ابتهال ..طبعا بنت خويا تبارك الله عليها "كاتلمح ليه " وهذا مرضي الوالدين لي غاياخدها
مهرة.."وحلت ليها " كح...كح...كح...
انس.."مد ليها الما " بسم الله عليك ...
مهرة..."لتقطت انفاسها " احم شكرا
انس.."كايشوف فيها بإعجاب " العفوو.....
-_______المغرب _______-
بعد العشا خداها وتوجهو لفيلا ديالو فين كانو عايشين اول مادخلت ليه دكرات كاع الحظات الخايبة وزوينة شد يدها وباسها....
أمير...تفضلي
زمرد.."شافت فيه "علاش جينا هنا !!
أمير.."شاف الساعة " الوقت تأخر خلينا نرتاحو حتى لغدا ورجعي لعند عمي "باس جبينها " وماتخافيش انا مزال عند وعدي "غمزها
زمرد.."برتباك " احم .......
أمير..."ضمها من الور " اموت فالأحم هه
زمرد ..."بخجل " اميييير.....
#بعد #مرور #اسبووووع ......
فهاد الاسبوع علمت مهرة باها واخا كان رافض بدر لانه ماشي من نفس مستواهم الاجتماعي لكن بعد اصرار شموخ وافق كانت فرحانة بزاف وعلمت بدر لي جا بعد يومين وطلبها بشكل رسمي كانت زمرد فرحانة بخطبتهم اما عند سوسن ماحكاتش راسها وصل اليوم الموعود والخوف كان مسيطر عليها لولا زمرد وشموخ لي كانو جنبها ياعالم اول ما شرقت الشمس توجهو Beauty Center...
اول ما وصلو لقاو الاهتمام ورحبو بيهم دخلو لحمام كان تقليدي بمتياز ومزين بالورد الاحمر وفيه كل مايحتاجو بعد ما تحمحمو دارو ليهم لاسيغ لحمهم كامل والمساج من بعد بداو فتجهيزهم مجموعة تكلفت بالعروس ومجموعة تكلفت بسوسن وزمرد بين ما داخل القصر كان كلشي كايجري والخدم واقفين على قدم وساق أمير ما حكش راسو كايأمر هذا وهذا وواقف على العرس كانو عرسو بين ما جود كان مرتابك وماقادر يركز فحتى حاجة بعد ساعات حطات الطائرة فوق الثراب المغربي وكان ف ستقبال مهرة وعمتها وبنت عمتها سائق القصر وفالجهة الاخرى كانت طيارة جلنار نزلت فالمطار وكانت برفقتو جنان وكيف العادة شابكين يدهم مع بعض فتح ليهم سائق باب سيارة وتوجهو لفيلا دجلنار كان فنتظارهم مصفف الشعر وخبير الميك اب وبرفقتو مصممة الازياء باش ياهتمو بجنان طلعات معاهم لطابق الثاني بعد ما خدات دوش نادات عليهم وبداو كايجهزو فيها اما عند مهرة اول ما وصلت لقصر طلعت لغرفتها ديريكت خدات دوش خفيف ولبست بينوار وتوجهات لسرير كانت فوقو تكشيطة فالون الاسود مرصعة بالأحجار الكريمة صففات شعرها ولبسات تكشيطة وبدات فوضع الميك اب...
أصيل...الناس بداو يوصلو
ابتهال...ويلي لازم توقفو فالباب تستقبلو ضيوف
منتصر..كايقاد لكرفاط " صافي ساليت يالا ...
عمر القصر بالضيوف لي كانو من نخبة المجتمع كان ف ستقبالهم أصيل ومنتصر ومعاهم ابتهال بعد ما عمرت الحديقة بالضيوف نزلت مهرة ونرجس بنت عمتها وهما فأبهى حلة بعد مانزلو وصل جلنار ومعاه جنان لي كانت لا تقل جمال عن مهرة اول ما شافتو مهرة شاد فيد جنان تحجرو دموع ف عينها وحسات بالغصة فقلبها فنفس الحظة وصل انس لي كان مدعو من طرف ابتهال توجه لعند مهرة لي كانت واقفة كيف الجماد وكاتشوف ف جلنار ....
