دازت فترة طويلة على هاد الحالة بقات غير متكية على النموسية او كتشوف العلاقة ديالهم لاش وصلات اما هو كان حط رجليه على روسيا قسح قلبو او او تبدل كليا كان غير فالخدمة او عائلتو ماقدروش اسولوه مالو من غير عبير لي عرفات بلي تفارق مع سارة او قلبها كيوجعها عليه فواحد الصباح عند علي او زمرد هاد جوج لي بقاو بعاد على بعضياتهم منهار غوت عليها اخر مرة ولكن قرر اتبدل قاد الدار او دار غداء رومانسي او عيط عليها هي خلطات شافت داكشي او جلسات كتاكل )
علي: احم كيجاك لغدا
زمرد: زوين
علي: زمرد بغيت نقوليك شيحاجا
زمرد: شنو
علي: (بقا كيتفتف ) تقبلي تزوجي بيا
زمرد:(حطات لفورشيط كتشوف فيه ) عاودها
علي: اووف هادشي صعيب واش تزوجي بيا شوفي انا عارف وقعو بزااف د المشاكل او انا بغيت نصلح كولشي تزوجي بيا عفااك واخا انتعذبي معايا فالاول انبداو درجة درجة حيت خسرت كولشي ولكن ايكون خير
زمرد : هههههههههه نتزوج بييك نتاااا انا وياك متزوجين؟؟ ههههه لا لا مكنعتاقدش هادشي او من فوق هادشي جالس كتقولي نبدا معاك درجة درجة
علي: (بقا ساكت كيشوف فيها ) لفلوس فيهم مشكل ياك؟
زمرد: (سكتات او رجعات كتشوف فيه ) منيتك اعلي كون انعلبولفلوس كاااع انااا مكيهمووونييش لفلوووس بقدر مكيهمني نشووف معمن انكمل حياااتي
علي: طلبت منك زواج حيت بصح تبدلت
زمرد: ديمااا كتقولي هاكا او مكيتبدل فييك حتى حاجا نتا فنظري وحش ندمت علاش بغيتك اصلااا سمحلي منقدرش نرهن حياتي معااك منقدرش نكون بحال سارة لي اضربها ديمااا
علي: انا كنبغيييك
زمرد: لا اعلي مابغيتكش عندي طلب واحد خليني نمشي بحالي
علي:(كتم صوتو بغيض او شاف فيها ناض او حط سوارت فالطبلة ) خرجي منهنا عطيتك حريتك صافي سيري
زمرد:(شافت ف السوارت عرفاتو بصح تبدل شافت فيه او خرجات من الدار بلا ماتاخد معاها حتى حاجا طلبلها هو طاكسي او مشات بحالهااا اما هو ولاول مرة طاحو دموع من عينيك خسر كووولشييي تمنى كون خسر الاملاك او ميخسرهاش هي ولكن للقدر وجه اخر خرج من الدار فاتجاه المحكمة هز اوراق الطلاق نتاعو او نتاع سارة او وقعهم او مشا هو او المحامي للقصر دخلو او تسناو سارة تهبط هاد الاخيرة لي كانت حالتها تدهورات عيانة ضعافت انتهت بهاد المفهوم هبطات عندهم شافها علي او حل عينيه فيها)
علي: ..سارة
سارة: عرفت بلي جيتي طلقني
علي: اه
سارة: عطيني لوراق
علي:(عطاها لوراق) هاكي
سارة: ماشي هادوك(شافت فالمحامي ) عطيني لوراق
المحامي: هاكي امدام سارة
وقعات سارة لوراق او شافت ف علي مبتاسمة
سارة: طلقنا ا علي او فلوسك رجعو ليك
علي: كيفاش
سارة: مكنتش طامعة فييك كنت بغيت نعلمك درس ولكن انا لي تعلمتو انا خسرت كولشي
علي: مابغيتش هاد لفلوس ماعندي ماندير بيهم
سارة: حتى انا مابغيتهمش صافي حنا طلقنا او تهنينا من هاد الكابوس
علي:(شاف فيها مطولا او هبط على ركابيه ركع ليها او عينيه فيهم الدموع) سمحيلييي اسااارة عفااااك عذبتك معااياااا ضمرتلك حياتك سمحيلي عفااااك انا تبدلت
سارة:نوض اعلي سمحتلييك نوض (هزاتو من يديه ) عندي فقط طلب واحد
علي: طلبي لي بغيتي
سارة: ممكن تخليلي لقصر نجلس فيه حيت ماعندي فين نمشي
علي: تصرفي كانه ماوقع والو القصر ديالك لفلوس ديالك
سارة: شكراا كنواعدك انقلب على خدمة نخرج منو
علي: جلسي قداش ما بغيتي(مدلها يديه ) نكونو اصدقاء
سارة:(شافت فيديه او سلمات عليه او ابتاسمات فوسط دموعها ) مرحبا
علي: الله اعاونك
سارة: باي
خرج علي من القصر خدا طلاقو او فلوسو ولكن ماكانش فرحان كون تحط فاختيار بين الاملاك او زمرد كان ايختار زمرد ولكن تمشي الرياح بما لا تشتهي السفن رجع لديك الدار لي جمعاتهم شاف فالاركان ديالها اي حاجا زوينة او خايبة عاشوها كيشوفها قدامو جلس فالدرووج حاط يديه على راسو او كيشوف ظلام لحال كاره راسو مخنوق بغا اغوت دابا مشات ماعندو مايدير بقا على نفس الحالة
حتى كيسمع طقطقات الطالون كيقربو منو طلع راسو او شاف فيها اما هي جلسات حداه فنفس الوضعية ديالو
زمرد: قطعت التيكي باش نرجع لفرنسا عيطولي باش تركب فطيارتي او مقدرتش نمشي او كرهت قلبي حيت مقدرش اخليك هاد القلب اعلي طيح بكرامتي لاقصى حد ولكن..كنبغيك مقدرتش نمشي واخا كاع داكشي لي درتي فيا حسيت بيك بصح تبدلتي بصح باغي تعيش معايا او تبغيني او كيما قلتي بنادم كيحتاج فرصة أخرى او نتا حتىتستاهلها
علي: ربي كيدير لي فيها لخير (ناض او شدلها فيدها ) انمشيو بجوج لديك فرانسا ديالك
زمرد: او زواج ؟
علي: انتزوجو هنا او لهيه ههه
زمرد: يالاه نمشيو
خرجو هاد جوج فرحانين من تماك ناويين ابداو صفحة جديدة مليئة بالحب و التفاؤل ..
تجري الايام سريعا اسرع مما ينبغي ...
