إرحموني الجزء 14

حطات يديها بزوج على فمها مخرجة عينيها وكتحرك راسها بالنفي.. صرفقها بهضرتو.. كانت شاكة وتأكدات.. خلاها كلها كتغزل.. دابا عرفات منين جاوها دوك طبايع.. وعرفات تيكا شنو قصد.. تغرغرو عينيها وزيرات على فمها بيديها وكترجع بلخلفات لور حتا تلصقات مع الحيط حيث اصلا لبيت صغير..

هو شافها هكاك ومسح على راسو بعصبية.. وعض على فمو.. قلب وجهو شاف فيها وقرب عندها بشوية وهي غير مخرجة عينيها ودموعها بداو يتسرسبو وكتحرك راسها يمين شمال.... وقف قريييب ليها.. ونطق بنبرة خافتة..

براء :ما نعستش معاك اتالا.. ما قدرتش

تالاسين :(زولات يديها على فمها كتنهج) كذاااب.. انا شفت طبايع فعنقي

براء :راه ما قدرتش.. ما كملتش.. فهميني عافاك.. راه تسدو كاع البيبان فوجهي فديك اللحظة.. واش كنتي باغاني نخليك تموتي!! ما نقدرش.. ما نتخايلش حياتي بلا بيك.. كون شفتي حالتك اتعذريني..

تالاسين :(الصمت غير كتقطر فالدموع)

براء :ما لقيت حتا حل آخر.. شحال دعيت لله تفيقي باش ما نظطرش نقيس منك شعرة بلا خاطرك.. عارفك.. وعارف ما قبلاش بيا.. وعمري فكرت نحط يدي عليك بلا خاطرك.. اااخر حاجة نفكر فيها والله.. ولكن ديك الساعة ما لقيت جهد.. ولكن راه ما قدرتش نكمل.. انا بستك.. كثر من هادشي ما درتش.. والله القسم .. ما قستكش حيث باغي.. درت لي درتو على قبلك..حيث كنبغيك ما قدرتش نخسرك.. وحيث كنبغيك ما قدرتش نزيد نكمل ونتي مغيبة..

تالاسين :(شهقات بلبكى وقلبات وجهها ) بغيت نبقى بوحدي

لصق فيها وشد راسها بين يديه وقابل عينيها لمخلطين بالدموع مع عينيه..

تالاسين :(تنترات منو) طلق مني.. ما تقيسنيشي

براء :(قلب وجهو وزفر وشاف فيها كيهضر بعصبية) فهميني.. راه كنتي كتموتي.. كانت حالتك حالة.. وحل واحد لي كان هو هداك.. وما قدرتش عليه غير باش ما نشوفكش فهاد الحالة.. كبري عقلك هاد المرة وفهميني.. ما تفهميهاش عوجة فحال ديما.. عذريني.. وحطي راسك بلاصتي.. الموت ما فيهاش اللعب اتالا..كون خداتك كنت اندم حيث ما درتهاش.. انا داكشي لي وقع نسيتو.. ما بقيت عاقل على والو.. والله.. اصلا كنت مرفوع..وربي لي عااالم بيا..

تالاسين (دفعاتو وخرجات عينيها فيه) بغيت نبقى بوحدي.. ما بغيت نسمع والو منك.. خليني عليك.. خرج فحالك.. بعد مني

براء :(تنهد) واخة.. ولكن ديري فبالك.. بلي اي حاجة درتها الا وحيث كنبغيك.. وما نقدرش نخسرك

بعد عليها وهي قلبات وجهها كتبكي.. حنا راسو. وخرج وهي طيح على وقفتها جات جالسة فالارض كتعض على يديها وتبكي وعينيها خارجين.. جاتها قااااصحة.. ما بغاتش تسرطلها.. كتفكر عنقها وتزير على عينيها باغة تمحي صورتو من بالها.. تخايلتو كيبوسها.. تخايلتو فوق منها.. ووسط تخيلاتها قاطعاتها صورة الشيخ.. ها هو دا فوق منها حتا هو كيبوس فيها كيف الجيعان.. زيرات على فمها عاضة عليه وحطات يديها على وذنيها كتزير عليهم بحال الا باغة تحبس هاد الافكار.. نفس الكوابيس ما خاصهومش يرجعو.. كتعصر فبلاصتها وتغزر فسنانها.. وقلبها بغى يخرج من بلاصتو.. 

هكاك بقات.. ما خرجات ما دخلات داك النهار.. جاتها الماكلة وما حطاتهاش ففمها.. كتدور دور وتشوف فعنقها وتبكي..تلومو ما تلوموش.. عقلها فجيهة.. وقلبها فجيهة.. وذكرياتها فجيهة.. حتا كتقرب تعذرو وكتجيها صورة الشيخ قدام عينيها كتخليها تكرهو وتكره كاااع الرجال وما يجي منهم.. بالنسبة ليها كون غير خلاها تموت وما يقيسهاش.. اما هو فمنين خرج ما بقى رجع.. مشااااا تلع هز كاميرتو ورمح فيدو وشد طريق لخلا.. حتا تيكا ما داهش معاه.. باغي يبقى بوحدو حيث حاس براسو ايطرطق.. عارف عقلها صغير وكتشوف غير حد عينيها.. وغير كيفكر بلي هي كتضن مع راسها بلي استغلها واستغل مرضها كيصعر.. كيحس براسو مووسخ واخة هو راه ما كانش بخاطرو.. 

دوزات ديك الليلة فالبيت.. هو ما جاش وهي ما سولاش عليه.. حدها مكمشة فبلاصتها كتخنصص.. االيل كامل وهي تقلب وتشقلب وتخمم.. حتا صبح الصباح عاد غمضات عينيها شوية.. 

حلات عينيها على صوت تخرشيش عند راسها.. لقات امرأة كبيرة شوية.. شقراء وبيضة حلييييب.. هي غير فتحات عينيها فيها وناضت مجلسة وشهقات مخلوعة..

المرأة :(انجليزية) تهدني.. ما اناديكش

تالاسين :(بخوف) شكون نتينا!!

براء :هادي طبيبة

هزات راسها وشافت مورا الطبيبة.. بانلها واقف.. حاط يديه فجيبو وهاز راسو وعاقدهم دبصح.. كيطلع ويهبط فيها وهي كتبرقق فيهم بزوج..

براء :(بنبرة حادة) خليها تشوفك.. الادارة سيفطاتها.. اتشوفك وترجع

شافت فيه مزيان.. كانو عينيه منفوخين وتحتهم زرق.. باين ما نعسش.. جا لبالها فين كان ليلة كاملة وما جاش.. ولكن دغيا نفضات راسها ما باغاش تسوق ليه.. عقداتهم فيه ونطقات بنبرة غاضبة..

تالاسين :وا خرج فحالك.. شني جالس باغي تشوف

خنزر فيها مزياااان.. طلعها وهبطها.. ما حملش راسو وما حملش كلامها.. حمر فيها وبنبرة قااااصحة نطف..

براء :ما عندي ما نشوف فيك.. انا ماشي مكبوت.. دخليها لداك الراس

زفر بغضب وقلب وجهو وخرج بحالو.. والطبيبة وسطهم كيف الاطرش فالزفة.. ما فهمات حتا كلمة.. خرج وخلاها هي مع الطبيبة كتشوف حالتها.. فحصاتها وعطاتها الدواء لي جابتلها.. حيث كاع المعلومات كان صردهوم براء ليهم.. وغير وصلاتهم رسالتو سيفطو الطبيبة بالهيلوكوبتر عندهم..

كانت الطبيبة كتجمع شانطة ديالها وتالاسين كتقاد فحوايجها وهي تهضر.. 

الطبيبة: عندك الزهر.. وعمرك مزال طويل.. حيث الحالة لي وصفوك ليا كنتي فيها.. قليل لي يقدر يعيش من موراها.. خصوصا وأنك ما تسعفتيش دغيا والطبيب ما كايانش هنا.. 

تالاسين :الحمد لله

الطبيبة :وي.. وقالولي شي مرأة لي داواتك.. الصراحة خاصك تشكريها وبزاااااف.. حيث راها رجعاتك من الموت.. 

تنهدات حانية راسها.. وتبسمات بسخرية.. كاع ما عارفة بلي راجل هداك لي رجعها من الموت شمن مرأة... هي ما كتنكرش بلي فعلا عاونها.. وفعلا نقذها من الموت.. هي ماشي نكارة الخير.. وعااارفاه ماشي بخاطرو.. حيث كتعرفو وكتعرف طينتو.. خصوصي انها عرفاتو كثر فهاد المدة لي عاشراتو.. ولكن كون كانت شي وحدة ياااااخرا من غيرها يمكن كانت تقبلها.. او كون كانت هي بذاتها ولكن ما دازش عليها لي داز.. كانت يمكن تسرطها عادي.. ولك هي غير كتفكر دوك الطبايع وكتفكر كيفاش جاو كتحس بالخنقة.. ماشي لخاطرها.. وماشي بيدها.. 

