واخا مادار والو لكن منين شاف دموعها تلف حس بقلبو تزير عليه كل دمعة هابطة من عينيها كأنها خنجر كاتغرس فقلبو ... جبدها عندو وعنقها وهي مستسلمة...
كانت هاديك أول مرة تبكي حدا شي واحد... المنظر ديالو وهو كايقلب عليهاا مزال بين عينيها... اوكيفاش خايف علييهاا أثرت فنفسيتها بزااااف... مايمكنش يخاف علييك شي واحد بحال هككا إلاا ٱذا كان كايبغييك... وكما تقول الأسطورة "الأفعال أبلغ من الأقوال" بهاد الجيسط لي دار رافائيل أكد لريمان بلي يستاهل كل ماكتحس من جيهتو..
ريمان ماشي من النوع لي يعرف يعبر حيت عمرها بغااات شي واحد... كانت ديما ضدد الحب ...عمرها آمنات بييه بلي موجوود... كانت ديما كاتقول بلي الحب موجود فالقصص والأفلام فقط... تاا لقات رافائيل عرفات معاه معنى الخوف على لي كاتبغي عرفات معنى تبقا فايق كاتفكر غير فلي كاتبغي... عرفات معاه معنى الحب... زير رافائيل يديه علييهاا كأنه خاايف يفقدهاا... كااتبان ليه ريمان بحال الحلم ماباغييش يفيق منو...
رافائيل:سمحيلي ماكنتش باغي نقولك هاد الهضرة...تااا تكون حياتنا مستقرة..ونحلو هاد المشاكيل لي فوق راسي ونجيب الواليدة ديالي...ولكن مااحسيتش آ ريمان ... أنا كانبغييييك بزااااف ... تيقي بييااا ا ريمان إيلا قلت لييك مستاعد نموووت على قبلك
ريمان ماقدراتش تهضر خلات دموعها تهبط براحتهم... كان جوابها أنها زيرات يديها عليييه...يعني ماتخلينييييش... هاكا كاتعبر ريمان على مشاعرها...وتا رافائيل فهمها وقال
داكشي لي كان مشاو كولها لبيتو بدلات ريمان حوايجها وهي كاتفكر داكشي لي وقع ليها قبيلا... بدات كاضحك غير بوحدها... إحساس فشكل فااش كاتفكر وجه رافائيل وهو خايف علييهاا... أحلى إحساس حسات بيه هو فاش كانت بين حضانو...تفكرات ديك اللحضة وطلعات معاها تبوريشة خفيفة مع ابتسامة على وجههاا...بدات تقلب على شي حاجة أنثوية... لقات كسيوة تحت الركبة فالكحل بسميطة... لبساتها مع سبرديلة بيضة طلقات شعرها ودارت شوية ديال الميك اب..وتاجهات للكوزينة لقاتو مزال ما جا
رافائيل مشا لبيتو دخل يدوش تاهو نفس الشي غير ريمان لي فبالو...كايغمض عينيه وتبان ليه صورة ريمان... مشاعرو تجاهها قوية بزااف ...غادية وكتزييد تكبر
خرج لبس حوايجو عبارة على سوفيطمة بيضة مع شورط حد الركبة فالگري وسبادرين بيضة...
رافائيل... لقاها كاتاكل بقا شحال كايشوف فيها أول مرة يشوفها لابسة كسيوة... جات كيووت كيما وصفها فبالو...بتاسم جنب عاد بان ليها...
بداو ياكلو فجو صامت... لكن ماكيخلووش من النظارات لبعضياتهم... ريمان كاتهز عينيها كاتلقاه كايشوف فيها... كاتولي تحني راسها... عاود تهزهم نفس الشي ... تا طفح الكيل بدات تسووط من نيفها وتأفأف وهو كايضحك عليها
رافائيل:مزال كانتسناك تجاوبيني على السؤال... واش عمرك بغيتي؟!
ريمان:(حنات راسها كاتشوف فطبسيلها وحاوبات بخجل) احم هو صراحة لااا... كونت دييما ضدد الحب وعمري آمنت بيييه...تا من زواج ماكنتش باغيا نتزوج .باختصار كنت بحال الجيلالي سفناج هههه
رافائيل:ههه اه مزيان (بصوت خافض)دابا رتاحيت
ريمان:نعام ماسمعتكش اش قلتي ؟!
رافائيل:والو .. ساليت ماكلتي ... بصحتك
ريمان:يعطيك الصحة ... هز طبسيلك غسلو
رافائيل:أييه بدينا ااحكيم من دابا هههه
ريمان حشمات من هضرتو بانت ابسامة على وجهعا وسرعان ما حيداتها...
ريمان:آش بيني وبينك نحكم فيك ولا تحكم فيا...
رافائيل:آيييه مابيناتنا وااالو امممم
هز الطبسيل ديالو غسلو تحت أنظار ريمان لي عامرين إعجاب وحب... سالا دار لعندها وهي تمثل بلي مامسوقاش وكانشوف فطبسيلها.... مسح يديه وتم خارج من الكوزينة ودار شاف فريمان لي كانت مزال كاتخشي فوجهها وكاتشوف فطبسيلها كاتمثل عدم الاكتراث
رافائيل:غانطلع غير للكابيني... ماديريش شي موشكيلة الله يرضي على بنتي يكفي هادشي لي درتي لحد الآن
ريمان:دابا بغييتي تقوووول أنا كاندير المشاكيييييل..لا غيير قولها قوووولها ... باااز بغيت غير نضحك معااك آ وجه النكد وانت قلبتيها ليا فيلم درامي
رافائيل:(ضحك عليها وعلى هضرتها)شتي واخا تأنثي تا تعيااااي...فمك بالضبط غايبقاا دييما جيلالي السفناج هههه
ريمان:(ماعجبتهاش هضرتو وهزات لوزة لاحتها عليه وهو خرج كايضحك علييهاا وعلى أفعلها الطفولية)سيييير بحااااالك أ شارحابيييل ... أش هرفك فشي أنوثة الحقير لاخر.... ديمااا مندمني تف أش داني نلبس هاد العجب گاع قالك نعجبو... تعجبو جنيّة ان شاء الله وبجاه النبي...
طلع لكابيني وهو مباتسم غيى بوحدو... شاف شحال بقالهم باش يوصلو... بقا يخربش فداكشي وعيط لاميطيو يشوف أحوال الطقس... وعيط تا الخدم باش يتعردو ليه فالمناء ديال تركيا ... سالا ومشا لببيت الگلاس لي فسططح اليخت
طلعات لبيت الگلاس لي كاين لفوق... بداات دور فعينيهااا مالقاات لا ورقة لا ستيلو
ريمان:(باستياء)بفففف ماعندووووش شنو نموووت دابا أنا نموووووت اووووف😯
رافائيل:(جا من موراها وقال بسخرية كاتعجبو فاش كايبدلو فيها لوان)كاتقلبي علييااا آ حوباي 😁
بلقات عينيهااا حيت ماحساتش بيه منين جا....وحسات بالسخااانة طلعات ليها لوجههاا...دارت عندو وزادت تصدمات منين شافتو داير نظيظرات ديال الشوف لي زادوه جمال على جمالو... جا كيووووووت بدات ريمان غير كاتمتم وكاتحاول تشتت تفكيرها
ريمان: احم احم .. ءءءء لا ... كنت كانقلب على... شي ورقة وقلم...
