حبيبي الأصم الجزء 192

لاماار دوزات نهارها غي فالتفكيير فشي طريقة .. فللخر قالت اللهم نصبر ولا الخسارة ... يمكن غي حيت كان سكرااان ... 

اسد كمل خدمتو ودخل لكازااا تاكان قرب يضلام الحال ... مشا ديكيرت لشركة ديالو يحط شي وراق عاد يكمل عند لامار ... فتحو ليه لبييبان هبط لباركنيغ ليعندو فلاكاف .يلاه غاينزل من طموبيل هو يلقاا احمد كيتسنااه طلع فيع حاجبو باستغراب ..

اسد : سي احمد ؟ 

احمد : سمحلي اولدي على هاد للمجية المفاجأة ... طلعت عندك للبيرو قالوليا باقي ماجيتي وبغيت نتسناك هنا 

اسد : ياك لاباس ؟ طاري شي حاجة لاريج ويونس 

احمد : ل الااااا الحمد الله لاباس عليهم ... الامرر بعيد عليهم ... 

اسد : واش كاين ؟ 

احمد : الامر كيخص طارق 

اسد : قرااري حسمت فيه اسي احمد ... بغيت يحط انساحبو فاقرب وقت ... 

احمد ضاار موراه هو ينزل طارق حالتو حااالة كولو مكككبص وفاااصماات ويدو معلقة عندو ووجهو منفوخ ززرزق

طااارق : سسسمحليا اسي اسد والله مانعاود مزال كنت سكرااااان معارفش راسي اش كندير 

جا ماشي عندو يكمل عليه وشدو احمد 

اسد : واااش باقي عندك الوجه لي تجي عندي 

احمد : تهدن اسي اسد ... تهدن ... طارق جا وعاودلي كولشي ..حششمت بزاف .. مالقيت فين نحط وجهي معاك .... ولاكن راه واعدني تكون اخر مرة ... 

طارق : والله ماااابااااقي نعاود مزال انا محتاااجك بزاف .. بعت كووولشي على قبل نستثمر عندك اسي اسد... ماضيعلييش طموحي كاملين ... تيقني كانت غلطة عمرها تعاود هااا العااار هادي ووتوبة حكم عليا باش مابغيتي غي ماتحكمش عليا بالانسحاب ...لالة لامار كنحتارمها بزاااااف .. غي كنت سكران معرفتش اش وقعلي والله تاحشمااااان منك اسي اسد .... سمحححليا ( مشا كيجري بغا يطيح عند رجليييه وعلاه ) 

اسد : تكككعععددد .... هضرتي راه قلتها 

احمد : على اوولدي .... عمرني رغبت شي حد كنرغبك اولدي دوزليه غير هادي ... راااه الغلط كيوووقع

اسد : مراااتي ا احمد مراتي .... مراتي خط حمر .... 

طارق : وووحق الله مااااانقرب لجيهاها مزال ولا حتى نشوف فيها انا راه كنحتااارمها غي الشراب اثر علياااا ... انا كيهممني غي الاستثمار عندكم ماباغي والو .. تيقني اش طرا كنت سكرران وماشي فوعي... مكنت عاقل تاعلى هي شكون... كون كنت فوعي منقدرش تانشوف فيها سمممحليا اسيدي عفاااااك

اسد : مغاضحكش عليا انااا بهاد جوح كلمات واخا ؟؟؟ ... 

طارق : حاااشاااا اسيدي ... ولاكن والله مكنت حاس براسي اش كندير 

احمد : عفاااك اولدي .. مسسسحهااا فيااا .

اسد : سي احمد نتا عارفني كنحتاارمك ... فمن احسن بلا كترغبني وتزيد تحرجني .. .. وكلامي قلتو .. 

مشااا قدامهم وهوما بقاو كتنهدو واحمد ضار موراه بززق علييييه حيت حشم بيه .. واسد طلع لبيروو ديالو كلس كيقاد فداك للوراق .. وهو يطفا ضو ورجع شعل 

اسد : دخل ...

دخلات الكاتبة 

- سيدي .. سي احمد بغا يشوفك 

اسد : فففففففف ( شد على راسو مدة وطلعو فيها ) دخليه ... 

دخل احمد ... وكلس ... 

احمد : عاارف اوولدي طولت وبسلت عليك .. حسبني بحال باك ... انا راني ولد التجارة وعارف اش كاين ... طاارق الى اخرج غاتخسروو نتا وياه اولدي ... انا عارفك عاد كيف فتحتي شركة جديدة للمادام ... راه غاتكون دات منك بزاااف 

اسد : مصاريفي قاد بيهم 

احمد : اه عندك الحق .. ولاكن اولدي على ووجججهي ... الله يرحمليك الميمة فهاد نهار لاما دزولييه غيير هادي راه غا حمق ومكيعرفش يتصرف كاع ... دييرها على وحهي اولدي عفااك .. راه هو لي بقاليا من خويا عارفووو قليل العقل ولاكت راه مكيآدييش ... 

