أحبني صهيوني الجزء الثاني

ريمان:كبور الحزاق شلهوووب المنافيييق الشلاهبي

حسين:اووووف منين كااطفااااي منيييين.. ديري غابوووز على مانوصلو لبنان راكي قهرتيني😫

ركبو فالجيب وشدو الطريق للحمص... ريمان بكترت العيا والارهااق ماحساتش براسها تانعسات... تقريبا شي 6سوايع دالطريق عااد وصلو للمدينة حُمُّص لي ماكانتش حسن من المدن لي قبل منهاا... كولها رماد بحال شي اعصار داز عليهاا... حسين عياا فيق ريمان تسوگ وهو رجع لبلاصتها ينعس... ضرباات 3دسوايع ديال الطريق عاد وصلات للحدود اللبنانية... لقاو تما هيليكوپتير كاتسناهم باش يمشيو لطرابلس نقلو الأسلحة وقلعو... ساعة كانو فمطار رفيق الحريري ببيروت العاصمة... 

مشاو لوطيل اول حاجة دارتها ريمان مشات للمطعم ديال لوطيل كلات أما حسين طلع لبيتو نعس سيربلاس...

تاريمان سلات ماكلتها ومشات دوشات بااش ترخي ذاتهاا وترتااح من العياا ونعسات بالپينوار...

تاا دارت 12دليل عاد فاق حسين دوش وشا يفيق ريمان... يدق يدق على ريمان لي ماراهااش هناا مافاقت تاا فاقو گااع الناس لي كانو فداك الطابق.. 

صلات صلاتها لي كاتسالها ولبسات سورڨيط فالغوج مع نايكة تا هي غوج.. وداارت شعرها كوط شوڨال وهبطات عند حسين لي لقاتو طلب الماكلة وگالس كاياكل... 

حسين:خاصك غا الكاسكيط والنواضر ونغنيو عليك بغيتها تجيني بالسورڨيط وفوق شعرها كاسكيط ماالك داايرة كي عزري الدوار ديما الكيطمات نمووت ونشوفك لابسة كسيوة بحال لبنات

ريمان:😒ييااا حقييير منين ولاو الرجال يلبسو الكسااوي قلت نترجل أنا😋

حسين:عزري الدوااار خاصك غا للحية هههه

ريمان:شلاهبي خشي فوجهك وهنيناا😒😑كوون كانت فيكم الفايدة كون راني لابسة كسوة بحال البنات وماتلقانيش هنا كون راني مخشيا فشي كلوب ولا فالمول كانشري الماكياج😶

حسين:سكتي ونتي دايرة بحال بوشعيب النجار😂

ريمان:(كتحلون بحال ادومة)بناات سكوبيداات توتة توتة أدومة بنووتة😑هاكا بغيتيني ندير😒

حسين:ماتعيبيش عليه ماشي لخاطرو.. هو تخلاق هككاك كيكونو الجنات غير متساوية غير المجتمع لا يرحم

ريمان:عندك الحق تانا بقا فيا منين شفتو فواحد الڤيديو سميتو رشاد سمية زوينة 😅كاايقتلني غير بلي لونتي كايجي سووو كيوت ههه

حسين:هههه يااااع قالت ليك كيوت كوولي وسكتي ماعرفتش شنو غاديري منين تمشي لإسرائيل غير الله يستر مع الله يحفظ فمك غايفرشنا

ريمان:والله ايلا دااكشي فاش كانفكر كي نديير نسكت😧رااه موووصيييبة مع هاد الفم لي عندي اناا مبرية منو

حسين:عارفة راسك بعداا😒 تفف

بقااو هاكاك ياكلو ويضحكو سلاو وعيطو لأحمد 

ريمان:الشاااف تواحشتك 😁

أحمد:يااا رب السلامة زبلتوووهاا قولو شنو كاين حااس بلي درتوهاا قد راسكم😶

ريمان:الله ينعل لي توحشك آشاف😒

حسين:ههه دازت المهمة لحد الآن مزيان الحمد لله السلاح معاناا 

أحمد:اووف الحمد لله... الخطة ديالك آحسين غاتشد الطريق للفليسطين ولكن من بعد ماترتاح شي يوماين... غاتقولي كيفااش دوز من الحدود غانقولك بلي غادوز من البحر وكيما قلنا غاتمشي بوحدك يعني المهمة ساهلة 

ريمان:هي أنت لي كنت متقلة المهمة😐

أحمد:ريمان المسگي بدا..غاتشدي الطيارة لتال أبيب باش تبداي المهمة لي خاصك ديري.. ولكن كاتبانيلي عيانة من صوتك رتاحي شي يوماين عاد بداي كااتبانوولي عيانين بجوج بيكم.. من الأحسن ترتاحو باش تركزو كتر

ريمان:نركزو😂 احم احم وي شاف لي داز علينا ماشي ساهل😶ونيت بحراا نحفظ البلايص

أحمد:الله يوفقكم حضيو راسكم بالسلامة

قطعو على احمد طيلفون حسين نتابه لريمان ساهية 

حسين:(صفق بسبعانو)هيهوو فيين مشيتي

ريمان:كانفكر فداكشي لي وقع لبارح فسوريا خاصة فهادشي لي واقع فالعالم العربي عامة ...إسرائل دخلت وصط منا بحال السوسة😔

حسين:عندك الحق ماخلات ماداارت ولكن الحق على الخونة ديال فليسطين أما كون خرجوهم شحال هادي😶

ريمان:عرفو كيفاش يلعبووها ضربو عصفرين بحجر واحد داو فليسطين وباش يلاهيو العرب تافقو مع إيران وخرجو لينا دعيش.. دارو بحال داك القالب ديال الشفار كاايضربلك الكتف باش يلهيك... ويدوز ليك لجيب يهزليك بزطامك

حسين:كيفاش إيران؟شنو غاتربح إيران

ريمان:هدف إيران هي القضاء على السنيين حيت دولة شيعية... وهاكا إيسرائل وأمريكا منتافعة منها العرب ملاهية مع داعش ومنها كايقتلو بعضيياتهم وزيد عليها لادغوگ الحشيش وزيد وزيد

حسين:اممم دابا عاد فهمت لاش إيران مافيهاش دعيش قول هوما رأس المدبر

ريمان:توتوتو ثلاثة دالريوس إيران وأمريكا... وإيسرائل كوون فيدي شي مبيد الحشرات كبييير كون رشيتو على مهوم بثلاثة وندير مادار عمي هيتلير الله يرحمو عليها قالك"قتلت نصف اليهود وتركت لكم النصف الآخر كي تعلمو لماذا كنت أقتلهم" مااكنتش عايشة فداك الوقت أما كون قتلت النص لاخر😠

حسين:ههه صرااحة عندو الحق عرفناا دابا لاش كان كايقتلهوم لمهم نخليك قبل ماتصدقي قاتلاني ...بون نويي

ريمان:تلاااح

حسين طلع لبيتو بعدما سلاو الهضرة توضا وصلا صلاتو وهضر مع البنت لي كايبغي ثرية.. وعائلتو ورجع نعس... أما ريمان خرجت للجردة وعيطات لعائلتها من imo وبقات مجمعة هي ومديحة تاا دارت 12فالمغرب 2فلبنان.. وطلعات لبيتهاا ماجاهااش نعاس وعيطات لليلى

ريمان:افين الويلة لباس عليك

ليلى:لباس ونتي؟

ريمان:ماالك مغوبشة ياك لباس؟ 

ليلى:مشيتي للتركيا ونتي تقلبي تقوولي وصلتي للمرييخ تواضعي وسيفطي غا ميساج كاتقيلو دورو ونتي وصحاباتك تا وقت ميساج مامسالياش تكتبيه😦

ريمان:(عيات ماتصبر شووف شنو داز عليها وتا واحد ماحاس بيهاا غوتات) صاااافي آليلى برااااااااكاااااا مااعاارفاا وااالو سكتييي

ليلى:(تصدمات حيت قلييل فاش كاتشوف ريمان فهاد الحالة معصبة تا كاتوصلها للعظم) 😳😳 

طفات طيلي وهي حاسة بللي غاتنفاجر... واخاا هي ضحوكية وكاتصبر وكتخبي فقلبها ولكن كاتبقى انسان عندها قلب تاهي كاتعياا ماشي روبو... وزيد عليها داكشي لي عاشت من مالي مرورا من سوريا والانفجرات ماكانش ساهل نهاائيا عليها شعلات التلفازة وزادت كملات لي بقالها لقات الأخبار... عدد القتلى بالانفجرات سوريا ليلة البارحة 36 قتيلا وحوالي 60جريح... شهقات شهقة وحدة منين سمعات هاد الهضرة وطفات تلفازة هبطو دمووعها بلا هواها

ريمان:(كتلهت وكتغوت) ... الله يااااخد فيييكم الحق الجبناء علاش كاضربو وتهربو على الاقل وريو وجووهكم وتواجهو الله يااااااخد فييكم الحق... شماااايت😠😡

الحقد والغل والكره تجاه إسرائيل كيزيد يكبر فقلبهاا حيت شافت وعاشت داكشي لي كيعيشو خوتنا السوريين وگاع بلدات العربية... وتزادت تفكرات دوك لبنات لي لقات كون ماشافتهومش كون تيتمو بحال بزااف ديال الأطفال... أو كون لقاو الجثث ديالهم جنب البحر وهومااا كايحاولو يهربو ويبنيو حياة جديدة. 

