تنهد رافائيل بعمق...تنهيدة ارتياحية كايحس بقلبو كايرجف بطريقة لذيذة فاش كايسمع سميتو من فمها...يديه مزاال على يديها..سكت ومابغاش يهضر حس بيها غاتعاود ليه...
ريمان:(دخلات الهواء لرئتيها لمدة عاد خرجاتو ببطئ)انا ريمان عميلة فمنظمة سرية مغربية ضد الفساد...جسوسة إليكتغونيك...ولي جاابني لتال أبيب...هووما الملفات لي لقيتي فالكاميراا...بااش نحيدو أمريكا كرئيسة للمفواضات الفلسطينية الإسرائيلية...حيت ماا تستاهل بما أنها قررات القدس تكون عاصمة إسرائيل...وماعطاتش إعتبار للمسلمين
رافائيل:(بإعجااب كبير) امممم سباي إليكطغونيك (كايحرك سبابتو على شكل دائرة بطريقة مضحكة)اممم يعني نتي هي لي خصرتيلي الكامرات؟!
ريمان:(كتتحرك راسها باه)آآه
رافائيل:ونتي لي طفيتي عليينا ضو داك نهار؟!
ريمان:(باستهزاء)اسم الله علييييك😁منين جبتي هااد ذكاء كولو فااجأتنيييني😑لاا صرااحة تستاهل تكون محقق كونان غير هو كونان ذكي عليك شوية😂
رافائيل:😒دهشيني شي مرة وسدي فمك... ماعليينااا بغييت غيير نعرف فيين لقيتي الملفاااات لي عييت نقلب علييهم؟!
ريمان: كوون هزييتي راسك غير شوية كون لقيتيهم...(قالت بتعالي)كانو فمكان التهوية لي فبيتك
ريمان:عندك الحق دييب.. تاناا تفااجأت منين لقيتهم...ذكي بزااف
رافائيل:(قال باعجااب بادي على صوتو)ولكن ماايكوونش قدك...براااڤو علييك ... بيني وبينك نخاااف على رااسي منك 😉
ريمان:ماااالني خوخو بلع لي يشووفني نتخلع😏
رافائيل:هههه(قال بصوت قريب للهمس تبورشات ريمان منين سمعاتو) لا صرااحة دابا عااد عرفت علاااش ديتييلي قلبي...دابا عاد عرفت راسي كنت مسحور...
ريمان: توف توف راه كنعرف واحد الفقيه دقة بطلة😂
رافاييل: مفسدة الاوقات السعيدة...
ريمان: نتا الي قلتي مسحور...
رافاييل: يعني سحرتيني بجدبيتك شجاعتك....قبل ما نعرف حقيقتك....(بشوفات معجبة)اما فاش شفت وجهك الحقيقي... عينيك.... هز خصلا بين يديه...شعرك... (سيد غادي ما عرفت فين😑كاايقلب وااقيلا على بتر اليد ... شويا عاق براسو وحيد يديه)... احممم فاتنة تبارك الله عليك....
ريمان توتراات من خجل من شوفااتو لييهاا...
حنات راسها لجيهت رجلييهااا...ولكن ماتنكرش بللي منين كاايهضر بشوية ...كاتحس بقلبها كاايرفرف بالفرح...كاتحس بصوتو مااكيدخلش لودنها بل للقلبها...وكاايتحفر بحال الوشم على ظهر القلب...
رافائيل:(شافها ساكتة وكمل كلامو بنفس النبرة)شوفي من هادشي كاامل ديري فباالك أناا ماهمني تا حااجة فهااد دنيا..من غيير الوالدة ديالي.. ... اوونتي آريمان..ماكيهمنييش اش غاايوقع لعمير نهائيا...ماكتهمني تا حاجة....وتيقي فيياا تاحااجة ماغاتأديك
ريمان مالقاات ماتقوول ... من غير تنهدات واكتافت بالصمت مع ابتسامة خفيفة على وجههاا ... و بشوية حاولات تفك يديها من يديه... واستأذنات
ريمان:لمهم نخليك نمشي نرتاح كان نهاار طوييل... هاااااخ (كتفوه)جاني نعاس
رافائيل:(قابلها بابتسامة هادئة)خودي رااحتك...تصبحي على خيير
جرات الكورسي لوور... ومشات باتجاه الباب ديال الكوزينة...لكن قبل ماتلحق تخرج...وصلاتها هضرتو
رافائيل:غداا غانفيقك بكري داكشي علاش نعسي دابا...
ريمان:علاش؟! واش غاديين لشي بلاصة؟
رافائيل:(عوج فمو للأسفل باستنكار)اممم مانعرف
ريمان:(هزات راسها هزة خفيفة مع ابتسامة عريضة)امممم عنداك غيير تخطفني عااود ماقادة على دراماا...اصلاش من نهااد جييت لهاد القرن الخاالي وانا عاايشة فيلم ميكسيكي مترجم
رافائيل:هههه هبييلة سيري تنعسي قبل ماندير بنااقص ونخطفك دابا نيييييت...
رافائيل:ههههه هبييلة ....عض على شنافتو لتحتانية وناض تاهو طلع لبيتو....لقاه مقلووب ماشي سيد شخشخ كولشي فالصبح...هز حوايجو ومشا لبيت لي حداه..علم ريمان ورا الباب على بيتو جديد باش ايلا حتاجت شي حاجة... دخل خدا دووش .... ومشا لفراشو هز بيسيه بغا يشوف ماماه...دار الكاميرا ومع ماماه فيها الديقة ماكتنعسش ايلا ماكانش الضو مشعول...شافها نااعسة مرتاحة ....
رافائيل:(كأنه كايهضر مع ماماه)ماابقا واالو امي ونتهنااو من داك الوحش فمرة وتوضح بزاااف د الأموور....مابقا واالو آمي ونعييشو حياة سعييدة كانوااعدك....غير صبري خااصني شوية ديال الوقت....