رافائيل:(طلع حاجب بتساؤل) اوو علاش ؟!
ريمان:بغيت نرسم مللييييت هناياا
رافائيل:(جاتو هضرتها فالجنب)اممم مليتي معايا؟!
ريمان:(حسات بيه وبغات دارك الأمر)لاا ماشي هككاك غيير ملييت...مالقييت مااانديير...فاش كنت فحياااتي شحال هادي كانخرج مع ليلى ولا كانمشي لاصال ولا المنظمة ولا المحلبة ولا الحمام...اه على الحمام آخ😔
رافائيل:اممممم .. مااابقا والو و نوصلو أصلاهبطي تفرجي فالتلفازة
قال رافائيل كلامو وتاجه للفوطوي ... هز بيسيه تحت أنظار ريمان لي حسات بيه تقلق من هضرتها...وقالت بينها وبين نفسها
ريمان:شحال جا كيوووووت بنضيضراات... صراااحة متييتز ايلا شافتو ليلى تحوالي عليه هههه اه آ ليلى فيين راكي مجلوقة أجي تشووفي صحااايبتك لي قالت لييك عمرها تحب طااحت على خنافرهاا فبقلاوة خضرة 😬 اممن باين تقلق مني هاد شرحابيل ..اممم
مشات لجيهو وگلسات عمد راسو كاتشوف تا هي فالپيسي... رافائيل عقلو معاها وعينيه وودنيه ونيفو كووولشي فيه معاها ولكن كاايبين بلي مامسوقش... بين ليها راه مشغوووووول... وريمان باغا تفهم فالاقتصاد صحة...دايرة فيها باغا تعرف وهي غيير باغا غيير تبقا قريب منو
ريمان:دابا هاد السهم ديالاش؟!
رافائيل:ديال الواردات
ريمان:ديالاش هاد الواردات؟!
رافائيل:(عجبو الحال واخا هككاك باقي مغوبش)ديال الشريكة لي فتركيا
شوية بانت دائيرة فشاشة الحسوب وهي تسول ريمان... بحال دراري صغاار لي باغيين يعرفو
ريمان:اممم وهاااد دائرة ديالاااش؟
رافائيل:(شااد ليها الخاطر) هادي تاهي عندها نفس الشي ديال الأسهم لي شتي قبيلا...هاد اللون الوردي ديال الواردات وهاد اللون الزرق ديال الصادرات... فهمتي
ريمان:امممم دابا انت غير فهاد العامين درتي شرييكة؟!
رافائيل:لااا
مابغاش يجاوبها عجبو الحال تبقا تسولو ...
ريمان:اممم وديالمن؟؟
رافائيل:هاد الشركة أسسهاا جدي من الوالدة... هو وشي صحابو من عام 1994 ... منين شديت الاستقالة ديالي مشيت للعندو هو من ديما كايساندني.. دخلني فالأول غير مساعد ديالو... وففس الوقت كنت كانقرى التجارة فمعهد... ومؤخرا وكلني فبلاصتو وعطاني الحق نتحكم فگاع الشركات ديالو
ريمان:اوووه (بتعجب) علااه تبارك الرحمان شحال من شركة عند جدك؟!
شوية بانو شي بنات فالبيسي ... رقاقاااات وشبه عريانيين ... بلگاات عينيهاا فيهم ... ورافائيل كايدوز وحدة بوحدة ها سمرة ها زعرة ها طويلة ها القصيرة... والپوزااات... ريمان بدااااات تعواج وتصفاار ههه رافائيل خايد كيشووف ويديير زووم للوجه لبنات وجسمهم ... هادوك بنات لي مرشحين باش يديرو إشهرات للشركات ... شوية حس بدييك الطفلة الكبيرة لي حداه كاتصوط... خرج لسانو شوية بمكر... وقال بصوت خافت كأنه كايودي مع راسو ولكن بغا تا ريمان تسمعو
رافائيل:اممم هاادي زوييينة... (كايكبر ليها صدرها وفخادها لي عريانين)اوووه شحااال غاتكوون طالبة گاع؟ زعماا تكون غاالية !؟ ولكن تستاااهل
ريمان حلات فمها وعينيهاا... شوية غووبشاااات ونفخاات نيفهاا ... حسات بإحساس غرييييب ... بحال منين كانت صغييرة وكاتهز ليها ليلى لعبتها العزييييزة علييهاا...حساات بلي شي حاحة ديااااالها كاتخاد منهاا... وهاد الحاجة هو داك الجسم الضخم لي داير رجل على رجل... وكايتصنع لا مبالاة...
رافائيل:(زعما كايفكر بينو وبين نفسو ولكن كيسمع ليها)اممم الماطيرييل عندهاا هاد خيتي... تصلااحلي من النوع لي كاييعجبني أساسا... ولا هاد السمييمرة اممم هاح على الويييين لي كاايحمقني...
رافائيل:اوه ريمان مااالك؟؟! حااس بييك ماشي هي هادييييك
ريمان:(مارضياااش تبين لييه )مامالي والو غيير الكسوة تزيرت علييااا
رافائيل:اممم أجي نحل ليك السنسلة ...
ريمان:(بينها وبين نفسها:أنا لي غانفتح لييك كرشك ونجبد ليك مصاااارنك ندير بيهم الگدبيييد ششووووف على الشيطاااااان بن الشيطان لاااااخر:)لا لا بلاش شكرا...
رافائيل:(كايزيد يفقصها)اوكي على خاطرك...(دار شاف فالبيسي من جديد وقال نوجه كلامو لريمان لي كاتحرق من داخل)اشنو بان لييك هااادي تقدي الغراض؟؟ اممم ماقنعاتنييييش... رقيوقة شوية
ريمان:(بغات تجبد منو الهضرة قالت)وعلاااش انت عواال تزوج بيها ولا؟!
رافائيل:اوووكي اوكي ... (وقال ببلادة طبعا متصنعة هو عارف مزيان مالها)ماقلت تاحاجة دالعيب مالك معصبة؟!
ريمان:(مغوبشة وكاتهضر بين سنانها بحال الناس لي المعصبين وكاضرب رجليها مع الأرض وقالت)داااباااا أناا معصبة آآ ؟! واااااش كانبان ليييييييك معصبببببببة ؟! أنا مامعصبااااش
رافائيل:(هز حاجب وجاتو الضحكة من شكلها وهي كاتهضر)هادشي كولو ومامعصبااااش أما كون كنتي معصبة كون ردمتي هاد اليخت بلي فييه 😏
ريمان:(من تحت سنانها)آه كووون كنت معصبة كووووون هرست ليك داك الراااااس...كوون قتلتك وقطعتك طريفااات صغااااار ورميتك فالبحر...