ريمان:(عينيها ولاو حومر وعامرين دموع) غاانديير مااافجهدي باااش نرد على الأقل الاعتباار لهااد النااس واخا على حساب حياتي😖(بالغواات) واااخاااا نعررررف نمووووووت

ضربات كااس ديال الزاج مع الحيط شخشخاتوو.. وايلا بقات هاكا غاتهرس ديك الشوبر كاملة وحيت ماكايناش لاصال دخلات للدوش عمرات البانيو بالما بارد وتخشات بحوايجها... تخشات كوولهاا تا راسهااا وبقات شوية تحت الما تا حسات بالنفس غايتقطع ليها هزات راسها كتلهت

🔛🔛🔛🔛🔛🔛

🌷أصبحنا وأصبح الملك لله العالمين

فاقت ريمان بعد إلحاااح كبييير من الرٍّيڨاي لي كانت دايراها مع 8.. لقات راسها ناعسا بالپينوار بعدما حيدات حوايجها لي فزگات... فاقت بتثاقل للدوش دوشات ولبسات عابيتهاا صلات صلاتهاا... هبطت لقات محسين يلاه داخل كان كيجري

ريمان:كوون غيير فيقتيني نجري معاك الحلوف

حسين:ياالعلگة فيقت لوطييل كووولو ونتي مافقتيش مااعرفتش كيكااديرييلهااا اريماان اناا فنتة ايلا طلحت نفيق

ريمان:عيين الحسوود فيها عود😤سير دوش دغيا واجي نفطرو فييا الجوووووع

حسين:تف 😒ماكتشبعي لا نعاس لا ماكلة

طلع حسين دوش وصلا صلاتو... ريمان طلبات للفطور ديال جوج دالناس وگلسلت كاتاكوول تا خلط عليها حسين... كلااو فنفس الجوو المعتااد قوولها وضحك عليهاا سلاو 

ريمان:نمشيو نعوومو آساااط 

حسين:تبتي لأرض واااش حناا جايين ندوزو شهر العسل هناا رااه عااندناا مهمة😒

ريمان:مااالك معقد راه الشاف قالنااا رتاحوو 😋 نمشي نضربهااا بعووماا ونتااا بقاا هنااا طرطااق 😎

نااضت من الطبلة خلات حسين كايتخصص... طلعات لبسات مايو ديال العومان فالكحل والابيض... ولبسات فوقو شوميزة طويلة وهبطاات للاپيسين... لقات حسين سبقهاا مجبد على الكورسي كايتشمش

ريمان:نتاا هناا ياا آالشلااهبي وفاارعلي مخخي قباايلا...( كتعوج كماراها) جايين ندوزو شهر العسل... يااع على مناافق 

حسين:(داير النضاضر وعاطي وجهو للسماا ومرخي) سكتيينااا ادييك الثرثاارة صدعتيني ماكتشوفينييش بااغي ن ر ت ا ح منك تفف على علگة كي داايرة تفااارقي علييااا شوية هااعار الله طبختيلي مخي منين كتبدااي ماكتقداايش ياا رب سلامة جلاااخة

ريمان:ههههه باانلي بليييتك بالهضرة ماالاحظتيييش بللي هاادي اطول جملة قلتي منين عرفتك هاهاهاها بلييتك وليتي ثرثااار بحااالي 👿

حسين:ريمااااااان بعدي مننني رااني غانوووض ليك😡

ريمان:رااني غاااكنقجم معاااك وسع قشابتك اصااحبي...انا مشيت نعووم بلا مانوصيييك جمع الباروود ديالك 😉ماتشوهنااش... 

ناضت حيدات الشوميزة بقات بالماايو ذااتها منحووووتة كوولشي فبلاصتو الصدر واقف لاطاي مقاادة وكرشهاا باين شوية لي زابدو(العضلات) بحكم هي رياضية خلااات گاااع لي تمااا البنات قبل الدرااري يلاحظو وجوودهااا... تااجهاات حدا لابيسين طبعا تحت أنظار الكل نقزاات بحاال شي حوووتة وصط لابيسيت لي كان خاوي شوية... بنادم بااغي غيير لبرونزاج... 

لابيسين كبييير كاتعوم من الرااس ديالو تاارجلين... كاان واحد من الناااس لي حاظيينهاا شووفاتوو مااشي اعجاب بحال الشباب لوخري ولا حسد بحال لبنات... شوفااتو كوولهم شهوة حط عليها تا خرجات من لابيسين وقف عليهاا 

-(كيطلع ويهبط فييهاا بكل شهوانية) اهلييين وسهلييين كيييفك ؟؟

ريمان:(خنزرات فيه وسكتات كاتساينو يقول شنو بغا)

-(توتر من شوفاتها لي كاانو كوولهم ثقة بالنفس) احم ايزا مااعندك مانع نتغدا سوا

ريمان:(مزاالة مخنزرة من تحت سنانها) إيزا ماعندك ماانع تسمحلي فووت

-(شدلهاا فيديها)شو بييك زعلاني رووئي شوااي رااح اعطيك 1000دولار لليلة بس 

ريمان:(غمضات عينيها بعصبية)إ تْ رُ ك إيدي

-خلاص فهمتك... خلييهاا1500دولار

شافت فييه وهي كتسووط من نييفهاا والدخاان خاارج ليها من ودنهاا... شدااتوو من اليد لي شادة فيهاا ومع هو رقيق وخفيف دفعاتو جاابتو مشقلب وصط لابيسين وكملات على طريقهاا خلات كوولشي مصدوم وحااال فمو... ماتسوقاات لتاا واحد

ريمان:هاادي هي الرجلة مخليه كاايضسر علييا وانت هناا كاضحك مااعندكش الوجه لاااش تحشم تفوو😤

حسين:ههههه صرااحة كنت غانوض نحاامي عليه مسكين ...خفت غااتفوتي فيه شي دقة تيبسيه فبلاصتو😂

ريمان:(هزات فوطة كاتنشف شعرها الطويل) تااقيت فيه الله أمااا كوون سيّلت دموو الكيداار لاخووور... أجي شحال هي 1500دوولار بالدرهم؟

حسين:15000 درهم هي مليون ونص ريال

ريمان:ولد الهم دابا اناا ساوية مليون ونص الله ينعل طوااسلوو

حسين:كوون عاشرك والله لا عطات تاا جووج دريال 😂يوولي يطلب مننك اللطييف

ريمان:تفف الله يغرق لبوك وبوه الشقف لمكبووت لاخوور... ماعرفتش علاش فيكم هاد القاعيدة ديال نگاان واموشكيل كتجمعو كوولشي

حسين:سمعي آختي ريمان انا راجل وعارف رجاال شنو باغيين... شخصياا ايلا شفت شي بنت عريانا عيني كيدسرو وكيوليو كوولهم شهوة

ريمان:تاا نتا مكبوت😒

حسين:ماشي هاككاك آريمان دابا غير قوليلي بنت عرياانة حدااايا صدرهاا مدلي والمؤخرة مشدودة وكوولشي كايبان ماالني يوسف عليه السلام اناا غير بشر عاادي ضرووري ماكتحرك فييا شي حااجة وديك الحاجة هي الشهوة فهمتي آكليخووو...على عكس منين نشووف بنت ساترة راسهاا ماكنشوف تا لجيهتهاا حيت اصلا ماا عندي مانشوف

ريمان:قنعتيني شييييت😤نووض نمشي نعس حسنلي مااكين غاا لي يطلعلك الدم فهاد العالم خلاها زيرو الله ينعل بو العالام😎

حسين:ههه سيري بحاالك قبل ماتنوضينا الحرب العالمية ثالثة كنشووف شي ريووگ هابطين😁

ريمان:تف تف كاانكره الراجل لي مايتحكمش فراسوو تف... شووف نتااا حني عينييك والله ونحصلك كتشوف فشي واحدة تا توصل لختي ثرية سخوووونة😁

حسين:لاااا ايلا ثرية نقججججك هااديك حلااالي ان شاء الله... ثرية الأصل والباقي مزور 😂

ريمان:الله يخليكم لبعضكم يا رب ويجمعكم

حسين:أمييين... شتي منين كتأدبي شحال كتولي مزييونة 

ريمان: هااني غانحس بكغي عاااود ويعجبني الحااااال ونتبجق ليك هنااا😆😆

حسين:ههههه سيري بحااالك آبو شعاايب خليني نتكوسونطراا😌 منين شتك مااشت الرااحة

ضرباتو بالفوطة وطلعاات لبيتهاا دوشاات وهي كتفكر فهضرة حسين... لقات بلي عندو الحق كون گاع لبنات ساترات راسهاا گااع مايكتروو عدد ضحايا الإغتصاب...

خرجاات من الدوش صلات وهزات طيليفونهاا عيطات لكريم

كريم:إييمتاا غاتجي😊!؟

ريمان:أولا وعليكم السلام ثانياا تجيك فالراااس البلييد😤مالناا على هااد الدخلة

كريم:سلام ختي ريمو لباس شخبارك بخير كولشي مزيان الحمد لله😁إمتى غاتجي؟؟

ريمان:ههه يلاه داازت 4أيام بغيتي دغياا نجي مزاال تاماشفت ليك الآيفون😉

كريم:الحقييرة عقت بيك كتجبديلي الآيفون بااش تسكتيني🤬

ريمان:خوياا ذكي بزااف😌😌فينهي ماما عيط ليهاا نقرقب معاها النّاب أماا نتاا عارفاك ماتدي خبار ماتجيبهاا كي ميت العاصر😏

كريم:يااااع ماكتعيااوش من الهضرة.... مااااامااااااا مديييييييييحة

مديحة:(ضرباتو لراسو) تقاادينااا اولد الهم مديحة حرفية... اراالي داك المشقوف دزتي على وجه ختك..... افيين ابنتي لباس عليك؟؟

ريمان:الحمد لله احبيبتي ونتووما بخيير أموركم هانياا؟؟

مديحة:خاصناا غير نتي آبنتي...ريمان بنتيلي رقاقبتي شوية يااكماا ماكيوكلوكومش مزيان تماا؟ يااك قلت ليك دي معاك المكلة من هناا... ريمان بنتي غاترجعيلي مگددة وديك سااعة غاتوحليلي فحلقي وتا واحد مايقبل عليك😔ويولييو يعيطوولي فالزنقة "أم البايرة"

ريمان:مدييحة تقوول كنتي فمنفى ويلاه طلقووك.. بشوية عليك ونتي دودودو دودودو... غيير الكاميرة مبيناني رقيقة شوية وصافي..

