حبيبي الأصم الجزء 190

هبطات عندو شداتو من وجهوو لاقات شفايفهم و قسم من تحت كتفرررج وضرب بيديها ... نساوها كاع .. تابعدات لامار كضحك 

لامار : غانخنقو لبننت ...

اسد : هههه نوضي الببهرووووشة لهيه خلي ماماك تنعس عندي شوية يالاه .... نتي انا ويااااك مخاصمييين 

قسم : ققفغغعغغغغرررر

اسد : هههه غاااااانااكلك الفنكووووشة

بقا كيعنكش فيها ولامار حسات بشي حاجة هبطات معاها ناضت لدوش كانت ليغيكل .. نيطوايات ورجعات عندهم لقاتو بكاها بالعضاان هزاتها عليه ..

لامار : صااااافي اماما صااااقي ... واالله تاحشومة عليك ديما مبكييهااا 

اسد : كتجننني بدااااك العويناات ... اجي عندي نوري لمك ..عطيهالياااا مزال ماااشبعت ... غاااانااااكلك واشوفي فيا ( قسم كتشووف فيه وتبكي ) 

لامار : رركبتي فيها رعب ... 

هزاتها حطاتها فكووونتها وحسات باسد جبدها من للور لعندووو وضارت عندو كتخبش ليه فلحيتو ... 

لامار : ساليتي منها ودزتي ليا انااا 

اسد : على شكوون عندي من غيييركم 

لامار : ( بدات كتخبش فلحيتووو وتبسم ) حبييييبي ... 

اسد : اااربي سلامة ... اش كاين 

لامار : احم ...من لبارح وانا باغا نسولك .... خفتك تعصب عليا 

اسد : اذن بلا ماسولي ...

لامار : وااخاا هههه 

اسد : هضري شنو تما كيضوررر ...

لامار :احم .. ز زعما ... زعما مكتحسش بالنقص فاش كتكون كالس مع سفيان ويونس .. وعدنان كاع مكاين !... زعما تايبقا خوك ... معرفتش تانا عندي خوتي ويلا غاب واحد منصبرش ... 

اسد : وعلاش واش بنتليك مانعو يجي عندي ؟

لامار : لااا زعما قصدت ( قاطعها)

اسد: مانقدرش نجيب شي واحد بسيف لي بغاني مرحبا لي مابغانيش يقود ماهاز حد فراسي الحمد الله .. درت معاه كتر من جهدي ودرت شي حوايج و شي زكير عمرني ضنيت غانهبط لداك المستوى شي نهار هبطت ليه معاه ... دخلت زواجي ودخلتك نتي فشي مسائل تافهة .. كان بإيمكاني نقضي عليها غي بجوج تصرفيقات وركلة مع لباب .. مي انا بغيتو يتعلم ويتربا .. داك الغلط لي كان باغي يديرر .. جيت وصلتوو ليه دغيااا بلا عداب وشاافوو كيدايررر ونتيجتوو ... ورجعتو تاني لبلاصتو ... باش يجمع راسو ويعرف الى طريقو مشدودة .... وينوض يخدم على كرووو ومستقبلو مايبقاش حاضي الخوا الخاوي .. لواه نخرج هليك و خدمتك ومرتك ومعرفت اش .. تبرهييييش .. كون جا بغا يهضر بحال الرجال كون عاودت ليه وفهمت ليه ... واخا مكنبغي نعاود لحد ... مي هو دخل صحييييح كيغرق فالباطويااات و يجيب ليا زوااامل يضورو بيا... هدا هو لي غانحس انا بالنقص ملي مكاينش .. كوووونت كنحس بالنقص و كنتسنى امتى تللقينا الظروف .. كانت صورتو نقية عندي .. مي ملي شفت هاد بنادم .. مريييض ... حق الله تا مريض هاداك خينا 

لامار : كون ساعفني كون غي شد شي شومبر حدا سارة ههه .. احم .. موهيم انا غي سولتك عارفني كنبغي ديما نشوف واش مرتاااح .. مكنبغيش تكون شي حاجة شاطناك ... غايندم بزااااااااف نهار يعرفك ديال بصح .. والله تاتجيه الموت اهون من انو يتدكر شنو كان باغي يدير فيك ... صراحة منكدبش عليك .. هادشي لي داررر كرهني فالاخوة ومايجي منها .. مكاينش شي اخ يدير هادشي .... بلا ميستفسر و لا يسول دغيا ناض باغي يخرج ليك على حياتك .. حشومة كاع .. والله تاكرهني فيه .. ولاكن فتفس الوقت نتمنى لو تصفا بيناتكم لخواطر ... والله ... ديما فشي حرب .. بلاصة من الربح و الخسارة وزكيير .... مكنكرهش بنادم يتصاالح .. كايكون اكبر ربح لطرفين بجوج ... واخا محملتوش مي منكرهش تصااالحو وتصفا الخواطرر بيناتكم .. وحتا مامكم ترتاح فالقبر ... تلاقا روحخا نعلقا ملي ولادها مفرقين ....

اسد : ففففف على موضوع جابداليا على الصباح ... ( شد على راسو)

لامار : وهي لانوضتي نمشيو هههههه يالاه راحنا معطلين نكلسو معاهم شوية ققبل مايسافرو .. ياك يونس لي عيط ليك .. 

اسد : وي .. حيت غانسافرو مجموعين مافيا لي يمشي لدار نتلاقاو غي فطريق 

لامار : لهاااواااااي😍😍ححلف

اسد : لكااازااا اشمن هاواي .. دوك الاجتماعات لي كيتسناوك هاد لاسومين .. و ليكزام ديال ليكول لي عندكم غايديروهم جنون ... 

لامار : فففففف ... بغييييت نسافررر 😢

اسد : دابا غي صبري احبيبتي راك عاد كيف افتتحتي ماتهاونيش من دابا خصك توقفي على كولشي بيديك مااتيقيش فالموظفين والمدراء ... هانتي حتى من العمرة اجلناها لرمضان بسباب لبلوكاج لي وقع لينا فالاجوندا لا انا لا نتي ... مي وعد فلويكاند ط نتحركو واخا ؟ 

لامار : مممم فيين ؟؟؟. 