طفا بيسيه ونعس وهو كاايفكر فلي خطفات ليه قلبو...وكايخطط فالحياة السعيدة لي غايعيشووها ب3 بيهم...تا داتو عينيه..
ولكن رافائيل ماانتابهش لواحد الحااجة😕نسى موضوع الوقت😶
طلعات ريمان لبيتها وهي كاتفرنس غير بوحدهاا... دخلات لبيتها بدلات خوايجها بعگز كبيير...لبسات بيجامة ديال نعاس بسوفيطمة وشورط قصير...بحكم الجو الحاار لي كان ... وتلاحت على ضهرها فالفراش... حولات انظارها للسقف لي كان بالخشب... كاتأمل فييه وهي فالحقيقية كانت كاتقلب على وجه رافائيل بين شقوق الخشب... تفكاارتو وهو كاايعاود معاناتو ... غمضات عينيها وهي كاتفكر بشااعة المناظر لي شاف ولي عاشهم...تنهداات بتعب عميق وألم
ريمان:هووووووف كوون غا كنتي مسلم... شنو نااقصك باش تكون مسلم من غيير تشهد بالرسول نبي الله...عندك الضمير لي ماكينش عند بزاااف دالمسلميين...عندك الحنان لي مات فقلووب بزااااف دالعرب... عندك قلب كاينبض بحب ...داك القلب لي مات عند معظم الناس.. بفف خاصني ضروووري نأثر علييه وندخلو الإسلام...أنا متأكدة غاادي يقبل يدخل للإسلام... هاادي هي المهمة الموالية ديالك الجسوسة رقم 09😂 ايلا دخلتو الاسلام غانضمن راسي فالجنة يااااب ياب 😁
بقات شحال كاتشوف فالسقف مرة تضحك مرة تعبس...تفكرات عائلتها توحشاتهم بزاااف حسات بحنيين لدفئ العائلة... لمهم النوم حراام واش بغا يزورها..جاها لعطش هزات راسها بتتاقل من على الخدية... كاتحك شعرها االمنفوث بملل.. عگزات تنوض تشرب...لكن فمها نااشف استسلمات للعطش...
تهزات من فوق الفراش كاتمايل بجسمها...حلات الماريو جبدات بينوار طوييل تا للرجلين غطات بيه جسادها... حلات الباب بشوية...شافت لا إرادياا لباب بيت رافائيل.. تأملات للحظات وحنات رسها للأرض بتعب... وكملات على طريقها للكوزينة...هزات قرعة من الثلاجة شربات...عينيها بداو يتسدو عليهاا بالنعاس...وكاتفوه... طلعات فالدروج بهدوء برجليها حفيانين...
طلعاات تا وصلات لبيتو...بقات واقفة للحظات قبل ماايقتارح عليها دماغها أو بالأحرى قلبها...تدخل تشوفو وهو ناعس...ابتسمات ابتسام خفيفة وهي كاتقرب لباب البيت...حلاتو بهدووء وطلات براسها...كان ضو القمر مضوي شوية الغرفة ...قربات للفراش رافائيل ببطء كاتمشى على طراف صبعانها...تا وصلاات كان ناعس بحاال "كيما وصفاتو هي"
ريمان:ملااكي الحارس😍
حنات شوية على الفراش وهزات الغطى وغطااتو...بلا ماتحس لقات يديها سبقاتهاا للشعرو كاتردو لوور بحنية... وعينيهاا على وجهو وشفايفو الصغار الحميمرين ورموشو الطوال ونيفو...ماخلات تا انش من وجهو ماشافتووش...بقااات كاتأمل وجهو ويديهاا على شعرو...طبعت قبلة حنييينة على جبهتو...شي لي خلا جسد رافائيل يتهز من أثر حرارة شفايفيها... رجعات ريمان راسها لور تلقائيا منين حسات بيه رجف... السخاانة طلعاات معااهاا وبداات تولول فخااطرها وتسب .... وكاتشووف فعينيه خالفاهم يتحلوو وتحصل ... موقف لاا يحسد علييه...
بقات هككاك حاضيا عينيه يتحلو بضع ثواني...تحل فمو وتأوه بصوت مخفوض...وبدا يمكش وجهو ويعصر عينيه....عرفات باللي الكبوس لي كايراودو كل ليلة ... زيرات على يديه كمحاولة منها لتهدئته ... هو عااد بداا يدور راسو يمين وشمااال...
ريمان:(كاتنهج)رافاييل تهدم هااني معااك...باسم الله عليييك... ماتخااافش غيير حلم
رافائيل بداا يهز راسو ويدورو بزربة يمين وشمااال.... ومزير على يديهاا... ريمان جاالها لبالها القرآن ...حنات راسها بشوية على ودنو وبدات تقرا بصوت خافت...
ريمان:باسم الله الرحمان الرحيم قل اعوذ برب الفلق من شر ما خلق ومن شر خااسق إذا وقب ومن شر النفاقات في عقد ومين شر حتسد اذا حسد...
حسات بيه تهدن... يديه مابقاتش مزيرة على يديها وحجبانو ترخفو...
ريمان:(كاطلع النفس وتهبطها بسرعة)اوووف ههف يااا رب ... اوووف قلبي كاان غايطيير من بلاصتو..
رافائيل:(حل عين وحدة وكتيشوف فيها بمكر)نعاام آ عييون رافاييل 😉
ريمان:(حلات فمها مع عينيها كاتحااول تفهم اش وقع عااد دابا)ءءءء داباا....واش.... واااش هادشي...😯؟!!