مديحة:خلعتيني سحابلي غا رقاقيتي... لبارح جات ليلى.. اش وقع بيناتكم كانت مقلقة بقا فيها حاال حيت غوتي عليهاا

ريمان:ماوقع والو لحظة غضب وصاافي...هي كايحسابهاا جييت نتجمم هناا😶😳

عااد فطناات براسهاا شنو قالت 

نديحة:كيفاااااااش😲

ريمان:زعماا راني مااشي غير جاياا نتساراا راكي عارفة احم ممم زعماا راني جييت مؤطرة خاصني نحضيهم ونضم ليهم سهرات وزيد وزيد

مديحة:(بتشكك) بنتي مامخبيا عليا والو... شششش سمعيني اناا عارفاااك وحاافضااك راكي بنتي و اناا لي مربياك ماغادياش تعصبي على ليلى على ود هاد الهضرة لي قلتي.... حااسة بيك ابنتي مخبية علييا شي حاجة قوليلي انا ماماك حااسة بيك مامرتحااش

ريمان:(بينها وبين راسها)اااااه اماما مكرااهتش نقوولك ونعااود ليك شنو وقعلي... ماكرتش نقوولك دوك المناظر ديال سوريا لي كانشوفهوم غير فالأخبار شتهوم مبااشرة... ماما اناا شت يوم القيامة العافية والناس كتحرق.. ماما اناا ماشياا للجحر الأناكونداا عرفتي شكون الأناكونداا!!.. لي كايطحن ويقتل بلا رحمة ماشية عند الموت آماما برجلي... ولكن الواجب دياالي اهم من حياتي القدس فعاتيقي ماتخافييش غاديا تفتاخري بييا ايلا مت وتقولي اااه هادييك بنتي لي رجعات القدس للأهلو) مامخبيا واااالو آمدووحتي... قوليلي فين وصل واحد ولد عمي؟؟

بغاات تلف ليها الهضرة وخاايفة مديحة ماتلفش وتبقى لاسقى ليها فالموضوع... وريمان عيات ما تكدب عليهاا

مديحة:اااه ماقلتش ليييك ولد عمك مااحملهااااش قاالك نوووون كلحل لعيوون وااش ندي هادييك ورشيدة قالت ليه هاا الرضى ها السخط ايلا مااديتيهااش

ريمان:سگع داك ولد عمي مسكين ماحييرتو للرشيدة ماحيرتو للصمعة والكرامة ديالو 😁

مديحة:ايييه بقا فيياا ولد الهم ولكن رشيدة لي بانلي فييها لعجب كيفاااش قببلات تزوجها لولدها 🤔🤔 لعجب هاداا... اماا ديك سليعفانة دبنتهاا لسقات ليهم فواحد لمجرتل ميكانيسياات قالتلهم منوو نخلااق رشيدة دايرالها بحااال لكوميسير فين مامشات تابعاها

ريمان:على عائلة عطااني الله شي باغي زواج شي هاارب منو😁ومالها ماتزوجهااش بييه ياك كتقيل تشكا منهاا؟

مديحة:هاااء بحال ايلا ماكتعرفيش ديك القنديشة ماترضااااش راجل بنتها ميكانيسيان

ريمان:ياكما كتسنى مهند يجي يتزوج بنتهاا😒

مديحة:خليينااا منهم دابا يضبرو راسهم مااشي سوقنا حناا 

ريمان:😏😏😏 فيين واحد بابا حبيبي توحشتو منين مشيت ماهضرناا انا وياه ياكما مقلق مني 

مديحة:(توتراات) احم لاا مم علاش غايتقلق مننك ممم راااه غيير مع الخدمة

ريمان:(صغرات عينيهااا حيت عرفاتهاا كتكدب) امممم اوكي يلا اماماتي حبيبتي نخليك دابا نعيط ليلى نتصالح معاها

مديحة:الله يرضي عليك احبيبتي الله يفرش بالرضى ويغطيك بالرضى

ريمان:آمييييين😘

قطعات عليها وهي الفضوول كاينهش خلاياا دمااغهاا

ريمان:واخا اماما داابااا نعرف اش مخبيين علييياااا... اماا دابااا مشغووووولة بزااااااف غانمشي نعس 😌😁

تخشاات ففراشهااا ونعسات ديك الساع!... حسين تشمش وطلع دوش صلا وهضر مع ثرية خاصته وضربهاا بنعسة... 

غربات الشمس على أبطاالناا معلنة على نهاية يوم آخر... فاق حسين هو لول لبس تيشورط گري مع سروال دجين كحل وسباظرين كحلة... طلع شعرو وخرج يفق ريمان

حسين:يااا رب سلااامة تقوول كانفيق اهل الكهف قالولي اصعب مهمة هي نهرب السلاح والله كوون جربو مهمة فياق ريمان تا يبدلو رأيهم😬

دق مجههد وتصدم منين سمع صوت ريمان

ريمان:مااالناا ياك لباااس سحاابلك سمااكييت...هااا كييفااش ناااس العاديين كاايدقو طوك طوك صااافي ماااشي زدااااف زدااااف كتساالي لكراا😡 اويلي هادا ماالو وااسد فمك النامووس والدبان كيدوور

حسين:😳اول مرة فالتاريييخ نلقاك فاايقة لعجب هاادااا خااصني ندخلووهاا فكتاب گينييز

ريمان:اييوا صاافي ماتزييدش فيييه... شتك مشيّك وريحة تقوول كاب عليك القرعة كوولهاا... فين غاادي 🤨🤨

حسين:ندورو شوية قنت فهاد لوطييل لبسي ويلاه معاايااا

ريماان:يوووووپيييييي اول مرة تقووول شي حاااجة زوييينة فحياتك الضائعة.... هبط للتحت نلبس وهاني معاك

حسين:اووف ماديريليش بحال ثرية كاتخليني نساين بالسوااايع😧ولبسي شي كسوة مابغيتش نمشي مع بوشعايب رااه طلعلي فالرااس

ريمان:سيير بحاااالك ساايني للتحت غاادياا نباااهرك غادياا نصدمك😁

هبط حسين... وريمان مشات كتبقش فحوايجهاا جبدات سروال دجين مقطع مع تيشرت بيض وسبردييلا بيضة.. خلات شعرها سامبل ودارت كاسكيطة كحلة فوقو وهزات معاها جاكيط ايلا تحرك البرد

وهبطات لقات حسين كايساينهاا حداا الطوموبيل لي كراا.. ركبات 

حسن:عزري الدواار كوون لبستي بحاال لبنات كوون تصدمت😏

ريمان:غيير ضد فييك ماالبسااش الكسوة😁 

حسين:حقيرة😤

ريمان: نسييتي مااضيييك المُخزي ولا نفكرك الحز...

قبل ماتكملهاا طلق حسين المزييكة على من جهدهاا وبقا يغني معااهاا (دييسباااسيطووو)وكيضحك علييهااا وهي كاتغواات (الحزااق) بالجهد باش يسمعهاا... 

مشاو للخليج زيتون اهم الامكنة ترفيهاا فبيروت... هاد المكان كايتوااجد وصط مرسى... فيه بزاااف دياال اليخووت(يَخْت) وفيه كورنيش غادي على جنب البحر وصط اليخوت... بواحد المنظر رااائع ومع الغروب الشمس جاا واااعر.. ريمان بقاات غيير حاالة فمهااا عجبهاا الجو بزاااف... هبطاات من طوموبيل شاافت فالبحر خدااات نفس عميييق وغمضاات عينيهاا... كترولاكسااا هبط حسين وبقاو غاديين فداك الكورنيش

ريمان:بيسيييكلييييييطاااات😍 عاافاااك احسين يلااه نكريو وحدة

حسين:بيسيكليطات😶زييدي قدااامي الجااهلة ونتي داايرة كي درااري صغااار لي شتيها تجربيهااا على مخلوووقة كي داايرة😒

ريمان:سد عليياااا فممك ماافياا لي يتنااگر معااك دابااا وانت دااير كي بااسيدي لي قلتهااا تنگر عليهاا تفف😤

حسين:دابا اناا لي ولييت كنگر 😳..(مشات وخلاتوو كاايهضر بوحدو.).. تسنااااي دابا انا لي ولات فيا لهضرة ... وقفي... نوري حنّااااك وقفي... 

بداا كاايجري علييهاا تا وصلو حدا بيسيكليطات هه... كراو جووج وركبو بقاو غاديين مرة كاايتسابقو مرة كاايمشيو بشوية.. وفاش كاايشوفو شي منظر كايقفو ياخدو تصاور تذكارية... 

طااح الظلام. جاهم جووع مشاو للمطعم كايطل على لبحر طلبو شنو ياكلو وبدااي يحنجروو سلاو طلبو ايسكريم 

ريمان:اممم شحااال لديييد هااد الايسكريم...اووووف عرفتي توحشت نرسم 😓

حسين:ايوا رسمي شكوون شاادك هاااء 

ريمان:ازعيييترة فيين غانرسم مااعندييش أدواات الرسم... 

حسين:غداا نمشيو لواحد لمكتبة فوسط المدينة غاا... 

مزال ماكملش هضرتوو تاا قاطعاتو ريماان

ريماان:يااااااع مكتبة شحاااال رااك قديييم آصاااحبي وااش بااقي شي حد كاايمشي للمكتبة فهااد لوقت😏ممل

حسين:رااني قلت ليك نتي جااااهلة...المكتبة عمرهااا مااتقدام وهو المكان الوحيد لي غايبقى ديما حي

ريمان:باارااكة من الفلسفة الخااوية ديالك اووف فالصبح الحجااب ودابا المكتبة😑 طلعتيلي فراااسي 

حسين:النقاااش معااك حراااام... نتي خااصك غاا لمااكلة ونعاااس لاا. دور لكي في الحياة

ريمان:(بتفاخر)ماافخبااركش الروييجل بللي انااا لي حاااگرني غااديا نحرر ليكم القدس😃

حسين:(باحتقار)فخبااارك بللي بدااك الفم غاتجيبييلنا خلا داار بوووناااا...وااماكتسكتييييش اصااحبي غاالفم لي فييك

ريمان:(صغرات عينيهااا)كااتحداااني😎 

حسين:آه كاانتحدااك توريني عليااش قاادة

ريمان:نوووض ..

