان:لوكاان من ااشيطاان ا بابا... شوووف هاااني دابا معاااكم بخييير وعلى خيير وجسن گااااع من لول... شووف الجانب زوييين هداني الله ودرت الحجاب لي كنتي بااغيني نديير...(وقق عاطيها بالظهر كيسمع ليها) عاارفة هاادشي ماااشي بالساااهل تتقبلووه... (مشات لعندو باست لييه راسو) سمحووولي عاارفة رااسي غاالطة
خالد:اعوذ بالله.. الله يهدييك على نفسك وعلييناا الله يهدييك
ريمان هزات يديه بااستها لييه وعنقاتو...
ريمان:نخليييكم نمشي لبس
خالد:فيين غادا تاني؟؟
ريمان:آخر مهمة عندي ههه خاصني نلاقي سعد بأحمد... يلاااه خلييت ليكم راحة مح مح مح
طلعان ريمان لبيتها لبسات قميجة طويلة تحت الركبة فالخزي مع سروال بيض وشااش فنفس اللون... وسبادرين فالكحل... هزات ساكادو ديالها وتوكلت على الله... شدات طاكشي ماهي إلا دقايق معدوودة تا كانت حدا المنظمة...وااققة حدا بالباب وكتفكر وتهضر مع راسها
ريمان:اااخ شحااال توحشتك ااخ... شحااال كطيير الياااام وطسرااتنا تا حنا معاها... غيير لباارح وانا دااخلة من هاد الباب متحمسة بحاال ايلا لقييت كنز ديال الذهب ودابا دااخلة نقلب على شيخي لي كان الشاف ديالي ههه... هوووف سبحاان مبدل الاحوال... ايييه ارييملن تااالت بييك لييام تاا ولييتي تبغي تانتي... عقلتي على ياامك ولا نفكرك!! (كتعوج وجهها) زواااج ماااشي هو كولشي... أنا ناغادييش نتزوج تا ندوور العااالم كولو... بفو على كماارتي هههه ولااايمني تا دابا بااقي الحااال ندور العالم أناا سعدووشي هههه اعوووذو بالله
-كتسولي على شي واحد اختي؟؟
-ريمان:باسم الله الرحمن الرحيم خبعتييني اخووويا مااتعرفش ... تصدر... صوت 😱😱
دارت شاافت شكووون غيير شاافت وجهو تشووكاات... شعر وجهاا وقف(الموشطاج 🙊) تصدماااات دياال المعقوول ... قلبها بداا يضرب... هي بصح مااكتخاافش وزعيييمة ولكن تاا الجنوووون وحبس
ريمان:باسم الله الرحمن الرحيم.. اعووووذ بالله من الشيطاان الرجيييييم... اعووووذ بالله
كتغمش عيينييهااا وتولي تحلهم كااتلقااه باااقي واقف وحاابس الضحكة... نفس الضحكة لي كاان كاايحبسها فاس كايكوون كاتيدبز معااها... نفس الابتسامة والعينين غيير ذبالو شوية..
تسالمو وهوما كايضحكو ...بعد السؤال على الاحوال... گلسو يدردشو مع بعضهم
ريمان:فيين واصلين؟؟
ماهر:القضية غاديا وكتصعاب ... من جهة السياسيين وكروش الحرام والرشوة... ومن جهة اخرى خرجو لينا المشرملين لي ولاو دايريين حااالة فالبلاد... مااعرفنا فين نعطيو بالراس
ريمان:هااد البلاد عمر باباها ماتقااد... خلي المشرملين عمرهم خلتص مايتقداو وديوها فالمهام الصعبة
حسين:هههه المهام الصعبة خلينا لمسلم
ريمان:حزقتي ماشي هضرتي 😒 وااش وقت الضحك ا بوقال
حسين:لساانك المااضي هو لسانك المااضي عمرو يتبدل
ماهر:اجي بعدا ريمو بصح داكشي لي قال الشاف.. غاتزوجي بالأناكوندا؟؟
حسين:تعجبنا صراااحة منين قالنا ولا اسمو سعد وسلم... تا ايلا ماربحناش القضية دخلنا واحد للاسلام
ماهر:والله اييلاا عندك الصح... دخلات يهودي للاسلام... سبحان الله لا وخلاتو يبغييها ههه هاادشي كوولو خرج منك ا ريمو
ريمان:مااالكم داايرين هااكا مااالكم... دودودودودودود ماااكتسكتووووش واااحدة واحدة عليييااا... هاادشي مكتاب الله مااشي بيدي ولا بيدو... اصلا سعد قصتو قصصصصصة..
ماهر:(بفضول)اشمن قصة؟
ريمان:دابا هو ماشي(عاااد عاقت برااسها) لاااش كتجبدلي لساااني ابناااادم لااااش هاادشي خطيير من بعد وتعرفو... اصلا جييت نطلاقاا الشاف فيناهو؟؟
أحمد:هااهوااا
دارو كولهم لجيهة الباب لي مان داخل منو بكل هبتو المعهودة كانو عينيه لي دبلانين شوية... ناصت ريمان لجيهتو عنقاتو
أحمد:(وهو كيطبطب على ظهرها بلطف) على سلامتك ابنتي... حناا مفتااخريين بييييك ومرحبا بييك وصط مناا مرة اخرى
ريمان:(شافت فييه و بسخرية قالت)انت سميتك شاف؟! لااا اووو ماالك كاتنقز من المقلة ...(رجعت شافت فالشاف لي كايضحك عليهم ولكن باين عليه التعب) الشااف ممكن ناخد منك 2 دقايق تا ل2 سوايع من وقتك؟؟ على انفراد
خرجو من المنظمة مشاو لقهوة بعيدة شوية... وأحمد كل دقيقة يدور يسولها علاش باغا تدوي معاه... كايلقااها كاتفرك صبعانها بتوتر كبير... مااعرفااتش كييفاش توجهو بالحقيقة... كييفاش غاتكون ردة فعلو... گلسو فطبلة فلاطيراس...
