رجع اسد لطابلتهم يكملو سهرتهم .. وهو بالو مبرزط غير مع عدنان ... كيفاش غايتقبل غدا موتها ؟ ... هوما ضاحكين زكيناقشو العرس كيفاش غايكون وهو غي كيبتسم فاش كيشوفو عندو باش يتسمى متبع ..
سفيان طريق كولها هو مطلعها عليها مرة يقلقها مرة يصالحها تاوصلو لواحد بارك .. هز قسم عندو فحمالة فصدرو .. وزادوو وحياة عينيها لااااامعيبيين فرحانة .. وكتشوووف بعينيهااا ووتصور .... فين ماوقفات كتعيطيه يصورها .. تابدات قسم كتبكي وكلسو على واحد كرسي
حياة : عطيني نرضعهااا يمكن جاعت ..
سفيان : غاتعرفي ؟
حياة : منيتك ؟ راه انا لي ربيت خواتاتي ...
عطاها ليهاا و كلساتها عندها بقا معجب شحال عرفات تشدها بحال كيف كدير ليها لامار و قسم يدات تحك راسها فصدرهاا تابدات تضحك حياة
حياة : ههههههه لا ازويينة انا ماشي ماااماك ههه انا غانعطيك غي لبيبروون هههه
سفيان : قسوووم تقلبو عليك العرااارام اعمي..
بداو يضحكو عليها عاد جبدات لبيبرون كترضعهاا وهو كيصورها سيفطها لامار فالواتسااب تطمن... تاااكيدوزو حداهم واحد ثلاثة دلبناااات بقااو كيشوفو فيهم وهي تقرب وحدة لعند سفيان
سفيان : حسبيهم .. وفوقتاش ماااغلطت معاك خودي وحدة وسمحيلي .. سمعت بلي غي وردة كتسامحو بيها .. وخديتهم جملة ماشي كل مرة نشري وحدة
زادت موراع فرحااااانة كتجري يلاه تلحق خطواتو ...وغي كتفررنننس ماقاداها لا سماء لا ارض ..وكتزييد تشبببت بيه وبببسااالتووو وقباحتو و ضراافتوو.. خصوصي بهاد الجيست لي دار ظعاها ولات متأكدة كيحس بشي حاجة من طيختها والا علاش هاد الاهتمام كامل..حرقوهم رجليهم ومشاو باش يكملو السهرة عند لوخرين .. حياة رفضااات بحكم خصها تنعس بكري لانها كتنوض قبلهم وصلها هي لداارر طلعات وفيديها داك الورد كاااامل وقبعة د ميكي شارها ليها فبارك هي وقسم .. ستفاتو فلببيييتها وكضحك وضور بيه وتفكر هضرتو ملي قال ليها كل مانغلط معاك خودي وحدة ... اذن ناوي يبقا معاها ديما ! خلاها طاايرة ونساااات كووولشي ... ولات فقط باغا تبقا تشوف فيه وتهضر معااااه .. تطلقات معاه كتترر ومابقاتش كتحححشم منو ... وسفيان كمل طريق لريسطو ...
عند عدنان ..