حسين:فيين

ريمان:نوري واالدييك علايااش قاادة ايوا نوووض نمشيو لأقرب بوكسين ونتفاااشو

حسين:(عارفهاا حمقة ايلا مشا تا دا علييها غايجيبها غير فراسو وعاارفهاا تاهي قاصحة)سييري بعدي مني مااكنضربش لعيلات

ريمان:قووول استسلمتي الشلاهبي😁

حسين:اناا ماااشي شلااااهبي آبووووشعااايب النجااار

ريمان:الشلاهبي الحزاق 

خلاهاا كاتنگر ونااض مشا بحالووو 

ريمان:اجييييييي شكووون غايخلص والله تاا نمشي بحااالي( جاات تابعااه وهو يشدها الگارسون كضرب برجليهااا فالارض)... راااه هوووو لي غايخلص ماااشي اناااا...حسييييييييين وقف المرض... الخرااااا... تفوووووووو حسييييين مااااهازاااش معاااياا لفلووووس الحيماااري تف وقااااااف.... واطلق مني اصاحبي مامعي فلوووس شووفو هوي هرب مو انا وحدي لي اكلت 

حسين مااشي وكاايتفرشاخ علييهااا بالضحك وهي مزااالة كاااتغوت وتفركل... وقف ورجع لجيهتهااا لقا الجوووقة مجمووعة على ريمان خلص الڭارسون عااد طلقو منها... 

حسن:هههههه هاااهي غاااتفرگع عنداااك تفرگعي عنداااك عندااااك أووووووو بووووووووم

ريمان:(كتنهش والفوار خاارجين ليهاا من ودنيهاا)ليوووووم نقتلك ياا حطب جهنم ليوووم نهنّي البشرية من حزاااااقك شهّههد على رووووووحك

حسين:رييماااان كااان يسحاابني عندك لفلووس سااعة طلعتي حااازقة كتاار مني خخخخخ😂

ريمان:(تحت سنانها) حسيييييييين غااانقتلك ...وقااااااف وقااااااف ياااا عوووراااج وقفف يااا حًـنطويييـل

هرب كاايتفرشخ علييهاار بالضحك وهي تاابعاااه... تا سمع صوت ديال طيليفونو لاسيلكي... وقف يجااوب نقزات علييه ريمان من للوور

حسين:رسااااي الشااف كاايعيط وا رساااي.... اووووف ريمااااااان

ريمان:هااااااك يااا صووپييييص باااش تعاااود تلعب عليياااا.... (كضرب فييه بالبوكس ورككل)

أحمد:الوووو الوووووو واااااااااا ااااالللوووووو 

ريمان:(هبطاات من علييه وهي مبلقاا عينيهااا)😳ويلي حااااي الشاااف جاااا... (كدور رااسهاا)الشااااف الشااف فيينك😲

حسين:خخخخخخخخخ ياااع على كلااااخ رااه فطيليفووون 

أحمد:غاااتسكتوولي القلب غاااطرطقوووولي المراارة ... واااش مزاالين كااتلعبووووو قاااشقاااااش😒 واااش لي لقيتيه كااتنبشي فيييييه ماابغيتش ماهر يمشي معااك غيير على هادشي لسقتي تاني فحسين... الله ياا رب الله غااااتحمقيييني

ريمان:احم الشاااف هو لي جبدني راا.... 

أحمد:سكتييي لمووووك عندي الحضااانة هناااااياااا... أستغفر الله العظيييم ...حسييين نتاا مووول لعقل زعمااا 

حسين:وااش لي يبقى مع هااد الثرثارة غايبقا ليه شي عقل😒(ضرباتو بركلة )ااااااييييي حقييييرة. 😠

أحمد:هدااااااو وااا رساااو رااكم شرفتوووني قبل الوقت

ريمان:لاا الشاااف واخاااا كبرتي رااك مزااال عاااطي للعييين.😄

احمد:اااححححح كووون كنتي حدااايااا كوون عطييت لباباااك لعييين... تلفتووني علاش عيت ليكم الله يفكرناا فالشهاادة... كتلفو بنادم على القبلة...حسين الحدود الفيليسطينية مزيرينهاا هاد الأيام عطت ليك باش نقولك غاتسنا فلبنان تا تهدن الأمور

حسين:اوكي شااف

أحمد:ريهام بدااا الجد غدااا ماتخرجي مادخلي... حفضي الأمااكم مزياان ديال اسرائيل... وراجعي العبرية ...وأخيييراااا ديييري عقل وسدي دلقووومك أُعييييد سدددييي د ل ق و م ك

ريمان:اووكي شارف احم الشاف

احمد:حرز علييك رااكي بعيييدا امااا كوووون طيرت لييك دااك اللساان لي عندك اريهام...واالو العقل ماتكسبيهش

ريمان:نموووت ونعرف لااش كتعيط لياا ريهام😤

حسين داار سبعو السبابة على فمو بيمعنى سكتي.. 

ريمان:ريهام وريمااان فرق كبييير علااش كاتخلطهم زع... 

قطع احمد وبدات تاني ريمان كاتنگر

ريمان:الشيباااني بغيت لييك مااشي غا دووود أناا بغييتلك كووبراااا فدااك الطحشة شنوو فيهااا ايلا جااوبتينيي اووف😤

حسين:(كيشوووف فيهااا مصدووم)😳مااايقد عليييك غاا لي خلقك... الشااف كانت عندو بنت سميتها ريهام كانت جينيرال ماتت على يد واحد شوموور كايگريسي

ريمان:مسكييينة الله يرحمهااا مااكنش عاارفة تفوووو علييياااااااا اناا حقييييرة ماكنسوااش😟

مشاا وخلاهاا كتمتم مورااه كيماا عادتها... رجعو بحالهم لوطيل كان منتصف الليل ماابقاليه ايلا دقائق معدودة... حطو طوموبيل فالباغكينگ فلاكاب ديال لوطيل هبطو من طموبيل وهووما باغيين يطلعوو فالدروج تا وقفو عليهم 4 ديال رجال... 

ريمان:تاا فلبنان كااين لگريساج 

حسين:اشمن گريسااج... شووفي شكوون لهييه

ريمان:خخخخخ هادااك لي لحتو فپسسين الصبح.. جااء ليأخذ ثأره خخخخ.😄(ينتاقم) 

حسين:اناا نشد ليمن نتي شدي ليسر

ريمان:مالناا غانسلخو عجل😒اجي فيين ليمن وفين ليسر واحق ربي تاا كاايتغالطو لياا.😧

حسين:واااش وقتووو داباا اريمان😒😒😒

حيد حسين ساعتو ودارها فالجيب دالسروال... ريمان قلبات الكاسكيط لور .. وبداات المعركة... كل جوج تحماو على واحد... جااو جوج عند ريمان وجوج عند حسين... بغا واحد يضرب ريمان ببوكس للوجها خواات لييه وضرباتو بالمرفق ديالها لجنبو... والتاني مزاال جااي كايتكسول عطااتو ضربة وحدة للمكان الحساس طااح على ركابيه فالارض كايتوجع... والأول بغاا يجمعهاا بنص نقزااات وعطاتو بركلة للخدو تا سال الدم من فمو.. نمشيو للحسين لي مزاال كاايداابز معاهم ضربة فييا ضربة فيك ولكن كاانت اليد الغاالبة للحسين...

هز رجليييه على طوول واحد فيهم عطااه للفك ديالو تهرسو ليه 2سنات..عاود عطاه لكرشو جا طايح على طرمتو.. وتااني حرزو مع الحيط وبقاا يضرب فييه بلي بووكس تا حس بيه قرب يسخف وحس بيدييه كااضرو عااد طلق منو ...ضار لقا ريمان شانقاا على هادااك لي ضسر عليهاا...كضرب فييه بالسقل 

حسين:طلقي مننو مااكتشوفييهش غاادي يبوول على سراولو خخخخ

ريمان:يييخخخخخ شماااتة لاخووور...سيييفط رجاالو وهو بقااا يتفرج من بعيد

خلاوهم مجبديين تماا وطلو للووطيل بحاال ايلا مااوقع وااالو... حسين لي تضرب جيهت فموو ضربة خفيفة ...مسحها بكلينيكس فسانسور

حسين:(كايمسح الدم)الخرجة كاانت زوييينة

ريمان:وااااييه خصوووصا بيسيييكليطاااات شي حاااجة وااعرة😁

دخو دوشو وصلاو صلاتهم... حسين هز پيسيه وعيط لحبيبتو... 

ريمان هزات تيلييفونهاا تعيط لليلى حيت مزاالة شاكة بلي مديحة مخبيياا عليها شي حاجة على حساب خالد... 

ليلى:بردتي المجنووونة؟ 

ريمان:غاتسدي عليياا فمك ولا نن.. 