رافائيل:إيوا الحمد لله حيت مامعصباااش 😏
ودار تاني للبيسيه والضحكة غالباه حابسها غيير بزز... أما ريمان ماحاس بييهاا غيير لي كايبغي ومجرب ناار الغيرة لي شاعلة ليها فقلبها....بداو كايجيوها شي تخيلاات...بحال رافائيل صدرو عريان ناعس مع ديك البنت... كييبوس فييهاا من شفايفهاا... وكايقيص فيها ويتلمس... وهو فرحااان كايضحك هو وديك البنت لي معاه.. شوية بدات كاتخايل النموسية كاتمشي وتجي كاتسمع صوت تنحنيح ديالهم ههه ... بلقااات عينيها بحاااا ايلا داكشي كاتشووفو قداامهااا.. وقالت وهي كاتشد ليه البسي
ريمان:ولد الحرااااااام ... الغداار المنافق الكدااااااب... ليهوودي لاخر الصهيووووني...قبيلا داير لي فيييييها عنتر ابن شدااااد... ياااااك آ ولد الحرااااااام وداباااا گالس ليييااا كاتختااااار حدااايااااااااا.... داااايرلي فييهااااا مِتولّي أبو النسوااانجي.... أنااا بغيييييت لييييييييك العجز الجنسي أنا بغييييييييت نهاااااار تبغي تقيم عليهاا ماتلقاا ماتقييييييم .... تلقى عندك فيييلة صغييييرة قد هااااكة يااااا ولد الحرااااااااام يا بو فوووولة...ياا الصفرييييييط
رافائيل:(بصوت حنين قال كلمة نااابعة من القلب)كانبغيييييييييك
هاد الكلمة لي دخلااات لأعمااااااق أعماااق قلب ريمان كمسكن للألام الغيرة لي حساتها... هااد الكلمة الصغيرة قاادرة دوب جبل من التلج ... فمااا بالك بقلب ريمان الصغير... حسات بحواسها بدات ترخاا شوية بشوية... فتحات المجال لدموعها ينزلو كيما بغاو...ولي زاد كالماها كلام رافائيل
رافائيل:عمري نخليييك..قلتها وعادي نعاودهاا ماغانسمح بتاحاجة من غيير بالموت لي غاتفرقناا...سمعتي من غيييير المووووت تا حااااجة ماغاتبعدني علييييك من هااد اللحظة... من هااااد اللحظة نمووووت ونعيييش غيير لييييك...
ريمان رخات داتها واستسلمااات بالكامل... دوبااتها هضرتو...خلاتها تنتاقل للعالم تااااني ... عالم فييه غير هو وهي ... وفقط...غمضات عينيهاا ولا نقولو عصراتهم بارتياحية... هزات يديها بزوج حطاتهم على ظهر رافائيل... وقالت وهي مغمضة عينيهاا ... كان قلبها لي كايهضر هاد المرة
رافائيل:(كحز ليها راسها من سدرو بلطف وحط يديها على خدها كايمسح ليها دموعها وقال بصوت كولو حنيين وتعمد يخرجو رقيق باش يحسسها بالراحة أكتر وقال من باب الدعابة فقط)ونتي لياااا بووحدي ولي عندو شي اعترااض نطحنوو
ابتسمات ريمان على هضرتو وعينيها فقلب عينيه... كايشوفة فبعضياتهم كأنهم خلقو لبعضهم... كأن العالم كوولو فيهم غيير بزوج بيهم... فاش كانبغييو كانساو دواتنا وأرواحنا كانساو العالم بلي فيييه... بلا مايحسو بزووج ندامجو فقبلة عفييييفة كاتبين مدا حبهم لبعضياتهم... كأنهم كايعبرو على مدا تعلق ريمان برافائيل ورافائيل بريمان...وكأن ريمان كاتبصم على رافائيل بديك القبلة بلي ديالها بوحدهاا... ورافائيل بديك القبلة كايعلن للعالم بلي أي واحد فكر ولو غير فكرة يتقرب من ريمان غايكون مقابل تفكيرو الموت... كانت قبلة عفيفة بزااااف من كيلا الطرفين... قبلة أقل مانقول عليهاا كلها حب ومشاعر
فيقهم من سباتهم صوت بحال ديال اتصال جاي من الكابيني... كانت المبادرة من ريمان هي لي بعدات راسها وعينيها حانياهم... غمض رافائيل عينيه براحة... وتنهد تا حسات ريمان بالهواء لي خرج من فمو دافئ ضرب ليهاا فجبهتها...
كحزات لور تا بعدات علييه وراسها فالأرض... كاتعصر فصبعانها بتوتر... وقالت للرافائيل لي كايراقب تحركاتها وابتسامة على محياه
أما هو طلع الكابيني وطبعا فرحتو لاااااا توصف بعد اعتراف ريمان لييه... حااااس براسو كايطييير...أخييراا حياتو غاديا تستقر مع ماماه والبنت لي كايبغي بعييد على الدمياات والتنوعير ديال الديب... غير هو والناس لي كايبغي ... فرحااان بزااااف وابتسامتو الجذابة مافرقاتش وجهو... طلع قاد الأمور لي علييه...
وريمان بعدماا فاقت من الصدمة لي كانت فيهاا..بغيت نقوول الحلم زويين لي كانت فييه... ردات شعرها ورا ودنيهاا... وبلا مانوصف ليكم إحساسها 😉 بانت على فمها ابتسامة زويينة أول مرة تبتاسمها فحياتها... حااسة براسها يلاااه جات من كوكب آخر.... غمضات عينيها وتنهدات ... ومشااات لبيتها كاتجمع حوايجهاا... وكاتغني بصوتها العذب الرائع
ريمان: أخيرا قالها قال احبك قالها،
وانا قلبي قلبي قلبي قلبي نبضه توقف بعدها
واخيرا قالها قال احبك قالها،
وانا قلبي قلبي قلبي قلبي نبضه توقف بعدها من فديت انا العيون قال احبك وبجنون
ويدي أطير ويدي أعيش الدنيا بگرباها
الفرحه يمه لقيتها صعب جدا وصفها
هو قلبي وهو نبضه وحلى نبضه يديقهاا
الفرحه يمه لقيتها قال احبك قالها الفرحه يمه لقيتها صعب جدا وصفها
اي صحيح اني هويت حتى اسمي اني نسيت لما قالي تعال احضني بوقتها
شوية خلط تاهو عليها جار فليزتو ففيسطو تابعو من لوور كاينقز... نعس تا شبع نعااس ونااض نااشط...أصلاا حس برافائيل فرحااان وفرح معاه تاهو... قرب عند ريمان بغا يلعب معاها ... تاهي هبطات لعندو مسحات على راسو ... مابقاتش كاتخاف من الحيوانات ...