أنس..مساء الخير
مهرة...الصمت
أنس.."كايشير بيدو " او هوووه فين شاردة !
مهرة..هاااااه
أنس ..مساء الخير
مهرة.."بلعت ريقها " مساء النور ....اول ما شافت جلنار جاي فتجاها برفقة جنان شدات فيد انس بسرعة وشابكات صباعها مع صباعو شي لي خلاه مشكوي وكايشوف فيها
جلنار..."مد يدو " مساء الخير مهرة
مهرة.."زيرت على يد انس " مساء النور
جلنار.."نعرفك هادي جنان مراتي
مهرة.."حسات بالغصة فحلقها " متشرفة
جنان.."تبسمات " الشرف ليا
جلنار..."كايشوف ف انس " شكون السيد !!
انس .."دخل بسرعة" احم خطيب مهرة
...."شافت فيه ووسعت عينها"
جلنار .."صافحو " متشرف ومبروك عليكم
انس..الله يبارك فيك
جلنار..نخليكم وتشرفت بمعرفتك
انس ..الشرف ليا......."اول ما فاتهم جلنار دفعات يدو وخزرات فيه "
منتصر..كيفاش تخطبتي بلا خباري هذا ماسويت عندك بالحق الكلام ماشي دابا
مهرة..."بتلعتم " ب بابا انت فاه..."قاطعها
انس..فالحقيقة يالا طلبت يدها بيني وبينها وانا عارف الاصول كنت كانتسنى الفرصة المناسبة باش نطلبها من سيادتكم بشكل رسمي طبعا اذا قبلتي
منتصر..'"نافخ ريشو " احم جيب عائلتك مرحبا بيك
مهرة.."خرجات عينيها " ب باباااااا
منتصر.."شاف ناحية الباب " واخيرا وصلو العرسان........خلاها حالة فمها وتوجه لناحية أصيل اول مادخلت سوسن بالتكشيطة البيضة كلشي وقف وكايشوفو فيها دخلت لداخل الحديقة ويدها فيد جود وعساوة وراهم كايغنيو والكاميرات دايرين بيهم ووراهم زمرد شادة طرف التكشيطة بيد وولدها باليد الثانية وجنبها شموخ لي اول ما جات عينها على بدر توجهات ليه ....
أمير..."همس لزمرد فودنها " غاتمشي تمسحي داك روينة لي فوجهك ولا مايعجبك حال
زمرد...هذا عرس خويا بلاش من الحكام
أمير.."من تحت سنانو " كلامي ما غانعاودوش
بدر.."شد يدها" جيتي غزالة بالبلدي
شموخ.."بخجل " شكرا
بدر..."خدا المنديل من احد الطاولات ومسح ليها فمها من العكر " مالاحظتيش بلي كترتي من الزواق
شموخ.."بعضب " علاش مسحتيه هذا عرس ولد عمي وزايدون ماشي غير انا لي معكرة
بدر.."بصوت رجولي."مراتي انا غير الناس
شموخ...ااااخ منك ااااخ
مهرة.."خزرات فيه " كيفاش زايد فالكدوب اش هاد شي درتي
انس..انا غير ساعدتك "تبسم بمكر"
مهرة..انا ما شكيتش عليك ثم فاش غاتساعدني
انس..انتي لي بديتي التمتيلية لما شديتي يدي لكن انا رديتها حقيقة "كايقرب منها " ماتنكريش بلي فرحتي من طلبت يدك
مهرة.."زادت تعصبت " لا والله انت وا...."قبل ما تكمل كلامها وقفت عليها جنان
جنان...بليز بغيت نعرف فين كاين الحمام
مهرة..."تبسمت بزز " اجي معايا...
سوسن.."همست ليه " اووووف شحال دناس
جود.. صبري اعمري كلها ساعات قليلة وننفاردو "طبع قبلة فعنقها...
