لأني أنثى الجزء الخامس

من تأليف سلوى شتيوي
2018

محتوى القصة

رواية لأني أنثى

رجعو للدار وكل واحد مشا لبيتو ينعس.. تكات رنيم فبلاصتها من بعد مادوشات.. هزات تيليفونها كتفرج فتصاورو وفيديواتو وهو كيغني... ابتاسمات بحب بالرغم من كلشي وبالرغم من انها هي لي اختارت تبعد عليه انما هي مازال كتبغيه بل كتعشقو رغم العائق الكبير لكن القلب مكيعرفش هادشي..... نعسات والتليفون فيديها
#المغرب
حمزة: (كيدق فالباب) حلوووو
عادل: (حل الباب) اش جاي دير هنا
سعيد: (من ورا عادل) غادي تخلينا فالباب
عادل: مرحبا بيكم ولكن ولدكم ميدخلش
سعيد: يهديك الله خلينا ندخلو
عادل: (تنهد) زيدو... دخلات العائلة للبيت جلسات
حمزة: اش هادشي شفت
عادل: نتا بعدا متهضرش معايا ويلا دخلتي راه غير فوجه باباك
سعيد: تهدنو وخليونا نهضرو بالعقل
عادل: علياش باغيين تهضرو
سعاد: على قبل فضيحة بنتك
عادل: اش كتخربقي
فاطمة: بنتك اعمي لي ديما مدافع عليها.. هاهيا فضحاتك
عادل: احتارمي راسك ومتهضريش على بنتي
سعيد: حمزة عطيه الفيديو.. ناض حمزة عطاه التيليفون.. هاهيا بنتك لي مفتاخر بيها كتحيد حوايجها وسط الناس وتغني وتشطح
عادل: (رجعليهم الطيل) هادشي انا عارفو وشايفو
حمزة: وعاجبك الحال
عادل: اه صافي هادشي لي بغيتو تعرفو
سعيد: (وقف) نتا حبك لبنتك عماك ومبقتيش كتشوف وغيجي النهار لي غادي تندم فيه.. ياله زيدو نتوما
#كندا
سفيان: توحشتك الخايبة.. تشهرتي ونستيني
رنيم: حتى انا توحشتك بزاااف.. كيداير سافا
سفيان: حمد الله ونتي
رنيم: اوسي.. اوا شناهو الجديد
سفيان: الجديد هو غذا غادي نجي لكندا
رنيم: حلف
سفيان: ههههه والله.. خاص غير لي يتعرضلي فالمطار
رنيم: انا نجي غير وصل بالسلامة
سفيان: اووك.. وغادي نجيب معايا ضيفة
رنيم: اووه اكرام
سفيان: ههههههه ويي
رنيم: امدرا بعدا عتارفتيلها اش قالت واش دبا نتوما فعلاقة
سفيان: موقع وااالو كيف خلتينا مزالين
رنيم: اناري معامن انا.. صافي حتى تجيو ونشوفو شنو نديرو
سفيان: اووك ان شاء الله... قطعات معاه وتكات بلاصتها.....

يوم جديد لكن بالنسبة لرنيم.. يوم كباقي الايام نفس المشاعر.. نفس الشوق.. نفس العشق حتى من الانتظار لا زالت تنتظره... تنتظر رؤية ابتسامته.. عيناه.. شفتيه وهو يقبل يدها.. مزاحه وهو يحاول عناقها.. وهي كعادتها تهرب منه... لا زال داك العشق متربع على عرش قلبها.. في انتظاره.. انتظاره لتخفيف الالم الذي تحس به فغيابه... تحاول بشتى الطرق تخفي حزنها والمها
سفيان: (عنقها وهزها كيدور بها) توحشتك توحشتككك
رنيم: حتى انا توحشتك بزاااف
سفيان: كبرتي وزيانيتي
رنيم: (بتكبر) ياك بعدا
سفيان: ههههه ويي... نعرفك هادي اكرام خدامة معايا
رنيم: (سلمات عليها بالوجه) مرحبا بيك اختي
سفيان: وهادي رنيم ولا نقولو المغنية رنيم هههه.. صديقتي الانتيم
اكرام: متشرفين.. عقلت عليها فاش جات ديك المرة للشركة
سفيان: ااه وي
رنيم: ياله مشينا
سفيان: اوك... ركبو الطموبيل وكسيرات رنيم.. بالصحة الطموبيل
رنيم: ههههه الله يعطيك الصحة
سفيان: اوا شوفي شي اوطيل يكون زوين
رنيم: نتا غتمشي لداري وحشومة تقول اوطيل وانا كاينة هنا
سفيان: نااري شكون كيهضر
رنيم: ههههه وصافي متزيدش فيه..... كملو طريقهم وهما كيضحكو واكرام جامعة يديها عندها ومغوبشة حتى قالت بلي يقدر يكون معجب بيها ونسات رنيم.. مي دبا غير شافتها وشافت سفيان لي نساها تدمرو كاع توقعاتها
#فلاش_باك1
سفيان: (كلاها مع الحيط) انسة اكرام
اكرام: (كترمش) و..وي
سفيان: نخرجو هاد الليلة نتعشاو
اكرام: كاينة شي مناسبة
سفيان: اه عشاء عمل
اكرام: (حطات يديها على صدرو باش تبعدو) اوك
سفيان: (شاف فيدها وعاود شاف فيها وهو يزيد يقرب ليها) شنو لي اوك
اكرام: (توترات) هاا
سفيان: هههههههه.. بعد.. ممكن تخرجي...... معاوداتش هضرات خرجات كتجري
#فلاش_باك2
من بعد العشاء لي كانو غير بجوجهم حاضرين وسفيان كدب عليها وقاليها بلي اعتاذرو فاخر لحظة.. وصلها لدارها بالطموبيل
سفيان: (شد يدها باسها وعينيه فعينيها) بونوي
اكرام: (تزنكات) بونوي.... قرب لعندها وهي كتشوف فيه بحال المخدرة حتى قرب لوجها وهو يحيدليها خصلة من فوق عينيها ورجع لبلاصتو.. بقات هي هكاك كتشوف فبلاصة وحدة
سفيان: (حابس الضحكة) بونوي اكرام
اكرام: ا.. اه بونوي... نزلات من الطموبيل وقلبها كيضرب.. اما سفيان غير نزلات وهو يتفرشخ عليها بالضحك
#الحاضر
سفيان: (حال الباب وكيشوف فيها وهي ساهية) غادي نبقاو هنا بزاف
اكرام: (شافت فيه) ها قلتي شي حاجة
سفيان: ياله نزلي فاش جالسة كتفكري.... شدها من يدها ونزلها.... دخلو للدار ويديهم مزال متشابكين

