عشق النوارس الجزء التاسع

-باسل:لا ماعقلتش عليها

-دياب:هي اللي كانت سمات ألباان..

-باسل:(بملامح حزينة)اللي ماات..

-دياب:لا لاا والله حتى غاتبكي..نااري وتشوف راسك كيبنتي..كون شافوك بنات المدرسة مايبقاوش طايحين فيك ههه

-باسل:ونتا اللي فكرتيني فيه..كان عزيز عليا

-دياب:إواا اشنو غانديرو هو ماات..وزايدون ياك شريت ليك واحد بحالوو

-باسل:واخا هاكداك ألبان اللول ماشي بحال ألبان الثاني..

-دياب:اييه بصااح..(بعد صمت)سير تحفض

-باسل:حتى قلت نسيتي

-دياب:(بملامح جدية)باسل سير تحفض

-باسل:هاهو غادي..دغيا كاتقلب عليا ألواليد

-دياب:طفي التلفازة لانجي نطفي ولدي..أجي بعداا فينو ألبااان

-باسل:سديت عليه باش نحفض على خاطري

-دياب:تبارك الله كاتحفض..عطيتيه ماكلتو..(لا رد)وااش عطيتيه مااكلتوو

-باسل:واييه عطيتها ليه

-دياب:يالااه حفظ أنا نجيب ليك ماتقصي ..

🌼🌼فغرفة دياب..بعدماا تغداو هو وولدو

هاز الحاسوب ديالو وخدام فيه بكل تركيز..حتى كايسمع تيليفونو كايصوني..هزو وبعدما شاف النمرة جاوب..

-روهان:السلام الشااف كيف داير لاباس

-دياب:(وهو خدام فالبيسي)همم صافا ونتي

-روهان:صافاا فين كاين دابا؟!

-دياب:فداري ونتي؟!

-روهان:حتى أنا فداري

-دياب:(وهو كايركب الخيط دالبيسي مع تيليفونو)همم بلا شك الصداع اللي حداك دالتلفازة

-روهان:ااه بصااح التلفازة

-دياب:(وهو كايشوف فشاشة الحاسوب)همم هي وليتي ساكنة فكافي ***..وولا ساكن معاك يزيد و أركاان مم مزياان مزياان وبلا خباري

تسمع صوت ضحك قوي بجانبهاا الشيء اللي خلا دياب يبعد الهاتف من وذنيه ويقلب عينيه بملل..وبعدما كملو من ضحكهوم رجع حط سماعة الهاتف على وذنو

-يزيد:السلاام الشااف

-أركان:السلااام

-دياب:(بجدية)همم السلام..شنو كاديرو وعلاش مجموعين وماباغينش تقولوها لياا

-روهان:(بضحكة أنثوية)هه كون غي تبعتكوم وماصونيتش ليه..مايمكنش نديروها بالشااف ديالناا..خارق الذكاء

حك دياب لحيتو وتجاهل كلامها ومجاملتها ليه

-دياب:(بجدية)مانعاودش كلامي شنو كاديرو وعلاش مجموعين..

تنحنحو وحبسو الضحك..

-أركان:احمم..سي رامز عطانا مهمة جديدة وحنا دابا كاناقشو فيها

-دياب:(مطلع حواجبو)همم كاتناقشو فيها وفكافي..وعلاش سي رامز ماعلمنيش

-يزيد:هو وصلاتو الخباار باللي درتي شي حااجة..وقال يخليك ترتاح حتى لغدا

-دياب:شنو هااد الحاجة اللي درت؟!

-يزيد:باللي خربتي مشروع دالسياراات..

-أركان:(مقاطعو)واش وااقع شي مشكل..

-دياب:(خدام فالحاسوب)لا لاا ماشي شيحااجة..وصلاتني الخبار باللي كاينصبو على الناس فالسيارات وكايبيعو ليهوم بأثمنة خياالية سيارات مزورة..خسرت ليهوم داك الزمر ديالهوم ورجعت لداري

-يزيد:كيفاش درتي..

-دياب:همم كولشي من الحاسوب

-أركان:وااو وكيفاش قدرو يعرفو

-دياب:(ببرود)أنا اللي مشيت قلتها ليهوم

-الكل:كيفااش؟!

-دياب: كنت محتاج نعيش جو المغامرة وداكشي..جاني الملل

-روهان:أويلي..يااك ماعرفوش سميتك؟

-دياب:كان بان ليك حمار..قدمت راسي على أني مواطن أمريكي..

-روهان:أصلا الجمال ديالك أمريكي كاتبان بحال الممثلين دالأكشن فالأفلاام و..

-دياب:(مقاطعها)ماشي هاذاا هو موضوعنا..خرجو من ديك الكاافي وكل واحد يمشي لداارو كاتخططو بلا بيا

-أركان:حاشاا أشااف

-روهان:نجيو عندك للدار باش ناقشو..

-دياب:(مقاطعها)لاا غاتمشي لداارك وتديري شي مااسك دالخياار راكايقولو زوين للتجاعيد..بسلامة(قطع)

-يزيد:ناري ناري كيف ولا وجهك..

-أركان:صرااحة بهااد القصف اللي عطااك محتاجة للماسك دالخياار غايخرجو ليك التجاعيد من كثرة الغضب هه

خنزرات فيهوم روهان وناضت هزات ساكهاا..وقفات قدامهوم وبجغاتهوم بالطالون ديالها بقوة..ابتاسمات وخرجات وهي مفقوصة..مخلياهوم كايحكو فرجليهوم ويضحكو عليها..

🌼🌼فالمستشفى..

واقفة بلباسها الأزرق الخاص بالعمليات محيدة الفولار ولابسة القبعة ديالها اللي ساترة شعرها كولو..وكاتعقم فيديها..وقف بجانبها..وبدون ماتطلع راسها عرفاتو..

-ريم:أصلاان غاتدخل للعملية؟!

-أصلان:ااه ضروري ندخل ياكما غي نتي اللي من فرقة الأستاذ دينيز

طلعات فيه ريم عينيها وضحكات ليه ضحكة صفرة ومشات مخليااه..

-أصلان:متكبرة..عند بالك صافي غي كايشكرو فيك راك واعرة..بفف

حتى دخلات ريم مع باب دغرفة العمليات اللي كايتفتح بوحدو ورجعات طلاات عليه

-ريم:كون ماايدي اللي عاد عقمت كنت غانوريك التكبر على أصولو..

-أصلان:ماشي مشكل نعاودو نعقمو من جديد

-ريم:إلاا نتا ماعندك مايداار أنا عندي..غانحضر لعملية مهمة بحاال هادي..ضروري خاصني نوجد وندخل لغرفة العمليات قبل من الأستاذ دينيز..دومااج مي ماشي مشكل حتى نخرجو ونتفااهمو مزياان

-أصلان:هاهاهاا خلعتيني..دابا أكييد غاتكوني مشيتي قريتي على هاد العملية باش تعجبي الأستاذ دينيز

-ريم:أكييد غانعجبو..ونتا غايخليك تعقم ليه الأدوات ههه

-دينيز:هييه نتووماا مالكووم

وقفو بجوج بانضباط وهوما مهبطين وجهوم للأرض وعلى وجههوم ابتسامة بليدة..

-دينيز:حناا راه فمستشفى انضبطوو..

-الإثنين:حاضر أستاذي

-دينيز:سبقوني حتى نوجد..ومانبغيش مشاكل فالعملية ديالي مفهوم؟

-الإثنين:مفهوم أستاذي

تمشاو بجوج فاتجاه الباب..وبداو كايتدافعو بجنابهوم بجوج شكون يدخل الأول وفالأخير سبقات ريم اللي دفعاتو حتى كان غايطيح وكملات بحال اللي مادارت والو..دار شاف فدينيز اللي كان كايضحك عليهوم

-أصلان:شفتيهاا يااك؟!

-دينيز:(وهو كايضحك)ههه سير سير راغاتخد ليك بلاصتك..

غي سمع أصلان البلاصة ومشا كايجري..وتبعهوم دينيز اللي كان عقم يدو وكايحرك راسو يمين وشمال..

بعدما خرجو من العملية..

خرجات ريم هي الأولى ومشات فاتجاه غرفة تبديل الملابس حتى كايوقفها دينيز

-دينيز:ريم رييم..

-ريم:(تلفتات لعندو)هاا..نعام أستاذ؟

-دينيز:بغيت نقوليك راك غادة فمنحى مزياان وبزااف كااع..المعلومات اللي عندك وداكشي اللي درتي داخل غرفة العمليات كايبين أنك طبيبة متمكنة ومن سنوات ونتي فهاد المهنة ماشي عاد بااقي طبيبة جديدة

-ريم:(بابتسامة)شكراا أستاذ

-دينيز:ولو هذاا واجب..احمم المهم أنا تكلمت ليك مع المدير دالمستشفى..وشكرتك ليه..لا ربما يكون عندو عرض ليك

-ريم:عرض؟بحالاش..كانظن ماكاينش حسن من هاد المشتشفى فتركيا كولهاا

-دينيز:لاا ماشي على المستشفى..أكيد هادا أحسن مستشفى خاص وكونك جيتي ليه مبااشرة فهذا كايدل على اجتهادك فالدراسة ديالك واخاا قريتي غي فكلية دالدولة

-ريم:(بابتسامة)شكرا

-دينيز:المهم حتى يعيط ليك إلا كانت شيحاجة

-ريم:(همهمات ريم)واخا صراحة ماكانبغيش أمور بحال هاكدا دالوساطة وهادشي..ماتديرهاش مني قلة الصواب ولكن من الأحسن ماتعاودش تدير هاكدا بلا ماتستاشرني

حس دينيز بالإحراج وابتاسم فوجهها

-دينيز:هه واخاا سمحيلي..مزيان الإنسان يخدم بمبدأ فحياتو

-ريم:ااه بصااح وعمري غانتخلى عليه

شاف فيها دينيز بابتسامة مبهمة..دخل يدو فجيوب الوزرة البيضاء اللي كان لابس فوق ملابس العملية..وطلع حواجبو

-دينيز:همم نتمنااو..عنداك نلقاك شي نهار تخليتي على هاد المبدأ

شافت فيه ريم باستفهام..

-ريم:مافهمتش..علاش غانتخلا عليه فنظرك(وهي مطلعة حاجب وهبطة حاحب)

-دينيز:(مصطنع الضحكة)هه لا لاا والوو نسااي غي ضحكت معاك

-ريم:(بريبة)همم أوكي..بسلامة

تمشات وهي مخلياه واقف..وقبل ماتدور فالممر اللي كايدي لغرفة تغيير الملابس تلفتات لناحيتو ولقاتو باقي واقف وكايشوف فيها بابتسامة..ابتاسمات ليه هي الأخرى ودخلات للغرفة..سدات عليها وشدات على قلبهاا

-ريم:أستغفر الله مال قلبي مقبوط علياا

و بدات كاتنفس شهيق وزفير باش تحيد ديك الخنقة اللي شاداها وتفك قلبها اللي كاتحس وكأنو شي يد قابضااه وكاتعتاصر فيه..

بدلات حوايجها بسرعة وخرجاات..

ركبات فسيارتهاا الرياضية..اللي شرات بعدما كملات دراستهاا.. من الفلوس اللي فالحساب البنكي ديالها..فلوس الأرباح دالشركات ديال خالها مصطفى..

بقات سايقة فاتجاه منزلها اللي خارج إسطنبول شوية..وجا فمكان بعييد على الناس والضجييج..

وهي سايقة فصمت..بانت ليها سياارة خارجة على الطريق..داخلة فشجرة والدخان طالع منها..وقفات وبقات كاتطل من زجاج النافذة..شافت من المرآة الأمامية..كانت الطريق فاارغة والظلام مخيم عليها..حسات بالخوف وماعرفاتش شنو دير..راس كايقول ليها سيري لدارك ونتي مالك..ممكن يكون غي شي سراق ولا شيحد اللي يلحق بيك الأدى...وراس كايقوليها خاصك تهبطي وتشوفي شنو واقع..

"وإلا كان محتاج شيواحد للمساعدة"همسات بيها ريم بينها وبين نفسها..

بعد ثواني من التفكير والأخذ والرد مع نفسها..تشجعات وحلاات باب سيارتها..حطات رجلها الأولى فالأرض وتبعاتها الرجل الثانية..كانت لابسة حذاء عالي ومن كثرة خوفها من المكان والظلام..رجليها كاتحس بيهوم كايترعدو..

خدات الهاتف ديالهاا وشعلات فيه المصباح اليدوي..تمشات فاتجاه السيارة اللي كانت جد فاخرة..ضوات فيها وماكان حتى واحد..من غير بعض علب السجائر اللي من غلافهوم الظاهر غاليين..كملات مشيتهاا وهبطات مع واحد المنحذر وهي كاتحاول تشجع راسها وتقلب على اللي دار كسيدة..كانت الأرض مغطية بالعشب الطوييل واللي واصل لركبتها..بقات كاتمشى وهي كاتدور المصباح ديالها فالمكان..حتى حسات بيد شدات فرجلهاا..

غوتاات بصوت عالي وبقاات كاتجر وهي باقي كاتغوت والخوف والرعب مسيطرين عليهاا..قدرات تفك من قبضة اليد ووقفات بعيدة على المكان وهي كاتنفس بقوة..وصوت أنفاسها كايتسمع فالأرجاء..للحظة تسلل لأذنها صوت ضعييف كايطلب النجدة..قربات بحذر وهاد المرة وجهات مصباح الهاتف لناحيتو..حتى كايبان ليها رجل يكون فالأربعينيات من عمرو..غاارق فدمايااتوو..

-الرجل:(بصوت ضعيف)عع عافااك عتقيتيني

بقات ريم مبلوكية للحظاات عاد قربات ليه

-ريم:أنا هناا..بقاا فايق واخاا..أنا طبيبة كون هاني غانعتقك أوكي

حرك الرجل راسو بإيجاب ابتاسمات ليه وقلبات الجرح ديالو..كان مجروح جرح كبير فكرشو حيث طاح على كرشو..وبعض الضربات فرأسو ..تحركات فاتجاه سيارتها بسرعة..عصبها الحذاء اللي لابسة..حيداتو وكملات الجري وهي حفيانة بدون ماتعير الإهتمام للحجر اللي كايدخل فرجليها..

رجعات بعلبة الإسعافات..قطعات ليه الحوايج اللي لابس وبان ليها جسمو..كان قوي وذو عضلات وفيه بعض الأوشمة..نظفات مكان الضربات وعقماتهوم..ضمضاات جروح الرأس ودورات ضماداات كثيرة على كرشوو باش يمنعو النزييف

-ريم:نتاا باقي معايا يااك..حاول تصبر أنا غانعيط على الإسعاف

شدها الرجل من يديها..جرها لعندو وهمس فوذنها

-الرجل:لا لاا..ديني لشي بلاصة أخرى..المهم خرجيني من هنا

-ريم:ااه ولكن غايخص نخيطو الجرح..حمد الله اللي ماشي غاارقة بزااف وماتقااسش شي عضو داخلي..ولكن واخا هاكدااك ضروري من الإسعاف ماغانقدرش نهزك حتى للسيارة

-الرجل:راني قلت ليك لاا..أنا..أنا غانعااونك حتى تهزيني..ديني..ديني لداري

-ريم:اا دارك..بفف واخاا يالاه عاوني نهزك..

هزاتو بمشقة الأنفس حتى وصلاتو لسيارتها..طلعاتو للكراسي الخلفية ونعساتو فيه..

-ريم:تقدر تقولي العنوان ديالك

-الرجل:(بألم)لا لاا..هو فبلاصة بعيدة أناا غانقووليك

-ريم:(وهي سايقة بسرعة)واخاا ولكن خاصك تبقى فاايق واخاا؟!وبقا شاد فالجرحة وضاغط عليهاا باش ماتنزفش أكثر

-الرجل:همم واخاا..دوري على اليمين..

🌼🌼فالمستشفى..وبالضبط فمكتب المدير..

-دينيز:سي محمود أناا قلت ليها باللي تكلمت معاك عليهاا

-محمود:همم مزياان..ماخصهااش تفلت..هي طبيبة مزيانة وعندها خبرة..زيادة على أنهاا ماشي فبلادها وماكاتعرفش حد هناا..

-دينيز:ولكن غايكون صعيب شوية نقنعوهاا..قالت باللي هي كاتخدم بمبدأ

قهقه محموود بصوت عالي وتكلم..

-محمود:بمبدأ..نسيتي فاش كنتي كاتقول نفس الكلاام..هانتاا دابا خدام معانا وبإرادتك

-دينيز:ااه اواا نتمناو حتى هي تبدل الرأي ديالها

-محمود:غاانعرض الملف ديالها على السي جان وغانزيد شهادتك على خبرتها وذكااءها..أكيد ماغايفلتهااش..والا عجباتو هو غايعرف يقنعها بالخاطر ولا بالقوة

-دينيز:همم بالخاطر حسن وعاد هي بنت زوييونة وخلووقة هه..

-محمود:القرار بيدهاا..حتى لغدا ونكملو كلامنا

وقف دينيز من بلاصتو وابتاسم ليه

-دينيز:همم واخاا..ماكايناش شي عملية جديدة

-محمود:هاد الساعة ماكاين والوو..بينما تهدى الوقت شوية..المجتمع المدني راه خدام فالحملات التوعوية وداك الخوا الخاوي ديالهوم خليهوم حتى يسكتوو

-دينيز:فيهوم كثرة الثرثرة بلا فائدة..دابا يسكتو..المهم بسلامة سي محمود

-محمود:بسلامة..

🌼🌼كانت دار كبيييرة الحجم..وجات فمكان بعييد على مدينة إسطنبول وخالي من السكان..حسات ريم بالرعب أنذااك..كلاكصوونات وتقدمو جوج دالرجال ضخمي البنية لناحيتهاا..شافو الرجل فالوراء وتحولو ملامحهوم للخوف..وما ليهوم باش يحلو الباب وداكشي اللي كان..جاو خداوه من سيارتها اللي ولات ملطخة بالدماء..عاد كانت غاترجع فحالها وتسلت وهو يعيط عليهاا وطلب منها تخيط ليه الجرح..شافت رجالو ماليين الحديقة وعرفات القضية حامضة وتبعاتو بصمت وهي كاتولول بينها وبين نفسهاا وكااتغني

"اااش دااني..علااش مشيت"ورجليهاا كايرقصو مع الأغنية..ولكن بإيقاع مختلف..إيقاع الخوف

جابو ليها المعدات والمخدر..خدراتو تخذير موضعي وخيطات الجرح ديالو..هادشي كولوو وهو كايشوف فيهاا شوفاات غراب..الشيء اللي خلاها تتوتر..

-ريم:(بتوتر)اا أنا خيطت ليك الجرح..غايخصك ترتاح ومن الأحسن تمشي للمستشفى وتعاينو..أناا كاينة فالمستشفى الخااص دإسطنبول الاا بغيتي تجي جي واخاا؟!

🌼🌼

-دياب:ضرب أباسل زيد ضرب البطل..سطوب سطوب تيلي كايصوني..احمم ألو يزيد

-يزيد:السلام الشااف..سي رامز بغاك ضروري تكون عندو دابا

-دياب:بفف أوكي..(قطع)باسل ولدي غانعيط ليك على كاتريناا تبات معاك اليوم واخا؟!

-الرجل:(وهو باقي كايشوف فيها)همم المستشفى الخااص..واخاا..ااه شكرا حيث عتقتي حياتي كنت غانبقى تماا كانزف حتى نموت

-ريم:هداا واجبي كطبيبة..احمم المهم بالشفاء أنا غانمشي

مااتسناتوش يجاوب وخرجات بسرعة وهي خايفة..وعلاش ماتخاافش وهي اللي بوحدها ببنت وسط هاد الرجاال وفبلاصة بحال هادي..

دخلات لطواليط قريبة لبيتو باش تغسل يدها من الدم..وفاش خرجاات سمعات كلام اللي خلاها توقف وتسترق السمع..

-الرجل:عجبااتني..بغيتكوم تبعووها وتعرفوو عليها كولشي..غانحتاجوها..

-الكارد:واخاا سي جاان

خرجات عينيها بصدمة مني عرفات الكلاام عليها..سمعات الخطوات قراب ليها وتلفتات بسرعة تكمل طريقها حتى كايوقفها صوت غليض..

"هييه نتي وقفي"

وقفات وهي عاضة على شفتها السفلى وسادة عينيها..ابتاسمات ودارت عندو

-ريم:هاا..نعام أخويا

-الكارد:شنو كنتي كاديري هنا

طلعات يدها لناحيتو وتكلمات وهي باقي مبتاسمة

-ريم:أنا غسلت يدي من الدم..

-الكارد:نتي سمعتي شنو قلناا ياك..تمشى لناحيتها وشدها من يدها بقوة

-ريم:أسي راني ماسمعت والو..واطلق من يدي

دخلها لعند جان وتكلم

-الكارد:سيدي أنا لقيت هادي حدا الباب..غاتكون تصنطات ليناا

-جان:بصااح هادشي..