رافائيل:(قاد الگلسة كايشوف فيها وكايبتاسم ديك الابتسام ديال وارااك تقولبتي 😂 ) A little joke "مزحة صغييرة
ريمان:داباا واااش....(عقدات حااجبانها وكاتهضر من تحت سنانها)واااش نقتلك خنقا ولا شنقا ولا ححححاااااااارقا😠
رافائيل:ههههه قتليني بوْساً
هزاات الخدية وهي حمرة بالخجل والغضب فنفس الوقت...كااتضربو بيهاا وهو كاايطاكي بيدييه ويضحك من أعماااق قلبو تا دمعو عينيه...الضحكة لي فارقاتو من هاادي سننييين رجعاتهاا لييه ريمان...
رافائيل:(كاايضحك ويهضر)ااااي رساااااي ا شنييولة رساااااي....ههههه قصحتيني ااااي دابا نمووت لييك هنا ااااي رسااااي يا هااد العلللگة...
ريمان:(حشمااتها هضرتو وعجباتها أول مرة تسمع شي واحد كايغازلها)اححم شوووف لييييك على نزار المگرد واتشا سيير تنعس طلعات لييك السخانة عااود...قالك نجوووم والله وامتبعدني تانوريك النجوم والگمرة كاايشطحو العلوة
رافائيل:اذهبي أيتها الأرواح الشرييرة... ينعل بو هادا لي بغا يعبر معاااك ...ونتي داايرة كي جيلالي السفناج 😂
ريمان:شنااااهوااا؟! انااا ...عااود اش قلتي😵
كاتقلب على الخدية لي هزها رافائيل خباها علييهاا....
رافائيل:اييلاا الخدية هه ا سفنااج
بدات دور راسها يمين وشمال كاتقل على سلاح فتاك ضربو بيه...تا بانت ليها بانطووفتو هزاتها شيرات علييه
يلاه كي غاتشير نقز عليها رافائيل جاو فووق الفوطوي...جاو فواحد الوضعية مخلة للأداب🤭
هي لتحت طلع ليها البينوار تا لفخادها...وهو فاق منها كانو قرااب صدرهم من بعضهم...كانو كايحسو بدقات قلوب بعضياتهم...ريمان كانت كاتحس بنفس رافائيل على شعرها...وهو كان كايحس بأنفاسها السريعة كتضرب ليه فعنقو...غمض عينيه كايستنشق عطرهاا...أماا ريمان طبعات معاها ريحة باندوشو القوية...غمضات عنييهاا ... ماكانتش عندها الرغبة تبعدو عليهاا...
هبط رافائيل راسو لوجها لقاها مغمضة عينيهاا...عصراتهم منين حسات بأنفاسو كايضربو ليها فالوجه... تزادو وتيرة دقات قلبها... وهو كذلك...بقا يتأمل فوجهها لي ولا حمر...وقاال بالصوت لي كاايدوب قلب ريمان...الصوت لي كايخليهاا تمشي كوكب آخر ...
رافائيل:(بصوت الهمس)سمحيلي ياا احلى وأجمل وأغلى بنت على وجه البسيط سمحيلي يا تاج النساء
طبع قبلة كلهاا حنية وشوق وحب على خدها...قلبهاا كان غايخرج من بلااصتو...وقبل ماتستوعب الأمر...حسات بصدرها خفااف...كانت مزالة مغمضة عينيهاا...رافائيل نااض من علييها
ريمان:الله يااا رب الصببر الصبيبببببر لكي اتحمل هاد راس القرشالة😤
رافائيل:آمييين ا سفناجي
ريمان:(خرجات ليه اللسان)يشويني فييك انيسوانجي
تمات خارجة بحاالها كاضرب رجليها بغيظ طفولي..أما رافائيل گلس على جنب الناموسية وهو كايفرنس ومعنق الخدية...
مشات ريمان كااضحك مع راسها... سدات الباب وتكات عليه جمعات يديها لصدرها لي كايطلع ويهبط بسرعة... غمضات عينيها والابتسامة مافرقاتش وجههاا ... مشات للفراشها بخقة تلاحت علييه... على كرشهاا وغمضات عينيهاا بعد لحظات بلاا ماتحس استسلمات للنوم...
رافائيل بقا شحاال كايشوف فالأرض مبتاسم...مسح على وجهو بيديه.. وحط الخديية فبلاصتها... ونعس على جنبو...بعد دقائيق من التفكير استسلم للنوم
أصبحنا بإذن الرحمن الرحيم 🌞
فاقت ريمان على ضو الشمس لي تسللات ليها من السرجم...نسات مادرتش الريدويات...حلات نص عين وحدة...كمشات وجههاا وتبعاتها بتفويهاا... تنهداات وغطاار راسها بليزار كاتحمي عينيها من الضو... تمددات على ظهرها كاتشووف فالسقف...مانعساتش مزياان ...ناضت من فراشها بتثاقل للدوش...دوشاات توضات وخرجات تصلي ... سلااات لبسات بودي كحل مع سروال كيطمة فالگري سليم مع سبرديلة بيضة طالعة شوية وكاسكيط... خرجات من بيتها حلات الباب دبيت رافائيل لقاتو مكرشخ على كرشو... بانت ابتسامة خفيفة على وجههاا.... ورجعات سدات الباب موراها وهي كاتقول بصوت مخفوض
ريمان:نعاااس قاالك غاينوض بكري😏
هبطات للتحت لكوزينة... وجدات فطور خفيف متكون من كونفليكس مع الحليب... وكيب كيك وكافي كيما كايبغيها رافائيل بغات دير شي أكلة مغربية كيما كايبغي ولكن ماالقاتش الموااد باش ديرهم...فكتفت بداكشي لي كان فاالثلاحة سخناتو ليه و حطات كولشي فووق الطبلة وبدات تفطر...