دازت مدة طويلة طوييلة بزاف امكن ايام او شهور ماحس بيها غير لي مخبوط بالمزود سارة تبدلات كليا دخلات فاكتئاب عطاتها غير للبكا ضعافت عينيها ذبالو حياتها تقلبات راسا على عقب جرات على الخدم و على ليكاردكور او بقات وحدها فداك القصر الموحش عيانة مقهورة و مكسورة فقط شيماء لي كتهضر معاها او ديما كطلب منها اديرو ابيل فيديو ولكن كتمتانع مايمكنش تخليها تشوف هاد الحالة لي وصلات ليها اما شيماء مسكينة كرشها وصلات لفمها او دارو لعقد هي او قصي او طلبات منو مايديرو لعرس حتى تكبرلها كرشها او عرسهم كيوجدو فيه دابا اما نيار حالتو ماكانتش افضل من سارة مابقا كيدوي مع حتى واحد كيدفن راسو فالخدمة حاولو اعرفو من السبب ولكن مابغاش اقولهم فوقما كيتوحشها ولا كيحس براسو مخنوق كيصلي كيصلي او يدعي لله اخرجها من قلبو ولكن كيحس براسو كيقرب ليها كثر
...كنت ادعو بلسان لاهج في صلاتي.... طلبت من الله انتزاعك من قلبي سألته من ان ينجيني من حب لا طاقه لي على تحمله كنت ادعوه بجوارحي. و بكل ما في 🙏
نيار: السلآم عليكم ورحمه الله تعالى وبركاته
عبير: الله اقبل
نيار:(جلس حداها ) امين
عبير:(شافت فيه مطولا) نيار عاوداتلي اماني على سارة
نيار:(ناض ) مابغيتش ندوي فهاد الموضوع
عبير: هي على ذمة رجل اخر نتا غلطتي
نيار: انا تفارقت معاها
عبير: تفارقتي معاها جسديا او روحك مازال معلقة بيها
هبط نيار او عبير لتحت لقاو قصي او شيماء كيختارو الزينة د العرس حيت بقاتلو اربعة ايام جلسو حداهم كيشوفو حتى صونات سارة لشيماء او هاد الاخيرة دارت هوط باغلوغ
شيماء : سارة
سارة: اهلا لباس عليك
نيار:(قفز قلبو منين سمع صوتها )
شيماء: بيخير عرفتي كنختارو انا او قصي الزينة د العرس حيت بقات غير أربعة أيام
سارة: بصح مزيان
عبير:(ابتاسمات او هضرات مع سارة) بنتي سارة لباس عليك
سارة:(سكتات شوية عاد دوات) حمد لله اخالتي او نتي
عبير: حتى انا ابنتي اوا ماناوياش تجي عندنا راه لعرس مابقا ليه والو
شيماء: اه اسارة راه خصك ضروري تجي
سارة: ميصلاحليش والله
شيماء: اويلي اشكاتقولي خصك تحضري ضروري او صيفطتليك العنوان د الدار شحال هادي مابغيتيش تجي
سارة: ميمكنش نجي غير سمحيلي
قصي: سارة راه الى ماجيتيش انتقلقو منك
شيماء:(حطات التيليفون حدا نيار) قولها تجي
سارة: معامن كدوي؟؟
نيار:(سكت شوية او هضر بصوت قاسح ) اجي تحضري للعرس
سارة: (سمعات صوتوو بحال الى ضربها ضو قطعات الخط دغيا )
شيماء: الو سارة اويلي مال هادي قطعات الخط
نيار:(ناض كيسوط ) ماغاديش تجي غير بلا متعيي راسك معاها (خرج)
اما سارة حطات يديها على فمها كتبكي او كتشهق سمعات صوتو تنهدات او طلعات لبيتها تخشات ففراشها او كملات بكاها
...بعد إنتهاء صلاحية العلاقة ورحيل الحب لبلاد النسيان لا تطلب رؤيتي بحجة الصداقة فكلانا إختار طريقه الأن
اصبحنا واصبح الملك لله
فاقت لا شيء جديد عندها نفس النظرة الحزينة نفس الشعور او نفس الحالة ولكن هاد المرة القرار كان مختالف كان خاصها تواجهو شحال قدها ماتهرب هي خاصها تواجه و الاهم من هادشي تحضر عرس ختها ناضت جمعات لافاليز ديالها او لبسات حوايجها او مونطو حيت الجو بارد فروسيا هبطات او سدات لقصر لي مانعرف امتى اترجع ليه طلبات طاكسي او ركبات فيها او تاجهات للمطار خدات الطائرة ديالها داز الوقت أو هبطات فروسيا ركبات فطاكسي عطاتو العنوان او طول الطريق او هي كتفكر كيفاش ايكون اللقاء وقفات الطاكسي او حداتها قدام بوابة حديدية كبيرة تحل الباب او دخلات بخطوات بطيئة كتشوف جمال هاد القصر لي كان حسن من لقصر ديالها كانه كانت ساكنة فيه ملكة روسيا دخلات او تلاقاتها لخدامة قالتلها سارة بلي هي صاحبت لعروسة او هزات عليها لافاليز دخلات او هي كضور راسها قالتلها الخدامة بلي كيتغداو او طلبات منها تديها عندهم وصلاتها الخدامة
سارة: شيماء
شيماء:(سمعات صوتها او ناضت كتجري بكريشتها عندها عنقاتها بالجنب ) كنت عااارفاك اتجي كنت عارفة ماغاادييش تسمحي فيااا فنهار عرسي
نيار او اماني كانو جالسين فالطبلة كيشوفو فيها مشات عندها اماني من بعد ماعيطات ليها عبير او سلمات عليها بلابيز
اماني: مرحبا
سارة: شكرا كيدرتي مع الخدمة
اماني: بيخير
نيار:(وقف كيشوف فيها او لشكلها او حالتها لي وصلات ليها تبدلات علييه ضعافت او وجها شاحب فيه علامات الحزن تعيا ماتخبي الفرق واضح بقا مصدوم كيشوف فيها او كيقول مع راسو الى كان هو سباب عمرو اسمح لنفسو بدأ كيقرب منها حتى تقابل معاها اما هي مهبطة راسها كتشوف غير صباطو حتى كان ايدوي او هي تعطيه بالظهر شافت ف شيماء بترجي)
سارة: شيماء انا عيانة بغيت نرتاح
شيماء:(شافت فيها او شافت فنيار كولشي لاحظ هاد الموقف بيناتهم اما هو غمض عينيه عض شنايفو او عاود حلهم فيها) يالاه ناخدك لبيتي علاما اوجدولك لخدامات بيتك
سارة: اه يالاه نمشيو (ضارت سارة بلا متشوف فوجهو تخطاتو او خلاتو واقف يالاه طلعات الدرجة الأولى او هي تسند على شيماء طلعو بجوج حتى وصلاتها لبيت او جلسات )
شيماء:سارة اش هاد الحالة وصلتي ليهااا شووفي كيرجعتي
سارة: مابقيتش قادرة اشيماااء اهئ اهئ كنموووت شوية بشوية
شيماء: صافي ششش كولشي ايتحل اسارة
سارة: بغيت نرتاح
شيماء: نعسي دابا غير توصل وقيتا د العشاء او نفيق
سارة: اوك (خرجات شيماء خلات سارة تنعس ارتاحت منبعد ماعيات من السفر فاقت فالليل كتحك عينيها ناضت بثقالة دخلات دوشات او جبدات حوايجها لبساتهم بقا شعرها مبوكلي او مازعماتش تخرج جلسات كتسنى حتى تحل عليها لباب )
سارة:ماقديتش اشيماء غير شوفي واش وجدولي لخدامات بيتي بغيت نبقا فيها
شيماء : (جراتها )اناكلو هو لول عاد نشوفو بيتك
هبطو بجوج او سارة خايفة تلاقا بيه كتحاول تجنبو حتى ادوز لعرس او تخرج من حياتهم فمرة دخلو عندهم للصالون او جلسو كانت مقابلة معاه او مهبطة راسها اما هو بقا كيشوف فيها او لاش وصلات بداو الماكلة بقات كتلعب بالفورشيط فالطبسيل او حاطة يدها على خدها
سارة: سمحولي انا شبعت (ناضت سارة طلعات لبيت شيماء دخلات او جلسات فوق النموسية تنهدات او جمعات لافاليز ديالها خرجات من تماك او قالت للخدامة توريها بيتها أشارت الخدامة للبيت ديالها من بعيد او مشات سارة ليه بقات واقفة حايرة اشمن بيت ديالها دارت على الله او دخلات لواحد لبيت فيهم تزدح الباب او تسد او هي حطات لافاليز ديالها جات ضور او هي تضرب فنيار خارج من الدوش ملوي عليه فوطة او كيشوف فيها بقات كترجع باللور متفتفة هزات لافاليز ديالها او مشات حدا الباب كتحاول تفتحو او كترجف مابغاش الباب اتفتح ليها او مشا نيار اتجاهها كتشوفو بنص عين او شداتها لبكية خايفة من هاد الانفراد بيناتهم مازال كضرب فالباب حتى حسات بالانفاس ديالو فعنقها )
سارة: عف..ااك حل هاد الباب بغيت نخرج
نيار:(حط الذقن ديالو على كتفها او كيشم شعرها او نطق بصوت حزين ) تيريييزا
سارة: (تشوكات منين سمعات صوتو همها الوحيد انها تخرج طاحولها دموع من عينيها او كتحاول تفتح الباب او هي كتشهق ) حلي الباب
نيار: (رجع هضر بنفس النبرة) تيريييزا
سارة: (حسات بيه كيدفن وجهو كثر فعنقها او هي ضور عندو دفعاتو او حل عينيه او هي تنطق بصوت مبحوح كتشوف فيه بعينيها الدامعين) تيريزا ماتت
نيار:(شاف فيها مطولا او هبط راسو او رجع طلعو فيها او هاد المرة بلا ميشوف فيها مشا اتجاه الباب او هي بعدات عليه حلو ليها هزات لافاليز ديالها او يالاه خرجات زدح الباب من وراها حتى قفزات او تكا عليه كيتنهد اما هي دخلات لبيت لي حداه او بقات كتفكر او دمع حتى نعسات )