اسد بقا غي كشوف كيححشم من احمد بزاف خصوصي انو رجل كبير هو ترباا يحترم شيب لي فريوس الناس وظيد دابا نسيب يونس مخصوش يضيع علاقتهم ... و فنفس الوقت عارف راسو غايعلن خسارة كبييررة ولاكن لامار كتهمو كتر من كولشي... مهم هو حلف مايشوف وجهو عندو فشركة ... بقا يفكر تالقا واحد الحل .....( حلات الكاتبة لباب قاطعاتهم ) 

- سمحلي اسي اسد .. دكتور عمران بغا يشوفك قال عندو معاك موعد 

اسد : شوية ودخليه ... 

مشات و اسد حل لبيسي وكتب واحد الورقة و امبريماها .. 

اسد : الى بغا يبقا كيستثمر عطيه يوقع على هادي ..

شدها احمد كيقراها... لقاها عقد كيقول بلي يبقا معاه غير مدة قصيرة بين ما تضاعف ليه السهم ديالو فاول ارتفاع فالسوق يغاادر بدون حقوق ... و يخرج المغرب .. ماعمرو يعتب فالشركة و فلوسو توصلو حتا لكونت ديالو ...وفاول نجاح ينسحب ( بغاه ينساحب رايو باش ما يخلصش ليه الضعف ويبقا تاحد مامضرور .. يبعدو على لامار فنفس الوقت ماتهسرش الشركة و فنفس الوقت مامخسروش تاهو فرزقو عني غير يضاعف المبلغ يمكليه ينسحب ) 

احمد : صافي كون هااااني غايوقع عليه .شكرا ليك بزااف اسي اسد هذا هو المضنون فيك ..

ناض احمد كيشكرو ومشا هبط عندو لاح عليه داك العقد معصب... طارق غي قراه واافق بزربة .. فرح ملي تراجع 

طارق : صافي اعمي .. كون هاني انا غانخرج لبلااااد من غذا نرجع الامريكا ... مهم هوما نبقا شريك ويتستثمرو فلوسي تما .. 

احمد : لا غييي بقاا لاقديتي ...

طارق : لا متخاافش غااانمشي .. حمد الله غي لي بغا .... كون مكنتيش نتا اعمي والله مانقد نقنعو... 

احمد : اخخر مرة تقوووولي عمي ... طيحتي ليا وجهي فتراااب مع دوك ناااس كنحترمهم مرررمدتيييه حشمان تانشوف فيهم ... 

خلاه ومشااا فتح لييه شييفور لباب وركب فسيارتو وانطلق ... 

واسد دخل عندو عمران ... وكلس معاه فعلا اسد دان عندو الحق جا على قل انو يشاورو فخطوبة رسمية ويطلب يديها منو ... واسد قاليه يمشي يشاورها هي و يطلب منها الزواج هو معندوش مشكل ....سولو عى علاقتها بيونس وطمنو من داك الامر .. وعرف ان عمران تاهز ديجا مطلق ..كمل معاه الهضرة وتافقو انوةنهار توافق الزواج يمكليه بجيب والديه داك ساع .... وهز مونطو ديالو خارج كيلبسو وشد شطريق عند لامار.. محتاج شي كلسة معاها بعييييدة على كولشي .... حتا التقارير ماباغيش يشوفهم .. باااغي غير يهزها هي وقسم ويمشي يبات فاليخت وسط البحررر وخا البرد .. لانو البخر تما فين كيرتاح روكان بحالو وكيرجع لبه االتنفس ... حيت بغيد على لبحر كيحس بالخنقة ...

ومشاا عنها هزهااا ديريكت داها ..... فطريقها عاودات ليه انها عقدات اجتماع باش تعرف الميزانية كيف غادا وخا هو عاارفها علاش عقداتو في باش تشوف واش يمكن يخرجو طارق ... ومابغاش يحكر علبيها خلاها على نيتها .. ولا تاهو كيتنازل شوية باش يتفاداو الصداع والزكير ومابقاش كيشد بيها فكل تصرف دارتو ويعلق .. ولا كيتجاهل شوية باش يعيشو بيخير .. و ولاا كيفهمها كتتررر من لول .. بعني ماعقدات الاجتماع الا وخايفة على حالة الشركةةتدهور وماابغاتش تسرغ وتمشي تقول ليه خرج علينا طارق ... هنا فين حسها كتصرف شوية بعقلها وولات كضبط الامورر وكتعرف عواقب الحاجة قبل ماتقررها ..... وصلو ليخت و نعسو قسم لتحت وطلعات عندو لفوق ناااعسين على ضهرهم كيشوفو فالنجوم وهو معنقها عو كبمشط فشعرها بصبعااانووو ... لحظة لي كيلتقيو فيها بالقمر و نجمو ووسط البحر ومواجو .. واحد اللحظة مقدسة عندهم ... كيتلاقاو بصمتهم بهدوؤهم و افكارهم ... واااحد الرااااحة من نوع خاااص ... او كيف ولاو كيسميوها ... استراحة محااااارب ...... 