ماحسبش شحال من كاس شررب تاولاو عييينييه حوومر ... وكيشوف لتيييل فشي آثارات فمصرر وشي بلايص خصو ضروري يشوفوهم ويركز على خدمتو .. بلوكا نوامر ديال العصااابة .. و باع تادار فالامانيا باش مايبقا يتفكر والو ويبرد نار انتقامو .. ويخلي كولشي فيد الله ياخد ليه حقو .. قااد طريييقوو فين غايمشي وفين غااايسكن فمصر باش يكمل لبحث ديالو ويفتتح متحف دالفراعة فالمغرب ...خصو يجمع كاع الآثااار لي مزال ماوصلوش ليها .. كيعاونو واحد السيد ظصري كبييييررر .. محمود افندم كان صديق باااهم الله يرحمو ..تاوصلاتو نوتيفيكاسيون بلي رتاج طالقة لاييف .. ومشا دخل ليه بززربة ... بانتليه فواحد كااافي مع صحااابها ووينسطووون محتافلين بشي انييييف وهي نصها عرياان وعايشة حياتها .. وبقا يتفرج فيها ويشوف فداك العقد لي باقي فعنقها فيه رصاااصة .. ويتفكر هضرتها داك نهار ... ويلوم راااسو علاش بغااها .... مستحيل تكون ليه شي نهار ... دخلها فلعبة قذرة بلا مابديحس ... وصعيب بزاف يلقى وحدة تبغيه كيف مابغاتو هي بححب بريء ... وزادت كرهاتو بالهضرة لي قالت ليه رداتليه ضربة ضربتييين وحس برجولتو تهانات .. ناااض بلوكاها تاهي باش مايطلع ليه والو ديالها ويتحسر مزال بغا يمحي اي حاجة تفكرو فالماضي... وناض باش يمشي كيلبس مونطو ديالو هو يامح طبلة داسد كااالسين فيها مجموووعين ... تااهداك خوه .. وباينة لي حداه خطيبو ولا مرتو .. علاش هو ماع مكيعرفهم ! .. علاش كاع مكالس معاهم وينقاشهم .. ويودعهم .. و يحزنو لسفرو .. ويلقا لي يقلو ماتغيبش علييييناا .. هو محتاح لهاد الكلمة بزاااف .... تنهد هو يبانليه واحد اخور جاي عندهم هاز عندو بنيتة لي هزها عليه اسد كيبوس فييها .. عرفها بنتو .. كيشوفو كيلعب معاها مكرهش يمشي يحيدهاليه... بنت خوه هاديك وهي لوحيدة لي بريئة فالقصة كاملة.. بقا يشوف فيهم غير من بعيد كيف مجمووووعين مع بعضيااااتهم .. عنيه ولاو حوومرررر وتعمرو بالدموووع .. علاش هو لي منفي ؟ علاش مدااتوووش مو .. علاش مترباااش معااهم .. خررج بززربة قبل مايضعاف ويمشي عنهم .. وركب فطموبيلتو وكسيييراا عاض على ششفتو ودمعة سخوووووونة هبطات .......
كملو سهرتهم مع بعض وناضو باش يمشيو ... كل واحد تاجه لداارو .. ولامار بالعيا نعسات على كتف اسد فطموبيل ... فاش وصلو ماعرف بهزها هي ولا قسم .. فللخر هزهم بالوحدة وطاحو فنعاس كاو لا هي لا بنتها غي هو لي مابغاش يجيه بايت فالبالكون كيفكر ....
جااا صباااح جدييد ..
فااق عدنااان بكري ... لبس سيرفيت ديالو ودار كيت فودنيه وخرج يجري ... 2 دسوااايع وهو غي عاطي رجليه لريييح وشتاااء كطييح وتخالطات مع العرق لي صابا معاه ... كيفكرر و يخمم فشنو غايقول لماماه منبعد هاد سنين كاملة ... متشوق لردة فعلها فاش تشوفو .. باغي يحاااسبها على كولشي .. باغي يفهم منها علاش تخلات عليه .. ودات اسد وهو لا .. علاش نساتو ومحمانوش تاهو مع ولادها تحت حظنها ... علاش خلاتو طول هاد السنين منبود بلا اب بلا ام .. باااغي تجاوبو على اسئلتو كاملة ... باغي ينفججر عليهاا ويقووول كوولشي لي حاس بيه .. يعاتبها ويبرد قلبو .. و يمشي هاني ويبعد عليييهم كااملين .. ينساااهم كيف مانساوه .. هوما مبغاوهش فعائلتهم بلا مايقحم راسو .. كيزيد يتععصب فاش كيفكر هاكااا وييتعصرررر كيجري وكييغووووت ولا حممممررررر وكجري بسرررعة كبيييييييرة وكل ماعندو من سوفل تااافشلو رجليه مابقاو قادين يزيدو مزال وطاح على ركابيه كينهج و قلبو باغي يخرج من بلاااااصتووو .... وشد على راسو .. تهدن مزيان عاد ناض شد طاكسي ورجع.. دوش وخدا فطورووو .. جمع لي فاليزز ديالو كاملين .. وقرر انو صافي غااايسافر فمرة .. ويخلي كاع دكرياتو . طفولتو . انتقامو حبو . . هنااا . .
