مريم: (بحزن) انا مكنعملوش مزيان.. انا اختي خاايفة فوقما كيقرب مني كنبعد... نكدب الى قلتليك مكيعجبنيش ولا نقدر نقول كاع كنبغيه دبا راه تقريبا 5شهور وانا معاه فنفس الدار.. مي كنخاف الى قربت نصدقو فشي حاجة لي انا مزال ممستعدة ليها
رنيم: (شدات يديها) هادشي عاادي.. عطي لراسك الوقت الكافي.. ومتبززيش شي حاجة على راسك... شادي متفهم الوضع ديالك ومتخافيش هو معمرو يجبرك ديري شي حاجة.. هادي كوني اكييدة منها
مريم: وي عارفة... قاطعهم دخول شادي
شادي: (غمزهم) كتافقو عليا.. حسييت بها
رنيم: ههههه حمق.. بعد لهيه خليني نمشي عند راجلي
شادي: سيري البطريقة سيري
رنيم: (دلات شفايفها) ياااااك... خرجات رنيم كتغبن
اسلام: مالك
رنيم: انا بطريقة
اسلام: (حبس الضحكة) لا شكون قالهاليك... نتي اجمل امرأة فالدنيا
رنيم: شادي لي قالهالي
اسلام: غير كيكدب عليك.. بالعكس زيانيتي بهاد الكريشة
رنيم: (بصوت ناعس) صافي مبقيتش قادرة نصبر.. هلكتيني
اسلام: ههههه مادرنا والو وعييتي... جبدها لعندو تكات على صدرو... نجيبليك بعدا غير كاس دالحليب
رنيم: وااخة.... ناض اسلام حل الباب وخرج لعندهم
شادي: ممم اش كنتو كديرو لداخل
اسلام: هههه راه ختك مع الحمل كتعيا بالزربة وراه كانت ناعسة ياله فيقتها تشرب غير الحليب بعدا
شادي: راه العشا طاب قوليها تجي
اسلام: لا مقداتش انديلها غير كاس دالحليب
شادي: واخة... دخل اسلام للكوزينة وطلب من تسنيم تعطيه كاس دالحليب... خداه ورجع لقاها ناعسة فيقها وجلس من موراها.. شربات الحليب وهو ينوض كيقادليها بلاصتها
مريم: واخة...... رجعات تكات وهي كتفكر حتى نعسات....... يوم جديد فاق اسلام لقا رنيم مزال ناعسة ومحشية فيه.... مشا غسل وجهو وقضا حاجتو عاد ناضت رنيم حتى هي دارت روتينها ولبسو حوايجهم..... عند شادي ومريم لي كانو ناعسين... فاقت مريم لقات راسها ناعسة فوق صدرو ناضت بالزربة من فوقو.... وقفات قدات شعرها ياله بغات تخرج وهي توقف... بقات كتشوف فيه كيفاش ناعس والابتسامة على وجهها........ حدرات راسها وخرجات لقات تسنيم ورنيم كيوجدو الفطور........ فطرو مجموعين فجو لا يخلو من المرح و الفرحة.... رنيم جرات مريم تهدر معاها
رنيم: بديت كنفكر فحالتك وقلت علاش لا متشوفيش طبيب نفساني باش تقدري تجاوزي هاد الخوف.. شنو بانليك
مريم: (بعد تفكير) ممم واخة... مي من الاحسن شادي ميعرفش
رنيم: واخة.. انا نوصل للدار ونصيفطليك عنوان واحد الطبيب كنعرفو سيري لعندو
مريم: واخة شكراا..... توادعو ومشات رنيم مع اسلام.. مسافة الطريق كانو وصلو لدارهم............... مرت ايام وشهور مريم متبعة مع الطبيب وحسات بالتحسن وخوفها بدات تجاوزو... اما رنيم كرشها وصلات فمها كتحرك غير بزز وعلاش لا وهي دخلات لشهرها..... ماماها وباباها شدو الطريق وجاو لعندها
هناء: اجي جلسي خليني انا نطيب
رنيم: نتي اماما عييتي غير خليني انا نطيب بالزربة
هناء: كوني تسمعي الهدرة... دخل اسلام لقاهم مناكرين
اسلام: كولشي غادي يكون مزيان متوتريش راسك..... سمعو الدقان وهو يمشي حل الباب كان شادي وتسنيم ومريم وطارق جاو... سلم عليهم.. ناضت هناء وعادل.... جلسو مجموعين وكيهدرو مع رنيم... مشات هناء وتسنيم للكوزينة وجدو الفطور ياله بداو كيفطرو وهما يسمعو الدقان... حل اسلام الباب لقا الطبيبة مع 2فرمليات... رحب بيهم ودخلو.... مشاو لبيت النعاس ديالهم كانو خواو واحد جنب.... خلاهم كيقادو شغلهم ورجع يفطر...... كملو فطورهم وناضت رنيم رجعات لبيتها... جلسات فوق الناموسية كتشوفهم اش كيديرو
الطبيبة: فيك الوجع ولا مزال
رنيم: كيشدني مرة مرة ويمشي
الطبيبة: مزياان... هاد النهار غادي تولدي....... قادو كلشي وناضت الفرملية عبراتليها الضغط ودقات قلبها وقلب الجنين... كان كلشي مزيان الحمد لله.... دخل اسلام ومشا جلس من مور رنيم وهو معنقها
اسلام: متخافي من والو انا هنا حداك
رنيم: وااخة... ايي
اسلام: (بخوف) مالك.. واش فيك الوجع
رنيم: اه ايي اماما هئ هئ
الطبيبة: وقفي متبقايش جالسة راه مزال مغادي تولدي.. غير صبري....... وراتها تمارين بدات كديرهم بمساعدة اسلام.... دخلات هناء وتسنيم ومريم لعندها....... حيدوليها السروال بقات غير بالسليب وديباردور..... اسلام كيعاونها ويديرليها مساج لاسفل ظهرها....... تكات فوق الناموسية والطبيبة قلباتها
الطبيبة: مزال خاصك تزيدي تحلي واحد 3سنتيم........ دازت مايقارب ساعة ورنيم كتوجع... دخلوها للما
الطبيبة: تفضل دخل معاها..... دخل اسلام ورنيم دارت لعندو جالسة على ركابيها ومعنقاه
اسلام: (كيهدر فودنيها) مبقا والو غير صبري
رنيم: اااا... كنموت ا اسلام بالوجع
اسلام: صبري احياتي صبري.... باسها ففمها وحط جبهتو على جبهتها كيهدر معاها باش يتلفها على الوجع
الطبيبة: ياله بداي دفعي بشوية عليك..... بدات رنيم كدير داكشي لي قالتليها.... بعد مدة قصيرة خرج الجنين هزاتو بالزربة وجلسات كتنفس
الطبيبة: (مداتلو مقص) هاك اموسيو اسلام باش تقطع الحبل السري.... شدوه من الجناب عاد قطعو
الطبيبة: مبروك علييكم
اسلام: (كيحاول يشوف) رنيم شنو عندنا
رنيم: (بعدات الجنين على صدرها كتشوف) اووه بنية