اصبحنا واصبح الملك لله
كانو كلهم كيفطرو ماعاد سارة لي بقات ناعسة فوتات فطورها فاقت كتكسل دخلات للدوش لبسات سروال دجين او قميجة طويلة او خلات شعرها طلوق او مادارتش الميكاب هبطات بشوية لقاتهم كيوجدو الدار او شيماء او عبير كيختارو الزينة اما لوخرين مشاو للخدمة
عبير: السفر مكيضعفش او مكيذبلش العينين أو مكيردش بنادم بحال الزومبي
سارة: (هبطات راسها كتلعب فصبعانها)
عبير: علاش ماقلتيليش قصتك نتي او نيار
سارة: كتعتاقدي بلي خبيت عليك ؟؟ ابدا غير ماجابتهاش الفرصة
عبير: ها الفرصة جابتها دابا يالاه عاوديلي
سارة: ايكلفنا وقت طويل
عبير: عندي الوقت
سارة: (تنهدات او بقات كتعاودلها من الضرب لي كانت كتعاني منو حتى اللقاء لي كان ف تركيا مع نيار عاوداتلها العذاب و الحب عاوداتلها على علي او زمرد عاوداتلها كولشي حتى لاخر مناقشة وقعات بينها او بين نيار حتى داز الوقت استغرقات فالقصة ديالها بزاف )
عبير:(بقات كتشوف فيها ) اش انقوليك تصدمت هادشي صعيب على أي امرأة
سارة: ماكانش صعيب فاش كان نيار حدايا اما دابا كولشي صعيب
سارة: فات لحال على هاد الهضرة انا مابغيت حتى حاجا ماجيتش ندير المشاكيل انحضر لعرس شيماء منبعد انمشي بحالي
عبير: نيار كيتعذب بلا بيك
سارة : لا كيتعذب او انا معاه صعيبة بزاف نتسامحو بيناتنا خصوصا انها خرجات هضرة قاسحة من فمنا اتجاه بعضياتنا (شافت فيها بعينين دامعيين) الكبرياء لي كيتحكم دابا ماشي حنا
عبير: الى كنتو مكتابين اتلاقاو
سارة:(سكتات او هي كتنهد حتى لمحات نيار او قصي او اماني داخلين مع الباب حتى وقفو عليهم )
نيار: السلام عليكم
عبير: و عليكم السلام
سارة:(وقفات ) خالتي انمشي نشوف شيماء
نيار:(كيشوف فيها كيفاش كتهرب منو ) شنو كاين هاد النهار
اماني: (هضرات بصوت خافت ولكن حيت الهدوء قدرو اسمعوها) اذن كنستنتجو أن سارة كتهرب من نيار
عبير: اوووف نوضو نمشيو نتغداو
شيماء : انعيط ل سارة (مشات شيماء لعند سارة مالقاتهاش فبيتها او بدأت كتسول عليها حتى لقاتها فالجردة جالسة كتشوف فيدها قربات منها شيماء او شافت ليد لي كان علي گرضلها صبعانها ) شنو كتشوفي
سارة: صبعاني مابغاوش اتشفاو
شيماء: غادي اتشافاو ماتهزيش الهم يالاه تغداي دابا
سارة : ماقاداش
شيماء:(جراتها) راه فخباري مافطرتيش زيدي تغداي (جراتها شيماء لداخل او هي توقفها سارة)
سارة : سيري نتي سبقيني انغسل يدي او نجي
شيماء: واخا
دخلات شيماء عندهم جلسات او مشات سارة غسلات يديها كانت داخلة عندهم عينيها فالارض او كتحس بلي رجليها ماهازينهاش يالاه اتحط رجليها حداهم او هي تزدح مع قصي او رجعات باللور طاحت على راسها او فقدات الوعي ديالها
نيار:(هزها لقاها خفيفة على كيما متعود حطها على لفوتوي او كيفيق فيهااا كان باين عليه الخوف ) قصي اتاصل بهارون هو لي قريب لينا
قصي: اوكي (اتاصل قصي بالطبيب هارون صاحبهم فنفس العمر ديالهم اماني غير سمعات سميتو قلبات وجهها مكتحملوش او هو ايضا مكيحملهاش دايرين بحال القط او الفار )
سارة:(بدأت كتفيق او كترمش عويناتها او شادة فراسها ) انا بيخير (بغات تنوض)
نيار: بقاي متكية راك عيانة
سارة:(ضرباتلو اليد لي كان شادها بيها او بعداتها او تگعدات ) ماوقع والو
نيار:(بقا كيخنزر فيها ديك اليد كتاكلو بغا اخشيها فكمارتها ولكن كيصبر راسو ) اللهم صبري (ناض من حداها وقف او كيشوف فيها عيانة )
هارون:(وصل عندهم او دخل بدون مقدمات) شكون لي مريض
قصي:(نعتلو بصبعو ) سارة
هارون: (بعدوليه من حداها او وقف عليها ) اووووه اش هاد الجمال كولو لا لا نتي خصك ماتكونيش مريضة
اماني: هاهو بدا عاوتاني
هارون:(صافطلها شوفات بحال لقرطاس) سكتي نتي شريرة
اماني: (خنزرات فيه) متكبر
عبير: اماني شششت ولدي هارون عفاك فحصها
هارون:(جلس حدا سارة او هي بدأت كتبلع ريقها بقا كيشوف فيها او يبتاسم كيفاش متوترة) انا ماشي بوعو ماتخافيش مني
سارة: انا مافيا حتى حاجا لاداعي لهادشي كاملو
هارون: كون ماكانتش فيك شيحاجا ماكنتيش اتسخفي(بقا كيفحصها كيشوف عينيها او عنقها او يقيس النبض ديالها او دارلها اكثر من تحليلة غير فبلاصتها منين سالا شاف فيها ) قوليلي من امتى ماكليتيش
هارون: رولاكس سولتك ماشي باش تعصبي غير باش نعرف المشكل
سارة:(شافت ف نيار لي كان كيخنزر او باين معصب شافت فيه كانها كتقولو نتا هو المشكل او هو بدورو فهمها )
هارون: سمعيني نقولك المعدة ديالك متضررة بزاف ضعافيتي بشكل غير طبيعي فالاونة الأخيرة صحتك مهلوكة او نتي ماشي نورمال او يمكن نقول بلي مكاتاكليش
سارة: لا هادشي ماشي بصح
هارون: التحاليل مكيكدبوش اول مرة نشوف بنت كلها بياس ديطاشي كلك معطوبة حتى حاجا فيك ماصحيحة او هادشي حرام اوقع نتي بنت زوينة بزاف يعني ابهرتيني بجمالك هههه
قصي: هارون سكت سكت راه واحد البركان اينفاجر
نيار:(دخل فيهم او جبد سارة وقفها او كيجرها من يدها)
سأرة: اشش كدييير طللق مني
نيار:(خرجها للجردة او جلسها فوق الكرسي بنثرة حط طبلة قدامها او قال للخدامات اجيبولها الماكلة او بقا كيحط الماكلة فالطبسيل حتى عمرو او جلس مقابل ليها ) عييينااا مانرغبووو فييك تاااكلي مابغيتييش اواااا اتااكلي بزز داباااا
سارة:(كتبكي ) اهئ اهئ مابغيتش
عبير: نيار ماديرش هادشي لبنت مريضة
نيار:(غوت بجهد حتى زلزل قلبهم او جبد الفردي ) حتىىىى وااااحد مايتدخللل (شاف ف سارة ) غادي تاكلي هادشي كاملو لي فالطبسيل او انبقا معاك حتى نشوفك كليتيه او كنحلف ليك او توقفي انبدا نطلق فالسماء القرطاس او اخر قرطاسة اتكون ماااابييين عينيييك بغيتييي غير تموووتي نقتلك انا نيت
سارة: لا لا اهئ اهئ مامنحقكش دير فيا هاكااا
نيار:(طلع يدو لي فيها الفردي لفوق او طلق الضربة الأولى او حيت عارفها عندها فوبيا من هادشي كتخااف ) قللتلك كوليي
سارة: بععد مني اهئ اهئ وامااابغيتش (بغات تنوض او هو اردها بقوة)
نيار: كووووليييي (ضرب الضربة الثانية فالسماء)
سارة: اهئ اهئ خمس شهور كافية باش نتبدل فيها مابغيتش نااااكل
نيار:(ضرب الضربة الثالثة ) سكتييييي قلتللك كووووليييي
سارة : اهئ اهئ مشيتي بلا ماضور من ورااااك حلفتي عمرك تخليني او خالفتي وعدك ليا اهئ اهئ
نيار:(وجه السلاح لوجها ) تزيدي كلمة وحدة نقتلك
سارة: (غوتات بحر جهدها )خليتيني بوحدي بلا متسول شنو ممكن اوقع فيااا رغم انك شفتي اشداز عليااا اهئ اهئ عاقبتني على زلت لسان فلحظة غضب ماشفتيش النار لي شااااعلة فيااااا اهئ اهئ ماشفتيش انني حاربت على قبلك على او قبل حبي ليييييك ماشفتيش قداش تعذبت قداش قاسيييت
نيار:(سكت كيشوف فيها بعينين فيهم اليأس و الحزن بدا كيهبط المسدس من على وجها او نطق بقلة حيلة) كتشوفي غير عذاك نتي ماشفتيش عذابي انا كتسمعي صوتك بلا ماتسمعي قلبي لي كان كيعط ليك او فلحظة دمرتي كولشي
سارة:(طيحات دمعة سخونة من عينيها او ناضت بغات تمشي او ضارت عندو نطقات بنفس الصوت ) حتى ليوم انيار بقيت متشبثة بحبي ليك او تأكد حتى وحدة فهاد الدنيا ماتقدر تغامر او تسمح فكلشي على قبل لي كتبغي او انا سمحت حتى فراسي ….(دخلات سارة للبيتها كتبكي او كتنوح كرهات هاد الموقف لي تحطات فيه دخلات ففراشها كتشوف فالسقف كالعادة حتى دق شيواحد الباب )
هارون: ممكن ندخل
سارة:(مسحات دموعها ) اه دخل
هارون:(فيديه بلاطو عامر بالماكلة جلس حداها ) ماديريهاش مني قلت الصواب ولكن بغيتك تاكلي