سلمات عليها الطبيبة.. وناضت خرجات فحالها.. وخلاتها هي جالسة سااااارحة فافكارها.. المرض باااين فيها.. غير من صفورية وجهها وزروقية فمها.. بلاااا الليلة كاملة لي باتت فيها بالجوع وبلا نعاس.. تنهدات.. كتشوف راسها راس لمحاين.. فينما عطات راسها تابعينها المشاكيل وحريق الراس.. جات حتااااااا لطرف الدنيا وكانت اتموت.. سمعات صوت لهيلوكوبتر مجهد.. عرفات بلي الطبيبة رجعات فحالها.. شافت فجنابها هزات التيممة وبدات كتيمم باش تصلي.. غير صلات وسالات.. وناضت لبسات عليها جاكيطتها وطربوشها.. تكبطات مزياااان وخرجات تسرح رجليها.. تبدل دوك لحيوط لي جابولها الغمة.. كتمشىبين لبيوت وتشوف فالدراري لي كيلعبو ويجريو.. ولعيالات لي شاعلين قدورة فوق العافية كيطيبو فيها داكشي لي كيصطادوه رجالهم.. وهما كياكلو كلشي حتا الدببة كياكلهم.. ما كيعرفو لا حلال لا حرام.. اما براء وتالا فكياكلو معاهم غير الحوت اذا كان وكيكملو بداكشي لي جايبين معاهم.. كانت كتمشى حتا سمعات صوتو وهي توقف فبلاصتها.. طلات عليه من مور واحد الدار دالاسكيمو.. وهو يبانلها واقف هو وتيكا والاب لكبير دلقبيلة لي سميتو لوكاسي وكيهضرو..الرجل لكبير كيهضر وتيكا كيترجم.. طلقات وذنيها كتسمعهم شنو كيقولو وسقرات فمكانها.. 

تيكا:خاصك تعرف بلي هادي اخطر حاجة تقدر ديرها فهاد الرحلة كاملة.. حنا براسنا وماشي كلنا كنديروها.. واغلبية غير الاب لكبير لي كيديرها

براء :عمر واحد هو لي كاين.. ونهار تجي الموت راه اتجي بسبة وبلا سبة

تيكا :بلحق خاصك تكون على علم فين اتحط رجليك

براء :ولا عليك.. نتا غير شرحلي كلشي

تيكا:مهم.. هاد القضية دالصيد ما كدارش ديما.. كنتسناو وقتها.. لي هو وقت الجزر.. فاش كيرجع الماء وكيخلي غير الثلج موراه لي كيتحرك وكيخلي شقات.. وكنحفرو فدوك الشقات وندخلو تحت الثلج نقلبو على الحوت لي كيبقى حاصل.. خصوصي بلح البحر.. الوغ حنا كنحفرو وسطو وكندخلو تحت الارض ونقلبو وسط لحفاري.. القضية ماشي ساهلة.. ولي صعيب فيها ان الماء يقدر يرجع دغيا.. اطول وقت هو ساعة ولا ساعة ونص وكيرجع الماء.. واذا رجع الماد ونتا مزال حاصل تحت الثلج.. فراك عارف شنو يقدر يوقع

براء :(عاقد حجبانو بتركيز) مزيان.. فوقاش نقدرو نمشيو

خرجات عينيها هي وحطات يديها على فمها باش ما تسمعش شهقتها.. تقبط عليها قلبها.. فين باغي يرمي راسو هذا.. فاش كيفكر.. غادي للموت برجليه.. حماق ولا مالو.. سرطات ريقها حاسة بقلبها كيضرب بالجهد وبقات ساقرة كتسمع شنو ايقولو مزال.. 

دار تيكا هضر مع لوكاسي.. ورجع شاف فبراء كيشرحلو.. 

براء :قالك غذا فالساعة دلفجر.. فاش كيكون بدا صباح يطلع.. حيث فداك الوقت كيكون الماء كيرجع.. 

براء :(حك لحيتو) مزيان.. اتفقنا اذا غذا

تيكا :مأكد!!! راها ماشي ساهلة.. انا وعمري درتها

براء :(تنهد) ما بقات كتخلعني حتا حاجة.. الا غير الموت.. غير تجي مرحبا 

تيكا :ونسيتي مراتك

براء :(ضحك بسخرية وهضر بالداريجة باش ما يفهموش) مراتي هي لولة اتفرح بموتي ههه.. اوديييييي

سمعاتو تالا وهي تزير فبلاصتها.. غرغرو عينيها وحسات بالقهرة.. مستحيل تفرح لموتو.. علاش كيفكر هاكة.. ولكن علاش اتلومو وهي لي خلاتو يفكر بديك الطريقة.. كرهات راسها فهاد اللحظة منين سمعاتو قال هاد الهضرة.. وفنفس الوقت شداتها الخلعة والرعااااادة.. الا مشى ووقعاتلو شي حاجة بصح شنو دير!!! غير مجرد الفكرة خلات قلبها ايسكت.. 

تيكا :ما فهمتكش! 

براء :والو والو.. مهم.. ما نبغيش هاد الهضرة توصل لمراتي.. خليها بيناتنا

تيكا :راه من حقها تعرف

براء :لا.. ما بغيتهاش تعرف.. مهم حنا تافقنا.. غذا مع لفجر.. وهي ما تكسبش لخبار..

تيكا :اوك.. لي بغيتي.. نتا تعرف.. مهم غذا فلفجر كون واجد.. اتمشي غير نتا والاب الكبير صافي 

براء :(بجدية) مزيان.. تفاهمنا

كملو هضرتهم.. غافلين عليها هي لي موراهم قلبها ايخرج من بلاصتو.. دارت كتشوف قدامها وكلامهم داير فدماغها.. هزات راسها وتمات غادة للبيت كتخلف بالزربة ووجهها زاااااااد هرب منو الدم كثر ما كان هربان..دخلات للبيت كتعض على ضفارها وتمشي وتجي وتهضر مع راسها بصوت غالبة عليه البكية.. 

تالاسين :شني باغي يعمل فراسو هذا!! ايرمي راسو للموت.. هذا حماق ما فيهاشي!! تسطااااااا فمرة... 

وقفات وحطات يديها قدامها لقاتهم كيغزلو.. كلها كترجف.. وقلبها كيضضضضرب بالجهد.. حطات يديها على قلبها وجلسات فالارض شادة فيه ومزيرة على عينيها وشادة البكية بزز.. 

تالاسين :يا ربي تستر.. يا ربي تستر.. ياااا ربي تستر

جلسات مقنتة وشادة فقلبها.. وكتخمم فكلامو.. ديك الجملة مزالة كتعاود فوذنيها "مراتي هي لولة اتفرح بموتي" وشحاااال قصحاتها هاد الهضرة.. حسات بيها موووس وتغرز فيها.. علاش هاكة!!! حتا لهاد درجة هي قبيحة معاه حتا خلاتو يوصل لدرجة يضنها تفرح بموتو.. تقهرات دبصح.. حسات براسها وحدة ما تسوى ما تصلاح.. ودموعها نزلو بلاااااا هواها.. علاش باقي ما فهم بلي هي ما كتكرهوش.. غمضات عينيها كترجع السينتة لور.. وكتفكر كااااع الاحداث لي جمعاتهم حتا وصلات لليوم.. وعرفات دبصح علاش قال ديك الكلمة.. قلبها موجوع بهضرتو وعقلها خدام وهازلو الهم.. وكتفكر كيف ادير تحبسو.. حارت ودارت بيها الدنيا وشداتها الدوخة.. باغة تمشي عندو توقفو وفنفس الوقت ما قاداش وشي حاجة حابساها.. 

طاح عليها الليل وهي مخشية فداك البيت.. تخمم وتضرب اخماس فاسداس.. وهو قطع رجليه من داك البيت.. نهار كامل ما جاش جيهتها.. عارفها فالبيت وكيسيفطولها الماكلة وكيسول على حالتها كيبقات وصافي.. 

ولثاني ليلة.. ما نعسات ما شافتو.. المرض فيها وزادت كملات.. مخشية فبلاصتها وحاضية فوقاش يبدا يصبح الصباح وهو حرااااام ولا جا ولا طل على بيتها.. وحتا هي ما تسناتوش حيث عارفاه ما ايجيش من بعد لي وقع.. ووسط هاد المعماعة نسات كاع اش كان واقع بيناتهم.. بقات كتفكر غير فهاد لحريرة لي ايطيح راسو فيها.. وغير شافت الضوء بدا يبان وهي تنوض من بلاصتها كطير.. حوايجها كانت لاابساهم.. غير لبسات بوطها وخرجات كتسلت فداك الليل وتقلب عليه.. سمعات لكلاب كينبحو ومشات تابعة الصوت كتخبع حتا كيبانلها واقف هو ولوكاسي الراجل لكبير.. كيوجدو لكلاب ويلجموهوم باش يمشيو فالعربة..حيث خاصهم يوصلو دغيا.. كانو كيبانولها بعاااد على الديور.. يله وقفات ما كملوش دقيقة حتا كانو ركبو وقلعو.. خرجو عينيها.. ووقف قلبها.. وفشلو رجليها.. وبدا تأنيب الضمير كيحك فيها.. علاش خلاتو يمشي.. فين كانت ليلة كاملة.. مشااااااا دابا وشووف واش يرجع ولا لا.. نفسها الخاوية هي لي وصلاتها لهنا.. هي لي وصلاتهم لهاد الحالة من لول.. سبات راسها ونعلاتو فهاد اللحظة.. وهي كتشوفو غااادي وكيبعد ولكلاب كيجريو وينبحو.. النفس تقطعات فيها بقوة الخلعة.. حطات يديها على قلبها ودارت راجعة كتجري وتعيط بسمية وحدة..

