حبيبي الأصم الجزء 188

ضحك ليها كيشوف فداك العكر و مكياج اوفر مابغاش يخسر ليها خاطرها وهي مريضة يسيفطها تاني كتبكي ودار عين ميكة تالمنبعد ويجبد ليها الزبور .. وومشا هز لفيرور ديالها فالاسود لبسوو ليييهااا على كتااافها ... مع ليكااات تاهوما كوووحل فدونطيييل وهو لبس موونطو من فوق .. تاعيط ليه يونس قالو هاحنا جااين و هز بنتو وهي هزات بوشيت ديالها وشدات فدرعاانووو وهبطوو ... 

لاصاااال كانت واااجدة اطلالتها كلهااا ثلوووج وديزاااين ابيض... اشجاارر الارز طوااااال مكسوووين بثلوج و مدلييين فيهم االاضواااء.. واخا ساعة 10 دليل لان انها كتبان الوحدة دنهارر بالبروجيكتورات ... سجااد طوييييييييل احمر ممتد تااالبااب لاصااال ... وكلو اعمدة بيضاااء فضية مع جناااب ... و تا الثلج كان كيتسااقط ... لبوااابة كبيييييرررررة مفتووحة وواقفين جوج تما بلباااسهم التقلدي ... و ناس كااااملين كانو لداااخل فلاصال لي كليماتيزي .. و الحائط دلاصال كامل لي برا فيه لي نوتيف بحال الثلج كيتساقط وهوما غير بلاضواء .. لان اريح البااني اول رعوووس الثلوووج باامتياااااززز .....حيت كاع كيفكرو فعرس فالصييف .. مازعموش يجربوو عرس وسط الثلوج ولا اروع ... بداو كيصولو طموبيلات تقريبا غي ليمووزيييناات .. والكاميرات كيضورو و الفلاشات كيضربو فيهم .... و كمشييوو الخدم كيجريو كيفتحو البااب و هازين عليهم مضلااات ...و كينزلووو فابهى حللهم ماشييين على السجاااد والمضلاات تتابعينهم وكيوقفو ياخدو الصووووررر وكيدخلو ... مووسيقى هااادئة كتتسمع من داااااخل .. غير مقطوعات دالبياانو .... القاعة كلها كان ديكووورها ابيض و مبهجة بالورد الابيض لي خداو معند لاماارر ... الورد منثوور فكل مكااااان .. كولو ابيض .. بياااض الثلج ... مكاين حتى شي لون دخيييل منغير الابيض و الفضي ... و تا الناذلين كلهم لابسين في لاابيض .. 

حيااة تاهي كانت تما كالسة حدا رقية و بهيجة .. اما رتاج مع ختها فلبيت لي فلاصال عاد كيتصاايب راسها .. حياة كانت بتكشيطة فالازرق ملكي و الفضي ... رااااقية .. و طلقات شعرها كيف صايباتو ليها رتاج .. مع بليغة ومكياج عااااااادي تقريبا يلاه باين ... ولاكن زييينهاا طاغي ... كيبقاو غي يشوفو فيها برائئتها مميزة وكيووووت وحينكاتها حمريييين وعينيها كوحل مشفريييين و فيم صغيور غزووززز وضحيكتها زوينة بزااااااف غي مكتهلاش فراااسها باش تبان ... وغي كضووور بعييها واش يبان ليها سفيااان .. ولات كتتتتسطاااا عليه خصوصي انو فاش ما وقفات عليه كيعااونهااا كيدافع عليها وكيساعدها ... كيخرجو ياكلو يجوج تاولات نولفة عليع بزاف ...حتى كتقول يمكن تاهو كيبادلها نفس الشعور ... ناس كيشوفو لارض لاصال و ديزااين وبنادم شنو لتبس وهي همها غي سفيااان امتى يدخل تشوفو ....

يوونس كان لاببس جابادوور بيض مخطط بالاصفر مع بلغة صفررة و لابس فوقهم مونطو خرج لبرا كيصوني 

يونس :ااااسد واش باقي معطل راه كنتسناك غي نتا اصاحبي 

لامار : هاادي اناا ايونس مايقدرش يهضر صايك .. هاحنا قرررربنا نوصلوووو ....

يونس : صاافي واخااا .. 

سفياان جااا كيقفقف بالبرد وكيسوط فيديه ... تاهو كان موجد رااسو سروااال زررق شيييكك مع صباااط مجمووع بلا سيوورر كحل .. وشوووميييز كحلة لاامعة خااشيها فسروال ومفتوحة جيهة العنق ولابس مونطو من لفوق ...جا عندو ...

سفيان : جا اسد ولا مزال 

يونس : يلااه هضرت معاهم دابا راهم جايين ...

اريج كانو لبسووو ليها تكشيييطة بييضة ديال الامييرة ... كلها محجرة بالفضي ... و وكوافير مجموعة لورر على طوولة الشععرررر مع تاااج فضي لامع .. و طااقم ماااسي هداتو ليها لامار ... و رتاج تاهي لابسة قفطان موبرة ابيض كولو هابط بسنااسل ... مع صباااط عااالي و شعرها جامعاه لفوووق بحال ديل حضاااان وكملوي من تحت ...ومنفوووخ من قداام .. مع حلاقاااات طوااال و كوليي ... 

وكولشي بقاو كيتسناو غي اسد يوصل باش يدخلوها .. 

تاوصلات طموووبيلتوو ... نزلوو وجاو عندهم بالمضلاات كيخادو ليهم الصووررر ... ودخلوو بالهمة دياااالهم وككولشي الانظاااررر علييهم وهي غير مبتسمة عككس اسسد لي ماباينة عليه لاابتسامة لا تغوبيشة... حاجب معلي كيف ديما و نظرتووو ثااااقبة ... حيدات لفيرووور دياللها فلباب وهو حيد المونطو ديالو ودخلو لدااخل كيحيوهم غي بعينهم طبلتهم كااانت وااااجدة .. طااولة ملللكية خاصة باخوان يونس ... او بعبارة اخرى ولاد ابتهال ... 

جر لاماار لكرسي بلباقة وكلسات .. حااطة قدامها قسسم فواحد سرير عااالي فضي جابوه ليها بحال كونة ... 

عاد دخل الصوييريي بصووت خطييييييييرررر خلا البواق د لاصااال كولهم كيتتهزززوزو.... وناضو كيصصفقووو .. 

وكيشوفو بلي ارييج برا على السجاد كيركبوها فالعماارية ... بدا الورد كيتساااقط بحال الثللللج وهي داخلين بيها فالعماارية و يوونس قااادمها بالبللدي .. وموراها رتاااج و سفيااااان كيييشطحوو على انغااام الف هنننية وههنية ياااالاا لااااالة ... العرووسة فالعمارية يالالة .. سفيان فشطيح مكيعرف لا برستيج لا مولاي بوووزكري داااخل على وضع مود افيون "طيران" هو ورتاج منوووضيييين حالة و حياة عنيها لمعووو فيه كتحمقها اناقتو الشبابية لباااس مع راسو .. 