سلات فطورها ورافائيل مزاال مافاقش...مابغاتش تمشي تفيقو حيت عارفة طريقتها خاايبة براكة عليه غير الكابوس لي كايجيه تزيدو تاهي😂
بقات واقفة شحال كاتفكر اشمن زبلة غادير تاني...تاا طاحت ليها فكرة فبالها....خرجات من الكوزينة ومشات للاصال توحشااات تخرج طااقتها السلبية ...
رافائيل بداا يفيق من نعااسوو...كاتململ على الفراش كاايسد عينيه ويحلهم... تا توضحات ليه الرؤية مزيان...هز راسوو وتكا على مرفقيه... شوية نااض من بلاصتو للدوش...غسل وجهو وهو ينتابه للوجهو فالمرايا وقال يخاطب نفسو
رافائيل:امم زيانيت ماكنتش عاارف الحب كايزيد من وسامة الشخص كون حبيت شحال هادي ههههه...خاصني نمشي نفيق ديك النعاسة...
خرج لبس سوفيطمة فالگري مفتوحة مع كيطمة فنفس اللون سبرديلة كحلة ... رد شعرو لوور وبدا يقلب على فيسطون لي كان مكسل تحت الفراش...
جرو مورااه ومشاو لبيت ريمان...
رافائيل:(كايدق)نعااااسة فييقي برااكة عليييك من الشخييير....مااخليتيش الحووت لي فااماا ينعس بشخييرك....وااا الگراادة فييقي ولاّااا ندخل..بفف كاتصمااااك فالنعاااس...
حل الباب بشوية كايشووف فالفراش ماكيناش ... دار جيهت الدوش كان محلول كايدل على أنه ماكيد حد تماك...
رافائيل:نعااسة فااقت قبل مني ههه عقلووو غااتشد فيياا هاد نهار كووولو حيت فاقت قبل مني😐برهووشة هههه
هبط للتحت كايقلب علييها فالكوزينة...لقا غيير الفطوور...ماعرفش فيين غاتكون مشاات...خرج كايقلب عليها فالبيوت...تااا صمع شي صوت جااي من لاصال... حل الباب بشوية شافها كاطريني ...
داكشي لي كان بعد رافائيل راسو لوور ووقف...كايمسح على لحيتو وهو كايتساءل كيفاااش كاايحس بهاد الحاذبية جيهة ريمان...مشاعر عمرو حس بيهم واخا فايت بغاا...مشاعر قويين سيطرو علييه...
خرج من الحلبة ديال البوكس وهو كايفكر...أما ريمان ماكنتش قل منو ...تاهي غاارقة فتفكيرها...اشنو غايوقع دابا بيناتهم؟! عارفاه كايبغيها وتااهي كاتبغييه ولكن هااد الحب شبه مستحيل...ديانتهم مختلفيين ودين ريمان مايسمحش ليهاا...بقا حل وااحد رافائيل يسلم....ولكن وااش غاتقدر تأثر فييه...تفكراات نهاار كان كايدوي مع صاحبو لي سلم...تفكرات كيفاش كان كاايدافع على دينو... تنهداات بعمق...
ريمان:(بينها وبين نفسها)ياااا رب العالمين عاوني تا فهاد المهمة ... خااصو ضروووري يسلم مااشي غير على وود باش نكونو بجوج... ولكن وليت...احم وليت بكترة حبي ليه باغاه يدخل الجنة... يااا رب إنك على كل شيء قدير...
تأكد أنه لاا أحد يخاف عليك ويحبك بقدر ما تفعل أمك ❤ الأم نعمة من الرحمان... قسوتها حب صراخها حب عتابها حب.. الأم تختصر معنى كلمة حب 😍
رافائيل:دوشي وجمعي حوايجك...
ريمان:(خرجات من تفكيرها)فيين غانمشيو؟! وااش غانولييو للقصر...
رافائيل:لاا ... غانمشيو للتركية على ماتخلط علينا الواليدة... ولكن لي مافهمتش الحد الآن مااوقع لعمير والو...يعني اليوسبي تكون مزال ماوصلات؟!
ريمان:داكشي لي غايكون
نااضت من بلاصتها خرجات من حلبة الملاكمة... لجيهتو وكملات كلامها
ريمان:...حيت كايدوزو على الحدود كيما درت أنا... غاايتعطلو بزاااف...ولاا يمكن امممم يكون شاااف وقف المهمة حييت ماعرفو تا حاجة عليياا..
رافائيل:يمكن... تا نوصلو للتركياا ونعطيك تاصلي بيه... ديك ساع نكون خرجت الواليدة من دييك الخربة...
سكت شوية كايفكر هضرتها على عائلتها لليلة الأمس جبد طيلي من جيبو ومدو ليها
رافائيل:هااكي هضري مع عائلتك غايكونو مشوشين علييك...
(اللهم طول عمر أمهاتنا ويرحم من تحت التراب وأسكنهم فسيح جناتك )
ريمان:(بتاسمات منين تفكرات ليلى)خلييت موراايا رجاااال... قووليلي كي داايرة بعدا هي لبااس؟!
مديحة:لباس لباااس.... كاتعدي كي ديماا مجلوقة تاهي...
