قسم جمعات فيم ديالها وبدات ترمش بعيوناتها ودارت لراسها السكاتة ففمها زعما باش ماتبكي كتلاهي راسها براسها وبدات ترمش ببرااااااءة خطييييييرة لان عارفة راسها بهاد النظرااات كتتتسلك من شي قتلة .... ولامار كتعرعر و تتنتف فراسها
لامار : اوا يااااابنيتي لابقات فيك انا مااااشي لامااار هاااهووو طااالع لمك هااااهوووو .... ماااتحركيش منهنا تايطي لي كيعرف لييييك تههبطي منهنا نغزززك بين سنااااااني بهاد الاعصاب لي ركبتي فيا هاد الصباح .. كاتتعررري طااااطاح ؟؟ غااانديرهااالك... واااابلقي فيااااا
قسم غي كترمش و مكمممشة كي شي قطة خيفانة ومشاات لامار بززربة تدخل لديريسنغ وهي تتهزز حتا لفوووق و تتلاحت للارض على طططرمتهاااا ... زمطااات على البيبروووون ومشاااات بيهااا .. وقسم بداااات تتتضحك بجججهد على داك الزززلقة و لامار قربات تبكي شادة على جنبها وداك اليبرون كضووررر فبلاصتهااا هزااتها ضرباتها مع الحيط
لامار : عععععععععععععععع .....مااااضربني حد على يدي فشلوووووفي كلااااااااااني و الزززملة دارتهاا بيااااا .... بقااا ياااكل يااااكل ياااااكل تااااولدت عصاااااابة ماااشي بنت ......ايييييييه اماما ايييييه كككبرت وووللدت وفهمت بلي جارتنا الكبيرة لي كانت ديييييما كتغوت راه ماشي مشيرة كيف كان يحسابتنا ... راه غاااااا وااااااالدة ...
نااضت لدريسينغ عوجة شادة على جنبها و قسم كتضحك حسابتها راه كتلعب معاها ... ودخلات تقلب ماتلبس تاني تاشافت باب دريسينغ تجراااات
اسد : مااازالا ماااالبستي
لامار : ( هزات واحد بوشيت صغيرة دالحديد) غاااانعطيك بهادي لراااااس .. تحااااميتو عليا لانتا لاااا للعنزي دبنتك ... على هي خلاتني نلبس سير نشوف كي دارت لي لحوايجي
اسد : وفين هي نهبطها !!
لامار : راها على سرييير ماشتيهاش
اسد : على هي غاتبقاليك تما ..
لامار : اولي ! راه بقاالي غي نررررربطها مع رجلي زعما قتلييها متحركيش .. وسيير دابا دييرها فمختفون
سفيان : هاد نهار غايخرج مني داااك راحة كاملة .. يالاه بسلامة ... ( ناض وشاف عند قسم كيدير ليها بسلامة ) باايباااي الحووب
لامار : سربي سررربي دغيا قبل ماتبعك
مشا شد لباااب
مشا سفيان وهي غارقة تالراسها مع ااوراق مرة ترضع قسم مرة تبدل ليها وترجع تكمل تااقرب وقت الغدااا.. و اييس طلعو ليه لي مكلفين المقوتة ديالو وخشاوه فواحد الكوان باش ماتقربش ليه قسم فاش يكون كياكل تاكمل و غسلو ليه من الدم و كيضربو ليه حقن ففمو دالتعقيم من بعد كل وجبة حيت قسم ديما كتخشي ليه سكاتتها ففمو خصو ديما يكون نقي...عاد خرج تكسل حداها فاش كياكل كيترخا كيبغي ينعس مكيهز لا يد لا رجل عيات تضرب فيه ينوض يلعب معاها وتعرنن والو غي كيحل ففمو وعنيه ثقال .. جاها موت دالملل تسارات المكتب كامل .. ماداها فيها حد كوولشي مشغوووول ليوما بزاااف .. وهي تفتح لبااب دخلات حيااة هازة شي وراق شافت لباب تحلات ولمعو عينيها ومشاات كتحبو بزربة كي سراق زيت ..وضضحك خرجات .. مااشية نيشان لقات ساانسورر تحل ودخلات فيه .. مع كولشي واقف كسشوف غي لفوق مكيشوفش مع رجليهم شكون كاين وهي مكمشة .. وتخشات بين جوج ...بنت وولد هازين لي طابليط ...وكل واحد كيشوف فقنت .. و هي تككلس ولاحت داك سكاتة من فمها مع كاالسة وسط رجلييين ديال داك لبيت وهي لابسة غي ميني وكطل عليها من تحت كيبان ليها داكشيHD
