شادي: واش هادشي فيه الحشمة... بقاو مجمعين بثلاثة حتى نعسو.. صبح الصباح فاقت الام دخلات للبيت وهي تلقاهم ناعسين بثلاثة نزلو دموعها وهي كتفكر بلي اليوم غادي تودع بنتها
بابا: (من موراها) حاولي متبكيش قدامها راكي عارفها كيدايرة
رنيم: بونوي..... مشات رنيم للبيت.. دخلات وسدات الباب من موراها... تكات فناموسيتها وهي كتخمم حتى داتها عينها... صبح الصباح نهار جديد... فاقت رنيم دخلات للطواليط توضات ورجعات لبيتها.. صلات صلاتها ولبسات حوايجها.. جمعات صاكها فيه وراقها والفلوس لي عطاها باباها حتى هما هزاتهم..... خرجات لقاتهم كيفطرو جلسات معاهم فطرات... كملات وهي تخرج مع اسماعيل... غادة وكتشوف المدينة من الزاج ديال الطموبيل حتى توقفو قدام الجامعة... دخلو بجوج تسجلات وخلصات رسوم التسجيل.. قدات مسائلها ورجعها للدار.... داز نهار عادي.. اليوم مشات للجامعة بوحدها من بعد ماشرحليها اسماعيل فين غتمشي واينا طوبيس تشد.... دخلات وبقات كتسول حتى لقات الاونفي.. دخلات جلسات حدا واحد البنت.... بعد دقائق دخل البروف وبدات كتقرا وكتاخذ لي نوط معاه.. كانت مركزة معاه مزيان وفبالها تشد الماستر وتقرا الدكتوراة هادشي لي مسيطر على تفكيرها... مي خاصها تفكر بلي ضروري تلقا الكرا ميمكنش تبقا جالسة مع الناس... كملات وكانت خارجة وهو يبانليها اعلان قربات قراتو لقات ديال بنت بغات شريكة فالسكن.. خدات نمرتها وصونات عليها حيت كانت ديجا شرات نمرة جديدة... تافقو يتلقاو من بعد ساعة فالجامعة... جلسات كتسناها حتى صونا تيليفونها
#الحوار_بالانجليزية
....: فينك
رنيم: انا واقفة قدام باب الجامعة
....: صافي شفتك..... وقفات عليها بنت مكحلة عينيها والعكار فالكحل والظفار مصبوغين بالكحل ولابسة كلشي كحل.. انا كادي
رنيم: احم وانا رنيم
كادي: ممم تمشي تشوفي الدار
رنيم: (حكات راسها وهي كتشوف فستيلها) لا دبا ممسالياش.. نقدرو نخليوها نهار اخر
كادي: لي بغيتي... هضرو على ثمن الكراء وبلي ساكنة غير هي وبغات شي وحدة تعاونها فالكرا... رجعات رنيم للدار وهي كتفكر.. دخلات للبيت بدلات حوايجها وخرجات تعشات وهي ترجع للبيت.. تكات فوق ناموسيتها وهي كتفكر فشنو غدير.. حسات بشي حد دخل عندها.. دارت راسها ناعسة.. حسات بشي حد حيدليها الغطا وبدا كيدوز يديه عليها.. قلبها بدا كيضرب... حلات عينيها وهي تلقا طه
طه: لا الغوات ممعناش.. جبدها من رجليها حتى تكات وطلع من فوقها... حاولات تبعدو مي جسمو ضخم وهي غير على قد الحال.. قلباتها غوات وبكا... دخلات مروى وهي تلقاهم هكاك.... طه ناض بالزربة فاش شاف مو وهي تجمع رنيم راسها ودموعها نازلين... ناض طه خرج
مروى: شوفي حنا استقبلناك فدارنا مي مبغيتكش تجبديلي المشاكل.. رنيم بحال الى تصرفقات ناضت بلا هدرة.. كتجمع فحوايجها
مروى: حتى للصباح وسيري الليل هدا... دارت راسها مسمعتهاش لبسات مونطو فوق بيجامتها.. هزات بوط لبساتو فرجليها.. هزات صاكها وجرات باليزاتها
رنيم: (شافت فيها) ان شاء الله يوقع لبنتك هادشي وكثر
مروى: ياااك انا جايباك لداري وفاللخر دعي على بنتي
رنيم: اه والله يعطي لولدك القطيعة لهداك لي فرحان بيه المكبوت لاخر.. يمشي يشد ختو اما انا بزاااف عليكم... ضربات فيها وخرجات خلاتها مصدومة... خرجات فداك الليل كدور وكتفكر شنو خاصها دير
هزات تيليفونها بتردد وهي تصوني على كادي
كادي: هالو
رنيم: انا رنيم ممكن تقوليلي العنوان باش نجي
كادي: مممم نتلقاو حدا الجامعة
رنيم: (بفرحة) اوكي.... مشات شدات الطوبيس.. بعد دقائق وقفات قدام الجامعة جلسات كتسنا شوية هاهي جاية
كادي: هااي.. راه الدار قريبة من الجامعة
رنيم: اه مزياان.... مشاو بجوج بعد دقائق كانو وصلو.. دخلو ورنيم كدور عينيها على المكان
رنيم: اوكي شكرا... مشات كادي لبيتها وسدات رنيم الباب بالساروت... حيدات المونطو وهي تسرح فوق الناموسية كتفكر حتى داتها عينيها.... دازت الايام عادية مابين القراية والدار والبحث عن عمل... حتى لهاد النهار دخلات للدار وهي تلقا ناس حتى هما لابسين غير الكحل
كادي: هادو صحابي
