للرعد عاصفته الجزء العاشر

وعد وائل جالسين حدا بعضياتهم و دايرة بيهم العائلة كاملة كايفهمو منها شنو وقع

وعد : كان الدكتور جمال كايسيفط لينا تطورات الورم ديال المريض و كنا كانتناقشو على الحالة الصحية ديالو .. حتى لداك النهار قبل شي 5 ايام قالي ان المريض هو خويا رعد و مابغاش يقبل العلاج ولا يدير العملية بالرغم من المرض بدا كاينتاشر ... تصدمت بزااف ماقدرتش نثيّق كلام الطبيب .. فاش جا رعد جلست معاه و استفسرت منو على مرضو حاولت نقنعو باش يدير العملية و فالاخير ستاجب مقابل مانقولوها لحتى واحد.. فراس غير وائل بوحدو لحقاش هو للي تكلف بعمليتو..

فاطمة (جالسة مهدودة كاتبكي ) : كاان عليك تقوليها لينا فاش ناض من العملية اهئ هئ وانا ولدي يبقى مرمي ليا فالسبيطارات لا حنين لا رحيم مالو مقطوووع من شجرة اهئهئ ...

وائل : يهديك الله اخالتي را كنا معاه كاملين

فاطمة : انا مااخالت حد

وعد : واا ماماا الله يهديك..

فاطمة : سكتي نتي يا السليعفانة خوك مرييض وخازناها عليا كيفاش قدرتي تنعسي مرتاحة وعارفاه مكايحملش السبيطارات

نهال : و كاعما غاتكون عجباتو الماكلة ديال السبيطارات ااهئ هئ..

نهى (جاية مفزوعة مع رنيا ) اش هاادشي وااقع بصح للي سمعت فين ولد خوياا..

رنيا : هضروو ماال رععد..

وائل(شاف فوعد) : كملات.. والو الواليدة رعد بخيير و دبا راه ناعس

وعد : ااه سيري حتى نتي نعسي راكي غدا فايقة بكري..

نهى : فين كااين رعد فين..

فاطمة : شش قالولك هاد الاطباء خليوه يرتااح.

وعد : مافياا للي يعاود الكلام.. غايدخل شي حد مايلوم غير رااسو حتى لغدا و شوفوه ..

وائل : يالاه تصبحو على خير سيرو حتى نتوما نعسو..

خديجة : الله يجيب ليه الشفاء ياارب..

وائل : (قرب لماماه)فين الواليد..

نهى : خرج مع سعد و فهد و عمامك عندهم شي شغال..

خديجة : حتى فهد..

نهال : على هاد القبل غايباتو براا.. يلاه تنعسو..

فاطمة : منين غايجينا النعاس..

نهى : واش مانقدروش ندخلو عند رعد..

وعد : ممنوووع حتى لغدا يفيق و دخلو عندو واحد بواحد ...

وائل : و خفضو صوتكم شوية .. را عندكم مريض ..

رنيا : ( تنهدات بثقل ) الله يشافيه تصبحو على خير..

نهى (مسحات دموعها بتعب ) : ونتي من اهلو..

فتحات وعد الغرفة للي جانب غرفة رعد .. انا غانعس هنا اليوم .. باش الى احتاج رعد شي حاجة يلقاني..

وائل : حتى اناا.. نجيب بيجامتي و نجي..

وعد : عفاك جيب ليا حتى انا نبدل حوايجي..

اوك.. حرك ليها راسو و مشا مع ماماه و السيدة فاطنة و السيدة نهى وولادهم كل واحد دخل لغرفتو ...

حيدات وعد فولارهاا وتسدل شعرها الذهبي على كتافها دوراتو للقدام و هزات يديها بزوج كاتفتح فالسنسلة ديال كسوتها بصعوبة .. حتى حساات بوائل من وراها قبط يديها بكف يدو وحرك صباعو بسهولة نزل السنسلة حتى لخصرها.. ( بحنان حط شفايفو وقبل كتفها ) جبت ليك بيجامتك ..

وعد (دارت كاتشوف فيه لابس بيجامة.. مشا تكى فوق الناموسية على ضهروو.. كايشوف فيهاا بإعجاااب نزلات الكسوه.. ولبسات بيجامتها للي من نوع ساتان قادات شعرها الطويل بشكل عشواائي و تمشات لطرف السرير جلسات و مددات رجليهاا.. باش تكى.. دارت بهدوء على جنبها ليمن و بحركاتو المعتادة قبط وجهها بيديه بزووج نازل لمستوى وجهها...

وعد : فرحت لحقاش رعد وسطنا .. كنت ديما خايفة عليه واخة عارفاه فالكلينيك

وائل : الحمدلله خرجات سالمة.. كون ما تدخلات نسرين كنا لا قدر الله..

وعد : ششش.. فال الله ولا فالك..

وائل : فينما قلنا نرتااحو يخرجو مشاكل جداد..

وعد : كانتمنى تكون آخر الاحزان .. رعد تعذب بزاف فحياتو..

وائل : ولكن ملي رجع مع نسرين بان ليا غايتفكو مشاكلو ...

وعد : فنظرك السبب ورا الورم الابر للي كانو كايعطيوه فالاختطاف !..

وائل : السبب واضح احياتي.. رعد كان مدمن من قبل مايتختاطف.. فنظرك مغايخلصش الضريبة ديال الشراب و الكارو للي هز ملي كان صغير ...

وعد : خلصها .. خلصها بالمرض ديالو و حتى علاقاتو المحرمة خلصهم بفراق نسرين ..(باستفساار شافت فوائل) ولكن راه تااب واش غايبقى ديما يتعذب

وائل : ربي بغاه داكشي باش ابتلاه فالدنيا قبل الاخرة...

وعد : اه هو بنفسو دعا الله يخلص كلشي فالدنيا قبل من لاخرة

وائل (بمزاح) : ايوا شفتي هاد خوك بسبااب مشاكلو كتبناا كتابناا بلا عرس .. انا و سعد وفهد مشينا ضحية مشااكلو ماشي عيب A.. ..

وعد : ههه ماعبر غير محمد و يونس قالولك مغايتزوجووش حتى تهنى الاوضاع بمرة ههه ...

وائل : حتى حنا فاش غايساليو مشاكلهم غاندير لمراااتي احسن عررس أطباء العالم كامل يغيرو مني ...

وعد : ههه ولادك ولاو فطولك و نتاا مزال كاتفكر فالعرس..

وائل : مالي مانستاهلش.. انا مابغيتش ندير حفلة مع عائلة كانشوفهم صباح و عشية ..

وعد : ههه ايوا على هاد القبل مكانش علينا نتزوجو حتى لدابا..

وائل (فيكسا عينيه فعينيها و نطق بهدوء) : شنو باغا تحرميني منك كاع هاد السنين (استنشق رائحتها الجذابة و قبط خصلات شعرها كايتحسس فجسدها الناعم ) لا احياتي غانديرو عرس كبير و فجنبنا ولادنا و فاش نكبرو تاني غانديرو عرس آخر غاتبقاي ديما عروستي و فجنبي و معايا نعيشوو و نكبرو بزوج ..

وعد : ماغاتملش مني ..

وائل : عمر مغايجي شي نهار نمل منك .. كاين شي حد كايمل من حياتو..

وعد (غمضات عينيها مرتاحة لكلامو ) : لا .. وحتى انا ماعمري غانمل منك .. انا ماعارفاش حياتي كيف كانت قبل مانتزوج بيك..

وائل : ساهلة انا نقوليك كيف كانت.. كنتي دافعة عليا كبير و ديما نافرة مني..

وعد : ههه على أساس نتا كنتي ضريف... فالمصحة داير فيها شيخ الشباب و كاع الممرضات و رااك..

وائل : ولكن نتي هي للي كنتي كاتباني ليا..

وعد اكتفت بابتسامة و غمضات عينيهاا .. رجع قبط و جهها بيديه بزوج و غمض عينيه حتى هو كايتمتم فهمس و كأنو كايقرا شي حاجة ... اه كايقراا عليها القرآن كعادتو كل ليلة قبل ماينعس .. كايرقيهاا و يشهدو بزوج عاد كايغفى مرتاح حاط جبهتو على جبهتها ويديه محطوطين فوق وجهها..

في زوايا أخرى من القصر و بمشاهدة بالعرض البطيء.. ناعسة نسرين فحضن رعد ضامين بعضهم بارتياح بالرغم من شكلو بلبسة المرضى و الفاصمة المدورة على راسو.. و بالرغم من السيروم للي معلق كايبان مرتااح..

عكس خديجة للي واقفة مدورة شعرها الاسود الحريري مور وذنيها كاطل من الزاج ديال النافذة مقابلة مع باب القصر منتاظرة رجوع حبيبها ..

اما العمة نهى تكات فسريرها بتعب كاتدعي الله يرجعو على خير

لكنها ماشي اكثر من السيدة رنيا للي كانت زاوية من غرفتها مخصصاها للصلاة قايمة لليل بصلاواتها كاتدعي الله يشافي رعد و يرجع رجالهم على خير..

من حرقة الفراق السيدة فاطمة تهدات جالسة فسريرها هازة صورة كاتجمعها فمدينة فاس مع رفيقة دربها عائشة.. وفيد أخرى هازة صورة ل ليث مع عائشة وولادهم ب اربعة..

لحظات وحدة.. و اشتياق فعز الليالي حنيين خلا دموعها يتساقطو بغزارة جبدات رسائل صديقتها عائشة كاتقرا فيهم راجعة بذاكرتها للزمن الجميل .. كل آمانيها لعنة المصائب تبعد على ولدهم رعد

اما ف مكان آخر ناعسة السيدة ليلى التي اصبحت عجوز مشبكة يدها فيد السي عبد العزيز و كأنهم مواعدين من صغرهم يكملو دربهم مستمدين القوة من بعضهم لبعض مهما عصفات بيهم الرياح مستعدين يرممو القصر للي بناو فكل مرة كاتصبح اوقاتو جحيم.. لكن الآن زيناتو نسرين برجوعها كيفما زينوه ولاد حفايدهم للي ملءو غُرَفو.. ناعس أسد حاضن صورتو مع باه و فغرفة اخرى ناعسين ولاد وعد فادي و سيليا مشاركين سرير واحد على مايبدو كانو كايقراو فقصة حتى غفاو جنب بعضهم مخلين الاضواء خافتة فالازرق و الوردي مبين ملامحهم الشقراء بوضوح ..

الى جانبهم غرفة ابن سعد و نهال 《جود》 غافي بارتيااح مقابلاه امه للي كاتمشي يديها على جبينو وكاتستنى فعودة ابوه..

و فجهة اخرى ناعس مهدي مقابل غرفته غرفة رنياا..

من الخارج قصر عائلة الامبراطور كايبان أبيض بالثلج اللي كايتساقط بغزارة فجنابو و قبالتو مملوء ب اشجار الارز المزينة باضواء فألوان مختلفة كايدل الشجر على انه مِلْك عام ماتابعش للقصر كيفما السماء كاتلمع بنجوم اصطناعية كاتسقط بطريقة جذابة كل هاد الزينة كاتوحي ان عام جديد غايطرق ابواب القصر في نهاية شهر دجنبر ..

ارتدى الصباح لون النقاء ليحل بنوره ظلام ليل ممطر و يعود بنسماات تُبعث في نفس جديد و يوم جديد يحمل في طيااته أمل و تفاؤل للجميع..

ارتدى الصباح لون النقاء ليحل بنوره ظلام ليل ممطر و يعود بنسماات تُبعث في نفس جديد ليوم جديد يحمل في طيااته أمل و تفاؤل للجميع.. هكذا كانت ثقتهم فاش فاقو فالصباح و خصوصاا نسرين للي تسللات من حضنو بلطف غسلات وجهها بابتساامة و خرجات كيف الفرااشة كاتسلم على الورد و العصافير و الخدم و حتى الديكورات دخلات بخفة رجليها ماهازينهاش وصلات للمطبخ حتى كاتصادف مع السيدة ليلى واقفة شادة العكاز و السيدة فاطمة دايرة طابلية بحالها بحال و عد و نهال و خديجة .. كل وحدة وشنو كاتوجد ..

نسرين : صبااح الخير ..

الكل : صبااااح النووور .. فقتي كلهم خلاو للي فيدهم و جاو لعندها كايستفسرو على حالة رعد ..

السيدة ليلى : دخلك يابني كيف صار هلأ.. الحج بدو يشوفو..

نسرين : طمني اجدتي راه بخير .. نعس مزيان..

وعد : المهم انا غانمشي نشوفو ..

نسرين : اجي رااه باقي ناعس..

وعد : اوكي حتى يفيق و نشوفو.. و من بعد تشوفوه كاملين غير ارتاحو..

نسرين : شنو كاديرو .. الله على ريحة واش كاين شي عيد.. مالكم كاتشقاو كاملين ..

فاطمة : العيد هو ملي ولدي رعد رجع لينا سالم غانم و مراتو فجنبوو..

نسرين(ابتاسمات بتعجب ) : وانا للي جاية نصايب ليه الفطور..

نهال : كلشي واجد .. كاع الاكلات للي كايعجبوه نتي غير سيري فيقيه لينا

نسرين : راه فاق صلا الفجر و بقا فايق شوية عاد رجع نعس..

وعد : يااكما ناااض ..

نسرين : لا تيمم و صلا جالس..