سفياان سلات مدة الكونجي ديالو ورجع للمغرب و لخدمتو اما رتاج رجعات تاهي لامريكا .. ويونس جاتو خدمة على غفلة و اضطرو يمشيو ديريكت لكندا وأجلو السفر للمغرب حتا لرمضان لان مخططين يمشيو للعمرة جميع اسد ولامار و اريج ويونس .. حياة ولات مفاااااهمة مع سارة بزاااااف وفكولشي ولاو مقربين من بعضيااااتهم .. طلبها عمران لزواج وخلاتوو معلق قاتليه مغاترد عليه تاتحس براسها مستعدة لعلاقة وتاهو عطااها الوقت الكافي تفكر فيه ... حياة ولات كتعاود كولشي لسارة اعجابها بسفياااان وشحال كتبغيه وغيرتها علييه .. وتاهي كتنصحها .. لقاو بعضياتها مفاهمين فكولشي حادكات بجوج وعزيز عليهم الشقا ومحترمين فحوايجهم وعنهم نفس الرغبات يقراو ويبنيو مستقبل ولاو كيقراو فنفس لافااك وخا سارة كبيرة بزاف على حياة الى انهم منساجمين بلا قيااااس ... عدنااان انقطع بشي حاجة سميتها اللتصالات .. ولا وقتو عامر غي بالابحاااث ديالو على سكان مصر القدماء وكيجمع فآثااارهم باش يفتتح متحف خاص بيهم فالمغرب ... وقتو كامل غي لقاءات مع ناااس وكككتب وبحووووث .. مكيفكر فحتا حاجة اخرى وتةاحد ماعارفو فين هووو...من غير اسد لي متبع اخبارو من بعيد.... كيحاول يخدم صباح وعشية باش يكمل مع رمضااان ويدخل للمغرب يبظا فتأسيس مشروعو ... اما دابا كيحس براسو بحالا منفي .... 

قسووووم ولات كتكبر نهار على نهار بشكل سريع.. وليووم عندهااا 8 شهوررر وقرااابة تطلع فتاااسع ... ولاكت كطييييير مع طيوور فين مكاين شي حاجة فدار هرساتها كدير المصايب الكحلة ترسم البراءة على وجهها ..بدا ميعلمها اسد السبااااحة ثلاثة دمرات فالاسبوع وقربااات توعلم تعووم بلا مساعدتو ... رياااضة كل صبااااح تاولاو عضامها مرنين الحيط كتطلع معاه .. ولات كيعجبها تخخبع تحت طوااابل وفشي قنبييتة وتخليهم كيهبلو بتقلاااب وهي كضحك ... التشطين و البسااالة جاو عنها وهزو يديهم ... ماشي بااسلة .. شييطان على وجه الارررض ... تاولا اسد فين مكاين شي كاارثة كيشوف عنها ... ولان كتميل ليه كتر من لامار عنها علاقة وطيدة ببابها الى مكانش حداها ماتنعسش خصها طلع فوق صدرو عاد تنعس عاد عرفات لامار شنو هي الضرة ...مابقاتش كتلحق اسد معاها.. وآيس خلاص ولا عندها بحال شي مونيكة كتقبل تنتف فيه وتهضررر معاه باقي كلامها مخخربقق مامفرزش اش كتقول قليل فين كتنطق ب " شيوااويييش " زعما آييس ....

في مكان آخر .... 

خارجة من واحد البيت لابسة عباية مبعثرة خاشياها فسليب وشيتة دسنان ديالها ففمها وفوطة على كتفها .. وشعرها كاع منتوف وعينينها مبوقين مانعساش مزيان ..كتمشى فواحد المرح كاع ارضو محفرة زليجة كاينة و زليجة ملبقينها .. تاوصلات قدام طواليييط فتحات لقات بواني مشدوود وهي تسووط ... 

اسيل : خرااااا ديما غانبقاو نضاااربو معاكم على هاد طواااليط تفوووو ... على خر يامي نشد النوبة نخرا 

شوية كتم جاية واحد المراة شاارفة وغلييييضة ترمتها غي كاروسري موراها ماواحد الصدر مدفك لقدااام جاياا كتمايل 

- امالنا على هاد الغوااات على الصباح شدي السوييفة كينا خوووتك ... 

اسيل : عيييشة د الزززززبل عنكم ( نفضات داك الفوطة) دابا انا نبولتي طرطق باش نتوما تبقاو على رااحتكم ...

- اوااااا لابغيتي العييييشة ععري على داك الجييب وكري دار كي لالياتيك ماااشي بيت مع جيران و تبعككي ملفوووق .... واش نتي كتخلصي الفين ريال لشهر وباغالي باااااارطمة 

اسيل : كون تعرفي اشااارفة الهااارفة هادي لي كتهضري معاهاااا .. معامن كاااانت كتبااات وفين كانت كتباات ...تحححشمي تحلي فمك الخانززز كيما كيييلوطاتك عليااا .... ولاكن تلاااااات بيا ليام .. تلااااات ... 