ليلى:صاافي هنيينااا... سمحيلي داك نهاار غيير كنت موحشاااك بزاااف والقنط وقلت مايداار طلعلي الخزز للراس😧

ريمان:تانا توحشتك ساافري تاا نتي سيري عند العائلة

ليلى:اشمن عائلة بحاال ايلا نتي ماعرفااش.😏لمهم ماعلينااا عندك شي جديد

ريمان:وللو غيير لوطيل والغوات وجري من هناا جري من هيه... ليلى نسولك 

ليلى:وي سولي 

ريمان:بابا لباس عليه؟؟ 

ليلى:(توترااات وبقات تهرب عينيهاا من على ريمان) احم احم لبااس علييه شنو غايكوون ماالو زعمااا.. راكي خليتيه صحة سلام

ريمان:(بجدية)لييييييلى واااقيييلا 20 عاام واناا كاانعرررفك مااغاتجييش ديرييهاا بييا داباا

ليلى:هه هه ريمااان كيفااش نديرها بيك ههه كوون كانت شي حااجة كوون قاالتها ليك خالتي مديحة

ريمان:لييلى كاانتسنااك تقوليلي شنوو واقع لبابا ماتعصبيييش ديييلمي

ليلى:اووف ريماان غاتخصري صوورتي مع خالتي مديحة... شوفي هووما خبااو علييك بااش ماتشطنييش ونتي بعيدااا 

ريمان:ليييلى ختااااسري مااكتشووفينييش گاالسة على الجمر

ليلى:(بلعات ريقهااا حييت خباار بحال هااداا صعييب يتقال) عمو خالد فالسبيطاار

ريماان:كييفاااااش😳😳؟ علااااش شنوو وقع؟؟ 

ليلى:شي سكاايرية كانوو داايزين من حدا، الحنووت ديال عمو خالد... بغااو يشفرووه مللي وقف ليهم وبغا يحاامي على رزقو خشااو فيه موووص

ريمان:(شهقااات بحاال شي ميت رجع ليه الرووح حسات بقلبهااا تزييير علييهاا ليلى كتعااود وريمان مرفوووعا للسماا) قطعي آ ليلى

ريمان:ريمان ختي راه ولا صاا... 

ريمان:ليييييييلى قطططططططططعيييييي

مااعودااتش معااهاا لهضرة قطعاات... نااضت ريمااان كااتنهش وكااتقلب فيييين تبرد اعصاابهااا.... لقاات غيير الحيييط ضربااتو بقبضة يديهااا.. وطااحت على ركابيهااا... حساات بماء داافي هابط ليها على خدودها... تفكراات كريم فاش قالهاا "كنحسو بيك راجل ديال الدار منين كاتكوني معاناا...حناا محتاجيينك"

ريمان:كييفاااااش مااحسيييت بواااالو كيفااااااش مااحسييييتش ببابا مسكييين... هووو كاايموووت وااناااا گااالسة كاانعووم هناايااا... تفووووو علااااش تاااا لداابااا عاد وقع ليه هاادشي اوووووف ماانستحملش توقع ليه شي حاجة ...ماانسمااامحش راااسي😢

حسات بقلبها غايتفرگع وحلقهاا فييه غسة محبوسة... لو غوتااات لاتسمعاات صدى غواتهاا تاا للمغرب... 

حسات بالذنب لهادشي لي وقع لباباها واخا ماعندها تا شي داخل... لكن كون كانت معاه وفجنبو فهاد المحنة غترتاح على الأقل

تكاات على الحيط ودمووع حارييين هابطييت على خدودهاا... تاا سمعات طيلي لاسيلكي كايصوني مشات بتثاقل لجيهتو وجاوبات

ماهر:ريمان لباس عليك؟ 

ريمان:(صوتها مبحبح)لباس 

ماهر:كاتبكي؟ 

ريمان:لاا غيير جاني الملل قلت نسيق وجهي😒اش بغيتي تاا نتاا😤

ماهر:احم ريمان كانعتاذرو على داكشي لي وقع لباباك... اناا يلاه سقت لخبار حيت مراتي ولدات وكن... 

ريمان:(قاطعاتو) كييفااااش.😳بلاااااتي بلااااتي.... الشااااف فخبااارو.

ماهر:سمعيني الشاف خبا علييك غير بااش مايخلعكش

ريمان:(وقفااات كاتشير بيديهاا بعصبية)كييفااااااش مااايخلعنيييش واااش كااتفلا علييياااا بابا كااان غااايمووووت وكااتقوولي ماايخلعنييييش شاااارف فكر غييير فراااسو كييف دييماااا😡.... فكر غييير فالمهمة ولي بغاا يمووت يموووت... على الاقل كاااان يعلمني

ماهر:ايلا فكرتي رااه عندوو الحق كان عل.. 

ريمان:(قاطعاتو وهي كاتنهج) واااانااااا نفهم علاااش ماسيفتووليش الفلووووس كتسيفطوهووم غيير حسين... خفتووني نرجع ايلا سمعت لخباااار... الله ينعل نهاااااار لي دخلت فييييه لهاااد الخراااا كاااامل تفففففوووووو ...انااا جاامعة شطااايطي دابا نيييت واخاا نعرف نرجع على رجلي😡

ماهر:ريمااان تهدني عافاااك.... بابااك ولا لباااس فكري فالفلسطينيين لي كاايموووتو فيين بميئاات ديال النااس... فكري فالقدس العربية.... ليووم عتاقلو 200 واحد وقتلو 40 واحد... ريمااان كانعرفك كاتفكري بعقلك قبل من قلبك شنو وقع ليك دابااا

ريمان:(تنهدااااات كأنهااا كاتحااول طفي العافية لي شااعلا فقلبها)اووووووف استغفر الله ...استغغغفر الله كااتخرجووو بناادم على طووعوو... كااان علييكم تعلموووني رااه باااباااا كوون وقعاات لييه شي حاااجة ولا ماااات والله تااكنت غااانحرق المنظمة بللي فييهااا😬

ماهر:ههه عااارفك ديرييها وتفوووتيهاا لهيييه... يااك ٱبنت الحراام وتيتمي لييااا بنتي مسكسينة... دوي ياالكاافرة بالله هادا كولو شر فييك...ومااقلتيلي تاا مبرووك ياالمحسووسة😬

ريمان:طززز خلييتوولي شي عقل لانتاا لا لادااك الشاارف(مسحات على وجهاا بعصبية)...مبرووك اسيدي تكبر فعزكم ان شاء الله...

ماهر:امين عقبى ليك

ريمان:💦💦 تف تف الله يستر مااقدني مشااكيلكم بقااولي غاا درااري... شنوو سميييتو لكتكووتة؟؟

ماااهر:غاااتخراااي بالضحك ايلا قلت لييك سميناها ريمان☺

ريمان:وااااش من نيتك داااوي؟ 

ماهر:تصوري نفس الجواب لي قلت لمرتي نهاار قالتلي غانسميوها ريمان😂😂واخاا دخلنااهاا للحالة المدنية مزال مادخلات لمخي😒تفوو ماالقات غاسميتك يخ يخ

ريمان:لييك الشرف آبوووقاااال تسمي بنتك باسمي😏

ماهر:غيير قوليلي فيين هو هاد "الشَّرف" غيير نتصور معاه😁 لمهم اشنيولة باباك فأمان ماتخاافي من واالو اناا غانتكلف بكوولشي بحال ايلا نتي معاهم

ريمان:شكراا ابوقال الله يحفظك صدقتي رجووولة حسن من دااك الشايب😒

ماهر:هههه يلاه نخليك راه مشا لحاال وعاد عندي مناوبة هاد لييلة اوووف

ريمان:اشمن مناوبة؟؟ 

ماهر:منااوبة علييك آلالة كي شتي مابقاا عدناا شغال من غيرك... عنداك يخطفوك عنداك تهربي عنداك وعنداك😏وفجأة أصبحتي شيءٌ مهم كتر من ماتش المغرب مع الكاميرون😂

ريمان:تف تف تف برهووش كييف داااير😒 يلاه تلاااح وحضي مزيااان لا يختااطفوووني الشااف يقتلك ويتعشى بيك😂

ماهر:تبا لكي كم انتي حقيرة😒 بااي

قطعات مع ماهر ولكن عقلها كولو مع عائلتهاا بغات تعيط ليهم ...لكن الوقت كان فاات... وغيير غاتخلعهم فداك نصاص الليل... ناضت دخلات للدوش حيدات حوايجهاا... ودخلات تحت الرشاشة والماا بارد مطلوق عليها... على مولانا يطفي الجمرة لي شاعلة ليها فقلبها... تكات على الحيط بيديها بجووج... 

ريمان:كانوااعدكم بللي غانرجع قريب ونعوضك على گااااع هااد الغياب... غاادي نرجع ضروووري خاااصني نرجع سليييمة على ودكم

دوزات يديها على شعرها الفازك حيداتو من على وجهها... ولات طلقات لما سخوون وتخشات وسط البانيو... حطات راسها ورخاات داتها مزياااان... كتحيد عليهاا العيا النفسي... وكتصفي دهنها من الافكار السلبية... لي كترااودهاا 

بقات فالبانيو مايقارب 30 دقيقة عااد ناضت لبسات بينوارها... ومشات تخشات وصط فراشها... هككاك ونعسات ديك الساع💤

🌷اصبحنا بمشيئة الرحمن 

فاقت ريمان بكري مع 5بعد إلحااح من ريڤاي... لبسات سوغڤيط كحلة مع سبرديلة اديداس بيضة...دارت شعرها كعكة مخربقة ...وليكيت فودنيها وخرجات تجري... مشات على جنب لبحر... نسماتو الهوائية بااردة كضرب ليها فوجههاا... ككاتستنشق داك الهواء النقي بقوة... بحال ايلا كتحااول تخرج دخان و رمااد العافية لي كانت الليلة الماضية شاعلة ليها فقلبها... كاتحااول تجدد هوااء لي فريتهاا بهواء نقي... تقريبا مرت ساعة ونصف رجعات للأوطيل... كوولها عرقاانة وشعرها ساارد... 

سولات الاستقبال واش حسين فاق.. علموها بلي ماهبطش من بيتو.. 

دخلات نيشاان للدوووش... دوشات بماء سخووون بااش ترتااح... توضات وصلات صلاتهااا... بقات بعبااية الصلاة حيت رتاحت فيهاا... وحيت كاين الصهد لبسات للتحت غير دوپييس بااش تهواا... حيدات لفولار نشفات شعرها بشيشوار وجمعاتو شفنجة مستفة ماخلات تازغبة هابطة..

