جاا صباح جديد كتنف فيه شتاااء خفييييفة مطلعة ريحة ترااب عليهم من البالكون يااااا سلام ... داار دروكان تقريبا مكتبانش لناااس بضبابة لي صبحات من لبحر ... حياااة فاقت بكري مع الدجاح بالفرحة ديال غاتبدا الخدمة ... وجدات كولشي اشنو طلبو منها اسد ولامار ... وسرحاااات قدام المراية كتحلم براسها رجعات لدوارهم بطموبيلتها و تهز ماماها وخواتاتها وتجيبهم عنها يسكنو معاها ...
اسد فااق على سلسلة كتهز فعنقو ومد يدو لتييل حل الابيل
اسد : وي !؟
عادل : موسيو اسد سمحلييينا لافيقناااك ... غير راه كولشي واجد والصحافة تمونطات
اسد : جوج ثلاثة منهم لا اكثر داك روينة مكاين لاش ..
عادل : حاضر و تاالاجتماع ديالك راه لي ضوسي ديالو كاملين واجدين اسيدي ...
طفا تيليفون وضارر عند لامار لي مكمشة ناااااعسة و شعرها مغطي النص فوجهها ... و قسم تاهي منعساها غي حداها .. عنهم نفس النعسة ونفس العوينات .. غي قسم كتشندرر و لامار كتكمش ... قرب عنقهم عندوو بجووج باسهم و قسم بدات تحرك وضرب بيديها تابدات تحل عينيها كتتشوف فيه
اسد : ( بالهمس ) صبااااح الخيييرر كتكوتة ديااالي ... فقتي قبل ماما مم؟ ( بدا كيبوووس فيها حنيكاتها كيشهيو غير لبوووسان مطيبزين وحميمرين ) سييري فيقييها ضررربيها بيديييك
خشا ليها يديها فشعر لامااررر و قسم غي كتلقا الشعر كتبدا تججر وترريش تاخسرااات سيفتهااا وبدات تحل عينيها وهو متكي على جنبووو كيضحك عليهم
جبدهااا لعندووو تاطاحت عليييه وشدها من عنقها لي صبح مطططبع كيف ديمااا و بدااا يشووف فيها مدة كيقتلها بدوك النظراااات وعنيه مجبدييين بنعاس وشعر مخررربق ... وبدا يقرب لشفايفهااا ببوووسة صبااااحية طوييييييلة .. فرنسية كيف كتعجبو ..
اسد : ها كيف كيقولو ليها .. تععلمي
لامار : ههههه حممق ... غانوض ندوش بحرا نمشيو ...
مشات لامار وهو هز عندو قسم ...
دوشات ودخل هو تاني ..صلات الصبح ومشا كتقلب على شنو تلبس فهاد الجو الشتوي ... جبدات سروال زيتي دغوا قصيررر .. وكبيبيط كحل مززيير وفوقهم كاااب زيتي مصوف بلا يدين وسميطة رقيقة كحلة دالجلد فالوسط وهو مفتوح ... مع دوميبوط عالين كوحل ... سرحات شعرهااا طويييل ووطلقاتو لووورر خصها تبان كلاص ما امكن .. وخرجات لبسااات قسم تاهي كبطاااتها مزيااان ... تاخرج اسد مشا لبس كوستار مارون وفوقو مونطو طويل شوية كحل .. وهز واحد مونطووو طويل فيرور للاماار .. وخرج عنها لقاها واجدة كاتفرنس و لبسو ليها
لامار : بلااااش راني لابسة بزاف
اسد : ششش ..
قادو ليها ومشا هزز قسم عندوو وخرجو ... لقاوو الخادمات كيحطو الفطورر على طبلة .. وكلسو كيفطرو ..
لامار : رجااء! عيطي لحياة و سفيان
رجاء : انسة حياااة امادام راه فطرات قبيلة و مشات مع شيفور .. و سي سفيان غانمشيو نعيطو ليه دابا ..
يلاه جات طالعة وهو هابط مخنزرر مقندش
سفيان : بلاااش انااا فايق ..داك لالاغم لي حطتو عند راسي غاتفيق شعععب ماشي غي سفيان .. التجنيد هادا .. لقا داك قزديرة مرة اخرى عند راسي غالوحها من سرجم ...
لامار : ( سمعاتو ) كون ماهي والله لافقتي .....