أحمد:اممم... هااني كنسمع كانظن بعدنا على المنظمة داباا
أحمد:اللهم صبرك يا رب... هضرري ارييمان يهدييك الله لما دوي درتييلي الشقيقة والديقة 😤
ريمان:اووكي انت لي بغييتي... احم شهيييق زفيييررر شهيييق زفيير... احم مريام(أحمد غيير سمع هاد سمية تشووكاا حضر معاها عقلو وكل خلايا دماغو!) قبل مااتموت بنهار... خلات على رقبتي أمانة... سر كبيير ... كبييير بزاااااف لدرحة ماقداااش نقوولو لمالييه
أحمد:لي فهمت منك هاد سر متعلق بيا ياك؟؟
ريمان:بشكل كبيييير... (صمت)
جا الگارسون حط القهوة وكاس ديال الما... هزاتو ريمان لأنها حسات بجفاف فحلقها... شرباتو دقة وحدة ... أحمد كايرقبهاا بتخوف من داكشي لي غاتقوول... رخف الگراڤاطا على عنقو حس براسو تخنق... ماكرهش يدخل لراس ريمان ويعرف السر قبل ماتنطق بيه... حس بالدقايق سعاااات وهو كايفكر فشناهو هاد السر لي خلات ليه مريام!!
أحمد:ماتلعبييش ليا على الوتر الحساس ا ريمان دخلي فالموضووع خلايا دماغي كانحس بيها كتحلل
ريمان:.. (بلعت ريقها) رافاييل... لي ولا سميتو سعد مور اسلامو... عرفتيه ياك؟؟
أحمد:الأناكوندا! ولد مريام وعمير بيرتس ... شتو فالمستشفى لي كنتي ناعسة فيه
ريمان:هو... اه ولد مريام... ولكن... ولكن... ماشي ولد... عمير!!
أحمد:مافهمتش؟؟!
ريمان:سعد... ولدك... اشااف
هاد الكلمات المتقطعة طاحت على راس أحمد بحال جبل من الجليد... بحال كرات ناار على قلبو... وجهو مشا منو اللون... بؤبؤ عينيه كبارو بالصدمة. تخيل كوولشي وكااع الافكار خطرات ليه على باالو... إلاا هادشي لي سمع... حيد ربطة عنقو وحطها فوق الطبلة... لاحظات ريمان ارتجاف أصابع يديه...
أحمد:وااش... متأكدة؟ وااش عارفة اش كتقوولي!!
ريمان:اه... تا الوصية لي خلا عمير ل سعد... فيها ڤيدية كايأكد هلدشي
أحمد:يعني سعد... عاارف؟!! 😳
ريمان:اه عاارف.. وعارف تا سميتك... وجا للمغرب خصييصا بااش يقلب علييك... ماقلتش لييه مريام عاوداتلي... حييت خرفت ماتقبلووش داكشي لاش قلت نجيونهضر معاك انت لول... سعد مر من بزاااف ديال الظرووف الخايبة وخفت تا رفضك لييه يل...
أحمد:نرفضو(بانت ابتسامة سااخرة على وجهو كأنه كايسخر من الدنيا لي بعدت عليه ولدوو لمدة 30 عام... كأنه كاايسخر من الحب لي مات وتدفن فالتراب ولكن بااقي حي فقلبو ... كأنه كيسخر من القدر لي لعب معاه لعبة فااشلة) أنا نرفض ولدي!! نتي ماعرفااش اش كانت مريام واش مزاالة كتعني لييا!! (بلع ريقو وهز كاس دالما شربو) كانت النفس لي كنتنفس... عمري بغييت وشي وحدة قدها ... وبغيتيين نرفض طرفة منها خلاتوولي!!
حط فلووس القهوة ومشا وخلا موراه ريمان كاتعيط لييه... حل طووموبيلتو وركب... وديماراا وريمان كتهضر وهو ولا من مجيب... غاارق فأفكارو... حس بحااال ايلا تزاد عندو ولد... حس بالأبوة بحاال كييما قالولييه ريهام تزادت... ولكن دابا حاجة أقوى لأنه من الما لي مابغا تا وحدة من غيرها
ريمان:شااااف... واااا شااااف(كاتغز فيييه تا فاق من تفكيرو)لاا حولة فييين غادي ا شااف فيييين؟؟
هبط أحمد هو لول مااقدرش يصبر... بااغي غيير امتى يمشي عند ولدو لي تحرم منو ويعننقو ... تبعاتو ريمان حلات الباب ودخلو... لقاو سعد يلاه كييف جا... شاف ريمان يوماين ماشافهااش مشا سلم عليهاة بلا مايلاحظ داك الشخص لي كان موراها كايرااقبو... كانت مديحة فالصالون... تاهي كاترااقب اش غايوقع...
مد ليه يديه... أحمد مااحيدش عينيه من على وجه سعد.. كيشووف فكل انش من وجهو... عينيه نيفو لحيتو... فلحظة تخايلو وهو صغيير.. مد يديها هو الاخر وسلم على سعد... زير لييه على يدييه بشدة كأنه كيقوولو "عمري نخلييك اولدي " عينيه دمعو... سعد من تعجب من حركاتوو .. أما ريمان فالوصط بحال ايلا كتفرج فمسلسل تركي... حالة فمها ومرة تشوف فسعد وردة فيعلو مرة أحمد..
ريمان: سعد... هذا... احم... أحمد
دور راسو ببطئ جيهة ريمان كاايشووف فيها بدهشة كبيييرة مع صدمة..
سعد:(يديه مزالة وصط يدين أحمد)أحمد... الواليد
أحمد:(تهز قلبو من أخر كلمة قااالها...) اه... اه ا.... ولدي ... اه
دور سعد راسو قبل ماتجي عيينيه فأحمد... جبدو عتدو بقوة تاا تصادم حضن أحمد بصدر سعد... عنقو بجججهد بحاال ايللاا خااايف يفلت لييه... أنا سعد مزااال ماستوعب الأمر... كايشووف قدامو بعينين مصدومين... يديه تلاشاو ليه طالقهم لتحت... عيينه دمعو لييه بلا مايحس هبطو العبارات... كاتعبر على مشاعرو .. كتعبر على مدى شوقو لهاد الاحسااس لي كايحس بييه... احساس بالأمان... غمض عينييه وخلا دموعو تهبط على خاااطرهم وهو كاايتفكر أكفس أيام دازو علييه... من نهاار مشاو من المغرب... نهار ماتت حبيبتو القديمة ومها... نهاار بتزو عمير بمريام ايلا مااقبلش يدخل قائد جبهة... نهار ماتت البنت قدام عينيه ... ولنهاار لي عرف بلي عمير ماشي باباه... وصل تا لقطة لي قالييه الطبيب "مريام ماتت " هز يدييه بزووج وحطهوم على ظهر أحمد... زيير علييييه بزاااااف...شد طرف من حوايجو وزير عليييهم بقبضة يديه... بحاال شي دري صغيير كايتخبا من الظلام فحضن باباه... كاايقولوو بزاااااف دالحواايج بلا ناايهضر ... شحاال حتااج لهاد الحضن فااش كااظلام علييه الدنيا وكظلمو... بحال ايلا كايقوول عمرك تعااود تخلييني محتااجك بزاااف انت لي عندي انت عائلتي انت لي بقيتي عندي....