تسنيم: (سلمات على سفيان) سافا
سفيان: حمد الله ونتي الكتكوتة
تسنيم: بيخير الحمد لله
سفيان: الحمد الله فين الجن الاخور
شادي: هااهو... تسالمو.. اوا اش هاد الغبرة اصاحبي وشكون هاد التيتيزة لي جايب معاك
سفيان: (ضربو لراسو) احتارم راسك
رنيم: ههههههه زيدو دخلو تجلسو.. اكرام مرحبا بيك اعتابري الدار دارك
اكرام: شكراا... دخل سفيان وهو شانق على شادي حيت عارفو اش كيسوا... جلسو مجموعين
سفيان: رنيم وريني بيتي بغيت نرتاح وشوفي لاكرام حتى هي
رنيم: اوك شادي دي سفيان لبيتو.. اكرام اجي معايا..... مشات هي واكرام دخلاتها للبيت.. هانتي اختي ارتاحي وها الدوش الى بغيتي دوشي
اكرام: اوكي ميرسي....... داز الوقت وهي تخرج اكرام من البيت
رنيم: نعستي ارتاحيتي شوية
اكرام: وي بزااف
رنيم: علاش لابسة حوايج دالخروج.. لبسي بيجامتك
اكرام: غير..
رنيم: (قاطعاتها) واش مجبتيش نعطيك
اكرام: لا ماشي هكاك غير جاتني حشومة
رنيم: اش كتقولي.. زيدي دخلي لبيتك ولبسي بيجامتك فين ترتاحي.. شادي راه صغير اعتابريه خوك الصغير
اكرام: وسفيان
رنيم: عاادي ياك خدامة معاه من شحال هادي.. حسستيني غادي تلبسي مايو.... ياله رجعي لبسي واجي ديري كاسكروط
اكرام: واخة.... دخلات اكرام لبسات بيجامتها ودارت بانطوفة فرجليها وخرجات.. كانت رنيم وتسنيم وشادي جالسين فالطبلة وانضمات ليهم اكرام
شادي: (جرليها الكرسي) اووه التيتيز غادي ياكل معايا فنفس الطبلة
اكرام: (حشمات) شكرا... جلسات كلاو مجموعين.. واش نتوما صحاب
شادي: لا خوت للاسف
تسنيم: للاسف نييت حيت انا ختك
رنيم: بلا ماتبداو عفاك... اه حنا خوت انا الكبيرة ومورايا تسنيم عاد هاد بوركابي
اكرام: ههههه الله يخليكوم لبعضياتكم
الكل: اميين.... ناضو جمعو الطبلة وجلس شادي مع اكرام
شادي: شحال فعمرك
اكرام: 24 عام
شادي: شييت كبر مني مي ماشي مشكل.. ياك حتى نتي معندكش مشكل
سفيان: (وقف عليهم) فاش معندهاش مشكل
شادي: فانها تصاحب معايا واخة كبيرة عليا
سفيان: اش كتخربق ونتي جالسة كتسمعيلو
اكرام: انا
سفيان: (جرها من يدها) زيدي.... دخلها لبيتو.. اش كديري معاه وعلاش لابسة هكا كلشي مزير وعلاش طالقة شعرك
اكرام: غير بشوية عليك عنداك طرطق... حنا دبا ماشي فالخدمة دونك معندك سلطة عليا.. ونهضر معامن مبغيت نتا دخل سوق راسك.. ايوا هالحكام الخاوي.... ضربات فيه وخرجات خلاتو مصدوم

رنيم: واش دابزتي نتي وسفيان
اكرام: لا علاش
رنيم: تكون معجباتوش هضرة شادي
اكرام: وهو سوقو حنا بيناتنا غير الخدمة.. كل واحد يلزم حدودو
سفيان: (من موراها) واخة سمحيلي ا انسة
اكرام: الصمت
رنيم: اجي معايا... جرات سفيان ودخلو للبيت... مالك مع البنت
سفيان: مشفتيهاش كيفاش جالسة مع شادي وشنو لابسة
رنيم: واش اعتارفتيلها بمشاعرك.. لا.. بيناتكم شي علاقة.. لا.. دونك ممنحقكش تهضر معاها بديك الطريقة.. ويلا بغيتيها سير عندها وقولهاليها... زعما ماشي اول مرة غادي دير علاقة مع بنت مالك دبا
سفيان: خايف ترفضني... انا بالصح كنبغيها داكشي علاش لحد الان مقلتليها والو.. خفت نعتارفليها بمشاعري وترفضني ونصدق مضيع حتى قربها مني... جات تهضر رنيم وهو يتحل الباب
شادي: ناااري سفيان كيبغي ههههههه
سفيان: (شنق عليه) نشوفك قربتيليها نتفاهم معاك
شادي: وانا لي جاي وعوال نعاونك
سفيان: فاش غادي تعاوني بالسلامة
شادي: باش تعرف واش حتى هي عندها مشاعر تجاهك ولا لا
سفيان: (طلق منو) كيغانديرولها
شادي: (بابتسامة شريرة) الغيرة
سفيان: كيفاش زعما
شادي: اناري واش نتا متأكد بلي رجل
سفيان: راه غنضربك
شادي: وزعما خليها تغير... الى غارت راه تاهي عندها مشاعر تجاهك
سفيان: ويلا مغارتش
شادي: سير لوح راسك ههههههه
سفيان: هاهاها ضحكتيني
رنيم: شفتكم كتافقو وشكون هاد البنت لي غادي تقبل تمثل معاك... سفيان وشادي شافو فبعضياتهم وابتاسمو
سفيان: ختي الحبيبة
شادي: ختي الزوينة
رنيم: (رجعات باللور) مالكم
شادي: شوفي نتي ديما كتقوليلي سفيان عزيز عليا
سفيان: ودبا انا محتاج شي حد يوقف معايا ويكون ثقة
شادي: ومكاينش ماحسن منك
رنيم: كيفاش مفهمتش
سفيان: (شد يدها) من اليوم نتي حبيبتي
رنيم: (جرات يدها) ا..اش كتخربق
سفيان: عفاك.. بلييييز بليييز وقفي مع خوك
شادي: وصافي متعقديش الامور وعاونيه.. وحتى انا من جهتي غادي نعاون
سفيان: (هز حاجب) باش غادي تعاون
شادي: هانتا غتشوف غير هو فاش تنجح الخطة متنساش خوك
سفيان: اش بغيتي
شادي: تديني لبواط بغيت نشط وهاد العقروشة مبغاتش
رنيم: انا عقروشة اولد الحرام.. بغات ضربو وهو يهرب
سفيان: وصافي غير نفك حريرتي ونديك
شادي: اوك

وصل الليل خرجو للريسطو يتعشاو.. جالسين فالطبلة كيشوفو فالموني
سفيان: (شد يد رنيم) انا غادي نختارليك على دوقي
رنيم: (بعد صمت) واخة... اكرام بقات غير كتشوف وساكتة... تحط الاكل وجلسو كيتعشاو وسفيان مرة مرة كيوكل رنيم وتسنيم كتشوف فيهم باستغراب.... طلقات موسيقى وسفيان نوض رنيم بداو كيرقصو
سفيان: مالك بنتيلي ماشي هي هاديك
رنيم: توحشتو... توحشتو اسفيان.. توحشت عصبيتو وغيرتو.. توحشت ضحكو وهبالو.. توحشت فضولو وهو كيسولني على الاسلام وكيفاش كيمشي يقلب ويجي يبغي يحصلني بالاسئلة... توحشت رزانتو لا فالهضرة لا فالافعال... عارفة هادشي مغادي يفيد فوالو ومغاديش يرجع مي انا توحشتو.. كل نهار كنخرج من الجامعة كنقول هانا غادي نشوفو.. هاهو غادي يتعرضلي... هاهو غادي يجي يغوت عليا ويبغي نرجعو بزز.. مي هادشي موقعش انا مزاال حاصلة فالخيال ديالي.. هو صافي مشا ومعمرو غادي يرجع وانا مزال كنتسناه هئ هئ... كنبغيه اسفيان شنو غندير
سفيان: (مسح دموعها) شش متبكيش اختي.. معرفت منقوليك وباش غادي نصحك.. قضيتك صعيبة
رنيم: (حطات راسها فوق صدرو) فين غادي يكون دبا وشنو كيدير
شادي: شوفيلي عصافير الحب
اكرام: (بحزن) واش هما اونكوبل
شادي: اه
اكرام: ونتا عندك عادي ختك تصاحب 
شادي: انا صغير اش عندي منقول لختي الكبيرة
اكرام: من فوقاش وهوما اونكوبل
شادي: 7سنين.. هاد الصيف غادي يتزوجو
اكرام: اويلي على غادي يتزوجو
تسنيم: اش... ضربها برجليه وهي تسكت
شادي: علاش مالك.. ياكما كيعجبك
اكرام: (توترات) ا..اش كتخربق.... انا غادية للطواليط.... ناضت بالزربة وخلات شادي كيضحك
سفيان: فين مشات
شادي: للحمام.. فين رنيم
سفيان: مشات حتى هي للحمام 
شادي: عنداك تمشي تنتفلي ختي
سفيان: لا اكرام ضريفة ومهدنة
شادي: ممم باينة مهدنة غير من ديك 'اويلي' لي قالت
سفيان: كيفاش.. علاش قالتها
شادي: فاش عرفات بلي غادي تزوج برنيم
سفيان: اش كتخربق واش نتا باغي تغرقلي الضواسا ولا شنو
شادي: مكتفهم والو سكت وخليني ندير خدمتي.... رنيم كانت كتمسح دموعها فالحمام حتى دخلات اكرام
اكرام: (قربات لعندها) رنيم مالك
رنيم: (بحال الى كتسنا شي حد يقوليها مالك وهي ترجع كتبكي) هئ هئ هئ
اكرام: (تصدمات) رنيييم واش قلقك سفيان
رنيم: لا
اكرام: اجي غسلي وجهك وتهدني.... غسلات وجهها وخدات كلينيكس كتمسح وجهها
رنيم: كيعجبك سفيان
اكرام: هاا
رنيم: انا بنت بحالك ومن نظراتك فهمت بلي كتبغيه
اكرام: الصمت
رنيم: انا وسفيان مابيناتنا والو.. حنا بحال الخوت ونزيدك هو كيبغيك مي مزال مقدر يعتارفليك