كووولشي وققفووو كيستقبلوووهاا ونااضت تالامار قربااات لعنهم وكولشي ناض ولامار شادة فيد بابات اريييج كتشطحوو باش بنسا شوية حززنووو .. واسد جا عندو واحد كيعرفو وكلسو كيهضرو مراهمش فداك السوووق ... وهومااا كيشطحو داايرين يووونس فالووووسط ... وحياااة عياات فيها رقية تنوص حشماات حدا سفيان مقداااتش كتشوف لبنات كلهم كيشطحووو معاه مقداااتش تزززعم تنوووض .. والصويري بيييناااتهم .... واريج فالعمارية لفوق كتلوح ليييهم وضحك فرحاااااانة سنيناتها مسسسسطريييين كضحك على داك شطيح لي كيديرو اول مرة تشوف يونس كيشطح .. لي شافهم يحلف ما هادو ولاد ابتهال لي كلمة جوج كيهزو الحاجب ويسبقو الركالي .. ولاو كيف الحماااق ما سفيااان خلااااص هو ولامار و رتاج .. ... واسد كمل هضرتوو كيشوووف ودار يدو على حنكو كيتفرج فسيدة الصون و للعععرف .. لقاااات الررخف ... منقبيلة وهي ترعد وتخنن ودابا نايشة كتجدب .. بقا غا كيدوز يدو على وجهو وكيقول غا بلاتي عليك تالدااار .. كيذوفوهم كلهم ولاو نص عقل كيشطحو منيتهم مع مكيسمعش كيبااانليه غي الحراااكاااات غرااااب ( تخيلو ليا شطيح بلا نوسيقى هاكاك كيشوفو) بقا غي كيقول اش هاد المرا عندي تاوحدا ماتبااان قدااامها كتلوز داك ترمة كتركب فيه السعر ناس مقابلين العرسان هو مقابل مرتو ... ونزلووو ارييج من العمراااية شداات فيوونس وكملوو شطيحهم تاا جات رتاج بحيااة فيديها نوضتاها بسييف ... كتشطح حشماااانة غي كتهز فبلاصتها وتصفق بيديها ...

رتاج : ههههههه شووفي شووفي الامار بنت خالتك ديال قبيلة هههههه تقووولي مككتعررفش هههه

لامار : خلي لبنت راه كتحشم هههههه ...

سفياان شافها ناضت وججبددهاا من يددها لعندوو لا حشمة لا حيا وهي عاضة على شفتها كتقول ناري وكون كنت فدوااار يرجموني وهو شاد فيديها تشطح معااه هي صدمها كانت كاتقول يمكن مغاديش يديها فيه وسط داك لبنات كاااامليييين ... سخنت مع الموووسيقى وهو شججعها ايوااا و عطاااتها لررركيز صدمااااتوو هاديك لي ناضت كتمايل غي فبلاصتها وتصفق وللت شادة الميزان مع الصويري و كتتلووووز سفيييان عاااد عجباااتووو شطحة ملي تطلقاااات شدوها غا هو وياهاا مااااحبسووووش تاااسللت الاغنييية وكملو ب اللهم صلي على سيدنا محمد .. وااعزيز على ميمتو عمررررووو مايتخص ....عاد تهدوووو ... وناضو نكافااات كيصلو على نبي بش يديو لعرسان لبلاصتهم

رجعو لبلايصهم .. وكولشي لبنات غايتسطاو على سفيان.. وكيهضرو معاه من بعيد هازين تيليفوناتهم زعما زمرة وهو غي كيضحك ... ناس كتنوض تصووورر مع ارييج .. كاينين تقريبااا فنانة من لي كتخدم ليها الازيااااء ... و ملي جاايين يحييو الحفل .. بحال الصويري ومول البندير و الصنهاجي و اسماء المنور . ... 

كالسين فالطابلة الملكية لامار و اسد و سفيان و رتاج و احمد ولامار غي متكية راسها على اسد عاد كيرجع معاها المرض شوية بشوووية 

اسد : اداك البوحاطية راه تحراميات ديالك حفظتهم .. لهيه مكانش المرض وهنا اجي كتخشاااي و ترعدي باس مانريكلاميش 

لامار : لاااا و الله اسد تاكتجيني تبووريشة ... 

حط وجهو على جبتها جاتو سخونة و عنقها عندو نااعسة عليه مخشية فنصو ... كتشوف غي بعينيها تاخرجو اريج تاني تبدل .. ودخلو لصنهاجي نااضو كيحيحو معاه تاني ... وكل واحد عينو على وحدة لي تلقاها هي عينيها على سفياااان غاياكلوه بغينبهم وهو شاد الميزااان مع الصنهاااجي كيغنيو بجوج واش نتي قدي وابززربة عييقي مع سفيان صوتو غلييض حررش قربل لاصال و لبنات طالقين لايفاات و كيااخدو معاه سيلفيااات... و طااااارق عينيه مهبووطش على لاماااررر طول الحححفل ... باغي غير يقييسها غي يشم ريييحتها .. غير يتشرف انوو يقيس ملس يديها لي مكتبغيش حتا تسلم كيحسها بحال شي نجمة بعبييييدة هوسو انو يووصل ليها واخا عارف من يابع مستحيلات تكون ديالو ...

دخلات تاااني اريييج بلبسة حمرااااء و تابعها الدقة لعيساااوية لي تاهوما لابسين الاحمررر .. و يوونس بكووستااار اسود وكرافات حمراااء .. و رتاج تاهي لبسااات قفطااان اححممررر بحال ختهااا داخلة معااهاا ... وكولشي ناض كيشطح تااااني مع الدقة العيساااوية ووييييجدددب .. اريج كانت كتباااان ملاااائكية .. طيرات عقل يووونس ...النكافات بسيييف باش لقاو عقيق غليض يخبي ليها عنقها كلاها فخمسة دقاااايق ههه .... داازت على الحضورر كامل كتحيهم وداك الورد كتنااااثثثررر . ... اما لامار مقداتش تنوض حاسة بتبوريشة و تسخسيخة درواااح واصلا مغايخليهاش تحرك ... ناعسة على كتفو ومرة مرة كتشوف لقسسم ... .. اما سفيااان رااه وسطهم كيجدب مع عيسااوة خدا عليهم ااحد الطبببل و كالس تاهوو معااهم كييطبل بداك العصاا... ولبنات كاملين واقفين حداه كيييشطحوو معاه عالله شي وحدة تعجبو فينم وهو راه عنيه فاااالتين تعجب بكووووولشي وفنفس الوقت مامسوق لحتى وحدة غي خالق الجو وكيتغزل بيهم كاملين ... وحدة بلا حششمة بلا حيا قربااات بااستوو فحنكووو خلاتو غي كيييضحك ...داير بحال داك اولد الصغيرر لي حناكو كيجننو فالبووساااان .. لامار شدااات على فمممهااا كضحك .. وحياة كتجنن تنوض تنتفها 

لامار : خووك قرربوو يااكلووه هههه.

اسد : ههه تاهو عاجبووو راسو.. ماردهالهاش !

لامار : لا بقا غاكيضحك هههههه 

اسد :ماعرفت كيوقع ماكالاهاش

لامار : كوون كنتي نتاااا ههههه 

اسد : وها لباااطل ..

لامار كضحك مع اسد وطارق كيش ف فيها ويتجنن وكيشرب كاس ورا كاااس ...