بدا كيبان ليها السقلي ديال ليباموص كيلمع .. وهي تعلي يديها نتفاتها من فخدها لي فجنب الراجل وخطفات يديها وداك لبنت ضارت عند داك الراجل ..خنزرات فيه وهو مافهم ولو ... ورجعات قسم تااني كتجبد سقلللي وتشوف فيدهااا كيلمع.. من بعد دقيقة تحل السانسور فالغيد شوسي لي خاص غي بالتقنيات ومراقبة الكاميرات .. وفيه غي التقنيين والمعلوماتيين وتقريبا كولشي خارج فالبوز ديال الغدا ... وهي تخرج قسم كتتحبوو وداك البنت كضرب فداك الراجل بالطابليط وهو مسكين مافاهم والو وكتعاايررر فيه اما قسم مشاات كضور وتشووف وتستكشف بداك العوينات كتحبو تادخلا لواحد لاصال بانتها محلوولة ودخلات كلساات حداهل غي قوة البوطووون و السلووووكة وهي تبان ليها واحد لابواط دييال لبوطون شاعلين كيعطيو ضووو عجبها المنظظظرر ومشاااات تاني كتحبوو تاوصلات لتما كتتمد يديييهاااا تجبدهها عنها والو وبدات تجبدها من الخيط تاطاحت فالارض تهرساااس وهوما يوقفو سااانسورااات اما وحدين ولاو طالعييين هبااااطين بزززربة وناس كتغوووت وهي تمشي بانتليها بواط اخرى بدات تتكي على داك بطون وعجبها داك الصوت لي كيصدرو فاش كتكي .. وهوما راه خاصين بالبيان الواحد تاكيكون داخل وكتتتشد لبااااب فووجهووو وتترجع تحححل وهي كتصفق وتضحك وروييييينة نايضة فالشركة السانسورات نعلقين ووحدين طالعين هابطين بلا ماتفتحو لبيبان مع كيبانو فالسوط حيت غي ديال زاج كيبانو لناااس . ولبيبان كيتحلو وكتشدو فللخر تشدو نيشااان وطيكنيسيان لي كان مشا يتغدا عيطو ليه يعععتق دغياااا لقا لباب مشدوووودة لغوااات و الروينة ... وتلفازات ديال الاشهارات ولاو كيكفاااو ويشعلوو فللخر بدا يبان فيهم غا تشااااش .... ملات من داكشي وخرجات كتحبو تاني تما عاد دخلووو لي طيكنسيان كيجريو غي منلي كانو فريسطو دالشركة مالوخرين تشدو عليهم لبيبان برا .. يفكو دغيا الجررة ... حلو غي لبيبااان ما تالبواط دالسانسورات خسرااات عاد كيصلحو فيها ظغيا قبل لايجي اسد يحيح ... وناس بداو يدوزوهم فسانسور الخاص بلانار خيت هو لي بقا خدام .. وهو يهبط نزلو نااس يشوفو اش واقع وهي تطلع فيه وصل بيها لطابق الثااالث لخاص بالفرشات وكولشي كييييجري يشوفو اش واقع ... فديقة تقلبات الشركة سفاها على علاها ... دخلات لتما وطلعات على واحد الكرسي كي تاتا .. لقات تما بيرووو عااامر بوطون تاهو بدات غاكتكي لبوطونة لي شعلات تكي فيها . تاتحلو القفوووصا ديال الفراااشات كانو د زاج وغير اغغغغلى انواع الفرشات النااااذرييين .. و موطدين لكليان ديالهم لي شوية وغايوصلو غي قفص واحد بالملاين ... لانهم من نوع الزجاجي لي كياخدو لون داي حاجة تحطو فيها تطططلقو كااااملين لقاو الحرررية وهي كتتتصفق عجبها المنظرر وكتلعب نعاهم ونزلات على لكرسي تااابعاهم وهوما تبعثرو ووحدة كانت داخلا شافتهم وهي تووقف و غوتاااااات بججهد كاااارثة عضمى .. وقسم لقات سانسور تحل ومشات طلعات فيه تاكلع بيها لطابق فين كاين ماماها لقات كاتبة عندها لداخل و لباب محلولة ودخلااات مشاااات لبلاصتها كتقلب على سكاتة ديالها فين لاحتها و لامار باقا واغلة مع وراقها مارداتش ليها لبال .. ولتحت الرونية سانسورات باقين معلقين وناس كتغوت والبواق ولا فيهم واحد الصوت كييييصمك ولبيبان كيتشدو وكتحلو بزززززربة و ناس تابعيين الفرشااات بواحد الشبكة القيااااااامة والبعلوووكة تكمشات وسط مخادها ناعسة على ايييس معليا رجليها عنها حيدات صباط كتمص فيهم حيت والو سكاتة ...
وصل اسد لشركة باركا طموبيلتو ونزل كيشوف لتييل داخل لشركة هو يلقااا الموظفين دايرين بارارج فلباب كي حارس المرمى و هازين شباااكي بقا غي كيشوف فيهم وواحد كيومي ليهم بعينيه زعما راه موراكم وهوما يضورو مفزوعين ... جمعو راسهم دغيا وحيدو من الطريق ودخل كيشوف معاهم والرونية لي واقعة .. تلفازات طافيين وناس كولها كانت كتجارا غي شافوه كولشي وقف فبلاصتو .. وسانسورات معلقين حيت كايبانو فالوسط .. كولشي مقربل من غير سفيان وحياة ولامار وبعض الموظفين لي ماجايبين لدنيا خبار حيت خدامين فالطوابق لي كاينين لفووق كاع ..