جاا معنكش معصب مع واحد الكرافاااات وهاز المونطوو فييدو تاوصل لعنهم
فطرو مجموعين و قطعو الكاطو لي جاب يونس و اريح بمناسبة اول نهار ليهم هي وسفيان فالخدمة و نااضو خرجو ... سفيان حلف تا قسم غاتركب معاه دارليها كرسيها لور .. وانطلقو
غييير وصلو لقاو دنيا مقربلة طموبيلات ديال رجال الاعماال وكولشي باغي يستغل هاد الاجتماع دالافتتاح باش يستثمررر تما .. عارفينها منهنا عام عماااين غاااتصدرر القائمات كاملين .... كاانت بناية طوييييلة و تقريبا اطلالتها كولها بزااج واسم لامار فلاور منقوووش كبيير فوق لبوابة وتحتو كغوب الروكان ... وجوج شعلات طوال عند لبااب مشعولين بالنار واصلين تالدوزيام ايطاج ... نزلووو من طموبيييل وسفيان مخبع عندو قسم من الشتاا تاجاو ليهم الكارد بالمضلات كيجيرو .. و دخلوو كانو صحافة كيصورووو ولباب لكبيرة فيها شريييط دهبي وسناء هازة سينية فيها مقص .. و لموظفين كلهم لداااخل كولشي متحمس للخدمة معاهاا .. كانو كلهم باللباس الرسمي و دايرين شرائط بحال فولار فعنقهم معقودين موورديين كيدلو على ان الشركة ديال الورود .. وحياة تاهي واقفة طابليط ديالها فيديها والسماعة بلوثوت فودنها ... لابسة سروال كخل شارلي وااااسع ومخشية فيه شوميز بيضة و كوستتييم كحل طويل و صباط ككحل بلا ... وجامعا شعرها كعكعة لوورر مجبداه ...طلة بسيييطة جدا .. قطعااات لامار الشريييط وكولشي بداااا يصفق ترحابا بها ... وسبقات رجلها ليمنة ودخلااات كتبتسم للكل وتحييهم بيدييها .. اسد هز عندو قسم لي تخلعات من الصداع وطلقات الحلوووق سبقاااات بالغوااات .. ومشاا طلع لفوووق يوجد ليها وراقها خلاها معاهم...
وهي سلمات عليهم كاااملين ووقفات تلقي كلمتها ..
لامار : اولا شكراااا على هاد الاستقبال الجميل .. و طلتكم االانيييقة .. شكرا لماركة كوتشي على لي فوولاغ د الموظفااات ... lamar flowers كتوعدكم بانها تكون فصدااارة .. بيااا وبمساعدتكم واشراااف اسد .. غايكونو سنوات كلهم ازدهاارر ... نتمنى نكونو عايلة وحدة ... وتكونو خوت نتوما لي كوليك بيناتكم .. ولي حتاج شي مساعدة بابي مفتوح فوجهو ..... ( كيصفقو ) اااذن نتلاقاو فصالة الاجتماعات منهنا ربع ساعة ... باااش نعقدو اول احتماع لتاريخ الشرركة ...
اسد : فتتتحي معايا عقلك ....داك ضرافة زايدة بلاش ... باش مضسريهمش عليك .. وفقاعة الاجتمعات كوني جدية و عملية اكثر ... داك ضحك خليه هنا ....ماتهضري تافموضوع خارج على موضوع الاجتماع ....اول حاجة قدمي ليهم تحية .. اطلعي على الملفات .. ثم خبريهم بموضوع الاجتماع ... وتاياخدو اذنك عاد يهضرو باش ماترجعيش داك لاصال لقاعة مجلس نواب روينة الكحلة
اريج : ممممم .. سيري سيري الامار باش متعطلي .. انا هنا مع قسووووم لافاقت غانعطيها لبيبرون ....
لامار : داكوووغ ميييرسي حبيبة ... وتكايسي على سيد هاديك راه انا مرا وتزعطت فيها ههه
هزات ورااقها و تنفسات ومشااات بتجريدة ديالهاا والهمة وسفيان و حياة موراها حلات صال دالتجتماعات كانت طبلة طويلة كلها دزاج موردة 3D و كلهن كالسييين ببشاشة كيتسناواها تدخل ... وهيو تقلب ملامحها لملامح جدية وجرات الكرررسي وسفيان تاهو كلس .. وحياة واقفة عند راسها ......
عند اسد ...
وصل تاهو لشركتو .. دخل لبيرو ديالو حيد المونطو و بدا يشوف لوراقو قدامووو وجا ماشي لاصال دالاجتماعات تاشاف طارق دخل ( الشريك)
اسد : صالة الاجتماعات واجدة ... واموري الشخصية .. وهاد المدح الخاوي خليك بعيد عليه .. باش منقطع عليك هادشي لي مزال مابديتيه .... تفضل ...
بدا طارق كيرمش وزاد قدامو و تا اسد خرج ومشاو لصال دالاجتماعات ...