وعد : هكاك لحقاش غاتجيه الدوخة..

جات الخادمة كاتجري شافت فنسرين و بدات كاتكلم بالروسية.. للي مافهمات فيها نسرين حتى حررف

خديجة : قالتليك تكلمي لرعد..

نسرين : ااه ااوك انا جااية

وعد : ولكن را انا للي خاصني نشوفوو..

نهال : ههه اذا وجد الماء بطل التيمم احبيبتي..

وعد : ايااه واخة..

نسرين خلاتهم و مشاات كاتجري بحال مسخرة للقايد

فاطمة : و نتوما اجيو قابلو شغالكم و وجدو الطبلة را عمامكم فاقوو..

نسرين (دخلات و فتحات الباب ) حبيبي فااق.. (لقاتو متكي محيد الغطى عليه كايشوف فالاشيء بملل جلساات حدااه بتساؤل) ماالك !؟

رعد(هز عينيه شاف فيها ) : والو العمر واش معولة تخلي راجلك عريان..

نسرين : هئ علاش .. ااهاانا انمشي نجيب ليك تلبس..

رعد : اوك..

نسرين : ولكن رعد..

رعد : همم ..

نسرين : جدك وجداك بغاو يشوفوك..

رعد : ااه كوليلهم يدخلو .. قاد كثر الجلسة و جر الغطى عليه..

نسرين فتحات الباب و مشات كاتجري للمطبخ قالتها للسيدة ليلى .. كلهم كلفو الخدامات و مشاو كايجيرو عندو .. اما هي دخلات لبيتها جبدات ليه حوايجو و جات خارجة قبل طلبات من الخدامة تجمع بيتها..

رنيا (خت نسرين ) : نسريين علاا سلاامتك اصااحبتي غير ملي لقيتك ... ماما و ليلي عيااو يتاصلو بييك..

نسرين : قوليهم من بعد بلييز ماشي دبا..

رنياا : علاش مالكي اشهادشي فيديك..

نسرين : رعد دار عملية على راسو و ليوم خرج من السبيطار ..

رنيا : شنووو!؟ ..

نسرين : كيف كاتسمعي.. شوفي ماتشغليش ماما قولها من بعد نتاصل بيها..

رنيا : اووك نمشي معاك نشوفو..

نسرين : حبسي را ماشي فبيتي..

رنيا : وفين كاين..

نسرين : اجي معاياا...

تمشاات سابقاها لكن رنيا بانت ليها اشمن غرفة كاين فاش شافت البييت عاااامر بعماامو و خوتو و عماتو و خالتو فاطمة ...

رنيا : هههه قبة مولاي عابد..

نسرين : وقت ضحكك دبا .. كانقولك رعد داير عملية و كاضحكي...

رنيا : لاا اختي والله مااقصدت ولكن شوفي راا حيدو ليه الاوكسجين..

نسرين : دخلي الى بغيتي تشوفيه بلا بسالة..

رنيا : و ا غير ضحكت ماتندمينيش.. مال مولاي عابد را تاهو كانت هيبتو مرعدة القبيلة..

نسرين : رنيا

رنيا : هاهي ساكتة.. اييه كون ضحكت عليك كاعما تقلقي

نسرين : را رررعد هذااك نتي للي كاضحكي عليه..

رنيا : ايه اختي دافعي علييه يستااهل .. الله يعطيني شي راجل بحالو..

نسرين : قل اعوذ برب الفلق ...

رنيا : هيئ وخايفة من ختها ضربها بالعين

نسرين : ااه .. اختي العين حق را غير عوينة و شتتاتني عليه 8 سنين هادي.. خلاتها و دخلات م وسطهم كاتبتاسم لهذاو ضحك مع هادي حتى و صلات حداه..

رنيا مع شاافت رااس رعد تخلعااات... ررررعد خووويااا مااالك اش وقع ليك اشمن عملية درتي واااش كسيييدة ناااري ماكنتش متصورة يكونو حتى عينيك منفوووخيين و خدوودك..

نهال (همسات لخديجة و سعد ) اه يااه رعد ربا لحنااك..

نسرين (من تحت سنانها) : رنياا صوتك جاب الشقيقة و الرعدة لرعد..

رنيا : واا الرعد كاعما كايتررعد..

بكلاامها جاابت الضحك لكلشي

الكل : هههههه ....

ياسر : واش رنيا السكوتية هادي و لا نسرين ديال قبل 8 سنين..

مهدي : رنياا .. السيد را دار عملية ماكاملاش 6 ايام هادي .. سكتي..

نسرين (همسات لرعد للي كان كايبتااسم ليهم ) جبت ليك حوايجك ..

رعد : اوك..

وائل : يالاه اسياادناا نتجمعو فالفطور فاش يلبس رعد حوايجو و يخرج عندنااا..

وعد جرات جدها من الكرسي ديالو بلطف ..

السي عبد العزيز : على سلامتك اولدي.. وعد خلي رنياا تمشى بياا .. و تمتعني بكلامها..

رنيا : احمم هي الاولى ا جدي حبيبي ..

وعد : يااك اجدي جات رنيا و نسيتيني.. ختى انا غانقولها لبابا صهيب..

السي صهيب : ماال بنتي شكون قلقها..

وعد : باباك ..

السي عبد العزيز : هه للا لا كلكم بنيااتي يالاه جروني بزوج..

تمشاو بيه كايتكلمو معاه و يضحكوو.. خرجات فاطمة مع البنات راجعين للكوزينة و نسرين بقات كاتعاون فرعد ..

جلس مقابل معاها هي للي واقفة مدورة يديها على عنقو كاتفك ليه خيوط اللبسة..

رعد : نسرين

نسرين : قلب نسرين ...

رعد : م (بلع ريقو و كأنو كا يحاول يختار الكلمات )

نسرين : غير هضر..

رعد : هه و ليتي كاتقرايني..

نسرين : عارفاك فاش كاتبغي تسول و لا تهضر.. وقت تكون مقلق.. ماتخافش ارعد باقا عاقلة على كاع تفاصيلك..( تنهدات فصمت )حاسة بيك

أننا نبغيو الطرف الاخر مكايتحسبش بكثرة السنين و طول الاوقات للي عشنا معاه.. يكفي يكون حب حقيقي نابع من اعمااق قلوبنا باش يبقى حي على مر السنين..

رعد( بتلقائية ) : مكاتفكريش تحملي !...

ببطئ رفعات حجبانها و طلعات عينيها للي لمعو بطريقة غريبة ... شافت فيه و رجعات هرباتهم.. كاتفك فالعقدة

رعد ( بندم ) : انا .. تبدلت .. عذاب الفراق و المشاكل للي مريت منها.. كفات ووفات باش نعيد حساباتي فكلشي ..

حيدات ليه اللبسة و هزات سوفيطمة دخلاتها ليه مع ذراعو.. كمل فكلامو و هو كايشوف فالفراغ..

انا مابقيتش رعد المتناقض .. وليت عارف شنو باغي .. مابقيتش خايف على حياة ولادي من الموساد...شفتي هربت من الاولاد حتى عييت و فاللخر اكتشفت عندي ولد يعني فهمت بلي ماشي حنا للي كانخططو لحياتنا و حتى قوة مكاينة فوق قوة الله..

رجعات هزات قميجة بلو سييل لبساتها ليه وبدات كاتعقد فأزرارها .. كاتنصت ليه بتركيز..

عرفت عندي ولد .. تفارقنا .. تأسرت .. مرضت فنظرك كاع هاد التجاريب مغايعلمونيش بلي الدنيا قصيرة و مدايمااش و بلي الواحد خاصو مايبقاش مهموم و يعيش حياتو بلا مايحسبها .. يخلي الله يتصرف بأقدارو..

نسرين : الايام كافية باش تعلمنا بزاف دالحوايج..

رعد : وانا ندمت على كلشي .. و من شحال هذا.. ندمت على اي بلية هزيتها فاش كنت صغير .. تخيلي ندمت حتى لحقاش تزوجت بيك وانا بديك العقلية .. انا كانرغبك دبا تفكري فالولاد.. بغيتك تولدي ليا بنت تكون كاتشبهك فكلشي ..

نسرين( عقدات ازرار جيلي ديال الخيط فالبلو مارين وحطات يدها كاتقاد فلحيتو بثبات ) : مغانقولش ليك لا خايفة من تقلباتك.. لحقاش عارفاك تبدلتي بزااف.. و مغانقولش ليك لا خايفة من الموساد و من اعداءك لحقاش انا من ديماا مخلية كلشي فيد الله.. الاولاد متمنيااهم يكونو مععاك نتا ماشي من غيرك و على نار كانتسنى النهار للي نجيب فيه ولدك و لا بنتك..

اللي كانتمنى ربي يعطيني منك الذرية الصالحة للي ترفع مقامي فالدنيا و فالاخرة..

رعد (ناض بشوية اخيرااا تحرر من السيروم للي كان مركب .. لبساتوو المونطوو ديالو ..) : يعني موافقة ؟! .

نسرين : على كاينين شي زوج مكايتمناوش الاولاد..

رعد (عض شفايفو بمكر ) ولكن هادشي مكايجيش غير بالهضرة ...

نسرين (خرجات عنييها و بلعات ريقهااا بدات كاتتتكح بإحراج) يالااه حييديتي السيرووم كح كح.. اجي معاايا الفطور وااجد..

رعد (حبساتو الضحكة فاش شافها هاربة ) : كاعما رشيتي ليا الريحة..

نسرين : مااانعاها علييك وعد..

رعد : يا اجي نتعكز عليك راني شرفت...

رجعاات لعندو.. شداتو من خصرو و بلاما تزيد تفكر حطات دراعو على كتافها..

رعد : شفتي باش زوين تززوج وحدة صغيرة.. تصيب غير علامن تعكز..

نسرين : باراكا من التفلية و نتا قوتك تهد جبل..

رعد : قوتي بغات غير تعمر ديك الكريشة ولاد ولكن شكون خلاك ...

نسرين بللات شفايفها و دورات عينيها بإحرااج.. ششش دبا يسمعوك.. فتحاات الباب و خرجات معاه..

كان كلشي جاالس على الطبلة الطويييلة ... كرسيه على رأس المائدة فارغ كايستنى وصولو

السيدة ليلى : اهلييين و سهليين شرفنا الغالي ابن الغاالي..

فهد : هاد الجملة كاتقولها جدة غير الى شافت رعد بحالا حنا ليث خرجنا ليه كادو مع رعد..

سعد : حتى انا لاحظتها ياه ... ههه ديك القضية ديال ولد رعد يجيوك 3 هدية

فاطمة : كونو تحشموو.. خوكوم مريض و زايدينو بهضرتكم الليحضر السلامة..

السيدة ليلى : شو عم توشوشو انتوو ؟!..

رنيا : عم يقولو عم تعملي فرزياات يا ستي..

السيدة وردة : شو هاد فاارزياات كييف !؟؟..

كلشي بدا تاني كايضحك هههههه

السيدة نهى : ههه يعني عم تفضل حدا ع حدا يا خالتي ...

السيدة ليلى : اخص عليكو ياا عيب الشوم لك انتو ولاادي كلكم مثل بعضكم بس رعد

فاطمة : بس رعد زاايد عليهم..

السيدة ليلى : ايه وشو بدي اعمل هذاا رعدي محلو بئلبي مثل ليثي... لك شوفو سمالله عليه شو حلو و مهذب و بحرركااتو رزيين مو مثل هالزعراان عالطالعة و النازلة بيضحكو..

نهال :اح الله الصاابون ..

سعد : هانتا جبدتيها عليناا اصااحبي كول كول و سكتناا..

فهد: وا بربي لا جا فممك حتى يااكل رعد ...

للي كان جالس حاط عليه المنديل حادر راسوكايضحك بثقل لكلام جداه للي زاد حشموو..

فعلا داكشي للي كان حتى قالت السيدة ليلى للخدم يحطو لرعد فطورو عاد بدا كلشي كيااكل...

وائل : و انا بغيت نسول غير واحد السؤال

عماد : اما هو ؟!..

وائل : كيدارت نسرين حتى عرفات رعد مريض.. !؟

نسرين : شافت فرعد و حدرات راسهاا..

رعد (باستغراب ) : حتى انا مزال ماعرفتش..

نسرين(حطات الفرشيط و هزات راسها فوائل ) : عرفت فداك النهار للي دخل رعد كايتكلم مع وعد.. كنت جايبة لو الفطور و سمعت بالصدفة... ماقدرت نقوليه والو لحقاش فالاصل كان مخبي عليا مرضو..

رعد : يعني من داك النهار و نتي كاتعذبي !؟..

نسرين : اه..

وعد : و كنتي كاتجي لكلينيك بلاما نحسو بيك...

نسرين : كنت كاندير السبة بالخدمة و كانجي نبقى فالكلينيك حتى كاتسالي مدة الزيارة.. و لكن داك النهار جيت معطلة و خفتهم مايدخلونيش.. عليها دخلت من الباب اللوراني و لقيت هاود المجرمين..

رعد (و كانو تذككر شااف فهد بارتبااك.. فورا غمزو وطمن بعينيه يديه دار حركة على انو فكو كلشي.. )

سعد : اه ديك الجماعة ماشي الموساد... جماعة المانية رعد غايشري صفقة غاتخسرهم امواال طاائلة ..

نسرين : ولكن سمعت بحال العبرية..