أحمد فهمو وتا هو كانو دموعو هابطييين بلا توقف.. تاهو زير عليييه بزاااااف بحال ايلا كايقووولو "مازاال مامتيق رااسي لقييتك... تا انت لي عندي انت عائلتي انت كوولشي لييااا " عناااق يحمل مزااف ديال المشاعر والاحاسيس بلا كلام...
ريمان بكااتها اللحظة كحزات عند مديحة لي بداات كاتبكي تاعوما عنقو بعضهم...
دازت مدة قصيرة... بعد سعد من أحمد بلطف كايمسح عينيه بيديه... شد لييه أحمد وجهو بين يديه
بقاو معنقين بعضهم بضع لحظات... من بعد گلسو فووق الفرااش.. أحمد غينيه على سعد كاايشووف ويحقق فملاميحو... وتفكر مريام.. گلسو كاايتبادلو أطراف الحديث ويتعارفو...
مديحة نغزات ريمان بااش تبعها ويخلييوهم بوحدهم... داكشي لي كاان... مشاو لكوزينة... يوجدو الغداا تا قالت ريمان بحماس
ريمان:شحاال فرحت منيين تجمعو... شعووور زويين وخاايب طلاقا باباك من بعد 30 عام...
مديحة:(قال بأسس منين تفكرات صاحبتها)كانت نااقصة غيير مريام كانت غاتفرح بزاااااف... اوووف تذهب الرياح بما لا تشتهي السفن
ريمان:جدو ايلا سمح ليه الله... عدب بنتو وحفيدو وتا أحمد.. وعلااش!! حييت هو يهودي ولاخر مسلم بففف ... حقااا گاااع مسولتو اش داار معااه داك نهار فالقهوة أكييد عرف سعد سلم
مديحة:كايبانلي سعد شخصيتو قوية أكييد ماغادييش يخلي جدو يتحكم فييه كيما تحكم فمريام
ريمان:هادي متافقة معااك أمدوووحتي...
تا دخل عليهم خالد لأن الكوزينة جايا قبالت بابا الداار... غيير حل الباب طلعات نعاه ريحة زوييينة
خالد:اممم شهااد ريييحة؟؟
باست ليه ريمان يديه وقالت
ريمان:الأكلة لي كلاتعجبك ا بابا بسطييلة وانا لي مطيباها
كتشوف فمديحة بنص عيين لاتمشي تفرشها
مديحة:اييه انتي لي طسبتيها واناا غاا بوطو ديال الضو هناا 😒 حقيرة قليلة ترابي
ريمان:)بنبرة مستهزئة) واخا اخالتي زهرة كوزان 😏
مديحة:( قالت فجأة) اه حققاااا نسييينا الضيااف سيير للصالون راه أحمد وسعد گلس معاهم
خالد:صاافي جمعتوهووم .. هاني مااشي
مشا عندهم سلم عليهم وگلس يتبادل معاهم الهضرة.. تا حطو طبلة ديال الغدا تغداو مجمووعيين...وهووما كايهضروو تا ودن النغرب وطاح الظلام.. عااد نااضو يمشيو بحالهم... سعد توادع مع أحمظ من بعد ما وصلو للدارو ماسخاوش من بعضهم وتواعدو غدا قالصبح يطلاقاو بااش ييداو فالاجراءات ويرد سعد ولدو فالحالة المدينة... وصل هاد الاخير للدار غايطيير من الفرحة وفنفس الوقت حااس بنقص ديال مريام... مشا لبيتها...
ايييه عاود فرش بييت بحااال بيتها فالڤيلا لي عنظو فالمغرب... بحااال البييت تماااما لي كان عندها فالقصر فتال ابيب... دخل لييه وهو كيتخاايل مريام ممدوودة على فراشها كيما عادتها هازة بين يديها كتاب بالفرنسي او العبري قديم كاتقراه ...
غيير شافتو دورات راسها وحيدات نظاظر القراءة حطاتهم.. وبانت على وجهها ابتسامتها المريحة المعهودة... قرب عندها وگلس على جنب الفراش...
فإذا بالخيال كاايولي سراااب... كاان مجرد خيالو الحالم... هبطت دمعة يتيمة كيتمو من مريام... وحطر راسو على الخدية بحزن وحسرة...
واخا لقى أحمد وفرحاان بلقااؤو إلا أن مريام وفقدانو ليها مزاال مخلي فحياتو نقص كبير... يمكن يعمر فااش ترجع ليه ريمان لي تاهي ولات تبعد وكاتكبر دائرة النقص لي عندو...
سعد ماهما كبر ومر من ظروف صعيبة.. إلا أنه كايبقا بحال شي طفل نسي أن يكبر... هز كادر فيه تصويرة مريام مبتاسمة ابتسانة حسساتو بالدفئ قليلا... وحط راسو على الخدية... ودموع دافئة هابطة ليه على دقنو الملتحي... وهو كيفكر فحيااتو من نهااار عقل على راسو... كيفاش عانات ماماه مع عمير وجبروتو وقسوته... غمض عينيه بقوة كمحاولة منو للنسيان او بالاحرى كمحاولة منو بالتناسي
ولكن لااا ... عقلو رفض وحلف تاا ينكد علييه ليلتوو... وبداا يحضر لييه گاااع اللحظات الحزيينة لي مر منها فحيااتو... تا غفى فبلاصتو بلا مايحس وصط دموعو وذكراياتو المؤلمة...
فاق فالصبح سعد كايرمش عينيه... زعجاتو أشعة الشمس المتسللة .... حك عينيه بتعب... هز راسو ببطئ كاايتفحص بعينيه الغرفة لي نعس فيها... حط الصورة فبلاصتها وناضت خرج متجه لغرفتو دخل دوش وتوضى وخرج صلا صلاتو... وقرا ما تيسر من القرآن بااش يطمأن قلبو...
هاكا دازو الأيا تقريبا أسبوع.. وليووم خطوبة ليلى بعمار لي جاو هادي يوماين كراو دار فيه گلسو ووجدو على الطريقة المغربة كل مايخص لهاد النهار...
عطاتها البنت لي خدامة فالمخبزة الدوموند ديالها... هزاتها ليلى وزادو مع طريق... ركبو فالسيارة ديال سعد لي بزز بااش شداتها منو ريمان ليلة أمس باش مايتعدبووش مع طاكسيات...