سارة: اوكي
هارون:(هز المعلقة او كيدير ليها بحال شي بنيتة صغيرة ) يالاه طيارة طيارة طيارة
سارة: هههههه رديتني برهوشة (كلات الدغمة )
هارون: كتباني زوينة منين كضحكي
سارة: ازين ايامك
هارون : هاحنا سالينا الماكلة او هاكي دواء شربيه باش تنعسي
سارة: شكرا
هارون ؛ هنياتون
خرج هارون اما سارة نعسات ترتاح حتى فاقت فليل لقات الهرج ناضت من النموسية طلات من السرجم لقات الدار عامرة بالخدم او الناس بداو كيدخلو ضواو فكل بلاصة زوين بزاف هادشي
شيماء:(دخلات عندها) حبيبتي
سارة:(ضارت عندها) وااااو جيتي كتحمقي
شيماء:(كانت لابسة فستان فالباج مرصع بالكريستال او كرشها الكبيرة عاطياها جمالية جمعات شعرها مشيطة زوينة مع تاج صغير او ميكياج صارخ او صباط بلا ) عويناتك لي زوينين هاكي هاد لحوايج لبسيهم او هبطي (دارت القناع ديالها ) يالاه باي
سارة:(ماخلاتلهاش المجال فين ترفض دخلات للدوش خرجات صايبات شعرها سامبل او دارت ميكياج صارخ او لبسات الكسوة الكحلة كانت معرية من الظهر او مغطية من جيهت الصدر او مفتوحة من الجنب كانت سامبل دارت القناع ديالها لي كان فيه الريش لبسات طالون او خرجات من البيت كتهبط شوية بشوية من الدروج الاعين كاملين توجهو عندها اصلا كانت معروفة واخا دير قناع شعرها الاشقر الذي لا مثيل له فاضحها هبطات لتحت او شافت كولشي داير قناع حتى واحد مامعروف تماك وقفات جنب الطبلة كتفرج فيهم كيشطحوو اما رجال كانو لابسين زي واحد طقم اسود او اقنعة كاملة على الوجه ماتقدرش تعرف عليهم عبير لبسات غوب صراغي فالازرق مفتوح او مغطية كاملها او دايرة مشيطة أنيقة او القناع على عينيها اما اماني لابسة كسوة قصيرة فالبنفسجي مخلطة مع الاسود او طالقة شعرها الاسود او حاطة لقناع حداها مافيها لي ديرو مغوبشة حتى قفزها صوتو
اماني: او نتا كتبانلي هو داك الحامض لي كيتدخل فشيحاجا ماخصاتوش
هارون: علاش كتكرهيني
اماني: حيت حتى نتا كتكرهني
هارون: عمرني كرهتك انا كنبغي نضحك معاك لاغير
اماني : ضحكك باسل
هارون:(جبدها عندو ) شنو بانلك نرقصو انا وياك
اماني: ماخفتيش على راسك دابا راه معاك عميلة فالمخابرات نقدر ندخل لحبس بتهمة التحرش
هارون: لا لا نتي محتاجاني فحياتك حيت نهار اتعرضي لخطر انا لي اتلقايني فجنبك
اماني: طلق مني مابغيتش نرقص
هارون:ماشي على كيفك(جرها هارون لداخل الحلبة او جبدها عندو زيرها او بدا كيتمايل معاها عينيه فعينيها او هي مضورة وجهها خايفة من هاد القرب بيناتهم )
اماني: باراكا راه غير انا وياك لي كنشطحو هنا
هارون: غالطة هاهوما ايبداو اشطحو
فعلا داكشي لي كان بداو كل كوبل كيشطحو شيماء/قصي. عبير/عيسى او المزيد من الأشخاص اما سارة بقات واقفة بلاصتها او نيار مقابل معاها كيشوفها او هي مكتشوفوش فجأة طفاو ضواو او كولشي وقف تسلط الضوء على سارة بوحدها بقات كضور بجنابها كتشوف كولشي كحل حتى شافت. راجل تقابل معاها او عطاها يدو باش تشطح معاه
سارة: سمحلي مابغيتش نشطح
نيار: خاصك ترقصي معايا
سارة:(طلعات فيه وجهها صوتو ماخافيش عليها عطاتو يدها او زاد بيها للوسط حط يديه على الخصر ديالها او يديه مع يدها مشابكين او عطا إشارة لديجي ابدا الموسيقى كانت نفس الموسيقى التركية لي طلقاتها سارة فالبار او شطحات هي او نيار عليها تزير قلبها او بدأت كتمايل معاه عينيه فعينيها خايفين بجوج من هادشي ذاتهم كترجف كيلعب بيها بحال الريشة كيرميها منهنا او من لهيه حتى كولشي بعدلهم من الساحة خداو الراحة فالاخير وقفات الموسيقى او ظهرها لسق مع صدرو او جمعلها يديها على كرشها او وجهو على عنقها بقاو كينهجو او كيرجفو مغمضين عينيهم كيستنشقو هواء بعضياتهم حتى سمعو التصفاق او عاد بعدات عليه خرجات كتجري لبرا او هو متبعلها العين حتى غبرات بين الحشود تبعها لقاها مطلعة راسها لفوق محيدة الماسك او كتبكي
نيار: مالاحظتيش بلي راك كتبكي بزاف
سارة:(سكتات او مسحات دموعها ) او الفضل كيرجع ليك
نيار: علاش كتحملي ليا المسؤولية على شيحاجا نتي سباب ديالها
سارة:(ضارت عندو) نيار بقاليا غدا معاكم اندوز العرس او نمشي بحالي عفاك طريقك بعدها على طريقي انا وياك كيما قلتي سالينا
نيار: (عض شنايفو) اه داكشي لي بغيت
سارة: غود (ضرباتو بكتفها او بعدات عليه دخلات للحفل داز الوقت أو بداو الناس كيخرجو او الابطال ديالنا دخلو لبيتهم كل واحد فاش كيفكر او كل واحد او همو )
شيماء:(كانت ناعسة فحضن قصي فالجردة كيشوفو النجوم او هو حاط يديه على كرشها ) كنحمد ربي او نشكرو حيت لاقاني بيك
قصي:ماعمرني كنت فرحان حتى لهاد النهار
شيماء: اتبقا تبغيني ديما
قصي: اه او عمرني ماتشوف ف غيرك
شيماء: او ولدنا اتربيه افضل تربية ياك
قصي: انربيوه بجوج احبيبة
شيماء: (تنهدات ) انكون معاكم بقلبي ديما
قصي: اسرتنا الصغيرة رائعة
شيماء: ههه يالاه نمشيو نعسو غدا عرسنا
قصي:(نوضها شادلها فيدها او طالعين فالدرووج حتى وصلو لبيت او نعسو معانقين )
اصبحنا واصبح الملك لله
كانو فباريس عاصمة فرنسا معنقين بعضياتهم او عريانين كيشوفو برج ايفل
دوشو هاد الجوج او خرجو جمعو لافاليز ديالهم او نطالقو للروسيا باش احضرو لعرس شيماء اما فالقصر ديال عائلة سقراط صباح جديد مليء بالمفاجئات القاسية كان عرس شيماء فاقت قلبها مقبوط عليها او كتحاول تحيد هاد الشعور منها جاو الكوافورات صايبو ليها حيت اتلبس لاغوب بيضة بوحدها كانت حداها سارة كتشوف فيها بفرح او سرور حيت طلعات رائعة بكل معنى الكلمة سارة كانت لابسة كسوة بيضة قصيرة أو مطلوقة او شعرها جمعاتو اما فجيهة الاخرى كان نيار كيقاد لقصي ربطة العنق او فرحان ليه
قصي: ياك كولشي هو هاداك
نيار: اه هههه
قصي:(زطم عليه ) العقبة لييك ههه
نيار: (اكتفى بابتسامة جانبية )
سارة:(دقات على البيت لي فيها قصي او نيار) احم مولاي السلطان عروستك واجدة هه
قصي: احححح اجي معايا نشوفوها
سارة: حمق هههه سير عندها بوحدك راه كتسناك (مشا قصي او ضارت سارة عند نيار لقاتو كيشوف فيها خرجات من البيت متاجهة للتحت وقفات حدا عبير لي كانت لابسة غوب فاللحمر كترحب بالضياف حتى وصلو زمرد او علي بكامل اناقتهم زمرد لابسة صاية طويلة فخمة فالابيض مع الديباردور ديالها مرصعة بالجواهر او مصايبة شعرها سامبل او علي حداها لابس طقم ازرق
زمرد: ساااارة (جرات عندها او عنقاتها بقاو كيعانقو او يبكيو حتى ضاعلهم الماكياج)
سارة: توحشتك او تشوشت عليك بزااف
زمرد: حتى انا توحشتك او بزاااف
علي: بديتو فالدراما تاني
سارة:(شافت ف علي او فزمرد ) مبرووووك زواااج
علي: هههه الله ابارك فييك
زمرد: خصك تقوليلي مبروووك لحاجا اخرى
سارة: (وسعات عينيها ) حااااملة ياااااي (عنقاتها)
زمرد: ههههه وي قريب اجيني بيبي
سارة:(ضارت عند عبير) نقدم ليك هادي ام نيار
علي او زمرد سلمو عليها : متشرفين
عبير:(ابتسامة) مرحبا بيكم
سارة:يالاه نخرجو للجردة كولشي مجموع
زمرد: هاد الدار واااعرة
علي: او الترتيبات اروع
سارة: درتو العرس
زمرد: هههههه ماتفكرينيش لبست فستان زفاف او هو كوستيم او مشينا عند لعدول بحوايجنا تزوجنا او شدينا طريق لفرنسا ديريكت
علي: عمرني نسا داك النهار ههههههه
سارة: الله اجعل كلشي مبارك او مسعود
زمرد: فين هو نيار تزوجتو؟؟
سارة:(تنهدات ) انمشي نشوف شنو خاص لداخل (مشات)
زمرد:(شافت ف علي) قلت شيحاجا عيب
علي: لا غير كتزبليها مرة مرة
زمرد: ناري ماقصدتش
علي: كتوقع هانيا ...
