حبيبي الأصم الجزء 162

اسد ناض خرج وبقاو غير هوما كيلعبو مع قسم ويضحكووو ناشطين ... ولامار كالسة كتشوووف .. ديييمااا فاش كتهدن الاومور بحال هاكا مكترتاحش ... الواحد نورمالمون خصو يفرح فاش يكون الجو هادىء .. هي لا.. كيبداو يجيوها شي افكااارر غراااب ... بدات كترد السيتنتة لور كيفاش كانو سارة ويووونس ... وكيفاش ولاو دابا ... دنيا غريبة بزاف ... مكتعرف امتى تقلبك وتقلب عليك ... جات لباالها سارة ... كون حافضات على راجلها وولدها كون راها تاهي عايشة فنفس السعادة ... وولدها غايكون دابا ققد قسم وبين عماموو تاهو كيلعبو معاه .... ولاكن مكانوش ديال بعضياتهم .. داكشي باش ربي فرقهوم .... يمكن فمصيرهم حسن ..... تنهدااات ونطقات .. 

لامار : يونس ( شاف عنها ) ... كيبقات سارة ؟

يونس : ( بقااا غي كيرمش صدماااتوو ) نعام ؟ 

سفيان تاهو طلع راسو وكريس ملهية مع قسم اصلا مكتفهمهومش

لامار : باقا بحال هاكاك ؟ ... كنقصد الادمان ..

يونس : معرفتش شحال هادي مامشيت وماناويش نمشي ... المشية ديالي معدنها باش تفيدها ... هي محتاجة سند ليها ... انا منقدرش نكون داك السند ... باقا تابعاني حياتي ... 

لامار : ندمات ؟ 

يونس : الحالة لي راه فيها ماتكون غي من ندامة ولا كانت غاتكون صحات ... 

لامار : اممم ... اوا الله بشافيها ... 

سفيان : معرفتش علاش انا ديك البنت دوزوها ليا بالعسل مادوزش 

يونس : شد شد البنت مزيان فيدييييك نتا شكون كيدوز ليك بعدا 

لامار : يمكن منلي ناتفة حجبااانها ههههه

شوية كاتبان ليهم كريستين ناضت كتجري تخشاات فيوووونس وهي تشوف لباااب بانتليها اريج جايا عاقدة غوباشتها ... كانت بسروال بيض مقطع على ركابي وتيشورت هابطة على كتفها فالازرق و كاسكيط وصبادرين فنفس ستيل دصاك ... ماعرفاتش رجليها كيفاش جابوها لهنا ... بمجرد ماتخلياتهم بحوج ناضت بلا عكز ... يونس شافهاااا وبدا يضحك عرفها الغيرة لي جابتها كتجري ... وجات مابغاتش تسلم حدها وومات ليهم براسها كتخنزر لكريس لي مخبعة فيونس ... 

اريج : ( بالانجليزي ) راااه مكنعضش ... لبارح مكنتش فوعي ... وبنتي ليا فالبلان ... بلا مايفرحو شي نااااااس ويحسابتهم على قبلهم ....

كريس : م ممم ماشي مشكل ... 

يونس : شي كويس دالما بارد احبيبة ؟ 

اريج : عطيه للي شاعلة فيهم العااااقية .... علاه طفااا.. حيت دخانها عماهم ومابقاوش يشوفو قدامهم .... 

يونس : وتانا داكشي علاش سولتك ... تكوني محتاجاه تشوفي قدامك 

اريج حولات عينها وجات كلسات حدا للامار 

اريج : توحشت قسم جيت نشوفها ... محسابتنيش باقين هادووو هنا منا كاع مانجي .....

لامار : هاا ؟؟؟؟؟؟؟ ( بالحس ) ياك قلتليك راهم هنا 

اريج : لقوة ... 

لامار : دابا ولات بنتي قنطرة اسطاسيون دالكازوال .... المسعورة ها ! 

اريج : ( كتغمز ليها تهضر بشوية ) ماااايتوحش حد بنت ختو .... 

لامار : غاااااتبتي معايا شكون موحشة ...

يونس وقف وووقفها من يديها جااارهااا معاه دخلو لدار .. عاد طلقها 

يونس : مزال مابغيتي تبردي نتي!!! متل راسك حجرة 

اريج : واش مغاتبعدش مني ... قتليك ببعد 

بونس : غير مغانزيد نقرب ....( قرب منها وهي كاتشوف فيه وعطاها داك تسجيل لي سجلو اسد فاش كان كيقول عللى سارة مكتهموش و فاش كان كيقول بلي كيبغيها ) تاتسمعي اش فيه ... غاااانتساك مع ستة دالعشية ... فنفس الاوطيل لي كنا فيه .... وفنفس الشومير .... الى جيتي غاانعرف بلي عندنا فرصة نكونو بجوج انا وياك .... والى ماجيتيش ماعمرك غاتشوفي وجهي ا اريج .. صبري تقاضاااا والله تااااتقاضا ... وووعيت .. .