-ريم:(بتوتر)لا لاا ماسمعتش ..ماسمعت والو أسي جان..أصلا حشومة نتصن..

وقفات من كلامها وعضات شفتها السفلى على اللي قالت..هي راها نطقات اسمو دابا..إذا راها تبثات ليه أنها سمعات..ضحك فوجهها وتكلم

-جان:هه اه سميت جان كيف خارجة من فمك ماكرهتش نبقا نسمعها ديماا..علاش تسنطي علينا ماشي حشومة

-ريم:(بصراخ)ونتا ماحشوماش نعتقك من الموت وتقوليهوم يتبعوني..

شدها الكارد فيدها بقوة وغوت

-الكارد:ماتغوتيش على الشااف..

دارت شافت فيه بغضب..لوات يدو ودفعاتو بقوة حتى لصق مع الحيط ودارت عند جان

-ريم:نتا شنو باغي مني هااا

-جان:(بابتسامة)وقوية من الفووق..أنا باغيك تخدمي لصفي

-ريم:فشنو غاانخدم معاك بالسلاامة؟!

-جان:همم ماشي شيحااجة خطيييرة..غي تهريييب الأعضاء البشرية وصاافي

-ريم:شنووو..نتا شنو كاتقوول ههه صاافي..مستحييل ماتحلمش بيهاا

هزات صاكها بسرعة وخرجات..بغا يتبعها الكارد ووما ليه جان بااش يخليهاا..

-جان:همم شرسة وقوية..وفنفس الوقت خداامة عند محمود فالمستشفى..ايمتا كنت داير نتلاقاه

-الكارد:غداا أسيدي

-جان:همم مزيان مزياان

🌼🌼فالمكتب..

دخل دياب بمشيتو الرجولية..مغوبش..دخل بدون اذن..وجلس فالكرسي

-رامز:مازاال ماتعلمتيش تدق البااب عاد تدخل..

شاف دياب فساعة يدو ورجع شاف فيه ببرود

-دياب:سي رامز جايبني فهاد الوقت باش تقولي نتعلم ندق البااب..

-رامز:كون كنتي كاتجاوب على اتصالااتي غاتعرف فشنو بااغيك..مهمة جدييدة..وقررت نعطيها ليك حيث تاايق فقدراتك وقدرات الفريق ديالك

-دياب:همم شنو هي..

حط رامز الملف قدامو وتكلم..

-رامز:تهريب الأعضاء البشرية..ديجا تدخلو البوليس وماقدرو يديرو والوو لأنو العصابة كبيرة وخطيرة..وعندها مصادرها من داخل جهااز الأمن..يعني خاص الموضوع يبقى سري..السلطات الكبار دالبلاد راهوم ضاخطين عليناا بصفتنا الشرطة الدولية..وأكدوو أنو لازم من المخابرات يتحركو ويوقفوو الأمر لأنوو وصل لبعض الجمعياات وممكن يوصل للصحافة وهادشي اللي ماباغيينش..

-دياب:همم مفهوم..المشتبه بيه جان ****..أم روسية وأب تركي..مالقاوش ضدو أي دلييل..والشخص اللي كان شكا بييه لقاوه منتاحر..(مطلع حواجبو)هه منتاحر..والسبب دالشكاية هو أنوو العملية دالأم ديالو اللي كانت ناجحة بنسبة 90% مانجحااتش واعضاء الأم ديالو تسرقو..من بعد كتاشف أنوو هاد جان هو مول الفعلة والطريقة باش عرف مجهولة

-رامز:يعني ممكن يكون بريء

-دياب:همم ممكن..(شاف فيه وغمزو)هادي هي خدمتناا..غانعرفو

-رامز:ثاايق فيك..وكيف قلت لييك الموضوع يبقى سري حيث رااه التجارة بالأعضاء ماشي حاجة بسييطة ويقدر تزعزع أمن البلاد

-دياب:احمم كون هاني..المهم أنا غانبقى فالمكتب ديالي وغدا غاتبدا الخدمة

-رامز:همم أوكي..ااه وصلاتني الخبار باللي درتي شيحواايج..

-دياب:همم حتى أنا وصلاتني الخبار باللي وصلاتك خباري ودرت راسي باللي ماوصلاتنيش الخبار باللي وصلاتك الخبار بداكشي اللي درت..(وقف بابتسامة)بسلاامة سي راامز

خرج من المكتب درامز مخليه مبتسم وكايحرك راسو يمين وشمال..لولا خدمتو المتقونة لوكان طردوو من زماان على فعاايلو الزيينة والمصاائب اللي ماشي هوما اللي مايتبعوه هو اللي كايقولييهوم أجيو عندي..ضحك وقال بينو وبين نفسو

-رامز:ههه عمرو يدير عقلوو..

دخلات ريم لدارها..سداات عليهاا مزيان ودارت كاتشوف فأنحاء المنزل..

كانت دار متوسطة عصرية وذات لمسة تقليدية مغربية..لاربما تفكرها فبلادها وتنسيها الغربة..

دخلات وأول حاجة دارت هي تتاصل بماماهاا نزهة شكون عرف..ممكن تطرد الشعور بالخوف والوحدة فور ماتسمع صوتها..بقات كاتصوني ليها وما من مجييب..تخلعات عليهاا وصونات على مروان..

-ريم:ألوو مروان

-مروان:ألوو الحووب صافا

-ريم:مم ااه ااه صافا..مروان كانصوني على ماما نزهة ماكاتجااوبش وتخلعت عليهاا

-مروان:مااعندك مناش تخافي..خرجت من العياادة وطركتهاا ياكما خاصاها شيحاجة..قالت ليا شفروليها التيليفون فالحماام

-ريم:اووف الحمد لله..اواا العجب شكون غايشفر داك نووكيا بيل..غايدي الذنوب باطل هه

-مروان:وماعرفتي يكوون باغيه يفتل بيه شيوااحد..ضربة منو تصيفطك كوومة ههه

-ريم:ههه عنداك تقوليها راعيبناه ليهاا وعاد كايقطر ليها من العين..أنا غانصيفط ليهاا واحد من هناا ويكون مفهوم

-مروان:أناا نشريه ليهاا ماكاين لاش صدااع البوسطة والخواا الخاوي..بلاا ماتزيدي كلمة..أجي بعداا ولفتي تما شوية كيف جااتك تركياا ونااسها مزيان

-ريم:همم مزيان واخاا هاكدااك توحشتكووم بزاااف والله

-مروان:حتى حناا توحشنااك

-ريم:ااه شنو خبار إلينا؟!

-مروان:(تنهدات)همم شوية مني قاال لينا الطبيب را المشكل منها هي وهي ساادة عليها فالبيت حتى من خدمتها سمحات فيهاا..اواا هاحناا صابرين

-ريم:بفف دابا هي محملة راسهاا الذنب

-مروان:كاتقولي نتزوج بوحدة أخرى

-ريم:(شهقات)صرااحة حتى أنا كون كنت بلاصتها غاندير نفس الشيء نبغي الراجل للي كانبغي يكونوو عندو وليدات ويفرح..واخا ماشي مني..نتاا تقدر تزوج بوحدة أخرى؟

-مروان:مستحييل..أناا رامابغيتهاش النهار الأول على قبل الولااد بغيتها هي لشخصهاا ومستحيل نتخلى عليها..حيث لو أناا بلاصتها ولو المشكل مني أنا مانبغيش تمشي وتخليني..هاداا قدر الله وحنا مآمنين بيه

-ريم:ونعم بالله..مروان..عندي ليك حل..علاش ماتربيوش وليد صغير..المهم..أأناا كيف كااتعرف يتيمة..وعشت الشعوور باليتم..واخا كنت مبيرة وبعقلي ولكن شعوور خاايب بزااف ومايمكنش يتوصف..كااينين بزااف دالأطفاال فالمغرب اللي محتاجين لواليدين..علاش ماتربيوش غيوااحد ويكون كيف ولدكوم..غاتفرحووه بزاف هاا؟!

-مروان:ماعرفتش ماعرفتش..يكوون خير

-ريم:ان شاء الله..وماتخليش الينا بوحدهاا ممكن دير شيحاجة فراسهاا وتهلاا فماما نزهة راها امانة عندك وتهلا حتى فرااسك واخات

-مروان:ااه صافي..يالااه بسلامة غاتكوني عياانة واكييد باقي مابدلتيش حوايجك

هبطات ريم عينيهاا فملابسها اللي كانو فيهوم بعض بقع الدم..

-ريم:ههه بحال للي علمك الله..بسلااامة مواااح

-مروان:هه تهلاي فراسك

قطعات ريم وتنهدات..وأول حاجة دارتهاا..دوشات ونعسات ففراشها..أكيد وهي كاتفكر فهاد المصيبة فاش طاحت..كانت باغة غي تعااونو وصدق مرجعو ليهاا بموزوي..عااد ماولات طبية وقالت حققت حلمي والمشاكل سالااو..شنو دخلها فالتجارة دالأعضاء البشرية..

نعسات وهي مقررة أنو فالصباح وقبل ماتمشي لخدمتها..أول حاجة غاادير هي تمشيي لمركز الشرطة وتشكي بيهوم قبل مايلحقو بيها الادى...

🌼🌼خارجين من ملهى ليلي..سكراانين

-روهان:أركاان نمشيو عند الشااف نهضرو على القضية هه

-أركان:شش غايسمعووناا وديك الساعة الشاف غايمارس علينا الجنس بكل وحشية

-روهان:اخخ اخخ يااريت..فينها السياارة

-أركان:ماعرفتش ههههه..اشمن لون سيارتي

-روهان:حمرة وااقيلة

-اركان:هاديك راها سيارتك الحمارة

ضغط على زر التحكم على بعد وضوات السياارة اللي حداهوم

-أركان:هاهي حداناا نيت..هه واللهيلاا حمرة عمري رضيت البال

-روهان:أنا دكية أصلا كون ماكنتش دكية ماانكوننش فالمخااابراات ومعاامن مع دياب اللي البنات دالمركز كووولهوم كايحماقو عليه هيهيهي

-أركان:بفف ماكانش خاصنا نشربو بزااف..حناا خدامين فالمخابرات حشومة..أجي حنا خدامين فالمخابرات

-روهان:باقي عاد دفعناا CV ديالنا هيهيهي

-أركان:ااااه..أشنو شربناا حناا

-روهان:علاش حنا شربناا؟!

-أركان:لاا هبطي هاواحد البواط ندخلو نشربو

-روهان:اييه يالااه ههههه

هبطو وهوما شادين فبعضياتهوم ودخلوو من جدييد..عند بالهوم راه عاد جاو..

فاقت ريم فالصباح الباكر..تكسلات كيف العاادة..دورات وجهها وغوتاات بصوت عالي

وقفات من بلاصتها وهي كاتشوف فداكشي اللي فوق فراشها..

-ريم:(وهي شادة فراسها ومرجعة شعرها الطويل للوراء)شنو هادشي يا ربي..يارب

قربات من فراشها اللي كان كولو دم..هزات ليزار بشوية..وبانت ليها مشة ميتة..

رجعات من جديد للوراء وسدات فمها بيدها..

-ريم:يا ربي شكون قتلهاا..اهئ علاش هي ففراشي

بقات للحظات كاتشوف فيها كيفاش ميتة..عيناها الزرقاوتين خارجين..والدم خارج من فمها..بقات فيهاا..جلسات فالأرض وبدات كاتبكي

-ريم:علاش دارو ليها هاكدا اهئ اهئ..

طلعات عينيها فالفراش وبانت ليها ورقة مطوية..هزاتها وبدات كاتقرى فيها..

"كيفما شفتي..هادي قطة..كنا كانتكلموو فالحديقة ولقيناهاا كادور بيناا..ومن بعد قتلناهاا..حيث خفنا تكون سمعات لكلاامناا..حنا ماكانتيقوش فالحيوانات فماباالك بالنااس..

خليتك تباتي فدارك وففراشك حيث عتقتيني من الموت..عنداك يقوليك راسك تمشي تشكي للبوليس..غاتكوني غبية أنذااك..يعني يا إماا غاتكوني معانا وتديري يدك فيدناا..ولاا..غايكون مصيرك كيف هاد القطيطة اللي قداامك..الإختيار بين يدييك ألغزاالة"

بقات كاتقراها وتعاود تقراا وهي مصدوومة..علاش هي..علاش بغاو يدخلوها فالمشااكل..

لاحت الورقة من يدها وناضت من بلاصتها..كيفاش قدرو يدخلو للدار ويديرو اللي بغااو..ااه هي نعاسها ثقيل شوية ولكن ماشي لهاد الدرجة..

ناضت دوشات ولبسات حوايجها وهي متجاهلة القطة..وكاتحاول ماتشوفش فيهاا وتقوي راسها..هوما غايخلعوهااش..وغاتمشي تشكي بيهوم

🌼🌼فالملهى الليلي..

ناعس أركان فالأرض وناعسة فوق رجلو روهان..صونا الهاتف ديالو وفااق وهو كايكمش فعينيه وراسو كايدرو..شاف فروهان اللي ناعسة عليه وحركها..

-أركان:روهاان روهاان فيقيي..بفف قفرناهاا..

فاقت روهان وهي الأخرى شادة راسها بألم..كاتشوف فالمكان اللي فارغ وكولوو مقلووب..فقط الناس اللي خدامين فيه هوما اللي كايجمعو

-روهان:أكييد قربلناهاا..حنا اللي روناا هنا ياك؟

-أركان:(متجاهلها)بفف يزيد كايصوني..ألوو يزيد

-يزيد:ناري ناري مشيتو فيهاا

-أركان:علاش ياك لابااس

-روهان:(بهمس)دير مكبر الصوت

-يزيد:الشااف معصب منكووم..باايتين فالملهى أصااحبي

-روهان:بفف كيفاش عرف

-يزيد:را الشااف هاداك وكاتسولي كيف غاايعرف..ااه ووصلاتو الخبار باللي سكرتو وقربلتوو الدنياا..وعاد هو اللي بايت خداام الليل كولوو

-أركان:لاا بفف..مشينا فيهاا

-يزيد:واييه غاايقتلكووم..وعااد بااينة فييه معصب نيييت

-روهان:واماتخلعنااش صافي سكت

-يزيد:اواا قلت ليكوم ماتسهروش ونتوماا..

قطع عليه أركان ودار عند روهان..

-أركان:(بعصبية)قلت لييك سيري لداارك تنعسي ونتي والوو يالااه نسهرو اواا هاحنا سهرناا نييت

-روهان:أناا اللي بقيت كانكب كااس مور كااس حقاا ماحقا نساو الخدمة..اوا هالشاف غايفكرنااا مزياان

-أركان:نوضي نوضي نمشيو

وقفات وشدات فراسها بألم..شافهاا كيف واقفة وجا شدها من خصرها وجرها لعندو

-أركان:شدي فرااسك..علم الله شحال من قرعة شربنا..

شاف فيها وشافت فيه ونفاجرو فوجه بعضياتهوم بالضحك

-روهان:هههه عمري نسهر معااك ..ناري غايهجرو لينا الشاف..ناري ناري معصب

-أركان:الله يدوز هاد النهار على خير..

🌼🌼فالمكتب..

-دياب:(بصراخ)وااش ماغاااتووبووش..شنو قلنا على الشراب هاا..واش أنا غيجيت ومابقيتش كانشرب..وعلم الله شنوو قلتوو وشنو فرشتوو..واش باغيين تسطييوني نعل ****

-روهان:سمح لينا الش..

قاطعها من كلامها وهو كايقرب ليها..مخرج عينيه اللي ولاو حمرين من شدة الغضب..

-دياب:شش ولاا كلمة..تزيدي كلمة كانقسم ليك برب الكعبة غاانخسر ليك وجهك وننهي مسارك كعارضة أزيااء أزياء عاارفاني نديرهاا يااك

طلعات روهان راسها بإيجاب وهبطات راسها

دار شاف فأركان وتكلم..

-دياب:ونتاا أسي أركاان..نتا اللي قلناا بعقلك وكانوصيك على هاد الجووج يا حسرة..باقي مادازتكش المرااهقة..باقي باغي تسهر مع البناات وتنفخ عليهوم عضلاتك(ضربو لصدرو بقوة)..

دار جلس على مكتبو..

-دياب:بهااد الفعاايل بديتو كاتندموني حيث كانضحك معااكوم وماكانتصرفش بتسلط..والاا زدتوو كاتصرفوو هاكداا غاندم حيث ختاريتكوم ففريقي ووضعت ثقتي فيكوم..(مطلع حواجبو ببرود)خرجوو علياا..

خرجو بجووج وبقا يزيد واقف

طلع فيه دياب راسو وشاف فيه باستفهام..

-يزيد:احمم نخرج

-دياب:الا بغاات سيادتكوم

تمشى يزيد وخرج هو الاخر وهو محرج

ساط دياب بغضب..وقف هز الجاكيط ديالو..وخرج فاتجاه داروو وهو طالعة ليه القردة

🌼🌼عند ريم

داخلى للمستشفى وكاتمشى ببطء..حاسة بكآبة كبيرة..حاسة بالظلم..حاسة وكأنهم هرسو ليها جناوحها..حاسة بالبكية..علاش ماتبكيش وأخر أمل ليها هوما الشرطة..مشات ورجعوها بكلام لا أساس له..الدليل قالو هه..دابا عاد حسات بطعم الغربة المر..كاتحس براسها مخنوقة وماكاينش علامن تشكي وتفرغ اللي فقلبها وترتااح

-أصلي:رييم مالك شاردة؟

-ريم:هاا!لا والو

-أصلي:كانعيط عليك ماكاتجاوبيش..همم شكون هاداا اللي مخليك ماشي فهاد العالم..همم قولي هه

شافت فيها ريم بابتسامة صغيرة ودورات راسها للجهة الأخرى..تمشات مخلياهاا..وعاود تبعاتها من جديد

-أصلي:همم أكيد غايكون شي واحد فائق الجماال..باش قدر يطيحك فشباكو دكتوورة ريم..واخاا صرااحة مايكونش بحال هادااك اللي كان جا ديك المرة وقال كايعرفك..واخا فيه ريحة الزبل هه

-ريم:هه من ريحتو بااين

-أصلي:ولكن زوين وصوتو حسيت بيه دخل حتى لقلبي ودق عليه

-ريم:ماصوناش

-أصلي:واابصاح كانتكلم..شفت الزين حتى عييت هاداا فشكل..ضحكتو زويينة

-ريم:همم واخا واخاا سيري تخدمي

-أصلي:فين غادة !؟

-ريم:نطل على المرضى..

مشاات كادور على المرضى ديالها..وهي خارجة من غرفة دواحد المريض..شدها شيواحد من كتفها..دارت بسرعة وتصدمات مني شافتو..لدرجة ولات كاتفتف فكلامها

-ريم:اا نتا شنو كادير هنا

-جان:نسيتي..نتي قلتيلي نجي باش تعايني الجرح ديالي..ولكن تعطلتي..مشيتي عند البوليس أنسة ريم..ودرتي اللي فراسك..شنو بانلك ندير ليك كيف القطة(قاسها فوجهها)ألقطيطة همم

شدات يدو باش قاسها ولوااتها..دارت وراء ظهرو وتكلمات فوذنو...

-ريم:نتا رااك ماخالعنيش سمعتي..أنا مستحيل ندخل معاكوم فهادشي..عييب تبغي نتا اللي يلعب بالجسد ديالك من بعدما تمووت هاا

-جان:همم عادي أصلا ماغايفيدوني ديك الساعة فوالوو..يعني حسن يربح شخص أخر الفلووس..ماتكونيش أنانية دكتوورة

طلقات منو ريم وهي مخنزرة..تخطاتو ودازت حتى سمعات تكلم من جديد..

-جان:ااه شنو خباار مامااك..قالولي غاتصيفطيها للحج..

دارت عندو ريم بسرعة..شنقات عليه وتكلمات

-ريم:علاش كاتهضر عليهاا هاا..أنا غانقتلك لازدتي كلمة عليهاا كانقسم لييك حتى غانقتلك..

-جان:واخا واخاا..بعدي..كالماا كالماا مالك كاترعدي(شدها من وجهها)بحالك ماخصهومش يتعصبو..خاص يبقااو ديما ضاحكيين

-ريم:علااش خليتوني نضحك..واش هاكداا كاتجازي اللي نقذ حيااتك..

-جان:تيقيني..اناا ماكانتصرفش هاكداا..وعمري خليت شيواحد يحط يدو عليا..غانقتلو ببسااطة.دولكن نتي حاجة سبيسياال..نقذتيني من الموت كيف شي ملااك..

-ريم:اواا خليني عليك..خليني نخدم ونكمل هاد الزمر والله لازدت دقيقة فهاد البلااد

-جان:لاا حشومة..حناا غانرحبوو بيك..المهم بخلاصة..وبلا مانطول علييك ونخليك تكملي خدمتك..يا إماا غاتكوني معاناا والاا ودعي مامااك..واخا ماشي مامااك الحقيقية بااينة عزيزة عليك..شنو بان ليك مانقتلوهااش حتى ترجع من الحج..منهاا تمشي نقية هاا؟

-ريم:نتا ماغاتقيسهااش..هي راها مرا كبيرة غاتقدرو تأدييوها..