تالاسين :تيكا.. تيكا.. 

وصلات لبيتو ووقفات عند الباب كتعيط وتعاود حتا فاق وناض خرج عندها وهي تشنق على دراعو كتجر فيه.. 

تالاسين :براء.. مشااااا.. ديني عندو.. عافاك.. ديني عندو 

تيكا :بشوية عليك امدام.. تهدني

تالاسين :الاااااااا عتقني دغيا طلق راسك.. هو مشاااا عافاك يله معايا.. عافاك ديني عندو 

تيكا :ما ايبغيش.. باش عرفتي نتي اصلا ؟

تالاسين :ماشي مهم كيفاش.. مهم خاصني نلحقو قبل ما يخرج على راسو

تيكا: (شاف حالتها كي دايرة وتنهد) واخة هانا جاي

تالاسين :دغيا.. سربي راسك

دخل وخلاها كتمشي وتجي حدا باب البيت.. حتا خرج عندها وتم غادي وهي تابعاه.. مشا لجيهة فين موقف العربة بكلابها.. وبدا كيسرجهم وهي شاقماه وواقفة عند راسو كتزربو.. زرب عليهم دغيا اصلا مولفين بيه ما كيتعكسوش معاه.. دغيا سرجهم وركبها قدامو وركب هو وشدو الطريق.. وديك الطريق كتبانلها طوييييلة.. كتقول غير ايمتا توصل عليهم ولا يبانولها.. ولكن وااااالو.. مشاو شحااال وهما كيقلبو عليهم.. عارفهم شمن منطقة ايمشيو ولكن شمن جيهة بالظبط ما عارفش.. وبقاو كيدورو ويقلبو عليهم.. وهي فيها البيضة.. غير غادية وتنگر ومزالة شادة فراسها ما باغاش تبكي وفما تشدها البكية تخشي الكول دكبوطها ففهما وتعض عليه.. وعينيها كتغزل وتقلب عليه وسط الثلج.. 

حتا بانتلهم العربة بكلابها واقفة وهي تنقز فبلاصتها كتنعت وتشير.. 

تالاسين :رااهوما رااااااهوما.. عتق دغيا.. دغيااا

تيكا :راه شفتهم 

تالاسين :طلق راسك اتيكا.. سربي

وصل عليهم.. ما كانوش.. كان غير لكلاب.. نزلات وهي كتفتف.. بانتلها غير حفرة محفورة وسط الثلج فالأرض.. وهي تشد فقلبها.. 

تالاسين :هبطوووووو!!! 

تيكا:داكشي لي بانلي

تالاسين :شني عملت ياااا ربي.. علاش ما حبستوووشي.. تفووووو عليا.. حماااارة اههئ اههئ 

تيكا :ما تخافيش.. ما ايوقعلو والو

تالاسين :ولا وقع! 

سكت وما جاوبهاش.. وهي طاحت جلسات فراس ديك الحفرة وكتشووووف فيها بقهرة.. ودموعها بداو يقطرو فصمت.. جاتها اللقوة.. وبدات غير كدعي فخاطرها.. طاااال عليهم الوقت.. وتيكا كيهدن فيها.. وهي غير ما كتزيييد تفشل وقلبها فهاد اللحظة كون لقات تقلعو وترميه.. 

حتا بدا كيبانلهم شي راس دشي حد خارج.. وهي تخرج عينيها تشوف شكون ويديها على فمها كتسنا تشوف وجهو.. ولكن خابت ضنونها فاش بانلها وجه لوكاسي.. لي غير هز راسو فيهم تفاجئ.. خرج ووقف قدامهم وهضر ولكن شكون فهمو.. وهي حاضية من موراه يبانلها براء ساعة والو وكتسمع تيكا ولوكاسي كيهضرو بيناتهم.. تزيرات ودارت عند لوكاسي وصوتها كيرجف.. ووجها فزك بدموعها.. وعينيها خرجو بالخلعة.. 

تالاسين :(بخوف) فين هو راجلي!!! 

هضر تيكا مع لوكاسي.. لي وقف كيطل فالحفرة. وكيهضر.. 

تيكا :قالك كان جاي موراه.. ما عرفش فين هو

تالاسين :(خرجات عينيها) كيفاش ما عرفشي!!! وشكون ايعرف.. ياك كان معاه

تيكا :تهدني امدام.. راه ايكون غير تعطل شوية من موراه وصافي

تالاسين :(غوتات كتبكي) لاااا لاااا جيبولي راجلي اههئ اههئ.. نتوما لي جبتوه لهنا اههئ 

تيكا :انا راني حذرتو وقلتلو هادشي لي ايديرو راه صعيب وهو ما سمعليش

تالاسين :ماااااشي شغلي.. هضرتك زيدها فرااااسك.. انا بغيت راجلي اههئ اههئ 

تيكا:غير تهدني.. خلينا نتسناو شوية بعدا

تالاسين :ما انتسنااااشي.. انا انهبط بيدي

تيكا:ما عندك فين تهبطي.. راه دابا والماء ايرجع.. ما نقدروش نهبطو الماء ايلحق علينا لتحت

زاااد كمل عليها وخلعها.. ما تسوقاتلوش وقلبات وجهها جيهة لحفرة باغة تهبط وهما يشدوها بزوج رجعوها قبل ما تنزل.. وهي تغوت ربي لي خلقها.. 

تالاسين :طلقوووووووووني اههئ انهنههئ 

شدوها بزوج وهي كتعصصصر وتلوى بين يديهم وهما كيتقاتلو معاها وهي كتنقز وتغوت وتبكي.. 

تالاسين :براااااااااااء اههئ اههئ الا وقعاتلو شي حاجة والله حتا ندمممكم اههئ اههئ رخييييو مني اههئ اههئ برااااااء.. برااااااء 

تيكا :تهدني امدام.. تهدني عافاك

تالاسين :اععععععععع.. رخي مني رخي اههئ اههئ برااااااء اههئ اههئ بغيت براء 

تيكا :ايخرج غير صبري

ترخات بين يديهم وطاحت على ركابيها فالأرض كتبكي وتشهق روحها اتزهق وهما ما تاقوش يطلقوها تمشي تهبط.. 

تالاسين :فينك ابراء فينك اههئ اههئ عافاك رجع اههئ عافاك رجعلي عافاك.. ما تخلينيشي اههئ اههئ 

تيكا :(بقات فيه) ايرجع ما تخافيش.. 

تالاسين :(هزات عينيها فيه كتشهق) عافاك.. رخيني نهبط.. عافاك اههئ اههئ 

تيكا :هو راه خلاك امانة عندي.. وقبل ما يمشي فالصباح وصاني عليك

شافت فيه وحنات راسها كتبكي.. زاد كمل على ما بيها.. ديما كيفكر فيها.. ديما هازلها الهم.. وديما فبالو.. وهي فين من هادشي كامل.. تقهرات كثر ما هي مقهورة.. 

تالاسين :غير رخيني.. الا وقعاتلو شي حاجة ما بغيتشي نعيش من موراه اههئ اههئ 

تيكا:(حنا راسو) ما نقدرش

هزات عينيها فيه حوووووومر فحال المجنونة وكارزة على سنانها وكتنتر من يديه.. 

تالاسين :وااااا رخيني رخييييني.. ماشي شغلك فياااااا اههئ اههئ طلقو مني اههئ بغيت راااااجلي اههئ اههئ حراااام عليكم خليوني نهبط عندو اههئ 

شدوها وهي كتمرغلهم فالأرض وتغوت وتعصصصر ورجعات حمرااااااااء دم وكتغوت حتا تبح حلقها وهما متلوفين معاها حتا سمعو صوتو لقوي لي فزعهم.. 

براء :شنوووو واقع!! 

هزو راسهم فيه وسقرو.. كيشوف فيهم ومخرج عينيه ومخنزر.. تخلع فاش شافها هكاك وما فهم والو وفنفس الوقت ما عجبوش المنظر.. هي غير شافتو فحال الا قلبها تهز وتحط ناااضت وتنترات من يديهم ووقفات بالزربة كتبكيييي ونقزات عليه عنقاتو حتا كان ايطيح حيث غفلاتو.. دورات يديها على عنقو وزيرااات عليه.. يبسات عليه يبسة وحدة.. وواقفة على طراف صباعها باش تلحق لعنقو حيث طويل عليها.. وصوتها كيتسمع فوذنيه كتشهق وهي خاشية وجهها فعنقو.. تلف.. وتفافا.. وتخلع.. ما فهم حتا حاجة.. وبقى واقف مدهووووش وهي مزيرة عليه ومعنقاه.. 

تالاسين :حراااام عليك اههئ حراام عليك اههئ كنت انموت بالخلعة اههئ اههئ حراااااااااام اههئ 

بقى غير كيرمش ويشوف قدامو وهي غير ما كتزيد تزير عليه.. حتا تواكض وحط يدو على خصرها ببطء وبشوية بشوية بدا كيزير عليها وهي ما حدو كيزير عليها وما حدها كتزيد تخشا فيه وتيبس على عنقو وتزييييد فبكاها.. حتا زير عليها مزياااااان وخشا راسو فعنقها كيتتفس ريحتها... 