شاف فيها مطول مع تنهيدة وجا ماشي ورجع شاف فيها 

يونس : عندي ليك شي هضرة مهمة ... ... 

وخرج 

يونس : كريس .. يلاه نوصلك للمطار ... طيارتك هذا وقتها 

كرسيتين : اه واخا راه عندي خدمة فالعشية ... لامااارر تشرفت بمعرفتك ونهار تجي عنداك مانتلاقاوش 

لامار : الشرف ليا وسمحي لينا ... نت لي مزال تجي نشوفوك .... 

كرسيتين : هههه اكيد فعرسهم هههه ... 

باست قسسسم و طلعات ويونس مشا لطموبيل .... اريج كانت كالسة فصالون كتفكر شادة داك التسجيل كضورو فيديها .... شافتها طالعة مداتهاش فيها و كرسيتين وقفات بعييييد كتشوف فيها وتقول واش نهضر ولا منهضرش .... فللخر تنهدات وقربات عنها 

كرسيتين : ممكن نهضرو شوية ؟ 

اريج : معندي فاش ندوي نعاك 

كرسيتين : انا عندي ... اريج انا راه مابيني وبينو والو ... غي صديقتهم و جيت نبارك سفيان تخرجو ... 

اريح : وانا مالي!!!!! 

كريسيتين : عارفا الى كتبغيو بعضياتكم بزاف وعاودليا كولشي ( اريج مكتشوفش فيها غي كتسمع ) قاليا نعاونووو باش تغيري وترجعي ليه .... وحيت انا عارفة المراة مكتحداها غي المراة ... قبلت ... ماحسابتنيش المراة المغربية دايرة بحال هاكدا .... تيقني مابيناتنا والو ويونس كايبغيك غي نتي ... وحنا كولنا عافرين هادشي وحتا نتي .. بلا متكدبي على راسك وبلا ماتصعبو فالامور اي واحد كيغلط واي واحد كيستاهل فرصة اخرى .. زواجو بطليقتو كان غلطة متعدبييهش غليهاا مدى الحياة ...باركا غير ماتعدب معاها .. نساو الماضي و بداو فصفحة جديدة نتي وياه ... مستقبل زوين كيتسناكم وراه قليل فين تلقاي لي يبغيك بصدق ... ماتفرطيش فيه ( ابتسمات ليها ) ونتمنى علاقتنا ماتوترش حيت باقي كاتسنانا انا وياك خدمة وديفلي لي غاتقدمي فكندا ... راه انا لي غانفتتتحو ... ( اريج ضورات فيهااا راسها وهي طلعات خلاتها غي كترمش ) 

اريج : ( كتفكر ) ككريس .. كككريسيتن اوبرواي؟.؟؟ هي هادي ؟ .... فففففف .... ( بقات شحال كتفكر هضرتها وابتمسات بلا شعور ) ...

لبسات كريستين حوايجها ودارت شال غليض خبات نص دوجهها تحتاني و نضاضر وكاسكيط باش مايصورها حد ووجها هاكداك ... وهبطااات وهي توقفها اريج 

اريج : كرسيتيييين ... ( ضارت عنها ) س سمحي ليا .... مكنتش واعية باش كندير ... ومعرفتش علاش تصرفت هاكداك .... سمحي ليا عفاك ... نتي معندك تادخل داك القتلة كانت خاصة ليه هووو ..... ونتي كاليتيها عليه .. قالولي عليك بصح ماعرفتكش الى نتي ومتفكرتش سميتك .... ليا الشرف تقدمي ليااا اول لبسة فديفيلي .....

كريس : ( ضحكات ) هههه مااااشي مشكل .. هذي هي الغيرة ومنكدبش عليك فبلاصتك غاندير نفس

الشيء .... تهلاي فيه راه ضريف ويستاهل ... وراه بزاف ضايرين ليك به هههه تبعي حبيبيك عاطي لعييين ههههه

اريج حدها ومات براسها بآه مبتسمة ضحاتها حساتها حنينة وضريفة وكرسيتين ودعاتها مشات ركبات مع يووونس وانطلقو ... ولامار كانت واقفة فلباب مربعة يديها متبعة لفيلم ... وقربات عند اريج فاش كانت كتسمع تسجيل .. شافتها وكطفاتو فاش شافتها ... 

