عشق النوارس الجزء 16

-دياب:احمم..أناا غاندير شوية دالسبوور بااسل ولدي تمشي معاياا؟

طلع باسل عينو من الهاتف وقال

-باسل:يووك..أنا غانبقى هناا والله اللي فااق مع الفجر ماغاتبقاش عندو نفس للرياضة

وقف دياب وقال

-دياب:أنا غااندي معاياا ألباان..هاادي باي بااي

خدا ألبان بين يدوو وخرج وتبعااتو ريم بخطوات سريعة

-ريم:دياااب..احمم حبيبي مافطرتييش مزياان غاتسخف

ضحك دياب وجرهاا فخدوودها..قبلها بخفة وقال

-دياب:ماتفكريش فيا أنا أصلا ماكلتي قليلة ومولف بالريااضة..(صغر عينو وقال)نتي اللي بنتيلي شااردة بزاااف وماعرفتش فشنو بالضبط كااتفكري

شافت فيه ريم بتوتر وقالت

-ريم:لاا ماكانفكر فوالو..غي كايتهيأ ليك وصاافي

همهم دياب وقال

-دياب:ااه ممكن..يمكن غي تهيألي..سيري فطري مزياان ونتي كاتنقبي كيف الدجااجة..ورجعي الطااقة شوية هه

-ريم:هه حمق

🌼🌼دااير السماعات فأذنوو وكاايجري..ومرة مرة كاايتوقف يتسنى فألبان حتى يلحق عليه..دخل فطرييق مختصر واللي خلاه يخرج للمدينة ومشى فاتجااه البحر..المكان المفضل ليه..خااصة فمزاولة هواياتو..التصوير..الكتابة..الرياضة..على ذكر التصوير..هو أهملوو بزااف

لبس نظاراتو الشمسية ووقف حتى حط ألباان فجيب فحقييبة ظهروو وفتح ليه السنسلة باش يقدر يتنفس..غاتقولو ممكن يهرب لكن لا..هو مولف ديما يخرج معاه وولف ليه أنو يحطوو فالحقيبة وحتى يعقدو مع خصروو بقطعة من الثوب..حتى ألبان تربية يدوو..

جراا طوول مساافة الشااطئ واللي كانت فارغة نوعا ما خصوصا أنو مازال فالصباح المبكر..وهو رااجع فطريقوو باان ليه شخص أخر كاايجري فاتجاهو المعاكس ولابس كاسكيط..كمل طريقو بدون مايعيرو اهتمام حتى ضربو بقوة لكتفوو..تلفت دياب وهو ناوي على خزييت وزااد تعصب أكثر فاش شافو..شكون من غيرو أمير الإستفزااز وملك الجليد أسامة 

تقاابلو مع بعضهوم وهوما كايشوفو فبعضهوم بغضب وكره شديدين

-دياب:ماكاتشووفش؟

-أسامة:كايبانلي نتا اللي ماكاتشووفش ودرتي راسك ماعارفنيش ولا يااكماا خفتي

ضحك دياب باستهزاء وقال

-دياب:أناا..نخااف..ومن شكون؟منك نتااا!..غااتعتادر داباا حيث ضربتيني وأناا غانكمل طريقي بحال اللي مااشفتش كماارتك

-أسامة:نعتااذر؟..علاش أنا شنو درت؟

دور دياب راسو فالمكاان وكان فاارغ باستثناء بعض المارة القلال..عض فشفتو السفلى وقال

-دياب:ااه بصاح شنو درتي؟..(غمزو وقال)أجي معاياا للرملة لتحت..ونوريك شنو درتي

عوج أسامة فمو وقال

-أسامة:هووو حمستيني..يالااه

🌼🌼بعدماا دخلو للشااطئ..

وقف أسامة..تلفت وعاد كان غايتكلم حتى جاتو ضربة قوية لوجهوو خلاتو يرجع بقوة للوراء ويرتااطم مع الرماال..

-أسامة:أهااه كاتغدر أسي دياب

حيد دياب تيشوورتو وبقى عريان من الفووق..ولاحو بجاانب المحفظة واللي فيها ألبان..مخرج راسو ومكتافي بالمشاهدة..أكيد غايكون تعود على هاد المناظر..ماهو دياب فكل مرة لازم ينوض الصدااع..

هبط لعندوو بسرعة وقال وعينيه حمرااوتين وكأنو ماشي هو اللي خرج من الدار نشطاان وابتسامتو ترى من بعييد

-دياب:ها أنا داباا قداامك شنو غاادير؟(شدوو فوجهوو بقوة وقال)خااصك تعرف أنوو الشماايت بحالك كاايموتو بالحكرة..الرجاال هوما اللي كايموتو مغدوورين والضربة كاتجيهوم من ورااء ظهرهووم ونتاا الرجلة بعييدة علييك ألساط

-أسامة:خلينا ليك الرجلة طفرتيها نتا اللي هربات ليك المراا فصبااحهاا

ضربو من جديد بقوة وهاد المرة مابقاش ساكت وضربو هو الآخر..وهاهوما ذي فعرااك قوي..وقفو بجوج وهوما كولهوم رمال..وعليهوم بعض الجرووح فجوانب فمهووم..شاف فيه أسامة بغيض وهو كايمسح الدم وقال

-أسامة:هاداا جهدك أز***

قرب ليه بنظراات مستفزة وقاال

-دياب:وااش عند باالك مااسبيتكش فأخر مرة حيث خاايف منك..من مبادئي ماكانسبش الفتياااات..سول ختك اللي واخاا عصبااتني مااسبيتهااش

تعصب أساامة وقرب ليه حتى تلاصقو أنوفهووم..اييه أكيد لو كان تكلم ليك عل ختو قبل ماكانش غايتحرك فيه ولو شعرة..ولكن الآن هوما راهووم تصاالحو..وعلاقتهوم الأخوية رجعات تقواات

-دياب:توشاك كلامي؟..تحركات فيك النفس أز**؟

ضحك أسامة وكأنو كايحاول يخبي توترو..ريم..ااه ريم..

-أسامة:شنو خباار ريماا؟بانت ولا باقي؟ولا ياكماا مااقدرتييش تشبعها..الا بغيتي أنا ممكن نرضيهاا؟

ضحك ليه دياب ضحكة فصفرة..حط يدو على كتافو وكأنو كايسوس ليه فحوايجو الشيء اللي خلا انتباه أسامة يتشتت..وأووب جاتو الدقة لأسفل فكو بركبة دياب خلاتو يرجع للوراء بقوة ويشد ففكوو وكأنو يحاول تسكين الألم الفظييع الذي يشعر به

غمزو وقال بصوت مستفز

-دياب:اواا هاناا جيتك من القدام باش تعرف رااسك شمااتة الحلقة القاادمة نضربوو ليك من اللور أز***

ضحك باستهزاء وحس بنفسو وكأنو انتصر عليه من جديد وقدر يسكت لسانو المستفز..وفنفس الوقت مارس هوايتو..الرياضة طبعاا

هز المحفظة اللي فيها ألبان وهز التيشورت بيد أخرى..وتخطااه وكأنو غير مرئي..وهو فنظرو كذلك..

ورجع كايجري ويبتاسم من جديد..الحياة جميلة لا تجعل حشرة تعكر صفو مزاجك!

🌼🌼فحديقة المنزل

-مروان:وااش تسطيييتي أريم..كيفااش ماغااتقوليهااش ليه..وااش بااغة تحمقينيي أعبااد الله

-ريم:شنووو بغييتيني نقووليه..عرووستك غااتمووت وبقى ليهااا وقت قصيير فهااد الدنيا..لو نتاا لا قدر الله جااات إلينا وقالتها ليك بشنو غااتحس هاا؟

-مروان:ديك السااعة أنا غانجرها من يدهاا ونديهاا تتعاالج فينماا كاان هاد العلااج..غيي قووليلياا علااش متشبتة بفكرة الموت

-ريم:حيييث هاداا قدر وأناا رااضية بيه..القدر ماايمكنش نوقفوو فوجهو وهاد الكلاام حتى واحد ماايقدر يمحيه من دمااغي لاا نتاا لا ديااب..حياتي كوولها وأنا كانحااول نوقف فوجه القدر والمكتوووب ومااقدرتش..ماامستااعدااش نغاار ويكونو أياامي الأخيرة مجرد تجربة فااشلة

شدها مرواان فوجههاا..شااف فيهاا بحنان وقال

-مروان:ختي رييم..نتي غااتشافااي كااين علااج 

-ريم:مروااان حتى أناا راني طبيبة وعاارفة العلااجاات اللي كااينين وعاارفة شحاال كاايتألم المرييض وكاايتألمو حتى النااس اللي داايرين بيه..بغيت أيامي الأخيرة ندوزهووم فرحااانة وبلاا مانزيد نآدي نااس أخريين..كفااية النااس اللي ماتوو وتآذااو..كفاااية

دخل دياااب مع البااب الخلفي للمنزل وحط ألباان فالأرض..وكمل طرييقو حتى لمح ريم ومرواان واقفين حداا بعضهووم وكايتكلموو مع بعضهووم..وبقى كاايشووف فيهووم وكيفاش مروان شد فوجه رييم..صغر عينو بشك وقرب بخطواات بطييئة من وراء الشجر وبطريقة سلسة وبدون أدنى صوت..ووقف وراء شجرة كاتبعد عليهوم بأمتار قليلة ومن هناا يقدر يسمع كلامهوم

-مروان:سمحيلياا أريم ولكن..أناا مانقدرش نسكت على موضووع بحاال هاداا..دياااب خااصو يعرف

بلاتي بلااتي هو شنو اللي خااصوو يعرف؟

شاافت فيه ريم بترجي وقالت

-ريم:الااا لاا عافااك أمرواان ماديرهااش..الله يخليليي ليك مااعز عليك مااتقولييهش..أناا ماانقدرش نقوووليه مانقدرش..حتى أنوو أصعب من أني نضحك فوجهو..نتظااهر بالفرح وقلبي عليه جمرة حااارقة وفكل ثاانية كااتزيد تحرق فياا بدون رحمة..وحتى أني نشوف فعينو ونكذب..الباارح فااش كنت فالمقبرة وبعدماة رجعت..تكلمناا مع بعضناا..هو قاالي كاايكره الكذب..الاا عرفني كااذبة عليه غاايولي يكرهني..والمووت أفضل لياا من أني نشووف بدل نظراات الحب نظراات كره من دياب..والله حتى المووت أفضل لياا..فهمني عافااك أمرواان

تنهد مرواان بقوة وقال

-مروان:وشنوو بغيتيني ندير نبقى سااكت حتى يقولولي باللي..

قاطعاتو ريم وقالت

-ريم:وااعدني أمرواان باللي ماغاتقوول والو..أنا غانلقى شي حل..عافااك وااعدني أخويااا باللي ماغاتقول والو لديااب عاافااك

صمت مرواان لثواني وهو كاايشووف فالدمووع على عيونها ثم قال

-مروان:كاانوااعدك..كاانوااعدك ماغاانقوول والو لا لديااب لا لغيرو..وكيف قلتي نتي غااتلقااي حل..بزز منك تلقاايه أرييم بزز منك

-ريم:ااه ااه غاانلقااه..نتا غي ماتخلفش وعدك لياا

ماتسنااتش يجاوبهاا وعنقااتو بقوة..واحتاضنهاا هو الأخر بقوة..حااس بحزن كبيير اتجااه هاد اليتييمة واللي مصاائب الدنيا والديين ملااحقينهاا..بااغي يدير شيحاجة على قبلهاا وماعاارفش شنوو..هااد المرة هي فااقدة الأمل كلياا..

طبطب على ظهرهاا بحناان..حناان الأخ والأب اللي مفتااقدااه..مرووان شخصية تتمنااها أي وحدة فيناا..أب وأخ وصديق وحب صاااادق..علاقة نقية بزاااف ولدتهاا الظرووف

طلع راسووو ولمح دياب جاي لجهتهووم وملامحو باردة..

-مروان:دياااب!

خرجاات ريم عينيهااا بخوف وسط حضن مرواان وشداات فقميصوو بقوة..هي غااتمشيي فيهاا الا كان سمع..بالله فالله غااتمشي فيهاا

خرجااات راسهاا من وسط حضنو ومسحاات دمعة اللي تسللات من عينيهاا..ابتااسمات وقالت

-ريم:دياب جيتي..

شااف فيهاا دياب ببرود وقال

-دياب:لا باقي فالطريق

ضحكاات ريم ببلاهة ورجحاات كلامو لمزااحو..هو هااكداا ماكاتعرفووش واش كايتكلم بجدية أولا غي ضااحك..

-ريم:هه من ايمتاا ونتا هنا؟

-دياب:عااد داباا جيت..ياكماا قاطعت شيحااجة

قرب ليه مروان وضرب على كتفو ثم قال

-مروان:شنو غااتقاطع حتى نتاا..تكلمناا على الباارح وتفكراات واليديها..وتأثراات ريم رااك عاارفها

شااف فيها دياب وكيفاش كاتفرك فيديها بتوتر وقال

-دياب:ااه عاارفها..عارفها

تنحنحاات ريم وقربات ليه وهي باغا تعنقو ووقفهاا بيدو الشي اللي خلااها توقف بصدمة..هو علاش دار هاكدا..وياك عااد هو اللي كان كاايقوليهاا مرااتي نبغييهاا تلقاالي بالحضن فين مشى هاد الكلام؟

-ريم:اا..دياب

شاف فيها دياب ببرود وقال

-دياب:عرقاان مايمكنش ليك تعنقيني أحياتي..

شاف فيهوم بجوج وقال

-دياب:كملوو كلامكووم..اعتاابروني مااقاطعتكوومش

وتمشى فاتجااه دااخل المنزل مخليهووم كاايشووفو فيه بصدمة

-مروان:مالوو؟

-ريم:أكيييد سمع كلاامناا..هو عرفني مريضة..شفتي تعاااملو معاياا..هو بداا كاايكرهني وغاايولي يتصرف معاياا ببرووود..مشييت فيها اهئ

-مروان:كوون عرف فنظرك غاايبقى سااكت..خوي بالك من هاد الأفكار

مر بجانب أموو واللي كاانت كاتحط الأطبااق على الطاولة بمساعدة لالة نزهة..وفالصالون المقاابل إليناا كااتنعس فمهدي وبجانبها باسل هااز تيليفونو وماكاينش فهاد العاالم..

-كريمة:ولدي جيتي..اا دياااب

مر بجانبهوم ومااتلفت لحتى واحد وحنى ماجااوبهاش فقط طلع مع الدرووج بخطواات سريعة

-كريمة:الله الله..هاداا مالو؟

تلفتاات كريمة كااتشووف فباسل واللي ماعارهومش أدنى انتبااه وفإلينا و لالة نزهة اللي كايشوفو فيها ببلااهة ومافاهمينش شنو قالت..تأففات بقوة وتمشات فاتجاه المطبخ حتى كاتلاقى بريم ومرواان

-كريمة:بنتي رييم..ديااب مالو باانلي معصب؟

-ريم:احم مااعرفتش أماما كريمة..ممكن يكوون وقعات ليه شي حااجة فبراا..وأصلاا باانتلي فييه جرحة ففموو

-كريمة:أكييد غاايكوون داابز مع شيوااحد..اخخ أديااب ايمتا غاادير عقلك..بنتي رييم سيري شووفي راجلك وجلسي معااه

-ريم:الاا أنا غانعااونك ونحطوو لغداا

-كريمة:الاا لاا غي سيريي عندوو..أصلاا عااد الصبااح باقي ماغااناكلووش الغداا غي غانوجدوو وصافي..

-ريم:هو..هو غاايكوون كاايدوش دابا حيث عااد لعب السبوور..شوية ونطلع عندوو هه

شافت فيها كريمة وقالت

-كريمة:اييه والله..