عند عرساننا دخل قصي عند شيماء لقاها جالسة مهبطة راسها على وجهها لفوال رائعة بكل المقاييس قرب عندها نوضها بيدو
قصي: انا اكثر شخص محظوظ فهاد الدنيا
شيماء: كنبغيك
قصي: كنحمااق عليك (دخلو الاشبينات بنات صغار لابسين لاغوب او شادين الورد هزو الكسوة د شيماء او تابعينها من لور هبطو فالدرووج او بدات موسيقى او الصحافة كتسول حفل زفاف تاريخي هبطو لتحت او خرجو للجردة كولشي كيتسناهم وصلو او بدلو الناس كيباركو ليهم )
زمرد:(مشات عند شيماء) جيييتي كتحمقي مبروك حبيبتي
شيماء:(عنقاتها ) و اخيرا تجمعنا
علي:(سلم على قصي) امبارك او مسعود
قصي: ليك حتى نتا ههه تزوجتي ماعلمتي حتى واحد
علي: اوا اصاحبي الحاجا المستورة كيسهل فيها الله
قصي: هه عندك الحق
علي:(لمح نيار بعيد هاز كاس د الليمون فيديه او كيتفرج فالناس) سمحولي (مشا علي عند نيار او ابتاسم معاه) نيار لباس
نيار:(شاف فيه بغرابة ) حمد لله
علي: (هبط راسو او رجع شاف فيه ) مبروك زواج قصي
نيار: الله ابارك فيك
علي: الى بقيتي كتحضر بهاد الشكل انمشي
نيار: كيفاش بغيتيني ندوي معاك منبعد داكشي كاملو
علي: وجهك قاصح كانني انا لي طعنتك فظهرك
نيار: ماجيتيش تسولني
علي: علاياش نسولك
نيار: سارة تلاقيت بيها فتركيا ماكنتش عارف واش مزوجة او بلي نتا راجلها قالتلي سميتها تيريزا او بالصدفة تلاقينا فالحفلة لي درتي كرهتها او غوت عليها ولكن منين قالتلي بلي كضربها او معذبها سمحت ليها بشرط طلق منك او فالاونة الأخيرة وقعو مشاكل او تفارقنا انا وياها
علي:(ابتاسم) انا عارف هادشي زمرد عاوداتلي كولشي ولكن باين ليا نتا ماعارفش بلي طلقنا انا او سارة او رداتلي الاملاك كاملين او ايضا تزوجت زمرد او هي دابا حاملة
نيار: مبرووك
علي: الله ابارك فييك (عنقو ) سمحلي على كولشي انيار مافهمتكمش فالاول
نيار: (عنقو ) هانيا المهم دابا تصفاو لخواطر
علي: يالاه نمشيو حدا العرسان
مشاو ابطالنا كاملين حدا العرسان كيضحكو او يشطحو او ياكلو داكشي داز. رائع كانت ممكن تكون اخر ضحكة او اخر لقاء او ايضا اخر نظرة حيت المفاجأة قريبة تبان
اماني:(وقفات بعدة عليهم كتشوف فيهم او مكرهتش حتى هي اكون عندها نصف ثاني)
هارون:(وقف من وراها ) علاش مامشيتيش حداهم
اماني: اش كدير هنا
هارون: امكن راه قصي صاحبي
اماني: اممممم
هارون: ماجاوبنييش علاش مامشيتيش حداهم
اماني: كل واحد واقف مع لي كيبغي اشبغيتيني ندير حداهم
هارون: نتخطاو المشاكيل بجوج اصلا الى متزوجتكش اتبقاي بايرة
اماني: والله مكتحشم واخا انا موافقة نجربو (جراتو من الكول حتى وصلاتو لحدا فين جالسين ابطالنا ) ماما بابا
عبير: نعام ابنتي
اماني: هارون بغا اتزوجني
عبير: نتي او هارون ؟؟ ههههه
هارون: عارفة اخالتي بلي نستاهل ما حسن ولكن زهري طيحني فيها هههههه
عبير: منعندي الله اكمل بالخير
اماني:( شافت ف هارون) غدا نديرو العقد
نيار: اشهاد الزربة كاملها اصلا مكتحملوش بعضياتكم
هارون: كنبغيها
اماني: حلف
هارون: والله
اماني ههههه كنت عارفة
هارون: هههه او نتي
اماني: مازال لحال على هاد الهضرة
نيار: اوا نقولو مبروك مسبقا ههه
عبير:(شافت ف نيار) لعقبة ليك
نيار: انا اخر واحد زوجيهم هوما لوالا
….بقاو ابطالنا كيتشاركو الهضرة كيتفكرو الاحداث او كيعيشو لحظات حتى شافو هيليكوبتر اتحط فالجردة بقاو مطلعين راسهم كل واحد اش كيشوف كيتساءلو اشهادشي فجأة ليكاردكور د القصر كيتقتلو واحد واحد الرصاص كيتشاير او الناس كيغوتوو ابطالنا هبطو ريوسهم تحت الطبالي ايموتو بالخلعة
نيار: اششش وااااقع
قصي: (محامي على شيماء)هادااا هجووووم
نيااار: عيط للقواااات المسلحة
قصي:شيماء ماتخافيش
شيماء: ماخاايفاااش ولفت
قصي: (معنقها )كنواعدك انخرجو بيخير منهنا
زمرد: علي اهئ اهئ خايفة
علي: ششش ها لبوليس قريب اوصلو
سارة:(كانت بعيدة عليهم كتشوف ف نيار كيشوف فيها او عارفة بلي حياتهم فخطر اقدر اموتو او حتى واحد مايشوف ف لاخر )
اماني:(كتشوف ف هارون) حميني من ظهري
هارون:اشناوية ديري
اماني: ماشي وقت الاسئلة هادو (جبدات الفردي من ليبا ديالها او طلعات بقات كضرب أفراد لي كينين فلهيليكوبتير قتلات البعض)
نيار: اماااااني هبطيييي رااااسك
اماني:(تسالاولها القرطاس او هبطات) شيييت تسالاو
هارون: تبتي
شوية وقف اطلاق النار ولا هدوووء رهيييب كلشي ساكت كولشي صاقر حتى بداو كيسمعو خطوات قدامهم طلعو راسهم كيشوفو فيهم بجوج مخنزرين او كيضحكو
سيزار: اوووه ريبنا ليهم الحفلة هههههه
الاسمر : انريبو حتى حياتهم
نيار: سيزاااار اسسمرر
سيزار: نيااار سقرااط تخبع ليووم بحال شي فار
نيار: نتا يا الشماتة لي مخبي مني انقتلك على هاااادشييي
الاسمر: (حيد طبالي ) نوضو كاااملييين انلعبووو لعبة رااائعة تحركووو
ناضو ابطالنا الرجال مخنزرين او البنات خايفيين جلسهم اسمر فوق لكراسة دايرين دائرة علي حدا زمرد او شيماء حدا قصي او هارون حدا اماني او عبير حدا عيسى
اسمر: نياااار بقا ليك واحد الكرسي سير تجلس او كنصحك مادير حتى حركة حيت ماشي فالصالح ديالك
نيار مشا جلس حداهم او اسمر كيشوف ف سارة واقفة كترجف او مشا جبدها من يدها
اسمر: تيريزااا حلفتلك حتى نضمر حياتك او شوفي شنو درت دابا
سارة: ماغاديش تهنا فحياتك اهئ اهئ
نيار:بعععد يدييييك الموسخيييين عليييهااااا