رنيم: اوكي... دخلات رنيم نيشان لبيتها وسدات عليها بالساروت... بدلات حوايجها وجبدات الكتوبا كتقرا.. شوية ناضت مشات للكوزينة هزات الما كتشرب.. فاش كانت راجعة وهي تلقا كادي شادة يد واحد وكتمصلو دمو.. بقات رنيم غير كتشوف ومصدومة.. دخلات لبيتها بالزربة وسدات عليها.. جلسات فوق الناموسية وبقات كتفكر شوية سمعات اصوات فشكل... خرجات وهي تشوف ابشع منظر... كانو كاملين عريانين وشي ناعس مع شي.. كاينين حتى البنات مع بعضياتهم والدراري مع بعضياتهم.. كادي كانت مع واحد... عيفوها مشات كتجري للطواليط كترد... دخلات للبيت وقلبها كيتهز ويتحط.. الصورة مبغاتش تمشيلها من عينيها.. سدات الباب بالساروت وبقات كتفكر.. ضروري تخرج من هنا مي فين غتمشي... صبرات حتى صبح الحال وهي تجمع باليزاتها وخرجات... مشات للجامعة بباليزاتها تقرا... جلسات حدا واحد البنت لي طلعات فيها وهبطات
....: سمحيلي نسولك
رنيم: ويي
....: انا كنت كنشوفك مع كادي وعارفة بلي ساكنة معاها.. مي دبا شفتك هازة باليزاتك علاش
رنيم: (تنهدات) مبقاش عاجبني الحال معاها وصافي.. من بعد الدرس غادي نمشي نقلب على كرا عوتاني
....: ممم معرفت كيدرتي صبرتي معاها.. هي معروفة هنا بدوك الممارسات لي كدير
رنيم: انا ياله شفت البارح داكشي
....: ايوا مزيان غير منين خرجتي سالمة.. حيت هي كانت من بعد فترة غادي تبزز عليك تنضامي ليهم
رنيم: (حطات يدها على قلبها) افف الحمد الله.. شكرا
....: بعد تفكير) تقدري تسكني معايا انا ساكنة بوحدي)
رنيم: بالصح
....: وي.. نعرفك على راسي بعدا.. انا كارمن
رنيم: وانا رنيم
كارمن: مورا الدرس نمشيو بجوج
رنيم: اوكي...... سالا الدرس وهما يخرجو
كارمن: اجي معايا راه عندي طموبيل
رنيم: اوكي.... دارت باليزاتها فالكوفر وركبو بجوج
كارمن: نتي منين جيتي
رنيم: من المغرب الى كتعرفيه
كارمن: وي كنعرفو.. مشيتلو واحد المرة فاش كنت صغيرة.. بعد صمت.. دونك نتي مسلمة
رنيم: اه ونتي
كارمن: مسيحية
رنيم: متشرفين
كارمن: حتى انااا
وصلو للدار دخلات رنيم وهي تبهر بالمكان كان منظم وفيه ريحة زوينة
كارمن: اجي معايا نوريك بيتك.. دخلاتها للبيت كانت كولها بيضة ومفرشة.. رنيم تسطات بالديكور... وعندها شرجم كبير والماريو.... خرجات من البيت وداتها للكوزينة وراتهاليها.. وراتها بيت الجلاس ولي فيها البالكون عينين رنيم تحولو لقلوبا
كارمن: عجباتك الدار
رنيم: بزاااف مي بشحال الكرا
كارمن: فهادشي مغاديش نختالفو غير كوني هانية... تافقو على الثمن لي ناسب رنيم وبزاف... دخلات رنيم لبيتها جديدة وهي فرحانة.. بدات كتستف حوايجها فالماريو حتى كملات... هزات بيجامة عبارة عن شورط وتيشورت لأن الدار كانت سخونة... وهزات فوطة وهي تمشي للحمام دوشات ولبسات بيجامتها.. دورات الفوطة على شعرها وخرجات..
رنيم: شكرااا... جلسو تعشاو وكل وحدة مشات لبيتها... نعسات رنيم لأول مرة مرتاحة منين جات لكندا.. لانه حتى فاش كانت مع كادي مكانتش مرتاحة بسبب تصرفاتها الغريبة.. صبح الصباح سجلات فيديو كتهضر فيه على شنو دارت وبلي دبا مع بنت اخرى ساكنة ومرتاحة وصورات بيتها وهي تصيفطو لعائلتها... حيت هما عرفوها ساكنة مع كادي مي ممرتحاش... كان اليوم السبت دونك مكايناش القراية... لبسات حوايجها وخرجات وجدات الفطور
رنيم: صباح الخير
كارمن: صباح الخير
رنيم: واش كاين هنا شي سوبر مارشي قريب
كارمن: وي هانتي سيري نيشان ومع اول دورة على ليمن سيري فيها غتلقايه
رنيم: اوكي... فطرات وهزات صاكها وخرجات.. فعلا كان سوبر مارشي قريب.. دخلات شرات كاع داكشي لي غتحتاج من خضر وفواكه.. والاشياء المعلبة.. الفوط الصحية... مشات خلصات ورجعات للدار.. بدات كدق وهي تحليها كارمن
كارمن: انا انجيبليك الساروت راني نسيت
رنيم: واخة... حيدات رنيم صباطها فالباب ودخلات داكشي للكوزينة.. عطاتها كارمن السوارت حطاتهم فصاكها ودخلات لبيتها... بدلات حوايجها وجبدات الطاجين لي كانت جايباه معاها من المغرب.... دخلات للكوزينة ستفات داكشي.. وبدات كطيب الغذا.. كملات وغسلات داكشي لي وسخات
رنيم: جلسي تغذاي... جابت كارمن طبسيل وفرشيطة والموس وهي تجلس... بدات كتهز وتحط فطبسيلها وهي كتشوف فرنيم كيفاش كتاكل.. كانت رنيم طيبات المخمر واستعملاتو بحال الخبز... كملو الغذا وجمعات داكشي ورجعات للبيت كتقرا... شوية طاح فبالها سفيان ناضت دارت ميزيكالي وهي تصيفطاهلو.... عند سفيان لي كان جالس حتى جاه ميساج دخل وهو يلقا الفيديو تفرج فيه وبدا كيضحك وهو يصيفطليها ميساج
سفيان: الحمقة توحشتك