ودخلات للكوزينة مخلية ريم ومروان واقفين

-مروان:شنوو قالت؟

-ريم:قاالت ديااب معصب وقالت لياا طلعي عندوو

-مروان:اييه طلعي عندوو 

-ريم:لا لاا هو غااايقتلني..ولاا يلووحني من الشرجم..لا لاا أنا غانبقى هناا

-مروان:خاايفة منو لهااد الدرجة..وياااك كاتقولي ديااب متفهم وواعي..أكييد تصرفااتو ماشي عنييفة معااك ماعندك مناش تخاافي

عضاات ريم فأظافر أصابع يديها وقالت

-ريم:اييه هو متفهم ووااعي ولكن..ثيقني دياب شخصيتوو معقدة وماايمكنش تفهمهاا..وهااد البروود أكييد من مورااه إعصاار..أنا فاش كاندير شيحاجة ماعااجبااهش..هو..كاايخلعني حتى وهو مهدن..كاانتخاايل فااش غاايتعصب لحمي كاايتشوك..مرة وحدة تعصب علياا كنت غاانطلقها فسرواالي..لا لاا..أناا غانبقى حدااك..وو..باات معاناا اليووم ماباغاش نبقى أنا ويااه بجوووج بووحدناا..غايقتلني وحتى وااحد ماايصيق الخباار اهئ

-مروان:اييه غاانعس معاكووم فالسرير لاا؟..وليتي خواافة بزاااف أرييم..فيين ديك الزعاامة والشجااعة

-ريم:مشاات مشاات..تزوج نتاا بديااب وشووف واش غاتبقى زااعم..والله حتى يفضيهووم ليك

شااف فيها مرواان بنظراات بمعنى من نيتك..وقال

-مروان:زيدي زيدي نجلسوو بديتي كااتخرفي تااني..

-ريم:نتاا ماغاتخلينيش بووحدي أخوياا الحبيييب يااك؟

-مروان:زيديي قداامي..يالااه

🌼🌼جاالس فووق الفوطووي دغرفة النوم..لابس سورفييت رماادية..مخنزر وكاايشووف فشاشة الحاسوب أماامو واللي بجاانبو آلات كثيرة وخيووط أكثر..مصغر عينوو وكاايقرا فالكتاابة الصغيرة واللي كااتمر بسرعة كبيرة ودماغو هو الأخر كاايسجل..

دخل بااسل للغرفة ووقف أماامو كاايشووف فالكم دالخيوط اللي مالي المكان ثم قال

-باسل:الوااليد..عندي لييك وااحد البلاان..

قاطعو دياب وهو كاايشووف فيه بنظرات باردة ومطلع حوااجبو ثم قال

-دياب:غبر من قدامي..

مازادش بااسل كلمة أخرى وخرج بسرعة من غرفة بابااه..عاارفوو كيفاش كاايكوون فاش كاايتعصب..وعاارف نظرااتو الباردة تلك شنوو مخبية ورااءها من غيض كبيير..وعاارف أنو فأي لحظة ممكن ينفااجر وهو ماامستااعدش يكوون الضحية..ومن الأحسن لييه يهرب بجلدوو..جرب مرات يكمل فالحواار معاه وهو هااكدا وندم..عاارف بابااه عندو وجه أخر فااش كاايتعصب..وجه مختلف تماماا على الوجه اللي كاايكوون ضااحك معااه...وجه مخيييف بالنسبة ليه..

رجع ديااب مرة أخرى خداام فحااسوبو ..وعقلوو مرة مرة كاايفكر فريم..شنوو تكوون كااع مخبية علييه؟وعلااش هي خاايفااه يعرف لهااد الدرجة؟

صوناا تيليفونووو ولمح رقم سري..قلب عينوو وضحك باتستهزاء..شكون هاد الغبي اللي كاايصوني ليه برقم سري وعند بالو ماغايكشفووش..يمكن نسااو أنوو ديااب عاارف فالحوااسيب كثر مااهو عاارف نفسوو..أو يمكن نساا أنوو مهووس بكل ماهو إلكتروني وحتى وااحد ماايقدر يتفوق علييه فهاد الميداان..

فتح الجيب الجانبي للحقيبة وجبد منو خيط رقيق..وصلوو مع الحاسوب..ضغط على أزراار قليلة وبدون حتى مايشوف فيهوم..ماهوماا أصابعوو حافظين مكاان الأحرف..وضحك فور مااطلع ليه اسم المتحدث وصوورتو

قبل الإتصال ووضع سمااعة الهاتف على أذنوو وبقى صاامت وكاايسمع لكلااام المتحدث وعلى فموو ابتساامة

-دياب:مزياان..مزياان..ماابقاش قد مافاات

صمت لثواني وقال

-دياب:مابااقيش تصووني لياا حتى نصوني لييك أناا..هاكدا غانتيرو الشكوك..كييف كااتعرفي أناا فشهر العسل عييب نتكلم مع مراا من غيير مراتي..متافقة معايا أوردة؟

(ديديكااااس وردة❤)

دخلات ريم للغرفة ووقفات كااتشوف فيه..شاف فيه هو الأخر وقال

-دياب:مم أووكي بااي

قطع الإتصاال ولاح التيليفوون لبعييد ورجع كاايخدم فالحاسوب وهو متجااهلها

-ريم:معامن كنتي كاتكلم؟

شاف فيها دياب وقال

-دياب:علاش كاتسولي؟

-ريم:ماافهمتش سؤاالك..مامنحقييش نسول؟

-دياب:لا مامنحقكش..وماباقيش تدخلي لياا فحياتي..كيفما أنا ماكانسولكش فين كنتي ومعامن وشنو كنتو كاتقولو..ولاا عرفتي شنوو..ننساو أننا مزوجيين ونعيشوو بحال الأصدقااء وكل واحد يديير اللي بغاا مزيانة هادي؟

بقات ريم كاتشووف فيه للحظاات وكيفاش قلب عينوو ورجع خدام فالحاسوب..هي ارتاكبات معاه أخطاء بزااف طبيعيي يتقلق منهاا..اييه واخاا دياب شخص متفهم وماكايضغطش عليها بزااف ولكن خااصهاا تعرف تستغل هااد الحااجة..وكيف كايقولو لاكان حبيبك عسل ماتلعقوش كولو..

قربات ليه وجلسات على حاشية الفوطوي..حطات يدها على أكتافو وبدات كاتحرك فيهوم وكأنها كاتدير ليه ماسااج..قربات فمها حتى لحدا وذنو وقالت بهمس أنثوي

-ريم:حبيبي مقلق مني؟

لمستهاا كاتدير فيه حااالة..ولكن ماخاصوش ينسى شحاال من مرة تمساات رجوولتو بسبابهاا هي..أخر مرة كاانت فالصبااح مع أسامة!..تجااهل كلامها وبقى كايشووف فالكتابة على الشاشة وهو كايتظااهر بالتركيز..رغم أنو كان على العكس تفكيروو كولو فيها هي..

جمعات ريم ابتساامتها بانكساار وبعدات من عليه..وقفات وبقات كاتشووف فيه..دارت ومشات جلساات فوق السرير وهي كاتحاول تمنع دموعها من الخرووج..شخص بحال دياب..حركي وكثيير الكلاام فااش كاايغضب ويصمت كاايخلي بلاصتوو بزااف وكاتولي بااغيه غي ينطق..

تنفساات بقوة..على الأقل هو مااسمعش بمرضها وإلا كاان غاايتكلم عليه ولا يمعني فقط..

تذكرااات أغنية لرسووم متحركة فطفوولتها..أغنية من الأغاني اللي بقاو عاالقين فباالهاا..تنفساات بقوة..ابتااسمات وهي كاتشوف فيه وبدات كااتغني بصوتهاا الحنين والرقييق ..

"يا طيور النورس طيري..

طيري في الأفق البعيد..

كشراع أبيض اللون مع الفجر الوليد..

شاطئ حلو وأزرق..

موجه عال عنيد..

يمنع الأعداء عنا..لا يبالي بالوعيد..

هيا يا نوارسنا..هيا حلقي من جديد..

يا طيور النورس..طيري..طيري..في الأفق البعييد.."

نظراات جميلة اللي كااتربطهووم فهاد اللحظة..نظراات بألف معنى..عشق وحب أبدي..عنااد..عتااب..حزن وقلق..

-دياب:زوينة بزاف..

ابتاسمات ريم لأن غناءها عجبو وحتى أنو رجع تكلم معاها..وقالت

-ريم:شكرا..احمم كاتعرف هاد الأغنية

شااف فيها دياب للحظاات وقال

-دياب:ااه كانعرفها..شنو كاان سمية هااد المسلسل..الأمل!

ضحكاات ريم وقالت بحماس

-ريم:ههه اه اه الأمل..إذاا كنتي كااتفرج فيهووم

-دياب:اه..الواليد كان بغاني نتعلم للعربية..

-ريم:حااجة مزياانة بزااف..هو فكر ليك فالمستقبل..يمكن قاال ممكن تتزوج بعربية وتلقى مشكل

شااف فيها دياب بنصف ابتسامة وقال

-دياب:ااه..هو كان كايفكر فيا بزااف..بزااف

"كان كايفكر فياا لدرجة أنوو كان كايحااول يغتااصبني وأناا مازاال طفل صغيير"

هااكداا كان كاايقوول دياااب فنفسوو وهو كاايتفكر بعض اللقطاات من طفوولتوو..وحتى إدماانو على تلك القنااة..شنو كاان اسمها..ااه سباايستوون..تذكر نفسو وهو جالس أمام التلفاز وكاايتفرج فرسوومو واللي كانو مراات بالألماانية..مراات بالتركية..الإنجليزية..ومراات أخرى بالعربية

-ريم:هه بااقي عااقلة هااد الرسووم بالضبط..كاان ديك السااعة بالنسبة لياا عادي وبحاال أي حاااجة تفرجت فيها..ودابا عاد عرفت معنى النظرة اللي كانت كاتشوف بيها الأم لبنتهاا والمعاني اللي كااتحمل..هو من بين الأشياء اللي خلاتني نعشق النواارس

ابتاسم دياب وقال

-دياب:حتى أنا

-ريم:ههه شفتي هاحنا كتاشفنا نقطة مشتركة أخرى بيناتناا

-دياب:اه بصااح..ولكن نتي كاتخليني نشووف حتى نقط الإختلاف بأفعاالك أريم..

-ريم:دياااب..عافااك سمحلي ماابقيتش نعااود..غانولي ندير اللي قلتيلي عليه..عاارفة راسي كانتصرف بصبيانية..وخااصني نولي نتصرف كامرأة متزوجة وننقص من هااد الخصاايل اللي فياا..ولكن صبر معايا شوية أحبيبي

-دياب:فنظرك كون ماكنتش صاابر كنتي غاتلقايني حداك دابا..كنت غاانتكلم معااك ونعطيك وقتي..أناة صاابر أريم صاابر..ولكن كوني أكيدة صبري قلييل بزاااف ودغياا كاينفد..مااتضيعييهش كولوو فوقت وااحد وخلي ولو جزء صغيير منو للمستقبل..ممكن ينفعك فااش نعرف عليك شيحااجة..مثلا شيحااجة مخبياها علياا..شيحااجة مابااغاانيش نعرفهاا

شاافت فيه ريم بتوتر وقالت

-ريم:اا ماافهمتش..شنو اللي غانكون مخبية علييك؟

صغر دياب عينو بشك وهو كايقراا فملامح وجهها وحتى حركة يديهاا وقال

-دياب:حتى أنا ماعارفش..أنا عطيت غي مثاال..يعني باش تفهميني أكثر..ولكن علاش توترتي هاكداا؟

-ريم:اا لاا ماتوترتش غي باان ليك..احمم داباا نتاا..اا ساامحتيني على اللي درت

سد دياب الحااسوب وقال

-دياب:ساامحتك ألالة ساامحتك

وقفات ريم من بلاصتها وجرات لعندو بسرعة..عنقااتو بقوة وهي كااتضحك وتقبل فوجهوو

-ريم:موااح علييك..ماكااينش شي وااحد أحن منك أحبيبي..كاانبغييك قد الدنياا أناا..ماابقيتش غاانعاود نتصرف بلا خباارك أحيااتي

-دياب:وعد!؟

-ريم:وعد وعد

-دياب:هاحنا غانشوفو ألنعجة

🌼🌼وااقفة أمام باب الحماام وكاتسنى..

-ريم:إليناا..شوية داباا

فتحات إلينا باب الحمام بوجه شااحب وقالت

-إلينا:ااه ااه أنا بيخيير

-ريم:نعيط على مرواان؟

-إلينا:لا لاا ماكاين لاش..ماشي شيحاااجة..أصلاا هاد الأياام كاانسخف بزااف..و..خااطري كاتروع..وو ريحة معطر الجو ماعجبااتنيش

شاافت فيها ريم بشك وقالت

-إلينا:جااتك العادة الشهرية؟

صمتات إلينا للحظة وقالت

-إلينا:الاا باقي وقتهاا..علاش كاتسولي؟

-ريم:والو..نسااي

-إلينا:رييم قوليلي..مااتخلينيش هاكداا

-ريم:احمم أنا غي قلت ممكن تكووني..حااملة!

صمتات إلينا وهي كاتشوف فريم وانفاجرات ضاحكة

-إلينا:هههه نتي شنو كااتقولي..هههه لا لاا مايمكنش لياا نحمل..هاادي ماتكون غي المعدة وأصلااا ناكلت خالتي كريمة بنينة بزاااف وكثرت..أشمن حمل حتى نتي..ههههه ضحكتيني

-ريم:علاش حتى ضحكتك؟..ممكن بصااح تكوني حاملة

-إلينا:ههه ريم..كانحتاارم أنك طبييبة نااجحة ماشااء الله ولكن..أنا سنوااات وأنا غادة جااية عند أطبااء وطبيباات اختصااصيين وماربحت من موراهوم إلا خيبات الأمل..مااخليت حتى دوااا اللي قالولي ديريه كاانجربو..مايمكنش لياا نحمل..

-ريم:مم..أناا ماباغاش نعلقك بأمل زاائف ولكن..وجهك ونظرااتك..كاايفكروني بالنسااء الحاملات اللي صاادفت فحياتي المهنية..يمكن تقولي أني كانقدر نميز المرأة الحامل عن غيرها..حااسة بأنك فعلاا حاملة..

-إلينا:إحساسك خااطئ ألالة هادشي ماكاينش..مستحييل نحمل

-ريم:علااش حتى مستحييل؟كوولشي عند الله قرييب

-إلينا:أنا ماحاملااش أريم نسااي هاد الموضووع..غانمشي عند مهدي..

تمشاات إلينا فاتجااه الغرفة اللي ناعس فيها مهدي حتى وقفاتها ريم بصوتها الواثق

-ريم:طوول السنوات اللي درت فيه الطب وحتى الوقت اللي خدمت فيه إحسااسي ماخيبنيش أ إليناا..ومايمكنش نقوول كلام أنا ماامتأكدااش منو..نتي حااملة..وو إلا بغيتي تأكدي من كلامي..غداا ديري تيست..ولاا أنا نخرج نجيبوو لييك

تلفتاات لعندها إلينا بنظرات غاضبة وقالت وهي رافعة أصبعها السبابة

-إلينا:رييم لزمي حدووودك..مشااعري مااشي للعب..قلت ليك أنا ماحااملااش..واش غاانكذب كااع دوك الأطبااء اللي قالولي مستحييل تحملي ونثيقك نتي اللي عااد جدييدة فالميداان..ماتخلينيش نقول حاجة خاايبة فحقك أرييم

-ريم:ااه بصااح أناا جديدة فالميداان ولكن..عاارفة أنوو كاينين حالاات اللي واخاا كايبان أنو الحمل غير ممكن كايوقعو معجزاات وربي كااينعم على الزوجين بمولوود..نتي شنو غاتخسري الا جربتي..إحساسي عمروو كذبني وحتى دابا ماغايكدبنيش إن شااء الله..وغايتزااد عندكووم ولد ولا بنيتة..حاجة زوينة بزاااف..