ريمان جاتها الضحكة على هضرتو ولكن مابغاتش طلقها كتماتها.....وهي مزالة كاتلعب مع فيسطون... تاحسات بيد تحطات على يدها لي فوق راس فيسطون... او ميين غييرو روميو ديالنا 😁 رافائيل كانو يديه دافيين ورطبيين...
حنات ريمان راسها للأرض بخجل... مرة مرة فاش كاتهز عينيها فيه ...
رافائيل كايشوووف فييهااا وهو مبتاسم... ماكرهش يضمها عندو .. يدخلها لأعماااقو ويخبيهاا...مايخلي تااا واحد يشوفهاا من غييرو... ولكن عارفها غاتحشم وماتبغييش... داكشي لاش خلاها على خاطرها...
بقاو هككاك تا قرب رافائيل من الگيدون ديال اليخت... وريمان مزاالة حالة فمها مع عينيها ههه تا وصلو للميناء إسطنبول... كان عاالم آخر تماا المطاعم واليخوت... زادت ريمان حبات المكان كتر ... واخا الوقت نتأخر إلا أن الدنيا كانت عامرة بالناس
وقف اليخت وصط من اليخوت ليتما... هبطو جات ريمان تهز فاليزاتها ... تا منعها رافائيل بلطف مدعيا أن الخدم غاديين يتكلفو... وداكشي لي كان دخل واحد هز الفاليزات وتبعهم من الوور... هبطو من اليخت... لقاو سيار BMW X5 وموراها ميرسيديس عطاه الشيفور الساروت حيت رافائيل كايبغي يسوگ راسو... ركبو ف BMW لي كانت فالون الگري ... ركب ريمان وشد موراها الباب وهوما مبتاسمين لبعضياتهم... هادشي تحت أنظار الشيفور والخدام لي تعجبو بزااااااف من رافائيل... وكانو بزوج مغاربة أتراك
شيفور(وفنفس الوقت بحال رجل الأعمال ديالو)-(مبلگ عينيه😳):وايّاااو !! اش هادشي كانشووف؟!
الخدم (كتيتيق فيه رافائيل بزاف):واااايلي .... واااش حل ليها الباب وسدو وراها؟!! لا بلاااااتي وااش شتي الابتسامة لي على وجهو؟!... واهيا نااااري وااهيا درب السلطان ...وااش سيدي رافائيل هادا ...
شيفور:ههه وااااقيييلا ماشي هو... والااايني قرطااااسة لي معااااه... تكون زعمااا دوبات لييه داك القليب
نوصفهوم ليكم دابا حيت ولاو شخصيات معانا "شيفور ولي سميتو هارون فعمرو 28 سنة قااري وخدام مع رافائيل كايسر معاه الأمور وبحال يدو ليمن كايتيق فيه رافائيل حيت جربو شحال من مرة ولقات بصح يستحق وفنفس الوقت شيفور ديالو بعد المرات قليلة
الخدم سميتو محمد فعمرو 35 سنة متزوج وعندو وليد متكلف بأي حاجة كاتخص الڤيلا بيما فيها المطبخ ... تاهو مصدر ثقة للرافائيل خدامين من قلبهوم معاه وتاهو عمرو خصرليهم من هادي عاماين عمرهوم شافو منو شي خاحة خايبة"
نرجعو للأبطالنا... مشاو للڤييلااا ديال رافائيل... لي كانت فخمة و فحي راااقي على دوقو ... الطريق كولها وريمان كاتشووف من السرجم وتبتاسم... تا وصلو الڤييلا لي كانت راااقية بزااف... ومبنية على الطريقة التركية الحديثة... كاتكون من تلاتة ديال الطبقات مع مسبح... وجردة كبييييرة كاطل على مضيق بوسفور... هبطو من طوموبيل تاايجي هارون يدخلها للگاراج... ودخلو للڤيلا... بقات ريمان حالة عينيها وكاتشووف ... وخصووصا فااش دخلات لداااخل... كانت كوول حاجة فبلاصتها...
ريمان:(بينها وبين راسها)وااهيا العماالة..وااهيا سيدنا😳...حسن من داك القصر ديال الديب دباه... واخا صغييرة ولكن بالحلااال... واااااو على تلفاازة قداااااش... كون كانت ماما هنااا كون بقات معلقة عينيها فهااد الثرية ههه والايني واااعرة...
رافائيل:ريمان... ريييماان
ريمان:(عاد فاقت دارت عندو)ءءء نعاام؟
رافائيل:فيك النعاس ولا تاكلي شي حاجة؟!
ريمان:(شافت فالساعة لي كانت معلقة فالحيط)هاادي الوحدة دالليل نمشي نعس...
رافائيل:محمد ... وجد للريمان بيتها
محمد:واخا آسيدي... تأمرني بشي حاجة آخرى؟!
رافائيل:طلعلي فاليزتي ووجدلي الدوش ديالي
رافائيل:واخا آسيدي...آنسة مرحبا بيك... تفضلي
طلعو للطابق الثاني كان كولو بيوتة تقريبا شي 4 دالبيوت... وزرابي مفرشين على طوول الكولوار... داز البيوتة اللولين البيت الثالت حلو ... كان الباب فالذهبي فييه شي نقووش... فتحو البيت كان رااقي الفراش فالذهبي... المهم طااغي على البيت لون البيض والغوزانديان... مع الحمام ومكتب صغير داير بحال خزنة فالبيض والماريو...
اكتشفات ريمان المكان على ماحط محمد الڤاليزة فوق الطبلة ... وتاجه بكلامو ليها
محمد:(حاني راسو احتراما ليها)آنسة طلبي شي حاجة؟؟
ريمان:(زوينة هاد آنسة عندو هههه )لاا مابغيت والو
محمد:تصبحي على خير آنسة
ريمان:وانت من أهل الخير
خرج محمد وسد وراه الباب وتاجه لبيت رافائيل يقاد ليه الحمام... أما ريمان بدلات حوايجهاا لبسات پيجامة صيفية... وتخشات ففراشها... على ظهرها نعساات وبقات تشووف فالسقف وهي كاضحك غير بوحدها... وقالت كاتخاطب راسها
ريمان:رديتييني كي الهبيييلة... عمري تخااييلت نبغي تانا بحاال لبنات ونتحب... سؤال واحد لي محيرني آش عجبو فيها وانا تقريييبا بحالي بحالو خااصني غاا.... أعوذ بالله هههه تانااا بنت آش خااصني ... غيير نبرز الأنوثة ديالي شييي شوية ... ونبقا نلبس كسيوااات امممم ... آلبي دليييلي آلي هاتحييبي طارارااا ريراارا
تاداها نعاس وهي مبتاسمة... رافائيل مشا قاد شي وراق وسينة على شي وراق ديال الشريكة لقاهم فالبيرو ديالو... تاخلط عليه محمد كايعلمو بلي قاد ليهم كولشي
رافائيل:آه غداا... نبغي يكون البيت كيما عندها لهيه... ماتحس بتا نقص... وحاجة اخرى لي طلباتها ريمان وفرها لييهاا...