ريمان:(جمعات نفس وهضرات)اوو...بابا كي داير؟
مديحة:الحمد لله راه بخيير... ماتشطنييش راسك ولا كايمشي على رجلييه ورجع لحانوتو .. اه حقا فكرتيني واحد الوليد الله يعمر ليه الدار ... قالي كان كايقرى معاك وقف معانا
ريمان:ماهر مسكييين
مديحة:ايييه هاداك هو ... هاد لياام ولا يجي بزاااااف لعدنا وديما كايسول عليييك... وقاالي ضروووري خاصك تاصلي بيييه على ود شي وتيقة ولا ماعرفت داكشي...لمهم كايأكد ويعاود
مديحة:امممممممم اييه ابنتي راه انا لي والدااااك مااااشي نتي هههه قالت ليك حشوومة...بنتي أنااااا عزري الدوار ولا يعرف حشوومة...گوولي کووووولي تركي؟! زعر ولا سميمر!! عندو لحية؟! ياكماا من دوك صحاااب الدرارع واللحي طوااال...ابنت لحرااام بعدي من الزمر...دييه عينيه خضرة وماتدييهش من داك نوع...ماشي يا بنتي هاد ليام خرج ليينا واحد من صحاب لحي فداك الهافسبوك كايدير المنكر بيديه....اعوووذ بالله
ريمان:(💭 تفكرات داكشي لي كادير معاه خصووصا لسانها طويل والدق لي عطاتو قبيلا وهي ضحك باستهزاء)اييه الواليدة لهلاا يوريييت التباااتة والرزاانة لي فييااا هههه...المهم الطيلي راني غا طالباااه منين نولي للتركية غانشري طيلي جديد وندويو فالسكايب ولا فالواتزاب ههه.... هاد العشية ولا غدا ان شاء الله
مديحة:سييري ياا بنتي الله يفرشك ويغطييك بالرضى..سيري ا بنتي الله ينقي طريقك من الشووك... ويبعد علييك ولااد الحرااام ويسهل علييك فكل مااحطيتي فيها يديك... كانبغيييك ابنتي الله يرجعك ليياااا كيمااا داك لييااا سالمة غانمة ...
رافائيل: سميتو الإتيكيت يا جهلة...وثانيا لي يعااشرك نتي شغاايتعلم من غير اللسان السليط... انت معلم واحنا منك نتعلم (وكايهز حجبنانو مع الأغنية)
ريمان:واااايلي الأغنية وصلات تا لعند ليهود😑
رافائيل:ههههر رااني مغرابي قبل مااانكون يهودي... زيدي قدااامي ونتي هادشي لي ينفع معاااك خو جوابك...مدي الطيليفون ويلاه
ريمان:حقييييييير غبي... مكلخ يلاه... اش كاتعرف انت فالزيين قالك قصيرة انت لي طويل كي سلوم البلدية....هااك مشقوفك ماشووكرانش يلاه
رافائيل:(حابس الضحكة غيير بزز كايشوف فيها بحاال ديك ماشا ديال الرسوم المتحركة)تانا ماشوكرانش على واجيبش يلاه ...
رافائيل:(كاتم الضحكة)هااني نساينك برااا...
غيير خرج مع الباب بدا يضحك عليهاا.... كاتبان كيوووت فاااش كاتغضب خصووصا فااش زمتهاا ماخلاش ليهاا ماتقوول قدامو...
ريمان:حقيييير... تعلم تاهو المعيااار...اهيااانااغي كنت غاناا لي لساني سلييط هنا صدق هو كتر مني ... (ابتسمات)امممم هاد الجانب الكوميدي فيه عجبني... شخصيتو متنوعة اااه على آآلبي ... عفييريييت تاهو كايعرف يتعاير هههه
دارت داكشي لي فيديها فطاس هزاتها خرجات مالقاتش الفاليزة... جرها رافائيل فيسطون تابعو من لور .. جرات الباب سداتها وتبعاتو تاهي...كانت الشمش سخوونة وحااارة...دور رافائيل راسو كايقلب واش ريمان موراه... لقاها مكمشة جبهتها من الشمس لي ضاربة ليها فوجههاا... حط الفاليزات من يديه وعينيه عليهاا... تا وصلات علييه حيد الكاسكيطة ودارهاليها فوق راسها...
ريمان:(وقفات دارت عندو هازة صبعها السبابة كاتهدد)تسكت ولا نزيدك يااا....
رافائيل:صافي صافي هاهو ساااكت هههه peace
دارت مشات بحالهاا وهو موراها كايضحك علييهاا... وكايتصور كيفاش يمكن لواحد معصب يكون كيووت بحاالها وفنفس الوقت عاجبو الحال حيت تاهو لقا لي يهبط ليه كوارو ويمرمد بكبرياءو الأرض.... أما هي كاتنفس من نيفها بعصبية ... او فنفس الوقت إحساس زوين وعاجبها تناگر مع لي كاتبغي...
وصلو لليخت لي كانو جاو فيه...
رافائيل:بلاااتي ندير واحد الأپيل ونتحركو
دارت ليه ريمان حركة براسها زعما اوكي... ودخلات لليخت...
رافائيل:(بصوت حازم وجدي كايبغي يبين قدام دوك الناس بلي راه الإناكوندا معامن داويين باش مايديروش معاه تخرخيش)اووكي فلوسكم واجدين غادي نسيفطهوم ليكم مع واحد من الرجال ديالي هاد العشية...
لاپيل مزال دايز ولكن مابقا كايسمع وااالو... بقا شحاال حاط طيلي على ودنيه وكايعيط والا من مجيب...فتالي قطع الاتصال وهو معجب...دار طيلي فجيبو وهز الفاليزات ودخل لليخت لقا ريمان واقفة على الحدايد كاتسناه مانتابهش بيهاا... شافتو طالع وعينيه على الأرض كاايفكر...
ريمان:بسسست مااالك غارقين لييك البابر ؟!
رافائيل:(لوا شنافتو للتحت بتعجب)كنت كتندوي مع الواليدة شوية مابقيت سمعت والو من غير الصقيييل...