بعد ما اصر عليها امير توجهات لحمام ومسحت الميك اب نفس شيئ بنسبة لشموخ مسحو الروينة لي فوجهم ودارو ميك اب خفيف عند مهرة لما نعتت ليها الحمام توجهات لغرفتها الغضب متمكن منها لبست سوسن كدا لبسة وكانت بارزة بالحجاب لي زادها جمال على جمال بين ماالكل مشغول بالرقص دخلت عبله وعينيها كايقلبو على زمرد والحقد عامي عينيها اول ما شافها اصيل فرح ظن بلي جات تحتفل معاهم ....
اصيل..."ضمها " بنتي
عبلة..."خزرت فيه " بعددد ليه
أصيل..."بحال ادا تكب عليه سطل دالما " عبلة اش هاد التصرف انا باك ....كان كايهضر معاها لكن ماهتمتش لوجودو عينيها كانو كايقلبو على ظالة ديالها بين الناس...اول ما شافتها كاترقص مع شموخ وأمير توجهات ليها والحقد عامي عينيها.....
عبلة..."كاتصفق " براااافووووووو العائلة السعيدة فرحانين بلا بيا عيب والله عيب
أمير.."خرج فيها عينيه" عبللللللللللللة.....
عبلة...ااااه عبلة لي لحتيها لوحة لكلاب على قبل وحدة ماعندها اصل لقيطة
عبلة..."دفعاتو " قلت ليكم مستحيل نخليكم تتهناو قلتها ولا ما قلتهاش ؟!
زمرد..عبلة ان......."قاطعاتها "
عبلة..."بصوت عالي " نتي غاتقطعي حسك اليلة ليلتك القيطة "خدات مسدس من البوشيط ديالها ووجهاتو لزمرد تحت انظار الكل شي كلشي خايف وكلشي كايترعد وكاع الاعين موجهة ليها..
جود..."بصوت عالي " عبلة بلا حماق
أمير..."خايف على زمرد" عبلة خلينا نهضرو
عبلة...هضرتو بزاف وجا الوقت لي نهضر انا واليوم غاناخد حقي بيدي مستحيل نخلي لقيطة دالخلا تفوز عليا مستحيل.....يلا غاطلق الرصاصة وهو يدخل امير فأخر لحظة دفع زمرد حتى طاحت ووقف مكانها والرصاصة ختارقات صدرو كلشي غوت وبعض الضيوف هربو بعد ما سمعو صوت رصاص اول ما طاح أمير الارض غارق فدمو جاتها الهستيرية طاحت الارض وكاضحك بهستيرية والدموع ف عينيهااا....
عبلة...قتلتوووو قتلتووو هههههههههههههههه
زمرد.."دموع فعينيها " امييييييييييييييييير.......ااااااااه هئ...هئ...هئ أمييييييييير........."حطات راسو فوق رجليها وكاتمرر يدها على وجهو بين ما عبلة دارو بيها حراس القصر وشدوها
جود.."بصوت عالي " تاصلو بالاسعاااف
منتصر...ولدييييييييييييي
محمد رضا...بابااااا هئ...هئ....
شموخ.."دنيا دارت بيها " بدر خويا هئ...هئ..خويا هءهءهءهء
بدر.."ضمها لصدرو " ان شاء الله غاينقدوه ..
توجه ليه جود كايجري حط راسو فوق صدر أمير وكايشوف واش قلبو كايضرب بين ما البقية كانو مصدومين مهرة وشموخ نهارو بالبكى زمرد ولات كاتشوف فتجاه واحد ولون وجها مخطوف بعد دقائق وصلت الاسعاف خداو أمير لكلنيك الفرح تقلب لقرح كاع الضيوف خواو القصر بين ما عائلة أمير لحقو عليه لكلنيك كايجريو بقى اصيل مع عبلة لي كانت كاتغوت بشكل هستيرية جات الشرطة وخداوها اصيل ماستحملش الوضع ورجع حس بقلبو تعبان لحق عليها لمركز الشرطة وحاط يدو على قلبو....