اسد بقا واقف شحال كيشوف فيه فلخرر جرووو من يودو غاادي بززززربة وعدنان كيشوف معاع اش باغي يديير .. قطعوو طريييق ودخلو للمقببرة .. و عدنان بااااقي ماميستوعبش ... واش كيضحك معااه !!!! .. راخلي ليه راسو و اسد جااارو .... تماما بحال فاش كانو صغاارر .. ديما كان كيجرو من يدو بحال هاكا .. اجي اخويا تشوووف اش صايبت.... اجي اخويا تشوف شنو رسمت .. اجي اخويا راه ضربوني ... اجي اخويا . . تبعني اخويا . كان ديما خصو يجرو من يدو عااد يتمشى .. كان كيحس بالامان وهو موراه و كيزيد القداام واااثق من راسو لان تاحد ماقيسو و عدنان من موراه .... وتادابا جارو بنفس الطططريييقة حتا ووصلو لقبرهااا وطلقو ...
اسد : هاهي ... ( ورا ليه القبر ) عاااتب يلاه ...
عدنان وسسسسسع عينيييه مصدووووووم ... بحال شي حد خويتي عليه سطل دالما باااااارد ... قلبو بدا يضرب بزااف وهو كيتهجا اسمها المنقوش على الحجر ... ابتهاال .... ماااستووعبش وبلا مايحس طااار على اسد كمش عليه من عنقوووو
عدنان : اشهااااااد الضححححك لبااااااااااسسل ...فييييييم هي مااااا
اسد راخي ليه راسو مكيجاوبوش
عدنان : جاااااااوب راه معاك كنهضر فين هي ممماااا... فيييييييين ... مااااااااااااا
جا واحد كييجري من لي كيحظيو لقبووور وبدا يفررقو عليه واسد غي كيشوف فيه بلا حركة ..
- لواه اوليظي لاوااااااه حتاررموو الميتييين
عدنان : شكوووون هادي ... ( كيضور راسو بلا مصدوم ودموعو فعنيه محجرين ) ماشي هي ....
اسد : هي
عدنان : ماااااااشي هي
اسد : هي
عدنان : مااااشي هي
نقققززز عليه اسدد جييفووو
اسد : قتليييييك هي ... هااااهي مك .. هاااهي لي بااااغي تحاااسب ... حاااااسبها يلاه ..
عدنان : ( كيضور راسو باه ) صاافاا ... ما ماتت وماشتهاش .. وماعتبتهاش .. ماتت وانا مافخباريش .. صاافاا جاي نزورها ومتشوق نشوفها .. كالقاها فقبر ... صافااا حمد الله .. ما مااتت وصافي .. صاافاا ....بييييخييير ..... شنو غايكون قبح من هاكدا ؟
رخا من اسد ورجع لوور .. وعدنااان تقلب على وجهو الهدووووء كالس على حافة القبررر وكيهز تراب الفازك بيدو ويرررجع يلوحو ... واسد متبعو ...
عدنان : علاش ماقلتيهاليش لبارح
اسد : نتا سولتي على لادغيس .. ماشي على كيف دايرة حالتها ...
عدنان طلع فيه عينيه ورجع هبطهم ... واسد شااف لسماا تنننهدد و تننفس ورجع هبط عندو على ركابيه
اسد : سولتيني فين كاينة جبتك عندها .... ها قبرها ناعسة تحتو .. عاااتب .. شكي .. برد قلبك ... انا مكنقولكش نسا الماااضي .. بالعكس تفكرووو ... ديرو سلاح فيديك ... غير لي خصك تعرف هو ان الماااضي ماخسكش ديرو قدامك ... خصك ديرو موراك ... باش يدفعك لقدام ...ملي ضور تشوف عندو وشنو دوزتي فيه تزيد تشججع تكمل طريقك ... كيدفعععككك ... اما لادرتيه قدامك كيحجب عليك الروئية .. مكتبقاش تشوف الطريق لي نتا غادي فيها فين كتوصل .. ولا واش كتتوصل بعدا ... ... كوولنا عندنى ماضي ... ولاكن ماشي كولشي كنعرفو نستغلوه لصالحنا .... انتقم .. شفي غليليك .. حمل الذنب ..حااااسب ... ولاكن حتا تأكد من هاداك لي نتا كتنتقم منو باش مضلموش ... ماااتقولش سااامع بودنيك وهاودو ليك .. للاا .. خصك تكون شااايف بعينيك ... الودنين عمرهم كانو يقين .... شحال من واحد مكيسمعش وكيعرف بنادم كتررر من هاداك لي كيسمع ... والصياد فاش كيهز سلاحو ويمشي لغابة يصيد ... هوو كيشووف بعينيه الحجلة عاد كيتيري فيها .... اما لا اكتفى غير انو يسمع صوتها .. غايقتل الغابة كاملة..و غايتسلا ليه رصاص .. وغايونض كوارث .. والحجلة مغاااتموووتش ... تأكد عاد تيري اعدنان .... باش ماترجعش رصاصتك لعندك ... وتقتلك نتا ..