اسد : ختاري 

لامار : نوصلو عليييهم ... 

اسد : داااكوغ 

لامار : اجي هاد ليلة راها الكريسميس ندوزوها غي فدار ؟؟؟

اسد : حنا مسلمين احبي لا ! 

لامار : وماالي غااانمشي نسكررر 

اسد : مامعترفش انا بهادشي .. بقالي غا نحتفل بيه ... 

لامار : فففف ونوض داااباااا نمشيو لعندهم راه كيتسناونا لفطور ....

اسد : ياااااك العرس سالا الباشار اشمن فطوور 

لامار : ونااااري شحال معكس ... فطوور العروووس ... ضروري منو.. هادو راه تقاليد مغربية نتا منين جاي نتا منين ؟؟؟ غا انا صبحتني فالهاواي حسابتك ناس كاملة مكديرش التقاليد 

اسد : سمعي ليا نتي .. لبارح منوضااااني فعز نعاااسي نووض يلاه نووووض يلاه ...بحالا منعرفت شنو غايطرا .. نهار عرسي انا ومدرتش داك زربة كاملة دوزت اجتماعي على خااطري وجيت عندك لوطيل ووصلنا فالوقت و كوووول ... ولبارح بحالا راني فالعسكر دغيا زيد نوض يالاه سربي وقف نعس كلس .. ماعرفتو فيط دماغياج ولا لااكيييغ ... ودااابا تاني مصبحة عليا .. كتتتقلبي علياااا واقلة ..... 

لامار : ورااااه كيتسناونا لفطور 

ااسد : ( شاف لسعتو فيدو ) فوااالاا .. شوفي شحال وقت لغدا هادا .. اشمن فطور .. ( شافها خسرات سيفتها ورجع عنقها ) اااحبيبتي لي بغا يفطر يفطر ... انا مامواالفش شي حد كيزرب عليا ولا يفرض عليا امتى نوض و امتى نعس وامتى نخرج ....

لامار : يااااك! .. ودابا خصك توولف .. راه عندك عااائلة .. وخووت لي كيخصهوم يشفوك تانتا معاهم على الطبلة باش تكمل كلستهم .. نسا عليا ليام لي كنتي فييهم بوحدك غي نتا روووربن ..دابا لا اسد .. عائلتنا ماشيا وكتكبر ...ومزااال اتولي عم .. تصور .. تهز ولد ولا بنت يونس بين يدييك ( كضحك تاهو ابتسم ) يعيط ليك عمي .. باش غاتحس .. ممم ؟ ولاااد يونس وولاد سفيااان .. ويجيو يعمررو علينا الدااار .... خصك تولف من دابا على شي حاجة سميتها الجماااعة و تولي ترد لبال الى رااهم كيتسناوك ودايرين بحسااابك .... 

اسد : عاارف .. ولاكن بشوية علاش الزربة

لامار : حيت احبيبي مكاينش الوقت ... راه عاد غانسافرو وعندهم طيارة مع العشية ايمتى غانوصلو لكازا ؟ عندنا ساااعة دالماكنة نفطرو معاهم ... هادشي باش كنزرب عليك لاتبعتك ماحقو عليهم تاالمغرب ... ناااااري مضبوووط فكولشي الا شي حاجة سميتها الوقت معطاااكش الله .... 

اسد : حيت ولفت انا لي كندير وقت لراسي ماشي شي حد كيفرضو عليا امتى نوض امتى لا ....

لامار : هههه وانوض باركا من الكسل ... انا غانوجد راسي 

جرها عندو قرب لوججها بهمس

اسد : خلييينا شوية مزاااال 

لامار : داكشي لي فراسك غي نسااااه احبي ... جاتني لي غيكل دااابا عاد

اسد : فااااااك

لامار : هههه اوا شتي هههه .. يالله نوووض 

اسد : (لاح عليه الكوفرلي ) انا عاد فهمت داك الكلام لي كيقولو قبل الزواج .. واش قابل تكون معايا ف الحلوة و المرة .. 

لامار : سيطاديغ! 

اسد : سيطاديغ احبي ... الحلوة رااه حلوة ... و المرة راه لي غيكل .. داكشي د الظرووف غا خرافااات كيقولبو بيهم الواحد ... .

نااض لدووش وهي بقات متبعاه كضحك

نااضت لامار بدلات لقسم ... واسد خرج كيصلي .. لبسات هي سروال كحل و كبوط مقطن كحل و مونطو حمرر كلاص ... مع ليبوط ... وشعرها خلاتو على طبيعتو دارت فوقو طربوش بالقفازات ديالو .. لبس اسد تاهو سيرفيييت كحلة و فوقها جاكييت بلا يدين وطربوش وهز قسم ومشااوو ... وهو كيشرب قهوتو فطموبيل يتوكض ... دخلو لقاوهم تماااا كاملين مجموووعين ضحكهم كيتسمع من برل .. يونس بجابادووورر جااه طوووب ...و اريج لابسة قفيطين خفيف ديال الراندة و مصايبة شعرها ... و سفيان ورتاج شادين واحد قنيتة كيتفرجو فتصاور د لبارح .. وبهيجة و رقية كيوجدو على الطبلة معاهم جوج خدامات .. طبلة طويلة عليها فطور تقلدي 100% ... كولشي كيشهي وتجمعو فطرو فجو مرح كيهضرو على ليلة لبارح وكيف دازت وسفيان حاط عندو قسم ... سالاو الفطور وقراو الفاتحة و ختموو بصلاة الابراهيمية والاستغفار .. يونس و اريج وجدو راسهم وليفاليز ديالهم ... و وانطلقو كاملين لكازا ...فين غايودعوهم فالمطار .... 