اسلام: (باس فمها) مبروك علينا الاميرة الصغيرة
رنيم: انا فرحانة بزاف
اسلام: الحمد لله....... خدات واحد الفرملية البنية نقاتها وهناء عطاتها الحويجات لي تلبس ليها...هزو رنيم داوها للحمام لي فالبيت... دخلات تسنيم والفرملية الاخرى غسلولها ونقاوها.... جابوليها حوايجها لبساتهم... ونشفاتليها تسنيم شعرها عاد خرجوها.... كانت مريم وهناء جمعو ديك الروينة وجففات داك الما.... الفرملية جمعات الماطريال ديالهم والبيت تنقات.... اسلام هز حوايجو ومشا للحمام لاخر دوش وبدل عليه عاد رجع...... خرجو رنيم حطوها فبلاصتها وهي تجيبليها الطبيبة بنتها..... ضماتها رنيم لصدرها.. دخل اسلام جلس حداها وشد يد بنتو باسها..... وراتها الطبيبة كيفاش ترضع بنتها وشرحاتليها كلشي.... عاد مشات.... دخلو الدراري وعادل من بعد ماعيطاتليهم مريم... لقاو رنيم متكية وحاطة من فوقها بنتها
عادل: (بفرحة) مبروك علييك ابنتي
رنيم: (بتعب) الله يبارك فيك ابابا
خرج كلشي من البيت من بعد ماطمأنو عليها.. خدا اسلام البنت وهو فرحان هزها كيشوف فيها وهي مغمضة عويناتها
اسلام: (باسها ففمها) شكرا على الهدية لي قدمتيلي هاد النهار
رنيم: اي لوف يو
اسلام: اي لوف يو موور.... خرج وخلاهم ناعسين لقا هناء فالكوزينة كطيب.. كانت ديك الساعة 4 دالعشية... طيباتليهم الغذا بالزربة وجلسو كياكلو
اسلام: انا غادي نخرج اخالتي واحد الشوية وفيقي رنيم عطيها تاكل شي حاجة
هناء: واخة اولدي غير سير ونتا مرتاح انا معاها
اسلام: تمشيو معايا الدراري
شادي: زيد ياله.... خرج اسلام وطارق وشادي بعد لحظات كانو وصلو لمحل كبير ديال بيوت النعاس
اسلام: ماكناش عارفين واش عندنا بنت ولا ولد داكشي علاش ماشريناش الفراش... ياله عاونوني فينما تشوفو الغوز قولوهالي
طارق: هههههه اووك زييد..... دخلو للمحل كيقلبو ويشوفو حتى بانتليهم ناموسية فالغوز بارد مع الماريو ديالها ووفين كيبدلو للدراري الصغار.. عجبات للدراري كلهم... تافق اسلام مع صاحب المحل وخلصو.. طلبهم يجمعوهالو دبا ويوصلوهالو
اسلام: صبرو ناخذ ناموسية صغر من هادي لي نحطو فبيتنا حيت مزال مغادي نخليوها فالبيت بوحدها.... خدا وحدة زوينة فالبيض.... جمعو داكشي ومشاو والطموبيل ديال المحل تابعاهم.... طلعو الرجال داكشي نيشان للبيت وتجمعو عليه ركبوه.... كانو ديجا خواو بيت على حساب الجنين... رجعات البيت كتحمق... خلص دوك الرجال مشاو عاد دخل هو لعند رنيم لقاها فايقة كترضع بنتها
رنيم: فين مشيتي
اسلام: شريت هاد الناموسية... ميمكنش تبقاي تنعسيها حداك.. تمشي الله يستر تقيسيها وهي مزال طرف ديال اللحم... حط الناموسية حداها... كانت البنية ناعسة خداها من عندها وحطها فيها
مريم: (شافت فيه) اسلام كيبغي ختك بزااف.. ماشاء الله اللهم لا حسد... عرفتي كيفاش كان كيعاملها وخايف عليها هاد الصباح
شادي: ممم اه اه
مريم: اش كدير فداك التيليفون حتى ممركزش معايا
شادي: (عينيه فالتيليفون) والو..... مدات يدها وهي طيرلو التيليفون من يديه
شادي: اري داك التيليفون
مريم: (دارتو من موراها) لاااء... قرب منها وهي تنوض كتجري... ناض كيضحك لعندها تابعها حتى شدها
شادي: هانا شديتك بغيتي غير تعدبيني... اري داك التيليفون
مريم: لا مغاديش تاخذو.... رجعاتو من مور ظهرها... بقاو كيدابزو حتى لواحد اللحظة وقفو وبقاو كيشوف فبعضياتهم..... قرب شادي منها اكثر وهو كيشوف فعينيها.... التقت شفايفهم وبداو فتقبيل بعضهم... غير عاقو براسهم وهما يبعدو دقة وحدة
مريم: (بتوتر) هاك تيليفونك.... عطاتولو ومشات تحشات فبلاصتها وغطات راسها.... خرجات ابتسامة صغيرة وهي تحت الغطا.... حطات يديها على فمها وسكتات..... اما شادي بقا واقف مصدوم من داكشي لي وقع شاف فيها لقاها مغطية كلها لدرجة مبقالوش هو باش يتغطا ضحكاتو.... تكا حداها وهو يحركها
مريم: (حطات يديها على قلبها) شنو
شادي: (حابس الضحكة) راك مخليتيلي باش نتغطا.. ممكن طلقي شوية ونتي تلويتي تما..... خرجات راسها طلات عليه مقدراتش تحبس الضحكة
شادي: (قرب منها وجرها لعندو) زوينة ديك البوسة.. زيديني
مريم: (حطات يدها على صدرو) بعد اويلي حشم شفتك زعمتي
شادي: وعلاش منزعمش ونتي مراااتي حبيبتي
مريم: (بتوتر) ك..كيفاش
شادي: (باس حنكها) نتي مراتي شنو فيها الى بستك
مريم: (دفعاتو بيديها) رجع لبلاصتك مالك اش وقعليك
شادي: (شد فقلبو) من بعد ديك البوسة.. احح سطيتييني طيرتيلي العقل.... زيديني ومتكونيش مسمومة
مريم: (كترمش بعينيها) هااا
قرب عندها وهي ترخات بين يديه..... بعد مدة بدات كتبكي
مريم: لا لا منقدرش عفاك هئ هئ
شادي: (تنهد) صافي متبكيش موقع والو.... ناض لبس حوايجو ولبسها بيجامتها وخرج للبالكون.. بقا مدة كيفكر.. اما مريم بقات كتبكي حتى نعسات... دخل لقاها ناعسة تنهد ومشا نعس فوق الفوتوي....... يوم جديد فاقت مريم لقات شادي ناعس فالفوتوي... دموعها وقفو فطرف عينيها.... ناضت للحمام وبعد لحظات فاق شادي مبانتلوش عرفها اتكون فالحمام............... عند رنيم لي كانت كترضع جاسمين وكتبكي.. فاق اسلام شافها كتبكي وهو يقفز