دخل تاني موول لبندير وكولشي ججهل على ايقاعات واهيا المعفر تعفر بشوووية ... ااشعب شططح حتاا عرااق و تهد ... حتا خرجات اريج تاني .. وسفيان خرج لبراااا كيجاوب على تيليفون لي مكيسكتش وكيكمي كارو .. وتصاورو غي كيتشيرو فالانستا و الفايس ... 

حيااااة محملااااتش راسها ولات كتغيير بزاف من كولشي خصوصة فاش كاتشوفو كيضحك معاهم وهوما مقزابات وكاينين لي لابسيين دي غووب عرياانين كاع .. خرج برا و تبعوه شي بناااات مقداتش تصببررر وومشات تاهي هزات تكشيطتها وخرجات عندهم كان ثلللج كيطيح .... 

حياة : سفيااااان .. 

سفيان ضاررر عنها ضااحك معاهم وهوما كيطلعوها وبهبطوها السم كيتقطررر وحاكرين فيها 

سفيان : آ زييين..

حياة : اا ... ب .. بغيت نهضر معاك ..

سفيان : قققربي ...ياك لااااباااس ...

واحد لبنت : تاااانسياليووو احبيبة 

حياة عنيها حقدوو وزيرات على سنانها وقربات عنهم وسفيان ماعرف ماااالهااا سعرات كاع قد هاكدا 

حياة : شكون نتي وشكون انا ..راه كيعرفني قبلكم

- ومنبعد اااحبيييبة !!! 

سفيان : شششش رووولاااااكس .. ( دخل بيناتهم ) حياااة كالم ... خختي صبري واحد دقيييقة 

- رااااه هي لي خصهااااا تصببررر ...

سفيان : شششش صافي راه هضررت .. 

حياة بدات كتتقلي لييهم السم بحجبااانهااا تاامشااو حاقدين وهو ضار عندها وهي تجمع راسها 

سفيان : ياك لاباس ؟؟؟ واقعلك شي حاجة ؟؟؟ مالك معصبة تبسل عليك سي حد ؟

حياة : ااء! لااا .... غ غي 

سفان : شنو كنتي باغاا تقولي .. ( كيكمي ويسوط دخان بعيد كيشوف فيها )

حياة : ( يااااربي شغانقول ليه دابا ) لاااا ... بغيت غي نقوليك .... لبرررد هنا ... دخل زعما لداخل .

سفيان : ؟؟؟؟؟؟ صااااافي!!!! 

حياة : ااااه ... اش بغيتي يكون ... (بانفعال ) راه البرد و ثلج كيطيح ونتا هنا كيكيكيكيكي مع هاااادوووك بحالا الضحك غايتقاااضاااا ... خليو ماتكركرو غدااا .... 

سفيان : حياااة ؟؟؟؟ صافابا ؟؟؟

حياة بقات كاتشوف فيه مالقات ماتقول ندمااات كاع لي جات .. طابوها رجليها وغيرتها بلا متحس ومخططاتش اشنو تقول ليه بغات غي تبعدو على دوك لبنات .. وهزات تكشيطتها ودخلات خلاتو غي كايرممش ورجع دخل تاهو كيضور فرااسو جابتليه الضحك ... ماعرف مالها ....حيها غارت يمكن ملي مظاهاش فيها وهو موالف يضحك معاها بزاف .. ولاكن مطاحتش فبالو كاع غاتكون غارت بدافع الحب قال غي الصداقة ... 

دخلات تاني اريج بلبسة الشمااالية اصييييلية ويوونس نفس الشيء تحت ايقاعااات جيبولي زااااين الججبل جييبوها بالغيطة و الطبل .جيبوولي زااااااين الججججبل .... و رتاج تااهي لابسة لبسة شمالية بحال ختها كتبدل معاها .. رتاج لي تقريبا عيون الدكور كلهم عليها كولشي باغا يسبق يطلبها من باهاااا غي ضحكك ومسرااارة وبوووكوصة و خاالقا الجوو و جرييييئة .... 

وفقنت اخور فمصر كاين عدنان لي لقا لايف مطلوق فالانستا طالقو شي حد من الحظور و كيتفرج فيهم و فالعرس دخوه .. تمنى لو قدر يكون تاهو معاهم و الشمل مجموع ولاكن هو ماشي ديالهم .. ماماهم كاع ماقدرات تجمعهم كاملين وكانت ضعيفة امام السلطويات .. كيشوف فخوتو كيفاش ناشطين فرحانين وحس براسو تاهو فرحان مرة مرة كترسم على شفاهو تبسيمة وكيجمعها و حاضي رتاج لي غااتسطيه كيعيا يقول ننساها ومكيقدش فوقتاش مايدبل حوايجو يتفركها ملي يشوف لسمها الموشوم فدرعانو لي كيفكر يحيدو بلايزر باش يخرجها من حياتو ..

نااضت شوية لامار تنسي معاهم المرض كيعجبوها جبااالاا واغانيهم .. واسد حاضيها من لبعيييييد وهوما كيشطحو مجموعين تحت موسيقى طرن طراااارن طرن طراارن ديال جبالة و انا العايلة مولاتي الزيين و القد يواتي يااا لالة ... وطرطق البااارود ... نششطوو تاني تاجات وقيتة العشا ودخلات لابسة عبااااءة فخخخمة و يونس بجبادور كري ...و كلسات فطاولة الملكية معااهم كلسات هي ويونس فالرأس و الراس لاخور فيه لامار واسد لي شاد عندو قسم فاقت .. . كيتعشااوو فجووو مضحك ... كيعلقوو على العرس و نظامو .... والطرب الاندلسي مطلوووق ... وكولشي مبهوور بفخاااامة العرس و تاوييييل ... من بعد العشا دخلات تاني بلبسة فااااسية فالميدة عي ويونس لي لابس جلابة .. لاماررر حسات براسها السخانة طلعات ليها وعينيها كيدمعوو 

لامار : اسد غانوض لي طواليط نغسل وجهي حاسة بدوخة

اسد : نجي معاك احبيبتي ؟؟ 

لامار : لااا غي خليك مع قسم مغانتعطلش ... 

خدات بوشيت ديالها وناااضت طلعات فدروج لي طواليط كاينين فالايطاح الفوقاااني .... دخلات لدوش غسلاات وجهها بالما بارد عالله توووكض وشربات كينة ... و عاودات عكرها اما المكايج لاخور ضد الماء ..

قادات راسها وجات خارجة كتسد فالبوووشيت تاكدخل فشيحد .. شهقاااات خلعها وهو يشد على فمها 

طارق : ششش غير انا 

نترات راسها منووو 

لامار : طططلق ... بعد من طريق عفاك

جات ماشية وحبس ليها طريق ...

طارق : واش عيااانة 

لامار : لا .. 

طاريق : خليني ن( قاطعاتو )

لامار: عفااااك اسي طارق بعد من طريق 

طارق : صببري ... كنشووفك ماشي تالهيه ... تبغي نديك لطبيب 

لامار : واش شكيت عليك .... بعد راه غايطلع اسد مغايعجبووووش الحال وتانتا مغايعجبك حال .. 