شاافت فيها إلينا وتلفتاات بدون ماتجااوبهاا ودخلات للغرفة اللي فيها المهدي مخلياها واقفة لوحدهاا بجانب باب الحمام الكبيير للدار وكاتخااطب نفسهاا

علااااش إلينا هااكداا فااقدة الأمل كليااا..اييه واخاا يقولو الأطبااء غير ممكن لكن هوما كايبقاو مجرد نااس..وماتعطااهوم من العلم إلا القليل أمام الخالق سبحاانو..علاش هي وضعات كل ثقتهاا فعبااد ونساات الله؟هو اللي حتى حاجة مامستحييلة عندوو..ويقدر يغير الأقداار..هوما ربااو مهدي..ربااو طفل صغيير ويتيم..وممكن ربي يجاازيهوم على هااد العمل..لو أنهم ولدوو من قبل ماكانوش غاايربيو مهدي وماكانوش غاينقدووه من معانااة اليتم والوحدة..ربما هادي هي الحكمة من التأخير..ربي فاش كاايبتاليناا بالشداائد ماخااصش يبانليناا منهوم فقط الجانب الأسود..لأنوو أكييد من وراءهووم كااينة فرحة مخبية..فصبراا جميلا..

-ريم:حااملة..حااملة..متأكدة

طاع دياب من التحت وقف من وراءهاا وقال

-دياب:شكوون هي اللي حااملة..بلاتي بلاتي..نتي حااملة؟بصااح نتي حااملة..حبيبتي حاااملة..واااا حبيبتيي حاااام..

سداات ريم فموو بيديهااا لأنوو أكييد غاايغوت بجهد وغاايجمع عليهووم كل اللي فالمنزل..

-ريم:أويلي تسطيتيي أشمن حاملة..هاويليي عاد دااز على زواحنا يومين وقااليك حااملة.

جمع دياب فمو بأسف وقال

-دياب:بصااح..مايمكنش زعماا تحملي

-ريم:ههه حمق..وااش كااينة اللي كاتعرف راسها حاملة بعد يوومين..عاد المعلونة مااشي ضرووري تكون طبيب باش تعرفهاا

-دياب:اااه بصااح..أصلا عاارف..غي تلفت..

-ريم:هههه..حبيبي..نتاا باغيني نحمل زعماا؟

قرب ليها دياب وشدها من خصرها..شاف فعينيها وقال

-دياب:شنوو بان ليك؟..غي قوليلي شكوون هاداا اللي مايبغييش يكون عندوو ولد من المراا اللي كايبغي أنورستي الحلوة

ابتاسمات ريم لكلامو وعنقاات بقوة..للأسف هي ماتقدرش تحقق ليه أمنيتو..باس على راسها وهو مبتااسم ثم قال

-دياب:الا ماكنتيش نتي اللي حاملة إذا شكون؟

-ريم:إلينا المهم أنا هاكدا حااسة

-دياب:اواا الله يسهل عليهوم ويسهل عليناا حتى حنا

-ريم:أمين

حتى لو قاالت أمين الدعاء ددياب ماغايتحققش..هي ماغاتقدرش تولد ليه..

كاتآمن بالمعجزات قالت..وكاتقول أنو حتى حاجة مامستحيلة عند الله..إذا علاش رافضة العلاج؟

🌼🌼الصالون..

وقف من مكانو وتمشى فاتجاه باسل واللي كان هاز تيلفونو كعادتو..قاسو فكتفو حتى شاف فيه وغمزوو بمعنى تبعني..فهموو بسرعة وتبعوو للصالون الأخر وبدون مايلفت انتبااه اللي جالسين

-باسل:نعاام ألواليد

-دياب:مقلق مني حيث جريت عليك من بيتي؟

حرك باسل كتافو بعدم مبالاة وقال

-باسل:الاا عادي ألواليد..أصلا ماشي أول مرة تديرها كانعرفك فاش كاتكوون معصب وماكانتقلقش منك..علااش أنا بنت باش نحكر فهاد الأموور

-دياب:فهاد الأخيير وليتي حساس أكثر من البناات ومابقيت عارف كيف ندير معاك..(صمت لمدة وابتاسم وهو كايشووف فابنو الوسيم)بااسل ولدي نتا باغي تمشي مع جدااك؟الكلام اللي سمعت قبيلة فالصالون بصاح؟

-باسل:ااه بغيت نمشي معاها..

-دياب:ولكن..واش نتا ماباغيش تعيش معاناا..على قبل ريم..وياك نتوما تفاهمتوو؟

-باسل:لاا ماشي على قبلهااا داكشي نسيتوو..بغيت..نخليكوم بوحدكوم..هاكداا غي مثقل عليكوم..وزايدوون قرايتي فألماانياا

-دياب:شنو هاد الكلام كاتقول نتاا هاا؟قااليك شيحد شيحااجة قولي..شكوون قاليك نتا مثقل علينا كاين اللي كايثقل عليه ولدووو وكبدتوو؟

-باسل:الاا ماقالي حتى وااحد شي حاجة..راقلت ليك قراايتي فألماانياا..توحشت الأستاذاات أصااحبي فهمناا

ابتاسم دياب وهو كاايشوف فولدو بشك وقال

-دياب:أنا غانجيب ليك هاد الأستاذات لهناا..ولا ندخلك لشي مدرسة وماغاتلقاش مشكل فاللغة..وهاكداا غاتبقى معاناا

-باسل:الااا لاا ألواليد..رااك عاد عريس جدييد وخاصك تبقى مع عرووستك الرااس فالرااس أناا شنو غاندير بينااتكوم..ماابقى والو للسنة الظراسية تكمل وبقاولي غي شي امتحاناات اللي كنت غااندير وأجلنااهوم على قبل هااد الموضووع..ومن بعد أنا غااانبقى معاك فينما بغيتي تعييش تركياا..المغرب..ألماانياا..غاانبقى لااصقك كيف الجرااد ههه

عنقوو دياب بقوة وقال

-دياب:أحسن ابن فالدنيااا..كانفرح بزاااف اللي كاتفهمني و كااتفكر بحال شيوااحد كبير ونااضج..أنا مانقدرش نقوليك دابا فين غاانستااقر خيث أنا براسي ماعارفش..وحتى خدمتي باقي ماعرفتش شنو ندير فيهاا..يعني..خااصني وقت بااش نقرر وحتى نشووف ريم أشنو غاتقوول

-باسل:قرر وأناا معااكووم

زااد دخلو دياب أكثر فحضنوو وقال

-دياب:حبييب بابااه انتااا..سخيتي بياااا..هاد الأستاذاات دايرين فيك حااالة لهاد الدرجة هه

-باسل:وااطلق مني..وااطلق الواليد ونتاا وليتي حنيين كيف الدرياات حاارمااك مرااتك ألسااط؟

طلق منو دياب وشااف فيه بتخنزيرة

-دياب:لاا ضسرتي بزاااف..تقاادو الكتااااف ألخويينز..ولاا لقيتي باباك اللي يصبر على هباالك ويدير ليك اللي بغيتي صاافي ونتاا تضسر..اسم على مسمى ألباااسل

عوج باسل فمو..شاف فباباه باستفهام وقال

-باسل:ماماا زينب الله يرحمها فاش كانت سمااتني بهاد السمية عناات هااكداا؟

-دياب:لاا نتاا شنو كااتقوول..هي راها عناات الشجااعة حيث فاللغة العربية الباسل هو الشجااع..وهو اسم كاايتسمى عندهوم تماا فسورياا بزااف..شفتي أش قلت لييك وليتي حساس بزاااف فهااد الأخيير..واترجل أصااحبي

-باسل:بغيت نمشي لسوريا..

شااف فيه دياب وقلب عينو ثم قال

-دياب:زيد قداامي زييد

-باسل:ويااك نتا علمتيني السوورية اواا بغيت نمشي بلاد ماماا زينب..عافااك ألوااليد عافااك

-دياب:بااسل ماتعصبنييش تااني قبر مامااك راديما كانديك تزوورها حااجة أخرى مااتسناهاش مني..علااش حتى كانتكاالماا وكاتعصبوو ز*****

-باسل:تمام تماام..سمحلي مابقيتش نعااود نتكلم معاك فهاد الموضووع

-دياب:مزياان..أحسن ليك ماتكلمش فيه

🌼🌼

لاابسة قفيطين منزلي زوين وبجانبهاا لالة نزهة ..وفالفوطوي الأخر إليناا و كريمة وفاتي اللي عاد التاحقات بيهووم هي وزهرة فالفوطوي الأخر..

كااتفرك فأصاابعهاا بتوتر وهي كاتشووف فيهوم كيفاش كايتكلمووو مع بعضهوم وبقات هي لوحدهاا..

لااحظات ولدها أدلر بجانب باسل كايلعبو فتيلي وناضت لحداهوم

-فاتي:ولدي شنو كادير؟

-أدلر:ماما اللعبة اللي كنت قلت ليك كااينة عند بااسل وباباه شارجاها ليه بلا مايخلص عليها حتى دولار

-فاتي:بصااح..اوا حيث هو خدام فهادشي يعني غاايجيه سااهل

-باسل:الاا بغيتي فااش يجي هو و عمي مروان من براا نقوليه يشاارجيه ليك أصلا ماغايتعطلش غي 5 ددقاايق..(شاف ففاتي وقلب عينو ثم أكمل)الواليد واعر بزاف

مررات فاتي لسانها على فمها وقالت 

-فاتي:لاا حنا مامحتاجينش أنا غانشريها ليه من فلووس باباه

طلع باسل أكتافو وهبطهوم بعدم مبالاة وقال

-باسل:اللي بغيتوو

ورجعوو كايشوفو فالهاتف من جديد مخليينهاا مرة أخرى كاتلعب فأظافرها وتحل الحجاب اللي باقي ماوالفاتوش وكاتحس بنفسها مخنوقة فييه..بقات بوحدها!

شاافت فباسل من جديد وقالت

-فاتي:احمم ولدي باسل ممكن نسولك؟

طلع فيها باسل عينو وشاف فيها بتعجب..وقال

-باسل:ااه سولي

-فاتي:عااودلي على ماماك بغيت نعرف عليها أكثر

قلب باسل عينو وقال باستفزاز

-باسل:يمكن ماتت وهي كاتولدني؟..سولي الواليد ولا خايفاه يقمعك

شافت فيه فاتي بصدمة وقالت

-فاتي:علاش حتى غاايقمعني..علااش كااتكلم هاكداا هادي راها قلة تربية

-باسل:وأنك تدخلي رااسك فاللي ماسوقكش فيه ماشي قلة تربية

فتحات فاتي فمها عن حدو وهي كاتشوفوو كيفاش كايتكلم وكيفاش رجع كايشوف فالتيليفون وهو متجاهلهاا..كيفاش طفل صغير كايتكلم بهاد الطريقة وكولوو ثقة..وهي اللي ولدها باقي كاايعول عليها فأبسط الأموور ومفشش زيااادة عن اللزوم

-فاتي:قلييل التربية كيفاش كااتكلم مع اللي كبر منك بهاد الطرييقة..(ضحكت باستهزاء وقالت بصوت منخفض)هه شنوو غانتسنى من وااحد مااعندووش موو وعاايش مع واحد كييف دياب 

وقفات عليهاا ريم وهي مخنزرة وواضعة يدها على خصرها..والظااهر سمعات لكلاامهاا

-ريم:(بصراخ)نتي شنووو كاتقولي هاا؟وااش هاد الكلاام كاايتقال لدري صغييير؟

وقفات فاتي من مكانها بتوتر وقالت

-فاتي:اا علاش..أناا شنو قلت؟

قربات منها ريم بنظرات غااضبة وقالت

-ريم:ومازااال كاااتسولي شنو قلتي..نتي شنو دخلك فمامااه ولا بابااه..شووفي غي راسك وتربيتك ونتي كااع الفاام خليتيهووم يتكلموو عليك

عرفاات أنها سمعات كلاامها وقررات أنها تنكر

-فاتي:باغاا تلوحي علياا البااطل..أنا ماقلت والو على ماماه وبابااه أنا غي نصحتو حيث كاايرد الكلام واعتابرتوو ولدي

-ريم:ألالة ماااطلبك حتى وااحد تنصحييه نصييحتك خليهااا عندك..كوكاان الخووخ يداوي كون داواا راسو..وااش غي حييث عرضت علييك وماابغييتش نحسسك بأنك مرفووضة وقلت نعتاابرك من العائلة وننسى المااضي وباغاا تطلعيلي فوق رااسي..هزي ولدك وخرجيي علياا دابااااا..خرجي من داااااري

نقزات زهرة وقالت

-زهرة:أبنتي تهدني هي قاالت ماقاالتش ليه والوو..ومايمكنش ليهاا تتكلم على ماماه هي راه عاارفاهاا ميتة..بااسل..يااك أولدي هي ماقاالت والوو..

شااف فيها باسل بحقد وقال

-باسل:هي راهاا عيبات لياا ماماا زينب وعيباات الواالييد وماخلاات ماقاالت عليهووم

شاافت فيه فاتي بصدمة وقالت

-فاتي:أناا عيبت مامااك وباباك؟مااحشمتييش تكذب ونتاا كااتشووف فياا

-كريمة:ممكن تفهمووني شنوو وااقع هنااا؟

شافو فيها كلهووم وقلبو عينيهوم من جديد..ريم اللي يمكن تفهمها خاارج التغطية وعندهاا شغل أخر

-ريم:حناا ألالة مربيينووو يكذب نتيي شنوو دخلك..وااش عيطناليك تدوزي معاناا وقيتي وتمشي تت..تمشي فحاالك لداارك وحلياا باغاا تربي فالناااس؟

-لالة نزهة:بنتي رييم نعلي الشييطاان

جاوبات ريم وهي مازالت كاتشوف ففاتي بنظرات غاضبة

-ريم:الشيطاان هو بنااادم أمااماا نزهة

قربات ليها إليناا وهي نااسية المشكل اللي وقع بينهووم حول حملها..وقالت

-إلينا:رييم ماكاين لاش تكبرو الموضوووع صافي كاالم؟

-ريم:قاااليك كبرهاا تصغاار..واليووم أنا غانفرقع هااد الرماانة..وااش غي شفتووني رجعت للمغرب ومعولة نبدا صفحة جدييدة وننسى المااضي وساامحتكووم على كااع اللي درتوو صاافي قلتو هاادي حماارة..أناا راني رييييم رييييم..رييم اللي الرجاال بشلااغمهووم كاانحك زناافرهووم مع الأرض هااااكداا(كااتوصف بيديهاا)

-كريمة:وااش ماغاتفهموونيش شنوو واااقع؟

شاافو فيها من جدييد وقلبو عينيهوم مرة أخرى متجاهلين سؤالها

-فاتي:ولدي أدلر يالااه نمشيو فحاالناا بانلي ماامرغووبش فيناا

-ريم:اواا الحمد لله اللي فهمتيها..يالااه تدردبي من قداامي..خاالتي زهرة الاا بغيتي تبقااي مرحباا بيك وعلى راسي وعيني بغيتي تتبعي بنتك تبعيهاا حتى هي على راسي وعيني

شاافت فيهوم زهرة كولهووم وعي تلفاانة وفبنتها اللي وااقفة وكاتدوز الإتصال لأشقر وماكايردش عليهاا..وهزات صااكهاا..