هناء: بصحتك ابنتي.. فاش جيت كنت خديت داكشي من المغرب وختك دبا طيبات الملوي... ياله كولي مزياان وفاش تفيق بنتك حاولي ترضعيها
رنيم: وااخة اماما..... خرجات ماماها وجلس حداها اسلام
اسلام: (باستغراب) اش هادشي
رنيم: اروع اكلة.. هزات الملوي غير بيديها.. كول.... كلا اسلام وهي بقات كتشوف فردة فعلو
اسلام: ممم بنين هادشي
رنيم: بزاااف.... جلسو كياكلو ويهدرو حتى كملو داك الطبسيل عاد ناضت غسلات يديها وحكات سنانها..... مشات هزات بيجامة نقية مع كريم ديال الجسم والبارفان ديالها وهي دخل للطواليط... شدات فوطة فزكاتها بالما سخون وبدات تمسح بيها.. كملات ودهنات جسمها بالكريم من غير صدرها على حساب بنتها لي غادي ترضع.. بدلات اولويز عاد لبسات البيجامة ومشطات شعرها دارتلو ظفيرة.. دارت البارفان ديالها عاد خرجات
وصل الليل ورجع شادي ومريم للاوطيل.. دخل دوش ولبس حوايجو عاد خرج... تكا بلاصتو وحاضي مريم بطرف عينو حتى دخلات للحمام... هز تيليفونو داخل للفايسبوك حتى خرجات لابسة كولون مع تيشورت قصير.... وشعرها مطلوق كيقطر بالما.... دوز شادي يديه على وجهو وابعد نظرو عليها حتى جلسات حداه
مريم: شادي
شادي: ممم
مريم: (قرباتلو) شوف فيا
شادي: (شاف فيها) شنو بغيتي... شدات وجهو بيديها وبدات كتبوس فيه... شادي بالصدمة متحركش بقا جامد فبلاصتو... بعد مدة عاد فاق وبعدها
شادي: تصبحي على خير... تكا وعطاها بالظهر
مريم: (تحشات فيه وعنقاتو من اللور) بونوي
شادي: (تنهد) مريم علياش كتقلبي
مريم: مكانقلب على والو
شادي: شنو بغيتي مني ومالك تبدلتي
مريم: (جبداتو تكا على ظهرو وجلسات من فوقو) بغيتك
شادي: (دوز يدو على وجهو) مريم حاولي تستوعبي الكلام لي كنقولك.... خاصك تاخذي الوقت الكافي حتى تكوني مستعدة.. حسستيني بلي حنا مزوجين هادي 10سنين.. رااك مزاااالة صغيرة يا هاد البنت
شادي: (ضربها لراسها) وراكي حمقة نييت... نعسي نعسي راه طلعاتليك الحرارة
مريم: اي لوف يو
شادي: اي لوف يو توو... تكا على جنبو ولصقها معاه... بقا كيدوز يديه على شعرها حتى نعسات............ تصرف مريم نوعا ما كان منطقي تصرفو معاها ديك الليلة وفاش فاقت لقاتو ناعس فوق الفوتوي اي بعيد عليها.. خلاها تفكر انه ممكن فاي لحظة يبعد عليها ويمشي... خوفها من فقدان شخص كيبغيها وعاونها فاسوأ فترة دازت منها.. خلاها تتصرف بدون تفكير.. زيادة على هذا لمسات المغتصب مزال كتحس بيهم.. ففكرات انه لو يتوحدو اجسامهم غادي تنسا... نسات بلي داكشي محفور فعقلها وقلبها قبل من جسمها... اما شادي فتفهم وضعها من الاول وفهم علاش كتحاول انهم يديرو علاقة جنسية رغم انها مزال ممستاعدة... اه هي مازال ممستاعدة هو شاف فعينيها كيفاش كانو كيلعبو وهي كطلبها منو وزيد عليها يديها كيفاش كانت كتلعب بيهم بتوتر... زيادة على هادشي تنفسها لي كان سريع وهي ناعسة فوقو... فهم كلشي وعرف الى دار معاها شي حاجة حتى هو غيكون مغتاصبها وهادشي لي ميقبلش يديرو
مر اسبوع رنيم تحسنات ورجعات كترضع بنتها بدون مشاكل... والديها مشاو للمدينة فين ساكنة تسنيم وشادي حيت تسنيم عندها سوطنونس باش تشد الدكتوراة ديالها.. بقات غير رنيم واسلام وبنتهم
رنيم: حياتي متنساش تصورها
اسلام: واخة احبيبة
رنيم: تمنيت كون حضرتليها
اسلام: ماشي مشكل وراها عارفة لي كاين.. نتي دبا جلسي مع بنتك وانا فالليل غادي نرجع اوك
رنيم: واخة وغير بشوية عليك فالطريق
اسلام: (باس راسها) واخة احبيبة.. ركب اسلام طموبيلتو فاتجاه الجامعة فين كتقرا تسنيم باش يحضر للسوطنونس ديالها... طلات رنيم على بنتها لقاتها ناعسة.. هزات حويجاتها ودخلات للدوش.. دوشات وحكات مزيان حتى رجعات بشرتها رطبة دازت لشعرها غسلاتو مزيان...... لبسات بيجامتها وخرجات... غير جلسات وهي تفيق جاسمين
رنيم: (هزاتها) لا ابنتيي متبكيش.... عطاتها ترضع وهي كتراري بيها حتى سمعات الدقان... حطات بنتها فبلاصتها ومشات تحل الباب............. عند تسنيم لي كانت متوترة شوية
طارق: غير بشوية عليك وكلشي غيكون مزياان... ركزي مزيان اوك
تسنيم: (تنهدات) واخة
طارق: (باس يديها) ياله شدي الدكتوراة ديالك باش نتزوجو
تسنيم: (ابتاسمات) ان شااء الله.... دازت سوطنونس ديالها رائعة وباباها فرحان ومفتاخر ببنتو الصغيرة
تسنيم: غيير سيري..... سلمات عليهم كاملين وجلسات.. اما تسنيم ومريم حماقو غير مع البنت
مريم: عطيهالي شوية متكونيش مسمومة
تسنيم: انا ياله شديتها سيري بعدي مني
شادي: نتي عطي للبنت تشدها شوية
تسنيم: (عوجات فمها) بابااا هدر معاه.. شوف كيفاش جا من جهة مراتو
عادل: ههههه نوضي ابنتي عاوني ماماك
تسنيم: يااااك... عطات جاسمين لرنيم ومشات
رنيم: هههههه اجي خوديها راه تسنيم مسمووومة
مريم: (بفرحة) واخة..... شداتها.. بسم الله.. مااا شاء الله فنييونة.. باستليها يديها.. الله على ريحة....... شادي بقا كيشوف فيها ويضحك اما هي نسات راسها وبدات كتلعب معاها........ بعد مدة خداتها رنيم حطاتها فالبيت تنعس ورجعات لعندهم تعشاو مجموعين وكلها مشا لبلاصتو... مع الدار لي كارية رنيم كبيرة شوية ولحد الان هي لي كتخلص الكرا ديالها.... دخلات مريم وشادي لبيتهم.. تحشاو فبلاصتهم وقربات مريم لعندو عنقاتو ونعسات فوق صدرو كيف كل ليلة