من بعد سااعاات وصلو ... مشاو دريكيت معاهم لمطاار .. مشات اريج و يونس و سفيان ورتاج معاهم ... سلمو على بعضياااتهم وتفارقو ... رجعات لامار كلها كتنخصص وتبكي تقول مقلووبين ليها الكيييران كطرريق كاملة هو كيسكت فيييها ... مع لغيييكل مع فرقاااتهم حسات خواو عليها ... قسم كتبكي منهنا وهي منهنا .. ووصلو لمنطقة تكان قريب يضلام الحال ... غير هوما دخلو وهي تللاالقاهم رجاء 

رجاء : على سلاااامتكم .. واحد السيدة لداخل قالت كتعرفهم والكارد خلاوها تدخل قالوليا من عائلتكم

لامار : ( شافت فاسد وشافت فيها ) شكون ؟ 

رجاء : معرفتش ... راه لداخل فصالون ...

لامار : اء ؟ وكيفاش معرفتوهااااش مدخلينها 

رجاء : انا شبهتها صرااااحة ومعقلتش بضبط فين شفتها .. مي الكارد قالولي مسموح ليها تدخل فليكونديسيون لي عنهم ... 

دخلو متسائلين غير شافوها تفاجأو .. ماشي من حظورها انما من منظرها ..لابسة حجااااب و لباااس محتشم جدااا و مهبطة راسها .... 

لامار : ساااارة !!!

وقفات سارة حشماااانة و ابتسامة باااهثة على فمها .. ونطقات بصوت منخفض 

سارة : نتمنى مانكونش زعجتكم 

لامار : اء ؟ لل لاااا تفضلي ... كلسي ... غ غ غي فااااجأتينا ... 

سارة : راه ل ليوم رأس السنة .. وكولشي فالمركز عطاوهم يمشيو يدوزوها مع دارهم ... مابغيتش نبقا تما بوحدي .. ف فاش قالولي واش اانتي عندك عندمن تمشي قلت ليهم اه ....( كتشوف فالارض ) 

لامار شافت فاسد لي غي كيشوف تاهو بضورو ماتوقعهاش ومشات قربات عنها 

لامار : مرحباااا بك .... دار مفتوحة فوجهك فوقتاش مابغيتي ... 

تبسمات ليها ماقتداش تعلي عينيها فاسد غي شادة طرف من جاكيت ديالها وكتفرك فيه و اسد تنهد وقرب عندها ...

اسد : علي راسك ... علاش مهبطاه ( علات راسها حشمانة تشوف فيه ) وليتي كتقدري تخرطي عادي! جيتي بوحدك ؟

سارة : لا ج حااابني د دكتور ومشا ... هاد الشهر حاولت نتحدا راسي و خرجت ... 

اسد : مزياان ... مرحبا بك .. 

شاف عند لامار بمعنى انا لفوق وطلع وهي كلسات معاها 

لامار : فررررحت ملي شفتك ... واخا الصراحة تصدمت كتر .... مزياااان لي وليتي كاتقدري تخرجي .. 

سارة : شحال قدني .. راني عايشة وربي باقي باغيني نعيش .. علاش ندفن راسي 

لامار : وي فغي .. سااارة ... شوفي فيا ( شافت فيها ) دوك شوفات لي كديري بحالا حشمانة غي حيديهم .. حنا نسينا المااااضي بمرة مااابقاش ... اي واحد فهاد دنياااا كيلغط مهم يتوب على غلطو ... و يعترف بيه .. ويعتدر عليه ... وان الله غفور رحيم .. بابنا ديما مفتوحة فوجهك وفاش ماحتااجيتينا مرحبا .. داركم هادي ... 

سارة : (حابسة البكية وكتعض فشافيها باش مايهبطوش الدموع ) ش شكرا 

لامار : والله الى فرحت حيت جييتي .... سمعتي اااش قالك اسد ططلعي راسك .. وخلينااا ندوزو احس رأس السنة مم ؟؟.؟ تكون بداية جديدة ... وعام جديد .. وصفحة جديدة 

سارة : (طلقات داك البكية وغرسات راسها فيديها كتبكي ولامار عنقااتهاا ) 

لامار : نوووو .. سارة عفاااك ... مابغيناش دموووع ... واالاا ....عفااااك

سارة : ( طلعات راسها كتنخصص وتمسح فدموعها و عنقات لامار كتشهق ) لاااامار ختي سمحي ليااااا بزاااااااف .. معرفتش شنو خصني ندييير باش نعتدر على داكشي لي درت ليك .. نتي ماعندك تاشي دنب .... ماخليت مادرت ليك مع دالك جبتي بنتك وججيتي زرتيني ..... سسسسمحلي ليا عفاااااااك .... 

لاماار : ششششش .. واااصافي هانتي غتبكيني عاوتاني وماقلت تانشفتهم .. صاااافي انا راه نسيت المااااضي .. حنا ولاد اليوم .. نساي الموضوع حتى نتي عفاااك نساااي ..

سارة : ( بعدات منها كاتشهق ) مابقاش عندي الوجه لي نشوف فاسد اختي مااابقاش ... حشماااانة بلا قياااس 

لامار : علاااش غااتحشمي ؟ مالو هو مدارش فيك القليل ...نسيتي داك القتلة ممم ( سارة حجابت ليها ضحكة وسط دموع ) اوا راه هو لي خصو يعتدر الحمقة ... راه تاهو وكلك سلللخة هههه... 

سارة : لاا اختي لا ... بسيف .. ر راه .. راه كنت غانقتل ليه بنتو .. 

لامار : شششش صافي ... نتي كنتي ماشي فوعيك ... وكنتي مريضة الله يحسن العوان .. نووضي خرجي فيه عينيك الحمقة وقوليليه يعتدر علر داك السلخة لي دار ليك .. مالو هو ملاااك .... باركاا ماتشوفي راسم غي نتي لي خاااايبة ... ( كتحاول تعلي ليها معناويتها ) ولا عرفتي شنو مطلبي منو مايطلب منك .. نسااي وصاافي ... اش قلتي ؟ 

سارة : ممم صافي واخا .. ولاكن حاااساه باقي شاد فقلبو من جيهتي 

لامار : بحالا مكتعرفيهش هو هاكاك داير .. ولاكن مكيحقدش ... وانا متاكة تاهو نسا كولشي.. كون مكانش نسا كاع ماعطي تعليماتو لناس دمنطقة يدخلوك لاجيتي .. حيت لا انا لا هو .. كنا عارفين شي نهاارر غاترجعي و غااتبدلي .... ولاكن صدمتينا هههه ... الحجاااب .. والله تاجاك زوين 

سارة : ههه .. معرفتش كيفاش درتو ..