مشات للشومبر ديال حسين... كدق دقااان ديال صحااب لحاال... فاق مسكين مخلوووع حل عليها لباب ... وهو حال عين وساد عين...

ريمان:اي هاي هاي قاالك فنتة كااتفيقوو هيييروشييماااا وماتفييدش معاااك😒

حسين:(حبلو الصوتية مزالين مخربقين خرج صوتو مبحبح ووكيقاد شعرو الاسود المخربق) احم وااش كااينة شي هيرووشيماا قدك😤 جااياا بعجااجتك الله يحضر السلامة

ريمان:نوووض وااااش جاييين ندوزوو شهر العسل... تابعااناا مهمة آبووراااس

حسين:كتردي الصرف😶 هبطي شوية ونجي

ريمان:اوووهوووو نيييت هبلتي يالمسوس.. باااش ترجع تنعس اوهو اوهو رجلي برجلك تگعد

حسين:اوووكي😏(نااض شدها من المرفق كيجرهاا) نووووضي يلاه دوشي معاياا... نوووضي تگعدي آ رجلي برجلك

ريمان:طلق مننني ههه صااافي أسحب كلاااامي صااافي طلللق 

حسين:(ضربهاا لراسها بسبعو)كنقوولك فكري عاااد دوي هههه مسطية هبطي طلبينا لفطور أني هابط

ريمان:اووووكي صديقي مااتعطلش... بصحة

حسين:بلاااتي وقفي نشوووف😳 شييي حاااااجة مااشي هي هاديييك(كيحك فراسو ومطلع حاجب ومهبط حاجب وداير ابتسامة على جنب) 

ريمان:(عرفاتو شنو بغاا يقصد شاافت فالسقف ورجعات شاافت فيه)تف تف تف 💦💦 ماتندمنيييش غييير جااني صهد...اوووف 😤

حسين:دااباا نقدر نعيط علييك ريمان وضميري مرتاح😊

ريمان:الله يعطيييك الغراااق😣

دخل حسين يدوش... ريمان هبطت طلبات للفطور للجوج دالناس.. 2كيب كيك و2كافي كغيم وايسكريم ..

هبط حسين وگلسو كايكلو

حسين:اشتقت إلى خبز أمي وقهوة أمي وبغرير أمي😢

ريمان:وبطبوطة أمي واتاي أمي... اودي حكيتيلي على الجرحة اووف توحشت الزيت مع الفرماج فوق منو الزعيترة واتاي سخوووون بليقامة (النعناع) احححح يااا ليت الزيت يعوود يوماا😩

حسين:ههه قتلووني غييير بكاب كيك هنااياا... كرشي ولات غير شكلاط... اجي شنو غااديري ليوم؟؟ شنو بان ليك نمشيو للمتحف

ريمان:مااسمعتيش شنو قال احمد لبارح.. واش بغيتيه يجي ينحرني.. خااصني نمشي نرااجع حيت غدااا غااديا نقلع لبني صهيون... خااصني نوجد مزيااااان

حسين:يحسن عوااانك اناا مزااال عندي واحد سيمانة عطلة😁 

ريمان:اوووف منننك حترم مشااعيري الحيماااري😤

حسين:يلاه نووووضي بدااي من داابا شنو كاتسنااي... اناا غانمشي للمكتبة نجيب شي كتوبة نتلاها فيهم

داكشي لي كان طلعات ريمان لبيتهاا... وحسين شد طريق للمتحف روبرت لي هو عبارة عن متحف قديم مع مكتبة... 

نرجعو للريمان لي هزات الپيسي بوغطابل ديالها ودارت مابس إسرائيل-تال ابيب... بداات دخل وتخرج من الطرقان والدروبة... كتقراا اسم مدينة وتعلق عليها ههه خطيرة هاد لبنت😂😂

ريمان:"دجينزوف"هادي ندوزوها "بوحرشوف" لواه بوخرشوووف ياااع على اسمااء كتشد الشهية .... "هتعروخا" دابااا هاادي كييندير نطقهاا.😑 ولي صعيييب كي ندير نشكلها😒 "فرشمان"باطماان سوبيرمان خخخخخ هرب ليهم الفريخ هااد الناس😂"كرليباخ"ريباااخاااا ريباااخاااا والغلا والو😂

بقات هككاك كاتقراا اسم وتعلق علييه... حسات الملل ورجليها حيت گالسة گلست لفقيه تنملات ليها... نعسات على لفرااش كتمدد طرافهاا... وكتجبد ...تا داها نعاس على ديك الوضعية... 

نمشيو عند خالد وعائلتهاا... خالد ولا بخير جابوه للدار باش يرتاح مزيان... كريم ومديحة مقابلينو... حيت مزال مااناض من لفرااش... منين ضربو داك الشمكار بالموس طاح على الدروج لي كانو فباب المحل... طااح على ظهرو ... ديك الطيحة سببات ليه بشلل مؤقت على مستوى الرجلين ... طبعا خباو على ريمان هاد الخبر أما كون جاات قلبات عليهم ديك المدينة كولهااا ...وقتلات الشمكار لي كان يلاه ف14 العام من عمرو ....وحرقات كيماا قالت المنظمة... فقررو ماايخبروها بواالو... وماهر منين سمع الخبر... هو لي وقف معااهم قالهم بللي كان استاذ للريمان فالمعهد... وحتى ليلى كاتعاون مديحة فالطياب والتخمال... لمهم كوولها بااش عاون تا من احمد هو لي خلص تكاليف المستشفى.. 

كانت هاادي نبدة على حالة عائلة ريمان... نرجعو داباا للحسين لي كان فالمتحف... كاايشوف فالأثار التاريخية والكتب القدام... تاصونا ليه الهاتف اللاسيلكي

احمد:سلام حسين فينك؟

حسين:فمتحف يااك لبااس؟ 

احمد:هاادي ساعة وحناا كنحااولوو نتاصلو بريمان... ولا من مجيب ...على حد علمناا راها مزاالة فاللوطيل

حسين:وي خلييتهاا غاترااجع بلايص ديال اسرائيل..

احمد:ولدي حسيين رجع للوطيل لاتكون واقعا ليهاا شي حاجة

حسين:واخا آشااف

ركب فطوموبيل وتاجه للوطيل وهو خاايف لاتوقع لريمان شي حاجة... وفالوقت نفسو كااعي حييت كان مستمتع فالمتحف... 

وصل وبداا يدق ويعاود... وكاايعيط ليهاا ويحط ودنو على لباب بااش يسمع صوت الهاتف... ماكيسمع واالو... 

دار GPS, ديال تيليفونهاا كايخرج ليه الموقع حدااه بعيد عليه فقط ب20 ميتر... هبط للاستقبال طلب ليهم دوبل ديال لاكارط دالباب... طلع حللووو والخوف متمكن منو ... دخل لقا ظلام شعل الضو عااد تنفس الصعداء... 

رقاها ناعسة وحاالة فمهاا😴 ... وريوگها هابطين ورجل فجيه ويد فجييه... ناعسة بحال علامة × شادة لفراش كولو... 

تعصب حسين من داك المنظر ... 

حسين:تفوووو شي ناااعس مرتاااح شي يجري ويتخلع ويطرطقلووو شي عرق... ايييه ا ريمان تجبدي لييياااا مع راااسك ولي بغا يموت يموووت😒اووف هااد لبنت غااتقتلنااا... 

طفا عليها ضو بالزعاف ....وخرج وعيط لأحمد علمو بللي كاين... ومشا لشومبر معصب حيت خربو ليه الخرجة... تا هو هبط ريدويات وضربها بنعسة... 

غربات الشمس عاد فاقت ريمان كاااتكسول وتجبد وتفوه ... ناضت توضات صلات العاصر والمغرب... وهبطات كلات شي حاجة... 

ريمان:(كتكل وكاتخصص)تفووو على زهر شي مشاا يتساارااا شي يشرب عصير بارد على قلبو اووووف (اييه ماافخباركش اش درتي ياا شخيخيرة😒)

شوية حسين هابط مشا گلس معاها

ريمان:ايوا عاودلي كي دازت الخرجة؟ 

حسين:داازت كي الززززفت😤

ريمان:كنت عاارفة اصلا ماتقدرش تستمتع بلا بييااا😜

حسين:ينعلطواسلك نتي سباااااب خربتيلي الخرجة

ريمان:هاااااا الباااااطل الكحل... ااش درت انااا؟؟؟ اصلاا كنت ناااعسة فييين شتك😏

حسين:حيييت كنتي ناااعسة هااداا اكبر مشكل😒عياا الشااف ماايعيط ليك وهو يرجع تاصل بياا... وجييت من قلب الاستمتااع باااش نفيق الأنسة ريمان😤الله ياخد، فييك الحق سنطييحة مايغلبك حد فيها😒

ريمان:هوووف ولييت كانحس بالشاف مزير عليا الحراسة😒وااش مانعس ماانحزق ماااندخل للطواليييط وااابزاااف😤

حسين:خااايف علييك النعاااسة... 

ريمان:خاايف علييا ولا خايف مني لا نهرب ليه😒مااعالييناا خلييني نمشي نرااجع العبرية اوووف امتى يساالي هاادشي كوولو...ونرجع للحيااتي الطبيعية😩

حسين:سييري الله معاااك... ياا رب امتى يوصل غداا نتهناا غييير من خنشوووشك

ريمان:(خصرات وجها) يشوييييني فيييييييك ياا البوهااالي ..داااباااااا نمشي وتبقاا بوحدك فهااد لوطييل كي الغراااب😜

حسين:ههه لمهم ماتكووونيييش نتي معاايااا رااكي خرجتييلي أمخااااخ مخي... 