رنيم: حتى انا توحشتك
سفيان: ايوا اش كتعاودي
رنيم: والو غير القراية ومزال ملقيت شي خدمة نعاون بيها
سفيان: الى حتاجيتي شي حاجة انا هنا متنسايش
رنيم: عارفة لي كاين ميرسي.... كملو التعاويد ديالهم وهزات تقرا حتى دخلات كارمن لعندها
كارمن: رنيم مسالية نهضرو
رنيم: ويي
كارمن: بغيت نتعرف عليك كثر.. انا معنديش شي صاحبتي
رنيم:(بفرحة) اوكي.... جلسو العشية كاملة وهما كيهضرو ويتعاودو.. دبا والديك ساكنين فمدينة اخرى
كارمن: اه كنمشي عندهم مرة مرة فالويكاند ولا العطل
رنيم: مزيان حتى خوك ساكن معاهم
كارمن: نو هو فمدينة اخرى كيخدم
رنيم: اه اوكي....... دازت الايام ورنيم كتقلب على الخدمة.. حتى لهاد العشية كانت كدور مع كارمن
كارمن: بلا ماتقلقي.. انا كنت كنشوفكم معقدين ومتشددين والى كان شي حد مختالف معكم تقدر توصل بيكم للقتل
رنيم: مغاديش ننكر بلي كاينين البعض هكا... مي الواحد مخاصوش يعمم ومخاصوش يحكم على شي دين من خلال انسان او جوج... وحنا الدين ديالنا دين يسر والسلام.. اما بالنسبة لهادوك لي هدرتي عليهم هما بعاد على الدين ديالنا.. لان الله مأمرناش نقتلو الناس.. ونزيدك هاد الارهابين راه مكيفجروش غير الاماكن لي فيها الغير مسلمين وانما حتى المساجد لي اكيد بداخلها غير المسلمين... اذا واش فنظرك هادو كينتاميو للدين الاسلامي
كارمن: وي عندك الحق فهادشي لي قلتي... وكيما قلتي الواحد مخاصوش يحكم على ديانة بأكملها من خلال سلوكات أشخاص معينة
رنيم: وي بالضبط
مرت الايام ورنيم كتخدم وتقرا.. وضعيتها تحسنات شوية وبدات كتولف واخة فوقما كتهضر مع والديها كتبات تبكي.. مي كتحاول تقوي راسها ومضعفش.... هاد الصباح فاقت بكري توضات وصلات صلاتها.. لبسات المونطو ومشات جلسات فوق السور ديال البالكون.. مغمضة عينيها وكتفكر.. عايشة فعالمها الخاص.. حتى حسات بالحركة وهي دور
الاستاذ: لا مكنظنش... حتى واحد مايقدر يتفوق عليك.. اجي دخل معايا هاد الحصة
اوستن: (بابتسامة) اوكي..... دخلو بجوج للقاعة
#رنيم
كانت متكية على كتف كارمن وشادة كرشها وهي كتقطع بالوجع
كارمن: (كدوز يديها على ظهرها) كون غير سمعتي هدرتي وياله نمشيو للدار
رنيم: لا القراية هي اللولة.. انا شوية ويفوتني الحال..... دخل الاستاذ ومن موراه شاب شافتهم وهي تقاد الجلسة
الاستاذ: كنعرفكم على اوستن الطالب المتفوق ولي جا هو اللول فالدفعة ديالو شرفني وشرف مدرستو
رنيم: (عوجات فمها) ومالو عاجبو راسو.. راه جا غير اللول ماشي صنع صاروخ
كارمن: (حابسة الضحكة) هداك خويا
رنيم: (تصدمات) هاا.. غير كنضحك تبارك الله عليه جا اللول واااو
كارمن: هههههههه حمقة.. انا عارفة خويا متكبر
رنيم: (بالدارجة) ايوا الحمد الله منين عارفة
كارمن: كيفاش
رنيم: لا والو.... بقا ساعة وهو كيشكر فاوستن.. كون غير مشيت نعست نتسنط للوجع ديالي على خاطري تفو.. حسسوني بلي اختارع شي حاجة... وانا من الابتدائي وانا نجي اللولة ومدرتش هاد الحالة يخخخ
رنيم: (ضربات البلاطو فوق الطبلة) ياله تفاهم دبا نييت... غير لي مريض فعقلو يجي يبغي يتحكم فالمسلمين.. سير شوف غير حالتك ونتا قربتي طرطق بكثرة النفخة لي فيك
كارمن: رنيم عفاك براكة راه غير سوء تفاهم
اوستن: (رجع حمر) انا غادي نخلص البشرية منكم... وقف وهو يقجها حتى لصقها مع الحيط
كارمن: اووووستن طلق منها.... هز يدو وعطاها بتصرفيقة حتى حسات بالدوخة وبقا قاجها حتى رجعات زرقة
جاو الناس فكوها من يديه.. غير طلق منها وهي طيح للارض كتكحب وتحاول تتنفس
كارمن: (حدرات عندها) رنييم حبيبة
رنيم: (شافت فاوستن بحقد وهضرات بالدارجة) غادي ندمك اولد الحرام.... بعد لحظات قليلة دخل البوليس كان المسؤول على الريسطو لي عيطلهم... لقاو اوستن شادينو الناس وهو كيتنتر وشافو رنيم جالسة فالارض كتحاول تنفس ولاطراس ديال يديه باينين فوجهها وعنقها.... البوليس اعتاقل اوستن
الضابط: غادي نديوك دبا للمستشفى ومن بعد تجي تعطي اقوالك... حركاتلو راسها بالايجاب وناضت معاه وهو شادها..... داوها للكلينيك بقا معاها شرطي والباقي مشا للمركز.... كشف عليها الطبيب ودارليها الاوكسجين حيت مبقاتش قادة طلع النفس.. قالتلو على الوجع لي فيها وهو يضربليها ابرة تهدن بعدا الحريق وتكات وهي حاسة بالراحة.... فاقت على شي حد كيحرك فيها كان الشرطي