شادي: (كيدوز يديه على شعرها) شفت جاسمين حمقاتك
مريم: بزااف انا اصلا كيحمقوني الوليدات الصغار
شادي: هي قوليلي غنولدو بزااف
مريم: (تزنكات) الصمت
شادي: ههههههه مالك سكتي
مريم: بونوي... عطاتو بالظهر ونعسات
شادي: (عنقها من اللور) بونوي....... يوم جديد كل واحد فيهم كيجمع حوايجو.. اسلام خدا جاسمين ركبها على صدرو وخرجو..... لحظات كانو كلهم فالمطار دازو من الاجراءات المعتادة وركبو الطيارة
هناء: ان شاء الله غادي يشدو.. شوف دبا راه مزوج وحسيت بيه تبدل وكبر فعقلو ماشاء الله
عادل: اه لاحظتها وحتى مريم بنت مزيانة وان شاء الله نفرحو بيها حتى هي فاش تخرج
هناء: ان شاء الله ياربي
عادل: بقاتلي تسنيم لي غالبا ايبغي طارق يتزوجو فهاد العطلة... نتمنا يكون بحال اسلام ويعاملها مزيااان
هناء: مادام ختو مزيانة ان شاء الله غيكون مزياان مع بنتنا
عادل: ان شاء الله
بداو فترتيبات السبوع... اسلام كيخرج مع شادي وعادل يتقداو داكشي لي خاصهم كل نهار حتى كملو.... هاد النهار جات النقاشة نقشات لرنيم واسلام حداها كيشوف فيديها.. كملاتليها وهزها اسلام طلعها للبيت.. حطليها بنتها فوق درعانها وهو لي قادليها حتى بدات كترضع
رنيم: جمعلي شعري
اسلام: اوك... ناض اسلام دارليها شفنجة.. باسها فعنقها... اي لوف يو
رنيم: اي لوف يو موور..... خدا البنت من عندها لي كانت نعسات وقاد لرنيم البلاصة عاد خرج....... وصلات العشية وجاو عمامها واسرتهم... كانت رنيم حيدات الحنا من يديها ومتكية حدا بنتها.. حتى دخلات عندها تسنيم
تسنيم: ختي هاهوما غادي يطلعو عندك العائلة
رنيم: (جلسات) وااخة... لحظات دخلات العائلة لعندها سلمو عليها وباركوليها
سعاد: على سلامتك
رنيم: الله يسلمك اخالتي... دقائق وهو يدخل اسلام... سلمو عليه وخرجو...... نمشيو عند شادي لي كان جالس فالجردة وهاز تيليفونو كيدور فيه حتى وقفات عليه بنت عمو دعاء
دعاء: شادي سافا
شادي: اهلاا سافا حمد الله ونتي
دعاء: (جلسات حداه) بيخير هاد الساعة.. كيغادي مع القراية والغربة
شادي: غير ضحكت معاك ابابا مال يديك سابقاك... شاف فيه حتى عيا ومشا... مال هاد الناس معقدين
طلع شادي لبيتو لقا مريم كدور وشادة راسها غير شافتو وهي طير عليه
مريم: (شنقات عليه) يااك اولد الحرام
شادي: شفتي رجل ولا ماشي رااااجل
مريم: (جلسات فوق الناموسية) واش تسطيتي شوهتيني مع عمي... اناااري كيفاش غنشوف فيه
شادي: اوا نتي كون عطتيني بوسة كون موقعش هادشي
مريم: الله ياربي بيمن تزوجت
شادي: (جلس حداها) باحسن واحد ماشاء الله... الله يخليني ليك
مريم: لا حول ولا قوة الا بالله.. غادي تسطيني يا هاد الرجل
شادي: ههههه.. عنقها... كيعجبني نفقصك
مريم: ممم طرطقلي المرارة وتهنا
شادي: ههههه لا لا انا نبغي مراتي تبقا بمرارتها الله يخليك... هزات راسها شافت فيه ياله غادي تبدا فالمعيار وهو يصدمها ببوسة خلاها ترخات بين يديه بلا هواها
شادي: (باس راسها وهي بقات مغمضة عينيها) اودي يااودي.. بوسة خلاتك مرخية بين يدي ههههه
مريم: (مرضاتش) جمع راسك شوية.... خرجات وخلاتو كيضحك عليها... طلات على رنيم لقاتها جالسة مع بنات عمها بغات تخرج ووقفاتها رنيم
اكرام: نتي فين مشا عقلك... راه غفلني ولد الحرام وبلاصة مانشرب دوا ديال منع الحمل كنت كنشرب دوا ديال الشهية
سفيان: وااهيا اختي لي مبغاتش تزيد
رنيم: هههههههه نااري نتوما علااام بوحدكم
اكرام: ضحكي نتي لي جات معاك
رنيم: ههههه صاافي احبيبة ماتقلقيش راسك
اكرام: مكفاوهش هاد الجنيات لي مدوخينا نزيدو عوتاني
سفيان: انا قااد بوليداتي الالة
اكرام: هااحنا غنشوفو.. وفاش نبغي نولد سخف عوتاني
رنيم: هههههههههه
سفيان: وقعات مرة بقلة النعاس وصافي
اكرام: ممم تيقتك... بقاو هكا مناكرين ورنيم سخفات بالضحك حتى دخل اسلام.. سلم عليهم ورحب بيهم عاد جلسو كيتعاودو مدة طويلة.. حتى وصل العشا ونزلو بقات غير رنيم مع بنتها... مريم طلعاتليها العشا وتعشات معاها متفادية الاحتكاك مع عائلة شادي
رنيم: مزال مقلقة
مريم: لا اختي
رنيم: هما هكا دايرين حتى انا مكيخليوليش.. مي متقلقي ومتخافي من والو مادام شادي معاك
مريم: واخة اختي
يوم جديد الناس بداو كيجيو باش يحضرو للسبوع وكانو اول الواصلين.. والدين اسلام وختو وراجلها.... والديه لحد الان مشافوش حفيدتهم حيت كانو ديك الساعة مسافرين برا دكندا
سيلين: اووه فنييونة.. حسن من التصاور... شدات يديها.. جاسمين انا جداك.. هاهي حلات العوينات القطيوطة
اسلام/رنيم: شكرااا....... لبسات رنيم قفطانها واسلام جلابة كان جابهالو شادي
اسلام: هادشي فشكل عندكم مي زويين
رنيم: هدا هو اللباس التقليدي المغربي
اسلام: ممم اووك.. وانا علاش مداروليش هاد الحنا
رنيم: هههههههه اناري لا.. راه غير ديال العيالات بوحدهوم
اسلام: ااه اوك.. وصافي مضحكيش راه مكنتش عارف
رنيم: (حبسات الضحكة) واخة واخة.... هزو بنتهم ونزلو.. بدا السبوع والناس كيجيو يباركولهوم.. اسلام تلف ومعرفش باش يجاوبهم.... داز النهار طويل حتى لليل عاد تفرقو الناس... طلعات رنيم عياانة حطات بنتها وبدلات حوايجها وهي طيح نعسات......