اكرام: (بصدمة) ك..كيفااااش
رنيم: هو كيبغيك شنو لي كيفاش
اكرام: خوك قالي بلي غادي تزوجو فالصيف
رنيم: هههههه اشمن نتزوجو.. راه باغيين يشوفوك واش غادي تغيري ولا لا
اكرام: واش دبا بالصح كتهضري
رنيم: والله
اكرام: (فرحات) ومالو حشومي بزاف يجي يهضر
رنيم: هههههههههه.. لا نتي بزااف... ترزني شوية وماشي غير يهضر معاك تحلي
اكرام: واش انا هادي عام وانا كنتسناه وفاللخر تقوليلي رزانة.. انا غادية لعندو
رنيم: اويلي اجي نتي رزني مالك هكا... تبثي وخليه هو يقولهاليك ودفعي كبير شوية
اكرام: ممم اوكي... خرجو من الحمام ورجعو للطبلة جلسو
سفيان: تعطلتو اش كنتو كديرو
رنيم: والو راك عارف البنات.. صافي نمشيو
سفيان: اوكي ياله... وصلو للدار وكل واحد مشا لبيتو ينعس.... يوم جديد صبح سفيان واكرام فاجتماع لي على قبلو جاو
سفيان: نمشيو نتغذاو دبا
اكرام: اوك.... مشاو لريسطو طلبو داكشي لي بغاو وبداو كيتغذاو
سفيان: تبغي نبقاو هنا شوية
اكرام: والخدمة
سفيان: دبا انا وياك شدينا كونجي وانا مول الشركة دونك حتى واحد ماعندو الحق يقولي شي حاجة
اكرام: ممم اوك
سفيان: انا غادي الحمام ونرجع... مشا وهي بقات جالسة كتسناه حتى جا واحد وجلس بلاصتو
شاب: هاااي
اكرام: (شكون هاد المبنت عاوتاني..عيباتو) هاااي
شاب: نتي عجبتيني وبغيت نتعرف عليك
اكرام: شوو هدا جا من موراه وعتارف وداك المسطي مزال مابغا يهضر اففف
شاب: وات
اكرام: نووض احنيني بعد مني قبل مانبرد فيك غدايدي
شاب: مفهمتش
سفيان: (مخنزر) اش كيدير هدا هنا
اكرام: (عوجات فمها) عجبتو وجا قالهالي
سفيان: (تعصب) اش كتخربقي... نوض نتا سير من هنا ولا نتفاهم معاك..... جرها من يديها وخرجو ركبو فالطموبيل... اخر مرة نلقاك كتهضري مع شي حد ولا غادي نتفاهم معاك
اكرام: ياكما خويا ولا خطيبي ولا راجلي وانا معارفاش
سفيان: اناا....
اكرام: (بحماس) نتا شنو
سفيان: انا مديرك
اكرام: (تعصبات) انا اسيدي غادي نستاقل.. زيد ديني للمطار راك فقصتيني
سفيان: مالك معصبة
اكرام: (راه غادي نطير عليه نقجو والله) ممعصباش انا مهدنة.. ياله تحرك وصلني نجمع حوايجي

وصلو للدار دخلات للبيت معصبة وبدات كتجمع فحوايجها
رنيم: مالها داخلة معصبة شنو واقع
سفيان: لقيت واحد الحمار كيهضر معاها وهي عاجبها الحال.. وفاش هضرت معاها قالتلك غادي تستاقل ودبا باغة تجمع حوايجها ترجع للمغرب
رنيم: عبرات عليك
سفيان: واش انا كنعاودليك ونتي كتشفاي فيا
رنيم: سير دبا اعتارفليها وتهنا
سفيان: مستحيل
رنيم: (جراتو من يديه) دخل اعتارفليها ولا معمري نعاود نهضر معاك... حلات الباب دفعاتو وسدات الباب
اكرام: (كانت كتجمع حوايجها شافتو وهي تخنزر) شنو باغي
سفيان: ممم سمحيلي
اكرام: لا ممسموحش.. رجعات كتجمع وهو يقربليها شدها من خصرها ودورها
سفيان: كنبغيك
اكرام: علاش شادني شكون عطاك الحق ت... قاطعها ببوسة خلاها جامدة فبلاصتها
سفيان: (شاف فيها) اي لوف يو
اكرام: (حطات يديها على فمها) ولد الحرام
سفيان: (تصدم) انا
اكرام: هئ هئ باسني ولد الحرام... خديتي اول بوسة ليا فالحرام وااااااااع... دخلات رنيم كتجري لقات سفيان شادها من خصرها وهي كتبكي وتغوت
رنيم: اويلي مالكم
اكرام: (مشات لعندها) هاد ولد الحرام باسني هئ هئ
رنيم: اويلي اسفيان واش انا قلتليك اعتارفليها ولا بوسها
سفيان: (شد راسو) وراه هي لي مكتسمعش.. انا كنقوليها كنبغيك وهي جالسة تخطب عليا وملقيتش شي طريقة نسكتها بها
رنيم: اويلي وتبوسها.... قرب سفيان خرج رنيم ودار لعند اكرام... لي غير شافتو وهي دير يديها فمها
سفيان: (جرها جلسها فوق الناموسية وجلس على رجليه قدامها) سمحيلي مقصدتش نبوسك.. المهم انا كنبغيك ومن اول نهار شفتك فيه... نتمنى تعطيني فرصة نتعرفو على بعضياتنا كثر.. شنو قلتي
اكرام: (مزنكة) واخة موافقة
سفيان: (باس يديها) شكرا حبيبتي
اكرام: (قلبها كيضرب) الصمت.. وقف ووقفها معاه.. حدر باس راسها وداز لحناكها بجوج باسهم
سفيان: كنبغيك
اكرام: حتى انا
سفيان: حتى نتي شنو
اكرام: (حدرات راسها) كنبغيك
سفيان: (فرح) واش بالصح.. من فوقاش
اكرام: منين خدمت معاك
سفيان: (ضرب راسو) صدقت مكلخ
اكرام: لا مضربش راسك
سفيان: نخرجو هاد الليلة بوحدنا
اكرام: واخة لي بغيتي
سفيان: (باس يديها) اوكي فالليل ونخرجو ياله وجدي راسك... خرج وخلاها حاطة يديها على قلبها وكضحك