براء :ما وقع والو.. تهدني 

تالاسين :علاش مشيتي علاااااش انهنههئ اههئ علاش مشيتي وخليتيني اههئ اههئ 

براء :شششش.. سكتي من لبكى صافي

سكتات وتخشات فيه ودموعها كيفزكو عنقو وهو حط يدو على راسها كيدوزها ببطء ويهدن فيها وتيكا ولوكاسي واقفين كيشوفو فيهم.. 

تيكا :تخلعات عليك.. كانت باغة. تهبط تلحقك

شاف فيه براء وتبسم ورجع خشا راسو فعنقها وزيرها كثر عندو.. 

براء :هانا معاك.. ما عندي فين نخليك

تالاسين :ما تعاوداشي اههئ اههئ 

براء :عمَممري

بقات شحال وهي معنقاه وهو كيهدن فيها.. وهو عاااجبو الحال وما قاداه فرحة فاش حس بخوفها عليه.. ما كرهش يشدها يدفنها وسط منو.. حتا بدات كتسكت بشوية بشوية وبعدلها وجهها عليه وحطو بين يديه صباعو كيمسحولها دموعها..وحط عينو فعينيها.. 

براء :(بصوت خافت وحنين) خفتي عليا!

تالاسين :(حركات راسها بالايجاب وهي كتخنصص)

براء :(تبسم) علاش!

تالاسين :ما تعاوداشي سمعتيني.. كون متي!!! ما فكرتيشي فيا

براء :شنو ايوقع اذا مت!

تالاسين:عمري نسمح لراسي

براء :علاش؟

تالاسين :(بدات تبكي وتغبن) شكون قالك انا انفرح اذا متي اههئ اههئ علاش كتقول هايدا

براء :(عقد حجبانو باستغراب) شكون قالها

تالاسين :نتينا

براء :فوقاش

تالاسين :البارح.. سمعتك

براء :كنتي كتصنتي

تالاسين :الصمت

براء :ومالي كذبت.. ما اتفرحيش

تالاسين :مستحيل..

براء :وشنو اديري؟

تالاسين :(شداتو من حوابجو مزيرة عليه) اصلا انا ما نخليكشي..

براء :(بدهشة) بصح؟؟

تالاسين :سمحلي ابراء.. انا عارفاك ما عملتيهاشي لخاطرك.. عارفاك غير بغيتي تعتقني.. سمحلي

ضحك حتا بانت الضرسة اللخرانية بين سنانو.. وزير وجهها بين يديه وقربها ليه كثر.. 

براء :نتي لي سمحيلي.. حيث قستك.. 

هزات عينيها الحومر فيه كترمش.. وشفارها فازكين.. وحنوكها حومر وفمها كثر.. شاف فيها وتبسم وهو حاس بقلبو فرحان كينقز.. وببطء قرب وحط شفايفو على عينيها.. باسهم وحدة وحدة وهي مغمضة عينيها.. 

براء :ما تبقايش تبكي

حركات راسها بالايجاب فحال الا تقول مبنجة.. فهاد الساعة غير قلبها لي كيحركها ولي حاساه ايخرج من بلاصتو.. وهو متفاجئ وبهوووض فهاد التغير المفاجئ فيها.. وما باغيش يتسرع ويفهمها غلط.. حيث سبقلها وقعاتلو وفسر تصرفاتها على هواه وفلخر قلباتلو كلشي.. 

تيكا :فين تعطلتي

براء :(هبط يدو من وجهها وشاف فتيكا) كنت كناخد شي تصاور

تالاسين :(ضرباتو لصدرو) نهار لخر انهرسلك هاد الكاميرا دالزعت لي ديما مطيحانا فالمشاكيل.. ديك المرة انا ودابا كنتي اتمشي فيها نتينا.. ما اتهنى حتا تخرج على راسك

براء :هههه مالك تسيفتي.. عاد ونتي ضريفة وبكوووشة

تالاسين :راه والله حتا انهرسها شي نهار

براء :واخة تعياي ما تهرسي.. نتي تهرسي وانا نشري

تالاسين :واش باغي تموت غير قولي.. كل مرة رامي راسك لشي مصيبة كحلة.. ما كتفكر فحد

براء :ههه ما ايوقعلي والو.. (شاف فتيكا ولوكاسي) مشينا؟ 

زرب عليها وخلاها ضربات الطم وهو راسم ابتسامة عريضة على فمو.. ويدور يدور ويشوف فيها واش بصح هي لي كانت كتبكي على قبلو ولا غير تخايلو.. ركب لوكاسي وتيكا فعربة وهي جلسات وجلس هو موراها فعربة بوحدهم.. ودابا عاااد بدات ترجع سينتة وتفكر التعنيقة وبدات دخلها الحشمة.. حسات بصدرو لاصق فظهرها.. ونفسو كضرب فوجهها من الجنب.. مد يدو شاد اللجام وجا فحال الا معنقها.. حسات بلحيتو كتكها فوجهها وهي تخرج عينيها فاش حسات بيه كيخشي راسو فعنقها.. حتا سمعاتو نطق حدا وذنيها بصوت بورشها وزعزع قلبها من بلاصتو حتا شداتها السخفة.. 

براء :قبطي راسك مزياااااان

غمضات عينيها كتسرط ريقها.. وهو شاف فوجهها وتبسم ابتسامة جانبية وهز راسو وضرب على لكلاب باش يزيدو.. 

🍃🍃🍃🍃

كان جالس فالبالكون دبيتو.. حاط كاس دالقهوة قدامو ومذكرتها وسط يديه كيقرا فيها.. ديك المذكرة حفظها بقوة ما عاودها.. كيقراها ويعاود وفكل مرة كيحس باحساس خااايب.. كيحس بقلبو كيضرو.. وهو كيفكر شحال كانت كتبغيه.. عذرها.. اه عذرها.. حيث هو عارف الحب وشحال خاايب وصعيب.. وعارف لي كيبغي يقدر يدير كلشي.. واخة ما ينكرش انها غلطات.. وغلط كبييييير.. ظلماتو وبزاااف.. ولكن كلامها مزال كيتعاود فبالو.. "يمكن نتا مزال ما لقيتي لي تستاهل حبك ليها".. واش بصح.. يمكن يكون بصح تالا ما كانتش مكتابالو.. هز راسو للسماء وتنهد بصوت مسموع 

سعد:(بحرقة) اخخخخخ اتالا.. 

مزال قلبو محروق عليها.. مزال ما قادر ينسى فمرة شنو وقع.. مزال ما قادر يغفر لراسو حيث ظلمها وحيث ما ثاقش فيها.. مزال ما قادر ينسى بلي كانت اتكون مراتو وديالو.. ولكن للقدر كلمة اخرى.. ضحك بسخرية على راسو.. هو كيبغي وحدة لي كانت اتسمح فيه وشحال وهو تابعها باش تزوجو.. وما رااادش البال لوحدة يااااخرا لي كانت كتحماق وتسطى عليه.. علاش ديما كنبغيو ناس ما كيبغيوناش..ولي كيبغيونا كنظلموهوم.. علاش الدنيا ديما كتمشي بالعكس.. تنهد وناض سد ديك المذكرة ووقف.. ودخل لبيتو حيث سمع لفجر كيأذن ودخل يصليه.. 

🍃🍃🍃🍃🍃

كانو غاديين فطريق وهي ساااكتة وقارمة فبلاصتها.. شداها الخلعة من الركبة ومنو هو لي لاصق عليها..طلعات معاها الصهدة دبصح.. حتا سمعاتو كيهضر حدا وذنيها..

براء :علاش خفتي عليا؟

تالاسين :ما نخافشي!

براء :ماشي لدرجة تفكري تبعيني.. ثاني مرة كديريها

سكتات كتشوف قدامها.. هي وما عرفاش علاش.. ولا عارفة ومزال ما بغات تعتارف لراسها.. وبقات غير كدور فعينيها..

تالاسين :الا وقعاتلك شي حاجة خالتي عمرها تسمحلي

براء : هادشي كامل على خالتك!!

كانت جالسة فبيتها كتصلي لفجر وتبكي ودعي ودموعها كيتلاقاو.. حتا تم داخل من بعد ما كان غاااابر.. وهي حسات بيه حتا بانلها تمد على طولتو فوق الناموسية بصباطو ورمى يدو فوق عينيه.. بقات حتا سالات وكملات الدعاء ديالها وهي على شهقة وحدة.. غافلة عليه هو لي ما حدو كيسمع شهقتها وقلبو كيتحرق معاها.. تحات وناضت جمعات الصلاية وقربات وقفات عند راسو..

رؤيا :(بدموعها) مزال ما اترجعلي بنتي!

فراس:الصمت

رؤيا :معاك كنهضر

ناض من بلاصتو كيزفر ووقف خارج فحالو وهي تشدو..

رؤيا :ما انخليكشي تهرب عاود.. شوف حالتنا كيف رجعات.. لا نتينا مزيان لا انا لا يما لا حتا واااحد.. باغينا نبقاو هايدا!!!!

فراس :(بحدة) رااسي ايتفركع.. وما فيا لي يهضر

رؤيا :وانا قلبي ايطرطق وبغيت بنتي.. راك اتندم افراس.. اتندم على بيسان كما ندمتي دابا على براء وتالا لي ظلمتي..

فراس :ما ظلمتهاش هي دارت علاش

رؤيا :غلطات..واش حد ما كيغلط..واش لي غلط نفيوه..