محمد:لي جا من جيهتك آ سيدي على الراس والعين
رافائيل:عارف لي كاين آ محمد.. سير تنعس دابا تصبح على خير
محمد:وانت من أهل الخير آ سيدي
القدر تكون له كلمة كبيرة في حياتنا...ولكن أحيانا تتدخل القدرة الإلهية لتغير هذا القدر المحتوم إلى الأبد
في بعض الأحيان نقول أننا انتهينا أننا غرقنا فينجينا الله برحمته لتُكتب لنا حياة أخرى ❤
فتذكر أنه ليس دائما مايكون القدر محتوماا 😁
"خربشاتي 😇"
بعد دقائق ولا نقولو ساعة... عاد سالا رافائيل شغالاتو بدا يجيه النعاس... كان نهاار طوييييل ملييييييئ بالمشاكييل والشغب من ريمان... تفوه ونااض من كورسيه... تم خارج من البيرو طالع للبيت ديالو...
هو يتفكر حبيبة قلبو ... لي بيتها ملاصق مع بيتو... مشا بشوية لجيهة بيتها... حل الباب غيير بشوية باش مايديرش الحس... كان الظلام ماعاداا ضو لي داخل من السـرجم الكبير... مشا جيهة الفراش وشافها ناعسة... اضحك عليهاا... ناعسة على جنبها فمها محلول والريوگها هابطين... معدرتها قالتها خاصها غير ... أستغفر الله 😂
رافائيل:هادشي لي بغيت فييك... عفويتك لي مابقاتش فبنات ليوووم لي كوولهم شيكي ميكي...قلبك الكبيير حبك للخير...والمغامرات وتا العناد ديالك... الرجولة المخلطة بشوييكيكة ديال الأنوثة ههه كانبغييك كيما نتي آ ريمان... بغيتك بطريقة كلامك بروح الدعابة لي فيك... بالشعبية ديالك... ههه ماكدبتش منين سميتك جيلالي سفناج ... كانموووت فيييك
عاود طبع قبلة حنيينة على جبهتهاا... وتم خارج بحالو مشا لبيتو... خدا الدوش ولبس غير شورط وتخشا ففراشو....ووهو كوولو أمل أن غدا غايتصلح كوولشي... وأهم حاجة كايفكر فيها هي ريمان... لي ولات شغلو الشاغل... نعس وهو وصط أفكارو....
شخص ذو بنية قوية ... ممدود على فراش راااقي الألات دايرين بيه والسلوكة مخشيين فكل أنحاء جسمو ... راسو ملوي علييه فاسمة...تا صدرو كووولو فاسمات... بدا يحل عينيه بشوية... كاتبان ليه الضبابة... عاود سدهم...عاود حلهم... كايحس بألم فمعدتو وراسو عطييه الحريق... عصر عينيه مزيااان... ولا حلهم كانت الغرفة مظلمة... معاداا وميييض ديال ضو القمر لي داخل من السرجم... حااول يتفكر فيين راه... عصر عينه كمحالو منو فالتذكر... تاا سمع صوت الرصااااص كأنها ضربااات فقلب رااسو....حل عينيه مخلووه نبض قلبو بداا يتسارع...ووحدة من دوك الآلات لي كانو عند راسو بدات تعطي صفيير... سمعو مول الدار وجا كايجري...
-(كايقيص ضغطو بيديه)شنو واقع ؟!!
لاحظ بلي المريض فاق...
-فقتي ؟؟ تهدن تهدن تنفس بشوية... بشوية
بدا المريض كايتهدن ونفسو انتضم مع دقات قلبو تاهوما.... ولكن لاحض الشاب وكأن المريض مافهمووش شنو قال من خلال حجبانو لي عقدهم كدليل على عدم فهمو..
-مافهمتي عليي ؟؟
كانت ردة فعل المريض أنه حرك راسو بالنفي..
-إنت سوري شي؟؟
-(حاول يهضر بزز)فيني أنا ؟! شكووون انت ؟!
-اووه انت مغريبي 😳😳... لك شو جاابك لهووون😳
-شكون انت ؟؟(عصر عينيه بألم) ااااي راااسي..
-رتاح هالا... لا تعب حالك
-(ملاميحو تقلبو للغضب)انت يهودي؟! شكون انت ؟!
-لا تخااف ماراح يصير ليك شي... لا إله إلا الله محمد رسول الله... أنا مسلم يهودي
المريض تهدن منين سمع الشهادة... غمض عينيه بأريحية... ورخا داتو ... الشاب دار ليه مهدئ فالسيروم ... بعد دقائق قصييرة تفكر فيها المريض آش وقع لييه...غمض عينيه بتعب وحضر آخر اللحظة تفكرها
فلاش باك 🔙🔙 Flash Black
-حسييين لك إهرب يا زلمي ... عرفو مكانك وجيين لا ياخدوووك إهروووب
جسين:(قال بغضب وهو كايدير 2 دالأسلحة بين كرشو والسروال)الشماااايت...
-لك شو راح تعمل ولاااك اهرووووب
حسين:خااصني نوصل الأسلحة واخا على حساب حياتي
-يااا زلمي هوما كتاااااار رااح يخلوك تتمنى الموت كل دئيئة وماتلائيه... اهرب أحسن لك... يااا أخي هاذا الشي مكتوب علييناا لأنو في معناا جواسيس بيناتنا بيصلو كل زغيرة وكبيرة... ماراح نتهنى بيهم... لا تحرأ ألبنا عليك كمان.. تحرك
حسين تنهد بعمق ووكل أمرو لله
خرجو بزوج من الدار لي كانت مهجوورة تصافحو مع بعضهم وكلها شد طريقو... دار كان مخبي فييهاا على مايوصل الأسلحة للأيادي آمنة... خرج كايسلت كأي جسوس محترف... كانت العشية والسمش كاتغرب... شاف يمين وشمال... وحنا راسو بقا غاادي وصط الحجر والردم... سمع صوت الزطم ديالهم جاي من بعييد... وقلب الطريق للجيهة لوخرى... وطلق رجلو للريح
وصلو الجنود لديك الخربة قلبوها ورأسا على عقب... لقاو الأسلحة لي تعبو كل من ريمان وحسين باش يوصلوهوم... الأسلحة لي شافو المراااار باش وصلوهوم... مشا تعبهم فالزيرو... ولكن حياة حسين كانت أهم حيت بوحدو ماكانش غايقدر عليهم...
هرب حسين بين داك الردم... تا شافووه 2 من الجنود..وحيت هوما خوااافة خاصهم المحمية باش تبان القوة بحال الذئاب...ماشي بحال السبع غير بوحدو يقد بقطيع من الذئاب...