طارق : علاش ؟ عادي انا راه شريكو و تلاقيت معاك .. درت معام شي حاجة ماشي تالهيه 

لامار : غانعاود نقولها ليك بالادب بعد من الطريق .. 

طارق : لااامااارر سعني عطيني غي دقيييقة .. اانا .... اناا راه كتهجبني بزاف .. كنتسطااا عليك انا كنحماااق عليك الامارررر 

لامار : شنووووو... احتتترم راااس الله يخليييييك بلااا متخليني نهضر معاك بط يقة مغااااتعجبكش ونطييح لمستواااك .... و بععد من طريييييق مااااااتعصبنيييييش ( جات تمشي وشدها من كتااافها تاولا قلبها غي كايضرررب وتقووول ناااااري ويطلع اسد )

طارق : ( بهيستيرية ) مغاااانطللقش .. انااا كتتتعجججبني ... ب بغييييبت غي نقيييييسك .. راااجلك مكاينش راااه لتحت بلااا متخافي مكاين لي يشوفك عطيني فرررصة .. انا مغانديكش لراااحلك ومنقدش اصلا هادا روكااان وانا غي طااارق .. خ خللللني غي نشك رييييحتك ( شااارب محاسش براسو)

لامار: ( دفعاااتو وجمعات معاه بتسريفقة تاضار حنكووو وغوتات عليه ) وااااش نتا مررريييض ولا مااااك ... بعععد مني راه غااااانقوها لاسد والله لاااخلاك فوق الارض .. ططططلق بععععددد لهيييييه تفوووووو على كننننننس .... والله عندووووو لابقييييتي هاهي عقل عليهااا من غداااا هززز قشك ولا راني غانعاود ليه كووولشي وتشوف واش تبقا صحيح

رررجع شظها نوير عليها مابغاااش يطططلقها عينه وحومر اصلا شااارب بلا قياس وكييقرررب ليها كيف شي مجعووور وهي كتتتبعد رااااسهااا منو عيفانة وشادها من كتااافها تااكتحل لباب لامار قرب قلبها يسكت ..حساابتها اسد .. كان سفيااان جبدو من لور ولتخلو راسو مع لحيط بعدو عليها وهي كانهجج شادة على قلبها .. وهو يجمع نعاه سفيااان لكرشي تاتزوا وهبط شد عليها وزادو ركلة لظهر تاتقسم عليه وطاح لارض

رجع هزو من الكول ديالو ولتخو مع الحيط تافشل 

سفيان : انا غاااااانوريك السمااااااااتة تمد يديك على على مراااات خووويا 

بعداات لامار كتجري تهبط وهو يبان ليها اسد طاالع ورجعات عنهم 

لامار : سفيااااان سفيااااااان خبعوو دغيااااا فداك البيت دغيا يااالاااااه .... خووك طالع .. خبييييه قبل ماويلي هاد العررس دماايااات ..خبعووو دغيا عفاااك لامشا تاشافووو موصييييببة

مشا سفيان مجرجرو فالارض لاحو فواحد لبيت سورت عليه وهي كنحاول ماتبينش.. كتنهج و قلبها غابخرج من بلاصتو تاكطلع عنهم ....

اسد : لااامار ؟؟؟؟؟؟ ( شاف عند سفيان ) اش كاااين !!!! ( جبدها عندو ) مااااالكي ؟؟؟؟؟؟

لامار : لاا لاا والو ... غييير تتقييييييت .. جاتني الدووخة مع ضو لتحت و المرض راك عارف .. باقي قلبي كيزززدح .... ص صاافي يلاه نهبطو 

سفيان غير كييررممش واسد بحالا مامتيقش ... 

اسد : ماشي حالة ردان هادي .. مالك حممرة مم ؟؟؟؟ سفيااااان شنو وقع هنا .. 

سفيان : مكاين والو اصاحبي ... طلعت وبانتلي لامار مسكينة كتقيااا .. خلعاتني عليهت ... (هداك غي كيضرب فالباب ويغوت بصح اسد مكيقدش يسمعو )

لامار : اش غايكون احبيبي راه غير تقييت .. وحاسة بالبرد ... ( مشات تخبعات فيه وهو عنقها عندو ومعلي حاجبو متسرطاااتش ليه كيعرف عنين بنااادم ... وهو يشوف ليد سفيان لي جامعها وكتباااان حمرة على ليد لوخرا ... معاااااامن جاو يكدبووو ) 

اسد : صاافي احبيبتي .. هبببطي كلسي حدا قسم انا جاااي ... هبط معاها اسفيان 

لامار : اا واخاااا .... 

جات هابطة تااا سمعاتو صفر ليها ومدليها البوشيت لي كانت طاحية فااارض ووهي بدات كترمش قلبها كيضرب وشداتها عليه كتحاول تبسم ...

لامار : ااء .. طاااحت لي فاش ك كك .. كنت خارجة ...

اسد : ممم .. هبطي ...

هزاتها وشافت عند سفيااان ومشات ... وسفيان تاهو ابتسم ليه وهبط .... واسد طل عليهم هبطو .. ورجع فتح لبيبان ديال لي طوااليط .. ماللقا حد حيت هو شافوووو ملي طلع ... وعارف لامار لفوق دلكشي باش ناض تبعها .. بدا كيقلب تابان ليه واحد لبيت مسورت وصغرر عنيه كيبان ليه لبواني كتحرك .. وهو يضربووو رككككلة زحدة قسمو على جوووج ... لقااا تماااا طااارق ودخل عندو هزو من حوايجو لسقوو لحييييط وجهو كيخلع ولاخور غي شافو سيالة د بووول هبطات معاااه كتشرشر

اسد : ااااااش ددررررتتي لمراااااااااتي 

عند لامار 

لامار : مععرفتش معععرفتش اسفيان تالقيتو مورايا كالس كيخربق باينا شارب ماعارفش اش كيقول .. تفوووو عصبني . 

سفيان : انا منلول ممرتاحش ليه منها الانيفيغسيغ ديالك فداك مؤتمر مكانش على بعضو .. كون شافو اسد دابا ... 

لامار : سكت منقدش نتخيل المووقف ... اوووف كوولي كنتررعد ... سفيييان انا راه مكنتيقش فيه طللع موراه 

سفيان : غير غاندخلو ليه الشك ..فين غايشوفو راني جبت سوارت معايا غير يهبط اسد نطلع نتفاهم معاه .. من الاحسن شوفي كديري تهضري مع اسد يخرجو من الشراااكة ... 

لامار : والله لابقاا ....عفاااك قلبي مااامهنينيش غير طططلع .. راه والله تايهرس وييدخل لاشك فشي حاجة .. هداك انا لي كنعرفو والله لادوزتيها عليه .. 

خلاها و سفيان وطللع لعنهم وهي بقات كتفرك فيديها ...

طارق : ططططلق مني مادرت والو 

اسد : مغاااااضحكش علياااا انااااااا اش قررررربك عننندهاااا اولد القححححححبة زرباااان على روووووحك (عطاه يووونية تاضار وجهوو بقات بلاصتها زززززرقة ) هههههضر شنوووو درررتتتتي ليها .. 

دخل سفيااان كيجري كيحاول يبعدوو عليه سعا شكون كيجر ... حيييط يتهز ولا هو ...