اكرام دخلات دوشات ووجدات راسها.. غير كملات وهي تسمع الدقان حلات الباب
سفيان: (كيطلع ويهبط) هاد الزين كاامل ديالي
اكرام: (تزنكات) سفياان
سفيان: (حط يديه على قلبو) احح وشحال سميتي طالعة منك زوينة... نعام اروح سفيان
اكرام: (حشمات) الصمت
سفيان: (جرها من خصرها حتى ضربات فصدرو) صافي نخرجو
اكرام: و..واخة...... شدها من يديها وخرجو.. شافتهم رنيم لي كانت جالسة كتفرج ابتاسمات ليهم وهما يمشيو............ دازت سيمانة وسفيان واكرام عاايشين الحب... اليوم كانت طيارتهم توادعو مع رنيم وخوتها ورجعو للمغرب....... دازت عدة أيام تسنيم وشادي كملو امتحاناتهم.. بقات رنيم لي عندها هاد النهار سوطنونس... دوزاتها مزيان الحمد لله وهاد الليلة خرجو يسهرو هي وكارمن وتسنيم وشادي
تسنيم: مبرووووك عليكم العقبا لياا حتى انا
كارمن: ههههه دبا تشدي حتى نتي الماستر ديالك العام جاي ان شاء الله
تسنيم: ان شاء الله ياربي
شادي: واخييييرا جيت لبوااط
رنيم: ههههههه والله حتى حمق..... دوزو داك النهار وهما ناااشطين وشادي عاطيها غيير للشطيح مع البنات.. كيجيو بعض المعجبين عند رنيم يتصورو معاها.......... يوم جديد جالسين فالطيارة بثلاثة والوجهة هي المغرب... مر عام بسرعة وتوحشو والديهم.. مر عام على غياب حبيب قلبها.. مر عام وهي لازالت تنتظر رؤية مالك قلبها ولو من بعيد...... وصلو بعد عدة ساعات وهما فالسماء.. لقاو والديهم كيتسناوهم فالمطار
رنيم: (عنقات باباها) توحشتككك
بابا: حتى انا ابنتي.. كيدايرة لباس عليك
رنيم: حمد الله ابابا.. مشات عنقات ماماها.. توحشتكك اماماتي
ماما: حتى انا ابنتي... باستها فحناكها.. كبرتي وزياني تبارك الله
رنيم: هههه الله يخليك ليا اماماتي...... ركبو الطموبيل غاديين كيهضرو ويضحكو.. والديهم فرحانين وعاد رجعات ليهم ديك اللمعة فعينيهم من بعد ماشافو ولادهم.. وفرحة بنتهم الكبيرة لي شدات الماستر الثاني.... وصلو للدار دخلو حطاتليهم ماماهم العشا.. كل واحد مطيبالو داكشي لي كيبغي.... مشا الحال وهما مزالين مجمعين كيهضرو ويضحكو

يوم جديد حلات رنيم عينيها فبيتها ابتاسمات وناضت للطواليط قضات حاجتها وتوضات.. خرجات صلات صلاتها وهي تنزل للكوزينة.. لقات ماماها كطيب الملوي
رنيم: صباح الخير ماماتي
ماما: صباح الخير بنتي.. كيصبحتي
رنيم: مزيان حمد الله ونتي
ماما: الحمد لله
رنيم: علاش عدبتي راسك
ماما: مكاين حتى عداب راكم ولادي.. وانا موحشاكم بزااف وعارفة كتبغيو تفطرو بالملوي
رنيم: الله يخليك لينا اماما وميحرمناش منك الحبيبة
ماما: اميين.... ناضت رنيم صاوبات اتاي والقهوة.. كملات ماماها وبداو كيحطو طبلة الفطور.. هبطات تسنيم وشادي مدوخين.. تجمعو على الفطور عاد انضم ليهم الاب ديالهم
بابا: صباح الخير
الكل: صباح النور
شادي: ممولفاش ليك ابابا تبقا ناعس تال دبا.. وزعما اليوم الاثنين واش مخدامش
بابا: (ابتاسم) نسيت مقلتليكومش انني دفعت للتقاعد النسبي وشديتو
تسنيم: وااو.. دبا صافي مغتبقاش خدام
بابا: لا
رنيم: احسن حاجة درتي.. منها ترتاح حتى نتا شوية وتقدر دير شي حاجة نتا باغيها
بابا: لقتيني كنفكر هاد الفلوس لي شديت (بعض الشركات كيعطيو مبلغ ديال الفلوس بالنسبة لي كيشدو التقاعد النسبي ومكيبقاش يتخلص حتى كيوصل 60عام) ندير بهم مشروع ولا نشري شي دار ونكريها
رنيم: (بعد تفكير) ويي مزياانة.. هاد العشية نخرجو ونشوفو اش كاين
بابا: واخة..... كملو فطورهم وناضت تسنيم ورنيم جمعو الدار وغسلو الماعن......... رنيم عيطات لسفيان لي جا كيجري لعندهم فاش عرفهم فالمغرب
سفيان: (عنقها) توحشتكك الخايبة
رنيم: حتى انا توحشتك.. كيداير سافا واكرام
سفيان: لبااس الحمد لله كلشي بيخير
رنيم: الحمد لله... دخل سفيان سلم على شادي وتسنيم وماماها والاب عادل... انضم للغذا.. جلس سفيان مع رنيم كيتوشوشو
رنيم: صافي احسن مكان هي هاديك... هاد العشية لغي مواعيدك باش تكون معانا
سفيان: عندي موعد مع اكرام
رنيم: لغييه اسيدي راها خدامة معاك وكتشوفها كل نهار.. وحتى الغذا وسيرو تحابو بيناتكم فالحرام يخخ
سفيان: بزااف عليك... انا عوال نسولها فوقاش نمشي نخطبها
رنيم: هاي هااي هادشي كامل واقع من مور ظهري
سفيان: هههههه هادشي لي كاين هاد الساعة
شادي: ناااري مكتقداوش

وصلات العشية وهما يخرجو بربعة.. سفيان ورنيم ووالديها
بابا: فين غاديين
رنيم: مفااجأة..... شدو الطريق ومن بعد عدة دقائق توقفات الطموبيل قدام الفيلا لي كانت حدا الفيلا دسفيان.. كان شخص فانتظارهم... هبطو من الطموبيل.. رنيم تحشات بين ماماها وباباها وبقاو غاديين
رنيم: ان شاء الله الى عجباتنا هاد الدار هي لي غنشريو
ماما: اشمن دار هادي راها فيلا وغاتكون بشي ثمن غالي
بابا: ياله زيدي نرجعو للدار
رنيم: (ضربات رجليها فالارض) والله منخرج ليكم من هنا حتى نشوفوها.. شافو فبعضياتهم وداروليها خاطرها... دخلو للفيلا وبدا مولاها كيوريهم.. كان التحت عبارة عن صالونات كبار ومفتوحين على بعضياتهم بطريقة زوينة.. دخلو للكوزينة لي كانت كبيرة ومضوية.. كان عندها باب كيخرج للجردة.. عينين ماماها تحولو لقلوبا... خرجو للجردة كانت رائعة وعندها بيسين.. رجعو دخلو وطلعو للفوق لي كان عبارة عن بيوت زوينين ومضويين
رنيم: (جلسات فالارض) انا عجباتني والله منخرج من هنا حتى نشريوها
بابا: (خنزر فيها) نوضي
رنيم: (خافت) لاء
سفيان: (حابس الضحكة) خليونا نتفاهمو على الثمن ومن بعد نقررو
رنيم: اه اه
بابا: (نوضها وهضر بشوية) واش سحابليك داك شوية دالفلوس لي خديت اتخليني نشري هاد الفيلا.. راه غيكون الضوبل ديال الفلوس
رنيم: ياك بعدا عجباتك
بابا: (تنهد) اه زوينة ولكن..
رنيم: (قاطعاتو) وحتى ماما عجباتها الدار.. وصافي ابابا متعقدش الامور وخلينا ناخدوها
بابا: داكشي لي فبالك مغاديش يوقع
رنيم: وشنو لي فبالي
بابا: نتي لي باغة تخلصيها
رنيم: (حركات راسها بالايجاب) اه
بابا؛ اوا لا.. غير الى بغيتي تشريها لراسك مغادي نزيدك غير الصلاة على النبي
رنيم: فلوسي هما فلوسك.. وبلا بيك مكنتش غنوصل لهادشي.. وبلا ثقتك مكنتش غنكون هكا... هادشي كامل وقع بسبابك نتا.. وهاد الفيلا غتكون بسميتك نتا وماما.. حيت نتوما اكثر وحدين تستاهلو... سمعني ابابا مبغيتش تكون عندك حساسية من هادشي ديال انا نشري ولا نتا تشري.. انا بنتك يعني مكاينش فرق بيناتنا
بابا: مي انا لي غادي نتكلف بفراشها
رنيم: (بفرحة) صافي واخة
ماما: (فرحانة) الله يرضي عليك ابنتي
رنيم: امييين... اتافقو على الثمن وبعد يومين تمت اجراءات شراء الفيلا الحمد لله... ودبا كيمشيو بخمسة بيهم يختارو فراش الدار والاب هو لي تكلف وخلص كلشي