حطو داكسي فاالكوفر ومشاو للدار دليلى... رواايح ديال الطياب كاتفووح من راس الدرب... مامات ليلى مع مديحة فااش كايطلقاو كايعطييوها غيير المأكولات اللذيذة... ماخلاو ما وجدو الرفيسة بالدجاج البلدي وبسطيلة مع شلايض على اشكالها وأنواعها .....
زليخا:مهذا الشعر!! قل لها أن تتحجب على الفور وإلاا...
رمقها عمار بنظرات قاصية وجامدة بمعنى سكتي وداكشي لي ظارت سرطات لسانها على الفور.... وكولشي بدا يشووف فيهم بنظرات مبهمة وليلى فهمت نص الكلام لي قالت شافت فعمار وحنات راسها وسكتات...
تعشاو وسلاو قراو الفاتحة وركبو الخواتم وصط دهاليز وزغاريت العائلة كولشي فرحاان وضاحك منغيير مادام العگوزة الشمطاء كيما سماتها ليلى .... قررو العرس غايكون من هنا 20 يوم على حساب الخطة لي كان داير عمار باش يمشيو لشهر العسل... من بعد كولها مشا بحاالو ودازت الليلة الحمد لله بسلام...
وتا ليام ولا يدوزو بسلام... سعد مزال كيجري تعكسو لييه فشي ورااق... وزيد عليها حمض نووي خاصو الوقت... والادرات ديالنا الله يخليها سلعة كايبقاو عليك سير وأجي سير وأجي يهديك الله ...
وحيت أحمد متمسك بمبادئ المنظمة حلف لاا عطى شي ريال تا سعد تبعو... ولاو كايطلاقاو كل نهااار.. تولفو مع بعضهم أحمد شحال من مرة زار سعد فدارو... وشاف بيت مريام وتفكرها تا بكى... شي لي أكد لسعد بلي بصح حب كان بيناتهم وزااد
كبر أحمد فعينيه وفقلبو بغاه نهار على خووه كايزيد يولفو ...
تا من ريمان مابقاش كاايطلاقاو بزااف هي كاتبعد وهو ولا مخليها على خاطرو ... مابقاش بنفس الحماس ديال نهار لول فعلاقتهم... تا هو ولا يبرد شوية بشوية...
واخا كاايتوحشها كتر من اي حاجة ولكن كتايضبط راسو حييت بالنسبة لييه زادت شوية فييه... أما ريمان مشغوولة مع ليلى... كايطييح لييها فبالها سعد ولكن عنادها كاايمنعها تعيط وكاتقوول علااش هو مااايعيطش علاش مابقااش يسول بحال الأول... وخيالها دفعها بااش تستنتج هاد الاستنتاج الغبي
ريمان:(كاتهضر مع ليلى لي سولتها علاش ماتعيطش لسعد) هاانتي غيير بالعقل كاان كيسول واخااا مااكنهضرش معاه ودابا بدا يميك ... زعما ولفني بييه وفتاااالي بغا يخلييني معلقة زعما... صراحة خطة نجحاة ليه حييت وليت بحال شي هبيلة كاانطل على تيليفوني كل دقيقة.. ولكن كبريائي أعظم
ريمان:شووفيي لييك بنت الهم بداات من دابا كاتعياق عليا بالتركية 😑 اه تبدلت وهو علاش تبدل!!
ليلى:ريمان.. رااه انسان ا ريمان ماااشي آلة بشرية.. تاهو بنادم... فنظري انتي المخطئة
ريمان:(قالت باستنكاار) واااااات!؟؟ نتي معانا ولا مع غانااا
ليلى:مع بتسوانا... مع الحق ا صااحبتي... منين فقتي من الغييوبة بالعكس كان خاصكم تقربو من بعضكم مااشي تفرقو كتر وكتر... وزيد عليها رااه فقد ماماه كان خااصك توقفي معااه ونتي اش درتي!! اه حقا الغيبوبة أثرت فييا مزيااان هاد التغيير لي تغيرتي ولكن.. ماكنش عليه تغيري تا على سعد او على الاقل كان علييك غير توقفي فجنبو ماشي عيب وماشي حرام...
ريمان:بفف ولكن... مااغلطت فوااالو سعد بااقي مجرد غرييب عليياا... مااخاصنييش نتخلا بيه
ليلى:اييه عندك الحق ... تا واحد ماكدبك لكن هو ماطالبش منك شي حاجة حرام... اش فييها ايلا هضرتو وتلاقيتو
ريمان:اووف حرت اختي حرت ... وااش حساابك مااكنبغييهش... بالعكس كانبغيه بزااف .. غير ماعرفتش اش وقعلي اختي ... أصلا تاهو مشغول مع باباه والوراق لي كيصاوب ... أصلا رقم 2 مابقا والو ونتجمعو
ليلى:اووف منك غيير كدبي على رااسك الحب مافييهش المحااسبة ... اااخهخ كوون نديرو العرس فنهار وااحد وااااااو غايكوون داكشي زوييين
ليلى:(عينيه براو ببريق الفرحة وقالت بحمااس وطاارت عنقااتها)حلفي بالله يا رب ياا رب نديرو عرس واحد
نعسو البنات ديك ليلة من نهار الخطوبة وريمان كاتبات مع ليلى على قبل توجاد العرس...
صبح صباح جديد على سعد لي فاق كاايتجبد ناض تووضى وصلا صلاتو.. وخرج دربها بجرية على جنب البحر ورجع دوش وفطر... لبس حوايجو طقم رسمي ديال الخدمة فالگري... مشا للشركة دخل كاايسلم على هادا ويضحك مع هادي دايرهم بحال عائلة ولكن وقت الخدمة الجدية مشا للمكتب ديالو الفخم ... بداا يخدم تا جا عندو أحمد
أحمد:(داخل من باب المكتب ديال سعد وقال يمازحه)بارااكا علييك من الخدمة دابا تعوار بحال باباك ههه
سعد:(ناض من بلاصتو وحيد نظاظر الشوف ودار ابتسامة بشووشة وهو كيشوف جيهة أحمد) ههه كاايباانلي أنا لي عواريت أما الواليد باقي يدگ ويدردگ ماشاء الله هههه
سعد:(تنهد) اودي الوليد ريمان تبدلت... وكيما كتشووف ديما مشغول كل مرة فيين وهي ولا هي هنا... ايلا ماسولت ماتسولش فييا.. ماعرفتش اش وقع ليها والله حيراتني معاها
سعد:ايوا يدير الله خير.. اش درتي فالوراق لي قلت لي وجدهم؟؟
أحمد:(مد ليه ملف) هااهوما على الله يقادووهوم طييوو ليينا راسنا ورجليينا بالمشي ويجي .. والله ايلا شي وحديين قبرهوم غايجي فالشوكة الشمكار لي يدوز ييول عليهم
ضحك سعد بالجهد على هضرة أحمد وتفكر ريمان ولسانها سلييط لي توحش وقال
سعد:ان شاءالله هااد الوراق لي بقاو يوماين وتكون الحالة المدنية واجدة
تاا دخلت علييهم وهي مخنزرة شكون من غيرها ريمان 😒 السكرتيرة لي كانت برا استفزاتها بلباسها الفاضح وماكياجها الساخر فحال ايلا راها فحفلة... وزايداها كاتعوج فهضرتها وماخلاتهاش دخل ... دخلت ريمان هي لولة وتابعاها سكرتيرة لي قالت موجهة كلامها لسعد
سكرتيرة:مسيو سعد منعتها مادخلش ولكن...