سفيان : اااااسد ططططلق .. اسد طلق منو غاااتقتل السيد ...

اسد : ههههضضضررررر اززاااااااامل شنو درتي ليهااااااا 

طارق : وااالوووو طلق مني مردت وااااالوووووو 

اسد : ااااش انا مكككنععررررفش مراااااااني .. تجي تككدبني فيييييها.... دووووي اولد القققققجبة شاااطت عليك حيااااااتك مقرررب للامااارر ( كيييضرب فيه بكرووشيات فووجهوووو وفكرشووو ) 

بدا سفياان كييفرررق تابعد علييه وطارق طاح الارض فدماياتو كينهج 

اسد : ( جيف سفيان بيد وحدة) هههضرررر شنووو داااررر ليها ببببببررررربي تاليومااااااا تتتصفااا ليه 

سفيان : رجوع الله اصااااحبي ناس لتحت وعرس خووك هدا ططلق وش تدي على واحد سكرااان 

لاح سفياااان ورجع عندو 

اسد : ااااذذذذذن قاااااااسههاااااا الزااااااااامل قااااااسهاا

سفيان : ولا اصاااااحبي رخخخي منووو الله يرحم باااك صاااافي راااااه غاتقتلووو .. راه مدار ليهااا وااالوو غي ططططلق 

طلق اسد ولاخور كييتجيف ويكح قطع فيه النفس ووجهو غي دميات كره نهار لي قرب فيه لامار ..وفمو كيسيل بدم هرس ليه كاع الضراااس 

سفيان : ( مابغاش يقوليه باش مايقتلو ويضيعو هاد ليلة لخوهم ) راااه حتى انا كنت هناااا .. غي حلات لباب و شافتو وتخلعاات 

اسد : وااش بنتلك ولد كننرضع صبببعي واااااش غاتوريني انا فلاماااار ؟؟؟؟ ملي مقاسهاش علاش شاااااااد علييييه هنااا 

سفيان : وصااافي اصاحبي الله يهديييك ... نوووض نتا قوووووود منهناااا ابنااااااادم 

ناض طااارق كييعررج فجلايلو هو يجبدو اسد لتخو الارض تاتشق راسو دنيا ضارت به 

اسد : سسسسسمع عندي نتا .. عندك الزهر جيتني فعرس خويا منا غانسيفط والوديك فييييين تسسكككررر مزياااااااان ... غدااا غالقا حقك فالشررركة منززل للبييع و لا راه مغاتلوم غي راسك كماااااارتك مابغيتش نشوووووفها قدااااامي الى بغيتي تبقا بالروووووح .... راه وقف معاك الزهرر ليوم ... اما راه لي يقيس فلاماااار .... الروووووضة بلاااصتووو ... 

طارق : مم .. م م .. مددرت والوو 

اسد : وباااااقييي كيييهضر ووللللللد القحبة 

مشااا عندو تاااني تلاح عليييه ولاخووررر كيحاااول بدافع على راسووو بيديه تاكيشدلو دراعو ولواااه ليييه حتااا تقرررط وغوووت بججهد و رجع جبدو لاحو على كرشو وزطم فضهررووو تالاخوررر قرب يسكت ليه القلب

اسد : ( ساعر ) يالاه غبر عليا دابا صييييفتك بشي شهااادة طبية 

سفيان : وووواااا صاااافي اصااااااحبي راااااااك هنتكتيييييه .. نووووووض نتاااااا قوووووود فحاااااالك وااش بااااغي حتا يقتلك 

اسد : داااكشي لي خصو يدار الى بقا مقاااابلها راه غنقتلوووو نيت 

سفيان : مدار ولو اصاااااحبي 

اسد : ممممضحكككككش عليا .... انا مكيكدبووووش عليا ... متحااااازلش باش منسرحك حداه .... ( لتح هليه تيليفون ) عيط لهادوك لتحت يهزووه منشوفش وجهو ......

سفيان: واخااا غي تهههدن راه ماشي كيف كيحستبت ليك كان غي كيهضر معاها وجيت فالوقت بعدتو عليهااا

اسد : على عي غاااتخليه يقرب ... غي مننعرفت كيف دارليها تلاقا معاها مريضة ......هداك منلول عارفووو علااش ناوي .. وتانا عيني علييييه كونت كنتسناه غير يزززعم ونهرس جد واااالديه .. جااااني العرس دخويا منا داك العينين نتقبهوم ليه .... ليلة كااااملة متبع فلاماااررر وداير راسي ميييك .... اش هاد البااشاااااار دالخرا المرااااة مزوجة و وانا كالس حداهاااا و وبنتهااا حداها وباقي طااااااامع ... فاااااش طاامع اولد القحبة فاااااش 

سفيان : صااااافي برررررد دابا راه تلقاه طلمع غا فالعفو ...وش مكتعرفش بنادم ... 

جا ناااشي لدوش مععصب 

اسد : الخراااااا فين غانديرز هاد المراة قربت نحبس ججد والديها فدااااارررر ... الغغغغلط مني انا لي مخليها تخرج بداااااك الحالة قلت ماعليش راني حدلها .. سعاااا ولد القحبة غفففلني 

دخل لدوش كيغسل وجهوو برد شوية حين غايطرطق

سفيان : علاش غاتحبسها هي شنو دنبهاا مسكيينة لاكانت جاية تنشط مسكدة راسها وراجلها معاها .... خليها طرطق عرووق لباشاااار راه مايقدوش يوصولوو ليهااا 

اسد : هاهوو وصل الزااااااامل ومد عليها يدو كاع 

سفيان : داخلنا عليك بالله فين شفتيه 

اسد : واش توريني فلباشار اسفيان .... تورني فلامار ؟ ... من شوفة لولاااا عرفتها معصبة .. هي مغاتعصبش غي من الهضرة .. اش كيضور فراسها راني حافظو 

سفيان : وصاافي داباا تهدن موووقع والو ... متبينش حداهت مسكينة راها مخلوعة بلاا شي ... كترغبني باش مايخسرش عرس يونس ....ومنبعد وتحاسب معاه على تيساع

اسد : هداك لارجعت شفتو غااااانقتلو ماشي غاتتحاسب .. ( بانوليه الكارد ديالو طالعين من الدروج الخلفييين يهزوه يلوحوه ) 

مسح جهو وهبطو لتحت كيحاولو مايبينوش ... لامار كانت كالسة عى اعصابها غي شافتو جا.. حاولات تبتسم وتاهو ابتسم ليها بحالا مواقع والو وكلس عنقها عندووو خاشيها فييه وباسها على رااااسها .. كيحس برااسو غايسروقاها ليه من بين بيديه 

اسد : شوووية داباا اروحي ؟ 

لامار : ااه صاافاا ... غسلت وجهي و فاتني ااحال .... اااسد 

اسد : ممممم ؟؟؟

لامار : كنبغييييك ... وحتا حد فدنيا مايشبهك ...

اسد : هههه حمقة ( باسها و بنادم مطرطق عينو هو مراهش فداك العالم غطاها بكوستيمو حيت جاها لبرد واخا لاصال سخونة و خشاهااا فيه ) نمشييييو احبيبة ترتاحي ؟

لامار : لاا للاااااا راه نابقاش ويساليو صافي غير خليييك حداها مدفيني .. صدرك كتر من 5 دالمانطات ....