بعد تفكير قررو انهم يبيعو دارهم القديمة احسن من انهم يواجهو مشاكل مع الكراية... كراو محل كبير وشراو تجهيزات الكوزينة.. هذا هو المشروع لي غادي يخدم فيه الاب ديالها... بقاتلو فلوس قليلة حطها فالكونط ديالو.. قررو يعرضو على العائلة بمناسبة الدار الجديدة... تعاون هو ورنيم وشراو كاع داكشي لي خاص وشافو جوج عيالات هما لي يطيبو... وصل اليوم فين غتجي العائلة.. ناضو الصباح قادو الدار وجاو العيالات لي كانو متافقين معاهم.. بداو كيوجدو الغذا والبنات طلعو دوشو وحتى ماماهم... قادو شعرهم ولبسو القفاطن.. ماماهم حتى هي لبسات قفطان ودارت الحجاب ديالها... هبطو لتحت وماماها بدات كتوجد اتاي وتسنيم ورنيم كيقادو الكاطو فالطبسيل.. سمعو الباب تحل وهما يخرجو.. دخلات العائلة وعينيهم كيدورو فالمكان
ماما: (بابتسامة) مرحبا مرحباا بيكم
سعاد: (سلمات عليها) مبروك عليكم الدار الجديدة
ماما: الله يبارك فيكم... داز روتين التسلام.. ورنيم كتهضر وضحك مع خالتها امينة
امينة: توحشتك ابنتي غبرتي علينا نتي وخوتك
رنيم: راك عارفة اخالتي غير مع القراية والخدمة
امينة: الله يعاونك ابنتي راه اميمة متبعة اخبارك
رنيم: فينها ديك الخايبة توحشتها بزاااف
امينة: مجاتش راها مريضة شوية مي قالتليك غادي تجي قريب لعندكم قبل ماتسافرو
رنيم: ويي غير تجي نخرجو مجموعين راه حنا موحشينها
امينة: واخة ابنتي دبا نقولهاليها.... رنيم جمعات ابتسامتها فاش شافت حمزة.. ياله نخليك نمشي نشوف ختي
رنيم: واخة اخالتي... قربليها حمزة بغا يسلم عليها بالوجه وهي تبعد ومداتلو يديها
حمزة: احم كيدايرة سافا
رنيم: حمد الله
حمزة: احم بغيت نعتاذر منك
رنيم: علياش
حمزة: على كلشي
رنيم: اعتاذرك غير مقبول.. جات تمشي وهو يشدها
حمزة: انا ندمان
رنيم: نتا حاولتي تغتاصبني واش عارف شنو معناها.. وباش كملتيها حاولتي تغتاصب ختي ونتا عارف تسنيم هي نور عينيا
حمزة: سمحيلي بزااف وغادي نعتاذر حتى من تسنيم
رنيم: بلا ماتمشي عندها هي رجعات كتخاف منك.. دونك عفاك خلي هاد الليلة دوز مزيان
حمزة: احم واخة سمحيلي.... مشا حمزة دخل عند العائلة ورنيم مشات للكوزينة... دخل سفيان هاز الميكات فيديه واكرام من موراه حتى هي هازة
سفيان: هانتي الالة هاهو الديسير
رنيم: شكرا الله يخليكم ليا... خرج سفيان وتعاونات هي واكرام مسحوه وقادوه فالطباسل
رنيم: اوا فوقاش غيجي داك كحل الراس يخطبك
اكرام: هداك سفيان حبيبي ماشي كحل الراس
رنيم: هاي هااي على البنت سمحيلينا
اكرام: (ضربات شعرها) ماشي مشكل.. السيمانة الجاية غادي يجي.. ياك غتجي معاه حتى نتي
رنيم: وي ضروري راه خويا هداك خاصني نكون معاع فنهارو

سفيان وشادي تكلفو يحطو الغذا للرجال ورنيم وتسنيم واكرام تكلفو بالعيالات.... حطو ليهم فنفس الوقت وتجمعو كياكلو
مليكة: اوا ارنيم دبا عندك 26 مزال مجابليك الله شي عريس
رنيم: (ببرود) حتى يتزوجو حفايدك عاد نشوف راسي
اكرام: ههههههههههه ضحكتيني... مليكة معجبهاش الحال وتزيرات
سعاد: اوا راه 26 عام.. راك كبرتي وقربتي تولي بايرة ههههه
امينة: لا بالعكس بنت ختي مزالة صغيرة وزوينة الله يحفظها لوالديها.. ودبا تلاقا بالرجل لي يستاهلها ان شاء الله
فاطمة: منظنش راها فلتات خويا واحسن رجل يقدر يصونها.. شافت رنيم فمراتو لي حدرات راسها
رنيم: حشمي شوية هاهيا مراتو حداك.. احتارميها
فاطمة: (بعدم اهتمام) ومالو راه الشرع عطاه ربعة
رنيم: هي نوضو نقلبو مراة لراجلك.. اش بانليك
فاطمة: الصمت
رنيم: خاصك تحتارميها راها مراة خوك وام لولاد خوك.... كلشي سكت وكملو ماكلتهم... كملو وناضو جمعو داكشي.. حطو اتاي عوتاني ودوك العيالات ناضو غسلو الماعن... رنيم كانت جالسة فالجردة وشادة تليفونها حتى وقف قدامها حمزة
رنيم: بغيتي شي حاجة
حمزة: بغيتك تسامحيني
رنيم: (بعد تفكير) الى بغيتي نسامحك احتارم مراتك وبغيها
حمزة: كيفاش
رنيم: وحنا كنتغذاو ختك بقات كتقول شي هضرة مخاصهاش تقال وجرحات مراتك... لي معارفش نتا وعائلتك بلي مراتك بنت الناس عرفتي علاش.. حيت بقات معاك وخا درتي داكشي كامل متخلاتش عليك.. مراتك راها ام لولادك.. نتوما كونتو عائلة وباش ولادك يطلعو مزيانين خاصهم يترباو فجو زوين.. ميلقاوش امهم محكورة وغير ساكتة
حمزة: (بعد صمت) عندك الحق
رنيم: وباش تعرف واحد الحاجة نتا مكتبغينيش انا متاكدة.. نتا فقط دخلتيني فراسك وبغيتيني نكون ليك باي طريقة.. وانا معمري غادي نكون ليك داكشي علاش حاول تبغي مراتك ووقف بجنبها ومتخليش عائلتك يكرفسوها... وقفات.. نتمنى تفكر فهضرتي مزيان والله يعاونك..... مشات وخلاتو جالس كيخمم... جات تدخل وهي تلقا مرتو كتشوف فيها.. تقدمات جيهتها
رنيم: سلام
نادية: وعليكم السلام
رنيم: انا بنت عم راجلك وكوني متاكدة انني معمري غادي نكون كثر من بنت عمو... نتي باينة عليك ضريفة وبنت الناس وبغيت نطلب منك طلب.. معمرك تخلي شي حد يطلع فوقك وديك لوستك وقفيها عن حدها
نادية: (دمعو عينيها) منقدرش حمزة يقدر يضربني