ابتسم سعد فوجه هاد الأخيرة ودار ليها اشارة بيديها بمعنى غير سيري... خرجات هي ودخلات ريمان كتسوط
أحمد:(بصوت منخافظ) قنبوولة اولدي قنبوولة موقوووتة
سعد:(كتم الضحكة وقال موجه هضرتو للريمان) عااش من شاافك
ريمان:(گالسة كدور راسها بيناتهم وهي فالوصط) ياااك اشاااف دابا أنا بحر!!
أحمد:وعليكم السلام هههه
وخرج أحمد كايضحك بصوت خاافت بينما سعد كاتم الضحكة وغيير شافت فييه هز شي ملفات باش ييين لييها بلي مامسوقش... ولكن من داااخلو شووق الأرض والسماء لعينيها ووجها وهضرتها وأي شبر منها لييه شوق كبير...
سعد:(حط الملفات من يديه ودار شاف فييها وقال بجمود مصطنع) كي بغييتيني نتعامل معاك!! كييفااش بغيتييني نهضر معاك!! قووليلي حييت أنا حرت والله تا حرت اش ندير معاك... غبرتي تا غبرتي وفااش جييتي جييتي بتسونامي ديالك...
ريمان:بوووم تفرگعتي... زييد اش مخبي!!
سعد:خااصنا نحطو النقط على الحروف... مااعرفتش شنو وقع لييك ماعرفتش لااش وليتي هاكا!! نهضر مع الجليد يدوب ونتي مامسوقااش!! طيلي خاصني نعيط 2 مرات عاد تجاوبي... نطلاقاو لاا مشغولة ...
ريمان:راني قلت لييك مشغولين مع العرس اوو
سعد:او توجاد او ليلى و و و و... مااعندك تا 5 دقايق ليييا تا 5 .. ماعندك تاا 5 دقاايق تعيطي ليا وتسولي كيفاش هي حالتي اش درت اش مادرتش... وجاياا دابا ديري فييها الخطيبة الغيورة... (قال بجدية وهو كيشوق ليها فعينيها الخوضر مباشرة) الحب ماشي غير غيرة... الحب مافيهش غيير الغيرة ا ريمان فييه بزااف دالحوايج من غير الغيرة
دورات ريمان وجهها وتنهدات بعمق دليل على أنها مالقات بااش تجاوب... عندو الحق فأي كلمة قالها منين مالقا تا جواب منها كمل كلامو بهدوء او بالاحرى تظاهر بالهدوء لأنه كان كاايغلي من داخل
ريمان:(بقات ساكتة بضع دقائق كاتفكر كيفاش غفلات على لحيتو الزعرة لي طوالت وولات عشوائية زادتو رجولة وهيبة كيفاش مالحظاتش أنه ولا شوية فصحتو وصحاح ماشي كيف ماكان أخر مرة طلاقاو... الراحة النفسية مهمة بزاف.. هادشي فاش كانت كتفكر وهي سااهية فييه وقالت بلا ماتشعر) توحشتك
هاد الكلمة كانت كفيييلة باااش تخمض العافية لي كانت فقلب سعد... كلمة وحدة منها قادرة تبدل الفصول الاربعة بالنسبة ليه... قادرة تبدل من الحار 🔥 للبرد❄ ومن الخريف 🍁 الربيع .... كلمة وحدة قادرة تبدل ليه نفسيتو... ولكن باغي يرد ليها الصرف وقال على عكس قلبو لي عامر شوق
سعد:(بدون اي اهتمام)يتوحشك الخير
وحل لابطوب ديالو كاايخربق فيه وهو كايسااين القنببلة الفتاكة...
ريمان:(بقات حالة فمها وصط ذهولها وقالت وهي كضرب فمها براحة يديها)ءءءءء !! أناا تهانيييت!! هاااك افمي هااك افمي هاااك افمي... اييييه نستاااهل... نستاااااهل لي وقعلي.. ياا... يااااا ياااااااا(بغاات تعايرو وترااجعات)استغفر الله العلي العظيييم... انااا لي جاايا نقوولك زعما يلاه نتغدااو ونمشيو جنب البحر ونفااجأك ةطونقوولك جيب باباك وأجي خطبني غدا ماكين لااش نبقاو هاكا معلقيين وماحناا مزوجين ماحنا مطلقيين على ماايقاظو لييك وراقييك... ايييه نستاااهل ضربييني يا يدي
سعد:(كايشوف فيها وكاتم الضحكة شي لي خلاا الغمزات لي بخبيين ورا اللحية يبانو نوعا ما وقال بحال ايلا 2 كلامات لي سمع من لي قالت) امتى نجيو!؟
ريمان:تجييك فالراااس 😒 مع الستة ديال اللعشية وكتر الشكلاط
سعد:اييه تشرطي .. نتي لي جات معااك (وقف لبس فيستو هز سوارتو وهو كايهضر) يلاه الالة قابل عراضتك ديال الغدا
ريمان:باااز بااااز والله تا باااز... زيد قداامي انت لي غاتخلص
سعد:(خارجين من المكتب كايتغاننو ولكن غير بلعاني عاارف بلي هو لي غايخلص ولكن كاايبغي يتغانن معاها) نتي عارضة علييا الووغ نتي تخلصي
ريمان:(دايزة من حدا السكرتيرة كاتشوف فيها مصغرة عنيها) تا تجري على هاد خيتي عااد نخلص
سعد:(وقال كيستفزها)احم صافي أنا نخلص
شافت فييه بغيض طفوولي وضرباتو بساكها للكتافو وهو كيضحك ... وهو خارج عجبها طريقة تعامولو مع الموظفين فالشركة ... كاايضحك معاهم وهي تابعاه من لوور كاتبتاسم فااش كاايضحك و كاتخنزر فيه فااش كاايكون كايهضر مع شي واحد ويغمزها...