الجندي١:stooop stpooop
حسين مع الدورة ضرب بالرصاصة جابها ليه فرااسة وتاني غفلو وضرب حسين للكتفو..... لكن حسين دارك الأمر بسرعة ضربو برصاصة جابها ليه بين عينيه... طلق حسين تأويهة ألم من الإصابة لي فكتفو... وكمل طريقو... بدا الظلام يطيح... مما صعب الرأياا على كيلا الطرفين...محسين والذياب لي ولاو ينهشو لي جا قدامهم...جعرو منين شافو دوك الجنديين ميتين... وطبعا دخل الخووف للقلوبهم لأن الرصاصات خرجو من سلاح شخص متفنن في التصويب... هاد الشي خلاهم يزيدو ويكترو من القطيع...بغيت نقول يكترو من الحنود 😏 جابو سيارات رباعية الدفع الأسلحة الرشاشة... وكترو من الكلاشينكوف...تا من الهليكوبتر جابوها باش يقدرو يحددو مكان حسين من الفوق...تصورو هاد الهيلالة كوولها على قبل شخص واحد 😌
نرجعو للحسين لي شاد فكتفو... وكايقاوم الإغماء...وصل للحدود البحرية... بقا غادي مع الحرف ديال البحر... كايقلب على بلاصة لي يتخبع فيهاا...
إن لم تعش حرا طليقا فالموت أهون لك 💔
ولكن والو مالقااش فيين يتخبا تا الشجر ماكينش غير الصخر... بقا غادي تا سمع صوت الهليكوبتر... وقف فمكانو هالة من الضوء الهليكوبتر تمركزات عليه.. شوية دور راسو لقا جيش من الكلاب ... احم غلطت الجيوش الصهاينة... تكون عددهم بين 50 تا 100 ... محاصرينو وهزين الأسلحة... كانو يقدرو يقتلوه لكن هوما خاصهم يشفيو غليلو فيه...يعدبووه تا يتمنى الموووت...يقتلوه كل ثانية...
واحد من الجيوش: استسلم أخسن لك الموت مترصدك من كل جهة... استسلم وإيلا ستموت
حسين:(كايخاطب راسو)لا تراجع لا استسلام... مستحيييل نعيش تحت أقدامكم الكلااااب... الموووت أهون لي من الاستسلام للحمير بحالكم... (وقال بصوت مسموع)أشهد أن لا إله إلا الله وأشهد أن محمدا رسول الله
فلمحة البصر نقز فأعماق البحاار... اختار ينتاحر ولا يستسلم ليهم...بدااو يطبقو النِران عشوائيا.. ولكن ولاا رصاصة قاصت حسين... جاو كايجرييو كي الكلاب كايطلو علييه ... مالقاو والو... بداو يضربو بالأسلحة فكل بلاصة فالبحر... ماخلااو تا شبر ماضربووش فيه بالرصاص... بداو عملية البحث... من الليل تا لصباح اليوم التالي والا لقااو الجثة ديالو... تقول اختفت من الوجود وكأنه عمرو رما راسو من الحافة...كأنه وهم ...
لكن لي ماااعرفووش الكلاب البشرية... منين طاح مافقدش الوعي سبحان الله... وكأن الله مدو بقوة خفية... تخبع تحت واحد الصخرة واخا القوة ديالو طبعا متلاشية... بقا غادي بين الصخر ومرة يخبي راسو فالما باش مايبانش ليهم...والحافة كانت بحال شي الجبل وفيه شي حفاري كايتخبع فيهم مسلت بحال شي حنش... ولي عاونو الظلام لي كان تما... بعد عليهم شوية وصل لليابسة ماعرفش واش راه بااقي فالحدود الفلسطينية ولا وصل للحدود الإسرائيلية ... بقا كايجر رجلييه فالرملة ويشووف فجناابو ومورااه ...
وبدا يحس بجسمو كايترخا... وعينيه كايتقلبو لفوق ... نزف بزااف ديال الدم من الضربة دالكتف... شوية بان ليه شي خيال ماعرفش ديالاش... واش دإنس ولا جن... كايشوف غير ضبابة... الرؤيا غير واضحة بمرة... حاول يغمض عينيه ويحلهم على الله توضح ليه شوية... رجليه ولاو كاتجرو ومرة مرة كاتعكل تا كاتيبغي يطيح... وهو كايقرب لداك الجسد أو داك الجسد لي جااي كايجري لجيهتو... طااح ... ضلام ضبابة رجلين حافيين حدا راسو وصوت غير مؤلوف مع لغة غير مفهومة ثم ضلام حانك...
🔛🔛🔛🔛🔛🔛🔛🔛🔛🔛
غمض عينيه منين تفكر هادشي... حس براسو تقيييل عليه المنوم بدا يفيد معاه... بعد لحظات قلييلا استسلم للنوم...
نرجعو للأبطالنا ...
أصبحنا وأصبح الملك لله ... يوم جديييد ملييئ بالمفاجآت والأحداااث لي غاتقلب مجرى القصة رأساً على عقب...
فاقت ريمان هي لولة... مبتاسمة على غير العادة...موالفة كي تفيق فالصبح تنوض مخصرة...ولكن ليوم ماشي بحال سائر الأيام...ليوم فاقت ناشطة وعاجبها الحااال وفرحاانة... ناضت من بلاصتها حلات السراجم وخلات أشعة الشمس الذهبية تضرب ليها وجهها... غمضات عينيها وتنفسات بعمق هواء نقي لي كان داخل من النافذة... حلات عينيها وبقات تشوف فالمنظر لي كان قبالتها... الخضورية ونهر بوسفور... واحد الجو رائع... سلات دقائق التأمل فإبداع الخالق عز وجل... خدات الدوش ديالها وتوضات .... خرجات لبسات علييها غير بيجامتها تا تصلي عاد تلبس
ودارت ليزار باش تصلي... يلاه سلاه الضحى وهي تسمع الأذان كان قريب ليها بزاااف... تركيا عااامرة مساجد ...وصوت المؤذن كان عذب كايشرح النفس ماشي بحال شي مؤذنين عندناا
ريمان:الله شحااااال توحشت هاد الأجواء ديال الأذان... هاذا لي كايؤذن الله يعطيه الصحة صوتو زويييين... اممم غايكون تا هو شي تيتيز بقلاوة ههه أعووذ بالله أستغفر الله
صلات الظهر ودعات فصلاتها يسر ليها الله أمرها ويحبب الإسلام فقلب رافائيل... سلات حلات فاليزتها... قلبااتها كوولها مالقااات تا حاجة لي تعجبها... فتالي قررات تلبس سورفيت فالغوز بارد... مع سبادرين فالبيض ... خلات شعرها مطلوق وخرجات من بيتها... ماعرفات منين دوز عقلات غير على الدروج لي طلعات منهم لبارح... هبطات للسالا لي لتحت... وبدات دور راسها كي الحنش... تا قفزها محمد
محمد:آنسة صباح الخير
ريمان:اوه صباح الخير...سميتي ريمان...