دخلات لبيتها وزدخات لباااب تاكانت غاتقلع ... وكلسات على فرااشها كولشي مخخربق وبوطة صغيرة كطيب عليها وحويجها كتنشرهم غي تما فوق سرجم ...ولوخرين فالكااارطون كساويها لي كانت كتشري غي دالفريع ولاو مكمشين فالخناشي .. ومشات ربعات قدام جورنال تقلب تاني على خدمة حيت لفلوس دالكونط ديالها قربو بسالؤو وغاتبقى على الضس .. باعت مجوهراتها وكوولشي ...دمل كتمشي لبيران علله تلقا شي فيكتيم بيهم كتقضي شوية سها ماكافيهاش خصها تبدل السكنة .. تاسمعات تيليفونها كيصوني وجبداتو لقات رقم اجنبي 

اسيل : ا ؟ شكون هذا لي عندو هاد لالرقم ونا عاد كيف خديتو ... الووو 

ليوون : اخخخييراااا 

اسيل : اء ليووون ؟؟؟؟؟ هذااا نتاااا ؟؟ ب باش عرفتي رقمي 

ليون : نتي عارفة تاحاجا مكتصعاب على ليون يلقاها 

اسيل : ( قادات الكلسة ) دابا عاد بنتليك فاش كنت كنعيط عليك من تيليبوتيكات فنصايص ليل كنقووول ليك رحمني من الشارع راهم لعبووو علياااا ضرتي فيا وقلتي عومي بحرك ... ودابا علاش معيط عليا .. صااافي دغيا جاتكم العيشة صعيبة بلا بيا مممم توووحشتي دوووقووو وتقيييسسسوو ... 

ليوم : سممممعني معنديش الوقت لي نضيعو فالهضرة معااك ... فين عدنان ؟؟؟ 

اسيل : هاهو مككسل حدايا كيوكلني فالعنب ... و وغانوضو نضربوو واحد الماتش دالبوووولينغ .... علاما يتاح من لول باقي عرقان كينهج ... 

ليوم : مككككنتفلاش ا اسيل 

اسيل : لا بااااانلي كتتفلا نييييت .. واش انا شفتلييك عدناااان !!!!!! .. انا راه كنتخيلوو فمخدة ونبااااات كنتحك معاها تاكنجيبو .. كوون لقيتووو انا خدايا يكون عندي الوقت لي نجااوبك ... راه لعبو عليا ولاد الحرااااام وضربني بركلة.. ماعرفتو فين صد

ليون : نتي عارفاني مكتصعاب عليا تاحجا لقاها .... ولاكن هو صعااااب عليا ... اسيل راني محتاجك ضرووي خخصني نعررفو فين كاين .. 5 شهوور وهو غاااابر ... 

اسيل : مممم خرج من لعصابة ؟! 

ليون : ماااخرج ما بقا غببر .. حدو سيفطلي ميساج قبل 5 شهور كيقول فيه نضربو على ارقامو وتما ديريكت طفا داك نمرة وكاع الارقام ... البوووص غااايتسطا الى مارجعش ... اسرارنا كاملين عندو .. اسيل راه الى مجااش انا انموت فبلاااصتوو .. غايقتلوني ..

اسيل : اوا ندعي ليك بالمغفرة..انا مالي ؟ 

ليوم : راااك غاتموووتي قبل مني على هاد لفعايل ... ضروووري تعااونيني نلقا عدنااان ونجيبوو 

اسيل : غاااانولدو اناااا ؟؟؟؟؟ 

ليون : الى مقدرتيش نتي شكون يقدر .. ضاروري يكووون عندك شي رقم خاااص ديالو كيستمعلو من غير تيليفونات دالخدمة ....راك كنتي عشيقتو زعما مايمكنش مايكونش عندك شي رقم خاص 

اسيل : رقم خااص ؟؟؟ هو بزاااف دالارقااام عندو ... 

ليون : اارقام المااانيا و اميركا عندوو طاافين ...

اسيل : معندكش شي رقم دالمغرب ؟

ليون : معمرني اتصلت فرقم دالمغرب ... عندك نتي ؟؟ 

اسيل : عندي واااحد ... مي صونيت فيه انا وطافي .... مكنضنش راه فالمغرب .. هو راه ساااافر فخطرة ... مغايخدمش ارقام المغرب

ليون : عااارف انو مكاينش فالمغرب راه رجالي مشتتتين تما مالقاوهش. راه فشي دولة انا ماااعرفهاش وماطيحش على بالنا يمشي ليها ... قلبت فكندا فامريكا فروسيا ف المانيا بريطانيا كاع لبلايص ليكان كيمشي ليهم ومكااينش اثرو ...

اسيل :وبغيتني انا نلقاه ليك طززز ..انا عندي غي واحد الرقم دالمغرب .. فاش كيدخل لهنا كيخدمو ..