دعاء: (بابتسامة) بونوي شادي
شادي: بونوي..... طلع لبيتو وتبعاتو مريم لي شافت نظراتها ليه..... حيدات قفطانها قدامو ودخلات دوشات بالزربة وخرجات ملوية الفوطة عليها.... شادي كان جالس حتى خرجات بالصدمة وقف.. كان اول مرة يشوفها هكا
شادي: (حك راسو) ا..نا داخل.. احم.. للدوش..... حدر راسو ودخل.. دوش ولبس شورطو عاد خرج.... لقا مريم لابسة بيجامة عبارة عن تيشورت مع شورط قصير بزااف.. تنهد ومشا تحشا فبلاصتو... ناضت مريم تكات على صدرو
مريم: غادي تنعس دبا
شادي: (مغمض عينيه) اه
مريم: انا مافياش النعاس بقا معايا شوية
شادي: (حل عينيه) اش غنديرو
مريم: (طلعات راسها شافت فيه) ممم ن... قاطعها بقبلة لي من خلالها تحولات لقبل عديدة... كان تجاوب من طرف الاثنين.. هاد الليلة غادي تبقا عالقة فأدهانهم بحيث قامو بعلاقة كاملة وتوحدو أجسامهم..........
شادي: هههههه واخة... عطاها بالظهر ولبس شورطو حتى هو وهي رجعات بيجامتها عاد نعسو........ يوم جديد فاق شادي لقا مريم مزال ناعسة.. دخل دوش.. لبس حوايجو وهو ينزل... لقا الدار نقية كتشعل حيت كانو جابو عيالات لي سهرو معاها حتى جمعو كلشي... بانتلو طبلة دالفطور محطوطة انضم ليهم
هناء: لا ابنتي.. العيالات ممشاو حتى نقاو الدار وباباك جايبلي من المحل ديالو مكينة ديال غسيل الماعن.. انا دبا غير كنطيب.. والغذا دبا كيطيب يعني مابقا عندي شغل
رنيم: كون غير شفتي شي وحدة تجلس معاك وتعاونك
هناء: لا كتجيني فشكل.. دايرة مع مراة كتجي كل احد كتسيق الدار كاملة وتمشي بحالها... وانا قاادة بكوزينتي
شادي: من بعد غادي تعطيني ظهرك وتخرجي من هنا قبل مانعيطليك للبوليس ووحدة فالمكانة ديالك كتخاف على سمعتها لدرجة تقتل ولادها وتنفيهم غير تبقا سمعتها نقية قدام الناس او لا
ام مريم: نتا واحد ممربيش
شادي: (بابتسامة) عارف
رنيم: شنو واقع هنا
ام مريم: بغيت بنتي جيبوهاالي ولا غادي نمشي لعند البوليس
رنيم: (تنهدات) مفهمتش انا هاد الام كيفاش كتفكر.. رمات بنتها وهي فامس الحاجة ليها ودبا جاية بكل وقاحة بغات تهدر معاها.. ب اينا وجه غادي تهدر معاها غير قولي.. الام راه هي احن شخص فالعالم على ولادو... الوحدة تقتل راسها وتقطع من لحمها على قبل ولادها.. والله مفهمت انا ديك السيدة
اسلام: انا بقات فيا غير مريم.. هي مزالة صغيرة وكتواجه هاد المشاكل كاملين لي واحد كبير ميتحملهمش
رنيم: ليها الله هادشي لي غنقول............. كانو مجموعين كاملين لتحت حتى دخلات دعاء.. كان حنكها كولو حمر
عادل: دعاء ماالك
دعاء: (نزلو دموعها) هئ هئ عمي انا كنت جالسة ومريم دخلات كتبكي فاش سولتها مالك ضرباتني وعايراتني
مريم: (شهقات) اويلي فين ضربتك.. عمي والله ماضربتها
دعاء: ضربتيني علاش كتكدبي..
عادل: (قاطعها) دعااااء.. نتي جلستي هنا حيت قلتي بغيتي تبقاي هنا تفوجي شوية وانا هدرت مع والديك يخليوك.. مي ماشي باش ديريلي المشاكل هنا.. مريم بنتي وكنعرفها ماشي ديال هادشي
دعاء: ياك اعمي هي عاد عرفتيها كدافع عليها وانا لي بنت خوك كتكدبني
عادل: (وقف) صافي بلا داك التمثيل ديالك.. وداكشي لي فبالك مغاديش يوقع غير تهناي
دعاء: ك..كيفاش... علاه شنو فبالي
عادل: باغة تزوجي شادي راه مستحيل حيت هو مزوج وهادشي دخليه لعقلك نتي وديك بنت عمك فاطمة
اسلام: (باس يد جاسمين) صباح الخير الزويونة ديالي... حطاتها فالكرسي ديالها وجلسات... فطرو مجموعين غير كملو وهو يهز اسلام جاسمين.. رنيم مشات هزات صاكها ونزلو بثلاثة.... قاد لجاسمين بلاصتها وسد الباب
رنيم: ياله احياتي الله يعاونك انا غادة
اسلام: (حدر باسها فحنكها) اي لوف يو
رنيم: اي لوف يو موور... مشات رنيم ركبات طموبيلتها ومشات فاتجاه الجامعة... واسلام ركب طموبيلتو وكسيرا داز للحضانة حط بنتو عاد كمل طريقو للشركة.... خلال هاد ثلاث السنوات رنيم جلسات فالدار لمدة عام تقريبا من بعد دفعات انها تخدم كأستاذة جامعية.. وخدمات لمدة سنة كاستاذة مساعدة ودبا هادي عام باش ترسمات كأستاذة... بالنسبة لاسلام خلال هاد السنوات ركز فخدمتو وترقا هادي عامين فالشركة..ورغم المشاغل لي تزادو عليه.. حاول انه ميفلتش لحظة وحدة مع اسرتو الصغيرة...... وصلات 4 دالعشية خرجات رنيم من الجامعة ركبات طموبيلتها ومشات فاتجاه الحضانة ديال بنتها.... خداتها ومشاو للدار..... لبسات بيجامتها هي وبنتها
رنيم: اوا الخايبة كيداز نهارك
جاسمين: وين (زوين)
رنيم: نتي هي الزويينة... دخلات للكوزينة حطاتها فالكرسي ديالها ووجداتليها الماكلة.. وكلاتها وحطاتها فالارض كتلعب.. بدات رنيم فغسيل الماعن ديال الفطور حتى كملاتهم دارت ملقاتش بنتها... خرجات كتقلب عليها لقاتها فبيتها كتلعب بنونوسها.. ابتاسمات ورجعات تكمل شغلها..... تحل الباب ومشات رنيم كتجري عنقات اسلام
اسلام: اوووه على تعنيقة.. سعداتي
رنيم: توحشتك
اسلام: انا كثرر منك..... قاطعاتهم المشاغبة وهي كدفع فرنيم
رنيم: لا لا انا غادي نحيدولها... مدات يدها جات تجرو وهي تشدو جاسمين
جاسمين: اععععع
شادي: مريييم
مريم: نعام
شادي: وخرجي رااك تعطلتي.. واش غنباتو هنا
مريم: (خارجة ملوية فالفوطة) هانا ماالنا على هاد الغوات كاامل