-______المستشفى________-
شموخ...هئ...هئ...هءهءهءهء
بدر.."كايطبطب عليها " ششششت ان شاء الله غايعيش
مهرة...بابا هئ...هئ...بابا أمير هءهءهءه
منتصر.."ضمها " الله ياربي فين كان مخبي لينا هاد شي
سوسن.."هازة طرف دالغوب بيدها وتوجهات لزمرد لي كانت جالسة قدام باب غرفة العملية ودموعها نازلين..." زمرد زمرد لازم تقوي نفسك ان شاء الله غايعيش
زمرد...الصمت
جود.."ضمها لصدرو" عندي يقين بلي غايرجع لينا
زمرد .."بصوت مبحوح " انا لي كان خاص نكون بلاصتو هئ...هئ..هءهءه عبلة كانت باغية تخلص مني انا ماشي هو هءهءهءهءه
جود..."حس بالغصة فحلقو" علاش اعبلة علاش
منتصر...عبلة وحدة مريضة مستحيل تكون بعقلها ماشفتوهاش كيف كانت كاضحك اكيد مريضة
سوسن.."باست يدو" ماتقولش هاد لكلام اعمي الحمد لله خرجات على خير
منتصر.."تنهد "الحمد للله يالا سيرو ترتاحو انا غانبقى مع زمرد
جود..لا اعمي انا غانبقى معاها
منتصر..ولا كلمة دي مراتك وسير "وجه كلامو لشموخ ولمهرة " حتى انتما سيرو ترتاحو
شموخ...لكن بابا..."قاطعها "
منتصر ...هي كلمة ورد غطاها..
بعد مالبست الزي الخاص ودارت الكمامة على نيفها دخلت لداخل الغرفة فين كاين غرفة طاغي عليها الون الابيض وكايتوسطها سرير مسطح فوقو امير وصدرو عاري وكلو اسلاك جلسات فالكرسي وشداات يدو وباستها ودموعها نازلين .....
زمرد..أمير هئ...هئ...هءهء علاش القدر ديما ضدنا هئ..هئ..اكيد هذا عقاب من الله ان انا لي خديتك منها هئ...هئ..هء هء ا امي...ر
الممرضة...مدام بليز خليه يرتاح
زمرد...لا انا غانبقى معاه
الممرضة...لكن الدكتور عطاك خمس دقايق فقط الله يخليك خرجي انت هاكا كاتأديه خليه يرتاح
زمرد..."وقفاات ومسحات دموعها" واش فالصباح غايفيق
الممرضة..ان شاء الله حنا عند الله
زمرد..غايفيق اكيد غايفيق وقبل مايفتح عينيه غانكون هنا....."شداتها الممرضة من يدها وخرجاتها من الغرفة يالا غاتسد الباب وهي طيح زمرد على وقفتها توجه ليها منتصر كايجري هزها بين دراعو والممرضة كاتجري قدامو فتحت ليه احد الغرف دخلها وحطها فوق السرير والممرضة كاتفحصها ....
منتصر...شنو وقع ليها
الممرضة..ضغطها نزل لازم ترتاح
منتصر..ياربي تحن علينا بارك "تنهد " استغفر الله العظيم........"مسافة طريق كانت شموخ ومهرة داخل القصر وبدر وانس كل واحد فيهم شد طريق اول ما شافتهم ابتهال مشات كاتجري....
ابتهال...انذرا كيف بقى امير
شموخ.."بصوت مبحوح" حالتو مستقرة
ابتهال..الحمد لله يارب
مهرة..فين هو محمد رضا
ابتهال...مسكين بكى حتى عيا عاد نعس نعساتو نرجس
شموخ..مهرة طلعي لغرفتك رتاحي
مهرة..ما غانرتاح حتى نشوف خويا واقف على رجليه هئ.هءهء
ابتهال...استغفر الله العظيم يارب
شموخ.. ديك الحقيرة فينها ؟!