فراس:خاصها تربى

رؤيا :وهاكة اتربيها!!

فراس:انا عارف شغلي

تنتر منها وتم خارج بحالو وهي طاحت جالسة كتبكي..

رؤيا :اتندم افراس اتندم اههئ اههئ

🍃🍃🍃🍃

تفرقو وبغى كل واحد يمشي ينعس فبيتو.. ناض لي ناض وفلخر بقى غير هو وياها جالسين.. شافت فيه وشاف فيها.. وفاش كيهضرو العينين الفم كيسكت.. توترات من ديك الجلسة ومن ديك الشوفات وناضت وقفات.. 

تالاسين :ما فيكشي النعاس

براء :فيا الموت دالنعاس

تالاسين :ايوانوض

براء :فين!!

تالاسين :للبيت.. تنعس.. فاين

براء :مأكدة!!!

تالاسين :(تبسمات) اه مأكدة غير نوض

ضحك وهو كيشوف فيها.. اليوم حس براسو كيشوف تالاسين جديدة.. غير لي كيعرف.. ناض وقف وتمو داخلين لبيتهم بالسكات.. وهي كتشوف فجنابها حششمانة تشوف فيه فحال الا اول مرة ينعسو فنفس البيت.. ولكن غير كتفكر بلي باسها ودارلها داك لفضيحة كتبغي تغرق فحوايجها وكتنفض راسها باش ما تفكرش داكشي..

دخلو وشد كلواحد فيهم بلاصتو وهو مقلعها بلي حشماااانةوما بغاش يهضر باش ما يزيدش يحشمها.. ما باغيش يخسر هاد الجو لي بانتهم.. واخة غير السكات.. ولكن فداك الصمت حاس بواحد الكيمياء بيناتهم غريبة وعاجباها..

تجبد هو كيتفوه وكيطيح بالنعاس وهي عينيها كيتلصقو.. كل واحد تكمش فبلاصتو وقطعو الحس.. يوماين بلا نعاس كانت كافية تخليهم مهلوكين.. ولكن رغم التعب عقلها ما خلاهاش تنعس.. كتفكر فلي وقع هاد النعار وفلي وقع قبل.. شنو رقعلها.. علاش تخلعات عليه هكاك.. قلبها كتحس بيه ايخرح من بلاصتو فاش كتفكر بلي يقدر توقعلو شي حاجة.. زعما حب أخوة هذا!!!!!!...ولكن علاش قلبها كيضرب هاكة فاش كتكون حداه.. علاش كتحس بالسخفة فاش كيشوف فيها او تسمع صوتو.. احاسيس جديدة عليها هادي.. دارت تقلبات جيهتو بشوية.. بانلها ناعس وقالب وجهو جيهتها.. تبسمات وهي كتأمل فوجهو.. كان داز شحال دالوقت.. يعني ايكون نعس.. عجبها شكلو وهو ناعس.. او بالأحرى حمقها.. تنهدات بعمق.. وبدون شعور لقات صباعها كيلعبو فلحيتو.. كتمشيهم ببطء وغير بأطرافهم..لحيتو رطبة وزويييينة.. طلعات يديها شوية لشعرو لي بدا كيقوى حيث شحااال ما حسن وطايح على جبهتو.. هزاتولو على عينيه كتلعب بيه بشوية وسرحاااانة فيه.. ما كانتش واعية بشنو كدير.. وبصوت خااافت نطقات.. 

تالاسين :ابتسامتك نداء من الجنة.. شعرك طريق أردت سُلُوكه مدى الدهر.. عينيك مسروقة من إحدى الحور العين.. ملمس خدك قصة لم تروى من قبل.. 

تبسمات ابتسامة خفيفة.. وهي كتفكرو فاش كان قالها نفس الشعر وهي ناعسة.. او بالأحرى كان كيضن بلي هي ناعسة.. ولكن هي سمعاتو.. وحفظاتو.. ومزالة كتعقل على قلبها لي كانت حاساه ايسكت بقوة ما كيضرب لدرجة خافتو يسمعو ويعرفها فايقة..

صباح عليهم صباح كئيب فالفيلا.. شي ماكلة ما بقات كدوز ولا نعاس بقى كيحلا.. كل واحد وفين مهموم فقنت.. والا تجمعو فبلاصة واحدة كل واحد فين كيبقى ساكت وكيخمم ولا يبداو يتبكاو.. نزلات رؤيا.. بزز باش كتجر رجليها.. تحت عينيها كحال.. وباين فيها لعيا.. ما مشاتش لخدمة لي ما بقات عندها لا گانة لا لخاطر ليها.. دخلات عليهم للبيت ديال الماكلة.. لقات هنية وحسن فقط لي جالسين على الطبلة.. تنهدات بارهاق..

رؤيا :صباح الخير

حسن:(بعياء) صباح النور

جلسات على الطبلة ساكتة.. وكتشوف فيهم وشي كيشوف فشي.. ديك الماكلة قدامهم وشكون يهبطها.. حدهم كيشربو فكاس دالقهوة كحلة قدامهم..

رؤيا :جهاد وجواد مشاو للخدمة؟

هنية:اه

رؤيا :وفاين هي يما!

حسن:ما عرفت.. اتكون غير مزالة ناعسة فبيتها

رؤيا :انمشي نشوفها 

هنية:فطر بعدا

رؤيا :(ناضت) شكون هذا لي قاد ياكل.. ما عندي مناين يدوز 

هنية:لا حول ولا قوة الا بالله 

خرجات فحالها قاصدة بيت رقية.. دقات ثلاثة الدقات ودفعات الباب ودخلات.. طلات عليها مزالة ناعسة فبلاصتها.. ما موالفاش ليها.. قربات عندها وهي تبانلها كلها عرقانة سااااردة وكترجف.. كي لكميشة ملوية فلغطاء وكلها كتغزل.. خرجو عينيها وقفز قلبها وجلسات حداها.. حطات يديها على جبهتها لقاتها كتشوي.. 

رؤيا :(بخوف) يمااا.. يمااا.. كتسمعني يماااا

صدرات صوت أنين خفييييف بزز باش كيتسمع.. عراتها رؤيا دغيا وهي تكمش على بعضها برداااانة.. مع ضعيفة.. ما بقاتش كتبان.. 

رؤيا :(تقهرات) هادشي لي كان ناقص.. يما لحبيبة.. كتسمعني

رقية:امممممم.. 

رؤيا :اربي يا ربي... بااااااباااااا

عراتها وزولاتلها الدرة على راسها حيث مولفة كتنعس بيها وبدات تنقص عليها لحوايج.. حتا كيدخل عليها حسن وهنية مدرمين مخلوعين.. غير وصلو عندها وهما يطيح فيهم النص كثر ماهو طايح.. 

حسن:شني واقع

رؤيا :كتشوي كتشوي.. جاتها السخانة الباردة

حسن :(شد راسو) الله أكبر 

هنية:(جلسات عند راسها كتبكي) وياااااا خيتي وبسم الله عليك اههئ اههئ نتينا فعار الله.. رقية!!! ختي!!! كتسمعني.. نوض الحبيبة نوووض اههئ اههئ 

رؤيا :هزيها معايا ندوشولها.. دغيا اعزيزة

هنية:نديوها لكلينيك.. لا حنا عاد اندوشولها

رؤيا :هزي معايا اعزيزة وسكتي.. لي فيا يكفيني

هزوها بيناتهم ودخلوها للحمام يدوشولها بالماء دافي هو لي ينفعها.. وخلاو حسن شاد فراسو.. دارت بيه الدنيا ولمصايب كينزلو عليهم فحال الشتاء.. شاف حتا عيا وجبد تيليفونو من جيبو.. صونا شحااال حتا قطع.. وعاود صونا وبقى كيعاود حتا جاوب.. 

فراس :(بنبرة متعبة) الو؟ 

حسن:فينك! 

فراس:شنو بغيتي الواليدك

حسن:الحاجة رقية

فراس:مالها؟!! 

حسن:(تنهد بحرقة) صبحات مريضة بزاف.. جاتها السخانة

فراس:كييييفاش!!!!! هانا جاي(قطع عليه) 

حسن:(تنهد شاد راسو) لا إله إلا الله.. لا حول ولا قوة الا بالله 

ناض خرجلهم من البيت باش الا بغاو يخرجوها من الحمام ولا شي حاجة.. وبقى واقف فالباب كيمشي ويجي.. ما دازش بزاف حتا خرجات عندو رؤيا.. حوايجها فازكين وكلها عرقانة وعينيها قطرة دالدم بقوة لحمورية.. 

رؤيا :(كتنهج) بابا.. قولوم يوجدو الطوموبيل.. انديوها لكلينيك

حسن:واخة.. ياك لباس

رؤيا :دغيا ابابا

سدات الباب وخلاتو هو تالف فبلاصتو.. غادي وكيذكر الله.. والقهرة ل يفيه حتا هو ما عالم بيها غير مولاه.. مراتو لثاني مرة كديرها قدها قد راسها.. مصيبة لي كتجمعلهم وطويلهم نيت.. خرج هضر مع الخدامة وصاها ورجع عندهم باش كيتسناهم يخرجو.. حتا وقف عليه بطولتو وهيبتو وتخنزيرتو لي كتقتلك وتحييك فبلاصتك.. 