فهد : لا هاديك الالمانية.. الاشخاص اللي نجاو اعتارفو بكلشي..

فاطمة : على صفقة بغاو يزهقو روح..

رعد : فاش نسالي غايكون حسابي معاهم..

السي عبد العزيز: الحمدلله خرجات خير ... الحمدلله..

رعد : فين ولادكم ؟!..

نهال : كلهم مشاو للمدرسة..

مهدي : وحتى انا خاصني نرجع باش نبدا قرايتي..

وائل : ماعندك فين تمشي حتى تحضر لعرسي مع وعد..

الكل بتعجب شنووو ؟؟؟!...

وعد : وائل تيقتي راسك ..

رعد : علاش نتوما ماتزوجتوش..

وائل : و على هذاك زواج فنظرك قرا الفاتحة قبل سير فحالك.. لا اخويا صبرنا معاك تا ساليتي مشاكلك غانزيدو نصبرو حتى ينوض ليك شعرك باش ماتباانش خايب فالتصاور و غانديرو عرس كبير ...

السي عبد العزيز : حتى هذاا نظر..

وائل : اهاا و ها جدي موافق

سعد : بلاتي بلااتي وااش عرس عرس...

وعد : آه..

وائل : مالنا كانتفلاو وا تفلاو علينا بديك الحفيلة ..

فهد شااف فسعد و شافو فمراواتهم ... حتتااا حنااا كاانطااالبو بالاعاادة ... بغيينااا عرس..

يونس و محمد... : تومااا حبسووو.. حنا للي نوبتنا بغينا نتزوجو..

رعد : صبرو صبرو... مالكم ماديرو عرس جماااعي !؟

فاطمة : اويلي عالحمااق..

السي عماد : والاهيلاا تشهيينااا نشطووو...

خديجة (همسات لفهد ) : ولكن انااا را حااملة ..

نسرين : علاش واش حتى نتوما مادرتوش عرس ؟!

فهد : لاا كانو حازنين على غياابك...

نسرين : لااا للا والله تستااهلو شي عراسية ...

سعد : نتوما زعماا ماديروش شي عرس ...

رعد حط ضهرو على الكرسي بارتياااح و رفع راسو .. لا خودو راحتكم نتوماا ماندير عرسي حتى تفوتو العرس الجمااعي دياالكم..

شافت فيه نسرين باستغرااب مرفوق بخجل ... حطات يدها على ركبتو من تحت الطبلة .. كاتغمز فيه باش يسكت

السيدة رنيا : آه اولدي نتا غير تشافى و قوم لينا بالسلامة و أحسن عرس نديروه ليك..

نهى : الله اخييرااا غانتجمعو كامليين و نفرحوو بولادنا...

السيدة فاطمة : ياااارب جمع شمل عائلتنا و بارك لعرساننا ياارب

دخلات الخادمة كاتعلمهم ان الدكتور جمال جا و جاب معاه الحوايج السي رعد ...

رفعات نسرين راسها كاتشوف فيه داخل جار نفس الفاليزة للي كان خدا معاه رعد فاش كان غادي يدير العملية ..

وائل : اهلا بالدكتور جمال ..

الدكتور جمال : اممم شحال مرضي جييت مع الفطوور ديريكت..

السي عبد العزيز : جلس اولدي جلس تفطر معانا ..

نسرين (بهمس) : هذا مالو واش لا منا

!..

رعد(سمعها وناض بشوية كايضحك ليها ) : ههه نسرين نعرفك..

نسرين (بنظرة عبيطة) : بيمن ..

رعد : بالدكتور جمال .. الالة جمال صديق مقرب للعائلة .. جمال نسرين

دكتور جمال : نسرين المقاتلة و لا الكابتن و لا زوجة الامبراطور..

رعد : نسرين مراتي..

جمال : ههه متشرفيين السي رعد ..

نسرين(ناضت قبطات يد رعد بارتباك ) : اوه دكتور جمال كانعتاذر منك على البارح.. تخربقت بزااف مابقيتش عارفة الخيب من المزيان ..

الدكتور جمال : الله اودي نتي نقذتينا من ورطة كبيييرة و كاتعتاذري.. انا للي غانشكرك ملي ماتيريتيش فياا ...

شاف فرنيا شكون هاد الكتكوتة!!؟ .. و شاف فمهدي تبارك الله وجوه جداد..

نسرين : رنيا و مهدي خوتي..

جمال : متشرفيين.. غير ضربو و قيسو ماتكونوش بحال ختكم را خلعاتني البارح ..

نسرين : هههه ..

الدكتور : غير كانضحك تبارك الله علييك..

الكل بدا كايتكلم عليها و شجاعتهاا مفتاخرين بيهاا لكن ماشي اقل من رعد للي ماحيدش عينيه عليهاا.. كان كيشوف فيها بلمعة حب و فخر .. زاد شبك يدو فيدها و تمشى خطوة للقدام..

الدكتور جمال : اييه لحقاش عارفك غاتنوض على رجليك بحالا تاحاجة ماوقعات ..جبت ليك معايا هذااا.. جرو من عند الخادمة..

رعد : لا لاا .. مادرتش عملية فرجلي ...

الدكتور جمال (مد الكرسي المتحرك لنسرين) ممكن يا كابتن تسوقي براجلك.. و تاخديه فين ما بغا بهذاا...

نسرين : اها جا فوقتوو.. رفعات حجبانها كأمر منها شافت فيه ورجعات نزلاتهم للكرسي..

رعد : يعني بلا مانعاود الهضرة..

حركات ليه راسها بالايجاب..

فهد : الله يعز الحكام ...

وعد جات كاتجري بسرعة.. قبطات يدو و عاوناتو حتى جلس..

فاطمة : كوون جبتو ليه شي طاقية يديرها را البرد عليه..

رعد : باراكا غير هاد الفاصمة للي مدورين علياا .. وزايدون غانمشيو غير للجردة

نسرين: لا را البرد عليك براا..(شافت حتى هي راسها بقات ببيجامتها ديال البارح.. ) تسناني شوية وراجعة..

رعد : نمشي معاك..

بلا ماتعاود الكلام استئدنات منهم و دورات الكرسي غادة بيه .. للمكان للي دخلات ليه اول مرة معاه.. غادة بيه للجناح الخاص بيهم..

فتحات الباب بشوية و شرعاات عينيها فترتيب الغرفة للي كانت مبعثرة هذا شوية.. سبقاتو قدامها و دخلات بخطوات بطيئة..

نسرين : نلبس دغيا و نخرجو ..

رعد : اوك... (رفع راسو فالغرفة كايشوف فيها باشتياااق... قبل 5 ايام هادي كان هاز حمل فوق كتافو ... كان كايتوادع مع ارجاءهاا.. و فنفسو كايقول بلي عمرو غايرجع )

نسرين : فاش كاتفكر..

رعد : فوالو.. صافي بلاما تبدلي..

نسرين : علاش ؟!..

رعد : مابقيتش خارج..

نسرين : كيفاش..

رعد: بغيت نرتااح ماقدرتش نخرج .. ناض بشوية نزع المونطو عليه.. و حطوو...

نسرين : ياكما مريض نعيط على دكتور جمال ...

رعد : لاا.. غير نتكى غانرتاح..

نسرين : اوك للي بغيتي... بلاتي نقاد ليك الفراش..

بعدات الغطى من فوق السرير و قادات ليه المخاد ...

جلس بهدوء... حط ضهرو على المخاد و سرح رجليه بعد ما حيد البالطوفة..

نسرين : غاتحتاج شي حاجة..

رعد : لاا..

نسرين : علاش عيتي.. فاجأتيني..

رعد : توحشت البيت بغيت نعس فيه مرتااح...

نسرين (ترخااو ملامح وجهها بابتسامة) حتى البيت توحشك..

سمعات صونيت ديال بورطابلها..

نسرين : نمرة ديال المغرب..

رعد : جاوبي..

نسرين : الو .. ما إن سمعات الصوت حلات عينيها وفمها باستغراب..

نسرين ماتقطعييش ابنتي بغيت غير نقولك..

نسرين : الى بغيتي رنياا غانقولها اتاصل بيك.. و مهدي كاين معانا حتى هو غانقوليه يهضر معاك والى خصوك الفلوس غداا يكونو فالكونط ديالك..

الاب : لا ابنتي .. بغيت غير نقولك را فكيت ديوني.. و مابقى حتى حد كايتسالني شي حاجة... شكراا بزااف... الى كان ممكن خوتك بغاو يشوفوك..

نسرين : ماعندي خوت.. خوتي للي كانعرف راهم معاايا..

الاب : ماتقطعيش ابنتي.. واخة مابغيتيش تشوفيهم من حقك.. ولكن انا را توحشتك

واش مزال ماهداك الله تسمحيليا..

نسرين : ماشي وقت هاد الكلام دباا.. فاش نرجع للمغرب نشوفك..

الاب : را مهدي للي عطاني نمرتك اما ماماك مابغاتش تعطيها ليا..

نسرين : بسلامة قطعااات معااه و لااحت التلفون فوق الفتوي بغضب رافعة حاجب و منزلة حااجب... رعد هز يدو باستسلااام...

نسرين(حركات راسها بتساؤل) : مااالك ؟؟؟!

رعد : كون كانو شوفاتك قرطااس كون مابقا فيا مايتجمع..

نسرين : نعس .. انا خارجة نبدل ساعة بخرا..

رعد : مال حبيبتي..

نسرين :والو ..

رعد : نسرين كانسمعك..

نسرين (بحيرة) : باباا ... مصر يوريني ولادو للي من مرا اخرى..

رعد : شنو فيها.. حتى هما خوتك..

نسرين (بتأفف) : صااف ارعد مافيا مايتناقش و حتى نتا راسك ماصحييحش باش تسمع لتفاهاتي مع بابا..

رعد : فرحت ملي و ليتو كاتهضرو..

نسرين : راه بابا.. قدما طال الزمان غانهضر معاه..

رعد : يعني كانفهم من كلامك غاتسمحي ليه فاش نرجعو للمغرب..

نسرين قربات و جلسات حداه بملل...

فرااسك ارعد.. تهدييت بالمشااكل و بالخصاام و بهازة فقلبي من هذا و هذاك .. انا سامحت بابا من القلب و مرة مرة يعني فاش كايجي لعندنا للدار كانستقبلو و لكن مرااتو وولادو مابغيتش نشوفهم..

هادشي مكايعنيش بلي مانعة حتى رنيا و مهدي عليهم ...

رعد : مولات القلب الكبير خايفة تشووف خوتها وتتعلق بيهم .. ويولي بزز منها و على قبلهم تكلم ما باباها و مراتو.. تنهد بإعجااب.. باراكة ماثمتلي راسك صعييبة و قااصحة ونتي مكاينش حن من قلبك... دوراات عينيها بلامبالاة نعس نعس وليتي غير كاتخربق..

رعد : يالاه سيري.. خليني نعس..

نسرين : واش من نيتك.. غير قبيلة كنتي باغي تخرج...

رعد : دخلت لبيتك و جاني النعاس.. خاصك تفرحي را ماشي فاي بيت كايجيني النعاس..

نسرين : و جررب يجييك فبلاصة اخرى من غير بيتي..

رعد : عفا الله تووبة وتوبتيني...

نسرين : هكااك ...

سمعات شي حد كايعيط عليهاا..

رعد : ماشي صوت خديجة ..

نسرين : هو.. نااضت فتحاات الباب..

هاناا جااية خدييجة صبري...

رعد : مالها..

نسرين : هادي باينة بغاتني نصايب ليها شي عصير من يدي تبرد بيه جوفها هههه هاد الغوتة كاتغوتها غير الى شمات ريحة خوك...

رعد : كيفاش مال خويا..

نسرين : طلب الله ارعد الى خرجت كانتوحم مانكونش بحالها والا غانفررك نفرة ماشهد قبلها ولا بعدها التاريخ...

رعد : اش هاد التخربيق ...

نسرين : والله ماتخربيق كايقولو كلا و علاش جاه الوحم و انا باينة غايجيني عيك مابقيتش نحملك ...

رعد : يا انا ياا دااك الوحم.. اهااه فزغول جا البارح بغا يزااحمك فياا اناا

نسرين : شكون هاد الفزغول..

رعد : ولدنا..

نسرين : تايتزاد ابعداا و نتا من دباا جااتك الغيرة منو. .. و عنداك تصحاب الاولاد ساهلين.. ضروووري حبيبي ولدي مايكون سبق ليا من كلشي... (شافت فيه بنص عين لقاتو تززير و لا حمر جمع راسو و قاد الجلسة )

نسرين : و غانولي نسهر و نفيق معاه و ناخدو معايا فين مامشيت و يبقى ديما قدام عينياا.. ونعس حداه

رعد : ياك..

نسرين ؛ ايوا شنو را حبيبي هذااك..

رعد : حبيبك!!؟؟ ... عاود عااودي اش كلتي

طلقاتها بضحكة شريييرة... رعد غااار... هههههه غار رعد ويلي شووفو وجهووو .. هههههه رعد غرتي من ولدك للي باقي ماتزاد ..

رعد : لا ماغرتش.. وايلي نغير من ولدي ههه لا احبيبة لا..

خديجة(بتعب) : نسرييين حررااام عليك اختي..

نسرين : هئ... هاانا جااياا... خلاتو و مشاات كاتجرييي لعندهاا..