ابتهال..داوها لمركز شرطة لو تشوفي حالتها
شموخ..المجرمة ماكاتسواش
مهرة...واش ماشي من حقنا نرتاحو علاش دارت هاد شي علاش كيفاش،تخسر عرس خوها وتحاول تقتل ختها الله ياربي اشنو واقع لهاد البنت
شموخ..لي واقع انها وحدة انانية وما كاتسواش والاجرام ماشي فعروقها..
انس...ان شاء الله............"سوسن وجود توجهو لمطار باش يلحقو شهر العسل ومنتصر رجع القصر برفقة ابتهال ونرجس اما بدر وشموخ توجهو لمطعم ديالو بقات مهرة مناقرة مع انس بين ما زمرد كانت فالغرفة مع أمير..
#بعد #مرور #اسبووووووع .......
فهاد الاسبوع توجه جود وسوسن لدبي فشهر العسل وامير سترجع عافيتو ورجع لقصر برفقة زمرد لي ما فارقاتوش ولا لحظة اما جلنار وجنان رجعو الامريكا وتقررات عمليتها غايستأصلو ليها الرحم باش المرض يتحد بعد مشقة نفس وافقات واخا كانت كاتحلم تكون ام لكن القدر قال كلمتو اما عند عبلة مشات الامريكا برفقة اصيل وحطوها فمصحة نفسية بما انهم اصحاب نفود مالقاوش المشكل فنقلها خارج المغرب عرس بدر وشموخ تقرر بعد شهر ومهرة وافقة على عرض انس وقالت الحب غايجي بعد العشرة واليوم غايجيو عائلتو يطلبوها بشكل رسمي......
شموخ.."غاتلبسيه يعني غاتلبسيه
مهرة.."بنرفزة " اووو هوووه علاش غانلبسو ثم غير غايهضرو
شموخ.. ولو لازم تلبسي هاد القفطان يالا طلقي راسك
مهرة.."خداتو منها " امري لله .......
زمرد.."كاتوكل فيه " غير هادي يالا حل فمك
أمير...باركة شبعت
زمرد...يالا باش تاخد دواك
أمير...غير هادي صافي
زمرد..يالا يالا همممم ههههه
محمد رضا.."صفق " برافوووو 👏👏
أمير..اجي البطل ديالي....
شموخ..."دخلت عليهم "مزال ماجهزتو نفسكم الناس علاين ويوصلو
زمرد...ثواني ونكونو جاهزين
شموخ..يالا ماتأخروش...
بعدما خدا دواه ساعداتو زمرد فتغير ملابسو لبس كوسطار فالكري ورد شعرو لور ورش البارفان ديالو بعد ما كمل هزات محمد رضا وتوجهات لغرفتها بدلت ليه حوايجو ولبست هي فستان فالصومو وقادات الفولار كتفت بالكحل ومرطب شفاه يالا كملت وهي تفتح ابتهال لباب...
ابتهال ..الضيوف وصلو
زمرد ...انا كملت اعمتي ....."شدات محمد رضا من يدو ونزلو لطابق السفلي كان أمير جالس جنب انس لي كان فكامل اناقتو وجنبو الاب ديالو وعلى يسارو الام ديالو وفالجهة الثانية كان جالس منتصر وجنبو بدر لي حضر بطلب من منتصر وجنبو كانت جالسة شموخ.
زمرد..سلام عليكم
الكل...وعليكم السلام..........."بعد ماسلمت عليهم جلسات جنب امير تبادلو اطراف الحديت من بعد تكلم اب انس...
مصطفى...اليوم جينا طالبين راغبين فيد بنتكم المصون لولدي الوحيد
منتصر...لازم نسمعو رد العروس
اكرام ..(ام انس ) معلوم هي مولات الري والشوار
شموخ.."وقفات " ثواني وتكون هنا......"طلعت لطابق الثاني وطلبت من مهرة تنزل نزلت والتوتر ظاهر عليها هزات فيدها طبسيل دالحلوى ووراها الخدامات هازين العصائر حطت الطبسل ولقات سلام
اكرام...تبارك الله وصلى ع نبي ونعم الاختيار
منتصر...شكرا "شاف ف مهرة " بنتي انس جا اليوم هو وولديه باش يطلبو يدك بغينا نسمعو ردك
مهرة.."كاتفرك فيدها " الصمت
مصطفى...الصمت علامة الرضا
ابتهال..لو لو لو لو ي ي ي ي ...