كانت الداااودية منوووضة روووبلة فلاصاال كتشطح مع ارييج لي بدلات لبسة فالدووغي ... كيشطحو معاها رتاج ويونس لي الابتسامة و الضحكة مفارقاتوش.. كيباان تاهو خطيييررر مع مسرااااررر فملامحوو وطووولة والعضلااااات والسمورية و الحروشية ... مشااات تاني تبدل .. ودخلو واحد لاطاااغط طوييييلة جايا على شكل شجرة لارز وفكل جدع محطوطة طاااغط كلها فاللبيض .... و تتقلو الاضواااء بقاو كيبانو غي الاضواء د تيليفونات لي هازين ناس ظايرين اونبيونص زوينة .... وتالموسيقى طفاااات وطغا الهدوءء ... حتاا تصوب الضوووء لباب كوولهم ووقفوو و يووونس ددخل هو وسفياااان و رتاااج شادين فيه ... كان لابس كووستااار فالاسوورد و شوميز بيضة وبااابيون كحلة و فجيبو وردة بيضة و رتاااج تاهي لابسة غوووب بيضة قصييرة حد الركااابي ومفرفرة من تحت و يديها حد دراع وضهرها عريااان .. و صباط عالي فضي بصميطة طالعة مع رجليها ... وشعرها مبوكلي رقيق ومجمووع لواحد جنب ..... حااابسة دموعها بزز داخلا وعنيها كيلمعو بدموع وسفيان مرة مرة كيضور عندها يومي ليها بعينيه ماتبينش حيت ماقال تاسكتها برا كان تاهو لابس كوستااار اسوود و بابيون .. وداير وردة بيضة فجيبو حتا هو ... مع قبعة سوداااءء جا كيبان خطير بحال العريس زادو تحت تصفيقاتهم ووقفو فالمقدمة د لاصااال كيخادة ليهم الصور .... وكيتسناااااووو تاني حتا تصوب الضو من جديد وبدا قطن كيتناثرر بحال الثلللججج كيتسااااقط وريح كتديه اصطناعية ... تاكيسمعو موااال خطيييرررررر بصوت اسمااء المنووررر ديال زززفة العرروووس اغنية ديال صرتي عروووس .. داااهلة تاهي لابسة قفطاااان ابيض .... عاد كتجي موراها اريج بلاغووب البيضاااء طويييييييلة من لووور وشادينها بنييتاااات صغاااارر لابسين الاحمر و والفوااال مغطي وجههااا .. ولبوكيه لي جابت ليها لامار ابيض فيدييهااا .. شاااد فيها باباها مدخلها لي كان تاهو بكوستاار اسووود ووريدة بيضة ... وداخلين تخت انغام اسماء المنوور ... و يونس كيشووووف فيييهاا جاايبها باباهااا لعندووو بالعزز .. وقدام كاع ناس عاطيها ليه تفكر شحال من مرة جرا عليه وكان كيمشي يشوفها بالتخابعية .... تفككر كاع اش دوزو هو وياها وشحال د المصاااايب ... تفكر حياااتو كيفاش كانت مع ساارة وكيفاش كان مقاسي معاها ..كيحس راسو اول مرة غايتزوج ماشي ثاني مرة ... تفكر طفولتهم و فاش كاين كيجي يشكي ويبكي عليها وهي تواسيه وتبكي معاه ... . فاش كانت تجيها ليغيكل ويطبع ليها سروال وطريق كاملة يمشي موراها باش متبانش ليها طببعة وتحشم .... وتاهي ماشية لعندو والودموووع فعيينييهااا مامتيقاش الى يونس لي شحال من مرة قالت صافي خسرتوو .. شخال من مرة قالت ضيعت عليه حياتي ومشا وخلاني ...واقف كيتسناها فابهى حلتو ..ببااتسمة وفعنيه حب اكبييييررر وتاهو عينيه دمعانين .....بدات تفكر اول نهار جا عندها للشششركة كيفاش تعاملات معاه وشحال جننات فيه وسعراتو ... وتاهو فاش رطع من كندااا ... نهار قطع عليها لاغوب فالانيفيغسيغ .. اول قبلة ليهم فالبيرو داسد ... شحال سهرات وخططات تهنا من سااارة ... صاافي دابا كولشي تسالا و كتزف ليه عروووس بالجاااه العالي و تحت عنين الكل ... . كتتززج يوووونس زوووج لها شرعا وقااانوونااااا ورضااا ... اسد كيشوف فيه فرحان ليه ... واحد من خوتو ليوم زوجو وحيد ليه من الطريق ومابقاش هاز همو ...تاهو شحال تععدببب فحياتو مع باباه ومع سارة ... و جزاه الله ببنت لي كتبغيه ويبغيها .. بدا يتفكرو نهاررر تزاد باااافي عاقل عليه فاش ولداتووو ملامحو ماتمسحوش ليه .. كان هااادئ وماباسلش بزاف وكيسمح فحقو وحنيين ومكيبغيش الضلم .. وسكووتي وبعيد على المشاكيل ومععقول وهو لي ساهل فالتربية بين خوتو كاملين وكان عزيز تاعلى ماماه بزااااف ... كييتفكر نهار هزو كي شي مسعووورر ر فليلة عقدها بشهاب وكيفاش فرح ملي عرف زوجهم ... ولامار متيكة على كتفو تاهي ضااحكة ودموع دايزين فعنيها لقططة مؤؤؤثرة بزاااااف .. شحال اريح بكااات عليها تشكات ومرضات عليه ودابا هاهي داتو ... فعلا الصببرررر كيجيو موراه حوايح زوينين بزااااف... الصبر و التشبت و بنادم يحااارب على حاجتو ويحاافظ عليها يصونها ويحظيها ... الحب ماشي عيب وماشي حرام ... العيب هو اللعب بالقلوووب . اما لي استودع شي قلب ل الله فهوو كيكون ليه فاللخر . بغاو يعضياتهم من قلبهم وفاااازو بقلوب بعضهم .... 