رعد : شنو gالت .. gالت حبيبها... (ضم يدو بحالا هاز شي دري صغير ) تولي تسهر معاه و تهزو و تgوليه حبيبي... وقتها كامل ليه و نتا اش بقا ليك ارعد.. بنااااقص باراكا عليا انا غير أسد ولدي...شاف راسو فالمرايا اش كاندير اناا فتح يديه سرحهم بالنفااااخة ولييتي كاتهضر مع راسك ارعد !!!

خديجة(جالسة فالدروج متنية على زوج وجهها شاحب حاطة يديها على جبهتها كاتطلع النغس بصعوبة ) : مات للي بغا يموت ونتي عااد جاي ااه ااااه..

نسرين : ويل الشيطان ياختي مالكي ..

خديجة : عتقيني بعصير د الفgوس و الخيار للي كاديري .. امم تشهيييتو باااارد ...

نسرين : هي الاولى اختي... اجي اجي ترتاحي فالصالون بينما و جدتو ليك..

خديجة (كاثلهت ) غانمشي بوحدي..

نسرين (بخوف) : اش وقع ليك ؟!.

خديجة : تحطمات نفسيتي اختي مرة نقرب من فهد مرة نهرب منو.. مرة كايعجبني مرة يبانو لي كتافو طايحين و داير ياربي تسمح ليا ماعيبتش خليقة الله.. بعد المرات كايبانليا بحال شي قرد..

فهد : ايياااه عطيني اختي نسرين البناان را حنا فصيلة القردة كايعجبنا بزاااف الى لقيتي تصايبي ليا شي عصير ديال البنان تاهو..

نسرين : هههه ماتديش عليها اخويا فهد را الوحم غلبهاا..

فهد : كون ماكنت بوكووص يبقى فيا الحال... ولكن خليها تقول للي بغات .. باراكا عليا ملي يجي ولدي كايشبه لياا..

خديجة (غلقات نيفها ) : مشي مشيي تاني ريحتك غيلفاتني... شوف احسن حل غانمشي عند ماما حتى يفوت وحمي.. بففف.... نااضت و خلاتو..

نسرين طمناتو بعينيها باش يتهدن...

ماتديش عليها اخويا .. را وحمها خايب ..

فهد : بزاااف على الصبر هادشي مكانتش هكاا فاش تزوجناا..

نسرين : وهانتا قلتيها بفمك... مكانتش هكا يعني الوحم للي بدلهاا..

فهد : ولات كلمة زوج الطلاق.. غنمشي لدارناا..

تخيلي سافرت المغرب الى ماصونيت ليها انا ماتسولش... واش الوحم كايوصل بنادم لهادشي.. ملي عرفتها حاملة و انا صابر 5 اشهر وهي غير ما زايدة...

نسرين : ماسبقليش حملت ولكن كايقولو فالخامس كايبدا يخفاف الوحم... مابقا قد مافات و ترجع المياه لمجاريها غير صبر...

فهد : يكون خير اختي.. هانا غانمشي للخدمة عافاك ردي ليها البال لا تهز راسها لشي قنت..

نسرين : هه ماتخاافش .. نصايب ليها غير عصير يكالميها ونبقى معاها..

فهد : الله يعاونك..

خرج و خلاها غادة للكوزينة... كاتضحك على الوحم و هبالو تفكرات شوفات رعد فاش جاتو الغيرة منزولدو للي مزال ماتزااد... كملات فضحكها ... عكس خديجة للي غادة جاية فبيتها و تبكي.. ماعرفات تبقى و لا تمشي ... لكن الحل كايباان قريب منها ... هزات حقيبة صغيرة صايبات فيها حوايجها و قادات شالهاا .. كاتمسح فعينيها برفق... فتحات المجر جبدات دفتر و ستيلو و جلسات كاتبكي و تكتب..

م .. ماعرفتش منين نبدا و لا شنو نقول ولكن للي متأكدة منو هو مابقيتش باغاك ... مابقيتش قادرة نصبح عليك و نسمعك صوتك ... بعض المرات كانلقى راسي متناقضة فكلامي لأن نتا للي شاغل تفكيري طول الوقت.. و الى غبتي عليا كانشتاقك.. مابقيتش عارفة فين انا وشنو باغا .. هذا علاش غانمشي نرتااح عند ماما حتى تفوت هاد الفترة و ان شاء الله يكون خير بيناتناا ...

كممش الورقة و لاحها حدا رجليه كان جالس فالكرسي للي كانت جالسة فيه فاش كانت كاتكتب الرسالة سهى بعينيه الزرقين للفرااغ كايتذكر ايييام زمان

《فلاش باك 》

قبل ثمانية سنوات و بالظبط فاليوم للي اعتقلو البوليس اليازيدي و معتز من قصر الامبراطور... واقفة خديجة من وراء سيارة فهد كاترتاااجف كلهاا ... محاولة تمسك اعصابهاا وتسيطر على شعورهاا ... لكن صدمتها كانت قوية ...

ك سيدة اعمال ناجحة و قوية كاتمشي كل شيء فحياتها بالتخطييط.. حتى الانتقاام كانت كاتخطط ليه بدقة.. لكن ماحسباتش حسابو انه غايكون قرييب قرييب لدرجة تشاهد الآن عمهاا كاينال الجزاء ديالو هو و معتز .. بالنسبة ليها هاد الاخير مكانش ولد عمها وصاف و إنماا صديق طفولتها و مراهقتها و خطيبهاا بهذا كايوضاح انه حب حياتها ... شعورها مكانش بالخيانة فقط لأن حبها ليه و قلبها الكبير كان غايسامحو حتى اذا خانها مع وحدة اخرى.. لكن إحساسها كان جد مختلف عن جمييع الاحاسيس... و كيف قلبها غايكون بعدما اكتشفت ان للي بغات كان كايبادلها حب مصلحة ... ان للي بغات قتل باها بدم بارد ... ان اللي بغات استغباها بكل ذكااء...

دمر عائلتها انهى حياة باها و صاب أمها بشلل نصفي..

...

اصعب شعور انك تحس براسك ضعيف من الداخل...لحقاش خانوك اقرب الناس ليك ...

كل شيء جاها غرييب الطريقة باش خارج عمها منهازم و المجرم ديال معتز حادر راسو... اااه هاد المشهد كانت واقيلة غاتشوفو فاش كاتضفر الشيب... لكن مع هاد الناس للي حط ربي فطريقها

... اصبح حلمها حقيقة... ربت فهد على كتفهاا بأمان..

فهد(باطمئنان حساتو فصوتو) : ماتخافيش كلشي فصالحناا..... يالاهي نوصلك ..

خديجة(بصوت كايترعد) : يعني غاتبان الحقيقة.. المجرم للي قتل بابا غايتسجن...

فهد : كوني متأكدة...(فتح ليها الباب ديال الطموبيل ) يالااهي نووصلك عند ماماك ... غاتكون مشغولة عليك ..

خديجة : شكراا شكراا على كلشي السي فهد.. بلا بيكم ماكنتش عارفة شنو غاندير

فهد (هز عينيه شاف فيهاا و رجع ابتااسم بخفة) مابيناتناش..

وقفات حادرة راسهاا و مشبكة يدهاا بارتبااك الى طلبات منو يخليها تمشي فطاكسي غايغضب تاني كيف ديماا ... و الى طلبات يستعيرها سيارتوو غايحسبهاا مغرورة و معقدة لكن فالحقيقة عمرها ما اختلت بشي واحد.. عضات على شفايفها كاترمي الخطوة و ترجع بارتبااك للورااء...

فهد(لااحظ توترهاا بسرعة نطق ... ) : اووو ختي وعد تعطلاات داير معاها نوصولوك و نمشيو عندنا شي شغل ... بلاتي نصوني ليهااا...

خديجة : ااه اوك ملي غادي تجي نركب انا اللور..

فهد : اوك.. فتح ليها الباب اللوراني و ركبات..

فنفسها بااينة لاحظ التوتر ديالي .....

جلسات لحظاات كاتدعي فنفسها يفك هاد المشاكل لي بقاو على خير حتى فتحات عليها وعد الباب..

وعد (بابتسامة حنينة) السلام.. انا وعد خت فهد..

خديجة : متشرفين انا خديجة (شافت ففهد)

فهد : خديجة اليازيدي

وعد : عرفتها.. عرفتها.. حبيبة فترة صعيبة لكن ان شاء الله تهون ...

خديجة : شكراا...

دارت وعد للجهة الاخرى و ركباات فالطموبيل... تقريبا فصمت .. كل واحد شارد فمشاكلو وهموماا... خصوصا ان المشاكل تصادفات مع ابن رعد .. من كثرة التفكير ماحسوش امتى وقف فهد قدام الباب الرئيسي.. ديال الفيلا ديالهم...

وعد : وصلناا..

بخفة هزات خديجة راسها كاتبان ليها الفيلا.. و الحرس فاتحي الباب..

خديجة : دخل..

فهد : لا نمشيو..

خديجة : وعد اول مرة تجي عندناا.. غاتفرح ماما الى شافتها

وعد : ممم القضية فيها ماماك .. ندخل نشوفها...

فهد حرك الطموبيل و دخل للداخل.. ماحساات خديجة امتى نزللااا من الطمووبيل...

خديجة : واش نقولها الحقيقة.. نعلمها بلي .... مزال ماكملات كلامها سمعااات صرااااااااخ جااااي من الصاااالوون ... مشاات خديجة كاتجري تبعاتهااا وعد و فهد للي خررررج عينيه فاش شاف الام واااااقفة على رجلييييهااااا بصددددمةة... كااتحررررك فالممرضة .. تقبطووو المجرمييين تقببببطوووو ....

خديجة : مااما ماا مااا وقفتتتي على رجليييك و قفتي... نزلاات ماماها عينيهااا لرجليها كاتشوف فراسها واااقفة من كثرة التعجب طاحت على الكرسي... غايتخاد حق باباااك...

فهد : و كاااتكككلم...

وعد : شنو بيهاا

فهد : كانت فصدمة..

خديجة : كاانت فصدمة ملي مات بابا تشللاات مابقات كاتكلم و لا كاتحررك... و ل وللكن شوووفي ممااما وقفاااات كاتبكييي و كاتتتمسسسح فدموووعهااا و كااااتكلللم بارتباااااااك ماماااا وقفااات ...

وعد(شافت فالممرضة للي مقابلاها ) : يالاهي معاايا ناخدوها ترتااح

الام : انا مرتااحة ... ملي تقبطو المجرمين و غايتخاد حق راجلي انا فرحاانة...

بقات معاها وعد.. فحصاتها و كاتهدئ فيهااا.. كيفما خديجة و فهد شرحوو ليها كلشي بالتفاصيل .. و هاهما خارجين من غرفتها غادة معاهم خديجة للباب..

خديجة : ماعرفتش كيفاش غانشرككم و لكن وقفتكم هادي دين علياا..

فهد : ماتقوليش هكاا.. نخليوك دبا ارتاحي و تصبحي على خير... و غدا غاناخد ماماك و ناخدك باش تشهدو...

شافت فوعد...

وعد : ماشي مشكل ماماك حالتها الصحية مزيانة..

خديجة : اوك..

فهد : ااه و نساااي الخدمة حتى تفوت هاد المشااكل و رجعي ليهاا..

خديجة : شكراا

خلااوها و مشااو .. رجعات لحضن ماماها كاتبوس و تععنق فيهاا مامتيقااااش بلي رجعات ليها ماماها...

من ورا ماعطات افادتها هي وماما و رائد قدم للشرطة جميع ادلة الجرائم الشنيعة للي كانو كايرتاكبو.. بعد شهور قليلة تحكم اليازيدي و ولدو ب35 سنة اخييرا خرجات رافعة راسها بانتصااار من المحكمة ووقفات قدام الصحافة خارجة بتصريح لكاع الاحداث للي وقعو

فديك الفترة ربطاتها علاقة قوية بوعد لحقاش كانت دائما كاتجي تراقب صحة ماماها ... لكن قليييل فين كاتشوف فهد .. عارفة من وعد ان الوضع جد مأزم فالقصر لحقاش نسرين هربات مع خوتها ورعد مرييض... افراد العائلة مهمومين بابتعاد نسرين عليهم و ليليااا بالرغم من هادشي ماقاداها فرحة... مكان حتى نهار كايدوز هاني ... خصوصاا الى ذكرو نسريين ... من فرط غيرتها منها كاتخاصم مع كلشي و فاش تشوف رعد دير راسها الضحية ... ففترة نقاهتو ساافر و بعد من القصر فخطرة ... فهد تشغل بالخدمة و بهاد المشاكل حتى مابقااش كايجي يشوفهم... و حتى فالشركة مخلي الحمل عليها بوحدهاا...

كايتشاوفو فاش كايبغي يقرا الاوراق او يسني عليهم...

لكن فاش شافت مها ماقادرااش تبقى فالفيلاا و ان كاع الذكرايات الحزينة مجموعة فموسكو.. انتقلات بيها من المدينة لمدينة اخرى... وخلاات راائد مكلف بشركااتها كيف ما طلباات من فهد عطلة مفتوحة .. ماعرفاتش علاش استجبات لفكرة امها ربما حتى باش تهرب على فهد و ماتبقااش تفكر فيه ... مابغاتش توقع فغراامو مخااافة من شي صدمة كبيرة بحال اللي فاتو... ... فكل مرة ف شهرين كاتجي تشوف الاوضاع و ترجع حساات براسها ولا مرتااحة اكثر ملي بعدات من موسكو ...