لامار : برررردتي امجمررر الحرمل ممم ؟

اريج : كان عارف اسد كيسجلو ياك

لامار : لاااا ... كنت معاهم ونكان عارف والو ازمر ... هادشي نهار خطوبتك بداك القحبون 

اريج : ففففففففف دوخت و الله تا دوخت ... كل نهار كيطلع ليا مشكل .. ماحدها كتقاقي وكتزيد فالبييض

لامار : شري ليها منع الحمل 

اريج : 😑 

لامار : ومغاتبيضش ... ههه تصالحتو ولا مزال 

اريج : طلب مني نمشي عندو لوطيل مع ستة .... اش بالك ؟!

لاماؤ : كتسوليني انا ... اكيد سسيري ... ولا غاتبقاي عمرك كامل كتسناي عاوتاني وفارعا ليا كري تامن الخبز كتوخل ليا .... الرجال صبرهم قليل مغايهزوش ليك هبالك ديما 

اريج : ( تنهدات ورجعات شافت فيها وابتسمات) غاانمشي .... باغا نعرف اشباغي يقول ليا ... 

لامار : ( ملامح جادة ) قبل ماتمشي .... ماتخلي تاشي عائق يبقا بيناااتكم ... بداو حياتكم بلا مشاكل ... بلااا شي حاجة تنبشكم وتخصر فرحتكم ... حاولي تنقي طريق ... عاد تمشاي 

اريج : علاش شنو باااقي بيناتنا ؟ 

لامار : وشنو اصلا سباب المشكل بيناتكم ؟ علاش مقسحة راسك عليه ؟ وغضبانة منو ؟ ..على شارة ؟ حيت باقا كاينة ؟ 

اريج : ( حركات راسها باه مهبطاه لتحت ) من داك نهار لي سمعتو كيهضر معاك على قبلها ... ليلة العيد

لامار : اريج ... كنت كنفكر واحد نهار بحالك .... ودابا وليت كنحس براسي كنت انانية ... فعلا هي ماساهلاش ... ودارت بزاف دالحوايح لي مايديروهمش بنات الناس ... ولاكن كلنا كنغلطو ومامعصومينش ... تاهي قاسات ... عادي بغات وصافي .. بغات بطريقة لي خاطئة .. مع الادمان والحرمان لي كانت كتعاني منو والعقد النفسية والجو لي تربات فيه هوما لي عنها خلاوها تولي هاكداك بانليها غير اسد هو لي فيه داك النوور .. وشدات بيديها و سنانها ظناتو هو المخرج مكفكراتش الى راه مشات فطريق غالطة لي خلاتها تخسر كولشي وهادشي باينا عرفاتو تافات الفوت ودابا كتخلص ....لا يونس ولا اسد .. مكيحسو بشي حاحة من جيهتها منغير كتبقا فيهم مخصناش نشكو فحبهم لينا .. مخلاو مدارو علينا .. وفدقة نجي نشكو فيهم! لا لا خصنا نكونو تايقين فراسنا كتر من هاكا هادوك ديالنا وتاحد مغايديهم .. هوماااا باغين يشوفها حسن من هاكا ومن حقهوم .. هوما تربات حداهم ويمكن شافو جانبها الزوين لي ماشفناهش حنا ... باش ماتبقاش سارة مشكل فحياتك ا اريج و اوبسطاكل بينك وبين يونس ... ماشي تحدفيها راها مغاتحدفش اصلا هي ربي خلقها وراها عايشة مغانقدوش حنا نمحيوها ... خااااص نصاااالحوها و نصلحوها .... ( اريج مطرطقة عينيها من هول الصدمة ) موضوعها وليت كنفكر فيه مؤخرا بزاف ... كنشوف فقسم ومانبغيش بنتي تعيش بحال هاكاك ... معزولة فمصلحة بوحدها معنها حد لي يطل عليها ويخفف عليها ويقولها انا معاك ... ولا حتا هدف لي يشبتها بالحياة .... وكتشوف الايام كحلة قدامها .. منكدبش علييك منهار تزادت قسم وليت كانشوف كاع بنات ناس فبنتي ... كيف مانبغيلهاش داكشي منبغيهش لبنات ناس ... تاهي كون كانت ماماها عااايشة غاتحميها ومتبغيلهاش هاد المصير ..... حنا عاشين حياتنا ... ورجالنا كيبغيونا .... وهي ؟ تاهي كانت جزء من هاد العائلة .... مخصهاش تلغى بهاد طريقة .. 

اريج : واش هااااادي لامار!!!!! ختي صافا ؟ كتحسي براسك مزيان معندكش شي حريق فراااسك ...عرفتيني شكون ( علات صبعانها ) شحال هادو 

لامار : بلا طنز .... غاتفهمي هضرتي نهار تولي ام .....

يتبع