محمد:متشرفين آنسة ريمان سميتي محمد... بغيتي شي حاجة؟؟ إلا كنتي مزالة عيانة غير سيري ترتاحي نجيب ليك الفطور تا لبيتك
ريمان:لاا لا ماعيانة والو...فين هي الكوزينة آ محمد؟
محمد:تبعيني آ أنسة
تبعاتو تا وصلو للكوزينة
ريمان:محمد واخا نوجد الفطور بيدي ؟؟
محمد:أنسة تشهيتي شي حاجة أنا نطيبها ليك؟؟ مسيو رافائيل وصاني عليييك بزاااف
ريمان:(بانت ابتسامة صغييرة فوجهها على ذكر رافائيل)احم عارفة ولكن أنا كايعجبني نطيب راسي... اووو طبعا غادي تعوني تا انت ... يلاه بسم الله ... جبدلي الطحين والخميرة والعجانة.....وووووو
وجدو طبلة لي كان فيها ما لذة وطاب من المأكولات المغربية والتركية... تا هبط رافائيل كان لابس ومدوش فكامل أناقتو... سروال كحل مقطع من الركبة مع سوميجة بالكارويات فالقهوي... طلعات معاه الريحة ديال الماكلة تا للفوق..
رافائيل:صباح الخير...
ريمان:اشمن صباح بقا العصر قرب يودن 😒...من صبح وحنا نتسناوك 😤 گلس گلس تاكل كرشي دايرة موسم بلا والي..
ركبوو فالطوموبيل... طلقات ريمان موسيقة تركية على من جهدها وقلعو... مرة مرة كايشوف فيها رافائيل وهو ضااحك... مرة يهضرو مرة تغني ريمان مع الاغنية واخا غير كاتخربق... داها للمعالم ديال إسطنبول... أول بلاصة مشاو ليها تلة العرائيس جردة كبيرة كاطل على مجموعة من المعالم السياحية لإسطنبول... شرا ليهاا غزل البنات ههه... وهو كايهضرو ويضحكو... گلسو شوية وعاد ناضو مشاو لشارع بغداد ... شاارع طويييل حوالي 14 كلم ... عامر بالناس من كل جنس ولون... والضواو ...شراو مثلجات... ريمان سخن عليها راسها وبغات تلعب ههه شدات الأيس كريم ديالها وعيطات للرافائيل مع الدور وجهو يشوف فيها وهي تخبطو ليه هههه جلطاااات ليه وجهو كااامل...وطلقات رجليها للرييح... كاتجري وصط الناس وتضحك ورافائيل تابعها كايجري ويضحك على راااسو... ماتعصبش بالعكس عاااجبو الحاااال وماكرهش يبقا ديما هككاك...
بقات هككاك كاتهرب ليه... تااا شدها
رافائيل:(كايلهث)شنوو ندير بيييك دااابا غير قوليلي...شوفي حاالتي كي رديتييني
ريمان:هههههههههه وليتي كي الكلووون خاصك غا نيف حمر ههههه
رافائيل:(هز طيلي يشوف وبدا يضحك على راسو)هههههههه ولاااهيلااا...
ريمان:(طيرات ليه طيلي ودارت كاميرة كاتصورو وهو كايحاول يغطي وجهو وكايقولها توقف ... صوت ضحكتهم ماالي المكان...ولي داز من حداهم كايحسدهم على داك الجو لي عايشين...وكاين لي كايضحك عليهم... وكاين گاع لي جبد طيلي وبدا يصورهم ههه ...
رجعو للطوموبيل وهووما ضاحكن ناشطن ههه... داها لأكبر مركز تسوق فإسكنبول out let ... فيه غير الماركات العااالمية... دخلو وبدات ريمان كي البنات كادور راسها بحا الحنش... دخل لهاد البوتيك وتخرج وتولي دخل واحد آخر... وغير كاتشوف أما رافائيل تابعها من لور تا عيا وقالها
وقطع عليه وهو فالحقيقة لقاها فرصة بااش يشري للريمان شي تيليفون... لقا بوتيك ديال الهواتف الذكية دخل شاف آيفون 8 آخر ماخرج ... شراه بلا مايشوف الثمن... وخرج مشا عند ريمان لي لقاها واقفة على رجل وحدة...
شد ليها يديها ومشاو للراس اليخت كاايتأملو فالمناظر لي مانو تمااك..... كانت الوجهة ديالهم برج العذراء ... ريمان فرحانة هزات تاني طيلي وبدات تسيلفة مع رافائيل... تا وصلو للبرج كان رااائع... هبطو دخلو للداخل للمطعم...طلعو للمطع لي لفوق (انظر الصورة مافيا مايوصف )
كانت طاولة محجوزة ... گلسو طلبو بلا ديال الحوت... وشي مؤكلات تركية... لمهم الططبلة عاامرة تا لآخرها... يلاه رافائيل غايبدا وهي توقفو ريمان
رافائيل:هفف وحطيهاليهم فالفايس وقوليليهم مرحبا 😒 ماتنسايش تفرقي عليهم الخبز باش يغمسو طيلي 😂
ريمان:ديها فالجيهة لي ضاراااك... خشي فوجهك
رافائيل:الله يعطيك الصحة 😏
بداو الماكلة مرو يهضرو مرة يضحكو... عاود ليها رافائيل قصة برج العذراء او برج الفتاة ... قصة مأساوية...
رافائيل:كان سلطان كايبغي بنتو بزاف وكان كايجيه حلم بلي فعيد ميلاد بنتو الثامن عشر... غادي تلدغها أفعى وتموت... وبحبو لبنتو مالقا تا حل من غير يبعدها على اليابسة ... ردم شوية من مضيق الفوسفار... وبنا ليها هاد البرج باش تبقا آمنة
ريمان:ايوااا ماوقع ليها والو؟؟
رافائيل:نوپ.. ماتت فعيد ميلادها... جاها كادو عبارة على سلة فواكه... فديك السلة دخلات ليها افعى وهااكداا لدغاتها الأفعى وماتت... وبحزن السلطان سما هاد البرج برج الفتاة باش يتفكرو الزوار قصة بنتو
ريمان:اممم سبحان الله فاااش يكتب ليك الله شي حاجة ... كاتوصلك واخا تكون تحت الجبال وفوق الغيام
رافائيل:(شرد فتفكيرو لبعييييد)اممم
تا ريمان لاحت ليه ديك الهضرة وسكتاات...حسات بيه كايفكر... وداكشس لي كاين خلات رافائيل يتعمق فداك الكلام لي قالت... المكتاب والله ... خااصو يفكر فمصيير حياتو الدينية...
رافائيل:(بينو وبين راسو:وااش غانبقا عايش بحاال الحيوان؟! لاا دين لا ملة؟! يمكن يكون الحق فالإسلام! علاش لااا... أصلا الاسلام تنشر بزاااف فالآونة الأخيرة... غيير نجيب الولدة غادي نبداا فالبحث فالاسلام )
ريمان:واسبحان الله...