وقفات ريم وهي كااتنفس بقوة من شدة غضبها وبجاانبهاا باسل واللي شد فيديهاا بقوة وفجهتها الأخرى إلينا ولالة زهرة واللي متبعين الأحدااث..وكريمة اللي فقدات الأمل فالفهم وحلساات على الفوطوي

لا لاا لاا..كولوو إلا ديااب..هي رااهاا مشات فيها..هاادي هي اللخرة ليهاا

دخل دياب وهو كايلعب فسوارتوو ووراؤو مروان..لمح فاتي واللي كااتشوف فيه بخوف وماماها وولدها واللي حااولو يتخطااوه لكن وقفهوم فور مالمح ريم والبقية لحقو عليهووم

-دياب:شنوو واقع هناا؟

-فاتي:هاا والوو..ب..بسلاامة عليكووم..

وعاد كانت غاتخطاه من جديد حتى تسمع صوت بااسل المرتفع

-باسل:هي راهاا عيبااتك وعيباات ماما زينب الله يرحمهاا ومامااا ريم خااصماات عليهاا..

شااف فيه دياب وهو مصغر عينوو..وكيفاش كاايدور فعينوو..دور عينو كايشوف فريم ولقاهاا كاتشووف ففاتي بتوعد..

-دياب:هادشي بصااح؟

تسنى الجوااب على سؤالو لثوااني معدوداات حتى نطقات ريم بصوت مرتعش

-ريم:ااه بصااح..ضايفتهاا فداارناا وهي شنو جازااتنا..عييب

تلفت دياب لعند فااتي واللي حتى بغاات تسلت وقاال بابتسامة برييئة

-دياب:فااطمة الزهراء..دقيقة من وقتك أختي نتكلموو على انفرااد..

بلعات فاتي ريقها بتوتر وقالت

-فاتي:اا واخا أخويا دياب..أصلا هادا مجرد سووء تفااهم

-دياب:نحلووه(بغمزة)ها أنا سبقتك للجردة أمرات خوياا العزيز

كان واقف فمكاان مخفي فالحديقة وملامحو غاضبة..وقفات بجانبو وهي مهبطة راسها للأسفل بخوف وحتى خجلانة من نفسها..

-فاتي:ديااب..أناا

قاطعها دياب وقال بصوت غاضب

-دياب : غي قوليلياا نتي علاش كاتقلبي هاا وااش عظاامك كايااكلووك؟صاافي غي سكت لييك قلتي هادا ضريف وغاايبقى سااكت..ولدي ومرااتي خط احمر واللي تعداهووم غايشوف وجهي الاخر..وماكااين لااش نوصفوو ليك حييث رااك عاارفة..(شد وجهها وقال)وااش هااد الوجه ماكاايعيااش ..كااع هاد الزواق اللي دار ليك اشقر مااعطااش نتييجة؟؟

شاافت فيه بملامح حزينة وقالت

-فاتي :علاش كاتقولي هاكدا انا راني مادرت واالو؟؟علاش نتوماا ديماا ظالميني؟؟

ضحك دياب باستهزاء وقال

-دياب : الله الله ومازااال كاتسولي..حناا ماكاانظلموووكش ا فاتي نتي اللي كاتظلمي رااسك وتظلميناا معاك هاانتي والدلييل واخاا كاع اللي قلتي لولدي باقي كانتكلم معاك بشكل متحضر..كاااينة شي حااجة كثر من هاادي

-فاتي : ديااب عافااك خليني نمشي..بغيت نمشي لدااري..ماابقيتش باغة نبقى هناا اهئ

-دياب : شش مااتبكييش..الاا دااز شي وااحد حداناا غاايصحاابليه اناا بكييت فااتي الغزالة مراات خويا العزيز..هااكداا غانبان شخص سيء ترضااي ليا هاكدا هاا؟؟

-فاتي :عافااك طلق مني اهئ بغيت نمشي فحالي..اهئ اهئ

-دياب : جيتي لدااري كضيفة وقلتي كلام لولدي الصغيير واللي ممكن يضروو فنفسيتوو وعصبتيلي مرااتي وباغاا تمشي بلا عقااب؟؟لاا ماايمكنش

-فاتي : اناا ماقصدتش دااك الكلاام..واااش فنظرك انا نقدر نقوول هاكداا لولد صغيير؟؟

-دياب : ااه تقدري..اختااري عقاابك بااش نطبقو ودييك السااعة سيري فحاالك

بقا كايشووف فيها كيفااش متوترة وكاتقااد فشاالها..ضحك باستهزااء وقاال

-دياب : فااتي والحجاااب ههه صاافي بااغا تتوبي

طلعاات فيه فاتي عينيها وقالت

-فاتي :ااه اناا باغاا نتغير..وااش فنظرك وحدة فاايقة فالصبااح ونااوية تتغير للاحسن غااتصرف مع ولد صغيير هااكدااك

دفعها دياب على الحيط وقرب ليها حتى التاصقو اجسادهوم..ضحك بخبث وقال

-دياب :على هااد الحسااب مايمكنش نعااقبك بالطرييقة اللي بااغي..تقلقت بزااف

سدات فاتي عينيها بتوتر وهي كااتشعر بيديييه كاايضغطو على خصرها بقوة وطاالعين..ودفعاتو من عليها بقوة

-فاتي : نتا شنوو كاااتدير اناا راني مراات صااحبك واللي كاتقووليه خووك..نتا مزوج..وحناا بجووج بولاادناا

شااف فيها دياب وعلى فمو ابتسامة انتصار وقال

-دياب : اوااا مزياان مني عاارفة هااد المعلوومة بعدا..كوون كنت طلبت منك هااد الطلب قبل مااتقرري التغيير مثلاا الباارح..كنتي غااتقبلي يااك افاتي؟؟

شاافت فيه فاتي بنظراات غااضبة وقالت

-فتي : نتا رااك كاتحتااقرني بهااكداا وبلاصة مااتشجعني وتقولي مزياان اللي كااتديري شووف شنو كاتقوويااا

حك دياب لحيتوو وقال

-دياب : اييه واخاا..اناا غانساامحك على اللي درتي فدااري لدااخل ومااغاانزييدش نتكلم معااك اكثر وغاانخلييك تمشي فحاالك لداارك ولكن..كاانحدرك تدووري بيا ولاا بمراتي ولاا ولدي..عطييتك فرصة ونتي مااستاغليتيهاااش..ومن بعد اليوووم تديري غلط وااحد اناا غاانفضحك مع رااجلك الحبييب وغانقولييه على اللي وقع بينااتنااا من هادي سنوااات وبلاا مااتقوليلي حتى نتاا غاتنهي زوااجك ودااك الكلام الخااوي حييث ببسااطة اناا فديك الوقت مااكنتش كاانعرف ريم فدييك الوقت يعني ماغااتسمااش خياانة..ردي الباال لحركااتك

طوول كلاموو وهي وااقفة وكااتسمع ليه ويديها كايترتعدو بالخوف..هي ماكاانتش عندها النية ابدااا فانهاا تنوض مشكل على العكس كاانت باغة توطد علاقتها مع رييم وتنسى المااضي وتبداا صفحة جدييدة..وحدث من ورااء حدث حتى ولات داباا امام ديااب مستحملة حركااتو واللي عارفاهوم لغرض وااحد هو استفزازها وحتى لتهديداتو..طيش المرااهقة وغلط وقع فالمااضي مازاال ملاحقها حتى وهي مزوجة..اشقر الا عرف ممكن يقتلها او حتى يااخد منها ولدهاا ويمشي..وفبعدهوم هي مااتقدرش تعييش ..اشقر وادلر هوما حيااتهاا

طلعات راسها وهبطاتوو بطااعة ثم قالت

-فاتي :ثيقني حتى مشكل ماغاايوقع كاانوااعدك

-دياب:اييه كاانتمنى..الاا كنتي بصااح باغاا تتغيري ديهاا فراجلك وولدك وكووني زوجة وأم صاالحة ونسااي علياا داك الحمااق رااك دوزتي كثر من حقك

طلعات فاتي راسها وهبطاتو مرة اخرى وقالت

-فاتي:ااا وااخا..واخاا..

🌼🌼فالمسااء..

لاابسة بيجاامة بيتية خفييفة وجاالسة فالباالكوون..كاتقراا فكتااب طبي وتلعب فشعرهاا الطويل والمنسدل على أكتافها..

ابتاااسمااتفور ماااتسللات لأنفها رائحتو الرجوولية والفريدة من نوعهاا تماماا بحالو..وتظااهرات بعدم ملاحظتوو..

قرب وهبط لمستواها ثم بااس عنقها بخفة..

-ريم:هااء جيتي مااحسيتش بيك

جلس بجانبها وهو مفرق رجليه ..قااس أنفها بأصبعو وقال

-دياب:ممثلة فااشلة

ابتااسماات بخجل بعدماا عرفاات راسها تفضحاات وقالت

-ريم:صاافي مشاااو..

-دياب:ااه بقيت معااهوم حتى كملوو الإجراءات

-دياب:سلموو عليك

-ريم:يسلم عليهووم الخيير..الله يوصلهوم على خيير

-دياب:أميين..هه طوول الوقت وأناا فالمطاار ماابغااش يحبس مني الضحك جااتني هستييرية هههه

حطاات الكتااب على الطاولة وداارت كااتشووف فيه بتتبع

-ريم:علاااش ههه

-دياب:تفكرت فااش جيت للمغرب مع بااسل وتعرفت عليك..كنت هربت شوية دالكوكايين..احمم راك عاارفة كنت كاانتعااطى فديك الوقت..اواا وقدرت نهربهاا بمشقة الأنفس وكبهاا باسل فالطوااليط

-ريم:هههه نوو..وزعماا ياك نتا خدام مكافح هااد الأموور وكااديرهاا

-دياب:متنااقض ياااك ههه..اواا كولو فاطاار العمل...يعني..باااش نحس بشعوور المجرميين..وليت كاانحتااارمهوووم على عملهووم

-ريم:هههه الفقييه اللي تسنينا براكتو دخل للجامع ببلغتو..هي حتى أنا نمرض رااسي بااش نحس بشعووور المرضى

جمع دياب ابتساامتو..قرب ليها أكثر وهو كاايشوووف مبااشرة فعينيهاا وكاايلعب فخصلات شعرها

-دياب:شش مااتقوليش هااكداا..غاانمرض اذاا مرضتيي نتي أحيااتي

شاافت فيه ريم بابتسامة صغيرة وقالت

-ريم:كااع الناس كاايمرضوو..الاا قدر علييك الله تمرض مااعندك فيين تهرب

صمت دياب لمدة..شااف مباشرة فعينييها بنظراات مبهمة وقال

-دياب:رييم شنوو مخبية علياا نتي ومرواان ها؟..ساعاات وأنا كانحااول نااخد منو ولو معلوومة وماااقال والو..أستسلم..باغي نعرف منك

خرجات ريم عينيها بصدمة..إذاا هو سمع كلامهوم..ويحك ياريم شنوو دخلك فموضوع المرض

-ريم:اا والو..أنا شنو غاانخبي علييك..اا ماابقيناش غانخرجوو

دور دياب راسو وهو كايشوف فالسمااء اللي مزينة بالنجوم..ورجع شااف فريم..تنهد ثم قال

-دياب:رييم نتي شنو مخبية علياا..شنو اللي ماباغانيش نعرفو ومتحفظة علييه لهااد الدرجة وخاايفة نكرهك على قبلو؟..مااتعصبينييش أريم وقوليلي حييث صبري قرب ينفذ ثيقيني..يمكن أناا راجلك!قولي أحياتي..مااتخافيش أنا ماغانتعصبش عليك..هاادي!

هبطات ريم راسهاا للأسفل وسكتات..هي بشنو غااتجاوبو..ماعندها ماتقول من غير الصمت

"أحترق..وناري تحرقني وتحرقك أيضا..."

همساات بيها ريم بصوت خاافت وبالكااد قدرات تسمع نفسها..خسر سيفتو وقال

-دياب:Ne?(شنو)

طلعات ريم راسها وقالت

-ريم:اا والو..والو

تنهد دياب من جديد فور ماشافها هبطات راسها من جديد..طلعو ليها بيدو..شاف فيها بابتسامة كلها حب وحناان وكأنو كايحاول يهدئها ويخليها تبوح لييه..وقال بصوت خاافت وهو كايشووف فيها

-دياب:شكون أنا بالنسبة ليك؟

اخخ على سؤاال اخخخ..اخخ منك أديااب ومن دمااغك واللي شكون عرف الأفكار اللي كاتدور فيه..ابتاسمات ريم وقالت

-ريم:زوجي..حبيبي..حياتي..أنت من أستطيع النظر في عينيه بعمق شديد..أنت من عانيت الإشتياق بسببه..أنت النوم الذي نمته كل ليلة..أنت نورسي الشجاع..باختصاار..أنت بلائي الذي أحمد الله عليه

وعلى عكس توقعها هو مااقربش منها أكثر وحتى ماقبلهااش ونسى الموضووع بكلامها الجميل واللي عااد القاات عليه..على العكس بعد من عليها وربع يدو وبقى كاايشوف فيها وهو مصغر عينو..كاايشوف فحركاتها المتوترة وكونها ماقادراش تطلع عينيها فيه

-دياب:ومني أنا كيف كاتقولي..علاش مااباغاش تقوليليا هاد السر المهم اللي مخبية..حنا رااه وليناا واحد وماخاصنااش نخبيو على بعضنا..حنا..غانلعبو لعبة داباا..أنا غانعتارف ليك بوااحد السر مهم بزاااف من بعد ماانتي تقوليلي هااد السر..وثيقيني كلمة الرجاال..أناا..ماغاانتقلقش حيث مخبية علياا ولا كااذبة حيث حتى أناا محبي عليك حاجة مهمة بزااف وكااذب عليك..شنو بان ليك هاا؟

-ريم:نتا شنو مخبي علياا؟

سد دياب عينو بقوة وهو كايحاول يصبر نفسو وينعل الشيطاان..فتحهوم من جديد وقال

-دياب:غااتعرفي الاا اعتارفتي لياا داباا بشنو مخبية..من الأحسن تقولي أرييم ونسمع من فمك..عنداك يصحابك صعيب علياا نعرف لاا أبداا..أنا غي مابااغيش نسمع حااجة اللي مااتعحبنيش علييك من لساان شخص أخر..سمعت بزااف دالكلااام وتهاانيت بزااف وحتى رجولتي تخدشاات بسباب أفعالك..وعلى مابانلي هاد السر خطيير والا عرفتو من مصدر غيرك ممكن نثوور عليك..وياويلك مني ديك السااعة..ممكن ندير أي حاجة تطيح فبالك

شاافت فيه ريم بخوف وبداات كاتفرك فيديها بتوتر..حك لحيتوو وهو كايلعن نفسو من الداخل..وحتى لو بغاات تعتارف غاتكون تراجعاات دابا

شد فيديهاا بجوج وقبلهوم بقوة ثم قال

-دياب:الفضوول قااتلني..هاادي حياتي قولي

واخخخ هي مااتقدرش بالله فالله مااتقدرش..مااتقدرش تقوليك أن فرااقكوم على الأبواب وأنها غاتمشي بلا رجعة..ماعندهاش الشجاعة أبدا

بعدات يدها من على يديه..وقفات وخرجاات من البالكون مخليااه جالس بووحدو وتالف..وحتى دمااغو خدام وكايحلل..لاربما يكون نسى شي تفصيل..ربماا

جلسات على السرير وهي عااطيااه بالظهر..عارفااه كاايشووف فيها دابا..حاااسة بالخوف..والله خااائفة جدا..خاائفة ولا جرأة لديها

"هل الدنيا صعبة أم أني أنا الضعيفة؟"

همسات بيها ريم وهي كاتمنع دموعها من الخروج..