ليون: مااعليش غير عطيهلي يقدر يدخل للمغرب فاي لحظة .. ياك هو مسلم .. ونتوما رمضان عندكم بعد غدا .... يقدرر يدخل يدوزو فبلادو .... و ييسمع لبواط فوكال .... عطيه ليا اسيل 

اسيل : تو تو تو ... ماشي كلشي فااابوور ازين ...

ليون : صاافي طلبي لي بغيتي غي رسلي ليا الرقم . ... البوص عاااطيني مهلة داسبوووع نجيبو ليه حي ولا ميييت ولا غايقلتني انا 

اسيل : بغيييت 5000 درهم لكونط ديااالي دابااا ونرسل ليك الرقم ... 

ليوم : جاااتك غي رسلي ..ففف معرفتش باش نقدر نهددو .. معرفتش ...حررررت معاه .. ماعندو تاحاجا يخسرها ولا يخاف عليها لي نهددو بيها يرجع .... كنضن واخا كاع جاوبني مغالقا تاشي نتيجة مدام معنديش باش نلوي ليه دراعو 

اسيل : ممممم ... هو فصراااحة عندوووو ماااايخسر ...

ليون : نعام ؟؟ شكون؟ 

اسيل : هههه ... غاتولي 10 الف درهم لاهضرت 

ليوم : غس طططلللقيني ا اسيييل راني مععععصب متكمليش عليا .. عندو شي حد ؟ 

اسييل : عندووو ....عندوووو لي كيخاف يخسرو 

ليون : ياك هو معندو لا باه لا مو لا خوت لا مراة لا ولاد 

اسيل :شكون قالك معندوش ؟ عندووو خووه

ليون: نوووووو !!!! 

اسيل : نتا غير قوليه ... اعز الناس ليك وهو غايفهم رااسو .. بلا ماتقولييه شكووون فبواط فوكال .. نتا عارف الاتصلات مراقبين .. و خوه راااه واصل فالبلاد يقدرو يعلموه فاي لحظة يقلب اللعب عليك ... 

ليون : واااهضري شكون ... 

اسيل :مانقدرش نقول سميتو فتيليفون .. لي خصك تعرف ان هاد خوه مامعاش اللعب .. وكيعرف دباااانة فين كتزنزن .. هو لي عندو.. الى لويتي ليه دراعو بيه اكيد غااايرجع .. ولاكن غي تهديد ماشي ديرها بصح .. لان اصلا ماتقدوش عليه .. جربت وتخورت ... 

ليون : غير لمحي ليا بلا مدكري سميتو .. 

اسيل : فلول كنت كنظنوو عدوه .. هوو لمن كان كيخطط يدمرو .. فللخر اكتشفت انو خوه .. والامر سري عنهم ... وعاد فهمت علاش كل مكنتي كتقوليه نسيفطو الرجال لي يقضيو ليك عليه كان كيقوليك مابغيتش يموت .. حيت هو مايقدش يشوفو كيتآدى وخا باغي ينتقم ....

ليون : زدي لمحي ماعرفتوش 

اسيل : لي كان كيغغرق ليه الباطويات وكتكونو معاه ....

ليون : نوووووو نووو .. مااااااايمكنش ...

اسيل : هو ... هو الاخ الوحيد لي عندو .. وتيقني كيموتو على بعضياتهم .. 

ليون : ماااامتيقش .. عليها داك نهاررر فاش سمع السفينة غاتغرق ووهو الكااابتن بغااا يتسطا ... كييييفااااش كنت هبيل و ماتوقعتهاش ... 

اسيل : هانا نفعتك ... اوا نفعني تانتا سيفط ليا فلوسي ... ومزاال غانحتاجك حيت باغا ندمرهم كاملين على اش دارو فيااا ولعبو علياااا ..... محتاجة جوررج 

ليون : امتى بغيتيه 

اسيل : مزاال شوية .. خليني نشوف بعدا عدنان كيموت قدام عينني وخوه رهيينة .. ويلا مصدقش ليكم البلان غانتكلف انا ... حيت عارفة اللعب معاهم بجوج ديما كيخورو الواحد .. ماامتيقناش واش غاتنجحو معاهم .. باش الى مانجحتوش غانعطيهم انا الضربة القاضية

ليون : غانجخو .. راكي باقي مكتعرفينيش .. اه هاداك لي مخوف العالم غايطيح رهينة بين يدي 

اسيل : مممم مشوق .. مهم تاهو ماساهلش .. يقدر يقلب عليك القفة فاي لحظة وتقول اش داني تندم على نهار لي لعبتي فيه معاه وكيدير تشدو بعدا راه بونية منو تردك 10 سنين لور 

ليون : خصك تعرفي ان القرد الى بغا يغلب السبع كيجيه من لور.. تهلاي غلوسك غايوصلوك وسيفطلي الرقم وجورج على حسابي مكافأة على هاد الهير لي درتي فيا

عند حياة ... 