فراس:شنو وقعلها!!!! 

حسن:ما عرفناش اولدي.. ما جاتش تفطر فالصباح وناضت رؤيا طل عليها وهي تلقاها مجبدة ففراشها.. فيها السخاين وكترجف بالبرد

فراس:(مسح على وجهو وزفر بقوة) اخخخخخ ياااااااربي.. 

بغا يفتح الباب ويدخل وهو يشدو حسن.. 

حسن:عنداك يكون كيبدلولها

شاف فيها وقلب وجهو كيسوط.. وقف حاط يديها على الحيط وكيشوف فالأرض حتا هز رجلو وضربها مع الحيط صاعر..تكره فمرة.. 

رؤيا :بابا!!! 

مع الخرجة مع جات عينيها فيه.. عبسات وقلبات وجهها شافت فحسن.. 

رؤيا :اجي عاونا نهزوها ابابا

فراس:(بحدة) زولي انا انهزها

داز فيها وخلاها متبعاه كتخنزر فيه.. دخل وشاف فيها مجبدة تجبيدة وحدة وكتغزل فبلاصتها.. ضرو خاطرو وتزير عليه قلبو.. وزير على فمو ما حاملش يشوفها هاكاك.. حنا هزها كي الكمشة بين يديه.. خفيفة كي الريشة فحال الا ما هازش.. وهي كتمخشش فيه بردانة.. وتم خارج بيها كيخلف عشرة دالخلفات فخلفة وهما تابعينو كيجريو..

دخلو بيها لكلينيك.. ومن الباب دارو بيها.. اصلا هما مالين لكلينيك.. هزوها كيجريو بيها ومشات معاهم رؤيا رامية عليها شال غير ملوي وعباية كحلة.. وخلاتهم هما شي جاي شي غادي وهنية كتبكي وتحندب..

هنية:اربي من مصيبة لمصيبة اههئ.. اربي وشوف من حالنا يااااا ربي اههئ اههئ اربي وانا من التااايبين تحت لما شوف من حالنا اههئ اههئ

شاف فيها فراس وقلب وجهو كيسوط.. قنطاتو بداك لعيوط ديالها بحال الا تقول راهم فجنازة.. شاف فيه حسن كيمشي و يجي ويسوط ورجع شاف فهنية وهو ججالس حداها..

حسن:نعلي الشيطان الحاجة ودعيلها.. هاد لغوات ما عندو باش ينفع

هزات راسها فيه كتبكي وحركاتلو راسها وسكتات كتدعي معاها فخاطرها.. طال عليهم الوقت.. وكل واحد فين كيدعي فجيهة.. حتا خرجات عندهم رؤيا كتسد الباب من موراها وهما يوقفو عليها..

فراس:(معبس) كيبقات!!!

هنية:قوليلنا ابنتي.. امدرا!!

رؤيا :سعفوها.. وكنتسناو حرارتها تهبط.. طلعات بزااف.. وفسنها حرارة بحال هادي خطر عليها.. بفففف وهي اصلا ما عندها صحة

فراس:اندخل نشوفها

رؤيا :(حطات يديها على صدرو وحبساتو) ما عندك فين دخل.. خليهم كيديرو شغلهم.. وهي خاصها ترتاح.. ما عندك ما دير حداها

هنية:ما ايوقعلها والو ياك ابنتي

رؤيا :(بحسرة) ان شاء الله

رجعو لور جلسو فبلايصهم وفراس بقى واقف متكي على الحيط.. مكروازي رجليه ومربع يديه ووحدة حاطها تحت ذقنو كيحك بيهل لحستو وشاهي فالارض قدامو.. تنهدات رؤيا وهي كتشوف فيهم وتمات غادة فالكولوار وهو يشدها من دراعها ووقفها مخنزر فيها..

فراس:فين غادة؟

رؤيا :(عبسات فيه) انبدل حوايجي.. فازكين.. كاين شي مشكيل

طلعها وهبطها وطلق منها وقلب وجهو ورجع وقف فبلاصتو كيخمم.. هي ميقات فيه ومشات كتزدح ما حاملة حد..ودخلات لبيروها فين مخلية شي حاجة دحوايجها تما حيث كتوقف عليهم.. سدات الباب وهبطات الريدو دالسراجم وبدلات عليها حوايجها وخرجات رججعات عندهم لقاتهم كي خلاتهم..

🍃🍃🍃🍃🍃

تالاسين :ابتسامتك نداء من الجنة.. شعرك طريق أردت سُلُوكه مدى الدهر.. عينيك مسروقة من إحدى الحور العين.. ملمس خدك قصة لم تروى من قبل..

سكتات مبسمة ويديها مزالة سارحة على خدو غادة جاية بشوية ومستحلية ملمس لحيتو على يديها.. حتا كتشوفو حل عينيه على اخرهم فيها وعلى غفلة.. 

براء :شكاديري!! 

قفزها فبلاصتها.. ما عرفات باش تبلات.. ومع التلفة والخلعة والحشمة وكلشي تجمع عليها.. هزات يديها ونزلات بيها على حنكو بلا ما تشعر.. تصرفيقة ما مجهدة ما خفيفة بلحق تسمع صوتها.. ومع الضربة مع حطات يديها على فمها مبلقة عينيها فيه..مصدومة فأشنو دارت.. 

شد على حنكو وعقد حجبانو فيها وهي سادة فمها وكترمش فيه.. كون لقات تفتح الارض وتسرطها فهاد اللحظة.. حيث تجمعو عليها لعرارم.. 

براء :شنو درتي!! طرشتيني!

تالاسين :(مفافية) ااا.. سس.. سسمح.. سمحلي.. رررر.. راه ماشي طرشتك ااا.. ششش.. ششش.. شنيولة.. اه شنيولة.. شنيولة كانت فوق.. فوق حنكك.. ووووو ووقتلتها.. ماتت صافي.. مشات.. قتلتها.. 

براء :شنيولة هنا!!! من نيتك؟؟؟

تالاسين :اه اه.. شنيولة.. وكانت اتعضك وعزيتي عليا.. وانا نقتلها

براء:وتنوضي تصرفقيني!!!

سرطات ريقها.. خلعها دبصح.. زعما يكون كان فايق وسمعها وحس بيها!!!! غير الفكرة خلاتها تغرق فحوايجها.. وبدات غير كتفتف وتقلب على شي حاجة تسلكها.. وهي تجمع النفس وخنزرات فيه..دافعة جبهة

تالاسين :قلتلك شنيولة هي شنيولة!!! شعندي انكذب!!! وا هااااادي وحدة.. حن تمحن.. كون خليتها تعضك وتنفخلك ديك الكمارة الزينة لي عندك بحراااااااااا ثيق... وا دير الخير.. بالناااااقص كااااع.. ياااااه على بنادم

تقلبات عطاتو بالظهر وهي مغمضة على عينيها وعاضة على فمها وكتويل فخاطرها.. وهو بقى شاد حنكو وكيرمش فيها.. حكها بيدو وتبسم ابتسامة جانبية وعض على شفاه التحتانية ديالو وهو كيشوف فيها.. وبصوت ساخر ونبرة خافتة قرب حتا لوذنيها وهي ما حدها كتحس بيه كيقرب ما حدها كتزير على عينيها وتكمش فبلاصتها حتا وصل حدا وذنيها وهو ينطق..

براء :تصبحي على خير.. (سكت) اشنيولة ديالي

خرجات عينيها مبلقاهم قدامها.. وهو ضحك ورجع لبلاصتو نعس وتنهد براحة بصوت مسموووع..حط يدو على جبهتو ناعس على ظهرو ومغمض عينيه ونطق.. 

براء :انعس.. واذا بانتلك شي شنيولة.. غير خليها ههه

ضحك وسكت.. وخلاها هي مبلقة فحال الا صرفقتيها.. وبالها كيدي ويجيب وكتهضر فنفسها..

تالاسين :اواعدي يااااا وعدي!!!! ياك. ما حس بيا اوييييلي.. كان فايق!!!! ويلي ويلي ويلي.. يعطي ليدي قطييييعة تفو تفو تفوووو اهنههههههن..

دازو يوماين.. ما فيهم حتا جديد.. ولالة رقية مزالة مغيبة.. وهما ما خواوش عليها لكلينيك.. كيمشيو ويجيو.. وفراس خلا لخدمة لولادو وبقى هو معاهم.. بالو مشطووون معاها.. راه مو لي رباتو هاديك.. لي دوز معاها ما دوزوش حتا مع مو لي ولداتو..

كانو جالسين كالعادة وكيتسناو رؤيا تخرج من عندها..وكل واحد فين شاد كرسي وساهي فقنت.. حتا فتحات الباب وخرجات ملهوفة..

رؤيا :فاقت... فاقت

ناضو شي كيعتر فشي دخلو عليها.. ناعسة وهازينلها نصها لتحتاني معليينلها الناموسية.. ومربوطة بالسلوكة.. عينيها مشقلبين ودايخة.. كتحلهم وتسدهم وتدوز لسانها على شفايفها رقيوقين.. حتا حسات بيد شدات يديها وحلات عينيها بعياء لقاتو فراس لي واقف عند راسها وهنية جالسة عند رجليها والباقي دايرين بيها..

فراس:يما.. كتسمعيني!!!