سداات مذكرتهاا بعدماا كتباات اللي كااتحس بيه..بعدماا بللات الأورااق بدمووعها وبكاات القلم نفسو..

حطاتها فالخزانة وقفلااتهاا بإحكاام..تلفتات كااتشووف فديااب وكيفااش مسند يدوو على حاشية البالكوون وصااامت..أكييد كايفكر..

التاافت ليهاا ولقاهاا واقفة كاتشووف فيه..تقدم لناحيتهاا ودارت بسرعة وخرجاات من الغرفة مخليااه وااقف لوحدوو وكاايتسااءل..هي علاش كااتهرب منو؟وشحاال قدهاا تهرب كااع هوما راهوم مزوجين!

هبطاات للأسفل وجلسااات فالصاالوون..كااتفرك يديهاا بتوتر وكااتشعر بجسمها كولو كاايرتااعش..هي شنوو غادير..شنووو؟

وهااهو الألم كاايزورها من جدييد بعدما عطاها مهلة صغييرة تفرح فيهاا..رجع يذكرهااا بواقعها المرير رغم أنها مانااسيااش..

شداات راسهاا بقوة ودخلااتو وسط الوسائد وهي ضااغطة عليه..عضاات على شفتهاا السفلى وهي كااتحااول تمنع الصرخة من الخرووج..ولكن للأسف مااقدرااتش تمنع صوت أنينهاا..أنيين اللي ماكايعبرش فقط على ألمهاا الجسدي وإنما حتى النفسي..

-ريم:اااه ياربي اااه..خوودني لعندك وريحني ياارب اهئ..ياا مقابر خديني..فالحيااة قد ماتت بداخلي..نفسي لم تعد تطيق نفسي..

توقف الألم وتوقف معاه أنينهاا وحتى دموعهاا..رجعات اعتاادلات فجلستها وأول حاجة لاحظاتها هي باقة الورد الأبيض اللي فوق الطاولة..طولات يدهاا وهزااتو..استنشقاات رائحتوو بقوة وعلى فمها ابتساامة صغيرة..حبيبهاا الرومنسي تذكرهاا بالورد..

هبط لعندهاا وتمشى بخطواات بطيئة..جلس حداهاا وقال بدون مايشووف فيها

-دياب:عجبك؟

ابتاسمات ريم وهي كاتمسح دموعهاا وقالت بصوت دامع

-ريم:ااه زوين بزااف..

تلفت لعندها دياب فور مااوصلااتو نبرة صوتهاا وقال

-دياب:رييم علاش كااتبكي..صاافي أنا ماغانضغطش علييك أكثر..صاافي برااكة من الدمووع ومن هااد الجو الكئيب..يالااه لبسي ونخرجوو ندورو شوية

-ريم:اا وااخاا..

وقفات من بلاصتها وحسات بدوار شديد..هاد الدوار اللي خلاهاا ترجع تجلس من جدييد..

شااف فيها دياب باستفهاام وهو حااط يدوو على ظهرهاا وقال

-دياب:ريم..حياتي مالك..بشنوو كاتحسي ؟؟

-ريم:اا لا لاا والو..أناا..أنا غانووض نلبس ونجي دابا..

وقفات من جديد وهاد المرة تمشاات بشوية وهي ساادة عينيهاا وكاتحاول تطرد هااد الدواار..مخلية دياب متبعهاا بعينووو..

أول حااجة طااحت فبالو اللحظة فااش دخل على مروان وريم فالمستشفى..وفااش خبااو عليه صور الأشعة..شنو زعماا؟

-دياب:وقفييي..

سمعات ريم لكلامو ووقفاات..وقف قدامها وقال

-دياب:هاد السر اللي مخبية عندوو علاقة بصحتك هااا؟

خرجاات ريم عينيها فييه بصدمة..مئاات اللعناات عليك وعلى دماااغك وذكااءك يا ديااب..

ماجااوبااتوش وقررات تهرب كالعاادة ولكن لاا..هو مايمكنش يخليهاا..

شدها من جديد فأكتااافهاا وقال

-دياب:ريييم..ديك المرة نتي ومروان ماكنتووش باغييني نشووف الصور دالأشعة..علااااش؟وااش هاد الموضووع عندو علاقة بهااد السر هاا؟..

شااافيها كيفااش هبطاات راسها للأسفل وبقاات صاامتة ..وحتى شعر بجسدها اللي كاايرتااعش بين يدوو..وماحسش بنفسوو حتى صرخ فوجههاا بقوة

-دياب:جااااااااوبي دييينمي..شنووو مخبية..شنوووووو

بداات ريم فالبكااء من جدييد وبقى هو مكتاافي بمشاااهدتهاا وصدروو كايطلع ويهبط من كثرة ماهو معصب..سد عينو لثوااني وهو كاايحااول يرجع هدوؤو..هااكدا هو غاايخوفهاا..

وفور مااغلق عينو تذكر الكلام اللي داار بينو وبين مرواان..شنوو كان كاايقول على صحتها..شيء أقرب للورم..ااه هو كاان قاال ورم..

فتح عينوو بسرعة وشاااف فيها وهو كاايحااول يطرد الأفكاار اللي جااوه فباالوو..شد وجهها بين يديه وقاال بصوت حنين

-دياب:حح..حبيبتي..حبيبتي شووفي فياا..هاادشي اللي فبالي ماشي بصااح يااك..شووفي فياا..شووفي..قوليليا بأنو هاادشي اللي كايدور فبالي كذووب..قوليلياا مااشي بصااح..قوليليااا مااشي بصااح..جااوبيني..علاش سااكتة؟

بقى كاايشووف فيها كيفااش زاادت فوثيرة البكااء وكيفااش كاتبكي بحرقة..حرك رااسو بالنفي وقرب كاايبووسهاا فكل أنحااء وجهها وهو كاايتمتم

-دياب:مااشي بصااح..لا لاا..مااشي بصااح..هادشي غي خراافاات..مااشي بصااح..

عنقااتو ريم بقوة وغرساات أظاافرهاا فعنقوو وقااالت

-ريم:اهئ اهئ...اااه بصااح بصاااح..أناا مريضة..عندي ورم خبييث فراسي..وقريب غانمووت اهئ..هااداا هو السر اللي عندي ومابغيتكش تعرفوو هو هادااا هو هادااااا اهئ اهئ..أنت هو نصفي..نتاا هو اللي كاانبغي وغاانبقى نبغي حتى للمماات..نتاا هو كل شيء بالنسبة ليا اهئ..شفتي القدر..هو غاايفرق طريقناا من جدييد اهئ اهئ..شنوو فيدناا مانديروو أحبيبي شنوو..حنااا قدرناا نبنيو عشناا ولكن جاات الريااح وطيرااتو..نورستك غاااتمووت وتخليك..هذا القدر الأسود كتب على جبيننا..نتمنى مااتنساانيش أبدااا..وتبقى ديماا تتذكرني ففرحك وحتى حزنك..نتمنى تبقى نصفي الثااني حتى للموت..حييث أناا اهئ..أناا ماانقدرش ننسااك ثيقني ماانقدرش..

بعدها دياب من حضنوو ورجع خطواات للوراء وهو كاايشووف فيهاا بصدمة ويحرك راسو بالنفي بجنوون..ماامصدقش اللي سمع بوذنييه..مامصدقش اللي خرج من فم حبيبتو ونطق بييه لسانها..

-دياب:لا لاا ماشي بصااح

-ريم:اهئ..حبيبي..هاادي هي الحقييقة..أنا غاانموت ونخلييك..غانمووت اهئ

خرجاات ضحكة من دياب وقال..

-دياب:ههه صافي سيري..ومنين ترحلي..خلي لياا حب نعييش بيه..سيرييي..عشت قبل وجوودك..وغاانعيش بعد رحييلك..مااتشغلييش باالك أبداا على قبلي..غاانكاافح العالم كولوو لوحدي..أصلاا أناا ديماا كانكاافح..وغاانكاافح حتى من بعدك..ماااتشغلييش باالك..يوما ما سأصل لاتفاق مع حياتي..

قربات منو ريم وزااد بعد أكثر..

-ريم:ديااب اهئ..الله يخلييك مااتدييرش هااكداا..اهئ الله يخلييك

-دياب:سيريي وخلي الحريق اللي شاعل فداخلي أنا غانطفييه بنفسي..سيرييي..أناا..أناا غاانعاالج ألم الحب لوحدي أناااا(ضرب صدروو بقوة)

-ريم:دياااب اهئ..اهئ..

-دياب:شنووو كااتسناااي ؟(بصرااخ)سيريييييييي

غلقاات ريم عينيهاا بخوف فور مااسمعاات صرااخو وشاافتو وهو فهااد الحاالة..كيفااش ولا كولو عرقاان وكاايترعد..كيفااش عضلاتوو تنفخوو وعروقوو برزوو..كيفاش عيونوو ولاو حمرااوتين وعليهووم لمعة..هل هي دموع؟

خرج من الصاالوون وتمشى بخطواات سريعة وهو كاايتنفس بقوة وماوقف حتى وصل للحديقة..وقف وهو كاايشووف فالسمااء السودااء كحيااتو بدوونهاا..هي علااش ماصاارحااتوش من الأول وقاالتهاا ليه..وااش هي كااظنو من الرجال اللي مني كاايمرضو زوجاتهوم كايجريو يقلبو على وحدة أخرى..عي لهاد الدرجة ماوااثقااش فيه..لهااد الدرجة مصغرة بقييمتوو..

-دياب:اعععععععععععع

صرخ بقوة وهو كاايضرب يدوو مع الحائط واللي كان ملمسوو خشن للأسف واللي جعلو يدييه يتخدشووو..صرخ حتى تسمع صوتوو فالمكاان كولووو..صرخة..ألم..صرخة وجع..صرخة كااتعبر على اللي كاايشعر بيه..صرخة كااتعبر المشااعر المتضااربة فيما بينهاا فداخلوو..

ماامستااعدش يعااود تجربتوو مرة أخرى..زينب مااتت..وتموت ريم حتى هي..محرد أنو يفكر فيها كااتخليه يجن جنوونوو..سنوااات وهوما بعااد على بعضهووم وحتى جمعاتهوم الصدفة وقدرو يحلوو مشاكلهوم فتركيا ويتخطااو كولشي ويحييو حبهووم..وحتى تزوجوو وعاااشو لحظاات اللي يتمناها أي وااحد..عااشو جسد واحد ورووح واحدة ويجي هاد المرض اللعين يفسد كوولشي ويااخدهاا من بين يدييه..علااش القدر غير عاادل علااش؟

وشحااال تصدم فنااس فحيااتو وشحاال فقد من نااس بغااهووم..وشحاال عاناااا وكاافح بااش يقدر يتخطى كااع تجاربو الفاشلة وبلاصة ماايحطمووه كايخليهوم يزيدووه قوة ودفعة لتحقييق أحلاموو..ولكن هو ماابقاش غاايقدر يصبر أكثر..إلا ريم..إلا حبيبتوو ونورستوو..واخخخخخ شحال كاايعيا وهو كاايحصي فالنااس اللي فاارقوه وغاادروو اخخخ..

طلع عينوو كايشوف فيها كيفاش كانت واقفة بجانب الباب وكااتشوفيه وهي كااتبكي..باافي يمشي عندهاا ويعنقهاا ولكن ماقاادرش!ماقاادرش يقرب ليهاا بالله فالله ماقاادرش..

هو حااس وكأنو الشوك عاالق فحلقوو..وكاايزيدوو يغرقوو..

بااغي يمشي لعندها..يشد فيديها بجووج..يشووف فعينيهاا ويفول ليهاا..أنو هادشي غاايزوول..وأنوو من الوااضح أنو الله كاايختاابرناا..أنناا بجووج غااندفنوو همومنا..بااغي ينااديها بصوت عاالي ويقوول يااا وردتي ونورسة عمري دخليي لرووحي..تماا غاتكووني محمية..بااغي يقوليها مااتخرجيييش حتى نمووت أناا..بااغي يقولهاا حنااا غاانسااو هاد الأيام وغاانوليو نضحكوو مني نتذكروهووم..بااغي يقبل خدوودهاا ويهمس فأذنها..أنظري إلى الربيع الذي ينتظرنا..باغي وباغي وبااغي ولكن ماقاادرش..

علاش؟لأنوو حااس بغصة فصدروو..هو..هو حااس بنفسو غاايبكي..دياب والبكااء أخيرا تجمعوو..بااغي يضرب ويكسر اللي حوالييه..

هي اذا مااتت هو رااغاايمووت من بعدهاا..ماغاايقدرش يبقى لوحدوو..

هبط راسو للأسفل وهو كايحااول يقمع دمووعوو ويمنعهوم من الخروج..عجيب أمرك يا دياب حتى فهاد اللحظاات كاااتحاول تمثل الصلاابة والقوة..

"يا قطعة من روحي تمسكي بيدي ولا تتركيني..يا حبيبتي أدعو الله دون أن أتكلم أن لا يجعلني أعيش بدونك..في غيابك سأعيش بدون أنفاس..وسأحترق بدون نار..فرحماك يا سارقة قلبي لاترحلي.."

*خربشاتي المتواضعة Imane Ajalat*

طلع راسو للسمااء واستنشق الهواء بقوة..تلفت شااف فيها مرة أخرى وداار خارح فاتجااه الباب وخرج ثم ركب فسيارتوو وسااق بسرعة مخليها متبعاه بعينيهاا وكااتبكي..واخخخ امتاا غايجفوو دمووعهاا..والله عيونهاا كاتطلب النجدة..

-ريم:مشى مشى اهئ..هو مشى وخلاني لوحدي..هو مابقااش كاايبغيني..مشى..نورسي مشى..

هاادشي علاش ماابغااتش تقوولهاا ليه..من هادشي هي كاانت متخوفة..شخصية دياب غير مفهوومة وتتوقع منو أي حااجة..أي حااجة..حتى رد فعلوو كاان من بين لااائحتهااا وتوقعااتها..

جلساات فعتبة البااب وبدات كاتشوف فالسماء المظلمة تماماا كحياتها بدونو..

🌼🌼فالصباح الباكر..

جاالسة فووق السرير بلبااسهاا الحجابي وكاتشووف للأمام وهي شااردة..

وأخيرا قدرات تفييق من سهوتهاا وأحلام الصبااح ووقفات من مكاانها وهي كاتمرر يديهاا على عيوونها وتمسح قطرات دموع قليلة..واللي ممكن تخصر ليها ماكيااجها..

هزات الورقة والقلم مرة أخرى...بعد المراات العدييدة اللي فشلات فيهووم ومااقدرااتش تكتب..شنوو غاتكتب؟هي برااسها ماعاارفاش..ممكن رساالة ودااع..

صرخات بقوة ولاحت القلم لبعييد..وكأنها كااتحملوو الذنب فأنها ماقاادرااش تكتب كلماات ودااع لحبيبها..ما ذنب القلم؟

كمشاات الورقة بين يديها بقوة ولاحتها هي الأخرى بعصبية..هزات صااكها واللي كانو فيه أشيااءها وتمشات فاتجاه البااب..

وقفات والقاات نظرة على غرفتهووم..سريرهووم اللي بااقي فرااشو مقااد واللي مااقدراتش تنعس علييه بدوونوو..

غلقاات باابو وهبطاات مع الدروووج..ووقفاات مرة أخرى فور مااشاافت الوروود اللي على الطااولة واللي ذبل منهوم البعض..قربااات ليهوم وجثاات على ركاابيها وبقاات كاتلمس فيهوم وعلى فمها ابتسامة صغيرة..شحاال زوين يتذكرك حبيبك بشيء رمزي بحاال الوروود..