رنيم: (تنهدات) اجي معايا.. شداتها من يديها وجراتها غادية باتجاه حمزة لي كان جالس.. جلسو قدامو شاف نادية وبقا غير كيشوف
رنيم: اعتاذر منها
حمزة: علاش
رنيم: هي اكثر وحدة تستاحق اعتذارك.. شوف عينيها كيفاش حومر من هضرة ختك لي سمماتها... ياله نخليكم دبا..... ناضت وخلاتهم بجوج.. حمزة بقا كيشوف فيها وناض قربليها
حمزة: مالك
نادية: والو
حمزة: وعلاش عينيك حومر
نادية: (بداو دموعها كيطيحو) هئ هئ.... اول مرة يشوفها كتبكي هكا.. بقات فيه حتى دمعولو عينيه مد يديه وعنقها.... كان اول مرة يعاملها بهاد الطريقة.. طلقات العنان لدموعها وفشات قلبها فالبكا.. خلاها على خاطرها حتى سكتات... مسحليها دموعها
حمزة: يااه صدقتي بكاية وانا مفخباريش
نادية: (كتشهق) الصمت
حمزة: صافي انادية براكة وخلينا نهضرو
نادية: و..واخة
حمزة: ياله قوليلي شنو قالتلك فاطمة حتى بكيتي هكا
نادية: سولني شنو لي مقالتش
حمزة: ياله فشي عليا قلبك
نادية: هي ديما مقللة من قيمتي.. وكون غير كانت بيناتنا ماشي مشكل هي كتعمد تحرجني قدام الناس.. بحال دبا فاش كنا كنتغذاو قالت قدام الناس كاملين ومكانتش غير ماماك ومراة عمك.. راه كانت خالة رنيم ومراة خال رنيم وبناتهم وكانو شي عيالات اخرين.... وقالت بلي رنيم فلتات رجل بحالك.. فاش قاتليها رنيم بلي هاهيا مراتو حداك احتارميها.. قالتليها هو عطاه الشرع ربعة
حمزة: ممم واخة
نادية: وحتى نتا
حمزة: مالي انا
نادية: مكتحتارمنيش قدام عائلتك.. ويلا كنتي معصب كتجي ضربني.. وحتى ماماك مكتحتارمنيش وكتحكر عليا فالشغل ديال الدار
حمزة: كنعتاذر منك على اي حاجة خايبة درتهاليك.. وكنواعدك انني غادي نتبدل ونديها فيك نتي وبنتنا
نادية: (بفرحة) واش بالصح
حمزة: اه.. سمحتيلي
نادية: انا اصلا مسامحاك بلا ماطلبها
حمزة: (باسليها راسها) نتي بالصح بنت الناس... وقفات عليهم فاطمة
فاطمة: فينك نتي من قبيلة وانا كنقلب عليك
نادية: (شافت فحمزة وعاودات شافت فيها) اش بغيتي
فاطمة: بنتك كتبكي ونتي جالسة هنا فالجردة كتفوجي
نادية: ونتي سوقك.. ياك بنتي هاديك انا بغيت نخليها تبكي
فاطمة: اش هاد الاسلوب كتهضري بيه معايا.. حمزة شوف مرتك كيفاش كتهضر
حمزة: وراه عندها الحق.. هاديك بنتها نتي اش مشاليك... بقات كتشوف فيهم مفقوصة ورجعات

دازت العشية وكلها معامن مجمع حتى الليل وتعشاو وناض كل واحد مشا نعس فجهة.. اكرام وتسنيم ورنيم تجمعو فبيت وحدة
رنيم: الناس قربو يتخطبو
اكرام: هههه ناااري متفكرنييش ياختي راني مخلووعة
رنيم: مالك واش عرسك.. راه غير خطوبة عادي داكشي
تسنيم: مبروك عليك اختي
اكرام: الله يبارك فيك والعقبة ليكم
تسنيم: لا اختي انا مبغاش.. خليتلكم الزواج
اكرام: ممم هاحنا غنشوفو..... بقاو مجمعات حتى داتهم عينيهم ونعسو... عند نادية وحمزة لي كانو متكيين فبيت عطاتوليهم رنيم..
حمزة: (عنقها من اللور) ياكما عييتي
نادية: (مبتاسمة) لا اصلا مدرت والو باش نعيا
حمزة: (دورها لعندو) معمري قلتليك شعرك لونو زوين
نادية: (تزنكات) شكرا
حمزة: (دوز يديه على وجهها) ههه كتحشمي مني
نادية: تصبح على خير.. دارت وهي كضحك وقلبها كيضرب حتى حسات بقبلة تطبعات فعنقها الشيء لي خلاها تبورش
حمزة: (همس فودنيها) بونوي... دور يديه على خصرها وجبدها لعندو ونعسو... لاول مرة ينعسو بديك الطريقة بكثرة ماكانت فرحانة بتعاملو الجديد مقدراتش تغمض عينيها.. بقات حالة عينيها كتشوف فيديه لي مدورينها... دارت لعندو لقاتو نعس حطات يديها على وجهو وقربات منو.. طبعات قبلة صغيرة على شفايفو وتحشات فيه ونعسات... حل عينيه وهو يبتاسم ورجع نعس... يوم جديد فاقت رنيم هي اللولة دخلات توضات وصلات صلاتها.. لبسات بيجامة مستورة ونزلات.. لقات ماماها وخالتها امينة كيوجدو الفطور
رنيم: صباح الخير
الكل: صباح النور
امينة: رتاحيتي ابنتي
رنيم: اه الحمد لله اخالتي ونتي
امينة: مزياان الحمد لله... انضمات ليهم وتعاونو حتى وجدو الفطور... فاقت العائلة وتجمعو فالصالون.. تجمعو على الفطور كملو وناضو بغاو يمشيو... توادعو معاهم
نادية: شكرا اختي على كلشي.. وهاد الخير لي درتي فيا معمري نساه
رنيم: متقوليش هكا انا مادرت والو انا غير حليتلو عينيه باش يشوف الكنز لي معاه... ونوصيك تهلاي فراسك وفراجلك وفبنتك.. متديها فحتى واحد وماتفقسيش راسك ولي عصباتك قوليهالو وكوني اكيدة غادي يشدليك حقك
نادية: واخة شكرا بزااف
رنيم: (عطاتها ورقة) هاد الورقة فيها النماري ديالي.. دالمغرب وكندا فوقما حتاجيتي شي حاجة متردديش انك تعيطيلي ويلا كانت فاستطاعتي راه غنساعدك
نادية: (باستها) شكراا.... كلشي مشا ودخلو للدار تعاونو بيناتهم حتى جمعو الفيلا ورجعات كيف كانت... مشات تسنيم وجدات غذا خفيف تجمعو كلاو وهما يتلاحو تكاو