رقية:اممممم

رؤيا :(كتشوف فيها بحسرة) ما اتقدرشي تهضر بزاف.. مزال خاصها ترتاح..

فراس:وشحال خاصها

رؤيا :ما عرفتشي.. على حسب

هنية:رقية!!! صحيبتي.. هي هادي ديالك.. سخيتي بيا ونويتي تفرقيني عليك

رقية:(حلات عينيها فيها وسداتهم)

حسن:بلا ما تهضروها.. خليوها ترتاح

عينين فراس ما فرقاتهاش.. ضرو خاطرو عليها وهو كيشوفها ضعيفة قدامو لا حول لها ولا قوة.. وهي غلاوتها فقلبو ما عالم بها غير الله.. حنا على راسها باسها وهضر قريب منها.. 

فراس:ارتاحي ورجعيلنا.. الله يطول فعمرك

بغى يوقف ويهز راسو وهي تزير على يديه لي شاد بيها يدها.. شاف فيها وعقد حجبانو باستغراب ورجع حنا لمستواها.. 

فراس:بغيتي شي حاجة ايما!! 

رقية:(بثقاااالة) وو.. ولا.. ولادي.. بب.. براء.. بييسان.. 

رؤيا :شني قالت!!! 

هز راسو وبعد عليها معبس.. بقى غير كيشوف فيها وهي كتحل عينيها فيه بزز.. شاف حتا عيا وطلق من يديها وخرج كيسوط وخلاهم هما ما فاهمين والو.. 

هنية:شعندو؟؟؟

رؤيا :هداك راه الصعرة كون كانت بنادم.. 

حسن:بلا ما تقويو هضرة.. راه الحاجة باقي عيانة

رؤيا :بصح.. خرجو نتوما هانا انلحقكم.. خاصها تنعس حيث عطيناها الدواء وكيدير النعاس وراه بدا يشد فيها

حسن:واخة.. الحاجة هنية يله نخرجو..

هنية:(تنهدات) واخة.. ربي يشافيك الحاجة

خرجو وخلاوها مع رؤيا مقابلاها.. وهي غير مرخية وتقلب فعينيها حتا مشاااات نعسات عاود..

🍃🍃🍃🍃

كان جالس هو فالاوطو ديالو ومقابل لبحر قدامو.. وبالو كيدي ويجيب.. يفكر فلي داز وفلي جاي.. فبنتو ومو وولدو وتالاسين.. شكون ظلم وشكون المظلوم.. شكون لي على حق وشكون لي لا.. حتا هو رجع حالتو حالة.. ديما ساهي وكيخمم.. وحريق الراس ما كيخطاهش.. كيحس بيه ايطرطق.. بقى فيه راسو وبقاو فيه ولادو.. ما ينكرش بلي موحشهم.. راه ولادو هادوك.. يقطع لحمو وما يفرطش فيهم.. والدم عمرو ما كيرجع ماء.. غلط واحد وتحاسبو عليه كلهم.. ولي بقى كتخلصو رقية فصحتها دابا.. كيشوف بلي من ناحية ولدو لقى لي بغى وهو لي عارف وعارف مزياااان شنو هو تكون كتبغي ولي كتبغيها تكون لشي حد اااخر.. مجرب داك الاحساس ماشي غريب عليه.. ولكن الطريقة لي جمعوهوم بيها خلات كلشي يتقلب ويترون.. وخلات شي يحقد على شي.. ولكن حتا هو غلط.. مزال يعقل على الطريقة باش تزوج رؤيا.. وكون ما سمحاتلوش كون راه مزال لحد الساعة كيتعذب.. ولكن ضروري خاصهم يترباو.. خاصهم يندمو على هاد الفعلة.. زفر ساخط.. وديمارا الاوطو ورجع فحالو.. 

🍃🍃🍃🍃🍃

داز داك النهار وصباح الحال.. فاقت وحلات عينيها مهلوووكة وكتشوف فجنابها.. لقاتهم دايرين بيها..شافت فيهم ساااكتة وجواد وجهاد وقفو عند راسها كل واحد من جهة كيضحكو.. 

جهاد:على سلاااااامتك الحبيبة ديالي

جواد:خلعتينا عليك العمر

جهاد :(خنزر فخوه) اهااااا حدك تما.. هادي راها ديالي

جواد:ا حيد يدك شمن ديالك.. هادي ديالي

جهاد:بغيتينا نتقابحو!!! 

جواد:بسم الله

فراس:(بحدة) دوز نتا وياه بركة من التفلية

رؤيا :بعدو منها راها مزالة عيانة خليوها غير تفتح عينيها مزيان

رؤيا :(دفعات جهاد ووقفات عند راسها) يما.. كيبقيتي

رقية:(كتسرط ريقها ناشف) شريبة! 

رؤيا :هي لولة.. (شافت فجواد) ارا داك الكاس دالماء حداك

جواد:انا لي انشرب كبيدتي بيدي

هنية:وا الله يمسخكم ههه

جواد:(شربها وحط الكاس) 

هنية:على سلامتك الحاجة.. خلعتينا عليك

حركاتلها عينيها بزز.. وبداو كل واحد منين كيهضر وجواد وجهاد حاميين السوق.. باغيين يفوجو عليهم شوية.. وهي غير كترمش ومرة مرة كتبسم بزز.. باااين فيها المرض بالمعقول.. هبطات عينيها وشافت ففراس لي جالس قبالتها.. لقاتو كيشوووف فيها وسااااهي.. حتا رد ليها البال وشاف فيها مطولا وتبسملها ابتسامة مكسورة وهي غير كترمش فيه.. كيهضرو غير بالعينين.. ناض بشوية وقرب وقف فوق راسها وبعدو لوخرين رجعو لور.. حنا باس راسها وشد يديها.. 

فراس:(بهدوء) على سلامتك.. 

رقية:(بثقالة وصوت عيان) الله يسلمك

فراس:كي حاسة براسك

رقية :نحمدو الله.. ونشكروه.. 

فراس:و نعم بالله

هنية:ايوا الحاجة.. بغيتي شي حااااجة تشهيتي شي حااااجة.. قولي.. ياك ما نعملك الرفيسة لي كتحمقك

رقية :(ضحكات ببطء وبدات تكح) كححح. كححح.. اححم.. الحمد لله.. الله يجازيك بالخير الحاجة.. انا ما بغيت غير وليداتي هاد الساعة.. (شافت ففراس) بغيتهم يتجمعو عليا.. خايفة لا الموت تديني وانا ما شفتهومش

هنية:برا والباس عليك.. مزال لعمر طويل ان شاء الله 

رقية:الموت علينا حئ.. وانا شحال ما بئيت نموت نموت.. راني شرفت.. على مزال نعيش قد لي فات

رؤيا :(شداتها البكية عليها وعلى ولادها) خليني من هاد الهضرة دابا.. ياك نتينا بيخير دابا

رقية:حامدة الله وشاكراه.. بغيت غير نشوف حبابي.. ما خايفاش من الموت.. خايفة غير لا تديني وانا ما شفتهومش

شافو كلهم ففراس لي غير كيشوف فيه وعاقدهم وساكت.. هز راسو فيهم لقى كل واحد فين كيبرقق فيه.. شاف فيهم مخنزر وساط وتم خارج فحالو حتا وقفو صوتها.. 

رقية:جيبهوملي اولدي.. عافاك.. جيبهوملي نكحل بيهم عويناتني ئبل ما يدي مول الأمانة أمانتو

سكت وخرج كيزفر.. وبقاو شي كيشوف فشي ويدورو فعينيهم..

حسن: الله يفرجها

رقية :هضرو معاه.. كحكح.. ئولولو يجيبهوملي.. بغيت نشوفهم.. بثلاثة

جهاد:علامن كتهضري ايما!! واش دوك لمساخط دولادك؟؟

جواد:واش من نيتك ايما!!! رماوك فدار العجزة ومن تما ما رجعو سولو عليك ومزالة باغاهم؟؟ ؟؟؟

رقية:سكت ونتين طير من المئلة.. كح كح كححح.. اربي ايئتلوني هاد زوج حلائم..

رؤيا :بشوية عليك الحاجة.. كتهضر على براء وبيسان وتالا.. ماشي على هادوك

كان خارج من البيت.. معلق كاميرتو فعنقو وهي تابعاه وكتوقفلو فالطريق.. 

تالاسين :اديني معاك مرحبا.. ما اتدينيشي اترجع ما اتجبرنيشي

براء :الله يهديك سيري تجلسي

تالاسين :الا نجلس نجلسو بزوج.. الا مشيتي نمشيو بزوج

براء :نتي كطيري.. ما يصلاحليش نديك معايا

تالاسين :ونتينا كتفرفر ما يصلاحليشي نخليك تمشي بوحدك

براء :(وقف وتقابل معاها) دابا شنو باغة!! 

تالاسين :رجلي على رجليك.. 

براء :(قرب منها مبسم) اممم.. رجعتي كتخافي عليا.. كيفاش طرا!!! 

تالاسين :(سرطات ريقها كدور عينيها) ممم.. ما كنخافشي.. ااا.. انا.. انا.. اووف ما تبدلشي الموضوع.. انمشي معاك

براء :(شاف فيها مطولا وقلب الدورة غادي) لا

تالاسين :انمشي 

براء :قلتلك لا

تالاسين :وانا قلتلك انمشي 

براء :ما اتمشيش اتالا

تالاسين :ايوا حبسني يالاه.. 