شادي: (كيقرب) شكون هاد المسطي لي غوت
مريم: (بدلع) نتا
شادي: علاه لي عندو هاد الزين يبقالو الجهد لي يغوت
مريم: ههههه
شادي: (تنهد) سيري من قدامي لبسي قبل مانصدقو فشي حاجة اخرى.. ضربها لمؤخرتها.. ياله
مريم: (عوجات فمها) هدااا متقيسنيش.... مشات مريم تلبس حوايجها وشادي دخل كيضحك للدوش... دوش وخرج لبس حوايجو لقا الفطور واجد... فطرو مجموعين وخرجو بجوج كيف العادة محيحيين فالطريق... وصلها للجامعة ومشا لخدمتو.. هادي عام باش تخرج شادي كمهندس وخدم فشركة اما مريم مازال كتكمل قرايتها.......... دوزو تقريبا نهارهم كامل وهما فالزنقة حتى دارت ديك ل5 وهو يدوز شادي على مريم ورجعو للدار.... كيفما مولفين لبسو بيجاماتهم ودخلو للكوزينة بجوج كيوجدو الماكلة.... خلال هاد الثلاث سنوات شادي ومريم انتاقلو لدار صغيرة على قدهم.. كان شادي كيخدم ويقرا فنفس الوقت... ومنع على مريم تخدم بغاها تديها غير فقرايتها.... تحمل المسؤولية وكان قدها... دار جهدو كاامل باش مريم ماتحتاجش لشي حاجة وحتى هي مكنتش كتعيق عليه ومشات على قد فلوسهم... طارق كان عرض عليهم المساعدة مي شادي رفض... كانو بعد المرات مكيلقاو باش يتحركو ولا يصرفو مي ماعمرهم مدو يديهم لشي حد... دارهم الصغيرة فرشوها شوية بشوية حتى كملوها.... ودبا من بعد ماتخرج شادي وخدم رجع كيشد صالير مزيان لي خلا الجانب المادي يتحسن شوية.... بالنسبة للانجاب قررو انهم يأجلوه حتى يكونو راسهم ويقدرو يستقبلوه فظروف أحسن..... كانو كيطيبو حتى قلبوها شطيح
مريم: (حطات يديها على قلبها) افف عييت
شادي: هههههه سيري تجلسي قبل ماتسخفيلي ونحصل فيك.....جلسات كتسترجع انفاسها وهي كتشوف فيه بحب وهو كيتحرك قدامها...... معمرها حسات بالندم على علاقتها بشادي بالعكس فرحانة وكتحمد الله حيت ربي جمعها بيه.... بالنسبة لعلاقتها بوالديها فبقات هي هي رغم محاولاتهم الكتيرة فالاتصال بيها او الالتقاء بها مي كلها باءت بالفشل... خبر واحد لي نقدرو نقولو فرحها نوعا ما او من الاحسن نقولو خلاها تحس بالراحة هو موت المغتصب ديالها فالسجن هادي عامين.... منين سمعات الخبر وعلاقتها بشادي تحسنات اكثر وتشبتات بيه اكثر
تسنيم: طاارق نووووض
طارق: ممم
تسنيم: نووض هئ هئ
طارق: (حل عينيه) مالك
تسنيم: تشهيت الخوخ
طارق: تسنييم خليني نعس
تسنيم: (ضرباتو بالمخدة) نعس.. الله يعطيك موصيبة.... ناضت وهي مفقوصة شادة فكرشها لي كبرات شوية.. جبدات مونطو لبساتو وهزات السوارت وهي تخرج..... جات تحل الطموبيل وهو يوقف عليها طارق
طارق: (تنهد) اري دوك السوارت
تسنيم: لا غير سير نعس عنداك يهرب
طارق: صافي الالة سمحييلي.. ياله عطيني... خداهم وركبو بجوج وتسنيم قالبة وجهها.... بقاو ساعة وهما كيقلبو على شي سوبر مارشي
طارق: واش حنا كل ليلة غنبقاو نخرجو ندورو هكا كنقلبو على شي عجب مشهياه
تسنيم: تبقا تخرجني كل ليلة.. راه كيعجبني نخرج بالليل ونشم الهوا
طارق: واااخة ميكون غير خاطرك... دارت لعندو عنقاتو وتحشات فيه
تسنيم: هاد المرة خرجني قبل ماتنعس باش ماتبقاش تغوت
طارق: ههههه واااخة الالة.. ياله نعسي وخليني نعس
تسنيم: بونويي...... يوم جديد فاقو وجدات الفطور تسنيم.. فطرو مجموعين ولبسو حوايجهم وهما يشدو الطريق للشركة.... تسنيم من بعد ماتخرجات خدمات فنفس الشركة فين خدام طارق...... وصلو وكل واحد فيهم مشا للمكتب ديالو
اسلام: كنحمااق علييك..... فطرو فجو مليء بالفرح والحب.. كان اليوم الاحد يعني عطلة... دوزوها غير فالدار مع بعضياتهم................. شادي صبح نااعس ومريم جالسة فالكوزينة كتحفض.... كانت مركزة مع قرايتها حتى حسات بشي حد عنقها
مريم: (بابتسامة) صباح الخير
شادي: صبااح الورد.. فقتي هاد النهار بكري
مريم: اه كنبريباري غذا عندي امتحان
شادي: الله يعاونك احياتي... انا غادي نوجد الفطور نتي غير كملي حفاضتك
مريم: واخة احبيبي..... رجعات لوراقيها وشادي بدا كيوجد... كمل وجمعات كتوباتها حطو الفطور وفطرو مجموعين.... ناضت للبيت كتقرا وشادي غسل دوك الماعن........... يوم جديد وصلها للجامعة ومشا هو لخدمتو....... كانت خارجة من الامتحان حتى وقفها واحد
شادي: (شد يديها) صبري احبيبتي عفاك.. جوج دقايق ونوصلو... تنفسي وغير بشوية عليك...... تبعات داكشي لي كيقوليها حتى وصلو كانت طبيبتها فالانتظار من بعدما عيطليها شادي......... دخلوها لغرفة الولادة وشادي معاها
شادي: ياله احبيبة مبقاليكش بزاف.. تحملي
مريم: الى عاودت حملت راني منسواش.. الله يعطيني العكَر هئ هئ
شادي: سكتي راه دعوتك مقبولة
مريم: سكت نتا متهدرش.. انا لي كنتعدب هئ هئ... الله يعطيك العكَر حتى نتا باش ماتزوجش عليا
شادي: (خنزر) مريم... ولدي براكة من البسالة
مريم: (صرفقاتو) قلتليك سكت.... هئ هئ وا مامااااااااااااااا.......... ولدات كان ولد صغييور غير شافو شادي دمعولو عينيه......... تنقلات لغرفة عادية كان بجنبها شادي وتسنيم وطارق ورنيم واسلام لي ياله وصلو... باركوليها وجلسو حداها
رنيم: مبروك عليك احبيبتي ويتربا فعزكم
مريم: اميين اختي وحتى نتي الله يفك وحايلك على خير ياربي