بعد عدة ايام وصل اليوم فين غتمشي رنيم مع سفيان باش يخطبو اكرام... لبسو حوايجهم ومشات ركبات معاه هو ووالديه.. مسافة الطريق ووصلو لطنجة.. بعد دقائق من شرح اكرام الطريق لسفيان وصلو.... حلاتليهم اخت اكرام الباب
شيماء: مرحباا بكم
ام سفيان (منى): يرحب بيك الخير ابنتي.. بسم الله..... دخلو للدار تعرضاتليهم ام واب اكرام سلمو عليهم وجلسو فالصالون
اب اكرام: مرحبا بيكم
اب سفيان: يرحب بيك الخير
منى: فيناهيا عروستنا
ام اكرام: هاهيا جاية.. شيماء سيري عيطي لختك..... جات اكرام حشمانة وعينيها فالارض.. سلمات عليهم ووصلات لعند سفيان شدها مابغا يطلق
اكرام: (من تحت سنانها) طلق اولد الحرام
سفيان: (حابس الضحكة) لا
رنيم: (ضحكوها) طلق منها.. قرصاتو فجنبو عاد طلقها
سفيان: (كيحك) اححح يديك مسمومة
رنيم: راه واقيلة والديكم حداكم ونتا مكتحشمش
سفيان: مالي اش درت
رنيم: صافي سكتنا.... بداو الاباء كيهضرو وكلشي ساكت ومتبعليهم من غير جوج جالسين يتغامزو.... ورنيم حاضية الديكور وكضحك.. اما شيماء هازة تيلفونها مرة تشوف فيه مرة تشوف فرنيم....... دازت الهدرة الاعتيادية وخطبو اكرام لسفيان.. فرحانين ومقادهم حال.. كانت اكرام حادرة راسها حتى نغزاتها ختها
اكرام: مالك اش بغيتي
شيماء: شوفي سبحان الله كتشبهليها
اكرام: شكون هادي
شيماء؛ خت خطيبك كتشبه لهاد المغنية
اكرام: (شافت التصويرة) ههههه وراه هي هاديك
شيماء: (بالغوات) ا لا متقوليهااش
اب اكرام: (خنزر) ماالك
شيماء: (شافت فرنيم) شنو سميتك اختي
رنيم: رنيم
شيماء: واهياا ناري
ام اكرام: مالك واش تسطيتي سيري لبيتك
شيماء: (ناضت عنقاتها) انا فرحاااانة حيت تلاقيتك.. انا من المعجباات ديالك وحافضة اغانيك كلها
رنيم: ههههههه شكرا احبيبة.. مكانتش فخباري اما نقول لاكرام تجيبك لعندي من شحال هادي
شيماء: هاديك راها مسمومة.. عفاك خلينا نتصورو نفقص بيهم البنات
رنيم: ههههه واخة ياله اجي.... جلسو كيتصورو ووالدين اكرام مفاهمين والو
ام اكرام: شكون هادي ا اكرام
اكرام: راها مغنية
ام اكرام: ااه وشنو كتغني نشوف واش سامعاليها
اكرام: لا هي كتغني غير لونجلي وعايشة فكندا
ام اكرام: ااه هكاك..... شيماء جلسات وبوسطات التصاور فالفايسبوك والانستجرام وسطاتي دالواتساب.... بالزربة تجمعو التعاليق كيسولوها واش هاديك بالصح رنيم ولا غير شبه.. بالاخص صحاباتها وبنات الدرب......... دازت ديك العشية وتوادعو ياله خرجو وهما يلقاو بزاف دالبنات واقفات قدام الباب
منى: (بخوف) شنو واقع
شيماء: (دفعاتهم وخرجات) مالكم اش باغيات

الكل: جينا نشوفو رنيم
اكرام: ياك ابنت الحرام وحلتي البنت دبا
رنيم: هههه لا عادي... خرجات عندهم رنيم كتصور معاهم ويهضرو ويضحكو.. عجبها الحال دوزات معاهم شي نص ساعة عاد توادعو ومشات ركبات..... وصلات للدار معطلة تكات فالصالون
رنيم: عيييت
هناء: وانوضي ابنتي نعسي باش ترتاحي
رنيم: داكشي لي غندير بونوي... ياله وقفات وهي توقف عليها واحد البنت
....: مكاين نعاس هاد الساعة
رنيم: اميمة.. تلاحت عليها عنقاتها.. توحشتك بزاااااف
اميمة: حتى انا توحشتك الخايبة.. سافا
رنيم: حمد الله ونتي
اميمة: سافا حمد الله.. هاي هاي الناس والقفاطن
رنيم: ههههه ياله نطلعو لبيتي نبدل ونهدرو... طلعو بجوج لبيتها.. لبسات رنيم بيجامتها ومسحات وجهها من المكياج.. دخلات للطواليط قضات حاجتها وغسلات وجهها.. حكات سنانها عاد خرجات... لقات اميمة جالسة فوق الناموسية كتسنا مشات جلسات حداها
رنيم: اوا اش كتعاودي
اميمة: غير الخدمة والدار
رنيم: الله يعاونك ياربي.. اوا مكاينش شي بوركابي هههه
اميمة: (بصدمة) شوف شكون كيهضر عليهم ياك نتي مكتحمليش هاد الموضوع... تبدلتي علياا ابنتي ياله حطي خبيزتك
رنيم: هههه مكاين واالو
اميمة: وانا متبعاك ومعمري شفت شي بوركابي معاك مي دبا شفت تيليفونك ولقيت واحد البوكوص فن ياختي.. ياله هضري
رنيم: (بحزن) تفارقنا
اميمة: سمحيلي حيت فكرتك
رنيم: عادي ولفت
اميمة: دبا تعرفي على شي حد ينسيك فيه
رنيم: مكنظنش.. اوستن اول حب وغيبقى حبيبي واخة متفارقين
اميمة: سميتو اوستن يعني ماشي مسلم
رنيم: لا وداكشي علاش تفارقنا
اميمة: يكون خير مكتعرفيش ربي شنو مخبيلك
رنيم: ونعم بالله... ياله قلبي الموضوع
اميمة: احم قريبا غادي نتخطب
رنيم: ههههه اووه.. ياكما العوج ديال كرم
اميمة: (ضرباتها) بزااف عليك هداك راه حبيبي نتي هي العوجة
رنيم: يااك لمك.. ربي قوليلي من فوقاش ونتي معاه
اميمة: منين كنا فالباك هههههه
رنيم: ايييه الالة وعمر طوييل هدا
اميمة: وي بالصح
رنيم: اوا الله يسهل عليك اختي ويفرحك
اميمة: ياربي امين ولك بالمثل
رنيم: اميين.... بقاو مجمعات حتى نعسو

#في_مكان_اخر
في مستشفى هناك فتاة نائمة.. وجه ملائكي رغم الجروح لي فيه وشعرها الطويل الحريري مليوح جنبها... تحل الباب ودخلو 2 دالناس خربو الهدوء لي كانت عايشة فيه البنت.. فيقوها غير شافتهم وهي تلاح على ماماها كتبكي
الام: (دفعاتها) واش بالصح داكشي لي قال الطبيب.. نتي تغتاصبتي
....: هئ هئ اه اماما
الام: (جراتها من شعرها) وكتقوليها بوجهك حمر الكلبة
الاب: (جبدها لعندو وصرفقها) بغيتي توسخي السمعة ديالنا ابنت الحرام
الام: (دارت يديها على راسها) صحاباتي لي فالجمعية يسمعو هادشي يديروني ضحكة بيناتهم.. معمري نسامحليك ابنتي على هادشي
الاب: هادي مخاصهاش تبقا هنا
الام: وفين غتمشي بغيتي ديرلينا شي فضيحة كثر من هادي
الاب: المهم تبعد على المغرب.. واش عارفة انا ياله وزير جديد الى تسمع هاد الخبر غادي يمشيلي كلشي.. خرجو الوالدين وخلاو بنت مزالة صغيرة منهارة.. بلاصة مايواسيوها ويحاولو يعرفو شكون هاد الحيوان لي اعتدى عليها.. همهم فقط كلام الناس والسمعة ديالهم... بقات كتبكي حتى نشفو عينيها.. الالم كتحس بيه فجسمها كامل... غمضات عينيها كتحاول تنعس باش متحسش الحريق..... داتها عينيها حتى فاقت عوتاني على نفس الوجوه
الاب: ياله نوضي تحركي
....: (بخوف) فين
الام: للموصيبة لي ضربك.. واتحركيي...... ناضت ورجليها كيترعدو.. الالم من تحتها بزاااف مقداش تحرك.. دموعها كينزلو
الاب: (لاح عليها الحوايج) لبسي هادشي... خرج وخلاها كتلبس بعد دقائق دخل عندها
الاب: (جرها من يديها) ياله تحركي
....: ايي مقداش نتحرك ابابا هئ هئ.... مشا عيط لواحد الكارد جا هزها وخرجو.. ركبات فطموبيل بوحدها مع لي كارد ومشات... بقات كتبكي وغير كتفكر لحظة اغتصابها كتزيد تبكي... توقفو فالمطار
....: فين غاديين
الكارد: انسة غادي نمشيو انا وياك لفرنسا.. متخافيش الواليد ديالك قادليك الامور كولها...... اكتفت بالصمت ونزلات كتمشى بشوية وكتحس بالموس كيتغرس فيها من التحت
#رنيم
في المطار جالسة حدا والديها وخوتها
ماما: غادي نتوحشكم بزااف
رنيم: حتى حنا اماما.. كون غير بغيتو تمشيو معانا غادي نكون فرحاانة
بابا: لا معندنا مانديرو تما.. ونتوما كل عطلة اجييو
تسنيم: ويي ضروري ابابا
شادي: انا غادي للحمام ونرجع
رنيم: واخة مي متعطلش..... مشا شادي هاز تيليفونو كيلعب بيه بيدو.. دخل للحمام قضا حاجتو وخرج.. راجع لعندهم حتى بانتلو بنت في غاية الجمال.. شعرها لي طايح على كتافها وجسمها الرقيق... هزات راسها وشاف عيونها الحومر وحناكها حتى هما.. انتابه لمشيتها البطيئة وباين عليها الالم.... بقا واقف كيشوف فيها حتى مبقاتش كتبان وهو يرجع لعائلتو