لامار : عاوديلي كيفاش تاطاح على بالك ممم ؟ 

سارة : كولشي فمصلحة سولوني هاد سؤال هه ... .. كان عندي عيد ميلادي ... و .. ودكتور عمران قاليا شنو تبغي فالهدية ... قتليه مكرهتش شي كتاب.. وهداني قرآن كريم ... كنت كل ليلة كنقرااته بواحد الخشوع كبير ... دوا ليا قلبي.. هو لي كان دوايا تفكرت بيه الى كاين الله فوق مني .. كيشوفني .. كيعاقبني و كيغفر لي ... قررت من الغد ننتقرب منو كتر ... وصبحت كنصلي . ومابغيتش نحيد لفولار مزال ... وكنفكر فاللباس الشرعي ان شاء الله .. 

لامار : مشاء الله جاك غزال بدلك بزاف العقوبة ليا هههه .. فخبارك تا رجاء راه معرفاااتكش ههههه ... 

سارة يالاه غاتهضر هو يصوني ليها تلفون وبقات مدة كاتشوف فداك الاسم 

لامار : جاوبي غتخليه كيصوني ههه 

سارة : اا و ت تالمنبعد 

لامار : هههه غي جاوبي .. خودي راحتك انا غانطلع نجيب قسم غاتكون مصدعاه ..... 

ناضت لامار وسارة عاد جاوباتو 

سارة : الو 

عمران : سارة شوشتيني علاش مكتجاوبيش 

سارة : ل لا ... غ غي يالاه سمعت تيليفون 

عمران : واش راك معاهم ؟ جاو ؟ 

سارة : اه دابا عااد جاو ...

عمران : تباتي ولانجي موراك 

سارة : معرفتش صراحة ... حشماااانة و وحاسة براسي برانية .. يمكن غانرجع لمصلحة 

عمران : وتبقاي بوحدك .؟ كولشي خرج .. تبغي نديك معايا لشي بلاصة 

سارة : لاا حشوومة ... تانتا غاتبغي دوزها فداركم 

عمران : لا لاا انا مكنآمنش بهادشي ومكنحتفلش بيه . وتالدار عنندنا ملتزمين .. 

سارة : م ممووهيم دابا نرد عليك ... ولاكن منقدش نمشي معاك شي بلاصة .. لاغيرت رأي غانرجع غي للمصلحة 

عمران : اووكي ماشي مشكل نكومو بجوج فمصلحة .. تانا عندي تما شي ضواسا يتريكلو ههه لسقة ياك ؟ هههه.. تهلاي فراسك ولا احتاجيتني ماترردييش ..

سارة : ( بابتسامة ) واخا ادكتور ....

لامار طلعات لقات اسد كيلعب مع قسم و حاط بيسي قدامو كيشوف تقارير دهاد ليوماين

لامار : حبيبي ... علاش طلعتي 

اسد : بقااات فيا ... والله ماقديت نشوف فيها ... 

لامار : ضعااافت مسكينة ولاكن جا معاها الحجاب ... عرفتي ... من قبيلة وهي تبكي وطلبات من سماحة وقاتلي معندهاش الوجه لي تشوف فيك .... البنت حشمان من راسها بزاف .. متبينش حداخا ا اسد عفاك باش متجرحش وتزيد تأزم حنا لي خصنا نعاونوها تبرا ..

اسد : على حياة كيدايرة .. لبارح انا لي كنقنع فيك متجرحيهاش وليوم جايا نتي تقنعيني .. شي جواان صحييح ضاارباه الحياة بالله ههه 

لامار : وايه متعرف اش مخبعة لينا ليام .. موهيم نحاولو مانبينوش حداها ومنجبدوش الموضوع كاع باش تنساجم معانا ...كنحسها حشمانة بزاف .... 

اسد : واكيد غاتحشم .. على داكشي لي دارت ساهل 

لامار : داز داكشي معليش كولشي كيغلط ... كانت مريضة و الله يكون فالعوان ... ياك نتا براسك قلتي ليا كون تشوفي سارة كي كااانت ... 

اسد : اودي مصاب كون ترجع هاديك القديمة ... 

لامار : والله لتحسيتها تبدلات ..وحتى نظاارتها تبدلو مابقاوش كيما لول مكنتش كنرتاح ليها ... دابا نو .. حسيتها وحدة جديدة ...

اسد غي كيتنهد ...وكيمشط فشعر قسم بيديه وايييس مكسل حداهم 

لامار : اسد .... نتااا غااتخليها تبقا معانا ليووم ؟؟؟ حشوووومة تبقا فالمصلحة بوحدها 

اسد : لامار .. واش انا عمرني جريت على شي حد من داري ؟ 

لامار : لاا ... م مي .. داك نهار زعفتي عليا بزاف فاش مشيت عنها 

اسد : حيت بلااا خباري .. تعصبت حيت خبعتي عليا ... وحيت نتي لي مشيتي عندها ... اما باش تجي هي و تعتدر مرحبااا ... معندي علاش نتعصب بالعكس ... 

لامار : غااانبداو صفحة جدييدة .. 2019 غااادخل علينا بالهدوووء و السكينة و والصلح.. خلييينا نساااوو لي فااات .. صااافي ؟ نساها ااش دارت .. وتعامل معاها عادي كيف كنتي تعامل معاها شحال هادي .. بحال ختتتك صغيرة .. كيف يونس وسفيان 

اسد : ( جبدها عندو من يدها ) رااه نتي لي خصك تنساااي .. نتي لي آذاتك كتترر مني 

لامار : لاجات غي عليا انا هااااانية ارا غي تصفا القلووب و نتهناو شوية .... 