الشرطي: الى ارتاحيتي ا انسة راه خاصنا نمشيو
رنيم: وي سمحلي.... ناضت.. نقدر ندخل الطواليط بعدا
الشرطي: وي تفضلي انا كنتسناك برا... دخلات للطواليط من بعدما هزات صاكها.. قضات حاجتها وبدلات اولويز.. شافت فالمراية لقات مزال لطراس شوية فعنقها توعداتلو بالشر.. وهي تخرج لبسات مونطوها وخرجات عند الشرطي... مشاو بجوج وبعد دقائق كانو وصلو للمركز.. دخلها نيشان عند الضابط
الضابط: تفضلي.. جلسات.. تقدري تقوليي شنو وقع بالتفصيل
رنيم: انا كنخدم فديك الريسطو المهم فاش كنت كنحطليهم ياكلو.. دخلات بنت محتجبة وبدا بالهضرة الناقصة عليها متحملتش كوني مسلمة وانا جاوبتو.. وكيفما كتشوف عنقي مطبع حيت تهجم عليا بطريقة وحشية... بدافع التعصب الديني وغير تقبل اختلاف المعتقدات.. لي كنطالب بيه دبا هو حقي
الضابط: اكييد.. والفيديو وهو مهجم عليك راه عندنا.. يعني كاع الدلائل ضدو وهو غادي يتحاكم
رنيم: (بابتسامة) اوكي شكراا... خرجات وهي تلقا كارمن حادرة راسها
كارمن: (شافتها وهي تنوض) رنيم سمحيلي اختي
رنيم: نو انا ممقلقاش منك حيت نتي مدرتيلي والو
كارمن: كنتمنا تسمحي لخويا
رنيم: لا منقدرش وبلا ماطلبيها مني عفاك.. المهم انا غنمشي للدار نجمع حوايجي ونمشي فحالي وشكرا على كلشي
كارمن: (شدات فيها) لا مغاديش تمشي
رنيم: كارمن هادشي وقع حيت انا ساكنة معاك.. دونك من الاحسن نبعد
رنيم: فوقاش ايسالي هاد الاكشن لي منين جيت لهنا وانا فيه اففف..... خرجات لقات كارمن حاطة البيتزا قدامها.. انضمت ليها رنيم.. تعشاو وكل وحدة مشات لبيتها.. يوم جديد كان عندها اليوم المحكمة... من بعد الدلائل والشهود قررات المحكمة تحكم على اوستن ب6 شهور مع غرامة مالية... تعصب ومرضاش.. طلعات وهبطات فيه باستهزاء ومشات فحالها.. وهي فطريقها للجامعة تفكرات حمزة لي حاول يغتاصبها وفاللخر حكمو عليه غير ب3 شهور وهدا غير ضربها حكمو عليه بالضوبل... هنا تأكدات بلي القانون دالمغرب زيرو.. وزيد عليها اوستن كينحادر من اسرة غنية ورغم ذلك القانون فوق كلشي.. اما كون كانو فالمغرب كون حكمو عليها هي نييت..... دازت الايام ورنيم كتقرا وتخدم وكارمن متبدلاتش عليها.. كيفما كانت كتعامل معاها بقات... اليوم الاحد جالسين فالدار حتى سمعو الدقان.. مشات كارمن تحل وهي تلقا ماماها وباباها عنقاتهم وتسالمات معاهم.. دخلو وهما يشوفو رنيم
سيباستيان: كيدايرة ابنتي سافا
كارمن: وي مزيان ونتوما
سيلين: منين دخل ولدي للحبس وانا مناعساش.. فين كان مخبي لينا هادشي
كارمن: ماما راه هو لي غلط.. راه تهجم على البنت حتى كانت غتموت
سيلين: هي هادي لي معاك فالدار
كارمن: اه.... تقدمات سيلين جيهتها وشداتليها يديها
سيلين: بنتي عفاك سمحي لولدي نعطيك شحال مابغيتي
رنيم: انا مباغة لا فلوس لا والو.. ولدك تهجم عليا غير حيت انا مسلمة
سيلين: هو مزال متأثر بالموت ديال الصديق ديالو من طرف المسلمين.. داكشي علاش
رنيم: هذا ماشي مبرر
سيباستيان: عارف ابنتي داكشي لي دار ولدي ماشي هو هداك وماعندو حتى مبرر.. مي الى كان ممكن تسامحيه غادي نكون ممتن ليك
كارمن: رنييم بلييز
رنيم: (تنهدات) اوكي.. غذا انمشي نتنازل ليه
سيلين: (عنقاتها) شكرااا ابنتي.... يوم جديد مشاو ب4 دارتليه التنازل وشي وراق قادوهم عاد مشات هي للجامعة.... قرات وخدمات وهي ترجع للدار لقات غير كارمن
كارمن: (عنقاتها) شكرااا اختي
رنيم: ماشي شي حاجة.. واش خرج
كارمن: مزاال خاصهم يقادو شي وراق ويمكن يزيد شي يامات مزال معرفت
رنيم: اوكي... دازت الايام ورنيم غارقة فوسط الامتحانات والخدمة.. عيات... اليوم كان اخر نهار دالامتحانات كملو وهما يجيو للدار طاحو نعسو بجوج
سفيان: واخة الالة ياله تهلاي فراسك..... قطعات وهي تجي عينيها فاوستن لي كان فالجردة وكيشوف فيها... مداتهاش فيه.. نزلات ودخلات للبيت تكات........... جات كارمن كتفيقها ناضت كتوجد راسها.. لبسات حوايجها وشعرها رجعاتو كورلي.... دارت مكياج خفيف ونزلو... ركبات اللور وكارمن جلسات حدا خوها..... بعد دقائق كانو وصلو دخلو لقاو الدنيا عااامرة.... كانو صحاب اوستن كيتسناوه.. تسالمو وكانو كيعرفو حتى كارمن جلسو مجمعين كيهضرو ويضحكو ورنيم غير كتشوف... جا السرباي طلبو اش بغاو ورنيم خدات مشروب بدون كحول.... بعد لحظات ناض اوستن هدر مع واحد ورجع مبتاسم....