غلقاات عينيهااا وبداات كاتذكر ليلة الباارحة بعدماا خلاهاا..كيفاااش فر منها النعااس وماقدرش النوم يزووورهاا أبداا..تذكراات نفسها وهي كااتشااهد صورهووم بجوووج..شااعلة موسيقى حزييينة وكااتبكي..كاانت خاالقة جو كئيب فالمنزل وهو كذلك بدوون دياب..ليلة الباارحة زادت تأكدااات أنهاا بدونووو وجهها مستحيل يضحك..أنوو بدوونوو المسااء مايمكنش يكوون صبااح..الباارح زاادت حساات بقييمتوو أكثر..حساات بغياابو..وكأنوو غماامة سودااء غيماات فوق المنزل وهو خاارجو..وعلاش مااتغيمش وشمس ضحكتووو غرباات..روحوو المرحة ونكتوو..وكلاموو الحلو واللي مستحييل تشبعي منو..وحتى مغامرااتو الكثيييرة وقصصوو الكوميدية..واخخخ لو كتب اللي عااشو حتماا مجلد كبيير ماغاايكفييهش..

خداات وردة من البااقة وحطااتها فصااكهاا ثم سداات عليهاا وخرجاات من الداار..غلقااات بااب المنزل ووقفاات كاتشووف فالحديقة وتعطيها حقهاا هي الأخرى..تذكراات لحظاات عرسهووم البسييط فيهاا وشحاال رقصو وغنااو وضحكوو مع بعضهوم..ولو وقعوو بعض المشااكل والمشاااحناات ولكن مرت ساالمة..وكولوو بفضل شخصيتوو القوية وقدرتوو فالتحكم فأعصاابو..

طلاات بشوية فجاانب البااب ولمحاات العسااس بعيد وجاالس على كرسي..تمشاات على أصاابع رجليها وخرجاات بشوية وبقات كاتمشى بسرعة بالمحادااة مع السوور حتى قدراات تبعد من تمااا..

طلاات على هااتفهاا وتأكداات من أنوو فعلاا مطفي..وإلاا هو غاايقدر يتتبعهاا أكييد..

-ريم:هااكداا هو ماغاايلقاانيش..ووااخاا يقلب تحت الأرض ماغاايعرفش فيين صدييت..اواا اذاا لقيتينيي وشم لياا فوج..هي

فتحاات فمها عن حدوو وهي كااتشوووف سيارتو واللي وقفات بسرعة عاالية فمساافة قرييبة ليهاا وحتى كان ممكن تسخف من الخوف من أنو يدخل فيهاا..

فتح باب السياارة اللي من جهتها..حيد نظارااتو الشمسية..شااف فيها وهو مطلع حواحبو وقال بنبرة آمرة

-دياب:طلعي..

حطات ريم يديها على قلبهاا وهي كااتسمع لنبضااتو القوية..بحركااتو هو غاايسكت ليها القلب ويقتلها قبل ماايديير الورم خدمتوو..

شاافت فيه بتخنزييرة وقالت

-ريم:لاا ماطاالعااش..سييير كمل نعاااسك فلبلااصة فااش كنتي..

عض دياب شفتو السفلى وبقى كايشوف فيها وهو كاايرمش فعينو وقال وعلى فمو ابتسامة صفراء

-دياب:طلعي..

هبطاات ريم حتى لمستوى النافذة ودخلات رااسها كاتشووف فيه وهي كااتعوج ففمها وقالت

-ريم:شنوو ياكما غاتبزز علياا نطلع..ماطاالعااش

طلع دياب يدوو وحتى كان غايصفعها وجمع يدوو..حك لحيتوو وهو كاايششوف فيها كيفااش غلقاات عينيها بخوف..تنهد وقال بصوت منخفض

-دياب:تووبة توووبة..كااتخااف وماكااتحشمش..أستغفر الله

فتحات ريم عينيهاا وشاافتو كيفااش كاايشووف فيهاا..وغيراات نظرااتهاا من الخوف للقوة مرة أخرى وقالت بصوت عالي

-ريم:كااتهز علياا يديييك..كاااتضرب هااادي هي الرجلة هااا؟(جمعاات ملامحهاا وكأنها غااتبكي)ولاا حيث شفتيني يتييمة ووحداانية قلتي ندير فيهاا مابغييت..غانبقى ندافع على حقوق النساء حتى لآخر نفس..ولا حيث شفتيني سكت وماقلتليكش شكون هادي معامن بتي الباارح وخليتي مراتك بوحدها كاتبكي كييف الحمقة ومااخفتيش يضربها شي جن اهئ..أنا غاندفع علييك دعوة وغانعاقبك حيث هزيتيي علياا يدييك

بقى ديااب كايشوف فيها بصدمة وهو حال فمو هي شنو كااتقول..قالت ضربها قالت..هو حتى ماالمسهااش

-دياب:هه الله الله..قالت ليك جن يضربهاا نتي الجن الاا شافك غاايهرب لاتلوحي علييه شي باطل..أنا راني راجلك وباغا تدخليني للحبس..أنا فين قستك؟

-ريم:الأعماال بالنيااات ونتا كنتي ناااوي تضربني..وأصلا أنا..أنا غانمشي فحالي ونتا رجع عند اللي كانت فحضنك البارح وغرقتي جسدها فالقبلات..(بصراخ)غانقتلهااااااااا

لا لاا أكييد الورم قضاا على ألفاايفها العصبية وأتلفهووم كولهوم..هادي شنو كااتقول؟؟

-ريم:أناا غانقتلهاا ونقتلك حتى نتاااا..غااانقتلكوووم..أصلا ماطاالعااش مااطاالعااش الله ينعل اللي يخلي بلااصتو زوينة..أصلاا شنووو كاتسحااب نفسك كااع..صاافي غي حييث نتا وسييم ورجوولي وصووتك زويين وعندك عضلاات وشووفااتك كاايأثروو فيا عند باالك رااك وااعر..نتا ماكااتخوفنييش وماغاادااش نطلع معااك...اععععععع

سد دياب أذنيه بيدييه..هادي حمااقت..علااش غوتااات هااكداا..وشنو هاد الحركاات اللي كااتدير..

تنفسااات بقوة وهي مبتااسمة..خرجات راسها من السياارة وقالت بصوت خاافت

-ريم:دابا يمكن ليك تكمل طرييقك..بسلاامة..

عااد بغىداا يتكلم حتى كايباان ليهاا خياالو..طل على انعكااسها فالمرآة الجاانبية وباانت ليه كيفاش كاتجري..مااشي وقت الضحك ولكن مااقدرش يبقى صاامت وماايضحكش على جريتها..

ديماراا الطونووبيل وداار بسرعة وتبعهاا..حتى قدر يشووفهاا وخفف السرعة حتى قدر يجااريهاا فسرعتها..

كااتشووفيه كيفااش سايق وكاايشووف فيها وعلى فمو ابتسااامة..وكأنو كاايقوليهااا الهرووب مايمكنش يفكك مني هااد النهاار..بقاتت كااتجري لمساافة طوييلة حتى حسااات بنفسها عياات..وقفاات وقاالت بصوت عاالي

-ريم:وقف..وقف..

وداكشي اللي كان..وقف دياب الطونوبيل وهو مربع يدو وبقاا كايشووف فيهاا كيفااش وااقفة وكااتنفس بقوة وعي شاادة فركااابيهاا..

داارت للجهة الأخرى وفتحاات البااب..جلساات فالكرسي الجانبي ليه وقااداات السمطة..كولوو تحت نظراات ديااب ليهاا..

هبطاات المرآة اللي كاتكوون فالأعلى حتى قاداات شاالهاا وراقباات ماكيااجها..تلفتاات شافت فدياب وقالت

-ريم:سيير عالله..

ضحك دياب ضحكة جاانبية وديمااراا ثم قال

-دياب:شفتي الريااضة كااتحل العقل..من الأول ديريهاا وبلا مااتعدبي رااسك أرووحي

ماجااوبااتووش ورجعاات كاتشووف وجهها فالمرآة..ضااف فيها وقال

-دياب:مسحي دااك الماكيااج راك كثرتي

-ريم:لاا مابغيتش هاكداا عاجبني

قلب دياب عينوو بعدم صبر..بقى لثوااني صاامت..ومسح وجهها بيدوووو حتى تخمج مااكيااجها كولوو..

-ريم:دياااااب..شنوو كاادير

شااف فيها دياب بابتساامة وقال

-دياب:داباا أحسن

بقاات ريم كاتأفف ورجعاات كاتقااد فيه من جدييد حتى قادااتو وهااد المرة أخف من قبل لأنهاا عارفااه أحمق وممكن يكب عليها الماا هاد المرة..

لحظة صمت..ماكاايتسمع إلاا أصوات السياراات على الطرييق..خطفاات فيه ريم الشووفة ورجعات دوراات وجهها للجهة الأخرى وسندات راسها على زجااج الناافذة وهي كااتفكر..

هو علااش كايتصرف بشكل طبيعي وكأنو ماشي هو اللي عااش داكشي كولوو ليلة الباارحة..وكأنو ماشي هو اللي جن جنونو فور مااعرف الخبر..مبتاااسم ومرة مرة كااايدندن وكأنوو كل شيء على ماايراام..يكوون ماعاارش لمرضهاا اهتماام؟أو ربماا عي بنفسهاا ماكاتهمووش وموتها كحيااتها بالنسبة لييه..علااش كاايتصرف هااكدا؟

تلفت لعندها وقال

-دياب:حيااتي..

فاقت ريم من سهوتها وقالت

-ريم:هاا..نعاام؟

-دياب:فطرتي؟..

-ريم:لا بااقي..ماعنديش شهية

ابتاسم دياب وقال

-دياب:حتى أنا..

صافي هاادشي اللي غاايقوول..هو..ماغاايقوليهاش علاش مافطرتييش ويوبخهاا وينصحها تعتاني بصحتها كالعادة..ممكن يكون كايقول فنفسو هي فكل الحالات غاتمووت ماكاين لاش النصاائح..

تنهداات بقوة وشاافت فالطريق ثم قاالت

-ريم:هاااء..هادي طريق داار مروان

شاف فيها دياب بنظرات مبهمة وقال

-مروان:ااه..غانديرو ليهوم زياارة مفاجئة..ومنها نضحكو شوية..

-ريم:ااه بصاح..نضحكوو..

خسرات ملامحها والتاافتاات مرة أخرى للجهة الأخرى..قال نضحكوو قال..بااقي عندو نفس للضحك ومراتو كاتعيش أيامها الأخييرة؟

🌼🌼

خرجاات من الحماام وهي كااتقفز بالفرح وفيديهاا التييست دالحمل

-إلينا:حاااملة..حاااملة هههه..مروااان أناا حااملة..والله حتى حااملة

عنقهاا ديااب وهو ماامصدقش..تتطلب منووو تقبل الخبر بعض الثوااني..وهزهاا بسرعة بين يدييه وبداا كايطيرهاا فاليماااء ويصرخ بصوت عاالي وهو كاايضحك

-مروان:الله..هههه الحمد لله الحمد لله..ماامصدقش..حناا غاايولي عندنااا ولد ولاا بنت..الحمد لله الحمد لله..

تسمع صوت صرااخ المهدي فالغرفة اللي حدااهووم..هبطها فالأرض وقاال

-مروان:أصلا حنا عندنا وااحد وغايتزااد الثااني وحتى الثالث

ضحكاات إلينا حتى صغاارو عيوونهاا وقالت

-إلينا:يتزاد هاداا ولاا هادي ونشووفو مع الآخر هه..بااقي مامصدقااش..إحساس ريم على حق

ابتاسم مروان وقال

-مروان:حبيبة خوها..أصلا إحساسها ديما على صح

تسمع صوت جرس البااب وقالت باستفهام

-إلينا:شكون يكوون جاا؟كاتسنى شيوااحد؟

-مروان:لاا ماكانتسنى حتى وااحد..سيري شووفي المهدي كاابغااش يسكت أناا غاانشووف شكون

-إلينا:ااه واخا

تمشااات لاتجااه غرفة المهدي وبقى هو متبعها وعلى عينو لمعة كاتعبر على فرحو..فاق من سهوتو وتمشى فاتجاه الباب يشوف شكون هاد الضيف اللي جا على الصباح!

فتح البااب وفتح فموو معااه فور ماشااف الضيوف..ريم وديااب!هوما شنو جاايين يديرو عندهووم..

شااف فدياب واللي معنق ريم من الجنب..وريم اللي مبتسمة هي الأخرى..ولكن ابتساامتها غير طبيعية..وحتى شوفاتها..هو عاارفهاا فكل حالااتها ماهوما سنوااات وهوما مع بعضهووم

-دياب:احمم..ياكما جينا فوقت غير مناسب

فاق مروان من سهوتو وقال

-مروان:هاا..لاا لاا أش كااتقول..دخلوو مرحبا بيكووم..

دخلوو بجووج..قرب ليه دياب وعلى فمو ابتساامة..حط يدو على كتفوو وضغط علييه بقوة حتى برزوو عروق يدييه وقال ومازاالت الابتسامة مرسومة على وجهو

-دياب:ماكاانتسنااوش ترحيبك..أصلا غانجيو بزز منك..

كمش مروان ملامحوو على إثر قبضة يد دياب وابتااسم هو الآخر..دياب ومن لا يعرفه..هادي طريقتوو فالضحك

-مروان:هه الله أودي..الدار دااركووم

طلق دياب من كتفوو وربت عليه وكأنو كاايسوس ليه فحوايجو وقال

-دياب:ااه بصااح..دارنا

تخطاااه ودخل للداار لدااخل وهو واضع يدو فجيابو و كاايتمشى مشيتوو اللي كااتعبر على شخصيتوو المتمردة والمتسلطة والقوية وحتى على اللامبالاة واللي ظااهرة عليه..ولكن واش هو فعلا غير مباالي أو أنو مجرد تمثيل؟

قربات ريم لمرواان وتساالموو بالوجه..وهمسات فوذنو

-ريم:خوياا..أنا تفضحت..هو عرفني شنو مخبية عليه وعرف أني مرييضة

شااف فيها مرواان بصدمة وقال

-مروان:بصاااح..نتي اللي قلتيها ليه؟

-ريم:لاا..هو قدر يستنتجهاا من عقلوو..وكاانظن هو بقى فيه الحاال حيث خبيت عليه حااجة بحال هادي

-مروان:ولكن..أنا جاني عاادي ماباينش مقلق منك..ياك عاد كان معنقك؟

-ريم:هنا فاش كااين المشكل أمرواان..تصرفااتو البااردة معاياا..كايتصرف بحال اللي حتى حاجة ماوااقعة..وصرااحة كاايخوفني وهو هااكداا

تنهد مروان وقال

-مروان:قلتهاا ليك أريم..قلت لييك قوليها ليه وماكااتسمعييش..استااهنتي بذكااؤو وعند باالك هو ماغايردش الباال لمرضك وتصرفااتك

عضاات ريم شفتها السفلى وقالت

-ريم:حط رااسك بلاصتي أمروان ماكانتش عندي الجرأة الكافية باش أنني نقوولها ليه..خربقنيي وماابقيت عاارفة فشنوو كايفكر..كاانحسو بحال شي علبة مظلمة ماكاتعرفش شنو مخبي فدااخلهاا

تنهد مرواان وطبطب على ظهرها ثم قال

-مروان:يكوون خيير..حناا غانتكلموو على هااد الموضووع وبزز منك تشاافااي خلينا من هاد الأفكاار السلبية اللي كايدورو فبالك

حركات ريم راسها بالنفي وقالت

-ريم:لا لاا..عافاك أمروان ماتدخلش..هو أصلا مابقااش تكلم على الورم..ونسى الموضووع..حااسة بنفسي ماكاانهمووش

خنزر فيها مروان وقال

-مروان:غي قووليلياا علاش وليتي كااتفكري بهاد الطريقة ووليتي سلبية لهااد الدرجة..أنا ماغاانتكلمش مع دياب لأنو أكيد غايكون واخد موقف من جهتي حيث خبيت علييه ولكن نبغييك تلقااي حل وتبدااي علااجك..الحااجة اللي متأكد منها فهادشي كاامل أنك مهمة بزااف عند دياب..نتي ماعاارفااش شنو دار على قبلك فااش اختافيتي

تنهداات ريم بقوة وهي كااتشووف فاتجااه الدااخل دالمنزل وقالت

-ريم:كييف قلتي..يكون خير..يالاااه ندخلو غاايكون حس بيناا كانتكلمو هناا بوحدنا

عنقها مروان من الجنب وقال

-مروان:مابااغاش تخلي رااجلك بوحدووو ههه..كووني قوية وبقااي صاامدة كيف مولف علييك..واخاا ألحووب؟

ابتاسمات ريم وعنقاتو هي الأخرى وقالت

-ريم:إن شااء الله..بلاتي نشعل تيليفوني طفيتو بلا فايدة

-مروان:أشمن فاايدة؟

-ريم:هاا؟والوو والوو..

