رجع اسد لدار ... وعدنان مشا ديريكت للمطار .. و حط طموبيلتو ترسل ليه ..و مشااا ساافرر لمصر .. وهو شبه مطمن ملي سمع هضرة اسد .. زعم يكونو جداتو وجداه سباب هادشي! .. بدات كدخلو ندامة على اشنو كان غايدير فاسد .. وهو معندوش علاقة .. شنو دنبو لاكان تربى مع مو .. باش مايزيدش يمرض و يكره راسو ... بغا ينسا كولشي ويبدا حباة جديدة فمصر .. تا من نماريه طفاهم ..
ودازو الايام بنفس رووتين لامارر مابين الشركة و المدرسة وقسم ولا وقتها عامر ومابقاش عنها ايسباس فين تفكر فالمشاكل ولا الافكار السليبية .. علاقتها كتزييد توطد نهار على نهااار باسد لي ولا هو الأب و الاستاذ الروحي ديااالها والمرشد و مدير الاعمال .. ولات مستقلة بدااتها و بافكاررها .. ولات كتعرف تصرف بجدية وتضبط حساباتها .. عاد فهمات علاش اسد دوزها علييها كاع قد هاكاك .. حيت فعلا لامار لولا ابدا ماتقدرش تسيير هادشي كامل .. وبينها و بينوو عاد كترجع لتبرهيشها وعفويتها و تفشش عليه كيف بغات .. تاهو مابقاش كيف لول غي معصب و منرفز و معزول .... بلعكس دابا ولا انساان اخخرر ضاحك و اجتماعي ومبشوور .. حيت ولا كيحس انوو عندو عااائلة ومابقاش كيحس بالنقص و لا كيتفكر للماضي حيت ربي جزاه بلامار و بأحسن بنوتة .. حتى يلا تحرم من نعمة السمع فربي عطاااه حوايج اخرين ...وتا من ناحية عدنان ولا مطن ملي متبع اخبارو من بعيد وملي بعد على العصابات وولا مهتم بحياتو ومشاريعو ونسا الانتقام ظ.. وفرحان تامن جيهة سارة لي قالو ليه حالتها كتحسن وولات كتبغي تخرج فالرحلات لي كينظموو .. ودعووو يووونس لي ماتفرقات معاه اريييج غي بسييف ... ومشااا .. وبعدو مشاو اسبرو و شيماء حتى هوووما لامريييكا يقراااو .. مسخااوش بيييه شحال بقاو كيتعاااتقو فيه فالمطااارر هي واريج زيبكيو .. وهو ماقاداه فررحة يمشي ولاكن فنفس الوقت مساخيش بيهم ... شكر اسد بزااااف على هاد الخير لي دارو فيه وجمعوه من زنقة وعطاوه مستقبل ... ركب فطيااارة و كيتفكر نهار شاف لامارر اول مرة فالرومبوان .... وقاليها بلي حلم انها هي لي غاتنقدوو وتعطيه حياااة اخرى .. وفعلااااا حلمو تحقق .. ...
بعد مرات صدف صغااااار كيكونو هوما للسبب لي تتبدل فيهم حياتنا 180 درجة ... والحياة لي كنقولو عمرها تبدل .... كيجيو يبدلوها فثانية ب مكنكونش دايرين ليهم الحساب ... حيت فالحياة كاع الحوايج الزوينين كيجيو على غفلة اما لي كنخططو ليهم كاع مكيصدقووو ... شيماااء حتى هي من وحدة كانت غاااتغصب فشبابها وتزوج قاصر .. تنقدااات وغاتزوج واحد بغاه قلبببهاا و غاتمشي تقرا ودير مستقبلها فدولة مكانتش تحلم انها غاتوصل ليها .... فعلا خصنا نعتامدو على رراسنااا ونحاربوووو نوصلووو لهدفناظ.. بصح ديما كيخصنا يد نشدو فيها ... باش نحاولو نقزو من حياة لحياة... و شيماء و اسبرو .. لقاو يد لامار و اسد .. لي حتى لامار مد ليها اسد يدو .. واسد مدليه الراجل لي رباه اليد فاش كان طفل اصم بلا حول ولا قوووة وسط الشااارع ... ونهار تلقاو اليد لي غاتمد ليكم تشبتهو بيها ماطلقوهاش ظ.. ومتخيبوش ظنها .... وماتقولوش مغانقدرش نرد خيرها لا .... غايترد .. حيت فيوم القيامة ... دااك اليد تقد تكون نتا السباب اننك تننقدهااا من السيئات و الذنوب لي دااارت ... وكيف بدلات ليك مصيرك حتا نتا تقد تخرجها من نار للجنة مقابل الخييير لي دارت فيك....