وصلهااا ليها باباهااا بيدو لي دموعو حابسهم بسيف ورتاج كتشوف لارض ماباغاش تشوف فيهم .. او بمعنى اخر سلم ليه امااانتووو .. لي ولدها و رباها وكبرها و قراها ... سلمها ليه .. يونس ماعرفش علاش دموع عينيه هبطو تاهو وشد فيدها باسهااا و علا ليها لفوال على وجهها وكيبان عينيها كيبكيو وباس رااسها مطول وعنقها عندو همس فودنها 

يونس : ماااتبكيش دمووعك غاالين .. غانكون باباك وماماك و راجلك و ختك وكولشي ... غاااانهز فعنيني ارييجووو ..ونرخص الغالي عليك

اريج ابتسمات ليه برضى وهو كيمسح دموعها وقرب عنها سفيان سلم وبارك ليها وقربات تاني رتاج عنقاااتها بججججهدد مزيرة عليها ... ووقفووو كامليين .. كياخدو الصور و قربو عنم لامار و اسد باركو ليهم وسلموو عليهم تاهوا .. وقطعو الكيييك مع بعضهم ... تاسمعو يونس مشا لميكرو حيدو لاسماااء لي كلسااات .. وكلهم تلفتو لعندو واريج مووسعة عينيها اش غايقول 

يونس : صبروووو صبروووو صبرووو ... شووووية الهدوووء عفااااكم .. وشوية د الانتبااااه ... اول شي مامستحملش نشوف الدموع فعنيين عرووستي و ختها و باباها .... خفت نكون باقي مكسبت ثثثقتهم كمااااا يججب ..... لذا ليوم وقدام كاع هاد الحضوورر و الكاميرات .. قداااامك نتااا اسي احمد لي وليتي فمتابة الاب ديالي لي معنديش ... و قدااام الاخ و السند و القدوة ددالي .... اسد .. قداام خويااا الصغيير لي عقلو كبر منو ..الهبيل ونص قلبي طبعاااا نص حيت لاخور داتو اريج ههههه ... سفياااان .. قداام ختي وصديييقتي رتاااج .... قدااام لي وليت كنعيط ليها امنا الارض ههههه قدااام لي جمعاااتناااا على طبلة وحدة و لي عطاتنا عائلة وعطاتنا واجمل امييرررة صغييييرة فدنياااا لي راها ناعسة .. ختي لااماارر .... كنواااعدكم ااانني غانكون الزوج المثااااالي ..الاب الحنوون . ...والزوج الصاااالح ..

سفيان : ناااااري شكاايدير لتعناب 

لامار : شششش 

يونس : اريييج ... لبنت لي فين مكاين شي مصيبة دوزها انا وياها كوارث عضمى فطفولتنا ... و لي حافضت عليااا حتا لدااابا ومانسااتنيش.... رييييجو ... غاتبقاي ديما ريجو الصغيرة فقللللبي ... نتي دابا عرووستي ومراااتي .. وكوووولشي فحياااااتي ... كنواعدك امام الحضور كامل اني غاندير لي فجججهدي مانقلقكش و نانخليكش دمعتك تهبط مزااال . 

سفيان : لبنت عمر شي دمعة ماهبطت تاعرفااتو هو ... وشوف اش كيقول .. برلاماني مع راسو .. بعدها غا نتتا مغاتبكيش 

لامار : سفيااااان سكككت اناري 

يونس : غانصبررو على الحلوة و المرة .. نصبر على عصبيتك تقلب ميزاجك غيييرتك ... غانبغييييك كتر وكككترر .. كل مانفيق على وجهك نزيد نبغييييك ...

سفيان : تانكون مكنعرفكش ونتا فاش كتفيق مكتعقلش تاعلى راسك بقا غاتزيد تحححب ( حس بلامار طلعات معاه قرصة تااسكت) ريجووو... مرحبا بيك احبيبتي فالعااائلة الرووكانية ههه .. اه فعلا حنا معنداش اسم عائلي جااامعنا ... ولاكن كلنا تحت سقف لقب الروكان ... خوونا و بااناااا ( اسد طلع فيه حاحبو ) 

سفيان : شرررفك ونتا كتبان صغر منوو هنهههه 

يونس : و استتااذنا ... لي منعرفش كيفاش نرد ليه خيرو حيت كون مكانش هو .. يمكن مكناش غانكونو مجموهين ليوووووم ... 

سفيان : بعد غا منو وخويليه داااررر هههههه

بداووو كيصفقو و اسد مبببستم فيه و كيومي ليه برااسو زعما برافوو .. ولامار حابسة ضحكة بززز قتلها سفياااان بتعليقاتو وشي ضحكة عندو خطيرة .. واحمد مشاااا عنقووو و كولشي حاااسد اريج على راجل كيبغيها بحال هاكدا .... مشا لعنها وحل طاااقم ركبووو لييها .. تحت انظار الكل وتصفيييقااااتهم ... كلسو كاملين على كرااااسي .. اريج ويونس فالوسط ..حدا يونس واقف اسد و لامار حداه و رقية و سفياااان ... وحدا اريج واقف باباها و رتاااج و بهييجة ... خداو الصور و لامار قربااات عنقاااتها ... 

اريج : اناااا ليوما نغانمشيش حتاااا تغني ليا 

لامار : شنوووو ؟؟؟؟ 

اريج : خووياا اسد عفاااك قولها تواااافق امنيتي تغنيلي فعرسي صوووتها زوين بزااااااف 

اسد : بصاااح ؟؟؟؟

اريج : اء ؟؟؟ ( نسات راسها ) ااااه ... والله .. ز زوييييين ... 

رتاج : يالاه الامار ماتخسريش ليها هاااطرها 

سفيان : لاااااماااااررررر لاااااماااااااررررر 

لامار شافت عند اسد لي وما ليها زعما غي سيري

لامار : صاافي واخا .. ب بصح معرفش حححشمت ههههه .. تعاااوني رتااااج 

رتاج : واااخا صافي واخا صوتي ماشي بحال صووووتك هخخخ اش تبغي نغنيو ليك الالة العروسة 

اريج : مممم اللشرررررقي .. 

ضحكو ليها وهزو الميكرو وطلعو للمنصة وكولشي كيشوف فيهم من غير اسد لي كلس .. محاااملش راسو وهو ماعرفش واش صوت مرتو زوين ولا لا .. عاض على شفتو وماباغيش يشوف لعنهم و بقا ملهي مع قسم ينسى هاد ااومور لي ديمااا كتحسووو انووو ناقص وماشي بحال لو خرين ...

تعالااات موووسيقى هاادئة د الكماااان ... تاتسمع صوت لامااارر الرنااااان بحة خطيييرة وخماات صوتية دماار ... حيت من زمان كانت كتغني وترقص .. وذحااال هدا ماغنات وليوم لبات طلب صديييقتها فليلة فرحهاااا ... وشادين هي واريج الميكرو وكيتمايلو مع الموسيقى و لامار كتشوف عند اسد لي ملهي مع قسم حسااااات بيه ..... وتهددااات وعلات المايك لفمها .. 

🎤🎤🎤🎤🎤 🎤🎤🎤🎤

لامار : جيبو المحاااااااابس و الورد 

سمعووووني زغروووتة بعد 

اجمل عروووووس بهالارض 

جايي عرسها اليوووووووووم.....

كل الناس اتجمعو 

حتى يشوفوكي معو 

طلو حتى يسمعو 

دقة قلب مغرووووووووم ..........

هزات رتاج المايك 

🎤🎤🎤🎤🎤🎤🎤

رتااج : مبروووووك ياااا قطعة مني ... تعيشي معوووو وتتهههننني ... تمشووو سواااا لبحر الدددنيي .. تشوفو الددني كلهاا جنة ... 

كلمة اختي مااااا بتلبقلك ( تغنغن صوتها ) ... انتي اختي و امي و بيي ... من ها اللحظة عم اشتألك ..يسلملي لي بخاااف عللي .. عم ينطركم بيت جديد .. وراح بتجيييبووو احلى ولااااد ... مثل الليلة بثوب العييييد .. ان شاءالله ايامك كلو عيااااد ... 