ريمان:يكون غير رييزو
رافائيل:كانتمنى يكون غير ريزو...هههه اونتي مزاالة هازة ماعونتك وكادووري بيها ... سيري حطيها فالكوزينة
ريمان:هاهي غااديا أنااا لي خااص لديلمي العصى لي كانسولك ... بففف ماكينش معاامن ماكينش
رافائيل:من الجيلالي السفناج للكبور الشلاهبي هههه
ربمان:من الحامض للحامض المصيّر 😑
طلعت ريمان للكوزينة حطات فيها دوك العلب... وبدات تبقش فالتلاجة... رافائيل طلع الفاليزات لبيتو وبيتها ومشا لكابيني... دار الوجهة ديالهم قاد الأمور باش تحرك اليخت... وهبط للكوزينة لقاها كاتكل فالاگلاص... بقا كايشوف فيهاا قبل مايدخل وتنتابه لييه...كان فمها مطلي بلاگلاص ديال لفريز... بحال دراري صغاار...و رافائيل كايشووف فيها
رافائيل:(كايحرك طاس دالقهوة)لقيتي غاا سمية سعد باش تسمييني بيهاا؟!! صرااحة ماكاتعجبنيش
ريمان:(تشوكااات من هضرتو ماااعرفات ماتقوول بلقات عينيها فييه وسرطات ريقها ومتلقاتش من غير السنطيحة كي ديما تدفعها)الله ينعل لي ماايحشم الجسووووس مااعلمووكش بلي تسناط من مووور البيباب مامزيانش 😤مااحشمتييييييش تسنط على بنت كاتدوي مع ماماها؟!! ياااع على بنااادم كي دااير حشم من رااااسك الجسااااس... غاا ماعطااك الله آلجسووووس تسنط على عباد الله من بعد هااد لاج (السن)؟!! ياااااه حشوووومة والله تاا عييييب....
ريمان:ماااشفرت وااااالو بالعكس غانهني العالم من أكبر الشفارة لي كاينين فالبلاد...وهاديك سميتها مهمة من أجل حماية البلد مااشي تجسس...الجسوووس (كاتحاول تلف ليه الهضرة)
رافائيل:امممم مهمة... تقووول نتي لي غاتحررينا فيليسطين... الله يعطيينا وجهك ... لمهم خلييناا فيه..علاااش سعد بالضبط كون قلتي صهيب ولا مراد ولاا اسماعيل
هزات طاستها وخرجات من الكوزينة... ماشية للسطح اليخت
رافائيل:هههه يخليلي المرّاگ هههه مسطية ... نااري هاد البنت غاتخرجلي عقلي... واااش هادي حقيقية؟! ولا من بني الجان ؟! (وقلبها غنى)إنسان ماهو عادي طيحني وسططاني حبيتو فثواني...اه اش داني دان دانا داني قلبي لي دارهالي جيبولي ريماني هههه...
صافي سطاتو العفيريتة 😂
ريمان:تفوو على مرگة... اووف الحمد لله كاين السنطيحة... جاب الله كاين الله...اوووف ولاهييلا حشمني ... ولد الهم كانحس بالسخانة طالعة من سبعي لكبير ... يكوون عاق بييااا ؟!! بففف الحمد لله قلت ليها بلي غا اعجاب... يااك عاادي إعجاب؟! أجي وهو زعما ماكيحس بوالو من جهتي ؟!! أصلا كي يديير يحس بشي حاجة وانا داايرة كي جيلالي سفناج خلاها هو 😒
وصلات جيهة الحداايد كتطل على البحر...وكاتكل الگلاص ومرة مرة كاتبتاسن غير بوحدها منين كاتفكر رافائيل ونگيرو وهضرتو وضحكتو...وكاتولي تعبس منين كاتفكر بلي عاق بيهاا...
ريمان خوات الطاسة حطاتها فالأرض...ومشات كادور راسها كي الحنش فاليخت... تا وصلات لكابيني... لمعو عينيهاا بحاال ايلا كتاشفات شي حاجة عجييبة.. عجبها الحاال وبدات دير راسها كاتسووگ اوكاتبرك على لي بوطون لي تمااك...بحاال شي بنت صغييرة كاضحك وتبرك وتخربش بيدييهاا... هادي هي ريمان يديها واكلينها...
رافائيل هز قهوتو ومشا لي فوطوي... هز بيسيه كاايشوف واش كاين شي الأخبار ... وشاف بورصة الشريكات لي مقابل ديال جدو... ماعليه مابييه تاا كايحس بقطرات ديال الما كاطيح عليه.... الما مجهد وصوت الإنذار مالي المكان... شد بيسيه دار عليه خدية باش مايفزكش... ومشا جيهة الكابيني
رافائيل:شهاادشي ؟!! تكوون وقعات شي حااجة!!
طلع لقاها خاايدة ماهيااش فهاد العالم...كاتبرك وتجر ودور الگيدون... وقف موراها مربع يديه وكايشوف فييهااا وداير ابتسامة جنب
هبطات للتحت كاتقلب على بيتها... تا لقاتوو كان ملاصق مع بيت رافائيل...دخلات وقبل ماتلاح فالفراش فكرات أن الظهور يمكن ودن... دخلات للدوش توضات وخرجات دارت عليها ايزار وصلات... رافائيل سالاا من داكشي لي كان كايدير وهبط للتحت كايقلب عليها... مشا لبيتهاا حلو بشوية على بالو ناعسة...لقاها كاتصلي بقا يشووف فيها وكايفكر...لقا راسو بعييد على لي خلقو... حس بفراغ داخيلي ... واخا يهودي إلا أنه كايآمن بلي خلقو... ومنين كان صغير وكايقراو عائلتو التوراة كان كايحس بالتناقض لي فيه... حيت ذكي كان كايقول كيفاش الرب لي بدع فخلق الكون والانسان والطبيعة يقتارف بحال هااد الأخطاء الإملائية؟!!... كااان كاايتعجب بزاااف واخا هككاك عمرو شكك فوجود الرب غير هو ماكيآمنش برسولنا الكريم...