اسمر: احححح على الحب هههههههههههه (جلسها حدا نيار) منين نساليو الحفلة اناخدها معايا
نيار: جرب ضور بساحتها نقتلك
سيزار: انا لي انقتلكم كاااملييين شحال او انا كنتسنى هاد اللحظة من الوقت لي قتل فيه اسمر ختك للوقت لي دخل فيه للقصر عند حبيبتك
اسمر: درت الفتنة بيناتكم غير بالفن بطبيعة الحال بمساعدة سوسن
علي: سوسن؟؟ فين هي ختيييي
اسمر: مشات عند الله هههههههههه
علي: لاااا مايمكنش
سيزار: اصلا كلكم اتمشيو عند الله ههههههههه (جبد سيزار واحد الدمية فيها قنبلة كتنفاجر بجهاز التحكم لي فيد اسمر او لاحها على اماني هي الاولى ) ضوري الدمية او الى مابغيتيش اتنفاجر عليكم كاملين
اماني:(كتخنزر فيه ) اتندم على هادشي
سيزار : قلتلللك ضوري الدمية
اماني:(شافت ف هارون ) في السراء و الضراء ياك
هارون:(خدا من عندها الدمية) اه (عطاها لزمرد لي كانت كترجف او كتبكي او عطاتها ل علي لي كانت حداه شيماء او مدها ليها شداتها او حيدهالها قصي من اليد او عطا الدمية ل نيار لي بضورو عطاها لعيسى او عيسى عطاها ل عبير او عبير عطاتها لسارة او بقات اللعبة كضور هاكااا
سيزار: كان عندي ثلاث عصافير 1 - 2-3 بوووووم هههههههههه لا لا مازال اللعبة طويلة
وصلات الدمية مرة أخرى عند سارة او مابغاتش تعطيها لاماني
اماني: طلقيناااا
سارة: لااااا لاااا
نيار: تيريزااا عطيها الدمية
سارة: غاااادي ابقاااا العب باعصابنااا هاكاااا
شيماء:(شادة كرشها ) اووووف قصي فيا وجع خفيف
قصي: (شاد فيدها) صبري عفاااك
سيزار: الى مكنتيش اطلقي الدمية انفجرها
سارة: (ابتاسمات بمكر )ميمكنش تفجرها راكم حدانا
سيزار: يا الله شحاال ذكية (ضار عند اسمر) خصها تخدم معانااا
اسمر: (ورك على جهاز التحكم او تطلقات اغنية فالدمية كولشي قفز ) اكتاشفتي بلي انلعبو على اعصابكم ولكن فيدي كاين الفردي (حط المسدس على راس شيماء) شنو بانلك نبدا فيها ولا (حط المسدس على راس زمرد) ولا بيها هي ولا (حط المسدس فراس نيار) بيه هو
سارة: لا لا عافااااك ماتأذيهومش انا ندييرلييك لي بغيتي ا اسمر غير خليهم امشيو بحالهم
سارة:(مشمئزة من اسمر) غادي اقتلنا انيار خليني نمشي
نيار: لا اسارة كيكدب عليييك نتي مكتعرفيييهش
سيزار:(وجه المسدس لوجه نيار ) باي باي
سارة:(شافتو ايقتل نيار او هي دفع اسمر او شدات فاليد لي مصوب بيها سيزار يديه بقات كتحاول تحيدو لييه الطلقة الاولىك انتفالسماء ) طللق السلااااااح
سيزار:(كيضربها لرجلها باش تفشل ) طلقييي منيييي
نيار: ساااارة بعدي علييييه
عيسى: حتى واااحد مايقرب
بقات سارة كتحاول تحيد المسدس ل سيزار لدرجة المسدس ولا فكرشهم بجوج كتشوف فيه بحقد او هو كذلك كانت قوية او هو كذلك فجاة بوووووم طلقاااات الطلقة اللولة بيناتهم او حتى واحد ماعرف فين جات الضربة سارة او سيزار كيشوفو فبعضياتهم
شيماء: ساااااااااراااااااا (طاحت شيماء بالوجع او قصي خايف عليها اما نيار طاح على ركاببيه كيشوف فيهم كلشي مصدووم كولشي خايف او للمرة الثانية تطلقات طلقة اخرى بيناتهم او كيتسناو اشوفو شكون تضرب او شكون باقي حي )
وقفو دقات القلب على اثر الصاعقة كيتسمع البكاء د زمرد و نفس نيار و انين شيماء جراء الوجع لي شدها اما سارة بقاو دموعها كيسيلو او هي كتشوف ف سيزار مطرطق عينيه فجأة طاح سيزار على طولتو غارق فدمووو مات فالبلاصة منبعد مادخلو فيه جوج قرطاسات فالقلب كولشي تصدم زمرد خبعات وجهها فصدر علي او غوتات كولشي شاف ف سارة خصوصا اسمر لي كيشوف فالاب ديالو مات اما سارة كتشوف حوايجها لي عامرين بالدم لاحت الفردي او كتبكي
سارة : انا ..انا قتلتووو اناااا قتلتووووو اهئ اهئ الدم الدم (بقات سارة كتمتم بكلمات من هاد القبيل اما نيار بغا انوض عندها ولكن سبق اسمر او شدها من شعرهااا او حاط على راسها الفردي )
اسمر:(كيوجه عليهم الفردي او يعاود احطو فراس سارة او معصب لاقصى درجة ) حتىىى واااااحد ميقربب انقتلهااااا او يقرب شيواحد
شيماء:(معالم بيها غير الله كتوجع او كتلوى فبلاصتهااا ) قصييي اهئ اهئ اناااا انولد هناااا عتقنييييييي اهئ اهئ
قصي:(خايف عليها كيبوس ليها يدها ) صبري احبيبتي عافااااك صبرييي
نيار:اسمممر طلللق تيرييييزاااا
اسمر: الى قربتييي هااااد الفردي غاااادي يتطلق فرااااسهاااا
وصلو القوات المسلحة بعد مشقة الانفس او حاصرو المكان قتلو جميع رجال الاسمر او مابقا عندو حتى منفذ من غير سارة لي فيديه
نيار:(كيحاول اقرب ) طللق منها او سلم راااسك ماعندك فييين تهررب
اسمر: لا لا انا ماغاديييش نتشد انقتلها او تقربووو منييي
سارة:(كتشوف فيديها او حوايجها ) انا قتالة قتلت
عبير:(كانت هي او زمرد حدااا شيماء كيصبرو فيهااا ) نياااار شيمااااء وصلاتلها وقيتا د الولادة اهئ اهئ
شيماء: واااااااع مابقييييتش قادرة نصبر اهئ اهئ عتقوووني كنتوجع
اسمر: نيااار عندك حل واااااحد غادي تخويلي الساحة نمشي انا او تيريزا ولا كولكم اتموووتوووو
نيار:(كان فموقف لا يحسد عليه ماعارف مايديير خايف على شيماء او خايف على سارة ) فالاخير نتاااا غاااادي طيح فيدي سلم راااسك
اسمر: الوقت كينفد انياار خويلي الساحة نمشي
سارة:(تمتمات بكلمات او كتشوف ف نيار ) ماتخافش عليا عتق شيماء عفاااك اهئ اهئ انا انمشي معااه او عارفاك اتلقاني
نيار:(بقا كيشوف فيها او فلحظة زلزل المكان بالصوت ديالو ) ...