مشاو للمطعم جنب البحر رااقي جدا ... طلبو بلا ديال الحووت سعد فرح بزااااف بهاد الخرجة وحس بلي ولا قريب تاني من ريمان وبلي تاهي ولات كترجع شوية لطبيعتها لي عررفها بيها اهم حاجة لسانها السليط وهادشي زااد فرحو ... تا ريمان ماكنتش قل منو فرحانة هضرو على الخطوبة المفاجأة وعرضات عليه فكرة العرس المشترك حيت واخا تبغي دير العرس مور ليلى... هاد الاخيرة غاتكون فشهر العسل وغادي يتعضر عليها تحضر... وهوما غديين جنب البحر حفيانين كايكلو الزريعة البيضة...
سعد:أصلا يوماين ايلا طولو ويتقاادو الورااق
ريمان:بحماس) حلللف بالله!! يااااي غانديرو عرس مشترك... ليلى مسكيينة غاتفررررح بزااااااف... هي هاديك بلا ماانضيعو بزااف ديال الفلووس ومنها نعرضو على الناس مرة وحدة... فعاوط مايكلو 2 مرات ياكلو غا مرة
سعد:(بتسم على هضرتها العفوية) هبييلة وطولااانطية مع راسك... الشلاهبية
ريمان:(كلات حبة دالزريعة ورمات عليه القشور) ماكينش شي شلااهبي قدك... شكوون بحااالك غاتزوج بملكة جمال العالم لي هي بكل توااااضع أنااا
سعد:اييه نتي هي أمينة گولشن😑
ريمان:(عقدت حواجبها)شكون هاد گولشن!!
سعد:شي وحدة كتشبه لييك... غير هي الأصل ونتي تقليد هههه
قال كليماتو الأخيرة وطلق رجليه للريح
ريمان:ءءءءء!!! أنا تهنيت مرة أخرى فنفس اليوم!! إنه يوم سيء سيء للغاية 😤 وقاااااااف وقااااف الحقيييير وقااااف ا قلييل التراابي وقااااف المنحرف المتعجرف(ترجمة 2M 😂 سيدة مابقاتش كاتقدر تسب حرام 🙊)
وصل سعد ريمان لباب دار دليلى ... بقاو ساكتين كولها كايفكر فكيفاش الوقت داز عليهم تا ظلام الحال... كيفاش ماحسووش بالوقت وهوما مع بعضهم... تمنت ريمان لسعد ليلة سعيدة ولكن ماخرجاتش... تا هي بشر وأي واحد فيينا كايبغي يسمع كلمة "كنبغيك "من الشخص لي كايبغي وتا هي باغا تسمعها 🙊
سعد:تهلاي فراسك وسلمي عليهم ..
ريمان:مبلغ
سعد:وسلمي على كريم
ريمان:مبلغ
سعد:(حس بيها وتاهو ماسخاش بيها) وسلمي على خالتي مديحة وعمي أحمد
ريمان:مبلغ
سعد:وعلى مامات ليلى
ريمان:(بملل) مبلغ
سعد:وعلى
ريمان:(بنفرزة) صااافي بلااش گاااع😤 تصبح على خيير
سعد:ههه وانتي من أهلي ❤ كنبغييك الهبيلة
ريمان:(حماارت بالخجل وقالت بسرعة)تانا
وخرجات من الطوموبيل مشات للدار وقلبها كيضرب ماعقلاتش اخر مرة سمعات منو هاد الكلمة لي كادوب جليد كيانها وقلبها مهما تجمد... كلمة وحدة كاتقدر دوبو...
دخلات ريمان للدار لقاتهم مجمعيين مديحة ومريا وليلى... سلمات عليهم ليلى كانت كاتساينها على أحر من الجمر غيير شافتها وقت وقالت
مشاو البنات للبيت كاايتهاودو... عاودات ريمان لليلى گااع اش طرا فهاد نهار وكيفاش كانت فرحاانة مع سعد... ليلى فرحت ليها حييت رجعت علاقتها مع سعد مزيانة... وگلسو يختارو فالتيليفون على القفاطن لي غايدومونديو باش يلبسوهوم غدا...
أصبحنا وأصبح الملك لله رب العالمين
يوم 🌝 جدييد طلق أشعة شمسو الذهبية على وجه سعد... فاق على صوت المنبه لي كسر الدنيا كلها... دوش وتوضى وصلا صلاتو هبط لقا محمد وجد ليه فطورو... فطر وخرج باش يطلاقا أحمد... هاد الأخير داه للمنظمة باش يعرف أكثر باباه اش كايدير... وصلو لبننظمة وهوما كيدويو فالخطبة ديال اليوم... دخلو للوحدة ديالهم كانو دراري تماك حسين غيير شافو وقف مصدوم تا سعد كايقول فباالو فاايت لي شفت هاد القمقووم ولكن فيين ماانعرف" أما حسين عمرو مااينسى وجه هاداك اليهودي لي جا مدمر وحاولو ماا أمكن بااش يخرجوه من قوقعتو...
سعد:ولد خالة مرات محمد ههه محمد الكديدييب إذن انت عامل سري... بلااااتي(تفكر 💭 الاتصال لي جاه فاش كان فالاسرائيل على حسين المغاري النغريبي لي مات وهو كايحاول يهرب سلاح) انت هو العامل السري لي كنتي مهرب السلاح وحصلتي
حسين:هو أنا بشحمه ولحمه... ومنها نييت نشكررك على لي درتي معااياا ...
مد ليه يديه سلم عليه وعنقو عناق رجوولي وطبطب على ظهرو علامة شكر وامتنان
ماهر:(حال عينيه وصط دهشتو وقال) أنا زي الأطرش في زفة 🙊
گلسو يهدرو شوية وتعارفو على بعضهم عجبو سعد.ظاكشي لي كايديرو وأيد باباه بااش يستمر وايلا بغاو شي مساعدة طبعا ماغاديش يردها فوجههم... بعد ساعة تقريبا ناضو أحمد برفقة سعد خرجو من المنظمة ... مشاو لمول وحيت ناعرفينش اش كايشريو نهار الخطوبة بداو غيير يديرو فالشاريو ها الشكلاط ودانونات وسقاايط.. فتاالي هز واحد الشبكة عامرة بينوسات وشكلاط مزوقة بالورد حمر عجباتو وداها تاهي... المهم شاريو عمر... مشاو تاني للفرع الملابس الؤجالية وشراو الحوايج لي غايلبسو... سعد طقم فالگري مغلوق وأحمد فالأسود... قيصوه وخرجو كايشوفو فبعضهم وكاايبتاسموو... جااو جاتلمانيين على الآخر... ومشاو للعند الحلاق قاد سعد لحيتو وشعرو تا أحمد ولا شباب... وطبعا خاتم رااقي جدا وغاالي بألماسة تساوي مليون دولار...