اسلام: (دور يدو على كرش رنيم) امييين
تسنيم: (بفضول) عرفتو شنو عندكم
رنيم: لا غادي نديرو كيف درنا مع جاسمين حتى يتزاد.. الاهم عندنا هو يتزاد بصحيحتو
شادي: ان شاء الله ياربي
رنيم: عطييني الفنكيش ديال خالتو
تسنيم: هههه هاكي شدي
رنيم: ما شاء الله على الصغيور ديالي... معااذ فيق براكة من النعاس
تسنيم: لا لا اختي خليه ناعس.. راه غير يفيق ايبدا فالبكا
معاذ: هئ هئ هئ
تسنيم: (عوجات فمها) هااشنو قلنا
الكل: هههههههه... يوم جديد فاقت مريم لقات والدين شادي وصلو مع كانو شدو الطيارة فاش سمعو الخبار
هناء: (عنقاتها) على سلامتك ابنتي
مريم: الله يسلمك اماما.. كيدرتو مع الطريق
هناء: مزيان الحمد لله... كيبقيتي دبا
مريم: دبا مزيان الحمد الله
عادل: (باس راسها) على سلامتك ابنتي
مريم: الله يسلمك ابابا
شادي: (بفرحة) بابا اجي تشوف ولدي
عادل: هههه زيد
مريم: شادي قوليهم يجيبوه لهنا حسن
شادي: وااخة...... خرج هو وباباه طلو عليه وطلب من الفرملية تجيبو للغرفة
عادل: (بافتخار) مبروك عليك اولدي
شادي: الله يبارك فيك ابابا....... رجعو لعندها ودخل الفنيكيش... هزاتو هناء وهي كتسمي بالله
هناء: ما شاااء الله...... كانت مريم كتشوف فيهم وعلى وجهها ابتسامة حتى تحل الباب ودخلو اخر اشخاص بغات تشوفوه.. تمسحات الابتسامة فور رؤيتهم
عادل: (قرب لعند مريم) الى كان الله سبحانه وتعالى كيسامح شكون حنا لي منسامحوش ابنتي... ومهما دارو كيبقاو والديك لي تعبو عليك ورباوك وكبروك..... خرج هو ومراتو
مريم: ماتخرجش بقا معايا
شادي: انا حدا الباب ويلا مبغيتيش تشوفيهم مغاديش نجبرك
مريم: صافي واخة.... خرج شادي وسد الباب... قربات ماماها منها
مريم: (نزلو دموعها) عقلتو كنت فبحاال هاد الغرفة كندوز من أسوأ مرحلة فحياتي... نتوما فاش جيتو شنو درتو... ضربتوني وهنتوني ومكفاكومش هادشي صيفطوني مع الكارد ديالكم لدولة اخرى... مطمأنيتوش على صحتي حتى انكم مسولتونيش شكون دار هادشي... فكرتو غير فراسكم وفصورتكم قدام الناس.. مفكرتوش فيا وباش كنحس... ماما الانسانة لي كتكون حنينة على ولادها... بينتيلي غيير العكس وكنتي قاسية عليا... نفيتوني ولحتوني كأنني ماشي بنتكم... للحظة تيقت بلي فعلا ماشي بنتكم... فاش كنشوف ماما هناء وبابا عادل كيفاش كيتصرفو مع ولادهم وكيفاش كيخافو عليهم كنزيد نكرهكم.... ودبا فاش وقفت على رجلي مرة اخرى وبنيت حياتي ودرت اسرة صغيرة خاصة بيا... شخص تعرف عليا وبغاني بعيوبي قبل من كل شي... بغاني ودافع عليا.. 4سنين وانا عايشة معاه شحال من مرة دابزنا مي معمرو معايرني ولا قال كلمة تجرحني.. كان حريص على راحتي وسعادتي... خدم ودمر باش يوفرلي داكشي لي باغا ومانمدش يدي لشي حد.. حتى انه مبغانيش نخدم باش نعاونو... ونتوما لي والديا شنو درتو مع اول مشكل تخليتو عليا وعايرتوني وضربتوني هئ هئ
بعد مرور عدة سنوات.. تجمعو الخوت بثلاثة فدارهم لي فالمغرب كيوجدو باش يستقبلو والديهم لي مشاو للحج..... لحظات دخل شادي ومعاه الحاج عادل والحاجة هناء
رنيم: (سلمات عليهم) على سلامتكم
عادل/هناء: الله يسلمك ابنتي..... من بعد روتين التسلام.. تجمعو كاملين على الطبلة.. كانت تسنيم وراجلها ووليداتها (معاذ وبسملة).. قبالتهم شادي ومريم ووليداتهم (ريان وريم).. وحداهم رنيم واسلام ووليداتهم (جاسمين و نجمة)...... عادل جالس فرأس الطبلة وبجنبو رفيقة دربو هناء.. كيشوفو فولادهم بافتخار.. كل واحد فيهم اسس اسرة ونجح فالحياة الشخصية والعملية.... كملو غذاهم وناضو الدراري خرجو للجردة... بعد مدة خرجو كلهم جلسو فالجردة والدراري كيلعبو الا جاسمين لي جالسة
اسلام: لعبي مع خوتك مالكي جالسة بوحدك
جاسمين: كلهم صغار وبراهش انا بغيت ابتهاج وابتهال
رنيم: ههههه ياك نتي ديما كدابزي مع ابتهاج
جاسمين: واهيا مكتخلينيش نقرب لابتهال
رنيم: اوا ختها وتوأمها من حقها تغير عليها
جاسمين: اوا كان عليك تولديلي حتى انا توأمي ماشي مخلياني هكا بوحدي... ناضت زعفانة خلات كلشي كيضحك عليها
رنيم: ههههه ماعندي منديرليكم هي كتبغيه وهو غادي معاها فالهبال ديالها
شادي: (هزها) نعام احبيبتي
نجمة: فوكاش آدي نتزوجو
الكل: هههههههههههههههه
مريم: صافي كملااات... شوفليك البرهوشة ديال 5سنين اش كتقول... ريااان اجي دي عليا هاد البنت من هنا
ريان: نجمة اجي معايا
نجمة: (عنقات شادي) لا انا نبقا مع بيبي.... للاشارة ولادهم كاملين كيهدرو بالدارجة حيت كيهدرو معاهم فالدار غير بيها حتى من اسلام كيهدر مع بناتو بالدارجة.. كيهدرو بلونجلي غير فالمدرسة
عادل: (شاف فهناء) كنبغيك وكنشكرك على دعمك ليا طول هاد السنين
مريم: انا كنبغيك ومنبغي حد يشاركك معايا واخا يكونو ولادي
شادي: هههههههه مغيااارة مي كنبغيك
مريم: وانا كنموت عليك
نجمة: هئ هئ ماماا بيت بيبي ديالي
الكل: هههههههههههه
اسلام: (خنزر فشادي) عجبك الحال دبا.. علقتي بنتي بيك ودبا كضحك عليها
شادي: (هز نجمة) اجي الزوينة ديالي.. اي لوف يووو
نجمة: (بفرحة) اي لوف يو توو...... ظلام الحال وهما مزال مجمعين فالجردة.. انظمات ليهم اكرام وسفيان وولادهم ووالدين مريم وطارق........