وطارق كلس و محقد عينيه من ديمااا كيسحدو على هادشي لي واااصل ليه وعلى نجااحوو ودكائو ومراتو وبنتو ... كيحسدو عندو كولشي ... ماعارفش الا الكمااال الله والمظاهر خداعة واسد كون يلقاا غي نعمة السمع لي هو عندو يتبادل معاه بمال الدنيا ... وباندم ماحمدش الله على شنو عندو .. ديما هصو يشوف يد لاخور شنو فيها ... القناعة هي كنز .. ولي خطاتو القناعة وخا يجمع مال الدنيا ديما غايبقا محتاج ... اما القنوع وخا يكون موسط الارض و مغطي ترابها .. كيحسها فيلا بابوابها ...خصووصا فاش كيشوفو مع لامارر لي كتسطيه حراكتهااا كان مهوس يدخل لانستقرام داريج و رتاج غير يشوف تصاورهم مع بعض ... غنجها ضحكتها هضرتها اناااقتها كيسطيوه ومكيلقا ليها تاطريق .. لان كولشي ولا عاررف علاقتها باسد شحال قوووية ... يعيا يقرب معو طريق .. خصو يبقا يتفرج فيها غي من بعيد ويبرد عطشو مغايقدش على اسد .. ولا تاعلى يفكر ف منافستو .... تنهد ورجع كيكمل السماع لحديثو مع الموظفين .. وطريقة لي كيجيغي بيها الاومور وكيفاش كيغياجي ويريكلامي عليهم بكل ادب و هداوة .... كيتمنى يكون فبلاااصتووو .. بنفس تعاملووو .. و بنفس ثروتو ... بقا غي ساهي وكيشوف ويحاول يقلدو ....
دااز نهار كولو غي خدمة لامار سلات اجتماعها فرحاااانة لي داز كولشي هو هداك وتقريبا كلهم شدو مكاتب ديالهم ودازت عليهم واحد واحد .. باش يطلقوو الشركككة تممشاا وسفينتهم تبحر ... نهار لاول و الحمد الله زبنااء كتااار ... وكولشي بااغي يعقد الصفقااات ...خصوصا ناس ديال تموين الحفلات كولشي جاي يدير الكوموند ... اريج ويونس بقااوو معاها تمااا ااجا اسد و دخل تا سفيان لي عاطيعا غا لدوران هو وداك الكارافات لي كل مرة كيفاش داير ليها فاللهر حيدها كاع ....و تجمعو تغداو غي فالمكتب عند لامار طالبين غدا أسيوي ....
خلاهم وخرج ... وتا يونس و اريج مشاااو ... وسفيان نعسات ليه قسم فيديه حطها فكونتها ..اما لامار رجعات لمكتب كتخدم ... كان ماشي ورجع حك فشعرو و كلس حداها طلعات فيه عينيها وعاود ليها اش طرا ليه مع حياة
لامار : والله مكتحشم .. وعلاش لي مامشيتيش معاها هي مسكينة لي مكتعرفش المدينة ... ولا حيت ماااكتلبسش بحال هادوك
سفيان : ولا اختي الله يهديك .. راه لوخرا لسقااات لسقة عسرية .. يعني حياة فاش قلت ليها لا.. قاتلي اوكي وزادت مع دروج... كون انسيسطات تاهي كون مشيت .. كتعرفني منقدرش نخسر خاطر النسوااان هههه
لامار : ( حطات ستيلو وربعات يديها كتشوف فيه ) سفياان .. حيااة بنت بيييطة ... احلامها تاهوما بساااط ... ماتجمعهاش مع لوخرين
سفيان : عااارف لي كاين اختي واش توريني فالبنات ... حياة كون بانتلي كيف لبنات لوخرين كون واااهلي ... تخرج بالتعناب و دخل بيه ... ولاكن لا .. جاتني بنوتة صغيييرة .. ماعرفتش بحال قسم ههه.. مانقدرش نستغلها ... كنعتبرها كيف اخت صغيرة ديالي .. يعني نصحها نعاونها لاحتاجتني .. اي حاجة ... ولاكن ماجامعهاش بوخرين حاشا
لامار : وهي عارفة هادشي ؟ عارفة بلي نتا كتحسبها بحال ختك الصغيرة ؟
سفيان : وانورمالمون خصها تكون عارفة و الا علاش غانتعامل معاها هاكداك .. ودابا خلينا من الزبور .. مقفرها ياك ؟
لامار : بزاف
سفيان : و اش ندير نعتدر ؟.
لامار : ( تنهدات ) معرفتش ... مي عوضها على لبارح ... يعني خرجها
سفيان : ويلا مابغاتش
لامار : انسييسطي .. اكيد تاهي ماتبغيش تخسر خاااطر الرجاالة هه .. حاول دوز ليها خرجة زوينة وريها كاازا وساريها .. وهاهي سمحات ليك ... لانو البلان لي درتي خايب .. واخا كون درتيه مع قسم نيت تقلق ... شوف حتا لبنات دغيا كانتقلقو خصوصي لامعتبرناش شي حد.. الانثى كتبغي اهتمام والتجاهل كيقتلها .. اه كنتقلقو لاكن ابسط حاجة كتصالحنا.. هاكا فلب لبننت .. تقلق تقلب عليك دنيا وتقول هادي عمرها لا تردعات .. وغير وردة صغيرة تلقا عينيها لمعو ونسات.