واقفة قدام مراية كتصايب كوستيم ديالها وهي دخل عليها سارة كطلعها وتهبطها

سارة : صبااح الخيررر 

حياة صبااااح نووورر 

سارة : ايهاهياااي اش هاد زااز كامل ... خليني نشوف ( شداتها من يدها كضورها كانت شرات حوايج جداد حيت سيمانة وهي كونجي واليوم الاثنين غاتمشي لشركة ... لابسة سروال دجين و شوميز ربيعية بييضة وكوستيم غوز بارد من فوق وصباط بلا ابيض وجامعا شعرها لورر مجبداه مع نظاظر طبين لي ولات كدير وحويلقاااات عادين . .) 

سارة : تكاايسيلي على ولد عمي 

حياة : هاهاااا قداش قوليتيها ولد عمك الى بنتليه غي دايزة ماتقوليه لحد..

سارة : لا على مالو عور لهاد الدرجة .... بايينا غاتكوني خليتي بلاااصتك تما .. راك موالف كيتغذا غي معاك 

حياة : ففف اسارة جبدتي عليا المواجيع ... واخا كيتغذا معاياا ولاكن ديما تيحسبني وحدة صغيرة تصوري كيتعنب على لبنات قدااامي .. كيحسبني غي بحال ختووو الصغييرة ... ديما كيقوليا عمو 

سارة : حيت كاااامبويا.... نتي لي باغا كتباااني بحال ختتو الصغيرة ...فاش يتعنب قدامك ضوري فيه خليه يعرف بلي راك كتغيري 

حياة : ناااري لاااا حشومة 

سارة : اه حشومة حشومة .. حتى نهار تسمعيييه مشااا يخطب وسيري شدي شومبر لي كنت شادة اناااا فالمصلحة .... 

حياة : علاشنتي دخلتي بسبب الحب ؟ 

سارة : دابا خلييييط مني ينعل بوووه هاد الحب تفو ...

حياة : اختي بغييتو عيييت من القحط .. قلبي ولا باطري فيبل خصو يتشااارجا .. راه شوك ناض فيه .. بغيت نجرب تانا داك توحشتك احبيبة ويتهز ليا بو شرااااوط و نحس بيه تحرك شوية .. 

سارة : بو شراوط ؟ على هاد حساب مخصكش سفيان خصك حبل دنشييرر .. الاخت سلطااان

حياة : لوااه كوماندار ... ختك عنها غا شاااوش على قد حالو عيا بالكلسة كيتسنا فالقاااااايد ماابغا يدخل الله يعطيه الدل ....وااااشنو دابا خخصني نبقا نبين ليه بلي كنبغيه! 

سارة : صراحة هي راه بانية للعمى .. غير هو معرفت مالو .. ماشتيش واش عندو شي جلالة

حياة : هاداك راه كيشوف كتر من القط ...كولشي كيبان ليه الا انا ... ( كلسات على سرير ) باااااينا مامعمراش ليه العين ... اصلا انا مافهمت داك الماركة كيداير ... فشكل .... كيقولك باغي البنت مستورة ولاكن هو ريككو كيسيلو على العرياناااات ... يشد معايا طريق وحدة واااااش نعري ولا نغطي ...... عرفتي نهار لول لي جيت لهنا كنت باقيا عند لامار .. قاتليا واحد الهضرة وداك ساع كاع مارديت ليها البال .. قالتليا طيحي فكلشي الا لهاد فهاد التريكة دخوت اسد ... حيت كيمرممدو الوحدة .. وصدق عنها الحق ههههه 

سارة : هههع ماشي غي كيكيمردو ههه كيدردروهم فسنيدة ويلوحهم لنمل هههه ... مهم انا كنعرف سفيان الى بغا يشرب كيقصد العوينة ...هو معندوش مع زيزاك .. اه كيقيل كيتزلل ولاطن نهار يبغييتزوح غايختار مرااات الدار و بنت الاصل غايمشي عنها ديييريكت ... شتي نهار يديرك فعقلو ماتحسي براسك تاتلقاي رجليك عندك العدووول تسنيي 

حياة : ففففففف اودي من فمك لباب سما ولله تانوقع بصبعين رجلي بالفرحة ونا نزغرت لراسي ... خليني نوض لخدمتي نزيدو شوية نتشاورو فصداق و نحلم اشنو نسمي لادنا وسيد باقي كيعطلي عمووو .. مكاين العموو و العمووش قدو ..

سارة : ههههه مهم نتغداو فالبلاااصة ديال ديما 

حياة : لا اختي خليني نتغذا مع الحييبان ( كتهضر و كتخشي البيسي فصاكها ) 

سارة : بااااك ونا نتغذا بوحدي 

حياة : سيري اختي عند الطبيييب ديااالك بقاي مقابلاني اناا تانبورو بجوج 

سارة : طبييب ؟ فففف طيرتي ليا الشهية 

حياة : ومالو ضرافات وغزال وقلللدة والهضرة حححرشة و تقيبات لزييين ...ونتي مخلياااه معلق ماهو مزوج ماهو مطلق ... ياختي كولكم كتمرمدو الواااحد ... نتوما علامن غنا سعد المجرد انا ماشي ساهل .. حتا كتكرهو الواحد فالبغووو ومايحي منو هاد تقولولو كانبغيك .. زين تلاااحي 

باااستها ومشات 

سارة : بتووووفيق .... ودوزي على شي محل خودي نظااظر لووولد عمي هههههه

مشااات حيااة شدات طاكسي لشركة غي دخلات سولات على سفيان قالولها فمكتبو .. مشات وبقات واقفة شحااال واش دق واش لا .. كتخيل كيفاش يتصرف من بعد اسبوووع وهي غايبة .. وهي دق 

سفيان : دخل ... 