بعد شهراين ...
لامار : اسسسددد .. ااااسد وااافيق احببيييبي عفااك ( كتحرك فيه ) فييييق راه باقي قدامنا الطريق ومعطططلين
اسد : ( علا فيها عيينو مخنززرر فيه نعاس ) ااش كاااين
لامار : انا تشهيت ندخل لشي بلاصة ماااااشي ديالنااا ... واش حنا مناكلوش عند عباد الله .. ماااعامر والو ...
سفيان : غير غايتجمع علينا بنادم الامار ...
لامار : ففف تريكة المعكسين ...
اسد : ننزلي نكمل اناا ... مغاندخلش لهنا ...
نزلاات رجعات لبلاصتووو وهو ركب كمل طريق لاوطيل ديالو ..
وصلوو لفرااان كانت عرووس بيضاااااء بامتيااااز .. وصل لاوطيل ديالو . كانو رايات د مختلف الدول كيرفرفو فالعالي ... كولووو من الخشب الاحمر و الحجر ... نزلوو من طموبيل وليكيب واقفة ففم الاوطيل لاستقبالهم .. هز سفيان قسم لي فاقت فطريق عندو ... ونزلوو مشااوو لريسطوو فطرو ... وكل واحد مشا لجناحو .. لقات لامار الحوايج وصلو .. عجبوووها .. وهزات لي غاتلبس فالحنة .. و انطلقووو لعندهم ... كنت منطقة خارج افرااان .. كلها جبلية .. كانت فيلا رااااقية ... قدمها ليهم اسد كااادو بنسابة زواجهم .. طموبيلات كلهم واقفين تما تقريبا غير عائلة اريج و صحااب يووونس .. نزلااات لامارر هازة بوكيف د الورد الابيض فاخرر ...ودخلوو كانت بهيحة و ماماها فلباب اي بظاو يزغرتوووو ويصليو على النبي .. ماماها كانتلابسة قفطاان دهبي و مطلعة ليه كماااموو .. ودايرة زيفها شاداه لورر وليويزات فودنيها .. و بهيجة "عمتهم"تاهي بقفطان دالراندة و شعرها مشدود لور ..ومشات رقية هزات قسم . اما اسد و سفيان كملو طريق عند يونس لي راه فالقاعة لي غادير فيها العرس ..
وهي تجي تاحياة سلماات عليهم لي تعرفات على بنات تمااا ودارت صحابات جداد ... رقية كلس معاها يونس و قاليها انو معندوش مو وتماناها تكون معاه فبحال هاد نهار .. ملي مكايناش باغاها هي تكوون موو ... بقا يهضر معاها تابكااهاا ولي ءولها شكون هي كتقوليهم انا هي مو ..وكاع لي مكيعروفهمش كيضنوها بصح مو ....وواقفة معااهم بحالا بصح ولدها ...
للامااررر سلمات على الكل بعينيها وطلعات عند اريج و رتاج .. كانت اريج كتصااايب ليييها وحدة لبسة الحنة وتلبسها وهي كتاااكل تفتحات ليها الشهههية
لامار : هههه كيقولو لعروسة لي كتجوع نهار عرسها كتكون كتحماق على لعريس عههههه
اريج وحلات ليها بدات غي كتكح
رتاج : والله يجيب لينا لي نجوعو علييييه ...
لامار : الله يعطيك جوع نيت زعماااا باقي مجاش . احياااانااا
حبيبي الأصم الجزء 186
محتوى القصة
التنقل بين الأجزاء