اسد : ( ضحك وضربها لنيفها ) غااانتهناو احبيبتي يخلي ليا القلب لبيض انا .... هاعلاش كنحماق عليك 

لامار : هههه خليني نهبط عنها .. خليناها بوحدها ... هانتا شكون بحالك قتليك عائلتك غادا وكاتكبر ... هههه غانبقاو تانزوجو سارة تاهي ههههه ... ( باستو فحنكو وناضت هزات قسم ) شوية وهبط احبيبي 

اسد : نسالي شي خدمة ... 

هزات قسم وهبطات عند سااارة لي كانت كالسة حداها عصيررر و حاسة بيها حشمانة .. غي شافتها و ابتسمات .. 

لامار : هااا عمتوووو ...قاتلي قسوووم توحشااااتك 

سارة : ( مدات يديها ) عطيييهااا ليا صورتها مابغااااتش تحيد من قداااام عيني ... حشمت نحيدها قبيلة لباباها ( شداتها باستها ) الغزالة ديالي لاااباااس ؟ تبببدلتي عليااا... تبدلات على داك نهار لي شفتها فيه .. كبرات وصحاحت تبارك الله ... عرررفتييني ؟؟ انا سمييتي سااااارة( عنقاتها كااشوف عندها وعنيها دمعو ) كون بقا وولدي كان غايكووون قدها دابا .... 

لامار : ( رتبات على كتفها ) ققتليك نساي ما فات .. دابا يعوووضك ررربي بماا حسن ان شاءالله مكانش ديال الدنيا ...

سارة : ( من بعد مدة طلعات عينيها فلامار ) سمعت يونس كان عرسو لبارح ...

لامار : ا ااه .... لقيتهم سافرو غير دابا 

سارة : يستااهل .... والله تافرحت ليه ... يستاهل يعيش تاهو مع وحدة كتبغيه ...ضريييف وحنين ومعقوووول وصباااار ... سعداااتها بيه .. راها دات وغرفات اش دات ...

لامار : لا لا .. ارييج كتبغيه من الصغر والحمد الله ربي جمعهم فالحلال ... حتى نتي دااابااا يجي لي يبغيييك وينسيك فكولشي ... 

سارة : ان شاء الله ... احم.. زعما .. ب بغيت نبااارك ليه .. مراتو مغايكونش عنها مشكل ؟بحاال اخزديالي عادي .. 

لامار : ارييج ؟؟؟ لاااا منضنش .. عادي . من الاحسن خليهم تايرجعوو وباركيليه مباااشرة .. حسن من تيليفون 

سارة : ااه عندك الحق ... حيت بغيت نحيد هاد الحواااجز ونرجعو كيف كنا شحال هادي واخا نطلب منهم السماحة واحد واحد ... 

لامار : تا سفياااان رجع 

سارة : وي كنشوفو فجورنال معاكم فتصاور ... راع واخا بعيدة متبعة اخباركم ( بضحكة ) تبببدل بزاف وضعاف وزيااان ... تاهو توحشتوو .. واخا مكناش مفاهمين بزاف مي كان عندي عزييييز ... باقي لدابا عندي واحد البراسلي كان شاره ليا مسكين 

لامار : دابا يجيييوو وتكلسي معاهم وتردو ايااام طفولتكم .... الشيطان كيحضر وصافي ... 

سارة : غزااالة ديال عمتووو ... تمشي معايااا مم ؟؟؟؟ يلاه تفووجي علياااا ... نااااري على بنوووتة شحال زوييييييينة غااانكلها ليكم .. منينوحبتي هاد الجمال كااامل ماتعطينيش شوية ؟ ( شافت فلامار ) ماتديش عليا داك نهار ملي قتليك مكتشبهش فيهم هههه ... غير كتكبر وكتزيد تشبه فيييك كتر ..

لامار : قوليليا .. مكتفكريش تخرجي من المصلحة! كتبانليا صاافااا ... خرجي استقلي بدااتك وشوفي شي خدمة ولا قرااااي علاش لا ... مم ؟ 

سارة : وي راه غادي نخرج هاد للاسبوع قاليا الدكتورر بلي صافي مابقيتش محتاجة للمصلحة ... ولاكن فيين غانمشي ... معرفتش انا من صغري مكنخرجش ببزااف مكنعرفش ندبيناي راس على برااا 

لامار : هانا معاك لابغيتي نعاونك ... عندي بنت خالتي يلاه كرااات واحد الابارطمون وكتقلب على شكون تونسها وتسكن معاها ويتقاسمو الكرا .... علاش ماتكونيش نتي ؟

سارة : زعما ؟؟؟؟؟ غي هنا فكازا ؟

لامار : اااه غي هنا ... منها تلقاي الوناسة ومنها سكنة ... تاهي ضريفة دغيا تنساجمو ... 

سارة : صاافي اختي نفكر ونرد عليك ...فكرت ندخل لمدرسة دالفصالة والخياطة .. واخا كنعرف شوية مي بغيت نطور راسي ضاروري من ديبلوم .. مي حتى لقا خدمة بعدا بااش نصرف على راسي .. والكرا والمدرسة 

لامار : تلقاايها انشاءالله .. بون كوغاج ... 

سارة : ربي اخليك .. تانتي مبروك عليك الشركة و المدرسة ... عمرتي وقتك مزياااان 

لامار : وي من واحد ناحية عمرتو ... من ناحية اخرى مكاينش وقت لراحة ولا تسافري ولا تبغي غي تصبحي ناعسة والو .... مع ختك ولفات الكسل والكلاس ونعاس موصيبة هههه ...

شوية كيسمعو اسد هابط وضارو عندو ... 

اسد : عااد كانت كتبكي قبيلة حيت مابقاليها حد وكلهم سافرو ... وهي تلقاااك ... بحالا سمعتيها وجيتي... 