خويو السااااحة خليوه امشي
اسمر: راااائع (تحرك اسمر او معاه سارة جارها من شعرها او كتبكي دخلها فالطوموبيل او كسيرا للمجهول او قدر اتلف الطوموبيلات د الشرطة لي كانو تابعينو او ولا هو او سارة وحدهم )
اما عندهم هز قصي شيماء او جرا بيها للطوموبييل ركبات عبير او زمرد معاه او كيصبروو فييهااا او مشاو للمشفى
دخلو شيماء للمشفى او قصي كيغوت باعلى صوتو جاو الاطباء بسرعة او حيت روسيا متطورة من ناحية الطب دغيا قادولها داكشي او دخلوها لغرفة العمليات او دخل معاها قصي كيصبر فيهاا
قصي: حبيبة هانتي اتولدي او اتشوفي ولدك او ايمشي الالم عفااااك صبري غير شوية
قصي: ماتقووووليييش هااااكااااا اشيمااااء غااااادي تعيشي غادي نربيو ولدنا بجووووج هادا غير الم او كيدوز
الطبيبة: مايصلاحش نديرو عملية قيصرية حيت الراس خرج خاص عملية طبيعية
شيماء: عتقووو ولدييي اهئ اهئ وااااااااااع
قصي: ديرو لي لقيتوووه مناااااسب (شادلها فيدهااا)
...بدات عملية شيماء لي كانت صعبة خصوصا ان الحبل السري تلوى على عنق الجنين فاستمرات العملية مدة طوييلة اما عند نيار كان غادي جاي للمكتب ديالو وجد العملاء كاملييين او دار تحريات باش القى سارة فكرة انها مع الاسمر كتقتلووو خايف عليها بزاااف او خصوووو القااااهاااا امر عجييب حقااا عاد قبيلة كانو ناشطين او كيضحكوو او بين دقيقة تبدل كولشي حياتهم تقلبات كلشي تضمر مابقااا مايعجب كانت زمرد جالسة فالارض دياال المشفى او حداها عبير كتبكي حتى جا علي او عطاهم الماء او جلس حدا زمرد
علي: نتي بيخير ؟
زمرد : منييين اهئ اهئ وحدة كتصارع الموت لداخل او سارة ماعرفناها حية ولا ميتا اهئ اهئ كيفااش انكون بيخير او خواتاتي كيعانيو اهئ
....فبلاصة اخرى كان كيجرها فوسط الغابة بنترة حتى هبطو فقبو مظلم او هي كتبكي او خايفة ...
شوية بدا كيبان ضو خافت بانت ديك الخربة لي جابها ليها كلها حجر مازويناش لفيران كيتساراو او سناسل معلقين فالحيط دخلها او لاحها فوق النموسية بالية مافيها مايتشاف بقات كترعد او خايفة
اسمر: مرحباااا بيييك فالجحيييم
سارة:(بقات كترجع باللور او كتبكي ) اشممن نوووع من الناس نتااا اهئ اهئ خليتي باك طايح تماااك بلا ميرف ليك جفن
اسمر:فعمل العصابات ماكاين لا بابا لا خويا لا حبيبتي كنعرفو غير نقتلو او ندفنو
اسمر:(طيحها على النموسية كيصرفق فيها ) اناااا شماااتاااا القحببة اناااا انورييك شمااتااا كيداااير غاااادي تمناااي لمووووت او ماتلقااايهااش (ناض من فوقها او خرج)
سارة: (كتغوت) اهئ اهئ نيااار ايلقااااني او غاااادي اقتلك اهئ اهئ الله ياخد فييك الحقق (كان الدم كيسيل من نيفها ولكن ماعندها كيدير تمسحو حبس ليها يديها مع السناسل او هي كتبكي كدعي لله الفكها او كدعي شيماء تكون بيخير او على خير هي او ولدها )
وعلى ذكر شيماء كانت مازالة على نفس الحالة كتغوت او تبكي او قصي كيتالم منين كيشوفها هاكاك او كيصبرها ولكن الالم كان اقوى منها
طبيبة: شيماء دفعييي مابقاااش بزااف
قصي: حبيبة حاولي دفعيي عفااااك
شيماء: (كتزحم بصعوووبة او لعرق كيهبط منها رحعات شرويطة) واااااااااااع اهئ مابقييتش قادرة (سخفات)
طبيبة: لا ماتسخفييش فيقييي
قصي: شيمااااء فيقييي
رجعات شيماء فاقت او كتزحم او تغوت حتى سمعات الصوت لي اثلج قلبها داك الصوت لي على قبلو صبرات او تمحنات كان صوت ولدها كيغوت
طبيبة: حمد لله الولد بيخير (لواتو فمانطة او عطاتو ل قصي )
عبير او زمرد سمعو الغوتا د قصي او كلمت ماتت كتردد فاذانهم زمرد غير سمعات هادشي سخفات اما عبير كتغوت او تبكي او ضرب ففخادهااا خرجات الممرضة او خرجات معاها ولد قصي او شيماء او هو كيبكي اما قصي خرجاتو الطبيبة بزز طاح على ركابيه او عبير كتصبر فيه او تعنقو
قصي: شيماء خلااااتني شيماااء مااااتت
عبير: لا لا اقصي اهئ اهئ ماغاديييش تمووووت اتعيييش اتربيييو وبدكم بجووووج
بقا قصي كيغوت فالكلينيك كانه ايحماق او عبير كتصبر فيه الداخل شيماء كتموت او بالاحرى ماتت او الاطباء كيديرو لي فجهدهم باش اعتقوها فالجهة الاخرى سارة كتبكي او نيار قلبو كيضرو خايف عليها خلاصة القول مواقف مايتحسدوش عليها كاملين كيعانيو كاملين مضمرين فيا ترى ممكن تشرق شمس جديدة تبلغ خبر سار ؟ ...
استمرت العملية لساعات الاطباء كيدخلو او يخرجو او قصي اي واحد كيخرج كيبقى اسولو على حالتها او عبير كتحاول تخفف عليه كتحاول تخليه يكون قوي رغم ان الحقيقة باينة فالمكتب كان نيار مازال كيتسنى خبر على مكان الاسمر او سارة او هو مقلق او كيبرد جنونو فالكارو حتى قرر امشي للمشفى اشوفوحالتهم او خلى اماني مازال كتحقق بوحدها اتاجه نيار للمشفى او دخل لقاهم فديك الحالة او بقا كيتساءل
نيار: قصيي اش وااقع
قصي:(عنقو او طاقتو مستنزفة ) شيماااء كتموووت انياااار
نيار:(عنقو ) تهدن اقصي عاودلي شنو واقع
قصي ماقدرش اعاود اكتفا جلس فالكرسي بدون صوت اما عبير شدات نيار او عاوداتلو كولشي او تأسف على الحالة ديالو او ديال شيماء او جلس حداه
نيار: قصيي تمالك نفسك اكون خير
قصي: منين بغا اجي لخير من هادشي هاديك راه مراتي انيار خلاتني او يتمات ولدنا
نيار: مادام ماخرجوش حتى لدابا من العمليات الا وكاين امل
قصي: (كيحرك راسو ب لا ) راه ماتت صافي خلاتني
قاطعاتهم الطبيبة فيديها ولد قصي ملبسينو لحوايج او فايق
طبيبة: كنظن نتا محتاج تشوف ولدك
نيار:(ناض خداه من يدها او هو متردد او كتقولو كيف ادير اشدو ) مشاء الله (جلس حدا قصي ) شوف ولدك اقصي عنداك تسمح فيه ولا تهملو
طبيبة: سي قصي (جبدات من جيبها رسالة ) مراتك كانت متبعة عندي الحالة ديالها او عطاتني هاد الرسالة باش نعطيهالك فالوقت المناسب
قصي:(شد الرسالة كيتساءل بعينيه او هو يحلها لقا معاها تقاشر ديال دراري صغار او بارفان زوين )
الرسالة:
شيماء: حبيبي قصي عارفة منين غادي تقرأ هاد الرسالة انكون مشيت انا عند الله او خليتكم نتا او ولدي هادشي عمرني كنت نتمناه او ماشي هادي هي الحياة لي تخيلتها تكون لينا حيت فاش كنا فالمغرب او خصوصا فاش جيت عندك للمطار باش نمنعك تمشي او تخليني كان نفس اليوم لي انا مشيت عند الطبيبة النسائية فحصاتني او قالتلي عندي ولد دارتلي لايكو او شفتووو او حسيييت بنبضات القلب ديالو شيحاجا رائعة لكل امراة فاش كتعرف ان الداخل ديالها انسان ولكن فرحتي ماكملاتش منين قالتلي انه عندي التواء فعنق الرحم او بلي خاصني نجهض الطفل لانه خطر عليا او على حياتي ولكن مقدرتش شنو ذنبو مسكين ميعيش شنو ذنبو انه يموت قبل مانشوفوه..يتب
انا فضلت نموت او مايموتش هو او فضلت اعيش معاك نتا حيت متأكدة اتكون افضل اب فالعالم بغيتك دابا تهلا فيه او تهلا فراسك انا مشيت عند الله او فرحانة او واخا هاكاك انكون معاكم دائما كنبغيييك احياتي او كنتمنى تسمحلي او تعيش حياتك ... شيماء
طيح قصي الرسالة منبعد ما قراها ذاتو كترجف كاملها ماقادرش استوعب هادشي ماقادرش اصدق انها دارت هاد الفعلة بلا ماتشاورو او ماتاخد الراي ديالو حط يديه فراسو كيبكي فصمت فكرة انها ماتت كتخوفوو مازال عندو امل مازال كيقول راه شيواحد من الاطباء ايخرج او يقولو مراتك مازال حية ولكن موحال هادشي هز ولدو فيدو او ضمو ليه او هو كيبكي او ولدو نعس فحضنو مع صوت بكاه
.....اما عند سارة كانت فنفس الحالة سناسل و الاصفاد مكبلينها الدم تختر على وجها جراء الضربة لي عطاها اسمر لنيفها عينيها محجرين فيهم الدموع او كتحاول تبقا فايقة او ماتغفلهاش عينيها كانو الفران او العقارب كيتساراو حدا رجليها او هي خايفة حتى تحل عليها الباب او دخل عندها
الاسمر: الجميلة فاقت ولا نقولو مانعساتش كاع هههههه
سارة: (بصوت عيان ) خرج عليا
اسمر: نووو جبتليك خبر رائع ايعجبك بزااااف ختك شيماء ولا صاحبتك ولا معرفت كاع اش كتجيك للاسف ماتت هههههه
سارة:(كتحاول تفك من الاصفاد او كتبغي تنقز عليه او السناسل كيرجعوها لبلاصتهااا ) خرررررجججج عليااااااا شيمااااااء ماماتتش ماغاااااديييش تموووت اهئ اهئ
اسمر:(مشا حتى لباب او رجع ضار عندها ) هههههههه فعوض ماخصك تشكريني على الخبر كتغوتي عليا ولكن ماكاين مشكل اتيريزااا ههههههه (خرج خلاها كتغلي او كتغوت باعلى صوتها كتبكي او تعيط باسم شيماااء مقطع قلبها او مابيدها حيلة ) ...