رافائيل:سمحيلي...قلتي شي حاجة
ريمان:يلاه عافاك نطلعو للفوق بليييز...
وافق رافائيل على الفور... طلعو للبرج لفوووق... كان منظر آخر... بقات ريمان كاتصور ودير بوزات... وعينيهاا غايحواالو ... ماكرهاتش تبقاا تمااا... وتا رافائيل مايكونش قل منها... أصلاا حلمو هو يبقا مع ريمان... مايهمش المكان ... المهم يكون معاها...
ضحكو وهضرو ونشطو أبطالنا ونساو گااااع الهم لي داز عليهم..تا قاالووو الحياة ضحكااات ليهم... تا قالو صاافي أخيييرااا أيام الصعبة سلاااات... ولكن.....داائما ما الحياة تفاجئنا
هبطو من برج العذراء... كان الوقت متأخر شوية... وزيد عليها عياااو...
شدو الطريق للڤيلا ...
ريمان:رافاييل شووف هااد الطوموبيل منين هبطنا من برج الغذراء وهي تابعانا؟؟
رافائيل:بللاااتي... (بداا يحنزز مزيااان من المرايا)هاداك غير هريريين عااد جاااي...
ريمان:منين عرفنا فين حنا؟!
رافائيل:GPS ديال السيارة
وصلو للڤيلاا... دخلات ريمان دوشات وهي خارجة من دوش لقاات دوك السيكان ديال ااخوايج فوق ناموسيتها.. ضحكاات غير بووحدهاا... ايلا رفضاتهم دابا غاتكون زادت فييه وهو تعدب وجابهم وشراهم ليها بهاد الطريقة باش مايحرجهااش... صراحة عجبها الحال عااد مشات كاتقلب لقات نفس الحوايج لي عجبووها تا من العباية باش تصلي شراها ليها... هزاتها وهي كاضحك وصلات صلاتها كملات..هزات طيلي كاتهضر مع ليلى فالفايسبوك وتبقشش فالحوايج لي شرا ليهاا...عجبوها بزااااف... ماكين غييير لي مارك...كاتصور وتسيفط لليلى... شوية سمعات الدقان
ريمان:وي دخل
رافائيل:جوطية صاافي هههه... هاني خاارج ايلا حتاجيتي شي حاجة هاهو محمد ولا هارون معاك
أحمد:ههه الله يمسخك... كي دايرة نتي ؟؟ اش وقع ليك؟؟ وفيينك؟
ريمان:الحمد لله أنا بخيير.. ماتشطنش راسك بياا... عيطت لييك باش نقولك غداا طلق دوك الملفات باش يشدو عميمير..
أحمد:إنا ملفات ؟!!
ريمان:شااف توگد معايا...اليوسبي لي عطييت للعامل السيري... مووول الزبل حاشاك
أحمد:ماوصلنا علييه تا حااجة ... من دااك النهار ماسمعنا علييه تااخبااار ... قلناا راهم عاقو بيكم وجمعوكم بزووج
ريمان:(شعرها وقف من صدمة الهضرة لي سمعات)كيييفااااااش 😳😳
هذه هي فلسفتي .. دائماً أتوقع الأسوأ و في كل مرة يتضح أن توقعاتي كانت أسوأ من الحقيقة ، هذا جعل الحياة بالنسبة لي سلسلة من المفاجآت السارة .... (د/رفعت إسماعيل)
رافائيل هز سيارتو وديمارة للجهة المطار.... وهو لاعلم له بداكشي لي كايتسناه....بعد دقائق معدودة وصل للمطار .. شرا فطريقو بوكيه ديال الورد بيض كيما كاتبغيه مريام... وطبعا برفقة الابتسامة الجذابة لي كادل على سعادتو .. ركن سيارتو فالباركينك وهبط يستقبل ماماه... يلاه كايسد الباب ديال الطموبيل... تاحس بشي زطم وراه...
دور راسو يشوف شكون... لقاه غير راجل دايز من حداه مع الباركينك خاوي شوية... حيت لي كايخرج من طيارة كيشد طاكسي...هضررة ريمان وسوساتو...
نفض عليه دوك الأفكار وكمل سدان الباب... ومشا طلع المطار...حس بالحرارة طالعة معاه... عقد حواجبو باستنكار ... شنو معنية هاد الاحساس المفاجئ وكأن شيء سيء على وشك الحدوث... دور راسو يمين وشمال كايحاول استبعاد هاد المشاعر العبثية لي لعبات ليه بعقلو... وكمل طريقو محاولا منه تصنع الابتسامة لي ولات باهتة نوعا ماا فاش حس بداك الاحساس
شوية سمع بلي طائرة تال أبيب وصلات... مشا لباب الاستقبال وهو مصطنع الابتسامة... خرجو گاع ناس ومريام مابانتش... لاهي لا إليعيزر... باب الاستقبال خواا ... قلب رافائيل بدا يتزير... الحرارة طالعة معاااه من رجليه تا للراسو... القلق والخوف بداا يتمكن منوو... شاف دااكشي خواا وبدا يدور فبلاصتو... مشا يسول الاستقبالات... ولكن تفكر بلي جايين بڤيزا مزورة... جبد طيلي عيط لإليعيزر ماحاوبووش تا شداتو العلبة الصوتية الخوف وصل للذروة ديالو
رافائيل:(بينو وبين نفسو)إيلا كان فتركيا علااش النمرة ديالو لي فإسرائيل خدامة؟! وإييلا كاان فإسرائيل علاااش ماكيجااوبش علااااش...
يديه بداو يترعدو وگااع الأفكار السلبية مرت على عقلو حس بشي حااااجة ماشي هي هاديييك بحال شي خطأ وقع... تفكر يسول دوك رجال لي تكلفو وصاوبو ليهم الباسبورات...
-مسيو رافائيل... هادي هي الكلمة خليتي لييناا الباسبورات فيديناا
رافائيل:كي..كيفاااااش؟! شكاتخربق سيفت واحد من رجالي...
-هي رديتيناا كداابة ... ماجا حد مشاو رجالي لديك البلاصة وماكان حد
رافائيل:ماايمكنش...
قطع طيليفون وبدا يتفكر ...
"( رافائيل:فينكم؟ قلعتو ولا مزال؟!
إليعيزر:نعام آ سيدي حنا فالمطاغ... باقي واحد نص ساعة ونقلعو...
↘↙فمكان آخر ... بلاصة بحال لاكاب فييه ضو خافت .... جااي من مصباح فوصط لاكاب... تحت من المصباح كورسي مربووط علييه شخص ... شعر أبيض هابط على الراس...و الراس طايح على الصدر... باين من الهيأة أن الشخص امرأة وناعسة... واقف حداها شخص رقيق وطوييل كاينفض يديه يلاه سالة من ربيط...
تا كايتسمعو صوت خطوات جاين وكايقربو للكورسي وداك الشاب...
أحبني صهيوني الجزء التاسع
محتوى القصة
التنقل بين الأجزاء