لااماااار : ااااه يا قلبي على الجماااال .. قمممررر مشااااءالله ... حطهااا فعييينك دي اغلى بنت في الدنيااااا ... يعني تتدلع وماااالووو .. مالقمر عاااااارف جماالو ...مش هاااتبعد عنهاااا يوووم ولا ساااااعة و لا ثااااااانية ...دي صححااابتي وعشششرة عمممري ... و الوقت عليينا بيجري .....الفرررحة بااااينا علييييها .. والابيض لابق علييييها .. والعررييس اييدددو في ايييديييهااا ... ااااااالله على جماااالهااا ....

هزات تاني رتاج الميكرو وتقلبات موسيقى حزينة 

رتاج : الله يهنييكي .. والعمر يعطييكي ..انت يا نور البيت .. ياا فرحتو للبيت ..( احمد هبط راسو بين يديه ) 

فستانك الابيض حلو شو لابق عاااااليكي ....سامحيني لوو نتفة زععلت .... يا اختي ساامحيني ( دموووع هباطين ليها واريج معنقها يزنس كتبكي عندو ورتاح صوتهااا مغمغن بالبكااا وكتحاول تضحك و صوتها زويييين حتا وهو مبحوح وعدنان كيتفرج فيها محملهاش تبكي ) وفجأة كبرت ...صااار الوقت.....تتفلي وتترركيني ....

قلبي عليك ربي .....عتلانة همك تتعبي ..... كل ماحتجتيني اطلبي ...حدك بتلاااقيني .. 

الله يهنيكي ... و العمر يعطيكي ...انت يا نور البيت .. يا فرحتو للبيت ...

لامار : ( عنقاتها عنها حيت انهارت وبدات تشهق فكتف لامار ) هييك عنوان القدر ...

مكتبوب عاجبين بالبشر 

صهرنااا يا احلى صهر 

يرخصلك الغااالي

كملووو بعض و كملوووو ... 

وعيشو هالعمر الحلو .. 

عروستنا اجمل اميرة ..غيرك ما بيلبأ إيلو 

بداااووو يصفقووو عليهم وهي معنقة عنها رتاج و جا سفيان عنهم كيحاول يسكتها و مسحات دموعها هبطات عند ختها وعنقاااتها و اريج ماعرفات تمسح دموعها و لا دمووع ختهاا .. وبقاو كيضحكو فيهم ينساو شوية ...

جااا وقت الودااااع وناضت اسماء المنور للميييكرووو ... كيف ما دخلاتها غاتخرجهااا .... وناضو كاملين موراها .... وصلو تالبوااااابة وكولشي لبسو لي فييرور ديالهم و ليكاتهم ووتا اريج لبس ليها يونس فيرور فالبيض طويييييل ... ومضلة بيضااء مرصعة .... و الورررد كيييتسااااقط .. ليموزين بييضة كوييييلة كانت فانتظاااارهم ...

قرب باباها عنقهاااا عندو و باست يديه وراسو 

احمد : ررربي يهنييكم و يسعععدكم 

قرب لعند يونس لي تاعو باس يديه 

احمد : تهلالي فيها اولدي .. راه بناتي راس مالي 

يونس : كون هاني اعمي ...حسبهااا بحالا راها معاك ... فعلا منوصلش لمعتزك فقلبها ولاكن غاااامحاول نكون باباها فبعدك ... 

جات تاتي رتاااج عنقااتها 

رتاج : كنبغييييييك الكلللبة نفوووو زعما ضاااروووري تزوجي 

اريج : طططللقي ماع خسرتيلي مكيااااجي 

رتاج : ( سلامات على يونس ) خوويا .... ختي امانة عندك هي لي عندنا .. عنداك تحرمنا من بعضياااتناااا 

يونس : فيييهااا كتشووفي ههههه 

رتاج : ههههه عاااارفاك .. انا فرحااانة لي داتك نتا و مهنية عليها كتر الله يسعدكم طول الحيااااة

لامار : ياااالااااه دابا خصك تلووووحي لبوووووكييييه نشوفو اشمن عرس نحضرو ليه تاني هههههههه 

اريج : ههه واخا .. 

تقادو لبنات كااملين وهي بعدااات وعلات البوكيه فالسما 

اريج : واااااحد جوووووج ثلاااااااثة 

لااااحتو وهي تشدو حيااااة مووووسعة عينيها وهوما ميصفقووو

لامار : ههههه نوووووو حياة هربات من زواج رديتيها ليه ههههههه 

رتاج : مبروك عليك احيااااة هههههههه خصك تحضي اشمن يد تشد هاد لبوكيه موراك باش تعرفي راجلك ههههههخ 

حياة : ههههه انا كنتي غي وااااقفة هو تلاح عليااا ههههههه 

رتاج : اوا شتتي راه زهرررك هدااا هههه عييت نتجبد واالوووو هه

سلمووو عليها كاملين وودعوها باباها و رتااااج غي مشاااات هبطو دموعهم لي مابغاوش يتحسبو.. واخا غدا غايشوفها ولاكن ماقدوش يتحكمو فيهم متبعييينها وهي ماشيا فيد يونس ... و ركبات فطموبيل كتلوح ليه بايباي .. و انطلقوووو والكل موراهم كيلووح تاغبرووو .. و لامار جراات عنها رتاج عنقااااتها كتتتبككككي عندها 

لاملر : وااا ااحمقة و الله تاعيقتي مانشفوش هاد دموع .. رااه غدا غاتصبح معاااك 

سفيان : انا بربي مافهمت هاد البكا كاااامل ...السيدة قرن وزمارة باش تزوجااات ... وغدا غاااتصبح معاك ونتي مسافرة معاها كاع لشهر العسل مال مك ؟؟؟؟ 

رتاج : نتاااا سككككت سككككككتتتت .. متتتكملش عليا 

سفيااان : تخربيق .. علاااش انا مانبكيش على خويااا هااا؟؟؟؟؟ ( بدا يظير راسو كيدمع وكولشي كيضحك عليه ) يييييي خوووياااااا بووونس مسيكين تزوج صغيرر مشافت ماتبرع مشااا فشباااابوووو .. يييييي غاتبعدو عليا خخخختك .. يييييي مشا ماكاين معامن نعس .. معااامن ندير شوبينغ ( كيتعوج كيقلدها ) فففففففف فين لوووجييييك . والله مانبكي عليه وانا غانفطر معاه غدا ...علاش غانبكي عليه ؟نبكي على راسي لي بقيت بااااير ماهو لقا نققرتوووو وغبر فيها نحاسو ولا نعرفت كيف كتقولو ليها .. انا لي بقيت لا نقرة لا قزدييييير .. 

لامار : ههههههه عااار الله لاما غي سككككت نتا غي سكككت هههههه ... معرفت نبكي و لا نضحك هههههههه

رتاج تطلقات من يد لامارر وهو هرب وهي خطفات داك بوكيه من يد حياو وتبعاااتووو باغا ضربوووو وناس نفرشخة عليهم بضحك تاشدات و بدات ضربوو لراس بداك لبوووكييه وحييدو ليها شادو وحياةة شداااات على فمها وعنيها لمعو لي سفيان شد لبوكيه موراها بدات كتتتتتححححمقززززز

يتبع ...