خرجاات لييه ريمان لسانهاا ... وطلعات كاتنگر... جبداتي تاني لپيسي وشي ديكسيونيرات ديال "كيف تتعلم العبرية في أسبوع"

ريمان:لبعااابع لواااه أسبوع يلااااه تعرف تنطق سميتك بالعبرية خخخخ الله يسمح ليكم وصااافي... اووف 

صونا عليهاا الهاتف لاسيلكي... كان احمد

أحمد:ريهام غداا ان شاء الله ديري دااكشي لي خااصك الديريه... ماتنساايش قبل ماااتمشي للمطاار

ريمان:والدياا دبحوولي على ريمان😒 اوكي شاااف

احمد: ريهام احححم ريماان... بنتي فهميني باباك بخير وخبيت عليك غير بااش ماتشطنيش... وأناا قمت بللي قدرني عليه الله

ريمان:احم مهم نسى آ شااف دااز داكشي... اناا غانركز على المهمة كييمااااااااا كتوصي 😒

أحمد:غيير كوووني هااانيااا لا أناا ولا ماهر قاايمين بالواجب... خااصك تكووني قد المسؤولية بااش ترجعي سليمة للعائلتك... داكشي لاش كانوصييك ونعاود... ريمان رااكي بحاال بنتي ريهام الله يرحمهااا... واخا كتشووفيني صعييب وصرييم... راني كنحسبكم عائلتي لي مااعنديش

ريمان:(اول مرة تسمع أحمد كايقول بحال هتد الهضرة من ديما كايون صريم وهضرتو غير على الخدمة)عاارفة آ شااف ... كنعتااذر مننك على اي كلمة نابية خرجات من فمي فوقت الغضب.. 

أحمد:ماوقع والو دابا... نخليك الله معاااك... الله يعاونك

ريمان:آمين

قطع وخلااهااا غارقاا فتفكييرهااا... المظاهير أكبر خدعة فالعالم... شحاال من واحد كاايبان ليينااا قاااصح من براا ولكم من داخلووو قلب بيض وماكينش أرطب منو... 

وكاين لي فموو رطب بالكلام الحلووو... ولكن قلبووو كحل... 

ريمان:اووووف بقااا فييا الشاف ... فهمتو غلط كان عليياا نعذروو... ولكن باااش كنت غاانعرف أنااا باش كايحس وهو ديما طالع ليه الدم... وبلي عندو بنت ميتة... زمممررر ...نركز حسن فهااد لبعاابع لي حداايااا😒

بقات ليل كوولو وهي كاترااجع العبرية... تاا جاها جوووع هبطات لكافيتريااا طلبات ماتاكل... سولات على حسين قالولها خرج... 

شدات طبلة وبدات تخشي فوجهاا ... وكتفكر فالمهمة ومرة مرة تهضر مع راسهاا كي شي حمقة

سلات طلعات لبيتها جبدات تيليفونها... وعيطات لمديحة بعد تردد

مديحة:(كضحك الضحكة الصفرة باش ماتحسسها بوالو) بنتي ريمااان فيين هااد لغبوور... يااك كوولشي بخيير؟؟ 

ريمان:(ااااه ا ماما هاد الوجع كوولو مخبياااه فعينيك بااش ماتشطنينيش)لباااس الحمد لله ونتووماا بخييير؟؟ 

مديحة:احم اه ٱبنتي خااصني غييير نتييااا... 

ريمان:تواااحشتكم بزاااف... فين بابا (قررات ماتقوولهااش بللي عارفة كولشي )وكريم بخير؟ 

مديحة:الحمد لله كوولشي بخييير غييير كوووني هاانييااااا

ريمان:(كي غانديير نكوون هاانيااا وانا بعييدة عليكم😟)اييواا يااا مدووحتي كااين شي جدييد؟؟ شتك هاد المرة ماجبتيلييش حس الزواج وداكشي😶

مديحة:لا لا مااكين لا جديد لا والو.. مزال ولد عمك مقاتل مع العنقريشة على ديك إيمان... ماتبدل واالو(سمعات خالد كاايعيط عليهااا)احم بنتي باباك كاايعيط نخليك داباا

ريمان:مامااا بلاااتي... أناا غاادياا نغبر شي يمااات.. حييت...ءءء حيييت غاااديا نمشييو لوااحد القرية ماافيهااش الريزو... يعني تاا نرجع إن شاء الله للمدينة ونعيط عليكم

مديحة:علاااش اصلا نتي فييين كاتعيطي ليينااا... مرة فيوووماين

ريمان:مديحة رااني قلت ليك عندي.. 

مديحة:(قاطعاتها)ولاااش داابااا كااتشااوري معااايااااا.... من دييمااا ونتي كدييري لي فرااااسك صااافي آلالة مااتبقااايش تاااصلي ضبري للراااسك... (قطعات عليها)

ريماان:ماماااا لاااا ماماااااا. (كتعيط ليهااا ووالو) جااااوبي أنااا محتاااجة للدعوااااتك مااامااااااا مااامشيااااش نتسااارااااا.... جاااوبي ااااه يااا رب

تفتح الخط ولكن ماكنتش مديحة

ريمان:الووو ماما سمعيي. (لقات كريم خيبات سيفتها حيت فقدات الأمل) فينهي ماما؟ 

كريم:شنوو واااقع ماما معصبة بزاااف... يااك لباااس اختي يااكماا واقعا ليك شي حااجة

ريمان:اوووووف قلت لييهاا غيير غاانغبر شي يماات حيت لبلاصة لي غانكشي ليهااا ماافيهااش ريزووو... كرييم ماااشي لخاااطري اخوويااا والله ماالخاطري😞

كريم:مااتدييش علييهااا اختي ماما... احم معصبة معاناا كوولنا هاد ليياام... من جييهة نتي بعييدا علييهاا وتاا إيلا بغات تدوي معاك مااكتقدرش الصولد غاالي للمكالمة ديال الخارج... عذرييهاا اختي دااابااا تعااود تدوي معاك

ريمان:مااتصورش شحاااال محتااجااا دعااوتهاا ا خووويااا... عيط لييهااا ضروووري خاااصني نهضر معااهاا

كريم:ختي لحبيبة غيير عطيهاا شوية دالوقت ... غاترجع تهضر معاك... هااكاا كانت كديير معاناا فاش كانقلقووهاا ..

ريمان:هووف ان شاء الله يكوون كيماا كتقووول... اجي نتاا بعداااا درتي عقققلك ياا لبرهوووش ولييتي تهضر بحااال ناااس لكبااار😏

كريم:اه اختي ريماان الضروووف كاتجيبهاا... اصلا اناا شدييت بلاااصتك وولييت رااجل الداااار😌

ريمان:😒 برهوووش عععمرررك مااغاتااخووود بلاااصتي غييير بلاااتي على يماااك تاا نجي ونوريييك كبرتي وليتي راااجل.... توحشتي الهرَّاااان😊

كريم:😤😤 توحششتك الحلوووفة... 

ريمان:تااتااا الحليلييف... يلاه تلااح خليني نعس صبح فايقة بكري😘

تواادعات مع كريم... مشات لبالكووون كاتفكر فمديحة وخالد وتاكريم... لي صدمهاا بهضرتو...

بان ليها كبر من سنو بزاف... راسهاا حرقها بكترت التفكير... دخلت شربات كيناا ديال راس... وتوضات صلات العشا... وتخشات ففراشهاا كاتحاول تنعس... ولكن صورة مديحة كااتجيها بين عينيها... زيد عليها كااتفكر فغداا لي كايساينها ...والمهمة لي ماعرفااش شنويقدر يوقع ليها... عيات تقلب ففراشها من جيهة لجيهة... بحاال ايلا نااعسة على الجمر... تاا استسلمات للنوم فالاخير 

🌷أصبحنا وأصبح الملك لله رب العالمين

فااقت ريمان فالصبح بكري ...توضات صلات صلاتهاا... هبطات تفطر لقات حسين گالس كاايفطر... سلاو فطورهم هاد المرة فجو هادئ... ماشي بحال ديماا.. وطلعات للشومبر... باش تستاعد وتوجد راسها... وبماا انها داخلة بهوية مزورة... خاصها تبدل تا الشكل ديالها... حيت ريمان زوينة ماغاتبانش عليها وحدة خدامة... خصها على الأقل تكون وحدة عادية... باش تبعد عليها گاع الشكووك... 

جبدات صاك فيه الحوايج التنكرية لي غاتحتاج... شعر مستعار كاايتفيكسا فالرااس كيبان حقيقي... ليللونتي فالأسود...والحوايج لي غاتولي تلبس كسيوات عاديين... دارت فون دوطان باش تبان بيضة بزاااف بحاال لونهم...باش تجي يهودية پيير... ولبسات كسوة صفرة... حد الركبة مع بوليرو فالقهوي وسباط پلا... ودارت الشعر المستعار لي كان فالحمر طويل حد الظهر... دارتو سفنجة 

مابانتتش وحدة فقيرة ولكن بانت وحدة عاادية وهادا هو المطلووب

جمعات حوايجها وهبطاات لقات حسين كاايسااينهاا بااش يوصلها للمطار... وصلات حداه شااف فيها ودور وجهو للجهة لوخرى... ماعقلش عليهاا

ريمااان:وااااااا لبگري اش مزااال كاتسنااا؟؟ 

حسين:😳 شكووون نتي؟ منيين كتعرفيني اختي؟؟ 

ريمان:معاك مولااات لبيصاارة شخصياًاا... الله يعطيك لعماااا😑... تحرك دابا يمشي علياا الحااال

حسين:خخخخخخخخخخ ريماان دابا ولليتي خدااامة ديال بصح...هربتييييني 😂 فيين زيين فييين لاطاااي فيين العينين خوووضر😂😂😂