دخلو للصالون ولقااو إلينا وديااب عاد كاايتسالموو..

-إلينا:مرواان ماقلتيليش دياب وريم غاايجييو

-مروان:علاش هوماا كايعلموو بعداا أنا باش غاانعرفهوم جاايين

-إلينا:شش..مروان حشوومة

ضرباتو ريم على صدرو وقالت

-ريم:الحقيير كاتقوولها فوجهناا..حنا جينا عند ختي إلينا ومهيدو مااجينااش عندك ههه

جلسوو مجمووعين..صمت دياب لمدة وقال

-دياب:ختي إلينا فينوو المهدي؟

-إلينا:رااه فبيتو..عااد عطيتو الرضااعة..نجيبو ليك؟

-دياب:لا لاا..أنا غانمشي عندو..بقاو نتوما وتكلمو على رااحتكوم..

وقف وعلى فمو ابتساامة..بقاا كاايتمشى ويشووف فالغرف حتى لقى غرفة المهدي ودخل لعندو..

سد باب الغرفة وتقدم لعندوو كاايشوف فيه ويضحك ليه..علااش مابغاش يبقى معاهوم؟لأنوو حس برااسو يقدر فأي لحظة ينووض يضرب مرواان ويقدرو يوصلو لأشيااء غير محموودة..عاارف شنو دار وشنو خبا عليه ومازال قادر يشوف فيه ويضحك!..من الأحسن ليه يبدل سااعة بأخرى ويبقى يتكلم مع المهدي..ممكن يفهمو..

-دياب:صااحبي..كيف دااير صافااا عليك؟..علاش ماباغيش تتكلم حتى نتا مقلق ؟..خلااوك بووحدك هناا..ماايبقااش فيك الحااال هانتاا غي قوولي شكوون قلقك وأناا نسلخوو..عموو دياب غايهرس لييه عظااموو..

حس باهتزااز فهاتفو وخرجو من جيبو بسرعة..وفور ماشااف الرقم جمع ضحكتوو..وقف من مكاانو..فتح الباب حتى شاف أنو حتى واحد ماوااقف حدا الباب..غلقو من جديد وأجاب على الإتصال

-دياب:ألووو..ياك قلت ليك ماتصونيش ليا..باغاني نتعصب عليك أوردة؟

-وردة:لاا لاا أخر حاجة نبغيها هي أنك تتعصب..

قلب دياب عينو وقال

-دياب:شنو باغاا؟

-وردة:احمم صيفط ليك شيحااجة فالبريد الإلكتروني دياالك

-دياب:بصااح..أنا غانشووف..شيحاجة أخرى؟

-وردة:اا لا صافي..اواا ماغاتسولش عليا واش بيخيير ولا لا..ماغاتسولش على ماماا

-دياب:كيف بقاات شوية؟

-وردة:ااه بفضلك هي بيخيير أديااب

-دياب:أنا غي سبب الفضل لله..سلميلي عليهاا..

-وردة:ااه واخاا..غاتفرح بزااف الا عرفاتك تكلمتي معايا

-دياب:ونتي صافا؟ماخااصكوم والو

-وردة:لاا ماخااصنا والو..خااصنا غي نتا صافي

حك دياب لحيتو وقال

-دياب:وردة..

-وردة:صاافي صاافي سمحلي..عارفااك مزوج وكااتبغي مراتك بزاااف

-دياب:ااه كانبغيهاا وكثر ماكااتصوري..وكيف قلت ليك مابااقيش تتااصلي بيا وكلامنا يبقى فالبريد الإلكتروني والا ماجاوبتكش عرفي مامسااليش وعندي مايداار..ردي البال أوردة ولا غانتقلق منك وأنا كانكون خاايب بزااف فاش كانتقلق

-وردة:ااه عندك الحق نتا فشهر العسل دياالك وأنا مبرزطااك..سمحلي بزااف غي خفت تكون وقعات ليك شيحااجة

-دياب:مااعندك مناش تخاافي ردي البال غيير لراسك ولمامااك هاكداا غانكون فرحاان..أصلا مابقى والو ويساالي هاادشي وأنا غانجي لعندكووم نشووفكووم..ماتعااوديش تصونيلياا أوردة ولا كانحلف ليك حتى نبلوكي ليك تيليفونك من هناا..هااكداا كاتثيري الشبهاات وأنا ماناقصش مشااكل

-وردة:أشمن مشااكل..مع مرااتك؟

تنهد دياب وقال

-دياب:وردة..وردة..ديري اللي قلت ليك علييه..بسلاامة

-وردة:اا..دياا

قطع عليهاا ديااب وتنهد بقوة..وردة من البناات الطمووحاات واللي أكبر طموحااتهوم أنهم يتزوجو شخص غني ووسييم ويعييشو حيااة الرفااهية ويكونو عندها خداماات وشيفوور..وبالنسبة ليا هااد فاارس الأحلام هو ديااب..هو اللي يقدر يحقق أحلامها وحتى كاايتصرف معاها بلطاافة هي عمرهاا تنسى خيروو وكيفاااش عااونها حتى استااقرات فتركيا فور ماعرفها مغربية وحتى خلص تكاليف علاج ماماها وحتى تكاليف دراستها ..صحييح هو مزوج وكاايتعامل معاها كأخ ولكن ممكن فيوم من الأيام يكوون زوجهاا وتقدر تحقق أحلامها الوردية..شنو كنا كانقولو على بطلنا..ااه هو خبييث نوعاا ما..هو استااغل تواحدها فتركيا وخلاها تخدمو فحاجة صغييورة

فتحات ريم الباب ولقاات متكي على حاشية سرير المهدي وكايتطالع على البريد الإلكتروني..وفور مااقرا اللي صيفطاات ليه ضحك ضحكة انتصاار..طلع راسو فيها وقال

-دياب:رييم؟

قربات ليه ريم وهي كاتشوف فيه بملامح باردة وقالت

-ريم:معاامن كنتي كاتكلم؟

-دياب:مع بااسل

-ريم:بصااح..هو عاد تكلم معايا أنا وقال باللي كايصوني ليك ورقمك مشغوول

-دياب:اا ااه كنت كانتكلم معاه فتيليفون الواليدة..رااك عارفة بااسل وفعاايلو..غااتكون غي لعبة من لعبو

-ريم:ااه..ممكن

ماخلاهاش تزيد تتكلم وخرج من الغرفة وهو مبتااسم مخليهاا كاتشووف فيه بشك..هو علاش كذب عليها..هي سمعاتوو كاايقوول اسم..وردة..إذاا علاش كاايكذب..وعلااش قاليهاا كان كايتكلم مع بااسل..يكوون كاايخوونهاا؟..وحتى مااحتاارمش مرضهاا وجراا بسرعة لعند وحدة أخرى..على الأقل يصبر حتى تمووت ويدفنهااا..

إذاا هااد وردة هي اللي خلاات نفسيتو ترجع كييف كاانت وأحسن ومااارجعش تكلم أبداا على الورم..

طلاات على المهدي..ابتاسمات ليه وقالت

-ريم:مهيدوو..قوول لخالتو رييم شنوو سمعتي..ديااب شنو كان كاايقول مع هااد وردة ولا شجرة..قااليها كانبغيك هاا؟..قالهاا قاالها اهئ..وااجاوبني علاش سااكت..حتى نتا مقلق بحاالي..

وقفات من حدااه..قادات ليه الرضااعة اللي طااحت ليه وخرجاات لعندهووم..لقاات دياب ومرواان كايتكلموو بهمس وفور ماشافوها التاازموو الصمت واعتادلو فجلستهووم..

جلساات هي الأخرى بجانبهووم وقالت

-ريم:علااش سكتوو شفتووو جن

شااف فيها مروان ودياب بجووج وحتى واحد ماجااوبهاا..وقف دياب من مكانو وقال وهو كاينادي إلينا

-دياب:إليناا كاين فااش نعااونك

جاوباتو إلينا هي الأخرى وقالت

-إلينا:لا لاا غي جلس أنا دابا نحط الفطور

شااف ديااب فريم ومروان..ضحك ببلاهة وقال بصوت عالي مرة أخرى

-دياب:أناا غانجي..واخاا نهز ليك غي كااس هجمنا عليكوم ومانعااونوكوومش عييب والله

ومشى فحاالو مخلي ريم ومرواان بجووج..قربات ريم لحدا مرواان وقالت بهمس

-ريم:بس..قوول شنو قاليك

شااف فيها مروان وقال

-مروان:أنا غانمشي نعاونهووم فالكوزينة

عااد وقف ورجعااتو مرة أخرى لمكاانو وقالت

-ريم:ماالهووم كاايبنييو فشنوو غاتعااونهوم

-مروان:واحاا نهز غي معلقة

شاافت فيه ريم بغضب وقالت

-ريم:مروان ماتعصبنيييش ..على شنوو كنتو كاتكلمو يااك عاد كنتي كااتقول هو معصب منك وماغاايكلمكش شنو تبدل؟

-مروان:حتى أنا مااعرفتش..هو تكلم معاياا عادي

-ريم:على شنوو تكلمتوو..على الورم

-مروان:نوو أجي متأكدة باللي هو فخباارو الورم؟

-ريم:تكلم ليك على هادي اللي كان معاها البارح..ماتجاوبش عارفاك غاتنكر..أصلاا نتوما الرجال معجونين من طينة وحدة

-مروان:أشنوو هااد الكلاام كااتقولي نتي؟

-ريم:اوااا شنو..على شنوو كنتو كااتكلمو؟

-مروان:هو عااد كان غاايتكلم معايا وجيتي نتي..

شافت فيه ريم وهي مصغرة عينيهاا..مروان وهي خاافظاااه..هو كايكذب عليهاا

-ريم:ااه واخاا..

ابتااسم مروان بأريحية..عنقهاا وقال

-مروان:ماال الحوب مقلق؟شكوون هادي علاش كنتي كااتكلمي؟

-ريم:والوو..نسى

-مروان:علاش غاانسى..ديااب بصاح كاايعرف شي وحدة أخرى؟

تنهداات ريم بقوة وقالت

-ريم:هاادشي اللي باانلي..هو كاايخونني

-مروان:مستحيييل..أنا عااد عرفت ديااب ولكن متأكد أنوو ماشي من داااك النووع..يمكن تصرفااتو دواحد نسونجي ولكن هو هااكدااك دااير وولف يتصرف بدييك الطريقة..هو كاايبغييك أريم شوفااتو لييك أكبر دليل..رااك غي كاتخرفي هاادشي مامنووش

-ريم:كاانتمنى..

جاا كل من دياب وإليناا محمليين بصحوون وهووماا كايضحكوو بقوة..شافت إلينا فريم وقالت

-إلينا:هههههه..نااري هاد دياب بزااف..شكوون فحاالك رااجلك ضحووكي ومااشي من النوع النكدي

شاافت ريم فديااب وشااف فيها هو الآخر بنظرات مبهمة وهو جامع ابتسامتو

-ريم:ااه بصااح..سعداتي بيه

-مروان:هايهاااي ومااحشمتييش كااتشكري فرااجل قداام رااجلك

-إلينا:هه ماايبقااش فييك الحاال نتاا راك الكل فالكل

غمز دياب ريم وقال

-دياب:أجي جلسي حدايا..

فهماات ريم كلامو وأنه مابغااهاش تبقى معنقة مروان..تنحنحاات من بلاصتها وتمشاات لجهتو..جلسو فكراساا حدا بعضهوم وجلس مروان وإلينا قدامهووم..وبدااو فالأكل وهوماا كاايضحكو..كل هاادشي وديااب مااطلقش فيد ريييم لا والأكثر كاايقبلهووم مرة مرة..يوكلهاا بيدوو ويبتااسم فوجهها..

تصرفاات اللي خلاتهاا تتوتر ماشي حيث ماامولفااش معااه هاكدا..ولكن فوسط هادشي اللي هوماا عايشيين وحتى هاد وردة اللي مااعرفاات منين خرجاات ليهااا حتى هي..

-دياب:حيااتي شبعتي..

-ريم:هاا..ااه برااكة علياا..

-إلينا:أناا بعداا فتحتووولي الشهية..طيووور الحب

ابتااسم دياب وهو كاايشووف فريم وقال بصوت رجولي

-دياب:طيور النورس

توتراات ريم من نظرااتو وصوتو وقالت

-ريم:اا عاادي تفتح لييك الشهية غاايكوون غي بسبااب الحمل

-إلينا:ااه ممكن..

تلفتات إلينا لعند مروان وقالت

-إلينا:حبيبي ماالك كاتشووف فديااب 

-مروان:هاا؟لاا غي سهيت وصااافي..أنال غانمشي نطل على المهدي خلينااه بووحدوو

وقف مروان من مكاانو وتمشى فاتجااه دياب..قاايو فظهرو بدون ماايثير الشبهاات ووماا ليه بعينييه بمعنى تبعني..

مسح دياب فموو بالمنديل اللي على الطاولة وقال

-دياب:أنا غاانمشي للحماام..عاارفكوم غاتكونو بااغيين تكلمو فموااضييع دالعيالاات..

-إلينا:هههه ااه..أصلا باغاا نسول ريم على شي أمور على الحمل 

-دياب:اييه وصلااتني الفكرة ههه..خودوو راحتكووم..ريم أنا غاانرجع ونمشييو فحالنا واخا؟

طلعاات ريم راسها ونزلااتو بمعنى ااه..ابتااسم ليهاا وهبط قبلهاا ففمهاا بخفة ومشى مخلييهاا خجلانة من الشيء اللي داار وحتى كااتفكر..يكوون مشى يتكلم مع هااد وردة؟

-إلينا:أيااايااااي الحب ودااكشيي ههه

ابتاسمات ليها ريم وهي متبعة دياب بعينيها..

-إلينا:كااتبغيه بزااف وماتقدريش تتخيلي حياتك بدونو

-ريم:ااه بصااح..بغيتو يبقى معايا ويكون ليا لوحدي حتى ربي يااخد روحي

-إلينا:حتى هو كاايبغييك بزاااف..أي وحدة غااتحسدك عليه

تنهدات ريم وقالت

-ريم:هنا فين كاين المشكل..نساايه علينا قوليلي فشنو باغا تسوليني؟

🌼🌼

دخل دياب لغرفة المهدي ولقى مرواان وااقف وواضع يدو فجيابو..غلق الباب ومشى وقف أماموو..كتلتين عضليتين كاايشوفو فبعضهووم..