فاش كملات 4 سنين او بالاحرى فاش مات رائد رجعاات لمدينتها كرئيسة للشركات للي خلات فامانة رائد ... ماشي بوحدها رجعات حتى ماماها ولات خدامة معاها.. اول مرة بعد ما دازت هاد المدة الطووووويلة غاتزعم وتسول فهد

خديجة : فراسي وعد و سعد تزادو عندهم وليدات ماقدرتش نحضر مبروك عليهم...

فهد : وانا كانعزيك البركة فراسك من جهة رائد ...

خديجة (بأسف) مامشى معاك باس

(حطات الاوراق على جنب وشافت فيه ك صديقة ) فهد ماالك !؟ ..

مسح وجهو بتعب.. وشاف فيها سمحيليا مابقيتش كانسول فيكم ...كيدايرة خالتي..

خديجة : الحمدلله بخير ..

فهد : فرحت ملي رجعات خدامة فالشركات و مزيان ملي رجعتو لموسكو.. ابتاسم بخفة.. شنو باغا تجبدي معايا موضوع خطوبتك ولا زواجك..

خديجة: فنظرك وحدة بحالي غادي تزوج..

فهد : الف واحد يتمناك..

خديجة : لا .. انا انا الخدمة ديما شاغلاني.. و ماكانفكرش فالزواج باراكا تجربة خطوبة و دازت.. ونتا..

فهد ونتا واش لاباس عليك !؟

فهد(بتعب ) : نو .. نوو انا ماشي لاباس...

خديجة : علاش..

فهد : شنو كاتعرفي على حياة التوأم.. ؟! ..

خديجة (باستغراب ) كايحسو ببعضياتهم ..

فهد : وشنو كايوقع فاش كايكون واحد فيناا عندو مشكل

خديجة : رعد باقي مريض ؟!

فهد (شاف فيها و دمو كايغلي ) : رعد رعد باش ينقد حيااة ولدو و ليلياا عطااا راسو على طبق من ذهب للموساد... واااش بعقلوو هذاا.. ملي مشااا مابقينااا عرفناا عليه تاخبااار gلبي كانحس بييه كااايتعععصر دمااغي مابقاااش قادر يخخدمم... سعد واقف بزز عليه .. وعد غير مرمية و كاتبكي.. خونا بعيييد عليينا ماعرفنا شنو وااقع ليه .. وااش واااكل واش ناعس شنووو بييه... و كيفاش غايكووون وهو وسط عدييانو... عرفتي الى وقعاات ليه شي حاجة غانهبببل ..

قربااات بلاما تحسس شدااتو من درااعو.. ان شاء الله غاتعرفو طريقو فالقرييب ان شاء الله يكون بخير و دعواتكم حافضينو.. عفاااك رخف على رااسك شووف خود فترة من الخدمة انا غانخدم فبلاصتك و نتا ارتااح...

لقات نفسها كاتهرب منهاا لييه.. غابت طول هاد السنين بااش ترجع توقف معااه ماخلاتو ولو للحظة.. كانت فجنبو فالخدمة و فالدار و فالليالي وقفات معاه فحزنو و كأنها موو.. اكتشف فيها انها حنينة واخة كاتخبى برداء القصوحية و كاتحاول ماطيعش قلبها فبزااف دالاوقاات .. لكن كانت بالنسبة ليه الطريق الوحيد للي كايلقى فيه راحتو كان فكل ليلة كايجي عندها مثقل بهموومو و كايرجع فااارغ مرتااح مطمئن البااال... الايام كاتفووت و كايتولد بيناتهم إدماان .. كانت فكل ليلية كايتعطل عليها كاتنقصهاا شي حااجة حتى كاتبان ليها طموبيلتو داخلة مع باب الفيلا عاد كاترتاح و كييف العادة كاتنزل تجلس معاه فالجردة... يعااود ليها كل مافقلبو ويرجع... الى ان عثرو على رعد .. و دخلوه للمصحة و تشافى من الادماان...

خديجة يمكن كاانت لمعة عينيها بالدمووع للي حابساهم فجفونها اقوى من لمعة عيون فهد من الفرح وهو كايعاود ليها بلي رعد تشافى و نسرين خدمات و أسد بخير ملي شاف باه و جدو مابقاش مريض كيكاان... كايعاااود ليها على امورو كاتصلح و كأنو كايفهمها بلي مغايبقاش يجي عندهاا و بلي صافي ارتااح دبااا...

خديجة (بنبرة حزينة ممزوجة بالفرح وبتنااقض ) فرحت ليك بزاااف ههه فررحت ملي تحلات اموركم... طاحت دمعة على خدهاا تبعووها دموع...اهئ ههه هادو دمووع الفرح... فرحتت لييكم مزييان دباا حتى نتااا غاااترجع لخدمتك و ماتبقااش تغيييب ههه مزيااان

فهد : تقبلي تزوجي بيااا...

كااانت كاتبكي و كاتضحك و كاتبلابلي بلاما تفهم شنو تقوول ... لكن بعدما سمعاات هاد الجملة شافت فيه بصدمة...

فهد : خديجة تقبلي تزوجي بياا... تقبليي!...

خديجة : كاتضحك عليا ولا شنوو انا ويااك غير اصدقاااء و الى حسيتي بكثر من هاكا راك غاالط انا ماشي الهدف ديالي تزوج بيااا...

فهد : و انا الهدف ديالي نتزوج بيك...

خديجة: تصبح على خير

خلاتو مشاات كاتجري... داخلة للدار..

فهد : علااش ماابغيتيش تزوووجي بيياا .. وقففي... علاش هااااربة هاا...

دخلاات لبيتهااا شادة قلبهااا بصدمة كاتشوف فالحييط وااش بصح شنو سمعت ... بغا يتزوج بيااا بلعاات ريقها وباش جاوبتو اناا ... هرربت ههرربت...

ديك الليلة مانعسااتها لا هي ولا هوو.. كاان حااير كايفكر فالسبب للي خلاها ترفض... اما عنها فكانت مافاهماااش شنو دااارت الشخص الوحيد للي نساها الماضي و للي بغات من قلبها رفضااتو بكل غبااااء...

صبح الصبااح علييها غير كل الاياام و السنين للي فاتو .... كاتفطر مع ماماها فرحااانة.. و كاتضحك على اتفه الاشياااء .. هزاات حقيبتهاا و خرجااات معاها .. متجهين للعمل...

خديجة ( خرجات الطموبيل من الكراج صايقاها ) : ماما غانمشي معااك ليوم للشركة..

الام : و شركة فهد...

خديجة : فهد تحلو مشااكلو و غايرجع لخدمتو بمرة ...

الام : خدييجة عندداااااااك ... بسرررعةة عفطاااات عل الفراااان... و نزلااات مصدووومة مع ماماها ف فهد للي جااالس بطلاقة مربع رجليه فالطريييق و هاز guitaar...

شافت فماماها بخجل ووبطئ رجعات شافت ففهد كاتبعد فيه بعينيها باش ينوووض

لكن فهد نطق وصباعو كايلعبو فالكيتار بلامبالاة لا لماماها ولا للحرس ولا للناس للي مخريجن طموبيلاتهم من ديورهم

لأقعـدن على الطـريـق وأشتكي

وأقـول مـظـلــوم و أنت ظـلمـتـني

ولأدعون عليك في غسق الدجى

يـبـلـيـك ربي مـثـلـمــا أبلـيـتـنــي

يا من هــــواه أعــــزه وأذلـني

كيف السـبـيـل إلى وصـالك دلـنــي

تركـتـني حيـران صـباً هــائمــاً

أرعى النجوم وأنت في عيش هني

أنت الذي حلفتني وحـلـفـت لي

وحـلـفـت أنك لا تـخـون وخـنـتـني

وحلفت أنك لا تميل مع الهـوى

أين اليـمـيـن وأين مـا عـاهـدتـنـي

عضااات شفاايفهاااا بصدمة مامتيقاااش شنو كاتشوف جالس بثقة كايعزف فالكيتار و كايغني بصوت عذب كاينطق فالكلماات و كأنهم مكتوبين خصيصا ليهم.. كل حرف نطق بيه دخل لاعمااق قلبهاا... رفعات عينيها كاتشوف فماماها مشبكة يديها بزوج فبعض و مغمضة عينيها مستمستعة بالموسيقى و مبتاااسمة حتى سالا الاغنية... حط الكيتار ووقف...

فهد(جبد الخاتم بدون بروتوكول و قرب منهاا ) : تزوجي بيا ..

خديجة (رفعات عينيها بفرح و حركات راسها بالايجاب مبتاسمة ) : اوك..

الكل بداااا كاايصففففق عليييهم حتى ماماهااا كااانت غاطير باافرحة كيف لا و هي عوض ليها ربي بنتها براجل تحلم بيه كاع البنات... ركب لهاا الخااتم وعنقهااا بلامايشووف واش تبغي ولا لااا.... حسااات براسهاا غااطييييح فأي لحظة خرجااات عينيها وهي بيين درررااااعو مغلفها بيديييه بزووووج... حاولااات تههههرب منو لكن ماتفكااات حتى قبببل جبهتهاااا بقا طعم شفااايفو فجبهتهاا حتى جااو عائلتو فالليل خطبوهاا... بعدما تكلمو و اتافقو طلبات منهم خديجة مايديروش العرس احتراما لروح ليلياا ..

مرت الايااام دارو حفلة صغيرة بين العائلة كتبو كتاابهم و سافرو لدبي .. باش يدوزو شهر العسل...

اقاام الصلااة بسرعة لبسات عبايتها بلاماتنشف شعرها و صايبات فولارها جاية من وراه كاتصلي..

صلى زوج ركعات و سلم و تبعاتو سلمات وراه..

دار الدعااء رفعات يديهاا و دعات حتى هي يبارك ليهم الله فزوااجهم... دار عندها بشوية شافهاا كانت حالة فمها فييه مع لمحاتو دورات عينيها و سداات فمها...

فهد : شكون مراتي !؟...

خديجة(رجعات شافت فيه) : انا..

فهد : و شكون حبيبتي..

خديجة : انا

فهد : و شكون غاتكون ام ولادي...

خديجة (عضات شفايفها و شافت فيه ) اناا (حشمهاا بنظرااتو قرب ليهاا بهدووء .. طبع قبلة على خدهاا الاول .. واخرى على الثاني ... و طلع بشفايفو لجبهتها... قبل عينيها بزوج... وقبط يديها بحناان باسهم..

فهد : كانبغيك

خديجة : و غانبقى نبغيك حتى لآخر يوم فحياتي..

طبع قبلة طوييييلة على شفاايفهاا الورديين قبلة فتحاات ابوااب ليااليهم المشتركة.. احسن اييااام دازو من عمرهم.. قبلة فتحاات باب حب كبيير تواااعدو انه غايبقى للنهااااية...

《نهاية فلاش باك 》

على الذكرى.. وقف فهد الآاان معارفش فين يمشي يقلب عليهاا.. واقفة نسريين قبالتو هازة كاس ديال عصير دالخيار فيديها مافاهمة وااالو... حتى صونات امهاا السيدة زينب كاطمن فهد بلي بنتها عندهاا و را اتاصلات بالطبيبة ديالها قرب يزيل عليها الوحم .. غير يصبرر شوي...

فهد : صافي راها بخيير عايشة الحيااة عند مهاا... و اناا...

نسرين : حتى نتاا غاتعيش الحياة فاش يحيد منها الوحم و تشدو ولدكم بين يديكم.. غير تهنى افهد.. مايكون غير الخير.. را تلقاها تاهي كاتعذب.. هاد الكلام للي بقات كاتردد فييه حتى سالات الدروج مع فهد هو داز من هنا و هي اتاجهات لبيتهاا هازة فيدها كاس دالعصير...

فتحااات الباب لقات رعد فاايق شااابع نعاااس كاايتمحص بيديه بزووج محاول على راسو...

نسرين : هااا هااد الكاس دااار حتى عياا و فاللخر طلع من نصيبك.. خود شرب..

رعد : بسم الله.. نزززل عللييه دقة وحدة..

نسرين : مافرااسكش خديجة خلات فهد .. مابقااتش حاملة فيه الشعرة قالتلك كاايغيلفهاا خلاتو و مشاات عند ماماها.. حط الكاس فوق الطابل دونوي و جبدهاا عندو مدور عليها دراعو بزوج... سكتااات كاتشوف فيه اش بغا يصنعع و هي كاتحسس بحتى رجليه جامعينهاا بقوة

رعد (رفع حجباانو كايستناها تكمل كلامها ) : هي خديجة خلاتو !؟...

نسرين(عاد ردات البال لراسها دغيا كملات) : اااه نااري جاها الوحم صعيب شفتي كون ما فهد عقلية وااعرة كون وااطلقها... خرجات بلا شواارو ..

رعد (قرب وجهو لحدا خدودها) : اناا را خرجات بلا شوااري 8 سنيين و ماطلقتهاش عند بالك للي دخل لعائلتنا كاايخرج بسهولة... دور راسو جنب و حط شفايفو على عنقها... هممم عند بالك دخول لحمام بحال خروجو...

كاتحس بكلامو كاايتسمع ززززززززززز فعنقهااا لحيتو الرطبة كاتقرصهااا و صوووتوو كاايههززز قلبهااا بحالا ضربهاا الضوو...