( تنهد وناض وقف داير يديه فجيابو كيشوف لقبرها) ها ولدك جا يشوفك ... ولدك لي عميتي عينيك عليه بالبكا ليل ونهار .د.لي مكانتش دوز ليك الماكلة على الطبلة ونتي ماعرفاش واش واكل ولا لا ... لي رفضتي طيبي كاع اش كان كيعجبو غي احتراما لغيابو ...ومتقديش تشوفي داك الاكلة فوق طبلة وهو مكاينش وخا كنتةنعيا نرغبك عليها ونا صغير .. كتقولولي كتعجب لعدنان .. وعدنان مكاينش .... لي ميشيتي حفااينة لداار ترجعيه وشدو لباااب على يديك ... لي ماتهنيتي حتى قالولك راه ساافروو ... لي 3 دلولاد منساوكش فيه .. وسميتو بقات على فمك كتدكر عدنان عدنان عدنان ..... ها عدنان جا يشوفك ... قوليليه شنو مخلاكش تدييه معاك .. قوليله بلي جدو وجداتو جراو عليك .. ومنعوووك منو ... وفلخر سافرو بيه باش ماترجعيش عندو ..و ويتربااا بعيد عليك... عاودليه راه غالط بزاف ... وانا لي واكل الدق ... واخا معنديش علاقة ... كيف ديما ....
شاف عندو وهو كيسمع وكيرمش كيحاول يستعوب كلامو... وخلاه ومشااا ......ماااشي وسط الشتااء ومسح دمعة بالخف تحت عينو ....و عدنااان شد راسو بين يديه ... وضرب بيدو فالقبرر تااتجرحات ليه .....
خرج اسد من المقبرة و بقا واقف متكي على طموبيلتو مربع يدو كيشمر بنيفوو .. بغا يخليه بوحدو معاها .. يخوي قلبووو عالله يرتاح شوية .. من بعد نص ساعة بانليه خارج كيمسح بدرعانو وجهو ... وشاف عند اسد وجا عندو كاع دوك دموع و لبكا تقلبو تخنزييييرة تاني مطلع حاجبو
اسد :على لي كيهمني امرهم .....سيير اعدنان .. سير شوف حياتك ... ومستقبلك ... هزما لي غايدومو ليك .... كووووغااااج
عدنان مدة كيشوف فيه و جبد كلينيكس من جيبووو ودارو ليه على فمو لي كيسيل بدم ... تا اسد جاتو ضحكة من هاد لجيست . ....
اسد : اشمن نوع دناس نتا ؟
عدنان :اخ ...
خنزر فيييه ومشااا .. تاوصل لطموبيلتو واسد باقي كيشوف فيه ...ورجع هضر معاه بصوت عالي زعما باش يسمعو ....وطموبيلات دايريزين قدامهم بسرععة وهوما كيعوجو ريوسهم باش يشوفو بعضياااتهم ...
عدنان : شكون حنا ؟ ( اسد ابتسم ملي تفكرها)
اسد : ولاد ابتهال
عدنان : لي فراس الجمل ؟
اسد : فراس الجمال
عدنان : حنا ماشي رجال
اسد : حنا جبال
عدنان : كلامنا ماشي غي قوال
اسد : كلامنا فعال
عدنان : وفعالنا ماشي غي فعل فاعل
اسد : دماار شامل ... 💥
ووما ليه عدنان براسو بمعنى برافو باقي حاااافظ ... ودعوو بعينيه وركب فسيارتووو وانطلق و ترسمات على شفتو ابتسامة باااااهتة معقلش شحال هادي ما ابتسمهاش و تا اسد نفسها ترسمات على وجهو .... وركب تاهو وزاد .... واحد شمالا و الاخر جنوبااا .. الى ان تضور البوصلة من جديد وتلاقيهم ....
حبيبي الأصم الجزء 185
محتوى القصة
التنقل بين الأجزاء