لكن فاش كبر وبالضبط فاش بداو معاه المشاكيل ودخل للقائد جبهة كان على وشك أنه يكفر بللي خلقو... حيت كان كايتساءل كيفاش ناس أبرياء كيموتو .. فين هو العدل فاش ماتت حبيبتو؟! فينهو الرب فااش دعااه نهار كان باغي يهرب مريام او زيد او زيد.... مابقاش كايقووم بالأعمال دينية ديالهم بحال الصلاة والصيام نهار السبت...مابقاش يقرى الانجيل لي نوعا مااا عمرو آمن بيه... .. لكن ديما كان يحس بداك الرابط الفطري لي كايكون بينا وبين لي خلقنا من نهار تزادينا...
رجع لور وسد الباب بشوية وهو غاارق فأفكارو... واش ممكن الإسلام هو دين الحق؟! والإسلام هو الديانة لي خاصنا نتبعو؟!! علاااش اليهودية فيها أخطاء؟! أشناهو الفرق بين الإسلام و ديانات الأخرى؟! او ايلا كان الاسلام هو دين الحق شناهو مصير لي متبع ديانات اخرى؟!! بزاااف ديال الأسئلة كدوور ليه فالراس...
دور راسو يمين وشماال يحيد عليه عاد التساؤلات لي ماغادييش تهبط الأجوب ديالهم وحي من السماء...مشا الكوزينة جبد قرعة ديال الويسكي وهز كاس.. ومشا لبيت لي كان گالس فيه...هز بيسيه وهو يتم فيسطون جاي لعندو كايتجبد... كان ناعس وجاه جووع بدا يحك راسو مع رجل رافائيل زعما فهم رااسك ونوض عطيني نحنجر...
هبط تاني للكوزينة عطا الفيسطون طرف ديال الهبرة فطبسيلو... وولا طلع لبلاصتو فين كان گالس ... بقا شاد البيسي جبد الكاميرا لي فيه كوبي ديال الملفات... بداا يقرى ورقة بورقة مرة مرة كايشرب من كاس الويسكي.... شااف گاااع داكشي لي كان كايدير عمير بمشاركة رؤساء الدول لي مساندين إسرائيل... تا سالاهم كاملين وشد البيسي كايشوف فالسقف بضع دقائق...كايفكر كيفاااش عايشين معانا نااس عديمو الضمير بحال هادو؟! غمض عنيه بتعب ...او بدا يفكر فشنو هوما الخطط لي خاصو يدير منين يوصل للتركيا تا غفاا فبلاصتو...
وما الحب إلا خوف وما الخوف إلا حب ❤
خاف عليها كالمجنون ... صرخ يردد إسمها كالأحمق فإلى أي مرحلة وصل لها هذا العاشق؟!
بعد سويعات قليلة 🔜🔜
فاقت ريمان كي هي عادتها كاتجبد كان الظلام طاح الحال بدا يبرد وهي لابسة غير تيشورط...فااقت بكسل للبيت الماء توضات وخرجات تصلي... ديما كاتسول رااسها واش راها غاديا مع التوقيت ديال الصلا ولا هي سابقة الجماعة ولا معطلة؟! لمهم صلات العصر والمغرب والعشا ماعندهاش كيف دير تعرف وهي مامعاهاش الساعة... سلات دارت عليها كاب من البرد وخرج كاتقلب على رافائيل ماتهنات تا لقاتو ناعس فسطح اليخت فوق الفوطوي... جامع يديه لصدرو وداير رجل على الرجل... بتسمات او قالت بسخرية
ريمان:اممم اقرب طريق لقلب الرجل طحشتو 😄 so let's go to الكوزينة 😌
وولات هبطات للكوزينةبغات توجد ماياكلو قلبات لبلاكارات بغاط طيب هي شي حاجة... مالقات والو طبعا راها فيخت ... حلات تلاجة فيها غير لي سلاد فخوي سلاد دالخضرة... بيتزة ماطيباش الكشير وتقاتق دانينويات عواصر مع سقايط.. عوجات فمها باستياء جاتها الخاطر على طياب او بالأحرى جااهاا الملل... هزات داكشي لي تماا طيبات بيتزة عمرات الطبلة بداكشي ... او طبعا عقلها كولو مع رافائيل وهضرتو وهي مبتسمة
رافائيل:لباس ونتي كي دايرة؟! هههه ... شتي نتي والله ماعندك نص عقل وانا كتر لي داير فييك راسي.... }}}}}}
كانت كاتحرك بكل رشاقة وهي فرحااانة... وكاضحك غير بوحدها...سلات وطلعات تفيق رافائيل لقاتو مزال فوضعيتو... غير هو عاقد حجبانو..
ريمان:عمري شت شي واحد ناعس وهو مغوبش تا شت هاااد العجب هههه لوكوبوي ناعس... (هزات حاجب بطريقة شيطانية ودارت ضحكة جانبية ساخرة)اممممممم let's go to play شوية... غانورييييك جيلالي السفناااج علياش قاادد...ومنها نشوفوو واش كتيخاف علييااا
حكات يديه مع بعضهم بحال سماسرية الكبار 😂
طلعات للكابيني وبدات تقلب على بوطون ديال الإنذار لي بركات فيه فالصبح... تا لقاتهاا حسبات تا لتلاتة وبركااات فيييه.... او بداا كايعطي سفيير الإنذاار و كايرش الماا... وهبطااات كاتجري وكاتغوت سدات عليهااا باب الكوزينة من داخل وعطاتها للغوات...
توگد كايمسح وجهو من الما...شوية سمعهاا كاتغوت ... الخلايا ديال دماغو تشوكو... نقز من بلاصتو عرف الغوات جاي من الكوزينة... هبط كاايجري وكايتمتم بكلام مامفهوومش بالخوف... لقا الباب مسدود... وريمان كاتغوت من دااخل
أما مولات المصايب تخبات تحت البلاكار وسادة عليها الباب وكاضحك... ماحسابهااش رافائيل غايمووت وماتأدا تاا شعرة منهاا....