-جان:همم نجربوو وحكمي بنفسك..نتي معاناا ولا لاا

(بعد صمت)مااتحلمش مستحييل ندير يدي فيدك المووسخة..

مشات وخلاتو كايبتاسم لوحدو..

-جان:أياياااي جاب لي الله معامن نتلهاا..مزيان مزياان

🌼🌼فمدرسة باسل

-دياب:غي قولي واش باغي تسطيني..نرجع من الخدمة مهدوود وباغي غي ننعس ونلقااك مقربلهاا..علاش هربتي من المدرسة

-باسل:والوااليد واجاني الملل..ماكاتعجبنيش هاد المدرسة وحتى الأساتذة والأستاذات خايبين وقبااح

-دياب:وعلاش كاين اللي غايصبر لييك..كاتسبهوم بالدارجة يالحماار وهوما ماعارفينش..ندمت حيث علمتك المغربية

-باسل:هي اللي كاتبردلي قلبي فييهووم..

-دياب:دخل دخل ومن بعد نتفاهمو..

دق دق..

-الأستاذة:السلام

-دياب:(بابتسامة)السلاام..أنا بابات هاد المشاغب دباسل..قالولي هرب من المدرسة

-الأستاذة:عييناا معااه وجربناا كاع الطرق..متسلط بزااف

-دياب:(موجه كلامو لباسل..بالدارجة)دخل لقسمك يالحماري دخل

-باسل:هاهو دااخل

-دياب:(بغمزة مع ابتسامة)ممكن نجلسو فشي بلاصة بوحدنا

-الأستاذة:(كاتشوف فيه بإعجاب)هاا..ااه واخاا..

مشاو جلسو فقاعة الأساتذة..ونسااات تلاميذها والحصة وكولشي..

-دياب:(بملامح حزينة)احمم كانظن راك عارفة..باسل ولدي مامااه ميتة..يعني أنا بابااه وماماه..ولكن كانغيب فالخدمة بزاف..هو اضطرب وولا كايتصرف هاكداا..عتابريه ولدك وحاولي تساهلي معااه حتى غالنقط حيت رانقطو ضعيفة

-الأستاذة:ااه..ولكن هو راه ذكي غي راسو قااصح الورقة دالإمتحانات كايخليها خاوية ويبقى يرسم واخا كايكون عارف

-دياب:ااه اوا غي تساهلي معاه شوية..(كايقلب فعينيه بحزن)صراحة ماكرهتش تكون عندو شي أم..وتكون أستاذة اللي تقريه فالدار وتربيه..وتكون زوينة بحالك..ولكن ماجابش الله

-الأستاذة:(بابتسامة عريضة)بصااح هه..حتى أنا صراحة ماكرهتش فحالك

شاف فيها دياب بنظرة شيطانية..قرب منها وقال بينو وبين نفسو"جاب الله فيمن نخويو الستريس دالخدمة"عاد بغاو يتباوسو وهوما يسمعو صوت من موراهوم كايحنحن

-مدير المدرسة:احمم احم

بعد دياب وخلاها مادة شلاقمها..جابت ليه الضحك وحاول يتحكم فيها

-دياب:السلاام سيدي..أنسة خليتك على خير

خرج من تما وخلاها وجها لوجه مع المدير اللي ماخلا ماقال فيهاا

ماطلق الضحكة حتى خرج من المدرسة وكايزيد يضحك فاش كايتفكر منظرها

-دياب:واععع بطة هه

🌼🌼فمكتب مدير المستشفى..

دقات ريم فالباب ودخلات بعدما قالها ليها

-ريم:احمم..السلام سي محمود

-محمود:السلاام بنتي ريم

-ريم:إلا كان عندك الوقت بغيت نتكلم معااك

-محمود:اييه تفضلي

-ريم:احمم..أنا بغيت نقدم استقالتي من هاد المستشفى ونرجع لبلادي

-محمود:ولكن علاش كنتي قلتي من بعد مادوز الفترة اللي صيفطوك لهناا غاتجددي العقد ديالك معاناا وتبقاي هنا

-ريم:وقعو شيحواايج اللي خلاوني نبدل رأيي..المهم أناا خديت قراري..(مدات ليه ورقة الاستقالة)هادي إستقالتي..وتشرفت بمعرفتك

وقفات باغة تخرج حتى كايدخل دينيز وهو كايتكلم بدون مايرد ليها البال..

-دينيز:سي جان قال باللي هو عارف ريم قبل مانعرضو..

شافها وبقا واقف بلاصتو مصدوم..

-ريم:بلاتي بلاتي نتوما عارفين هاد جاان..نتوما معااه..حتى نتوما داخلين فهادشي..واش ماعندكوومش ضميير هاا..

-محمود:(وهو مخنزر فدينيز)احمم جلسي وخلينا نتكلمو بالعقل

-ريم:هه واش خليتو ليا شي عقل..غي قولووليا أش درت ليكوم..علاش أناا بالضبط وسط هااد العدد الكبيير دالأطبة..واش غي أنا اللي كااينة ولا حيث بنت ليكوم وحيدة قلتو غاتديرو فيا مابغيتو..ماتحلموش بيها أنا مستحيل نقبل بهادشي اللي كاديرو..ربي غايحاسبكوم

خرجات وهي في قمة الغضب ديالها..ضربات الباب حتى تسمع صوتو فالممر وكاع اللي كانو كايتمشاو فيه دارو لناحيتها..مشات بدلات حوايجها بسرعة..وخرجات..والوجهة هي المنزل ديالها..

-محمود:أشنوو درتي داباا..إلا ساق جان الخباار غايقتلناا ويبيع أعضاءنا حتى حنا

-دينيز:أنا ماشفتهاش واش كااينة..بفف نمشي نتبعها

-محمود:جلس للرض ودير راسك مافخبارك والو..وحتى الا رجعات لبلادهاا ماكانظنش غايزيد يبغيهاا..كيف قالت عطا الله الأطباء

-دينيز:من كلامو بانلي باغيها هي بالضبط

🌼🌼جالس دياب مترأس طاولة الإجتماع..وبجوانبو كاين الفريق ديالو..روهان أركان ويزيد..قدام كل واحد فيهوم ملف أحمر اللون..

-دياب:(لابس نظاراتو الطبية..كايقرا فالأوراق وكايتكلم بجدية)احمم بلا شك المعلومات دالقضية والمشتبه به ديجا تطلعتو عليها(طلع عينو فيهوم بغمزة)بلا بياا

هبطو بثلاثتهوم عينيهوم للأسفل..قلب عينيه وتكلم..

-دياب:اواا وأناا بقيت الليلة اللي دازت كولهاا وأنا كانفكر ونخطط..وحداياا(قاس كأس القهوة اللي أمامو)الكافي..(شاف فروهان وأركان)باش مايدينيش النعااس ويقدر ديك الساعة نبقى نهلوس ونقول كلام اللي ماخصوش يتقال..فنظركووم لو أني شربت الفودكاا..مم ولا الويسكي..كنت غانبقا صاحي يااك

دور عينو عليهوم بجوج..لمح الضحكة اللي تسللات من فم يزيد وتكلم وعلى فمو ابتسامة

-دياب:سي يزيد قلت شيحاجة كاتضحك..مازال كون قلت ليهوم على ديك المرة فاش لصقات ليك ديك الشهبة المسكة فشعرك العزيز وجيتي كاتبكي علياا نرجع ليك حقك ديك الساعة يمكن ليك تضحك..

جمع ضحكتو بسرعة وهبط عينو بإحراج..وفالمقابل روهان وأركان اللي كانو كايضربو رجلين بعضهوم من تحت الطبلة وهوما حابسين الضحكة..

ماحسو غي برجل دياب اللي ضرباتهوم لرجليهوم حتى تأوهو بألم..

-دياب:(محمر عينيه فيهوم)غاتنضابطو ولا براا..ماعنديش هنا الحضانة

-الكل:سمحلينا ألشااف

-دياب:(كايحك فلحيتو)احمم حلوو ودنيكوم مزياان ماغانعاودش عشرة دالمراات..

قربو لعندو بجدية وهوما ناسيين موضوع الضحك وكولشي..

-دياب:الخطة هي..(رجع للوراء متكي على الكرسي وكايلعب بستيلو)الثاالوث المقدس..اللي هو الجنس..المال..والخمر..

-روهان:(باستفهام)وكيفاش غانستخدمو هاد الثالوث المقدس وعلاش

-دياب:بيه هو غاانتقربو من المشتبه به..بحثت على هااد جان وعرفت باللي هااد الثلاثة دالحواايج مبلي بيهوم..يعني الاا كان كايسحاب راسو راه ذكي..إذن رااه حماار حيث ساهل نوصلو ليه

-يزيد:وكيفااش غاندخلو ببساطة وبلا مايشكو فيناا

-دياب:همم سؤال زوين..بحالك أباا يزيد(غمزو)..الطريقة هي ..(شاف أركان)بصفتك سكاايري وعزيز عليك دووك الأجوااء..غاتقرب من هاد جاان فالملهى فاش كايكون واللي عندنا عليه معلومات..ومني يكون مخموور غاتاخد منو المعلوماات مفهوم

-أركان:وي الشااف

-دياب: وعندااك طيح على شي قرعة ولا شي بوكوصة وتنسى الخدمة

-روهان ويزيد:ههههه

-دياب:(شاف فيزيد)ونتاا أسي يزيد..غاتوريناا شطارتك والذكااء ديالك..هو مبلي بالقمر..ونتا غاتكون فالكازينو اللي كايعمر فيه..غاتبقى تراهن بكمية كبييرة من الفلوس وتبين ليه أنك رجل غني من الطبقة الأرسطقراطية وتلاحظ تصرفاتو وعلاش لا تقرب منو وكونو أصدقاء..ماتيقش رااسك راك غي غاتمثل

-أركان وروهان:ههههه

-دياب:(شاف فروهان)ونتي بصفتك عارضة أزيااء ومشهورة..نتي غاتكوني من بين الحسناواات اللي كايمارس معاهوم الجنس..وبطريقتك غاتجي منو المعلومات اللي باغيين..يعني خااصك تكوني نتي الطووب بين كااع البناات اللي تماا ويشوفك غي نتي..

-أركان:ولكن ممكن يدير فيها شيحاجة أشاف

-دياب:نعاود ليكوم قصة..هادو فالمخابرات المغربية يعني فبلادي الأم..قالك أسيدي..

-دياب:حكاية ضابط في الاستخبارات العسكرية اللي كان موضع شبهة..وباش يراقبوه ويرصدو تحركاتو بشكل دقيق..استعنوا بخدمات سيدة كاتشتاغل في نفس الجهاز..وبالفعل قدرات تطيحو فشباكها..وتدير معاه علاقة زواج وولاات من داخل بيت الزوجية كاترسل التقارير المفصلة والدقيقة عليه لإدارة الجهاز..كانظن وصلاتكوم الرساالة..حناا هنا مستاعدين نضحيو بحيااتنا وبدون مانفكرو..هادي هي خدمتناا..كلها مخاطر ومغامرات وهادشي راكوم عارفينو قبل ماتخدمو معانا هناا أولاا؟

-الكل:وي شاف

-دياب:همم مزيان..(حط ستيلو فوق الطابلة وطلع عينو فيهوم..كايمرر نظراتو عليهوم)حاجة أخرى..نبغي المعلومات اللي يوصلو يكونو دقيقيين..هامش الخطأ في الحصول على المعلومات غير مسموح به..المعطيات اللي غاتعرفوها خاص تكون تامة ودقيقة ومفصلة وتتجاوز الشقيقات الخمس من..ماذا..وأين..ومتى..وكيف..يعني تكون محيطة بكل الجوانب..مفهووم؟!

-الكل:وي شااف

-دياب:ااه وماتنسااوش القااعدة الأولى اللي تلقنتوها فاش عاد التحقتوو بأجهزة الإستخبارات.. " المعلومة التي لديك احرص عليها ولا تبح بها ولو لأقرب الناس إليك، والمعلومة التي لدى غيرك كن أنت أول العارفين بها" بالدارجة المغربية " ديالك حضيها وديال الناس تعرفها"

بقاو كايشوفو فيه ببلاهة..قلب عينيه بملل وقال

-دياب:المهم الفكرة وصلاتكوم والمعلومات اللي غاتحتاجو باش تبداو مهماتكوم غايوصلوكووم..الاجتماع سالاا

وقفو من كراسيهوم ووقف هو الأخر كايشوف فيهوم

-دياب:(بابتسامة)ديرو عقلكووم شوية وماتكونوش هبال بحال الشاف ديالكوم

-يزيد:حاشة أشاااف

-دياب:(كايقلدو)همم حاشاا أشااف أنا اللي عارف أش كاتقولو موراياا

-روهان:يحصلينا الشرف نكونو بحالك أشاف

-دياب:(شاف مباشرة فعينيها)همم حشمتيني كااع

-أركان:احمم الشاف ماديرهاش مني قلة الصواب ولكن نتا ماغاتدخلش فهاد القضية؟

-دياب:(بغمزة متسائلة)فنظركوم؟

-يزيد:مستحيل تفلتهاا من يدك

-دياب:أكييد غانتدخل..بصفتي هااكر اللي يقدر يستافد منو فشركتوو اللي أكيد غاتكون غي واجهة باش يتخباا وراءهاا..حنا خاصناا نكملو هادشي دغياا ونجمعو أكبر عدد ممكن من الأدلة باش نفرتكووهووم ونرجعوو حق دوك النااس اللي تظلموو وتخاادو أعضاءهوم وحتى عائلتهووم اللي عارفين واللي ماعارفينش وعند بالهوم راهوم مدفونين بكاع أعضاءهووم..

-روهان:ااه ضروري

-دياب:روهان..بقاي بغيت نتكلم معاك..

خرجو أركان ويزيد بدون مايزيدو كلمة وخلاوها هي وياه..كاتشوف فيه بإعجاب وعلى فمها ابتسامة

مشا جلس فوق الفوتوي ووما ليها تجيب القرعة دالشراب من النوع الفاخر اللي كاينة فوق المكتب ديالو..وداكشي اللي دارت خوات ليه فكأس وخوات ليها هي الأخرى..مدات ليه كاسو وجلسات حداه وهي واضحة رجل فوق رجل

-دياب:روهاان..بابااك ماخاصو يعرف والوو متافقين

-روهان:ولكن..بابا شنو دخلو فهادشي..

-دياب:(مقاطعها)روهاان أنا راني ماناعسش على وذني..عاارف باللي بابااك داخل مع العصابات وعارفك حتى نتي عارفة وساترة عليه

-روهان:وشنو غاندير ندخلوو للحبس..

-دياب:همم لو كان عرف عندو عميلة سرية فالدار مايخليش وراقو فالدار كوراه غبرهوم

-روهان:أنا دابا كان بان ليه ديك الفتااة المدللة..عارضة أزيااء ومقابلة غي الحفلات..ماشي غي هو اللي كايعرف يمثل

-دياب:غنظرك يكون كاايعرف هاد جان

-روهان:مانظنش..بابا مايوصلش بيه الأمر لتجارة الأعضاء..راك شفتي هو معاهوم غي فتجارة المخدراات وصافي

-دياب:همم المخدرات وصافي..عنداك يصحابليك أنا غانسااه هو غايتعااقب..حنا هنا ماكايهمناش واش قريب ليك ولا لاا..هادي خدمتناا وخصنا نديروهاا بعيداا عن الأحاسيس داكووغ

-روهان:هو اللي بقا عندي..ماما مشات وخلاتني..الاا مشا حتى هو غانبقا بوحدي..مانقدرش أدياب مانقدرش اهئ اهئ

طاحت ليه على صدرو وهي كاتبكي..شد الكأس وحاول مايخويهش فالأرض وهو مخسر سيفتو..حطو على خاشية الفوتوي ودار لعندها..لقاها كاتبكي وشادة فتيشورتو..طلع عينو بعدم حيلة وحط يدو على ظهرها

-دياب:شش صافي ماتبكيش..نكملو هاد القضية ونهضرو فقضية باباك..شش صافي براكة

طلعات يدها لعنقو وحاوطااتو بيدها..طلع دياب حجبانو بتعجب..دور وجهو للجهة الأخرى وشاف فالسقف..ابتاسم ورجع دار لعندها

-دياب:روهان..غايدخل شي واحد ويفهم غلط

-روهان:(كاتكلم فصدرو)خليهوم يقولو اللي بغاو ماكايهمنيش..(بقات لثواني ومن بعد باست صدرو..طلعات راسها فيه ولقاتو رجع هز كاسو وكايشرب وهو متجاهلها..زادت طلعات وباستو فعنقو..

-دياب:روهاان..

-روهان:(كاتشوف فوجهو بإعجاب)شش سكت..خليني نبقا نشوف فيك(كاتقيس فوجهو ولحيتو)فخبارك نتا زوين بزااف وعندك واحد الجاذبية عجييبة..عمر شيواحد جذبني بحالك

-دياب:روهاان..

-روهان:عافاك سكت وخليني نتكلم..علاش ماكاتشوفش فياا واش أنا خايبة هاا..نتا ماعندكش حبيبة من غير دوك العلاقات العابرة..علاش واش أنا ماكانبانش ليك

طلعات يدها وشداتو من وراء عنقو..قربات لشفايفو وباستوو...

-جان:كاتقلبي على الأورااق ههه

دارت ريم وهي مخلوعة ولقاتو موراها..

-ريم:نتا شنو كادير هناا..كيفاش دخلتي لداري..(بصراخ)خرج علياا خرج..

-جان:همم واخا واخا غانخرج ماتقلقيش ألغزاالة..الموهيم جيت غي نقوليك بلا ماتقلبي على أوراقك..البطاقة الوطنية والباسبوور وحتى البيرمي عندي..مغربية الجنسية همم..ماكانش كايصحابلي المغربيات زوينااات لهاد الدرجة(هااحححح😍😅)

-ريم:نتا علاشنو كاتقلب هاا..راني قلت ليك مستحييل نقبل بداكشي اللي باغي..يعني بلا ماتحاول..خديتي أوراقي باش مانرجعش للمغرب يااك ههه..اواا غي رتااح قتلني وماغانديرش هااد العمل الشنييع

-جان:همم بصااح..أنا غانوريك واحد الفيديو ألغزاالة

خدا تيليفونو ووجهوو لأمام عينيها..فور ماشافت الشاشة حلات فمها بصدمة..

كانت لالة نزهة غادة وهازة التقدية ديالها وقريب منها جوج دالرجال ذوي بنية جسمانية كبيرة ولابسين ملابس سوداء اللون كحظها تماماا..

-جان:احم هادي مامااك..باتصال مني غانصيفطوها للآخرة شنو بان ليك

-ريم:لاا لااا(جلسات على السرير وشدات راسها بعدم حيلة)..

شافت فيه بانكسار وتكلمات

-ريم:غي قولو لياا اشنو درت فيكووم..شنوو واش حيث درت فيك خيير هاا؟!واش هاكا كاتجازي اللي نقذ حياتك..كون غي خليتك تموت وتعفن فديك الغابة..أصلا نتا التراب مانظنش تقبل جسمك..كنتي غاتبقى تماا حتى ياكلك شي حيوان على الأقل تنفعهووم ودير خير فحياتك..ينعل هااد الضمير اللي خلاني نعتقك

بقا كايشوف فيها ببرود وهو جامع يدو لعندو..بعد دقائق من الصمت طلعات عينها فيه بحزن وقالت..

-ريم:(بهمس)قابلة

-جان:(وهو واضع يدو على أذنو)همم ماسمعتش مزيان

-ريم:أناا قابلة..قابلة ندخل معاكوم فهااد الوسخ..قابلة نسرق الأعضاء دناس بريئين ومادارو لياا والو..ونآديهوم بدون سبب..قابلة اهئ اهئ (حطات يدها على وجهها وكملات بكاءها)

قرب منها وجلس بجانبها..حط يدو على كتفها فمحاولة ليه بمواسااتها(فهم تسطى😑)طلعات عينيها فيه واللي كانو حمرين ومنهوم ظاهر مدى حزنهاا وغضبها..دفعاتو فوق الفراش وجلسات عليه وهي شانقااه

-ريم:أناا غانقتلك ونهني البشرية من شرك

-جان:(بابتسامة مستفزة)اووه مايصحابليش لهاد الدرجة عاجبك..ماقدرتيش تصبري أمام الجاذبية ديالي هه

زاادت شنقااتو حتى تخنق وهي كاتخنزر فيه وشراراات الغضب تتطاير من عينيها..شد فيديهاا وقلبها..وهاد المرة هو اللي كان فوق منها

-جان:خليناا نستمتعو شوية وماتقصحييش راسك أحبيبة

زاد قرب وهو باغي يبوسها..وبقات كاتركل تحت منو وتبعد وجهها من عليه وهي كاتصرخ بقوة وتطلب النجدة..