تبتسمات لامار ملي تصرف عادي ومبينش 

سارة : ( رتاااحت شوية ) ههه كون غي تمنات شي حاجة حسن ..

لامار : لاا مكاينش ماحسن من هاد المجية ديالك

سارة : ربي اخلييييك ... 

اسد : قسووم .. شكون هاديك شكوون 

سارة : هههه قوليلو عمتووو هاااادي ههه

اسد : ( تكا لور على لفوطوي مريع يدو ) كيف دازو ايامك فالمصلحة ... كتحسي براسك بيخير ؟ مابقيتش محتاجها 

سار : لا يلاه لقيتني كنقولها للامار .. غانخرج فهاد الاسبوع 

اسد : سوووبر .. 

بدا سارة كيصوني تيليلونها 

سارة : اء سمحولي ( جاوبات ) وي دكتوررر 

عمران : اشنو صافي غاتباتي تما ؟ 

سارة : ااه ... اااء .. اااه صافي 

عمران : رتاحيتي 

سارة : ووي م مرتااحة ... 

عمران : دوماج كنت بغيتك دوزي معايا ليوم .. مي ماشي مشكل عائلتك هي لولا ( لامار كيتسنع ليها الصوت ) 

سارة : اا ااه ..

عمران : يلاه نخليك بلغي ليهم سلامي ... 

قطعات عليه 

سارة : احم ... هذا دكتور عمران .. كيسلم عليكم 

لامار : مرحبااااا بسلامو هههه .. مشششوشش مسكييين ههههه 

سارة : ها ؟؟ لا .. غ غي كييسول 

لامار : هههههه راه مايسول غير لي مشوش هههه سميتو عمران ياك 

سارة : ا ااااه 

اسد : وباش عرفتيه نتي ..

لامار : رااه مقيدااه بسمييتوو ههه 

اسد : ميكي على لبنت 

لامار : ههههه مااالي اش درت هههه 

سارة : ههه لا عادي ..ر راه غي دكتور . و وصديق فنفس الوقت 

لامار : اوااا شتتتي ههههه 

اسد : لاااماررر .. 

لامار : هاانااا ساااكتة ههههه بنتي نعرضووو على عمو عمراان يجي يتعشا معانا تاهو مم ؟؟؟؟ 

سارة : لاا اويلييي 

لامار : اش فيهاا نشكرووو دكتوررر لي رد ليك البال هاد المدة كاملة تاااقسم قالك نعرضو عليه سمعتوها هههه ( شافت عند اسد ) اولا ؟ 

اسد : مايقد عليك غاليخلقك ...

لانار : ههههه عيطي عليه عرضي عليه ... ياك قالك كان باااغي يدوز معاك ليوم .. حققي ليه امنتي .. صعييبة تكون مولف شي شخص طول نهارر وتفرق عليه شي نهاااررر ههههه 

سارة : ل الااا ماشي لداك درجة ( حشمانة ) 

لامار : اسد قول شي حاجة .. هااداا راه دكتور ديالها .. ( غمزاتو ) ومشوش عليها مسكين .. 

اسد : ( فهمها ) دبر راسكم .. لابغااات تعرض ليه راها ماشي برانية .... 

سارة : نااري مكاين لاش ( حطات راسها فلارض مبتسمة باحراج) 

لامار : ههههه سيفطي ليه مسج .. ياالااااه .... 

سارة : و واخااا ... ( ضحكاات وجبدا تيلي كتبات ليه ولامار هزات عنها قسم كتضحك لاسسد زعما راه بيناتهم شي حاجة وهو متكي خاشس صبعو الصغير ففمو كيتفرج فيهم ففرحااان لسلارة لي براااات مت مرضها وتبدلات و انطلقات تعيش حياتها .. وتمنى يكون عمران سبب يرجعها لحيااتها من جديد )

كتبات ليه مسج وحطات تيليفونها حشمانة .. 

سارة : ص صاافي كتبتو ليه .. 

لامار : سااارة .. ( ضارت شافت فيها ) سمعي ليا ... كتعررفي الخحياة ياك ؟ 

سارة : اا ااه 

لامار : خصك تعيشيها ... 

سارة : ( هبطات راسها ) عاارفة .. ولاكن خاصني نخدم عليها كتر مانعيشها .. انا غير مؤهلة دابا باش نتمتع بيها 

لامار : علاش ؟ راه الخدمة بحد ذاااتها تمتع .. راه الاستقلالية بالذات شي حاجة زوييينة بزااف ...

سارة : ( ابتسمات ) اه بصح .. معمرني جربت نصرف على راسي .. ونعيش بوحدي ... احساس زوييين والله ... حيت انا طول عمري ولفت عايشة تحت العناية ديال عمي الله يرحمو ... من بعد يوونس .. و واسد ... معمرني جربت طعم شي حااجة دايراها انا بدراعي ..

اسد : فكرتي فشي خدمة ! كنت ديجل عارفك عندك مع داكشي دالخيااطة ...ياك ! ...

سارة : ااه بصح .. داكشي لي كزعرف ندير .. ومنغير داكشي ...راني بصدد كنوجد لواحد الكتاب 

اسد : ابون! 

سارة : وي .. قربت نساليه .. مكرهتش نشرو .. مهم نحس اسمي واقعي وكاين فشي حاجة كتنفع .... 

اسد: اكيد نشرووه ليك علاش لااا ..

لامار : بالعربية ؟

سارة : ااه .. كولو كيشرح المرض لي كنت كنعاني منو وتجربتي فالحياة تقدي تقولي سيرة داتية .. جامع بين الدين و تأثير الايمان على االانسان .. و بين تأثير المجتمع عامة و الاسرة خاصة عليه ... و حتا اهمية العلاج المبكر ... مهم شي حاجة بسيطة بغيت نشاركها مع الناس كتخص الادمان و الاكتآب

اسد : مزياااانة الفكرة ... كمليه ويكون خير .. 

لامار : حتى انا عحباتني طلعتي ماساهلاش هههه .. 