داك الكلوب معروف كل ليلة كينوضو الناس لي تما كيغنيو من بعد مكيسجلو سمياتهم... انطالقات وناضو بزاف دالناس ومنهم صحاب اوستن.. شي وحدين كيعرفو يغنيو شي وحدين لا.. ولي مكيعرفش كيجبروه يشرب قرعة كاملة دالويسكي ولي من العيار الثقيل
....: المشاركة التالية هي رنيم
كارمن: واااو فوقاش سجلتي سميتك
رنيم: (باستغراب) مسجلت والو راني من قبيلة وانا حداك.. شافت فاوستن كيضحك.. باينة خوك لي دارها شوفي كيفاش كيضحك
كارمن: هههههههه نوضي عفاك فقصيه نتي اصلا كتعرفي تغني يعني متخافيش مغاديش يجبروك ديري شي حاجة
رنيم: اوكي.... ناضت رنيم هدرات مع الفرقة وبدات.. عم الهدوء فالمكان كيسمعوليها وهما مصدومين من صوتها القوي مي ميكونوش بحال اوستن لي حل فمو فيها.... كملات وتعالات التصفيقات.. كانت راجعة حتى تعرضليها واحد
.....: هاكي لكارط فيزيط ديالي ونتمنا تعيطيلي فاقرب وقت
اوستن: (بابتسامة شريرة) نشوفو المسلمة واش عذراء ومنين غتفيق شنو هي ردة فعلها.. ههههههههه..... مشات لورا عند السرباي تافقات معاه ودورات معاه وهي ترجع.... بعد دقائق رجعات رنيم لبلاصتها.. جا المشروب عطا لكولشي وحتى رنيم خدات
رنيم: ياك بدون كحول
السرباي: وي انسة.... بدات كتشرب فيه وهي مجمعة مع واحد
....: صوتك زويين زعما واااو
رنيم: ميرسيي بوكو.... بقاو كيهضرو حتى ش شدات راسها
....: ماالك
رنيم: (شادة راسها) لا والو... اوستن غمز لورا وهي تنوض
لورا: اجي معايا
رنيم: فين
لورا: بغيت نقوليك شي حاجة ضرورية
رنيم: واخة... ناضو بجوج حتى وصلو لواحد البيت............ كارمن كانت ناضت كتشطح وضحك.. واوستن ناض وهو فرحان غادي باتجاه البيت دخل وهي تبانلو ناعسة
اوستن: اوووووه العصفورة طاحت بين يدي... متشوق لردة فعلك ايتها المسلمة... حان وقت الاستمتاااع ههههههههه سد الباب بالساروت وبدا كيحيد حوايجو
قرب لعندها وهو يحيد الغطا من على وجهها.. جمع الضحكة فاش شاف لورا لي ناعسة.... حاول يفيقها ووالو تعصب وبغا يطرطق... خرج من تما لقا غير شي صحابو لي باقيين
اوستن: فين كارمن
...: راه مشات هي وصاحبتها رجعو
اوستن: (زير على يديه) اوكي.... رجع للدار طلع نيشان لبيتها حل الباب ودخل سمع الما فالدوش وهو يجلس كيتسنا
#فلاش_باك
كانت رنيم فالطواليط كتفكر... قلبها كيقوليها شي حاجة ماشي هي هاديك غادي توقع.. وزيد عليها نظرات اوستن زرعات فيها نوع من القلق.. خرجات وهي تشوف لورا والسرباي كيهضرو.. قربات لعندهم بلا مايحسو بيها وسمعات هضرتهم وشافتها كتعطيه شي دوا والفلوس.. خلاتها حتى مشات وتبعاتو... جبدات موس صغير عندها فالصاك ديما... غير دخل كيوجد داكشي وهي توقف عليه
السرباي: شنو بغيتي ا انسة
رنيم: (حطات الموس على عنقو) باغي تسممني اولد الحرام
السرباي: ك..كيفاش
رنيم: داكشي لي عطاتك ديك البنت باش تحطو فكاسي
السرباي: انا كندير غير خدمتي
رنيم: خدمتك هي تقتل الناس اولد الكلبة
السرباي: راه ماشي سم انا فايتلي شايفو.. هدا مخدر
رنيم: بغيتك تحط المخدر فكاس ديك البنت
السرباي: هااا
رنيم: واش كتسمع ولا نصيفطك للحبس
السرباي: صافي واخة.. لي بغيتي
رنيم: كنحذرك تلعب معايا.... رجعات وهي مفقوصة مي حاولات تتكالما... جلسات وفاش جا المشروب شربات دارت راسها فيها الدوخة قبل ماتدوخ لورا... فاش مشات معاها وكانو فالطريق وهي تشدها لورا الدوخة
رنيم: مالك
لورا: فيا شي دوخة
رنيم: فين غنمشيو دبا
لورا: لديك البيت راها... شدات فيها غير وصلو وهي طيحليها.. هزاتها بالسيف وحطاتها فوق الناموسية وعاد فهمات اش باغي منها بالاخص فاش شافتو دخل للبيت وكانت واقفة قدام الباب كتسمع اش كيقول وفهمات بلي باغي يغتاصبها.. حقدات عليه كثر
#الحاضر
رنيم خارجة من الحمام لابسة بيجامتها ومدورة الفوطة على شعرها.. شافتو جالس وهي تبتاسم
اوستن: (شدها من يديها وجبدها حتى ضربات فصدرو) كلها يشد طريقو سمعتي
رنيم: (دفعاتو حتى طاحتليها الفوطة من راسها وتطلق شعرها) اخر مرة تقيسني واخر مرة تفكر تقيسني.. حيت كون متاكد بانني غندير شي حاجة لي مغاديش تعجبك
اوستن: (كيشوف فيها) الصمت
رنيم: ممكن دبا تخرج من البيت... حدر راسو وخرج.. مشات من موراه سدات الباب بالساروت وهي تلاح نعسات.... يوم جديد فاقت رنيم على الدقان ناضت كتحك عينيها حلات الباب لقات كارمن.. رجعات للناموسية وهي تبعها كارمن