بعد ما قراو الفاتحة ركبو الخواتم وبداو كايتكلمو على العرس....
شموخ..ياريت لو توافقو يكون عرسنا مشترك
ابتهال...فكرة زوينة
منتصر...انا معندي موافق اش قلتي اسي مصطفى !!
مصطفى..القرار الاول والاخير للعرسان ..."الكل تلفت ناحية مهرة وانس "
انس ...انا ماعنديش مشكل
شموخ..مهرة سمعينا صوتك
مهرة...احم لي بان ليكم
زمرد..على بركة الله هههه
منتصر...وهو كذلك من هنا لشهر عرس ولادنا
ابتهال ...الله يجعل كلشي مبارك ومسعود....بعد ما تافقو تعشاو مجموعين بعد العشا مشى انس وعائلتو وطلعت مهرة لغرفتها باش تغير ملابسها لحقات عليها زمرد شموخ لي كانو طايرين بالفرحة
مهرة.."اول ماسمعت اسمو تبسمات " هه الله يمسخك....ترن...ترن......
شموخ..ها لي قلنا يالا ردي على سيد
مهرة.."شافت رقمو " يالا يالا خرجو عليا
زمرد...يالا نخليوها تاخد راحتها وتشبع غزل
شموخ..ياسيدي ههههه ...."خرجو وخلاوها كاتكلم مع انس ف تيلي...
#بعد #مرور #شهررررررررر .......
مر شهر بسرعة كانو طول هاد الشهر منهكين فتجهيز للعرس قرر منتصر يحجز افخم اطيل باش يكون فيه العرس وقبل اسبوع وصل جود وسوسن لي كانت مشغولة مع البنات فتجهيز ماخلاو ماشرو فهاد شهر مهرة تقربات من انس لي كان داير ما فجهدو باش يكسب قلبها وقدر يخليه يدق ليه ف فترة وجيزة وصل اليوم الموعود مشاو البنات لبيوتي سانتر ورافقاتهم زمرد وسوسن كانو كايجهزو نفسهم بين ما بدر وانس كانو كاينتاظروهم على احر من الجمر الاوطيل كان ولا اروع ومزين بطريقة راقية حضرو ضيوف من نخبة المجتمع وكلشي كان متشوق يشوف الخواتات لي قررو يحتفلو بعرسهم بزوج بعد انتظار لي ما كانش هين وصلو العرسان دخلوهم بدبكة البنانية كانو كانهم اميرات خارجين من الف ليلة وليلة وزمرد وسوسن كانو بدورهم كانهم اميرات وزادهم الحجاب جمال على جمال توجه جود لعند سوسن باس خدها نفس شيئ بنسبة لأمير بين ما العرسان توجهو لمكانهم المخصص تحت انظار الحضور ..
لبسو كذا لبسة وخداو الصور واخيرا جا وقت الفستان الأبيض لبسو نفس التصميم كلشي كان كايصور فيهم ومنباهر بتصميم الفساتين قطعو الgاطو ووصل وقت المغادرة تفارقو مع باهم بدموع كانت لي موزين فالابيض قدام باب الاوطيل فنتظارهم طلعو فيها بربعة وتوجهو لمطار محمد لخامس كانت طائرة خاصة ف نتظارهم طلعو فيها وحلقو لجزر المالديف ............
#بعد #مرور #سبعة #اشهر .......
كانت جالسة كاتحضر الغدا وفجأة حسات بالوجع ....
زمرد..الله ياربي "حطات يدها على بطنها "
أمير..."بخوف " زمرد واش لاباس !!