🌼🌼عند دياب

باستو ففمو وبسرعة بعدهاا وناض واقف

-دياب:روهاان أخر مرة تصرفي هااكدا

-روهان:(وهي كاتبكي)علاش ديما كاتصدني اهئ..علاش كاتنفر مني..

-دياب:(وهو كايمسح وجهو بيديه)روهااان

-روهان:(مقاطعاه)علاش فاش كانعتارف ليك بحبي كاتجاهلني..علاش فاش كانتقرب منك كاتصدني

شاف فيها ديااب ببرود وتكلم

-دياب:روهاان خرجي عافااك بغيت نبقا بوحدي

-روهان: ولكن..

-دياب:(مقاطعها)روهااان..خرجي

خرجات والدموع فعينيها..تخطات يزيد وأركان اللي كانو كايشوفو فيها بصدمة وكيفاش كانت كاتبكي..

-يزيد:بفف هادي مالها..يكون قاليها الشاف شيحاجة ماعجباتهاش

-أركان:يالااه نخرجو..شغلهوم هادااك..

بقا دياب فالمكتب كايلعب فتيليفونو وهو معصب من تصرف روهان..من طبعو كايبغي كل ماكايتعلق بالأحاسيس خارج عملو..ببساطة حيث عاطي لخدمتو أولوية

هز تيليفونو وتاصل بماماه

^الحوار بالتركية باستثناء كلمة"الواليدة😅"^

-دياب:ألوو الواليدة

-كريمة:ألوو ولدي حبيبي

-دياب:كيداايرة لابااس عليك

-كريمة:الحمد لله ألكبش ديالي ونتااا

-دياب:واالوااليدة واماتبقايش تقولي لياا كبش وأناا قد الحلووف

-كريمة:كاتعتاارف بيها بعدا ألحماار

-دياب:احمم الواليدة..أنا غانصيفط ليك باسل يبقى عندك واحد المدة

-كريمة:اييه مرحبا بيه توحشتو نييت ولكن علااش ياكما غاتغبر بحال شحال هاداا مشيتي عام عمرنا شفنااك

تفكر دياب ديك المغاامرة اللي كان دوز واللي كان غايموت فيها فروسيا لولاا لطف الله..تفكر صاحبو أشقر واتصالهوم الأخير..من ديك المرة عمرو صونا لأشقر ولا سول فيه..رجع نمرتو لقدييمة واللي كان مخدم شحال هاذاا ماربما يصوني ليه ولكن لاا..هو حتى ماسولش فيه واش حي ولا ميت..وماسولش حتى ماماه كريمة..إذن علاش هو ديما اللي غايبقى يصوني ويسول

-كريمة:أولدي فين مشيتي

-دياب:أنا معااك الحووب..احمم هادي غي واحد المجلة اللي طالبااني فمدينة أخرى باش نصور واحد الدعااية..وحتى باسل لاحظت أنو ماعاجباهش هاد المدرسة..أحسن يجي عندك يبدل الجو شوية ونديو ليه أسااتذة حتى للدار يقراا

-كريمة:ايه اييه واخاا أولدي إوا جيبو ليااا(بعد صمت)أجي يااكما شي وحدة هادي وبغيتي تبقى نتا وياها الرااس فالراس وتهنى من ولدك شنو سميتها

ابتاسم دياب وقال ليها

-دياب:مم المهم بكل صرااحة راك عارفاني ماكانبغيش نكذب علييك..كانبغي وحدة وبزااااف

-كريمة:بصااح أولدي..أخيرا قلبك نبض لشي وحدة

-دياب:ممم

-كريمة:إواا قولياا شكون هادي

-دياب:كانحشم ألواليدة

-كريمة:الله ينعلك فين عمرك حشمتي يالخاايب قوول

-دياب:احمم المهم أنا غانعتارف ليك..(بعد صمت)كانبغيك نتي ألواليدة

-كريمة:كاتفلاا علياا ألحماار الله ينزل عليك اللعنة

-دياب:ههه والاا والااا الدعاوي لاا الواليدة را ماناقصينيش..وزايدون هاكداا كاتصرفي مع اللي اعتارف ليك بحبو شوية دالرومنسية وااه

-كريمة:بعد مني ماتكلمش معاياا مقلقة منك

-دياب:وينوو الحووب مقلقة مني..شنوو بغيتيني نصيفط ليك مع باسل هاا

-كريمة:ماتصيفط لي والو(بعد صمت)جي غي نتاا نشوفك توحشتك أولدي

-دياب:رااك عارفة خدمتي كثييرة هاا التصويير هاا الشركة..(كايتلف الكلام)أجي بعدا الشركات دالواليد غادين مزيان ماكاين حتى مشكل ياك

-كريمة:لاا انا واقفة على الشغل..عارفاك باغي تلف الكلاام مالك أشنو خااصك حتى تولي مصور

-دياب:هادييك الهواية ديالي الوالييدة مانقدرش نتفرق عليهاا

-كريمة:قول راك مبرع كاتشووف فالبنات يالشوييطن

-دياب:(متجاهل كلامها)الواليدة عقلتي أول عاام ليا فاش صمت وجيت عندكوم قلت ليكوم راني بلغت كنت حشماان

-كريمة:كنتي حشمان ههه اوا الله يمسخك..نتا جيتي كاتقولها وتغوت بيهاا يالحماار قاليك حشمان كوما كنتي حشمان اش كنتي غادير ههه

-دياب:(بجدية)واش داباا عاقلة ولا لاا

-كريمة:واييه عااقلة

-دياب:حتى أنا عاقل..ولكن علاش كاتسوليني فهاد المواضيع رااك كاتحرجيني؟

-كريمة:سير اولدي شرب دواك سيير ههه

-دياب:هه ااه نسيتو..الله ييعااااونك يا أحلى ام فالدنياا..رضي عليا

-كريمة:الله يرضي علييك أولدي

-دياب:(بابتسامة)أمييين..بسلاامة

قطع على الام ديالو وعلى فمو ابتسامة كبييرة..غي كايسمع صوتها كاينسى المشاكل وكايضحك..

🌼🌼جالسة فوضعية جنين وكاتشوف قدامها..الغرفة كانت كلهاا مرونة..وماشي بعيد على السرير كان طايح جان وغارق فدماياتو

-ريم:أناا قتلتوو..قتلتوو اهئ..ولكن هو اللي ماخلانيش كان باغي يتعدا علياا اهئ اهئ..أنا ماغانعتقوش هاد المرة غانخلييه يموت..وغانتعفن فالسجن وماكاين الليي يجي يزورني..لهاد الدرجة الحياة عاطياني بظهرهاا..لهاد الدرجة ماعنديش الزهر..

دخل الكارد وفور ماشاف الشاف ديالو طايح والدم كايخرج من راسو وحتى من جانبوو لانها حلات ليه الجرح من جديد..الجرح اللي خيطات خخ..غريبة الحياة

جاو ليكارد لاخرين..وحدين هزو جان ولاخرين جرو ريم وداوها معاهوم..بدون ماتدير حتى ردة فعل..عارفة راسها ماعندها مادير..عارفة الصراخ والبكاا ماغايفيدوها فواالو..

🌼🌼بعد ساعات

جالسة ريم فغرفة ذات فراش أبيض وبسيط..كاتشوف فالأمام وهي سااهية..وكاتفكر فشنو غادير وكيفاش غااتخرج راسها..بقات لمدة وهي شاردة وفالأخير نطقات بهمس..

-ريم:I'm done (انتهيت)

طلعات راسها فور ماسمعات صوت الباب تفتح..كان دينيز..ضحكات باستهزاء فور ماشافتو ورجعات هبطات راسها وتكلمات

-ريم:علاش جااي..باغي تقولي باللي داك المبدأ اللي كنت تكلمت عليه وافتخرت بيه أنا دابا تخليت عليه..باغي تشفا فياا

جا جلس حداها وملامحو جامدة..بقا مدة صامت ومن بعد نطق

-دينيز:مانكرش أني باغي نتشفى فييك ولكن..أنا غانعااونك حتى تخرجي من هنا

انفاجرات ريم بالضحك..

-ريم:باغي تعاوني ههههههه قولي فينهاا الكاميرا..دايرينلي كاميرا كاشي هههههه

بقات كاتضحك بهستيرية وبعد لحظات تحول الضحك لبكاء شديد وقوي..بقا كايشوف فيها دينيز بشفقة..بغا يحط يدو على كتفها وبعداتها..

-دينيز:ريم أنا باغي نعاونك بصااح..جاان راه باقي حي واخا الضربات اللي عطيتيه قويين ولكن قدرنا ننقذووه..العملية الجدييدة قريبة وفور ماغايفيق ايآمر بأننا نبداوهاا..وأكييد حتى نتي غايدخلك فيها..هادشي الاا ماقتلكش على اللي درتيه فيه..

مسحات ريم عينيها من الدموع بأكمام ملابسها تنفسات بعمق وتكلمات بقوة مصطنعة..وكأنها ماشي عي اللي عااد استسلماات للدمووع وبكات وضحكات فنفس الوقت وبطريقة جنونية..هادشي الاا دل فغاايدل على ألمهاا وعذاابهاا وكذلك على مدى صبرها

-ريم:ماباغااش مساعدتك..وحتى لو بغا يقتلني ماعنديش مشكل..حسن نتهنى من هاد الدنيا اللي عمرها خلاتني نفرح كيف كاع الناس ..وليت متأكدة..مني نضحك أكيد غاتبعها شيحاجة اللي تنكدها عليا..سو ماكاين لاش نثيق فيك ونعلق عليك أملي..حيث غاتخيبني

-دينيز:لا لاا غي ثيقي فيا غانعرف كيف ندير ونصيفطك لبلادك..

-ريم:هه وعلاش..أكييد عندك مقاابل..ماتشووفش فياا هاكدا خيث ماغانتيقش أنك إنسان طيب وباغي تدير فيا الخير..مافيكش مواصفات الشخص اللي غانثيق فييه..عرفتي علاش حيث كانقدر نقرا الصدق دالإنسان من عينيه..ونتا عينيك فيهوم الغدر..شوفااتك كايخوفوني وصوتك كايجيب ليا الإشمئزااز والغثياان..بحاالك بحال هاد سيدكوم جاان وكااع اللي داخل معاكووم فهادشي..مستحيل نثييق فيه..

-دينيز:إذن خااصك تفقدي الثقة حتى فنفسك حيث حتى نتي دخلتي لهادشي ووليتي منا..

هو عندوو الحق..هي رااولات منهوم..واخا ماشي بإرادتها وتحت التهديد

ولكن فالأخيير راها دارت يدها فيدهوم..حتى هي غاتشارك معاهوم فأعماالهوم.."التجارة بالأعضاء البشرية"لو أنهم قالوا ليها قبل سنوات أنهاا غاتدخل لعصاابة بحال هادي وفتركيا ماكانتش غااتصدق أبدااا..بل كانت غاتضحك وبشدة..هادا هو قدرهاا..ومهما فعلت مايمكنش ليها تغيرو..وكأنوو مكتوب ليها من صغرها ماغاتشوفش الفرحة..حتى هي ولات سيئة..لا هي كاتحس براسها ولات الأسوء فهاد العالم كولوو..

🌼🌼بعد مرور أيام

اتصل بيزيد واللي كانو بجانبو روهان وأركان

-دياب:السلااام

-الكل:السلام شاف

-دياب:اليووم بالليل غاانبدااو المهمة ديالناا..أركان وروهاان غاتكونو فكاباري وااحد وغاتوفرو الحماية لبعضكوم حااولوو ماتثيروش الشبهات ويزييد مهمتك باقي بعييدة لأنو ماكايعمرش فالكازينو بزااف..يعني غي سير رتاح ليك شوية..أناا درت اللي علياا وراني كانتسناه يجي لهاد الشركة دالزمر عندوو باش نقنعوو نخدم معااه ونشوف شنو تحت راسو

-الكل:وي شاف

-دياب:يالااه سيرو وجدوو..أناا قدرت نعرف داروو..كاينة فواحد البلاصة براا إسطنبول وبلاصة خاوية..الوقت اللي غايكون فالكاباري أناا غانكون فدارو ونبحث على شيحااجة اللي تنفعناا مفهوم

-أركان:رد الباال أشااف غايكونو بزااف دالحراس

-دياب:لا ماعندك مناش تخااف نتوما اللي ردوو الباال

-روهان:مني غانشوفووه خارج من الكاباري غانعلموك

-دياب:شنااهواا..هو راماخاصوش يباات فداارو..غاتوهمييه باللي دوز ليلة معاااك وبلا ماندخل فخدمتك راك عارفة كيف ديري

-روهان:أكيد اشااف

-دياب:همم مزياان أركاان ماتشربش لا نتاا لاهي باش تبقااو فوعيكووم ..ااه ورد الباال لروهان..بسلامة..

قطع عليهوم الخط ..طلقات روهان ضحكة عالية وناضت كاتنقز فبلاصتها

-أركان:مالناا ياك لابااس؟!

-روهان:ههه هو وصااك عليااا..هو خااف علياا ههه

شاف فيها أركان باستهزااء وناض من بلاصتو

-أركان:بسلامة حتى نتلاقااوو

مشا خرج فحالو وخلا يزيد وروهان

-روهان:حتى أنا غانمشي نوجد باش نقدر نجذب انتبااهو..أووف تعطلت بزااف

مشاات هي الأخرى بجري مخليين يزيد لوحدو

-يزيد:وأناا غانبقى بووحدي مرتاااح..بحال أي واحد من الطبقة الأرسطقرااطية ههه..

عاد رجع راسو للوراء وهو شاد كأس من النبيذ الأحمر..كايتلذذ فيه ويتخيل نفسو رجل نبييل..مافيقو من أحلاامو غي دياب اللي صونا عليه

-دياب:يزييد عاافااك سيير للداار غاتلقى السارووت فديك اللعيبة فاش كايتحطو المظلاات وقاد لياا الروبيني دالدوش خااصر وكايقطر ديما مبرزطني

-يزيد:ولكن نتاا قلتي لياا رتاااح

-دياب:اييه قلتهاا وبدلت رأيي عاارفك غاتكون كاتحلم برااسك كاتلعب بالفلووس وضايرين بيك الجوااري..نوض راك غي غااتهبل وأناا بااقي باغيك بعقلك..

-يزيد:حرام عليكوم حتى الحلم حارميناا منو

-دياب:ألي ألي الروبيني كايتسنااك ههه

قطع دياب وبقاا يزيد كايسوط غي بووحدو..وفالأخير استسلم لطلب الشااف ديالو وناض فاتجااه منزل دياب..

-يزيد:بفف ماعرفت رااسي عمييل سري ولاا بلوومبي..الله يسمح ليك أسي ديااب الله يسمح لييك

جاالسة فالغرفة بوحدها..وكاتشوف فالسقف بملل..

-ريم:بفف ياربي كون غي عطاوني التيليفون نتلهى بييه..زعما غايكونو مشوشين علياا فالمغرب..

ناضت وقفات وهي كاتدوور فالغرفة ذهابا وإيابا..حتى حسات بكرشها كاتضرها..جرات بسرعة فاتجااه المرحاض اللي فغرفتها وسداات عليهاا..بقاات تما لمدة طوييلة بلا ماقوليكوم العذااب دالإسهال😂..

خرجاات وهي حانية ظهرها وشادة فبطنها..جلسات فوق السرير وهزات الأوراق دالرسم ديالها..وبدون ماتحس قادتها يدها لرسم طائر النورس..بقات منهامكة وكاترسم فيه بكل دقة واحترافية..فقط باستعمال قلم رصااص اللي جابو ليها..

طلعات راسها بعدماا كملات الرسمة ديالها..هزات الورقة قدامها وبقات كاتشوف فيها بفخر..

-ريم:اخخ علياا وعلى مواهبي الضائعة..طائر نورس جميل..ماعرفتش علاش هاد الطائر كايعجبني وبشدة..شيحاجة كاتجذبني ليه..(بتنهيدة وي كاتشوف فالرسمة)اوااا ها أناا هاجرت بحالك يا طائري..ولكن ماتلاقيتش بالأحباب على العكس تلاقيت بأعداء اللي منكدين ليا حياتي وعاد ماغايزيدو ينكدوها أكثر..أناا غاامرت فحاالك وقبلت نجي لهاد البلاد اللي طالما عجبااتني وجذباتني بجمالها وثقاافتها ولغتها..لو أني ماغامرتش لكاان أحسن يااك أنورسي؟لو بقيت مكمشة فبلادي وبين نااسي كان أحسن..يعني واخا ماشي عائلتي الحقيقية ولكن كانعتابرهووم أكثر من ذلك..(بضحكة استهزاء)عائلتي وماشفت منها غي الظلم..

🌼🌼واقف فمكان قريب من منزل جان وكايشوف فالعدد دليكاارد

-دياب:(بتدمر مع نفسو)بفف هادا شنو دااير فهاد الداار..هاحناا غانشوفوو

خداا عود ثقااب من جيبو..جمع كومة متوسطة الحجم من أوراق الشجر والنباتات الصغيرة ولاحها عليهوم..وبعد ثواني اشتعلت الناار..بعد من تما بسرعة وتخباا..تجمعو ليكارد اللي كانو أمام الباب فور ماشاافو الدخان خارج وسط الأشجار..استغل الفرصة ودخل بسرعة للداار

عاد تمشى بضع خطوات حتى بان ليه كاارد جاي من داخل المنزل..وبسرعة كبيرة قدر يتخبا وراء واحد الشجرة..ولحسن الحظ ذات جذع ضخم وإلا كانت برزات أكتافو العريضة..

تسناه حتى خرج ودخل للدااخل وهو مراقب لاتكون كاميرات مراقبة..وبالفعل كانوا..لعن حظو وفكر مزياان كيف يدير..أكيد غرفة التحكم فكاميرات المراقبة غاتكون فالأسفل ولا خارج المنزل..غالباا هذا مكانهوم..غير الوجهة ديالو..وهو كايقلب على دروج ولا شيحااجة اللي تديه لهاد الغرفة..كل هادشي وهو متخفي وحركاتو مدرووسة .ماكايخليش وراؤو أثر ولا حتى صوت..

🌼🌼فالكاباري..

-أركان:احمم ممكن نجلس معاك..

-جان:وعلاش..

-أركان:حااس بالملل فهاد المكاان..كنت جيت على قبل شي مشاريع جدااد ديولي حيث كايقولوو هاد البلاصة كايكونو فيها رجال الأعمال..(قلب فمو للأسفل)

-جان:(بفضوول)اشمن مشاريع..تفضل جلس

جلس أركان بجانبو وهو فرحان لأنو صدقو..

عيط على النادل وطلب منو قارورتين من النبيذ الأحمر..شاف فيه جان بتعجب وتكلم

-جان:ماكاين لاش جوج دالقراعي ماباغيش نسكر

-أركان:لا لاا ماعندك منااش تخااف..ماتقولش ليا باقي كايشد فيك الشرااب بالنسبة لياا واخا نشرب ربعة دالقراعي ماكايدير فيا والو

-جان:همم...حتى أناا..كب لياا معاك

-أركان:اييه هي اللولاا..اواا ماعرفتينيش على راسك

-جان:(وهو كايشرب)جاان **** رجل أعمال وصاحب شركة **** للتجارة

-أركان:همم متشرفين سي جاان..أناا لوبيرتوو ***أمريكي الأم وتركي الأب وحتى أناا عندي شركة للتجارة..

-جان:حتى أنا الأب ديالي تركي والأم ديالي روسية

-أركان:على هاد الحسااب التركيين ماساهليينش هه

-جان:ااه ههه..اواا قولياا فشنو نقدر نعاونك

-أركان:أناا باغي ندير شيحاجة اللي نربح بيها فلووس صحيحة..شركتي راها فطريقها للإفلاس ندير أي حااجة باش نقدر نوقفها على رجليهاا من جديد

-جان:احمم أي حااجة أي حااجة

-أركان:ااه أي حااجة

-جان:(بشك)اواا ماعندي ماندير ليك

-أركان:اخخ حتى لاماقديتيش تعاوني أنا باغي غي نخوي عليك هموومي عييت بزااف..هااك شرب وخلينا ننشطو ونسااو المشاكل

-جان:ااه كب معااك..

بعدماا خدا أركان من جان بعض المعلوماات القلييلة لأنو واخا سكران عارف أش طايقول..مشا وخلا جان جالس بوحدوو وسكراان

-روهان:احمم السلاام

طلع فيها جان عينيه وهبطهوم وقلب وجهو للجهة الأخرى..وبعد ثواني عااود رجع كايشوف فيها..

-جان:روهاان..عارضة الأزياء بشحمها ولحمها

-روهان:ااه هي هادي ولكن..أعد النظر فالشحم(كاتمرر يدها على خصرها وتحرك جسمها بطريقة مثيرة)هااد الجسم وتكون فيه الشحمة لااا هه

-جان:هه ااه بصااح ماتكونش هه..قربي لعندي

قرباات لعندو وجلساات فجنبو وهي كاتضحك ليه ضحكة أنثوية

-جان:روهان **** جاات لعندي برجليها

-روهان:مااقدرتش نتحمل جاذبيتك ونظراتك القوية..لاحظت باللي كاع الرجال اللي فهناا عينيهوم علياا أناا(كاتقيص فصدرها)إلا نتاا..أكييد عندك شي مشكل عااود لياا

-جان:(وهو دايخ)اييه نعاود ليك نعااود(كايمرر يدو على أفخاادهاا وكايشوف فيها بشهوانية)ولكن ماشي هنا..