اسد : نهار تلقاي راسك مستعدة للخدمة و تواجهي المجتمع على برا .. وجدي ليا وراقك وضربي الخدمة على حسااابي 

سارة : لااا لاا اخووويااا ... بلا مانعدبك معايا تاني ... 

لامار : ههههه اللهم يتعدب خوك .. ولا الدكتور مسكين ههههه ( سارة غي حنات راسها زنكاتها)

اسد : هههههه غلبااتك

سارة : مخلاتلي ماتقول هههه ...

بدات قسم كتفركل وتتحك وتبكي...

لامار : صاااافي الموووسخة عممرتي تاني ... انا غانطلع نبدل ليها .. 

اسد : غاتبهطي بحال هاكاك غانتفاهمو ( غمزة و شافت لراسها لابسة مزير بزاااف و داك دكتور غايجي فهمات راسها وضحكات ولاو ميفهمو بعضياتهم غي من العينين وطلعات فرحااانة لي حيدات هم سارة من راسها و ارتاحت من جيهتها مابقات كتحس لا بدنب لا بحقد ) 

سارة بقات غي كتفرك فيديها وعنيها فالارض .. واسد كيشوف فيها .. حسها مامرتاحاش ومزيييرة وبغا يطلقها كتر ... 

اسد : عرفتي شنو تفكرت ؟ 

سارة : اء ل لا ؟

اسد : نهار لي غسلتي شعرك بجاافيل هه ... 

سارة : ويييلي ههههه تفكر كوولشي الا هااديك ... 

اسد : بالعكس هي لي مغانساش ... يونس بقا يعيطليك الشاارفة تاعقدك .. كانت المرة الاولى لي درتي فيها الفولاغ باش مايبانش شعرك فاابتدائية محروق .. ومنبعد حيدتيه ... 

سارة : ااه مكانش خلاني عمي قالي باقا صغيرة ماتقجيش عنقك .. و نتا دابزتي معايا قلتي ليا الحجاب مكيلعبوش بيه

اسد : فواالا .. هادشي لي بغيت نوصلك دابا ...

سارة : لا لا كون هاني هاد المرة درتو عن قناعة ماشي حيت دوشت بجافيل ...

اسد : مزيااان .. بتوفيق فحياتك انشاءالله ... 

سارة : سمح ليا اخويا عفاااك .. نتا عمرك آديتني و نا جازيتك بالعداب فويقتة لي خصك تكون فرحان بزواجك .... عدبتكم فيها .... كان خصني نفرح ليك لي تزوجتي ببنت كتبغيك وكتبغيها ...معرفتش كااع كيفاش كنت كنتتصرف نهار على نهار كنزيد نندم 

اسد : ششششت .. صافي طوي الموضوع 

سارة : لا عفاك غير خليني نهضر .. باش نرتاح .. خليني نعتدر ونحيد التقليد عليا .. داكشي لي كنت كنتعاطى اثر على عقققلي بزاف ... مكنت كنشوف والو قدامي من داك النوع لي كنت كنقول مطالعاش مطالعاش .. مكان عندي مانخسر .. اديييتكم بزاف . نتا . لامار .. يووونس .... ي يووونس كتتارر ... ( بدات كتبكي ) كنتعدب كل ليلة فاش كنتقكر كيفاش كان كيعاملني وانا كيفاش جازيتو ... 

اسد : سارة ... دكتورر لي واقف على حالتك شوية وغايجي ... مخصوش يشوفك كتبكي ولا حالتك مدهورة باش يخليك تخرجي من المصلحة داكوغ!دونك مسحي داك دموع حنا نسينا كولشي وحتى يونس نسااا كولشي و بالعكس كيدكرك غي بالخير ... وراه تزوج دابا و عايش حيااتو ... كدالك نتي ... عيشي حياااتك ونساي لي فات ... 

سارة : معرفتش كندير نشكركم .. فتحتو ليا بااباكم من جديد .. ولامار حشماانة حداها بزاف .. تااقت فيا و حنات عليا ... عمرني تقربت منها نعرف جوهرها كيداير ... حتا لهاد لازمة لي قرباتنا ... . فعلا راك محظوظ بها بزااف اخويا ...

اسد : عارف ... وحتى نتي محظوظ لي غادي تكوني من نصيبو ... الوغ .. مرحباا بيك من جديد ... 

سارة : شكراا الله يكبر بيك .. فرحت لي شفتك اب .. جات معاك بزاف تا قسم كتحمق شبهات فماماها تباركالله ...

اسد : يااك زوينة غي حيت شبهاات فيها .. انا لا دخل لي هه

سارة : لااا حشوومة هههه ولاكن فهادي سمح ليا كتشبه فماماها ههه نتسناها تاتخنزرر عاد يمكن تشبه ليك ههه

بقاو كيهضرو وسارة طلقات كترر ولقات راحتها ملي شافتهم تخطاو الماضي ... ولامار هبطااات كانت لبساات كااب واسع فوق حوايجها هازة عنها قسم لي عطاتها لسارة وهبطات لكوزينة شافت رجاء اش موجدين للعشا وطلعات عنهم .. وهي تلقا الدكتور عمران جااا كالس معاهم سلمات عليه وكلسلت تاهي حدا اسد لي طالق يدو موراها ...

لامار : مررررحباااا بيك ادكتووورر ... 

عمران : باركالله وفيك امدام لامارر ... تشرفت بيكم .. وشكررا على ضياافتكم ...

لامار : وولو.. الف مرحبااا ... نهار كبير هذا لي زرتونا فيه ... وغيرات سارة شوية الجو ...قلت غا غااتكون ولفيتيها فالمصلحة .. غاتجيكم خاوية بلا بيها يااك ؟؟ هههه 

عمران : هههه وي سي فغي عندك الحق .. خصوصا انني الدكتور لمكلف بحالتها يعني ولفت نشوفها صبح وعشية ( كيشوف لسارة لي كتشوف غي فالارض ) 

لامار : ههههه وتاحنا ماحرمنااكش هههه 

عمران : والله شرف كبير هدا نتعشا معاكم ... ومع سي اسد بالخصوص ... 