رافائيل:(كاايلهث)ريماااان ... رييمااااان فييينك... فيييين غاتكووون مشااااااااات ..... هووووف ريييمااااان... (غمض عينيه وقال بصوت خاافت)وااش نكون غير كانحلم ؟! سمعتهاا هناااا... انا متأكد كانت هنااا.... اوووووف
مسح وجهو بحيرة وخوف ... ماعرفش شنو يدير ... واش غير كايحلم ولا حقيقة؟! واش بصح كانت كاتعيط ليه ولا غا جاب ليه بالو من خوفو عليهاا؟!! او فين غاتكون مشات؟! شعرو كان كايقطر منو الما والعرق... خرج من الكوزينة كايعيط باسم ريمان... كايحس وكأن روحو غاتخرج من جسدو بالخوف عليهاا... مشا لبيتها كايقلب بحال المجنون... قلب لبيوت واحد بواحد طلع لسطح اليخت لاتكون رمات راسها ...جمييع الأفكار السلبية طاحت فبالو فديك الثواني... أما إسمها كايخرج بين شفايفو لي كايترعدو كل ثانية...
لحظة خوف تولِد إعتراف ❤
ريمان خرجات فين كانت مخبية كاطل عليه من ورا الباب... تعجبااات من منظرو... كان كايدور راسو يمين وشمال وكايردد اسمها بخوف كبييير... جااها العجب كيفاش خااف عليها لهاد الدراجة...تفكرات نهار نقدها من العاصفة... وكيفاش خاايف عليهاا داباا... بدات كاتأكد شوية بشوية بلي...
ريمان: يقدر يكون تا هو كايبغيني ؟!! بفف يمكن خايف غير على ماماه إلاا فقدني غايفقد تا ماماه.. يمكن تانا زدت فيييه اي واحد فبلاصتو غايخاف ... بفففف
كان رافائيل شوية ويتلاااح فالبحر...حيت كان الظلام مابان ليه والو...حط رجل الولة فااحديدة تا سمع صوتها من موراه
ريمان:رافاييل
دور راسو ببطء لجيهتهاا... ريمان تصدمات من أثار الدموع لي كانو على خدو... تربط ليها لسانها ... اش غاتقولييه "هادشي كوللو غيير ضحك؟!" بكاتو ورداتو بحال المجنون وغيير باااش ضحك...ماقدراتش تهضر أصلا داك الجسد لي كان واقف فااحدايد... تدفع لجيهتها بسرعة البرق جبدها لعندو بكل قوة... تا حسات بلي غادي تقتاحم قفصو الصدري..ويدخلها لقلبو... تاهو بالخوف عليهاا وعلى فقدانها تربط ليه لسانو.... ريمان حسات بالدنب من لي دارت... تاهي هزات يديها وحاوطاتو بيهم...ودفنات راسها فصدرو الكبيير ... شحااال كانت محتااحة هاد الحضن...خصووصا منو حيت مابقا عندها شك بلي ولات كاتبغييه...
حسات بيه كايرجف زاد ضميرها كايأنب فيهاا...كان مزاال كايتمتم بإسمها بين الفنية والاخرى .... مزال ماعرف واش حقيقة ولا حلم... لي عارف هو البنت لي بغاها قلبو بخيير وبين يديه ... هادا هو لي كايهمو... بداات الطمأنينة كاتسلل لقلبو شوية بشوية...وتنفسو رجع طبيعي تا دقات قلبو رجعو عاديين...
ريمان كيف حسات بيه رتاح بدات كاترجع لوور بلطف.. بعدات راسها من صدرو ... وعلات عينيها فيه عينيها كانو فيهم دمووع...طلقاو عينيهم كل واحد فيهم باغي يقرى فعين لاخر باش كايحس...كل واحد فيهم باغي يطمأن على لاخر..ولا لغة أبلغ من لغة العين الصادقة...
يدين رافائيل كاايترعدو كانو فوق كتافها
رافائيل:ريمان مماوقع ليك والو؟!
ريمان:(بتوتر)رافاييل... أنا بخيير...كنت... كنت بغييت غير... اححم غير نفيقك
رافائيل:(قاطعه كايحرك راسو لفوق للتحت)اااه ماحسابليييكش حيت مزااال مااعرفتي مكاانتك عندي...(غمض عينيه وحاول يتحكم فأعصابو ويخرج صوتو رقيق مااا أمكن) بفففف ريماااان كنت مستاااعد نموووت وماتأداايش ... مااطييحش على باالك شحال خفت علييك... ريمان نفسي تقطعااااااات فااش سمعتك كاتغوتي أصلا كانحس بيه نتي التفس لي كانتنفسو.... (صوتو ضعاف)I Can't without you rimene (لا أستطيع من دونك) وليتي الدم لي كايجري فعرووقي... وليتي عاايشة فشراييني... تربعتي على عرش قلبي ا ريمان... شرايين قلبي كاايتقطعو فاش كانشوفك كاتبكي... عقلي كاايبغي يخرج من بلاصتو بمجرد فكرة أنكي غادي تأداي ولا غاتوقع ليك شي حااجة...ريمان I Can't living without you I swear ...
ريمان حنات راسها للأرض وسمحات للعبارات تهبط من عينيها حسات وكأنه كايوصف إحساسها تجاهو... ماعرفات ماتقوول أول مرة لسانها السليط ولي مايوقفو تا حاحة يتربط قدام هضرة رافائيل... قلبها بوحدو لي كان كاينبض بسرعة...بحال ايلا باغي يخرج من بلاصتوو
أحبني صهيوني الجزء الثامن
محتوى القصة
التنقل بين الأجزاء