بعدماا وقف الكاميرات دالدار كولهووم..ولحسن الحظ كانت الغرفة ديالهوم بدون حارس..دخل بسرعة للمنزل ومشى فاتجاه الغرف..واللي كانو فالطابق الثااني..

دهل للغرفة الأولى وكانت فاارغة..قلب فخزاناتها وكانوا هماا لاخرين خاويين..قلبهاا مزيان..الحيووط كولشي..ومالقا والو..سدها وخرج..ودخل فاتجااه الغرفة الموالية..حلها وكانت فارغة ..ضرباتو رائحة أنثوية قوية لأنفو..رائحة اللي خلاتوو يبقى واقف جامد..وبدون مايشعر غلق عينيه وخلا الرائحة تتغلغل فأعمااق صدرو وتدخل لرئتيه..وبعد ثواني فتح عينيه ولعن نفسو علااش بقاا هاكداا وضيع وقتو..شنو اللي خلااه يتوقف هاكدا..وعلاش بالضبط رائحة هاد العطر..

دخل للغرفة وبدا فالبحث..لقا بعض الحاجياات الأنثوية وضحك باستهزاء

-دياب:هه أكيد غرفة العاهرة ديالو

قلب الفراش وبانو ليه بعض الأوراق البيضاء خارجين من ملف..انقض عليهوم بسرعة وعند بالو ليهوم علاقة بالمهمة ديالهووم..حلهوم وفور ماشافهوم بقا كايشوف فيهوم..كانو رسوماات ريم لطائر النورس..بقا كايشوف فيهوم وبدون مايحس ترسمات على فمو ابتسامة عريضة..

-دياب:طائر نورس جمييل

🌼🌼جالسة فالحمام دبيتهاا وهي كاتعض فأظافرها

-ريم:بفف شكوون اللي دخل لبيتي..وااع غاانحل باب الطواليط وغاتعطي الريحة اهئ..بريستيجي والنفخة ديالي رااحت

هزات معطر الجو وبقاات كاترش فييه من جديد..قادات حوايجهاا..شمات المكان ومني تأكدات من عدم تواجد الراائحة..حلات الباب..دورات عينيها فالمكان وكان فارغ

-ريم:بفف شكون كان هناا..يكون شي كاارد اللي شم الريحة هه..كوراه مبوق دابا هاهاهاا

🌼🌼دخل دياب للغرفة الثاالثة..وسد عليه..

-دياب:بفف كنت غاانحصل..مخليهاا فالداار ومشاا للكاباري..ههه العفووو

بدا كايقلب ويبحث فالغرفة والأورااق بكل تركييز..وفنفس الوقت راد البااال للباب لايحصل ويمشي كوولشي..

-دياب:همم رااك مطور حااط غي ورااق الخدمة..التجاارة هه..اواا هاحناا غانشووفوو..

مشاا لغرفة تغيير الملاابس..قلب بين حوايجوو مزياان وهو كايتكلم مع نفسو

-دياب:الكلاااص هه باغي يبين راسو شخصية مهمة

عاد بغا يخرج وهوما يبانو ليه العطوور..خدا قارورة منهوم ..حل الغلاقة ديالهوم وقربها لنيفو..وبسرعة بعدهاا وهو مخسر سيفتو

-دياب:بفف على ذوق عندوو..

🌼🌼فالمقر..

واقف دياب وواقف أمامو أركان وروهان وحتى يزيد

-دياب:عطيوني المعلوماات لاش توصلتو..

-أركان:أنا قدرت نخلييه يسكر واخاا مابغاش يشرب فاللول..ولكن واخاا هاكدااك كان عاارف أش كاايقول ومااذكرش شي حاجة عندها علاقة بالعصابة..كان تكلم على أشخااص اللي كايعرفهوم..فيهوم أصدقااؤو وأعداؤو وحتى اللي كانو أصدقاؤو وغدروه كيف قال(مد ليه ملف)هناا الأسماااء اللي قالي وإلا بغيتي ندير عليهوم بحث مفصل

-دياب:(خدا الملف)لا لاا أنا غانبحث عليهووم..نتاا ماوريتي هاد الملف لحتى واحد ياك

-أركان:لا أشااف كون هاني

-دياب:همم مزيان مزياان..(دار لعد روهان)ونتيي أروهاان لشنو قدرتي توصلي

-روهان:اا حتى أنا ماوصلتش لشي حااجة مهمة بزااف..باستثنااء هاد أرقام الهااتف اللي كانو فمعطفو واللي قدرت ناخدهوم بعدما درت ليه منوم فالشراب ديالوو فاش كنا فديك الغرفة..ولقيت عطر نسائي واللي خديت منو عينة لاربما تكون عندو علاقة بالقضية..وتيليفونو زرعت فيه شريحة تتبع..كاع الإتصالات غاايوصلوك(عطاتو العينة من العطر وأرقام الهاتف والرمز دالتتبع)

-دياب:همم مزياان مااقدرتيش تزلي لساانو

-روهان:لاا كان داايخ بالشرااب وباغي يمارس معاياا..وماللي شفت القضية صعاابت وشفتو زاد تقرب مني درت ليه المنوم..مسكين ماقدرش يصبر علياا وعلى جمالي

-دياب:(مدلي فمو للأسفل)همم أكيد من تأثير الخمر..

-روهان:(بإحراج)وكاان جا أركان اللي خاف عليا وجاا يشوف ياكما دار فيا شيحاجة

-دياب:إواا وعلاش ماخديتيش صوورة لأرقام الهااتف وكتبتيهوم بخط يدك..مساالية وماعندك ماايداار..الوقت فاش كتبتيهووم كان يمكن ديري حاجة أخرى لاا

-روهان:اا لاا تيليفوني ديشاارجاا وكتبتهووم

-دياب:مافيهومش الأخطااء يااك..كتبتيهوم بدقة

-روهان:اا ااه كتبتهوم بتركييز

-دياب:مزياان..(شاف فيزيد وغمزوو بتساؤل)قاديتي ليا الروبيني

-يزيد:ويي شااف

-دياب:العز..المهم نتاا خدمتك غاتبداا غداا..لا اليوم بالليل..غاتمشي للكازينو اللي غايمشي لييه..حيث كل نهار خميس كاايمشيي ليه..وكيف قلنا غاتنكر على هيئة شخص غني جدااا..والفلوس باش غاترااهن حنا غانخرجوهوم لييك

-يزيد:ولكن الاا خسرت فيهووم

-دياب:ماخااصكش تخسر..بين ليناا الذكااء والعبقرية ديالك..واخا كاتخدمهوم غي الوقت اللي بغيتي ولكن ثاايق فيك

-يزيد:شكرا أشاف

-دياب:همم المهم يمكن تعتبر مهمتك تكميلية للعمل دهاد الجووج..غااتعرف أكثر على شركاؤو والنااس القراب منو وأي حااجة جاات فبالك..التفااصيل كايخلقو فرق كبير..مثلاا واش عندو حبيبة وشكوون هي..غي مثلاا كاينين بزااف دالأسئلة أخرين..ااه بغيتوو يخسر أكبر خساارة اليووم..وتخليه يراهن بماال كثيير..قدما راهنتي نتاا بزااف هو الآخر غاايزعم ويعطي أكثر ونتاا خااصك تربحو وتدي لموو داكشي كولو

-يزيد:اييه واخاا..وهاد الفلووس غااناخدهوم أناا؟!

شاف فيه دياب بمعنى من نيتك..تجاهل سؤالو وقال

-دياب:كيف قلت خاصو يخسر خساارة كبييييرة

-روهان:سمحلي أشااف ولكن علاش باغيه يخسر فلوسوو

-دياب:حيث مني غاايخسر غاايبغي يعوض خسارتوو وغايقوم بشي عملية وتماا حنا خاصناا نخدموو ونراقبو

-أركان:ولكن أشااف شفتك كاتكلم ونتا متأكد..ممكن مايكونش معاهوم وغي مظلوم

-دياب:ممكن..ولكن إحساسي كايقوليي هو عندو دخل فهادشي..والحدس ديالي ماكايكذبش

-روهان:اا ااه بصااح حتى أنا معاك..أكيد هو الرئيس ديالهووم خااصنا نلقاو عليه دليل بسرعة ونصيفطوه للحبس ونسدوو هاد القضية

-دياب:(كايشوف فيها بشك)علااش حتى بسرعة..وشنو اللي خلاك تقولي هو الرئيس ديالهوم

-روهان:اا لاا غي قلت وصافي..تا أنا غي إحساسي اللي قالها ليا

-دياب:اااه أوكي حنا غانشووفوو واش إحساسك صحيح ولا لاا كولشي بالمهل..يمكن ليكوم تخرجوو وبلا ماتجيو للخدمة..ارتاحو شوية

-أركان:ونتاا ألشااف ماعييتيش

شدو دياب فوق كتافوو وربت عليه وقال بابتسامة مرسومة على فمو

-دياب:الاا أنا ماكنعسش..وماعياانش غي رتاحو نتوما..

-يزيد:الشاف نتا ماوصلتي لوالو

-دياب:لاا ماوصلت لوالوو..سيروو رتاحو يالااه..

عاد تمو خارجين وهو يصوني التيليفون دروهان..هزاتو من صاكها وكان باباها

-روهان:هه بابا غايكون مقلق علياا..بسلامة عليكوم..

خرجات وتبعها يزيد وأركان اللي كايتلاوحو مع الحيوط..مخليين دياب كايشوف بشك ويحلل فدمااغو..وكلام روهان كايتكرر فوذنيه

" -روهان:اا لاا تيليفوني ديشاارجاا وكتبتهووم"

-دياب:هي قالت التيليفون ديشارجا..(صغر عينيه)تكون مخبية شي حااجة؟!

دار فاتجااه مكتبو وجلس..تطالع على الملف دأركاان والأسماء اللي فيه وعلى أرقام الهاتف اللي عطاتو..دخل الرمز لهاتفو باش يتتبع الهاتف د جان..هز كولشي فيديه اليمنى..هز معطفو وقبل مايخرج لمح العينة دالعطر فوق المكتب..قرب ليهاا وهزها بين يديه..هزهاا وحل الغطااء دالقارورة وقربها لأنفو..وفور ماتسللات رائحتها لأنفو..غلق عينيه من جدييد وهو مستمتع بيها..نفس الرائحة اللي كانت فديك الغرفة..

- دياب:(وهو ساد عينو) نفحات رقيقة من روائح الأزهار مع الحمضيات المنعشة ورائحة الفلفل الأسود (بابتسامة)قمة الإثارة ..(استنشق الرائحة مرة أخرى)همم اشنو هاد الرائحة..رائحة العنبر..ااه العنبر..

بعدو من أنفو وبقا كايشوف فيه..

-دياب:عطر خاص لامرأة تحطم كل التوقعات..قوة فائقة وجاذبية لا تقاوم..وعاطفة جامحة لتحقيق ما تريد..هكذا هي صااحبة هاد العطر

حرك راسو من جديد وهو لاعن أفكارو وإعجابو بهاد العطر..لبس المعطف ديالو ووضع القارورة الصغيرة فجيبها الداخلي..وخرج فاتجاه منزلو..ماقادرش يزييد يبحث فالقضية وهو هاكداا تعباان وباغي غي ينعس..أكييد غايرتاكب أخطااء..أهم شيء هو الرااحة..

🌼🌼عند كريمة..

دخلات على باسل لبيتو وحلاات الستائر دالنوافذ..مخلية الضوء الخفييف للشمس اللي مختبئة وسط الغيووم تدخل..

-كريمة:(وهي كاتحركو)ولدي بااسل..ولدي بااسل نوض أولدي نووض..وانووض ونتا نعااس بحال بابااك

حل باسل عينيه وخنزر فيهاا

^الحوار بالتركية باستثنااء كلمة الواليد😂^

-باسل:مااتقوليش ليااا بحالو..هادااك رامبقااش الوالييد

-كريمة:أويلي علاش أولدي..مالو شنو دار ليك

-باسل:بااينة هو غاايدير كيف دار ديك المرة..هو غاايمشي لشي بلااصة ويخليني عندك بزااف دالوقت..هو رامااحاسش بياا وكايدير اللي بغاا..دابا أنا ماعنديش لا أم ولا أب

-كريمة:شش باسل ماتقوولش هااكداا..ماماك ماتت الله يرحمها ولكن باباك باقي حي الله يحفظو ليناا..هو رااه كايبغييك وبزاااف كااع..هانتاا عاد اتصل بياا وسول فيك..وقال عااد غاينعس..شفتي بابااك راكايتعدب وخداام الوقت فاش نتا نااعس ماتظلمووش

-باسل:هو سول داباا ولكن من بعد غااينساني ويخليني هنا بوحدي بحال ديك المرة..غاانصونيو ليه وماغايجاوبش وغاايتجاهلناا..دياب أب سيء

-كريمة:عييب تقول هاكدا على بابااك..هو واخاا فيه أشياء سيئة ولكن رااه حنيين بزاااف..هو ماكايقدرش يتفرق عليك من غير إلاا كانت عندو حاجة ضروورية

-باسل:ااه وعلاش صيفطني فالطيارة بوحدي

-كريمة:اوااا رااه دفع عليك تكااليف الطائرة الخااصة وراك عارفهاا شحاال غاالية..باش تسافر بووحدك وتاخد رااحتك فالطيارة ويبقى مطمن عليك شفتي شحال عزييز علييه..ولدي ماتبقااش تقول هاكدا على بابااك الااسمع كلامك غايتقلق بزاااف..واخاا مرة مرة كايكون قاسي ولكن رامادوزش القلييل..بابااه الله يرحمو ويسامح ليه كان قبييح بزااف معاه..وداكشي علاش مني ديااب كبر وولاا رجل وأب كاايتصرف معااك بحناان..مابغاكش تعيش نفس تجربتوو فهمتي أولدي!!

طلع باسل راسو وهبطوو بإطاعة..وماحس حتى جاتو ضربة فوق الراس خلاتو يشد راسوو بألم

-كريمة:علااش كاتقول الواليد..قوول باباا ألحماار..نتاا وبابااك باغيين تسطييوني مافهاااش..وااش هااد الحساانة الزيينة..هااكدا كايديروو الدرااري الزوينين فشعرهووم..خااصك تدير تسريحة شعر بسيطة هادشي راكبر من عمرك..العيب ماشي فييك العيب فداك الكلب د ديااب اللي مضسرك ونعم الأب تباارك الله...بقاليه غي يوريك كيف تعرف على البناات وتعجبهوم

-باسل:(كايشوف فيها ببراءة مصطنعة)ورااني كيفاش

-كريمة:أويلي يا ويليي..نوض غسل وجهك وبدل حواايجك ويالااه تفطر..كنت باغة نخليك حتى لغداا عاد تبداا قرايتك ودابا بدلت رأيي

-باسل:والااا لاا أجدة والله حتى حشومة عليك

-كريمة:نووض قداامي يالاااه

ناض باسل ببيجاامتو كايجر فرجليه فاتجاه الحمام وينكر على جدااه..

-باسل:اشنوو هاد الحياة معااكوم..تهنيت من واحد وجيت لقيت وحدة كفس منوو

دخل للحمام مخلي كريمة كاتجمع ففراشو وهي مخنزرة..وبعد ثواني ابتااسماات وقالت مع نفسها

-كريمة:نسخة طبق الأصل على دياب..ماشااء الله عليهوم الله يحفظهوم من كل عين حااسدة يا رب..ويجيب شي بنت لولدي وتكون زوجة وأم صالحة يا رب

🌼🌼عند دياب..

جالس فالمكتب ديالو..أماموو أوراق دالعمل وحاسوبو الشخصي..وكأس قهوة ساادة كيف كايبغيها..

بعدماا بحث فالأسماء اللي توصل ليهوم أركاان وبشكل دقييق..انتقل لأرقاام الهااتف اللي توصلاات ليهوم روهان وبحث فأصحاابهووم..وفور ما لمح رقم الفاكس دالمستشفى الخاص فاش خدام دينيز..خدا هاتفو واتصل بيه

-دياب:ألو

-دينيز:ألو سي ديااب

-دياب:كااين شي جدييد

-دينيز:ااه ااه..حنا غاانديرو عملية جدييدة وفالغاالب جاان غايكون حااضر..بانلي محتاج للفلوس كثر من أي مرة

-دياب:أكيد غاايحتااجهووم من بعد الخسارة اللي تسبب ليه فيها يزيد..مزياان

-دينيز:ااه كااينة واحد الطبيبة أخرى انضمت ليهووم سميتهاا ر..

-دياب:(مقاطعو)ماكاتهمنيش سميتها المهم هي ولات منهووم..احمم الأهم هو جان بغيتوو يرتاكب بحال هاد الأخطااء واللي أكييد غااتدي بيه لعندناا حنا وديك السااعة غانطبقو القانوون..بماا فيهوم نتاا اللي شاركتي فشحال من عملية..أكيد غاتاخد نصييبك من العقاب

-دينيز:عاارف..كان بإمكاني ننكر ونبقى خداام معاهوم ولكن أناا ندمت..إوا ماتندمنييش وتبقى ديما تفكرني

-دياب:وشنو هي خدمتي فنظرك..كوون أكييد غاتندم على النهاار اللي شربتي حتى سكرتي وسرسبتي لياا كااع اللي عندك هه

-دينيز:بغييت نسولك..علاش فاش عرفتي ماابحثيش فالقضية وتجاهلتيها ودازو عمليااات كثيرة بعد المعرفة ديالك بيهووم

-دياب:كنت كانتسنى سي رامز يكلفني بالمهمة وكان عندي ماايداار

-دينيز:بغيتي تقول باللي كنتي متأكد من أنوو سي رامز غاايختارك نتاا ويكلفك بهاد القضية المهمة

-دياب:(بتفاخر)أكييد..ماباغيش نتكبر علييك مي أناا الأحسن هناا وبشهادة الجميع

-دينيز:الثقة فالنفس عندك مزيانة أسي دياب

-دياب:ضروري منهاا..المهم قطع راك طولتي ونبغي المعلومات دالمريض اللي غاتقام عليه العملية يوصلوني فالبريد الإلكتروني..نتا اللي غاتقوم بهاد العملية

-دينيز:لاا الطبيبة الجديدة..عرفتي هي

-دياب:(مقاطعو)فيك الكلاام بزااف أصاحبي..حتى لغداا وغانشوفو هاد الطبيبة اللي باغي غي الفرصة باش تكلم عليها..تلااح

قطع معاه وداار مكمل البحث ديالو فالأرقام الأخرين حتى سمع طرقات على بابو

-دياب:تفضل..

دخل يزيد وهو لابس معطف طوييل لحد الركبة وقبعة دائرية خارج من تحتها شعرو المجعد وحامل فيدو سيجارة من النوع الفااخر

شااف فيه دياب وتكلم وهو ضااحك

-دياب:هوو أهلاا أهلاا بسي يزييد علاش ماعلمتينااش نوجدوو ليك ماتشرب ولا شيحاجة تاكلهاا

-يزيد:احمم لا لاا داير ريجييم وعندي الطبااخ ديالي

-دياب:بصااح ههه..أشنو عندك أسي يزيد شنو باغي مني

جلس يزيد فالكرسي أمامو وحط رجل فوق رجل..هز القهوة ديال دياب باغي يشربها..عاد حط الكأس على فمو وهو ينطق دياب

-دياب:(مع ابتسامة صفراء)تشربهاا ياوليدي يا يزييد نمحيك من الوجود..(جمع الضحكة)تكعد

سمعو يزيد وعرف أنو تقلب للجدية من جديد وناض واقف بسرعة..

-دياب:(بتنهيدة)شنو باغي أيزيد مامساليش وحتى ماناعسش مزياان

-يزيد:احمم سمحلي أشااف بغيت نسولك..دوك الفلوس اللي ربحت من جان شكون غايااخدهوم

-دياب:غاتاخدهوم نتاا

-يزيد:بصاح كاتدوي أشااف

-دياب:لا لاا عيب واحد بحالك يقول لواحد بحالي شااف عييب..نتا هو الشااف دابا راك وليتي غني..نتا دابا غااتشري هنا كولوو وغانوليو كولنا ديالك..غي فكر فين غادوز العطلة ديالك

-يزيد:(بابتسامة بليدة)هه فجزر المالديف الحلم ديالي نمشي ليهوم

-دياب:كاين ما أحسن..عندي ليك واحد الفكرة شنو بان ليك تدوز الصيف ديالك فعوكاشة

-يزيد:عوكاشة؟!شنو هي هادي

-دياب:منتجع سياحي فالمغرب..زوين بزااااف بضمانتي غايعجبك

-يزيد:الشااف كاتكلم بصااح

-دياب:(بابتسامة مصطنعة)يزييد..حيث درتي المهمة ديالك على أكمل وجه ماغانوضش نعطيك براس داباا وغانتحكم فأعصاابي..(جمع الإبتسامة)بدل ساعة بأخرى

-يزيد:(بإحراج)سمحلي أشاااف..بسلامة أشااف

خرج يزيد بسرعة مخلي دياب كايحرك راسو يمين وشمال

-دياب:واللهيلا الفلوس قاليك..لقيتهوم أناا..كاينزل عليه واحد الغبااء غي الله يلطف وصاافي..(حرك راسو حتى تسمعات فرقعة العظام..وقال بابتسامة شريرة)نشوفوو هاد الطبييبة الجدييدة

🌼🌼جالسة فالمكتب اللي كايجمعها هي و أصلان وطبيب أخر من بعثة إفريقية وشااردة..كاتفكر فشنوو غادير..وكيفااش غااتقدر تشاارك معاهوم فجريمتهوم..هازة قلم بين يدهاا وكاترسم..رسمات طائر مورس وهاد المرة لوناتو بالأسود..