هي هاديك وصلات ستة ديال العشية.. كراو طوموبيل طوييلة ليموزين فالأبيض... كراها أحمد بااش يفاجأ سعد... ركبو وتاجهو للدار ديال ريمان...
هاد الأخيرة لي كانت مكااالمية على الآخر وهي كاتوجد... گالسة قبالة المرايا وكادير اللمسات الأخيرة... وليلى موراها
ليلى:ريمان متوترة؟؟
ريمان:لا 😌
ليلى:خايفة داهشة؟؟
ريمان:هااير جانم
ليلى:الله يا رب الله ناااس مصااحبين مع بناادم وانا مصااحبة مع القطب الشماالي... نتي عندك العرق ديال الإحاسيس مبوووشي... وااش كااينة شي ينت مااكدهش ماكتوتر نهار خطوبتها!!! لااا خااصني نباالي بيييك وندييك لأقرب فقييه بااش يفووسخ حناااك
ريمان:بفووو 😑 خلييني نعييش راحتي برااحتي... التوتر كاايشد الشاهية وكاايدير الارهاق والم في المعدة وانا ماقااظة على هادشي
شوية جاو ماماتهم بزوج... عطاو الصينية للريمان وتقدمت هي اللولة بيننما تبعاتها ليلى... مع الدخلة شاف فيها سعد شفات دوبو كيانها الجليدي ... حطات الصنية وسلمات علييه وعلى باباه وگلست فااطرف ديال الفراش حدا كريم... بيننا ليلى گلسات حداها...
بقاو يهضرو وريمان وسعد كايتبادلو نظرات العشق والهيام... تا قال أحمد دخوولا في الموضووع
أحمد:احم حنا جينا طالبين راغبين فيد بنتكم المصونة(هنا شاف فيها وتفكر مشاكستها فاش كانت فالمنظمة وكتم الضحكة وكمل كلامو) احم المصونة ريمان لولدي سعد على سنة الله ورسوله
ريمان:(قالت وهي كتظاهر بلي تفاجآت)اااه خااصني نحشم!؟ صاافي واخا نعاودو من لول... احم(حنات راسها) لي درتوها نتوما أنا قابلة عليها ... صاافي هاكا مزيان ههه
نفاجر الجمييع بالضحك على ريمان وهضرتها طبعاا ماتفجأووش لأنها هاكا داايرة بالعكس حمدو لله لي رجعات ريمان المشاغبة ولي كادخل الفرحة لقلوبهم ... طلبو منها باش تگلس حدا سعد باش يركبو الخواتم... سعد مااحيدش عينييه من على ريمان هااد الآخيير لي بدات هاد المرة بجدية تحشم حييت وصلات للجد ههه حانيا راسها ومرة مرةة كاتهزو تشوف كوولشي كايشوف فيها وتولي تحنيه... جبد الخاتم الألماسي من علب حمراء ... وقال بهمس
سعد:جيتي زوينة خاصك غا عقل
ريمان:تاانتا بعااقلك خااصك غا زين 😂
سعد:ههههههه هبييلة.. احم(كاتيشوف ليها فعينييهاا مبااشرة وهو شاد الهاتم بين يديه وقال بصوت غير مسموع نوعا ما)هاد نهار أحسن نهار بالنسبة ليا .. تقبلي تعيشي معايا حيااتك كوولها تا للموت
ريمان:(قالت بصوت مرتفع باش تسمع لي كانو حاضرين) ولكن بشرط
بداو يضحكو بزوج وتفكرو نهاار فالجزيرة فاش هربات لييه ومشات للدار ولقاتو قبالتها وقالت هاد الهضرة فقط من باب المزاح ودااابا قالووها بجدية تااامة... سعد هو قدر ريمان وهاد الأخيرة هي مكتاب سعد...
ركبو الخواتم وصط زغاريت والفرح بداو يتسالمو وحطو العشى تعشاو فجو مرح عائلي... وهاكا تافقو على العرس لي غايكون مزدوج بين ليلى وعمار وريمان وسعد...
خرجات الحالة المدنية ديال سعد وأحمد فرحو بزااف وشااركو الخبر مع عائلة ريمان فرحو لييهم... مشا سعد للإسرائيل بااع گااع الورت لي خلا ليه عمير بإسمو وتبرع بييه للفلسطينيين بنا ديور للشحال من عائلة وجمعيات للحقوق الطفل مااخدا تا سنتييم من دوك الفلوس ...
أما ريمان وليلى ماااكينش شي وصفة ديال الوجه والجسم ماجربوهااش ولاو كي شلاايض ... مابقا والو لنهار العرس والتوتر لي فليلى بدات تركبو فريمان تااهي ... ماكينعسووش يالليل كاايباتو يهضرو على دييك ليلة لا ماشي العرس لي موور العرس ههه اييه هاديك يا سافلات 😋 وزااادت وتراتهم كتر وكتر....
جا النهار الموعوود يوم العرس ديال أبطالنا ... فااقو ليلى وريمان صبح بكري أول مادااارو صلاو الفجر ودعاو الله يسخر ليهم فهاد للية... ليلى كانت مخلوووعة بلا قياس عكس ريمان لي مهدأة فووق عادتها.
وصل الليل كانت القاعة لي كرااو الكبييرة مزينة بالأضواء والورد بكل انواعو وألوانو... و سيارات المدعويين تكتسي المساحة لي حدا القاعة بداات كتعمر من كل الطبقات الاجتماعية الطبقة ديال سعد المخملية وطبقو ديال ريمان الشعبية كوولهم تجمعو للغرض واحد هو فرح سعدوش بريموش... أما لدااخل عاالم ثاااني الورد الأبيض فكل مكان على الأرض... ومزين بطريقة رااقية
جااو العرسان اللولين ليلى وعمار فسيارة ليموزين بيضة هبطو بالصلاة والسلام على النبي دخلو للقاعة وگلسو فالكراسة ديالهم... بعد للحظات جااو أبطاال قصتنا سعد لي كان فأبهى حلتو والفرحة غاتخرج لييه من ودنييه وعلييه كاينطابق المثل ديال "كن سعيدا تكن أجمل" باان زويين بزاااف بالطقم الرسمي لي لابس فالاسود... وخرجات ريمان موراه لي ماكتقلش علييه أتاقة بققطان ملكي فالأبيض والحجاب لي زايدها جمال على جمالها شبك يديه مع يديهاا ودخلو للقاعة گلسة قبلايسهم لي كانو قبالت ليلى وعمار...