سفيان : وااايلي تانتي فين هوما هاد لبنات لي يسامحو ليك بوردة بسيطة و الله منزليتها رنج روفر و 100 ناقة
لامار : تييقني باقين .. وحياة من داك نوع .. ومرة اخرى متعاودش دير معاها هاكاك هي نفسها عزيزة ... انا لي كنعرف بنات خالتي كيدايرين ... يلاه نوض خليني نكمل شغالي ... غايجي خوك يلقاني باقا كاسالييييت يربل عليا نبقا لا شركة لا سطاش
سفيان : يلاه انا غي فالبيرو ..
عند سارة ...
كالسة فسريرها جامعة رجليها عنها .. وكتشوف لسرجم .. ولات قليييل فين كتررمش .. و كتفكر بزاف .. مابقاش عنها مادير منغير التفكير ... ولا عنها روتين قااااهر .... كتفيق .. تاكل .. تنعس ... والدائرة تدور .. بقا فيها الحال بزاف لي مارجعاتش عندها لامار ... كل شوية كتشوف للباب وتقول يمكن هي وكتلقاها غي فام دميناج ولا ممرضة ويهيب ظنها ..
تحلات لباب تاني و ضورات عينيها .. بانليها دكتور داخل .. وقرب عندها خاشي يدو فجياب الطابلية
- د عمران : سارة صافا ؟ خديتي دواك
سارة حدها حركات راسها بآه ...
عمران : مزيااان هاكا نبغيك .. مهم عندي ليك شي حاجة معرفتش واش تعجبك ولا لا .. ولاكن متأكد غاتساعدك تخطاي هاد المرحلة ...
سارة علات فيه عينيها بحيرة وهو خشا يدو فجيبو وجبد واحد لبواط وعطاها ليها بدات تشوف فيها وتشوف فيه
عمران : عااادي ...انا ولفتك .. لا عندك هي آه .. وآه عندك هي لا .... مابغيتش هي بغيت .. وبغيييت بشدة .. سارة تيقني انا معاك .. خطوة بخطوة .. حتا نشوفك قادرة تواجهي المجتمع وتخرجي وراسك مرفوع .... نتي مادرتي حتى جريمة . نتي مرضتي بالحب ..طحتي فالشخص الغلط .. و مرضتي بيه ... و دفعثتي الثمن غالي .. وكان درس ليك .. ان شي حاجة ماشي ليك رااااه عمرها غاتكون ليك لا بالقوة ولا بالخاطر .... ونهار نبغيو .. خاصنا نبغيو شي حد لي بوحدو .. ماشي نحيدوه من يد وحدة اخرى ... لي كتبغيه... لي كنبغيوه ... كنبغيو ليه بعيش مزيان ونشوفوه ضاحك ماشي ضروري يكون معانا ...مهم هو سعادتو .. اما نتي ماحبيتيش .. نتي فقط مرضتي بيه .... والمرض تاهو ماشي جريمة كيف سبقت وقلت ... غااتخرجي اسارة و غاتعيشي حياتك وغاتعوضي راسك ومتسناي من حد يعوضك ... حيت تاحد مغايبغي ليك الخير قد راسك .... ( ناض وقف ) فكري فهضرتي ...
جا ماشي تاسمعها
سارة : نتا علاش كدير معايا هادشي كامل ....
بقا مدة كيفكر فللخر ضار عنها
عمران : انا دكتور ... وهدي خدمتي
سارة : لا .. ماشي خدمتك .. واش كاين شي شهادة خديتيعا مجبور انك تشري فيه تيليفون للمرضى !
اسد ولامار ناضو تاهوما خرجو .. مشاو لدااار ... هو دخل يدوش وهي مشات تبدل .. جبدات كسوة قصيرة موبرة فالكرونة مع ليباموص .. وليبوط طواااال كوحل لامعين .. و مونطو شيك كحل طويل مع عقد اسود طوييل .. وجمعات شعرها ديل حصان نافخاه من القدام وحلاقات طوال .. كتصايب راسها مع المراية تاحساتو خطف منها بوسة و زاد .. عيطات لسفيان كتسول على قسم ورجعات كتهز فصاكها .. تابان ليها اسد خارج عاد كطيلعها ويهبطها
حبيبي الأصم الجزء 184
محتوى القصة
التنقل بين الأجزاء