فالمشفى كانو على نفس الحالة كاملهم حتى جا علي
علي: امضرا كاين شي خبار
عبير: ماكاينة حتى خبار اولدي
علي:(ربت على كتف قصي) كون قوي اصاحبي مرتك الداخل او كدير لي فجهدها باش تعيش كون قوي على قبلها
عبير: فين هي زمرد كيبقات
علي: خليتها ناعسة فالغرفة منبعد مافاقت من السخفة بقات كتبكي حتى نعسات
عبير: قولها ماتجهدش راسها راها حاملة
قصي:(شاف ف نيار ) شي خبار على سارة
نيار: (هبط راسو او طلع فيه شوفة حزينة) ماكاين ليها اثر
عبير: الله على بنياتي كل وحدة فجيه مليوحة ياااربي ديير شي خيير
ناض نيار فاتجاه جامع صغير متواجد ب موسكو عاصمة روسيا كيتوافدو ليه المسلمين باش اصليو توضأ او دخل للجامع صلى لعشاء او بقا كيدعي بصوت مرتافع
نيار: يالله مابقيتش قادر على خسارة شيواحد يا الله ماتكسرش قلوبنا على لي كنبغيو يا مجيب يا علي يا قدير اشفي شيماء او رجعلها صحتها راجلها او ولدها محتاجينهاااا يا الله عاوني لقاا سارة الى وقعلها شيحاجا مانقدرش نعييش لا اله الا انت سبحانك اني كنت من الظالمين ...
ركع نيار او هبطو دموعو بغزارة خايف على عائلتو خايف اتهرس قلبهم كاملين خايف داك الفرح او السرور مايبقاش خايف او خايف او خايف غريب هاد الامر البنت لي كان كيدعي فصلاتو ديما ينساها دابا كيدعي القاهاااا رجع رجل ضعيف جدا امام الله خرج من المسجد منبعد ما صلى او مشا للمكتب ديالو احاول القى الخيط باش اوصل ليها
....غي المشفى و اخيرا خرجو الاطباء كاملهم من غرفة العمليات مشا قصي كيجري او من وراه عبير كيستفسر منهم او كيرغبهم بعينيه
قصي:(كيهضر بالروسية) عفااااك قووولي ماماتتش عفااااك ماتصدمنيش راه روحي اتخرج
الطبيب الروسي : سي قصي ...
الطبيب الروسي : سي قصي .المريضة ماماتتش قدرنا نقذو حياتها بمشقة الانفس فعلا هادي معجزة انها تعيش
قصي او عبير غمضو عينيهم بارتياح عبير كضحك او قصي هبط على ركابيه سجد حتى هبطات عندو عبير
قصي:(عنقها) كنت عااارفة شيماء ماتخلينيش كنت متأكد من هادشي حبيبتي باقا عايشة
عبير: اه اقصي شيماء اتعيش او اتربيو ولدكم بجوج جا علي جار زمرد من يدها منين سمعات هاد الهضرة عنقات علي كتبكي او كضحك او كتقول الحمد لله انها عاشت
الطبيب: ميسيو قصي خصني نكمل هضرتي مراتك ماغاديش تقدر تعاود تولد ابدا حيت حيدنا ليها الوالدة حيت خطر عليها و دخلات فغيبوبة اثر النزيف لي وقع ليها او ماعرفناش فوقاش اتفيق
قصي: كيييفاأاش ماعرفتووووش فووووقااااش اتفيييق زعماااا اناااا عرفت
طبيب: تهدن امسيو الى بقات فالعناية المركزة غادي تحسن حالتها
عبير: الاهم انها حية دابا ولدي قصي شيماء اتفيق ماتخافش
قصي: او الى مافاقتش ...الى رجعات تموووت
زمرد: ششش ماتقولش هادشي هي اتعييش
خرجو الممرضات او معاهم شيماء فوق السرير ايحولوها لغرفة اخرى بقا قصي متبعها كيشوف فيها حتى دخلوها للغرفة او ماخلاوهش ادخل كانت غرفة كتبين اش كاين الداخل بفضل الزجاج لي فالحاط كان كيشوف حبيبتو كيديرو ليها الالات او عمروها بسلوكة او هي شبه ميتة ولات زرقة بقا كيشوف فيها شحال حتى تحطات يد على كتفو
نيار: هي بغات تعيش بغات تبقا معاك او تربي ولدكم هي قوية اقصي ماتخافش عليها غادي تشافااا انااا متاكد
قصي:(دار نظرة غضب ) غااااادي نقتل اسسسمر بيديييي كنحلللف برب الكعبة غاااادي ندمووو على هاد الايام لي عشناااا
نيار: انا دابا كنفكر غير ف تيريزا شنو حالتها واش حية ولا لا واخا قلبي كيقولي مازال عايشة ولكن خايف عليها والله او يكون فيها خدش واحد انشررب دمووو
قصي:(شاف فيه ) يالاه نمشيو للمكتب نديرو التحقيقات ديالنا او نلقاو اسمر
نيار: او شيماء
قصي: غادي نرجع عندها منين نرد ليها صاحبتها كانت قالتلي قبل ماتولد عتق سارة او انا اندير هادشي
نيار: تبعني ...
خرجو دراري واحد تابع لاخر ركبو فالسيارة او تاجهو للمكتب و على ذكر المكتب كانت اماني كتحقق مع العملاء او كتغوت عليهم او تسخسخهم حتى تحل الباب
اماني: هارون ؟؟؟
هارون: هاي
اماني: سيرو دابا لشغلكم منبعد او رجعو
خرجو العملاء او تاجه عندها هو باسها فخدها او حسات باحساس غريب
اماني: سيرو دابا لشغلكم منبعد او رجعو
خرجو العملاء او تاجه عندها هو باسها فخدها او حسات باحساس غريب
هارون: حاولي على راسك
اماني:(جلسات فالكرسي كتسوط) كيفاش بغيتيني نحاول على راسي او سارة فيد اسمر او نيار ايحماق عليها
هارون:واراه غير حيت كاينين هاد المشاكل داكشي علاش اجلنا زواج ولكن كنواعدك انديرليك عرس تهضر عليه روسيا كاملها
اماني:واش لهاد الدرجة كتبغيني
هارون: كنبغييك
اماني: سمحلي حيت تلاقينا فهاد الاجواء
هارون:(قرب منها حتى تخالطو انفاسهم او حاوط يديه على خصرها او تحنى عندها هي غمضات عينيها سلماتو راسها حتى بقا كيبوس فيها بحنية او كيمص شفايفها بكل حب و احترافية خلاها تنساجم معاه حتى سمعو صوت )
نيار: احم احم
اماني: (دفعات هارون او كتمسح فمها او حشمانة ) احم جيتووو
هارون: واييه اصاحبي كتجيو فشي اوقات غير مناسبة
قصي:(ضربو لكتفو ضربة خفيفة) صبر على عمرك او حمد الله او شكرو ماهرسناش ليك وجهك راه اماني ختنا اوا صبر على راسك
نيار:(مغرق راسو فالبيسي) كاين شي جديد
اماني: (كدفع هارون يخرج ) حتى لمنبعد او نتلاقاو سيييير داابااا
هارون: هههه هاهو غادي (خرج هارون او رجعات اماني حدا نيار كيخدمو بثلاثة او كيتسناو شي خبر )
بقاو ابطالنا كيخدمو الليل كامل بلا نعااااس قصي كيفكر فمراتو او نيار فحبيبتو او عبير شادة ولد قصي او بقات هي او زمرد فالمشفى معاهم علي اما اماني كل دقيقة اصيفطلها هارون ميساج كتقراه كتبتاسم لا اراديااا حقااا مواقف مختلفة و احاسيس مختلفة
تيريزا الجزء 11
محتوى القصة
التنقل بين الأجزاء