بغااات تبعد عليه و ولكن مدور يديه و رجليه عليها بحالا مربع و خاشيها وسطو بقوة...

نسرين : س س سَيِّدي الامبراطور ..

رعد : همم (زاااد زلزلهااا... ماشي غير عنقهاا كلهااا تبووورشااات )

نسرين(بالسيف قادرة تجمع الكلماات بصوت خاافت نطقاات ) : شمن نوع من العذاب هذاا.. هاا قالتلها بطريقة سخفااااانة.... مع رخف عليهاا طاااحت على صدررووو داااايخة .....

طاحت على صدرو سخفاانة كاتسنشق عطرو و كاتحسس بصباعها التزنزيل للي ف عنقها الناعم ... غمضااات عينيهاا و تنهدااات بعمق فصدرو بحال شي بيبي حاضنهاا و كأنه خدرهاا بحركااتو... كايشوف فيهاا بعوينااتو الزرقين راسم بزاوية فمو ابتسامة كايحاول مايبينش بلي كايضحك عليهاا... نفسهاا كاطلع و تنزل بصعوبة .. حط يدو الضخمة جمعات وجهها كامل بعد شعرهاا على خدها برفق.. وبصوتو الرجولي الخشن نطق ..

رعد : نسرين..

بجهد مقطوع.. همم...

رعد(مفاهم فيها والو) : نعستي..

نسرين : فاايقة ا روحي.. فايقة...

رعد : مالكي!؟..

نسرين (رفعات و جهها وفتحات بشوية رموشها

الذبلانين ) كانذووب ...

رعد شرع عينيه ...

نسرين (فيكساات وجهها فوجهو ) : كانذووب فيك... ....

رعد(رفع رااسو ضحك حتى بانو سنانو ) : هههه سكرة

نسرين(تنهدات و رجعات تكات عليه) : ضحك علياا... ضحك.. لكن هدوءها دغيا تحول فزع فاش سمعااات الدقااان تبعو صوت رعد بلامبالاة كايقول دخل..

نسرين : لاااا بلااااتي ... نااضت من فوقوو كاتقااد فشعرهااا و فحوايجها للي كانو مخربقيين.. سمعات

صوت أسد نطق .. واش ندخل ؟!..

نسرين : اوه أسد دخل اولدي دخل..

فتح البااااب و لمعو عينيييه بفرح فاش شاف باباه ...

أسد : باااااباااااااا 😍😍😍... وقققف بضع ثواني مستغرب لرااسو.... ماال باباااا... ؟؟!..

رعد : باباك .. لاباس عليه اولدي غير جرح بسيط دبا يبراا..

أسد ( قرررب عندو بحزن كايترقب الفاصمة ) : شنو وقع لييك

رعد : كيغادي مع القرايا..

أسد : مزييان جيت انا الاول فكاع الامتحانات..

رعد : ممم برااافو..

أسد : تووحشتك بزااف و بغيت نبقى معاك.....

رعد : هانا معاكم اولدي...

أسد : شديناا العطلة ..

رعد : علااش شكون عطاها ليكم !؟؟...

أسد: عمو صهيب.. لحقاش مشغولين بتوجاد العرس ... غايكون فاللخر ديال الشهر...

رعد : صافي قررو امتى غايكون ..

أسد : اه..

نسرين : واااو توحشت نحضر لشي عرس😍😍...

أسد : و نتوما ماغاديروش عرس !؟...

رعد : لاا مااشي دباا...

نسرين (تحولو ملامح وجهها لغضب ) لا احبيبي ... مغانديروش حنا العرس اصلا مامكتابش لينا نديروه ...

رعد : غانديروه ولكن ماشي دبا حتى يفوت عرسهم...

نسرين : ااه غانديرو فاش يولي أسد راجل ويبغي حتى هو يتزوج و فاش و لادي يوليو طول مني... وي غانديروه اولدي فاش نشد العكاز

رعد(رفع فيها عينيه باستغراااب ) : بغيتي نديروه معاهم ؟

نسرين : اصلا واتزوجنا و للي عطا الله عطاه..

رعد : يعني مابغيتيش نديروه...

نسرين : كون بغيتي ديرو كون وادرتيه..

رعد : ادباوااش بغيتي نديروه ولا لا

نسرين : دير للي عجبك المهم نتا رجعتي ليا بالسلامة ...

رعد (ستغغغرب منها كثر ) ههه ومالكي كاتgولي فيها بالنفاخة ... اصلا انا مريض مانقدرش نديرو دبا... حتى نبراا

نسرين : الله يشافيك...

يالاه نمشيو نتغداو..

أسد(شاف فيها باستغراب ) : واش تقلقتي !؟؟..

نسرين : لا احبيبي علاش بغيت نتقلق.... (كاتقاد الكرسي لرعد باش يجلس فيه.. ناض بشوية و جلس بلامبالاة كايضحك عليهاا..عارفها تقلقااات واخة مابغاتش تبين لكن ملامحها فضحووها... مع جلس كسيييييراااات بييه..

رعد : غااتدوخي اصلي بشوية علييك...

نسرين (رجعات رخفاات ) : هاناا غادة بشوية ...

أسد : ماما نسرين صاافي انا نصوق ببااباا..

رعد : عارفة اولدي راها عاارفة تصووق غير من فقصتها بغاات تكركبني...

نسرين : شحاال فيك ديال الطبوحيط ... صايقة بيك و مزاال كاتنgر..

رعد : هاانا انصووق بكم بزووج ...جبدهاا من يديهاا جرررها لعندووو وجرر ولدووو.. جلسهم بزوح فوق ركاابيه

نسرين : رصااا اش كااادير را غير كرسي عنداك يصحاب ليك لامبرغيني...

( كليلكا على الزر حتى ولا كايمشي لكرسي بوحدو فاي اتجاه بغا... )

رعد : عننننعنعنعنعنعننننننن....

اسد : هههههه باباااا غااانطيييييييح هههههه

نسرييين شعرهااا كاايطير فالهوااا... رععععد غااااتكركبببنييي وييييلي علشووهة دبااا تشووفناا و عد ولا وااائل.... رعععددد... مكااااتحششمششش دبااا تجيبهاا فراااااسك رعععد

غااادي و كايزيكزاكي بييييهم... الخدم كاايضحكوووو

نهال كانت جاااية مع سعد مع شافهمم جاايين طايرين بالكرسي تفرشخو بالضحك...

السي عبد العزيز كان جاالس مع السيدة ليلى و فاطمة و نهى و رنيااا فاش سمعو ضحك الخدم دااارو كايبااان ليهم رععد مكسيريي و شاد نسرين بقوووة... هي للي كااتغوووت و كاتفرركنن باش تهبط... مااحدها حتى وقف قدااام الطبلة للي جالسين فيهاا

رعد : نزلي على سلاامتك... وقفااااات سخفاانة بحالا نزلات من شي موطور...

نسرين(كاتحزم فبينوارهاا) : غرااام دالعقل ماعنددكش..

السي عبد العزيز : هههه... حتى انا غانهز الحاجة و نضرب بيها دويرة ...

أسد : اااه اجدي دووورة واااعرة...

السي عبد العزيز : ولكن باباك خاصو يتكاايس على راسك اولدي

...

نسرين : قولوهاا ليه را مكايسمعش ...

وائل(تاابعو كااايجري مع شاافو وقف بدا كايصفق فيديه ) : تبااااارك الله على السي رعد داااير ليااا سبااااق الدراااجات هنااا ... نتااا خااصك ترجع للسبيطاار ماتبقااش هنا... ممنووووع عليك

السيدة ليلى (من نيتها مسكينة) لاااا ياااواائل آخر مرة بيعمل هالحركااات رح ينتبه عحاالو كثثثثيير منييح... لا لا دخلك لا تاخدو لمطرح بعيد عني

وائل : هههه اراا لياا داك الرااس نبوسو الميمة الحنينة .. ماتخافيش رعدك غايبقى معااك ... (باسلها راسها و قرب ليها رعد حضنهااا بحناان)

رعد : جييت يا ستي و مابقيتش غانمشي مرة اخرى.. وغانبقى معاك حتى تمللي مني...

السيدة ليلى : لاا ياابني رح تضل معي لحد ما القصر يمليوه اولاد ولاادك.. موهيك يا ستي ...

رعد : ان شااء الله...

سعد : اوووهووو اتافقناا امتى موعد العرس...

فاطمة : لا حسااك اولدي حتى نخطبو ليونس و محمد و

..و ديك الوقيتة نتاافقو على موعد العرس..

نهى : اه خاصناا حتى نشوفو امتى بغاو عائلات العرايس العرس...

السي صهيب : عالعموم غايكون فنهاية الشهر..

يونس : مع السنة الجديدة ..

نسرين : مبرووك عليكم ايونس و محمد ..

محمد: الله يباارك فيك..

نسرين : واش مراتك ايونس حتى هي طبيبة ؟!..

يونس : ااه معانا فالمصحة نهار الخطبة تعرفي عليهاا... غاتعجبك..

رعد : صافي غا عجبااتك نتاا اتعجبنا تاحناا..

يونس : نتاا سكناا بسبب عطلناا خطوبتناا..

رعد : واايلي هاد رعد خربق ليكم حياااتكم هااهو استقر..غير باليو

.. اجي و نتا امحمد ...

محمد : حتى انا مراتي خداامة معايا

السي صهيب : صافي تزوجتي بيهااا اولدي...

محمد( حن حن بخجل.. ) بغيت نقول خطيبتي..

سعد : فيين خطبتيهاا..

محمد : يالاااه هاحنا بدينااا.. مادورونيش يااه ..

فاطمة : تفرقوو لياا على ولدي خليوه فالتقار..

رعد : ههه الله يكمل بالخيير ... وعد وفهد و مراتو فيناهما ؟!

وائل : وعد خدامة و فهد ماعرفتش ..

محمد : غايكون مع مرااتو كووولو قتلتوونا بالهضرة بلا فايدة..

السي ياسر ..: ههه يالاه اسياادنا بسم الله...

***بعد مرور عشر أيام *** ..

31 دجنبر نهاية الشهر و السنة.. بالضبط نهار قبل العرس الكبيير.. بعد ما خديجة خفااف عليها الوحم و تكلماات مع فهد مشتااقة ليه تصاالحو و اتاافقو حتى هما يديرو عرسهم من جديد.. العرس للي كايوجدو ليه جمييع افراااد العائلة .. كان حتى حد مامساالي الكل مشغوول بحفل الزفااف الضخم للي غايحضر ليه البعييد و القرييب .. خبرااء الديكور كايقومو بالتجهيزات الاخيرة و مسؤولين الكهربااء كل واحد فين واقف.. كايجربو فالاضوااء.. حتى لابيسين خوااوه بين ما صايبو البروجكتور ... دااخل القصر و فقااعة كبييييرة بيضااء فارغة من الاثااات يوجد بها فقط فتوووي مموج ... جميع جدراانها على شكل خزانات زجاجية معلقين فيهم فساتين الزفاف .. جدار واحد لاصقة فيه مراياا شادة عرض و طول الحائط..

خرجات وعد بفستان ابيض سندريلي كماايمو مزيرين مزخرفين بدونتيل شاد الكتاف و الضهر... جاي مزير حتى للخصر و مفخفخ كاااااامل بشبكة بيييضة... خارجة بشوية كاتشوف نفسها من المراياا... جمالهاا الناعم .. عيونها الزورق و خصلات شعرها الذهبي .. شفايفها المملوءة و خدودها الموردين تمااااما كالاميرة الحسناااااء..

جميييع البنااات رفعوو راااااسهم فيهاااا بإعجااااب وااااااااااااااااااااااااو.. ... جييييتييييي غزااااااالة فنة فنننة فننة

وعد : واااااو فستااان الفرح عندو هبة حتتتتى نتووووما جيتوووو كاتحممممقوووو...

نسرييينن : اااااااححح عليييييكم كاااتبانو بحال الفرااااشاااات حممقتوووني ... تحت الموسيقى للي خدمااات بداات كادوور فييهم وحدة بوحدة تسيلفى مع هااادي و لووووخرىىى... تعااانقو كااملاااات من كثرة الفرحة و تجمعوو كايرقصووو

****في جهة اخرى من القصر ****

واقفيين الحررس للي كانو اصلهم غربي ... عندهم الخدمة بززااف كيف لا وهما مقابلين الخارج و الداخل العمال و الخبرااء و حافظين وجه كل واحد دخل للقصر...

وقفو زوج خادمات شابات معاهم كايضحكوو مرجعيين من عندهم بلاطويات الكوتي... حتى هزو واحد من الحرس قرعة ديال الشراب.. مدها للخدامة وتكلم بالروسية..

الحارس : عفااكي حطي لينا هادي فالثلاجة تبرد .. ليوم بغينا نسهروو..

الخدامة (بفزع) واااش مافرااسكش شراااب ممنوووع يدخل للقصر نتاا باغيهم يطردوووني...

الحارس 2 : عفااكي ليوم عطاونا روبو فالليل و بغيناااها تبررد لينااا...