لامار : اء ؟؟؟؟ اويلي لبنت كانت غي هنااا ماااتحركاتش
اسد : على نتي فاااش كتخشي داك الرااااس كتشووفي شي حاجة .... على شكون كيدير الكوارث من غير بنتك غي قولولي
لامار : اوويلي شواااقع؟؟؟؟؟؟
لاح داك السكاتة وخرج معععصب ... جات سناء علماتو بلي لكليان وصلوو ماعرفو كديرو يشرحو ليهم بلي الكوموند فسدات . ومشا هو بنفسو اول مرة يتلقى شي كليان .. هادوك غي شافوه نساو لفرشات .. كانو باغينها لواحد حفلة مدرسية من المدارس الكبااار باش يزينو بيهم .. وحاول يتفاهم معاهم وعطاهم نوع اخور دغيا قنعهم .. ومشاووو فرحانين غي لي تلاقاو معاه بنفسو ....
ورجع هبط لغيد شوسي دخل على التقنييين كيستفسر اش واقع .. وهوما كيهضرو ويقفقو لانو داير واحد تخنزيرة خطيرة ديال يشتتهم كاااااملين ومتحكم فأعصاابو بمشقة النفوووس .. طلعو ااتسجيلات وكلس كيتفرج وكولشي متشوق يشوف شكون هاد المجرم لي دار هادشي فالشركة شي كيقول زكاااارة شي كيقول راه عدو .. الا اسد لي شبه متأكد شكون ... حتى كطلع غي الجن د قسسسم .. واسد رجع بلوور على لكرسي شااااد رااسووو كيفوووررر .. وكوولشي صققققل .. تاباانت ليهم لامار جااااية... لي فاش مشا اسد بداك طريقة خلا فيها لفضول ونزلات قالوليها شنو كااااين وتبعات اسد ... دخلات لقاتهم مجموعين على لكاميرات
لامار : اش وااااقع شكووون دار هادشي ؟؟؟؟؟؟
اسد ووما لهادوك يخرجوو وشدو لباب موراهم .. وبقات غي هي وياه وجرها من يدها .. دوز ليها اللقطات وعطاها تفرج من a حتى ل z وهي شادة على فمها وشافت عندو لقاتوووو مخنزززرر مععلي حاجبو ...
لامار : ااسد ... و والله مااااارررديت لييييهاااا لبال كنت مشششغووولة بزااااااف ... ماعرفتش كيدارت فلتاات ... حسابتني كتتتلعب مع آيسسس .... فففففف كيفاش مممت انااا كااع قد هاكدا
اسد: (ببرودة) دابا كتقوليلي نشد عليييك فدار ونحلف هاد الشركة لاحطتي فيها رجليك وصافي ياك ؟؟؟؟
اسد : دددرتليك انا السيف على عنننقك تخخخدمي ... ياك راها غيحدا عيييينيك ماشي كضربي عليها كريق تشوفيييها ... وااااخا تكوني ميييينة غااتشوووفيها خااارجة مع لبااااب وحتا الى ماااشتيهااااااش .. غاتلاحضي الى مكاايناش .. كون كانت بنتك عندك فالببااااال كون راك كل سووكوند كطلي عليها واااش كاااينة ..... مااااشي نتس مييييتة كاع مكااايناش فهاد العالم دخل ولا تخرج .. اااه عندد الخدمة خدميها ولاكن عنيييك عليها راه محطوووطة غي حدااااك ... وعندك الزهههر .. عندك الزهررررر مطراااااا ليها واااالو ... ماااناا كون ورييييت طاااااسيلة مك شششغلك داك ساااع ....
دفعهاا وزاد خرررج مععععصب وهي كلسااات كتتتتتبكي شاااادة على راسها .... وهو طلع فالسانسور خرج لبيرو هو يتلاقاه سفيان يالاه بغا يهضر لقاه مشاااا كييييف الرييييح وسفيان هبط ... ولامار فداك لاصال كتبكي حتا دخل عليها سفيان
سفيان : لاااماررر ؟؟؟؟؟ ماااالك اختي!!!! ( هبط عنها )
لامار : ( كتمسح دموعها ) وااالو والو
سفيان : واش بسباب هادشي لي طرا ! يالاه قالوهالي ... عادي عطب تقني كيوقع فاي شركة ... و ليبابيون غايتعوضو .
لامار : ر رااه .. رااه ( كتتتهضر وتشهق ) ق قسم لي دارت هادشي
حبيبي الأصم الجزء 193
محتوى القصة
التنقل بين الأجزاء