رنيم: اشمن شوية قلتليك خرجيه..... اوستن كان تابعو حتى شافو دخل لبيت رنيم وهو يتبعو سمع الهضرة والضحك فالحمام قرب ولقا رنيم طالعة ودايرة واحد الحركة كتقتل بالضحك... مقدرش يصبر وبدا كيضحك
شافتو كيضحك وهي تقاد وقفتها وخنزرات.. كارمن كانت هزات كانيش مخرجاه.. واوستن بقا كيشوف فيها ويبتاسم
رنيم: (بالدارجة) شوو كيداير.. يضحكو عليك ان شاء الله وقول امين
اوستن: شنو قلتي
رنيم: لا والو.. شنو جاي دير عندي هنا.... شاف فيها وحدر راسو خرج........ دوزات النهار كلو برا مع كارمن تساراو وتغذاو برا... رجعو حتى بدا كيطيح الظلام.. وصلو للجردة وهما يبانليهم الناس بزاف وبحال الى كاينة حفلة
كارمن: اجي نشوفو شنو كاين... قربو ولقاو اوستن كيشطح مع الموسيقى العالية وصحابو حتى هما والبنات جالسين حالين فمهم فيهم.... انضمات كارمن ليهم ورنيم جلسات فوق الفوتوي وبقات كتشوف فيهم حتى جا واحد الشاب بغا يجرها وهي تنتر يديها
رنيم: شنو
....: اجي تشطحي معانا
رنيم: نو ميرسي.... رجع وهي بقات غير حاضياهم حتى صونا تيليفونها لقاتو سفيان وهي تبعد
رنيم: الو
سفيان: توحشتك
رنيم: (كتبكي) حتى انا توحشتك
سفيان: رنيم مالك
رنيم: هئ هئ والو توحشتك وتوحشت والديا وخوتي
سفيان: (تنهد) نجي عندك
رنيم: نو نتا خدام وممساليش.. الله يعاونك
سفيان: امين.. رنيم الى كانت شي حاجة اخرى قوليهالي
رنيم: لا والو والله
سفيان: اوكي ختي.. ايوا ارتاحيتي شوية فهاد العطلة
رنيم: وي حمد الله وحتى الجو زوين لقيتيني ياله دخلت انا وكارمن للدار
سفيان: مزيااان تفوجي شوية.. ايوا نخليك دبا حتى الغذا ان شاء الله
رنيم: ان شاء الله بونوي
سفيان: بونويي.... قطعات حطات تيليفونها فصاكها وبدات كتمسح دموعها غير دارت وهي ضرب فاوستن
اوستن: (شد وجهها بين يديه) مالك
رنيم: (بعدات) والو... بغات تمشي وهو يجرها لعندو
اوستن: علاش كتبكي
رنيم: ماشي سوقك... ضربات فيه وخلاتو واقف وهي رجعات.. ياله كانت حطات صاكها فوق الطبلة وبغا تجلس حتى جا واحد جرها من يديها ودفعها جات فلابسين نيشان.. كلشي بدا كيضحك.. اما هي غرقات والخوف مسيطر عليها.. كتحاول تخرج وبدون فائدة حتى ترخات.... اوستن كان راجع ولقا كلشي كيضحك
اوستن: مالكم
لورا: مارك لاح ديك البنت فلابسين ههههههههه..... دور عينيه فلابسين مبانتلوش... قرب وهي تبانلو لداخل تلاح بالزربة جبدها... حطها فالارض وبدا كيبرك على صدرها وعينيه فيهم نظرات فشكل... نظرات عامرين شك وخوف... نزل وهو متردد دارليها التنفس الاصطناعي.. وبقا حاط شفايفو على شفايفها وهو مغمض عينيه... بدات كتحل عينيها وهي تلقاه هكاك.. دفعاتو وجلسات كترجف ودموعها كينزلو وهي كتمسحهم.. كارمن كانت ياله راجعة للجردة.. شافت رنيم هكاك وهي تجي كتجري
كارمن: مالك
اوستن: راه طاحت فلابسين
كارمن: (عنقاتها) افف صافي احبيبة
اوستن: مالها
كارمن: شحال هادي كانت غرقات فالبحر ومن تما رجعات عندها فوبيا.... اوستن مبقا كيسمع والو وهضرة ختو كتعاودليه فودنيه... نوضاتها وهي كترجف تمشاو شوية وهي ترجع رنيم كتجري ضربات هداك بركلة لحجرو حتى حدر وهي تصرفقو ودفعاتو.. طاح فلابسين وهي ترجع..... اوستن بقا كيشوف فيها.. وتأكد بلي هاد البنت قوية حيت وخا راها فلحظة ضعف مسمحاتش فحقها
دخلاتها كارمن نيشان للدوش
كارمن: صافي اختي تهدني ودوشي انا غادي نتسناك
رنيم: واخة.... سدات الباب وحيدات حوايجها دخلات من تحت الرشاشة وبدات كتغسل ففمها فاش تفكرات اوستن وهو حاط شفايفو على شفايفها.... كملات التدواش ولبسات البينوار وهي تخرج.. لقات كارمن مزال كتسناها... جبدات بيجامتها لبساتها وهي تجلس حداها
كارمن: كيبقيتي
رنيم: مزيان بلا متشوشي عليا
كارمن: داك الحمار لي ضربتي هو لي دفعك
رنيم: اه
كارمن: فنظرك اوستن لي غيكون قالهالو
رنيم: نو مكنظنش حيت مكانش تما
كارمن: اه اوكي.. بونوي
رنيم: بونوي... خرجات كارمن ورنيم تكات فبلاصتها بقات هكاك حتى داتها عينيها ونعسات....... يوم جديد دوزاتو رنيم وكارمن فالزنقة كيتسراو اما اوستن مبانش هاد النهار... اليوم جمعو حوايجهم ورجعو لدارهم.... رجعات رنيم لخدمتها والروتين حتى لهاد النهار كان الاحد وكانت كتفرج صونا تيليفونها..