الخدامة 2 : ارااوها غانحطها فواحد الكوزينة مكايدخلش ليها كلشي و غانديرها فقرعة دزاج ديال الموناداا فاش تحل الثلاجة غاتلقاها معلمة بسينتا حمرة من بين القراعي

الحاارس : اوووووه شكراااا ... خبااتها تحت حوايجهاا و دخلاات تابعاااها الخدامة ١ هازة البلاطو و كاتخاصم علييهاا... واااش سااخية بخدمتك .. فين غانلقاو بحال هاد العيشة ااا الى جراو عليناا مااعندناا فين نمشيو من غير القبر ... الخادمة ٢ هزات قرعة مونادا خاوية و خوات فيها الشرااب.. علمتها و حطاتها وسط القرااعي ديال المونادا...

الخادمة 2 : هاد الكوزينة ماكاايدخل ليها حتى واحد من غير السي رعد لحقاش قريبة لبيتو

الخادمة١ : هئ السي رعد سهلللتييه غاايقلعهاا طاااايرة ... اناا مااشي سوقي...

الخادمة ٢ : نتي غير سكتي حتى الى عرفها السي رعد مغايقول والو هما كايحتارمو جميع الدياناات...

الخادمة ١ : ولكن مغاتفرضيش عليه شي حاجة فقلب دارو برا ديري للي عجبك... هناا لاا ممنووووع

الخامة ٢ : شش للي شافك يقول مدخلة قنبلة نووية سكتي غاتفضحيناا..

الخادمة ١ : هانا سكتت صااافي... غسلات الماعن بغضب و خررجااات تابعاها صاحبتها كاتحزر فييهااا بلاما يلمحو نسرين للي جاااية كاااتلهت سخفااانة بالشطيييح كللهااا كاتقطر بالعرق... فتحااات الثلاااجة عطشاااااانة من بيين جمييييع القراااعي للي مستفيين مابانت ليها غير بومسpoms

نسرريين(خرجاات عينيها بفرح ) : وااااااو بووومس اش جاااابك اختي لرووووسياااا... فتحاات الغلاقة بسهوولة وجغطااااااتهااااا بللللههههفة.... حتى وصلات للربع عاد حبساات .. كاتستفسر للمذااق للي كان لاعلاقة ببومس بحالا باسل و لا حار

لكن مافيهش الريحة... مع ذللك بدات كاتششرب حتى وصلاتها للنص...

نسرين : واللاهيتا بااسلة هاد بومس ولكن بااردة..

عضااات على شفايفهااا للي ناازل معاهم الشرااب ... و جلساات ببطئ فوق الكرسي ديال الطبلة للي لااصقة مع الحيط...

هانا تاني دخت بالشطييح.. زعما نكون حاملة لا لا مغايبانش دباا...

دقااائق كاتحس بعينيها حوالو... شربات تاني شوية وحطااات رااسهااا بثقلل... هزات كاس فارغ ديال الما..

خوات فيه للي بقى فالقرعة و بدات كاتشرب شوية بشويية...

كاتحس بلساانها ثقاال و عينيها ترخاااو

فااتت سااعة على جلوسها فنفس الوضع بدا تأثير الخمر كايسيطر عليهااا... بلاما تحس به

رعد جااي كاييقلللب عليها لابس تشرت و سروال دجين و كويرة كحلة حال سنسلتها .. مع بروتكال Gat كحل ...

مدور بااانضة مستييلية على رااسو فالبيض ... و هااز الكونطاك فيديه يالاه داخل ماخلا شكون سل ليها ماشافوهااش جاي يشرب الما حتى باانت ليه لمحهاا و خررج عينيه جااا كايجري لجيهتهااا مخللووع

رعد : نسرييين فيينك ماااالكي ناااعسة هنااا نسرييين....نننسرييين... مع حرركها شااف الكشكووشة خارجة من فمهااا فتحاات عينيهاا ببطىء هزاااتهم فييه ...

رعد (بفزع) نسرييين مااالكي... (قرب ليهاا كاايششم فالريحة للي خارجة من فمها ) ريحة الشراااب هااادي ...كاااااااتشررربيي انسرييين كاااااتشررربي...

نسرين (لساانها ثقييل عليها) فففوت فو تني علييكخ نتا ما صد قت يش ر وجووولة... نااااضت بتمااايل ماشافتش الكاس ضربااتو حتى تسمعات تفرشييييختو فالارض...

نسرين : هئء.. ششش شهادصدااع... جات دور خبطاات الكرسي.. هئه هههاهههااههاااهههههه وييييع طااح...

جرهااا باللجهد من مرفقها مخننزززر كايشووف فيها و فالقرعة للي خاااوية هزها ... شكوون عطاك هادشي شكوون ..

نسرين : واااااععع معكف رااسك..

رعد: ااجيي لهناا نتي حتى تفيقيي و نتفاااهم معااااك... دورها بالجهد للبوطاجي فتح الروبيني و بدا كايغسل ليها فوجههااا... كاتسووط بشفايفها فالما بحالاا كايغرق فيهاا

نسرين : بغييت نخرررررج ..... طلق .. ططللقني كاتدفع فييه .. بحالا عاد زااد فيقهاااا...

رعد: اصلاا نتي ماخااصكشش تبقاااي حتى دقييقة هنااا و فاااش غاتفيقيي غانتفااهم مع للي عطااك هااادشي مزيااان تبااارك الله لا عندي بااار هناااا.... مخرجهااا من الباب اللوراااني ديال الكوزيينة... مشااا بييها ديريكت للكراج..

باان ليها بركمااان...

نسرين : بغييت نررركب فهذااا... كاتهز فالكاسك..

رعد : غاتخلييه و غاتجي تركبي فالطموووبيل...

شاف الخداامة دايزة.. نتتتي ...

مع شافتو غااضب شداتها التقفقيفة ...

الخادمة : نعاام اسيدي...

رعد ؛ جيبييي لييهااا جاكيط ..

الخادمة : امرك اسيدي .. مشاات كاااتجري ... دخلات من الكوزينة و خرجات لبيتهم جابتهاا و راجعة لقاتو ساااد لييها فممهااا و موقفهاا بعننف... قبط الجاكيط من عند الخدامة و لبسها ليهاا..

نسرين : كاانقسب بربي لاركبت ليك هناا...

رعد : غاااااتركككبي فالطمووبيل هي غاااتركبيي ...

بعد اخد و رد و مشااااجرة خشاا ليها الكاسك فرااسها و كسييييرااااا البركماااان بسررررررعةةةةة

رعد : مااااتفلتيش يديك عليياا..

نسرين (هزات يديها ببطئ رفعاات الزاج ديال الكاسك للي مخبي وجهها..) : ماااتغووتشش شش...

رعد(كايعلي صوتو باش تسمعو) : شددددي فيااا..

رفعاااات يديهاااا بزوج كاتغووووت مع السرعة ديال الدرااجة .. لاااحت الكااسك للي ماقدرش يرجع يهزو لأن بالسرعة باش غااادي بعد عليه بزااااااف.. شعرهااا كايديه الرييح و كاتغوت فرحاااانة..

نسرين : رعععععععد..

رعد : شنوووو... علااش لحتتي الكااسك باغاا تحمقينيي...

هزاات رااسهااا كاتحسس قطراات المطر القليل للي كاايسقط على وجهها رافعة يديها بالعررض مخلييا الريح كاايضرب جسدهاا ... حتى وصلو للشارع الرئيسي كانت الطريييق عااامرة بالسيارات و الراجليين.. بغااا يسرع اكثر لكن محبوووسة المدينة كلها بالاحتفالات ديال راس السنة..

نسرين : ااااااااووووووووووهوووووووووو... ايييييييييييه (حطاات يدهاا بزووج على فمهااا و بداات كااتصصفررر فاش شافت الفرقة المووسيقية... و سمعاات صوت الطبل ... )

رعد من كثرة ماااااتعصصب جاااه الضحك من شكللهااا جاالسة فبلااصة مادور يديها عليه مدورة رجلييها بزووج و كااتصففففر بيديهااا و تخبط فييه ...

رعد (دار عندها ) : بغييتي تنزلي...

نسرين : Yeeeh baaabyyyyy ...

رعد : بعداا رااك عااقلة عليااا..

وقف الدراجة على جنب و نزل هزها من تحت بيطانها و حطها فالارض بحال شي بعلوكة..

نسرين لسانها فااشل لكن قادرة تخرج الكلمات..(رفعات صبع السبابة) : شتي ن ننتااا ماتلفش ع ليا واخة تدخل وسط هاد البشر كامل نجبد ك...

كانو واقفين وسط السااحة الحمراااء للي كانت جات ليها قبل 8 سنين مع خوتهاا...

رعد(حط يديه تحت ودنيها قبط بكفو وجهها ) : نسرين للي كانعرف مايمكنش تشررب... gوليليا شكوون عطااك هادشي ...

نسرين : همم...

رعد : شنو شربتي..

نسرين : بوو م بوم بوومس...

رعد : Pooms !!! كنت عارف مااشي فعاايلك...

شبكااات يديهاا فيديه و جراااتو كااتجريي بييه للساااحة.. خلا كلشي و تبعهاا كايجريي معااهاا... دخلو وسط فرقة الرقص الفلكلوري.. كان ضلام الحال وفاات العشا بمعنى آخر بداااو الاحتفالاات بالالعااب النارية و الشهب الاصطناعية كايطرطقو ... كلشي كايرقص و محتاافل ... حتى هي جرااتو ودخلات وسطهم كادير بحااالهم و جابراه حتى هو يدير بحالهااا... تماايلها .. عينيهااا الحمرين .. شفايفها للي كايعوااجو ببطئ و تقالة فمهااا... جاابت ليه الضحك .... بلا هواااتو تاابعهااا فين مامشاات دخلااتو للالعااااب...

نسرين : بغيييت هذااااك الدب الصغيير...

رعد : امرك الالة..

هز البندقية و بدا كاينيش الضربة للي ضرب كايجيبهاا صحييحة حتى عمرهاا كادوياات..... تأقلم مع الجو مع بانت ليهم لعبة سباق السياارت.. حط كاع للي فيدهاا و جرهاا...جلسو فسيااارة ... صايب ليها الكاسك.. و صايبو ليه حتى هو و بدا كايتسابق ف طريق بحال المتااهة .. مع دري و بنت من شكلهم الموشوووم و لبااسهم و البريسينغ كايبانو بحال عبدة الشياطيين...

بداا السبااااق و بداااو كاايتساااابقو...

نسرين : سببببببقققهم سبببببق رعععععد شووووف الحماارة كاتخنززز فيناا دخل جدهاا فشي حييط رعععد ...

كايتسمع صوت نسرين و صوت الكسيرااتووور... وقف فخط النهاية و لوخرين حصلو فالمتاهة...

مع جاا يدووور لقا نسريين جامعة يديها و عاطية الصبع لهااديكك...

رعد : عيييب عييب... اجيي معاياا...

حيد ليها الكاسك و نزل كايجمع فالعاابهاا مخليهاا و رااه مع طلع حس بيهاا عنقااتو من اللور و حطاات راسها بدفئ عليييه...

رعد(دور عينيه باستغراااب مكايشوفش فيها غير كايحس بها معنقااه ) : فيك النعاس Alhubb...

نسرين : لأ...

دار عندها كايتحسس وجهها

رعد : بالسييف ضاربة قرعة على كمالتها .. هاحنا نمشيو الاوطيل و ترتاحي ..

نسريين : واالا للا باقة باغا ندوور

رعد : صاافي فقتي ؟!!

مع بغاو يزيدو باش يرجعو للسااحة تقدم ليهم شااب عطاه كييس داخلو شمعة..

شكرو رعد و قبط فيديها مخلي الكادويات للي ربح ... مكاين فين يديرهم..

نسرين : شنوو هذااا ..؟؟؟؟

رعد : هانتي غاتفهمي .. فعلا بدات كاتفهم فااااش شااااافت الكل هااااز هاد الاكياااس كايرفعوهم باش يطيييرو للسمااا شرعاااات عينيهاااا بإعجاااااب

رعد (قرب ليها الكيس باش تشاركو وتحط يديها حتى هي ) هذا من بعد مكايتمناو الناس امنية كايرفعوه للسما ....

نسرين (رفعااات صبااع رجليهاا و قبطات لحيتو قبلااتو بعننف... و رجعااات نزلات كاتشوف فيه بلاما تكلم .. جرها لقداامو و رفع يديه حتى لفوق طلق الكيس للي طاااار بالهوااء للسماا.. تبعووه بعينيهم بزوووج ... و بلا مايشعر نزل راسو عندهاا باادلهاا بنفس الطريقة وسط السااحة الحمرااء للي اول مرة غايجيو ليها مع بعض.. تحت ارتفااع اكيااس الشمع والاحتفاال بالشهب الاصطناااعية و اضوااااء كثييييرة متسلطة على المكاان... كاان الكل كايحتااافل بدخووول العاام الجديد الا همااا كانو كايحتاافلو فوسط هاد العالم بعالمهم الخاااص ..

مابغاااتش الوقت يساالي بغاتو يبقى حاضنهاا بهااد الطريقة يدفي شفايفها بقبلو الفرنسية حااط يدها على خصرها و اليد الاخرى على ضهرهاا ... خااشيها وسط صدروو بأماان كاتستنشق عطرو الجذاااب و كاتحسس لحيتووو بارتيااااااح...

فلتاات منو بشوية و طلعاات راسهاا مغمضة عينيها كاتماايل مع الموسيقى بإغراااء عاضة على شفايفهاا.... ماحاسااش بشنو كادير ولا شنو واااقع كانت فعاالم آخر من وسط داك الكم الهائل ديال البشر كاتحس براسها بوحدها تحلق عاليا في السمااء.. حتى رعد قليل فين كانت حاسة بوجوودو.. رماات خطواات للوور و بدات ماشية

رعد : فين غادة ..