توادعو مع عائلتهم فاش وصلات طيارتهم ومشاو ركبو... شادي بقا تفكيرو مع البنت لي شاف فالمطار...... بعد ساعات طويلة حطت الطائرة في كندا.. كانت كارمن كتسناهم تسالمو وركبو الطموبيل.. مسافة الطريق وصلو للدار... كلها دخل لبيتو يرتاح وكارمن رجعات لدارها.......
#فرنسا
دخلات البنت مع الكارد لواحد الدار
الكارد: هانتي هنا فين غادي تسكني.. ها الباك ديالك ووراقيك.. قاليك باباك بداي دفعي للجامعات دبا... ها كارط كيشي باش تصرفي.. صافي انا غادي نرجع دبا.. بغيتي شي حاجة
....: الصمت
الكارد: (بقات فيه) الله يعاونك ا انسة مريم...... خرج وجلسات مريم كتبكي على زهرها.. كيفاش والديها مهتاموش بيها ولاحوها.. محاولو حتى يفهمو شنو واقع... بقات جالسة فمكانها كتفكر.. كيفاش ياله كانت فرحانة بالباك ديالها ومحتافلة مع صحباتها حتى تقلبات حياتها فلحظة وحدة...... مرت اشهر وهي مكتمشي لحتى بلاصة كتخرج تشري داكشي لي خاصها وترجع للدار.. متسجلات فحتى جامعة عاطياها غير للماكلة والنعاس.. حتى من عائلتها معمرها هدرات مع شي حد فيهم... ممدة على الارض وكتسمع لموسيقتها المفضلة وهي مغمضة عينيها... بعد لحظات هزات تيليفونها ودخلات لليوتيوب.. وبدات كتفرج فالانتيرفيو ديال رنيم... عجباتها وجلسات كتقلب على البرامج كاملين لي شاركات فيهم... كتسمعليها وكتشوف كيفاش تايقة فراسها... منين بانت رنيم وهي متبعاها وكتسمع لأغانيها... دازت ساعات وهي كتفرج فيها حسات بشي حاجة تحركات فيها.... ناضت هزات مقص ومشات وقفات قدام المرايا ودموعها نازلين
#فلاش_باك
مريم: عفاك خليني نمشي بحالي
....: (شاد شعرها كيشمو) ممم الله كيحمقني شعرك الطويل
#الحاضر
مسحات دموعها وشدات المقص كتقطع فشعرها... بعد مدة حبسات.. شعرها وصل تقريبا حدا ودنيها.. حدرات راسها وشافتو مليوح حدا رجليها... هبطات جمعاتو ومشات لاحتو... من بعد هاد الحركة لي دارت حسات نوعا ما بالراحة
#كندا
مرت اشهر ورنيم خدامة وفنفس الوقت كتقرا سنة اولى دوكتوراه.. كانت خارجة حتى تعرض ليها شخص
...: سلام
رنيم: سلام
....: (بالعربية) انا طارق فايتك غير بعام داير نفس تخصصك فالدكتوراه ومتبع اغانيك
رنيم: ااه متشرفين موسيو طارق
طارق: المهم هادي شحال وانا كنشوفك واليوم تشجعت وجيت لعندك
رنيم: (بابتسامة) وي مرحباا.. كنفرح فاش كنلقا عندي معجبين
طارق: (حك راسو) ممم نقدرو نكونو ديزامي
رنيم: احم وي داكوغ.. مي نخليك دبا عندي شي شغل
طارق: اوك الله يعاونك
رنيم: امين.... مشات ركبات طموبيلتها وكسيرات اما طارق بقا متبعليها العين....... دازو ايام واصرار طارق على ان يكون صديقها تقبل.. وفعلا رجعو اصدقاء... كان كيساعدها بعد المرات فقرايتها والاهم انه محتارمها ومعمرو فات الحدود معاها

اليوم الاحد رنيم عرضات على طارق للدار... كانت كتوجد الغذا حتى جات عندها تسنيم
تسنيم: نعاونك فشي حاجة
رنيم: لا صافي قربت نكمل.. سمعو الدقان.. سيري حلي الباب
تسنيم: اوك... مشات حلات الباب
طارق: (طلع فيها وهبط) سلام دار رنيم ياك
تسنيم: اه.. نتا طارق
طارق: وي
تسنيم: تفضل... دخل وسدات الباب.. داتو للصالون.. هاهيا رنيم شوية وتجي
طارق: (بابتسامة) اوك
تسنيم: (دخلات للكوزينة) هاهو جا سيري عندو انا نكمل عليك
رنيم: واخة.... مسحات يديها ومشات لعندو.. اهلا طارق كيداير سافا
طارق: حمد الله ونتي سافا
رنيم: سافا حمد الله.. اوا اش كتعاود
طارق: والو.. راك عارفة غير الروتين
رنيم: وي داكشي لي كاين.... استمر حديثهم لمدة قصيرة وناضت كتحط الغذا هي وتسنيم.. اما طارق كان متبع حركات تسنيم... ناضو جلسو وهو ينزل شادي ياله فايق من النعاس
رنيم: كنعرفك هدا خويا شادي وهادي ختي تسنيم
طارق: متشرفين
رنيم: ياله تغذاو... بداو كياكلو وبالزربة شادي اندامج مع طارق وعطاوها غير للهدرة والضحك.. وكانت معاهم حتى رنيم من غير تسنيم لي كانت ساكتة وكتاكل.. طارق مرة مرة كيشوف فيها.. جدباتو شخصيتها الهادئة....... دوز معاهم العشية كاملة مي غير مع رنيم وشادي اما تسنيم مبقاتش بانت منين سالاو الغذا... توادعو ومشا فحالو....... يوم جديد كانت تسنيم خارجة من الجامعة غادة لطموبيلتها حتى وقف عليها شخص هزات راسها وشافتو
طارق: اهلا انسة تسنيم سافا
تسنيم: حمد الله ونتا
طارق: بيخير.. غادية للدار
تسنيم: وي
طارق: اجي نوصلك
تسنيم: شكرا مي عندي طموبيلتي
طارق: ن...
تسنيم: (قاطعاتو) ياله باي.... مشات وخلاتو واقف.. اما هي ركبات طموبيلتها وكسيرات فاتجاه دارها

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.