حلات لباب وطلات غي براسها ...

حياة : صباااااح الخيييير 

سفيان طلع راسو فيها ومعلي حاحبو 

سفيان : غي نتي! .. موالفة دقي 

حيااة جمعات ضحكاتها ودخلات 

حياة : تفوو على بشاار .. ( كتقلدو ) غييي نتي .. زعما ماتوحشتينيش ...

سفيان : (كيخدم وكيهضر ) علاش غانتوحشك .. مشيتي لتلأبييب

حياة : هاااء راه سيمانة هادي ماجيت لشركة 

سفيان : اوا الى مكنتش كنشوفك فشركة .. كنت كنشوفك فدار عادي ... شنو لفرق 

حياة : ( كتتتفقص بالحس تحت سنانها ) يتتفرق ليك الراااس على جوج تولي عندك ترمة لتحت و ترمة لفووق يا االعوور يااا المدهسص ( رجعات تنهدات كتحكم فراسها و تنحنحات ) اش كدير 

سفيان : كنقي زنجلان ... 

حياة : راااه تاندوي معاك بصح ( قربات طلات ) الاااطييييف جمعتي عليك هادشي كامل .. مغاتعياش ؟ 

سفيان : قوليها لداك بنت خااالتك ورااجلها ... 

حياة : اش وااااقع

سفيان : سير ابنتي لداك البيرو ديالك نفضي عليه لغبرة وحلي داك لاجوندا واجي ردي عليا 

حياة : واااش جااين شي كليان كتار ؟ ..

سفيان : اودي مصاب كون غير كليان .. قالك الادارة خاصها دير الpوز .. بغاو يديرو ليها النظام بحاال الشركة لكبيرة .. تخدم تحت الادارة غي غير نص عام ... ونص لاخورر تبقا فيد الموظفين ... 

حياة : وهادشي حنا عارفينووو ومكتوب عندنا فالعقد منهار لول ... 

سفيان : اه ولاكن لي ماعارفينوش هوو الخدمة ديال نص العام لي فات كوولها غاانلخصوها هاد ليوماين فتقارير كاع اش دخل وكاع اش خرج ..والخسائر و الارباح 

حياو : اء ؟ غاااتخرج حتا نتا؟؟؟؟؟؟ 

سفيان : اش غانخرج الله يهديك غير الادارة يعني غير هي ... 

حياة : مغاتبقاش تجي داك ساع لشركة كاع ! 

سفيان : غانجي لاكن غير لشي اجتماع وصافي كيف كيدير اسد فشركتو ... ... وهوما اصلا

مساافرين هاد ليااام لسعودية خص كولشي يكمل غدا باش توووقع عليهم ويتدفع الارشيف ... 

حياة : ناااري جيت على الخدمة نييشان غايخرج مني هاد الكووونجي ...

سفيان مردش عليها غي كيقلب فالوارق يد فستيلو ويد فالكلافي ... وقهوة حداه وهي بقات تبسسسسم وتطل فيه كيعحبها فاش يكون مشغووول ... وناضت واقفة كتشمي وتجي عالله يرد ليها لبال لطلتها الانيقة اوا مرة تزعم على الالوان فالخدمة ...

حياة : س سسفيااان ... 

سفيان : ممممم 

حياة : مامبدلا تلحاجا ليوم

سفيان : الخدمة زايدة ... 

حياة : لاا الاا كنقصد ... كنقصد فيااا 

سفيات حط ستيلو تنهد معصب مع كترة الخدمة وشاف عندها 

سفيان : حياة شنو مراادف التيساع ؟ 

حياة : تيقااارر 

سفيان : واااعطييييه لياااا ... ( رجع كييييخدم ) 

حياة : ( تفقصااااااات بالمعقووووول دخان خرج من ودنيها ) ونتاااا كتتعرف شنو هو العضو لي عندو حاسة البصر ؟؟؟؟؟؟ 

سفيان : لعينين

حياة : اوا تبقااااا تشوووووف بيهم شوووية ... 

هزات صاكها وخرجااات معصبة وهو هز عينو وحاحبو 

سفيان : شرااات حوايج جداد ؟ هذا وكاان ؟؟؟؟

عند لامار .. 