سمعات تيليفونها كايصوني..كان جان..هزات تيليفونها قبلات الإتصال وحطات التيليفون على أذنها بدون كلمة

-جان:رييم..ماكاين لاش نعاود كلاامي..أناا خليتك ترجعي لحياتك الطبيعية ودارك وثقت فييك..خاصك تديري هاد العملية..هي راها حاجة مهمة بالنسبة لياا..وماتخليش داك الضمير دالزفت عندك يفيق من جدييد..ثاايق فيك

-ريم:ساليتي كلامك؟

-جان:(بغضب مكتوم)رييم..أنا كانتكلم بجدية..اليووم خاص العملية تدوز على أكنل وجه..وكانحذرك..واياااك تخرج كلمة من فمك..وصلاتني الأخبار باللي مامااك وصلاات للحج..شنو بان ليك نصيفط شيوااحد اللي يعاونها فالمراسم هاا؟!

-ريم:سمعني..أنا كانحذرك مني..أخر مرة تستخدم معاياا أسلوب التهديد..راني قلت ليك قابلة..وأنا غانقوم بهاد العملية اوا ماتصدعش ليا راسي

-جان:صافي صافي غي ماتعصبيش ماباغيش شي أصبع آخر يتهرسلي

-ريم:هاد المرة غانهرس ليك *** إلا حاولتي تقيسني(قطعات عليه)

شداات راسها من جديد وهي كاتحاول تحكم فعصبيتهاا وغضبهاا وسخطها على الوضع

دخل دينيز بدون إذن..طلعات راسها فيه ونطقات من تحت أسنانها

-ريم:غاتخرج حتى تستأذن عاد غاتدخل

-دينيز:ريم..نسيتي راني أستاذك

-ريم:مانعاودش كلامي جوج مراات..ألي

-دينيز:أوكي

خرج دينيز وطرق الباب جوج طرقات..بقات مدة وهي صامتة عاد أذنات ليه بالدخول

-ريم:شنو بغيتيني أ أستااذ دينيز

-دينيز:نتي عارفة باللي نتي اللي غاتدخلي للعملية

-ريم:عاارفة

-دينيز:تطالعتي على ملف المرييض

-ريم:ااه شفتو

-دينيز:ماكااين عندك حتى شي تسااؤل..راك شفتي حجم الحصى اللي عندو فالكلي..ومن الصعب أنوو يخرج من الجهاز البولي يعني خاصنا عملية جراحية

-ريم:همم ولكن علاش مايديرش العلاج بالموجاات الصوتية..وهاد الحصى غايتقسم ويسهاال الخروج ديالو

-دينيز:شنو زعماا باش ماديريش عملية جراحية هههه..لا هو قال مااعندوش راك عارفة التكلفة ديالهاا..وعرضو عليه حتى الداعمة للمثاانة باش نضمنو خروج الحصى بشكل سلس وبدون مايعرض الجهاز البولي ديالو للأدى ولكن مابغاش..راك عارفة فاش غايكون كايفكر

-ريم:همم أوكي..ولكن نتا قلتي الكلي اللي عندو فيها الحصى هي الكلي اليمنى..إوا مني غانااخد ليه الكلي اليسرى فاش غايفيق ماغايسولش علاش عندو فتحة فالجانبين بجووج

-دينيز:حنا قلنا ليه باللي عندو الحصى فالكليتين بجووج يعني ماعندك مناش تخاافي ماغاتفضحيش

-ريم:(بضحكة مستهزئة)هه مانتفضحش..وشنو الفرق إلا تفضحت ولا لاا..ماكايهمش..يمكن ليك تخرج

-دينيز:همم كاتجري علياا..إواا أناا قلت ليك غانعاونك مي نتي مابغيتييش أنا راغانعرفك على..(تيليفونو كايصوني)احمم سمحيلي

خرج دينيز من المكتب ديالها مخليهاا كاتفكر من جديد فالشيء اللي غادير..طلعات عينها وبانت ليها صورتها وهي لابسة لباس التخرج وبادي على وجهها علامات الفرحة..علاش ماتفرحش وهي كانت من المتفوقين

-ريم:هه كان كايصحابلي صافي غانولي سعيدة وغانتهنى من المشااكل..كنت غبية

قلبات الصورة على وجهها ووقفاات من مكانها فاتجاه غرفة العمليات توجد للعملية ديالها

-دينيز:ألو سي دياب

-دياب:دينيز أناا فقسم المستعجلات..

-دينيز:بصااح مريض بشي حاجة

-دياب:ااه فيا البواسر..وااجيت باش نشوف أش واقع ومنها نيت فحصت واحد الجرح..ايمتا غاتبدا العملية

-دينيز:سااعة تقريباا..بالنسبة للطبيبة اللي غاتدير العملية..أناا كنت غانقوليها عليك وننقذها منهوم ولكن

-دياب:(بصراخ)شنوو..واش نتا مسطي..واش غي اللي جاا غاتقولها ليه..تضبر لمخهاا وحنا مالناا..هي راهاا غاتولي منهووم

-دينيز:ولكن رااه هي ..

-دياب:(مقاطعو)شش صافي أنا غانقطع الممرضة جااية..ونجي نيت نشوف هاد الطبيبة

🌼🌼خرجات من مكتبها وتلقاات برجل يكون فالأربعينيات من عمرو..أسمر البشرة وعلى وجهو تجااعيد وعلاماات القهر والفقر..وعينيه بادي عليهوم الحزن..

-الرجل:اا السلاام دكتورة..أ أناا اللي عندي عملية من هنا لسااعة..قالولي نن نتي اللي غاتديريها ليا

-ريم:(بتوتر)اا اه أنا أنا اللي غانديرها ليك

قرب منها الرجل وشد يدها بجوج بين يديه

-الرجل:أنا ماغايوقع ليا والو يااك..شوفي أدكتورة أ أناا عندي جوج ولاد وباقي صغاار..وو أنا اللي عندهوم..ماماهوم ماتت..أنا ماغانموتش يااك ماغايوقع ليا والو..أنا غانبقى مع ولادي ونعيش عادي ياك

بقات ريم مهبطة راسها وكاتشوف فيديه اللي شادين يدها..يديه اللي عليهوم جروح وعلاماات إلا دلو على شيحاجة فغايدلو على العمل ديالو واللي أكيد جد متعب..حسات بكلامو بحال شي خنجر كايدخل فصدرهاا..هو عندو أولااد صغار وهو اللي خدام عليهوم..واش هي غاتكون شريرة لهاد الدرجة وتسرق عضو مهم بحال الكلي من جسمو..بقات مدة وهي ساكتة ومن بعد طلعات راسها وهبطاتو بمعنى اه

🌼🌼فالمستعجلات..

كاتعقم ليه الجرح وتكلم معاه

-أصلي:كان صحابلي متي

-دياب:بصااح وعلاش؟!

-أصلي:دوك الرجاال اللي كانو مسلحين أكيد كانوا تابعينك نتا..ولكن كون هاني أنا قلتها للبوليس وجاو ليهوم

-دياب:(وهو مركز فعينيها )بصاااح اواا شكراا ألغزالة..

-أصلي:(بتوتر)اا هه هذا واجب..صافي الجرح ديالك راضمدتوو..عندك الزهر مااتجرحتيش بزااف وإلا كان خاصناا نخيطوه ليك

-دياب:(متجاهل كلامها)شنو كنتي قلتي ليا سميتك

-أصلي:اا أصلي ونتاا؟

-دياب:(متجاهل سؤالها)أصلي..عقلتي فاش قلت ليك بغيت نشوف طبيبة جديدة وهي صديقة لياا

-أصلي:ااه عقلت..الاا كانت الشخص اللي فبالي..هي راهاا دابا غاتدخل لعملية جراحية

-دياب:ااه صافي(وقف وشدها من كتفها بابتسامة)شكرا بزااف أصلي..تمشى لخطوات وبقات هي كاتشوف فجسمو الضخم بإعجاب..دار لعندها بسرعة ودغيا جمعات ابتسامتها..

-دياب:(وهو كايحك فراسو بغباء مصطنع)مم وفين غانلقاها؟

-أصلي:(بابتسامة بليدة)هاا شكون؟!

-دياب:(بابتسامة مثلها)هه الطبيبة

-أصلي:ااه..الطابق الثااني..الغرفة الثالثة على اليمين..اا الغرفة دالأطباء الوافدين

-دياب:(بغمزة)شكراا..

مشا فاتجااه الغرفة مخليها ساهية فيه من جديد

-أصلي:سعدااتها فين تكون كاتعرفو..تكون معاه فهاد الأيام فاش كانت غابرة(طلعات كتافها بعدم مبالاة)ونتي شنو دخلك..

🌼🌼دخل دياب للغرفة اللي كانت كبييرة وفيها 3 مكاتب..كانت فارغة..قرب من المكتب الأول ولمح معطف رجولي..تخطااه ومشا للمكتب الثاني ووقف أمامو..لحظة لحظة..نفس الرائحة..نفس العطر..دوز يدو عليه وبقاا كايشووف..جلس فوق الكرسي ولمح أوراق بيضاء مقلوبة..قلبها وبقا كايشوف فيها من جديد..

-دياب:(وهو معوج راسو للجانب)طيور نورس سوداء..عجيب!

بقا كايشوف فيها لمدة وكايتفحصها..من بعد نطق

-دياب:نفس الرسم..نفس الرسم ددااك النهاار..

دور وجهو ولمح إسوارة يد على المكتب..خداهاا وبقا كايدورها بين يديه..حاول يدخلها ليدو ودخلو لأصابعو الثلاثة فقط..ابتاسم وقال..

-دياب:صغييورة..كيفاش بحال هاد اليد تقدر تسرق كلية

وقف من الكرسي ورجعو لبلاصتو..رجع الإسوارة لمكانهاا وبعد تفكير خداها وحطها فجيب معطفو..وقف وهو كايشوف فالمكتب..لمح الإطار دصورة مقلوب ..قرب منها وهو باغي يهزها ويشوف وجه وشكل هاد الطبيبة اللي أشياءها كاتجذبو بطريقة رهيبة..

-أصلان:هييه شكوون نتاا..

رجع دياب الصورة لمكانها قبل مايشوفهاا ودار لعندو بابتسامة صفراء

-دياب:أناا..واحد من الأقرباء دالشخص اللي غايدير العملية وجيت نتطمن على حالتو ولكن مالقيتش الطبيبة

-أصلان:(معوج فمو)راهاا غاتكون كاتوجد راسها للعملية..كيفاش خلاتهوم يدخلوها بسرعة لعملية بحال هادي وبوحدهاا..ااه هي طبيبة ممتازة..ولكن علاش هي بالضبط..بقات فدارهاا مرتااحة حتال نهار العملية..ماشي ظلم هاداا؟!

بقا دياب كايشوف فيه وكايتظاهر بالبلاهة وعدم الفهم..

-أصلان:(بتأفف)ماغاتفهمنيش..أصلا ماعرفتش كيفاش كاتقدر تخليهوم يبغيوهاا كولهوم..الأستاذ دينيز اللي طول الوقت كايمدح فيها..حتى مدير المستشفى خلاهاا تغيب لأيام وترجع عاادي..تخيل حتى أنا كنت غانطيح فشبااكها ونبغيهاا..ولكن لاا أناا ماسااهلش ليهاا..

-دياب:(بتعجب)لهاد الدرجة؟

-أصلان:ااه لهاد الدرجة..والله بالله هادشي ماشي طبيعي

تنحنح دياب وسألو وهو متجاهل كلامو..

-دياب:فين كاينة غرفة العمليات؟

-أصلان:ااه غرفة العملياات راه كاينة فأخر الممر وتكلم معاهاا..وعندااك تغرك بابتساامتها..شيطاانة كانقسم ليك..

-دياب:(بابتسامة)ااه شكراا على النصيحة..

-أصلان:سمحلي كنت باغي علامن نخوي قلبي وو..

خلاه كايتكلم لوحدو وخرج فاتجااه غرفة العمليات..ومئات الأسئلة كاتدور فراسو..عندو فضول كبير يعرف هاد الطبيبة اللي كولشي كايتكلم عليهاا..باغي يشوف هاد الإنسانة اللي عطرها دار فيه حاالة..باغي يشوف هاد الإنسانة اللي الظاهر معجبة بطائر النورس بحالو..باغي يعرف هااد الإنسانة اللي ورطاات راسها مع هاد النااس..باغي يعرف هاد الإنسانة وشنو كانت كادير فمنزل جاان..وعطرها شنو كايدير فجيبو..

تمشى فاتجاه غرفة العمليات..ووقفو صوت اللي تسلل لمسامعو..وكأنو همس ليه.."توقف واسمعني.."

🌼🌼فغرفة تخزين الأدوات الطبية والأدوية..

جالسة فوضعية الجنين ومتكية على الحائط..

-ريم:يارب سمحلي على اللي غاندير اهئ..يارب سمحلي والله ما باليد حيلة..يارب نتا عارف بنوايااي وعارف بالدااخل ديالي..ولو كان الانتحاار حلاال كنت نتاحرت من زماان وتهنيت من هاد العذاب وهنيت الناس اللي دايرين بيا من نحسي اهئ..ولكن اهئ..يارب عااوني..العالم ولاا..غير إنساني..ولا بحال شي لعبة..أو ربما أسوء..أنا مانقدرش نجاريهووم يا ربي..حاولت وحاولت ولكن ماقدرتش..مابقيتش كيف كنت..وليت مستفزة..وليت مولعة بالإغاضة..وليت حتى أنا سيئة بحالهوم اهئ اهئ..أناا وليت أسوء منهووم..وليت كانكره رااسي وبزااف..أنا أناا وحييدة اهئ..ياربي علاش العالم سيء بحال هاكدا..علاش هو بدون إحساس..عع علاش هو أناني..علاش أناا؟!

"أنا لست لهذا العالم"همسات بيها بينها وبين نفسها

مسحات دموعها بأكمام ملابسها..وبعد ثواني شرعات فالغنااء بصوتها الجميل والحنيين..واللي كايدخل للداخل ديالك وكايلمس إحساسك حتى لو بدون إرادتك..

" أنا وحيدة ده أنا من كتر ما جرالي

بيصعب حالي على حالي

ومش عارفة منين جاية

ورايحة لفين

أنا ضعيفة ليالي الوحدة دي مخيفة

حياتي مملة وسخيفة

في نفس الدايرة أنا ماشية بقالي سنين

بنام بس الوجع صاحي

ومين بيحس بجراحي

لإمتى يا قلبي هتخبي

وإمتى يا روحي ترتاحي

وجاية دنيتي عليا ومنسية

ساعات ببكي وأنا بغني

ويسرح بيا تفكيري

بطمني وبحضني

ما أنا أصلي ماليش غيري

وبمسح دمعة في عينيا بإيديا

ومش فارق بقابل ياما وبفارق

ملامح بكرا مش ثابت

بقيت حتى ما بحلمش في يوم أرتاح

وموعودة بتعبي وخوفي موعودة

حياتي كإنها أوضة

تبان جنة لكن بابها مالوش مفتاح "

🌼🌼كان دياب حاط راسو على البااب وكايسمع للأغنية وهو مبتااسم..لحسن حظو جا مع بداية الأغنية..وإلا كان غايحرم أذنيه من سمااع هاد الصوت الجمييل..شي حااجة جذباتو..يمكن كلام الأغنية..يمكن نغمة الحزن اللي ظاهرة فصوتها واللي كاتأكد ليه أنو كلام الأغنية عليهاا..هو وقع فحبهاا..هو وقع فشبااكها..إذا تحذيير أصلان كان فمحلو..كيفاش قدرات بأغنية توقعو فعشقهاا..عاد تأكد من مقولة..

"ويحدث أن تعشق الأذن قبل العين"

حس بيد على كتفو ..جمع الإبتسامة ودار بسرعة..كان دينيز

-دينيز:مشيت للمستعجلات كانقلب عليك ومالقي..

جرو دياب مبعدو من المكاان..ودار للممر الأخر

-دياب:شش غايسمع شي حد..جان جا ؟!

-دينيز:ااه جاا..أناا غاندير كيف درتي وغاانصورو فغرفة العملياات..

-دياب:حناا غانبدلو الخطة

-دينيز:شش شنو مافهمتش..

طل دياب على غرفة العمليات وبان ليه عاد تسد..كلو هذاا سوء حظ عندوو..علاش باقي لحد الآن باقي ماشافهاش..

-دينيز:سيي ديااب علاش غاانغيرو الخطة..وعلاش حتى لدابا عاد قلتيهالياا

-دياب:اا بدلت رأيي..مااعندناا مانديرو بجاان..حيث هو غي واجهة..وكااين الرئيس الكبيير فيهوم..وتقريباا عرفتوو..قريب غااتسالي هااد المهزلة..اللي نبغي داباا..هاد الطبيية مااتدخلش راسهاا فهادشي واخاا

-دينيز:اا واخاا..ولكن هي راها دابا كاتوجد للعملية..والمريض قريب غايخدرووه

-دياب:أناا غانتكلف..قولهووم ماايخدروهش..سيير دغيااا

-دينيز:اا واخا واخاا

🌼🌼فغرفة العمليات..

كانت ريم باللباس الخاص..محيدة الحجاب ولابسة قبعة اللي مخبية كل شعرهاا وعلى فمها كمامة اللي مخلية عينيها البنيتين يبانو ونظراتها الحادة والحزينة فنفس الوقت يبرزو..وهي كاتلبس فالقفازاات

-ريم:(بتنهيدة..مع المريض)سيدي وااجد

-الرجل:(بخوف) ااه واجد..أنا ثايق فيك

دورات ريم وجهها للجهة الأخرى وهي كااتحاول تتحكم فدموعهاا

-ريم:يمكن ليكوم تخدرووه

دخل دينيز بسرعة وصرخ..

-دينيز:لاا ماتخدروهش

-ريم:(بتعجب)دينيز شنو كادير هناا..وعلاش مانخدروهش بغيتي ندير ليه عملية جراحية وهو فاايق؟

-دينيز:ريم هاد العملية ماغااتداارش

-ريم:(بابتسامة وكاتحرك راسها بتساؤل)كيفاش..يعني أناا معفية من هااد العملية هه

-الرجل:ولكن علااش..أناا خلصت التكلفة..علاش ماباغيينش تديرو لياا العملية..أنا راني خدمت صبااح وعشية وتعبت حتى جمعتهووم

بقات كاتمرر شوفاتهاا على الرجل وعلى دينيز وحتى على الممرضين واللي أكيد خدامين معااهوم حتى هوما..كاتشوف فدينيز اللي عرقان وماعارفش بشنو غايجاوبهووم..وكالعاادة دياب حطو فموقف صعب..

دخلات ممرضة هي الأخرى لغرفة العمليات وقالت للمريض..

-الممرضة:سيدي..شيوااحد خلص عليك التكلفة دالعلاج بالموجات الصوتية..يعني مامحتااجش لعملية جراحية

-الرجل:شش شنوو وشكون هادا؟

-الممرضة:فاعل خير ماقالش سميتو..

-الرجل:(بفرحة)الله يسهل علييه يااربي

-ريم:(بابتسامة)هه أميين أميين..

بقات ريم كاتشوف فيهوم والفرحة ظاهرة على وجهها..مبتااسمة ومخلية غمازاتها يظهروو أسفل خدودها الممتلئة..لو أنهاا لقات هاد الشخص اللي نجاهاا اليووم ماغاتعرفش كيف تشكرو وتجازييه..ولكن واش هو ديماا غاايقدر ينجيهاا من هاد العصااابة..نقذها اليوم..ولكن غذاا؟!

🌼🌼فمكتب دينيز..

جالس دياب فكرسيه وكايبقشش فالمكتب..كايشوف الديكوراات ويقلب فيهوم المهم مايبقاش جالس..

دخل دينيز وبسرعة سد الباب..

-دينيز:(وهو كاينهج)أووف ماتفااكيت منهاا غي بزز..راهاا باغة تعرفك شكوون نتاا وقالت ضروري خااصها تشكرك..صراحة حتى أنا باغي نشكرك حيث عتقتيها..أنا وليت كانحس من جهتها بشي حااجة يمكن ح..