اسد : مرحباا بك 

عمران : مبروووك على سي يووونس ماداارر فرحنا ليه ... شفت الخبر فواحد المجلة حيت مرااتو واقلة ممصمة ازياء ؟ 

لامار : اككزااكطومون 

عمرات : وي شفتها فالانترفيو ... مبروك عليهم ماجاتنيش فرصة نباركلو مباشرة..

سارة : صافي هي تانباركو ليه بجوج .. تانا مزال ماركتش لييه ( بابتسامة وعمراان ررتاح شوية لان جبد الموضوع بالعاني يشوف ردة فعلها كيف تكون واسظ عايق بيه ) 

جابو ليهم العشااا وتعشااوو مجمووعين فجو زوين غي لامار لي بعداات كتنعس قسسم وهوما جابدين موااضيع مختلفة مدردشين .. ورجعات انضمات ليهم كياخدو الديسير 

عمران : حتى انا داكشي لي اقترحت عليها .. تكمل قرايتها فنفس الوقت تلتحق بشي مدرسة دالفصالة والخياطة 

سارة : وي مي ضروري من للخدمة .. 

لامار : خصك تقادي شي برنامج .. تخصصي وقيت للخدمة ولقراية بين لافاك ومدرسة الخياطة

اسد : اصلا فصالحها تعمر وقتها 

لامار : وي مي ماشي ماش تخنق .. دي على هدا غايديرليك بحالي تالوقت لراسي مابقيتش كنلقاه.. نوو خلي شي نهارر تخرجي فيه تننعسي فيه ... ماااتبلوكيش على راسك بزاف 

سارة : لا غانخلي الاحد عطلة .. نجي نشوف فيييه الغزاالة لي ناااعسة وخلاتنا 

لامار : ههه مرحبا بيك 

عمران : بنسبة لخدمة .. الى بغيتي راه تقدري تخدمي فالمصلحة ... نتي وليتي وحدة من الدااار ... 

لامار : سوووبييغ ... 

سارة : بصح؟؟؟؟؟ 

عمران : وي ... المرضى لي تما محتاجين لوحدة بحالك دازت من نفس تجربتهم تبقا معاهم وتفوج عليهم ونتصحهم ..نتي لي غاتفهميهم كتر من الممريضين لي تماا 

اسد : بوون ايدي 

سارة : ولاكن انا مقارياش على هادشي ؟ كيغاندير ؟ 

عمران : التجربة هي كولشي ... الى بغيتي من غذا مرحبا بك .. وصااليغ غايعبجك مغانتحاشموش مع سي اسد واقلة اخت وحدة لي عندوو ههه 

لامار : اوا شتي شكون بحالك ... شكرا اسي عمران على وقفتك معاها ...

عمرات : العفو .. سارة صديقني دابا اولاا ؟ 

سارة : ههه اه ... معرفت كندير نشركركم ..

اسد : مقدرتش نحسب مي كنضن هادي المرة الخامسة لي كتكرر فيها نفس الجملة ههه اغيط طوا ان بتي بو ...

عمران : ههه انا بلا حسااب شحال سمعتها هاد اللشهر ...موهيم ملي اتفقنااا غانخليكم .. نمشي تعطلت .... شكرا بزااااف على ضياافتكم وحسن استقبااالكم ... وتشرفت بيكم مرة اخرى و بالاميرة الصغيرة 

لامار : مررحبا فاي وقت سي عمران .. سارة غتباتي معانا ليوم تالغدا وشوفي خدمتك ههههه ... 

عمران : ههه وردو ليها لبال .. مخليها امانة عنكم ( بضحكة شد على كتفها وهي ولات حممرررةة و تحرجات حداهم ) 

لامار: ههههه ختنا هادي ...يالاه معايا نوريك لبيت .. حبيبي قسم هاهي هاهي غي موراك ... تصبح على خير اسي عمران .. 

طلعات بيهاا وسارة ضارت عندو ودعاتو غي بعينيها مع ابتسامة وطلعوو .. وهو ضار شاف عند اسد حشمااان ووصلو لباب 

اسد : منحتاااجش نوصييك 

عمران : راك عارف معزتها اسي اسد .. .. فرحت بزلف لمعاملتكم معاها .. هادشي غايخليها تحسن كتر 

اسد : كيعكبني الانسان لي ميوفي بوعدو .. ونتا وفيتك بوعدك نهار كلفتك بيها وقلتي ليا غانردها ليك كيف كااانت قبل المرض ... فغيمون هادي هي سااارة قبل الادمان ... ( مد ليه يدو صافحو ) بغافو راك نجحتي ...

عمران : ثقتك اسي اسد و اطرائك اكبر نجاح ... حتى نتوما غاتساهمو بزاف فعلاجها ... هي دابا فآواخر العلاج النفسي .. المرحلة الاخيرة هي لي كتواجه فيها العالم الخارجي .. وكنتمنى تنجح ومايرطعوش ليها لي كخيز .. وانا غانكون معاها طييلة هاد الفترة ... و .. وصراحة كنت باغي نتشاور معاك بخصوص الموضوع لي دوينا فيه داك نهار ... ب بخصووصها ... 

اسد : داكوغ ....دوز عندي غدا ونهضرو 

عمران : بكل فرح .. بون نوي ..

خلاه ومشا و اسد مشا هز قسم وطلع لجناحو و لامار عطاتها بيجامة ووراتها بيتها 

لامار : معرفتش واش كتعجبك مخدة عالية و لا حادرة مهم غاتلاقايهم هنا خودي لي ترتاحي فيها 

سارة : صااافي اختي شكراا ... 

لامار : ( كلساتها )اااجي كككلسي ... قوليليا ... واش بيناتكم شي حاجة ولا تخيل ليااا ؟؟؟؟

سارة : مع عمراااان ؟؟؟؟

لامار : اوا شتي انا كاع مجبدت حتا سميتو ونتي عرفتيه ههههه

يتبع ...