-مروان:هاادشي اللي سمعت بصااح؟نتا كاتخون ريم؟

قلب دياب عينو وقال بتدمر

-دياب:هادشي اللي بقاا خااص

-مروان:ديااااب..ريم معزتهاا كبيرة بزااف عندي هي راهاا كثر من ختي..ومانبغيكش تآديها..مانصححكش تدير شيحااجة اللي ماتعجبهاش

خنزر فيه ديااب وقال

-دياب:مااامحتاجش ليك تقولياا شنوو ندير وأخر مرة تستعمل معايا أسلوب التهديد..كاانباان ليك شمااتة بااش نخوونها؟

-مروان:عاارفك رااجل ومااتديرهااش ولكن ريبم..هي راها شااكة فيك

-دياب:ااه عاارف..وماعنديش مشكل

-مروان:كاانحااول نفهمك ومااقادرش..

-دياب:ماشي مهم تفهم..كيف قلت ليك أنا عاارف شنو كاندير..وعاارف ريم عزييزة عليك لدرجة مخبي عليا أمر بحال هاداا على قبلهاا

-مروان:خوياا..ريم راسها قاصح وماخليت مادرت معاها

-دياب:عارف عاارف..خلينا من هاادشي..فينوو داكشي اللي قلت لييك..

-مروان:ماعندييش هناا أنا غانصييفطوو ليك..متأكد من قراارك؟

-دياب:ااه متأكد..

-مروان:ثاايق فقراراتك ولكن هاكدا غااتكون قسيتي عليها

-دياب:أنا شخص شرير شوية..وبغييت نعااقبهاا حييث خبااات عليا أمر بحال هادا..مامنحقييش؟

-مروان:دياااب وااش بعقلك..كااتفكر فالعقااب وهي فهااد الحاالة؟..غااتخليني نعااود ليها كولشي بفعاايلك اللي ماامفهووميينش

طبطب دياب على ظهرو..غمزو وقال

-دياب:ماتقدرش..أنا ماعنديش مشكل أني نكون الشرير فهاد القصة..طالما هادشي فصاالح مرااتي

-ريم:سمحووولينا على هااد المجية

-إلينا:أشكاااتقوولي داارناا من ديما وهي مفتووحة لييك ودابااا مفتوحة حتى لديااب

ابتااسم ليهاا دياب وهو وااضع يدو فجيووب سرواالو..شاف فمروان وغمزوو بدون مايثير الإنتباه..خرج يدو من جيبو وعنق ريم من الجنب ثم قال

-دياب:بااش تكوون فعلمكووم غاااتندموو على هااد الكلاام والصوااب اللي درتوو معايااا غااتوليو تجرييو علياا هههه

-مروان:هههه حاشااا..جييب معاك غيي ريم هي غااتحمييك..والا مااجبتيهااش ماتحااولش توصلناا هه

شااف دياب فريم وزير على كتفها ثم قال

-دياب:حناا غاانشوفووو..أنا غانجي لعندكووم بووحدي وبلاا هاد رييم اللي غااتحميني

شاافت فيه ريم وهي صاامتة وابتااسمات ابتسامة صفرااء..هو شنو يكون عنى بكلاموو؟

-دياب:الإخوان السلااام عليكوووم

-ريم:اا بسلاامة..وبوسوولي مهييدووو..ومبرووك مرة أخرى الحمل دياالك 

-إلينا:الله يبااارك فيك حبيبتي..العقووبة لييكوم

-ريم:اا إن شااء الله..بسلامة..

خرجوو من داار مروان وإليناا وهوما صامتين حتى واحد مااتكلم مع لااخر..بعد دياب من عليهاا وسبقهاا مخليهاا كاتمشى لوحدهاا..

ركبوو فالسياارة وديماا بسرعة وهو مخنزر..وكأنو ماشي هو اللي عااد كان كاايضحك..

بقااو غااديين فصمت ومرة مرة كااتخطف فييه الشووفة وتعض فأظاافرهاا بقلق..ماعجبهااش أبداا هاد الجو..هي بغاات ديااب ديال ديما..الضحووكي والنشيييط..

تنحنحاات بقوة وقالت

-ريم:شكوون هاد وردة؟

صمت دياب لثوااني..خفف السرعة ودار شاف فيها ثم قال بنبرة باردة

-دياب:فنظرك؟

عضاات ريم شفتها السفلى وقالت

-ريم:ديااب نتا كااتخوونني؟..لهااد الدرجة دغياا مليتي مني..ااه عاارفاااك مولف بالبناات من الأشكاال والأنواااع ولكن..لهاد الدرجة ماعاطنييش قييمة كزوجة..عااد عرفتي بقضية الورم وجريتي عند وحدة أخرى..ماتسنيتيش على الأقل حتى نمووت..

-دياب:ااه واخا سمحيلي..غانتسنااك حتى تمووتي مزيان دابا؟

تغرغرو عيوون ريم بالدمووع ولكن مابغااتش تبكي أمامو..لأول مرة كااتحااول تخفي مشااعرها أمام دياب..باختصاار حيث هي ماحاساش بدياب اللي جالس حداها حاسااه شخص آخر..يمكن ديااب هاكداا دااير وهي عاد لاحظات شخصيتو الحقيقية!

-ريم:وااااو

ماجااوبهاش دياب ورجع كاايشووف فالطرييق مخليهاا كاتحااول تمنع دمووعها من الخرووج وحتى شهقااتها..وهي كااتشوف فالطريق نطق

-دياب:وردة شاابة صغيرة فعمرها..يمكن 19 سنة..وهي مغربية بنت كازاا يمكن..يتييمة الأب وعاايشة هي وماماها وكاايتعاونوو على الزماان..هي كاتقراا ومرة مرة كاتعاونهاا وتخرج تخدم..حتى عرفاات باللي ماماها مريضة بالسرطاان..عاائلتهووم كاع نكروهوم ومابغااوش يعاونونوم..وحتى السبيطارات ردوهوم حيث ماعندهومش تغطية صحية وحتى لو خلصاات عليهاا احتمال كبير مايتمش العلاج ديالها..ماكاين لااش نشرح ليك راك عاارفة قطاع الصحة فالمغرب..بحثااث فالأنترنت ولقاات أنوو تركياا كاتهتم بمرضى السرطاان وحتى التكاليف رخيصة مقارنة بالمغرب خصوصا أنو العملة تما طاايحة..كانت متافقة مع شيوااحد وسيفطاتليه الفلوس بااش يلقى ليه السكن ولكن فااش وصلاات عرفاتو نصب عليها وخدا ليها فلوسها..فديك الوقت باقي عااقل..كنت عااد رجعت من أوكرانيا كان عندي تصويير وكنت درت حادث وتجرحت فكرشي..والوقت فااش مشيت للمستشفى كنت تلاقيتها وسمعتها كاتكلم بالداريجة صدفة..تكلمت معاها ولقيتها أصلا مهموومة وباغا لمن تشكي..صدقيني..هي فااش كانت كااتعاود لياا قصتهاا أنا كنت كاانتفكرك نتي..ماعرفتش علااش..قررت نعااونهاا فتكاليف العلاج وحتى دراستهاا وعاونها حتى قدراات تتعلم اللغة شوية..ودابا ماماها قربات تتعاالج كلياا..(صمت لمدة وقال)يمكن نبان ليك خبييث ولكن..أنا استاغليتها لوااحد الغرض وعلى قبلوو حنا كنا كانتكلموو مع بعضنا

-ريم:شنو هو هااد الغرض؟

-دياب:مانقدرش نقوليك..ماشي غي نتي اللي عندك أسراار ألالة ريم

صمتات ريم مرة أخرى ودورات راسهاا للجهة الأخرى ومسحاات الدمعة اللي تسللات ليها من عينيها..

دور دياب راسو وشاافها كيفاش كاتمسح دموعهاا..طلع يدوو حتى بغاا يقيسهاا ورجعها لبلاصتهاا وخنزر مرة أخرى.."مااشي وقتوو..ماشي وقت الحناان"هااكداا كان كايقوول دياب فنفسوو..

لحظة صمت مرة أخرى كسرااتها ريم 

-ريم:ديااب..وااش بصااح نتا كاتبغيني؟أناا..أنا كانحس بنفسي تسرعت بزاااف لأني تزوجت بييك..حاسااك شخص أخر

مااعجبوش كلامهاا أبداا..هي شنو كاتعني بسؤالها..هو ماشي غي كايبغيها هو راه كاايعشقها..قالت تسرعات فزواجها قالت..ولا ياكما كانت باغاه يصبر سنواات أخرى ويزيدهوم على السنوات اللي ضاعو وهوما بعااد على بعضهووم

-دياب:شش..سكتي..كاايضرني راسي

طفح الكيل..هو كاايشووف حاالتها كيفاش داايرة وعااد مازايدهاا بكلامو واستفزاازو ليها وحتى أجوبتو المتهربة..صرخاات بقوة وقالت

-ريم:علااش كاااتصرف معاياا هاااااكدااا هاا؟..علااش مرة كااتضحك معايا وتعنقني وحتى تبووسني ومرااات تتجاهلني علاش؟

وقف ديااب السيااارة بقوة فجاانب الطرييق حتى تسمع صوت قوي فالمكاان ولحسن الحظ كاانت الطريق فارغة نوعا ما وإلا كانوا دارو حاادثة سير..

حل حزاام السلاامة ودار كاايشووف فيهاا بكلاامح غااضبة وعيوون حمرااء..منظر اللي خوفهاا..

-دياب:ومازاااال كااتسولي شنو درتي..باااقي عندك الوجه تتقااابحي معاياا وتسولي على أموور تاافهة وشكوون هادي معامن كنتي كاتكلم وعلااش؟..مااحشمتييش؟..مخبية على رااجلك موضووع مهم بحال هاداا واللي على حد كلاامك نتي كااتبغيه وماتقدرييش تعيشي بلا بيه ومااعرفا شنوو..أنا قلت لييك شكون أنا ونتي بشنو جااوبتي؟كلاام شااعري ومعبر ولكن فنظري دااك الكلاام ماخارجش من قلبك..كنتي باغااني نسكت وتعااملتي معايا بحال شي بيبي صغيير..اعتاابرتيني كااامبوو ودرتيهاا بياا وأنا كيف الحماار كانثيق أي حااجة قلتيها ليا وواخاا شكيت ديك المرة فالمستشفى ماابحتش وسولت حييث ثاايق فييك وعارفك ماغاتكدبيش علياا..أنا شنو قلت ليك على الكذووب؟قلت لييك ماكانبغيش الكذووب..قلت لييك صاارحيني بأي حااجة كيفماا كانت ونتي شنو درتي..(بصراخ)شنووو درتييي؟

خبات ريم وجهها بيدييهاا وبداات كااتبكي بقوة..دور ديااب راسو للجهة الأخرى ولااحظ سيارة وااقفة وكااتشوف فيهوم..خنزر فالساائق حتى مشى وسد زجاااج السياارة..تلفت لعند ريم وحك لحيتوو وهو كايحاول يهدأ نفسوو..هو بهااكداا غايضييع كااع السااعات اللي قضااهوم الليلة المااضية فالبحر وهو وحييد وكاايهدأ فنفسوو ويفكر..

-دياب:علاش كااتبكي؟أنا اللي خااصني نبكي مااشي نتي..مااتسنااينيش نعنقك ونسكتك ولا نضعف قداام دمووعك حيث هااد المرة رااك تعديتي الحدوود

حيدات ريم يديها من على وجهها وشاافت فيه وهي كولها دموع وماكياجها خسر كالعادة وقاالت بنبرة غااضبة

-ريم:اواا وهاانتا عرفتي شنوو درتي..يااك نتاا عاايش عاادي وكااتضحك بحال اللي ماوااقع والوو..ياك نتا ماعطيتينيش اعتبااار ومكمل حياتك بحال اللي ماوااقع والووو..

ضحك دياب باستهزااء وقال

-دياب:هه الله الله..وياااك نتي اللي عااد الباارح بالليل كنتي كااتقوولي أناا غانموووت ومابقالي والو معااك..يااك نتي اللي رفضتي العلااج واخاا مازاال كاينة نسبة من شفااءك ولو صغييرة..يااك نتي اللي فااقدة الأمل ورااسمة طرييقك للقبر أنا شنو غااندير هاا؟..بغيتيني نا نحفر قبرك من دابا..ولااا نوجد لجنااازتك..الاا بغيتي ممكن تكتبي المأكولاات اللي تبغي يكونوو فجناازتك وأناا مااعلياا إلااا أني نلبي طلباات مراااتي الغزاالة..باغااني نبقى حداااك ونبكي وندخل حتى أنا فهاد الدواامة دالتشااؤم اللي رااسمااهاا..لااا..أنا مااشي من هااد النووع..أنا ماكنستاسلمش ببسااطة ولو كنت كذلك كنت غاانكووون دابا فخبر كااان..أشنوو هااد التنااقض اللي فييك؟باغااني نطلبك بااش تتشافااي؟باغااني ننصحك ونبداا نقوليك كلام إيجاابي ونمثل دور العااشق الولهاان اللي حزناان على فرااق حبيبتوو؟لااا..أنا ماغانطلبكش..هااديك حيااتك نتي وأنا مانقدرش نبزز عليك شيحااجة..كوولشي فيدك نتيي وإذاا بااغاا تمووتي من حقك..أنا مااغاانمنعكش..وغاانحتارمك ونعطييك قيمة كزوجة وماغاانخوونكش أبداا..ولكن من بعد مووتك..ماانظمنش لييك هااد الكلام!

عضااات ريم شفتها السفلى وهي كااتكتم فشهقااتها ومهبطة عينيها للأسفل..ماقاادرااش تشووف فيه لأنو كلامو صحييح..هي فااقدة الأمل كلياا فشفااءها لأنها طبيبة وعاارفة بهااد الأموور..ولكن فنفس الوقت هي باغااه يغمرهاا بحناانو..باغااه يبين ليهاا حبوو ليهاا..باغااه يهدأهاا وينصحها ويقول ليها كلام إيجابي لأنهاا محتااجة ليه بزاااف..حااسة بنفسهاا مدمرة..حااسة بنفسهاا غاارقة فبحر الحزن ومحتااجة لبطلهاا ينقذها..أو على الأقل يلووح ليهاا طوق النجااة تتعلق فييه وتخلي للأمواج مهمة إيصالها لبر الأماان..وحتى لو كلاااهاا قرش هي مااغاتقلقش..بطلها مااتخلااش عليهاا..هي بااقي كاتذكر كلامو..هو كاان قاليهاا سأبقى معك في السرااء والضراء..هو كان قاليها سألتصق بك كالعلكة..فين مشى كلاامو؟..تعتاابرو حتى هي مجرد كلاام شاعري ومعبر ماخاارجش من قلبو..تشكك فحبوو ليها ولاا لا؟شنو غاادير شنو؟

بقى ديااب شااد راسو وسط يديييه وكاايتنفس بقوة ويحااول يهدأ من نفسو..يمكن قسى عليهاا زياادة عن اللزوم..ولو أنوو مااضربهااش وعنفهاا لكن اللسااان جرووحو أكبر بكثيير..

طلع راسو وهو كاايشووف فيهاا كيفاش كااتبكي وتمسح دموعهاا..أثرات فيه؟شيحااجة أكثر..هو بااغي يعنقهاا بقوة ويقوليها كلام اللي يقويها ويعطيها دفعة بااش تكمل..وهااد المرة ماغايمنعش نفسو..

قرب ليها وطلع وجهها حتى تقاابلو عيوونهووم..تباادلو النظراات للحظاات..نظرة ريم المستغيثة كااتقاابلهاا نظرة ديااب المحفزة..بااقي عاقل على النهاار اللي كانت قالت ليه أنها كااتحسو بحال ماماها..وأنو بحال أم طائر النورس..يمكن تبان ليه كاتقسى عليه ولكن هي هدفها أنها تعلمو الطيراان..بطلناا هااكداا..

يتبع ...