نسرين (حلات عينيها كاتشوف فيه كايبان ليها منو 10 ... ضوااو ضرووها فعينيها.. حطاات كفهاا عليهم مخبية الشعا ) : شكون نتاا همم.....

رعد : اناا.. ماعقلتيش علياا...

نسرين : طل ل ق مات.. ماتقيس نيش.. جااية بغات دفعو و هي طيح على واحد البنت كوون ماشدهااا كانت غاتجي طايحة للارض..

رعد (جرها لعندو حط يدها على كتافو و غادي جارهاا.. كايعتااذر من النااس للي كاتقيسهم بيديهاا.. )

نسرين : م اا لك مقا بلني هاا.. شكون نتاا.. الى كنتي طا مع فللوس ما عند ييش...

رعد : لا مطامعش ففوسك غير زيدي..

نسرين (قبطات بيدها وجهو كاتعلق فيه تاني ) ..

رعد(بعد وجهو علييها بعصبية .. ) : ماعااارفانييش شكوون اناا و كاتعلقي فيييااا باش تبوسيني...

نسرين : ش كون نتاا...

رعد : سكتي

نسرين : هييه ماتغوتش علياا ... انا .. تا واحد م ك ااايغو ت عل يا ف همتي

رعد : فيك الجوع ؟...

نسرين : ب عد مني... كاتنطر منو باش تمشي..

جرها حتى خرجهاا من وسط بنادم .. وجمع ليها يديهاا هزهاا فوق كتافو بحال شي خيشة..

رعد : تزيدي كلمة نلوحمممك ...

نسرين : وا طلقن ي .. طلق ..

رعد (هازها فوق كتافو غادي بيها للبركمان وجهوو حممر بعصببية ) مرة ناسيااني مرة مفكراااني.. كاتبوووسي فيا و كاتgوللي شكووون والله ماتبقى فيييك انسريين حتىىى تفيييقيييي ... و نشوووفو منييين جبتي هاااد العجججب... هو كاايرعررع وهيي كاااضحكك

حطهاا فوق دراجتو و ركب هاد المرة وراهاا قااد ليهاا الكاسك و ديماارا بسرعة معنقهااا باش ماتفلتش منو بحال قبييلة...

نسرين : هئ الطر ييق تاابعااناا.. ياااه ش ووف ... وااعههههه ههههه هه سببق سبق الشاانطي سبقووو ماتخ ليهش يسبقنى..... اههه رفعات يديييه بحال الطاائر انااا كااانططططييييييير...

رعد : كااااطيييريي كااااطييري و غانققطع ليك جنااحك غير بلااتي...

قطع مساافة طوييلة لقاتو واقف قدام الباب الخاص ديال لوطيل نزل وهزها عااود بعد ما نطر ليها الكاسك... طالع بيها السويت دياالوو... حط ركبتو على الحيط كلاها بيها حتى ركب الكود و تفتح الباب عاد دخل لاحها فوق ناموسيتو.. لمحها قاطعة لحس...

رعد : نسرين ... نسرين واش نعستي...

جلس و كايحرك فيهااا... فتحات عينيها بشوية... مالك تاااني اش بغ يتي مني...

رعد ( حيد كويرتو و جرها تاني عندو بلطف كايحيد ليها فالجاكيط ديالهاا.. ) مالك.. اعمري درتي فراسك هاد شي .. علاش شربتي علاا ش..

نزع ليها التريكو ديال خيط... و جلسات مقابلة معاه دااايخة... شداات كرشهاا بألم... كاتحس بمعدتهاا كاادووور... توااني قليلة مكانش راد بالو ليها قدما مفيكسي عينيه فملامحها البريئة .... بدووون سابق انذاار فررغاااااات معدتهااا عليه... قفز مفززززوووع نسريين نووو نوووو نووووووو وااااادفاااااااك...

نسرين : ااااععععععععع اااععععع كح كحح كح...

ناااض كاايشد فيها وهي فين مكاااانت واااكلة شي حاجة استفرغااتها فحجروو... ولا كلووو عااامر ... وقف فازك ) شييييت...شيييت.. (نزع تشرت دياالو المقزز.. وحيد سرالو للي ماسلمش حتى هو.. هزهااا داخل بيها للدوش.. ماعندو ماايدير فمصييبتو من غير يطلق الرشاشة عليها عالله تفييق...

باقا كااترد و تسااراااح ... نزل ليها سروالها ووقفها تحت الرشاشة.. كيغسل فوجههاا ملااصق معاها باش ماطييحش .. حتى كايحس بشي حاجة سخوونة نازلة معاهاا...

رعد (بعد عليها و جرررها بالزربة للاشاس جلسها.. ) : .. بغييت انفهم ملي ماقادراش على السكرة علاش كاتلاحي ليهاا هاا .. علاش ...

خلاها جالسة تماا و جبد شامبوان مع الصابوون دوش ليهاا فالسكااات ... ماعرفش علاش سااكتة... واقييلة عيااات... غلفهاا ففوطة و حطها فكرسي كاتسقطر حداااه بين ماساالا تدوااشوو.. دور الفوطة على نصو و خرج هازهاا ... غادي بيها للسويت ديال فهد .. ممكن يكونو حوايج مراتو تما يلبسهم لهاد الكارثة...

حطها فوق الناموسية و اتصل بيهم يجيبو ليهم العشا و قهوة قاصحة... و يجيو ينظفو السويت ديالو .... فالوقت للي لبسهاا شوميز دونوي و لبس بوكسر.. مع تشرت..

دقو عليه مدخلين العشاا.. خدا من عندهم المائدة و دخل عند نسرين للي كانت غير شوية هذا كاتهضر معااه بدون وعي ..

رعد : نسرين نوضي تااكليي نووضي.. قرب لييها كيحررك فيهاا.. واش غانبقى نلعب معااك هنا نوووضي ا نسرين.... لكن حس بيها بصح غطساااات فنوومهااا ناعسة على كرشها و فاتحة رجلييها شادة بيهم عرض الناموسية كااتشخر... جر عليها الغطى و مشاا للفتوي هز كوب قهوتو و جلس كايرتااح... اخييرااا هداات العاصفة...

صبح الصبااح.. كل واحد وكيف فاايق لكن كلشي فرحاان لحقاش اليوم العرس ...

إلا نسرين فايقة ماعاارفاش رااسها فين هي كاترمش عينيها بعياااء ... راسهاا غايطرطق بالشقيقة وزاد كمل عليها الشومبر ... هذاا ماشي دياالهاا... دوراات عينيهاا فالحيوط ... فالماريو و فالدوش و رجعاات حطات راسها... بلاما تشوف اش لابسة...

نسرين : وااقيلة كانحلم.. غمضات عينيها و فتحااتهم لكن صورة بيتها مابغاتش ترجع... رفعاات عينيها بهدووء فالسقف حتى بان ليها رااسهاا ناعسة بشوميز دونوي اسود عبارة عن سوتيات ملاصقين بخويطات خفاف مع شورط قصير...

كااتشوف فعينيهاا منفوخين شماات فشعرها ريحة شمبواان... ناااضت قاااافزة طالعة فوق الناموسية كاتشوف فالفرااااغ... مكااين تااواااحد...

نسرين : فيين اننناااا... شكوووون جااابني لهناااا ... شدات راااسهااا بألم كاتحاول تفكر لكن كايان ليا الضباااب... لمحاات الساعة الالكترونية مكتوب عليهاا

01 /01 / 2018..

نسرين : كيفاااش امتى جا العام الجدييد ....؟؟؟؟!!!!!!....

سمعاات التقرققيييب شي حد داخل مع البااب... مشاات كاتجري هزااات دييكور عباارة عن تمثال و تخبااات و را الباب... مع دخل نززلاات علييه لرااسو كون ماشدهااااا كااانت غاتسيفطو للقبر ديررريكت... دووورررر يديهاا لضهرهااا و لصقهاا مع الحيط...

رعد(بعصبية) : فقتي امداام... خاااصكك شي كاارو و لا شي قصاارة بحال البااارح ؟!!!!!

نسرين(وجهها مععجن مع الحيط) : ر ر رعد..

رعد : عرفتيني دباا

نسرين : فين انا !!؟؟؟ ماالك ااش وااقع ...

رعد : فيييين كنتي البارح ...

نسرين(قللبببهاااا غااايسككت بالخلعة و راسها بغا يتفركككع ... كاتفكر شعرها الساارد و الشوميز للي لاابسة... كاتزييد ترتااجف) هب هبب (كاتغبن فوجهها قالبة شفايفها ) والله مااا خنتك ... اقسم بالله ماخنتك اهئ خطفوووني و جابووني لهناا..

رعد : شكوون ؟!!؟...

نسرين : شي جماااعة لابسين الكحل و ملثميين بحال هااادوك للي خطفووني شحال هذا..

رعد : عللى رعععد انسريين على رعد

نسرين (حساات بسكتة قلبية ) لاا مانكذبش عليك.. اههئ ماااعرفتش شكوون جابني لهناا و الله ماعاقلة على شي حااجة اهههئهئهىهئهئى... والله ماانخووونك... ااااهئهئهئهى مااعرفتش شكووون لبسني هاااادشي (طلق منهاا وداارت شاادة يديييه بترجي ) عفااااك مااتفهمنيييش غلللط اهئهئهئ.... ماااخنتكش

رعد : ماسولتش شكون جاابك لهناا.. هذاا السويت ديال فهد انا للي جبتك ليه..

نسرين (كاتمسح فدمووعها ) ومااالك على حالك !؟؟!...

رعد(قرررب ليهاا بعصبية زاااايدة ) : علاااش ضاااربة لباارح قرعة دياال الشرااااب علااااش.. !؟!؟؟؟؟ اااش من مشكللل عننندك اااش باغااا تنسييي صاافي العرس و غااانديرروه ماااالكي فالتنقااااز...

نسرين بل بل بلااتي ارعد كيفاش الشراب!؟؟ ..

رعد : لبارح سكرتي

نسرين (باستهزاء بعدات منو ) : هه كذبة ينااير هادي

رعد : اوك ... لبارح فالليل فين كنتي !!

نسرين (جلسات بثقل فوق الناموسية حطات يدها على جبهتها كاتحاول تسترجع ولو لقطة من حياتها البارح..... ) ماعقلتش...

رعد : شفتي..

نسرين (طرطقو عينيها بالدمووع ) واش بصح سكرت.. ؟؟ ...

رعد : اه .. غير gولي شكون عطاك الشراب والله ماندير ليك شي حاجة هانا حلفت..

نسرين : ( بداات كاتفكر بحيرة ) ... استرجعات فاش كانو كايلعبو سباق السيارات... و فاش رفع الكيس للسما..

نسرين : كنت معااك..

رعد : قبل انسرين فاش جيت و لقيتك فالكوزينة طايحة على الطبلة وشادة القرعة دالشراب.. ديك القرعة كيدارت حتى وصلات للدار..

نسرين (شافت فيه باستفساار ) ك ك كنت مع البنات فلاصال ديال لي غوب... سكتاات و رجعات شافت فيه.. كناا كانرقصوو و و ... بلعات ريقها ... جاني العطش و مشيت للكوزينة نشرب...

رعد : شربتي الما..

نسرين : لا .. فتحت الثلاجة بانو ليا قراعي ديال المونادا ملونين ووحدة.. وحدة لونها بحال بومس.. شربتهاا...

رعد : ماشربتيش كااس.. شربتي قرعة ديال المونادا..

نسرين : جاني فالاول المذاق مختلف و قلت ديال روسيا ماشي بحال ديال المغرب... ماعرفتش كانت بااردة ماقدرتش نحبس..

رعد : نوضي على سلامتك .. هذاك شرااب.. براافو للي لقيتيها حلي ليهاا فممك ..

نسرين : شكووووون دخلوو اعباد الله اهههئ شرربت ياااااربي تسمح ليا اهئهئ هئ هئ... صلاااتي مغاتقببللش وحسنااتي مشااااو اهئههى ياااربي سمحححليااا ياااربي

رعد : ماتبكيش ..

نسرين (نااضت عندو كاتبكي وتحللف ) : والله ماعرفتو شراااب والله والله اهئهئ ...

شدها برفق.. ماتبكيش صافي للي عطا الله عطاه.. غسلي وجهك و كولي شي حاجة را من الصبااح كايصونيو باش تلحقي عليهم للصالون..

نسرين : شحال فالساعة

رعد : ماابقى وااالو للعرس.. نزلي نفطرو و لا نتغدااو باش نااخدك...

نسرين (شهقاات بالبكى ) ااوك..

رعد : اجي (جرهاا من يديها دورهاا عندو ونزل عينيه الززوورق فيكسااهم فعينيها بجدية ) وشكوون بستي البااارح !؟

نسرين (بصدمة) انااا 😳😳😳😳

رعد : اه نتي ..

نسرين (بخوف ) و .. و .. و وااااقيلة نتا !

يتبع

بيني و بينكم عقلتو فاش سكر و بقا كايهتهت بيهاا..

لاا زعماا براافو يلااه ترحمو على روح الفقيدة كانت مرا مزياانة مسكينة ...

للرعد عاصفته الجزء العاشر

محتوى القصة

التنقل بين الأجزاء