مريم: (باست ماماها) توحشتك
الام: حتى انا ابنتي كيدرتي لباس
مريم: بيخيير اماما الحمد لله
الام: الحمد لله.... جاسمين جلسات مجمعة مع ابتهاج وابتهال.... الدراري تكلفو بالشواء والبنات دخلو للكوزينة كيوجدو ليصلاد... اما والدين شادي ووالدين مريم جلسو كيشربو أتاي ومجمعين............ قادو طبلة كبيرة فالجردة وحطو الاكل تجمعو كامليين.... كانو اصوات كتيرة كتسمع.. صوت ضحك الفتيات بيناتهم وصوت الرجال وهما كيناقشو مواضيعهم.. صوت الدراري ها لي كيغوت بغا شي حاجة ها لي كيضحك وها لي كيلعب بالماكلة..... كان جو مليء بالفرحة والحب والسعااادة... بدات الكاميرة كتبعد واصواتهم كتنخافض معلنة على نهاية قصتهم
👑النهاية👑
رسالتي الى اخواتي وصديقاتي وبناتي وامهاتي .. قررت نكتب هاد القصة لي طرقات لعدة مواضيع... مواضيع من جهة نظري مهمة... رنيم تقدري تكوني هي نتي ولا بنت عمك ولا جارتك... فتاة تطمح أنها تقرا وتوصل والمحيط ديالها كيحاول يفشلها... في مجتمع كيشوف المراة غير جسد وعورة.. خاصها تزوج باش تستر... السترة هي قرايتك، ثقافتك، ديبلوماتك... حيت بالنسبة ليا العقل هو اكبر عورة ومغادي نستروه الا بالعلم.... ثانيا انا خديت بطل ملحد كان بامكاني ناخذو مغربي مي بغيت نوريكم انه ولو يكون شخص بثقافة مختلفة تماااما عنا.. نقدرو نحطو شروطنا ويتماشا معاها.. كيفاش؟... حنا كنشوفو دبا فاش كديري علاقة مع شخص مغربي ومسلم يعني عندنا نفس الثقافة مي مكنقدروش نحطو شروطنا... كنقولو الى مادرتلوش داكشي لي بغا غادي يخليني.. واش انا نغضب ربي ونخون عائلتي باش نرضي شخص مكبوت كيستاغل فيا باسم الحب... الحب انقى واطهر مما نتصور.. الحب شعور جميل كيزورنا وكيخلينا نشوفو الدنيا بنظرة مليئة بالالوان وبتفاؤل.... ثالثا اختاريتو ملحد ومشيت قلبت وبحثث بزاف باش جبتليكم اجوبة ديال واحد النوع من الاسئلة كيطرحوه غالبية الملحدين... والملحدين ماشي بالضرورة نمشي برا المغرب باش نتلقاهم.. يقدر يكون كيقرا معايا ولا جاري ولا شخص غادي نتعرف عليه فمكان العمل....... رابعا رنيم واسلام مداروش العرس لانه ماشي مهم... المهم هو الشخص لي غادي نعيش معاه.. الشخص لي غادي نكون انا وياه عائلة صغيرة...... مريم بوحدها هاديك.... تعرضات لابشع شيء يقدر تعرضلو البنت كان بامكاني نختار المغتصب شخص غريب مي لا بغيت نقوليكم بلي الدنيا خيابت وفهاد الوقت الواحد مخاصوش يتيق.... هي تاقت فيه لانو عمها ومشات معاه حتى كتلقا راسها كتعرض للاغتصاب..... ورغم تخلي الاهل عليها الا انها ممشاتش فطريق خايبة لا قاومات حتى لقاها ربي برجل كيبغيها... شادي لي كان طايش مي تعلم من الدرس لي تعطالو ورجع رجل بكل ماتعنيه الكلمة..... رسالتي ليك قراي واجتاهدي خلي عليك القصص لي كيبينو بعد المرات البطلة كسولة ولا هبيلة وفاللخر تزوجت واحد شبعااان وعايشة فقصر..... القصص راهم قصص والواقع كيقول حاجة اخرى.... ماشي شرط انكي تنجحي من المرة الاولى.. لكن يكفي محاولاتك العديدة وتشبتك بهدفك... ولأنكي أنثى يجب عليك بلوغ أهدافك.. لأنكي انثى يجب عليك متابعة دراستك ماشي غير فالمدرسة ولا الجامعة لاااا... بغيتك تكوني واعية وعارفة شنو واقع فالدنيا.. ماهي اخر الاكتشافات والاخبار وزيد وزيد... لأنكي أنثى ولأنكي نصف المجتمع ولأنكي تربين النصف الآخر يجب عليك أن تكوني واعية ومثقفة... فإن كانت المرأة فاسدة فسد المجتمع وإن كانت متعلمة تقدم المجتمع...... واخيرا كنتمنى تكونو خديتو ولو استفادة واحدة من هاد القصة...
♧قاومي.. قاتلي.. لا تستسلمي.. ثقي بربك.. توكلي عليه.. استمري وسري نحو الافضل
بالرغم من الاوقات الكثيرة التي تبكي فيها لمجرد سؤال كيف حالك؟ الخلل ليس في اولئك الذين سألوك وإنما في الأمواج المتصارعة بداخلك.. الحروب التي شنت على قلبك الصغير..الأحلام التي تحطمت وما زلت تعيش تحت أنقاضها.. أدعوك لأن تقفي وتقاومي لأنكِ أنثى♧
لأني أنثى الجزء العاشر والأخير
محتوى القصة
التنقل بين الأجزاء