ماخلاهش دياب يكمل كلامو ونطق

-دياب:ماكايهمنيش إحسااسك..دينيز كاانأكد علييك حتى وااحد ماخاصو يعرف اللي وقع..بين رااسك أنك ماعاجبكش الحاال باش مايشكووش فيك..عندااك تفضحنا

-دينيز:لاا لاا كون هااني ألشاااف

-دياب:أناا بغيتهااا..هاد الطبيبة..بغيتها هاد الليلة تكون عندي..

-دينيز:ولكن شنو كاتقوول..هي راها ماشي من داك النوع..هي راه كاتلبس..

-دياب:(مقاطعو)ماكايهمنييش شنو كاتلبس..ومايمشيش عقلك بعييد أنا باغي نحميهاا..هي غاتبقى معاياا حتى نقدر نحل هاد القضية..وباش مايعطيوهاش تدير عملية جدييدة وتورط رااسها معاهووم..أكيد هوما كايهددوها ياك؟

-دينيز:ااه كايهددوها بمامااهاا

-دياب:(مطلع حواجبو)مامااهاا..وااو..المهم نتاا غاتخدرهاا وأنا غانسيفط اللي يجيبها لعندي ونبغي تصيفط ليا حتى الملف ديالها وجميع المعلومات اللي كاتعرف عليها..أنا عندي مايدار وغايخصني نمشي داباا..مني نرجع فالليل للدار نلقاهاا عندي أوكي؟

-دينيز:أوكي سي دياب..

ربت دياب على أكتافو مع ابتساامة وقاال

-دياب:كون أكيد ماغانسااش الخدماات ديالك وكونك وضعتي يدك فيدنا وسهلتي علياا المأمورة

-دينيز:(بابتسامة)شكراا..

لبس ديااب كاسكيطو وهبطها على عينو..خرج وتمشى فاتجااه الخارج..

فالإتجاه المعاكس كانت ريم اللي باقي بلباس العمليات والكمامة على وجهها والفرح ظاهر عليهاا..شافو فبعضهوم وقلبو عينيهوم بسرعة..هبط دياب راسو للأسفل وهبطات راسها هي الأخرى وهوما مارادينش البال لبعضهوم..

دقات فالبااب دالمكتب وحل دينيز..

-دينيز:سي دي..ريم؟

-ريم:(بابتسامة)كنتي كاتسنى شيوااحد؟

-دينيز:لا لاا دخلي

-ريم:لا ماكاين لاش..

بقات كاتشوف فيه لثواني وهي مبتسمة وعنقاتو بقوة..بقا واقف مصدوم وماعارفش شنو يدير..من بعد ثواني حط يدو هو الآخر على خصرهاا وابتسم..

-ريم:أنا غانعتابر راسي دابا عنقت اللي أنقذني اليوم..

كان دينيز مبتسم وفور ماسمع كلامها جمع الابتسامة..

-دينيز:ريم بغيت نتكلم معاك..دخلي

-ريم:(بعدات منو)أوكي..

🌼🌼فكافي..

-دياب:روهاان..عرفتي علاش عيطت عليك لهناا

-روهان:لاا علاش؟ شي حااجة دالخدمة؟

-دياب:(بتنهيدة)لااا ماشي الخدمة

-روهان:(بتوتر)وشنوو؟

-دياب:روهان مخبية عليا شي حاجة هاا؟

-روهان:الاا علاش غانخبي عليك ومن ناحية شنو؟

-دياب:(دوز أصبعو السبابة على أنفو وطلع حواجبو)زعماا..عندك شي علاقة؟

-روهان:(بصدمة)هاا؟! نتا كاتسولني أنا واش عندي علاقة..أنا روهان

-دياب:(وهو كايشوف مباشرة فعينيها)ااه أنا ديااب كانسولك واش عندك شي علاقة نتي روهاان

-روهان:اا لا لا هه ماعنديش

-دياب:مزياان..دابا غاتولي عندك علاقة..ومن اليوم

-روهان:هه بصاح ومعامن؟

-دياب:(وهو مبعد عينيه من عليها)شكون فنظرك..معايا أنا

-روهان:(بعدم تصديق)بصاح..ولكن علاش هاكدا وبهاد السرعة ونتا اللي ديما كاتصدني

-دياب:بدلت رأيي وبغيت نعطييك فرصة..نتقربو من بعضناا والاا تفاهمناا وبغينا بعضنا علاش لا نتعرف على بابااك ونتخطبو ومن بعد نتزوجو..

-روهان:مامصدقاش..بصااح باغي تعطيني فرصة..أناا بين كااع هاد البناات اللي دايرين بيك هههه

وقفات من بلاصتها وجات جلسات فوق رجليه وعنقاتو بقوة..قلب عينيه بنفاذ صبر وهمس فوذنيها وهو كايحاول يتحكم فأعصابو..

-دياب:روهاان هناا راه مكان عمومي ونتي رااك مشهوورة والصحافة فكل مكاان..نوضي وقفي

-روهان:ماكايهمنيش..

شاافت فشفايفو وعينيه ومن بعد رجعات شافت فشفاايفوو..

-دياب:(وهو كايشوف فعينيها )روهاان

حطات أصبعها السبابة على شفايفو وزادت قرباات ليه..حطات فمها على فمو وبدات فتقبيلو..بقا لثواني وهو جامد..من بعد تفاعل معاها هو الأخر وحط يدو على مؤخرتهاا وهو كايزيد يفورصي فالقبلة..الشيء اللي خلا روهاان تطيير بالفرحة وتعضو بقوة فجانب فمو..

بعدها منو بقوة وهو كاافر على الوضعية وشاد فجانب فمو

-دياب:فاااك..أش هاد ****

-روهان:سمحلي ماقدرتش نصبر عليك..جربت بزااف دالشفايف ولكن شفايفك نتاا حلوين بزااف..(عاضة على شفتها السفلى)كاتعرف تبووس أحبيبي

قلب دياب راسو وهمس بينو وبين نفسو

-دياب:بدينا بحبيبي من دابا

-روهان:قلتي شي حااجة أحياتي

-دياب:ااه قلت ليك ماباقيش تعاوديهاا..خليتي فيا الطراس بفف

-روهان:سمحلي حبيبي

دور دياب عينيه وهو متجاهل كلامهاا..لمح المصور وغمز ليه..وما ليه باللي كولشي هو هاداك..ابتاسم وتنهد بأريحية

-دياب:(مع نفسو)مزياان مزياان..المهم أنا غانمشي بسلاامة

وقف ولبس المونطو ديالو..وقفات وحطات يدها على عنقو

-روهان:(بهمس)وماغاتعرضش علياا نباات معاك همم؟

-دياب:داري خط أحمر..مانبغيش توصليهاا أوكي؟

-روهان:هم واخا اللي عجبك

-دياب:(بابتسامة)بسلاامة

باسها ففمها بخفة وخرج مخليها كاتنقز بوحدهاا بالفرحة وسط الكاافي..وكاع النااس كايشوفو فيهاا بتعجب..منهوم اللي عارفينهاا وبداو كايصورو فيها ومنهوم اللي كايسولو شكون هي..

🌼🌼نااعسة فوق سرير كبيير بجانبها القبعة دالعملية اللي كانت لابسة وشعرها الأسود الطوييل مطلوق..حلات عينيها بتثاقل وبقات لثواني وهي كاتشوف فسقف الغرفة..وبعد لحظات ناضت وهي قاافزة..

-ريم:أويلي فين أناا؟!(شهقات ووضعات يدها على فمها)اعع دينييز الكلب دارها بياا..وأناا اللي صحابلي بصاح غايعاوني..(كاتغبن)وااع شنو غايديرو ليا تاني اهئ

وقفات من بلاصتها وتمشاات وهي حفيانة فاتجاه الباب..وهي باقي لابسة ملابس العملية الواسعة عليها والطوييلة واللي مالابسة تحتهوم والو من غير دوبياس..كاتمشى خطوات وتوقف ترجع شعرهاا للوراء..

حطات وذنها على الباب ولكن ماكان حتى صوت..حتى حسات براسها مدفوعة للوراء بقوة والباب تحل...طاحت على كرشها مع صرخة قوية..وشعرهاا مخبيهاا..حسات بالخطوات قرابين ليها وتظاهرات بالإغماء..

قرب منها دياب وهو جامع حواجبو بتساؤل..باغي يشوف وجهها فأقرب وقت ويشبع فضولوو اتجاهها..

هبط لمستواها وجلس القرفصاء..قرب يدو وحطها على شعرها الناعم..وهو باغي يحيدو من على وجهها ويقدر يشوف ملامحهاا..حتى شداتو من يدو بقوة وقلباتو..وهاد المرة كان هو الأسفل وهي فوق منو..شكلات أصبع السبابة والوسطى على شكل حرف V وهي معولة تدخلهوم فعينيه..تفاادى الضربة ديالهاا ودور وجهو للجهة الأخرى..واستقرت الضربة فخدوو..تأوه بألم..شد يدها بجووج ودور وجهو كايشوف فيها..

لحظة لحظة..كاتعرفو اللقطة اللي كاتكون فالأفلام..فاش البطل والبطلة كايبقاو يشوفو فبعضهوم لمدة..مخليين أعينهم تتكلم..أكيد ماكايناش لغة تفوق لغة العيوون..

لاا أكيد هادي ماشي ريم..أكيد هادي ماشي زوجة الصدييق ديالو..كيفاش..هو خلااها فالمغرب ودابا بعد سنواات هي فتركياا..عي فغرفة وحدة هي وياااه

أكييد هادا ماشي دياب..هادااا ماشي الشخص اللي دوزات معاه 3 أيام وكأنها دوزات معاه سنوات..ماشي الشخص اللي خلا الضحكة ماتخطااهااش وفاش مشااا بدون سابق إنذاار رجعات مغموومة ومغبوونة..

بقااو هااكدااك لمدة وفبال كل واحد منهوم ألف سؤاال..كانو قراب من بعضهم..وبدون مايشعروو..بدااو كايقتااربو من بعضهوم..نفس اللقطة..نفس الطريقة داللقاء..وكأنو القدر كايقوليهوم..نتوما أغبيااء وأناا الأذكى..كانو شفاايف ريم كايرتاعشو والسبب هي بنفسها جاهلاه..وعلى بعد ميليمتراات من شفاايف دياب فتحات عينيهاا ولتاقااو أعينهم من جدييد..هبطات عينيها فاتجااه فمو ولمحات الجرحة على الجاانب..حسات بغضب كبيير عليه..وعلى نفسها أولا..بعدات منو بسرعة ووقفات وعي كاترجع فشعرها للوراء بتوتر..

وهاهو القدر من جدييد..قدر اللي منع أي تلااحم بينهووم..واللي فاللحظة الأخييرة كايخلي حاجة فطريقهوم اللي تمنعهوم

وقف هو الأخر وقاد حوايجو..وبقا كايطلع فيها ويهبطها وهو مامصدقش..

-دياب:اا رييم هادي نتي

-ريم:(وهي كاتشوف فالجرحة على فمو)ااه هادي ااناا ريم

-دياب:نتي شنو كاديري هناا..كيفاش وعلاش مافهمتش

-ريم:هاد السؤاال محيرني حتى أناا..شنو كاندير عندك..أناا كنت فالمستشفى خداامة..شنو جيت ندير هنا

-دياب:ههه وااط مامتيقش..شنو هااد الصدفة الغرييبة نتلاقاو بعد سنيين وبهاد الطريقة

-ريم:ااه غريبة بزااف يااك..حتى أنا ماكنتش كانظن راسي غانكون هناا..فهاد البيت اللي ماعارفاش فيين

-دياب:وو علاش معصبة حناا كانتكلمو عادي

-ريم:ديااب أناا شنو كاندير عندك هناا..جبتيني لعندك وماعارفنيش شكوون!!..

-دياب:وشنو هاد الطريقة باش كاتكلمي؟

-ريم:وكيفاااش بغيتيني نتكلم..بغيتيني نضحك كييف شحاال هادا هاا؟علااش غانضحك معااك علااش..شكوون نتاا باش نضحك معااك..أناا ماشي مضطرة نكوون هناا ومااشي مضطرة نديير اللي بغيتوو ونضحك فنفس الوقت..علااش كاتعاملو معايا بحال شي دمية..حتى أناا راني إنساانة..خاص نكون حرة فجمييع قرارااتي ماشي هاكداا..كاتلعبو بياا وتسلااو كيف بغيتوو..ملييت..كانقسم لييك حتى ملييت اهئ..الضحكة ولاات كاتخرج بزز..كانضحك وأناا كانبكي..الاا نتا عايش بي

خيير وماعلابااالكش أناا لااا..دوونك بلاش ماتقولي علااش كاتكلمي هااكداا..الحمل اللي هاازة فوق كثاافي ثقييل وبزاااف (بشوفات صاارمة)سمعتينيي

-دياب:واخاا وااخاا فهمتك..غي تهدني..كاالم كاالم..أناا معاك وماعندك مناش تخاافي

-ريم:اوووه لااا نتا مامعاايااش نتا راك معااهوم هوما..بلا ماتبدا تقول كلاام الأفلااام والمسلسلاات التركية..حناا رااه فالواااقع..ااه ومامحتااجااش الشفقة دياالك ماتشوفش بياا بهاد الطريقة حيت نتاا مافاهم واالوو

-دياب:(بصراخ)رييييم..سكتي..سكتيي..ماتمرضينييش وسمعيني..عااارفك دوزتي بزاااف دالمعاناااة ولكن خااصك تسمعي..أنا غانعاونك

-ريم:ههههه

-ريم:أياياااي شحاال من مرة كاانسمع هااد أناا غانعااونك..غادير كييف دينييز وتقولي غانعااونك ومني نتيقك تخدرني وتجيبني لشي بلااصة هاا

-دياب:أناا ماشي هو دينييييز سمعتي

-ريم:وبشنو مختاالف علييه هاا..كولكووم كلاااب ديول هااد العصاابة..الكلااب وبزااف عليهوم على الأقل هوماا كايااكلوش صحاابهووم وينهشو ويلعبو فلحمهووم

-دياب:(هااز يديه عليها ومحمر عينيه فيها)سكتي أناا ماشي كلب..غاتحتارمي رااسك وإلاا..

-ريم:(مقاطعااه)وإلاا شنوو..غاضربني حتى نتااا..بحاال الشمااتة دصااحبك..عقلتي فاش قلت ليك رااك رااجل حيث ماكاتهزش يدك على المرأة ههه..كنت غبية يااك ههه..كنت كانبان ليك بحال شي حماارة بوذنييهاا وغريتيني بضحكتك وابتساامتك وكلامك الحلو..نتاا شيطاان بصفة إنساان..غرني مظهرك وكنتي كاتباان ليك كييف الملااك..كايجيك النعااس بالليل؟ضمييرك مرتااح ونتا داخل معاهوم فهادشي؟

-دياب:(وهو متحكم فأعصابو وكايتكلم تحت أسنانو)اناا ماغانجااوبكش داااباا حيث عااارفك معصبة..انا مااعمري مثلت علييك باستثناء لادروك اللي كنت كانتعاطااهاا وكانقسم ليك فمي بالله مني قلتي لياا قطعهاا عمري تعاطيت..عرفتي علاش سمعت ليك هاا؟حتى أنا ماعارفش..شيحااجة فالدااخل ديالي كانت كاتقولي دير اللي قاالت.. راني بااغي نسااعدك ثيقيني؟

-ريم:(بتنهيدة)واخاا..وعلااش مشيتي بلا حتى ماتودعني

-دياب:أنا مامشيتش غي هاكدااك عندي أسبابي..ماابغيتش نفسد زواجكووم نتي وأشقر ومابغيتش نخسر صدييق عمري..ولكن أنا داباا خاسروو..شحاال هادي ماتكلمناا ولا حتى سمعنا صوت بعضنا..مااعزيتش ماماه وماباركتش ليه ولدوو

-ريم:كيفاش ولدو..فاتي كانت حاملة؟

-دياب:ااه كانت حاملة..وعلى حساب ماقالولي من قبل ماتزوجي نتي وياه..احمم سمحيلي على هاد الكلام

-ريم:علاش حتى غانسمح ليك نتا شنو قلتي..أصلا ماكايهمنيش وكانتوقع من واحد شمااتة بحالو أي حاجة..أووبس عيبت ليك خووك يااك

-دياب:(بشوفات متسائلة)رييم هو شنو دار لييك؟هو قال باللي تطلقتوو وكان كايقول نتي درتي شي غلط

-ريم:ااه اناا اللي درت الغلط..أنا خنتو

-دياب:شنوو..خنتيه..أكيد غي كاتفلاي يااك

-ريم:لاا علاش غانتفلى..علاش غي نتوما اللي كاتخطؤو وتخوونو..الأنثى ماشي من حقها

-دياب:رييم نتي حمقة لاا!؟واش هادشي كااين فييه المساواة..وااش الا هو خطأ حتى نتي تديري بحالوو..رااك غاتخسري مع ربك..رااك مسلمة زعماا ولاا داك الحجااب غيزوااق..أجي ياكما جيتي لهناا وحيدتييه

-ريم:أوو شكون كايتكلم على الإسلام والحجااب وااحد مورط راسوو فالتجارة بالأعضااء..ااه أسيدي أناا خنتوو وبإرادتي..وااه أنا حيدت الحجااب

-دياب:صرااحة كنت واخد عليك نظرة خااطئة

-ريم:(بنظرات باردة)اواا دابا صححها أسيي دياب

شااف فيها دياب بغضب..طلعها ونزلها وابتاسم باستهزاء

-دياب:صرااحة أنا اللي كتاشفت راسي باللي حماار..كاتكلمي على الشرف والكذووب والتمثيل وماشفتيش رااسك

عاد كانت بغات تنطق وخرج مخليهاا وااقفة بوحدهاا وماعرفااش شنوو تدير..هي شنو قاالت دابا ؟

-ريم:(وهي حاطة يدها على فمها)أنا شنو قلت لييه؟أناا راني اتهمت راسي..ااش هاد الحمااقة ارتكبت يا ربي

رجعات جلسات فوق السرير..وهي كاتعض فأظاافرها بتوتر..وقفات كاتدور فالغرفة باش تنسى شوية اللي قاالت..دخلات لغرفة تغيير الملابس وبقات كاتشوف فملابسوو بإعجااب

-ريم:الذوق عندوو خطيير ..سبور وكلااص😍

مشاات فاتجااه العطور والساعات اليدوية..خدات بين يدها عطر وقرباتو لأنفها..استنشقااتو وبقات سادة عينيهاا بارتيااح

-ريم:الله شحاال زويينة..(كاتشوف فالعدد الكبير للعطور على الرف)جاامع الروايح دالدنيا كولهوم تقول كايدوش بيهوم

مشات خطوات فاتجاه الساعاات وبقات كاتشوف فييهوم بإعجااب..

-ريم:Wow perfect 👌..ولكن بلااتي علاش مافيهومش نفس التوقييت..أويلي وحدة 3 وحدة 4 وحدة 9 كيداار ليهاا(دلات شفتها السفلى للأسفل)العجب

قبل ماتخرج من تماا لمحاات الكاميرات محطوطين فالركن..قربات منهوم وجلسات على ركابيهاا..تفكراات فاش كانو كايتصوروو مع بعضهوم ودوك الصور الغريبة العجييبة فالسيارة..

-ريم:اخخخخ على أياام شحال كانت زوينة..خاصني نقوليه يعطيني دوك الصور..يكون مسحهوم!؟

خرجات من الغرفة دالملابس ومشات فاتجاه باب الغرفة..حلاتهاا وخرجات ببطء..كاتمشى حفيانة وشعرها كايتحرك من وراءهاهبطات للأسفل ولمحاتو فالصالون جالس وأمامو حاسوبو الشخصي..لابس نظارات طبية ومركز فشغلو..ورغم أنها كانت كاتمشى وبدون ماتصدر صوت..تكلم وبدون مايلتفت ليها

-دياب:همم شنو خاصك أريم؟

شهقات ريم بخوف ونطقات

-ريم:خخ خلعتيني..مليت فالغرفة بوحدي..نقدر نجلس حداك

ماجاوبهااش ورغم ذلك هبطات وجلسات حدااه..عارفاه غايكون مقلق..جلسات فنفس الفوطوي ديالو..دار شاف فيها ببرود ونطق

-دياب:رااه فوطوي أخر..مزيودة فالزحام

-ريم:ااه تزاديت نهار الإثنيين وكان الصبيطاار عااامر (شااف فيها بمعنى من نيتك)ماتشوفش فيا هاكدا بصااح والله

شااف فيها دياب وجمع فمو وكأنوو ذاق شيحاجة حامضة..عاد بغا يتكلم وعي تنطق وهي كاتشوف فحاسوبو

-ريم:اييه اييه حامضة عاارفة..شنوو هادشي كاادير

دور دياب وجهو للحاسوب وتكلم

-دياب:الخدمة ماغااتعرفيش فهادشي

-ريم:شنو زعما كانبان ليك مكلخة..راني طبييبة أسي

-دياب:(وهو ماكايشوفش فيها)متشرفين ماكانش فخبااري

-ريم:واصاافي ماتقلقش مني وتجااهلني..داكشي اللي قلت ماشي بصااح..أنا ماخنتووش وهاديك كانت غي لعبة داروهاا لياا

تلفت لعندها وشاف فيها بتساؤل

-دياب:كيفااش لعبو بيك..يعني نتي ماخنتيهش

طلعات ريم حواجبها بمعنى لاا..شاف فيها دياب وبدون مايشعر خرجات ابتسامة من فمو وجمعها بسرعة فاش تفكر أنو مقلق زعماا..