براء :(زفر ساخط) مالك معكسة.. 

تالاسين :(ربعات يديها) ماشي شغلي.. اتديني معاك.. ولا جلس حدايا

براء :جيت باشش نجلس حداك

تالاسين :وانا جيت باش نتحبس فنص بيضة مثلجة!!! 

براء :راه انمشي غير نصور الحيوانات لي كاينين هنا.. ما انمشي لحتا شي قنت.. غير نعسي على جنب الراحة

تالاسين :ايوا نمشي معاك ونعسو عليه بزوج

شاف فيها وتفرشخ بالضحك وهي عاااد سرات معاها شنو قالت وبقات غير كترمش وهو كيموت بالضحك قدامها حتا دمعو عينيه.. 

براء :ولفتي النعسة حدايا هههههههه.. حتا رجعتي طلبيها ههههه

تالاسين :راه ماشي هايداك.. ماشي داكشي لي قصدت.. شعندو عقلك موسخ

براء :بغيتي نعسو نعسو ما عندي حتا مشكيل ههههههه

تالاسين :(خنزرات فيه) ما ضحكشي معايا هاد الضحك.. ما كنحملوشي

براء :(جرها من نيفها لحمر بزوج صبعان) هههه كتحمقيني ونتي معصبة

تالاسين :(عوجات فمها) امممم.. غير بلا ما تلفني.. راه انمشي هي انمشي

براء :وااااا حصلاااااا هادي.. راه انعوجك شي نهار على هاد قصوحية الراس

تالاسين :راه انلحقك نلحقك.. اللهم ديني معاك حسن ما نجي بوحدي

براء :وا لااايني لصقة

تالاسين :(ميقات فيه) على زينك

براء :مالك غزال كي جيتك

تالاسين :اه غزال خاصك غير زوج جرينات وترودع فالغابة

براء :ههههه ياك الحلوفة

تالاسين :بزاف عليك

براء :(تنهد كيضحك) مشطبا كحلة معاك.. يله اري يديك

ضحكات حتا بانتلها الضرسة دلعقل ومدات يديها شداتلو فيدو.. هو غير شافها ضحكات وهو يتبسم.. كيعجبو الحال وبزاااف فاش كيشوفها فرحانة.. زير على يديها وشاف فعينيها..

براء :توحشت نقولهالك

تالاسين :(قوصات حجبانها باستغراب) شني هي!!!

براء :(بهمس) كنبغيك

النفس تقطعات.. والقلب كيعيط واكواااك.. كيضرب ويعيط على لي يضرب معاه.. فشلها وخوالها الركابي.. كون لقات دابا ديك الحفرة لي سرطاتها داك نهار تسرطها دابا.. حسات براسها تزعزعات ورجعات كترجف.. وبقات غير مبلقة عينيها مبهوضة..

بعد هو عليها مبسم.. وشاف فيها وغلباتو الضحكة.. وجمعها وحنحن سرح صوتو.. 

براء :مشينا!

تالاسين :الصمت

براء :هههه زيدي زيدي

جرها من يديها وتمشا هو وياها وهي ما بقات عرفات رجليها كي كيتمشاو.. حاسة براسها طااايرة فالسماء.. وقلبها ما كرهاتش تشدو وتقجو باش يسكت.. حطات يديها على قلبها وخدات نفس طويل وهي كتشوف فيه من الجنب..طويل عليها.. كضربلو تحت كتفو.. بقات ساااهية فيه حتا بدات كتبسم بلاااا خاطرها.. حنات عينيها وشافت فيديهم لي مشابكين مع بعضهم وهي تبسم.. حاسة بواحد الراحة غرييييبة.. هو كيبغيها.. ماشي مرة. ماشي زوج قالها.. وماشي مرة ماشي ألف برهنلها.. ولكن علاش دابا عاد بدات تحس بديك الكلمة.. دابا عاد رجعات كتفرحها.. واخة كتفشلها ولكن ما تنكرش بلي قلبها كيضرب غير من الفرحة.. شنو زعما!!! تكون كتبغيه.. رجعات شافت فيه ساااكتة وداخلها صراع.. كتحاول تفهم راسها وما فهماتوش..حتا دار وشاف فيها.. وهو يطلع حاجبو..

براء :عجبتك!!

غفلها ولكن دغيا زربات عليه وميقات عينيها فيه مطلعة شنوفتها الفوقانية للجنب..

تالاسين :شو على بنادم وعلى فورمة (حمضات).. بغيت غيير نسقسيك علاش ما جبتيشي معاك تيكا

براء :شنو بغيتي بيه!

تالاسين :غير سقسيتك

براء :ما عندو لاش انمشيو لبلايص باينين وما فيهم مناش نخافو

تالاسين :مزيان

سكتات وكملو طريقهم..وهو كيشوف فجنابو ومتبع البوصلة لي فيدو.. حتا وقف وشاف من بعيد مبسم ووقفات حتا هي كتشوفو فين كيشوف وهي تحل فمها.. فكم هاااائل من البطاريق.. بحال نقط سوداء وسط داك الثلج الابيض.. شي فالماء شي فوقو.. وشي كيتزلج على كرشو شي كيصفق بيديه.. وهرجهم كيتسمع من بعيد فحال شي سوق..

تالاسين :وااااو.. البطاريق!!!!

براء :سيييي.. واعرين

تالاسين :ما كيعضوشي ياك؟

براء :(ضحك) هههه كياكلو

تالاسين :على طناز

براء :هههه راك نتي لي هبيلة.. فخبارك.. هاد البطريق كيجيني كيشبه لبنادم

تالاسين :كيفاش!! منين جاه؟؟

براء :ماشي شكلا.. ولكن فطبيعتو لي خلقو بيها الله.. خاصك تعرفي بلي البطريق طائر وما كيطيرش.. عايش فالثلج وما عندو لا زغب لا ريش لي يسخنو.. الا هبط للماء كتاكلو الفقمة.. ولا بقى فوق الارض كتاكلو الدببة.. ومع ذلك ديييما كتشوفيه فرحان وكيصفق هههه..

تالاسين :هههه واش بصح ولا كضحك بحال ديما

براء :والله.. هكاك حتا شي بنادم.. كتكون الدقة فيه.. ما عارف منين يكاليها.. وواخة هكاك كيحااول يخفف على راسو.. 

تالاسين :هادشي علاش قالو كثرة الهم كضحك

براء :هادشي علاش خاصك تعيشي بحال البطريق.. صفقي لدنيا تصفق ليك هههه

تالاسين : ههههههه

براء :(مشات عينو لغمازتها ودغيا قلب عينو) ايوا نبداو الخدمة

بدا كيصور من بعيد وكيقرب شوية بشوية.. ما خاصوش يقرب بزاف حيث الا قشعوه ايديرو عليه هجوم النحل.. وهي كترطا حداه تشوف التصاور.. 

تالاسين :صورني معاهم

براء :ههه يله اجي وقفي هنا

صورها قدامهم وهي كتنقز وتعوج فوجهها وضحك وهو عاطيها لگانة.. حتا خدا التصاور لي باغي وعاد هز راسو.. 

تالاسين :ساليتي

براء :(كيشوف فالتصاور) بركة.. هادو كافيين

تالاسين :وريني تصاوري

جات قدامو خشات وجهها معاه كطل تشوف التصاور.. وما رداتش البال شحال جات قريبة ليه.. وجهها فوجهو.. تبسم وشاف فيها.. وكيقااوم ما يطيحش على داك الحنك يشبع فيه بوسان.. اما فمها حدث ولا حرج.. كيحاول ما يفكرش فيه بزاف حيث كيخاف يوصل لشي مواصل الثلج لي تحتو ما يبردوش ديك الساعة..

حتا هزات راسها على غفلة ونطقات

تالاسين :وريني

سكتات مبلقة عينيها.. لقات فمها عند فمو.. نيفها عند نيفو.. وعينيها فعينيه.. يزيد يقرب زوج سنتيم يبوسها.. لباخ دلبرودة لي خارج من فمهم تخالط ببعضو.. وهو حلف لا بعد.. وهي الصدمة خلاتها حالة فمها فيه.. وغير كترمش بعويناتها وهو مصغر عينيه العسليين فيها.. وراسم تبسيمة خفيفة على وجهو..

براء :(بصوت خافت) نسولك سؤال 

تالاسين :(مسحورة بشوفتو) شني

براء :شكون انا؟؟؟ 

تالاسين :براء 

براء :لا.. شنو كنجيك

تالاسين : راااجلي!! 

شاف فشفايفها وهما كيتحركو وينطقو كلمة راجلي.. لي طاحت فوذنو فحال السمن مع لعسل.. مسمعها احسن من الطرب والملحون.. تسحرات بشوفتو لي صمراتها فبلاصتها وهو تسحر بديك الكلمة لي خلاتو طاير حتا حد ما فحالو.. شاف فعينيها لي كيلمعو وهما كيشوفو فيه.. ورجع هبط عينيه شاف فشفايفها لحوووومر بالبرد وبدا كيقرب بشوووووووية وكل مرة يهز عينو فعينيها كأنه كياخد منها الإذن ولكن هي كانت فحااال الصنمة.. تقول جيتي وصمرتيها. فبلاصتها غير مصدومة..

يتبع...