رنيم: الو
سفيان: اش هاد قلة الادب.. شحال وانا جالس كنتسنا
رنيم: كيفاش
سفيان: من قبيلة وانا فالمطار كنتسناك
رنيم: (وقفات) لا غير كضحك ياااك
سفيان: واش غادي تجي ولا نشد الطيارة الاخرى
رنيم: لا صافي شوية ونكون عندك... قطعات ودخلات لبيتها كتجري لبسات حوايجها وهي تخرج
كارمن: فين غادة
رنيم: صديقي جا وراه كيتسناني فالمطار
كارمن: اااه ايوا تسناي نوصلك... خرجو بجوج وبعد دقائق وصلو... دخلو ورنيم كدور عينيها كتقلب عليه حتى بانليها وهي تمشي كتجري تعلقات فيه وعنقاتو
سفيان: ايي وشحال كتحماقي عليا وتوحشتيني
رنيم: هئ هئ توحشتك الخايب
سفيان: (كيدوز يديه على ظهرها) صافي براكة من البكا.. حتى انا توحشتك مي هانا كاع مبكيت.. شوفي فيا
رنيم: (شافت فيه) شنو
سفيان: (كيمسح دموعها) وينو على القطيوطة ديالي شحال جات زوينة وهي مزنكة
رنيم: (ضرباتو) انا فين ونتا فين.. نزلني
سفيان: (زير عليها) لا.. فوقما بغيتي تعلقي فيا تعلقي ولكن من حقي نقرر واش نزلك ولا لا
رنيم: (حطات راسها على كتفو) تمنيت كون عائلتي جات حتى هي
سفيان: مالي معمرتليكش العين ولا
رنيم: ماشي هكاك غير..
سفيان: (قاطعها) صافي براكة من داك الفيلم الدرامي ديالك
رنيم: واخة
سفيان: (باسها فحنكها) يخليلي لي كيسمع الهضرة
رنيم: (مسحات حنكها) شفتك زعمتي
سفيان: ههههههه زعما دبا الى مسحتي حنكك مبقاتش البوسة ولا شنو
ام سفيان: ايوا اولدي الله يرضي عليك متقلقش ختك وديرها فعينيك
رنيم: (عوجات فمها) وعلى الله يفهم وهو منين جا وهو كيضربني اخالتي
ام سفيان: واخة عليك حتى تجي واش حنا صيفطناك تونسها شوية ولا طرطقليها المرارة
سفيان: اناري اماما واش تيقتيها راه هي لي كضربني
ام سفيان: راني عارفاك الحلوف.. المهم انا دبا خارجة حتى نعاودو ونهضرو ونتا حسابي معاك حتى ترجع
رنيم: بسلامة اخالتي والله يخليك ليا
ام سفيان: الله يعاونك ابنتي وكوغااج... قطعات وخلات سفيان مصدوم دار شاف فرنيم
سفيان: انا كنضربك لمك.. واجي لهنا نوريك الضرب... هربات وهي كتموت بالضحك حتى تساطحات مع واحد الجسد.. طلعات راسها غير شافتو وهي تبعد بالزربة.. اما هو كان كيخنزر فيهم
بقاو واقفين شي كيشوف فشي
سفيان: شكون هدا
رنيم: خو كارمن
سفيان: اه اوكي... سلام
اوستن: (سلم عليه) هاي شكون نتا
سفيان: صديق رنيم
اوستن: (شاف فيها وعاود شاف فيه) اوكي
رنيم: (حكات راسها) سفيان نخرجو
سفيان: واخة... دخل لبيتو يلبس ورنيم كانت غادا حتى شدليها يدها
رنيم: شنو
اوستن: شنو قلتيلو حتى مشا
رنيم: ونتا سوقك.. طلق من يدي
اوستن: هاد المرة فاش نكون هضرو باللغة لي كنفهم
رنيم: اففف طلق من يدي
كارمن: (بعداتهم) اوستن مالك مع البنت خليها عليك... دخلات رنيم لبسات حوايجها وخرجات لقات سفيان كيتسناها واوستن جالس فالطبلة كيخنزر فيه وفاش شافها زاد غوبش
سفيان: مشينا
رنيم: ويي.. كارمن انا خارجة مع سفيان
كارمن: اوكي... خرجو غير سدو الباب.. ناض اوستن هز واحد الفاز ضرب بيه الحيط حتى قفزات كارمن
كارمن: اوستن ماالك
اوستن: ميمكنش نكون دوزت حياتي كاملة وانا كنبغي مسلمة
من بعد ماطلعات رنيم وكارمن جرا على صحابو.. طلع لبيتو بدل حوايجو ونزل ركب طوبيلتو وكسيرا... بعد ساعات وصل لدارو مشا نييشان لبيتو بدا كيقلب حتى لقا الورقة... جلس وهو شادها بين يديه... رسمة داز عليها ما يقارب 5سنوات.. كانت رنيم لي مرسومة.. حاول يكدب هادشي مي مقدرش حيت المشهد تعاود وبوضوح.. قرب لوجهها وفحص ملامحها وتأكد من الشك لي كان فيه
#الحاضر