زمرد..اااااه ااااااااه الله ياربي امير انا كانولد
أمير.."برتباك " الله ياربي "خودي نفس وبشوية عليك كلشي غايدوز مزيان
سوسن..صبررر صبررر...."طلعت لطابق الثاني بسرعة هزات صاك كانت زمرد مجهزاه من قبل بما انها عارفة بلي دخلت فشهرها ونزلت لعند جود خداو معاهم محمد رضا حيت ما كانش عندهم الوقت باش يدوه لعند جدو مسافة طريق كانو قدام لكلنيك...
جود.."خدا منها صاك " اري صاك هنا يمكن نسيتي بلي حتى نتي حاملة فالشهور لولة ولازم تردي البال لراسك
سوسن..."حطات يدها على كرشها " انا قادرة نهتم بولدي ...
بعد ماتناقرو قدام باب المصحة دخلو بخطوات متسارعة ومحمد رضا معاهم كان امير غادي جاي فالممر لون وجهو مخطوف
سوسن..فين هي زمرد "كاتقلب على امير بعينيها اويلي فين هما
جود..توجه لإستقبال "
---- داخل غرفة الولادة 🏥
زمرد...ااااااااااااه "عضات امير من دراعو
أمير...صبري احياتي مابقى والو
الدكتورة..مدام زمرد زيدي زحمي
زمرد...الله ياربي مابقيتش قادرة
أمير..خودي نفس وزحمي
زمرد..."ااااااااااااااااه هئ..هئ.هءهءهء كانت كاتوجع وكاتقمش فيه فنفس الوقت بعد جهد كبير خرج البيبي وصراخو ملا المكان...
أمير...ولدي ههه زمرد تزاد عندنا ولد
زمرد.."دموعها نازلين "عطيه ليا "مدات يدها
الدكتورة...مدام مزال جنين اخر راسو باين زيدي زحمي
أمير.."بفرح " الله ياربي مزال بيبي اخر
زمرد...اااااااااااااااااااااه....اااااااااه أمير مابقيتش قادرة هءهءهءهء
الدكتورة..خرج راسو زيدي زحمي مابقى والو
خدات نفس عميق وزحماات حتى كانت نفس غاتقطع فيها واخيرا خرج البيبي وملا المكان بصراخو كانت بنت لفو التوأم ف ليزار وحطهم بين دارعها ...
شموخ...كاتجري ..فين هي !!
سوسن...مزال ماخرج عندنا حتى واحد
مهرة...الله ياربي ياربي تفك واحيلها على خير
سوسن..امين
منتصر..."كايجري فتجاهم " فين هو حفيدي واش مزال ما ولدت
سوسن..هاهما مخرجينها " توجهو ليها كلهم كايجريو كانت تعبانة لدرجة ماقدراتش تهضر دخلوها لغرفتها الخاصة ودخلو عندها كلهم
منتصر ..فين هو امير وفين هو حفيدي
زمرد.."بصوت ضعيف" شوية ويجيو
شموخ...على سلامتك
زمرد...الله يسلمك
مهرة..على سلامتك حبيبتي
زمرد ...الله يسلمك......دخل امير هاز التوأم كل واحد فدراع البنت لافينها فليزار غوز والولد فليزار ازرق اول ما شافوه حلو فهم
منتصر.."بدهشة" ثوأم !!!
أمير...اه يزين وجمان ههه
شموخ..ياااااي ختاريتي ليهم اسماء هايلة
مهرة..هزات البنت بين دراعها "وينو شحال غزالة ما شاء الله
منتصر...حمدتك اربي وشكرتك
زمرد..مدهم ليا هه.
جود .."هز محمد رضا " البطل ديالنا اجي تشوف خوتك
محمد رضا..."بدهشة" بزوز
أمير...اه احبيب بابا بزوجهم خوتك
محمد رضا ..يوبييييي ههههههه
جود..بلاتي نصورهم بابا من صباح وهو كايتاصل ومتشوق يشوفهم
رفقا بي يا جلادي الجزء 17 والأخير
محتوى القصة
التنقل بين الأجزاء