-ريم:صاافي راشفتك فاش ضحكتي..داير فيها مقلق زعماا..أنا اللي خاصني نتقلق منك حيت مشيتي وخليتيني وزايدون مااخصنيش نكون كانتكلم معاك هاكداا ونتا خدام معاهوم

-دياب:أولاا أنا ماشي معاهوم أنا باغي نعاونك ثانيا راقلت ليك الأسباب اللي خلاوني نمشي من المغرب وااه مقلق منك حيث ماخليتي مااقلتي فياا عاد شي دقاائق هاادي..وحمدي الله حيث رااجل وماكانهزش يدي على الجنس اللطييف

-ريم:بصااح..إواا اعتاابرني من الجنس الخشن(بغمزة متسائلة)نتعااركو شنو بان ليك

-دياب:هوو واثقة فراسك بزااف!!

-ريم:(كاتسوس أكتافها بتعجرف)هذاا من فضل ربي

-دياب:اييه يالااه نوضي

وقفو أمام بعضهوم وهوما كايشوفو فبعضهوم بحدة..ضحكو منظرها وهي فداك اللباس الواسع وشوفتها الشريرة

-دياب:هه ناري كيف كاتبااني هههه

ماخلاتوش يكمل ضحكتو وهجمات عليه لفمو بضربة قوية خلااتو يرجع للوراء بقوة وهو شااد فمو..طلع راسو فيها باغي يتكلم وهجمات عليه من جديد وملامحها ظاهر عليهوم الغضب..بعد راسو بسرعة كبييرة وجات الضربة ديالها فالخواا..ماخلاهاش تهجم عليه مرة ثانية..شد يدها ولواهاا..الشيء اللي خلاها تطيح فالأرض بقوة وهي كاتأوه بألم

-دياب:ماكانش كايصحابلي كاتغدري هاكداا

طلق منها فاش شافهاا كاتأوه بألم كبيير ورجع ماشي فاتجاه المطبخ..حتى حس بيد جرات رجلو بقوة وخلاتو يطيح فالأرض بقوة و راسو يرتاطم مع الأرض..جلسات فوقو بسرعة وهي شاادة يدييه

-ريم:(بنظرة شريرة)داباا يمكن تقول علياا غداارة هه

-دياب:صاافي طلقي..ماباغيش نضربك ونحكر علييك

-ريم:(دلات شفتها السفلى بمعنى بصاااح)إواا غي حكر إلا قديتي..بغيتك تقول داباا #المجد_للنسااء_وليذهب_الرجال_للجحيم

-دياب:ههه شنوو صافاا شوية؟

ضغطات على بطنوو بقوة بركبتها ونطقات من جديد

-ريم:المجد للنسااء كمل

-دياب:(وهو كايمثل الضعف)وليذهب الرجاال للجحيم

ظهرات ضحكة كبييرة فوجه ريم..خلاتو يبقى سااهي فيها وكايشوف فغمازاتهاا وفمها بهياام..لاحظات شوفاتو وتوتراات وجمعات ضحكتها بسرعة

-دياب:(وهو كايشوف مباشرة فعينيها)علااش جمعتي الضحكة..ابتاسمي(بهمس)بلييز

امتثلت لطلبو وابتاسمات من جديد ليه وهي كاتشوف فعينيه وفابتسامتو هو الأخر

-دياب:هااد الحفيراات اللي فخدودك..لو أنهوم يحبسوني تماا غايكون أحسن سجن بالنسبة ليا..لو أنهوم يقتلوني غاايكون أحسن قبر ليا صدقيني

شافت فيه ريم بتوتر ومن بعد ضحكات بقوة

-ريم:كاتعرف تمثل ههه اشمن قبر ولا حبس

ماضحكش أبداا دياب وبقا كايشوف فيهاا بدوك النظراات ديالو..اللي كايخليوها تتوتر

-دياب:كاانتكلم بصااح

-ريم:ااه حتى أنا متيقااك..

طلقات من يدو وناضت وااقفة بسرعة..

بقا هو متكي لثواني وكايشوف للأعلى ومن بعد نااض واقف هو الآخر..

-ريم:إواا أسي ديااب غااتخليني بالجووع

-دياب:لاا ضروري نديرو العشاا

دخلو للكوزينة مجموعين..مشا حال الثلاجة وبقا واقف كايشوف فيها ويطبل فبابهاا

-دياب:بفف ماعرفتش أش غاندير

بقات ريم ماتشوف فيه بإعجاب وهي مبتاسمة وكاتطلع وتهبط فجسموو الرياضي بامتياز..زاد ضخاام على أخر مرة شاافتوو..كان لابس سروال سورفيت وقبية ديالو وداير القب على راسو و شعرو خارج من الأمام وفرجليه لابس تقاشر قصار

-دياب:رييم رامعااك داوي..قلت ليك وااش عندك شي فكرة للعشاا

-ريم:(فاقت من سهوتها)هاا اا دير الحريرة

ضحك دياب بخفة ودغيا جمع ضحكتو

-ريم:علاش ضحكتي

-دياب:لاا والو غي تفكرت شيحاحة وصافي

-ريم:الله يستر..ديااب..عقلتي فااش عاودتي لياا ديك النكتة الحاامضة ديالك

-دياب:لاا شنو كنت قلت؟

-ريم:همم نسيتي..واحد بغا يضور الحريرة وداها للمدينة

-دياب:هه أنا قلت هاد الحموضة نوو وااي

-ريم:مم نتا قلتيهاا..أكيد غاتكون نسيتي سنوات دازو..أنا اللي عندي الذاكرة قوية وكانساش لافوط ماشي منك

-دياب:اااه يمكن..الكاارط مير عندك كبيرة

-ريم:اييه أناا ريم ماشي الكومبيوتر ديالك

-دياب:ههههه

-ريم:فينوو بااسل؟و ألباان

-دياب:باسل عند جدااه فألمانيا غايدوز عندها شي أياام..ولكن بلاتي نتي عااقلة حتى على ألبان

-ريم:اييه راقلت ليك كانعقل ماشاء الله عليااا وتبارك الرحماان..عندي ليك وااحد السؤاال محيرني؟

-دياب:كون كاان البحر مرقة شحال من خبزة نحتاجو ههههه

-ريم:هاديي عاقل عليها

-دياب:أصلاا عاقل على كولشي متعلق بيك..(وهو كايشوف فعينيها)كيفاش غانسى همم

-ريم:(بتوتر)اا ااه مزيان

-دياب:اشنو هو السؤال؟

-ريم:هاا اشمن سؤاال؟

-دياب:(بضحكة جانبية)هه السؤال اللي محيرك

-ريم:ااه..علااش الساعات ديالك مختاالفين..يعني مافيهومش نفس التوقيت

-دياب:مم مني كانمشي لشي بلااد كاندير التوقيت ديالها..وماكانبدلوش..الساعة اللي داير دابا خدامة بتوقيت بولونياا

-ريم:كاتساافر بزااف سعداتك

-دياب:ماكانمشيش ندوور كانمشي نخدم..أجي شنو بان ليك نديرو سفر ندوروو العالم

-ريم:شكوون..يعني أنا ونتاا نسافرو

-دياب:اييه علاش لاا خاص غينحلو هاد المشكل وغانصيفطك للمغرب ومن بعد غانتبعك

-ريم:بصااح..نتا غاتبعني

-دياب:ااه غانتبعك مايمكنش نخليك مرة أخرى..وأصلا توحشت المغرب

-ريم:حتى هو توحشك

-دياب:ربي ربي هه

-ريم:ههه حمق..ديااب عندك شيحاجة مانلبس هادشي معنكشني

-دياب:سيري لحوايجي وهزي شيقاميجة ديالي ولا تيشورت

-ريم:هااا نلبسها بوحدها صافاا شوية..باغي تدير ليا بحال داكشي دالمسلسلاات ألساافل

-دياب:اواا ماعندي ماندير ليك ياكما غاتلبسي سروال ديالي

-ريم:ااه غانلبسو..(معوجة فمها)براكة غي شعري اللي شفتي

حط اللي كان هاز فيدو وجا فاتجاهها..قرب منها وتكاهاا على الحيط

-دياب:نتي ماحيدتيش الحجاب يااك؟(شد فخصلة من شعرها وبقا كايلويها فيدو)يعني حتى واحد ماشاف شعرك من غيري..حتى راجل

-ريم:(وهي كاتشوف فعينيه ونطقات بصوت ضعيف)همم حتى واحد ماشافو..من غيرك

ابتاسم دياب حتى بانو غمازاتو من تحت لحيتو الخفيفة..شد وجهها بين يديه وقرب فمو لجبهتهاا..باسهاا بحناان وهو ساد عينو..وهي الأخرى كانت سادة عينيهاا وشادة فيدو..بعد من جبهتها ببطء وبقا كايشوف فيها وكايدور عينو على كااع ملامحهاا..هبط عينو فاتجاه فمها وتكلم

-دياب:(بهمس رجولي)غاتسمحيلي..ولكن من ديما وأنا باغي نديرهاا

ماخلاش ليها الفرصة تتكلم وتستفسر وانقض على شفايفهاا بسرعة ..كايقبل فيهوم بكل حناان..وكايتلذذ فمذاقهوم الحلو بالنسبة ليه..

علاش ماقادراش؟علاش ماقادرااش تبعدو منهاا..فايت أشقر قبلهاا وسرق منها أول قبلة ليهاا ولكن هي ماخلاتوش..هي ماستسلماتش ليه بحال هاكدا..هي كانت دفعاتو وماخلات ماقالت فيه..شنو اللي تبدل داباا..علااش هي كاتخس دابا بحال اللي مخدرة..ماحساتش بنفسها حتى حاوطاات عنقو بيدها..وكأنها عطاتو الضوء الأخضر..بدأت قبلتو كاتحول من الحنية للعنيفة وبشكل تدريجي..دور يدو على خصرها وزااد كايقربها منو أكثر..وكأنوو باغي يدخلهاا للداخل ديالو..وكأنوو باغي يقولهاا نتي ليا وبس..ابتعدت منو وهي كاتنسف وتنهج بقوة ومهبطة راسها للأسفل وماقادراش تشوف فيه..حط جبهتو على جبهتها وسد عينيه وكايتنفس هو الأخر بأريحية..بعد من جبهتهاا وباس فوق أنفهاا وشد فكها بخفة بأصابعو وطلعوو ولكن رغم ذلك عينيها كانو موجهين للأسفل وماقادراش تشوف فيه..خدودها كانو كحبات الطماطم من كثرة خجلها باللي دارت..وصلات بيها الجرأة أنها تتجاوب معاه هاكدااك..ابتاسم دياب وهو كايقيس فخدودها بأصبع سبابتو

-دياب:(بابتسامة خفيفة وتكلم بهمس رجولي)قبلة دارت فيك هاد الحاالة..حرارتك ارتافعات وماقادراش تطلعي فيا عينيك..يخليلي الخجلاانة ديالي وعيوون الخجلاانة وخدوود الخجلاانة..شوفي فياا..(بضحكة جانبية)هه ماغانكلكش تطلعي عينيك فيا..ماتحرمينيش من عينيك

طلعات فيه ريم عينيها ببطء وشافت فيه..كان مصغر عينو ومخلي شوفاتو يتجولو فوجهها كلوو..عويناتو كايرمش فيهوم بزااف ورموشو حتى هما كايتحركو..

-دياب:السووفل عندك عياان ألسااطة هه

خرجات ضحكة من فم ريم وجمعاتهاا بسرعة وبعدات منو..وهي كاتلعن نفسهاا على الشيء اللي داارت..هو دابا راغايزعم عليهاا..هي فدارو وشكون عرف يطلب منها أكثر..

عضات شفتها السفلى وخرجات عينيها بصدمة..ودارت كاتشوف فيه كيف كان واقف وجامع يدو لعندو وشعرو المخربق هاابط على عينوو..رجع القب اللي كانت حيدات ليه ورجع كايشوف فيها بابتسامة..عاد كان بغا ينطق وهي تتكلم

-ريم:(بنظرات حادة)أخر مرة تدير هااكداا..أخر مرة

مرر دياب لسانو على شفايفو وجمعهوم ..ثم قال باستهجان

-دياب:همم نحاول..ولكن مانظمنش ليك

-ريم:نتا راك كاتستفزني فهاد اللحظة..وأنا معاملتي للشخص المستفز ماغاتعجبكش لتكن فعلمك

-دياب:همم اواا وشنو نقولوو على الكلام اللي قلتي علياا ها؟ماتكلميش على الاستفزااز أنسة مستفزة

بعداات ريم عينيها من على فمو..ولا نقولو على الجرحة اللي فيه وقالت

-ريم:أناا قلت اللي عندي ماتحااولش تعاودها أنا ماشي من داك النوع اللي فبالك..الا ناوي تستاغلني من الأحسن ترجعني للعصابة..وزاايدون ماغاتكونش مخصوص من هاد الناحية..تبارك الله الجرح بااقي جدييد..يمكن نقول عاد دازت عليه 3 ساعات ماكسيموون

قاس دياب الجرح اللي فجانب فمو وتنهد بقلة حيلة..غير الموضوع كيف عادتو وقال..

-دياب:ماعرفتش واش غاتصدقيني ولا لاا ولكن..من الأياام دالمغرب كنت باغي..احمم المهم

حك دياب راسو بإحراج ورجع تكلم

-دياب:كنت بااغي نبوسك بخال هاكدا..كنت باغيك لياا..ماتفهميش غلط أنا ماشي ساافل ومانطمعش فامرأة مزوجة وبواحد الشخص اللي كانعتابرو خوياا..ماشي من مباادئي..ولكن ماعرفتش كيفااش..كنت كانحس بواحد الإحساس اتجاهك فشكل..تخيلي كانو كايجيوني أفكار أنني نقتل أشقر وناخدك لياا..هه أكيد غايصحابليك باللي أناا كذااب ولا حمق ولكن والله ماكانكذب عليك..النهار فاش مشيت..فقت فالصباح بكري..مشيت لغرفة أشقر باش نشوفك لأخر مرة ولكن مالقيتكش..وو مشيت للغرفة للي حداهاا ولقيتك نتي وأشقر ناعسين..فحضن بعضياتكوم..

ولكن اللي فبالو ماشي بصااح..هو خاصو يعرف ..هي خاصهاا تبين ليه..ولكن علاش؟ماعرفاتش علااش المهم خاصو يعرف وساليناا

-ريم:اا لاا لاا اللي فبالك ماشي بصاح..أنا..ديك الليلة ماوقع بيني وبين هادااك لل(سدات عينيها وهي كاتحاول تتحكم فغضبها)وصاحبك..

-دياب:ااه عارف

شافت فيه ريم بتساؤل وقالت

-ريم:كيفاش حتى عارف

-دياب:همم حيث كنتي لابسة الحجااب..أكيد ماغاتكونيش فقتي بكري ولبستي حوايجك ورجعتي نعستي..ولو كنت مكانو ماكنتش غانخلي حتى قطعة ثوب على جسمك..

شافت فيه ريم بغيض على إثر سماعها لأخر جملة نطق بيها..قال ماشي ساافل قاال

-ريم:ماتبقااش تكلم هااكداا

تجاهل دياب كلامها من جديد وقال

-دياب:همم اواا نتي دابا راك طلقتي منو يعني مابقاش قدامي حتى حااجز..عاارف كنتي مزوحة..وأكيد عشتي معااه كأي زوجين عاديين وعطيتيه جسدك..ولكن ماكايهمنييش صدقيني..كانقسم ليك ماكايهمنيش..الماضي كايبقى ماضي وطالماا عطيتيه شرفك فالحلال بالنسبة ليا نتي باقي شريفة..سؤاال اللي محيريني داباا..نتي قلتي شعرك أنا أول راجل نشوفو..كيفاش هو راجلك وماشافش شعرك..يعني ماكاتحيديهش ونتي..امم زعماا فاش كاتكونو كاتت..

ماخلاتوش يكمل لأنو أكيد غايقول شي كلمة ساافلة كأفكاارو تماماا

-ريم:أنا ماكانكدبش هو ماشافش شعري..خيت هو أصلاا..مم ماكانش راجلي..يعني ماكناش مزوجين

-دياب:هه كيفاش زعما؟عايشة معااه فداو ونتي مامزوجااش بيه أش هااد ال***

-ريم:ماتخسرش الهضرة..حتى دابا راني معاك فدارك وحناا مامزوجينش

-دياب:ريم ماتخلطييش الأموور..راك عارفة علاش كانتكلم..نتي عشتي معااه هااكداا بحاال اللي مزوجين ونتوما مامزوجيينش وكاتكذبوو علينا..

-ريم:لاا نتاا عقلك فمؤخرتك صرااحة..وارااقلت ليك ماوقع بيني وبينوو والوو وزاايدون علاش كاتغوت علياا شكون نتاا اللي تحاسبني؟

ماجاوبهاش على سؤالهاا وسولها هو الأخر وهو كايحاول يتحكم فأعصابو

-دياب:كيفاش حتى ماكنتوش مزوجين..(شد فيدهاا وشاف فيها مع ابتسامة)عاودي ليا واخاا؟

كانت معصبة وفور ماشاافت ابتسامتوو تهدناات وهدآت أعصابهاا..بالله هاداا نوع جديد من المخدراات اللي كاتصادفهوم فحياتهاا..سنواات دراستهاا الطب والجرااحة ورغم ذلك عمرها صادفات مخدر بهاد المفعول بحال هاد الأخ اللي أمامهاا واللي كايشوف فيها فهاد اللحظة بكل ترقب لكلامها وللجواب اللي غاتقول وبكل فضول..تنهداات وقالت

-ريم:هو كذب علياا..يعني أنا كان كايصحابلي مزوجين بصااح ولكن كان زواج مزور..كان متافق هو وماما وخالي..ومن بعد تيق كذبتو وولا كايلعب دور الزوح المغياار والعصبي..

-دياب:همم كان كايغير مني

-ريم:لا هو ماكانش كايغير..كان كايوهم نفسو بأنو كايغير علياا ولكن ماشي بصح..هاداك شخص مريض فعقلو

كان دياب كايشوف فيهاا ومتبع كلامها وفور ماجاتو فمرة فبالو تحولو ملامحو لغضب..لدرجة عروق جبهتو برزو..

-دياب:هو مادار ليك والو ياك..عمرو قاسك ولا تهجم عليك..(من تحت سنانو)جاوبي ماتجهليش دينمي

شااف ريم غضبو الواضح..وبكل صرااحة منظرو خوفهاا..كاتشوف فيديه الضخمة..ضربة واحدة منهوم غاتصيفطهاا تسرح عجول الآخرة..حاولات تبث نفسهاا وتخفي خوفها وذعرها منو وقالت

-ريم:لا هو ماقاسنيش..أجي بعداا..نتا علااش مدخل راسك فهاد الأموور..بصفتك شنوو

شاف فيها دياب وحمر فيهاا عينو لدرجة عبطات عينيها للأسفل..تجاهل سؤالها من جديد

-دياب:نتي غي كاتكذبي هو قااسك ياااك..هو تقرب منك ولا ضربك همم

-ريم:والاا كان داارها كاع شنو غادير همم..غاتشد الطيارة وتمشي لعندو تحاسبو على اللي دار فياا والظلم اللي ظلمني هادي سنوات هاا!!

-دياب:إذاا هو ظلمك يااك..شنو داار قولي

اخخ هاهي من جدييد فضحات نفسهاا بنفسهاا..عوجاات فمها وقالت

-ريم:هااد اللساان خاصو يتقطع

-دياب:تكلمي شنو دار فيك

حااولات تجاهل كلاموو وصدق لصااق وماغايتفك معاهاا حتى تكلم

-ريم:اووووه سيد متجااهل..حتى أنا من حقي نجاوب على السؤال اللي بغييت

-دياب:(بابتسامة صفراء)مانزيدش كلمة شنوو داار فيك أشقر؟

تنهدات ريم بقلة حيلة وقالت

-ريم:هه ماشي شيحااجة..استغل مون حتى واحد معاياا بعد موت بابااه وولاا كايحكر علياا..ولا باغي حقو كزوج..ههه صراحة كانتفكرها كاتجيني الضحكة..هو أصلا ماكانش راجلي هههههههه

-دياب:ونتي عطيتيه جسمك هاا؟

-ريم:(ببرود)مم ااه عطيتو

*عييت معاها تدير عقلهااا 😑*

يتبع..

عشق النوارس الجزء التاسع

محتوى القصة

التنقل بين الأجزاء