اوستن: كنت فالبحر مابيا ماعليا حتى كنشوف ملاك ناعسة على ظهرها والما كيلعب بيها.. كانت بحال الريشة جذباتني وبقيت متبعليها العين... حتى شفتها حلات عينيها تخلعات فاش شافت راسها بعدات وهي تغراق.. مشيت لعندها بسرعة وهزيتها حطيتها قدامي وهي متكية على صدري.. قلبي كان كيضرب وممتيقش بلي قربتليها.. هزيتها بين يدي مخرجها حتى كنشوف باباها.. مهتاميتش وحطيتها هبطت بدون تردد درتليها التنفس الاصطناعي وخديت قبلة من شفتيها الصغار وانا نمشي فاش حلات عينيها... رجعت من بعد مي ملقيتهاش... رسمتها باش معمري مانساها.. وفاش كتاب وتلاقينا تعاملت معاها بوحشية
كارمن: راك شفتيها زعما معرفتيهاش فاللول
اوستن: لا دبا زادت كبرات وزيانت وشعرها طوال.. واصلا فاش عرفتها مسلمة مكان كيبانلي والو.. حتى شفت شعرها فازك وطايح على عينيها بنفس الطريقة لي شفتها اول مرة.. تصدمت وعقلي تخربق مي دبا تأكدت.. ولحد الان مباغيش نصدق بلي انا كنبغي مسلمة
كارمن: انا عشت معاها شهور ومعمري شفت منها شي حاجة خايبة.. خويا الناس ماشي كلهم بحال بحال.. والقلب مكيعرفش هدا مسلم ولا مسيحي ولا يهودي.. ومدام باغيها صارحها
اوستن: ماشي بهاد السهولة.. انا مستحيل ندير علاقة مع مسلمة
كارمن: (تنهدات) لي بانليك
اوستن: شكون هداك لي خرجات معاه
كارمن: (حابسة الضحكة) ونتا سوقك تخرج معامن مابغات
اوستن: اففف منك اكارمن... مشا للطواليط غسل وجهو وخرج شاف فبيتها.. بقا واقف وهو يزعم ودخل... مشات عينو للتصويرة لي معلقة.. وقف قدامها كيشوف ويتفحصها.. عرف بلي هادي هي عائلتها.. شاف الحوايج محطوطين فوق ناموسيتها ولي دوبياس... هزهم كيشوف فيهم ويضحك.. رجعهم كيف كانو وخرج....... عند سفيان ورنيم لي كانو فالمول كيتساراو وسفيان اي حاجة يشوفها يشريهالها
رنيم: براكة عليا.. هادشي راه بزاف
سفيان: شش خليني نشري الدفوع
رنيم: عاود اش قلتي
سفيان: الدفوع.. واش بغيتيني نتزوج بيك ومنشري والو
رنيم: نااري على حامض زييد قدامي... مشاو كيتعاودو ويتصورو ويضحكو حتى عياو وهما يرجعو.. حلو الباب لقاو اوستن جالس فالبيت وشاد البيسي ديالو شافهم وخنزر
سفيان: واش هدا ساكن هنا
رنيم: لا معرفت مالو جا لهنا يخخ
سفيان: علاش مالك
رنيم: مكنحملووش كيعصبني
سفيان: نتي فين عمرك بغيتي شي حد.. زيدي قدامي.... مشاو للبيت حطليها دوك الساشيات ومشا لبيتو... لبسات بيجامتها وصلات صلاتها عاد خرجات... مشات للكوزينة بدات كتوجد الطاجين.. حتى كملات وهي تمشي لبيت سفيان
رنيم: اجي تعشا
سفيان: هي لي متعاودش الكبيدة.. مداتهاش فيه ومشات بدات كتحط ومشات كارمن عيطات لخوها.. جلسو بربعة واوستن كيشوف فداكشي باستغراب... جابت كارمن طبسيل لخوها وعطاتولو.. هز من داكشي وبدا كياكل
سفيان: كاين شي حد كياكل الطاجين بالموس والفرشيطة
رنيم: هههه دخل سوق راسك.... بدا سفيان ورنيم وحتى كارمن كياكلو بالخبز.. رنيم كانت علمات كارمن كيف دير تاكل... كياكلو ومجمعين ب3 واوستن غير كيسوط وكيشوف كيف كيديرو ياكلو وكيشوف فختو لي مندامجة معاهم.. حتى لواحد اللقطة وهو يرجع حمر.. كان سفيان قاد دغمة ووكلها لرنيم وهي كضحك.. وحتى هي دارت نفس الشيء وشد يديها باسها.. لاح الموس والفرشيطة فوق الطبسيل وناض خلاهم غير كيشوفو... دخل للبيت وزدح الباب حتى قفزات رنيم
رنيم: مالو هدا عاود
كارمن: راه غير مع الخدمة وصافي... متديش فبالك..... كملو العشا وجمعو داكشي وهي دخل رنيم لبيتها وتبعها سفيان
سفيان: غادي تنعسي دبا
رنيم: نو مزال نجمع بعدا هاد الروينة لي عندي
سفيان: انا نعاونك
رنيم: اوكي.. دارت هزات بالزربة لي دوبياس خباتهم وبداو كيطويو بجوجهم الحوايج وكيستفو فالماريو وهما كيهضرو ويضحكو... غافلين على الشخص لي كيطل عليهم والدخاخن خارجين ليه مكرهش ينقز عليهم بجوج ويعطيهم العصا
لأني أنثى الجزء الثاني
محتوى القصة
التنقل بين الأجزاء