داااز العرس بأحلى مايكون رقصو أبطالنا وطلعو للعمارية كانت تظرات الحب ماالية الأجوااء ... سعد فرحاان وهو كاايشووف البنت لي عشق ولات ديالو بووحدوو وريمان تااهي فرحاانة وهي ماتشووف فعيوون البنات لي غايكلووها بالغيرة والحسد...
طلاقا أحمد بجاكوب لي ماقدرش ماايحضرش عرس حفيدو واخا عرف بلي وقع... تسالمو وتصافاو القلووب..
وصلو للغرقة لي فلوطييل قبل مايحل سعد الباب هز ريمان على غفلة ... كانت لابسة المسوة البيضة.. هزها بحال الريشة على ضراعو العرااض... ودفع الباب وشعل الضو بمرفقو... فإذا بالمكاان عااامر ورد حمر وشمع فكل مكان ... بقا هازها وماشي بييها تا وصلو لبيت نعااس دفع الباب ودخلو كاان البيت مفرش بالورد على الاخر وفالجاجة كاين نفاخات(بالونات) على شكل I❤U
والشمع فالارض المهم الجو رومانسي... حط ريمان لي كانت مدهووشة من هادشي لي شاافت كااتأكد من الجانب الرومانسي لي دييجا كنشفاتو فيه... تا فيقها من تفكيرها باب لي تسد... وهنا عرفات الجو بدا يسخن ههه بلعت رييقها منين حسات بيه قرب ليها تقدمات للقدام بزربة وقالت
سعد:ماعدك فيين تهربي ياكا هههه هاني غانمشي للدوش لي فالبيت لاخر خودي راحتك... اه حقا توضااي باش نصليو 2 ركعات
غمزها ومشا... حيدات الكسوة دخلت دوشات وتوضات خرجات لابسة بينوارها وكاتنشف شعرها مارداتش بالها لعينين سعد عليها لي كان وراها ولكن سرعاان مااحيدهم بااش مايمشيش لييه الوضو ههه وخرج باالحس وسد الباب موراه بلا ماتحس بشي حاجة... مشات لي فاليز يداات تبقشش عل اش تلبس وهي تشووف غوب دونوي فااحمر وتفكرت اش كاايعاينها كمشات وجهها وولات خشاتو فالفاليز ولبسات كسوة طويلة ديال الصلا... عيطات على سعد جا بداو يصلييو سلاو 2 ركعات دار سعد عند ريمان وحط يديه على راسها وبدا يقول بصوت مسموع...
سعد:اللهم اجعلها زوجتي الوحيدة في الدنيا وحور عيني في الاخرة ..اللهم ادخلها في حياتي مدخل صدق..اللهم سخرني لاسعدها واحبها .اللهم اجعل ريقي عليها عسلا وريحي عليهاعطرا..اللهم ازررع محبتي في قلبها واجعلها قرة عين لي واحفضها لي من كل سوءوشر يا رب
ريمان غير كنشووف فييه بحب شحاال هي محظوووظة بهاد الصهيووني -المسلم لي مااكينش بحاالو ...
سعد:احم.. نوضو نعسو ياكا (وغمزها )
ريمان:(بارتباك)اه ءءء ... احم واخا خليني لبس عافاك حييت لابسة غير كسوة على لحم
ضحك بمكر وناض خرج من البيت.. ناضت ريمان بتتاقل هزات غوب دونوي طلقات شعرها لي باقي فازك على رااحتو ودارت عكر فالحمر... ووقفات قبالت المرايا كاتشووف قراسها وتفكر فشنو يقدر يوقع فهاد لييلة... تا دخل عليها سعد لي عيا مايتسنى لقاها واقفة جااها من لوور وقرب لييها بشوية... شافتو فانعكاس المرايا وتسمرت فبلاصتهاا بدات طلع النفي وتهبطو بسرعة... شبك يديه ليمينة بيديها ليمنية وقرب لودنها وهمس بالصوت لي كاايدوب ريمان ويخلي قلبها يرفرف
سعد:حيااتي... نبض قلبي .. روح رووحي انتي الحياة و أنا على قيدك أنتي
حيد شعرها بنيفو وطبع قببلة خفيفة على عنقها شي لي خلا ريمان تهز بالقشعريرة لي سرات ليها على جسمها كامل... دورها عندو وهي حانية راسها هزو لييها بصبعو بااش تقااابل عيوونهم .. كاانو قرااب من بعدهم للدرجة يقدرو يسمعو صوت أنفاس بعضهم لي كاتزاد وتيرتهم كل ماا قلصو المسافة لي بينهم... تاا تلاقات شفايفهم بشوق كبيير.. قبلة كاتعبر على مدى فرحهم بهاد الليلة...
طلع سعد يديه وحل حمالات ريمان بيديه وهي مستسلمة لييه علااه مااشي هو المتمرس في القبل خاااصتها 😉
دوزو شهر العسل وسط البحر فجزر الملديف فأوطيل تحت البحر بعااد على البشرية والمشاكل غيير هووما والحوت والبحر والسسمااا... زادو بغااو بعضهم كتر وكتر وكل نهار كاايزيدو يتمسكو ببعض.. وطبعا مامساوش شقاوة ريموش ولسانها السلييط
هاادي ماااشي النهااية... لأنه لكل نهاية بدااية وأحيانا كنغفلو على البدايات لي كاتكون وسط النهايات...
وإن كانت ريمان فازت بحب حياتها حنا حلمنا نفوزو بالقدس ❤
ماهادي إيلا قصة من نسج الخيال قصة فييها بزااف دالمعااني والمشاعر والأحاسيس ... كتبتها بسبب حلم حلمي بالسلام يعم العالم عامة والقدس خاصة ...وماتنسااوش فأي قصة قريتيها خود لي يصلاحلك وخلي الباقي 😉
أحبني صهيوني الجزء 14 والأخير
محتوى القصة
التنقل بين الأجزاء