اسد كيلبس حوايجو وهي واقفة موراه ببينوار دالحمام وشعرها فازك كتعرعر وهو كيشوف فيها فالمراية اش كتقول

لامار : اوااا علمني لباااارح ... كون بديت الخدمة فيهم علاش جمعتي عليا كولشي ليووووم والله تاحرام عليك كنت بغا نهبط انا وقسم لبحر 

اسد : شششش كاالم كاالم طوا غاتربي عليا سقف .. اش وااااقع .. شوية دالوراااق غاتسنييهم وغاتخرجي وسير داك ساع نتي تالساحل العااااج 

لامار : ياااك قلتيلي صافي مغانمشييييش 

اسد : وضاااروري تسسني الامااار عاد ترخجي ... فيرفيي مساائلك . راجعي ديكشي ووقعي عليه وخرررجي 

لامار : اوييلي اووويييلي اووويي الامر عندو بسيط هو كيهضر على مسائل مجموعين هادي ملي تأسسات الرشكة .. شنو درت تما كل نهااارررر مدة 7 شهورر خصني نفيرفيييه فنهااررر واحد ...كدرتي ليها وخا نكون خدامة بموطور البراااق 

اسد : ماكملتييش تالغدا وكملي 

لامار : غذااا مسااافرين 

اسد : تااالعشية عاد غانسافرو .. ( ضار عنها) شوفي دابا بلاااا مااااتفرعي ليا كري على صباح مشاربش قهوتي ... وباركااا من داك للعكزززز .. اش غاديري كاتنقلي الطوب غاتشدي كرررسي و تقراي وتوقعي هذا مكان .... وها قسم وايييس معاك يونسوك ..انا نسالي خدمتي ونجي نعاونك صافي ؟ 

لامار : اوووف اووووف 

جبدها عندو عنقهااا 

اسد : ماشي شي حاااجة كتيرة ماتزيدش فيه .. هادي هي الخدمة شنو نقول انا لي شاد كولشي . نحسب ليك ولا بلاش ؟ نتي شركة قد هاكدااا دارت فيك هادشي ...

لامار : ( كتجبد وتفشش ) واجي بكككري عاوني 

اسد : وخاا غي نساااالي نجي عندك مغااانتعطلش ... دي معاك قسم حطييها فالكوان ديالها هي وايييس وردي لبال لادير شي كارثة كيفما داك نهار ... وشدي كرسيك وخدمي ... 

لامار : وماااانرجعش مزال .

اسد : نووو تااالاكتووبر عاوتاني ... صافي الغزالة ديااالي مم ؟ 

لامار : صااااافي واخا 

هزهااا عندو باش توصل ليه لفمووو وبااسها كيمص فشفايفهاا مزير راسها لعندووو وهي معنقاااه من لووررر مكيبغيش يطططلق تاكيتخنق ليها التفس .. ورجع لعنقهاا تاني لي اصلا صابح طاااايب و رجع شاف فيها 

اسد : نديرو بناقص ههه

لامر : اولي ماعيتيش لبارح ناعس تاالفجررر ... نوووض لخدمتك قبل مايطرطق السروال هههه 

اسد : ههههه نتي و بنتك شي نهار نااكلكم ... نص ساعة ماااتعطليهاش... غانجي موراك نوصلك .. عررفتي شنو هي نص ساعة 

لامار : اولي نص ساعة يلاه انسكد فيها شععععري 

اسد : مهم انا هضرت .... 

مشااا وهي خرجات .. بغات تبدا بقسم هي لوووولا تفيقها وتبدل ليها هاد تشوف راسها ... غي هي شااافت الكونة بانليها غا اييسسس قسم ضمير مستتتر .. حسابتها لبنت نااعسة ساعة ناضت تمارس التجول ميف ديما ... وتنفساااااات مططولة 

لامار : قققسسسم ... ققسسسساااام .. ففففففف هادي لي غاتكملي ليا تباقي ... آيييسسس نوض جييييباااا .. يالااه ايييس 

دخلات لدوووش هزات سوشوار ووخرجات بانليها ايييس جارها من تحت طبلة دواحد الصالون من لييكوووشش هازها بسنانو وهي كتممصص فييدييسها عاااااامرة شكلااااط وهبطات لامار هزاتها 

قسم : اولي مينن جبتي هاد الشكلاط نتي ؟ اولي ككلتي شكلاااااط لي كان كيدوز بييييه بااااباك ؟؟؟؟؟؟؟؟ ويلي على شوووووهة .... ابنتي بقااااي تفرقي بين شكلاط نيوتيلا وبين ديال الحويلاا .. هذاااااك ماشي دالماكلة لا لاا لاااا ..... اولي اولي البنت غاطلع ليا ثاااملة مافيهاااش ... كنقولك اااسد شد القرعة مابقيتيييش بوحدك ... دابا ابنتي كتسماااااي مرااااضعة ونتي و باابااك فخبارك ففففف قلة شكللااط ماشيا ليا لهادا .....شي نهار غاتاكلي شي فيااااكرا بهاد الخفة لي فيك .. ايييييس بقااا تحضي مسااائلك راك هارفها بنت من و الله عليك لاعقلات ...

داتها لدوش تغسل ليها داك الحالة توحدها دغيا قبل مايجي يربل عليهم ...

يتبع ...