ريمان:غاانمرمقك زيييد قداامي... غاايمشي عليياا الحاال الزمممر 😒

شدو الطريق للمطار الدولي...وصلو وجا الوقت بااش توادع مع حسين

ريمان:اووف وااا اخيييييراااا غانتهناا مننك ومن حزاااقك😌

حسين:كووون تشووووفي انااا ماكراااهتش نشطح شطحة ليزانديااان بالفرحة... غيير حشمت😌

ريمان:تفووو مااحملاااش نقوووولهااا😒ولكن غااانتوحشك😩 

حسين:تف تف تااناا وللفتك وولفت نگيييرك وهضرتك لي ماكتساليييش😒داباا معااامن غاانقاا نتنااگر انااا معااامن😬

ريمان:مع الحييط ياااك غيير لباارح كنتي كاادعي تهنااا من خنشوووشي... لمهم تلااااح 

حسين:(جبدهاا عندو وعنقهااا عنااق الأخوة) تهلااااي بزاااف فراااسك الخاااايبة... مزاال محتاااجك تشهدي فعرسي ههه

ريمان:ههه ان شاء الله تاانتاا تهلا فراااسك... كاانت فرصة سعيييدة انني خدمت معاااك هاد المدة(شدات فيديه وشافت فعينيه مباشرة)ليا الشرف انني خدمت مع حزاق احم بغيت نقول مع انسان بحالك واخاا المعيار ايلا انك وليتي عزيييز علييا بزاااف والله

حسين:هههه هادييك غيير المعززة... ريمان نتي انسانة عفوية وكدخلي للخاطر ذغيااا.. كاان لييا الشرف انني تعرفت علييك عن قرب(قرصها من حنااكهاا).. أقوى بنت شفتهااا فحياااتي كوولهاا...الله يحفظك ويعااونك

ريمان:آميييين... أستودعك الذي لا يضيييع وداائعه❤ تهااالا فراسك بسلاامة

رجع حسين بحاالو للووطيل هو طاايح علييه الضيم... حس بالقنطة بلا ريمان..هاد الأخيرة مشات للمكان المخصص للإنتظار... جبدات هاتفها المحمول... بدون تردد عيطات لمديحة... حيت خااصها ضرووري تهضر معاها وتصاالحها... باش تمشي وباالها مهني وماتبقااش مشطونة... عيطات ليه غير ابيل

ريمان:ألو ماما... الوووو

مديحة:(ساكتة والغصة فقلبهاا على بنتهاا لي توحشات بزااف وماكرهاات تكوون حداهاا تهز معاها الحمل ديال خالد)لا رد

ريمان:ماامااا ماابغتيش تهضري معاايااا؟ ماماااا عاافااااااك

مديحة:من ايمتى ونتي كتعيطيلي ماما!! 

مديحة:كاان يحسابلي مااكتبغييش نعيط لي مديحة...

مديحة:حيااتك كووولها ونتي تعيطيلي مدييحة... تاا لدااباا عاد باانلك شنوو كانبغي وشنو لي لااا😒

ريماان:صاافي ا مدوووحتي سمحيييلي...

مديحة:لا رد😒

ريمان:شووف آمديحة رااني ماكنكدبش رااه بصح غانمشيو لقرية مافيهاش ريزو...هاانتي اماما سمعي راحنا فالمطار

مديحة:لا رد

ريمان:حبيييبتي مدوووحتي واااضحكي بااش نجييب ليك شي رااجل وندييير واااحد مولاتي عرااسية دااايزها لكلام😊وفقصي العديان

مديحة:اييواا دااباا دوييتي ههه بنتي الأمهات مااكيتقلقوووش على ولادهم واخا يديرو لي داارو... غيير كانبغي نتفشش علييك شوية😂

ريمان:ههه رب يخلييك ليييااا ولهلا يحرمني مننك...مدييحتي غير صبري محنة وغادوووز. 😟(كاتهضر على خالد)

مديحة:داكشي ابنتي دباا ترجعييناا على خيير... ان شاء الله

ريمان:دعي معااياا امدووحتي

مديحة:(بدات تشك فريمان او بالاحرى بدات كاتنفض الغبار على شكوكها بلي ريمان بصح مامشيااش تجمم... ولكن ماتقدر تقول والو عارفة ريمان كادير لي فراسها)الله يرضي علييك سييري ا بنتي الله يفرشك ويغطيك بالرضى... فيينمااا حطيتي رجلك تربحي... سيري ابنتي الله يحفضك وينورك ويزوجك 

ريمان:😒😒 كنتي جمييلة تاا دكرتي الزواج😒 اميييين ماعااداا الدعاء الاخيير

مديحة:يااخ لبااايرة لووخرااا غاتوحلي ليياا فعنقي.. كي مامات شاما لي عدناا فالدرب...(بتعجب) فعمرها 30 عاام ومزاال مادوا فيهاا حد... قلت ليهااا ياختي دي بنتك لشيي فقييه... ولكن ماا... 

ريمان:(قاطعاتهاا حيت عارفاها منين كتبداا ماتساليش😂)هاااهي بداات عااوتاني😒 وااا مااكتقدااايش آالولييدة. 😬الله يهدييك على رااسك من هااد النمييمة

مديحة:يشوييييني فيييييك الكلبة... بالعكس لبنت بقات فييااا.. هادي مااشي نميمة غيير الهضرة فالناس😊

ريمان:هههه لاا صاافي قنعتيني... يلاه امدوحتي نخليك دابا خااصني نمشي طيارة مابقاليها واالو وتقلع... مووااااااح😘 تهلاي فرااسك وسلميلي على بابا بزاااااااااف وتهلاي فييه وبووسيلي كغمووشي

مديحة:(بحزن)تهلاااي فرااسك ابنتي... بصراحة قلبي مامطمنش علييك اكبيدتي😩

ريمان:ماما حبيبتي ماتخاافييش علييااا راكي عاارفااني... فران وقااد بحوومة.. نتي غيير دعي معايااا... 

فهاد الاثناء سمعات ريمان نداء الطيارة لي غاتقلع بيهاا... قلبهاا بداا يضرب بالجهد خصووصا منين سمعات "إلى إسرائيل... "

ريمان:مدوووحتي نخلييك... الرحلة قرباات لياا خااصني نمشي دابا تهلاي فراسك والله يطولنا فعمر

مديحة:الله يرضي علييك الله يحفضك ويرجعك لييااا ساالمة... سيري ابنتي فينماا حطيتي رجلك تربحي... سيري ابنتي الله يبعد عليك عين الحاسد سيري ابنتي الله يبعد عليك... 

ريمان:صافي امديحة صاافي😒اميييين ياا رب... يلاه تهلاي بسلامة

قطعات وهي ساااهية كاتشووف فالأرض... وكاتفكر فعائلتهاا بااغاا تعاونهم... ولكن مافيديهاا ماديير من غيير الدعااء

جبدات لاكارط سيم وهرساتها... حيت ماغايصلاحش ليها دوي مع عائلتها... فااش تمشي لإسرائيل ... ناضت مشات للاستقبال وهي جاارة ڤالزتهاا... وعقلهاا كاايدابز مع قلبهاا لي حن على ماماها... عياات تصبر رااسهاا

ريمان:اوووف يااا رب صبرني ياا رب وعااوني... خااصني ضرووري نديير هااد المهمة... ماكينش الإستسلاام فمعجمي... خااصني نقاااوم... سمحييلي امدوووحتي سمحييلي على اي كدبة كدبتها علييك... غااادياا نعوض لييكم على كوولشي ان شاااء الله... اوووف يااارب 

وصلات الاستقبال بعدماا زاادت تيقتها بنفسها... عطاتهم البسبور المزور... شاافت فيها البنت لي كانت فالاستقبال ورجعات شاف فالباسبور... هزات الطابع وطبعات بيه... كمؤشر بللي دااز كولشي بسلام وماشكات بوالو...(تنفسات ريمان الصعداء)... رجعات شافت فريمان بابتسامة لطيفة : 😊 Bon Voilage 

ريمان:(جاوباتها بابتسامة)☺

حمدات الله فسرهاا... تاجهاات للطيارة گلسات فبلاصتهاا... شحاال وهي كاتشووف من السرجم وعقلهاا طاايش... حتى أنهاا مارداتش لباال للشخص لي گلس حداهاا... دارت الككيت وطلقات القرآن وبضبط سورة البقرة.... حيت كترتاااح بزاااف منيني كاتسمعها...قلعاات طيارة متجهة لتال ابيب.. 

مااحساات برااسها حتى كاتحس بيدين على يديها... كايحاولو يفيقووهاا

-(الحوار بالعبرية)فيقي وصلناا... بنتي فيقي هي بنتي... بجااه ياااهو فيقي

ريمان:(راكم عارفين فياقهاا😒كاتحل عينيها بشوية لقات مرة كبيبرة فالسن دايرة طربوش ديال شمس فالقهوي دالقش خارجين منو شي زغيبات بوويض بالشيب لابسة قميجة واااسعة فالبيض باهت وسروال تا هو واسع وقصير فالباج)اممم وصلنا (جاوباتها بالعبرية)

-اه وصلنا على سلامة

ناضت ريمان هزات ساكها... وهبطاات من طيارة.... داز كولشي هو هداك فالديوانة... مشات لوطيل رخيس عن قصد...

جبدات ديك لعشية بنعسة... مافاقت ايلا بالهاتف الاسيلكي وهو كايصوني

ريمان:(كاتهضر وهي مغمضة عينيها وصوتها مبحبح)الوووو ....واااش مااتخلويييو حد ينعس😒

احمد:من صبببح وحنااا نصووونييو تااا قلناا قتلوك ودفنوووك..ريهااام احم ريمااااان فيييقي معااانااااا شوية.... لمعقوول بداا 

ريمان:(ناضت من لفراش وعدلات گلستهاا كتحك عينيهاا بكم يديها)اشمن معقووول؟؟ فيني اناا بعدااا؟؟ 

احمد:(تعصب كاايغوت) اووووووف ايلااااا بقااات عندي شي مرااااارة مااطرطقتيهاااش ليياااا.... غاااناااكلهااا بالفقصة... يــااارب اش درت فحيــااتي تااا تبليني بهااد لبنت...

يتبع